الزهرة المفترسة › البارت الحادي عشر حتي البارت الخامس عشر بقلم ديدي كامله على مدونة النجم المتوهج للروايات

 الزهرة المفترسة ›
البارت الحادي عشر حتي البارت الخامس عشر
بقلم ديدي
كامله على مدونة النجم المتوهج للروايات 

مازن بإستغراب: ونور تعرف منين يا لين..

لنتظر له لين وبإبتسامة ثقة وتوعد:

ليه انت متعرفش ان نور تبقي اختي..

مازن بصدمة وعدم تصديق: ايه.. انتي بتقولي ايه..

نور التي كانت في وضع لا تحسد عليه وعيناها تتوسلان الي لين.

.فقد كانت نور تشعر بأن قدماها لم تعد تحملانها وستهوي ارضا..

لين بهدوء: ايوة نور اختي ليه مخدتش بالك

من اسمها... نور عامر محسن المغربي..

مازن وهو ينظر الي نور: لأ مخدتش بالي.. وحتي هي مقالتليش..

لين بإبتسامة مصطنعة: هي نور كدة..مش بتحب تعرف عن نفسها..

وتحب تعتمد علي نفسها علشان كدة رفضت تشتغل معايا في

الشركة.. واشتغلت هنا..وهي تجذ علي اسنانها.. مش كدة يانور..

نور بخوف: ايوة.. انا حبيت اعتمد علي

نفسي بعيد عن اسم عيلتي.. وأخد خبرة..

مازن بتعجب: اهااا.. وبإبتسامة وده كويس ليا..يعني

اشتغل مع عيلة المغربي وكمان بنتهم في شركتي..

لين بإبتسامة صفراء: اكيد مصلحة ليك يامازن..

ودلوقتي نكمل شغل.. نور قهوتي من فضلك.. نور والتي كانت

شاردة في الموقف لتنبهها لين وبحدة خفيفة.. نور القهوة..

لتنتبه نور: هه..حاضر هجيبها حالا وتنصرف..

ليكمل مازن: بجد صدفة حلوة قوي ان نور

تطلع اختك.. وبهمس ده هيخدمني كتير..

لين بإنصات: بتقول حاجة يامازن..

مازن: هه ابدا يالين..

لين بجدية: نكمل الشغل يا مازن..

ليدلف الساعي ويحضر القهوة وتدلف معه نور.. وتتحدث

لين بجديه في العمل وكل دقيقة تنظر الي نور شرزا..

لين: اوك بص بقي الشحنة اللي انت طالبها

الزهرة المفترسة ›
البارت الحادي عشر حتي البارت الخامس عشر

كدة هتوصل بعد اسبوعين.. والمندوب الالماني

هيوصل معاها.. علشان يتأكد من سلامة التخزين..

مازن: وليه يعني..

لين: انت عارف الالمان ودقتهم في كل حاجة.. علشان

كدة انا جهزت المخازن كويس.. بس السعر هيزيد شويه..

مازن بتزمر: بس يالين احنا اتفقنا ع السعر قبل كدة..

لين بجدية: ده قبل ماعرف ان الشحنة

محتاجة رعاية يامازن وانت عارف..

مازن: طب مفيش اكرامية حتي علشان نور..

لين بحزم: مازن انت عارف انا معرفش

ابويا في الشغل.. ومتدخلش نور..

مازن: خلاص حاضر متتعصبيش كدة اللي انتي عايزاه هيحصل..

لين: اوك كدة احنا اتفقنا..اشوفك بعدين يامازن..

لتهم بالخروج ويدلف شوقي وعندما يري لين

يتفحصها من رأسها حتي اخمص قدماها ويكمل..

شوقي وهو ينظر الي لين نظرات خبيثة:

مكنتش اعرف ان عندك حد يا دكتور..

مازن: ابدا يا شوقي ديه مدام لين المغربي..

شوقي بإرتباك: اهااا طبعا غنية عن التعريف..

ويخفض بصره وينظر الي نور نظرات خبيثة..

لتتقدم لين نحوه بعد ان رأت نظراته الي نور.. وبنبرة تحذيرية:

وكمان اكون اخت نور.. ولمازن اشوفك بعدين يامازن سلام..

مازن: سلام يا لين..

لين لشوقي:تشرفنا يا ..

شوقي:شوقي يا مدام..

لين بتعالي : تشرفنا ياشوقي..ولنور بنبرة آمرة غاضبه..ورايا..

لتخرج لين وخلفها نور.. في الخارج..

لين بعيون مشتعلة وبنبرة متوعدة: وحياة امك يانور لأوريكي..

وبلهجة آمرة تخلصي شغل وتعدي عليا في البيت فاهمة..

نور بخوف: حاضر يالين..

>>>>>>>>>>>>>>>>>>>>>>>

في السيارة

السائق: ع البيت يا هانم..

لين: لأ ع الشركة..

السائق: تحت امرك.. لينطلق الي الشركة..

لين بغضب لنفسها وهي في السيارة: ماشي يانور انا هوريكي..

وانت ياهشام مكتوبلك تعيش شويه كمان..

نور لغبطتلي الدنيا لولا كدة كنت هتبقي المغفور لأجله الليلة..

بس تتعوض يابن المغربي..لما اخلص من موضوعها.. نور اهم منك بكتير..

في شركة مازن..

شوقي: كانت بتعمل ايه لين المغربي هنا..

مازن: شحنة الادويه الالمانية جاية عن طريق شركتها..

شوقي: وفيها زي كل مرة..

مازن: لأ الشحنة ديه نضيفة..

شوقي: اهااا.. علشان شركة المغربي

هي المسئوله عنها يعني..

مازن: ايوة..وبسخرية.. بس مالك كنت هتاكل

الزهرة المفترسة ›
البارت الحادي عشر حتي البارت الخامس عشر

لين بعينيك..و اتبليت اول ماعرفت انها لين المغربي..

شوقي: هههه ياعم ديه لين المغربي..

انت مبتسمعش عنها ولا ايه.. ديه تفرمني..

وكفايه انها مرات هشام المغربي.. ده لوحده يخليني

اعمي عينيا ومبصلهاش.. بس غربية ان نور اختها..

مازن: ايوة انا استغربت لما عرفت..

شوقي بشك: بس ايه اللي خلاها

تشتغل هنا ومتشتغلش مع اختها..

مازن: نور حابة تعتمد علي نفسها وتبدأ من الصفر..

شوقي بسرحان: اهاا كويس فرصة الواحد يتسلي..

مازن بتحذير: شوقي ملكش دعوة بنور ..

شوقي بمكر: خلاص يا دكتور فهمت انها دخلت دماغك..

مازن بجدية: مش اللي في دماغك يا شوقي..نور حاجة

تانية وخصوصا بعد ماعرفت انها من عيلة المغربي..

شوفي: طيب اسيبك انا واشوف شغلي.. ونتقابل بالليل..

مازن: اوك..سلام الوقتي.. .وبتحذير ملكش دعوة بنور سامع..

شوقي: خلاص ياعم عرفنا.. ليخرج شوقي ولنور القمر مشغول..

نور بإنزعاج: خير..

شوقي بضحكة: بالراحة مالك زعلانه كدة انا قولت اصبح بس..

نور وهي تنهض وبقرف: واديك صبحت عن اذنك عندي شغل..

شوقي وهو يعض علي شفتيه: ماشي

مسيرك ياملوخية تيجي تحت المخرطة..

في مكتب مازن لنفسه: بجد يانور انا مش عارف

ايه اللي حصلي من لما شفتك..وكمان

من عيلة المغربي.. كدة انا خلاص عرفت هعمل ايه..

>>>>>>>>>>>>>>>>>>>>>>>>>>>>>>>>>

وصلت نور الي فيلا المغربي ودلفت الي غرفة لين وهي مرتعبه منها..

لين بنبرة متوعده:اهلا ..اهلا بنور هانم..

اتفضلي ..هتفضلي واقفة ع الباب كتير..

خلفها:لين انا كنت هقولك..بس..

لين بنبرة جامدة مخيفة: بس ايه.. كنتي فاكرة

اني مش هعرف..كنتي فاكرة انك هتخلصي مهمتك

وانا مش هقفشك..مش كدة..وتشير اليها بيدها..تعالي يانور..قربي..

نور بوجه شبه باكي: والنبي يالين..خلاص..انا..

لين وهي تجذ علي اسنانها وبلهجة آمرة حادة :تعالي بالزوق..قربي..

لتقترب منها نور لتجذبها لين الي الفراش وتعتليها

وتكمل بغضب:بقي انتي يا مفعوصة تكدبي عليا

وتستغفليني..وقال ايه..خلاص يا لين..اول ما افكر هقولك..

نور بخوف وهي تغطي وجهها:والنبي يالين بلاش ضرب..

انا مكنش قصدي اني اخبي..بس انا عارفكي..

لين وهي تقبض علي يداها بغضب:عارفة انا عايزة اعمل فيكي ايه..

نور بخوف وتوجس:بصي بلاش عض..انا عارفة سنانك..

لين وهي تحاول كتم ضحكاتها وبوجه جامد:انتي ليكي

عين تتشرطي.. وبحدة..اسكتي خليني افكر هعمل فيكي ايه..

نور برعب:انتي لسه هتفكري..رحت بلاش..طب استني اتشاهد..

