 |
نور الليل
(الفصل الأول والتاني والتالت)
بقلم نور البغدادي
كامله على مدونة النجم المتوهج للروايات
اقبل البشري دي🕊💌
ستفرج باذن الله تعالى ،
سيُغيثك الله قريبًا بالفرج ويغسل معه كُل ندبات الحُزن التي ع
اشت فيك ويمحو الليالي التي لم تنم بها قلقًا . فاستبشر وأبشر بكل خير فالفارج الله جل جلاله ذي الجلال والاكرام .♥️
استغفــــــروهﷻ
~~~~~~~~~~~~~~~~~~~~~~~~~~~~~~~
وفي صباح اليوم تظهر الشمس بنورها الذهبي الساطع لتعلن عن بدأ يوم جديد وتضئ جميع أنحاء القصر نعم إنه( قصر العامري
الذي يصنف ضمن افخم قصور البلد وبداخل غرفه ما من غرف القصر تنام هذه الياسمينه في هدوء تام ( ولكن هذا الهدوء لن يدوم عزيزي القارئ 😂) لتستيقظ بألم فهناك من تجلس فوقها
ياسمين بتألم وملل :: يا بنتي ارحمي أهلي بقا مليون مره اقولك بطلي تصحيني بالطريقه دي هو انتي موراكيش غيري
مليكه بضحك:: اعمل اي انتي بنفسك قولتيها مورايش غيرك ... ثم نظرت لها بحزن ولؤم واكملت:: وبعدين يا ياسمينه ده ذنبي اني بصحيكي بدري تفطري ومتتأخريش علي مشاويرك الكتير يا عروسه ها ها .. ثم نظرت لها بتسائل واكملت :: وبعدين أنا عايزه اعرف هو انتي مش مقتنعه انك عروسه
ياسمين بسخريه: لا يا ملاك بجناحات هو انتي تعملي حاجه غلط ابدا تصدقي صعبتي عليا وعشان كده هقوم احب علي راسك لحظه واحده .. ثم أمسكت بالمخده والقتها علي وجه مليكه .. وتابعت وبعدين هو عشان أنا عروسه تصحيني من الصبح كده ليه عروسه مولد؟
مليكه بضحك: أي ده أي ده يا صديقتي احنا فينا من الخيانه بس علي العموم مقبوله منك ويلا بقا عشان متتأخريش
ياسمين بخنق ونفاذ صبر : يابنت الناس هو الساعه كام معاكي دلوقتي
مليكه وهي تنظر في الساعه: الساعه ٦ ونص
ياسمين بصدمه : ٦ ونص منك لله يا شيخه بقا مشاورنا كلها من الساعه ١٠ وانتي مقوماني من ٦ وتقوليلي عشان منتأخرش
مليكه بتفكير: تصدقي عندك حق .. ثم قامت بالعد علي أناملها كالاطفال واكملت : كده فاضل ١ ٢ ٣ اممم فاضل 3 ساعات ونص طيب خلاص قومي نفطر عشان يبقي فيكي صحه يا عروسه ثم غمزت لها
ياسمين بنفاذ صبر: منك لله يا شيخه ولا اكني بتكلم معاكي في حاجه خالص اوعي اوعي خليني اقوم اتوضي واصلي الصبح واخلص من زنك وبعدين مالك بتغمزي كده ليه يا قليله الأدب ده كتب كتاب بس
مليكه بضحك وانتصار: ايوه يلا قومي انتو كده ناس مش بتيجي غير بالعين الحمره وبعدين كتب كتاب أو خطوبه مش مهم المهم انك عروسه لولولولوي ههههههه
لتنظر لها ياسمين بغضب
مليكه بتراجع: اي نمشيها العين البنفسجي طيب تمشي معاكي؟ أنا بقول أفلت بجلدي قبل ما اتقتل سلاموا عليكو ثم ركضدت علي الفور خارج الغرفة
~~~~~~~~~~~~~~~~~~~~~~~~~~~~~~~~
(ياسمين) ذات العيون الخضراء والشعر البني متوسطه القامه ذات الشخصية الجميله ولكن عنيده بعض الشئ عمرها 24 عام في اخر سنه من كليه هندسه وهي الاخت الأكبر لعيله العامري
~~~~~~~~~~~~~~~~~~~~~~~~~~~~~~~~
