الزهرة المفترسة البارت السادس عشر حتي البارت العشرون بقلم ديدي كامله على مدونة النجم المتوهج للروايات

الزهرة المفترسة 
البارت السادس عشر حتي البارت العشرون
بقلم ديدي
كامله على مدونة النجم المتوهج للروايات 

في غرفة لين كانت غاضبه بشدة اخدت حماما باردا..

واخذت تنفث غضبها بسجائرها وتتحدث بعصبيه في الهاتف..

لين بعصبيه:انا الراجل الخرفان ده.. يقولي خلفي من هشام

والا مش هتاخدي مليم.. ليه ده انا اطربقها علي نفوخهم..

سامي: اهدي يا لين مش كدة..هتتحل..

لين بغضب: عنها مااتحلت.. وبتفكير..

سامي انا عايزاك تخلص من هشام..

سامي بدهشه: ايه... ناااعم ياختي انتي اتجننتي ولا ايه..

لين بغل: لا..بس ده اسلم حل انا مش

هفضل في القرف ده كتير..خلصني منه..

سامي بقلق: لين اهدي مش وقت جنانك

انتي عايزة تخلصي مني.. كله الا ده..

وجدك ان شاء الله هيسيبني..

لين بغل: بقولك ايه ده انا بفكر حتي اخلص من كاظم

هوالتاني..وبعصبية.. سامي انا مش طايقة نفسي..

سامي بتعقل: اهدي يا لين هتلاقيلها حل..

بقولك ايه ماتيجي المطعم وتروقي شويه..

لين بإنزعاج: مليش مزاج.. بص يا سامي هسيبك

الوقتي واكلمك بعدين.. الا قولي اخبار نور ايه..

سامي مطمئنا: متقلقيش كويسه انا مراقبها كويس..

لين بتنهيدة: طيب يا سامي..سلام.. ولنفسها

بتوعد.. مش انا اللي تعملوا فيا كدة استنوا عليا..

>>>>>>>>>>>>>>>>>>>>>>>>>>>>

في غرفة كاظم

كوثر بدلع وهي تتقرب من كاظم:

ايه يا كظومي مالك.. مضايق كدة ليه..

كاظم بضيق: مش شايفة اللي حصل..

كوثر بلؤم: شايفة بس كله

من لين.. عايزة تكسيردماغ..

كاظم بحيرة: مش عارف اعمل معاها ايه..

كوثر بخبث: ادبها يا كاظم.. امنع

عنها الفلوس والمنصب يمكن تتعدل..

كاظم بتفكير: طب وهشام..

كوثر: هشام ماله بس.. ماهو بيطيعك يا كاظم..

الزهرة المفترسة 
البارت السادس عشر حتي البارت العشرون
بقلم ديدي

كاظم بتنهيدة: لولا اللي

عمله معاها مكنش ده الحال..

كوثر بفضول: عمل معاها ايه..

كاظم: مفيش ياكوثر..

كوثر بتعوج: طيب.. بس انا من

رأيي ان لين محتاجة تتربي ...

كاظم بحدة: كوثر ملكيش دعوة بلين..

وبحزم بقولك ايه قفلي ع الموضوع ده ..

انا هتصرف فيه طفي النور خلينا ننام..

كوثر بغل: طيب.. ولنفسها.. استني عليا يالين ان

ماكسرت مناخيرك وجبتها الارض مبقاش انا كوثر...

>>>>>>>>>>>>>>>>>>>>>>

في غرفة هشام كان غاضبا ايضا

هشام لنفسه: بقي كدة هي حصلت بعد ده كله

وجاي يقولي تجيب عيل يا اما مفيش فلوس..

لاااا مش بعد ده كله واطلع من المولد بلا حمص..

وبتوعد اما انتي يا لين شكلي هعلمك الادب من اول وجديد..

بس استني عليا شكلك نسيتي مين هشام المغربي..

بس انا هفكرك بيه كويس.. ليأخذ مفاتيحه وهاتفه

وينطلق بسيارته الي مطعم سامي..

في المطعم

سامي بضحكه: اهلا اهلا بالباشا..

هشام بضيق: سامي انا مخنوق..

سامي: عارف يا برنس..

هشام بتهكم: تبقي الهانم كلمتك وحكتلك..

سامي: بالظبط..وشايطه ع الاخر..

هشام بغضب: مش اكتر مني..وبغل..

بقولك ايه ماتخلصني منها وتكسب فيا ثواب..

ليقهقه سامي عاليا :هههههه.. فعلا ماجمع الا اما وفق..

لسه هي كمان طالبه مني كدة..بس معاك جدك..

هشام بغل: يعني عايزة تخلص مني..

طيب يالين انا وانتي والزمن طويل...

سامي: بص يا هشام جدك عنده حق العيل هيضمن انكم ماتدمروش

بعض بعد موته..لانه عارفكم كويس وعارف نار لين اللي بتولع في الكل..

يابني ديه بتولع في نفسها شخصيا.. وانت يا اتش كمان تعبان قرصتك

والقبر مش هتسيبها وهتدمر لين انا عارف.. ده احسن للكل..

اسمع كلام جدك..وبغمزة وبعدين برضو حد يطول ديه لين المغربي

تعالي شوف الكل هيموت عليها ازاي..وبيحسدوك عليها..

هشام بضيق وانزعاج: ساااااامي.. بلا نيله

يجوا يشوفوا اللي انا فيه..لسانها زفر..

سامي: ههههه يعني عايز تقولي ان

هشام المغربي بجلاله قدره مش قادر عليها..

هشام بغيظ: ميقدرش علي لسانها الا ربنا..

سيبك منها الوقتي وظبطلنا حاجة عايز

انسي ام حوار الليلة ديه..انا عايز اروح النادي..

سامي: من عينيا يا باشا..

>>>>>>>>>>>>>>>>>>>>>>>>>>>>>>>>>>

الزهرة المفترسة 
البارت السادس عشر حتي البارت العشرون
بقلم ديدي

صافي بغضب:انا مازن يطردني علشان بت زي ديه..عاجبه فيها ايه..

شوقي:مش قلتلك..مازن عينه منها..وانتي مش مصدقة..

صافي بتوعد:لاااااا..مش هيحصل ويانا يالبتاعة

اللي اسمها نور..وعمر مازن ماهيكون غير ليا انا..

شوقي:ناويه علي ايه ياصافي..بلاش تهور..

صافي:اصبر وانت هتعرف ياشوقي..

مش صافي اللي يتعمل معاها كدة..

>>>>>>>>>>>>>>>>>>>>>>>>>

في شركة مازن للادويه..

مازن برجاء: يانور من فضلك اسمعيني..مفيش حاجة بيني وبين صافي..

نور بحزم: وانا قلت لحضرتك انك مش ملزم تبررلي..انا مليش دعوة..

مازن: لا..نور من فضلك..انتي لازم تفهمي..ديه بتشتغل معايا وبس..

نور بضيق:فعلا ماهو واضح..تدخل وتحضنك بالمنظر ده ومفيش حاجة..

مازن بحنق: هي اللي بتجري ورايا يانور..انا اصلا

بتعامل معاها علشان الشغل..لولا كده مش هكلمها..يانور انا..

نور مقاطعة بجديه:والله ديه حياتك

وانت حر فيها..بعد اذنك..وتخرج وتتركه..

مازن وهو يزفر في ضيق:طب اعمل ايه

علشان تصدقني..وبغل..هاين عليا اروح اخنق صافي..

نور لنفسها :عايزة اصدقك..وبغيظ..منك لله ياصافي الزفت..

>>>>>>>>>>>>>>>>>>>>>>>>>>>>>>>>

لين بتوعد:وربنا لاوريكم ياولاد ال.... وانت

ياهشام استني عليا..ان ما جننتك..مبقاش لين..

>>>>>>>>>>>>>>>>>>>>>>>>>>>>>>>>

ذهب هشام الي سامي وهو في ضيق شديد..ويبدو عليه الارهاق..

سامي بضحكة: مالك ياكبير شكلك مش ولا بد..

هشام بضيق: لين ياسامي..

سامي بضحكة: مالها عملتلك ايه..

هشام بغيظ: مش بتخليني انام

يا سامي.. انا مش بشوف النوم بسببها..

سامي بإستغراب: ايه بتعملك ايه..

هشام بتحسر: انا خلاص قربت اكلم

نفسي.. هتجنتي.. انا عارف نهايتي علي ايديها..

سامي بتعوج: احكي ياخويا فضفض..

هشام بوجه باكي: اقول ايه ولا ايه

طب اسمع امبارح جايه تقولي ايه..

فلاش باك

كالعادة يستيقظ هشام علي

وجه لين وابتسامه مخيفة..

هشام بملل: خير.. عايزة ايه المرادي..

لين بتساؤل: ألا قولي يااتش...

انت بتحب تنام علي انهي جمب..

هشام بإستغراب: ليه يالين..

وبضحكة.. ايه ناويه تنفذي كلام كاظم....

لين بجدية: لأ بسأل بس.. علشان لما اقتلك

اشوفك بترتاح علي انهي جمب وانيمك عكسه..

هشام بدهشة: ايه.. تقتليني.. وبتقوليها في وشي..

وكمان مش هتنيميني علي الجمب اللي برتاح عليه ليه..

لين بعيون لامعة: علشان تفضل متقلقل في قبرك...

وتكمل بتساؤل.. الا قولي تحب ادفنك ولا اولع في جثتك..

هشام بنفاذ صبر: لأ انتي خلاص مفيش منك رجا..

ليحملها ويخرجها من الغرفة ويغلقها بالمفتاح.. لتطرق لين الباب.. ويفتح..

هشام بضيق:يا نعم ..

لين بعتاب وزعل: يااتش مقولتليش

بتحب تنام علي انهي جمب يلا..

هشام بعصبية: غوري يالين بدل ما اقتلك انا الوقتي..

باك

هشام بوجه باكي: هتشل ياسامي..

ولا قبلها جايه تقولي ايه المميز فيك بيعجب الستات..

وانا عادي مش عاجبها.. هموت ياسامي اعمل معاها ايه..

ليقهقه سامي عاليا: ههههه.... ياعيني

عليك يااتش حالتك صعبة يابني....

انا عازرك قدامك لين المغربي ومش قادر تطولها..

هشام بتحذير: ساااامي..

سامي بضحكة: ههههه.. خلاص ياعم بهزر..

وليضحك مرة اخري.. بس يااتش

مقولتلهاش بتنام علي انهي جمب ليه..

هشام بغيظ: تصدق اني راجل... علشان احكي ل.... زيك..

