الزهرة المفترسة › البارت الحادي و العشرون حتي البارت الخامس والعشرون بقلم ديدي كامله على مدونة النجم المتوهج للروايات

 الزهرة المفترسة › 
البارت الحادي و العشرون حتي البارت الخامس والعشرون
بقلم ديدي
كامله على مدونة النجم المتوهج للروايات 

وبعد ان انتهوا يهبطوا الي الاسفل ليجدوا

هشام وقد ارتدي حله سوداء تبرز هيئته ووسامته..

نور وهي تهمس للين بإعجاب:ايه ده..اتش مز اخر

حاجة..لين سلفهوني الليلة..انا موافقه اني ابعده عنك..

لين بضحكة:طيب ياختي...امشي وانتي ساكته..

ليصفرهشام بإعجاب:فوفوفو..ايه الجمال ده يانونو..

لااااا..مقدرش انا علي كده..ويمسك بيدها ويقبلها..

سيبك من اختك وخليكي معايا..ده انا معايا الحلاوة كلها..

نور بضحكه:وانت يااتش بصراخة صاروخ..

هشام ضاحكا بقوة:هههههه..ربنا يجبر بخاطرك يانور..

وللين بتعوج شايفة الناس اللي بتفهم..يلا بينا..

لينطلقوا الي الحفل..ويستقبلهم مازن علي باب القاعة..

مازن بإبتسامة :كده يااتش مهمتك خلصت بعد اذنك..

هشام بغمزة:اي خدمة يا دكتور..

نور بعدم فهم:هو فيه ايه..مازن انت بتعمل ايه هنا..

لين وهي تربت علي كتفها

وبإبتسامه:انتي عارفة الحفله ديه ايه..

نور:مش انتي قولتي حفلة معزومة عليها..

لين بضحكة:ايوة..معزومه عليها..بس ديه مش

اي حفلة..ديه حفله خطوبتك علي مازن..

نور وهي تفرغ فاهها وبصدمه:اييييييه..مين..

مازن وهو يسحبها وبضحكة:انتي لسه هتنحي..

ماقالتلك خطوبتنا..انا طلبتك من لين وهي وافقت..

نور بدموع فرحة:بجد يالين...

لين بحزم:اوعي تعيطي..المكياج هيبوظ..طبعا يا قلبي

مش قلتلك هتصرف..ويلا بقي الناس بتتفرج علينا..

لتدلف نور ومازن وتتعالي الموسيقي والمباركات لهما

>>>>>>>>>>>>>>>>>>>>>>>>>>>>>

الزهرة المفترسة › 
البارت الحادي و العشرون حتي البارت الخامس والعشرون

كاظم:مالك ياكوثر مبوزة ليه..

كوثر بضيق وتعوج:مالي..مانا اهو مبسوطه..

كاظم بتهكم:مبسوطة..ده انتي بتهري وتنكتي..اهدي شويه بلاش حقد..

كوثر بغيظ:حقد.. وانا احقد ليه ان شاء الله..هما احسن مني في حاجة..

كاظم بسخريه:لا العفو..بقولك ايه اتفرجي الحفلة..

كوثر لنفسها بغل..عامله لاختها حفلة زي بتوع السيما

واشي لبس ومعازيم واكل..وانا اتجوزت سكيتي وراجل كوهنه..

وهي واختها جارين في ايديهم رجاله زي الورد..عيني علي حظي الهباب..

>>>>>>>>>>>>>>>>>>>>>>>>>>>>>

هشام بضحكة: اللي يشوفك مع نور يقول الطيبة الحنينه..

ايه يابت ده..تخطيط ومفاجأت..وحفله..طب ماتعامليني شويه زي نور..

لين بضحكة: ههههه..بس كدة حاضر هعاملك زي اختي..اقصد اخويا..

هشام بتهكم: اخوكي.. طب مافعلا بالمنظر ده احنا اخوات..

لين بإنزعاج: هشام خف الليلة مش طالبه خناق ع المسا..

انت عارف علشان نور اعمل اي حاجة..وانت اكبر دليل..

هشام بتعوج: اللي يشوفك يقول ضحيتي واتجوزتي

ياعيني راجل مكسح ولا لامؤاخذة.. وانتي متجوزة

راجل ولا كل الرجاله..كل الناس تحسدك عليه..

لين بضحكة تهكمية ساخرة: انت بتشعر في نفسك ياهشام..

اه انت اللي يشوفك من برا يفتكرك كدة..لكن اللي يعرفك زيي ولا بلاش...

هشام بضيق وحدة وهو يجذ علي اسنانه: عارفة لولا

اننا في خطوبه اختك كنت عرفتك مقامك..وزي مانتي

عارفاني كويس انا كمان عارفك يالين.. ميعدلكيش غير لما

اديكي علي دماغك.. وبجديه وبعد الخطوبه

هتشوفي يالين..انا مش متجوزك عياقة ياختي..

لين بضيق وغل: عياقة واللي عملته في شرم

ياهشام..بقولك ايه قفل علي ام السيرة الزفت ديه..

هشام بعصبية خفيفة: لين انا صبري نفد وخلاص جبت

اخري معاكي..واللي حصل في شرم اعتبريه..تحذير ليكي..

لين بغل مكتوم: ماشي ياهشام هنتكلم في الموضوع ده

بعدين.. وبغضب ايه اللي جابه ده.. لينظر هشام ويجده والدها..

هشام بتهكم: مش ابو العروسة..

لين بقلق وتوعد: اللي مش راضي عن

الجوازة بس لو فكر يعمل حاجة ميلومش الا نفسه..

هشام: اهااا... متقلقيش مفيش حاجة هتحصل..

لين وهي تقترب منه: عامر باشا خير..ايه اللي جابك..

عامر بسخريه: ايه مش خطوبه بنتي ولا انا معرفش..

لين بتحذير: لو فكرت تعمل حاجة انا...

عامر بعصبية: متهددنيش يالين..وبعدين خلاص

يعني مش هفرج الناس علينا..انا جاي ابارك..

لين بتوجس: اما نشوف..

ليتجه عامر ودعاء الي نور..

دعاء بإبتسامة: مبروك ياقلبي..

نور بإبتسامة فرحة: الله يبارك فيكي ياماما..

عامر بضيق: مبروك يانور..مبروك

يادكتور ولو ان اللي عملته مش اصول..

مازن بعدم فهم :عملت ايه يافندم..

عامر: انك تروح تطلب نور من اختها مش ابوها..

مازن بحرج: اسف بس..انا..

لتقاطعهم لين وبغضب مكتوم: مازن مكنش

يعرف مكانك.. وبعدين خلاص المهم سعادة نور..

عامر بإنزعاج: ومسألتش ليه..

ليلاحظ هشام لين التي علي وشك الانفجار فيتحدث:

ايه ياعمي جيت ومسلمتش علي كاظم.. يلا تعالي واقعد هناك..

ليذهب عامر علي مضض..

لين بضيق: معلش يامازن..متتضايقش..

مازن بحرج: مش مضايق يالين بس والدك عنده حق..

لين بجديه: خلصنا اللي حصل حصل..وبإبتسامة محذرة..

ايه هتبوز..انا هاخد نور وارجع في كلامي..من اولها

بقولك اوعي تزعل نور..والا انت متعرفش انا اعمل فيك ايه..

هشام بضحكة: خد حذرك يامازن..

لين ممكن تخلص عليك لو زعلت نور..

مازن بضحكة وخوف مصطنع: ايه ده انتو

بتخوفوني ليه..ايه يانور انتي هتسبيني ليها..

نور بضحكة: امال يامازن ده انا مسنودة..

مازن بعتاب: كدة مكنش العشم..وبضحكة..

طب يلا نرقص بقي بدل مااختك تاخدك مني..

نور بإبتسامة: طيب..

لين وهي تميل عليها وبحب: متزعليش نفسك

ومتخافيش ابوكي مش هيقدر يعمل حاجة..

وبتحذير بس اوعي تقولي لمازن علي حاجة فاهمة..

نور بإمتنان: حاضر..ربنا يخليكي ليا يالين..

مازن بضحكة: حديث الاخوات ايه بتقويها عليا يالين من اولها..

نور بضحكة: لا بتوصيني عليك..

مازن: طيب اتفضلي معايا ياحبيبتي.. ويذهبا للرقص..

هشام بجديه:تعالي معايا..

لين بإستغراب:علي فين..

ليسحبها هشام بعيدا..ثم يفك شعرها..

لينسدل شعرها الاسود الطويل علي وجهها وكتفيها..

الزهرة المفترسة › 
البارت الحادي و العشرون حتي البارت الخامس والعشرون

لين بغضب:عملت كده ليه..

هشام :علشان يداري وشك شويه..

وبغيظ..مع ان شعرك مجنني..

لين وهي تضيق عيناها:وده من ايه ان شاء الله..

هشام بضحكة:علشان حلوتك ياابيض..

وبعدين ايه الفستان العريان ده..

لين بتهكم:اديلك ساعتين معايا ولسه ملاحظ..ومن امته ده..

هشام بضيق:علشان مرتكبش جنايه في حد الليله..

والعيون هتاكلك كده..ويضع شعرها علي جانب كتفها العاري..

لين بضحكة:وهو حد يقدر يابن المغربي..

هشام بضحكة واثقة: لا طبعا..ويقبلها..

ثم يكمل.. ممكن ياقمر ترقصي معايا..

لين برفعة حاجب: اشمعنه..

هشام بتهكم ساخر: لامؤاخذة اصل

مش عارف مراتي فين..فقلت ارقص معاكي..

لين: طيب بس حاسب مراتك تشوفك تقتلك..

هشام بسخريه:لا متقلقيش ديه

حتي لو شافتني ولا هيهمها..