(مليكه) بنت عم ياسمين والديها متوفين وتعيش هي واخيها الأكبر في قصر العامري مع اولاد عمها ذات العيون الخضراء البريئه والشعر البني فهي تشبه ابنة عمها كثيراً ولكن شخصيتها طفوليه ومرحه للغايه عمرها 23 في كلية هندسة أيضاً
~~~~~~~~~~~~~~~~~~~~~~~~~~~~~~~
خرجت مليكه من غرفة ياسمين ثم دقت باب غرفه ما اخرى ولكن هذه المره دخلت بكل احترام وهدوء
مليكه بأبتسامه جميله: صباح الفل يا احلي عمتو وفاء في الدنيا
الحاجه وفاء بأبتسامه : صباح الجمال يا ملوكه يا بكاشه
مليكه بضحك: حتي انتي يا عمتو ماشي
وفاء: لا يا حبيبت عمتك هو احنا جبنا غيرك قوليلي صحيتي ياسمين
مليكه : طبعاً ودي تفوتني البيت كله صاحي حالياً عديت عليهم واحد واحد لما كلهم مش طايقني ههههه
وفاء بضحك : وليل فين دلوقتي
لتردف مليكه وهي تمثل الصدمه : ليل لا ده بالذات مقدرش اجي جمبه أنا لسه صغيره علي الموت يا عمتو بس علي العموم هو صاحي من بدري بيدرب في الاوضه بتاعته وأكيد هينزل في معاده فاضل بس حضرتك يا عمتو
وفاء بأبتسامه : ماشي يا حبيبتي انزلي أنتي وأنا هخلص الأذكار وأنزل وراكي علي طول
مليكه : اوك
~~~~~~~~~~~~~~~~~~~~~~~~~~~~~~~~
وعلي الناحية الاخرى في غرفه بعيده عن جميع غرف القصر غرفه تخلو من الألوان فهي غرفه تتمتع بألوان غامقه كاتمه وكأنها تشبه صاحبها حيث كان يجلس ويلتقط أنفاسه بعد التدريب القاسي الذي قام به ثم نهض ليذهب الي المرحاض ليستحم ويستعد للهبوط ولكن أوقفه صوت دقات الباب البسيطه
ليل: ادخل
زين: صباح الفل
ليل : صباح الخير
زين بأبتسامه: جاهز يا وحش
ليل بسخرية: ده علي اساس أن أنا اللي هيتكتب كتابي المهم انتو اللي جاهزين
زين بضحك : عندك حق والله متقلقش كلهم صحيوا من بدري والداده بتجهز الفطار وكلهم علي السفره متجمعين مش ناقص غيرك أنت
ليل بهدوء : تمام أنزل أنت وانا هنزل وراك
زين: اوك في انتظارك .... ثم ذهب إلي الخارج
وذهب ليل أيضاً للاستحمام والاستعداد للنزول
///////////★//////////////
(ليل العامري) صاحب العيون البني الحاده كالصقر والقوام العريض فهو. رياضي للغايه عمره 30 عام هو الاخ الأكبر لزين وياسمين ويدير شركه العامري مع اخواته وأبن عمه ويعتبر هو الرأس المدبره والأساسي في العائله منذ وفاه والده
~~~~~~~~~~~~~~~~~~~~~~~~~~~~~~~~
(الحاجه وفاء) والده ليل وزين وياسمين عمرها 60عام أم طيبه وحنونه للغايه
~~~~~~~~~~~~~~~~~~~~~~~~~~~~~~~~
(زين العامري ) صاحب العيون البنيه والشعر الأسود وذات القوام العريض أيضاً فهو يشبه أخيه الأكبر ليل كثيراً يختلفون فقط في الشخصيه عمره 28عام
~~~~~~~~~~~~~~~~~~~~~~~~~~~~~~~~
وبعد قليل من الوقت كانو يجلسون جميعهم علي سفره الطعام
ليردف مالك بمزاح : الاكل يا داده فتحيه بسرعه بالله عليكي لحسن أنا عريس ونفسي مفتوحه ومحتاج اتغذي
زين بسخرية: بالله اتوكس هو ده منظر عريس اصلاً
مالك بضحك: بصراحه لا بس برضو متكسفش طبيعتي كده وقدام عروستي علي العموم مردودالك يازين باشا ...