سامي: ههههه.. خلاص يااتش بس اصلك

مش شايف وشك ده انت مبهدل خالص..

اقولك ادخل نام جوا شويه مكنش يومك يامعلم..

هشام بتحسر: اعمل ايه بنت المهفوفة ديه

ربتلي عقدة من ساعة ماولعت في الشقة انا تعبت

اخاف اغمض عيني مفتحش تاني..ديه مش مضمونه..

الزهرة المفترسة 
البارت السادس عشر حتي البارت العشرون
بقلم ديدي

سامي: ههههه طيب ياكبير ادخل نام..

ليدلف هشام الي الغرفة ويحدث نفسه : ااااه يالين..

ياهقتلك ياهتقتليني ياهنخلص علي بعض..

..>>>>>>>>>>>>>>>>>>>>>>>>>>

بعد العديد من التحريات التي قامت بها نور..ولم تتوصل

الي شئ ابلغت رئيسها في العمل علي ان مازن لايعمل

في الادويه الفاسدة..وانه خالي من الشبهات..وارسلت

تقرير بذلك..وعليه قرر رئيسها سحبها من المهمة لانتهاء عملها..

نور:ايوة يافندم..زي ماحضرتك

شايف..مفيش اي شبهة عليه..

اللواء:متأكده يانور..يعني ده اللي اتوصلتيله..

نور:ايوة يافندم..انا اديلي شهور

بشتغل معاه..ومفيش اي حاجة تثير القلق..

(اتوكسي..انا قولت من الاول انتي مينفعش

تبقي ظابط..مفيش اي حاجة تثير القلق..طبعا مانتي

مش فاضية غير للحب والتسبيل..ااااه..ماشي ياغبية)

احم احم نرجع للقصة..

اللواء:ماشي يانور..كدة مهمتك انتهت..تقدري تسيبي

الشغل..بس مش مرة واحدة..علشان ميقلقش..يعني مهدي..

نور بحزن:يعني هسيب الشغل عنده..

اللواء بتهكم:امال يعني هتفضلي هناك..

نور انتي هترجعي لحياتك الطبيعية..يلا انصراف..

نور وهي تؤدي التحيه العسكريه:تمام يافندم..

وتحرج..وتحدث نفسها بحزن..يعني خلاص

هسيب مازن ومش هشوفه تاني..انا حبيته اوي..

>>>>>>>>>>>>>>>>>>>>>>>>>>>>>>>

..بعد عدة محاولات لهشام التي باءت بالفشل

في اقناع كاظم بالعدول عن قراره لم يجد هشام

مفر من تنفيذ رغبته.. ولكن مع رفض لين وإصرارها

علي موقفها ام يجد طريق إلا ارغامها علي ذلك..

كانت لين في غرفتها مساءا بعد عودتها

من الشركه اخذت حمامها وارتدت ملابسها وامسكت

دوائها المنوم وقبل ان تأخذه تجد باب غرفتها

يفتح ليدلف هشام ويغلقه خلفه لتنظر له بملل وإنزعاج وتكمل..

لين: يامساء الخلق العكرة..خير..

هشام بضحكه وهو يتفحصها: عكرة ..

يامساء اللسان الزفر.. بتعملي ايه..

لين وهي تشرب حبتها المنوم:

هتخمد عندك مانع يلا طرقنا..

هشام وهو يقترب منها: ليه يا لين

المعامله ديه بس..ماتخليكي حلوة كدة..

لين بقرف: اسمع يا اتش.. انسي اللي في دماغك

ده كله مش هيحصل..فغور بقي لاني عايزة انام..

هشام وقد تغيرت نبرته باخري غاضبه

وعيون متوعدة: بقولك ايه انا صبرت عليكي كتير..

ماهو مش بعد القرف ده كله واطلع

من المولد بلا حمص..هو حته عيل ونخلص..

لين بضحكه عاليه ساخرة: ههههه حته عيل..

يابني انت اتهبلت..انت عايزني انا وانت

نجيب عيل ده حتي يبقي حرام في حقه..

هشام بتهكم: ليه ان شاء الله..

لين :انت متعرفش بيتقال عننا ايه ..طب سيبك احنا بشرفك..

وبسخريه.. ولا بلاش ديه احلفك بحاجة ليها قيمه... احنا ينفع

نربي عيل باللي بنعمله ده احنا بنخرب بيوت ناس وبندمرها

اكتر مابنعمر.. وبيدها وهي تدفعه الي الخارج يلا يلا.. بلاش هبل..

ليمسك هو بيدها ويكمل وبغضب: مش

مشكلتي انا هجيب منك عيل وهاخد فلوسي..

لين بغضب: شفت همنا كله الفلوس..

سيبني ياهشام احسنلك بدل ماتندم...

ليثني هشام ذراعها للخلف مكملا بتوعد:

شكلك كدة نسيتي مين هشام يالين

وعايزاني افكرك..اتعدلي احسنلك..

لين بتألم وحدة: سيب ايدي ياحيوان... ده كان زمان..

هشام بغضب: ودلوقتي لو تحبي يالين

ولا عايزاني اجرك للشقة بتاعتنا واربيكي

تاني اصبحك وامسيكي بعلقة زي زمان.. واعدلك..

لين بغل: وفكرك ده نفع معايا يا هشام انت عارف

كويس..وبعدين ما الشقة ولعت..ابعد عني بقي وإلا..

هشام بنفاذ صبر: بصي بقي انا اتخنقت وقسما بالله لهوريكي الوقتي..

>>>>>>>>>>>>>>>>>>>>>>>>>>>>>>>>>>>

الزهرة المفترسة › 

البارت السابع عشر

ليثني هشام ذراعها للخلف مكملا بتوعد: شكلك كدة

نسيتي مين هشام يالين وعايزاني افكرك..اتعدلي احسنلك..

لين بتألم وحدة: سيب ايدي ياحيوان... ده كان زمان..

هشام بغضب: ودلوقتي لو تحبي يالين ولا عايزاني اجرك للشقة

بتاعتنا واربيكي تاني اصبحك وامسيكي بعلقة زي زمان.. واعدلك..

لين بغل: وفكرك ده نفع معايا يا هشام انت عارف

كويس..وبعدين ما الشقة ولعت..ابعد عني بقي وإلا..

هشام بنفاذ صبر: بصي بقي انا اتخنقت وقسما بالله لهوريكي الوقتي..

(يخربيتك..فكرتيه بالموضوع ده ليه..اهو هيتجنن

ويركبه العفاريت..تستاهلي يالين..انا مليش دعوة بقي..

انا خالعة..فيه ضرب في المنطقة..وانا مليش فيه..

اصطفلوا انتو مع بعض) نرجع للقصة..

لين بعصبيه: علي جثتي يابن المغربي..وان كنت ناسي افكرك..

لينقض عليها هشام بعنف ويكمل: هتتعدلي ولا لأ..

لين بتوجس وعيون قلقة:حاضر..

وبعد ذلك هشام بضحكه ماكرة: بلاش انا يالين

لانك هتخسري.. نامي نامي ماتقوميش مفعول حبتك..

لتغلق عيناها.. وفي الصباح تستيقظ لتجد

نفسها وبجوارها هشام النائم.. ويستيقظ هو..

هشام بضحكة: صباح الخير يالينو..معلش

انتي اللي خلتيني اعمل كدة وامد ايدي عليكي ..

لين بغضب: غور من هنا..

هشام بهدوء: تؤتؤ ياحبيبتي..احنا مطولين مع بعض فلمي

لسانك ده شوية..ليقبلها برغبة.. لتدفن وجهها بالوسادة مكمله..

لين بعصبيه: غور بقي جاتك داهيه..

ليقهقه هشام وينهض ويدلف خارج الغرفة : هههه عمرك ما هتتغيري..

لين لنفسها بغل وتوعد: نهايتك علي ايدي ياهشام.. وقريب قوي..

>>>>>>>>>>>>>>>>>>>>>>>>>>>>>>>

لمحت كوثر هشام وهو يدلف من غرفة لين..

كوثر بقلق:لاااااااا..ديه تبقي مصيبة سودة لو فعلا جابوا عيل..

ده انا اطلع من المولد بلا حمص..وبعدين هشام لو رجع للين

انا كده مش هطوله تاني..انا صبرت علي كاظم علشان

الفلوس..مش بعد ده كله ويرموني..انا لازم اتصرف واشوفلي حل..

>>>>>>>>>>>>>>>>>>>>>>>>>>>>>>>

بعد مدة ذهبت نور الي لين وهي حزينه..

نور بحزن: مازن طلع برئ يالين..

لين بتعجب: ومالك زعلانة اوي كدة ليه..

ايه كنتي عايزاه يطلع مجرم ولا حاجة..

نور بتأنيب ضمير: مش كدة انا خدعته.. ضحكت عليه..

لين: مش كنتي بتأدي شغلك..

نور بدموع: بس..انا..

لين: ايه حبتيه يانور مش كدة..

لتنظر لها نور بعيون دامعة: ايوة.. حبيته

مش عارفة ايه اللي حصلي من لماشفته..

لين: ههههه.. الله ده احنا كبرنا..

وبقينا بنحب وبنعرف نتكلم يانوري..

نور بتذمر: انتي بتتريقي عليا..

لين بضحكة: متزعليش ياقلبي..

طيب فيها ايه اذا كنتي بتحبيه عادي..

نور بحزن: بحبه يالين.. بس كدبت عليه..

وبعدين كدة مهمتي انتهت وهسيبه..

لين: اهاااا..قولي كدة انتي مش زعلانه علشان

طلع برئ.. انتي زعلانه علشان هتسيبي الشغل وترجعي..

نور بدموع: ايوة..مش هشوفه تاني.. وبعدين فيه

اللي اسمها صافي ديه..واحدة لازقاله وحاسة انه يعرفها..

لين بترقب:صافي ..وديه تطلع ايه ان شاء الله..

نور بدموع:دكتورة صيدليه بتشتغل معاه..

بس استغفر الله العظيم..بس مازن بيقول انه

مفيش علاقة بينه وبينها..انا خايفة يالين..انا بحبه اوي..

لين بإبتسامة وهي تمسح دموع نور تحتضنها

وبحنان: متزعليش يا قلبي.. انا هتصرف..

نور وهي تنظر اليها بتساؤل: ازاي..يعني هتقدري تعملي ايه..

لين وهي تعبث بشعرها وبثقة: عيب لما تسألي

اختك تقدر تعمل ايه.. هتشوفي.. وبتذمر وبس بقي

انتي هتفضلي ترغي وتزني كتير علشان سي مازن ده..

