جميع الروايات كامله

 💔💔💔زهرتى💔💔💔 

الجزء الخامس والسادس 

بقلم حنان عبد العزيز

كامله على مدونة النجم المتوهج للروايات 

نظر إلى الدكتور بغضب: نعاام يعنى اييه فقدت الذاكره 

تمتم الطبيب بخوف: والله يا عدى بيه دا الى باين من حالتها بتقولى انا فين وأسمى فين بااس يعنى 

: انطق انت لسه هتبسبس 

: ق.قصدى انه ممكن يكون فقدان ذاكره مؤقت يعنى وهترجعلها فاى وقت 

وقبل أن يتم الهجوم عليه من ذالك الأسد الثائر أمامه هرب بسرعه 

تنفس عدى بغضب ثم نظر الى باب غرفتها واتجه إلى الداخل 

نظرت له ببرائه وقلق: لو سمحت هو جوزى فين 

نظر لها باستغراب: جوزك يعنى انتى فاكره انك متجوزه 

هزت راسها برفض: لا بس الممرضه اول ما صحيت قالت جوزك جابك هنا بس مش عارفه ولا فاكره هو مين 

اخذ يلعن تلك الممرضه فى سره ثم نظر لها بغيظ: لا حصل سوء تفاهم أنا مش ...

قاطعته دلوف الممرضه وهى تنظر لها بابتسامه: شوفتى واطمنتى اهو جوزك اهو يا ستى 

وقامت بالاشاره على عدى بابتسامه وهو يود تكسير فم تلك الغليظه 

نظرت له بابتسامه وقلق : ممكن تيجى جمبى هنا 

نظر إليها باستغراب ولكنه لا إراديا اتجه وجلس بجانبها على السرير 

تفاجا وهى تضع يديها على يده وتنظر له بدموع لمعت داخل عيونها الخضراء : أنا مش فاكره حاجه حتى انا مش فاكره اسمى اييه هو أنا كده همووت 

حمحم بتوتر من ملمس يديها وقال: لا مفيش كده هو مجرد فقدان مؤقت وهترجع تانى أن شاء الله 

اومات راسها بدموع ومسحت بعض الدموع التى نزلت على خدها ونظرت له ببرائه اذابت قلبه: انا جعانه اوى يا جوزى 

نظر إليها بابتسامه خفيفه: جوزك ؟

نظرت له بغيظ: مهو انا مش عارفه اسمك تسجل فى التاريخ دى واحده مش عارفه اسم جوزها 

ضحك على كلامها بخفه: اسمى عدى يا ستى 

مسكت يده أكثر بحماس وعيون لامعه: وأنا أنا اسمى إييه هااا 

نظر داخل عيونها بعمق وكاد أن ينطق لكن قاطعه رنين الهاتف ابتعد عنها قليلا وقام بالرد بعيدا عنها: هاا عرفت حاجه عنها 

رد عليه الطرف الاخر: ايوه يا باشا اسمها زهره متجوزه من بن خالتها ذى ما قالوا علشان وصيه امها الغريب أن جوزها اتجوز عليها بعد فرحهم بشهرين يعنى بعد موت امها بالظبط ولما سألت قالوا انهم اكتر الأوقات بيسمعوا صريخها من جوا كل يوم من ضربه فيها وآخرها سابته وراحت قعدت عند واحده صاحبتها ولما لقاها هربت منه وحصل الى حصل لما انت خبطتها وهى بتجرى من الكلااب يا باشا 

مسك الهاتف بعصبيه وعيون سوداء كاحله: بن ال***دا مريض إسمع الى هقولك عليه وتنفذه بالحرف الواحد 

: اؤمرنى يا باشا 

...................