ثم نظر إلي الام وفاء مردفاً : يا صباح الفل علي عيونك يا عمتو يا منوره المكان الا ما حد مقتنع في البيت ده اني عريس غيرك انتي والله
وفاء بضحك: عريس وزين العرسان كمان بس ان جيت للحق ما انت اللي مطمعهم فيك
مالك : صح يا عمتو أكمني قلبي ابيض ورهيف
مليكه بضحك: قلبك طفايه دهب ههههههه.... ليضحك كل من مالك ومليكه ثم توقفوا عن الضحك فاجأتً عندما رأوا تلك العيون التي تنظر لهم كالصقر وكأنها تأمرهم بالسكوت فوراً
ليل بجديه بعض الشئ : خلصتو هزار ممكن بقا ناكل في هدوء ..
نظر مالك لشقيقته مليكه مردفين في آن واحد (عُلم وينفذ) كتم الجميع ضحكهم علي تلك الاخوه المشاكسين الذي لا يستطيع أحد السيطرة عليهم سوى ليل العامري
~~~~~~~~~~~~~~~~~~~~~~~~~~~~~~~~
( مالك) ذات العيون البنيه و الجسد متوسط القامه فهو لا يمارس الرياضة بشكل منتظم ويكون الاخ الأكبر والوحيد لمليكه ويعمل مع ابناء عمه في شركه العامري عمره 28 عام فهو من سن زين ابن عمه ولكن شخصيته تختلف كثيراً فهو يعشق المزاح
~~~~~~~~~~~~~~~~~~~~~~~~~~~~~~~~
وفاء بجديه : كلمت أخوك سالم يا ليل تأكد عليه ؟
ليل بتأكيد : كلمته وأطمنت عليه وأكدت عليه، وهو حجز تذاكر الطياره وجاي في معاد كتب الكتاب أن شاء الله
وفاء: ماشي يا حبيبي يوصل بالسلامه هو ومراته وأبنه وحشني اوي ونفسي اشوف فارس ابنه
ياسمين: طيب انا كلت الحمدلله يا دوبك اروح أنا ومليكه اخلص كام مشوار مهمين قبل معادنا يلا يا مليكه
لتردف مليكه وهي تأكل وتملئ فمها بالطعام : استني انتي مستعجله علي اي هو احنا هنطير خلينا في الاكل الاول
ياسمين بضحك : طيب قومي يا اكله الوحوش انتي دقيقه وتكوني جاهزه هستناكي في الجنينه
مليكه بتذمر : هو الواحد ميعرفش ياكل براحته في البيت ده يا ناس
زين : وانا كمان هقوم اروح الشركه اخلص كام حاجه كده عقبال ما يجي معاد كتب الكتاب
ليل بهدوء : تمام وانا هحصلك بس خد ياسمين ومليكه في طريقك مكان ما يروحوا وانا هخلي السواق يحصلهم لان أنا باعته مشوار
مليكه بسعاده : ايه ده زين هيوصلنا ؟ طيب انا كلت خلاص الحمدلله يلا بينا ....
