الزهرة المفترسة البارت السادس والعشرون حتي البارت الثلاثون بقلم ديدي كامله على مدونة النجم المتوهج للروايات

الزهرة المفترسة 
البارت السادس والعشرون حتي البارت الثلاثون 
بقلم ديدي
كامله على مدونة النجم المتوهج للروايات 

كوثر بغيظ:يعني دخلوا علي اوضتهم مع بعض..لااااا..انا مش

هستني لغايه ماينفذوا كلام كاظم..من بكرة هحط الدوا واخلص منها..

>>>>>>>>>>>>>>>>>>>>>>>>

عند لين ..

هشام بتعجب:مالك يالينو..انتي بتعيطي..

لين بدموع:نور اتجوزت ياهشام..مش مصدقة..

هشام ضاحكا:ههههه..انتي هتعملي فيها

ام العروسه..ديه امك ذات نفسها معيطتش..

لين بحب:نور ديه بنتي..نوري..حياتي كلها..

هشام بتعوج:يا بختك يانور..وانا مليش كلمتين حلوين..

وبغمزة..ولا اقولك..سيبيني انا اقولك الكلمتين..

لين ضاحكة بسخريه:وانت استاذ ورئيس قسم ..

هشام بضحكة:اينعم..

ونتركهم معا..

>>>>>>>>>>>>>>>>>>>>>>>>>

عند سامي كان يراقب صافي كثيرا..وشعر بشئ

اتجاهها.. عاد مع رجاله وقد اصيب بجروح في جسده..

صافي بلهفة:ايه ده ياسامي..ايه اللي حصل..

سامي بضيق:ملكيش دعوة..

صافي بقلق:يعني ايه..مين عمل فيك كدة..وتلمس وجهه..

لينظر لها سامي بإستغراب :مالك..وبتعملي كده ليه..

صافي وهي تنظر في عينيه مباشرة:مش عارفه..سامي انا..

وتبتلع ريقها..احم احم..انا هجيب حاجة انضف بيها الجرح..

سامي وهو يراقبهاولنفسه:لااااا..مش

كده ياسامي..مش ممكن..اركز كده..

صافي لنفسها:انا مخضوضه اوي كده ليه..

انا خفت عليه ليه..ده خاطفني..لااااا..صافي اتعدلي..

لتذهب اليه وتقطب جروحه وتكمل:انت محتاج ترتاح ياسامي..

سامي بإقتضاب ونبرة جامدة:شوفي شغلك..وملكيش دعوة..

>>>>>>>>>>>>>>>>>>>>>>>>>>>>>>>>

الزهرة المفترسة 
البارت السادس والعشرون حتي البارت الثلاثون

كوثر:ايه ياعم الشيخ..الدوا ولا عامل

اي مفعول..انت ضحكت عليا ولا ايه..

سعيد:لا..انا قولتلك تحطيه بانتظام..انتي اللي بتقولي

انك بتحطيه يوم اه..ويوم لا..واظبي وهتشوفي النتيجة..

كوثر بغل:ماشي..اما اشوف اخرتها معاك..

والدتها:يعني زياراتك كترت هنا ياكوثر..

كوثر بضيق:ايه يعني مش عايزة تشوفيني..

والدتها:مش القصد..بس انتي كل

ماتيجي عند الشيخ سعيد..ناويه علي ايه..

كوثر:ولا حاجة..انا ماشية..اشوفك بخير..

والدتها:وانتي ياختي..ياخوفي تيجي تخلصي

علي بنت المغربي تخلص هي عليكي..

>>>>>>>>>>>>>>>>>>>>>>>>

عند نور كانت سعيدة للغايه ولكن ماكان يعكر

صفوها شعورها بالذنب اتجاه مازن واخفاؤها حقيقتها..

مازن بإبتسامة: مالك يانور..

نور وقد انتبهت: هه.. لا ابدا يامازن سلامتك..

مازن: امال سرحانة في ايه..

نور بإبتسامه حزينه: ولا حاجة..

مازن: طب وزعلانه ليه الوقتي..

نور: ابدا..وبتردد مازن هو انا لو

قولت... ليقطع حديثها رنين هاتفه..

مازن: ثواني يانور.. ايوة ياشوقي..

شوقي: اهلا ياعريس اخبارك ايه..

مازن: الحمد الله.. خير...

شوقي بتهكم: ايه يادك كنت متصل ابارك واطمن

عليك.. بس الواضح انك مشغول.. حقك مانتا عريس..

مازن بحدة: شوقي مش فاضي لظرفك ده..لخص عايز ايه..

شوقي: خلاص ياعمونا..الشحنة الجديدة اتصلوا وهتوصل بعد كام يوم..

مازن بجديه: طيب اتصرف انت انا مش فاضي..

شوقي وهو يمط شفتيه: مش فاضي..طيب..وبجديه اول

ما توصل واخزنها هديك تليفون وتبعت الشيك بالفلوس..

مازن: تمام..يلا سلام الوقتي..

شوقي بضحكة: سلام يادك. وسلملي ع العروسة..

نور بتساؤل: مين يامازن..

مازن: ده شوقي بيقولي ع شغل..

نور بضيق: طيب..انا مش عارفة انت بطيقه ازاي..

مازن بضحكة: عارف انه رخم بس شغلي عايزه..

لانه شاطر..وسيبك منه كنتي عايزة تقولي ايه قبل مايتصل..

نور وهي تنظر اليه..وقد تذكرت تحذير لين: هه ابدا انا

بس كنت عايزة اقولك ان لين وحشاني وعايزة اكلمها..

مازن ضاحكا: انا هبتدي اغير منها علي فكرة..

نور بدهشة: تغير منها..ليه..

مازن: انا ملاحظ ان كل كلامك عنها..بس

قوليلي انتو ازاي اخوات ومش شبه بعض ابدا..

نور بعدم فهم: يعني ايه..

مازن: في الصفات يانور.. وبعشق.. انتي

رقيقة وطيبة وصادقة وده اللي حببني فيكي..

اما لين فديه مقولكيش ع اللي بيتقال عليها..

نور بإنزعاج: قصدك ايه يامازن..

مازن بسرعة: لأ..مش قصدي يعني

هي شخصيتها قويه..والكل بيخاف منها..

ممكن يكون علشان تعاملها في السوق..

نور: اه..بس هي شخصية لين عصبية شويه..بس طيبه اوي..

مازن بضحكة: معاكي انتي بس يانور..لكن الباقي

اجارك الله..بقولك ايه احنا هنقضيها كلام عن لين..

يلا بينا ننزل نتفسح البرنامج اللي انا عاملهولك

كبير ويادوبك نلحق نخلصه في المدة ديه..

نور: بإبتسامة اوك..

>>>>>>>>>>>>>>>>>>>>>>>>>>>

الزهرة المفترسة 
البارت السادس والعشرون حتي البارت الثلاثون

سامي بضيق:هشام..انا عايز لين تخلصني من صافي ديه..

هشام :ليه يعني..وبعدين هي عندك لدلوقتي..

سامي بإقتضاب:ايوة..لين سيباها..

هشام وهو يمط شفتيه:طب ماتخلص منها..

سامي بخضة:ايه..اخلص منها..لا طبعا..

هشام وهو ينظر اليه وهو يضيق عينيه:مالك

ياسامي..اتخضيت ليه..وبعدين هي اول مرة..

سامي بتعلثم:مش كده..بس يعني هي

عملت ايه علشان اخلص منها..حرام..

هشام بضحكة:ايه ياسمسم..انت طبيت ولا ايه..

سامي بتوتر:طبيت ايه انت التاني..لا..مش كدة..

هشام بمكر:طب عيني في عينك كدة..هههه..

جناب الكومانده بيحب ياولاد..قول يا حبيبي قول..

سامي بإنزعاج:هشام..بطل..كله من مراتك..حطتها عندي..

هشام بضحكة:والصنارة غمزت..وبغمزة..بس البت تستاهل..

الله يسهلوا ياسمسم..متنساش تعزمني ع الفرح..

سامي بضيق:تصدق انك غتت..وبتعوج..

وبعدين الحال من بعضه ياخويا..ع الاقل صافي

بتهتم بيا..وحاسة بيا..انما انت...وبشماته..الحب بهدله..

هشام بغيظ:بقي كده ياجناب الكومانده..ماشي..

انا هوريك..وبضحكة..بس مش مصدق..يلا علي بركة الله..

سامي وهو يهز رأسه بقلة حيله:كله منك يالين..دايما جايبالي المصايب..

>>>>>>>>>>>>>>>>>>>>>>>>>>>>>>

كوثر بغل:لااااا..شكلي هزود الدوا..البت ولا كأن..

شويه تعب بس وعادي..وشكلها هترجع وتلين..

انا لازم اخد اجلها واخلص..لتنادي علي سحر..

سحر:ايوة ياست كوثر..

كوثر:هي لين هتتغدي هنا النهارده..

سحر:ايوة ياست هانم..اتصلت من

الشركة..وقالت هترجع بعد ساعتين..

كوثر:طيب لما تحضري الاكل قوليلي..

سحر:امرك..

كوثر لنفسها:ايوة الاكل وهحط فيه..وصعدت

الي غرفه لين..وامسكت بدوائها المنوم..

ووضعت عليه من الدواء..واكملت..اهو كده تبقي تمام..

>>>>>>>>>>>>>>>>>>>>>>>>>>>>>>>

الزهرة المفترسة 
البارت السادس والعشرون حتي البارت الثلاثون

صفاء بغيظ :شفت مرات كاظم بتقول

ايه..البت مستقويه وقارفة هشام..

ممدوح بضيق: ايوة..وكاظم بكتني اول مااتكلمت..

صفاء بغل: لاااا..لازم نشوف حل..البت كدة

متفرعنة..وشايفة نفسها.. لازم اجوز هشام..