ليدلف هشام ويجدهم علي هذه الحاله..ويغلق الباب..

هشام بخضة مصطنعة:يالهوووووي..ايه ده..انتي بتعملي ايه يالين..

نور بتوسل:والنبي يا اتش خليها تسيبني..ربنا يسترك..

الزهرة المفترسة ›
البارت الحادي عشر حتي البارت الخامس عشر

هشام وبطريقة مسرحية وهو يضرب علي صدره :يامصيبتي

هي وصلت لربنا يسترك..ابعدي يا لين..عيب كده مش هنا..

لين بعصبيه:ابعد يا هشام احسنلك.. انا لسه مخلصتش كلامي معاها..

هشام بريبة:مخلصتيش ايه يالين بالظبط..انا بصراحة شاكك فيكي..

بت انتي ناويه علي ايه..وبغمزة طب ما تسبيها وانا موجود..

لين بعصبيه:انت هتستهبل يا هشام..دماغك ال.... ده طول عمرها تفكيرها زبالة..

هشام وهو يبعدها عن نور: بهزر يخربيت لسانك..انتي ايه..اوعي بقي..

نور بشكر: الله يكرمك يا اتش..مردودالك..يا كبير..

لين بغيظ:اطلع برا بقي..

نور بخوف وهي تمسك بذراعه:لا ربنا

يخليك..اوعي تمشي لين هتموتني ..

لين بعصبيه:ده انا هطلع عين اللي جابوكي..

هشام:ههههه..عملتي ايه يانور..مخلياها كده..

نور بتوجس:مفيش..كله علشان

اشتغلت عند مازن توفيق في الشركه..

هشام بإستغراب:وتشتغلي هناك ليه..

وبعدين انتي مش ظابطة..ما ترسيني ع الحوار..

علشان اعرف احكم اذا كنت اسيبك ليها.. ولا احوش عنك..

حكت نور المهمة لهشام وذلك لانها مهما حدث بينها وبين لين لن يؤذيها..

هشام بإنزعاج: لين عندها حق يانور..

انتي كده بترمي نفسك في النار..

لين بحدة:تصدقي انك غبية..يعني مهمة وسريه ولسانك

مكبوب وعماله تحكي ولا كإنها مش سرية..وتحكي لده ولده..

هشام بإستنكار:انا شامم ريحة شتيمة..وهو انا اي حد..

لين بسخريه:لا متشمش..اتاكد..

نور بقلة حيلة:طب يعني اعمل ايه..شغلي وانا مجبورة..

لين بعصبية وهي تضرب نور علي رأسها:ماهي دماغك اللي

شيلاها وحاطة مكانها فردة جزمه..هي اللي مودياكي في داهية..

نور بتألم :اااااي.. طب اعمل ايه الوقتي..

هشام:انا من رأيي.. انك تسيبي الموضوع ده من اوله بدل ما تتورطي..

نور:ماخلاص مش هينفع..انا مقدرش اخاف ابعد..

لين بغضب وهي تحاول الانقضاض علي نور:تخافي من

ايه يابنت ال.... حد يقدر يقربلك وانا كنت فرمته..انا هربيكي..

نور برجاء:حوشها والنبي ياهشام.. ابعدها ديه هتكسرني..

هشام وهو يمسك بلين:خلاص يا بوتجاز

كفايه..البت هتموت في ايدك اهدي..

لين وهو تبعده:ابعد عن طريقي يا هشام احسنلك سيبني عليها..

نور وهي تختبئ وراء هشام:اوعي يا هشام

خليك ماسكها..ده انا زي اختك برضو..

هشام بضحكه:اي خدمه يا نور..انتي تؤمري..

ليثبت لين علي الفراش.. خلاص يا لين اهدي بقي..

لين بغضب:ابعد عني يا هشام..سيبني..

هشام بغمزة:اسيبك ديه جاتلي ع الطبطاب..مش ممكن..

لتعضه لين في ذراعه:انت بتستغل الظروف بقي..طب خد..

هشام متألما:ااااااي..يابنت العضاضة..

لتنهض لين وبغضب:بقي انتو بتتفقوا عليا..

طيب استلقوا وعدكم بقي..

هشام بضحكة:نور..اجري وتعالي ورايا..اختك جاتلها الحالة.

.ليركض هشام ونور..وورائهم لين وهي تقذفهم بالسباب..

حتي يصلوا الي البسين..

لين بتوعد:تعالي هنا احسنلك..انا هفهمك متخافيش..

نور بخوف:لأ..انتي هتضربيني..انا واقفة مع هشام..

لين بتوعد:انتي فاكرة هشام هيحميكي..

لااااا..ده انا هوريكي انتي وهو..

هشام برفعة حاجب وهو يتجة الي لين :انتي قد الكلام ده..

طب استلقي وعدك بقي..

ليحمل لين ويقفز هو وهي في الماء..لتنفجر نور ضاحكة..

هشام:هااااا..النار انطفت ولا ايه..

لتشهق لين ويغطس هشام رأسها في الماء..

نور:هههه..اكيد يا اتش..انت

مسمعتش التشششششش....هههه..

هشام:هههه..اكيد..اااااااي..

نور بخضة:مالك يا هشام..جرالك ايه..

هشام:مش عارف يا نور..عيني ..

لتقترب منه نورلتري ماذا حدث له..ليجذبها الي الماء

الزهرة المفترسة ›
البارت الحادي عشر حتي البارت الخامس عشر

مكملا:هههه..عيب يعني نكون في المايه وانتي برا..

نور بشهقة:حرام عليك يا اتش..

هشام:هههه..تعالي بس..

ليقذف هشام المياة علي نور..وتقذفها عليه وعلي لين..

وتشارك لين اختها في اللعب ولاول ومرة يقضي

هشام ولين وقتا ممتعا بعيدا عن الشجار وذلك بفضل نور..

كانت كوثر تراقبهم بغل وحقد من الاعلي..

>>>>>>>>>>>>>>>>>>>>>>>>>>>>>>>>>

اتصل عامر بنور..

عامر:ايوة يانور..ايه الاخبار..

نور:ايوة يابابا..كله تمام..

عامر بحده:هو انا بسألك ازيك..اخبار الشغل ايه..

نور بضيق:مفيش..لغايه الوقتي كويس..

يعني مفيش اي شبهة عليه..شغله نضيف..

عامر بحنق:فتحي عينك كويس يانور..وخدي بالك..

نور بضيق:حاضر يابابا..

عامر:بقولك ايه..اعملي تقرير بكل

اللي وصلتي ليه لغاية الوقتي..وابعتيه..

نور:حاضر..اي اوامر تانيه..

عامر:لا..بس خدي بالك كويس..سلام..

نور بتنهيدة:سلام يابابا..

>>>>>>>>>>>>>>>>>>>>>>>>>>>>>

كانت لين تشعر بالملل وذلك لعدم قدرتها علي النوم

لانتهاء حبوبها المنومة..لذلك لمع في عقلها فكرة

لاثارة الرعب في هشام وخاصة لوجود المعدات اللازمة..

>>>>>>>>>>>>>>>>>>>>>>>>>>>>>>>>

الزهرة المفترسة › 

البارت الثاني عشر

كانت لين تشعر بالملل وذلك لعدم قدرتها علي النوم

لانتهاء حبوبها المنومة..لذلك لمع في عقلها فكرة

لاثارة الرعب في هشام وخاصة لوجود المعدات اللازمة..

كان لديها ثعبان جلدي اسود كان هشام قد اشتراه

من متجر ما من قبل وذلك لإخافه لين في بدايه زواجهم ..

قامت لين بالدخول علي اطراف اصابعها الي غرفة هشام..

وبضحكة ماكرة وتوعد.. استلقي وعدك بقي..

قامت لين بربط ذيل الثعبان بخيط طويل وقامت بوضع الثعبان

علي صدر هشام وهو غارق في النوم ثم ابتعدت وقامت

بتحريكه بالخيط بهدوء.. ونادت علي هشام بصوت هادئ..

لين بهمس: هشام..ياهشام..

تململ هشام واكمل نوم..

لذلك صرخت لين: هشااااااام..

لينتفض جالسا علي الفراش

وتحرك لين الثعبان بالخيط..

هشام بخضة: ايه فيه ايه.. بتعملي ايه هنا..

لين بزعر: الحق ياهشام.. تعبان ع السرير.. وهي تحرك الخيط..

ليقفز هشام من الفراش ويركض بعيدا صارخا بصوت عالي:

تعبان ايه اللي جابه هنا..ابعدي يالين اطلعي برا بسرعة..

لين التي تحاول كتم ضحكاتها علي منظر

هشام الخائف..وتكمل بخوف: الحق ده جاي علينا..

ليسرع هشام بركله وسحب لين سريعا الي الخارج..

هشام بخوف ودقات قلب متسارعة: جه ازاي ده..

لينظر الي لين التي تضحك بشدة..ويكمل

وهو يضيق عينيه.. لحظة واحدة انتي كنتي بتعملي ايه جوا..

وبعيون غاضبة يابنت ال... ده التعبان اللي كنت جايبه انا مش كدة..

لين ضاحكة: ههههه.. ايوة..

هشام بغضب وهو يمشك شعرها: انتي بتستهبلي..