لين برفعة حاجب وتهكم: طيب طمنتني..يلا بينا..

عند كاظم..

كاظم: اهلا ياعامر..مالك مبوز ليه..

عامر بضيق: يعني يرضيك ياعمي اللي حاصل..

كاظم بحزم: عامر لم الدور البت خلاص

اتخطبت مش لازم تنكد ع اللي خلفوها..

عامر بحدة: ليه انا مش ابوها ولا

ست لين خلاص بقت الامر الناهي..

كاظم: عامر خلصنا..انت جاي تبارك ولا

تبوظ الليلة..سيب العيال تفرح..والا انت عارف..

عامر بغيظ: مكتوم امرك ياكاظم باشا..

>>>>>>>>>>>>>>>>>>>>>>>>>>

حضر كل من شوقي وصافي الي الحفل..

صافي بغل:مبروك يامازن..وبتعالي.. مبروك يا عروسه..

مازن بضيق:الله يبارك فيكي يا صافي..عبالك..

شوقي بإبتسامة صفراء:مبروك يا دك..مبروك يانور..

مازن:الله يبارك فيك ياشوقي..

نور بإنزعاج:ميرسي يا شوقي..ميرسي يا دكتورة صافي..

صافي بعتاب مصطنع:كده برضو..

متقولناش علي الميعاد غير اخر الوقت ياميزو..

مازن بضيق:معلش..اصلها كانت مفاجأة لنور..

شوقي بنظرات معجبة لنور:الصراحة العروسه تستاهل يا دكتور..

مازن بحده:شوقي..

صافي بغيظ:طيب يا دك..ممكن

كلمة في الشغل..بعد اذنك يا عروسه..

نور بغيظ وهي تنظر الي مازن:اتفضلي..

ليبتعد عنها قليلا..

مازن بعصبية:خير..انتي جايه ليه..

صافي بتهكم:بالراحة يامازن فيه ايه..متسربع اوي ع العروسه..

مازن بتحذير:صافي..عايزة ايه..والا..

شوقي:اهدي يا دك..الناس اتصلوا

وبيقولوا الشحنه هتوصل بكرة..

مازن:ايه..مش ميعادها كان بعد يومين..

صافي:لا بكرة..يعني تجهز الفلوس يا مازن..

مازن وهو يزفر في ضيق:طيب..بكرة الصبح هجهزهم..

وتشاور نور للين..

لين بإبتسامة:مالك يانوري..

نوربإستغراب:ايه اللي فك شعرك كدة..

الزهرة المفترسة › 
البارت الحادي و العشرون حتي البارت الخامس والعشرون

لين بإبتسامه:متشغليش بالك..عايزة ايه..

نور بإنزعاج:الزفته صافي جت هنا..وبتكلم مازن..

لين برفعة حاجب:والله..وهو سايبك..طب استني..

هشام:مالكم..بتحكوا في ايه..وبضحكة..

الله مش ديه صافي اللي واقف معاها مازن..

لين بتهكم ساخر:ايه ده..انت تعرفها..وتنطلق

نحوهم..مكمله..ايه يامازن..سايب عروستك وواقف هنا..

مازن:اصل كان فيه مشكله في الشغل..وصافي بتقولي عليها..

لين:والله..وهي تنظر الي صافي من اعلي رأسها لأخمص قدميها..

انتي بقي صافي..طيب يا مازن روح لنور بدل مارجع في كلامي ..

وبجديه..الشغل في الشركة مش في حفله خطوبه..ليرحل لنور..

مازن:مالك يانور..

نور بضيق:مفيش..

مازن :معلش..مكنش قصدي اسيبك..

بس مشكله في الشغل انتي عارفة..

نور:خلاص يامازن..

مازن بإبتسامه:معلش بقي..وتعالي نرقص..

مازن بحب:انتي عارفة انا مش مصدق نفسي..انا مبسوط..

نور بخجل:وانا كمان..بجد مفاجأة جميله..

مازن بحب:انا اعمل اي حاجة علشانك

يانور..انتي متعرفيش بحبك قد ايه..

نور وقد اشتعلت وجنتاها خجلا:وانا كمان يا مازن بحبك..

مازن بفرحة:بجد..نور انا مش قادر اوصفلك

سعادتي النهاردة..ربنا يكرم اهلك انا بدعي لابوكي وامك..

نور بتعجب:ليه يامازن..

مازن:علشان جابولي احلي حاجة في حياتي..انتي يانور..

>>>>>>>>>>>>>>>>>>>>>>>>>>

هشام بضحكة:مش ممكن دكتورة صافي في الحفلة..

صافي بدلع:ازيك يا اتش..فينك..محدش شايفك يعني..

هشام بضحكة:في الدنيا..وبغمزة..بس انت اتصل ياجميل وانا اجيلك هوا..

صافي بضحكة:هههههه..شربات يااتش..بس مش خايف من مراتك..

لين بسخريه:ويخاف ليه..هو هيعمل معاكي حاجة غلط..

ولا انتي واحدة لامؤاخذة..وبتهكم..قوليلي يمكن اكون

فاهمة غلط وتطلعي واحدة من اياهم..من برا هاله هاله..

ومن جوا يعلم الله..دكتورة محترمة قدام الناس..وبالليل بتقضيها..

صافي بعصبية:قصدك ايه..انا واحدة شمال..ماتشوف مراتك ياهشام..

لين بضحكة باردة:بالراحة علي نفسك يا دكتورة..وبعدين

انتي اللي بتقولي علي نفسك شمال مش انا..

اسيبك واروح للعروسه..ولهشام..هتفضل معاها ولا جاي معايا..

هشام بضحكة:لا طبعا معاكي..سلام ياصافي..

صافي بغل:شفت قالت ايه..انا هوريها..وهشام جري وراها..

شوقي بهيام:ليه حق..ولنفسه اخرس

لو سمعك يقتلك..ولصافي..اهدي يا صافي..

صافي بتوعد:ان ما وريتها مبقاش انا صافي..

شوقي بتحذير:بصي بلاش لين..انتي متعرفيش

اللي بيتقال عنها..وهشام مش هيسيبك لو قربتيلها..

صافي:هنشوف..

>>>>>>>>>>>>>>>>>>>>>>>>

الزهرة المفترسة › 
البارت الحادي و العشرون حتي البارت الخامس والعشرون

هشام بضحكة:بس ايه اللي قولتيه

لصافي ده..غيرة ولا ايه..بصراحة احرجتيها..

لين بسخريه:يا حنين..و بتساؤل..

الا قولي يا هشام تعرف صافي منين..

هشام بترقب:ليه يالينو..

لين بتفكير:ابدا..بس عايزة اعرف..

هشام بتوجس:انا عارف النظرة ديه..

ناويه علي ايه..ومالك ومال صافي..

لين بلا مبالاة: ولا حاجة..بقولك ايه..

انا زهقت يلا نخلص الحفله ديه بقي..

هشام بضحكة:عايزة تهدي الليله..ماشي..

انتهي الحفل وعاد الجميع الي منازلهم

وسط توعد صافي بعدم اتمام زيحة نور ومازن..

>>>>>>>>>>>>>>>>>>>>>>>>>>>>>>

الزهرة المفترسة › 

البارت الثاني والعشرون

في منزل ممدوح..

صفاء:ممدوح انت اتصلت بهشام..علشان فرح اخته..

ممدوح:ايوة..كلمته وكلمت كاظم..

هو هيجي بس كاظم عنده شغل..

صفاء بتعوج:طيب..وبرفعة حاجب..

والغندورة مرات ابنك..جايه..

ممدوح بضيق:كاظم هيبعتها مع هشام..

صفاء بتوعد:هتيجي لقضاها..تستني عليا..

ممدوح بتحذير:صفاء..عايزين نلم الليله..

مش ناقصين كاظم يقلب علينا..

صفاء بمسكنه:وانا هعملها ايه..هو انا قدها..

ولنفسها بتوعد..استني عليا يابت دعاء..ده انا هوريكي..

>>>>>>>>>>>>>>>>>>>>>>>>>>>>

كانت صافي دائمة التواجد عند مازن علي غير العادة ..

وكانت تثير حنق نور بأفعالها..وتفتعل المشكلات

بين مازن ونور..واتصلت نور بلين واخبرتها بما حدث..

لين بإبتسامة:ولا يهمك ياقلبي..متزعليش..

خليكي انتي مع مازن..وانا هتصرف..

نور بضيق:هتعملي ايه يعني..ديه رخمة..

لين بهدوء:ملكيش دعوة..وبعدين قوليلي..

انتي قدمتي استقالتك من الشرطة ولا لسه..

نور بإقتضاب:قدمتها من يومين يالين..بس عايزة اقول لمازن..

لين بحزم:قولتلك لأ..الموضوع

خلص..ملهاش لزمه..يلا اسيبك انا سلام..

نور بتنهيدة: سلام..وبغيظ..ااااخ منك ياصافي..نفسي اموتك..

>>>>>>>>>>>>>>>>>>>>>>>>>>>>>

كاظم:لين..انا عايزك تسافري المزرعة مع هشام..

لين بتعجب:وده ليه ان شاء الله..من امته..

كاظم بجدية:اسمعي الكلام يالين..فرح اخت

هشام بعد كام يوم..وفي المزرعة مش عايز

حد يحس بحاجة..يعني قدام الناس خليكم كويسين..

لين بضيق:بس انا مش عايزة ياجدي..

وبعدين انا مشغوله مع نور علشان فرحها..

كاظم بحدة:انا قولتها كلمة يالين..وهدي اللعب شويه ..

لين بتذمر:ياجدي انت عارف لسان

صفاء كويس..وانا مش هسكت..

كاظم:عارف..متقلقيش..انا هخليهم ملهمش دعوة بيكي..

لين بضيق:طيب..علشانك انت بس..