ممدوح بضيق: مش هنقدر انتي عايزة

كاظم يقلب علينا ويمنع عنا الفلوس..

صفاء بحنق: امال هنعمل ايه..ولا امها قال ايه

بناتي زي القمر..حدايه مخلفة عقارب.. انا هوريها..

>>>>>>>>>>>>>>>>>>>>>>>>>>>>>>

بعد يومان في الشركه كانت لين متعبة للغايه..

وتستند برأسها علي مكتبها واثناء ذلك دلف اليها هشام..

هشام بتعجب:ايه يالين..نايمة هنا ليه...مبلبعة ايه..

لين وهي ترفع رأسها بتعب:هشام..والله مافايقة ليك..عايز ايه..

هشام:مالك يابت..وبضحكة اوعي تكوني حامل..

لين بضيق:حامل..طب اسكت بقي..قال حامل..

هشام برفعة حاجب:وفيها ايه..وبلامبالاة..

بصي جهزتي الملف بتاع مصنع السكر..

لين:ايوة هتلاقيه عندك هناك..

هشام وهو ينظر حوله :فين..قومي هاتيه..

لين بدموع:بقولك ايه انا مش قادرة

حتي اتحرك..خف وروح هاته وابعد عني..

هشام بإستغراب وقلق:مالك

يالين..فيكي ايه..متغيرة بقالك مده..

لين وهي تتنفس بثقل:مفيش..

عندي صداع من مده ومش بعرف انام..

هشام بقلق:طيب..انا هاخد

الملف واوديه لجدي..وانتي روحي..

لين وهي تعيد رأسها علي

المكتب:طيب..بس سيبني الوقتي..

>>>>>>>>>>>>>>>>>>>>>>>>>>>>>

مازن: نور انا هنزل الشركة بقي..

نور بتذمر: طب وانا يا مازن كل يوم بتسيبني كدة..

مازن وهو يطوق خصرها: لاااا انتي هتفضلي

هنا..انتي عايزاني اقفل الشركة ولا ايه..

نور بتعجب: ليه يعني يامازن..

مازن بإبتسامة: يعني عايزاني اشوفك قدامي

في الشغل واعرف اركز..مش هينفع يانور..

ده انا في البيت وبيقي عقلي طاير..امال في الشغل..

نور بضحكة: اهاااا..لا عندك حق..بس انا كدة بزهق يامازن..

مازن بضحكة :ومين قال كدة..مين قال انك هتبقي فاضيه..

نور بتساؤل: امال هبقي مشغوله في ايه..

مازن بمكر: في عيالنا اللي هنجيبهم وقريب اوي يانور..

نور بإبتسامة: لسه بدري يامازن..

مازن بضحكة: بدري من عمرك ياحبيبتي

انا عايز دسته عيال وهسميهم كلهم نور..

نور بدهشه: كلهم..

مازن: ايوة..

نور: طب وهتناديهم ازاي..

مازن بضحكة: نور واحد..نور اتنين..نور تلاته وهكذا..

نور بضحكة: طب وانا..

مازن بحب: انتي نور قلبي وحياتي.. ويقبلها ويكمل.. بقولك ايه

انا مش رايح الشركه النهاردة اديت نفسي اجازة.. ويحملها..

نور بدهشه: انت بتعمل ايه..

مازن بغمزة: هعمل ايه..ابدا هجيب نور رقم واحد..

>>>>>>>>>>>>>>>>>>>>>>>>>>>>>>>>>>>

كان التعب والارهاق يبدو جليا علي لين..وفي المساء

كان الصداع يتزايد لدرجه تؤرقها من النوم..حتي البكاء..

لين وهي تمسك برأسها وتعصرها بين يديها:

فيه ايه.. دماغي هتتفرتك..هموت.. حتي الزفت

المنوم مش جايب نتيجة ومش قادرة انام..

وظلت تتلوي من الالم في الفراش حتي الصباح..

ارتدت ملابسها وهبطت الي الاسفل ولم تتحدث..

كوثر بخبث: ايه يالين مالك..مش بعوايدك ساكتة..

لين بتعب: مفيش..

كاظم بقلق: لأ انتي تعبانة..اجبلك دكتور..

لين: قولت لأ ياجدي..خلينا

نمشي بقي الناس مستنية..

كاظم بريبة: طيب..امال هشام فين..

لين: معرفش..ابقي اتصل بيه وشوفه

فين..يلا بقي.. لينصرفا الي مصنع السكر..

كوثر بفرحة شامتة: ايوة كدة ظهر عليكي

العلامات..وكلها شويه وتنزاحي من وشي..

في المصنع كان الجميع يتحدث ولكنها لم تكن

تستمع الي كلمة وذلك بسبب الصداع.. احد

العملاء وكدة تكونوا شفتوا الاماكن المخصصة للمكن..

كاظم بجدية: كويس.. بس كدة هتحتاجوا مكن

اكتر من العدد المتفق عليه.. ولا ايه رأيك يالين..

لين بإرهاق: ايوة معاك حق..

هشام: هو عدد العمال هنا كام..

العميل: (....) ولسه طبعا هيزيدوا...

هشام: طيب احنا عموما هنسلمكم

المكن اول مايوصل ونفحصه..و..

لين بتعب: جدي انا همشي الوقتي وكملوا انتوا..

كاظم بقلق: طيب يالين خلي السواق يوصلك..

لين: انا رايحة ع الشركة اشوفك هناك..

>>>>>>>>>>>>>>>>>>>>>>>>>>>>>>>

الزهرة المفترسة 
البارت السادس والعشرون حتي البارت الثلاثون

البارت السابع والعشرون

لين بتعب: جدي انا همشي الوقتي وكملوا انتوا..

كاظم بقلق: طيب يالين خلي السواق يوصلك..

لين: انا رايحة ع الشركة اشوفك هناك..

>>>>>>>>>>>>>>>>>>>>>>>

مازن بتساول: شوقي امال صافي فين..

شوقي بضحكة: ليه يا دك..وحشتك..

مازن بضيق: شوقي مش بهزر.. انا علشان الشغل..

شوقي وهو يمط شفتيه: لا.. ماهي سافرت..

مازن بدهشه: سافرت..سافرت فين..

شوقي: معرفش اتصلت بيها قالتلي

انها واخدة اجازة.. وبتعمل كام بحث..

مازن: طب والشغل..هترجع امته..

شوقي: علمي علمك يا دك.. احنا هنصرف نفسنا بنفسنا..

مازن بضيق: طيب..اتصل بالناس وشوف وصلوا لحد فين..

شوقي: امرك..

>>>>>>>>>>>>>>>>>>>>>>>>>>>>

كاظم وهو ينظر اليها ماشي..

هشام بتساؤل: هي لين رايحة فين..

كاظم بصوت قلق: ع الشركة..

هشام: مالك ياجدي..

كاظم: مش عارف لين

مالها شكلها تعبانة..وبتكابر تقول..

هشام: طيب سيبك منها الوقتي

وقولي ايه رأيك في اللي شفته..

كاظم: لغاية الوقتي كويس..

هشام: طيب يلا بينا نكمل معاينه..

لينطلقا.. ويعودا بعد ذلك للشركة..

وفي المساء..

كاظم: سحر لين جت..

سحر: ايوة ياباشا وطلعت تنام..

وقالت مش عايزة حد يزعجها..

كاظم: طيب كلت..

ام جميل: لأ ياباشا اليومين دول

مش بتدوء الاكل..ووشها تعبان..

كاظم لهشام: انت عملتلها حاجة ياهشام..

هشام بإمتعاض: انا..وانا هعملها ايه..هي كل

بلوة تحطها فيا..يمكن تكون حامل ولا حاجة..

لتختنق كوثر ويقف الطعام في حلقها..

وتشرب المياة وتكمل: حامل..وبغيظ ازاي يعني..

(الهي تطلع روحك يابعيدة)

هشام برفعة حاجب: زي الناس

ياكوثر ولا انا مش مالي عينك..

كوثر بقلق: بس..بس ازاي..

وانت وهي كل واحد في اوضة..

هشام وهو يمط شفتيه: عادي مش مراتي..

كوثر بغيظ: وهي يعني بتسيبك تقربلها..

هشام بحدة: الله وانتي مالك ياكوثر..

وبعدين هو انا اتعيب ولاحاجة..

كاظم بحزم: خلاص ياهشام..وانتي ياكوثر ملكيش

دعوة واحد ومراته..بتدخلي في خصوصياتهم ليه..

كوثر بتعوج: طيب خلاص..وبحقد.. يعني كان عندي

حق في اللي عملته وفي الوقت المناسب..قال حامل قال..

هشام بإقتضاب: انا خارج ياجدي..

كاظم: علي فين ياهشام..انت هتسهر تاني...

هشام بضيق: لأ..بس هروح ابص ع المخازن..

سامي قالي ان فيه كام عامل طردهم..هشوف ايه اللي حصل..

كاظم: طيب..بس متتأخرش علشان اجتماع بكرة..

هشام: طيب.. وبعدم رضا..سلام يامرات جدي..

كوثر بغيظ: سلام ياأتش..

كاظم بحدة: مية مرة اقولك ملكيش دعوة بلين وهشام..

كوثر بغل: وانا قولت حاجة..انا بس بطمن..

كاظم بتهكم: وده من امته..انا عارفك مش بتطيقي لين..

وبتحذير بس حسك عينك ياكوثر تقربي عليها..والا انتي

حرة..ومش علشان مطلقتكيش لدلوقتي خلاص..لا اتقي شري..

كوثر بكره: عرفنا ياسي كاظم..انا خلاص

مليش دعوة ومش هفتح بوقي..انا طالعة انام..

عند لين شعرت بضيق في التنفس والم شديد وكانت

تشعر بأن جسدها يحترق.. حاولت النهوض ولكن لم

تستطع.. حاولت جاهدة ان تنادي احدا ولكن صوتها لم يخرج..