بتفزعيني من النوم كدة.. ده انا هطلع عين اللي خلفوكي..

لين بضحكة مستفزة وهي تزيح يديه و تدلف الي غرفتها:

مش مهم.. المهم اني طيرت النوم من عينك..

وبرفعة حاجب ..مش هديتك ياسبع الرجال.. خليه معاك يونسك..

كوابيس سودا علي دماغك يا اتش سلاااااام.. وتغلق غرفتها..

هشام بغضب وهو يركل الباب:

افتحي ده انا هفتح نفوخك..

لين بضحكة: امشي يااتش مش هفتح

مادام انا صاحية لازم تصحي انت كمان..

وتبتسم بإنتصار مكمله مدام انا مش قادرة انام

من غير المنوم اللي انت كنت السبب في اني

معرفش انام من غيره.. كل ليلة من ده ياهشام..

هطير النوم من عينك لحد ماتحصلني

وتدخل المستشفي زيي..

الزهرة المفترسة ›
البارت الحادي عشر حتي البارت الخامس عشر

عند هشام دلف الي غرفته في ضيق وامسك

بالثعبان والقاه في الخزانه وزفر في ضيق مكملا..

هشام بضيق وحنق شديد: شكلها رجعة سودة..

خلتني قطعت الخلف وطيرت النوم من عيني..عارفها

نفوخها ضارب..مش هتسيبني في حالي مدام قالت كدة..

الليله تعبان.. بكرة عقربه.. بعده الله اعلم..

>>>>>>>>>>>>>>>>>>>>>>

في شركة مازن للادويه..

طلب مازن نور لتذهب له...

مازن وهو يتفحص نور: بصي يانور

فيه عشاء عمل بعد كام يوم وعايزك معايا فيه..

نور بابتسامه: اكيد يا فندم انا تحت امرك..

مازن: طيب طبعا انتي عارفة هتلبسي ايه في العشا..

نور: طبعا..

مازن: كويس انا هعدي عليكي.. وبعد مانخلص هروحك..

نور: اوك..حضرتك عايز حاجة تانيه..

مازن: لا شكرا يا نور..اتفضلي انتي..

ولنفسه وبعدين معاكي يانور ايه اللي بتعمليه فيا ده..

نور بابتسامه لنفسها: لما نشوف

يامازن بيه لغايه الوقتي سليم..ربنا يستر..

>>>>>>>>>>>>>>>>>>>>>>>>>

في الشركه اعطي كاظم اوراق مناقصة الاسمنت الي لين وهشام..

ولكن هشام قام بأخذها لنفسه مما جعل لين تستشيط غضبا..

لين بغضب:يعني ايه تاخد الصفقة لوحدك..وانا ايه..طيشة..

هشام ببرود:والله ده اللي عندي..انا اللي

اخدت الورق..وانا اللي هاخد عمولتها ..

لين بعصبيه:انت بتستهبل مش كده..

ايه عايز تكوش علي العموله لوحدك ياهشام..

هشام بلا مبالاة:سبتلك كتير يالين..وده دوري..

لين بغضب:كاظم قال انا وانت..يبقي ازاي تاخدها لوحدك..

هشام بملل وهو يتركها:ده اللي عندي..ولا عايزاني

اسيبهالك وتخسريها وتروحي تقتلي السمان

زي جمال..وبغمزة..انا رجعت يالينو ورجعت ايامي..

لين بتوعد غاضب:بقي كده ياهشام..طيب فيها لاخفيها..

وانا هخفيها وهطربقها علي دماغ اللي خلفوك..

وتنادي علي ملك..ملك..انتي ياملك..

ملك:ايوة يا فندم..

لين بعصبية:الغي اي مواعيد

ليا بعد بكرة..انا اصلا مش جايه..

ملك بتساؤل:طب يافندم وصفقة

الاسمنت..ديه ميعادها بعد كام تلت تيام..

لين بحدة:مليش دعوة بيها..هشام هو

المسئول عنها الوقتي..ويلا غوري من وشي..

ملك بتعوج وشماته:اهاااا..علشان كده متعصبة..

هشام بيه طرقعلك في الصفقة وخدها لحسابه..احسن ..

>>>>>>>>>>>>>>>>>>>>>>>>>>>>>>

اتصلت نور بلين..

نور:لينووووو..حبيبتي..

لين بتهكم: لينو..وحبيبتي..قولي يانور عايزة ايه..

نور بضحكة:دايما كده فاهماني صح..

لين بثقة: طبعا يا قلبي انا اعرفك

من غير ماتتكلمي..هاااا..عايزة ايه..

نور بتنحنح :احم احم..بصي...مازن..

لين بترقب وضيق: ماله سي مازن يانور..

نور:مفيش يالين..بس فيه عشاء عمل

بعد كام يوم..وكان عايزني معاه..

لين بسخريه:وايه متصله تاخدي مني الاذن

يعني..مانتي عملتي اللي في دماغك يانور..

واشتغلتي معاه..عايزة ايه تاني..

نور :خلاص بقي يالين..اللي حصل

حصل..بس انا عايزة منك خدمة..

لين بترقب:هاااااااا..قولي..

نور بتنحنح:احم احم..طبعا انا عارفة

ان عندك فساتين روعة..وكنت عايزة واحد منهم

احضر بيه العشا..وهرجعهولك علي طول متقلقيش..

لين بضحكة:ترجعيه.. ولا تركنيه جمب اخواته يانور..

لين بتذمر:يعني ايه مش هتساعديني..

لين بضحكة:الله..ومالك اتقمصتي كدة ليه..

تعالي بعد بكرة وانا هضبطك ايه رايك..

لتصرخ نور في فرحة:ياااااااي..ايوة يالينو ياقمر..

لين بإنزعاج:وداني اتخرمت يابنتي..يلا

سلام الوقتي واشوفك بعد بكرة يانور..

نور بفرحة:سلام يالينو..اشوفك بعدين..

ولنفسها..ايوة بقي ده انا هلعلع بفساتين لين..

>>>>>>>>>>>>>>>>>>>>>>>>>>>

الزهرة المفترسة ›
البارت الحادي عشر حتي البارت الخامس عشر

في اليوم التالي ارسلت لين ملف الاسمنت الي

محسن السمان وذلك لربح المناقصة امام هشام..واتصلت به..

لين بضحكة:اهلا محسن باشا..اخبارك..وصلتك هديتي..

محسن بضحكة:ايوة يالين..بس ده من امته..

لين بإبتسامه ماكرة:تقدر تقول..

هديه محبة وود..ولا مكنتش عايزها..

محسن بقلق:مش حكايه كده يالين..

بس غربية يعني انتي عايزة تفهميني انك

هتخسري شركتك الصفقة علشان جمال عيوني..

لين بخبث:وانت تعرف عني كده يامحسن..

كل الموضوع اني عايزة اطلع بمصلحة..ومادام مش

هطلع بيها من شركه المغربي..يبقي هطلع

بيها منك..والشيك هيوصلني بعد ساعتين ..ولا ايه..

محسن بإبتسامة:اكيد يابنت المغربي..عايزة كام..

لين بجديه: ارنب ونص يامحسن..

محسن بشهقة:كاااااام...وباقتضاب..لا ده كتير يالين..

لين بجديه:مش كتير يا محسن..ده انت

هتكسب من ورايا ارانب..مش هتستخسر في

لين ارنب ونص..ولا عايزني اقول لاتش..ويغير الارقام..

محسن بتذمر:بس يالين قللي شويه..متبقيش جبارة كده..

لين بحزم:بص يا سمان.. هي ساعتين والاقي

الشيك عندي..والا الملف اللي معاك بله واشرب مايته..

ولا اعمله قراطيس ومراكب..والعب بيها..

وخلي هشام يكسب المناقصة..ايه رايك..

محسن بإستسلام:حاضر..ساعتين وهتلاقيه

عندك..وربنا يكتر التعامل مابينا يابنت المغربي..

لين بإبتسامة:قول انت يارب..سلام ياسمان..

ولنفسها برفعة حاجب وابتسامة ماكرة..

عمولتي متضيعش يااتش..مادام مش هاخدها

منك.يبقي الغريب اولي..وابقي قابلني بقي..

>>>>>>>>>>>>>>>>>>>>>>>>>>>>>>>

عند سامي..

سامي:ايه ياباشا..مالك مبسوط

اوي كدة..شكلك عامل حاجة..

هشام بضحكة ماكرة:ابدا يا سمسم..

بس لين هتفرقع وبتشد في شعرها..

سامي بترقب:عملت ايه يااتش..

هشام بإبتسامة:سلكت منها صفقة الاسمنت

واخدتها لنفسي..ومقولكش علي منظرها..واستني

بس بكرة لما اكسبها..مش بعيد تموت بحسرتها..

سامي بدهشه:صفقة الاسمنت..وهي سكتت ..مش ممكن..

هشام بمكر:ولا تقدر تعمل حاجة..كل اللي عملته قعدت تصوت..

بس بصراحة مش عارف اقولك انا فرحان فيها قد ايه..

بقولك ايه انا مروح عايز اشوفها الليلة وهي مشعلله..سلاااام..

سامي بتعجب وهو يهز راسه:وربنا ما فاهمك يا هشام..

واللي بتعمله في لين ..وانت.....وبتنهيدة...اااااااه..