وبتحذير..لكن لو قالتلي كلمة انا مش هسكت..

كاظم:ماشي يالين..

>>>>>>>>>>>>>>>>>>>>>>>>>

في شقة صافي تدلف اليها لتجد

لين جالسه علي الاريكة في الصالة..

صافي بخضة:انتي..انتي دخلتي هنا ازاي..

لين بهدوء:بالمفتاح..

صافي بدهشة:ايه..وجبتيه منين..انتي عايزة ايه..

لين بنبره مخيفة:بصي بقي ياقطة..شايفة

الاتنين اللي وراكي دول..وهي تشير خلف صافي..

لتنظر صافي اليهم بخوف:ايه..مين دول..

لين بهدوء مخيف:دول اللي هيوصلوكي

لجهنم ان فكرتي تلعبي معايا..

صافي بتوتر:وانا جيت عندك..انا مالي

ومالك..انا مجتش جمب هشام..

لين ضاحكة بقوة:هههههه..هشام مين..لااااااا.. وبعيون

غاضبة متوعدة مخيفة.. انا قصدي نور..بصي ياحلوة..

انتي تلعبي مع اي حد..الا نور..انا افرمك..سامعة..

صافي بتعلثم:و..انا..انا عملت ايه..

لين وهي تمسد شعر صافي:ابدا بس..لتمسك

شعرها بعنف وبغضب..تبقي عينك من خطيبها..

وتزعجيها كل شويه..وتضايقيها بحركاتك لأ..

الزهرة المفترسة › 
البارت الحادي و العشرون حتي البارت الخامس والعشرون

وعلشان كده..انا حابة اوريكي هديه بسيطة ممكن

اهديهالك..ليشهر احد الرجال مطواه في وجه صافي ..

وتتصل بنور..لين..ايوة يانور..انا معايا صافي وعايزة تكلمك

وتقولك انها مش هتضايقك تاني..مش كده يا دكتورة..

صافي بخوف:ايوة..مش هضايقها تاني..وهبعد عن مازن..

نور بعدم فهم:ايه..هو ايه اللي بيحصل..

لين بإبتسامه مخيفة:ابدا يانوري..اصل الدكتورة جالها عقد

عمل برا..وهترجع بعد مدة..فعلشان كده بتعتذرلك..يلا سلام الوقتي..

ولصافي..ده انا هظبطك..

صافي بخوف وحدة:انتي بتهدديني..

ده انا اوديكي في داهية..

لتكمل لين بهدوء:تؤ تؤ..انا مش بهدد..انا بنفذ..

بتوعد وتحذير..ممكن وشك الحلو ده ياخد مطواة

مش هينفع فيه عمليات تجميل..او واحد من الحلوين

دول تكوني عاجباه ونفسه فيكي واسيبك ليه..

بس انا مش هعمل كده.. انا هقرص ودنك بس علشان تفوقي يا حلوة..

وتشير للرجلين بيدها ليسحبا صافي ويأخذوها لسامي..

>>>>>>>>>>>>>>>>>>>>>>>>>>>>>>

اتصلت لين بنور..

لين بضحكة:ايوة ياقلبي..

نور:ايوة يالين..انتي عملتي لصافي ايه..

لين بضحكة:بصي بقي..انا متصله بيكي علشان

متقلقيش..محصلش حاجة.. زي ماسمعتي..الدكتورة مسافرة..

نور بعدم تصديق وقلق:ليييين..عملتي ايه..

لين بضحكة:ولا حاجة ياقلبي..يلا سلام الوقتي..

>>>>>>>>>>>>>>>>>>>>>>>>>>>>

بعد ان قرر كاظم ان تعود لين وهشام الي بعضهما..

كوثر بغل: لاااا هما يرجعوا ويخلفوا عيل ويكوشوا علي

كل الفلوس..وانا اطلع من المولد بلا حمص..لأ ده انا لازم اتصرف..

ولكاظم..بقولك ايه ياكاظم..انا هروح ازور اهلي بكرة..

كاظم بتهكم: وده من امته..مانتي مش

بتروحي هناك الا فين وفين..ايه اللي جد..

كوثر بتبرير: يوه..امي تعبانة

وهزورها..فيها حاجة ديه..

كاظم بتعوج: طيب ياختي..بالسلامة..

كوثر لنفسها بكره: مش ههنيكي علي

حاجة يالين..وانا اللي هاخد الفلوس..

>>>>>>>>>>>>>>>>>>>>>>>>>>>>>>>

حضر حامد الي الشركة لمقابله لين...

وهو من عائلتها ويعطيهم كاظم اموال ايضا..

حامد: اهلا بست الناس عامله ايه..

لين بملل وهي تلوي شفتيها:خير ياحامد ..عايز ايه..

حامد بضحكة:ابدا يا ست الناس..كنت عايز منك حاجة كده..

لين وهي تمط شفتيها:وانت بتيجي غير علشان تطلب..عايز ايه..

حامد:بصي بقي..فيه حته ارض جمب ارضي عايز اشتريها..

لين بضيق:وانا مالي..اعملك ايه..جاي تاخد مني الاذن يعني..

حامد:لا..مش كده انا بس كنت عايز فلوس..

لين بضيق :فلوس..فلوس ايه تاني..مش

مكفيك اللي بتاخده..وعايز كام ان شاء الله..

حامد وهو ينظر اليها:تلاته مليون ونص..

لين بحدة:نااااعم ياخويا..تلاته مليون ونص..

ليه..فاكرني بنك بتسحب منه..اسمع ياحامد..

مفيش فلوس..كفايه عليك اللي معاك..

حامد بضيق :يعني ايه يالين..مش هتديني..

لين بصرامه:طبعا ياحيلتها مش هديك..هو مال سايب عايز

تكبش منه..يلا غور من هنا..وبتهكم.. كفايه عليك ارضك ياحامد..

حامد وهو يخرج بغضب:ماشي يالين..ولنفسه بتوعد..اصبري

عليا..فاكرة نفسك هتكوشي ع الفلوس انتي وهشام..انا هوريكي..

لين بقرف:غور جاتك نصيبة..قال تلاته مليون ونص..

>>>>>>>>>>>>>>>>>>>>>>>>>>>>

الزهرة المفترسة › 
البارت الحادي و العشرون حتي البارت الخامس والعشرون

في الصباح ذهبت كوثر الي والدتها..

كوثر: ازيك ياما عامله ايه..

والدتها: زي الفل ياختي خير..

كوثر وهي تمد يدها ببعض المال الي والدتها: خدي دول..

لتسرع وتأخذها في لهفة وتكمل بفرحة: ايه عايزة ايه..

كوثر بسخريه وتعوج: الا عايزة..بصي

فاكرة الراجل اياه اللي بيعمل الاعمال..

والدتها: تقصدي الشيخ سعيد..

كوثر: ايوة هو ده.. انا عايزاكي توديني عنده..

والدتها بتعوج: ليه ياأخر صبري ناويه تعملي ايه..

كوثر بحدة: وانتي مالك مش قبضتي يلا خديني عنده..

والدتها بلا مبالاة: طيب تعالي..

ليذهبا سويا.. عند ذلك الدجال..

سعيد: اهلا اهلا.. خير..

كوثر بتوتر: خير ياعم الشيخ..عايزاك في موضوع..

سعيد: انا تحت امرك.. عمل ولا زار ولا حجاب ولا اذيه ولا عيا..

كوثر بتعجب: عيا.. عيا ايه ده..

سعيد بضحكة مقززة: عيا يعني اديكي دوا تحطي منه

كام نقطة كل ليلة الشخص المقصود حاله يتبدل

وجسمه يتهد ويبان عليه المرض لا تلاقيله طب ولا دوا..

كوثر بحقد وفرحة: وده ينفع موجود عندك..

سعيد بثقة: عندي اللي تطلبيه..

كوثر بغل: هو ده انا عايزه الدوا ده..بس هيجيب مفعول امته..

سعيد: علي حسب.. يعني لو انتظمتي وحطيتي

الدوا بإستمرار الشخص المقصود هيبان عليه بعد

اسبوع لكن لو قطعتي مفعوله يضيع..لازم تواظبي..

كوثر بإبتسامه خبيثة: وده المطلوب.. ولسعيد هاته يلا..

سعيد: بس ده غالي حبتين..

كوثر بلهفة: اللي تطلبه.. ليعطيها الدواء وترحل..

والدتها وهي تضيق عيناها: انتي ناويه تموتي جوزك يابت..

كوثر بتعوج: لأ ده لو مات ولين موجودة مش هطول ابيض

ولا احمر..انا هخلص من العقربه لين الاول..وبعدين اشوف الباقي..

والدتها: بتقولي حاجة..

كوثر بحدة: لأ..ويلا انا ماشية..

لتعود كوثر الي الفيلا وعلي وجهها علامات السعادة والانتقام..

>>>>>>>>>>>>>>>>>>>>>>>>

هشام:عملتي في صافي ايه يالين..

لين ببراءة مصطنعة:انا..معملتش..انا جبتلها عقد عمل بس..

هشام وهو يضيق عينيه:عقد عمل عند سامي يالين..

لين بضحكة وهي تهز كتفيها:واعمل ايه..سامي كان عايز دكتورة

علشان تعالج رجالته..وبصراحة ملقتش احسن من صافي..ولا ايه رايك..

هشام وهو يهز رأسه بقلة حيله:هتفضلي طول عمرك مجنونة..

لين برفعة حاجب:من بعض ما عندكم يااتش..

>>>>>>>>>>>>>>>>>>>>>>>>>>>>>>>>>>

اتفق مازن مع نور ولين علي ان

يتم الزواج بعد اسبوعان..ووافقت لين ..

وبدأت في التحضيرات مع نور..