ظلت تتألم وتإن حتي غابت عن الوعي..

>>>>>>>>>>>>>>>>>>>>>>>>>>>>>>

الزهرة المفترسة 
البارت السادس والعشرون حتي البارت الثلاثون

كانت نور في غايه السعادة مع مازن وهو يفعل الكثير لاسعادها..

نور بإبتسامه:انا مبسوطه قوي يامازن..ربنا يخليك ليا..

مازن بحب:وانا كمان يانور..ربنا مايحرمنيش

منك..انتي مش عارفة انا بحبك قد ايه..

نور بخجل:وانا كمان يامازن بحبك قوي..

عارف انا سعيده علشان معاك..

مازن:مش اكتر مني يانور..انتي مش عارفة انا من ساعة

ماشفتك اول مرة في مكتبي..وايه اللي حصلي..حبيتك من اول نظرة..

نور بضحكه:للدرجادي..لاااااا..انا مش مصدقة..

مازن:لا صدقي..واول ما عرفت انك اخت لين..

رحت واتقدمتلك علي طول..وبعتاب رغم انها اتعصبت

ورفضت في الاول..بس لما انتي وافقتي الدنيا مكنتش سايعاني..

نور بإبتسامه:معلش يامازن..انت

عارف لين..بس اهو بقينا مع بعض..

مازن:وانا اقدر ازعل منها..كله يهون علشان خاطرك يانور..

لتبتسم نور في خجل ويكمل مازن :لااااااا..ايه الطماطم ديه..

انا مقدرش علي كده..تعالي انا عايزك في كلمه سر..

نتركهم مع اسرارهم..

>>>>>>>>>>>>>>>>>>>>>>>>>>>>>>>>

في اليوم التالي

كاظم: ها ياهشام ايه الاخبار..

هشام: مفيش ياجدي شويه عمال كانوا

هيسرقوا كام مكنه بس سامي مسكهم..واتروقوا..

كاظم: كويس يلا علشان نلحق الاجتماع..امال لين فين..

هشام بإستغراب: ايه منزلتش..

ام جميل: نايمة ياهشام بيه..

هشام بضحكة: ايه ده..والاجتماع..انا هطلعلها..

وفي الاخر تصوت وتتجنن لو حاجة حصلت..

شكل نموسيتها كحلي انا هصحيها بطريقتي..

كاظم بتحذير: هشام سيب لين..

وانتي يام جميل روحي صحيها..

هشام ضاحكا باصرار: ابدا وربنا

مايصحيها غيري.. استني انتي يام جميل..

ليصعد ويدلف الي غرفة لين..ويكمل..

هشام برفعة حاجب: نايمة في العسل..بت يالين اصحي

يابت.. ماطبعا الهباب اللي بتبلبعه مش مخليها دريانه..

ويقترب منها..لين اصحي..وبضحكة لنفسه..

عارفها اول ماتشوفني ع الصبح هيركبها ميه عفريت..

ليجلس بجوارها..ويلكزها لتستيقظ.. انتي ياحجة اصحي

بقي..ايه الطماطم ديه..ضاربه وشك ايه..لين الله مالها..

ليمسك بوجهها ويحركه برخامة..ولكنه يلاحظ عدم ابدائها

اي انزعاج..ليتحسس جبهتها ويجدها ساخنة جدا..

هشام بقلق: لين مالك..اصحي..ويهزها ولكن..

الله البت مالها..لأ كدة كتير..لين ردي عليا..

..ويصرخ علي ام جميل.. لتأتي راكضة..

ام جميل:ايه ياهشام بيه..عايز حاجة..

هشام بنبرة متوترة: بسرعة

قولي للسواق يحضر العربيه..

ام جميل بقلق: فيه ايه يابني..

هشام بعصبية: انتي لسه هتلوكي..

اجري اعملي اللي قولتلك عليه بسرعة..

ليزيح عنها الغطاء في توتر وينظر الي ثوبها القصير..

ويكمل.. ايه الحلاوة ديه.... يخربيت دماغي انا في ايه ولا ايه..

بس هتنزل ازاي كدة.. ايوة..ليأخذ روبا طويلا ويلبسه لها

وهي مستسلمه تماما..وجسدها متراخي..ويحملها ويهبط سريعا..

كاظم بخضة: فيه ايه ياهشام..مالها لين..

هشام صارخا: وسع الوقتي ياجدي..

لينطلق وخلفه كاظم ويأمر السائق بالتوجه الي المشفي...

في السيارة..

كاظم بتوتر: مالها..ايه اللي جري..

هشام وهو يضربها علي وجنتيها محاولا ايقاظها وبتوتر:

مش عارف بصحيها مردتش ومولعة نار..وللسائق شد بسرعة..

كاظم بقلق: انا كنت حاسس انها فيها حاجة..

هشام: لين ردي..مالك.. وللسائق بعصبية..

اخلص في يوم اهلك هرقدك جمبها..

السائق: ياباشا خلاص وصلنا..

ويصلوا الي المشفي ويأخذوها الي غرفة الطوارئ.. وهشام

يرزع الطرقة ذهابا وايابا في عصبيه..حتي يخرج الطبيب..

كاظم بسرعة: فيها ايه لين..

الطبيب المدام: عندها تسمم في الدم..

كاظم: يعني ايه..

الطبيب: يعني دمها اتلوث وده من

وجود بكتيريا معينه دخلت جسمها..

هشام بعصبية: يعني هي كويسة ولا ايه..

الطبيب: مش هنحدد الوقتي هتقعد في العنايه كام يوم وهنعملها

نقل دم ونشوف..بس ازاي ملاحظتوش عليها ده..ده عندها من مدة..

كاظم بحزن: مكنش باين..

الطبيب: ازاي يافندم تسمم الدم ده زي البرد..

يعني بتلاحظ المريض وشه تعبان وعنده صداع وبيتعب

بسرعة بجانب ارتفاع الحرارة. كل ده وجوزها مش ملاحظ..

هشام بعصبية شديدة: قولنا مكناش نعرف..

الطبيب: طيب عن اذنكم..

هشام بقلق : وده جالها منين..طب هيحصلها ايه..

كاظم بحزن وهو يربت علي كتفه: اهدي

ياهشام هتبقي كويسة ان شاء الله..

هشام بخوف: يارب ياجدي.. يارب..

عند كوثر بسعادة بالغة: ايوة بقي امته يتصلوا ويجيبوا خبرها..

شكل سرك باتع ياشيخ سعيد.. البت كانت مفرفرة ع الاخر..

اخيرا هرتاح منك يالين.. وتصعد سريعا الي غرفه لين وتكمل..

دلوقتي لازم اخلص من الدوا ده..وكمان الحبوب

بتاعة لين..لحسن حد يعرف كدة ولا كدة..

وتأخذ علبه المنوم الخاصة بلين وتهم

بالخروج ولكن يرن هاتف لين لتنظر وتجدها نور..

كوثر لنفسها وبحقد: اختها استني عليا..وترد..الو..

نور بضحكة: ايوة يالينو اخبارك..

كوثر بتعوج انا مش لين..انا كوثر..

نور بإستغراب: كوثر امال فين

لين..وتليفونها بيعمل معاكي ايه..

كوثر بغل وشماتة: اختك في المستشفي ياعنيا..

نور بزعر: مستشفي بتعمل ايه هناك..وبحدة.. انطقي..

الزهرة المفترسة 
البارت السادس والعشرون حتي البارت الثلاثون

كوثر بتعوج ولامبالاة: معرفش صحينا الصبح

لقيناها مخلصة.. وهشام وكاظم خدوها ع المستشفي..

يلا سلام الوقتي..وتغلق الهاتف في وجه نور

التي تسرع باكيه الي مازن..

مازن بخضة: مالك يانور فيه ايه..

نور ببكاء وشهقات: لين..في المستشفي..اتصلت قالولي كدة..

مازن وهو يحتضنها: خلاص يانور..اهدي..البسي وهنروحلها..

ليرتدوا ملابسهم سريعا ويذهبوا الي المشفي..

وصلت نور ومازن..

نور ببكاء: مالها لين ياهشام..رد عليا...

هشام بقلق: تسمم في الدم..

نور بعيون جاحظة: ايه..هي فين..جرالها ايه..

هشام بعصبية: نور ابعدي عني الوقتي..انا مش ناقصك..

نور بحدة: امال ايه فين اختي ياهشام..عملتلها ايه..

هشام وهو يمسح وجهه بغضب: نور ابوس ايدك انا مش ناقص..

لين في العناية الوقتي.. متخلنيش انفجر فيكي انتي..

كاظم: تعالي يانور..سيبي هشام الوقتي..

نور ببكاء: لين ياجدي..ايه اللي حصلها..

كاظم بحزن: الدكتور قال لسه مش عارف غير

ان عندها تسمم..وميعرفش هتفوق امته..

مازن مطمئنا:متخافيش يانور بتحصل عادي هيلحقوها..

كل اللي هيحصل هتفضل لغايه مايتنقي دمها وتفوق..

نور ببكاء: انا خايفة اوي يامازن..طب ده جالها منين..

مازن: ده بيبقي من حاجة ملوثة دخلت الدم..

هشام بتوتر وعصبية: الزفت الدكتور ده مش بيطمنا ليه..

مازن: ياجماعة اهدوا مفيش حاجة..تعالي يانور واقعدي..

ليدق هاتف كاظم: الو ايوة طيب..هشوف..

كاظم لهشام.. بيتصلوا علشان الاجتماع..

هشام بعصبية: يتحرق..انا مش متحرك من هنا..

كاظم بأسي: ماشي خليك وانا هروح..

ليذهب كاظم.. ويصل سامي..