ضحك الجميع علي هذه المجنونه التي يعلم جميعهم حبها الشديد لزين ابن عمها ولكن هو الوحيد الذي لا يعلم ويراها مثل ياسمين أخته ومجرد طفله فقط
~~~~~~~~~~~~~~~~~~~~~~~~~~~~~~~~
(وفي الخارج )
ذهبت مليكه الي ياسمين
مليكه : ياسمين احنا اخوات وحبايب صح
ياسمين بلؤم: اممم وبعدين
مليكه : يعني خليكي جدعه وتركبي ورا وخليني اركب أنا قدام الله يكرمك يا شيخه ويفتحها في وشك
ياسمين بضحك: خلاص خلاص انتي هتشحتي ماشي
هسيبك تركبي قدام بس بشرط متجيش تصحيني تاني خالص
مليكه بسعاده : موافقه طبعاً ولا اكنك عايشه معايا في البيت اصلا
~~~~~~~~~~~~~~~~~~~~~~~~~~~~~~~~
(وفي القصر )
ليل: أنا رايح الشركه وانت يا استاذ مش ناوي تروح الشركه وتشوف شغلك انت كمان
مالك: لا اله الا الله يا جماعه اعمل اي عشان اثبتلكوا اني عريس احط يافطه علي هدومي تفكركوا اني عريس
ليل بنفس النظره وبدون اي تعبير : وبعدين
مالك بخوف: ولا قابلين بقولك اتفضل انت وانا فوريره وراك اي عريس يعني؟... برضوا انزل وأشوف شغلي أنا أسف
///////////////////★////////////★//////////////////
ذهب الجميع الي الشركه ويمر الوقت حتي تأتي الساعه المنتظره
وفي غرفه العروسه
مليكه : ياه أخيراً عشت وشوفتك مرات اخويا وهبقى عمتك الحربوقه بقا هههههه
ياسمين بضحك: طب اتوكسي وقومي اقفليلي سوستة الفستان
~~~~~~~~~~~~~~~~~~~~~~~~~~~~~~~~
(وعلي الناحية الأخرى في غرفه الشباب )
كان مالك يرتدي البشكير ويرقص علي اغنيه ( والله لاحبك موت واحب برج الحوت)
مالك : يلا يا شباب لبسوني القميص والبدله
زين بسخريه : ليه اتشليت ما تلبس نفسك
مالك : ( بصوت محمد هنيدي) ايه ده هو في اي وربنا وربنا
ده ما يرضي حد ابدا أنا عريس ومن حقي ادلع هاتولي اللي يدلعني
ليأتي صوت من خلفه
ليل: عايز اللي يدلعك من عنيا
زين يضحك: اهو جالك اللي هيدلعك علي حق
مالك وهو يمثل الخوف: لا دلع اي يا راجل عيب احنا كبرنا علي الحاجات دي فين البدله عشان اللبس
ليل بضحك : ما كان من الاول البدله اهي
~~~~~~~~~~~~~~~~~~~~~~~~~~~~~~~~
وفي الأسفل جاء المأذون والمعازيم المقربين فقط وبدأ الحفل وفي غرفه ياسمين
ياسمين بتوتر : أنا خايفه ومتوتره اوي يا مليكه
مليكه : ليه بس ده انتي قمر وبعدين أنا راضيه ذمتك هو اخويا مالك يتخاف منه
ثم قطع حديثهم صوت دقات الباب ليدخل مالك بأبتسامه واسعه مردفاً بأنبهار : بسم الله ماشاء الله ايه الجمال ده يا ياسمينه
ياسمين بخجل : شكرا
مالك : لا شكراً اي بقا في واحده تقول لجوزها شكراً قوليلي يا قلبي
مليكه بغمزه : ايوه بقا الحب ولع في الدره
مالك : ايه ده ايه ده انتي بتعملي ايه هنا اطلعي بره يابت
مليكه بضحك: ماشي يا عم من لقى احبابه نسي اخواته أنا خارجه
مالك : أنا مش مصدق يا ياسمينتي أن خلاص هتبقي مراتي والله حاسس اني بحلم أو هيجي عيل تيبت جري يديني بالقلم ويقولي فوق من الحلم
ياسمين بخجل : لا مش بتحلم متخفش دي حقيقه
مالك : طيب ما تجيبي بوسه بقا عشان اتاكد أن كل ده حقيقه
ياسمين بغضب : نعم
مالك بضحك: لا بقولك يلا بسرعه عشان المعازيم مستعجلين .......
~~~~~~~~~~~~~~~~~~~~~~~~~~~~~~~~
(وفي الأسفل)
وفاء: ليل اخوك كل ده لسه موصلش معقول كل ده في الطريق
ليل ببعض القلق: متقلقيش يا امي أن شاء يوصل في اي وقت دلوقتي .....
ثم يأتي صوت رنين هاتف المنزل فيتوجه زين ليجيب علي الهاتف لم تمر إلا ثواني حتي تحولت معالم وجه بالكامل إلي الصدمه مردفاً: بتقول اي حصل امتي ده انت متأكد؟!