دلف الى الغرفه مره أخرى بعد انتهاء مكالماته دخل وجدها تنظر له بغيظ: عدى انا جعاانه أوى بطنى بتصوصو خاالص 

ابتسم على تلك الطفله صاحبه الجسد الانوثى واتجه اليها: اما طلبت ليكى اكل يا ستى زمانه جاى دلوقتى 

: ماشى يا زوجى يا قره عينى 

نظر لها مطولا ثم قال بهدوؤ غريب: انتى اييه الى خليكى مصدقه انى جوزك مش يمكن بكدب عليكى 

نظرت له بقلق ودموع: علشان انا للاسف مش عارفه انا مين ولا فاكره حاجه انا قومت لقيتك قدامى مقدميش حل غير انى اصدقك 

نظر لها بندم من قوله لتلك الكلمات وهو يرى دموعها التى تنزل على خدها 

اقترب منها قليلا : انا مش عايزك تخافى او تقلقى من حاجه طول ما أنا معاكى ماشى يا زهره 

نظرت له باستغراب: هو انا اسمى زهره 

ابتسم لها واوما براسه 

أما هى فرحت بشده طفوليه: الاااه دا اسم حلو اوى يا عدى زهره وعدى جمااال اوى

نظر إليها عدى مطولاا وهو يحاول تنفيذ ما فى خاطره بهدوؤ.....

خبط على الباب بسرعه ورن الجرس أكثر ولا يوجد اى رد حتى كاد الطارق أن يذهب ولكن اخيرا فتح ذاالك الباب نظر الطارق الى الذى يقف أمامه شبهه انسان فسودا تحت عيونه كثيرا وشعره الغير مهندم وثيابه الغير مهندمه أيضا ينظر له بضيق: خير عايز اييه 

نظر إليه الاخر : حضرتك الأستاذ حازم 

: ايوه انجز 

اعطاه عده ورق: امضيلى هنا الورق دا من الحكمه مع طليقتك رافعه عليك قضيه 

نظر لها باستغراب بعيونه الحمراء من التعب: مراتى مين 

نظر الرجل الى الاوراق امامه: اسمها ميرنا السيد الشناوى 

مضى حازم الأوراق بصمت ثم قفل الباب واتجه إلى الكنبه التى اصبحت مكانه المفضل فى تلك الأوقات الاخيره وتنهد بتعب وهمس بدموه: ذنبك وباخده يا زهره ذنبك وباخده بعدتى عنى شهر شهر واحد بس دنيتى اتقلبت كلها انتى وحشتينى يا زهرتى وحشتينى انا اسف ...

‏رحيل الشيءِ للأبد، أَهونُ بِكثير

 مِن العيش على أمل عودتهِ ولا يعود🖤

........................

أخذت تصرخ بعنف: حراااامى حرااامى يا عدى الحقناااااى 

صعد عدى بسرعه الى الغرفه وهو يجرى من الخوف من صوتها صراخها العالى وحمل معه مسدسه دخل إلى الغرفه بسرعه وجدها تقف على السرير برعب وهى نظرت له بدموع وجريت عليه بسرعه ودخلت داخل احضانه: حراامى يا عدى الحقنى الحقنى 

تصنم عدى من دخولها فى احضانه وأنها بين يديه الان ضمها خلفه بخوف ونظر أمامه ورفع السلاح حتى وجد من يقف أمامه وهو يرفع ايديه باستسلام: ابوس ايدك اهدى انا مالك صاحبك اهدى 

نظر له عدى بضيق ودهشه : يخربيتك انت بتهبب اييه هنا 

نظر مالك بغيظ لتلك المختبأه خلف جسد عدى: هى جديده عليا يعنى ما انا باجى أنام عندك كل يوم جيت ادخل اوضتك انام لقيت واحده نايمه وقعدت تصرخ وتقول حرامى واخرتها كنت هتقتل صاحب عمرك 

هتفت زهره بضيق وغضب: انت كداب على فكره وقليل الأدب و حراامى كمان احبسه يا عدى يا حبيبى دا كان هيتحمرش بمرااتك 

شهق مالك بصدمه مضحكه مثل الفتيات: نعاام يا عنيا مراات مين واتحمرش بيكى انتى يا يا.....اقول اييه بس 

اخرجت له لسانها بطفوله: شوفت حتى مش لاقى فيا عيب ما ابو وحمه هااا 

وضع مالك يده على الوحمه التى فى جبينه من فوق ونظر لها بغيظ وعناد: الوحمه دى يا شاطره هى الى جايبه ستات البلد ورايا يا اختى ابقى اعملى زيها بس 

صرخ بهم عدى بقوه: خلاااص اييه انتوا اطفال والله اخرصوااا 

صمتت زهره ومالك بخوف من عدى ونبره صوته حتى قال بصرامه: انت يا زفت انت انزل استنانى فى المكتب تحت 

