 |
فرصة حياه
الفصل الحادي عشر حتي الفصل العشرون
بقلم نوني الهواري
كامله على مدونة النجم المتوهج للروايات
مر يومان واحمد يبحث عن خادمة تكون محل ثقة تعمل لدى مكتب معروف وليلى تعمل كل شئ في هدوء وهي ترى أخيه لم يترك كرامتها تهدر أمام أخت زوجته أما منى فقد فكرت في فكرة لتخلص من ليلى ..
بعد يوم طويل رجع أحمد إلى بيته فتح الباب
أحمد.. السلام عليكم
ليلى..وعليكم السلام احضرلك الاكل
أحمد.. هي منى فين
ليلى..منى في اوضتهابترضع أسر
أحمد.. طيب انا هغير هدومي ولو سمحتي يا لولو حضري الاكل
ليلى فرحانة من معاملة أحمد هو ومنى فمن يوم مشكلة منال وهم يتعاملو معها بطريقة جميلة
ليلى..حاضر يا أبيه
دخلت ليلى المطبخ لتحضير الاكل ودخل أحمد إلى غرفته فتح باب الغرفة وجد منى تحمل أسر وتهدهده كي ينام اقترب منها بهدوء وقبل جبينها هي والصغير
أحمد.. السلام عليكم عاملين ايه
منى بابتسامة..وعليكم السلام الحمد لله كويسين
أحمد.. هو أسر خلاص نام كنت عايز العب معه شوية
منى..هو لسة مش نايم بس عايز ينام خده لعبه شوية وهزه شوية هينام على طول
أخذه أحمد منها ولعب معه بفرح وهو يهزه بهدوء كي ينام
منى بمكر..عارف يا احمد نفسي في ايه
أحمد.. نفسك في ايه يا قلبي
منى بخبث..نفسي ليلى ربنا يسعدها وتتجوز ونشوف اولادها ونساعدها زي ما بتساعدنا كتير والله الواحد ما عارف يردلها جمايلها دي كلها ازاي
أحمد.. اه والله وانا كمان نفسي بس هعمل ايه ليلى رغم جمالها وأخلاقها مفيش حد اتقدم لها
منى..وليه تستنى حد يتقدم لها
أحمد.. يعني عايزاني انزل إعلان اطلب عريس
منى..مش كدا بالضبط
أحمد.. انا مش فاهم حاجة
منى..رامي صاحبك
أحمد بأستغراب.. رامي ماله رامي
منى..مش هو صاحبك متربي معاك وانت عارفه كويس وعارف اخلاقه يبقى خلاص كلمه
أحمد..اكلمه اقول له ايه تعالا اتجوز أختي
منى..وفيها ايه مش انت مكان أبوها والمثل بيقول أخطب لبنتك ولا تخطب لابنك ها قولت ايه
أحمد بتفكير..والله ما انا عارف
منى..هو صاحبك وهي اختك يعني مافيهاش حاجة
سكت أحمد ولم يرد وعرفت منى ان الفكرة اعجبته فخرجت من الغرفة وتركته
في المطبخ عند ليلى دخلت منى
منى..ها ياقمر طبخلنا ايه النهاردة
ليلى بفرح..طبخت بامية ورز عشان عارفة انك بتحبيها والحلو كنافة
منى..الله عليكي وتسلم إيدك يا قلبي ربنا يسعدك ونعرف نرد جمايلك دي كلها
ليلى بحب..جمايل ايه بس احنا اهل
منى..طيب يا حبيبتي الاكل جاهز اكلم أحمد
ليلى..اه جاهز كلميه وانا هحضر السفرة خلاص
خرجت منى من المطبخ وذهبت إلى أحمد
جلسوا حول المائدة يتناولوا الاكل ولكن أحمد في عالم آخر كيف يفاتح رامي فالفكرة اعجبته فعلا فهو صديقه وأخيه يتمنى له واحدة مثل ليلى وهي اخته وابنته ويتمنى لها واحد مثل رامي
انتهى اليوم وكل واحد ذهب إلى غرفته لنوم
فرصة حياه
الفصل الحادي عشر حتي الفصل العشرون
في صباح يوم جديد في الشركة في مكتب أحمد جاء اليه رامي ليمضي بعض الأوراق
رامي..صباح الخير يا كبير
أحمد.. صباح النور ايه كبير دي
رامي..مش انت كبرنا ولا ايه
أحمد فرح بالكلمة فهي تسهل له الدخول في الموضوع
أحمد.. طيب بما اني كبركم انا عايزك
لم يكمل أحمد وجد رامي يلم سترته بطريقة مضحكة وكأنه يستر نفسه
أحمد.. في ايه ياض مالك
رامي.. لأ لأ انا شريف وابن ناس حرام عليك يا ذئب هههههههه
أحمد.. انت اهبل ياض انت
رامي وقد ترك سترته..الله مش انت اللي يتقول عايزك
أحمد.. عايزك تتجوز يا اهبل
رامي بضحك..طب مش تقول كدا ههههههه انت هتسيب الشركة وتشتغل خاطبة
أحمد.. ايوة عشان خاطرك هشتغل خاطبة بس قولي انت لسة بتحب هبه
رامي بكذب..ما قولتلك موضوع هبه انتهى
أحمد اراح ظهره للخلف ..كويس بصراحة كدا يا رامي من غير مقدمات انا عايزك تتجوز ليلى أختي
رامي بصدمة..ايه ليلى انت بتتكلم بجد
أحمد قد فهم صدمة رامي على أنها فرحة بجوازه من ليلى
أحمد.. ايوة ليلى انا مش هلاقي احسن منها ليك وهبقى مطمئن عليها معاك
رامي لا يعرف ماذا يجيب صاحبه
أحمد.. فكر على مهلك ورد عليا ومهما كان ردك دا مش هيغير أي حاجة بينا
خرج رامي وهو تحت تأثير الصدمة اكمل عمله وذهب إلى منزله
في منزل رامي
رامي بتوهان..السلام عليكم
سوسن..وعليكم السلام مالك يابني شكلك مش مركز في ايه
رامي بدون تركيز..أحمد طلب مني اتجوز ليلى اخته
سوسن بفرح..ياالف نهار ابيض ياالف مبروك يا زين ما اخترت
رامي..انا مخترتش بقولك أحمد هو اللي طلب مني
سوسن..وفيها ايه دا دليل انه شايفك كويس ومحترم عشان يطلب منك كدا هي البنت بقى شكلها ايه انا من زمان مشفتهاش وحتى في عزا أبوها وامها مشفتهاش
رامي بيأس من كلام امه..في العزا كان عندها انهيار وكانت في اوضتها
سوسن..طب قولي هي شكلها ايه
رامي..معرفش
سوسن..يعني ايه متعرفش مش انت شايفها
رامي..ايوة شايفها بس عمري ما بصت لها وعمري ما فكرت فيها اصلا
سوسن..وماتفكرش فيها ليه كانت جميلة جدا وهي صغيرة يعني دلوقتي اجمل
رامي..كل دا ميهمنيش
سوسن..يعني ايه
رامي..يعني انا مش بحبها وهقول ل أحمد اني مش موافق
سوسن..ازاي بعد كل اللي عملوه هو وابوه ترفض طلبه انت ناسي هما عملو ايه معانا
رامي..يا امي والله مش ناسي ان لما بابا مات الله يرحمه وانا كنت في الثانوية وكنت هسيب المدرسة واشتغل عشان اوفر لكم مصاريف البيت لان معاش بابا مش بيكفي ولما أحمد عرف كلم والده وعمي محمود الله يرحمه كلمني عشان اشتغل عنده في الشركة واكمل دراستي وكان بيديني مرتب كبير وكمان مصاريف المدرسة والدروس انا ونور كانت عليه فاكر جميله كويس بس مش هقدر اتجوزها وانا مش بحبها
سوسن..تفتكر بعد كل دا يهون عليك صاحبك واخوك انك تقوله لأ هو عايز يطمئن على اخته و شايف انك احسن واحد ليها فكر يابني
سكت رامي فهو فعلا لا يستطيع أن يقول لصديقه لأ فهو ليس صديقه فقط فهو يشعر ان أحمد الده ويخاف على زعله لكنه يحب هبه ولا يرى فتاة غيرها
رامي لنفسه ..يارب اعمل ايه حلها من عندك......
الفصل الثاني عشر
مر يومان ورامي يتهرب من مواجهة أحمد يكمل عمله ويرسل به السكرتيرة واحمد لم يريد أن يضغط عليه ولا يريد أن يسأله عن رده
في مكتب رامي
شعر رامي بالضيق فهو لا يعرف ماذا يفعل وجد أمامه هاتفه امسكه واتصل على صديقه آدم العدوي فهو صديقه وقد يكون عنده حل بدون ان يجرح أحمد
رامي..السلام عليكم
آدم.. وعليكم السلام
فرصة حياه
الفصل الحادي عشر حتي الفصل العشرون
رامي..عامل ايه يا عم الشبح ديما مختفي
آدم.. كويس الحمد لله ولا مختفي ولا حاجة انت اللي مش بتسأل عليا وانت عارف اني غرقان في الشغل المهم انت عامل ايه
رامي..عندك حق ياصحبي انا فعلا مقصر معاك سكت شوية وقال انا مش كويس يا آدم
آدم بقلق..في ايه يابني مالك
رامي..حكى له ما طلبه أحمد وحكى عن رأي امه
آدم صدم فهذا آخر ما توقعه في الدنيا ان صاحبه يتزوج حبيبة عمره ولكن ليس عليهم لوم فصاحبه لا يعرف انه يحبها وهي لا تعرف بحبه لها
رامي..ايه يابني روحت فين
آدم يحاول التماسك..معاك يعني هروح فين بس انت ايه اللي مزعلك
رامي..انا مش بحبها وعمري ما فكرت فيها دا شكلها مش عارفه انت عارف ان اول مرة اشوفها من قريب كانت يوم بيع البيت لما قدمت لنا المشروبات انا كنت بشوفها نازلة او طالعة
آدم.. خلاص فين المشكلة مدام مش بتحبها قول ل أحمد كدا بس بطريقة كويسة
رامي..مش قادر انت عارف أحمد بالنسبة ليا ايه انا بعتبره ابويا وخايف يزعل مني
آدم.. طيب انت هتعمل ايه
رامي..امال انا متصل بيك ليه عشان تقولي اعمل ايه
آدم.. انت عبيط يالا اقولك ايه مزعلك تقول مش بحبها اقولك قول ل أحمد لأ تقول مش هقدر المفروض اقولك ايه
رامي..تصدق عندك حق مهو دا اللي محيرني قولي يا آدم اعمل ايه
آدم بفلب ينزف ..فكر شوية وصلي صلاة استخارةيمكن ربنا مقدر لك خير انت مش شايفه
رامي بأقتناع..انت صح انا هعمل كده شكرا يا صاحبي انت عارف انا مليش غيرك انت واحمد
آدم بغصة بقلبه..ربنا يعمل الخير انا هقفل دلوقتي عشان عندي شغل كتير وابقى اكلمك بعدين اعرف عملت ايه
رامي..ماشي ياصحبي معلش عطلتك
آدم.. ايه العبط دا يالا مع السلامة
رامي..مع السلامة
أغلق آدم الخط ووضع هاتفه على المكتب ووضع رأسه بين يداه ماذا يفعل يترك حبيبته بسهولة ويتخلى عن حبه أم يتقدم لها ويرفضه أخوها ويقول له أين اهلك انت مقطوع من شجرة رفع رأسه ليجد اخوه أدهم
آدم.. انت هنا من امتى
أدهم.. من اول المكالمة مع رامي
نظر آدم لأخيه وجد في عيونه اتهام انه جبان
آدم.. انت بتبصلي كدا ليه
أدهم.. يعني انت مش عارف
آدم.. لأ مش عارف ومش عايز اعرف
أدهم.. مدام مش عايز تعرف يبقى مفيش داعي للكلام
خرج أدهم وأغلق الباب خلفه
في منزل رامي
رجع رامي من عمله فتح الباب ودخل
رامي..السلام عليكم
سوسن..وعليكم السلام احضرلك الاكل
رامي..لأ مليش نفس
سوسن..ليه كل دا يابني يمكن ربنا عايزلك الخير
رامي..يمكن يا امي
سوسن..يعني خلاص موافق
رامي بصوت مخنوق..ايوة يا امي موافق
احتضنته امه..الف مبروك يا حبيبي كلم أحمد وفرحه اكيد مستني ردك وحدد معه موعد بكرة الساعة ٨ عشان نزورهم
رامي..ومالك مستعجلة أوي كدا
سوسن بفرح..يابني خير البر عاجله
رامي..حاضر يا امي
سوسن..حضرلك الخير يا حبيبي وان شاء الله يتمملك على خير ويسعدك
رامي من غير نفس..ان شاء الله
دخل رامي غرفته وأمسك هاتفه واتصل ب أحمد
رامي ..السلام عليكم
أحمد.. وعليكم السلام عامل ايه يا رامي ليا يومين مش شايفك
رامي..كويس الحمد لله اصل كنت عايز اقولك
قاطعه أحمد..مهما كان ردك مش هيغير حاجة انت اخويا وصاحبي
رامي..لأ انا كنت عايز اقولك اني موافق وجاي انا وماما ونور بكرة الساعة ٨
أحمد بفرح..اهلا وسهلا بيكم تشرفوا في أي وقت متصورش انا سعيد بقرارك دا انا فرحان اوي يا رامي
رامي..ربنا يخليك ليا يا صاحبي واكون قد الثقة دي
أحمد.. خلاص بكرة انت اجازة عشان تجهز نفسك واشوفك بليل
رامي..ماشي مع السلامة
أحمد.. مع السلامة
أغلق أحمد الخط مع رامي واتصل بمحمد
أحمد.. السلام عليكم
محمد..وعليكم السلام ازايك يا احمد عامل ايه
أحمد.. الحمد لله كويس اوي اوي
محمد..ايه دا كله مالك فرحان كدا
أحمد.. رامي جاي بكرة عشان يخطب ليلى
محمد..رامي مين
أحمد.. رامي يابني هو احنا نعرف مية رامي
محمد بأستغراب..ورامي طلبها امتى وكمان تحددوا ميعاد بكرة وليلى عندها علم
أحمد.. اصبر شوية كل دي أسئلة رامي كلمني من يومين وانا قولت له يأخد رأي والدته وهو كلمني دلوقتي عشان يحدد ميعاد ويجي هو وامه وأخته
محمد..بس رامي عمره ما انتبه ل ليلى ولا حتى حاول يسلم عليها
فرصة حياه
الفصل الحادي عشر حتي الفصل العشرون
أحمد بأرتباك..مش عارف يمكن امه صاحبة الفكرة
محمد..مس انت قولت انه كلمك من يومين وانت قولت له يأخد رأي والدته يبقى ازاي هي صاحبة الفكرة
أحمد..مش عارف بقى مين صاحب الفكرة هو دا اللي حصل المهم بكرة تكون موجود انت وهالة والعيال قبل ما الناس تيجي تمام
محمد بشك..تمام قبل الميعاد هتلاقيني عندك
أحمد.. تمام مع السلامة
محمد..مع السلامة
خرج أحمد من غرفته إلى الصالة وجد ليلى ومنى إمام التلفاز
أحمد.. ليلى عايز اقول لك حاجة
ليلى..خير يا أبيه
أحمد.. متقدملك عريس
ليلى بتسأل..عريس
منى باندفاع..وااااو الف مبروك يا ليلى ومين العريس يا احمد
أحمد.. رامي صاحبي
منى..ايوة يا ليلى مين قدك عريس ما يتعيبش محترم وحالته المادية كويسة وصاحب اخوكي يعني عارف عنه كل حاجة
ليلى..بس انا مش عرفاه
منى..هو انت عايزة تتجوزي عن حب وعلاقة وكدا
لم ترد ليلى ولكن أرادت أن تقولها ما انتي اتجوزتي أحمد بعد حب اربع سنوات في الجامعة
أحمد.. عمتا هو وامه وأخته جايين بكرة الساعة ٨ جهزي نفسك واعملي حسابك ان الموضوع ده غير قابل للنقاش انا عارف مصلحتك كويس
هزت ليلى رأسها بمعنى نعم ودخلت غرفتها
منى بفرح..برافو عليك يا قلبي يا زين ما عملت اكيد انت كدا ارتحت
أحمد.. ايوة انا فرحان اوي
في غرفة ليلى
تجلس على السرير تبكي كيف لاخيها ان يزوجها بدون حتى موافقتها لمجرد أنه صاحبه أليس لها حق اختيار شريك حياتها وهنا تذكرت صاحب العيون الخضراء كما سمته فهي لأتعرف اسمه فاطلقت عليه هذا الاسم
ليلى لنفسها..ليه بعدت عني ليه مكلمتنيش ليه ما قربتش مني ليه سبتني انا كنت حاسة انك بتحبني وتخاف عليا وتذكرت كيف ستتزوج رامي وهي لا تحبه وقلبها متعلق بصاحب العيون الخضراء فماذا تفعل...