>>>>>>>>>>>>>>>>>>>>>>>>>>>>

الزهرة المفترسة › 
البارت الحادي و العشرون حتي البارت الخامس والعشرون

اتصلت لين بنور..

لين بإبتسامة:الو ايوة يانوري

عامله ايه ..ومازن اخباره ايه معاكي..

نور بضحكة:الحمد الله يالين..انتي اخبارك ايه..

لين بضيق: عادي..بس مسافرة بكرة المزرعة..

نور بتعجب:ليه..فيه حاجة..

لين بتعوج:فرح اخت هشام..وجدي طلب اني اروح..

نور:اهااااااا..قولتيلي..ده انا برضو كده لازم اروح..

لين:لا متروحيش..ابوكي هيسمعك كلمتين..وانتي

مش حمل قرف..خليكي هنا ياعروسه انتي مش فاضية..

نور بتردد:بس يالين..انا..انا عايزة اقول لمازن علي كل حاجة..

لين بصرامة:اوعي..حسك عينك تنطقي بكلمة ليه..

اصبري ..متبوظيش الدنيا..يلا اشوفك بعدين لما ارجع..

نور بإستسلام:طيب..يلا سلام...

>>>>>>>>>>>>>>>>>>>>>>>>>>

شوقي بتعجب: امال صافي راحت فين مش باينه

خالص.. اتصل بها ليدق هاتفها ويشير اليها سامي بالرد..

شوقي بتساؤل: ايوة ياصافي انتي فين ..

صافي بخوف: موجودة ياشوقي..

شوقي: فين يعني مش ظاهرة..

صافي وهي تنظر الي سامي بخوف: مفيش حبيت

اخد اجازة من الشغل وسافرت علشان كام بحث بعملهم..

شوقي: طب هترجعي امته..

صافي: معرفش..بس اول مارجع هكلمك

سلام الوقتي علشان مشغوله..

شوقي: سلام ياصافي..

سامي بإبتسامة جانبية: ايوة كدة انتي شاطرة

تسمعي الكلام..بدل ما انتي الجانية علي روحك..

صافي: انا هرجع امته..

سامي: لما تيجي الاوامر ياحلوة.. يلا شوفي

شغلك.. واكتبي الادويه اللي عايزاها للرجاله..

>>>>>>>>>>>>>>>>>>>>>>>>>

الزهرة المفترسة › 

البارت الثالث و العشرون

في المزرعة.. منزل ممدوح..

صفاء بتعوج:اهلا بست لين..

اخيرا حنيتي علي ابني وجايه معاه..

لين بتأفف ساخر:اهلا حماتي..شكلي وحشاكي اوي..

صفاء بتهكم:ومالك ياختي بتتكلمي من

تحت الضرس كده..متشوفيش نفسك علينا كده..

لين بنفاذ صبر:ايه..انتي ماصدقتي استلمتيني..

طب استني شويه افوق من السفر ونتكلم..

صفاء بتعوج:ولا تفوقي ولا متفوقيش..

اشوف ابني اللي شكله هفتان ياحبه

عيني من الغلب اللي شايفه معاكي..

لين وهي تغمغم بغيظ:الهي تولعي انتي وابنك في يوم

واحد يابعيدة..ولهشام انا رايحة بيت اهلي وانت خليك مع امك..

ممدوح بإستنكار:ازاي يعني..هتبقي جوزك

في حته وانتي في حته..الناس تقول ايه..

صفاء بتعوج:هي لسه هتقول..ماسيرتنا

علي كل لسان..سايبة جوزها ومطفشاه..

واكمن ابني غلبان ياحبه عيني سايقة فيها..

لين بغضب:بقولكم ايه ماتخفوا شويه هو عشان

سكتالكم هتسوقوا فيها..انتو هتغنوا وتردوا علي بعض..

هشام بحزم:لين..وانت ياما كفايه بقي..

مش من اولها..يلا انا ولين هنقعد في المضيفة..

ممدوح معترضا:ازاي يعني والناس اللي جايه

تقول ايه..اوضتك فوق اطلع وبعدين نشوف..

لين وهي تجذ علي اسنانها:بقولك ايه انا مش

هتحمل اقعد معاهم ولا حتي معاك..انا عايزة امشي..

هشام بجديه:لمي ام الليله الوقتي وخلينا

نقضي اليومين علي خير..ويلا قدامي..ليصعدا سويا..

صفاء بتعوج:شوف البت لسانها شبرين..بس العيب

علي ابني معرفش يكسرها..بس انا وراها والزمن طويل..

ممدوح:عندك حق يام هشام..البت متفرعنه

ع الاخر..يخلص الفرح ونشوف اللي هيحصل..

>>>>>>>>>>>>>>>>>>>>>>>>>

عند عامر..

دعاء:لين وصلت هي وهشام عندهم في البيت..

عامر بسخريه:ايه بنتك قررت تعقل وترجع لجوزها..

دعاء بتعوج:ربنا يهدي الامور مابينهم..ويهدي جوزها..

عامر بتهكم:قولي يهد بنتك..الراجل ميعبهوش حاجة..

دعاء بضيق لنفسها:مش عارفة انت ابوها

ازاي..عمري ماشفتك بتعاملها عدل..

>>>>>>>>>>>>>>>>>>>>>>>>>>>

في يوم الزفاف ارتدت لين ملابسها

وهبطت للاسفل لمقابله الحضور..

كانت والده هشام تتعمد مضايقتها..

صفاء بتهكم:ايه ياختي اللي انتي لابساه ده..

هو مفيش قماش مكفي تكملي فستانك..

لين بتعوج:قماش مكفي..ليه ياحماتي ماله فستاني..

(كانت لين ترتدي فستان نبيتي يصل الي

مابعد الركبه بحماله صدر ملتفة حول رقبتها)

صفاء بتهكم:وده فستان..ديه بدله رقص ياختي..

مش شايفة الرجاله هتاكلك بعينيها ازاي..

لين بقرف:والله ده الموجود..مش مشكلتي

الكلام اللي بتقوليه..لبسي وانا حرة..

الزهرة المفترسة › 
البارت الحادي و العشرون حتي البارت الخامس والعشرون

صفاء بحدة:لا مش حرة انتي مرات ابني

وانا من حقي اقولك وانتي تسمعي..

لين بعصبية:انتي نسيتي نفسك

ولا ايه ياصفاء..انتي هتعمليهم عليا..بقولك ايه

عدي ام الليله علي خير يااطربقها علي دماغ الكل..

صفاء بصوت عالي:انتي بتهدديني يابت دعاء..ده انا هوريكي..

ليأتي علي صوتهم ممدوح وهشام..

هشام بضيق:هو انتوا كل شويه خناق..ماكفاية بقي..

ممدوح:فيه ايه..صوتكم واصل لبرا..

صفاء بحده:الست هانم مش عاجبها كلامي..وقال ايه بتهددني..

ممدوح بإستنكار:جري ايه يالين..ماتتعدلي..انتي محدش هامك..

لين بغضب:بصوا بقي انا مستحمله قعادي هنا والقرف ده

مش علشان سواد عيونكم..ولا علشان المحروس ابنكم..

انا اصلا مش طيقاه..كل الحكايه اني هنا علشان اخلص

من الفرح الاسود ده..فمش هتحمل منكم كلمة..

ممدوح بحدة:ماتلم مراتك ياهشام..ايه مش قادر عليها..

هشام بضيق:لين..اخلصي كلها شويه ونخلص الفرح..

صفاء بتعوج:هو ده اللي قدرك ربنا عليه

ياهشام..ده بدل ماتكسرها..ليها حق تتفرعن..

لين بعصبيه:اما انك وليه عقربه بصحيح..

هشام بعصبية:لين..اتلمي بقي..

صفاء بمسكنه وبكاء مصطنع:شفت..

بتعيب في امك ياهشام..مش كفايه اللي بنسمعه

وصابرين عليه..وعدم خلفتها..كمان لسانها طويل..

لين بسخريه:اخلف..ومن مين..من ابنك..ياختي بلا هم..

ممدوح بجديه:انتي فعلا عايزة تتربي يالين..

وانا هجوز هشام تاني..علشان تتلمي..

لين بضحكة ساخرة:هههههه..لا خفت انا اهو عندك ياخويا..

جوزه ان شالله اربعة..انا ولا يهمني..

ده انت بكده تكون ريحتني..وانا اطلق واعيش حياتي..

هشام بغضب وهو يمسك ذراعها:انتي

اتهبلتي ولا ايه..شكلك فعلا عايزاني اعدلك..

صفاء بشماته:ايوة كده..اديها علي دماغها..

ممدوح بحزم:هشام طلع مراتك فوق..

وبعد الفرح هنعرف شغلنا معاها..

لين بغضب:شغل مين انت وهو..فاكرين نفسكم ايه..

ده انا اولع فيكم..وانا اصلا مش طايقة وشكم الزفت ده..

وانت يابن المغربي انا مش عايزة اشوف وشك تاني..

انا ماشية من هنا..انتو هتتنططوا عليا..

شكلكم نسيتوا مين لين..وترحل وتتركهم..

>>>>>>>>>>>>>>>>>>>>>>>>>>>>>>>>

في الهاتف..

كاظم:ايوة يالين..

لين بعصبية:اسمع بقي ياجدي..انا جيت الفرح علشان

انت قولت..لكن مش معني كده اني اسكت علي ممدوح ومراته..

كاظم:طب اهدي..ايه اللي جرا..

اخبرت لين كاظم ماحدث..

كاظم بضيق:طيب انتي فين الوقتي..

لين بغضب: انا ع الزفت الطريق وراجعة..

كاظم:طيب تعالي..بس اهدي لتعملي حادثة..وانا هتصرف معاهم..

>>>>>>>>>>>>>>>>>>>>>>>>>>>>>>>>

اصطحب مازن نور لتناول العشاء..

