جميع الروايات كامله

 حورية_الصعيد

البارت_التاسع والعاشر بقلم يارا عبد السلام 

عند نسرين 

كانت بتعيط من الغل:بقى يسيبنى أنا ويروحلها هى

الجربوعه دي ..

وفضلت تصوت وترمى كل حاجه على الأرض وبعدين مسكت ازازه وقطعت بيها شراينها...

مي سمعت صوت تكسير كتير طلعت تشوف في اي لما دخلت اوضة نسرين اتخضت واتفاجئت من اللي شافته..

كانت بيصرخ بأعلى صوتها وزين جه وادم سمع الصوت خرج وساب حور اللي خرجت وراه..

الكل دخل وشاف نسرين وهى سايحه في دمها..

زين :هنعمل اي يا آدم..

حور:خدوها على مستشفى المركزى بعيده عن هنا بربع ساعه وقرب منها وجابت الحزام اللي كانت لابساه مع الفستان ولفته علي ايديها وهى بتضغط..

وربطته...

ادم شال نسرين وزين معاه ونزلوا حطوها في العربيه ..

ومشيوا ناحية المستشفى..

حور نزلت بسرعه وادم وراها وهوا شايل نسرين ودخلت على الدكتور اللي هى كانت تعرفه..

ادم حط نسرين على اقرب سرير ..

دكتور عادل قام بسرعه وبدأ يشوفها ويفحصها.

_دي حالة انتحار

_ايوا يا دكتور مسكينه خطيبها سابها واتجوز معلش..

الدكتور صعبت عليه:يعيني أنا مش عارف اي شباب الايام دي بيلعبوا ببنات الناس

حور بتأثر:اه والله ناس خاينه يلا بقى يا دكتور اعمل اللازم معاها..

_ماشي يا حوريه..

_شكلك انتى الي ربطتى الجرح كدا

_ايوا يا دكتور افتكرت كلامك وعملت بيه 

_شاطره يا حور

ادم مسك حور بغضب وخرج برا..

_امممم وهوا يعرفك منين البيه

_عادي كان عمار اخويا اتعور قبل كدا من مكنة الحرث وانا كنت معاه وساعتها مكنش في تمريض وانا ساعدته ومن ساعتها عرفنى عادي يعني

_امممم قولتيلي طيب بصي بقى انتى تنسي اي راجل كنتى تعرفيه أو اتعاملتى معاه من النهارده علشان انتى بقيتى مراتى أنا انتى فاهمه يا حور ولا لا

_حاضر بس متتضايقش كدا احسن يطقلك عرق زي سردين..

للدرجادي اتصدمت في عواطفها للدرجادي كانت بتحبك ...اخس عليك يا قاسي ..

ادم:ميشغلنيش الشويتين اللي عملتهم دول أنا ساعدتها علشان خاطر انها امانه معانا مش اكتر .

حورية:يعنى انت عمرك ما حبتها ولا اعجبت بيها حتى..

ادم بغمزه:تؤ أنا اعجبت بواحده بس وهى اللي معايا دلوقتي..

حور بصتله وابتسمت...

وبعدين بصت في الارض ..

_يووه متكسفنيش بقى..

ادم كان مستغرب تصرفاته دي معاها اول مره يتصرف كدا مع اي حد..

بعد شويه خرج الدكتور ..

_المريضه بقت كويسه تقدروا تاخدوها البيت وخلو بالكوا منها..

ادم:تمام...

حور مسكت ادم:اياك تشيلها تاني متستحلهاش

ادم ضحك وبعدين بص لزين اللي كان بيضحك

زين:حاضر هشيلها أنا..

بعد شويه وصلوا البيت..

عايده كانت مستنيه هى ومي..

مي كانت بتعيط علشان نسرين وزعلانه عليها وعايده كانت خايفه عليها ...

زين دخل وهوا ساند نسرين..

مى جريت عليها بقلق:انتى كويسه يا نسرين انتى كويسه يا حبيبتي

نسرين هزت راسها باه..

عايده بعصبية وقربت من حور بعصبية:انتى السبب في كل اللي حصل دا البنت كانت هتضيع بسببك..

_لى هوا أنا اللي خليتها تنتحر ولا أنا اللي خليت ايمانها ضعيف وتنتحر....الانتحار دا بتاع الضعفا وانا مش ضعيفه .