الفصل الثالث عشر
في شقة محمد بعد ان اغلق الخط مع احمد
نظرت له هالة بأستغراب
هالة بفرح..متقلش رامي هيخطب ليلى
محمد..ومالك فرحانة كدا
هالة..في ايه يامحمد مش عايزني افرح لصاحبتي واختي
محمد..مش عارف حاسس ان في حاجة غلط
هالة ..حاجة ايه
محمد..احمد مرتبك وكلامه مش مترتب يقول رامي كلمني من يومين وقاله خد رأي امه وبعدين يقول امه صاحبة الفكرة
هالة..مش مهم مين صاحب الفكرة المهم انه انسان محترم وكويس وانتوا عارفينه كويس ولا ايه
محمد..ايوة هو محترم ومتربي مع احمد وعارفين عنه كل حاجة بس كل دا مش مهم المهم موافقة ليلى
هالة..أيوة طبعا اهم حاجه موافقتها
محمد..طيب انا هنام عشان اصحى بدري واخلص شغلي بدري واشتري حاجات ناخدها معنا عشان الحق اجي اخدك انتي والعيال ونرحوا قبل الناس ما تيجي
هالة..طيب يا حبيبي تصبح على خير
محمد..وانتي من اهله
عند رامي في غرفته
امسك هاتفه واتصل ب هبه
رامي..السلام عليكم
هبه..وعليكم السلام عامل ايه يا بيبي
رامي..انا بخير انتي عاملة ايه
هبه..كويسة الحمد لله
رامي ..هبه انا عايز اتجوزك بكرة الصبح
هبه بضحك..انت بتهزر
رامي..لأ طبعا مش بهزر
هبه..مش هينفع لازم تديني وقت عشان استعد
رامي..تستعدي لايه
هبه بارتباك..اجهز نفسي يعني
رامي..هبه انا بكرة بليل رايح اخطب
هبه متفاجئة..ايه انت قولت ايه
رامي..بقولك رايح اخطب
هبه بعصبية..واما انت رايح تخطب بتكلمني ليه وعايز مني ايه
رامي..انا بحبك وعايز اتجوزك
هبه..وازاي بتحبني وعايز تتجوزني ورايح تخطب
رامي..دي تبقى اخت احمد صاحبي وامي موافقة عليها
سكتت هبه و قالت لنفسها اخت احمد يعني غنية وعندها فلوس يعني اي حاجة هطلبها من رامي او اي مبلغ هيكون جاهز
رامي..هبه ارجوكي ردي عليا
هبه بحزن مزيف..ايوة يارامي معاك
رامي..والله يا حبيبتي انا مش بحبها لكن مضطر اتجوزها
هبه..مادام مش بتحبها ومضطر خلاص
رامي..قصدك ايه بخلاص
هبه..انا معاك يا قلبي اتجوزها وانا هستناك لما الظروف تسمح نبقى نتجوز
رامي بسعادة..بجد ياهبه
هبه..ايوة ياعيون هبه
رامي..انا فرحان اوي انك فهمتي موقفي
هبه..انا اكتر واحدة لازم افهمك اقدر ظروفك واكون جنبك يا عمري
رامي..دا انتي اللي عمري وحياتي كلها
هبه..طب كفاية كدا انا ورايا شغل سلام دلوقتي يارامي
رامي..سلام يا قلب وروح رامي
اغلق رامي الخط وهو يشعر بفرحة كبيرة فهو لن يخسر حبيبته
انتهى اليوم وكل واحد في حال
في يوم قراءة الفاتحة
فرصة حياه
الفصل الحادي عشر حتي الفصل العشرون
جاء محمد وهالة والاطفال يحمل الكثير من الحلوى والشيكولاتة والعصائر
سلموا على منى واحمد
دخلت هالة غرفة ليلى وجدتها مازالت لم تلبس بعد سلمت عليها ليلى واحتضنتها بشدة
هالة..ايه دا انتي لسة ملبستيش
ليلى..هلبس اهو
هالة..مالك ياليلى انتي مش فرحانة دا انتي واقعة واقفة واد مز ومحترم وشغال مع أخواتك يعني ميعرفش يلعب بديله
ليلى سكتة لا كلام ولا فرحة ولا اي شئ
هالة..انتي مش موافقة
ليلى..لا موافقة ولا رافضة
هالة..طيب البسي الاول وشوفيه وبعدين حددي موقفك
ليلى..حاضر يا هالة
لبست ليلى فستان انيق من اللون البنفسجي الغامق وعليه حجاب رائع ومكياج خفيف يظهر جمالها ورقتها
خرجت هالة لتكون في استقبال الناس والخادمة جهزت كل شىء لضيوف
بعد قليل رن جرس الباب فتح احمد ورحب ب رامي وامه وأخته ودخلو الصالون دخل محمد ورحب بهم وهالة ومنى بعد الترحيب والسلام
سوسن..اومال عروستنا فين
هالة..حاضر ثواني اكلمها
ذهبت هالة لتحضر ليلى
احمد..اهلا وسهلا شرفتونا
سوسن..الشرف لينا احنا يا حبيبي
لاحظ محمد ان رامي لا يتكلم ولا يرد ولا يظهر عليه اي تعبير
محمد..ايه يا رامي مش عوايدك ساكت يعني
رامي..لا ابدا بس هقول ايه
دخلت ليلى بصحبة هالة وجدت رامي وامه جالسون على الكنبة ونور على كرسي بجانب رامي ومنى ومحمد واحمد على كراسي مقابلة لهم
ليلى باحراج..السلام عليكم
الكل..وعليكم السلام
سوسن وقفت ..بسم الله ماشاء الله تعالي ياحبيبتي يا غالية يابنت الغالية
احتضنتها بشدة شعرت ليلى بدفء اراح قلبها قليلا وبعد ان تركتها سوسن سلمت على رامي وعلى نور
نور..انا ما كنتش فاكرة انك حلوة اوي كدا يا بختك يا ابيه
لم يعلق رامي وفضل الصمت ومحمد يراقب تعابير وجهه
ارادت ليلى ان تجلس على الكنبة الاخرى بجانب هالة ولكن سوسن قالت..تعالي جنبي يا قمر
جلست ليلى بين رامي و امه دخلت الخادمة ومعها المشروبات والحلويات والشيكولاتة وقدمت لهم
سوسن..بص يا استاذ احمد احنا النهاردة جايين نخطب ليلى العسل دي لابني رامي
احمد..استاذ ايه بس يا امي دا حضرتك مربياني مع رامي
سوسن..ربنا يعلم معزتك عندي ايه ولا الست والدتكم ووالدكم الله يرحمهم
هالة..ربنا يديم المحبة ويسعدهم يارب
سوسن..ها يابني قولت ايه
احمد بدون النظر ل ليلى..على خيرة الله
سوسن..خلاص يبقى الفرح بعد اسبوعين
انصدم رامي وليلى من قرب الموعد
اما منى واحمد وهالة فرحانين
اما محمد مش فاهم موقف رامي كيف هو من تقدم لخطبتها لا يتكلم ولا يظهر عليه اي تعبير لكنه يفهم موقف ليلى فهي لا تعرفه
احمد..انا موافق على بركة الله بس الشقة
سوسن..في شقة في الدور السادس صاحبها عايز يبعها وانا كلمته امبارح وبكرة هنمضي العقد وهي كويسة ونظيفة اوي لان صاحبها دايما مسافر وفرشها مش هيأخد وقت العروسة تنزل تختار اللي هي عايزاه وانا تحت امرها
هالة..اكيد حضرتك هتنزلي معنا عشان تختاري معنا
سوسن..انا مش مهم المهم القمر دا وتربط على ظهر ليلى بحنان
ليلى..حضرتك الخير والبركة ياطنط
سوسن..لأمتقوليش ياطنط قولي يا ماما انتي زي نور
ليلى..طبعا يا ماما
سوسن تحضن ليلى..حبيبتي ربنا يسعدكم
مالت نور على رامي..مش عايز تقعد مع القمر دا لوحدك تتكلم معها
رامي..ها يااحمد نقرأ الفاتحة عشان نمشي
احمد..ومستعجل ليه تمشي
رامي..معلش كفاية كدا
قرأ الجميع الفاتحة واخرجت سوسن علبة رائعة بها خاتم جميل غالي واعطته ل رامي ألبسها رامي الخاتم وقال..يالا ياماما
سوسن..يبقى الفرح الخميس اللي بعد اللي جاي ان شاء الله الكروت انا هطبعها واوزعها
محمد..خلاص ياامي انا هحجز القاعة واطبع الكروت وخلي حضرتك معهم في ترتيب الشقة
محمد..خلاص ياامي انا هحجز القاعة واطبع الكروت وخلي حضرتك معهم في ترتيب الشقة
سوسن..خلاص يابني اللي تشوفه
قام رامي و امه ونور ورحلوا
دخلت منى غرفتها ودخلت هالة مع ليلى غرفتها
نظر محمد ل احمد
محمد..انا مش عارف رامي مش باين عليه انه عريس وفرحان
احمد..يا راجل مكسوف ما انت كنت مكسوف ماتكلمتش ولا كلمة
محمد..ايوة ماتكلمتش لان بابا الله يرحمه كان موجود بس كنت فرحان
احمد..خلاص بقى يا محمد
محمد..طيب انت سألت ليلى عن رأيها انت قرأت الفاتحة من غير ما تسألها عن رأيها
احمد..من غير ما اسألها رامي كويس وهيحافظ عليها
محمد لنفسه برضو في حاجة غلط .......