مازن بحب:اااااه يانور..بجد مش مصدق امته

يجي فرحنا علشان نبقي مع بعض علي طول..

نور بخجل:مااحنا علي طول مع بعض في الشركه يامازن..

مازن بضحكة:لا..مش في الشركه..

في بيتنا..عايز ابقي معاكي صبح وليل..

نور بإبتسامه:انت طماع اوي يامازن..

مازن بعيون عاشقة:في حبك انتي مش طماع..انا جشع..

لتضحك نور:هههه..ثم تشعر بإنقباضة..

مازن بتساؤل:مالك يانور..فيه حاجة..

نور بقلق:مش عارفة يامازن..قلبي مقبوض ليه..

مازن:ليه ياحبيبتي..حاجة حصلت..

نور بخوف:مش عارفة بس خايفة اوي..ربنا يستر..

مازن وهو يحتضن يديها:متخافيش مفيش حاجة هتحصل..

>>>>>>>>>>>>>>>>>>>>>>>>>>>>>>>>>>

الزهرة المفترسة › 
البارت الحادي و العشرون حتي البارت الخامس والعشرون

صفاء بتسخين:شفت ياهشام اخرة

دلعك فيها..اهي بقت محدش مالي عينها..

ممدوح:ايوة امك معاها حق..لين خلاص عيارها فلت..

هشام بضيق:بقولكم ايه..انا مش

فاضي للقرف ده..خلينا نخلص الليلة..

صفاء بعدم رضا:ايه ياهشام..مش كفايه

هي اللي بعدتك عنا وخلت جدك يسفرك..

هشام بتهكم ساخر:هي برضو يام هشام..

ولا انتو اللي بعتوني لكاظم علشان الفلوس..

وبضيق..بقولكم ايه..اهي مشيت فضوها سيرة بقي..

ممدوح علي مضض:طيب يلا بينا نروح نشوف الناس..

>>>>>>>>>>>>>>>>>>>>>>>>>>

اراد حامد ان ينتقم من لين لرفضها اعطاءه المال..

لذلك امر رجاله بمتابعتها..ولمحها احدهم ترحل

بالسيارة بمفردها وابلغوا حامد.. الذي امرهم

بإحضارها الي حقل الذرة الموجود باول المزرعة..

كانت لين متجهة الي منزلها بعد تشاجرها مع اهل هشام..

واخذت سيارة من سيارات رجال سامي.. لتتفاجئ بمن

يقطعون الطريق عليها.. ليحاولوا اخراجها من السيارة

ولكنها تغلقها جيدا وتسرع بالاتصال بسامي...

سامي بضحكة: ايوة يالين ..خير وحشتك..

لين بسرعة ونبرة متوتره: مش

وقت سخافتك ياسامي.. رجالتك فين..

سامي بإستغراب: رجالتي مين يالين..

انتي مش في المزرعة.. هتلاقيهم

مع هشام.. وبعدين عايزاهم ليه..

لين بتوتر: ابعتهم بسرعة ياسامي..

قطعوا عليا الطريق وهيقتلوني..

لينتفض سامي بزعر: ايه..مين..طب انتي فين..

لين بعيون مترقبه : في العربية علي اول

الطريق.. ويسمع تحطم الزجاج..وصوت صراخ لين..

سامي بتوتر: لين.. يالين ردي عليا..

ليسمع احدهم يسحبها ويقول: حامد

باشا عايزك.. ليأخذوها ويسرعون بها..

ظل سامي يفكر فيما سيفعل وهو يمسك

بشعره بقلق.. واتصل بهشام سريعا..

سامي بتوتر: رد ياهشام بسرعة.. ولكنه لم يجيب..

ليتصل علي احد رجاله ويخبره ان يعطي الهاتف لهشام..

احد الرجال بهمس: هشام باشا

سامي بيه عايزك.. ليبتعد هشام بالهاتف..

هشام بإنزعاج: خير ياسامي انت مش عارف اني مشغول..

سامي بتوتر وحدة: الحق ياهشام لين بسرعة..

هشام بضيق: مش وقتك خالص ياسامي..

عملت ايه.. ابعتلها اي حد من رجالتك..

سامي بعصبية: اتكتم واسمعني لين اتصلت

بيا.. رجاله حامد طلعوا عليها وهيموتوها..

هشام بعيون جاحظة وغضب: انت

بتقول ايه.. انا هتصل بيها اقفل الوقتي..

سامي بقلق: الخط اتقطع ياهشام

وهي بتكلمني وسمعت ازاز العربية بيتكسر..

هشام بعصبية شديدة: هي فين الوقتي.. انطق..

سامي بتوتر: قالتلي انها علي اول الطريق..

ليلقي هشام الهاتف ويركض سريعا وخلفه رجال سامي

ويصل الي اول الطريق ليجد السيارة مهشمة الزجاج

ومفتوحة وهاتفها النقال محطم وملقي علي الارض..

وليست موجودة وهناك اثار للدماء..

هشام بغضب شديد وصوت جهوري:

حااااااامد.. ولرجاله بغضب تقلبوا الدنيا عليها..

>>>>>>>>>>>>>>>>>>>>>>>>>>>>

عند حامد..

حامد بضحكة خبيثة: اهلا اهلا بست الناس..

لين بغضب: اه يابن ال... انت كدة كتبت نهايتك بإيدك ياحامد..

حامد بتهكم: لأ لألأ..ياست الناس..

ده انتي اللي نهايتك الليلة وعلي ايدي..

لين بعصبية: بتتحامي في رجالتك

ياحامد.. ده انت طلعت حرمة بصحيح..

ليصفعها بقوة علي وجهها مكملا بغضب:

انا هوريكي الحرمة ديه يالين هتعمل فيكي ايه...

لين بعصبية شديدة وعيون مشتعله وصوت عالي:

بتمد ايدك عليا يابن ال.... انا هقتلك الوقتي..

وبعصبية وهي تحاول الافلات من قبضة رجال

حامد.. سيبوني ياولاد ال... ابعد ايدك عني..

حامد بتهكم: خلاص ياحلوة ايامك خلصت..

بس بصراحة انا نفسي فيكي من زمان يالين..

وجه الوقت اللي اخد اللي انا عايزه..وبعدين اخلص منك..

ماهو مش هتفضلي انتي وهشام مكوشين علي كل حاجة

واحنا بناخد ملاليم بترموهالنا اخر كل شهر.. وبدأ بالاقتراب منها..

لين بغضب وتوعد: قسما برب العزة ان قربت

مني.. لهندمك ع اليوم اللي اتولدت فيه ياحامد..

ليضحك حامد بسخريه ويقترب منها بعد

ان امر رجاله بتركها: وريني هتعملي ايه يالين..

لين بغضب: انا هوريك.. لتركله لين بقوة اسفل الحزام...

ليسقط حامد ارضا وبعيون مشتعلة وبألم لرجاله: خلصوا عليها..

لتركض لين بسرعة بعيدا عن رجال حامد وتختفي وسط الذرة..

ليطلق رجال حامد النار في اتجاهها.. ولكنها تركض وتتعثر

فتخلع حذائها وتمسك به وتكمل بغضب:

ااه يابن ال...بوظتلي الجزمه الجديدة...انا هوريك..

واثناء بحث هشام يسمع رجاله صوت الطلقات الناريه..

احد الرجال مسرعا: هشام باشا فيه صوت رصاص

جاي من ناحية الغيط ده.. لينطلقوا سريعا..

ويحدث هشام نفسه بغضب وهو يجذ علي اسنانه متوعدا:

قسما برب العزة لو لمست شعرة منها ياحامد.. لادفنك حي..

يظل يبحث عنها هشام ورجاله وحامد ورجاله..

ولين تحاول الاختباء وهي تتمتم بعصبية: انا هولع في

اهلك ياحامد الكلب.. وتشعر بأحد يقترب وتكمل

في السباب والتوعد له وهي تمسك بحذائها..

وتركض مبتعدة ولكنها ترتطم بأحد ما ليمسكها..

لتبدأ في السباب ومحاوله ضربه ولكنه يمسك بيدها

فتنظر اليه لتجده هشام وهو يلفظ اسمها.. لين..

لين وهي تلهث بقوة وبتنهيدة: هشام.. انت..

الزهرة المفترسة › 
البارت الحادي و العشرون حتي البارت الخامس والعشرون

انا رجعت في الكلام اللي قولته من شويه..

اول مرة في حياتي ابقي مبسوطة اني شفتك.. وتحتضنه..

هشام بإمتعاض:ايه اللي مسكاه ده..سيبي الجزمة..

لين بضيق متذمرة:الجزمة الجديدة باظت..

ليبعدها هشام وهو يمسك بوجهها ويتحدث بقلق:

عملك حاجة.. لمسك.. ليري جرحا غائرا في رأسها

من اثر تحطم زجاج سيارتها.. وبغضب بعد ان رأي احمرار وجهها

من اثر الصفعة.. ابن ال.... انا هقتله.. هو اللي عمل فيكي كدة..

ليجد صوت حامد ورجاله خلفه مصوبا السلاح نحوهما..

حامد بتوعد: لسه معملتش يا هشام..

بس هقتلك واعمل اللي عايزه وبعدين تحصلك..

>>>>>>>>>>>>>>>>>>>>>>>>>>>>>>>

الزهرة المفترسة 

› البارت الرابع و العشرون

ليبعدها هشام وهو يمسك بوجهها ويتحدث بقلق: عملك حاجة..

لمسك.. ليري جرحا غائرا في رأسها من اثر تحطم زجاج سيارتها..

وبغضب بعد ان رأي احمرار وجهها من اثر الصفعة..

ابن ال.... انا هقتله.. هو اللي عمل فيكي كدة..