عايده بغل:انتى اللي خليتى ادم يتجوزك غصب عنه..عمر ادم ما كان ذوقه واحده فلاحه زيك

ادم بعصبية:لا يا امى مسمحلكيش تهيني مراتى ،وبعدين انتى من امتى وانتى عارفه ذوقى وانا بحب اي وبكره اي ...

ادم مسك ايد حور بقوة:حور مراتى وهتفضل مراتى وميهمنيش اي حد تاني..

وبعدين خد حور وطلع فوق...

حور بدموع:ادم أنا..

ادم قرب منها وحط أيده على بقها يمنعها من الكلام:متقوليش حاجه يا حور أنا عارف انك ملكيش دعوة بس دايما امى بتحب تعلق خبيتها على اللي حواليها مش مستوعبه انى خرجت من تحت طوعها واتجوزت واحده غصب عنها ...

حور:يعنى هى عمرها ما هتحبنى

ادم:لا هتحبك طول مانتى كويسه وقلبك طيب كدا الكل هيحبك هى بس مسألة وقت وانا معاكى..

حور قربت منه وحضنته..

_انا مكنتش متخيله أن حياتى تتغير في يوم وليلة كدا ...

ادم

_عيونه

_متسبنيش 

_انا اقدر..

رفع راسها ليه:مش عاوز العيون الحلوة دي تعيط تاني ممكن..

حور هزت راسها بماشي..

ادم ميل عليها ولسه هيقرب منها..

_ادم

_قلبه

_انا جعانه

ادم بصلها بضحكه

_طيب دا وقته بذمتك..

حور بتوتر:ايوا..

ادم عارف انها خايفه 

_طيب أنا هنزل اجيبلك اكل ...

نزل جاب اكل وطلع لقاها نامت..

قرب منها وابتسم وباس راسها وخدها في حضنه ونام..

تانى يوم..

حور صحيت من النوم لقت نفسها محاوطه بجسم صلب وكان ادم ..

بصتله وابتسمت.وقربت عليه وباسته من خده.

ولسه هتقوم لقت اللي بيمسكها وبيقول

_كدا الخد التاني هيزعل..

حور اتوترت:اي دا انت صاحى أنا أنا..

ادم قربها منه وباس خدها :متخافيش يا حور أنا عمري ما هأذيكى يلا علشان ننزل نفطر..

سابها وقام وهى ابتسمت مكنتش عمرها تتمنى تتجوز واحد زي ادم...

قامت لبست ونزلت ..

ودخلت المطبخ وبدأت تحضر الاكل بحب شديد..

سمعت صوت جاي من وراها:ايوا بالظبط دا مكانك الحقيقي..

حور ضغطت على ايديها بعصبية علشان تتحكم في نفسها..

نسرين قربت منها:اعرفي بقى مكانك الحقيقي علشان انا قريب اووي هكون أنا الهانم وانتى الخدامه...

حور:تؤ حرام انتى لسه مصدومه يا سردين يا حرام شكل الصدمه لسه ماثره عليكي ومتعرفيش انى مرات الكبير هنا ولا انتى ناويه تتجوزي ابو ادم الله يرحمه..

نسرين بغضب:متفكريش أن ادم كدا بقى بتاعك انسى

_انسى ليه مهو بقى بتاعى فعلا امممم وكمان أنا لسه قايمه من حضنه وقالى صباح الخير يا حبيبتي ..

نسرين اتعصبت وهى بتتخيل ادم بيعمل كدا معاها ومش متخيله أن ادم باللطف دا ...

_معلش يا سردين يا حبيبتي أنا عارفه انه صعب بس يلا اتقبلي الموضوع وانى بقيت مرات ادم خلاص دوري بقى على ادم تانى لفى حواليه بس المرة الجايه خدي بالك..

وهمست:احسن تيجي صعيديه تاخده منك...

يلا يا حبيبتي بقى علشان هحضر الفطار ليا ولجوزي حبيبي...

نسرين بغيظ:متفكريش انك كدا كسبتى انتى بتلعبي بالنار يا حور ...

_لى يا حبيبتى هوا احنا بنلعب صلح ولا اي 

روحى يا حبيبتي اصل شكل نفسيتك لسه تعبانه ربنا معاكى ويقدرك على الغل اللي انتى فيه يا سردين يا حبيبتي...

نسرين خرجت وحور سمعت صوت بيضحك وراها..

وكانت مي..

حور:جايه تتخانقي معايا انتى كمان ولا جايه تتعرفي .