سامي بقلق: مالها لين ياهشام..

هشام بعصبية شديدة: شايفني الدكتور ياسامي

كله بيسألي انا..ارحم اللي خلفوني..معرفش..

سامي: خلاص اهدي هتبقي كويسة..

كان هشام يحرك ساقيه بعصبية شديدة وعلي وشك الانفجار..

سامي بتوجس: هشام تعالي معايا برا شويه..

هشام بغضب وانفعال: قلت مش هتحرك..ابعد عني..

>>>>>>>>>>>>>>>>>>>>>>>>>>>>>>>>>>>

الزهرة المفترسة 

 البارت الثامن و العشرون

كان هشام يحرك ساقيه بعصبية شديدة وعلي وشك الانفجار..

سامي بتوجس: هشام تعالي معايا برا شويه..

هشام بغضب وانفعال: قلت مش هتحرك..ابعد عني..

ويتركه ويرحل.. ذهب هشام الي العناية وطلب من الممرضة

ادخاله وبالطبع ادخلته بعد ان اعطاها بعض المال..

دلف ليجدها موصله ببعض الاجهزة واكياس للدم..

جلس هشام علي الكرسي المقابل لفراش لين وامسك بيدها..

هشام بحزن: ايه يالينو اللي جرالك..معقوله اخرتك كدة..

هتليني للمرض ولا ايه..من امته بتستسلمي..يلا قومي..

دول شويه تعب هيرقدوكي كدة..فوقي هتسيبي كوثر تشمت فيكي..

وبإبتسامة حزينه.. مش هتقتليني زي ماقلتي.. وبضحكة..

بس ايه اللي كنتي لابساه ده..مش عيب عليكي امال

منشفاها عليا ليه..وبحزن يلا يالين فوقي.. وبحزم في اذنها..

اوعي تليني يالين..اوعي تعمليها نور برا وخايفة عليكي..

هتسبيها..ارجعيلها.. وبرجاء.. ارجعيلي يالينو اوعي تسيبيني..

لتدلف الممرضة وتخبره بالرحيل.. ليقبل جبينها ويرحل..

سامي: كنت فين ياهشام..

هشام بضيق: مكنتش...

>>>>>>>>>>>>>>>>>>>>>>

الزهرة المفترسة 
البارت السادس والعشرون حتي البارت الثلاثون

عاد كاظم الي الفيلا..

كوثر بلهفة:ها ياكاظم..ايه الاخبار..

كاظم بحزن:في العناية..عندها تسمم في الدم..

كوثر بترقب:يعني الدكاترة قالوا ايه..فيه امل..

كاظم بضيق:ان شاء الله..

كوثر:وهشام فين..مجاش ليه..

كاظم بتهكم:وانتي فكرك هشام

يسيب لين عيانه..ويجي..لا طبعا..

كوثر بغيظ:ااااخ ياناري..الصبر طيب..

ان شالله اسمع خبرها عن قريب..

>>>>>>>>>>>>>>>>>>>>>>>>>>>>>>>>

نور ببكاء: لين هتبقي كويسة ياهشام مش كدة..

هشام وهو يحاول الابتسام وطمأنه نور: اكيد يانور يعني انتي

مش عارفاها..شويه وهتفوق.. ديه لين اللي عمرها مالانت..

لتبتسم نور من بين دموعها وتكمل: وكمان لسه مهمتها مخلصتش..

هي قالت انها هتخلص عليك..ومش هتموت الا بعد ماتموتك..

ليبتسم هشام ابتسامه منكسرة ويحتضن

نور مكملا: اكيد وهي دايما قد كلمتها..

مازن ضاحكا: ايه يا هشام راعي اني واقف بتحضن

مراتي كدة عيني عينك..وسع ياسيدي.. شويه ومراتك

تفوق واحضن فيها زي مانتا عايز.. لكن سيب مراتي ياخويا..

هشام بإبتسامة جانبية ولم يعلق..

العنايه تستيقظ لين وتفتح عيناها

ببطئ.. لتري المكان المتواجدة فيه..

وتري الممرضة بجانبها لتكمل

لين بصوت خافت متعب: انا فين..

الممرضة :حمدلله علي سلامتك.. ثواني هنده الدكتور..

لتعود وتغمض عيناها.. ليدلف الطبيب

ويفحصها ولكن لاتخرج من العنايه..

الطبيب: حمدلله علي سلامة المدام..هي فاقت

بس هتفضل شويه في العنايه لحد مانطمن..

هشام بلهفة: يعني بقت كويسة..

الطبيب: ايوة يافندم..

نور بفرحة: الحمد الله..

هشام بضحكة وارتياح: ديه لين اللي عمرها

ماكانت اسم علي مسمي.. صفاتها عكس اسمها..

كاظم بضحكة: طول عمر لين تحب

تسيب الاعصاب ولا ايه يااتش..

هشام: عادة ولا هتشتريها..

مازن بضحكة لنور: مكنتش اعرف ان هشام بيحب

لين كدة ده شكله اتبهدل خالص في اليومين اللي فاتوا..

نور بإبتسامة: ايوة بس بيكابر.. طول عمره بيحبها..

وبضحكة.. بس لين عقدته.. المهم الوقتي هي بقت بخير..

تنقل لين الي غرفة عادية ويدلف اليها الجميع..

ليسرع هشام بإحتضانها بشدة بعيون دامعة..

لين بصوت متعب:ايه ياهشام خنقتني..ليبتعد عنها

ويتلمس وجهها..لتكمل بتساؤل.. مالها عينيك..

هشام وهو ينظر لها بصوت متحشرج:مفيش..

اصلي منمتش كويس..ويبتعد عنها

ويكمل..نور كانت خايفة عليكي..

نور بإبتسامة دامعة: لينو حمدلله علي سلامتك..

لين بتعب: الله يسلمك.. وحياه

ابوكي ماتعيطي انا مش ناقصة..

مازن: حمدلله علي سلامتك يالين..

لين: الله يسلمك..

كاظم وهو يقبل جبينها: كدة يالين فزعتينا..

لين: نعمل ايه بقي نصيب..

هشام بضحكة: نصيب ولا طفاسة..

كلتي ايه ياختي علشان يعملك كدة..

لين بضيق: هشام خف..

نور بضحكة: مستعد يا اتش..

هشام بتوعد: طبعا..

لين بتوجس: مستعد ليه.. ناويين

علي ايه انتو بتبصولي كدة ليه..

لينطلق اليها نور وهشام ويحتضناها بشدة..

لين صارخة وهي تحاول ابعادهم:عااااااي..

اوعوا هتفطسوني.. مفيش نجدة هنا..

نور: لأ ده علشان تبقي تخضينا كدة..

مازن بضحكة: خلاص ياجماعة سيبوها..

نور: علشانك انت بس ياحبيبي..

مازن بحب: تسلمي ياقلبي..

لين بضيق: لا بقولكم ايه انا تعبانة..

ومعنديش مرارة ليكم اطرقوا برا وخلوني انام يلا..

نور بعتاب: كدة برضو بتطردينا يالين..

اهي فاقت يااتتش وابتدي جبروتها..

كاظم: يلا بينا ونسيبها ترتاح..

مازن: يلا ونيجي بكرة..

نور وهي تحتضنها: اشوفك بكرة يالينو..

لين بإبتسامة: ماشي يانور..

ليخرجوا.. وترحل نور ومازن..

كاظم بإستغراب: رايح فين ياهشام..مش هتروح معايا..

هشام: نسيت حاجة هروح اجيبها

وارجع..روح انت ياجدي وانا هحصلك..

كاظم بعدم اهتمام: طيب..

>>>>>>>>>>>>>>>>>>>>>>>>>>>

الزهرة المفترسة 
البارت السادس والعشرون حتي البارت الثلاثون

كان سامي جالسا مع صافي..

سامي بضحكة: هو انتي هتفضلي بصالي كدة كتير ياصافي..

صافي بحب: مش عارفة ياسامي..بس مقدرش ابعد عنك..

سامي: ايه ده كله مش للدرجادي يعني..

لتنهض صافي وتقترب منه وتجلس بجواره ويحتضنها..

صافي: بجد انا مش عارفة انا كنت

عايشة قبلك ازاي ياسامي..انا بحبك اوي..

سامي بنبره هادئه: وانا كمان بحبك

ياصافي..وبضحكة.. البركه في لين..

صافي بتساؤل: الا قولي ياسامي

انت تعرف لين وهشام منين..

سامي بشتغل: معاهم..

صافي: مش قصدي.. انت اتعرفت عليهم ازاي..

سامي بتنهيدة: انا هقولك.. طبعا انا

حكتلك عن نادي المصارعة والقفص الدموي..

صافي بإنصات: ايوة..

سامي: انا كنت من عيله متوسطة الحال وورثت عنهم المطعم ده..

طبعا كان صغير مش بالشكل ده.. المهم في يوم جت مجموعة

شباب وهما سكرانين وطبعا دخلوا وقلبوا الدنيا وانا حاولت اخرجهم برا وطردهم..

وبعد كام يوم وانا مروح لقيت حد ضربني علي دماغي

محستش بنفسي ولما فوقت لقيت نفسي جوا قفص..

ولقيت مصارع راح شدني وطبعا مقولكيش اخدت علقة

تكسير وبعديها رموني للموت علي الطريق..

لجل حظي كان كاظم وهشام راجعين ولقيوني ع الطريق

هشام وقف العربية ونزل..كاظم افتكرني ميت وقال لهشام

يسبني لكن هشام قاله اني عايش واخدني معاه في العربية..

ووداني المستشفي ولما فوقت لقيته.. سألني علي اللي حصلي وحكتله..

هشام كان مجنون من يومه وانا حلفت يوميها اني انتقم من

اللي عملوه فيا بعد ما اتكسرت خالص.. ادربت انا وهشام كتير

وعلشان هشام ابن المغربي عرفنا ندخل النادي وشويه

بشويه عرفنا النظام وبقينا نكسب المباريات واتعرفنا..