نظر له مالك بغيظ: يا عدى انا عايز أناام الااه 

: مااااااالك 

ثوانى وكان فى الاسفل خوفا من صراخ عدى عليه 

استدار بنظراته الغاضبه الى تلك الواقفه تفرك يديها بتوتر رفعت عيونها به وااه والف اااه من تلك العيون الخضراء البريئه ثوانى واقتربت منه بخفه ووضعت قبله على وجنته ونظرت له ببرائه: انت مش زعلان منى صح 

لم يرد عليها هو فقط كان هائما بما فعلته تلك للتو هل جعلته ضعيف لتلك الدرجه وهو يركز بضياع داخل عيونها حتى قبلته مره أخرى من وجنتيه بابتسامه: السكوت علامه الرضا ادخل انام انا بقا تصبح على خير 

تركته الان متضاربا مع مشاعره المتلهبه ودخلت تنام على سريرها برااحه اغمض عيونه متحكما فى مشاعره وأجمع شتات نفسه وأخذ نفس عميق ثم نزل الى الأسفل داخل مكتبه ......

صرخ مالك بغضب: انت بتقول اييه يا عدى انت فاهم انت عملت اييه 

عدى بهدوؤ مميت: اقعد يا مالك 

جلس مالك بغضب: انت جايب واحده متجوزه فى بيتك وبتستغلها هى دى اخلاقنا يا عدى 

صرخ عدى به : اومال عايزنى اوديها لحوزها الحقيقى الى بيضربها كل يوم دا واحد زباله 

: وانت فرقت اييه عنه انت كمان استغليت انها فقدت الذاكره ومقعدها فى بيتك بقالك شهر 

تنفس عدى بغضب : انا ملمستهاش لحد ما نفذت الى فى دماغى بسهر بليل لحد ما تنام وانا بنام فى اوضه تانيه بقوم الصبح امشى 

: واخرتها يا عدى انت مقعد فى بيتك واحده متجوزه وهى مفكره انك جوزها يا ترى هتعمل اييه لو عرفت الحقيقه 

نظر عدى أمامه بضيق: مش عاارف يا مالك 

سمعوا صوت دموع من خلفهم نظروا وجدوا زهره تقف خلفهم وتنظر لعدى بدموع ..............

دخلوا الى الشقه وتبدوا عليهم ملامح الغضب والانزعاح كاد أن يدخل غرفته ولكن اوقفته والدته بغضب: مازن خد هنا 

التفت إليها بضيق: ماما لو سمحتى لو هتتكلمى فى الى حصل هناك انا مليش ذنب انتى الى دبستينى قدامهم 

صرخت به بغضب: دبستك علشان بدورلك على عروسه يبقا بدبسك انا جايبالك واحده مفيهاش ولا غلطه وكله بيحلف بادبها وانت بكل قرف تقولهم فى وسط القعده انا اسف منفعش لبنتكم لييه كل دا 

اتجهت سمر الى والدتها تهدأها: اهدى يا ماما بالله عليكى هتتعبى 

: أتعب ولا أتنيل هو دا بيهمه حاجه 

تركهم ودخل الى غرفته وجلس على طرف السرير بغضب وحزن كبير حتى فتح هاتفهه على صورتها التى لا تفارقه فى تلك الأوقات الاخيره بدموع:

مرحبا يا شخص ماكنه إلا ضلع من ضلوعي وحشتينى يا كل دنيتى وحياتى كلها وحشتينى اوى مش قادر اكمل حياتى مع غيرك والله مش قادر انا كنت بنيت حياتى معاكى انتى انتى فين يا زهره تعالى ....

ثوانى وسمع صوت رساله فتحها وكانت الصدمه( مازن انا زهره) 

حنان عبد العز

#زهرتى 

الجزء السادس 

اقتربت منها بتوتر: زهره أنا ..