يلا انا مالي بيكم..بس ربنا يستر من لين..

هشام في سيارته وبضحكة ماكرة:اشوفك يالينو

الليلة واملي عيني من غيظك وحسرتك ع الصفقة..

>>>>>>>>>>>>>>>>>>>>>>>>>>>>>

عند لين حضرت نور...

ام جميل:ازيك يا نور يابنتي عاملة ايه..

نور بإبتسامة:الحمد الله..انتي اخبارك ايه يام جميل..

ام جميل:نشكر ربنا..عايزة ست لين..

لين من الخلف:انا هنا يانور..وانتي يام جميل حضري

الاكل اللي قولت عليه وطلعيه ع الاوضة ومتتاخريش..

ام جميل:امرك..ثواني والاكل هيكون عندك..

صعد كل من نور ولين الي الغرفة..بدؤا

في انتقاء الفستان الذي سترتديه نور..

لين:بصي عندك الفساتين

نقي اللي انتي عايزاه واستنيني..

نور:رايحة فين...مش هتنقي معايا..

لين:ثواني ..هعمل تليفون وهجيلك..

نور بلا مبالاة:طيب..وظلت تقلب في الفساتين..

في الخارج..

ام جميل:الاكل يابنتي..

لين:طيب ..دخليه لنور..وانزلي انتي..

اتصلت لين بمحسن السمان..

لين:ايوة يا محسن..متشكرين ع العموله..وصفقة سعيده..

>>>>>>>>>>>>>>>>>>>

الزهرة المفترسة › 

البارت الثالث عشر

اتصلت لين بمحسن السمان..

لين:ايوة يا محسن..متشكرين

ع العموله..وصفقة سعيده..

محسن بإبتسامة:تصرفيهم في الهنا يالينو..

بقولك ايه..ماتسيبك من اتش..وخليكي معايا..

لين بقرف:لااااااااا..انت اخرك معايا الشغل

غير كده..انسي ياسمان..وسلام بقي..

اشوفك بعدين..لما تديني الو بكرة تفرحني بيه..

محسن بضحكة:امرك يابنت المغربي..سلام..

لين بضحكة ماكرة :اشوف وشك يااتش

بكرة..ده انت هتتشل فيها يابن المغربي..

لتدلف الي الغرفة وتجد نور قد بعثرت الغرفة بالفساتين...

لين بدهشة:اييييييه ده..بوظتي الدنيا يانور..

نور بتذمر:مش عارفة انقي..كلهم احلي من بعض..

لين بضحكة:طيب ..تعالي انا هديكي اللي يمشي معاكي..

لتخرج فستان رقيق باللون الازرق الهادئ الطويل وتعطيه لنور..

وتكمل هو ده اللي يليق بيكي..وبغمزة..وبكيسه يانوري..ميغلاش عليكي..

نور بفرحة:ربنا يخليكي ليا يالينو تحفة...

وبغمزة...بس انتي رايقة الليلة..فيه ايه..

لين بإبتسامة: فعلا رايقة ومفرفشه كمان..

وانا وانتي الليلة هنرقص ونغني للصبح..

و الشحرورة معانا..وزي العسل علي قلبي..

نور بضحكة:اوعي لينو ..رايق وممزج

ع الاخر وكمان هترقصي ديه ليلة عسل..

لين بترقب:ده انا هرقص للصبح..ده بكرة فرح ومعزومه عليه..

لتبدأ لين بالرقص هي ونور..والضحك..

وتتصنت عليهم كوثر بغيظ وتراهم وهو يرقصون وترحل غاضبه..

>>>>>>>>>>>>>>>>>>>>>>>>>

الزهرة المفترسة ›
البارت الحادي عشر حتي البارت الخامس عشر

يصل هشام الي الفيلا وهو مبتسم ويلمح كوثر..

هشام بضحكة:كوكي ..عامله ايه.. امال جدي فين..

كوثر بغيظ:كويسة.. كاظم مش هنا..

وبتعوج..بس مالك مبسوط اوي كده ليه..

هشام إبتسامة:ومنبسطش ليه ياكوكي..

ده انا بكرة هكسب كسبان..مقولكيش..وليكي

عندي هديه كمان..انا عارفك بتحبي الهدايا..

كوثر بضيق:ايوة..متشكرين..

هشام بتهكم:ومالك بتقوليها من غير نفس..

ايه هي لين عملتلك حاجة ولا ايه..

معلش تلاقيها بس متعصبة شويتين..

كوثر بتعوج وغيظ:متعصبه اوي..بأمارة ضحكتها اللي

مسمعة لاخر الفيلا هي واختها والاغاني والرقص اللي فوق..

هشام بإستغراب:لين بتضحك وكمان بترقص والليله..مش ممكن..

كوثر بكره:ايوة..في اوضتها فوق..وبغيظ..انا طالعة انام..وترحل وتتركه..

هشام بدهشة:لين مش ممكن..لما اطلع اشوف فيه ايه..

ليصعد الي الغرفة ويجد لين ترقص وسعيدة للغايه..

هشام بإعجاب وصوت عالي:ايوة ياقمر..كان فين ده من زمان..

نور بضحكة:اتش..انت جيت..ديه لينو مفرفشه ع الاخر..

هشام وهو يجلس علي الفراش وبضحكة ماكرة:

معلش اصل الضربه كانت قويه حبتين..مش مستحمله..

نور بعدم فهم:ضربه ايه يااتش..مش فاهمة..

لين بضحكة ماكرة:متاخديش في بالك

يانور..هشام مش عارف اللي فيها..

هشام بمكر:ايوة.. معلش يالينو تعيشي وتاخدي غيرها..

لين وهي تضحك بصوت عالي:نحن واياكم يابن المغربي..

نور بضحكة:طيب ..امشي انا بقي

واسيبك..وشكرا ع الفستان يالينو..

لين بخبث:بالسلامة يانور..بس خلي السواق يوصلك..

نور هي ترحل:حاضر..سلام يااتش..

هشام:سلام..وللين..بس ايه يا عسل كل ده..

طب مش كنتي تحني عليا ده انا حتي غلبااااان..

لين بخبث:من ناحية الغلب يااتش..فبكرة مش هتلاقي غيره..

هشام وهو يقترب منها:بس ايه النظام..

ده انا كنت فاكر هاجي الاقيكي مولعة في البيت..

لين بإبتسامة ماكرة ودلع:وليه اعمل كدة..

انا فكرت فيها وقولت انت برضو جوزي..

وفلوسك هي فلوسي..والخير هيعود ليا برضو..ولا ايه..

هشام وهو يطوق خصرها بذراعيه وبرغبه:طب بما اني

انا جوزك..والخير هيعود عليكي..ما تحني عليا شويه..

لين وهي تبعده عنها بدلع وتخرجه من الغرفة:لا..

يااتش..مش دلوقتي..وبغمزة..وبعدين انت عندك

صفقة بكرة عايزاك تبقي فايق لها..يلا علي اوضتك..

هشام بشغف وهو يمسك بالباب:طب حتي تصبيرة..

لين وهي تغلق باب الغرفة :تؤتؤ..ويلا بقي عايزة انام..

هشام بإنزعاج:ماشي يالين..ليكي يوم..ويذهب الي غرفته..

>>>>>>>>>>>>>>>>>>>>>>>>>>>>>>>>>

في الصباح استيقظت لين بسعاده بالغة

وارتدت ملابسها وهبطت الي الاسفل..

لين بإبتسامة:صباح الخير ياجدي..

كاظم:صباح الورد يالين..شكلك رايق..

لين بإبتسامه: اوووي ..ولسحر

..هو هشام صحي ولا لسه..

سحر:لسه ياهانم..انا هطلع اصحيه الوقتي..

لين بإبتسامة خبيثة:لا خليكي انتي وانا هصحيه..

كاظم بإستغراب:ومن امته ده يالين..وبتوجس..فيه ايه..

كوثر بغيظ:كل ده علشان اختك جاتلك امبارح..

لين بضحكه:كوكي..مليش مزاج اني اتعصب..

انا طالعة اصحي اتش..علشان ميتأخرش علي الشركة..

كاظم بدهشه:مش فاهمها ابدا..ربنا يستر..

كوثر بغل:ربنا يهدها..كاظم انا هروح ازور اهلي بكرة..

كاظم:ماشي ياكوثر..انا ماشي الوقتي..

>>>>>>>>>>>>>>>>>>>>>>>>>>

عند هشام في الغرفة..

لين بضحكة:هشام ..اصحي بقي..هتتاخر علي الشركة يلا..

هشام بتململ:همممم..وبدهشه لين..بتعملي ايه هنا..

لين برقه:ابدا يااتش..جايه اصحيك علشان متتاخرش..

هشام بقلق:ومن امته ده..هي الساعة كام..

لين :تسعة يااتش..يلا اصحي..انا

حضرتلك اللبس..خدلك دش وفوق يلا..

هشام بعدم تصديق:مش ممكن..

لين انتي سخنة..بتصحيني وكمان محضرالي

الهدوم.. وبخوف.. انتي ناويه علي ايه بالظبط..

لين بعتاب:وايه يعني يااتش..مش جوزي..

ولازم اتوصي بيك..يلا بقي بلاش كسل..

