![]() |
نور الليل
(الفصل الرابع والخامس)
بقلم نورا البغدادي
كامله على مدونة النجم المتوهج للروايات
عجبًا لمن عرف ان لا حول ولاقوة الا بالله كنز من كنوز الجنة ولم يُكثر منها❤️❤️
~~~~~~~~~~~~~~~~~~~~~~~~~~~~~~~~
(في حديقه القصر)
وما أن رحل زين ومالك حتي بدأت تتجمع الدموع في عين مليكه
نور بصدمه: ايه ده يا مليكه انتي بتعيطي
.. نهضت مليكه وذهبت سريعاً الي غرفتها دون أن تنطق بحرف
نور : هو في اي يا ياسمين مليكه مالها وبتعيط ليه؟
ياسمين بحزن علي مليكه: روحي شوفيها يا نور وهديها وهي اكيد هتحكيلك
ذهبت نور الي غرفه مليكه ودقت الباب
مليكه بصوت منبوح: ادخل
نور : ده انا يا مليكه .. ثم جلست بجانبها واردفت : ممكن اعرف في اي؟ ..وايه اللي حصل يخليكي تعيطي كده بعد ما كنتي طايره من الفرحه؟
مليكه وقد تجمعت الدموع في عيونها مره اخرى ثم ارتمت في حضن نور مردفه: بحبه يا نور بحبه
نور بأستغراب: بتحبي مين زين؟
مليكه بعد أن اعتدلت: ايوه بحبه من وانا صغيره بس هو عمره ما شافني غير مليكه العيله الصغيره اللي زي أخته ياسمين
نور بابتسامه: يا هبله كل ده عشان بتحبيه؟ وبعدين ما هو عنده حق بصراحه ببوجي وطمطم اللي لبساهم دول
مليكه بحزن: حتي انتي يا نور
نور بضحك: لا يا قلب نور ده انتي ست البنات كلهم
مليكه بسعاده: بجد يا نور طيب امال هو ليه مش شايفني وماشي يحب في اللي اسمها ندي دي
نور: اولاً مين اللي قال إنه بيحبها هو قال صديقه ثانياً اوقات بيكون قدمنا حاجات حلوه كتير بس مش بنشوفها مش لانها وحشه أو فيها عيب ولكن ممكن تكون مش واضحه زيك بالظبط انتي فاضلك كام تكه بس عشان توضحي قدام زين
مليكه بحزن: طيب وندي؟
نظرت لها نور بتفكير ثم أردفت بمزاح: هنطفشها استني انتي بس عليا وقومي اغسلي وشك كده وارجعي مليكه الفرفوشه واوعدك أني هخلي زين ده يعشقك مش بس يحبك بس اهم حاجه الصبر يا مليكه
مليكه بسعاده: أنا بحبك اوي يا نور
نور: وانا كمان بحبك اوي واعتبرتكوا خلاص اخواتي اللي مليش غيرهم
~~~~~(في حديقه القصر)~~~~~
اثناء توجه مالك للخروج من القصر أوقفه صوت مرتفع يهتف بأسمه..