وابتدوا يجوا علي المطعم بتاعي وعرفت ناس كتير

من كل الاصناف..بس بعد اللي حصلي عرفت اني لازم

اكون قوي ومسنود.. وكاظم ساعدني كتير وكونت

جماعة ليا وبقيت زي مانتي شايفة..

صافي بتأثر: يعني انت حصلك ده كله ياسامي..

سامي: ايوة.. ولولا هشام كان زماني

ميت والكلاب بتاكل في جثتي..

صافي: ومن يوميها وانتو اصحاب مش كدة..

سامي بضحكة: ايوة..صحبه الهنا..من حوالي 16 سنه....

انا من يوميها وقلبي مات.. بس جيتي انتي ورجعتيه يا صافي..

صافي بعشق: وانت عرفتي ازاي اعيش ياسمسم..

سامي: الفضل كله لعيله المغربي هشام انقذني من

الموت.. ولين جابتك ليا وصحت قلبي وخلتني مبسوط..

>>>>>>>>>>>>>>>>>>>>>>>>>>>

يدلف هشام الي غرفة لين ويجدها جالسه علي الفراش

ساندة رأسها للخلف مغمضه العين.. ويجدها تبكي وتتعالي شهقاتها..

هشام بقلق: مالك يالين..

لين بعصبية وتعب: انت رجعت تاني ليه..

>>>>>>>>>>>>>>>>>>>>>>>>

في الفيلا..

كوثر:حصل ايه..

كاظم بفرحة:فاقت وبقت كويسه..الحمد الله..

كوثر بصدمة:يعني هتخف..مش خلاص..

كاظم بتساؤل:خلاص ايه..انت كنتي عايزاها تموت ولا ايه..

كوثر بتعوج:لا..انا بسال علشان اطمن عليها بس..

>>>>>>>>>>>>>>>>>>>>>>>>>>>>>>>>>

هشام بعيون قلقة: قولي فيكي ايه..

لين وهي تنظر اليه بصوت متحشرج وبكاء: اول مرة احس بالضعف..

كنت هموت.. مكنتش قادرة اتحرك..ولا حتي انادي علي حد..

هشام بأسي وهو يجلس مقابلها و يمسح دموعها: فيها ايه

ما الكل معرض للمرض يالينو..وبضحكة.. وبعدين انتي اللي

بتحبي تنامي لوحدك.. خليتي الدكتور سمعني كلام زي الفل..

متقلقيش من هنا ورايح هتلاقيني ناطط عندك في الاوضه..

لتلمس لين وجه هشام مكمله: ليه انت دايما اللي بتلحقني..

هشام بضحكة: نصيبك يالينو..

لين بنظرة غريبه: مش عارفة انت ايه ياهشام..

بتحبني ولا بتكرهني ولا ايه بالظبط..

ليمسك هشام بيدها ويقبل يدها

ويحتضنها مكملا: انا نفسي مش عارف..

لتضحك لين بشدة..

ويبتعد هشام عنها وبتعجب: بتضحكي علي ايه..

لين:ههههه.. اصلي افتكرت كلام نور.. مرة قالتلي

انك شبه عارضين الازياء دايما مستحمي تيجي

تشوفك الوقتي..ايه الدقن ديه ياهشام..

هشام ضاحكا: اهلا هما ادوكي ايه.. معمر الجمجمة كدة..

لين بضحكة: ولا اعرف بس انت ايه اللي رجعك..

هشام وهو يهز كتفيه: مش عارف..

وكمان يمكن مش عايز اشوف وش كوثر..

لين بغل: اكيد كانت بترقص..استني

لما ارجعلها وهي هتتجلط فيها..

هشام بضحكة: اكيد ديه كانت مستنيه خبرك..

لين بثقة: عمري ماهنولهالها..وبضيق..

يلا امشي بقي انت رزل كدة ليه عايزة انام..

هشام وهو يهز راسه: انا كدة اطمنت عليكي..

الزهرة المفترسة 
البارت السادس والعشرون حتي البارت الثلاثون

رجعتي زي مانتي سلام يالينو..

لين: هشام..

هشام بإنتباه: ايوة يالين..

لين بضحكة: خليك معايا..ههههه..اصل الدوا اللي وخداها

مش عارفة مخليني متلخبطة.. ههههه.. فرصة ليك برضو..

هشام ضاحكا: فعلا فرصه.. وسعي شويه..

لين بتعجب: ليه..

هشام وهو يشاور بيده: هنام جمبك..

لين وهي تلوح يديها: لأ.. امشي رجعت في كلامي..

هشام وهو يرفع حاجبه: لأ ده انا مصدقت

ويتسطح بجوارها ويحتضنها وينام..

لين بتنهيدة ولنفسها وهي تنظر الي وجه هشام: مش عارفة

ليه قلتلك كدة.. بس اللي انا عارفاه اني اول مرة اخاف ابقي لوحدي..

وبضحكة.. وانت ماصدقت.. ايه ده اللي يشوفك

يقول اديك سنه مش نايم..وتغلق عيناها وتنام هي ايضا..

>>>>>>>>>>>>>>>>>>>>>>>>>>>>

الزهرة المفترسة › 

البارت التاسع و العشرون

في الهاتف..

دعاء بقلق:يعني لين بقت كويسة يانور..

نور:ايوة ياماما الحمد الله..

دعاء بحزن:انتي عارفة مقدرش اسيب ابوكي..لولا كدة كنت جيت..

نور بأسي:عارفة ياماما..معلش..

دعاء:خلي بالك من اختك يانور..وسلميلي عليها..سلام الوقتي..

نور:حاضر..سلام..

عامر بتهكم:قولتلك هتبقي كويسة..ديه ميجرلهاش حاجة..

دعاء بحدة:ايه..هي ديه مش بنتك حرام عليك..كنت عايزها تموت..

عامر بغضب:لمي نفسك..جاتك البلا انتي وهي..

دعاء بحزن وغيظ:ربنا ياخدك وارتاح منك..

>>>>>>>>>>>>>>>>>>>>>>>>>>>>>>>

ذهبت كوثر الي الحي وسألت عن الشيخ سعيد..

كوثر: امال الشيخ سعيد راح فين ياما..

والدتها: اسكتي ياكوثر مش اتقبض عليه..

الحكومه جت من كام يوم ومسكته..

كوثر بدهشة وصدمة: ليه..ايه اللي حصل..

والدتها: ولا نعرف يابنتي..

كوثر بتفكير: طب وانا هعمل ايه الوقتي سعيد اتحبس..

ولين في المستشفي وانا اللي كنت جايه اخليه يديني حاجة

اقوي من الاولي..وبغبائي رميت اللي ادهوني.. هشوف انا هعمل ايه..

والدتها: ايه يابت روحتي فين..

كوثر بضيق: مفيش..بقولك ايه ياما اول

ما يطلع الشيخ سعيد اتصلي بيا وقوليلي..

والدتها بتعوج:طيب ياختي..

>>>>>>>>>>>>>>>>>>>>>>>>

بعد يومان في المشفي صباحا..

هشام:عامله ايه الوقتي..

لين بملل:عمرك اتفرجت علي التلفزيون

الصبح..اووووف.. ممل بدرجة رهيبة..

هشام بضحكة:شكلك بقيتي احسن..انا كلمت الدكتور بتاعك..

لين بغيظ:تقصد حشوة القماش الابيض

ابو كرش ده..انا هقتله بس اصبر عليا..

هشام وهو يجلس بجوارها علي الفراش وبضحكة:ههههه..

حشوة قماش..لاااااا انتي كدة بقيتي كويسة..

ويتحسس جبهتها مكملا..حتي السخونه راحت..

لتزيح لين يديه وبضيق:ايه ده.. اوعي..وبعدين لازق

جمبي كده ليه..اقعد بعيد شويه علشان النفس..

هشام بتهكم وغيظ:النفس..تصدقي انك ناكرة جميل..

بقي بعد ما اجيبك والحقك تقولي كدة..

لين بتعوج:ماهو لجل حظي النحس مش بلاقي غيرك

يلحقني..بس قولي انت كنت جاي اوضتي تعمل ايه..

هشام بضحكة:الصراحة..ارخم عليكي..

لين:اهاااا..قولتلي..طيب يلا بقا طرقنا..وشوف

حشوة القماش هيخرجني من هنا امته..

هشام بغيظ:طب مش ماشي وقاعد

علي قلبك..ويقترب منها اكثر..

لين بضيق:اوعي يااخي..ده انت تنح..انا هنادي الدكتور..

انا مش عيانه..وانت بضايقني..وده غلط علي صحتي...

هشام ضاحكا وهو يمسك بها: مش انا رخم..هوريكي

الرخامة..وعدي بقي كام جميله عاملها فيكي لدلوقتي..

لين بغيظ: اتنين..مش اكتر..وهردهملك..بس اوعي..

هشام غامزا:لأ.. تلاته..انا مش بنسي..

لتدلف نور وبضحكة: الله..الله..ايه ياعم اتش ده..عيب مش هنا..

لين بإستنجاد:نور..وحياه مازن عندك..

ابعديه عني..ده عمال يرخم وانا مش ناقصاه..

نور بضحكة:ايه يااتش..اللي يشوفك الوقتي..

ميشوفكش ولين في العناية..شكلك كده فايق ومبسوط..

هشام بسرعة:ماله شكلي وهي في

العناية..ماكنت مبسوط وفرحان..

نور بتهكم ضاحكة: لا والنبي ده انت كنت..

هشام مقاطعا:نور..بقولك ايه ماتروحي

تشوفي حالك..شكلك خرفتي..ولا روحي لجوزك..