~~~~~~~~~~~~~~~~~~~~~~~~~~~~~~~~
(الفصل الثالث 3)
من نصيبك ...♥️
_ بتيجي اللحظة اللي تجبر بخاطرك ويكون الجبر بالحاجة اللي كنت تتمناها زمن طويل ، بحول الله وقوته لأنه عندما يشاءُ الله فلا قيمةَ لقوانينِ الحياة ، ولا وزنَ لتدبيرِ البشَر، ولا أهمّيةَ لحواجزِ المستحيل 👍🏻♥️
_ #حوقلوا
~~~~~~~~~~~~~~~~~~~~~~~~~~~~~~~~
وفي صباح يوم جديد
يجتمع الكل علي سفرة الطعام وكالعادة ينتظرو نزول ليل وبعد مرور دقائق نزل ليل بهيئته الجذابة وقوامه العريض
ليل: صباح الخير
ليرد الجميع: صباح النور
مالك بمزاح: صح النوم يا عم ده كنت شويه وهاكل اختك لحد ما تنزل
نظر له ليل ببرود
مالك وهو يمثل الخوف: احم جرا اي يا نور بقي ده كلام برضو
نور بصدمه وضحك: وانا اتكلمت؟
مالك بغمزه: متدقيش خلاص انا مسامحك ناوليني بس طبق الجبنه دا وحياتك يا نور
نور بضحك: اتفضل
مالك: اضحكي اضحكي
لم يمر إلا القليل من الوقت حتي دخلت الداده لتخبرهم بشئ
الداده : زين بيه في ضيفة برا عايزة تقابل حضرتك
زين باستغراب: ضيفة مين دي؟
الداده: اسمها ندي
زين بتذكر: اااه ندي..طيب خليها تتفضل في مكتبي
الداده : حاضر
ثم ترك الطعام وذهب الي المكتب ولكن هناك من تتابع كل تلك الأحداث بعيون مثل جمرات النار والغيره...
مليكه: طيب تمام وانا كمان كلت خلاص الحمدلله
ياسمين بسخرية: الحمدلله؟ مش أكلتك يعني يا آكلت الوحوش
مليكه بتواضع: لا أنا اصلا طول عمري اكلتي خفيفه عشان احافظ على رشاقتي..... ثم تركتهم وتوجة علي الفور الي مكتب زين لترى تلك التي تسمي (ندي) وبالفعل اخفت نفسها خلف جدار ما ......
أما عند زين فدخلت ندي وما أن رأته حتي قامت بأحتضانه دون مقدمات
ندي: وحشتني يا زين بقي كدا معقولة متقوليش موضوع وفاة اخوك أنا لسه راجعة من السفر وأول ما عرفت جيت أعزيك واطمن عليك علي طول
زين: حمدلله علي سلامتك طيب تعالي نكمل كلامنا جوا في المكتب
ندي : اوك يا حبيبي
أما بالجانب الآخر عند مليكه التي تكاد نيران الغيره تقتلها وهي تدبدب علي الارض كالاطفال بغيظ: دخلوا دخلوا وقفلوا الباب اه يا بنت الجزمة... أما هي حضنته ونزلت فيه بوس وهما في الفسحة امال لما يتقفل عليهم الباب هيطلعلي وعلي أيده ابنهم لا وبتقوله يا حبيبي حبك برص انتي وهو يا بعيدة ..... ثم ذهبت لتستمع الي حديثهم من باب المكتب وهي تقرفص مثل الاطفال ولكن اتفزعت عندما لمسها أحد
مليكه بفزع: وربنا وربنا أنا ما عملت حاجه دا هو و هي اللي عملوا طلعت فوق ونزلت تحت و و و ايه ده هو انتي حرام عليكي يا شيخة وقعتي قلبي
نور بضحك: بتعملي ايه يا مليكه
مليكه بتفكير : هاااا اه اه ثم أكملت ببراءة..كنت بمسح الباب لقيته مترب خالص فقولت اكسب ثواب ..أنا أصلي في أخر أيامي حاسة اني محتاجة أجمع حسنات وكدا
نور بشك : وفين الداده؟ وبعدين هتلمي حسنات لما تمسحي الباب
مليكه : الداده اممم مفكرتش فيها دي لا اقصد ما أنا قولت هي مشغولة الله يقويها... واه يا نور هكسب حسنات من مسح الباب هو مش النظافة من الايمان
نور بضحك: اه
مليكه : طيب.. وبعدين ما خلاص بقي يا نور متحرجنيش اكتر من كدا
نور بضحك: طيب اتفضلي معايا يا مجنونة واحكيلي كنتي بتمسحي الباب ازاي
مليكه وهي تلوي فمها بسخريه: يا عيني علي كرامتك اللي اتبعترت يا مليكه
~~~~~~~~~~~~~~~~~~~~~~~~~~~~~~~~
أما في غرفة ياسمين دق الباب
ياسمين: أدخل
مالك: يا صباح الياسمين
ياسمين بثبات: صباح الخير
مالك : أنا رايح الشركة وقولت أجي أشوفك قبل ما أنزل لو عايزة حاجة
ياسمين: لا يا مالك شكرا
مالك: ماشي طيب مش عايزة تقوليلي حاجة او تعملي حاجة كدا يعني وغمز لها
ياسمين: لا مش عايزة اقول حاجة أنت عايز حاجة
مالك بزعل فياسمين جافة في معاملتها والشئ الوحيد الذي يصبره هو حبه لها وأنه يعلم أنها تحبه ولكن تخشي أن تظهر له ذلك: لا خلاص يا ياسمين يلا سلام
وخرج من الغرفة
لتدخل نور ومليكه....