هشام بهيام:لاااا..ده انا هاين عليا

مروحش الشركة ديه واقعد معاكي..ويقبلها..

لتبعده لين وبرقه:مش الوقتي يااتش..

يلا انا هستناك بعد المناقصة..

هشام وهو يدلف الي الحمام..وبفرحة:

بصي هخلص المناقصة وارجعلك فوريرة..

لين بضحكة ماكرة:وانا منتظره اشوفك بعد المناقصة يااتش..

انا:وانا كمان منتظرة علي احر من الجمر..ههههههه..

ياعيني ميعرفش اللي فيها..ده هيتروق..بصراحة

مش قادرة اوصفلكم فرحتي فيه..ههههه..احم احم..نرجع للقصة..

>>>>>>>>>>>>>>>>>>>>>>>>>>>>>>>>>>>>>>>>>

الزهرة المفترسة ›
البارت الحادي عشر حتي البارت الخامس عشر

في المساء استعدت نور وارتدت فستان رقيق للسهرة ومر

عليها مازن بسيارته وبهر كثيرا بجمالها الرقيق.. لتدلف نور الي السيارة..

نور بابتسامه:ايه يافندم هنفضل واقفين كده كتير..

مازن بشرود :هه..اه..هنمشي يانور..وينطلق بالسيارة الي المطعم..

هناك يتفق مع عملاء علي شحنه ادويه من خلال شركته ويوقع

العقد معهم ..ولكنها اتفاقيه عاديه لا شبه فيها..وذلك لان نور تاكدت منها..

نور بارتياح لنفسها:كويس يامازن..ربنا يستر وتطلع برئ..

مازن:مالك يانور..فيه حاجة..العملاء مشيوا وانتي سرحانه..

>>>>>>>>>>>>>>>>>>>>>>>>>>>>>>>>>>>>

في المساء..ذهب هشام الي المناقصة وتفاجئ بارقام

محسن السمان اقل من ارقامه بقليل وقد فاز بها ليستشيط غضبا ..

محسن بضحكة مستفزة:هشام باشا..

معلش خيرها في غيرها..

هشام بغضب:عرفت ازاي الارقام..انطق..

محسن بضحكه شامته:العصفورة قالتلي..يااتش..

بس شكلك كنت مزعلها اوووووي..

هشام بترقب غاضب:قصدك مييين..

محسن بخبث:استني وانا هخليها تكلمك

بنفسها..ليتصل محسن بلين..

محسن:ايوة ياعصفورة..حبيت اشكرك علي الصفقة..

وبضحكة..هشام باشا معايا..وهو يمد الهاتف اليه..اتفضل..

هشام وهو يأخذه بغضب:الووو..

لين بدلع مستفز وضحكة انتصار:ايوة يااتش..

.اخبارك..معلش تعيش وتاخد غيرها..

هشام بعيون جاحظة وصدمة:لين..مش ممكن..

لين بتحدي وتعوج :امال ياحبيبي..

عايز تاكل عمولتي واسيبك..مش قلتلك امبارح

مش هتلاقي غير الغلب النهارده..سلام يااتش..

هشام بتوعد وغضب:بقي كده..بتلعبوا عليا..وانت ياسمان

وحياه امي ماهسيبك.. ويذهب بسرعة ويتركه..

>>>>>>>>>>>>>>>>>>>>>>>>>>>>>

نور بارتياح لنفسها:كويس يامازن..ربنا يستر وتطلع برئ..

مازن:مالك يانور..فيه حاجة..العملاء مشيوا وانتي سرحانه..

نور:هه..ابدا يافندم مفيش..هنمشي الوقتي..

مازن:لا..انتي زهقتي ولا ايه..هنتعشي

مع بعض ..وشويه ونمشي ولا عندك مانع..

نور بابتسامه ساحرة:لا طبعا يافندم انا تحت امرك..

مازن:طيب بلاش كلمه يافندم ديه الوقتي

انا خارج الشغل..قوليلي مازن وبس..

نور:بس..انا..

مازن بابتسامه:من غير بس..ويلا تسمحيلي بالرقصة ديه..

نور بابتسامه:اكيد اتفضل يا..

مازن:هااا..يا ايه..

نور بضحكة:يا مازن..

مازن وهو يراقصها:تصدقي اول

مرة اعرف ان اسمي حلو كده..

نور بخجل:ليه يعني..

مازن بابتسامه:علشان اول مرة اسمعه منك يانور..

نور وقد توردت وجنتيها ولم تعلق...

مازن:انتي مش عارفة انتي بقيتي ايه عندي يانور..

انا مقدرش استغني عنك..احم يعني في الشغل..

نور بابتسامه:اهااا..طيب يامازن الاغنيه خلصت ممكن نرجع نقعد..

مازن:اكيد..

ليتناول مازن ونور العشاء ويوصل مازن نور الي منزلها وينطلق الي منزله..

في منزل نور اتصلت برئيسها واخبرته بالاتفاقية

التي تمت مع مازن توفيق واكدت خلوها من

اي شبهة..واغلقت هاتفها ونامت بسعادة..

>>>>>>>>>>>>>>>>>>>>>>>

ذهب هشام الي المنزل غاضبا بعد ان علم بأن لين هي

من اعطت اوراق المناقصة الي محسن السمان..

هشام بغضب وصوت عالي:

لييييييين..انا هقتلك..انتي فين..

كوثر بخضة:مالك ياهشام فيه ايه..

هشام بعصبية:ابعدي عني الوقتي ياكوثر..

لييييييييين وربنا لاخلص عليكي الليله..

كوثر بفرحة:عملت ايه ياهشام..

هشام بغضب:وسعي من سكتي..

لينطلق هشام الي غرفه لين ويدلف الي الغرفة ويغلقها خلفه..

>>>>>>>>>>>>>>>>>>>>>>>>>>>>>>>>

الزهرة المفترسة ›
البارت الحادي عشر حتي البارت الخامس عشر

› الزهرة المفترسة › 

البارت الرابع عشر

ذهب هشام الي المنزل غاضبا بعد ان علم بأن لين هي من

اعطت اوراق المناقصة الي محسن السمان ولكنه لم يجدها..

هشام بغضب وصوت عالي:

لييييييين..انا هقتلك..انتي فين..

كوثر بخضة:مالك ياهشام فيه ايه..

هشام بعصبية:ابعدي عني الوقتي ياكوثر..

لييييييييين وربنا لاخلص عليكي الليله..

كوثر بفرحة:عملت ايه ياهشام..

هشام بغضب:وسعي من سكتي..

لينطلق هشام الي غرفه لين ويدلف الي الغرفة

ويغلقها خلفه..وبحث عنها ولكنه لم يجدها..

هشام بغيظ لنفسه:يابنت ال....عملتيها يالين

وهربتي..وبتوعد.. بس وحياه امك ماهسيبك...

اتاريكي ليلتها عماله ترقصي وتغني وترمي بالكلام

وانا زي الاهبل مدلوق...طول عمرك ياتنفذي

اللي في دماغك يااما تولعي في الكل..

تذكر اخر مرة تشاجر فيها مع لين..

فلاش باك

ضرب هشام لين بعد ان تطاولت عليه ..

وبعد ذلك خرج من المنزل لينفس عن غضبه ثم

عاد الي المنزل ووجده في حاله هدوء.. ودلف الي الغرفة

ووجد لين نائمة.. بدل ملابسه وتسطح بجوارها وغفا..

استيقظ بعدها بقليل بإنزعاج علي ضوء

الغرفة المضاء والاشياء مبعثرة حوله لينهض

وهو يسب ويلعن في لين.. وينادي عليها..

هشام بصوت عالي غاضب: ملعون

ابو ديه عيشة.. انتي يالين ايه اللي عاملاه ده..

ليدلف الي المطبخ ويجدها به ساكنه لاترد عليه

فقط تمسك بيدها فنجان قهوة وترتشف منه..

ليأخذه منها ليشربه وبلهجة آمرة: الاوضة

اللي مبهدلاها توضبيها بسرعة انا هتفرج

ع التلفزيون.. وعلي الله متعمليش اللي قولته..

ويخرج وهو يتمتم بيت هم الواحد مش عارف يرتاح..

ليأتيه صوت لين بضحكه وهي تقف

امامه: هترتاح يا اتش.. وتقبله وترحل ..

هشام بعدم تصديق: ايه ده البت ديه مالها..وربنا لاسعة..

ويهز كتفيه بعدم اهتمام .. ويذهب ويشاهد التلفاز..

بعد مدة قصيرة كان هشام قد غفا امام التلفاز

واستيقظ علي رائحة غربيه..لينادي علي لين..

هشام بضيق: انتي ياست هانم شوفي

الريحة ديه.. شكلك نسيتي الغاز مفتوح..

ليجدها امامه وهي تحمل قداحة وبإبتسامة مخيفة..

لين بهدوء قاتل ونظرة مخيفة: منستهوش..انا اللي

سيباه.. مش انت عايز ترتاح انا هريحك الراحة الابديه يا اتش..

لينتفض هشام في زعر: انتي هتعملي ايه..

لين بضحكة: هولع فيك وفي الشقة..

هشام بخوف: يانهارك اسود هي الحالة

رجعتلك تاني..اهدي يالين..وسيبي الولاعة..

لين بإصرار: لأ انا هولع فيك..