لين بتساؤل:هو ايه اللي حصل وانا في العناية..

هشام:ولا حاجة..نور بتهزر..وهو ينظر

الي نور شزرا..مش كده يانور..

نور بتعجب:كدة يااتش..ها يالينو عامله ايه..

لين:الحمد الله..وانت ياعم الرخم..ماتمشي

بقي..مش وراك شغل..ولا ان غاب القط العب يا فار..

هشام بضحكة:بقيت فار الوقتي..مش كنت

كلب وديلي معووج..ماشي يالينو..

لين:ايوة وخد الباب في ايدك..

نور وهي تضحك:انا لو منك امشي

يااتش..شكلك بقي وحش اوووووي..

هشام بغيظ:ماشي يالين..بس عدي الجمايل..و يتركهم و يرحل..

نور وهي تحتضن لين:الف سلامة عليكي يالينو..

لين بإبتسامة:الله يسلمك يانوري..بس انا زهقت من المستشفي هنا..

نور:معلش..الدكتور قال كام يوم يطمن وبعدين تمشي..

لين بغيظ:بت يانور..فكريني بعد ماخرج من هنا

الزهرة المفترسة 
البارت السادس والعشرون حتي البارت الثلاثون

اجيب عروسه لعبة علي شكل دكتور وافضل احط فيها ابر..

نور بتعجب:ليه يالين..علشان ايه..

لين بغل:علشان حشوة القماش ابو كرش

اللي هراني بالابر وخرم جلدي ده..

نور:هههههههه..طيب..ليكي عليا اول ما تخرجي اجيبلك واحد..

لين بغيظ ولنفسها: اااه لو اطولك ياحشوة

القطن وربنا اخرمك من اول راسك لرجليك..

>>>>>>>>>>>>>>>>>>>>>>>>>>>>

ذهبت صفاء الي دعاء..

صفاء بتعوج: ازيك يام البنات..

دعاء بضيق: اهلا ام هشام خير..

صفاء: ايه ياختي مش عايزة تشوفيني ولا ايه..

دعاء: العفو..بس اصلك مش بتيجي غير في المناسبات..

صفاء بتعوج: بصي ياختي علشان ايه..منلفش

وندور بنتك اللي شايفة نفسها اوي ديه..تلميها..

دعاء بحدة: قصدك ايه..سيبي بنتي في حالها كفايه اللي هي فيه..

صفاء بتعوج: ماهي زي الجن..محصلهاش حاجة...

وتكمل.. قصدي سيرتنا اللي علي كل لسان..بنتك

اللي زي الارض البايرة حته عيل مش عارفة تجيبه..معيوبه..

دعاء بغضب: لمي لسانك ياصفاء انا بنتي

زي الفل..وبتهكم.. مش يمكن العيب من ابنك..

صفاء بغضب: فشر.. قطع لسانك انا ابني سيد الرجاله..

دعاء بسخريه: سيد الرجاله فعلا..بأمارة ماساب بنتي وسافر..

صفاء بتعوج: مش مجنونه..عايزاه يفضل معاها

وهي عايزه تموته..ديه عايزه السرايا الصفرا..

دعاء بغضب: السرايا الصفرا ديه تلمك..بعد الشر علي بنتي..

ابنك هو اللي جننها.. من عمايله فيها وضربه عمال علي بطال..

بقولك ايه غوري بقي وروحي علي بيتك..مش ناقصة قرف ع الصبح..

صفاء بغضب: انتي بتطرديني يا دعاء..طيب انا هوريكي.. وترحل..

دعاء بحنق: غوري وليه سو..عيني عليكي وعلي حظك يابنتي..

>>>>>>>>>>>>>>>>>>>>>>>>>>>

اتصلت صفاء بهشام باكيه..

هشام: خير ياما بتعيطي ليه..

صفاء ببكاء مصطنع: يرضيك ياهشام امك تتهان من حماتك

انا اروح ازورها واودها..وهي تطردني..لا وكمان بقولها بنتك

مش عارفة تجيب عيل تفرحنا بيه تلسن عليك وتقول العيب منك..

هشام بغضب: انتي بتقولي ايه..وبعدين ايه اللي يوديكي ليها..

صفاء: مش حماتك الناس تقول ايه.. وبعدين

ياهشام الناس اكلت وشي انا وابوك..

هشام بحنق: يعني عايزة ايه..

صفاء بغل: اتجوز عليها وهاتلك عيل.. اكسر عنيهم وخليهم

يعرفوا ان العيب من بنتهم.. شاور علي اي واحدة وانا اجوزهالك..

(ااااه يا وليه يا حيزبونه..وربنا ماطيقاكي..جاتك البلا فيكي

انتي وابنك..احم احم..اوبس..لبخت انا..سوري يا اتش..

انا علي امك..متاخدش في بالك..ركز مع لين)

هشام بضيق: ان شاء الله ياما.. بقولك ايه انا عندي شغل الوقتي سلام..

صفاء: سلام ياقلب امك.. وبرفعة حاجب انا هوريكي يا دعاء انتي وبنتك..

هشام لنفسه بضيق: فاضي انا لكلام النسوان والقرف ده..

>>>>>>>>>>>>>>>>>>>>>>>>>>

بعد عدة ايام تخرج لين من المشفي..وتعود الي الفيلا..

كوثر بغل:حمدلله ع السلامة يالين..

لين بضحكة:الله لا يسلمك ياكوثر..طبعا

برطعتي في البيت من غيري..بس انا رجعتلك..

هشام ضاحكا:هههه..ايوة رجعت ريمة لعادتها القديمة..

كوثر بغيظ وتعوج:عارفة ياختي..اصلك زي القطط بسبع ترواح..

لين وهي تخمس في وجهها:الله اكبر في عينك..

شكلك كده انتي اللي نشيتيني العين.. يام عين

مدوره..حد يجيبلي شويه ملح ارميهم في وشك..

(ده احنا هنرش الملح تسع مرات يا لينو متقلقيش)

كوثر بغيظ وكره لنفسها:مفيش حاجة بتحوق..

لا ورجعتي احسن من الاول..بس ماشي فلتي

المرادي..المرة اللي جاية ابدا..نهايتك علي ايدي..

هشام: يلا يالين اطلعي ارتاحي..ب

عدين ابقي كملي اسطوانتك ديه..

لين برفعة حاجب:يلا اطلع انام انا..

وانتي يا كوكي نامت عليكي حيطة..

>>>>>>>>>>>>>>>>>>>>>>>>>>>>>>>

دلف هشام الي غرفة لين..

لين بضيق: عايز ايه..

هشام ببرود: ابدا..هنام..

لين بعصبية: تنام فين ياهشام..

يلا علي اوضتك عايزة ارتاح..

هشام بلامبالاة: نامي السرير واسع..

وبغمزة.. وحضني اوسع يالينو..

لين وهي تهز ساقها بعصبيه: هشام انا تعبانه فبلاش رخامة..

هشام بجديه: بصي بقي انا هنام هنا ومعاكي..

وبغيظ.. بقي انا تخلي الدكتور يقولي مش عارف ايه..

وعلشان انتي تعبانة انا هفضل جمبك..

لين وهي تحبس انفاسها بغيظ: يعني مش هخلص منك..

هشام بإبتسامه واسعة: عمرك يالينو..

انا قاعد علي قلبك ومش سايبك..

لتنام لين محتضنه وسادتها..فيسحبها منها هشام..

لين بغضب: هات المخدة..

هشام: لأ.. هنام عليها..

الزهرة المفترسة 
البارت السادس والعشرون حتي البارت الثلاثون

لين بحنق: انت عارف مش بعرف انام من غيرها هاتها بقي..

هشام بضحكة: لأ اعتبريني انا المخدة ..

ويتسطح بجوارها ويحاوطها بذراعيه..

لين وهي تحاول الابتعاد عنه: ايه ده..

انا مش هعرف انام كدة..

هشام وهو يطبق ذراعيه اكثر ويغمض

عينيه: وانا كمان معرفش انام غير كدة..

لين بضيق: اووووف..

هشام: تصبحي علي خير يالينو..

لين بغيظ: كوابيس سودا ياهشام..

هشام ضاحكا: مفيش كوابيس تجيني طول مانا نايم جمبك..

ويسند رأسها علي صدره وينام..

>>>>>>>>>>>>>>>>>>>>>>>>>

مازن:شكلك مبسوطه يانور...

نور بإبتسامه:لين بقت كويسة الحمد الله..وروحت..

مازن بإبتسامه:يعني ده كله علشان لين..طب وانا..

نور بإبتسامه:انت حبيبي..المفروض متغرش

من لين يامازن..هي اختي وانت جوزي حبيبي..

مازن بفرحة :ايوة بقي..وانتي نوري يا نور..

نور ضاحكة:ههه...لين دايما هي اللي بتقولي الكلمة ديه..

مازن بحب:عندها حق..لانك فعلا نور حياتنا..

اللي بتنوري دنيتنا..انا مقدرش اعيش من غيرك..

نور بسعادة:وانا كمان يامازن..مقدرش ابعد عنك ابدا..

مازن بضحكة:بقولك ايه..كده انا مش

مسئول انتي اللي قولتي..ويقترب منها..

نور بعدم فهم:مش مسئول عن ايه..

مازن غامزا:انتي اللي قولتي متقدريش

تبعدي عني..وانا اهو..مش برفضلك طلب..

نور:يامازن الله..

مازن :نور الاول ينادينا..

>>>>>>>>>>>>>>>>>>>>>>>>>>>>

في الفيلا علي مائده الافطار..كانت لين تتناول

افطارها ليجلس هشام ويتناول من طعامها..

لين بضيق:ايه ده..ماعندك طبقك..اوووف..

هشام بضحكة:انا عاجبني بتاعك..

كاظم:بس بقي..متضايقهاش..انت رزل ليه ع الصبح..