مليكه : ايه ده انتو اتخانقتوا ولا ايه
ياسمين: لا محصلش حاجه بس كالعادة يعني
مليكه : يا بنتي ارحمي نفسك وارحمي مالك انتي كدا ممكن تنهي الحب اللي بينكم
نور باستغراب : هو في ايه هتسبوني زي الاطرش في الدخلة كدا كتير
ياسمين ومليكه بضحك: اسمها الاطرش في الزفة مش الدخلة
ياسمين: سيبك منها هي مليكه بتكبر الموضوع وخلاص
مليكه: طيب أنا راضية زمتك يا نور انتي لو بتحبي حد وهو بيموت فيكي هتبخلي عليه بمشاعرك وتخبيها عنه لمجرد انك خايفة لما تظهريها كرامتك تتهز أو أنه يشوفك ضعيفة فيسيبك
نور بأستغراب: لا طبعا التفكير ده غلط وبالعكس ده ممكن يهد العلاقة بينهم لقدر الله وبعدين هو الحب ايه غير أننا نظهر مشاعرنا اتجاه اللي بنحبهم وقلبنا اختارهم
مليكه بتصفير:ظهر الحق الله ينور عليكي يا نور يا جامدة
ياسمين باستعجال: طيب يا حلوة منك ليها اتفضلوا برا بقي عشان أغير والحق أروح الجامعة
مليكه: ولا أكننا كنا بنتكلم يلا فوضت امري لله
~~~~~~~~~~~~~~~~~~~~~~~~~~~~~~~~
وفي الشركة وصل الشباب الثلاثة لينظر لهم جميع من بالشركه بأنبهار كالعادة
السكرتيرة 1: يا خراابي علي جمالهم وعلي جمال المثلث ثلاثي الاضلاع دا
السكرتيرة 2: نفسي اعرف دول بيتجمعو في بيت واحد مع بعض ازاي ده انا أكاد من فرط الجمال انتحر وربنا
السكرتيره 1: طيب اسكتي بقي ووطي صوتك ل أحسن حد منهم يسمعنا ويبقي اخر يوم لينا هنا
توجهوا ثلاثتهم الي مكتب ليل لتخبرهم السكرتيره
ريهام: صباح الخير يا فندم الوفد الأوروبي منتظر حضرتكم من خمس دقائق في قاعه الاجتماعات
ليل بجدية : طيب حضري الورق أنتي وأبعتيه علي هناك وأحنا جاين
ريهام: حاضر يا فندم بعد اذنكم
ومر اليوم علي الجميع وكلٱ منهم منشغل في عمله
لا يعلموا ماذا يخبئ لهم القدر من أحداث
~~~~~~~~~~~~~~~~~~~~~~~~~~~~~~~~
في صباح يوم جديد ملئ بالاشراق يجتمع الجميع في حديقه القصر وفاء مشغوله مع حفيدها فارس ومليكه ونور وياسمين يتحدثون ويضحكون
وفاء بضحك: بقيت شقي خالص يا فارس ربنا يحميك يا حبيب تيته
نور : لو تعبك يا ماما وفاء اخده منك شويه
وفاء: تعبني اي ياريت كل التعب زي تعب فارس
نور: ربنا يخليكي ليه ويديكي الصحه
وفاء يارب يا حبيبتي ويخليكو ليا
ليدخل مالك وهو يمزح كعادته ... مالك: ايه الحب ده كله والجو الأسري ده مليش نصيب أنا في شويه من الحب ده
نور بمزاح: لا ملكش واتفضل بقا من غير مطرود عشان هنرش مايه😂
مالك وهو يمثل الحزن: بقا كده ماشي يالمبي خلاص ملكمش نصيب بقا في الخبر الحلو اللي كنت جايبهولكوا يلا سلاموا عليكوا
مليكه ونور في نفس الوقت: لا استني