الفصل الرابع عشر
في منزل رامي
بعد ان عادوا من عند احمد وتمت قراءة الفاتحة دخلت امه على غرفتها ونور كذلك
اخذ رامي هاتفه واتصل على صديقه آدم
رامي..السلام عليكم
فرصة حياه
الفصل الحادي عشر حتي الفصل العشرون
ادم..وعليكم السلام عامل ايه يا رامي
رامي..انا مش كويس ياادم
ادم..في ايه يابني ما تتكلم
رامي..انا النهاردة قرأت فاتحة ليلى
ادم بصدمة فهذا اخر ما يود سماعه
ادم..انت قولت ايه
رامي..شوفت انت ازاي اتصدمت اومال انا اعمل ايه
ادم..مش قصدي انت لما كلمتني المرة اللي فاتت قولت انك مش بتحبها فأستغرابت لما قولت انك قرات الفاتحة
رامي..مقدرتش أقول ل احمد لأ وكمان امي عجباها العروسة اوي
ادم..بس انت مينفعش تتجوز واحدة تعيش معها عمرك كله علشان خاطر احمد او خاطر امك دا جواز مش أكلة هما عاملينها وانت هتأكل منها عشان مايزعلوش
رامي..دا انت كمان مش هتصدق الفرح بعد اسبوعين
ادم وقد طعن قلبه ..لأ كدا كتير مين اللي حدد الفرح على الاقل اعملوا خطوبة تتعرفوا على بعض
رامي..امي ياسيدي اول ما شافت ليلى بعد ما كبرت قالت جواز على طول وشكلها خافت ارجع في كلامي ولا ايه انا مش عارف وسألتها ليه عملتي كدا ليه مردتش عليا انا هطق ياادم
ادم تحت تأثير الصدمة..طب انتو هتعيشو فين
رامي..امي ياسيدي من ساعة ما قولتلها على طلب احمد ورتبت كل حاجة واشتريت الشقة اللي تحت شقتنا شوفت وصلت لايه
لم يرد ادم وكأنه وقع من فوق جبل عالي شعر بالدوار وتنفسه غير منتظم
رامي..ايه يا عم انا بكلم نفسي ولا ايه
ادم..لأ معاك يارامي بس معنديش كلام اقوله دي حياتك وانت اللي لازم تحدد انت عايز ايه
رامي..خلاص معدش ينفع احنا قرأينا الفاتحة ولبستها الخاتم وحددوا ميعاد الفرح يالا مش هتفرق بس بقولك ايه اوعى تسبني يوم الفرح عايزك جانبي
ادم..حاضر يارامي ابقى قولي على ميعاد الفرح واسم القاعة وانا مش هتأخر عليك
رامي..ماشي يا صاحبي مع السلامة
ادم..مع السلامة
أغلق آدم الخط مع رامي ورفع رأسه ليجد ادهم ينظر له بغضب شديد
ادم..في ايه ياادهم
ادهم..انت كمان بتسأل يعني مش عارف
ادم ..ورحمة ابوك وامك ما تكمل على بقيتي
ادهم..انت اللي عامل في نفسك كدا انت في ايدك حل المشكلة كلها بس انت اللي مش عايز تحلها
ادم..ارجوك ياادهم اسكت انت مش فاهم حاجة سيبك من كل دا قولي عملت ايه في اللي قولتلك عليه انا طلبت منك تسافر دبي ولافرنسا وتدرس السوق عشان نفتح فرع لشركة
ادهم..انا مش هسافر ولا هعمل حاجه الإ لما افهم هو في ايه بالضبط وبعدين انت بتغير الموضوع ليه ها رد عليا ليه هتسبها تتجوز واحد مش بيحبها
ادم..يمكن هي بتحبه
ادهم..انت عارف انها مش بتحبه ولاعمرها اهتمت حتى انها تشوفه يبقى بتحبه ازاي
ادم..ارجوك اسكت اسكت
ادهم ..مش هسكت الإ لما افهم في ايه
ادم..عايز تعرف في ايه انا هقولك في ان الرجالة بتعنا قالوا لي ان في ناس بتسأل علينا وباين عليهم انهم صعايدة وبيسألوا على اهلنا وعلى قصة حياتنا يمكن يكونوا اهل ابوك او اهل امك وعايزين طارهم
ادهم..ما خلاص ابوك وامك ماتوا
ادم..وانت فاكر انهم لما يموت اللي عايزين منه الطار القصة انتهت ابدا
ادهم..قصدك ايه
ادم..قصدي انك تسافر في اقرب وقت ممكن عشان كدا انا مقدرتش اخد خطوة في موضوع ليلى انا بعد ما كلمني رامي كنت هكلم احمد واطلبها منه بس بعد ما عرفت حكاية الناس اللي بترقبنا خوفت اخسرها واخسرك ويموتوا حد فيكم قدام عنيا ومقدرش اعمل حاجة عشان خاطري ياادهم سافر ارجوك
ادهم فهم موقف اخوه وخوفه عليه وعلى ليلى
ادهم..انا لايمكن اسيبك مهما حصل و زي ما عشنا سوا نموت سوا ودا اخر كلام عندي ومش هسمع كلام تاني ليلى انت حر معها لكن مش حر معايا دا قدرنا ولازم نواجهو سوا
ادم لم يجد كلمات اخرى فأخوه لم يعطيه فرصة لرد وضع رأسه بين كفيه
مر الاسبوعين بسرعة بين تجهيز الشقة وفرشها وكانت سوسن تعمل بسعادة وفرحة ان ربنا استجاب لدعائها وابنها سوف يتزوج من بنت ذات اخلاق وجمال وعائلةمحترمة ونور اصبحت صديقة ليلى وهالة اما منى لم تهتم بأحد ان كل ما يشغلها انها خلصت من ليلى
في يوم الفرح في احد قاعات الفنادق الشهيرة بالاسكندرية يقام عرس ليلى ورامي وتم حجز غرفة لتجهيز العروس واراد محمد ان يحجزها لمدة أسبوع ولكن رامي رفض واصر انه بعد الفرح يذهب الى الشقة
في غرفة العروسة
اكملت ليلى لبسها ومكياجها فهي مثل الاميرات واكملت هالة ومنى ونور هالة لبست فستان اسود رائع وانيق هادي وعليه حجاب غاية في الجمال ..نور لبست فستان ازرق رائع مكياجها وشعرها في غاية الجمال..منى لبست فستان احمر مكياجها وشعرها في غاية الرقة
طرقت سوسن الباب ودخلت
سوسن..بسم الله ماشاء الله ايه القمر دا ربنا يسعدكم يابنتي احتضنتها ليلى بحب
ليلى..ربنا يخليكي يا ماما
دخل احمد كي يأخذها وينزل لاسفل ليسلمها لعريسها بنفسه
اما رامي يقف اسفل الدرج من غير اي تعبير على وجه
لاحظه محمد
محمد..في ايه ياعريس مالك
رامي..لا ابدا مفيش
محمد بضحك ..اوعى تكون خايف من بعد الفرح
رامي نكزه في كتفه بخفه..يا عم اتنيل انت كمان انا نقصك
محمد..طب اسكت العروسة نازلة شوف القمر ياابن المحظوظة
رامي..انت متأكد انك اخوها
محمد..يا عم بفرفشك شوية في ايه
رامي..اسكت وابعد عني يامحمد
بعد عنه محمد وهو لم يفهم لما رامي متوتر لهذه الدرجة
نزل أحمد بيده ليلى سلمها لعريسها اخذها رامي واتجه ناحية الزفة وبعدها جلسوا في المكان المخصص لهم
اخذ محمد هالة والطفلان وجلسوا على طاولة منى واحمد واسر
جلست سوسن ونور على طاولة مع بعض اقاربهم ودخل ادم ومعه ادهم واتجه ناحية احمد و محمد
ادم..الف مبروك ربنا يسعدهم
قام احمد ومحمد لسلام على ادم وادهم
احمد..الله يبارك فيك مش ناوي تتجوز انت كمان زي صاحبك ولاايه
ادم بابتسامة خفيفة..ان شاء الله
محمد..اهلا بيك ياادم اهلا بيك ياادهم عقبالكم
فرصة حياه
الفصل الحادي عشر حتي الفصل العشرون
ادم/ادهم ..اهلا بيك يامحمد والف مبروك عقبال ولادك
ذهب محمد واحمد مع ادم وادهم يسلموا على العرسان
احمد سلم على ليلى وقبل جبينها ..الف مبروك ربنا يسعدك
احمد سلم على رامي..مش هوصيك عليها يارامي
محمد فعل نفس الفعل
اقترب ادم وسلم على رامي..الف مبروك يا صاحبي ربنا يسعدك
رامي..الله يبارك فيك عارف لو ماكنتش جيت كنت وريتك
اقترب ادم من ليلى ومديده لها كانت عيونها ليس بها لمعة الفرحة ولكن عندما نظرت له ظهرت لمعة غريبة في عيونها ونظرت له مطولا ويدها بين يداه وشعرت بشعور غريب قلبها يكاد يخرج من مكانه وهو ايضا لم يفهم نظرتها له ولا لمعة عيونها له لكن عنده نفس الشعور فقلبه يكاد يخرج من مكانه
ادم..مبروك يا عروسة
ليلى..الله يبارك فيك
رامي..دا ادم صاحبي وزميل احمد ايام الدراسة
هزت ليلى رأسها له
سرحت ليلى قليلا فعيون ادم هي نفس عيون صاحب العيون الخضراء وسألت نفسها ياترى هو
فاقت من شرودها على صوت هالة ..شوفتي المز اللي جيه سلم عليكم
ليلى..اه ماله
هالة..مالك زعلانة
ليلى..لا ابدا مفيش
هالة..مش قولتلك يوم بيع البيت نفسي اشوف لون عنيه وشوفتها
ليلى..هنادي محمد عشان نشوف لون عنيكي وهي زرقا اتلمي شوية
هالة..كدا يالولو وبعدين مال عينيكي طالع منها شرار كدا دا لو جوزك اللي جنبك مش هتغيري عليه كدا
ليلى..لا ابدا وانا اغير عليه ليه انا غيرانة على اخويا اللي سياتك عمالة تتغزلي في عيون صاحبه
هالة..لأ ياختي الا مودي دا فلبي
ليلى..ربنا يسعدكم ويفرحكم بأولادكم
هالة..يارب ويسعدك يا قلبي
ليلى..ان شاء الله
ذهب ادم وادهم الى سوسن ليسلمو عليها فرحت بهم واحتضنتهم
سوسن..عاملين ايه يا حبايبي
ادم..الحمد لله ياماما بخير
ادهم نفس الرد
سلمو على نور وذهبوا الى طاولة ليس بها احد وجلسو عليها
ادهم..انا مش عارف انت ازاي قاعد وهادي كدا
ادم..يعني عايزني اعمل ايه
ادهم..ولا حاجة بس خلينا نمشي
ادم..مش هينفع عشان خاطر ماما سوسن ورامي
ادهم..انا مش قادر اقعد في المهزلة دي
ادم..مهزلة ايه
ادهم..هو مش طايقها وهي مش عايزاه وانت بتحبها
ادم..ومين قالك انها مش عايزاه
ادهم..من نظرة عنيها
ادم..ياسلام وشوفت ايه من نظرة عنيها يا فالح
ادهم..مش عارف بس نظرتها ليك كانت غريبة مش فاهمها
ادم..طب اسكت واتلهي
ادهم..لا انا ماشي مش قادر اقعد
ادم..طيب امشي وانا شوية وابقى امشي
مشى ادهم ونظر ادم ل ليلى فوجدها تبحث عن احد وعيونها تتحول في المكان كله استغرب آدم وقال لنفسه ياترى بتدور على مين ولكن عندما تلاقت اعيونهم لم تعد تدور على احد وركزت نظرها عليه قال..لو اعرف سر النظرة دي
انتهى الفرح واخذ رامي ليلى وذهبوا الي شقتهم ودخلوا واغلق الباب خلفه......
الفصل الخامس عشر
في منزل ادم
دخل ادم وجد اخيه يلعب في هاتفه وعندما رأه ادهم ترك الهاتف من يده
ادهم..الحمد لله على السلامه ايه التأخير دا كله
ادم..ابدا خلص الفرح ورحنا وصلنا رامي لحد العمارة
ادهم بصدمة..انت ايه يا اخي تمشي وراها لحد العمارة انا لو مكانك مش عارف كنت هعمل ايه يمكن كنت صورت قتيل
لم يرد ادم
شعر ادهم انه زاد الضغط على اخيه وضايقه بكلامه فسكت
ادهم..انا داخل انام تصبح على خير
ادم بصوت حزين مخنوق..وانت من اهله
ذهب ادهم الى غرفته كي ينام
اما ادم ذهب إلى الحديقة وجلس على كرسي واخذ نفسا عميقا باردا لعله يطفئ نار قلبه فهو يتخيل ما يحدث بين رامي وليلى فهي ليلة دخلتهم وكيف لقلبه ان يتحمل كل هذه التخيلات اغمض عينيه ووضع يده على عينيه
في منزل رامي
فرصة حياه
الفصل الحادي عشر حتي الفصل العشرون
دخل رامي ودخلت ليلى واغلق الباب خلفه
رامي بصوت مخنوق..اتفضلي غيري هدومك
ليلى برعشة..حاضر
دخلت ليلى الحمام كي تغير ملابسها وخرجت وجدت رامي قد ابدل ملابسه ونام على السرير خافت بعض الشئ وقلبها يدق بسرعة كبيرة اقتربت من السرير بخطوات بطيئة الى ان وصلت لسرير جلست على طرف السرير ما ان رأها رامي دون ان ينظر لها
رامي..طفي النور لوسمحتي انا تعبان وعايز انام
تنهدت ليلى براحة كبيرة واطفئت الضوء ونامت هي الأخرى على طرف السرير
في الصباح
استيقظت ليلى لم تجد رامي سمعت صوت المياه في الحمام وبعد قليل خرج رامي
رامي بجدية..صباح الخير
ليلى..صباح الخير
رامي..يالا قومي جهزي نفسك
ليلى..اجهز نفسي لايه
رامي بسخرية..يعني لايه عشان تحضري الفطار
ليلى..حاضر ١٠دقايق بس قامت ليلى ودخلت الحمام واتوضأت وصلت ولبست ملابس بيتية عادية وذهبت للمطبخ وحضرت الفطار
جلست ليلى ورامي يأكلوا من غير ولا كلمة قطع الصمت رامي
رامي..ايه رأيك نعمل عشا ونتعشوا كلنا مع بعض
ليلى..فكرة حلوة
رامي..انتي بتعرفي تطبخي مش كدا
ليلى هزت رأسها بمعنى نعم
رامي..تمام شوفي في المطبخ عندك ايه ولو نقصك حاجة اجبهالك
ليلى..حاضر هشوف وقولك
رامي..هو انا ممكن اطلب منك تعملي محشي وبامية
ليلى بزهول..محشي وبامية
رامي..مش بتعرفي تطبخي بامية ومحشي
ليلى..لأ بعرف بس استغربت
رامي..اصل ادم صاحبي بيحب البامية والمحشي وماما كانت بتعملهم وقولت لما يجي النهاردة تكون مفاجئة ليه ايه رأيك
ليلى..طيب جبلي الحاجة بسرعة عشان الحق اخلص قبل مايجو
رامي..انا هنزل بسرعة مش هتأخر
نزل رامي لشراء الطلبات التي كتبتها ليلى في ورقة
اما ليلى قامت وحملت الاطباق ودخلت المطبخ فتحت الفريزر وجدت كفتة وبانيه كانت مجهزاهم هالة قالت كويس اهي حاجة تساعد دخل رامي يحمل الكثير من الاشياء اخذت ليلى منه
ليلى..ما شاء الله ايه دا كله
رامي..انا عايز حاجة تشرف
ليلى..حاضر من عنيا
رامي..اكلم ماما تساعدك
ليلى..لأماما سوسن تعبت الايام اللي فاتت اوي خليها مرتاحة
رامي..طيب انا هنام شوية وبعدين صحيني عشان البس واستقبلهم
ليلى..حاضر
ذهب رامي الى غرفته
بدأت ليلى في تحضير الاصناف التي طلبها رامي مع زيادة من عندها اكملت كل شئ وذهبت الى الغرفة كي توقظ رامي وصلت للغرفة لم تستطيع الدخول فطرقت على الباب
استيقظ رامي
رامي..ايوة انا صحيت روحي انتي
ليلى..حاضر
ذهبت ليلى إلى المطبخ تضع اللمسات الأخيرة
خرج رامي وهو يلبس بنطلون من الجينز وقميص اسود رافعا اكمامه ودخل المطبخ
رامي..خلصتي
ليلى..ايوة
رامي..خلاص روحي انتي جهزي نفسك
ليلى..طيب مش هتأكل
رامي..لأ نأكل معهم أحسن
ليلى..عن إذنك
رامي..اتفضلي
ذهبت ليلى واغتسلت ولبست فستان انيق بسيط من اللون الازرق الغامق عليه حجاب انيق هادي وضعت الشيكولاتة والحلويات وحضرت كل شئ دق جرس الباب ذهبت ليلى لتفتح الباب هي كانت قريبة منه
فتحت الباب وجدت ادم وادهم نظرت الى عيني ادم نفس النظرة لامت نفسها على هذه النظرة فهي إمرأة متزوجة وليست فتاة طائشة لكنها لا تقدر ان تمنع نفسها من هذه العيون هي نفس العيون اما ادم يود لو يسألها لما تنظر له هكذا وماهو سر هذه النظرة التي تحيره مرت ثواني
ادم..السلام عليكم
ليلى..وعليكم السلام
مد ادم يده وسلم عليها شعرت بشعور غريب سحبت يدها سريعا مد لها علبة صغيرة انيق
ادم..الف مبروك
ليلى..شكرا الله يبارك يااستاذ ادم
تقدم ادهم ..السلام عليكم انا ادهم اخو ادم طبعا انتي مش عرفاني
ليلى بابتسامة..وعليكم السلام اتشرفت بمعرفة حضرتك
ادهم..لأ حضرتك ايه انا مش بحب الرسميات انا ادهم وبس ولا حضرتك ولا يااستاذ ولا ياسطى حتى ههههههه
ليلى بضحك..ولا انا بحب الرسميات اهلا وسهلا اتفضلو
مد ادهم علبة اخرى ل ليلى
ادهم..اتفضلي الف مبروك
ليلى..الله يبارك فيك بس ليه التعب دا ماهو أستاذ ادم قدم هدية
ادهم..لأ أستاذ ادم لوحده و انا لوحدي انا اصلا معرفوش
نكزه ادم في كتفه..خلاص يا خفة
ادهم..هو انا عملت حاجة
جاء رامي على صوتهم ورحب بهم
رامي..اهلا اهلا عاملين ايه
ادم/ادهم..تمام الحمد لله هو احنا جينا بدري ولا ايه
رامي..لا بدري ولا حاجة البيت بيتكم
جلسو في الصالون
دق جرس الباب رامي فتح الباب وجد محمد وهالة والاطفال واحمد ومنى واسر فقد اتفقوا ان يذهبو معا
دخلو الى حيث يجلس ادم وادهم وسلموا على بعض جاءت ليلى للسلام عليهم
محمد بمرح..ازيك يالولو ايه الحلاوة دي
ليلى بكسوف..الحمد لله ونكزت محمد ونظرت الى ادم وادهم
ادهم..بصراحة عنده حق
ليلى نظرت ل ادهم..هوانت زي محمد كدا اللي في قلبك على لسانك
سلمت على هالة
هالة بصوت واطي..ايه يابت الحلاوة دي كلها هو الجواز بيحلي كدا
ليلى..يابت اسكتي شوية صوتك عالى
نظرت ليلى ل احمد..ازيك يا أبيه
احمد..الحمد لله بخير البيت وحش من غيرك
ابتسمت ليلى وسلمت على منى في هذا الوقت جاءت سوسن ونور وسلمو على الجميع و حضنت ليلى بشدة كحضن الام لابنتها
جلس الجميع وفجأة دق جرس الباب وكانت هبه استغرب كل الموجودين من مجيئها دخلت وسلمت عليهم جميعا قامت ليلى لاحضار الشيكولاتة والعصير والحلويات وقامت معها هالة قدموا لكل الموجودين ووجدوا هبه تقف مع رامي وهي تتمايل عليه وتضحك معه وتضع يدها على صدره وهو يضحك معها ويسايرها في الكلام والضحك
هالة ضربت ليلى في كتفها كي ترى رامي وهبه
هالة..انتي يا ست
ليلى..في ايه
اشارت لها بعيونها ناحية هبه ورامي
هالة..انتي مش شايفة البت اللي شبة العرسة دي وهي وافقة تتسهوك على جوزك
ليلى..يابنتي دي زي نور متربين مع بعض ولو في بنهم حاجة اكيد كان اتجوزها
هالة..ياسلام على هبلك
ليلى..كويس انه مش محمد اللي واقف معها
هالة..دا لو كان محمد كنت جبتها من شعرها وولعت فيه
ليلى..طب الحمد لله يالا نحضر العشا
هالة..عشا ايه انتو عرسان واحنا المفروض نمشي
لبلى..لأ انا عاملة عشا يالا بقى
دخلت معها هالة المطبخ ورأت كل الاصناف التي طبختها ليلى
هالة..كل دا عملتيه امتى
ليلى..الصبح ليه
هالة..ورامي كان فين
ليلى بسذاجة..نايم ليه
هالة..نايم انبي يا رب تعوض عليا عوض الصابرين
حضروا السفرة وكلموا الجميع جلسوا جميعا حول المائدة اما هبه استأذنت قبل قليل بدأوا يأكلو جميعا
ادهم..رامي انت اشتريت الاكل دا منين
محمد بكل ثقة..دا اكل ليلى
ادهم..لأ بتهزر ونظر ل ليلى انتي اللي عملتي الاكل دا
ليلى ببراءة..ايوة والله انا عملتوه كله لوحدي
ادهم..تسلم ايدك دا انا هاجي اكل عندكم كل يوم
ليلى مصدقة كلامه..اهلا بيك بس ابقى قولي تحب تأكل ايه
ابتسم آدم على برائتها..لأ دا بيهزر معاكي تسلم ايدك الاكل فعلا جميل جدا زي اكل امي الله يرحمها
الجميع ..الله يرحمها
انتهى اليوم وانصرف الجميع واخرهم سوسن التي اخذت رامي على جنب
سوسن..خد بالك من مراتك دي بنت ناس ومتربية
رامي..حاضر ياامي
سوسن..تصبح على خير
رامي..وانتي بخير
اغلق رامي الباب وجد ليلى تنظف مكان الضيوف لم يتحرك له ساكن تركها ودخل غرفة النوم ابدل ملابسه وذهب الى غرفة المعيشة كي يتصل ب هبه
اتصل بها وكالعادة طلبت منه فلوس وأعطاها مثل كل مرة انزلت له السبت ووضع الفلوس به
اما ليلى اكملت التنظيف وذهبت الى رامي ودخلت دون ان تطرق الباب
رامي..انتي ازاي تدخلي كدا من غير ما تخبطي الباب
ليلى..انا اسفة
رامي..عايزة حاجة
ليلى..لا ابدا كنت جاية اسألك لو عايز حاجة عشان انا تعبانة وعايزة انام
رامي..لأ شكرا روحي نامي تصبحي علي خير
ليلى..وانت من اهله
خرجت ليلى واغلقت الباب وذهبت الى غرفتها وجدت الهدايا التي حصلت عليها اليوم هدية محمد اسورة ذهبية
هدية احمد خاتم جميل
هدية سوسن مبلغ كبير من المال
هدية نور ساعة انيقة
هدية هالة عطر ليلى المفضل
هدية ادهم حلق ذهبي رائع
هدية ادم سلسلة جميلة في المنتصف اسم ليلى وبها نقوش غاية في الجمال
اعجبتها كثيرا ولبستها ونامت
اما رامي نام في غرفة المعيشة........