زهره بدموع: انت اييه يا عدى انت خاين وكدااب طيب لييه انا عملت فيك اييه علشان تعمل فيا كده 

نظر إليها مالك بقلق: زهره ممكن تسمعيه 

نظرت للذى يقف أمامها بقلق: دا خاانى يا ماالك شوفته بعينى بيخونى مع واحده ضاربه شعرها اكسجين 

نظر مالك وعدى الى بعضهم باستغراب وصدمه ثم قال عدى باستغراب: خنتك مع مين وشوفتينا فين يا زهره 

شهقت زهره بدموع: كنت نايمه وحلمت انك بتخونى مع واحده شعرها اصفر يا عدى على أخر الزمن 

نظر مالك إليها بصدمه: نعااام يا اختااى يعنى انتى بتعيطى علشان شوفتيه بيخونك فى الحلم 

مسحت دموعها بحزن: ايوه مع واحده شعرها اصفر 

شد مالك شعره بغيظ : لا كمان شعرها اصفر بت انا اول ما شوفتك اصلا قولت انك مجنونه والنعمه 

نظرت له بغضب طفولى: ولااااا مين دى الى مجنونه لا والنعمه افرمك ابو شكلك عيل باارد 

عدى بصرامه: مااالك خلااص 

نظر له بغيظ: انا مالى هى الى مجنونه 

اتجهت زهره الى عدى وحضنته بطفوله ونظرت له بعيون القطط: انا مجنونه يا عدى شوف بيشتمنى ازااى 

نظر لها عدى بابتسامه : لا يا حبيبتى هو إلى مجنون انتى ست العاقلين 

كاد مالك أن يخرج عقله صرخ بهم بغيظ وهو يتجه نحو الباب : انا غلطان يا عم انى جيت عندكم والله ما انا جاى تانى 

ثم أغلق الباب خلفه بقوه 

نظرت زهره الى عدى بقلق: هو زعل يا عدى ومش هيجى تانى 

ابتسم لها عدى : لا متقلقيش هو مالك قلبه طيب انا هصالحه 

هزت راسها بالموافقه ثوانى وبعدت عنه بغيظ : استنى بس كده انت خونتنى يا عدى 

ابتسم عدى عليها: خنتك اييه بس انتى كنتى بتحلمى يا حبيبتى انا كنت قاعد مع مالك هنا أهو ..

نظرت له بضيق: برده خنتنى هاا 

ثم تركته وصعدت بغيظ الى غرفتها 

نظر إلى أثرها بابتسامه: مجنونه اقسم بالله 

نظر إلى الهاتف الذى يرن وقام بالرد عليه بجمود : هاا نزفت الى قولتلك عليه 

: ايوه يا باشا كله تمام يعنى دلوقتى بقينا فى السليم وتقدر تعمل كل الى انت عايزه 

ابتسم عدى بانتصار: كويس اوى الكلام دا 

...............................

نظر إلى الرساله بصدمه لم يستوعب اى شئ فقط بنظر الى الرساله بدموع وصدمه حتى فاق ومسك الهاتف وبدأ يكتب باصابع ترتجف من الفرحه: زهره انتى فين انا قلبت عليكى الدنيا انتى فين 

ثوانى وقامت بالرد: انا فى مكان بعيد اوى يا مازن مش هعرف اقولك عليه بس أنا كويسه 

نظر إلى الرساله بدموع وبدأ يكتب مره اخرى: طيب انتى فين وانا هجيبك صدقينى يا زهره أنا هحميكى منه والله حازم مش هيأذيكى طول ما انتى معايا 

ردت عليه عبر الرساله: مش هينفع يا مازن عايزه اقولك انك بجد وحشتينى 

رد عليها بفرحه: بجد يا زهره انتى بتحبينى 

: ايوه يا مازن انت كنت سند ليا فى اوقات كتير شكرا على كل حاجه بجد عملتها معايا وانا هرجع علشانك بس دلوقتى لازم اقفل هكلمك بعدين سلام 

وأغلقت الهاتف نظر إلى الهاتف بفرحه ودموع : الحمد لله يارب الحمد لله كمل فرحتى على خير يارب ورجعهالى بالسلامه يارب 

.......................

-العالم يحتاج ابتسامتك في كل صباح ليشرق .