انا زهقت يلا قوليلي هنسافر انا وانتي امته..

نور بإستغراب: نسافر.. علي فين..

لين بتفكير: امممممم.. يعني كان فيه مكان

نفسك تروحيه من مدة..بس انا مكنتش فاضية..

نور بعيون فرحة غير مصدقة: متقوليش.. هنسافر انا وانتي الفيوم..

لين بتعوج واقتضاب: فيوم ايه.. ده اخر

طموحاتك يانور.. ايه ده.. انا قصدي شرم ياهبلة..

نور بفرحة وهي تقفز علي الفراش: يااااااي.. ايوة

بقي يالينو ياقمر انتي..وبتذكر طب وشغلك..وهشام..

>>>>>>>>>>>>>>>>>>>>>>>>>>>>>>>>>>>>

الزهرة المفترسة 
البارت السادس عشر حتي البارت العشرون
بقلم ديدي

عند سامي ..

سامي وهو يزفر في ضيق:خير ياهشام..انت كل شويه هتنطلي..

هشام وهو يقرن حاجبيه بإستنكار:الله..

وانت زعلان من ايه..قاعد علي قلبك مثلا..

سامي:مش القصد..بس انا حاسس ان

وراك حاجة..وكمان ايه الشنطه ديه..

هشام وهو يلوي فمه:مفيش..مصلحة

وهخلصها..بس عايز ابعد عن الفيلا..

سامي بترقب وهو يضيق عينيه:

تبقي ناوي علي مصيبة يااتش..

هشام بضحكة:ولا مصيبة ولا حاجة..كلها سبوبه

وخلصنا..وبصراحة عايز ابعد عن لين شويه..

سامي وهو يقطب حاجبيه بإستغراب:ليه يعني..

هشام وهو يزفر:مش عارف..بس عايز ابعد وخلاص..

سامي وهو يلوي شفتيه بتعوج وتهكم:

مش عارف..متستهبلش..انت بتحبها..

هشام بتنهيدة: يمكن..بس مش عارف ليه

بتعمل معايا كدة..ناشفة زي المستشفي..

سامي برفعة حاجب متهكمه:لا يا راجل..

مش عارف ليه..من عمايلك وسرمحتك..

هشام بضيق وتذمر:ماهي اللي مخلياني كدة..

لو تلين شويه..بقولك ايه اسيبك انا واخلع من

هنا..وبلهجة آمرة..عينك عليها سامع..سلام..

سامي وهو يهز رأسه بعدم رضا:ااااه

ياهشام..بتحبها وبتموت فيها بس...يلا..

>>>>>>>>>>>>>>>>>>>>>>>>>>>>>>>>

لين بلامبالاة: عادي فكك منه...هو اصلا مش هنا..وبغل...

وبعدين ده انا هسافر بس علشان ابعد عن خلقة هشام العكرة..

نور بإستنكار: هشام خلقته عكرة..انتي مبتفهميش يالين..

ده قمر..يخربيت كدة.. ده هشام تحسي انه مستحمي علي

طول..حاجة كدة زي عارضين الازياء ده عليه عضلات..

ولا مصارعين الاغريق.. هااااااح اوعدنا يارب..

لتقهقه لين عاليا:ههههههه.. ايه يابت ده.. انتي

بتعاكسيه طب اسكتي ده لوسمعك يتغر بزيادة..

ومستحمي علي طول... ليه ياقلبي امال هيفضل معفن..

وبتعوج ساخر..وبعدين ماتتغريش

ياما جزم نضيفة مخبية شربات مقطعة..

نور بغيظ: علي فكرة هشام ده خسارة فيكي..

لين بتعوج: طيب ياختي.. بقولك ايه يلا علشان

ننام بقي.. علشان بكرة هنستعد للسفر..

نور: هنسافر بكرة..علي طول كدة..

لين: لأ بكرة هنحضر حاجتنا..ونخرج نشتري اللي عايزينه..

وبتحذير بس حسك عينك تقولي لهشام

اننا مسافرين فاهمة..والا وربنا يانور هاكلك..

نور بخوف: حاضر مش هقوله..مع انه كان هيعمل

منظر معانا..واد مز كدة..بس يلا مليش نصيب..

لين برفعة حاجب وتهكم: نور

انتي متأكدة انك بتحبي مازن..

نور بتعجب: طبعا بحبه.. بتسألي ليه..

لين: ابدا اصل لو نفسك في هشام اوي كدة

اطلق منه واجوزهولك..ميغلاش عليكي..

نور بلهفة: بتتكلمي جد..طب يلا..

لتضربها لين مكمله: انتي اتهبلتي يابت..نامي بقي

بدل ما اعضك..ده انتي متستحمليش في ايده غلوة..

نور بغمزة: ايه بتغيري يالينو..ليكي حق..

لتضحك لين: اغير بلا وكسه.. ياحبيبتي هشام ده

انا لو عايزاه.. لو شاورتله بصباعي يجري جري.. بس النفس.

.قال اغير اسكتي اش حال لو مكنتيش عارفة اللي فيها..

نور بغمرة: ياواد ياواثق.. بس احنا هنبقي كدة لوحدنا هناك..

لين بضحكة: لا متقلقيش هنبقي نصطادلنا

مزين من هناك وهما كتيييير في شرم..

نور: هههههه..لو هشام سمعك هيقتلك يالين..

لين بضحكة: ماهو ده اللي هيحصل.. ياانا هقتله

ياهو هيقتلني.. نامي نامي.. وتحتضنها ويناما سويا..

كانت كوثر تتصنت الي حديثهم..ولكنها

استمعت فقط سفر لين ونور الي شرم..

كوثر بتوعد: بقي مسافرين شرم ومش عايزة تقولي

لهشام..طبعا عايزة تتسرمحي وتدوري براحتك.. استني عليا..

في اليوم التالي انطلقت نور ولين لشراء مستلزمات سفرهم.. وعادوا..

>>>>>>>>>>>>>>>>>>>>>>>>>>>

اتصلت نور بمازن..

نور:ايوة يادكتور مازن..انا نور..

مازن بلهفة ايوة يانور..مجتيش ليه..انتي كويسة..

نور بإبتسامه:ايوة يادكتور..اسفة اني مجتش..

بس انا عند لين..وكنت بتصل بحضرتك علشان

اطلب اجازة..لاني مسافرة انا وهي..

مازن بحزن:مسافرة..يعني مش هشوفك مدة يانور..

نور:معلش يافندم..بس لين مصرة..وانا مقدرش ..

مازن بإبتسامه:ولا يهمك يانور..المهم

تنبسطي..وبراحتك..تروحي وترجعي بالسلامة..

نور:شكرا يادكتور..مع السلامة..وتمسك هاتفها

وتضمه الي صدرها وتكمل ااااااه بحبك اووووووي...

>>>>>>>>>>>>>>>>>>>>>>>>>>>>>>>>

في المساء علي مائدة الطعام..

لين: انا مسافرة انا ونور..

كاظم: مسافرة.. علي فين يالين..

لين وهي تنظر الي نور وبضحكة مكتومه: علي الفيوم..

كاظم بإستغراب: الفيوم..هتعملوا ايه هناك..هي ديه حتة تروحوها..

لتضحك نور ضحكة مكتومه وتكمل: اصل ياجدي كان نفسي

اسافرها من مدة..ولين هتوديني.. علشان اشوف السواقي..

كاظم: طب والشغل يالين..

لين بجدية: عندك هشام.. مش هتتخرب الدنيا لما اسافر..

كاظم: طب هترجعي امته...

لين: معرفش منين مارجع هرجع.. انا اديلي مدة

ماخدتش اجازة.. متقلقش ياجدي انا مظبطة كل حاجة..

كوثر بمكر: طب وقولتي لهشام..

لين بحنق: وانتي مالك اقوله ولا مقلوش..انتي اش حشرك..

كوثر: الله مش بنصحك.. المفروض ماتروحيش

مكان من غير ماتقولي لجوزك.. ولا انا غلطانة..

لين بسخريه: بلاش انتي.. مش يبقي تاريخك

كله فضايح وتيجي تديني نصايح..ملكيش دعوة..

كوثر بغيظ: انا العايبه اني بنصحك..

كاظم: عندها حق يالين.. لازم تقولي لجوزك..

لين بضيق: ومن امته باخد منه الاذن..بقولكم

ايه انا طالعة انام.. عندي سفر بدري..يلا يانور..

نور: حاضر..تصبحوا علي خير..

ليدلفوا الي الغرفة وتنفجر نور بالضحك: هههه الفيوم..

لين بضحكه:هههههه.. ايوة كود سري مابينا..

نور: هههههه..ماشي ياعم العميل السري..

لين بحزم: يلا يابت نامي..

لتحتضنها نور مكملة: ربنا مايحرمني منك يالينو..دايما مفرحاني..

لين بحب: انتي نوري يانور.. حبيبة قلبي.. وبس بقي

احنا هنقلبها دراما.. يلا عايزة انام علشان اصحي فايقة للسواقة..

نور: ايوة بقي هنروح بالجيب ونعمل منظر..

لين وهي تحرك رأسها بإبتسامة: عمرك

ماهتتغيري يانور.. يلا تصبحي علي خير..

نور: وانتي بخير..

>>>>>>>>>>>>>>>>>>>>>>>>>>>>>

في الصباح انطلقت لين ونور الي شرم.. وسط ضحكاتهم..

نور: ههههه..اسمعي ديه كمان ....

لين ضاحكة: هههه..كفاية بقي يانور

هعمل حادثة من كتر الضحك..

نور: وماله اهو نموت واحنا بنضحك..

لتلكزها لين في ذراعها مكمله: بعد الشر.. يلا يابت شغلي اي اغنيه عندك..

نور:استني نلعب لعبتنا.. ونشوف اغنية تليق لكل واحدة وانا هبدأ..

لتنفجر نور في الضحك: سامعة الاغنية ديه

اهي تليق عليكي انتي و هشام يالين..

كانوا يستمعون الي اغنيه اكرهها لكاظم الساهر..

(أكرهها وأشتهي وصلها...وإنني أحب كرهي لها

أحب هذا اللؤم في عينها...وزروها أنت زورت قولها

عينٌ .. كعين الذئب محتاله...طافت أكاذيب الهوي حولها

قد سكن الجنون أحداقها...وأطفأت ثورتها عقلها

أشك في شكي إذا أقبلت...باكيه .. شارحه ذلها

فإن ترفــقــت بــهــا أستكبرت...وجررت ضاحــكه ذيلها

أن عانقتني كسرت أضلعي...وأفرغت علي فمي غــلــّها

يحبها حقدي ويا طالما...وددت إن طــوقــتـها ..قــتــلـهــا)

لين: ههههه تصدقي صح.. وبرفعة حاجب

طب استني انا هشوف اغنيه ليكي..لتشغل اغنية

يامسهرني الليل لفضل شاكر مكمله..اهي

ديه لسي مازن اللي عماله تحلمي بيه ياست نور..