انا عارفة ان الفصل صعب جدا
الفصل السادس عشر
مر اكثر من اسبوعين على هذا الحال رامي يعامل ليلى مثل نور لايريد الاقتراب منها هي ايضا لا تحاول الاقتراب منه كزوج
في شركة احمد
في مكتب رامي جاء ادم بناء على طلب رامي وانه يريده في امر هام
اخبرته السكرتيرة بوجود آدم العدوي طلب منها ان تدخله بسرعة دخل ادم بعد أن طرق الباب وجد رامي واقفا في انتظاره
رامي..اهلا ياادم فينك من يوم ما كنت عندي لا شوفتك ولا كلمتني
ادم..اهلا بيك معلش انا مقصر معاك بس شغل الشركة مش بيخلص
رامي.. ربنا يقويك انا كنت عايزك في موضوع مهم
ادم..موضوع ايه شكلك مش مريحني
رامي..انا عايز اتجوز
ادم بصدمة..نعم اومال انت ايه الفرح اللي حضرناه كان فرح مين
رامي..ايوة حضرتم فرحي بس انا متجوزتش
ادم بتسأل..انا مش فاهم حاجة انت شارب حاجة
رامي..افهمني يا ادم انا مقربتش من ليلى ومش هقرب منها
ادم لم يستطيع فهم ما سمعه هل ما سمعه صحيح ام ان عقله هو من صور له انه سمعه قلبه يكاد يخرج من مكانه فخلال الايام الماضية كاد يفقد عقله بسبب تخيلات رامي وليلى مشاعره ملخبطة فرحة وصدمة لا يقوى على الكلام فاق على صوت رامي
رامي..انا عارف انك اتصدمت بس صدقني انا مش متخيلها مراتي انا بحب هبه وعايز اتجوزها
ادم بصوت واطي..طيب وانت عايزني اعملك ايه
رامي..انا مش عارف اواجه احمد ولا ليلى ولا حتى امي
ادم..مش عارف اقولك ايه ولا عارف رد فعلهم ايه يمكن ليلى ساكتة فاكرة ان عندك مشكلة
رامي..لأ ليلى بتتعامل معايا زي مبتعامل احمد اخوها
ادم..يعني ايه
رامي..يعني بتعمل كل حاجة بس في حدود احنا كل واحد مننا في وادي ولا مرة قربت مني وانا مش عايزها تقرب انت فهمني
ادم..ايوة فهمتك بس انا معنديش حل ربنا يحلها من عنده
رامي بعصبية..انا تعبان ياادم انا حاسس انها اتفرضت عليا مش قادر
ادم..طيب اهدى شوية واصبر انا هسيبك دلوقتي وهكلمك
رامي..طيب ياادم بس ارجوك فكر معايا في حل
ادم..أن شاء الله سلام
رامي..مع السلامة
في شقة سوسن
جالسة سوسن وليلى ونور في الجامعة
سوسن..ها يا ليلى عاملة ايه مع رامي
ليلى ..الحمد لله
سوسن..انا عارفة ابني وطبعه هو مش بيعرف يقول كلام حلو وكلام حب وكدا
سكتت ليلى ولم ترد
سوسن بحنان..بصي يابنتي انا حاسة انك انتي ورامي بعاد عن بعض وعايزة اقولك ان دا جوزك ياحبيبتي يعني لما تقربي منه او تقولي له كلام حلو او حب مش عيب ولا حرام انتي فهماني
ليلى..يعني اعمل ايه
سوسن..انا هقولك بصي ياحبيبتي هو عيد ميلاده بعد بكرة ايه رأيك تعملي حفلة صغيرة انتي وهو بس وتلبسي وتحطي مكياج ها وغمزت لها وتجيبيله هديه اقولك هاتي فونك
اعطتها ليلى الهاتف اتصلت على توصيل الطلبات واتفقت معهم على شراء ساعة ذات ماركة وبالونات عليها اسمه واسمها وتورتة وشيكولاتة واغلقت الخط
سوسن..كدا يوم عيد ميلاده هيجلك عامل التوصيل بكل حاجة والباقي عليكي
هزت ليلى رأسها بمعنى نعم
سوسن..طيب يا حبيبتي انزلي انتي زمان رامي على وصول
ليلى..عن إذنك يا ماما
نزلت ليلى على شقتها اما سوسن انتظرت رامي في البلكونة وما ان رأته اتصلت عليه هي تريده
وصل رامي لشقة امه كانت بانتظاره
رامي..ازيك يا امي
سوسن..الحمد لله بخير المهم انت
رامي..قصدك ايه
سوسن..انت فاهم قصدي انت لسة على علاقة ب هبه
رامي بكذب..لأ
سوسن..للاسف انت كذاب
رامي..امي انا مش كذاب
سوسن..اومال الفلوس اللي بتديهلها من البلكونات دي ايه
رامي..وايه المشكلة اني على علاقة ب هبه
سوسن..ومراتك
رامي..مالها
سوسن..وانت مش شايف انك بتظلمها
رامي..وانت مش شايفة انكم ظلمتوني
سوسن..ظلمناك في ايه
رامي..ايوة ظلمتوني لما ضغطو عليا اني اتجوز واحدة مش بحبهاولا شايفها ست اصلا
سوسن..اومال شايفها ايه
رامي بعصبية..عايزة تعرفي شايفها ايه شايفها حبل ملفوف حولين رقبتي ايدين بتخنقني شايفها بير رمت نفسي فيه
سوسن..معنى كلامك دا
رامي..عايزة تعرفي معنى كلامي اني مقربتش منها ومش هقرب
سوسن..يابني دي مراتك
رامي بعصبية وصوت عالي..ما تقوليش مراتي ارحموني بقى
سوسن تربط على كتفه ..طب اهدى شويةيا حبيبي
رامي..انا نازل انام
سوسن..طيب يا حبيبي
خرج رامي وجلست سوسن تفكر وقالت لنفسها ياريتني ما قولتلك تتجوزها انا كدا ظلمتك وظلمتها
في منزل ادم
دخل ادم سرحان متوتر
ادهم..ايه ياعم مفيش سلام
ادم..ها قولت ايه
ادهم..لأ دا انت مش معايا في ايه ومالك متوتر كدا
ادم..انت مش ناوي تريح قلبي وتسافر بقى
ادهم..لأ مش هسافر واحكيلي ايه اللي عامل فيك كدا ومخليك مش على بعضك
ادم..اصل ....سكت ادم
ادهم..في ايه يا ادم
ادم..كان في عربية بترقبني وكان فيها ناس شكلهم صعايدة
ادهم..انت متاكد
ادم..انت مش عارف ممكن يعملو ايه
ادهم..وانت عايزني اهرب واسيبك انت مش بس اخويا لأ انت كل عيلتي وانا لايمكن اسيبك
سكت ادم ولم يرد
مر يومان دون جديد
في يوم عيد ميلاد رامي جاء عامل التوصيل الى شقة ليلى بعد خروج رامي ف سوسن من اعطتهم الموعد حتى لا يرى شئ وتكون مفاجئة
فتحت ليلى الباب
ليلى..جيت في ميعادك بالضبط
العامل..ايوة طبعا انا مقدرش اتأخر في نفس الوقت كانت هبه نازلة على السلم لان المصعد معطل وشافت العامل وسمعت كلامهم لكنها فهمت خطأ
نزلت من العمارة ركبت تاكسي رن هاتفها برقم رامي
رامي بعصبية..انتي فين
هبه..في ايه يارامي مالك بتتكلم كدا
رامي..عشان من امبارح وانا بحاول اتصل بيكي وتليفونك مقفول كنتي فين
هبه..يعني ايه كنت فين كنت في الشغل
رامي بغضب..لما انتي كنتي في الشغل تليفونك مقفول ليه
هبه..انت ازاي تكلمني كدا فاكر نفسك مين
رامي..انا من حقي اعرف انتي كنتي فين وتليفونك مقفول ليه
هبه بعصبية..انت مش من حقك اي حاجة وبدل ما تعمل عليا راجل روح شوف مراتك اللي جيلها واحد في بيتك
رامي..انتي كدابة
هبه..روح وشوف يمكن يكون لسة عندها ولا شوف الهدايا اللي جيبها ويالا بقى انا مش فاضية لك
اغلقت هبه دون انتظار الرد
اما رامي اخذ مفتاح سيارته وركب السيارة وانطلق مسرعا
فتح رامي بهدوء وجد على السفرة بوكس هدايا جميل قال لنفسه اكيد ملاحقتش تخبيه
سمع صوت يأتي من المطبخ دخل وجد ليلى تلبس فستان قصير اسود يصل لركبة وذو حمالات رفيعة اقترب منها وعيونه حمراء من شدة الغضب وامسكها من شعرها
رامي..ودا الفستان اللي كنتي معه به
ليلى..هو مين
ونزل بصفعة على وجهها وتوالت وراءها العديد من الصفعات وهي لا تفهم شئ رامي..ليه تعملي كدا
واخذ يضربها بكل ماطالت يداه في المطبخ
رامي..يعني مش كفاية اني اتجوزتك بعد ما احمد طلب مني عشان يرتاح منك ومن مشاكلك لم تكن صفعات رامي و ضربه يؤلمها كما
ألمتها كلماته فكيف لاخيها ان يعرضها عليه كيف له ان يرخصها هكذا الهذا الحد هي عبء عليه يريد التخلص منه نظرت له بضعف وتهاوت ارضا واغمضت عينها واستسلمت لقدرها وتوالى رامي بضربها بحذاءه في وجهها وصدرها وبطنها
لم يرحمها منه سوى رن هاتفه
نظر للهاتف وجد اسم ادم
رامي بأنفاس متقطعة..ايوة ياادم
المتصل..انا مش ادم صاحب التليفون دا عامل حادثة وفي مستشفى.....
اغلق رامي الهاتف ونظر على ليلى وهي غارقة في دمائها وخرج من المطبخ ومن الشقة
دخل رامي يجري مسرعا في ممرات المستشفى ليجد ادهم
رامي ادهم..ايه اللي حصل
ادهم..مش عارف بيقولوا دخل في عربية نقل وعربيته انقلبت به
رامي..وهو فين دلوقتي
ادهم..في العمليات
خرج الطبيب من غرفة العمليات جرى عليه ادهم ورامي
ادهم/رامي..هو عامل ايه
الطبيب..احمدو ربنا دا انكتبله عمرجديد شوية جروح وخدوش وكسر في ايده وحالته مستقرة لكن احنا حطينه تحت الملاحظة ٢٤ ساعة هي الحادثة كبيرة لكن الحمد لله هو كويس الف سلامة عليه عن اذنكم
هز ادهم ورامي رأسهم..الله يسلمك الحمد لله
ادهم..خلاص يا رامي روح انت
رامي..لا انا قعد معاك
نام ادهم ورامي في غرفة ادم في الصباح استيقظ رامي على صوت هاتفه
رامي بنعاس ...السلام عليكم
سوسن بفرح...وعليكم السلام اقول صبحية مباركة
رامي..امي انا مش فايق على الصبح انا في المستشفى
سوسن بخوف..مستشفى ليه يابني ليلى كويسة
رامي..ياامي دا ادم عمل حادثة وانا بايت معه من امبارح ولسة مفقش
سوسن..يعني ما شوفتش المفاجأة اللي عملها ليلى
رامي..مفاجاة ايه انا مش فاهم حاجة
حكت سوسن له اغلق الهاتف وخرج مسرعا
وصل الشقة فتح الباب لم يسمع صوت دخل المطبخ لحقت به سوسن وعندما رأت ليلى سوسن...يانهار اسود انت عملت فيها ايه
رامي..مش وقته ياامي ساعديني لبسيها عشان نخدها المستشفى البستها سوسن وشالها رامي ونزل على نفس المستشفي التي بها ادم ليكون قريب من صديقه
دخل المستشفى يجري بها اخذوها الممرضات والمسعفين
سوسن..نظرت له عملت فيها ايه
حكى لامه ان في حد كلمه وقال له مراتك عندها رجل
سوسن..وانت صدقت ومين اللي اتصل بيك الله يسامحك يابني
جلست تبكي بشدة
سوسن..كلم اخواتها عشان يجو يشوفوها
اتصل رامي على احمد ومحمد وقال لهم ان ليلى تعبانة في المستشفى
اتصل محمد على زوجته واخبرها ان ليلى تعبانة وهو رايح مع احمد
دخل محمد واحمد مسرعين
محمد بنفس متقطع ..في ايه يارامي ليلى مالها
لم يرد رامي
احمد مش قادر يأخد نفسه..ما ترد يا رامي في ايه
انتبه محمد لبكاء سوسن بصوت عالي فعرف ان ليلى تعبانة جدا
محمد امسك رامي يهزه ..ما ترد يارامي
رامي..اصل انا جاني تليفون......