هشام ضاحكا:كيفي كدة..

لين بحنق:اتفضل اشبع بيه..حتي الاكله

باصصلي فيه..وتبدأ بشرب العصير..وترتشف منه..

ليسحبه هشام ويشربه ويكمل:وده كمان عايزه..

لين بغيظ:تصدق انك رخم..انا مش واكله..انا هسيبلك

المكان كله..مش ناقص غير تقولي هاتي دواكي..

هشام بضحكة:لا..كفايه الاكل..مليش في الدوا..

كاظم بنفاذ صبر:خف ياهشام..البت

لسه طالعة من عيا..مش ناقصة..

هشام وهو يتحسس جبهتها وبرخامه:مالها..ماهي زي الفل اهو..

لين بضيق شديد:انا ماشيه بدل ما تشلني..

هشام ببرود:من بعض ما عندكم يالينو..

كل هذا وكوثر تراقبهم بحقد وغل..

هشام برفعة حاجب:مالك يامرات جدي..مكتومه ليه..

كوثر بغيظ:ايه مكتومه ديه..عايزني اعمل ايه..

هشام بإستفزاز:ابدا..بس مش بعوايدك ساكته..

كوثر بغل شديد:كنت بتفرج عليكم..

هشام بمكر:وعجبك اللي شفتيه..يامرات جدي..

كوثر بغيظ وهي تنهض:انا خلصت فطار..

كاظم:مالك يالا..بتعمل كده ليه..رايق اوي..

هشام بضحكة:هههههه..اووووي ياجدي..يلا سلام..

كاظم :ربنا يهديك ياهشام..

>>>>>>>>>>>>>>>>>>>>>>>>>>>>>

الزهرة المفترسة › 

البارت الثلاثون

عند سامي..

هشام بضيق:انا تعبت..

سامي بتعوج:من ايه..

هشام بتنهيدة:من ساعة ما دخلت لين المستشفي

وانا خايف ياسامي..فكرة انها تروح مني رعباني..ده حتي

الاكل بخاف منه..لدرجة اني باكل من اكلها لو حصلها حاجة..انا..

سامي مطمئنا:ياعم مفيش حاجة

هتحصل..كله شويه تعب..وراح لحاله..

هشام بإبتسامه:طيب..بس ايه النظام..

سامي وهو يضيق عينيه وبعدم فهم:نظام ايه يااتش..

هشام بغمزة وهو يشير الي صافي الجالسه بعيدا

عنهم: انت وصافي..انا شايف الامور حلوة اهو..وعايش..

سامي بضحكة:انت هتقر..ايوة..كويسين..انا فعلا بحبها..

هشام ضاحكا:ههههه..بركاتك ياصافي..جناب الكومانده

بيعترف بالحب..طيب..يلا بقي اسيبك انا..واروح للينو..

سامي بإبتسامه جانبية:ايوة..الحب المجنون بتاعك..

خف يابني..هو انت ياكده ياكدة..مفيش وسط خالص..

هشام بعدم رضا:قر انت فيها..خليها تتقفل اكتر

ماهي متقفله..ركز في اللي في ايدك بس..سلام..

>>>>>>>>>>>>>>>>>>>>>>>>>>>>>>>>>

الزهرة المفترسة 
البارت السادس والعشرون حتي البارت الثلاثون

كوثر:ايوة يام هشام..لا ياختي رجعت وزي الجن..

صفاء بغيظ:وهشام..عامل معاها ايه..

كوثر بحقد:ابدا ياختي مدلعها ومهننها..وهي سايقة العوج عليه..

صفاء بغل:بقي بعد اللي قولتهوله وعلي اللي امها قالته بيعمل كدة..

كوثر :هشام ياختي سايبلها الحبل ع الغارب..انا مش عارفة

رجاله ايه ديه..لا وكمان بيقولها ياستي فين كنتي..

صفاء بغيظ وحنق:بقي كدة..ماشي

ياهشام..تسلمي اكوثر..اسيبك انا الوقتي..

كوثر:ماشي ياحبيبتي..بس قولي لابنك مايدلقش اوي كدة..سلام..

صفاء بغيظ شديد:بقي كدة ياهشام..لسه اهبل زي مانتا..

ممدوح:مالك بتكلمي نفسك ليه..

صفاء بحدة:من عمايل ابنك..سايب

الحبل لمراته وهي سايقة فيها..

ممدوح:هي مش كانت عيانه وفي المستشفي..

صفاء بحقد:طلعت ياخويا وزي الجن..هي ديه بيجرالها حاجة..

ممدوح:طب وانتي عايزة ايه..

صفاء بتوعد:هشوف ياممدوح..بس مش

ههنيها بنت دعاء ومسيري هكسر مناخيرها..

الهي يمسكك ارضي انتي والحيزبونه التانية..

وربنا لافرسك ياصفاء انتي وكوثر..وهرجعهم لبعض..

وهتشوفي..ان ماجبتلك جلطة سداسية الابعاد..مبقاش ديدي..

>>>>>>>>>>>>>>>>>>>>>>>>>>>>>>>>>

كانت لين تحدث نور وتوصيها بنفسها

لين في الهاتف:خدي بالك من نفسك

يانور..وخدي بالك من مازن سامعة..

نور:حاضر يالين..بس ماله مازن..

لين:يعني يانور..متخليهوش يحس بحاجة..

وبضحكة.. دلعيه والهيه عن اي حاجة..

نور:اهااا..فهمت..علشان الشغل مش كده..

لين بضحكه:ايوة يانور..وبعدين انتي

لسه عروسه جديدة..استمتعي ياقلبي..

نور بضحكه:ههه..ماشي يالينو..يلا سلام..

لين بضحكة:سلام ياعروسه..

لتجد خلفها هشام وبسخريه:لا بجد بتوصي

نور علي جوزها..مين انتي..لا مش ممكن..

لين:وايه يعني..مش اختي وبنصحها...

هشام بتعوج:طب انصحي نفسك

الاول وخدي بالك من جوزك ياختي..

لين بضحكة:ليه مانا زي الفل اهو..وانت اكبر مثال..

هشام بتعجب وإستنكار:انا اكبر مثال..ازاي يافالحة..

>>>>>>>>>>>>>>>>>>>>>>>>>>>>>>>

عامر بضيق: بنتك طول عمرها جايبالنا الكلام..

شفتي ممدوح ومراته كانوا بيلقحوا الكلام ازاي..

دعاء بإستنكار: مالها..ماهي كانت كويسه مع جوزها..

هي صفاء طول عمرها عقربه وحاطة لين في دماغها..

عامر بتهكم: لا بنتك الغلبانه..ديه محدش بيهمها..

دعاء بضيق وسخريه: معلش اصلها مفتريه بعيد عنك..

عامر بحدة: انتي بتتريقي..غوري جاتك الهم.. جايبالي

بنات اللي مقدرتي تجيبيلي ولد يحمل اسمي..خلفتك سودة زيك..

دعاء بحنق وهي تذهب من امامه: ربنا يهدك يابعيد..

عامر بغل: ماشي يالين جوزتي اختك ومشيتي اللي في دماغك..

>>>>>>>>>>>>>>>>>>>>>>>>>>>>

لين بإبتسامه وهي تشير الي نفسها

وبتعالي: يا اتش انا مثال للزوجة المثاليه..

هشام بسخرية: لا والله بجد.. والكلام ده جبتيه منين..

لين بثقة: من عمايلك..وسرمحتك ورا النسوان..

هشام بتعجب: ازاي يعني..

لين: يعني يا اتش انا لو كنت ست نكديه

وقرفاك في عيشتك مكنتش بصيت برا..

هشام بتهكم: مش قرفاني في عيشتي..

امال انتي بتعملي ايه غير كدة يامثاليه..

لين بثقة: يعني لو كنت قارفاك وتعباك كنت كرهت صنف الستات كله

و مبصتش ناحيتهم ولا عملت عمايلك ديه.. انما بالمنظر ده..

معني كدة اني محبباك في الستات وبتحب تجرب تاني وتالت وهلم جرة..

وبفخر.. ده يثبت اني زوجة ناجحة.. ياسلام عليا يجوا يتعلموا مني..

هشام بغيظ: تصدقي فعلا المفروض يتعلموا منك..بس مش ده..

لأ.. البرود واحدة غيرك تعرف ان جوزها بيخونها.. علي الاقل كانت

حاولت ترجعه ليها ولا حتي تبين غيرتها او تقتله حتي..

وبغيظ شديد وانفعال.. لكن انتي باردة زي لوح التلج..

لين بهدوء: انا واحدة سبور يااتش .. وبعدين اللي تعمل كدة ديه

واحدة هبله.. مفيش راجل يستاهل ان الواحدة تحرق دمها علشانه ..

وبعدين يااتش انت نسونجي يعني دمك بيجري فيه الخيانه..

مهما عملت هتفضل زي مانتا ديلك معووج.. ولو علقوا فيه قالب..

هشام بغيظ وهو يجذ علي اسنانه بتهكم: معلش ماهو علي

رأي المثل.. لا ديل الكلب بيتعدل ولا اللسان الزفر بينضف..

لتقهقه لين عاليا :هههههه.. جبته منين ده ياهشام..

هشام بغل: من اللي شايفه يام لسان زفر.. غوري فورتي دمي..

لين بإبتسامة: وده المطلوب.. ده انا وراك لغايه مااحرق دمك واجيبلك

سكر وضغط.. لتنادي علي هشام وببرود.. بتدور علي حاجة يااتش..

هشام بغيظ:بدورعلي حاجة افتح بيها نفوخك..

غالبا تزداد المرأة مع كل كسره صلابة..

ومع كل خيبة قدر اكبر من المبالاة..

>>>>>>>>>>>>>>>>>>>>>>>>>

عادت لين الي الشركة..