(يامسهرني الليل بعدك عيشني بويل انا من شفتك حبيتك باسم الحب

سميتك يا مسهرني الليل بعدك عيشني بويل وفقربك سهرني ياغايب عني

وفحضني عطرك وهواك-انا حبيتك بعيوني وحبيتك باحساسي كله

-حبيت الارض اللي تمشي فيها والهوى حبيتك انته وبكري امتى

صارتلي الدنيا حلوة من غيرك انت للجرح دوا - ياغلى مافي الكون

انا حبيتك بجنون ياريتك بين ايدي وتحن شويه علي بعدك جنني

ياحبيبي ريحني محتاج طمني ياريت انا المس و اتننفس عطرك

وهواك-انا حبيتك بعيوني وحبيتك باحساسي كله)

نور مقلدة مذيعة في الراديو: وديه اهداء خاص

ﻹتش وتشغل اغنيه نسونجي لفارس كرم...

(عم تطلع بالنسوان شو بدك منن قلي..

لك والله اللي ما يحب النسوان الله يبعتله عله

قلي مين بيسترجى يبعد عن حوا درجي..

.انا شخصيا نسونجي نسونجي نسونجي..

بقولا وبصوتي بعلي بعلي بعلي...

عم بطلع بالنسوان شو بدك منن قلي..

بغازلها بقلا ليكي عمري كله بايديكي...

شو السر اسم الله عليكي...

عليكي عليكي..كل دقيقة بتتحلي...بتتحلي بتتحلي)

لتتعالي ضحكاتهم ويكملون لعبتهم.. وبعد فترة

تلمح لين سيارة خلفها تقترب منها.. وتضغط بوق

السيارة بشدة لتنبيه لين وجعلها توقف السيارة..

لين لنور بلهجة آمرة: نور اربطي

الحزام كويس..واقفلي الاغاني..

نور بتساؤل: ليه يالين..

لين بنفس النبرة: اعملي اللي قولتلك عليه..

لترتبك نور ولكن تفعل ما امرتها به لين..

لين بعيون غاضبة: واضح كدة ان معانا صحبه حلوة..

لتضغط لين علي دواسه البنزين السيارة وتنطلق

بسرعة وخلفها السيارة وهي تحاول اللحاق بسيارة لين..

>>>>>>>>>>>>>>>>>>>>>>>>>>>

الزهرة المفترسة › 

البارت الثامن عشر

لتتعالي ضحكاتهم ويكملون لعبتهم..

وبعد فترة تلمح لين سيارة خلفها تقترب منها..

وتضغط بوق السيارة بشدة لتنبيه لين وجعلها توقف السيارة..

لين لنور بلهجة آمرة: نور اربطي

الحزام كويس..واقفلي الاغاني..

نور بتساؤل: ليه يالين..

لين بنفس النبرة: اعملي اللي قولتلك عليه..

لترتبك نور ولكن تفعل ما امرتها به لين..

لين بعيون غاضبة: واضح كدة ان معانا صحبه حلوة..

لتضغط لين علي دواسه البنزين السيارة وتنطلق

بسرعة وخلفها السيارة وهي تحاول اللحاق بسيارة لين..

>>>>>>>>>>>>>>>>>>>>>>>>>>>>>

في الفيلا عاد هشام..

كاظم بتهكم: اهلا اتش كنت فين اليومين دول..

هشام بضحكة: كنت بخلص مصلحة ياجدي.. ايه وحشتك..

كاظم بحدة: مصلحة ولا شغل

من ورايا ياهشام... مش هتبطل..

هشام بضحكة ماكرة: تربيتك ياكاظم باشا..

طب بزمتك كنت اسيب المصلحة ديه تطير من ايدي..

كاظم بعصبية: وخربت الدنيا لما لين ادت

الصفقة للسمان.. انتو ايه..انا تعبت منكم..

هشام بسخرية: ايه ياجدي ده المفروض تبقي

فخور بتربيتك..وبغمزة بس سيبك البت الخواجايه اللي

كانت معاهم يالهوووي..مقولكش ياكاظومه حته بت من الاخر..

كاظم بقرف: تصدق انك... ليها حق لين تقرف منك وتسيبك..

هشام بضحكة ساخرة: ايه ياكاظم..

وهو يضرب بباطن يده علي ظهر الاخري

(اذا كان رب البيت بالدف ضاربا..

فشيمه اهل البيت الرقص) وهو يهز اكتافه..

ياكاظومي مانا اتربيت في بيتك علي كدة..

كل يوم مزة شكل..عايزني ابقي ايه..

كاظم بحدة: كنت بتجوزهم ياهشام مش كدة..

هشام بسخريه: وانا بضرب ورقتين وبعيش..

لكن اتدبس في واحدة ومهر وشبكة ومؤخر..لااا..

وبعدين كفايه متجوز لين ولا ايه ياجد.. ألا بالحق هي فين..

كاظم بإشمئزاز: سافرت ياخويا..

هشام وهو يضيق عيناه: سافرت.. سافرت فين..

كاظم بضيق: ع الفيوم..

هشام برفعة حاجب: الفيوم وتعمل ايه هناك..

كاظم: راحت هي ونور يشوفوا السواقي نور كانت عايزة تروح..

لينفجر هشام في الضحك:ههههههههه.. السواقي..

ده اخر طموح نور.. طيب اسيبك انا الوقتي ياجد..

وبغمزة ساخرا.. سلام يارب البيت..

كاظم وهو يهز رأسه ويزفر في ضيق: انا عارف

مفيش غير العيل اللي هيعدل حالك ياهشام..

>>>>>>>>>>>>>>>>>>>>>>>>>

نور بخوف: هدي السرعة يالين فيه ايه..

لين بهدوء: مفيش.. وبضحكة ماكرة.. اصبري علي رزقك..

ولنفسها بصوت عالي برفعة حاجب.. ده انت

مصمم بقي طيب.. لتتوقف لين علي جانب السيارة..

نور بقلق وتوتر: وقفتي ليه ماتقولي فيه ايه..

لين بهدوء: اسكتي ومتنطقيش بكلمة واتفرجي..

ويتوقف خلفها السيارة ويهبط منها

شاب ما..ويتجه الي لين مكملا..

الشاب بضحكة: ايه ياقمر ده..مش

عمال انده عليك..مالك منفضالي ليه..

لتنزع لين نظارتها وتكمل بمكر ودلع:

وديه دخلة برضو يازوق..خضتني..

الشاب: سلامتك من الخضة ياقلبي..بس

علي فين العزم انت والحلو اللي جمبك..

لين: خليك معايا انا.. قرية(.....)

الشاب: الله يعني طريقنا واحد..وبغمزة طب ماتركن

وتيجي معايا اوصلكم بدل ماتتعب من السواقة ياقمر..

لين بإبتسامة: لأ.. اشوفك هناك..اﻹ انت اسمك ايه..

الشاب: عمار ياقمر وانتي..

لين: لين ياعمار.. يلا اشوفك هناك..

عمار: وراك ياقمر..بس قوليلي هي ديه عينيكي ولا لانسز..

لتضحك لين ضحكة عاليه وتكمل بغمزة:ههههههه.. هقولك هناك..

عمار بضحكة: اوعي اشوفك هناك ياقمر..

لتنطلق لين..

نور بدهشة واستنكار: ايه ده يالين اللي

عملتيه ده واحد مش محترم ازاي تقوليله كدة..

لين بخبث: اصبري بس ده وقع في شر اعماله..

نور بتوجس: ايه النظرة ديه يالين..انتي ناويه علي ايه..

لين بإبتسامة ماكرة: لما نوصل

هناك اتفرجي..ده احنا هنتسلي..

>>>>>>>>>>>>>>>>>>>>>>>>>>

في المنزل دلفت كوثر الي غرفة هشام..

حيث كان الاخير نائما.. لتلمس هي جسده برغبه..

ويتململ ويفتح عيناه ليجدها جالسة بجواره علي الفراش..

هشام بضيق: كوثر بتعملي ايه هنا..

كوثر بعيون راغبه: وحشتني يااتش..

امته هتحن عليا بقي..

هشام بضيق وبإبتسامة صفراء: ماقولنا مينفعش ياكوثر..

كوثر بحدة وضيق: طيب ياخويا ماشي..

انا كنت جايه اقولك علي مراتك اللي بتستغفلك..

هشام وهو يضيق عينه: لين.. مالها..

كوثر بترقب: انت تعرف الهانم فين الوقتي..

هشام: في الفيوم مش جدي قال كدة..

كوثر بتعوج: لأ ياخويا مراتك مش في الفيوم..

هشام بتعجب: امال فين..

>>>>>>>>>>>>>>>>>>>>>>>>>>>>>

وصلت لين ونور وارتاتحوا .. وهبطوا وفي الاسفل وجدوا عمار..

اتجهت نور الي حوض السمك المتواجد في صاله الاستقبال تشاهد الاسماك..

عمار:اهلا اهلا..اتأخرتي ليه..مستنيكم من مده..

لين بضحكة:ابدا كنا بس بنريح..

عمار:ايوة بقي..ايه النظام ياقمر..

لين بخبث:مفيش..بص بقي..انت

هتستناني بكرة في(...) الساعة 2 الضهر..

عمار بغمزة:ايوة بقي..المكان ده حلو

اووووي..وهادي..هستناك ياجميل..

لين بمكر:اوك..هات بقي نمرتك..وامشي الوقتي..

عمار بتذمر:ليه بس..ما الليل لسه طويل..

لين :متبقاش طماع بقي..بكرة هنقضيه

انا وانت..سلام الوقتي..وتتركه وترحل..

نور بضيق:انا مش عارفة انتي ناويه علي ايه يالين..

لين بإبتسامه ماكرة:اصبري..انا هخليه يتوب علي ايدي..

نور وهي تهز كتفيها:طيب..يلا بقي

علشان ناكل ونتفسح شويه ولا ايه..

لين بضحكة:طبعا..يلا بينا..وينطلقا لتناول الطعام وشراء بعض الاشياء..

>>>>>>>>>>>>>>>>>>>>>>>>>>>

كوثر بغل: مراتك في شرم دايرة علي حل شعرها..