عاطف رجل الأمن: يا مالك بيه ..يا مالك بيه
مالك بأستغراب : ايه يا عاطف في اي؟
عاطف بأبتسامه: لا يا استاذ مالك مفيش بس كان ليا عند حضرتك طلب كنت وعدتني بيه
مالك بابتسامه واستغراب: وعد اي ده اللي وعدتهولك ثم أكمل وهو يمثل الصدمه: نهار اسوح لأكون وعدتك بالجواز أنا أصلي حالتي بقت صعبه خالص😂
عاطف بضحك : لا يا استاذ مالك بس بصراحه انا ناويت اكمل نص ديني وادخل دنيا وانا بصراحه عايز حضرتك معايا عشان اتشرف بيك قدامهم وحضرتك وعدتني أن لما انوي هتيجي معايا
مالك بسخريه: حتي انت يا عاطف هتدخل دنيا وانا بقالي خمس سنين بحاول اكتب الكتاب بس علي العموم مدام وعدتك يبقي هاجي معاك شوف امتي المعاد وقولي قبلها
عاطف : شكرا يا استاذ مالك و المعاد بكره الساعه 7 بأذن الله
مالك بضحك: كمان ده انت مستعجل يا عاطف العروسه حلوه علي كده
عاطف بشرود: يااااه حلوه بس يا استاذ مالك دي حاجه كده ملهاش وصف ملاك كده ادب ايه وجمال ايه انت هتشوف بنفسك يا استاذ مالك
مالك بضحك: كل ده. ده انت شوقتني للعروسه يا شيخ علي العموم الف مبروك وان شاء الله علي معادنا بكره
عاطف: الله يبارك في حضرتك يا استاذ مالك
زين: في اي يا مالك واقف عندك ليه في حاجه
مالك بضحك: لا يا عم عاطف هيكمل نص دينه وعايزني معاه عقبال ما اختك تحن عليا وتدخلني دنيا أنا كمان
زين بضحك: والله انت عيل فقري امشي امشي قدامي
~~~~~~~~~~~~~~~~~~~~~~~~~~~~~~~~
(في المساء)
حل المساء و الجميع في غرفهم نائمين بينما توجد تلك الجميله في غرفتها التي تقف في النافذة تنظر إلي السماء شارده في نور القمر الساطع تستمتع بنسمات الهواء الشتويه ولكن لفت انتباهها صوت يأتي من مكان ما خلف حديقه القصر ....
نور بفضول: ايه الصوت ده مش المفروض الكل نايم أنا هنزل اشوف في ايه وبالمره اتمشي شويه مدام مش جايلي نوم ....
وبالفعل هبطت نور الي الأسفل ثم توجة صوب تلك الغرفه التي يأتي منها الصوت وبعض الضوء البسيط حيث كانت تقترب بحظر مردفه : ايه المكان الغريب ده .... في حد هنااا وما أن أكملت حتي رأت شئ جعلها تصرخ من الفزع ولكن لم تكمل حتي قام ذلك الشخص بوضع يديه علي فمها و قام بكتم صوتها
حاولت نور التخلص من تلك اليد التي تكتم صوتها والآخري تلتف حول خصرها وذالك الجسم الذي يحيط بها سمعت صوت جعلها تتوقف عن محاولتها
ليل بصوت هادئ بعض الشئ وثبات يهمس بجانب أذنيها : اهدي أنا ليل
نور وهي ترفع رأسها وتبتعد قليلاً عن احضانه لتري وجهه وبالفعل تراه ليطمئن قلبها قليلاً وتستعيد أنفاسها وهي علي نفس الوضع مردفه: ليل؟ الحمدلله أنا قلبي كان هيقف من الخضه
ليل بحده: انتي بتعملي إيه هنا وازاي تنزلي في الوقت ده؟
نور بتوضيح: أنا بس مكنش جايلي نوم ونزلت اتمشي شويه وسمعت صوت جاي من هنا فقلت اروح اشوف في ايه
ليل : وهو المفروض أن لما يكون في حاجه تقلق تروحيلها بنفسك ياريت الموضوع ده ميتكررش تاني ومتنزليش في الوقت ده تاني
نور بأندفاع: انا نزلت لان عارفه أن اكيد القصر متأمن بس فضولي خدني اني اشوف ايه الصوت ده ثم نظرت له واكملت: وبعدين هو انت بتعمل ايه هنا؟