لم يكمل قاطعه خروج الطبيب يسأل عن اهلها
جرى محمد واحمد على الطبيب اما رامي ظل مكانه لم يتحرك
احمد ..محمد..احنا اخواتها
هي عندها ايه
الطبيب..هي حالتها صعبةجدا
محمد..هي مين اللي حالتها صعبة
الطبيب اشار بيده على رامي..المريضة اللي جابها الاستاذ احنا اول ما شوفنا شكلها فكرنا انها حالة اغتصاب وحشي لكن لما دكتورة النساء كشفت عليها عرفت انها بنت ومحدش حاول معها انتو فهمني
احمد ومحمد يسمعوا كلام الطبيب وكأنهم في كابوس
عيون محمد تكاد تطلع من شدة الغضب
اكمل الطبيب ..يؤسفني اقولكم انها محاولة قتل وانا مضطر ابلغ البوليس......
الفصل السابع عشر
رحل الطبيب من امامهم ومحمد قد تملك الغضب منه اتجه ل رامي وامسكه من ملابسه.. انت اللي عملت فيها كدا ليه رد عليا وسدد له العديد من اللكمات والسباب فهو مثل البركان الغاضب بداخله حمم تغرق الدنيا في لهيبها ونارها فهو يعرف اخته جيدا لايمكن ان تكون فعلت شئ تستحق عليه كل هذا
رامي الدم ينزف من فمه ووجهه ويصرخ ..انا جالي تليفون بيقولي مراتك عندها واحد في الشقة
محمد..وانت شوفت حد عندها
نكس رامي رأسه..لأ
محمد لكمه بشدة اكبر ..ما هو لأ ليه عملت كدا
لم يرد رامي ونكس رأسه
اما احمد اتجه ناحية رامي ونظر له نظرة تحمل كل معاني الخزلان والحزن
احمد..دي الامانة اللي طلبت منك انك تتجوزها وتحافظ عليها
نزلت تلك الكلمات كالحجر على رأس محمد فأخيه هو من طلب رامي كي يتزوج ليلى كيف له ان يفعل هذا بها كيف له ان يجعلها رخيصة لهذا الحد ترك محمد ملابس رامي ببطئ واتجهه ناحية اخيه وامسكه من ملابسه
محمد..انت بتقول ايه انت اللي طلبت منه يتجوزها ليييييييه بصريخ
احمد..كنت عايز احافظ عليها مع راجل يستحقها ويحافظ عليها
محمد بغضب وعصبية وصوت عالي..وهو كدا حافظ عليها هو كدا يستحقها ما ترد
احمد يحاول امتصاص غضب اخيه ..طب اهدى شوية يا محمد انا كنت فاكر اني كدا بحافظ على امانة ابوك وامك واسلمها لراجل بمعنى الكلمة
محمد بغضب اكبر..وانت كدا حافطت على امانة ابوك وامك انت كدا مرتاح هاااا هتواجه ابوك ازاي لما يسألك على امانته هتواجه ليلى ازاي وانت رمتها ورخصتها ازاي هانت عليك رد عليا
في هذا الوقت جاءت هالة مسرعة لا تعرف ماذا اصاب ليلى لكنها سمعت بعض الكلمات وفهمت ان احمد هو من طلب من رامي الزواج بها وان رامي هو من فعل بها هذا لكنها لا تعرف حالتها
توجهت هالة ل محمد..في ايه ليلى مالها
لم يرد محمد لكنها رأت ملامحه فأحست ان حالتها خطيرة وضعت هالةيدها على فمها
نقلت ليلى الى غرفة ودخل معها الممرضات والطبيب المشرف على حالتها ودخلت تجري وراءهم هالة واول ما شافت ليلى صرخت سمع صوتها احمد ومحمد وسوسن ورامي دخلوا مسرعين وجدوا هالة تبكي بهستريا واول ما رأت رامي هجمت عليه ..انت عملت فيها ايه
نظر أحمد ومحمد و سوسن الى ليلى لم يتمالك محمد نفسه وبكى مثل طفل صغير وحاول تخليص رامي من يد هالة واحمد دموعه تنساب بلا توقف
نظر محمد ل رامي..انت مش راجل عشان كنا فكرينك راجل هتحافظ عليها بس مش انت بس اللي طلعت مش راجل واشار على اخيه والبيه كمان مش راجل عشان بدل مايحافظ عليها وتعيش اميرة في بيته سبها تحت رحمة مراته ولا كأنه شايف كانت بتعمل فيها ايه المهم ان الهانم مبسوطة وكمان يروح يطلب من صاحبه يتجوزها عشان يخلص من مسؤوليتها ويبقى كدا عمل اللي عليه واكمل بصوت عالي وانا كمان مش راجل عشان كنت سلبي مع اخويا وبدل ما اقوله انت غلط سكت ايوة سكت كنت فاكر انك كبير شايف اللي انا مش شايفه عارف اللي انا مش عارفه بس كنت غلطان وانهار في بكاء مرير
جلست هالة بجوار ليلى وامسكت يدها السليمة ..ياريتك قولتي لأ وكنا هنقف معاكي بس سكوتك لم تكمل وبكت بحرقة على صديقتها واختها
مسحت هالة عيونها بعنف ونظرت ل طبيب الذي مازال يتابع هذا كله
هالة..لو سمحت هي عندها ايه
الطبيب..وشها زي ما انت شايفة(شبه وش احمد السقا في تيمور وشفيقة في عربية الاسعاف فكرينو طبعا) وعندها كسر مضاعف في ايدها وكسر عادي في رجلها وشرخ في الجمجمة لكن الحمد لله مفيش نزيف داخلي وبعض الكدمات في منطقة الصدر والبطن لكن حالتها مستقرة الحمد لله
هالة..انا عايزة تقرير طبي واطلب البوليس
الطبيب..انا قولت ليهم كدا انا هبلغ البوليس لكن لو حد من اهلها قال لأ هما احرار انا برضي ضميري
نظرت هالة بكل غضب ل محمد واحمد ترى ردة فعلهم على كلام الطبيب لكن لم يتحرك اي منهم ولكن وجدت يد ليلى تضغط على يدها
هالة بفرح..دي بتضغط على ايدي
الطبيب..معنها فاقت الحمد لله اقترب منها لو سمعاني يابنتي ردي عليا ولو مش قادرة اضغطي على ايدها
ليلى فتحت عيونها ببطئ شديد
الطبيب..لو سمعاني اعملي اي اشارة من غير ماتهزي رأسك غمضي وفتحي عينك
ليلى فتحت واغمضت عيناها
الطبيب..انتي عارفة اللي موجودين هنا في الاوضة
ليلى حركت عيونها كي تراهم وا ان رأت احمد ورامي نزلت دموعها
ليلى بصوت خافت ضعيف ..ايوة عارفهم
الطبيب..طيب يابنتي الحمد لله على سلامتك تحرك الطبيب يريد ان يخرج من الغرفة
ليلى بصوت ضعيف . لو سمحت يادكتور
الطبيب..نعم يابنتي
ليلى..من فضلك متبلغش البوليس
نظرت لها هالة نظرة قاتلة على سلبيتها وانها لا تريد ان تأخذ حقها من رامي
اما سوسن فزاد بكاءها على غباء ابنها كيف يفعل هذا بملاك مثلها لا تؤذي احد ياالله
اما محمد نظر لها نظرة معاتبة لماذا
اما احمد نظر لها نظرة اسف نظرة يطلب فيها السماح
اما رامي لم يقدر على النظر لها
الطبيب..لو خايفة من حد انا معاكي
كم كانت كلماته قاسية فهو الغريب عنها يقف معها ويريد ان يأخذ لها حقها
محمدنظر ل ليلى..انت ليه مش عايزة تخدي حقك
ليلى بصوت لايقوى على الكلام ..عشان خاطري يامحمد
فهي رأت وجه رامي وهي تعلم ان احمد لن يفعل هذا وان محمد هو من فعل هذا
الطبيب ..حاضر يابنتي الف سلامة عليكي هاجيلك تاني
ليلى ابتسمت له
محمد واحم ل الطبيب..شكرا لتعبك
الطبيب..دا واجبي ربنا يشفيها
خرج الطبيب
نظرت ليلى ل رامي
ليلى بصوت مليئ بالألم ..رامي
نظر لها رامي بعيون يملاءها الحزن والاسف
ليلى..ارجوك طلقني وبكت
رامي..انتي طالق وخرج من الغرفة
سوسن نظرت ليلى بدموع..ليه كدا يا بنتي
ليلى..كدا احسن ياماما
لم يتدخل احمد ومحمد وهالة في قرار ليلى
اما رامي ذهب الى غرفة ادم وجده مازال لم يفيق بعد ورأى ادهم يجلس بجواره على الكرسي ما ان رأه ادهم
ادهم بخوف..ايه اللي عمل فيك كدا يا رامي وايه الدم اللي على بنطلونك وقميصك
انفجر رامي في البكاء هو حاول التماسك امامهم لكن ضميره يؤنبه ولا يستطيع التحمل اكثر من ذلك
ادهم..في ايه انت سبتني الصبح وكنت كويس
رامي..خونت ثقة احمد فيا محافظتش على الامانة
رامي من بين البكاء حكى ل ادهم ما حدث
ادهم..انت بتقول ايه وازاي تصدق حاجة زي دي انت مجنون
رامي..ارجوك ياادهم انا تعبان اوي
وقف ادهم اراد الخروج من الغرفة
رامي..انت رايح فين
ادهم..رايح اشوف عملت فيها ايه
لم ينتبهو لمن يستمع لهم ولا يقوى على الكلام ولا الحركة نزلت دمعة حارة من عينيه على حبيبته
اما رامي وضع رأسه بين يده وبكى ليته لم يكن ضعيف ليته واجه وقال لأ
دخل ادهم وجد محمد جالس واضع رأسه بين يداه واحمد نظراته تائها وسوسن تبكي في صمت وهالة جالسة بجانب ليلى
انصدم ادهم عندما رأى ليلى لكنه حاول ان يكون مرح
ادهم..السلام عليكم
الكل..وعليكم السلام
اقترب من سرير ليلى
ادهم..الف سلامة عليكي يا قمر والنبي دي عين وصابتك
ليلى بضحك..قصدك قطر وهرسني
غير أدهم الحالة العامة لهم جميعا بمرحه الى ان حكى لهم عن ادم وانه في نفس المشفى والحادث الذي تعرض له شعرت ليلى بشعور غريب عند سماعها بحادث ادم تود رؤيته
ادهم..والله انتو ولاد حلال عشان ما تتعبونيش وانا رايح جاي بنكم
محمد..وهو حالته ايه دلوقتي
ادهم..لسه مافقش ربنا يستر
احمد..طب هو عنده ايه
ادهم..شوية جروح وخبطات وكسر في ايده وجرح في رأسه
نظر ادهم ل ليلى...بس عارفة يا ليلى العربية النقل اهون من رامي ربنا يهده بس محمد روقه زي العربية النقل بالضبط ونظر ل سوسن اسف ياماما
سوسن..عندك حق دا لو كان صاروخ مكنش عمل كدا فيها
ضحكت ليلى ..معلش يا جماعة انا عايزة انام مفيش داعي لوجودكم
نظرت لها هالة..انا لأ قاعدة معاكي غصب عنك
ليلى لأ روحي خدي ولادك وروحي
خرج الجميع
دخل الطبيب..ها عاملة ايه دلوقتي
ليلى..حاسة بألم شديد
الطبيب ..طيب هعطيكي حقنة مسكنة وكمان منوم عشان ترتاحي شوية
هزت ليلى رأسها برفق بايجاب
الطبيب اعطها الحقنة وتركها ورحل وبدأ مفعول الحقنة يعمل وهي تحاول ان تفتح عيناها دخل ادم ورأته امامها رأسه الملفوف بالشاش ويده التي في الجبيرة وخدوش وجه وعيونه كم تعشق النظر لهم لانهم يذكرونها بصاحب العيون الخضراء حاولت افاقة نفسها ولكن دون فائدة اغلقت عيناها ونامت
رأته الممرضة وهو داخل بهذا الشكل
الممرضة..حضرتك ايه اللي قومك من سريرك كنت رنيت الجرس جاتلك الممرضة تحب اساعد حضرتك في حاجة
ادم..لأ شكرا لو سمحتي سبينا لوحدنا شوية
الممرضة..بس هي نايمة ومش حاسة بحد
ادم..معلش انا عايز اقعد معها شوية
هزت الممرضة رأسها بمعنى نعم وتوجهت ناحية الباب وكانت هتغلقه
ادم..سبيه مفتوح
خرجت الممرضة وتركت الباب مفتوح كما طلب
تقدم ادم ناحية سريرها يتأملها جلس على الكرسي بجوارها و امسك يدها السليمة وقبلها بحنان وحب انا اسف يا عمري اسف يااجمل حاجة في حياتي كنت فاكر اني لما ابعد عنك اكون كدا بحميكي لكن طلعت غلطان انا كدا بأذيكي وبأذي نفسي انا كنت بموت في اليوم الف مرة وانا متخيلك مع رامي انا مش هبعد تاني وهحميكي مهما كان الثمن حتى لو كان الثمن حياتي وهعرف ازاي اخليكي تقربي مني
مر اكثر من ثلاث اسابيع تحسنت حالة ليلى كثيرا وشفيت جروحها ولكن جرح قلبها مازال ينزف وتذكرت يوم جاءتها منى وكيف كانت تبكي عليها وكيف استغربت ليلى لانها توقعت ان منى هي اخر شخص قد يبكي من اجلها وتذكرت كلماتها (سامحيني ارجوكي ياليلى ربنا اخدلك حقك مني)لم تعرف ماهو الحق الذي اخذه الله منها وبأي شئ عاقبها
وطبعا خلال هذه الفترة كلهم يزوروها يوميا وادم يزورها بعد رحيلهم جميعا وهي نائمة ويتحدث معها ويحكي لها وخرج ادم قبلها ومازال يزورها
كتب لها الطبيب على خروج لم تقل لاحد خرجت من المشفى وحدها وكان يوم شتوي قارس البرودة جلست على كرسي على الكورنيش والسماء تمطر بغزارة بكت دون توقف غير مهتمة بالمطر المتساقط عليها او بشدة البرد او حتى تخبط الامواج بالصخور فاقت من شرودها على يد وضعت على كتفها التفتت وجدت هالة ومحمد(طبعا كنتو فاكرين انه ادم😂😂😂)
هالة..كدا بردوا ياليلى تخرجي من المستشفى من غير ما تقولي خضتينا عليكي
محمد..انا خوفت عليكي اوي حرام عليكي وقعتي قلبي
ليلى..معلش انا اسفة بس كنت عايزة اشم شوية هوا
محمد بضحك..قصدك شوية ثلج
امسكت هالة يدها ..قومي ياحبيبتي هدومك اتبلت
فتح محمد باب الشقة ودخلوا
هالة احضرت كل ملابس ليلى واغراضها بعد ان طلقها رامي وجهزت لها غرفة بمفردها دخلت ليلى الغرفة وابدلت ملابسها ولبست ملابس بيتية مريحة خرجت لتجلس مع هالة ومحمد وجدت هالة بفردها ومحمد في الحمام انتبهت لها هالة
هالة..تعالي ياقلبي اقعدي
جلست ليلى بجانبها وسألتها
ليلى..هولسة محمد مش بيكلم احمد ورامي لسة مش بيروح الشركة (رامي بعد ما حدث ترك العمل في الشركة لانه لايقوى على النظر في عين احمد)
نظرت لها هالة نظرة قاتلة
هالة..انتي ايه السلبية اللي انت فيها دي انا لو اتشليت اعرفي ان انتي السبب(مش لوحدك والنبي ياهالة ياختي كلنا هنتشل منها😂😂😂)
ليلى..ليه كل دا
هالة..هو ايه اللي ليه خدي موقف مرة واحدة في حياتك
ليلى..ياهالة انتي مش فهماني
هالة ..افهم ايه انتي سكتي ل منى ومعاملتها معاكي من سئ ل أسوء وبردو سكتي وكمان جوازك ليه ما قولتيش لأ انا مش سألتك
ليلى..عايزة تعرفي
في هذا الوقت خرج محمد من الحمام وسمع كلام هالة وليلى وكان نفسه يعرف ليه ليلى سلبية لم يريد احراجها وسبها تتكلم مع هالة براحتها لكنه وقف يسمع ردها
ليلى..انا هريحك انا لما كنت بستحمل منى كان على خاطر امي
نظرت لها هالة نظرة استفهام ..عشان خاطر امك
ليلى..تفتكري انا مكنتش اقدر اقف قصاد منى واقول لها مش عاملة حاجة واللي عندك اعمليه او حتى اديها باللي في ايدي
ضحكت هالة..ما دا اللي قهرني انك سكتي
ليلى..او اني اكلم محمد وهما يتصرفو مع بعض