ليجد صوت حامد ورجاله خلفه مصوبا السلاح نحوهما..

حامد بتوعد: لسه معملتش يا هشام.. بس

هقتلك واعمل اللي عايزه وبعدين تحصلك..

هشام بغضب جارف: يابن ال... انا هدفنك حي..

لين بغضب:ايوة ابن ال...ده بوظلي الجزمة الجديدة الغالية..

لينظر اليها هشام بغضب غيظا ويكمل وهو يجذ علي اسنانه:

جزمة ايه ياجزمة اللي زعلانه عليها الوقتي..هضربك بيها..اكتمي..

لين وهي تلوي شفتيها:انت عارف

ديه تمنها كام..وبغيظ..موته ياهشام..

هشام بنفاذ صبر متجاهلا اياها:

هقتلك ياحامد بتمد ايدك علي مراتي..

حامد بسخريه وهو يشهر سلاحه في وجههما:

كده حلو اوي..هضرب عصفورين بحجر واحد..

هقتلكم انتو الاتنين مع بعض..ابدأ بمين فيكم..

لين وهي تقف خلف هشام وتدفعه:

موت هشام..انا لسه صغيرة..

هشام بغيظ:اااه يابنت ال... عايزاه يموتني..تصدقي

انا العيب عليا اني جيتلك..ولحامد موتها هي الاول..

لين بعتاب:اخص عليك يااتش..مش ممكن..انت الراجل..

يلا ياحامد اتكل علي الله..وابدأ بهشام..يلا يااتش اتشاهد..

هشام بغل:عارفة يالين..انا ..

حامد بعصبية:بس انت وهي..ايه

هتتعازموا علي بعض..انا هقتل هشام الاول..

لين بإبتسامه:معلش..هتوحشني ياهشام..

هشام بسهتنه:بجد هوحشك..

لين وهي تنظر في عينيه: اكيد ده انت جوزي حبيبي..

هشام بفرحة:بجد حبيبك..

لين مؤكدة:طبعا..يلا الوداع .. ومتقلقش

هبقي ازور قبرك..مش هنساك يا اتش..

هشام وهو يلوي شفتيه:مش هتلحقي..هتحصليني..

حامد بنفاذ صبر:ارحموا اللي خلفوني..

لين بضحكة:وصلوا يااتش..وتشير علي رجال سامي..

هشام بغضب:ساعة علشان توصلوا..

لين بغضب: ده انا هولع في اللي جابوك ياحامد..جزمتي ياحيوان..

وبتحسر من احسن جزمي.. ولرجال سامي.. امسكوه..

ليطلق حامد النار عليهم ولكنهم

يمسكون به وبرجاله ويبرحه هشام ضربا..

وتكمل لين بغضب: انا قلت نهايتك علي

ايدي..وخد بالجزمة اللي بوظتها ياحيوان..

ليسحب هشام لين خلفه ويكمل بغيظ:عارفة

لولا حرام كنت قتلتك معاه..يعني مش

هامك اللي عمله فيكي وزعلانه ع الجزمه..

لين وهي تزم شفتيها بتذمر:جديدة

ملبستهاش غير مرة..كله بسببك انت وامك..

هشام وهو يكور قبضته غيظا وعيناه تقدح شررا

ويستعد للانقضاض عليها:اااااخ..اكتمي بقي..هتنقطيني..

لين وهي تداري وجهها :خلاص خلاص..

ثم يأمروا رجال سامي بقتلهم واشعال

النار في الحقل الذي كان يود شرائه...

ويأخذ هشام لين ويرحل..

ولا يكتفي بذلك بل يأمرهم بإحراق ارضه الزراعية..

لين: انا عايزة اروح القسم..

هشام بترقب: ليه..

لين: اعمل محضر باللي حصل..

هشام بدهشة: ايه..انتي اتجننتي عايزة تودينا في داهية..

لين بضيق: اسمع بس..هعمل محضر سطو وسرقة..مش اكتر..

هشام وهو يضيق عينيه: علشان..

لين بتأفف: علشان محدش يشك ياهشام..

هشام بضيق: يعني لازم..

لين: ايوة..

تذهب لين الي القسم..

شكري بخضة وقلق: لين..بتعملي ايه

هنا..وايه اللي عمل فيكي كدة..

لين وهي تجلس علي الكرسي بتعب: اهدي شويه

واسمعني.. حرامية طلعوا عليا وكسروا العربية وسرقوها..

شكري بتوتر: ايه..طب انتي كويسة..

لين: ايوة بس عايزة افتح محضر..

شكري وهو ينظر اليها : حاضر..

لين: شكري تليفوني اتكسر اتصل بهشام وقوله..

شكري بضيق: وكان فين سي هشام لما حصلك كدة..

لين: اتخانقنا وسبته ومشيت وحصلت الحادثة علي اول الطريق..

شكري بحنق: خدي التليفون واتصلي انتي بيه..

الزهرة المفترسة › 
البارت الحادي و العشرون حتي البارت الخامس والعشرون

لتتصل لين بهشام وتخبره بما حدث ويأتي مسرعا..

هشام بلهفة وهو يحتضنها: ايه اللي حصل..

لين: زي ماقولتلك..

شكري وهو ينظر الي هشام بضيق وغيظ:

اهلا سي هشام.. سبتها وحصلها كدة..

هشام بضيق: شكري اخلص.. مش ناقصك..

شكري علي مضض: افتح يابني محضر باللي حصل..

وبالفعل قامت لين بفتح محضر واثبات ماقالته..

شكري: طيب انتي روحي وانا هروح اعاين المكان وهبقي

اتصل بيكي.. ولهشام بإمتعاض خلي بالك منها يا يابن المغربي..

هشام: يلا استنيني في العربيه..

لين بتعجب: وانت..

هشام بجدية: دقيقة وجاي وراكي..

لين وهي ترفع حاجبيها بعدم اهتمام: طيب..وترحل..

ليقترب هشام من شكري ويتحدث وهو يجذ علي اسنانه

وبنبرة محذرة: شكري لين خط احمر.. ياريت تنساها..

ديه بتاعتي انا..انسي حبك ليها لان عمرك ماهتقربلها..

شكري بغل: واديك اتجوزتها.. بس مش عارف تحافظ عليها

وكمان جننتها ورميتها في مصحة.. مسيرها هتسيبك ياهشام..

هشام بغضب: ده عند امك ياشكري.. وبنبرة تحذير.. خليك في

مراتك وولادك بدل ما.. ولا بلاش انت برضو مننا وعلينا.. ويتركه ويرحل..

شكري بحزن: اه يالين..مش عارف اتجوزتيه

علي ايه.. ورفضتيني انا..وانا اللي طول عمري بحبك..

لين بتساؤل: كنت بتعمل ايه جوا..

هشام وهو يمط شفتيه: ابدا كنت بقول

لشكري حاجة.. هنروح ع البيت..

لين وهي تغلق عيناها بتعب: روح

منين ماتروح المهم خليني انام..

هشام بغضب: ماشي..

في المضيفة الملحقة بمنزل والد هشام يدلف

كل من لين وهشام لترتمي لين علي الفراش بتعب..

هشام بغضب:حامد عملك ايه..

لين بتعب: ملحقش..

هشام بعصبية وهو يشاور بيده: امال

الجروح اللي فيكي ديه ايه..

لين بألم: ديه من الزرع لما كنت بجري.. بقولك ايه..

سيبني الوقتي.. انا تعبانه وحاسة ان جسمي كله شوك..

ليمسك وجهها وينظر للجرح وبغضب: لولا اني كنت مستعجل كنت

قطعت ايده.. مش مرات هشام المغربي اللي حد يمد ايده عليها..

لتبعد لين وجهها عن يده وتغمض عيناها وتنام..

ليذهب هشام الي الخارج ويعود الي منزل والده..

ممدوح بتساؤل: كنت فين ياهشام..

هشام بضيق واقتضاب: مفيش كان عندي شغل خلصته وجيت..

ليسرع احد الرجال ويخبرهم بإشتعال

النيران في الحقل وارض حامد.. ليسرع الجميع ويقول..

هشام ببرود: انا رايح انام.. انتوا بقي شوفوا النار ديه وابقوا طفوها..

ليندهش والده من موقفه ولكن لايعقب ويذهبوا جميعا الي مكان الحريق..

ويدلف هشام الي المضيفة ويتسطح بجانب لين

وهو ينظر اليها ويزفر في ضيق ثم يحتضنها ويغمض عينيه..

في الصباح تتململ لين وتستيقظ بألم من الجروح في جسدها..

هشام وهو ينظر اليها: ها عاملة ايه..

لين وهي تبتعد عنه: هي الساعة كام الوقتي..

هشام وهو يعتدل ويجلس: احنا الصبح..

لين: طيب خلي حد يجيب شنطة

هدومي علشان اغير وامشي من هنا..

هشام بترقب: حامد عمل كدة ليه..

لين بتأفف: مش الوقتي بعدين..

ليمسك هشام ذراعها ويكمل بحدة: لأ الوقتي.. عملتيله ايه..

لين بتأوه: اااي دراعي.. معملتلوش حاجة.. مرضيتش اديله فلوس

كان عايزها.. وبحدة.. بروح امه كان عايز تلاته مليون ونص علشان

يشتري حتة الارض اللي ولعنا فيها امبارح.. وبضحكة.. وبعدين يا اتش

مالك كنت متعصب امبارح اوي.. وبسخريه اوعي تقول انك بتحبني وكنت خايف عليا..

هشام بسخريه مستنكرا: لأ ياختي مش كدة..

بس الاسم انك مراتي.. لو كان عملك حاجة كانوا

قالوا عليا ايه.. هشام المغربي مش قادر يحمي مراته..

لين بضحكة: ايوة كدة طمنتني.. ويلا بقي عايزة ارجع..