ليل وهو ينظر لها بسخريه علي سؤالها : اظن انتي سمعتي كلامي كويس يا نور اتفضلي علي اوضتك
كادت نور ان ترد على حديثه ولكن لحظه فقد استوعبت أخيراً أنها بين أحضانه... لتسرع في الابتعاد عنه علي الفور مردفه بخجل : أنا .... أنا ماشيه والتفتت لتذهب علي الفور ولكن أوقفها
صوت ليل بثبات: استني القصر مليان حراس ومينفش تخرجي بهدوم البيت كده.. ثم اللتفت ليبدأ في اغلاق اجهزة التدريب الخاصه به كل ذلك تحت انظار نور التي لفت انتباهها شكل ليل الجذاب للغايه فكان ليل يرتدي تيشرت رياضي يجسم جسد ليل ذات القوام العريض وشعره المبعثر بشكل عشوائي وتتساقط قطرات الماء اثر ممارسة الرياضة والذي اعطت ليل شكل رجولي جذاب للغايه
ليل: يلا اتفضلي قدامي
نور: مش هينفع تخرج كده الجو برد بره وكده ممكن تاخد دور برد الافضل انك تنشف شعرك ووشك قبل ما تخرج
ليل وهو ينظر لها: لا متقلقيش
نور بسرعه: لا اقلق ثم أكملت اقصد يعني أن انت لو تعبت لقدر الله يبقي مفيش سفريه الساحل عشان كده لو سمحت نشف شعرك وجسمك قبل ما تخرج
ليل ابتسم بسخرية علي كلامها ثم امسك بالفوطه وقام بتنشيف شعره وجسمه ثم تحركو وذهب كل منهم الي غرفته
~~~~~~~~~~~~~~~~~~~~~~~~~~~~~~~~
وفي صباح يوم جديد في غرفه نور
مليكه: يا صباح النور علي احلي نور
نور بضحك : يا صباح الفل متأخره يعني النهارده في الصحيان
مليكه: متأخره اي ده انا صاحيه من الساعه 9 الصبح
نور بأستغراب: امال مجتيش صحتيني ليه زي كل مره
مليكه : الف سلامه عليكي يا نور يا بنتي ما أنا جيت اصحيكي لقيتك شبه القتيل فصعبتي عليا بصراحه وقولت اسيبك شويه لحد ما الساعه بقت 12
نور بتذكر: يالهوي والله نسيت خالص اصل نمت متأخر اوي امبارح
مليكه بغمزه: وايه اللي كان مضيع النوم من عينك يا موزه
نور: يا اختي اتوكسي وقومي يلا انزلي جهزي شنط السفر لاحسن اليوم بيجري
مليكه : اوك أنا هنزل وانتي فوقي وحصليني
نور : تمام
وما أن رحلت مليكه حتي ابتسمت نور عندما تذكرت ما حدث مع ليل أمس
نور لنفسها بصوت مسموع: ايه ده عيب كده يا نور قومي بقي خلصي اللي وراكي يا هانم ومتفكريش في حد
~~~~~~~~~~~~~~~~~~~~~~~~~~~~~~
ومر اليوم حتي جاءت الساعه السادسه ونصف
(في شركه العامري)
مالك : طيب حلو عليا كده انا يادوب اللحق اروح اغير عشان أروح ادخل عاطف دنيا
ليل : أنا مش فاهم انت بتفكر ازاي بس تمام قبل ما تمشي سلم زين ورق صفقه الغردقه عشان يشتغل عليها وتلحق تتسلم في معادها
مالك : تمام يلا سلام
وبالفعل ذهب مالك الي القصر وقام بأستبدال ملابسه بملابس اخري بسيطه ثم هبط الي حديقه القصر مره اخرى وبعد ثواني صُدم مالك وهو ينظر صوب عاطف وما يرتديه من ملابس
عاطف: مساء الخير يا استاذ مالك جاهز حضرتك عشان نتحرك
مالك بضحك: استاذ اي بقا انت خليت فيها استاذ.. ايه اللي انت لابسه ده يا عاطف اي بدلة اتوبيس مصر دي
عاطف بأنبهار: عجبتك يا أستاذ مالك
مالك: مش لما افهمها الاول
عاطف: معقول يا استاذ مالك دي بدله مشهوره اوي ده انا لقتها علي موقع ازياء عالمي قمت عملت اي بقي واخد صوره البدله واديتها لعم عباس الترزي قام عملي واحده زيها بالظبط