عشان نفضلوا مرتبطين ببعض ومفيش واحد يأخد موقف من التاني ميراثي من امي وابويا لازم احافظ عليه ايوة الميراث مش دهب امي ولا رصيدي في البنك واني شريكتهم في الشركة لأ هما ميراثي الحقيقي ومعنديش استعداد اخسرهم وكان عندي استعداد اعيش مع منى مية سنة ولا يمر عليا يوم وانا ومحمد بعاد عن احمد
بكت هالة وحضنت ليلى بشدة.. سامحيني فهمت سكوتك ضعف لكنه قوة محدش يقدر عليها
بكى محمد على كلام اخته وعلم كم تحبهم ومستعدة لتضحية بنفسها لاجلهم
ليلى..اما ياستي بالنسبة لجوازي من رامي انتي سألتيني وانا قولتلك لا موافقة ولا رافضة وانتي قولتيلي شوفيه وقولي
ماهو في بنات كتير بيجوزهم اهلهم من غير ما تكون البنت عارفة الشاب ويكونوا اهلها شايفين مصلحتها وشايفين اللي هي مش شايفها وكتير جدا بيكون جواز ناجح وكلام احمد على رامي انه راجل محترم وكويس وهما عارفينه وكمان لما طلعت يوم قراءة الفاتحة وماما سوسن حضنتني حسيت براحة عشان كدا لما حددوا ميعاد الفرح سكت قلت اكيد هما عارفين مصلحتي اكتر حتى مني وعلى فكرة انا مقدرة موقف رامي
هالة..كلامك اللي فات اقنعني بس انك مقدرة موقف رامي لأ دا انتي هبلة
ليلى..ياهالة افهمي لو انتي مغصوبة على الجواز هتعملي ايه
هالة..اكيد هبقى مش طايقة العريس واحتمال اولع فيه
ليلى..طب تخيلي الراجل لما يكون مغصوب على الجواز الست مش زي الراجل الست ممكن تتجوز واحد مش عايزاه وتعيش معه وتتأقلم مع الوضع انما الراجل لأ وبعدين هو كان بيعاملني كويس والدليل على كدا انه ملمسنيش وكان يقدر يتسلى بيا وانا كنت مراته يعني هيكون من حقه لكن هو عشان مش بيحبني محبش يدمر حياتي من كل جانب ومرضيتش اسجنه عشان خاطر اللي عمله دا وكمان امه دي كانت بتعاملني زي بنتها وبتنصحني يعني لو اي واحدة تانية وشايفة ابنها مش سعيد مع مراته كانت كل شوية هتسمم بدنها بالكلام وانها منكدة على ابنها وبعد كل دا يكون جزاءها اني اضيع مستقبل ابنها
هالة فهمت وجهة نظر ليلى
هالة..انتي فعلا عندك حق قد ايه قلبك كبير وعاقلة
دخل عليهم محمد وعيونه بها دموع واحتضن اخته
محمد بمرح لأ انتو الاثنين انا اخاف اقعد معاكم هعيش مع رايا وسكينة
هالة بصوت رايا وسكينة..متخفيش يا شابة دا احنا هنريحوكي
ليلى..يارب ارحمني هو انا يا اعيش مع مرات ابو سندريلا يا اعيش مع جوز مجانين
محمد..انا رايح الشغل عندي اجتماع مهم اجي الاقي الاكل جاهز انا عايز اعيش زي ملك حريم السلطان فاهمة انتي وهي
ليلى بضحك ..يا عم ملك حريم السلطان كان لا مؤخزة في حريمه
محمد..ايه يابت لامؤخزة دي ونظر ل هالة انتي قايلة لها ايه
هالة بضحك ..انا ماقلتش حاجة بس هي شكلها فاهمة
محمد امسكهم من رقبتهم
محمد..انجري يابت انت وهي انا هغيب ساعتين واجي
ضحكت ليلى وهالة
ليلى..محمد
محمد..نعم
ليلى..كلم احمد عشان خاطري وحياة الغالين
محمد..حاضر الاجتماع معه هو والشركة اللي هنمضي معها بعد الاجتماع هكلمه
........
الفصل الثامن عشر
في المكتب الهندسي
(دا المكتب اللي ليلى وهالة كانو شغالين فيه مع اصحابهم نرمين وهادي)
دخلت نرمين مسرعة الى مكتب هادي بدون ان تطرق الباب
نرمين تجري وشكلها مثل من لدغه عقرب
نرمين..الحق ياهادي
هادي وقف بفزع من على المكتب..في ايه المكتب بيولع
نرمين وقد هدأت قليلا..مكتب ايه اللي بيولع انت كمان دي حاجة اهم من كدا بكتيييييير
هادي..البوليس جاي يقبض عليا
نرمين..بوليس ايه اللي جاي يقبض عليك
هادي..اومال في ايه يابت المجانين
نرمين..العدوي برة ادم
هادي...اييييييه
نرمين..ادم العدوي برة
هادي..انتي متأكدة انه ادم العدوي
نرمين..ايوة هو وادي الكارت بتاعه
هادي..انتي سيباه برة وقاعدة هنا يامصيبة حياتي انجري قولي له يتفضل
نرمين تجري ناحية الباب...حاضر
نرمين تحاول تهدأت نفسها ونظرت ل ادم
نرمين..اتفضل يا ادم بيه
دخل ادم وخلفه نرمين الى مكتب هادي الذي كان واقف في استقبال ادم تقدم هادي
هادي..ادم بيه اهلا وسهلا بيك اتفضل
ادم..اهلا بيك يا بشمهندس
جلس ادم وجلست امامه نرمين وجلس هادي على مكتبه
هادي..حضرتك تشرب ايه
ادم..قهوة مظبوط
رفع هادي السماعة وطلب القهوة
ادم..بص يا بشمهندس انا عايز من مكتبك تصميم لقرية سياحية على مساحة كبيرة نظر هادي ل نرمين فهي نقلة كبيرة لمكتبهم التعامل مع شركة العدوي
نرمين..وحضرتك عايز التصميم يكون جاهز امتى
ادم..في اقرب وقت ممكن ياريت المهندس اللي هيشتغل معايا يكون موجود بكرة في مكتبي
هادي..ايوة بس حضرتك احنا مش هنلحق لأن فرحنا انا نرمين بعداسبوع وحضرتك عارف التجهيزات
ادم..مفيش مهندسين غيركم هنا في المكتب(ايوة ياادم وريهم 😍😍)
نرمين..في ليلى محمود يمكن حضرتك عارفها
ادم ..ايوة طبعا عارفها
خلاص بكرة تكون عندي في مكتبي الساعة ٩ ودا شيك بمبلغ بسيط والباقي بعد انتهاء التصميم ومد يده بالشيك
اخذ هادي الشيك ونظر فيه
هادي..حضرتك دا مبلغ كبير
ادم..والمشروع كمان كبير استأذن انا
خرج ادم وترك نرمين وهادي
هادي..تقبي وتغطسي وتجبيلي ليلى
نرمين..اعتبرها عندك
خرجت اتصلت ب هالة تريد مقابلتهم بسرعة
في شقة محمد
اغلقت هالة مع نرمين
ليلى..مالها نرمين
هالة..عايزة تيجي دلوقتي قولتلها اتفضلي
ليلى..يالا نعمل الاكل الإ السلطان يجي يعلقنا
هالة..عندك حق نخلص قبل ما المجنونة تيجي الإ لو جات مش هنعمل حاجة
مر بعض الوقت دق جرس الباب فتحت هالة وجدت نرمين وجهها احمر ومتقطعة الانفاس وتلهث بشدة
هالة سلمت عليها..مالك يابت في ايه
نرمين متقطعة الانفاس ..ابدا طلعت جري
هالة..ليه الاسنسير عطلان
هزت نرمين رأسها بالنفي ..مقدرتش اصبر
هالة..طب خشي خدي نفسك
دخلت نرمين وجدت ليلى في الصالة سلمت ليلى على نرمين
ليلى..ايه يابت اللي مبهدلك كدا
نرمين..اقعد بس وادوني حاجة اشربها واحكيلكم كل حاجة
احضرت هالة عصير وشيكولاتة
شربت نرمين العصير مرة واحدة
نرمين..اهيييييه الحمد لله
نظرت لها ليلى وهالة بأستغراب
نرمين..مالكم في ايه بتبصولي كدا ليه
ليلى بضحك..لأ ابدا ولا اي حاجة اتفضلي احكي يا مجنونة
نرمين..بص ياليلى انا وهادي وقعنا من السما وانتي استلقتينا
نظرت ليلى ل هالة ونظروا ل نرمين
نرمين..بصي يا ستي ادم العدوي طبعا عرفاه
ليلى رق قلبها لسماع اسمه ..ايوة عرفاه ماله
نرمين..عايزنا نصمم له قرية سياحية على مساحة كبيرة وعطنا شيك بمبلغ كبير اوي وقال دا مقدم والباقي لما يخلص التصميم وهو عايز المهندس يبدأ من بكرة الصبح يكون عنده الساعة ٩ ها قولتي ايه
هالة..دي فرصة كويسة اوي وانتي كدا كدا هترجعي شغلك ليه ما تعمليش حاجة مهمة زي دي وجود اسمك على تصميم لشركة العدوي دي نقلة كبيرة
نرمين..قوليلها ياهالة والنبي
ليلى سرحانة في عيون آدم وان له نفس ملامح صاحب العيون الخضراء مع تغير بسيط ادم عنده لحية اما صاحب العيون الخضراء لأ
ليلى بصوت مسموع..اه لو اقدر اسأله
هالة/نرمين..تسألي مين وتسأليه على ايه
انتبهت ليلى ان صوتها كان عالي وسمعتها هالة ونرمين
ليلى..اه لو اقدر اسأله عايز التصميم امتى
نرمين ..هو قال في اقرب وقت المهم وحياة الغالين تروحي بكرة الساعة ٩ واشارت بيدها لهالة وليلى اه اعملي حسابك انت وهي انكم هتنزلوا معايا نشتري الحاجات اللي ناقصة عشان ماما مش راضية تنزل معايا
هالة..خدي ليلى معاكي انا مش هقدر عشان هدى ومحمود ماما حلفة ما اسبهم عندها بعد ما كانو هيولعوا في البيت
نرمين بخبث..لأ هدى ومحمود دول عقاب ل ماما عشان مرضتش تنزل معايا تستحمل بقى المهم ياليلى انتي في الشركة الصبح ومعنا بعد الظهر ومعلش اتحملي معايا شوية ماشي
ليلى..ماشي ربنا يسعدك انتي وهادي
نرمين..طب انا همشي اتأخرت على هادي اكيد قاعد على نار يالا سلام
هالة / ليلى..مع السلامة
بعد قليل جاء محمد وجد ان هالة قد اطعمت الاطفال و هم يلعبو في غرفتهم
محمد..السلام عليكم
ليلى/ هالة..وعليكم السلام
محمد..رايا وسكينة سكتين ليه
هالة..ابدا بنفكر في تصميم قرية سياحية
محمد..ليه ناوين تفتحوا شركة مقاولات انتي وهي هالة..لأ دي شركة العدوي هي اللي هتعمل المشروع دا
محمد..يا ولاد اللعيبة انتم ايه وصلكم لشركة العدوي
ليلى..حكت له ما قالته نرمين وانها هي التي سوف تقوم برسم التصميم
محمد بمرح..هي القرية السياحية دي على البحر
ضحكت هالة بصوت عالي
ليلى..لأ يا خفة دي على الترعة
محمد..وانت هتعرفي ترسمي التصميم ده دا انتي كبيرك ترسمي شمسية على البحر
استمرت هالة بالضحك
نكزتها ليلى..ما تسكتي انتي كمان
ليلى رفعت حاجبيها..ايوة وارسم شمسية بكراسي كمان عندك مانع
ضحك محمد..ان شاء الله بالتوفيق وركزي بدل ما تفضحينا ادم العدوي ما يعرفش ابوه في الشغل
هالة..انت هتخوفها ليه
محمد بجدية..لأ مش قصدي انا عايزها تعمل حاجة كويسة دا ممكن يغير مستقبلها وتبقى من امهر المهندسين
هالة بفرح..يارب يامحمد
محمد..ممكن بقى اشوف الاكل
ليلى..حاضر
وقفت هالة..خليكي ياليلى انا هحضر الاكل
ذهبت هالة للمطبخ
نظرت ليلى لمحمد..كلمت اخوك
محمد..ايوة كلمته وفرح اوي لما عرف انك انتي اللي طلبتي مني كدا .وكمان قولتله انك اد ايه بتحبيه واستحملتي مراته عشان خاطره بس بردو قولتله انك زعلانة منه
ليلى..ليه قولتله اني زعلانة منه
نظر محمد ل ليلى ..ايوة زعلانة منه ومتحوليش تكذبي عليا انتي كنتي مستنية زي مانتي بتضحي عشانه هو كمان يعمل حاجة عشان خاطرك وانتي زعلانة منه اكتر لما طلب من رامي انه يتجوزك ولا انا غلطان
لياى..لأ مش غلطان بس خلاص اللي حصل حصل وانا عايزة أبدأ من جديد ونحاول كلنا ننسى اللي فات
حضرت هالة الطعام وجلسوا يأكلو
في الصباح في شركة العدوي
حضرت ليلى وكلمت السكرتيرة ان عندها موعد مع ادم بيه
دخلت السكرتيرة لتخبر ادم ان ليلى بالخارج تريد مقابلته
دخلت ليلى الى مكتب ادم بعد الطرق على الباب وجدته واقف في انتظارها نظرت له وتاهت هو فعلا جاء لها في المشفى ام انها كانت تتخيل اما هو نظر لها بحب كبير ادم لنفسه..لو افهم سر النظرة دي
ادم مد يده وسلم على ليلى
ادم..اهلا وسهلا بيكي يا بشمهندسة
ليلى..اهلا بيك يا ادم بيه
ادم..لا بيه ايه بس
ليلى..خلاص مستر ادم او استاذ ادم حضرتك تفضل ايه
كاد ان يرد ادم لولا دخول ادهم
( ايه اللي جابك ياادهم احنا مستنين بقالنا كتير حرام عليك😂😂😂)
ادهم..وانا اقول ايه النور دا كله اتاري القمر بنفسه عندنا
ادم احمرت عيناه
ادم..ادهم اتلم شوية
ليلى بضحك ...سيبه براحته
نظرة لها ادم نظرة غيرة ..نعععععم
ليلى شعرت بغيرته عليها واحمر وجهها..لأ قصدي انه زي محمد هو دايما كدا نظرت ل ادهم المهم انت عامل ايه
ادهم..انا كويس فوق ما تتصوري
ادم يجز على اسنانه..وايه اللي خلاك كويس اوي كدا
ادهم يخفي ضحكه ..اصل القمر هيشتغل معنا ويبقى لشغل طعم قوليلي صحيح انتي تعرفي ترسمي تصميم القرية السياحية
ضحكت ليلى بصوت وادم تاه في ضحكتها فهذه الضحكة إعادتها لايام الجامعة كم يعشق ضحكتها
انتبهت ليلى لنظرة ادم وضعت يدها على فمها
ادهم..انت بتضحكي على ايه انا بسأل بس
ليلى..اصل محمد لسة سألني نفس السؤال وقالي انت كبيرك ترسمي شمسية على البحر
ادهم..وانتي قولتله ايه
ليلى..نفس اللي هقوله لك اعرف ارسم شمسية بكراسي كمان
ضحك ادهم وليلى وتاه ادم
ادهم..طب ياقمر امشي انا قبل ما يتحول ويأكلنا عادي
يالا سلام بس شوية وهاجي اشرب معاكم القهوة وغمز لاخيه
خرج ادهم
ليلى..حضرتك انا هرسم فين
ادم اشار لها على مكتب هندسي موجود في مكتبه
قامت ليلى لتبدأ العمل
ادم بضحك..اوعي تنسي الشمسية والكراسي
ضحكت ليلى ..وحضرتك كمان زيهم
ادم..زيهم ازاي
ليلى بزعل طفولي ..بيتريقوا عليا
ادم..محدش يقدر يتريق عليكي وان كان على محمد وادهم انا ممكن اعلقهم هنا قدامك
ليلى..لأ خليهم كدا دول الضحكة اللي في حياتي
ادم..اللي يعجبك وقت ما تزهقي منهم انا موجود
ليلى شعرت معه بأمان وهي لا تخاف منه وهو مرح واسلوبه راقي
جلست على مكتبها وبدأت ترسم وتنظر له من حين الى اخر وهو يبادلها النظرات
خلصوا شغلهم لهذا اليوم فهو بداية كل شئ جميل
ادم..يالا عشان اوصلك
ليلى..معايا عربيتي
ادم..خلاص سوقي انتي عربيتك وانا وراكي اوصلك لحد البيت
شعرت نفس شعورها وهي صغيرة ان حارسها الامين بجانبها حتى لأ يؤذيها احد او شئ كم شعرت بالامان
وبعد ان اوصلها ودخلت العمارة انطلق مسرعا كما كان يفعل صاحب العيون الخضراء
ليلى..اه لو اقدر اسألك ......