هشام بتوتر: هتموتي معايا يالين.. خلاص مش

هاجي عندك تاني.. هطلقك بس بلاش تعملي كدة..

لين بنبرة جامدة: كداب..وبضحكة مخيفة ..

وبعدين ديه حاجة حلوة يا اتش مش هتحس باي

حاجة غير نار بتولع فيك.. يلا اتشاهد علي روحك..

هشام بفزع: يابنت المجنونه استني..

لتشعل لين النار ويحاصر هشام ويحاول الخروج

ولين تضحك بهستيريا وبعد محاولات يسرع هشام

الي لين ويحملها ويركض الي خارج الشقة

وتنفجر سريعا ويسقط كلاهما..

بعد ذلك احتجزت لين في المشفي وذلك

لميلها للانتحار..واصابت هشام عقدة من النيران

حتي انه توقف عن التدخين لخوفه من اشعال الولاعات..

واجبر كاظم هشام علي السفر الي الخارج بعيدا

عن لين.. كان يعود علي فترات ولكنه لا يحتك بها..

باك

هشام لنفسه بتنهيدة: مجنونة طول عمرك يالين..

ويخرج من غرفتها ويرحل من الفيلا سريعا..

>>>>>>>>>>>>>>>>>>>>>>>>>>>>>>>>>>

الزهرة المفترسة ›
البارت الحادي عشر حتي البارت الخامس عشر

في المطعم ..

سامي بتعجب:بتعملي ايه هنا يابنت المغربي..

لين بضحكة :ابدا مبسوطة شويه ..وجيت..ايه عندك مانع..

سامي وهو يضيق عينيه:عملتي ايه يالين..شكلك عاملة مصبية..

لين بضحكة:هههههه..ابدا سلكت من هشام الصفقة واديتها للسمان..

سامي وعيناه جاحظة:يامصيبتي السودا عملتي ايه..

ده هشام كان بيرتبلها من مده..ده هيروح فيكي في داهية..

لين برفعه حاجب:امال ايه..يضحك عليا وعايز

ياخد عمولتي..وبلا مبالاة..سيبك..بقولك ايه..

ملاقيش عندك واد كده من رجالتك حلو حبتين..

سامي بترقب وقلق:ليه يالين..عايزاه ليه..

لين بضحكة:ابدا..كنت عايزة اسهر واجرلي ورايا

اي واحد منظره..وانت عارف منها شكل ومنها حمايه..

سامي بإستنكار:ايوة..انتي تتمنظري..وانا تطلع روحي..

بقولك ايه..ماتراضي هشام بكلمتين واسهري معاه..وحلي عني..

لين بإبتسامة ماكرة:ههههه..لاااااا..اتش

هتلاقيه الوقتي دور عليا وملقانيش فجري ع النادي..

سامي بتعجب:نفسي اعرف انتو بتعملوا

في بعض كده ليه..انتي عارفاه كويس..وهو....

لين بتركيز:هو ايه يا سامي..كمل..

سامي:مفيش..يلا اتكلي علي الله..روحي..

واستلقي وعدك بقي من هشام وجدك..

لين بإستخفاف:ولا هيجري حاجة..انت اللي

قلبك بقي رهيف ياجناب الكوماندة المهم..يلا سلام..

>>>>>>>>>>>>>>>>>>>>>>>>>>>>>

في اليوم التالي ذهبت كوثر لزيارة والدتها في

ذلك الحي القديم في المناطق العشوائية

كوثر :ازيك ياما..عاملة ايه..

والدتها بتعوج:زي مانتي شايفة ياختي..زفت..انتي

هناك في القصر مرتاحة ومتهنية..وانا بسف التراب..

كوثر وهي تمط شفتيها:اوووي..مرتاحة..

خدي دول..وتمدها ببعض الاموال..

لتأخذها والدتها بلهفة:تسلمي ياحبيبتي..

اسكتي مش الوليه نعمات ضربت خالتك ام حسني..

كوثر بتعوج وعدم اهتمام:ليه..مش دول زي السمن ع العسل..

والدتها:لا..ماهي عرفت ان ام حسني عملالها عمل عند

الشيخ سعيد..ومخليه جوزها مش طايقها..واخرة المتامة رايح يتجوزها..

كوثر بتعجب:عمل..وجوز نعمات كان عايز يتجوز ام حسني..غريبة..

والدتها :ولا غربية ولا حاجة..اصلك متعرفيش الشيخ سعيد

ده مبروك اد ايه..وسره باتع..امال ده معروف في المنطقة اوي..

كوثر بلامبالاة:طيب..

والدتها وهي تضيق عيناها:مالك يابت..

شايله طاجن ستك ليه..

كوثر بكره وغل:لين..قرفاني في عيشتي..

منغصة عليا حياتي..نفسي اخلص منها..

والدتها:لسه البت ديه قرفاكي..وهي تميل عليها..

بقولك ايه ماتيجي نروح للشيخ سعيد يعملك ليها عمل وتدوخيها..

كوثر بإستنكار:عمل ايه وهبل ايه بس ياما..

ديه مينفعش معاها حاجة..وبعدين انتي هتصدقي الهبل ده..

سيبك..بقولك ايه انا همشي وابقي اجيلك وقت تاني..سلام..

والدتها بلا اهتمام وهي تعد النقود:سلام ياعين امك..

>>>>>>>>>>>>>>>>>>>>>>>>>>>>>>>

الزهرة المفترسة ›
البارت الحادي عشر حتي البارت الخامس عشر

في الفيلا

هشام بغضب:وربنا ماهسيبك يالين..تعالي هنا..

لين بضحكة وهي تركض من امامه:ههههه..

عايز ايه..مش روحت النادي واتفشيت ابعد بقي..

هشام بغضب وهو يحاول امساكها:تسلكي مني

الصفقة..وتشتغلي مع السمان..ده انا هطلع روحك..

كاظم بحدة:فيه ايه ع الصبح..مالكم..

لين بمسكنه:ياجدي هشام عايز يضربني..

كاظم بعصبية:ليه..عملتلك ايه..مش هتبطل..

هشام بعصبية:مش هضربها بس..ده انا

هطلع روحها..بصي هبيتك في الانعاش..

لين بتحدي وهي تقف خلف كاظم:ولا تقدر تقربلي..جدي موجود..

هشام بغضب وهو يمد يديه لامساكها:ولا يهمني... تعالي..

كاظم بغضب:انت بتستهبل ياهشام..عايز

تضربها وهي في حمايتي..امته هتبطل طوله

ايدك عليها.. من صغرك وانت كده..ابعد عنها..ويدفعه بعيدا..

هشام بغضب:انت عارف عملت ايه..ديه

خسرتني الصفقة واديتها للسمان..باعتني ياجدي..

كاظم بغضب وهو ينظر اليها:ايه..عملتي كدة..

لين وهي تزم شفتيها مدافعة بتذمر:مش هو اللي

كان عايز ياخدها لوحده..وانا اعمله ايه..حقي..

كاظم وهو يزفر في ضيق:ياشيخة حرام عليكي..

انتي ايه..وهو يضربها علي رأسها..نفوخك ده متركب ازاي..

هشام بغيظ:لاااا..وكانت مدياني طقم

الحنية والدلع وهي بتضحك عليا..

كاظم بضحكة:هههه..وانت اهبل

ماصدقت وادلقت زي الجردل..

هشام بغيظ:انت بتضحك ياجدي..وسع

بقي انا مش سايبها النهارده ويانا ياهي..

كاظم بصرامه:ابعد عنها ياهشام..وانتي يابنت

المهفوفة ابعدي عن خلقته السعادي..روحي ع الشركه..

لين بضحكة وهي تحرك حاجبيها بإستفزاز لهشام:ههه..

سلام يااتش..تعيش وتاخد غيرها..وترحل سريعا..

هشام بغضب وغيظ:يابنت ال....وربنا ماشي..ولكاظم

بحدة..انت ياجدي اللي مفرعنها..بعد العمله ديه وتسيبها..

كاظم بحزم:سيب لين..وبعدين تستاهل..

انت اللي طماع كنت عايز تاخد عمولتها..

وبضحكة.. بس بت لعيبة.. لبستك في الحيطة..

هشام بغيظ وعصبية:انت بتغيظني ياجدي..اروح اقتلها الوقتي..

كاظم بضيق:لا..روح اتنيل اتخمد بدل الشلفطة

اللي في وشك ديه..جاتكم الهم تعبتوني..ويرحل ويتركه..

هشام بغل وتوعد:ماشي يالين..انا وراكي والزمن طويل..

في السيارة كاظم لنفسه بتفكير:انا تعبت مفيش

غير حل واحد هو اللي هيصلح حالهم..ولازم اعمله..

وهو يحرك رأسه في ضيق..رغم اني عارف لين هتقوم الدنيا بس مفيش مفر..

>>>>>>>>>>>>>>>>>>>>>>>>>>>>>>>>

في المزرعة في منزل ممدوح..

صفاء بإستنكار:عاجبك العمايل ديه

ياممدوح..شايف الناس بتقول ايه..

ممدوح بضيق:سامع يام هشام..بس

نعمل ايه..عمي كاظم هو اللي مفرعنها..

صفاء بغل:لاااا..وابني غلبان مش قدها..

ديه عايزة كسرها..يجيبها هشام هنا وانا اربيها..