هشام بدهشه: ايه شرم.. انتي بتقولي ايه..وعرفتي ازاي..

كوثر: سمعتها وهي بتتفق هي واختها انهم بسافروا شرم..

ويقولوا انهم رايحين ع الفيوم..ونبهت علي اختها انها متقولكش..

وكمان سمعتها بتقول انها هتروح هناك وتقابل رجالة وان شرم

مليانه شباب ويعيشوا..وبرفعة حاجب وتهكم..

شوف انت بقي هيتقال عليك ايه لو حد عرف..

هشام بغضب: انتي متأكدة من اللي بتقوليه ده..

كوثر بثقة: طبعا..ده انا سمعاهم بوداني..

هشام بعصبية: طب اخرجي انتي الوقتي ياكوثر..

كوثر بتساؤل وفضول قاتل: هتعمل ايه الوقتي قولي..

هشام بعصبية وصوت غاضب: قولت امشي الوقتي.. لتخرج كوثر

وينهض هشام بغضب ويتصل بسامي..

هشام: الو ايوة يا سامي..

سامي: ايوة يااتش..

هشام بنبرة هادئة: لين فين ياسامي..

سامي بتعجب: هي مش في الفيوم يااتش..

هشام بصوت عالي غاضب: لأ ياروح امك..

انت نايم علي ودانك..والهانم في شرم..

وبلهجة آمرة.. تشوفلي حاجزة في انهي فندق وتقولي..

سامي بقلق: حاضر ياهشام بس اهدي..

هشام بصوت جهوري غاضب: اسمع اللي قولتلك عليه..

واغلق الهاتف مكملا بغضب.. بقي كدة يالين

بتستغفليني..وبتوعد.. استلقي وعدك بقي...

>>>>>>>>>>>>>>>>>>>>>>>>>>>>>>

في اليوم التاني انتظر عمار لين في

المكان المحدد ولكنها لم تأتي..ليتصل بها..

عمار :ايه ياقمر..انتي فين..اديلي ساعة مستنيكي..

لين بدلع:ايوة ياعمار..متقلقش جايه..اوعي تتحرك..سلام..

عمار:مستنيك ياجميل..

نور:هتعملي ايه يالين..

لين بضحكة ماكرة وهي تستند علي الكرسي

امام الشاطئ وترتشف من العصير:ولا حاجة..

خليه ملطوع لحد ماتجيله ضربه شمس..وبعدين

انا هديله الضربه القاضية..اشربي اشربي.

.وخلينا نستمتع بالجو الحلو..

نور بتوجس:طيب..ربنا يستر..

وبعد اربع ساعات قضاها عمار تحت

اشعة الشمس في انتظار لين اتصلت به..

لين بأسف:الو..ايوة ياعمار..

عمار بضيق:ايه يالين..كده برضو..اربع

ساعات ملطوع لحد ماجتلي ضربه شمس..

لين بدلع:سوري ..بس فيه ظروف حصلت..انا هعوضهالك..

بص تعالي عندي الجناح رقم(..) الساعة 12 بالليل..

عمار بضحكة:ايه..جناحك..ومرة واحدة..طب واختك..

لين بخبث:لا متقلقش..ده جناح خاص ليا..

بس متتأخرش..الساعة 12 بالدقيقة..يلا سلام..اشوفك..

عمار بلهفة:12 بالثانيه هكون عندك..

  >>>>>>>>>>>>>>>>>>>>>>>>>>>>>>

اخبر سامي هشام عن مكان لين ليحجز الاخير

بسرعة الي هناك اول طائرة الي شرم..

كوثر بترقب: ايوة بقي هنشوف ايه اللي هيحصل..

هشام هيوريها الويل ده كان متعصب ع الاخر..

ياهيطلقها ياهيقتلها وانا في الحالتين كسبانه..

(وانا بقي ياهقتلك ياهقتلك..مفيش حل تالت..

يخربيتك اعوذ بالله منك..انا مش طيقاكي..مش عارفة

ايه اللي حدفك ع الروايه..اصبري عليا..نهايتك سوووووودة)

>>>>>>>>>>>>>>>>>>>>>>>>>>>>>>>>

في تمام الساعة الثانيه عشر بعد منتصف الليل

دق عمار باب الجناح وفتح الباب ودلف

ليجد المكان معتم ولكن صوت انثوي ناعم..

عمار بفرحة:ايوة بقي هتتعوض ضربه الشمس..

الفتاة بدلع:يلا تعالي بقي..

لينطلق نحوها عمار لتبدأ بالصراخ..وبعد

دقيقة يجد عمار امن الفندق يمسكون به..

عمار بدهشه:ايه..فيه ايه..وللفتاة..انتي مين..

المدير بغضب:فيه انك هتروح في داهية..

انت فاكر نفسك فين..بتتهجم علي نزيله عندنا..

عمار بعدم فهم:نزيله ايه..انا جاي بناء

علي كلامها..بس.. بس مش ديه..

الفتاه ببكاء:اهئ اهئ..انا عمري ما شفته..

انا لقيت الباب بيخبط افتكرته الروم سيرفس.

.وبمجرد مافتحت اتهجم عليا..

المدير بإنزعاج:عارفين يافندم..

النزلاء اللي جمبكم اتصلوا وقالوا..

فلاش باك..

اتصلت لين علي امن الفندق..

لين بقلق:الو..ايوة..انا النزيله في جناح رقم(...)..

من فضلك انا سامعة صوت واحدة بتصرخ..

الاستقبال بسرعة:ايه..طب ممكن الرقم بتاع الجناح يافندم..

لين بإبتسامة ماكرة:اوي..رقمه(..)..بس من فضلك بسرعة..

لينطلق الامن سريعا الي الجناح ويمسكوا بعمار..

باك..

المدير بغضب:اتفضلوا معانا..انا هوديك في داهية..

ليأخذوهم الي القسم ويفتح محضر

وتأتي لين كشاهدة..ويحبس عمار..وقبل رحيلها..

لين بمكر:ايه ياعمار..عجبتك المفاجأة..

عمار بصدمة:ليه..عملتي كده ليه..

لين بإبتسامه:ابدا..علشان تتأدب..

وتبطل سرمحة..وتتوب..يلا حبسة الهنا..

ليصرخ عمار:لاااا..ديه هي اللي ملفقالي التهمة..

الضابط بحدة:اخرس يالا..انت متعرفش ديه مين..

تلفقلك انت تهمة ليه..يلا ياعسكري..خده ع الحجز..

عند لين..

الفتاه بضحكة:اي خدمة يامدام..

لين بإبتسامة وهي تعطيها بعض النقود:

ميرسي..اديتي دورك كويس..سلام..

اتفقت لين مع تلك الفتاه ان تحجز لها جناحا

ويأتي عمار لها وتدخله وبعد مده تصرخ

وتتدعي انه يتهجم عليها ويحبس عمار..

لين بضحكة: ههههه..معلش ياعمار..انت

اللي تستاهل اللي جرالك..علشان تتعدل..

نور بعتاب:حرام عليكي يا شيخة الواد مستقبله ضاع..

لين:اسكتي..ده علشان بس يتعلم الادب ويفكر ميه

مرة قبل مايعاكس..يلا سيبك منه وخلينا نكمل فسحتنا..

>>>>>>>>>>>>>>>>>>>>>>>>>>>>>>>>>

في اليوم التالي..في فيلا المغربي..

كاظم بتساؤل:امال هشام راح فين..

كوثر بفرحة تداريها وحقد:راح عند لين..

كاظم بتعجب:ايه..سافرالفيوم..ليه..

كوثر وهي تهز رأسها:لا..ماهي مطلعتش مسافرة

الفيوم..طلعت في شرم..وهشام راحلها علي هناك..

كاظم بقلق:ايه..طب ولين تكدب ليه..ومين قال لهشام..

كوثر بتعوج:معرفش مين قاله..وبعدين

تلاقيها بتتسرمح هناك هي واختها..

كاظم بحدة صارمة:اخرسي ياكوثر..اوعي تجيبي

سيرة لين..انتي هتنسي نفسك ولا ايه..اخفي من وشي..

كوثر بغل وتذمر وهي ترحل:الله..هو اللي يقول الحق في

البيت ده يبقي كخة..مسيرهم هيرجعوا وتعرف بنفسك..

كاظم بقلق وتوتر:ربنا يستر..بس ليه خبيتي

يالين..كويس ان نور معاهم تهدي الامور شويه..

>>>>>>>>>>>>>>>>>>>>>>>>>>>>>>>>>>

كانت نور ولين يستمتعون بوقتهم.. وبعد ان لقنت لين عمار درسا..

في المساء كانت نور في الجناح نائمة ولين في الاسفل تتمشي

ووجدت نفسها تدخل الي المياه حتي وصلت الي ركبتيها وقفت

في المياه تتأملها بهدوء واثناء ذلك تفاجئت بمن يطوق خصرها بقوة لتلتفت اليه..

لين بعيون غاضبه فتجحظ عيناها من المفاجأة

: هش...هشام..انت بتعمل ايه هنا..

هشام بعيون غاضبه: جيت اشوف

مراتي فين و بتعمل ايه

لتحاول لين ابعاده عنها وبضيق: ابعد..

وبعدين انت عرفت مكاني منين..

هشام بتهكم: ايه فكراني مختوم علي قفايا

مش كدة.. وبتوعد..ده انا هوريكي سواد السواد..

>>>>>>>>>>>>>>>>>>>>>>>>>>>>>

الزهرة المفترسة › 

البارت التاسع عشر

كانت نور ولين يستمتعون بوقتهم.. وبعد ان لقنت لين عمار

درسا.. في المساء كانت نور في الجناح نائمة ولين في الاسفل

تتمشي ووجدت نفسها تدخل الي المياه حتي وصلت الي

ركبتيها وقفت في المياه تتأملها بهدوء

واثناء ذلك تفاجئت بمن يطوق خصرها بقوة لتلتفت اليه..

لين بعيون غاضبه فتجحظ عيناها من

المفاجأة : هش...هشام..انت بتعمل ايه هنا..

هشام بعيون غاضبه: جيت اشوف مراتي فين و بتعمل ايه

لتحاول لين ابعاده عنها وبضيق: ابعد..

وبعدين انت عرفت مكاني منين..

هشام بتهكم: ايه فكراني مختوم علي قفايا

مش كدة..وبتوعد..ده انا هوريكي سواد السواد..

.. لين بحدة: فيه ايه مالك.. داخل سخن اوي كدة..

وبسخريه..اهدي بدل مايجيلك الضغط ولا حاجة..