الفصل التاسع عشر
في شقة محمد
بعد يوم عمل طويل رجع محمد وجد ليلى وهالة في انتظاره
اكملت ليلى عملها بدري ورجعت الى البيت وطلبت من هالة انها هي من تعد الطعام وان هالة يكفيها اليوم انها نظفت الشقة فوافقت هالة
محمد..السلام عليكم
ليلى/هالة..وعليكم السلام
محمد..ليلى انتي روحتي من شغلك ولا مرحتيش اصلا
ليلى..لأ رحت وخلصت شغلي وجيت
هالة..دي هنا من بدري وكمان عملت الاكل
محمد بمرح..وكمان عملت الاكل ماهو الشغل عند العدوي حلو اهو اومال بيقولوا اللي يشتغل عند العدوي ينسى اهله ليه دا انا اسيب احمد واجي اشتغل معاكي
سرحت ليلى في ادم فهو لن يرهقها في العمل ويساعدها في التصميم ويهمل اكثر منها وتذكرت فنجان القهوة
**طلب ادم قهوة له هو وليلى جلست تشرب القهوة ورفعت الفنجان يدها ارتعشت وسقط الفنجان على فستانها
ارتعب ادم وقفز واقفا ورمى الفنجان من يده وسقط على بعض الاوراق على المكتب
ادم بفزع..ليلى انتي كويسة في حاجة بتوجعك
ليلى لا تشعر بحرارة القهوة على جسدها ولكن تشعر بشدة خوف ادم عليها
ليلى هزت رأسها بالنفي..لأ مفيش حاجة بسيطة
ادم شدها من يدها ..قومي ادخلي الحمام واغسلي مكان القهوة
(ياحونين هيييييييح لو احنا كان زمانه قالها مش تفتحي يالا خليها تعيش اتعذبت كتير٠😂😂😍😍)
دخلت ليلى الحمام وغسلت مكان القهوة وخرجت من الحمام في هدوء تشعر بالخجل وانها طفلة اتسخت ملابسها وجدت ادم يتجول في المكتب ذهابا وايابا وما ان رأها حتى جرى عليها
ادم..انتي كويسة اجيبلك دكتور
هزت ليلى رأسها بالنفي...لأ مفيش داعي انا كويسة مفيش حاجة
وماهي إلا ثواني ودخلت السكرتيرة بعد ان طرقت الباب
السكرتيرة..الكريم اللي حضرتك طلبته ياادم بيه
ادم اخذ منها الكريم ..شكرا تقدري تتفضلي انتي دلوقتى
خرجت السكرتيرة وليلى واقفة مثل التائها تنظر له ببلاهه
ادم مد يده بالكريم ..خدي الكريم وادهني منه بسرعة مش هتحسي بألم
(اه دا انا اللي حاسة بألم😂😂)
اخذت منه الكريم وهزت رأسها بمعنى نعم
ادم..انزل اجيبلك فستان
(ياعم اقعد بقى تعبتني هدخل اقتل جوزي وايتم العيال😂😂😂)
ليلى..لا مفيش داعي شوية وهينشف
ادم..طيب جيبي فوطة من الحمام وحطيها تحت الفستان عشان متبرديش
ليلى..لأ انا مسحته كويس بالفوطة هروح ادهن الكريم
ادم جالس على المكتب مش على بعضه دقائق وخرجت ليلى
ادم..احسن دلوقتي
ليلى..اه الحمد لله
نظرت على مكتب ادم وجدت فنجان ادم الذي تركه من يده وقع على بعض الاوراق
ليلى..مستر ادم الاوراق اتبهدلت خالص
ادم..اولا بطلي تقولي مستر ادم ولا استاذ ولا حضرتك انا ادم وبس
هزت رأسها إيجاب
اكمل ادم..ثانيا الورق اللي اتبهدل دا انا هكتبه وانتي هتساعديني قولتي ايه
ليلى..حاضر
جمعت ليلى الاوراق المتسخة ورمتها في سلة القمامة وبدأوا في العمل وبعد ان اكملو كتابة الورق اعطاها شيكولاتة من النوع الذي تحبه
ادم..دي مكافئتك عشان ساعدتيني
اخذت ليلى الشيكولاتة وفتحتها وقسمتها الى نصفين اعطته نصف واخذت نصف واكلوها وهم يضحكوا **
محمد..انتي ياختي انتي ياسكينة انتي ياحجة انتي ياما
ليلى..ها في ايه مالك
محمد..من الصبح وانا بكلمك وانتي ولا هنا
(مش كنا بنعرف قصة القهوة يا محمااا😂😂)
ليلى..كنت يتقول ايه
محمد..بقولك احمد اخوكي شكله مش عجبني ليه فترة كدا دايما حزين ومش على بعضه تقريبا بعد جوازك على طول(بتفكرها ليه بهباب البرك يامحماا)
ليل..طب قوم نرحلوه بسرعة وليه ما قولتليش كل دا
محمد..ياستي هو جاي دلوقتي هو ومنى وحماته وومقولتلكيش عشان كنتي عروسة وبعدين دخلنا في قصة المستشفى وكله جيه ورا بعضه وانا في الاول كنت فاكر انه ضغط الشغل وانتي عارفة احمد مش بيفصل
ليلى..انت محولتش تسأله
محمد..والله كنت بسأله لكن مش بيجاوب واشوف دموع في عنيه كنت بخاف اضغط عليه
ليلى..ياترى فيك ايه ياحبيبي
هالة..يمكن منى ولا اسر عيان انتو عارفين اسر بالنسبة له ايه
محمد..مش عارف عمتا هما على وصول حضروا الغدا الاول وبعدين نتكلم ونشوف في ايه
دق جرس الباب استقبلهم محمد ورحب بيهم وسلم عليهم
محمد..اهلا وسهلا اتفضلوا
ام منى..اهلا بيك يابني يزيد فضلك
منى..ازيك يامحمد
محمد..بخير الحمد لله انتي عاملة ايه
منى بحزن..الحمد لله
محمد..عامل ايه ياابو حميد
احمدبنظرات حزينة تائهة..الحمد لله
سمعت ليلى وهالة صوتهم خرجت ليلى مسرعة وخلفها هالة
ليلى نظرت إلى منى هل هذه منى ضعيفة ووجهها يبدو عليه الحزن والتعب حتى ملابسها عادية اين اناقتها تقدمت منهم واحمد يبدو كأنه كبر مائة عام لما كل هذا لكن اطمئن قلبها عندما وجدت اسر يحمله احمد
ليلى..اهلا وسهلا وسلمت عليهم
منى بدموع..ازيك يا ليلى
ليلى..الحمد لله انتي عاملة ايه
منى..الحمد لله
ليلى نظرت ل احمد..عامل ايه ياابيه
احمد..كويس انتي عاملة ايه
ليلى..الحمد لله
اخذت ليلى اسر من يد احمد ..حبيب عمتو انت عامل ايه وحشتني اوي واحتضنت الطفل مال الطفل برأسه على كتف ليلى ربطت ليلى على ظهره انا كمان وحشتك ياروحي
ليلى..اهلا بحضرتك يا طنط
ام منى..الحمد لله انتي عاملة ايه
ليلى..كويسة الحمد لله
تقدمت هالة وسلمت عليهم ورحبت بهم
هالة..ايه ياجماعة هنفضل وقفين كدا اتفضلوا الغدا جاهز
احمد/منى/ام منى..ما فيش داعي
محمد..والله ابدا نتغدو مع بعض دا احنا لينا زمان على اللمة الحلوة دي
كانت السفرة جاهزة جهزتها ليلى وهالة جلسوا جميعا وبداو يأكلو
لاحظت ليلى ان احمد ومنى يأكلو بلا نفس او طعم لأي شئ
اكملوا اكلهم قامت ليلى وهالة ومنى بأخذ الاطباق
(دلوقتي بتقومي تلمي يا جزمة)
وضعت هالة الاطباق في غسالة الاطباق وليلى صنعت المشروبات اما منى اكملت تنظيف السفرة ومكان الاكل
جلسو جميعا وقدمت لهم ليلى المشروبات وجلست بجانب احمد وضعت يدها على ركبته تربط عليها..مالك ياابيه
لم يرد احمد واكتفى بنظرة حزينة اما منى كانت تجلس بجانب ليلى من الجهة الاخرى امسكت يد ليلى وانفجرت في البكاء اصاب ليلى ومحمد وهالة الزهول من بكاء منى بهذا الشكل
هالة..في ايه بس يامنى
محمد..وحدي الله في ايه لكل دا
ليلى تربط على ظهرها ..قوليلي مالك فيكي ايه
منى من بين دموع..ربنا اخدلك حقك
ليلى..متقوليش كدا في ايه بس
منى..انا لما كنت بتعالج عشان الحمل كان عندي عيب في الرحم ولما حملت في اسر وخلفته تخيلت ان العيب خلاص خف او اني اقدر اخلف تاني وهو موجود لكن بعد ما خلفت اسر الدكتور قاللي ان حملي في اسر دا معجزة لا يمكن تتكرر والعيب دا كان عبارة عن كتلة في غريبة في الرحم لكن بعد ما خلفت روحت عشان احمل مرة تانية ولكن بعد الكشف والاشعة الدكتور قالي ان الكتلة تحولت لورم ولابد من استئصال الرحم
نظرت ليلى ل منى بأسف وحاولت التخفيف عنها..مش مهم المهم انك تبقي كويسة واهو اسر ربنا يخليه ويحفظه بالدنيا كلها
وهنا انفجر احمد في البكاء
حولت ليلى نظرها من منى ل احمد وزهل محمدوهالة
محمد..في ايه يااحمد
هالة..ياجماعة العيال مش بعددهم ممكن واحد بار بوالديه احسن من عشرة مش مهتمين بيهم ولا كأنهم خلفوا
احمد من بين بكاء..انا راضي بس ربنا يخليهولي
اسكتت الصدمة محمد وهالة وليلى اخذت تبكي بشدة واحتضنت الطفل ولا تستطيع الكلام اما منى واحمد استمروا في البكاء
تمالك محمد قليلا...ايه اللي انت بتقولوه دا
لم يرد احمدواكتفى بنظرة حسرة وألم
ام منى..يابني اسر كان عيان وفكرنا انه عادي العيال الصغيرين كلهم بيعيو ويخفو لكن لماالدكتور كشف عليه قال اعملو الاشعة ضروري عملناها ورجعنا لدكتور قال انه عنده عيب خلقي في القلب وان العملية نسبة نجاحها ضعيفة
محمد بعصبية..وانا كنت فين لما كل دا حصل ليه ماقولتليش
ام منى..اهدى يابني الوقت دا كله واحنا بنلف على الدكاترة يمكن واحد فيهم يقول كلام يطمنا لكن للاسف كلهم نفس الكلام
نظرت ام منى ل ليلى..سامحي يابنتي انا عارفة ان منى جات عليكي كتير وانا والله كنت بقولها انك يتيمة وظلم اليتيم حاجة كبيرة اوي عند ربنا بس هي شيطانها كان مصورلها ان اللي بتعملوه صح وعارفة ان احمد ظلمك في الجوازة دي بس سامحيهم عشان خاطر أسر وخاطري انا وانفجرت في بكاء مرير
ليلى بدموع...والله مسمحاهم دول اهلي وانا مليش غيرهم
محمد نظر لأحمد...وانت هتعمل ايه
احمد..هسافر برة في دكتور بيعمل العمليات دي صحيح نسبة نجاحها ٣٠%بس هو اكبر نسبة وانا هعمل اللي عليا
ليلى..انا هسافر معاكم
احمد...مش هينفع تسيبي مشروعك ومستقبلك
ليلى..مشروع ايه ومستقبل ايه
محمد...لأ يا ليلى خليكي انتي وانا هساقر معهم
احمد..مش هينفع تسيب هالة وليلى والعيال من غير راجل
ام منى..انا مسافرة معهم انتو بس ادعوله ربنا يرجعه بالسلامة
انتهى اليوم ورحل احمد ومنى وام منى وتركو هالة ومحمد وليلى في صدمة كبيرة........