ممدوح:بقولك ايه..انا مش عايز كاظم يقلب علينا..

انتي عارفة لين بالنسباله ايه..وبيحبها قد ايه..

صفاء بتعوج:وبعدين..ده حتي حته عيل

مش عارفة تجيبه..سيرتنا بقت علي كل

لسان..وديه تقطمني بكلمتين..وديه تتغمز..

ممدوح:اصبري وهنشوف..بس مش الوقتي..

لما نشوف ابنك هيعمل ايه بعد رجوعه من السفر..

صفاء بتوعد ورفعة حاجب:اصبري عليا يابت دعاء..ان

ماكسرت مناخيرك وجوزت هشام ست ستك..مبقاش انا صفاء..

>>>>>>>>>>>>>>>>>>>>>>>>>>>>>>>>>

ذهب مازن الي لين..

مازن: ازيك يالين عاملة ايه..

لين: كويسة يامازن خير..ايه اللي جابك..

مازن بضحكة: ايه يالين..اقوم امشي ولا ايه..

لين بجدية: مازن قول عايز ايه.. انا

عارفة انك جاي علشان حاجة..

مازن بجدية: طيب..نور..

لين بترقب وقلق تداريه: مالها نور يامازن..

مازن: بصي يالين من غير لف ولا دوران..انا عايز اتجوز نور..

>>>>>>>>>>>>>>>>>>>>>>>>>>>>>>>>>>

الزهرة المفترسة ›
البارت الحادي عشر حتي البارت الخامس عشر

الزهرة المفترسة › 

البارت الخامس عشر

ذهب مازن الي لين..

مازن: ازيك يالين عاملة ايه..

لين: كويسة يامازن خير..ايه اللي جابك..

مازن بضحكة: ايه يالين..اقوم امشي ولا ايه..

لين بجدية: مازن قول عايز ايه..

انا عارفة انك جاي علشان حاجة..

مازن بجدية: طيب..نور..

لين بترقب وقلق تداريه: مالها نور يامازن..

مازن: بصي يالين من غير

لف ولا دوران..انا عايز اتجوز نور..

لين بدهشة: ايه..تتجوز نور..انت..

مازن: ايوة مالك مستغربه ليه..عايز اتجوزها..

لين بحدة: ليه.. اشمعني نور..

مازن بإستغراب: ايه اللي ليه

يالين..بقولك عايز اتجوزها..

لين بعصبية خفيفة: وانا بقولك ليه.. ليه نور..

مازن بتوتر: بحبها يالين.. من

ساعة ماشفتها وانا معجب بيها..

لين بحزم: لأ يامازن.. انسي..

مازن بدهشة: ايه انسي ليه يالين..

لين بحزم وغضب: هي كلمة قلت لأ..لما تبقي

تتأكد من اللي حاسس بيه ابقي تعالي يادكتور..

اللي بيحب بيبقي متأكد..مش غرقان في

شبر مايه ومتوتر.. اتفضل يادكتور طلبك مرفوض..

وملكش دعوة بنور ياريت ماتفتحش الموضوع ده معاها..

مازن بحزن: بس يالين انا..

لين بجديه: شرفت يامازن.. ليخرج مازن في حزن..

وتكمل لين بجدية: لأ يامازن.. نور مبعوته علشان

شاكين فيك.. وانا مش هسمح ليك انك تقرب لها مادام

طايلاك سمعة.. لما نشوف تحريات نور هتثبت انك مجرم ولا برئ..

>>>>>>>>>>>>>>>>>>>>>>>>>>>>>>>>>>>>

في بار ما..

صافي:مالك ياشوقي..مضايق ليه..

شوقي بضيق:ابدا ياصافي..بس

فيه واحده عجباني..ومش طايلها..

صافي:ومين بقي ديه اللي شغلاك اوي كده..

شوقي بولهان:نور..وهي نور..بس

المشكله بقي..ان الدكتور عينه منها..

صافي بغضب:ماون..ازاي..وهو يعرفها منين..

شوقي:ماهي تبقي سكرتيرة مكتبه ياصافي..

صافي بعصبيه:وانت اش عرفك ان مازن عينه

منها..وبعدين ماتجبرها ياشوقي انت هتغلب..

شوقي وهو يلوح بيديه:لااااااااا..مقدرش..

انا اضايقها اه بكلمتين..اتغزل فيها..لكن

اعمل اللي انتي بتقولي عليه ده مقدرش..

صافي بسخريه:وليه ان شاء الله..

هي اول مرة..ما علي طول اللي بتعجبك

لو عصلجت معاك..حبة عصير وبتعيش..

شوقي بتعوج:مش مع ديه..

انتي متعرفيش..مين اختها..

صافي برفعة حاجب:مين ان شاء الله..

اللي انت خايف منها اوي كده..

شوقي:تبقي اخت لين المغربي..طبعا عارفاها..

صافي بضحكة ركيعة:ههههههه..

تقصد مرات هشام المغربي..

شوقي:ايوة..وانتي عارفاه..ممكن

يعمل ايه..لو حد قرب من عيلته..

صافي بسخريه:طب اتوكس..ده ليل

نهار مقضيها مع الستات..ومنفض لمراته..

وكان مسافر وسايبها..يعني ماتخافش ياخويا اوي..

شوقي بترقب:قصدك ايه...

صافي بخبث:مش انا اللي يتسلك مني

مازن..انا هفضيلك الجو..وخلي مازن عليا..

شوقي بضحكة:ايوة بقي ياصافي احبك كدة..

(صافي..فتاه جميله وطبيبة صيدليه..ولكن لعوب..

تعمل مع شوقي ومازن..وتسهل لهم بيع

بضاعتهم لمعرفتها الواسعة..معجبه بمازن وتريده لها)

>>>>>>>>>>>>>>>>>>>>>>>>>>>>>>>>>>>>

عامر بغضب:شوفتي بنتك وعمايلها..

دعاء بقلق:مين فيهم ياعامر..

عامر بسخريه:هوا فيه غيرها..لين

هانم..خاربه الدنيا..وعمي قرف منها..

دعاء:عملت ايه ياعامر..

عامر بعصبية:الهانم بنتك بتسمسر من ورا جدها..

وكمان قارفه هشام في عيشته..شايفة نفسها

علي ايه..يعني الراجل عايز يرجع وهي قارفاه..

دعاء بتبرير:ياعامر اللي حصلها مش قليل..وانت

عارف هشام وطبعه..طول عمره تاعبها..تعمل ايه..

عامر بحزم:بقولك ايه..عقلي بنتك..ياإما كاظم

هيرميها برا من عمايلها..قوليلها ترجع لجوزها...

لحسن انا اتصرف معاها بمعرفتي..وغوري جاتك الهم انتي وبنتك..

>>>>>>>>>>>>>>>>>>>>>>>>>>>>>>

في اليوم التالي في غرفة لين دلف اليها هشام..

لين بحنق:انت بتعمل ايه هنا..بقولك ايه انا..

ليجذبها هشام بقوة وبعيون غاضبه:فاكرة هتفلتي باللي

عملتيه..اهو كاظم مش هنا..شوفي مين هيعتقك مني..

لين بتوتر:يعني ايه.. هتعمل ايه يعني..وبحده.ابعد عني..

هشام بنبرة غاضبة:وحياه امك..ليسحبها الي الحمام..

لين بعيون مرتعده :انت عايز ايه ياهشام..

هشام الذي يمسك بذراعها ويفتح المياه ويملئ

البانيو وبنبرة مخيفة:هنلعب شويه يالينو..

لين بخوف:هش..هشام بلاش تهور..انا..

ليشاور لها بإصبعه بالصمت ويكمل بتوعد:فاكرة

لما ولعتي في الشقة.. وبإبتسامه مربيه..

انا بقي هغرقك..ويقوم بتغطيس رأسها

في الماء..وهو يجذ علي اسنانه..هقتلك يالين..

لتحاول لين المقاومة والابتعاد عن الماء..

هشام بغضب وهو يبعدها عن الماء:شفتي..

انتي بتحبي تلعبي بالنار..لكن انا احب الماية..

وانتي عارفة الماية بتغلب النار وتطفيها..

لين بشهقة وانفاس متسارعة وهي تسعل:

كح كح..هموت..ابعد عني..انت اتجننت..

هشام بعصبية:مش ده اللي انتي عايزاه..

اديني اتعديت من منك..انا هموتك..بقي بتبيعيني

للسمان..وبغيظ.. وتضحكي عليا وقال ايه..

وهو يقلدها..محضرالك اللبس..هستناك..

ويكمل بغضب..وانتي محضرالي خازوق طلع من عيني..

لين بجسد مرتعش و صوت مهزوز:طب..طب عايز ايه..

هشام بلهجة آمرة مخيفة:نص الفلوس ياحلوة اللي

اخدتيها من السمان تبقي في حسابي بكرة..والا هقتلك يالين..

لين بخوف:حاضر..هعمل اللي انت عايزه بس سيبني..

هشام بإبتسامة متهكمة:كده تبقي حبيبتي..طبعا

عارفة حسابنا المشترك يالينو..الفلوس تبقي فيه بكرة..والا....

لين بتوتر :حاضر..

ليقبلها هشام ويكمل:كده نبقي كويسين..