مليكه بضحك: لا استني بس يا مالك هو احنا لينا بركه غيرك ده انت الحب كله
نور بضحك: بالظبط كده زي ما قالت مليكه وبعدين ده انا عيله حد ياخد علي كلام عيله برضو
مليكه: اقعد اقعد يا راجل شكلك مصفر كده وهفتان اقعد اشربلك عصير احكلنا بقي كنت عايز تقولنا خبر اي
مالك بضحك: يانهار ابيض عليكوا بقي دلوقتي مالك بقي حلو ما كان كخه من دقيقه
مليكه : طيب قول بقي يا كخه اااقصد يا مالك
مالك بتكبر : ماشي أكمني قلبي طيب وابيض هقول بس بشرط اسمعها من ياسمين الاول
نور : بس كده حاضر ثم نظرت إلي ياسمين قوليله يتكلم يا ياسمين
ياسمين بضحك: احكي يا مالك عشان خاطري
مالك: إذا كان عشان خاطرك يبقي هقول ... بصراحه ...
البنات في صوت واحد: هااا قول
مالك بضحك: طيب خلاص..انا بصراحه شوفت أن احنا بقالنا مده مشغولين في مشاكل الشغل والشركه وانتو برضوا قاعدين ملكمش لازمه في البيت زيكوا زي فازات القصر أنا مش بغلط فيكوا لسمح الله أنا بس بوضحلكوا ولذلك قررت أنا وليل أن كلنا نروح نقضي يومين في الشاليه اللي في الساحل
مليكه بصريخ: ايوه بقا هيييييييه اخيرا ده الواحد كان حاسس انه هيموت من الملل
نور: اه والله ومين سمعك فعلا كلنا محتاجين نغير جو
مليكه بصوت عالي: يعيش مالك يعيش يعيش ماااالك
اسرع مالك بكتم صوت مليكه مردفاً: اسكتي الله يخربيتك ..وطي صوتك انتي هتسيحيلي
مليكه بأستغراب: اسيحلك ليه هو في اي
مالك بحرج: هااا لا بس اصل ممكن حد يسمع هتافنا بصوتك ده من البرلمان المجاور..... أكمل حديثه وهو يمثل البكاء : وكده هيبقي في خطر علي مستقبل مصر اااقصد خطر علي مستقبل السفريه
اتي صوت زين من خلفه مردفاً بسخريه : خطر علي مستقبل السفريه برضو ولا خطر علي مستقبلك انت يا مجنون
نور بأستغراب: هو في اي احنا مش فاهمين حاجه؟
ياسمين: ولا أنا هو في اي؟
زين بضحك: اصل الاستاذ سعد زغلول اللي عامل فيها بيضحي من اجلكوا بقاله ساعه بيقنع ليل فوق انكو اتحايلتو عليه عشان يكلم ليل في موضوع الساحل عشان نفسيتكو وكده
نظرت الفتيات إلي مالك بغضب..
مليكه : وعامل نفسك الواد المضحي من أجل سعاده الآخرين وقررت أنا وليل ومعرضها يا شيخ روح الله يكسفك
مالك بحرج: بس متنكريش أن أنا برضو السبب في سفريه الساحل دي ثم نظر إلي زين : أما انت بقي ف مردودالك يا خاين
مليكه: علي رأيك مش مهم مين اللي قال المهم أن اخيرا هنغير جو.. وبدأت ترقص بطريقه كوميديه
مليكه وهي تتمايل وترقص: وهنسافر اه اه ونصيف ونبلبط ونهيص كل ذلك ومالك أخيها يرقص معاها بنفس الطريقة الكوميدي وفي لحظه وبدون مقدمات سمعو صوت
ليل: هو ايه اللي بيحصل هنا...