هشام وهو يجذ علي اسنانه: انا

هوريكي يالين...انجري قدامي..

لين بحنق: اوعي كدة انت بتعمل ايه انا جايه

ابعد عن خلقتك وانت جاي ورايا..جاتك الهم..

ليجدوا صوت متحدثا: مالك ياقمر الاخ ده مضايقك وسع كده سيبها..

هشام بإقتضاب وترقب: ومين الاخ الشهم اللي جاي ينقذها..

الشاب: انا اللي وصلت قبلك وحاطط عيني ع المزة.. وابعد عنها..

هشام بعيون كالجمر: حاطط عينك ع المزة..وانا بقي

جوزها وهقتلك الوقتي.. لينقض عليه هشام ويبرحه ضربا..

وتحاول لين ابعاده: بس ياهشام

هتموته..يخربيتك هنروح في داهيه..

ليدفعها بقوة ويكمل علي الشاب التي خارت قواه..

لين بتوتر: هتقتله الناس هتتلم علينا..

هشام بغضب وهو يمسك ياقته وبنبرة تحذيريه وتوعد: عارف

يابن ال... لو شفت وشك تاني انا هفرمك مش هخلي

طبيب يعرف يخيط فيك غرزة ولا يلحم فيك عضمة..هصفيك..

ويمسك لين ويجرها خلفه الي جناحه..ويدفعها الي الداخل

بعنف ويصفع الباب ويشعل موسيقي عالية مكملا بغضب:

يعني الكلام اللي اتقال كان صح.. بتستغفليني وجاية

تدوري علي حل شعرك مش كدة.. ويصفعها بقوة..

لين بغضب: انت بتضربني يابن ال.... قطع لسان

اللي يقول عليا كلمة.. انا هوريك ياهشام..

هشام وهو يجذبها من شعرها بعنف: هتوريني

ده انا اللي هوريكي.. فكراني مش راجل ياختي..

مش مالي عينك اتاريكي كل ماقرب منك تعملي كدة..

لين بتألم وحدة: ااااي سيبني.. ايوة مش طيقاك..

مش بحبك.. انت زباله وطول عمرك هتفضل كدة..

جاي تتشطر عليا وتعمل عليا راجل وانت عايش مع

النسوان الزباله اللي زيك.. وعايزني ابقي تحت رجليك..

لو فاكر ان ديه رجوله بنظرك لأ..انت في نظري

مش راجل انت زباله.. وزي مانتا بتعمل انا هعمل زيك..

هشام وعيناه تقدحان شررا وغضبا

وبنبرة مخيفة: ايه قولتي ايه..

لين وقد خافت من منظره وايقنت انها قد تمادت

لتكمل بخوف وتعلثم: انا..انا مكنش قصدي انا كنت..

>>>>>>>>>>>>>>>>>>>>>>>>>>>>>>>>>>>

اتصل سامي بكاظم

سامي:ايوة ياكاظم باشا..

كاظم بضيق: خير ياسامي.. ايه اللي حصل المرادي..

سامي بتعجب: ايه ياباشا مالك..مضايق اني كلمتك..

كاظم بسخريه:اصلك مش بتتصل بيا غير في المصايب..

سامي بتوتر:ابدا بس..انا كنت متصل بيك

علشان اقولك ان هشام سافر للين علي شرم..

كاظم بضيق:عرفت.. وانت لسه

جاي تقولي الوقتي ياسامي..

سامي وهو يمط شفتيه : ماشي.. هشام وصل ..وبصراحة

رجالتي شافوه وهو بيضرب واحد هناك..انا قلقان ليتهور ياباشا..

كاظم بتوتر:ايه..وبضيق..انا عارف تليفوناتك

بتاعة الليل فقر زي وش اهلك..غور الوقتي يا سامي..

ويغلق الهاتف في وجهه..وبقلق.. ربنا يستر

هتصل بلين واشوف ايه اللي بيحصل..

سامي بتذمر:الله..وانا مالي..عيلة غربيه

انا مش عارف ايه اللي شغلني معاهم..

وبقلق بس ربنا يستر علي لين من هشام..انا عارفه..

>>>>>>>>>>>>>>>>>>>>>>>>>>>>>>>>>>>

هشام وعيناه تقدحان شررا وغضبا

وبنبرة مخيفة: ايه قولتي ايه..

لين وقد خافت من منظره وايقنت انها قد تمادت

لتكمل بخوف وتعلثم: انا..انا مكنش قصدي انا كنت..

هشام بهدوء مخيف وهيئة مرعبه: انا مش راجل

يالين..وعايزة تعملي زيي.. شكلك نسيتي انا مين..

لين بخوف وهي تتراجع للخلف: انا مكنش

قصدي ياهشام والله...انا... انا لساني فلت..

هشام بعيون مشتعلة وهو يقترب منها ويجذب ذراعها بعنف

بعد ان امسك بحزامه :انا بقي هعلمك ازاي لسانك مايفلتش معايا..

لينهال عليها بالضرب المبرح وسط صراخها..

لين بتألم شديد وصراخ: ااااي..خلاص ياهشام

كفايه..عاااااااي.. انا اسفة.. والله ماكنت اقصد..

هشام صارخا بجنون : انا هوريكي يالين..انتي بتاعتي انا وبس..

سامعة..محدش يقدر يلمسك غيري.. وينزع قميصه بغضب..

لين بخوف وبكاء:اهئ..اهئ انت هتعمل ايه..

هشام بنبرة مخيفة وشرسه: هوريكي

انا راجل ازاي..وهنفذ اللي عاوزه كاظم..

>>>>>>>>>>>>>>>>>>>>>>>>>>>

ليتصل كاظم علي هشام ولكنه لا يرد..

فيتصل علي هاتف لين..وترد نور..

كاظم بقلق:ايوة يالين.. انتي فين..

نور:ايوة ياجدي..انا نور مش لين..فيه حاجة..

كاظم :نور..امال لين فين..وبتردي انتي ليه..

نور بإستغراب:لين نزلت تحت شويه ونسيت تليفونها..

كاظم بقلق:طيب يانور..اول ماترجع خليها تكلمني..

نور بتوجس:فيه حاجة ياجدي..انت كويس..

كاظم:هه..لا مفيش يانور..بس كنت عايزها في شغل..

سلام الوقتي..بس اول ما تيجي خليها تكلمني..

نور وهي تمط شفتيها:حاضر ياجدي..سلام..

ولنفسها ماله ده..بس هي لين اتأخرت كده

ليه..شكلها نسيت نفسها قدام البحر..

>>>>>>>>>>>>>>>>>>>>>>>>>>>

في الصباح تدلف لين الي جناحها هي ونور..

نور بقلق: كنتي فين يالين..

لين بتثاقل: مكنتش..

نور بتوجس: امال مرجعتيش من امبارح ليه..وسايبه

تليفونك هنا..خوفتيني عليكي.. قوليلي كنتي فين..

لين وهي تجذ علي اسنانها وبألم وكره: كنت مع هشام..

نور بدهشه: هو هشام هنا.. جه امته ومين قاله اننا في شرم..

لين بضيق: معرفش هو جه..انا داخله الحمام..

نور بقلق: مالك يالين انتي كويسه وتمسك ذراعها..

لتصرخ لين من الالم مكمله بعصبيه:

اااي..حاسبي يانور..دراعي..

نور بعيون قلقة: مالك..وماله دراعك وريني..

لين وهي تبعد يدها و بصوت خافت: مفيش

انا داخله الحمام..وانزلي انتي تحت..

نور بتوجس: ليه..انا مش هسيبك لوحدك..

لين بعصبيه: قولتلك انزلي عايزة ابقي لوحدي..

وتدلف الي الحمام.. وتنزع الشال لتري الكدمات

وتبكي متألمه وتلقي بجسدها في المياه

لعلها تخفف من المها..وتتذكر ليله امس..

وتخرج من الحمام وتتسطح علي الفراش..

لين ببكاء وتوعد: جبت اخري معاك ياهشام..

بس كل مافكر اخلص منك تطلعلي

نور وموضوع جديد.. اخلص منها وافوقلك..

لتغمض عيناها بألم وتحاول النوم..

>>>>>>>>>>>>>>>>>>>>>>>>>>

عند مازن ذهب اليه شوقي..

شوقي:الله امال نور فين..

مازن بحدة:وانت مالك بتسأل عليها ليه..

شوقي:مش القصد يادكتور..بس اصلها مش موجودة..

مازن بضيق:مش مشكلتك..سافرت

مع اختها..عايز ايه ياشوقي اخلص..

شوقي:مفيش..انا كنت جاي بس اقولك علي صافي..

مازن بضيق:مالها التانيه..

شوقي بجديه:دكتور..صافي مهمة وبتسهلنا شغلنا..

فإديها وش شويه..بلاش تخليها تقلب..

وخصوصا الشحنة اللي جايه كبيرة..وهنحتاجها..

مازن بجدية:بص ياشوقي..مش مشكلتي..

صافي عارفة اني مش عايزها..وانا قولتلها كدة..

وبعدين الشغل مفيهوش خواطر والكل عارف كدة..

شوقي بتعوج وعدم رضا:طيب يادك..براحتك..انا قلت بس انبهك..

مازن وهو ينظر الي الاوراق امامه:بالسلامة ياشوقي..

شوقي بإمتعاض:طيب يادك..سلام..

>>>>>>>>>>>>>>>>>>>>>>>>>>>>

بعد فترة عادت نور الي الجناح

ووجدت لين نائمة..لتحاول ايقاظها..

نور بصوت هادئ: لين..اصحي يلا..

لين بإنزعاج وتعب: عايزة ايه يانور سبيني انام..

نور: لأ يلا خلينا ناكل...

لين بإقتضاب: لأ..مليش نفس كلي انتي..وسيبيني..

نور بقلق: ايه اللي حصل يالين..هشام عملك ايه..

من ساعة مارجعتي وانتي مش علي بعضك..

لين بغل: مفيش..انتي بس عارفة بيحب يرخم عليا ازاي..

نور: طب ايه اللي خلاكي تفضلي

لغايه الصبح معاه..مرجعتيش ليه..

لين بعصبية: بطلي اسئله بقي..انا مش فايقة..

نور: حاضر متتعصبيش كدة...انا بس...

ليقطع حديثهم طرق الباب لتفتح نور وتجده هشام..

نور: هشام فيه ايه..

هشام بإقتضاب: مفيش يانور..

نور بعدم تصديق: ازاي انت وشك مقلوب ولين كمان مضايقة..

هشام بصرامه: مفيش..ويلا لموا حاجتكم علشان هنرجع..