مالك بضحك وتريقه: لا عم عباس واضح أنه بيحبك اتوصي بالبويه وهو بيدهنلك البدله يلا يلا يا عاطف
عاطف: كله يهون عشان خاطر عيون شيماء
مالك: شيماء مين
عاطف: العروسه يا استاذ مالك
مالك بضحك: طيب يلا عشان منتأخرش
( وبالفعل بعد ساعه وصل مالك الي حي بسيط للغايه في أحد المناطق العشوائية)
مالك بملل: اي يا عاطف لسه كتير؟
عاطف : لا يا استاذ مالك اتفضل اركن علي يمينك اللي جاي ايوه هنا اتفضل انزل ثم ذهب ودق على الباب ليفتح شخص
فتحي: أهلا اهلا يا عاطف اتفضل ثم نظر إلي مالك : اتفضل يا استاذ اتفضل
عاطف : اقعد يا استاذ مالك ثم نظر إلي فتحي: اعرفك يا فتحي ده استاذ مالك الي بشتغل عنده ونظر إلى مالك ده فتحي اخو العروسه وولي أمرها
مالك: اهلا يا استاذ فتحي
فتحي: استاذ اي قولي يا فتحي بس يا بيه اتفضلوا نورتونا
فتحي: الحاجه الساقعه يا سميحه
مالك : متشكر جدا بس ممكن نتكلم في المهم
فتحي : والله ما نتكلم قبل ما تاخد واجبك يا بيه ثم أكمل روحي نادي العروسه يا سميحه
وبعد ثواني خرجت العروسه ( وياريتها ما خرجت😂)
مالك وهو يرفع نظره وما أن رأي العروسه حتي قام ببذق الحاجه الساقعه في وجه عاطف
مالك بخضه: بسم الله الرحمن الرحيم قل اعوذ برب الفلق
عاطف: مالك يا استاذ في اي
مالك وهو يسعل: مالي اي انت مش شايف الي أنا شايفه ولا اي ثم نظر لها انصرفي انصرفي لا تأذينا ولا نأذيكي
عاطف: دي شيماء يا بيه العروسه
مالك بصدمه: ال ايه عروسه دي العروسه اللي جمالها ميتوصفش يا عاطف أنا دلوقتي عرفت ليه ميتوصفش دي اللي زيها عايز أعاده ضبط مصنع وكتالوج عشان الناس تعرف تتعامل معاها
عاطف بضحك: حضرتك بس عشان متعرفهاش انما لما تتعامل معاها هتشوف هي قد ايه جميله
مالك: اتعامل مع مين أنت مدرك انت بتقول اي يا عاطف اسمع مني وقوم نمشي احنا ممكن نتلبس بجد
فتحي: في حاجه يا بيه
مالك بحرج : لا يا فتحي بس ممكن نتكلم في اللي احنا جاين عشانه
فتحي: طبعاً يا بيه .... تعالي يا عروسة سلمي علي عريسك والاستاذ مالك
شيماء بدلع: ازيك يا عاطف ازاي حضرتك يا استاذ مالك
مالك: كنت كويس من دقيقه ااقصد الحمدلله ثم نظر إلي فتحي وأكمل: احنا جاين نطلب ايد الانسه شيماء لعاطف
فتحي : ده شرف لينا يا استاذ وانا عن نفسي موافق انتي اي رأيك يا عروسه
شيماء: لولولولولولوي
مالك: بسم الله ماشاء الله دي واقعه.... نظر صوب عاطف واكمل: طيب مش يلا بقا يا عاطف
فتحي: والله لتكمل كوبايه الحاجه الساقعه يا بيه كده انت بتشتمني
مالك: لا وعلي اي هشربها .. ثم نظر إلي شيماء بأستغراب : الا ايه فستان وكاله الحج متولي ده يا انسه شيماء
شيماء: ده نيولوك يا استاذ موضه يعني عجب حضرتك
مالك: بسم الله ماشاء الله انت ماشيه علي موضه الأخذ من كل رجل قبيله
شيماء بفخر: امااال مش عروسه يا بيه
مالك وهو يقلد محمد إمام: امممم لا إذا كان كده ماشي
~~~~~~~~~~~~~~~~~~~~~~~~~~~~~~~~
ومر اليوم حتي جاء موعد السفر
ياسمين: خلاص كده انا حضرت شنطي
نور ومليكه : واحنا كمان
مليكه : أنا هاروح انادي حد علشان ينزل الشنط وتعالو احنا بقا نستني في الجنينه
~~~~~~~~~~~~~~~
وفي الحديقه يجتمع كلن من الفتيات والشباب..