وبنبرة هادئة مخيفة..وابقي اعملي كده تاني وانا مش

هكتفي بتفطيسك في المايه بس..انتي عارفة هشام

ممكن يعمل فيكي ايه..ويلقي بوجهها منشفة مكملا..

نشفي دماغك بدل ماتاخدي برد ..سلام يالينو..ويخرج ويتركها..

لتهوي لين علي ارضيه الحمام وبأنفاس لاهثة مرتعدة:

يخربيتك كنت هتموتني..وبدموع..لسه زي مانتا عمرك ماهتتغير..

>>>>>>>>>>>>>>>>>>>>>>>>>>>>>>>>>

مازن بإبتسامه:نور..انتي فاضية النهارده..

نور بترقب:ليه يادكتور فيه حاجة..عندنا عشاء عمل..

مازن بضحكة:لا..بس كنت حابب اتكلم معاكي شويه..ممكن..

نور بإبتسامة:في الشغل يعني يا دكتور..

مازن:لا..موضوع شخصي يانور..

نور بفضول:موضوع..ايه ياماز......

ليقطع حديثها دخول صافي..

صافي بدلع وهي تحتضنه:ميزو حبيبي..وحشتني..

لتجحظ عينا نور وتتجمع الدموع بها وتخرج من المكتب..

>>>>>>>>>>>>>>>>>>>>>>>>>>>>>>>>>

في فيلا المغربي احتد النقاش بين لين والجميع بعد قرار كاظم..

وذلك بعدما يأس كاظم من اعمالهم ومعرفة مافعلته لين بالصفقة..

لين بغضب وعصبيه: لاااا ده كدة جنان

رسمي.. انا مش هعمل كدة ابدا..

كاظم باصرار: ده اللي عندي يا لين

وإلا مفيش ميراث..والكلام ليك كمان ياهشام..

لين بغضب: انت راجل كبرت واتهفيت في دماغك..

كاظم بغضب: لين..انتي اتجننتي..

هشام بتزمر: ماهو يا جدي اللي انتي بتقوله ده..

كاظم بجدية: اللي بقوله ده هو الصح العيل ده

هو اللي هيعقلكم وهيربطكم ببعض..

مش انا اموت من هنا وانتوا تتطلقوا من هنا..

وانا عارفك يالين وعارف نفوخك

الضارب هتقلبي ع الكل وتفككي العيله..

لين بعصبيه: ملعون ابو ديه عيله.. انا استحملت كتير..

جوزتني الواطي ده وانا اصلا مش بطيق وش اللي

خلفوه ورضيت..لا جاي الوقتي وعايزني اخلف منه

عيل علشان يربطني بيه..لااااا انت بتحلم..

كوثر بتعوج وهمس: بقي مش بطيقي المز ده..

ومش عايزاه بلا وكسه..جاتني نيله في حظي الهباب..

هشام بغضب: لمي لسان اهلك ده يالين...

يعني انا اللي بموت فيكي..جدي انا عارف انت

قلقان بس انت مش كاتب في الوصيه اننا نفضل

متجوزين عشر سنين.. ايه اللي جد بقي..قلقان من ايه..

كاظم بعصبية: من عمايلكم.. واحدة بتعمل مصايب

علشان الشغل..وانت داير علي حل شعرك..

ورجعت لهبلك والمصارعة تاني.. متجوزين من

اربع سنين لكن يعتبر ع الورق.. مفيش حاجة جدت..

انا كنت بقرب بجوازكم المسافات لكن بعمايلكم كدة

بتقطعوها خالص..وبحزم.. هي كلمه واحدة هتجيبوا عيل..

اما كدة او شفولكوا حته تانيه اتلقحوا فيها..

وابقوا وروني هتطولوا مليم من فلوسي ازاي..

لين بغضب: ملعون ابو الفلوس علي صاحبها..

انا مش عايزاها يلا في داهيه.. انا مش مخلفة من ال... ده..

واعلي مافي خيلك اركبه ميهمنيش ياراجل يا خرفان انت..

وانت ياواطي هطلق منك وهريح دماغي ونفسي..

وهي تغادر لغرفتها ابو اشكالكم كلكم ع المسا عيله غم..

كاظم بغضب: لين..تعالي هنا.. ولهشام اسمع

الكلام ده ليك برضو.. وديني وما اعبد.. ياهشام

لو ماعملت اللي قولت عليه.. لاحرمكم من الميراث..

هشام بغضب مكتوم: ياجدي مانتا شايفها

مش قابله..وبعدين لسانها الزفر بنت ال... ديه..

اهو بودانك سمعته..بزمتك اعيش معاها ازاي..

كاظم بجديه: مش مشكلتي ياخويا..

اسمع سواء رضيت او لأ انا عايز عيل..

هشام بمكر: طب انا موافق.. وهي لأ..خلاص اطلقها

واتجوز اي واحدة تاني من العيله مش مشكله يعني..

كاظم بحزم: لأ طلاق من لين مش هيحصل يا هشام..وبص

بقي انت هتقنعها لانها حتي لو انت موافق وهي مش راضيه..

وبسخريه ياحنين هحرمك برضو معاها من الميراث..

هشام بتزمر: طب وانا مالي ياجدي الله..

كاظم بتهكم: مش عليا يا هشام.. متاخدش

كلام لين وتعمل فيها الطيب الغلبان.. انا قولتها

كلمه يلا..وشوف هتعمل ايه مع مراتك..

ولكوثر يلا حصليني ع الاوضة..ليرحل كاظم الي غرفته..

هشام بمكر الي كوثر: ايه يا كوكي

ماتحنني قلب كاظم شويه..

كوثر بدلال: اعمله ايه يا اتش..

هشام وهو يقترب منها وبكلمات جعلتها تذوب رغبه:

يعني تلينيه شويه من ناحيتي واهو اول مايتكل

يخلالنا الجو انا وانت ياجميل.. ليبتعد عنها وبحزن..

انتي عارفة انا مقدرش اقربلك الا بعد موته..

ده يعتبر جدي برضو وميرضكيش

اتش يتحرم من الميراث ولا ايه يا كوكي..

كوثر برغبه وانفاس متسارعة: ايوة.. ايوة يا اتش

متقلقش هحاول.. بس هتعمل ايه مع العقربه اللي فوق..

هشام بتوعد: لاااا ديه انا هعرف

اتعامل معاها.. ولكوثر يلا انتي بقي لحسن

كاظم يستعوقك ولا حاجة..وبغمزة ومتنسيش..

كوثر وهي تراقبه وهو يتجه الي غرفته بعيون

متفحصة متشبعة بالرغبه: اكيد يا اتش..

يتكل الكوهنه ده ونعيش انا وانت مع بعض..

>>>>>>>>>>>>>>>>>>>>>>>>>>>>>>

لتجحظ عينا نور وتتجمع الدموع بها وتخرج من المكتب..

مازن بغضب:صافي..انتي بتعملي ايه هنا..ايه اللي جابك..

صافي بحزن مصطنع:اخص عليك يامازن..بقي كدة..متشألش عليا..

مازن بحدة:قولتلك ميه مرة بلاش الاسلوب ده..مش بحبه..

صافي بدلع:امال بتحب ايه..حس بيا يامازن شويه..

مازن بجديه:صافي.. قولتلك مفيش

مابينا غير الشغل..غير كده انسي..

صافي برفعة حاجب وغيظ:كل ده

علشان السكرتيرة اللي برا يامازن..

مازن بعصبيه:ملكيش دعوة بيها يا صافي..واتفضلي

امشي لان عندي شغل..وياريت بلاش حركاتك ديه..

صافي بغل:بقي كده يامازن..طيب.براحتك..سلام..

وتخرج وترمق نور بنظرة كره وغل وترحل..

ليستدعي مازن نور..وتدلف اليه..

مازن بتبرير:نور انا مفيش بيني وبينها

حاجة..ديه دكتورة وبتتعامل معايا..

نور بجديه:حضرتك مش مضطر توضحلي..انت حر..

وانا مجرد سكرتيرة عندك..وعن اذنك ارجع اكمل شغلي..

مازن برجاء:نور..من فضلك اسمعيني..انا..

نور مقاطعة:من فضلك انت يا دكتور..انا مشغوله

الوقتي..بعد اذنك..وتخرج وتكمل بحزن..مكنتش

متصورة انك تعرف ناس بالاشكال ديه يامازن..ياخسارة..

مازن بغضب:الله يخربيتك ياصافي..

خليتي نور تشك فيا..وتفتكر ان بينا حاجة..

بس لا انا هفهمها واوضحلها..انا بحب نور..

>>>>>>>>>>>>>>>>>>>>>>>>>>>>>

في غرفة لين كانت غاضبه بشدة اخدت حماما باردا..

واخذت تنفث غضبها بسجائرها وتتحدث بعصبيه في الهاتف..

لين بعصبيه:انا الراجل الخرفان ده..

يقولي خلفي من هشام والا مش هتاخدي

مليم.. ليه ده انا اطربقها علي نفوخهم..

سامي: اهدي يا لين مش كدة..هتتحل..

لين بغضب: عنها مااتحلت.. وبتفكير..

سامي انا عايزاك تخلص من هشام..

>>>>>>>>>>>>>>>>>>>>>>>>>>>>>>>>

تكملة الرواية من هنا