لين بتوتر: ليه.. احنا لس...

هشام بصوت جامد: كفايه عليكوا يومين هنا..فيه شغل

عندنا..ولنور ادخلي هاتي مفاتيح العربية يانور من جوا..

نور: حاضر..

هشام وهو يمسك بذراع لين وبتوعد:

نرجع البيت وهعرفك مقامك يالين..

اوعي تفكري اللي حصل امبارح ده حاجة..

لين بتأوه: اااه..سيب دراعي..

هشام بنبرة آمرة متوعدة: تتنيلي تلمي حاجتك وتحصليني

ع العربية يااما قسما بالله اجرجرك قدام نور وابيتك في الانعاش..

لين بتوجس:ح.. حاضر.. هعمل اللي انت عايزه..

نور: المفاتيح اهي يااتش..

هشام وهو يأخذها من نور: هستناكم نص ساعة

متتأخروش..ويرمق لين بنظره مخيفة تجعلها ترتعد خوفا ويرحل..

نور بتساؤل: مالك يالين بتترعشي كدة ليه..

لين وهي تتابع هشام : مفيش يلا

خلينا نخلص علشان نلحق نمشي..

نور: حاضر يلا بينا..

ليحزموا امتعتهم ويرحلوا سريعا..وفي السيارة كانت

نور تمزح مع هشام وهو يمازحها ولين

جالسه بجواره لا تشاركهم الحديث مغمضه العين..

نور بضحكة: ايه يالين هتفضلي نايمة طول الطريق..

لين بإقتضاب: معلش يانور سبيني..

نور: طيب.. ولهشام ايه يااتش مش هتأكلني انا جعانه..

هشام بتهكم ساخر: امال اللي اكلتيه ده كله ايه..

نور بضحكة: ديه تسالي يااتش..تصبيرة

يلا بقي..وبعدين لين مأكلتش حاجة من امبارح..

هشام وهو ينظر لها بطرف عينه مكملا

بتهكم: لا متقلقيش اكلت كتير امبارح وهي معايا..

لتنظر له لين بغل وكره ولا تعقب..

نور بضحكة: طب هي اكلت وانا جعانه اوعي تكون بخيل يااتش..

هشام بتهكم ساخر: متقلقيش ده انا كريييييم اوووي..

وبالذات مع اختك.. نص ساعة وهنوصل استراحة

وناكل فيها.. ليصلا هناك..ويهبطا من السيارة..

نور بتعجب: ايه يالينو مش هتنزلي تاكلي..

لين بنبرة جامدة: مش جعانه هستناكي في العربية..

هشام لنور بحزم: ادخلي انتي وانا

هجيبها واقفل العربية وجاي وراكي..

نور وهي تنظر الي لين مكمله: طيب..هستناكم جوا..

ليفتح هشام باب لين ويجذبها بعنف

لتتألم الاخيرة ويكمل بغضب وصرامه: انزلي..

وبسخريه الحقي كلي حاجة قبل مااكمل

عليكي..هتحتاجي لصحتك كتير بعد كده..

ويغلق السيارة ويسحبها خلفه.. يتناولوا

الطعام..ولم تأكل لين معهم.. وينطلقوا

مرة اخري..بعد ان دخلوا الي القاهرة..

هشام :نور علي فين..هتروحي

شقتك..ولا هترجعي معانا الفيلا..

نور: لأ هروح الشقة..

هشام: طيب..ويوصلها وهناك..

تدلف من السيارة ويعطي هشام

الحقيبه للبواب.. لتدلف لين الاخري..

هشام: رايحة فين..

لين: هروح مع نور..

هشام وهو يجذ علي اسنانه: سلمي

علي اختك وارجعي العربيه.. ولنور..يلا يانور

نسيبك الوقتي ونشوفك بعدين..يلا يالين علشان نرجع البيت..

لتحتضن نور لين التي تتألم من الكدمات

في جسدها وتكمل: اشوفك علي خير يانور..

نور بقلق: لين انتي كويسه..

لين بإبتسامه متصنعة: ايوة ياقلبي..

متقلقيش..يلا اطلعي فوق وابقي كلميني..

نور وهي تنظر اليها بقلق: اوك..ولهشام خد بالك منها يااتش...

هشام بتهكم: ديه في عينيا..يلا سلام..

لتصعد نور..وتدلف لين الي السيارة وينطلق هشام

الي فيلا المغربي وسط توعداته للين..

ويصلوا ويحمل البواب الحقائب ويدلفوا الي الفيلا..

كوثر بلهفة وفضول قاتل: ايه ده انتو رجعتوا..عملت

ايه ياهشام..وبرفعة حاجب متهكمه لقيتها في شرم زي ماقلتلك..

لين بغضب: يابنت ال.... انتي اللي قولتيله..يعني عادة

اهلك السودة في التصنيت مبطلتيهاش.. ده انا هنفخك..

هشام بحزم: علي اوضتك يالين وفورا..وبحدة

وصوت عالي..يلا.. ولكوثر خلصنا شاكرين افضالك..

كوثر: انا كان غرضي اوعيك يااتش روحت لقيتها

بتتسرمح مش كدة..ديه متستهلكش..اخلص منها وطلقها..

هشام بضيق: ربنا يسهل ياكوثر انا طالع ..ويتركها ويذهب لغرفته..

كوثر بشماته :شكلهم ميبشرش بخير لين شكل هشام روقها..

ولسه هنشوف هيعمل ايه..انا وراهم لحد مايخلص عليها..

دلف هشام الي غرفة لين انكمشت في نفسها

خوفا من هيئته وبنبرة غاضبة متوعدة: رايح مشوار

وراجعلك.. وهعدلك يالين واضبط فيوزات نفوخك الضارب..

>>>>>>>>>>>>>>>>>>>>>>>>>>>>

الزهرة المفترسة › 

البارت العشرون

دلف هشام الي غرفة لين التي انكمشت في نفسها

خوفا من هيئته وبنبرة غاضبة متوعدة: رايح مشوار

وراجعلك.. وهعدلك يالين واضبط فيوزات نفوخك الضارب..

>>>>>>>>>>>>>>>>>>>>>>>>>>

عند سامي لكمه هشام واكمل..

هشام بغضب:شكلك كده مبقتش قد الشغل

ياسامي..لين دايرة وانت نايم علي ودانك..

سامي بإنزعاج وهو يمسك بفكه:ايه اللي حصل لده كله ياهشام..

هشام بعصبية:وحياه امك ياسامي..اول حاجة

متعرفش انها في شرم..واروح الاقيها بتتسرمح مع ده وده..

سامي بإعتراض وعدم رضا:ايه الكلام اللي انت بتقوله ده..

لين مش كده ياهشام..وانت اكتر واحد عارف بده..

هشام بعصبيه:امال ايه..ايه اللي يوديها هناك..

وتقولي انها هتعمل زيي..عايزة تخليني قرني..

سامي مدافعا وبحدة:لا بقي..اسكت شويه..لين مش كده..

انت عارف لسانها ودماغها الضاربه بتقول اي كلام..

ده حتي الواد اللي عاكسها قبل انت ماتوصل روقته

وودته في داهية..انت عارف ان لين بتكره صنف الرجالة..

ويكمل وهو ينظر اليه بإمتعاض شديد..ده طبعا بسببك..

هشام وهو يضيق عينيه:قصدك ايه..عملت ايه..

وبغضب..ومين ابن ال... اللي بتتكلم عنه..

سامي: انا اول ماعرفت انها في شرم بعتت

الرجاله يتابعوها و...قص سامي علي هشام موضوع عمار..

واكمل..بضيق..شفت بقي..وبقلق...انت عملت فيها ايه..

هشام بضيق:مفيش..انا ماشي..

وبلهجة أمرة..فتح عينك كويس ياسامي احسنلك..

>>>>>>>>>>>>>>>>>>>>>>>>>>>>>>

اتصلت نور بمازن..

نور:الو ايوة يادكتور..

مازن بلهفة فرحا:ايوة يانور..ازيك..وحشتيني..

احم..اقصد يعني الشغل من غيرك مش متظبط..

نور بإبتسامه:شكرا يامازن..علي العموم انا رجعت..

مازن بفرحة:بجد..طب هتيجي امته..

نور بضحكة:بكرة ان شاء الله..متقلقش..انا عارفة اني طولت..

مازن بصوت عذب:ولا يهمك يانور...المهم تكوني انبسطي..

نور بإبتسامه:ايوة..اشوفك بكرة يامازن سلام..

ولنفسها اااااه..مش قادرة اقول وحشتني قد ايه..

مازن لنفسه بعشق:اخيرا هشوفك بكرة..

>>>>>>>>>>>>>>>>>>>>>>>>>>>>>>>>

في الفيلا..

كاظم بقلق:هشام..انت رجعت..مالها لين..عملت فيها ايه..

هشام بضيق:مفيش ياجدي..روحت ورجعتها..

كاظم بغضب:انت مديت ايدك عليها تاني ياهشام..

انت ايه يااخي..حرام عليك بقي..شكلي غلطت لما رجعتك..

عارف ياهشام لو لين جرالها حاجة تاني..انا مش هرحمك..

هشام بغضب:ايه ياجدي..مراتي وانا حر معاها..

كوثر بتعوج وتشفي:ايه ياكاظم ..ماتسيبه يربي مراته..

كاظم بصرامه:كوثر..تغوري من وشي يااما قسما عظما.. هكسر عضمك..

كوثر بحدة:الله..وانا عملت ايه..هو انا اللي سافرت وكدبت..

كاظم بغضب:سمعتي قولت ايه..ولا اطلقك الوقتي..غوري..

كوثر وهي ترحل الي غرفتها وبكره:مش عارفة

لين ديه بيحبها علي ايه..ديه لو بنته من صلبه

ماهيعمل معاها كدة..ربنا ياخدك يابعيدة وارتاح..

كاظم بعصبيه:هشام اخر تحذير ليك..

مد ايدك علي لين تاني وانا هوريك وشي

التاني..وانت عارفه كويس.. ويتركه ويرحل..

يصعد هشام لغرفة لين ويجدها نائمة ليجلس

بجوارها ويزفر في ضيق..ليمرر اصابعه علي وجنتها..

ثم يدثرها ويري الكدمات التي علي ذراعها ليلمسها

لتتألم لين وتفتح عيناها بنوم وتغلقها ثانيه لينظر لها ويتحدث..

هشام بضيق: ضربتك جامد مش كده..انتي اللي لسانك

فالت..معلش يالينو..ويقبل جبينها ويخرج..وينطلق الي النادي..