زين : ايه كل الشنط دي هو انتو مهاجرين
مليكه: ده اقل ما عندنا
ليل: كده احنا هنروح كل واحد بعربيته وهنقسم الشنط والبنات علي عربيتي أنا وزين ومالك
زين: تمام وما أن أكمل كلامه حتي سمعو صوت مليكه بصدمه وصوت عالي : ايه ده ... حتي نظر الكل علي ما تنظر إليه مليكه
~~~~~~~~~~~~~~~~~~~~~~~~~~~~~~~~
(الفصل الخامس)
"حافظ على كل شيء جميل يسعدك , اجعله سراً بينك وبين نفسك , فكل شيء يعرفه البشر يفسدونه."
~~~~~~~~~~~~~~~~~~~~~~~~~~~~~~~~
مليكه بصدمه : اي ده؟
نظر الجميع الي ما تنظر إليه مليكه ليرو (ندي) وهي تتوجه نحوهم بعد ان صفة سيارتها أمام القصر...
زين بأستغراب: في اي يا مليكه صرعتينا دي ندي..
مليكه بسخريه: ما أنا عارفه انها ندي انت شايفني بقولك دي عم خليل أنا بسأل اي اللي جيبها دلوقتي؟
زين : ما طبيعي تيجي ما أنا قولتلكوا أنها مسافره معانا وهتيجي معايا في عربيتي
مليكه: ايوه قول كده بقا وهي بسلامتها مش قادره تروح هي لوحدها ونبقي نتقابل هناك؟
زين: أنا مش فاهم انتي ايه اللي مدايقك؟...ثم إن هي مش هتعرف تسافر لوحدها الطريق ده كله فهتيجي معايا في عربيتي واصلا طريقنا واحد ... كادت مليكه إن تتحدث ولكن قطع حديثهم دخول ندي عليهم مردفه بابتسامه جميله: صباح الخير
اردف الجميع: صباح النور
زين : صباح النور جاهزه؟
ندي بابتسامه: اه تمام
زين : تمام خليكي هنا مع البنات لحد ما نحط الشنط في العربيات
ياسمين: اهلا بيكي يا ندي أنا ياسمين اخت زين
ندي بأبتسامه: أهلا بيكي يا روحي ثم نظرت إلي نور
نور: وانا نور لقيطه هنا ههههه بهزر أنا مرات اخو زين وقبل انت تكمل حديثها قاطعتها مليكه بخنق: هو احنا هنفضل في فقرة التعارف دي كتير اااقصد يعني عشان مندايقش الضيفه
ندي: لا خالص والله مش مدايقه أصلا نور شكل دمها خفيف اوي وان شاء الله كلنا نبقي اصحاب واتشرفت بيكوا حقيقي ...
قطع حديثهم دخول ليل مردفاً بجديه: العربيات جهزت يلا عشان نتحرك... وبالفعل ذهبت الفتيات للصعود الي السيارات وما أن توجهوا حتي رأت مليكه (ندى) تذهب للصعود بسيارت زين...