هشام بتهكم: متسربعة قوي ياختي علي الرجعة لوش كوثر..

لين: ومين قال اني هرجع علي هناك..

هشام بتعجب: امال هتروحي فين..

لين: اي فندق لغايه ما وشي يروق..

انت عايز بنت ال... ديه تشمت فيا..

هشام بضحكة:الا تشمت فيكي..ديه ماهتصدق..

لين بضيق:بقولك ايه..مش ناقصة رخامتك انا..لخص..

هشام بغيظ:يعني انا لسه مخلصك من الموت..

وعامل فيكي جميلة..وانتي اللي فيكي فيكي..لسانك زفر..

لين:خلاص ياعم ليك عندي جميله..اللي انت عايزة هعملهولك..

هشام بغمزة:اي حاجة..طيب..انتي اللي قولتي..

لين بتأفف:لخص بقي خليهم يجيبوا هدومي..جسمي كله مشوك..

>>>>>>>>>>>>>>>>>>>>>>>>>

ذهب هشام الي المنزل وسلم علي والداه واخذ

حقائبه وتعلل بان هناك اعمال طارئة وعليه العودة سريعا..

ذهب هشام ولين الي فندق لحين شفاء وجه لين من الجروح التي اصابتها..

>>>>>>>>>>>>>>>>>>>>>>>>>>>>>

صفاء بغل:يعني السنيورة رجعت..

ابني الاهبل جري وراها ورجعها..

ممدوح بضيق:شوفي احنا في ايه..وانتي

في ايه..انا عايز اعرف مين اللي حرق الارض..

صفاء بعدم اهتمام:وانا مالي..هنعرف..انا علي

ابنك..بقي بعد اللي عملته امبارح ويجري وراها..

ممدوح بعدم رضا:اعمله ايه يعني..ابنك ودماغه..

بقولك ايه انا رايح اشوف ايه اللي حصل..

صفاء بغيظ:روح..اخ منك ياهشام..طول عمرك اهبل..

>>>>>>>>>>>>>>>>>>>>>>>>

في شركة مازن توفيق..

مازن:لسه برضو قلقانه يانور..

نور بقلق:بتصل بلين مش بترد..

مازن مطمئنا:انتي مش قلتي انها في

فرح..اكيد مشغوله يانور..اهدي يا حبيبتي..

نور بخوف:ربنا يستر..طب قافله تليفونها ليه..

مازن وهو يمط شفتيه:مش عارف

يانور..طب اتصلي بجوزها يمكن يرد..

نور:هشام..ايوة صح..لتتصل به..

نور بقلق:ايوة ياهشام..لين فين..انتو رجعتوا..انتو في الفيلا يعني..

هشام:معايا يانور..ايوة رجعنا بس مش في الفيلا..فيه حاجة..

نور بدهشه:معاك انت..وبتعمل ايه..تليفونها مقفول ليه..

هشام بضحكة:ومالك مستغربه..مش مراتي..تليفونها اتكسر..

نور بدهشه:طيب اديهاني..

هشام:نايمة الوقتي..لما تصحي هخليها تكلمك..سلام..

نور بعدم تصديق:سلام..وتكمل..لين

مع هشام..ونايمة كمان..شئ لا يصدقه عقل..

مازن بتعجب:مالك يانور..فيه حاجة..

نور:هه..لا ابدا مفيش..

>>>>>>>>>>>>>>>>>>>>>>>>>>

اتصل كاظم علي لين كثيرا ولكن كان

هاتفها مغلق..ليتصل علي هشام..

كاظم بقلق:ايوة ياهشام..انت فين..

هشام:موجود..فيه ايه..

كاظم بتوتر:لين بتصل بيها مش بترد..

هشام:اطمن ياجدي..لين معايا..تليفونها بس اتكسر..

كاظم بدهشة:معاك..ازاي.. انت ولين..

هشام بتعجب:الله..ومالك مستغرب كده..مش

مراتي..هو انا كل واحد اكلمه واقوله معايا يستغرب ليه..

كاظم بتهكم :مش عارف ليه..طيب اديني لين اطمن عليها..

هشام بضحكة:ايه ياجد..خايف اكون قتلتها ولا حاجة..

كاظم:العفو ياخويا..بس حاسب لتخلص هي عليك..

هشام بضحكة:هههههه..طيب..وللين..خدي جدي عايزك..

لين:ايوة ياجدي..فيه ايه..

كاظم بنبرة قلقة:انتي كويسه يالين..

مالك..تليفونك ايه اللي كسره..

لين:ابدا وقع مني اتكسر.. متقلقش انا كويسه..

كاظم:طب مارجعتيش ليه البيت..

انتي فين..وبتعملي ايه مع هشام..

لين بضحكة:بعمل ايه مع هشام..مالك ياجدي عادي..

كاظم بترقب:طب وحامد..ايه اللي حصله يالين..

ليكفهر وجه لين وبغضب:وانا مال اهلي بالكلب ده..

كاظم:امال مين اللي موته وولع في الارض..

<<<<<<<<<<<<<<<<<<<<<<<<<

الزهرة المفترسة 

› البارت الخامس والعشرون

كاظم بترقب:طب وحامد..ايه اللي حصله يالين..

ليكفهر وجه لين وبغضب:وانا مال اهلي بالكلب ده..

كاظم:امال مين اللي موته وولع في الارض..

لين بغضب:هو اللي ولع فيها لما مقدرش يشتريها..

ولجل حظه الغفير شافهم وضرب عليه النار.. هو و رجالته..

وعلشان ارضه جمب الارض اللي ولعت مسكت فيها التانيه..

كاظم بعدم تصديق:مش مصدقك

يالين..بس ماشي..هترجعي امته..

لين بإقتضاب:كام يوم كده وهرجع متقلقش..

كاظم:وهشام..هيرجع امته..

لين بضحكة:هسأله واقولك..هترجع امته يااتش الفيلا..

هشام بضحكة:هنرجع مع بعض يالينو..مش هسيبك..

لين بضحكه:سمعت يا جدي..يلا سلام الوقتي..

كاظم بتعجب:سلام..

هشام بضحكة وهو يتجه اليها:لحقتي

تألفي حكايه موت حامد في ثانيه..

لين بإبتسامه ماكرة:مش تأليف..ده اللي

هيتقال ياهشام..واللي البوليس هيثبته..

هشام وهو يمط شفتيه وهو يحاوط

خصرها:طيب..يلا تعالي انا عايز اكل جعان..

لين بضيق:مش عايزة انزل..اطلب

الاكل هنا..مش هنزل بمنظري ده..

هشام بضحكة:ليه يالينو ده انتي حتي زي القمر..

لين بضيق وهي تبتعد عنه:بقولك ايه..مش وقتك خالص..

هشام بغمزة :طيب بس افتكري ان

ليا عندك خدمة..وهتردهالي مهما كانت يالين..

لين بتأفف:عرفنا ياهشام..شوف هنطفح ايه الوقتي..

>>>>>>>>>>>>>>>>>>>>>>>>>>>>>

عادت لين وهشام الي الفيلا وانشغلت

لين مرة اخري مع نور للتجهيز الي حفل زفافها..

>>>>>>>>>>>>>>>>>>>>>>>>>>>

بدأت كوثر بوضع الدواء للين وذلك في شرابها..

وذلك لمعرفة اذا كان كلام سعيد صحيح ام لا.. ت

دلف الي المطبخ وتضع الدواء في العصير وتخرج سريعا..

كوثر بغل: هنشوف ياست لين..

علي مائدة الافطار.. من عادة لين شرب عصير البرتقال

في الصباح حتي وإن لم تتناول فطورها..

لتبدء في احتساء العصير وسط مراقبه كوثر لها وسعادتها..

لين بتعجب: مالك ياكوثر بتبصيلي كدة ليه..

كوثر: هه..لا ابدا..وبتعوج اصلك وحشاني..

لين بسخرية: وحشاكي..طب اتنيلي بصي

بعيد عني مش ناقصة فقر اهلك ع الصبح..

كاظم بحدة: بس بقي نقار.. نقار..

هشام بسخريه ضاحكة: وتبقي لين ازاي

لو متصبحتش بخناقة.. ياصباح اللسان الزفر..

لين: صباح الزفت علي دماغك..انا ماشية

ع الشركة.. وانت ياجدي متنساش الاجتماع..

كاظم: طيب مش هنساه..شويه واحصلك..

لين: طيب..وترحل..

كاظم: هشام الاجتماع ده مهم وحياه ابوك

يااخي بلاش رزاله علي لين..عديها علي خير..

هشام بتعوج: انا رزل..وبتأفف ماشي

ياجدي.. ليرحلوا ويذهبوا الي الاجتماع..

<<<<<<<<<<<<<<<<<<<<<<<<<

كانت كوثر تضع الدواء للين علي فترات..وبدات العوارض

تظهر علي لين..فكانت دائما تشعر بالانهاك السريع..

في الشركه..طلب كاظم لين..

كاظم:بصي يالين..انا عايزك تعمليلي دراسه

لمشروع مصنع السكر اللي هنستوردله المكن بتاعه..

لين بتعب:حاضر ياجدي..هعمله..بس من امته ده..

كاظم:مفيش بس المصنع لسه جديد

وعايز اعرف اصحابه والسيوله اللي معاهم كام..

لين:طيب..عايز حاجة تاني..

لتحاول النهوض ولكن تشعر بالدوار..

كاظم وقد لاحظ ذلك:مالك يالين انتي تعبانه..

لين وهي تمسك برأسها :هه..لا بس

منمتش امبارح كويس..كان عندي صداع..

كاظم بقلق:طب ماتروحي للدكتور..

لين بإبتسامة ساخرة:مش للدرجادي شويه صداع

وهيروح..ولما نخلص من فرح نور.. اسيبك انا بقي..