>>>>>>>>>>>>>>>>>>>>>>>>>>>>>

اتصل عامر بنور..

عامر:ايوة يانور..عامله ايه..

نور:الحمد الله يابابا..

عامر:انتي مش خلصتي شغلك..ايه

اللي مقعدك لدلوقتي يانور..مرجعتيش ليه..

نور بضيق:مفيش يابابا..بس سيادة اللوا قالي

مسبش الشغل مرة واحدة..علشان محدش يشك..

عامر بضيق:طيب يانور..بقولك ايه..قولي لاختك تلم نفسها وترجع لجوزها..

نور بضيق:مالها بس يابابا..ماهي كويسه..هو حد اشتكي..

عامر بعصبية:نور..قولي لاختك تبطل عفرتتها..سلام..

نور بضيق:سلام..ولنفسها مش عارفة هو بيعامل لين كده ليه..يلا..

>>>>>>>>>>>>>>>>>>>>>>>>>>>>

في النادي..بعد المباراة..

سامي بضيق:انت ضربت لين ياهشام مش كده..

هشام بضيق:بقولك ايه..حل عني..

سامي بحدة:لحد امته هتفضل كدة..تضرب لين..وتجري

علي هنا..وتخسر المباراه وتسيبه يضربك..علشان غباءك..

هشام بحنق:يعني اعمل ايه..ماهي

اللي بتستفزني..وتخرجني عن شعوري..

سامي وهو يجذ علي اسنانه من الضيق:عارف انا لولا

حرام كنت ضربتك رصاصة وخلصت..حب ايه المريض بتاعك ده..

هشام بحزن:لو بس متعملش معايا اللي بتعمله..انا..

سامي وهو يشيح بوجهه بعيدا بضيق:روح ياهشام روح..روح للين ..

لينظر له هشام بضيق ويرحل الي الفيلا..

ويدلف الي غرفه لين ويتسطح بجوارها ويحتضنها..

>>>>>>>>>>>>>>>>>>>>>>>>>>>>>

بعد فترة اتصلت لين بمازن..

لين:الو ايوه يامازن..

مازن بإستغراب:اهلا لين..فيه حاجة..

لين بجديه:الموضوع اللي كنت

كلمتني فيه يامازن قبل كده..انا موافقة..

مازن بتركيز:موضوع..موضوع ايه يالين..

لين بضحكة ساخرة:ايه يامازن..امال دكتور

وبتفهمها وهي طايره ازاي..موضوع نور يا مازن..

مازن بدهشة وعدم تصديق:قصدك

انك موافقه علي جوازي انا ونور..بجد..

لين:ومن امته بهزر يامازن..ايوة غيرت رأيي..

تعالي بعد يومين عندي الشركة ونتكلم..

مازن بفرحة:بجد..طب ماجي الوقتي يالين..

لين بضحكة:ده انت مدلوق اوي يا دكتور..لا بعد يومين..سلام..

مازن بفرحة وسعادة بالغة:سلام..ولنفسه..

ياهوووو..اخيرا..ايوة بقي انا ونور هنتجوز..اخيرا

الانسانه اللي حبيتها هتبقي معايا..مفيش احلي من كده..

>>>>>>>>>>>>>>>>>>>>>>>>

اتصلت لين بعامر..

لين بإقتضاب:ايوة ياعامر باشا..

عامر بدهشه:لين..خير..مش بعوايدك تكلميني..

لين بتعوج:ومش عايزة..بقولك ايه..انا متصله

اقولك ان نور متقدملها عريس..وهي موافقة..

عامر بحده غاضبه:يعني ايه..وانا مليش اي لزمه..ايه التخريف ده..

لين بسخريه:بالراحة علي نفسك ياباشا..

من امته بيهمك حيانتا..ع العموم ده الدكتور اللي

نور كانت بتعمل عليه تحريات..وطلع برئ..وهي عايزاه..

عامر بغضب:كمان..يعني سوابق..مش ممكن..

لين بحدة:سوابق ايه..الراجل نضيف وكمان بيتعامل معايا في شغله..

عامر:مش مشكلتي..ده كان مشكوك

فيه..منظري ايه قدام زمايلي لما يعرفوا..

لين بعصبيه:كل اللي يهمك منظرك ومصلحتك..

ميهمكش سعاده بنتك..بقولك ايه نور هتتجوز مازن..

انا بعلمك بس..وانت عايز تيجي تحضر اهلا وسهلا..

غير كده مفيش..وبتحذير..واياك تعمل حاجة تكدر بيها نور..

انا بقولك مش هسمحلك تهدم سعادتها زي ماعملت معايا..ومن غير سلام..

عامر بعصبيه وصوت عالي:كده يالين..

ماشي..بتلوي دراعي..انا هوريكي..

دعاء بخضة:مالك ياعامر ايه اللي حصل..

عامر بغضب:لين هانم متصله بيا تقولي

ان نور..متقدملها عريس وهما موافقين..

دعاء بفرحة:بجد..طب الف مبروك احنا هنروحلهم امته...

لينظر لها عامر شرزا :انتي بتقولي ايه..

انتي اصلا معرفتيش تربي بناتك..واحده سايبة

جوزها ودايره علي حل شعرها..والتانيه هتبقي زيها..

دعاء بإستنكار:انا بناتي متربيين ياعامر..

وان كان علي لين فاللي عملناه فيها ميرضيش

ربنا..مش علشان انا ساكته وراضيه تعمل كده..

عامر بغضب:عملت ايه..ديه عايشة احسن

عيشه..الناس كلها بتحسدها علي اللي هي فيه..

دعاء بتهكم حزين:احسن عيشة..وهشام والمرمطه

والعذاب اللي ورهولها..واخره المتامه تترمي في

مصحة شهور..وبعدين يسيبها ويسافر..وداير علي

حل شعره..حرام عليك بقي..ارحمها شويه..حرمتني

من بنتي من صغرها وخليتها تكرهنا..

وكل ده علشان الفلوس..عايز ايه تاني؟؟..

عامر بعصبيه:ايوة..الفلوس اللي انتي

كنتي عايزاها.. دلوقتي بقت كخه..

دعاء بندم:كنت عميانه وبعت بنتي علشان فلوس..

بس عمري ماحسيت بطعمها وبنتي بعيد عني..

عامر بغضب:اللي حصل حصل..بس مش

هسمح ان نور تتجوز البني ادم ده..

دعاء :طيب ..شوف اذا كنت هتقدر تعمل كده ...لين مش

هتسمحلك وهتنفذ اللي في دماغها..ووريني هتمنعهم ازاي..

عامر بتوعد:هنشوف..

>>>>>>>>>>>>>>>>>>>>>>>>>>

حضر مازن واتفقت معه علي الخطبه علي

ان يفاجئوا نور بها في مكان ما بعد اربعة ايام..

اتصلت لين بنور..

نور:الو..ايوة يالينو..

لين بضحكة:ايوة ياقلبي..انا عايزاكي بكرة..

نور بإستفهام:عايزاني ليه..احنا مش كنا مع بعض من كام يوم..

لين بعتاب:ايه يا نور..مش عايزة تشوفيني..

نور بتبرير:لا والله مش قصدي..حاضر انا جاية..

لين:اوك..عايزاكي الساعة خمسه عندي في الفيلا..

نور بإستسلام:حاضر..هاجي..

هشام :ايه..بتحضري حفله من ورايا..

لين بضيق:هشام انا مش عايزة اتخانق

معاك..انا مبسوطة ومش عايزة اتكدر..

هشام بعصبية:كل اما تشوفيني تقلبي بوزك..

كأني خلاص بقيت سبب تعكير مزاج جنابك..ليه يعني..

شايفة نفسك علي ايه...مالستات علي قفا مين يشيل..

لين بعصبية:ولما هما كده عايز مني ايه..ماتروح وتشيل زي عوايدك..

هشام بغضب:ماشي يالين..هعدي واصبر لبعد

خطوبه نور..لكن بعدها مش هسكت ومتلوميش

غير نفسك بقي..ويتركها ويرحل غاضبا..

لين بضيق:في داهية..وبقلق..

شكله مش مطمني انا لازم الاقي حل..

بعد اللي عمله في شرم وانا لازم احرص منه..

>>>>>>>>>>>>>>>>>>>>>>>>

في اليوم التالي حضرت نور..

لين بضحكة:وصلتي يلا تعالي علشان نجهز بسرعة..

نور بعدم فهم:نجهز لإيه بالظبط...هو فيه ايه..

لين بإبتسامه وهي تحاوط نور بيديها:بصي يااوختشي..

من الاخر كده فيه حفله وانا عايزاكي معايا فيها..

نور بتعجب:حفله ..وانا مالي..

لين :مالك ازاي بس..بصي هشام مضايقني جامد..

وهيحضر الحفلة..وانا عايزاكي معايا علشان

يحل عن سمايا شويه..وانت اللي هتبعده ياجميل..

نور وهي تعقد يديها امام صدرها :وازاي ان شاء الله..انا مش فاهمة..

لين بتعوج:عادي هو بيخف لما تكوني موجوده..فانتي هتكوني في وشه..

نور :اهااااا..هتصدريني ليه..

لين:بالظبط..ويلا بقي علشان نلحق نلبس

ونجهز..خدي الفستان ده يلا بسرعة..

نور بإعجاب شديد:اييييه ده..روعة فيه حاجة بالجمال ده.. كان عبارة عن

(فستان باللون الروز طويل كات مرصع بفصوص الماسيه علي الصدر

ضيق حتي منطقة الخصر يبرز جمال جسد نور ورقتها)ولاننسي حذائه

باللون الابيض المرصع بالفصوص..لتكمل..روعة يالينو اللون اللي كان نفسي فيه..

لين بإبتسامه:اكيد..ويلا بقي علشان نلبس..

نور بترقب:وانتي فين فستانك..

لين:اهو ده..عبارة عن(فستان من اللون الزيتي رقيق

ذو يد واحدة ضيق وطويل وعلي الخصر يزينه حذام

لامع وحذاء باللون الاسود)ايه رايك..

نور بضحكة:فستاني احلي..

لين بضحكة:طيب ياختي..يلا بقي علشان نخلص..

وبعد ان انتهوا يهبطوا الي الاسفل ليجدوا

هشام وقد ارتدي حله سوداء تبرز هيئته ووسامته..

نور وهي تهمس للين بإعجاب:ايه ده..اتش مز اخر

حاجة..لين سلفهوني الليلة..انا موافقه اني ابعده عنك..

>>>>>>>>>>>>>>>>>>>>

تكملة الرواية من هنا