مليكه بسرعه وبصوت عالي كالاطفال: هو انا هركب فين بقا أن شاء الله ؟
ندي بابتسامه: ممكن تركبي معايا يا مليكه عشان نسلي بعض كنت أحب نور تبقي معانا كمان بس هي اكيد هتركب مع جوزها ... لتنظر نور بصدمه مردفه: جوزي مين؟
ندي وهي تنظر إلي ليل : جوزك ليل
لينظر كلن من ليل ونور الي بعضهم.. نور بأحراج: لا ليل مش جوزي
ندي : انا اسفه بس انتو قولتولي انك مرات اخو زين
نور بتوضيح: أنا مرات اخوه بس سالم الله يرحمه
ندي : الله يرحمه حقيقي أنا اسفه مره تانيه
مليكه بصوت عالي : برضو أنا مفهمتش أنا هركب فين دلوقتي؟
مالك: اي يا بنتي هو انتي تبع حزب المعارضة ما العربيات كتير اهي اركبي مع اي حد بس غيري عشان أنا عربيتي مشغوله يا دوبك تخدني أنا وياسمين والشنط
مليكه : تمام وانا هركب في عربيه زين اصل مريحه وهواها رطب كده .... وقبل أن تصعد ندي بجانب زين ذهبت مليكه إليها : لا معلش يا ندي بس اصل انا لما بركب ورا برجع وببهدل الدنيا حتي تشوفي؟
ندي : لا لا خلاص مفيش مشكله..وبالفعل صعدت بالاريكه الخلفيه للسياره... كل ذلك تحت انظار زين الذي كان في كامل استغرابه من تصرفات مليكه
وعلي الجانب الآخر
مالك : يلا يا ياسمينه انتي معايا طبعاً... ثم نظر إلي نور أكمل : وطبعا انتي مع ليل
نور بصدمه: ليل مين ؟
مالك بضحك : ليل مين اي هو في كام ليل... قطع حديثهم صوت ليل بثبات: خلصتوا؟
مالك: اه ياسمين معايا ونور معاك سلامو عليكو
نور بأحراج توجة للصعود بجانب ليل وتحركوا الشباب للسفر
~~~~~~(في سياره زين )~~~~~~~
ندي : انما فين ماما وفاء مجتش ليه؟
مليكه بسخرية: ما اي؟... ماما وفاء؟
ندي : اه انا غلطت ولا اي مش إسمها ماما وفاء
مليكه: لا يا حبيبتي مغلطيش ..ثم أكملت بصوت واطي : جاتك مو لما ياكلك
زين: لا ماما قاعده مع فارس ابن نور اصلا ماما ملهاش في جو السفر وكده
ندي بتفهم: اممم تمام.... وبالطبع مر الوقت والذي لم يخلوا من مشاكسات ندي ومليكه
~~~~~(في سياره مالك )~~~~~
مالك بأبتسامه: العربيه منوره بيكي يا وحش الكون
ياسمين بضحك: وحش الكون ده علي اساس أن انت أحمد العوضي وانا ياسمين عبد العزيز مثلاً
مالك: لا أنا مالك عادي انما انتي احلي ياسمين في الدنيا .. ثم قام بتشغيل كاست السيارة علي اغنيه حسين الجسمي( بحبك وحشتيني ثم نظر لها عند مقطع ( ده وانتي مطلعه عيني بحبك موت)
ياسمين: مالك معلش وطي الصوت عشان عايزه انام شويه عشان لما نوصل ابقي فايقه
مالك : تنامي؟
ياسمين: اه في حاجه
مالك ببعض الحزن : لا يا ياسمين نامي
~~~~~(في سياره ليل )~~~~~~
اما ليل فلم ينطق بحرف طوال الطريق
نور بملل: أنا هشغل اغاني تحب تسمع حاجه معينه
ليل: لا براحتك
نور : تمام .... قامت بتشغيل اغنيه حسن شاكوش ( حبيبتي افتحي شباكك أنا جيت💃💃😂)
ليل: ايه ده؟ هي دي الاغاني اللي عايزه تسمعيها ده اللي بيعجبك؟
نور: وهو ده اي حد ده حسن شاكوش ياليل انت بتهزر ...بس كلام بيني وبينك أنا مش بسمعو طول الوقت
ليل بأستغراب: اشمعني؟
نور بمزاح : لحسن هاني شاكر يشم خبر ويصدر قرار بمنعي من ممارسة أعمالي أنا كمان
نظر لها ليل بعدم استيعاب مما تتفوه به
نور : خلاص يا ليل عرفت انك مش فاهم بربع جنيه حاجه من كلامي...