لترحل الي مكتبها وتخبر ملك الا يزعجها احد..وتتجه

الي الاريكة وتحاول الراحة..ولكن ذلك الصداع لا يفارقها...

>>>>>>>>>>>>>>>>>>>>>>>>>>>

اتصل سامي بلين..

سامي بضيق: ايوة يالين بقولك ايه

اللي اسمها صافي ديه..هتفضل عندي كتير..

لين: ومالها يعني تعباك..ده انا بخدمك

ياسمسم..ديه حتي بتعالج رجالتك..

سامي بحنق: لين انا مش ناقص انتي عارفة انا

مش بحب ستات اسيبهم عندي..وخصوصا في شغلي..

لين بعدم اهتمام: اتصرف انت ياجناب الكوماندة.. وديها اي حته..

سامي بضيق: لين انا هوديها فين ديه هي جثة

ولا حاجة هتصرف فيها..وانتي قولتي مقتلهاش..خلصيني..

لين وهي تمط شفتيها: اقولك.. سفرها اي حته..

سامي بإمتعاض: هسفرها فين..

لين بضيق: اي حته ياسامي..اقولك رجعها

بس علمها الادب الاول..وخليها تفكر مليون مرة

قبل ما تقرب من نور ومازن..انا مشغوله الوقتي..

سامي: طيب..سلام الوقتي..

>>>>>>>>>>>>>>>>>>>>>>>>

انتهي الجميع من التجهيزات واتي يوم زفاف نور ومازن..

كانت نور في غاية الجمال والرقة في فستانها الابيض ومازن بجوارها..

مازن بسعادة:انا مش مصدق

نفسي اني خلاص اتجوزتك..

نور بخجل:خلاص بقي يامازن..

مازن بضحكة:خلاص ايه..هو

انا لسه قولت حاجة..ده انا لسه بحضر..

نور بإبتسامه:مازن انا مبسوطه اوي..بس كمان خايفة..

مازن بحب:اوعي تخافي طول ما انا جمبك يانور..

نور بإبتسامه:ربنا يخليك ليا..

>>>>>>>>>>>>>>>>>>>>>>

هشام بإعجاب:ايه الحلاوة ديه..فاضي ياقمر..

لين بضحكة:ايه..انت بتكلمني انا..

هشام بغمزة:هو فيه قمر غيرك ياجميل..

لين بإبتسامة:طيب حاسب علشان

لو جوزي شافك ممكن يقتلك..

هشام بجدية:لا ده مش ممكن..ده اكيد..وربنا

اللي يبصلك بس افرمه..بس ليهم حق..قمر ياناس..

لين بضحكة:ميرسي..وانت كمان يااتش..حلوة البدله..

هشام ضاحكا:هههه..البدله ولا اللي جواها..

لين بمكر:مفرقتش كتير..

هشام بإقتضاب :بقولك ايه..الفستان ده عايزك تغيريه..

لين بتعجب:ليه ان شاء الله..ماله وحش..

>>>>>>>>>>>>>>>>>>>>>>>>

علي الطاوله جلس عامر وزوجته وكاظم وكوثر وممدوح وصفاء..

دعاء بفرحة:ولادي زي القمر..ربنا يحميهم..

صفاء بتعوج:اووووي..

كاظم:مالك ياصفاء لاويه بوزك ليه..

صفاء بغيظ:ابدا ياعمي..مفيش..

كاظم بضحكة:شكل لين وهشام مبسوطين اوي النهاردة..

دعاء :ربنا يحميهم..

ممدوح بتهكم:ايه ياعامر.. بنتك حنت عليه..ورضيت..

عامر بضيق:بقولك ايه ياممدوح لم الليله..مش ناقصينك..

ممدوح بحدة:واعملك ايه ياسي عامر..

مش بقول الحقيقة..وعمايل بنتك..

عامر بعصبية:بقولك ايه..انا..

كاظم بحزم:بس انت وهو..مش عايز اسمع صوتكم..وانت

ياممدوح اسكت..مش عايزك تتكلم عن لين..والا انت عارف..

صفاء بغيظ:جاتها الهم..متفرعنة..

لتشاركها الحديث كوثر وبغل:ايوة..

مش عارفة علي ايه..ربنا يهدها..

صفاء وقد تجاذبت اطراف الحديث مع كوثر:الا قوليلي

ياكوثر..هي عامله ايه في الفيلا..يعني معاكي ومع ابني..

كوثر بحقد:عملها اسود ومنيل..ديه مطفشانا في عيشتنا..

صفاء بحنق:منها لله..وابني غلبان مش

قدها..بس انا هجوزه..واكسر مناخيرها..

كوثر بغل:ايوة..عندك حق..متكسرش الوليه

غير وليه زيها..ديه شايفه نفسها ع الاخر..

صفاء:ايوة..وانا ارتحتلك ياكوثر..انا اصلا مش بطيق لين ديه..

كوثر بغل:ومين سمعك..بس الحق علي هشام..المفروض يكسرها..

صفاء بتعوج:ايوة..بس نعمل ايه..حكم القوي..كاظم مفرعنها..

كوثر وهي تنظر اليهم بغل وحقد ولنفسها:

ااااخ ياناري..انا هوريكي يالين..هخلص عليكي..

>>>>>>>>>>>>>>>>>>>>>>>>>>>>>>>>

هشام بإقتضاب:بقولك ايه..الفستان ده عايزك تغيريه..

لين بتعجب:ليه ان شاء الله..ماله وحش..

هشام بتنهيدة:ماهو علشان مجنني انا شخصيا..الباقي هيعمل ايه..

لين بضحكة:اها..طيب انا هفضل جمب جوزي علشان محدش يبصلي..

هشام بدهشه:لين انتي كويسة..ايه الحنيه اللي

نازله عليكي النهاردة.. وبتوجس..ناويه علي ايه..

لين بإبتسامة مشرقة:ابدا النهاردة فرح نور..

وانا مبسوطه..وكمان عرفت انك كلمت عامر باشا..

وخليته يسكت وميعملش حاجة..جميله يااتش..

هشام:اهاااا..طيب ياقمر..انا اموت

في الجمايل..تعالي نرقص بقي..

لين بضحكة:اوك..شايف كوكي هتطق ازاي..

هشام بضحكة:ااه يابنت العفاريت..

بقي عامله كده علشان تغيظيها..

لين بثقة:ايوة طبعا..انا عارفة ان عينيها منك..فمنها

فرسه ليها..ومنها مصلحة ليا.. اصل شكل امك حبتها اوووي..

هشام بدعاء:ربنا يكتر المصالح ديه..

لتميل لين علي نور:مبروك ياقلبي..

نور بأبتسامه:الله يبارك فيكي يالينو..

هشام بضحكة:انا فرحان اكتر منك يانور..

نور بضحكة وهي تنظر الي لين:عارفه يااتش..فرصه ياكبير..

مازن بتعجب:فرصه ايه يانور..فيه ايه..

نور بإبتسامه:لااااا..ده سيم بيني وبين اتش..مش كده..

هشام بضحكة:كده..مبروك يا دكتور..عبال البكاري..

مازن بضحكة:الله يبارك فيك..

عامر:مبروك يانور..مبروك يامازن..

مازن:الله يبارك في حضرتك..

اتمني حضرتك متكونش زعلان..

عامر:لا عادي..اللي يهمني سعادة بنتي..

دعاء وهي تحتضن نور وبفرحة:مبروك ياقلبي..

ربنا يسعدك..ولمازن خلي بالك منها يامازن..

مازن :اكيد ديه..في عينيا..

عامر:ابقي تعالي وهاتها عندنا..

مازن بإبتسامة:اكيد..ان شاء الله..

لين بسخريه لهشام:طيب اوووي..

اب من الدرجة الاولي الصراحة..

هشام بضحكة:ايوة يالينو..الفلوس تعمل اكتر من كده..

لين بحنق:بقولك ايه..انا بتخنق من

وجوده معايا في مكان واحد..عايزة اخلص منه..

هشام بضحكة:عينيا..اخلصلك الليله..

وبغمزة بس نكملها انا وانتي..

لين وهي تمط شفتيها:علشان بس فرح نور يااتش..

هشام :طيب..ولمازن..ايه يادك..مش عايز تروح..

مازن بضحكة:ايدي علي كتفك ياهشام..

هشام بضحكة:ده انت علي اخرك يادك..

ثواني ونروح كلنا..ومبروك مقدما..

مازن بضحكة:الله يبارك فيك يابو نسب..

وينهي هشام الزفاف ويرحل نور ومازن الي منزلهم الجديد..

مازن وهو يحمل نور ويدلف الي المنزل:مبروك يانور..نورتي بيتك..

نور بخجل:ميرسي يا مازن..

مازن بعد ان جلسا سويا:عارفة انا

مكنتش اعرف ان حياتي ضلمة اوي كده..

نور باستغراب:ازاي يعني..

مازن بحب:انتي جيتي نورتي حياتي..ربنا مايحرمنيش منك..

نور وقد اشتعلت وجنتيها خجلا:وانت كمان..ربنا يخليك ليا..

مازن بضحكة:هشام عنده زوق..

خلص الليله وعمل فيا معروف..

نور وهي تنظر اليه بتساؤل:يعني ايه..

مازن بغمزة:هتعرفي الوقتي..ويقبلها..ونتركهم ..

صباحية مباركة مقدما..

>>>>>>>>>>>>>>>>>>>>>>>>>

كوثر بغيظ:يعني دخلوا علي اوضتهم مع بعض..لااااا..انا مش

هستني لغايه ماينفذوا كلام كاظم..من بكرة هحط الدوا واخلص منها..

>>>>>>>>>>>>>>>>>>>>>>>>

تكملة الرواية من هنا