كان يسوق السياره وهو يرد على الهاتف بضيق: نعاام خلصت مع الأستاذه زهره وجاى تكمل شتيمه فيا 

عدى بابتسامه: الاه انت لسه مقموص من امبارح فكها بقا يا مالك 

: وأنا مالى انت الى متجوز واحده مجنونه بتقول حلمت انك بتخونى 

ضحك عدى : شوف حتى انت بتقول انها مراتى روق بقا 

مالك بغيظ: والله حالكم انتوا الاتنين بيقنعنى بجد أنكم متجوزين 

: طيب يلا تعالى على الشركه علشان فى كام حاجه عايزك فيها 

: حاضر جاى فى الطريق 

وقع الهاتف من يديه على الأرض تاافف بضيق ثم نزل والتقطه بيده وهو يسوق السياره ثم نظر أمامه بصدمه محاولا تفادى ذاالك الجسد حيث رأى عيون زرقااء تنظر له بصدمه وخووف ثوانى وتحكم بسيارته وابتعد عن الطريق قليلا 

توقف السياره نزل الى الأسفل بضيق ولكنه لم يجد أحد أخذ يبحث حوله ولا يوجد اى شخص تمتم لنفسه باستغراب: ازااى انا شوفت واحده كانت واقفه هنا عيونها زرقاء كنت هخبطها تكون رااحت فين بس 

رفع كتفه بضيق ثم ركب سيارته مره أخرى متجها للشركه 

.........................

أخذت تنظر حولها بملل وهى تتأفف: يعنى انا لما كنت متجوزه قبل الحادث كانت حياتى ملل كده مكنش فى اى حاجه اعملها كده 

نظرت إلى إحدى الخادمات بجانبها: بقولك اييه يا قمر انتى متعرفيش انا كنت بعمل اييه قبل الحادثه 

نظرت لها الخادمه بتوتر فقد حزرهم عدى الا يقولوا لها اى شئ لذالك قالت بتوتر: ها..لا يا هانم اصل احنا هنا صف خدم جديد 

رفعت عيونها بملل: طيب

نفخت مره أخرى بضجر: لا كده كتير بجد اييه الملل دا ياربى حتى مسابش ليا تليفون او حاجه اتسلى بيها 

ثوانى وابتسمت بخبث واسرعت تجرى الى غرفتها بسرعه البرق 

فتحت الخزان واخذت دريس ابيض بسيط لحد الركبه بنص كم وفردت شعرها الأسود على ظهرها ووضعت الكحل على عيونها الخضراء لتبز جمالها ثم نزلت مسرعه الى إحدى السيارات الخاصه بعدى تشير للسائق بأن يتحرك الى شركه عدى .........

...................

: تؤ تؤ يا حراام منظرك عمل ازااى بعد ما سيبتك مكنتش اعرف انى مهمه عندك اوى كده 

نظر حازم بسخريه لتلك الواقفه أمامه بغرور ولم يتحدث 

اكملت هى بغرور: المحكمه هتحكم عليا أخد كل الى حيلتك يا حازم وابقا ورينى هتصرف على نفسك انت والخدامه ازااى 

نظر لها بغضب : كلمه واحده على مراتى الى أنضف منك مليون مره همووتك فاهمه 

: ولما انت بتحبها كده اتجوزت عليها لييه علشان انت مريض يا حازم مريض ولازم تتعالج 

نظر لها بضيق وحزن: غلطه عمرى انى دخلت واحده فى حياتى بعدها وانى اكتشفت انها الوحيده الى دخلت قلبى وقفلت عليه خلااص بس كان فاتت الاواان 

نظرت له بضيق وغضب: ماشى يا حازم بكره تعرف مين فينا الى ندمان 

ثم تركته وغادرت بغضب يشتعل بكل جسدها وهى تتوعد لهم الاثنين بالهلااك 

أما هو نظر مطولا أمامه بحزن كعادته حتى تلقاا رساله تحتوتى على ( انا بكرهك بعد كل الى عملته فيا هفضل اكرهك لحد أخر يوم فى عمرى ومش هرجع ولا هتعرف مكانى وهحرق قلبك ذى ما حرقت قلبى كتير زهره) 

نظر إلى الرساله بارتجاف ودموع واخرج صرخه مدويه: زهرااااااااااااه 

.............