مى:لا جايه اتعرف اصل الصراحه شخصيتك حلوة اووي وعجبانى وانا نفسي اكون بالجراه دي

_خلاص هديكى درس 

مي:خلاص موافقه

_اتفقنا..

وخدت الصينيه علشان تطلع لادم يفطروا سوا ...

لقت عايده في وشها..

عايده:استنى يا اسمك اي

_اسمى حوريه يا حماتى 

_متقوليش حماتى دي تاني متبقيش بيئة كدا انتى اهلك كانوا بيربوكى ازاي

حور بعصبية انها اتكلمت على أهلها:أنا أهلى كانوا احسن ناس في البلد وأشرف ناس وربونى أنا واخويا احسن تربيه مش زي ناس تانيه مش متربيه

عايده:قصدك أن أنا مش متربيه

انتى شكلك محتاجه اعادة تدوير من جديد..يا فلاحه انتى 

ولسه هتنزل على وشها بالقلم كان ادم نازل ومسك ايديها...

و....

#حورية_الصعيد

#البارت_العاشر

عايده:قصدك أن أنا مش متربيه

انتى شكلك محتاجه اعادة تدوير من جديد..يا فلاحه انتى 

ولسه هتنزل على وشها بالقلم كان ادم نازل ومسك ايديها...

ادم بغضب:أنا مش جايبها من الشارع علشان تعملى معاها كدا وتكلميها كدا وكمان تمدى ايدك عليها أنا مش هسمح بكدا..

عايده :انت بتقف قدام امك علشان دي

ادم:مالها دي مش قد المقام يا عايده هانم ولا مش على ذوقك انتى ناسيه انتى كنتي مين وبنت مين عمر ما كانت الفروق الطبقيه مغزي انك تحكمى على معدن الناس ...

عايده:انت بتقولى أنا الكلام دا ..

ادم مسك ايد حور :حور هنا بقت مراتى واحترامها من احترامى وهي مرات الكبير وليها احترامها ومش هسمح لاي حد يهينها اظن كلامى مفهوم وواضح ...

زين كان مستغرب طريقة اخوه اول مره يبقى بالعصبيه دي واول مرة يتعامل مع واحده كدا ابتسم لما شاف وقوفه قدام امهم وحبه لحوريه ومى كذالك كانت مبسوطه لأنها حبت حوريه وحبت طريقتها..

ادم خد حور وطلعوا فوق .

قفل الباب

_انتى لى نزلتى تحت من غير ما تقوليلي..

حور ببراءه:كنت عوزا اجهزلك الفطار كنت عوزا نفطر اول فطار سوا بس للاسف محصلش نصيب ..يلا عادي..

ادم قرب منها بحنيه وضمها ليه :أنا آسف انى اتعصبت عليكي واسف على كلام ماما ليكي بس هى طيبه والله ومع الوقت هتحبك زي ما انا حبيتك ومى حبتك..

حور بدموع:أنا كنت مفكره اللي هتكون حماتى هتعوضنى عن فقدان امى لكن للاسف محصلش فعلا الام متتعوضش مهما حصل...

ادم :صدقيني كل حاجه هتكون كويسه بس انتى اصبري هى بس لسه مش مستوعبه الموضوع..

حور:طول مانت معايا وبتعاملنى كويس ميهمنيش اي حد من عيلتك حتى سردين..

ادم بضحك:أنا مش عارف انتى متضايقه منها لى .

حور بصدمه وهى بتشاور على نفسها بتمثيل:أنا اتضايق من الصفرا دي تؤ عيب عليك يا جدع دانا عوزا اجيبها من شعرها بس..

ادم:هههههههه لى بقى كل دا

_مأساة يا آدم تخيل بتقولى انتى عمرك ما هتكونى هانم وهتفضلي خدامه قالتلى أنها هتتجوزك وهتكون هى الهانم ..

صحيح انت ممكن تعمل كدا..

ادم :هى كانت قدامى من زمان بس قلبي دق لواحده بس وقدامى دلوقتي خلاص كدا تعمل اللي تعمله ..

حور بتنهيده:يا شيخ طمنتني يعنى اجيبها كدا من شعرها عادي طالما مش لازماك

_مش عارف اي المغزي انك تجبيها من شعرها..

_اصله غايظنى اووي اول مره اشوف واحده شعرها اصفر وعنيها بنى!تحس أن ابوها من مصر وامها من امريكا يعيني والدنيا ملغبطه معاها..يلا ربنا يشفيها..

ادم:انتى مصيبه يا حور أنا مش عارف بتجيبي الكلام دا منين

_يعنى عاجبك ولا لا..