وفي لحظه وعلي الفور في حركه عفويه منه قام مالك بالامساك بشعر مليكه وكأنه يتمسك ب لص ما (حرامي😂) وأخذ يهز في رأسها ( وبصوت محمد هنيدي) ايه ده ايه ده ايه اللي أنا شايفه ده.. مليكه وهي تكمل رقص : ايه اللي انا شايفه ده ايه اللي أنا سامعه ده ده غزال عمال يتنطط
مالك: اخرسي يا صفيقه
مليكه بنأدهاش: أنا صفيقه؟
مالك: ايوه صفيقه وحقيره كمان بقي ده اللي أنا ربيتك عليه بترقصي في عز النهار وقدامي كمان. يلا يا كلبه انجري من قدامي .....ثم نظر إلي ليل وأكمل : ولا تدايق نفسك يا سيد المعلمين وربنا وربنا لعيد تربيتها من جديد اقعد يا خويا اقعد
ليل بأبتسامه لم يستطيع اخفائها : مش هتعقل ابدا .. ثم نظر إلي ياسمن واكمل : اكيد الأستاذ قالكوا علي موضوع السفر جهزو نفسكوا عشان هنتحرك علي بكره الفجر أن شاء الله .. وقبل أن يرحل أوقفه صوت ...
نور مردفه بهدوء: لو سمحت يا ليل أنا كنت عايزه اتكلم معاك في موضوع بحضور ماما وفاء
ليل بثبات: اتفضلي يا نور موضوع اي
نور وهي تستجمع شجعتها : طبعا انت عارف اني خريجه كليه تجاره انجلش ولما كنت في لندن مع سالم الله يرحمه كنت شغاله لاني اكيد متعلمتش وتعبت عشان اركن الشهاده واقعد في البيت فكنت عايزة استأذن ماما وفاء واخد رايك في اني انزل شغل
ليل بتفكير نظر إلي والدته: رأي حضرتك ايه؟
وفاء: والله انا عن نفسي معنديش مانع موافقه مادام ده هيسعد نور
ليل : تمام يبقي أنا كمان موافق هتبدأي شغل اول ما نرجع من السفر معانا في الشركه عشان تبقي تحت نظرنا ونكون مطمنين عليكي بس اعملي حسابك أنا في الشغل معرفش ابويا يعني لازم تثبتي نفسك
نور بابتسامه جميله: شكرا يا ليل ومتقلقش أن شاء الله هثبت نفسي
ياسمين بتفيكر: طيب يا ليل ما احنا كمان نيجي نشتغل في الشركه أنا ومليكه اخر سنه لينا في هندسه يعني طبيعي ننزل تحت التدريب في شركه وتبقي فرصه كلنا مع بعض
مالك: ايوه يا ليل الله يكرمك هاتها معانا
زين بضحك: يجبها معانا فين يا اهبل هو احنا في ملاهي
ليل بجديه: تمام يبقي كلكوا هتنزلوا اول ما نرجع من السفر أن شاء الله بس هيطبق عليكوا نفس الكلام اللي قولته لنور
ياسمين ومليكه بسعاده: اوك
وبعد أن رحل ليل اردف زين: اه صحيح يا بنات اعملو حسابكوا أن في ضيفه هتكون معانا في السفريه دي
مالك بأستغراب: ضيفة مين دي يا زين؟
زين : صديقه عزيزه عليا يا مالك
مليكه بتهكم: تقصد ندي صح؟
زين بأستغراب : اه هي بس انتي تعرفيها منين؟
مليكه بسخرية: مش هتفرق .. ودي ايه اللي هيجبها معانا مش المفروض السفريه دي للعيله بس
زين: اه بس انا لسه قايل أن هي صديقة عزيزه عليا وبعدين هي مش هتكون معانا في الشاليه هي ليها شاليه في الساحل برضوا ثم نظر إلي مالك وأكمل يلا أنا هقوم اروح الشركه جاي معايا يا مالك
مالك: اه انا معاك يلا بينا...
وما أن رحل الشباب حتي لفت انتباه نور شئ جعلها تردف بصدمه : ايه ده؟
~~~~~~~~~~~~~~~~~~~~~~~~~~~~
تكملة الرواية من هنا 👇👇👇👇👇👇
تعليقات
إرسال تعليق