عاود أنظاره مره اخرى علي الطريق مردفاً بثبات: لا عادي متعود علي الكلام الغريب ده من مليكه
~~~~~~~~~~~~~~~~~~~~~~~~~~~~~~~~
وبعد ساعات وصلو أخيراً الي الشاليه ..وصفوا الشباب السيارات وقاموا بتنزيل شنط السفر .....
(في سياره زين ).كانت مليكه نائمه بطريقه مبعثره ومضحكه للغايه فكانت تضع قدميها علي تابلوه السياره بشكل عشوائي.. بالاضافه الي فمها المنفتح...
زين بضحك: مليكه انتي يا قتيله قومي
مليكه وهي نائمه : سبوني سبوووني عليها بنت الكلب دي قال ماما قال بقولكوا سبوووني محدش يحوشني
زين بضحك: هي مين دي.. يا مليكه اصحي
مليكه بفزع: ايه ده في اي وربنا هي اللي ضربتني.. هاتولي حقي بقا يا حكومه ..أنا عايزه حقي هاتولي منظمه حقوق الحيوان ااقصد حقوق الإنسان
زين: يخربيت الهبل قومي احنا وصلنا
مليكه بأستيعاب: اي ده هو انا كنت بحلم
زين بسخريه: تتخيلي اه اتفضلي انزلي بقا....
مليكه بعد ان هبتط من السيارة فردت يديها في الهواء بأستمتاع: ياااااه أخيراً الواحد كان قرب ينسى البحر بسبب شغلكوا يا بوعده يلا كله عند ربنا
نور : حصل ههههه عملتي ايه في البت يا مفتريه
مليكه ببرائه :أنا ولا اتكلمت انتي تعرفي عني كده
نور بضحك: ده انتي ام كده ..ثم أكملت طيب بقولك ايه أنا هموت وانام تعالي نطلع ناخد شاور وننام شويه عشان نفوق ونخربها بقا
مليكه بعدم تركيز: لا طيب بقولك اي يا نور بعد اذنك بقا دلوقتي عشان اركز مع الست ندي والبيه المحترم أنا اصلا نمت في العربيه بما فيه الكفايه ف روحي روحي انتي نامي... لم تعطي لها فرصه التحدث حيث انتهت مليكه من حديثها ورحلت علي الفور
نور: يا مليكه.. طيب قوليلي انهي اوضه..مليكه
مليكه وهي ترحل : الثالثه الاوضه الثالثه
نور : يا مجنونه استني..
فكرت نور بالاستعانة بياسمين لترشدها الي غرفتها
نور : مالك هي ياسمين فين؟
مالك: راحت الحمام تقريباً
نور لنفسها: اممم...شكلي كده مقدميش حل غير أني ادور بنفسي و اطلع أنا الاوضه لحسن هموت واخد شاور وانام بجد .... وبالفعل دلفت الي الشاليه وذهبت الي الدور العلوي
لتتفاجئ نور : اي ده بقا.. طيب هي مقلتليش الاوضه الثالثه من ناحيه الشمال ولا اليمين اقول عليكي اي يا مليكه
نور بحيره: خلينا في اليمين وأمرنا لله بقا
~~~~~~~~~~~~~~~~~~~~~~~~~~~~~~~~
البارت خلص 💜
تتوقعوا اي الأحداث الي جايه؟🤔😊
تعليقات
إرسال تعليق