ادم قرب منها :عاجبنى ونص كمان..

بدأ يقرب منها اكتر :بقولك اي ماتيجي اقولك كلمه سر..

حور بتوتر وكسوف:تقصد اي يا سي ادم

ادم وهوا بيميل عليا اكتر:حلوة سي ادم دى يا حوريتي...

وبعدين فجأه الباب خبط وقطعوا اللحظه..

ادم نفخ بضيق :أنا عارف ان ام الجوازه دي مش هتكمل..

حور ضحكت بصوت عالى ..

ادم فتح الباب كانت الخدامه..

_احم ادم بيه اخو حوريه هانم.تحت وعاوز يشوفها..

حور بدون وعي صرخت:بجد عمار تحت ..

ونزلت على تحت جري ..

كان واقف مستنى أخته تنزل ..

كانت عينيه في كل مكان عاوز يشوفها اللي خطفت قلبه من اول مره شافها فيها بس من نظره انها صعب المنال ومش هيحصل عليها بسهوله.

مى نزلت وشافته:اي دا مش انت بتاع الفطير

عمار بابتسامه:ايوا أنا بتاع الفطير..

_امممم وجاي هنا لى جاي تشوف حور..

عمار:ايوا لو مفيش مانع طبعا

مي :لا طبعا مفيش بس بشرط

عمار باستغراب:اي هوا..

_تأكلنى فطير تاني اصل الصراحه كان طعمه حلو اووي واحنا كمان اسبوع وهنسافر وممكن منجيش هنا الا في الإجازة الجايه

عمار:بس كدا انتى تؤمري هوصي ام حسن على فطيره مخصوص ليكي ..

مى:بجد تسلم يا ..هوا انت اسمك اي

عمار:عمار أسمى عمار 

مي :وانا يسيدي

عمار:مي صح

_عرفت ازاي

عمار:احم البنت اللي شعرها اصفر دي كانت بتزعقلك المره اللي فاتت وقالت اسمك ومن ساعتها وانا عارفه..

اسمك جميل ..

مى اتكسفت وقلبها دق :طيب احم عن اذنك 

عمار:اذنك معاكى..

عمار في سره:يا تري مستخبيلك اي يا عمار ...

حور نزلت جري :عمار حبيبي.

قربت منه وحضنته

عمار:عامله اي يا جلب اخوكي 

_مش كويسه من غيرك يا اخويا وحشتنى قوي..

عمار:وانا البيت مضلم من غيرك يا روح اخوكى..

ادم نزل وعلى وشه ابتسامه..

_عامل اي يا عمار..

_الحمد لله يا ادم بيه في فضل ونعمه 

ادم:شيل الالقاب بقى أنا ادم بس 

عمار:ربنا يعزك يا ادم بيه اقصد يا آدم..

ادم:تعالى اتفضل يا عمار اقعد ..

عمار دخل وكان بيقول بسم الله ماشاء الله في سره ..

ادم :هسيبك مع اختك عقبال ما اروح اشوف حاجه واجيلك..

عمار :تسلم يا ابن الاصول..

ادم خرج وعمار قعد مع اخته...

_ادم عامل معاكى اي يا حور

حور بتنهيده وسعاده:كويس جدا يا اخويا وحنين وطيب أنا حسيت أن ربنا عوضني بيه..

عمار:وحماتك

حور اتوترت

عمار:أنا عارف انها مش هتتقبلك بسهوله لأنها شايفه نفسها ونافخه ريشها اهم حاجه انتى تكونى كويسه معاملتك الحلوه ليها هى اللي هتخليها تحبك

_حاضر يا اخويا هحاول.

وفضلوا يتكلموا مع بعض شويه..

عمار:أنا هجوم بقى يا حور علشان الحق الأرض ..

ادم دخل:رايح فين يا عمار

_همشي بجى الحق الأرض وابجى اجى في وقت تاني ...

خلى بالك من اختى يا آدم دي اللي ليا في الدنيا..

_متقلقش في عيني..

ادم:صحيح يا عمار كنت عوزك بليل كدا تيجي تصفى حسابك..

عمار:انت لجيته

_اومال أنا بهزر أنا وعدتك أنه هيكون قدامك النهارده وانت لازم تحضر وانا بصفى حسابى معاه..لازم ارد اعتبار حور في البلد كلها بسبب اللي الكلب دا عمله

_ربنا يخليك ليها ويديمكوا لبعض وانا هكون موجود علشان هجتله واشرب من دمه.الك:لب دا

عمار مشي وحور كانت قاعده وحاسه بخوف..