كان يركز داخل أوراقه بشده ولا يلاحظ اى حد من حوله فقط كل تركيزه على تلك الأوراق 

وضعت راسها خلف الباب بطفوله وحمحت بلطف ولكنه لم ينتبهه لها دخلت له بغيظ ووقف امامه وقالت بغيظ: عددى 

نظرت بفزع أمامه واستغراب: زهره انتى بتعملى اييه هنا 

تحدثت بضجر وهى تجلس على المكتب: مليت يا عم من القعده لوحدى قلت اجى اساعدك شويه 

ثم أمسكت بعض الأوراق بفضول: هو اييه دا هاا 

مسك عدى الأوراق منها: زهره اقعدى ساكته وليكى حساب معايا لخروجك بره من غير اذنى 

قالت بمرح: لييه يعنى حد هيعرفنى ويخطفنى 

نظر اليها بقلق وهو يتخيل فعلا ان هناك من يعرفها وياخذها لزوجها ولكنه فاق على صوت الغليظ من خلفهم بضجر: يا أدى النيله هو انا أسيبك يا بنتى فى البيت الاقيكى هنا دا انا بشوفك اكتر من امى 

نظرت له زهره بغيظ: خفه وبعدين انا فى مكتب جوزى انت ايييه دخلك 

نظر لها مالك بضيق: معاكى حق انا خارج 

نظرت له زهره بسرعه: استنى بس 

توقف ونظر إليها بضيق: نعم عايزه اييه 

اتجهت إليه بابتسامه: بص متزعلش منى انا اسفه بس انت استفزتنى ممكن نبقا اصحااب 

ومدت يدها له بابتسامه 

ابتسم اليها: ماشى يا ستى اصحاب 

وكاد أن يمد يده ليقابل يدها للمصافحه ولكن اوقفه صوت عدى الغاضب: لو ايدك مسكت ايديها يا مالك هكسرهالك 

وانتى يا ست هانم حسابنا بعدين 

نظرت له زهره بخوف ثوانى واتجهت إليه بخبث ودخلت فى احضانه برقه: عدى زوجى حبيبى مش هيزعلنى خاالص 

نظر له مالك بضحك: ايوه ثبتيه ثبتيه ههههههههههههه 

نظر له عدى بنظرات ناريه اخرسته كاد أن يتحدث ولكن قاطعه صوت انثوى غااضب: عدى ايييه دا 

نظروا الجميع بصدمه الى صاحبه الصوت بصدمه ما عدا زهره باستغراب وهى مازالت داخل احضانه: عدى مين دى 

نظرت لها الأخرى بغضب: انا مراته يا هاانم؟؟؟؟

...............

فتحت الباب القديم بتعب وارتمت على الكنبه المتهالكه وفكت حجابها الأسود البالى بارهاق وهى تغمض عيونها محاوله البحث عن الراحه 

حتى انتفضت على لمسات ساخنه تخترق جسدها من فوق الملابس وانفاس متسارعه 

فتحت عيونها الزرقاء البلوريه بسرعه ووقف بخوف وصرخت: انت عايز اييه ابعد عنى 

نظر لها ذالك الرجال ا

صاحب ال ٦٠ عاماا بغيظ: فى اييه يا بت انتى بتكلمى ابوكى وأخد الى أخده 

نظرت له بتهكم: كويس انك فاكر انك ابويا عايز اييه منى

نظر لها بشهوه: اقعدى بس هنا عايزك فى موضوع 

نظرت له بقرف: انت اييه يا أخى حراام عليك انا بنتك مش بتحس بضميرك وانت فى دماغك أفكار زباله كده 

قام وقف أمامها ومسك شعرها بغضب: بت انتى لسانك طول اوى لا فوقى كده واعرفى انى ممكن ادفنك هنا ومحدش يعرفلك طريق لا اهل امك الى رموكى ليا بعد موتها ولا الجن الازرق فااهمه 

ثم رماها على الأرض وغادر الى الخارج 

اما هى أخذت تبكى بشده وقهر على ما أصابها فى حياتها اصبحت لا تريد التعامل مع اى بشر تكرهه كل الرجال والسبب فى ذالك أعظم رجل فى حياه كل فتاه الا هى والدها الذى ينهش بعرضها بلاا رحمه 

كيف ستكون باقى حياه صاحبه العيون الزمرديه( أضيفها فى الروايه دى ولا أعملها روايه تانيه قلولى رايكم🌚🖤)

.................

حنان عبد العزيز 🖤

تكملة الرواية من هنا 👇👇👇👇👇👇

من هنا

تعديل المقال