**بصوا منى هي مش هتخلف بس اللي عايزة تسامحها الطفل هيعمل العملية وتنجح واللي مش عايزة تسامحها الطفل هيموت ياريت كل واحدة تكتب رأيها ضروري****
الفصل العشرين
قبل فترة عندما علمت هبه بما فعله رامي في ليلى شعرت بالخوف فهو فعل هذا مع واحدة لا يحبها و لكن شعر باهانة كرامته فماذا سيفعل بها عندها يعلم حقيقة عملها وهيكون اهانة لكرامته وجرح لقلبه
استغلت هبه فرصة ان رامي مشغول مع ادم في المشفى وبين الطلاق ولم اغراض ليلى استغلت انشغاله وتركت الشقة وباعتها واخذت امها واختفت وغيرت رقم هاتفها
اما رامي حاول البحث عنها ولم يجدها وهاتفها دائما مغلق وعرف ببيع الشقة وذهب الى المول وبالتحديد للمحل الذي كان يعتقد انها تعمل فيه دخل المحل وتقدم من صاحب المحل
رامي..السلام عليكم
صاحب المحل..وعليكم السلام اوامرك يافندم
رامي..كنت بسأل عن واحدة شغالة هنا اسمها هبه حسن
صاحب المحل..مفيش بنت بالاسم ده بتشتغل هنا يمكن حضرتك متلخط في الاسم عموما البنات كلهم موجودين مفيش واحدة غايبة ممكن حضرتك تشوف لو هي واحدة منهم
نظر رامي حوله وجد ثلاث فتايات وليست هبه بينهم
رامي..لأ هي مش موجودة مفيش بنات بتشتغل عندك غيرهم
صاحب المحل..ما انا قولت لحضرتك كلهم موجودين هما دول اللي شغلين هنا انا اسف كنت اتمنى اساعدك هي سرقت منك حاجة
رامي..ايوة
صاحب المحل..طب هي لما سرقت منك حاجتك كانت هنا في المحل
رامي..ايوة كانت موجودة هنا
صاحب المحل..طيب كانت لبسة اليونيفورم
رامي..لأ كانت لبسة عادي
صاحب المحل..للاسف زي ما حضرتك شايف البنات اللي شغالة هنا كلهم لبسين اليونيفورم شكلها نصابة انا اسف مرة تانية كان نفسي اساعدك
رامي..ولا يهمك معلش عطلتك
صاحب المحل..لا ابدا
خرج رامي من المحل وهو سرحان ف هبه عندما يتصل بها يود زيارتها في المحل كانت تقول له لا تأتي الان وانتظر نصف ساعة لما كذبت عليه وقالت انها تعمل فيه واين كانت تعمل
خرج رامي من المول وذهب الى عمله الجديد فهو الان يعمل في شركة اخرى بعد ان ترك العمل في شركة احمد واستمر به الحال لا جديد من البيت الى الشركة وبالعكس حياة بلا روح بلا قلب فقد تركته حبيبته بلاسبب
اصبحت حياته كئيبة مملة الى ان جاء يوم لم يخطر بباله ولم يعمل له حساب ففي هذا اليوم كان عنده عمل كثير ورجع متأخر وهو في طريقه مر على ملهى ليلي وبحركة تلقائية نظر ناحية الملهى فوجد اخر شئ يود رؤيته كانت هبه لبسة فستان ضيق قصير يظهر اكثر ما يخفي كانت تخرج من الملهى بصحبة رجل مخمور يتمايل هو وهي ممسكا بخصرها ملتصق بها
نزل رامي جري من السيارة واتجه ناحية هبه وامسك ذراعها بقوة كاد يكسره
رامي..انتي بتعملي ايه هنا وايه اللي انتي لبساه ده
هبه بفزع..انت ايه اللي جابك هنا
رامي..جبني قدري عشان اشوفك على حقيقتك معقولة انتي كدا وانا كنت اعمى
هبه..رامي امشي من هنا وبلاش مشاكل
امسكها رامي من شعرها ونزلت صفعة قوية على وجهها وتوالت الصفعات مع الكثير من السباب
خلصت هبه شعرها من يده وابتعدت عنه
هبه..وانت مالك ومالي انا حرة اعمل اللي انا عايزاه
رامي..يعني ايه حرة انتي هبه اللي اتربت معنا ايه وصلك لكدا انا كنت مستعد ابيع الدنيا واشتريكي
هبه..الكلام دا معدش ينفع خلاص اتفضل امشي من هنا
الرجل..مش يالا يابوبو نمشي بقى واشار على رامي وبعدين ده جبلي صداع
لكمه رامي في وجه
الرجل..انت بتضربني انت مش عارف انا مين
رامي..انت تخرس خالص ولا يهمني انت مين
الرجل..انا هوريك انا مين
دخل الرجل الى الملهى واحضر البودي جارد اشار لهم على رامي امسكو رامي وضربوه حتى سقط ارضا
هبه..خلاص كفاية كدا
البودي جارد..حاضر يا ست الكل ،،تركوه وبعد قليل استطاع ان يقف لم يشعر بوجع الضرب انما شعر بوجع القلب فهو اشد واقوى وصل بصعوبة الى سيارته وركبها وضرب عجلة القياة بقوة وصرخ بأعلى صوته وانطلق مسرعا وصل الى منزله وصل الى شقته دخل وترك الباب مفتوح واخذ يكسر ما تصل اليه يده ويصرخ باعلى صوته ..غبي مغفل حمار ازاي كنت اعمى
سمعت سوسن صوت صريخ رامي نزلت مسرعة هي ونور وجدت رامي يكسر في الشقة واثار الضرب على وجه ويده تنزف من الزجاج المكسور وهو لايشعر بشئ ضمته امه
سوسن..لا إله الا الله في ايه يابني ايه اللي عمل فيك كدا
رامي بصوت مبحوح..انا مغفل ازاي كنت اعمى ازاي هي كدا وانا مشوفتش حقيقها
سوسن تهز رامي..هي مين
رامي..هبه
سوسن..هبه وانت شوفت هبه فين
حكى رامي ما رأه وما حدث معها
سوسن..يابني انا حذرتك وفهمتك وانت قفلت ودانك عن الحقيقة
رامي..ازاي كنت اهبل لدرجة انها تلعب بيا
سوسن..انت اللي عملت في نفسك كدا ياما قولتلك وياما قالك احمد وياما قالك ادم وانت مصدقتش حد
رامي..انا كنت فاكر انك انتي اللي قولتي ل احمد وادم يبعدوني عنها
سوسن..هما قالولك ابعد عنها بس مرضوش يقولولك هي كانت بتعمل ايه معهم
رامي رفع رأسه ونظر لامه...قصدك ايه انا مش فاهم حاجة
سوسن..كانت بتحاول تلزق في احمد وتضع يدها علي صدره وتقرب منه وهو يبعد عنها وشافتها نور
وادم ساب العمارة ومشي من عمايلها كانت بتطلع عنده وعايزة تدخل الشقة وادهم مش موجود انا شوفتها وهي طالعة وسمعت كلامه ليها وانها تبعد عنه ولما كررت المحاولة خاف على صداقتكم وساب العمارة
رامي..انا مش مصدق كل دا حصل وانا ولا حاسس
سوسن..انا حاولت افهمك كتير بس للاسف خربت بيتك بأيدك عشانها وبسببها
رامي..موضوع ليلى كان غلط من الاول حتى لو مكنتش بحب هبه بردو مكنتش هفكر ب ليلى الموضوع خلص ربنا يسعدها
سوسن..يارب يابني دي بنت حلال وتساهل كل خير
مر يومان حتى تعافى رامي ورجع الى عمله وطلب من مدير الشركة انه يريد السفر والعمل في فرع الشركة في دبي وسافر رامي واخذ امه واخته معه
******
في شركة العدوي
دخلت ليلى الى مكتب ادم بعد ان طرقت على الباب كانت حزينة والدموع في عيناه وتمشي ببطئ وما أن رأها ادم بهذا الشكل قام مسرعا فقد افزعه شكلها
ليلى..السلام عليكم
ادم..وعليكم السلام مالك يا ليلى في ايه
ليلى بدموع..اسر ياادم
ادم..ماله اسر
حكت ليلى له عن حالة اسر
ود لو يستطيع ان يأخذها في حضنة ويخفف عنها
ادم..ان شاء هيكون كويس ويرجع بالسلامة
ليلى..يارب ياادم انا لو اسر جراله حاجة انا هموت
ادم بحنو..بعد الشر عليكي متقوليش كدا انتي بس ادعيله هما هيسافرو امتى
ليلى..دول سافروا بسرعة عشان منى كمان هتعمل عملية
ادم..ربنا يكون في عون احمد مراته وابنه لو تحبي اخدك ونسافر لهم معنديش مانع
ليلى..هو مرضيش حد يسافر معه وكمان ازاي تسافر وتسيب شغلك
ادم بنظرة حب..انتي عندي اهم من الشغل
ليلى ابتسمت له
ادم..ممكن تمسحي دموعك دي مش بحب اشوفها
ليلى مسحت دموعها
ادم..ايوة كدا شاطرة لو مش هتقدري تشتغلي ممكن تروحي
ليلى..لأ انا كويسة واقدر اشتغل
ادم..بصي ياستي في عميل جاي دلوقتي انت خليكي على مكتبك واشتغلي وانا هخلص معه وبعدين هاجي اشتغل معاكي ماشي
ليلى..ماشي
اتجهت ليلى الى مكتبها وبدأت تعمل
طرقت السكرتيرة الباب
السكرتيرة..استاذ محسن الحسيني برا ياادم بيه
ادم..خليه يتفضل
بعد ثواني دخل الرجل وسلم على ادم
ادم..اهلا اهلا محسن بيه عامل ايه
محسن..اهلا بيك انا بخير الحمد لله انت عامل ايه
ادم..بخير الحمد لله
نظر الرجل ناحية ليلى التي تعمل ولم ترفع رأسها حتى
الرجل..مش تعرفنا ياادم بيه
ادم..دي البشمهندسة ليلى صاحبة تصميم القرية السياحية
تقدم محسن ناحيتها ومد لها يده وسلم عليها
محسن..اهلا يابشمهندسة
ليلى..اهلا بحضرتك
لم تعطيه ليلى اي اهمية وعادت لعملها
وكل هذا تحت نظر ادم
رجع الرجل الى مكتب ادم وجلس امامه وبدأوا في الكلام عن الصفقة لكن الرجل لم يكن مركز مع ادم وينظر الى ليلى من حين لاخر انتبه له ادم ونظر الى ليلى وجدها تعمل بجد ولم ترفع رأسها
ادم..محسن بيه خليك معايا انت بتبص على ايه
محسن..معاك بس بصراحة واخدة تفكيري مش قادر ما بصيش ليها
ادم وقد احمرت عيونه من الغضب...انت جاي لشغل ولا ليه بالضبط
محسن..وفيه ايه نكمل الصفقة وفي نفس الوقت امتع عيوني بالقمر دا
لم يرد ادم عليه ولكنه نظر ل ليلى
ادم..بشمهندسة ليلى
ليلى..نعم ياادم بيه
ادم..اتفضلي عند السكرتيرة شوية ولما اكلمها تعالي
ليلى..حاضر
تركت ليلى ما بيدها وخرجت من المكتب
اما ادم وقف امام محسن
محسن..انت طلعتها ليه بس
ادم..عشان ميصحش تسمع اللي هقوله انت واحد.......ولكمه في وجه عدة لكمات
خرج الرجل ووجهه خريطة امام ليلى والسكرتيرة
السكرتيرة..ياترى عمل ايه ل ادم بيه دا عمره ما عملها هو انتي مسمعتيش حاجة وانتي جوة
ليلى..لأ انا كنت بشتغل وادم بيه قالي اطلعي برا طلعت بس
ادم كلم السكرتيرة كي تدخل ليلى
السكرتيرة..ادخلي ياليلى كملي شغلك
ليلى..حاضر
دخلت ليلى للمكتب وجدت ادم يعدل ملابسه ويكاد بنفجر من الغضب لم تتجرأ ان تسأله ماسبب ما فعله مع العميل ذهبت في هدوء الى مكتبها كي تعمل لكنها نظرت اليه وجدته مازال غاضب فكرت ماذا تفعل كي يهدأ فتحت حقيبتها واخرجت منها شيكولاتة وذهبت اليه ووضعتها امامه على المكتب من غير ولا كلمة
نظر ادم الى الشيكولاتة ثم رفع عينه اليها وانفجر ضاحكا بصوت عالي وضحكت هي الاخرى
ادم..انتي خايفة مني
هزت رأسها بالنفي
ادم..اومال ليه جبتي الشيكولاتة
ليلى..عشان تهدا
ادم..انا هادي جدا دا موضوع وانتهى
ليلى بسزاجة..طب خد الشيكولاتة وقولي ضربته ليه
ضحك ادم بصوت عالي
ادم..انتي بترشيني بشكولاتة عشان اقولك ونظر لها نظرة ذات معنى انا ممكن اترشي بحاجة تانية واقولك(وانا اللي كنت فكراك مؤدب كلكم مصطفى ابو حجر😂😂😂😂)
تحركت ليلى مسرعة من امامه فتخيل انها فهمت قصده ولكنها عادت بسرعة اليه فأستغرب من موقفها
ليلى وضعت علبة عصير امامه
ليلى..اكيد عايز عصير مع الشيكولاتة عشان تقولي
ضحك ادم اكثر واكثر كم هي بريئة نقية لا تفهم الكلام المخادع كم يعشق برائتها ونقاؤها
ادم..متشغليش بالك انا ضربته ليه بس هو يستاهل الضرب
اخذت ليلى الشيكولاتة والعصير
ليلى بصوت واطي ..اكيد شتمك
سمعها ادم
ادم..تعالي هنا شتم مين
وضعت ليلى يدها على فمها...دا سمعني
ادم..ايوة سمعتك وضربته عشان بصلك عرفتي ليه ضربته
سرحت ليلى هو خسر الصفقة وضرب الرجل لمجرد انه نظر لها هل هذا يعني انه بيحبها وبيغير عليها فعلا ام ان عقلها هو من صور لها هذا فاقت من شرودها على صوت ادم
ادم..هاتي الشكولاتة والعصير انا قولتلك ضربته ليه
اعطته ليلى ما في يدها
ادم..ليلى انا عايزك في موضوع مهم....
تعليقات
إرسال تعليق