لين بإنزعاج:خير ياهشام..انا مش هخلص منك بقي..

هشام وهو يجلس بشرود:اصبري شويه..

لين وهي تضيق عيناها وبترقب:خير..بتفكر في ايه..

هشام:صفقة الاسمنت الجديدة..

لين:اهاااا..بس اللي سمعته ان السمان داخلها..

ومعاه شركاء تاني..يعني انسي يااتش..

هشام بتفكير:لا انسي ايه..ديه

هتكسبني ملايين..بقولك ايه..ماتشوفيلي حل..

لين ببرود:انا..وانا مالي انت فاكر عملت

ايه المرة اللي فاتت..وكلت عمولتي..

هشام بغل:لا..اصلي كسبتها..ماكله منك..

اطمني..هديكي العموله بس فكري معايا..

لين برفعة حاجب:طب اديني لاخر النهار وهقولك..

هشام وهو ينظر اليها وبتحذير:لين..اوعي تبيعيني..

لين بضحكة:لا متقلقش..بس كاظم هنعمل فيه ايه..

هشام:مفيش..هو قالي لو قدرت عليها خدها..بيستخف بيا..

لين:طيب..امشي الوقتي وانا هقولك بعدين..

>>>>>>>>>>>>>>>>>>>>>>>>>

الزهرة المفترسة 
البارت السادس والعشرون حتي البارت الثلاثون

ليتصل سامي علي هشام..

سامي:اتش ازيك..

هشام:تمام يا سامي خير..عايز ايه لخص..

سامي بتهكم:مالك داخل فيا شمال..

هشام:سامي..عايز ايه انا مش فاضيلك..

سامي بتعوج:خلاص يا عم..مش

عايز..لما تروق وتفضي هقولك..

هشام بتنهيدة:قول يا سامي..

سامي:احم احم..بص ..انا كنت عايزك في موضوع..

هشام بغيظ:لا والله..موضوع..

لا مشروع..انطق ياض وخلصني..

سامي:كنت عايز اتجوز صافي..

هشام ضاحكا:هههههه..تتجوزها..طب وبعدين..

ما تتجوزها..ولا اقولك استني خليها تيجي تخطبك مني..

سامي بغيظ:تصدق انك رخم..غور ياهشام..

يارب لين تطلع عين اللي جابوك..جاتك الهم..

هشام بضحكة:هههههه..استني ياض..بهزر..

الو..الو..قفل السكة في وشي..ياعيني الواد علي اخره..

>>>>>>>>>>>>>>>>>>>>>>>>>>>>>

كاظم:ايوة...لا الصفقة ديه مهمة..لازم اخدها..

المتصل:...........

كاظم:هشام مش هيقدر عليها..متقلقش منه..

المتصل:............

كاظم:السمان معاه شركاء كتير..لا سيبك منه..

المتصل:..........

كاظم:طيب..بس اوعي تضيع منك..

انا مقلتش لهشام اني داخلها..

>>>>>>>>>>>>>>>>>>>>>>>>>>

في المساء تدلف لين الي مكتب هشام ..

لين بخبث: بص بقي يامعلم..انت هتعمل زي المرة اللي فاتت

وتقول انك هتاخد الصفقة لوحدت وطبعا انا هخرب الدنيا..

وهتصل بالسمان وهقوله اني هسلكله الملف..

وبضحكة.. لأ وكمان هاخد منه العموله..

هشام بضحكة: يابت الجنيه يعني هتخسريه

وكمان هتاخدي منه فلوس..وهتقنعيه ازاي..

لين برفعة حاجب ماكرة: امال ياحبيبي..اصبر بس..

هشام: امرك ياقلبي..ويقترب منها.. اتحاد يالينو..

لين بدلال: تقدر تقول هدنه..

هشام بضحكة: هدنه..اتحاد..متفرقش..

لين بتحذير: بس اوعي ياهشام تلعب عليا..انت عارف..

هشام وقد جذبها الي احضانه وبشغف: وانا

اقدر ياقلبي ده انتي جبارة..اخاف منك..

لتضحك لين بدلع: ههههه.. هنشوف يازوجي

العزيز..وبغمزة.. ولو وفيت.. ليك عندي سهرة حلوة..

هشام ويكاد يقفز فرحا: يالهوووي هتحني

عليا..ده انا اديكي الصفقة كلها..

لين بضحكة: انا مش طماعة زيك يااتش..النص بالنص..

هشام برفعة حاجب: ماشي..

وبتحذير.. بس لو انتي قليتي بأصلك..

لين وهي تنظر اليه: لأ متقلقش معاك..

هشام وهو يدنو منها: وانا معاكي

علي طول.. بس مش لجهنم يالينو..

للجنه ونعيمها.. ويقبلها..

ليدلف كاظم ويفرغ فاهه مما رأي ويكمل

بعدم تصديق: ايه ده انتو بتعملوا ايه..

هشام ضاحكا وهو مازال محتضنها:ولا حاجة ياجد..

كاظم بدهشة: انت ولين مع بعض

ومن غير خناق..لأ وكمان بتبوسها..

هشام ضاحكا بقوة:ههههه.. معلش

اصل اخر مرة رقدت فيها هديت شويه..

لين بضحكة وهي تبتعد عنه وتدلف خارج المكتب:

متستغربش ياجد مش ده اللي انت عايزه.. وبغمزة.. سلام يااتش..

هشام بإبتسامة: سلام ياقلبي.. ولكاظم..

ايه ياجدي انت هتفضل متنح كدة كتير..

كاظم بقلق: ناويين علي ايه ياهشام..

هشام ببراءة: احنا..مالنا مااحنا كويسين..

كاظم وهو يضيق عينيه: مش عليا..ده انا اللي مربيكم..

هشام وهو يقهقه: هههه..ونعم التربيه..يبقي متقلقش..

كاظم بتعجب: طيب ياولاد المغربي..اما اشوف

اخرتها معاكم.. الا قولي عملت ايه في الصفقة..

هشام وهو يمط شفتيه: مفيش جديد..

شكلك يا جدي عندك حق احتمال تطير مني..

كاظم بتهكم: ايه هتسيبها يعني..

هشام: لأ مش القصد.. بس هحاول..

كاظم بتنهيدة: طيب.. وانا عند كلامي

لو قدرت عليها هديك الصفقة كلها..

هشام بتصنع الحيرة: طيب..

كاظم بمكر: اما نشوف هتعمل ايه يااتش..

..>>>>>>>>>>>>>>>>>>>>>>>>

في منزل مازن حضر شوقي..

شوقي:اهلا يا نور..ازيك..الدكتور موجود..

نور بضيق:ايوة اتفضل..في المكتب..

شوقي بنظرات خبيثة:اتفضل اوي..

نور بحنق:جاتك داهية..

مازن:اهلا شوقي..خير..

شوقي:ازيك يادك..الجماعة اياهم اتصلوا..

مازن:وعايزين ايه..

شوقي:بيقولوا ان الشحنة سعرها علي..

مازن بعصبية:وده ليه ان شاء الله..

مااحنا متفقين ع السعر..ايه اللي جد..

شوقي وهو يمط شفتيه:بيقولوا ان الحاجات

ديه شاحة في السوق..والطلب زايد..

مازن بحنق:وزاد كام ان شاء الله..

شوقي:عشره الميه..

مازن بضيق:جاتهم البلا..لولا انهم اللي بنتعامل

معاهم علي طول مكنتش وافقت..هحضرلك

الشيك اول ما البضاعة توصل..اتوكل انت علي الله..

شوقي:طيب..سلام يا دك..

>>>>>>>>>>>>>>>>>>>>>>>>>>

في المساء طلب سامي من صافي ان ترتدي

فستان قد احضره لها وتحضر الي المطعم وفعلت ذلك..

سامي بإعجاب:حلو اووووي..اتفضلي..

صافي بتعجب:فيه ايه ياسامي مالك..وبعدين المطعم فاضي ليه..

سامي بهدوء:المطعم الليله ديه لينا احنا وبس..

صافي بإبتسامة:وانا ليك انت ياسمسم..

سامي بإبتسامه عذبه وهو يمسك بيديها ويلبسها خاتم ويقبل

يديها مكملا:وانتي من النهاردة معايا علي طول ياصافي..تتجوزيني..

صافي بدهشة وعدم تصديق:ايييييه..انت بتتكلم جد ياسامي..عايز تتجوزني..

سامي بضحكة:امال بجرب الخاتم وهاخده تاني..ايوة طبعا قولتي ايه..

صافي بدموع:موافقة طبعا انت بتسأل..

سامي ضاحكا:هههه..ايه البت ديه..

انتي ماصدقتي..طب قولي حتي افكر..

صافي بحب:معاك مفيش تفكير ياسامي..انا بحبك اوي..

سامي بإبتسامه:وانا كمان ياصافي..تسمحيلي بالرقصة ديه..

صافي:اكيد..

ويذهبا للرقص ويمضيا امسية جميله احتفالا بخطبتهم..

عااااااااي..ارحموني بقي..كله بقي كابلز وانا سنجل راعوا

مشاعري شويه..انا رايحة للين..هي اللي هتنصفني..بلا وكسه..

ماهي في الطريق هي وهشام لكدة برضو..بصوا انا هلم عزالي

وامشي من هنا..خلاص ياجناب الكومانده المهم..ماشية وسيبالك

المطعم انت و العروسه..الا حتي ماعزمت عليا بحته جاتو..ياساتر..نرجع للقصة..

>>>>>>>>>>>>>>>>>>>>>>>>

في اليوم التالي..

دلفت لين الي مكتب هشام

هشام:هااا..لقيتي الحل..هتقنعيه ازاي..

لين بمكر:طبعا..بس استني..

>>>>>>>>>>>>>>>>>>>>>>>>>>>>>>>

تكملة الرواية من هنا