ادم قرب منها:مالك 

سندت راسها على صدره:خايفه يا آدم ليحصل حاجه قلبي متوغوش

_متقلقيش يا قلب ادم طول منا معاكى متخافيش...

حور اتطمنت وهى في حضنه لكن في خوف جواها مش عارفه اي مصدره...

كانت بتراقبهم من برا وبتبتسم بخبث..

_امممم انتى شكل حكايتك حكايه يا فلاحه...

على السفره كان الكل متجمع..

حور كانت بتحضر الطبق لادم بحب وهوا مبتسم

نسرين كانت بتبصلها باستغراب وعايده كمان وتقريبا الكل ..

الموضوع جديد عليهم متعودين أن الأكل بيتحط وكل واحد بيغرف لنفسه..

قعدت جنب ادم وهوا خد منها الطبق وباس ايديها بحب ..

مى:الله شكلكوا جميل اووي أنا نفسي ارتبط بواحد زي ادم كدا..

زين:اوعدنا يارب ياللى يحضرلنا الطبق...

حور ابتسمت بخجل ...

نسرين كانت بتبصلها بغل وتوعد 

عايده بصت لزين:لى انت عاوز تتجوز فلاحه ..

زين:ومالهم الفلاحين اعتقد يا ماما انتى محتاجه تغيري وجهة نظرك علشان أنا بفكر اتجوز من هنا أنا كمان..

أنا بدأت احب الفكره فيها اي لما اتجوز بنت صعيديه..على الأقل تكون عارفه واجبتها وعارفه ازاي تتعامل معايا واكون أنا رقم واحد في حياتها مش النادي والجمعيات...

عايده :قصدك اي يا زين

_قصدي يا ماما أن مش معنى أننا معشناش في الصعيد يبقى مش اصلنا صعيدي انتى اتربيتي نص عمرك هنا وبسبب كليتك اتنقلتى القاهره وقابلتى بابا واتجوزتيه وبقيتي عايده هانم اظن ان كل بنت صعيديه من حقها تكون هانم...

حور:عندك حق بتوع البندر بيبقوا مفكرين أننا أقل منهم لكن بالعكس احنا بنبقى احسن علشان بنتربى على الأصول...

كانت مى سرحانه في عالمها الخاص..

كانت بتفكر في الصعيدي اللي خطف قلبها ..ابتسمت على كلام زين انه مش عيب انك تتجوز صعيدي ما احنا اصلا اصلنا صعيدي...

في المساء..

ادم اتقابل مع عمار وراحوا المكان اللي فيه عزيز ...

عمار اول لما دخل..

_اه يا كل'ب يا خسيس

ادم:أهدى يا عمار أنا عاوزه من غير ولا خدش علشان أصفى معاه حسابى على روقان..

عمار:حجك يا آدم حور بقت مراتك برضو بس دا ميمنعش انى أصفى حسابى أنا كمان

.عزيز:ارجوك يا عمار سامحني بس متجتلنيش

عمار بخبث:أنا هجتلك براحه متقلقش يا عزيز..

عزيز:أنا آسف يا عمار بس انا كنت بحب حور وهى رفضنتى

وهوب لقى البونيه في وشه وخلته يجيب دم

كان ادم واقف زي الثور:اسم حور ميجيش على لسانك يا حقير أنا هعرفك ازاي تجيب سيرتها على لسانك..

كانت طالعه السلم ..

فجأه قابلتها نسرين في وشها...

حور:عديني يا سردين

نسرين:متفكريش الشويتين اللي بتعمليهم دول هيخلوكى هانم انتى اخرك تمسحي جزمتى ومستنضفش تمسحيها كمان

حور وقفت وربعت ايديها:وانتى اي مضايقك اممم يمكن مثلا علشان معرفتيش تكسبيه ولا تكسبي حبه ولا علشان متعرفيش تعملى زيي اصلك سردين هانم ..

نسرين:اعمل زيك اي هوا أنتى مفكره أن الحركتين البلدى دول هيخلوكى حلوه..

_وانتى مالك موتى بغيظك حطه يا بطه يا فلفل شطه خليكي بغلك يا ام صورم يا صفرا مش عارفه انتى طايقه نفسك ازاي...

نسرين أنا هوريكي..

وهوب زقت حور من على السلم 

و....

تكملة الرواية من هنا

تعديل المقال