جميع الروايات كامله

 النمرالعاشق

البارت١٣و١٤والخاتمه

النهايه

هاجر_النجار

 كامله على مدونة النجم المتوهج للروايات 

البارت ١٣ 

يتفاجاء نادين وطارق باسيف الذى يدخل وهو يصفق 

اسيف:  وايه كمان ياحرمى المصون وايه كمان 

نادين بصدمه: اسيف 

طارق: انت ازاى دخلت هنا 

اسيف ببرود: من الباب وتقدم بضع خطوات من نادين

نادين: اسيف انت فهمت غلط هف يقاطعها اسيف وهو يصفعها بشدة مما ادى الى وقوعها ارضا 

اسيف بغضب: اول غلطه اعترف بيها فحياتى هى انى اتجوزتك 

نادين بغضب وهى تنهض: انت بتضربنى ولا وكمان ندمان على جوازك منى طيب يلا انا اصلا متجوزاك عشان مركزى بين الناس يعنى مش بدوب فيك 

اسيف ينظر لها بغضب: استنى دورك جاى 

ويتجه نحو طارق ويلكمه بضربه اطاحت به: بقا عايز تغتصب مراتى مش كده 

طارق: اقف مكانك وابعد عنى وانت اصلا متقدرش تعمل لحد فينا حاجه 

لتكمل نادين بشماته: عشان سيلو حبيبه القلب تحت ادينا وبمكلمه واحده هخلى الرجاله يعملو عليها احلى حفله 

ليغضب اسيف بشده ولاكن حاول السيطرة على نفسه 

اسيف بغضب مكبوت: هى مين دى اللى تحت ايديكم سيلو مش كده اه اظاهر ان انتو لسه بتحلمو او كده امال مين دى لتدخل اسيل فى هذة اللحظه وهى تمشى بثقه وتتجه نحو اسيف وتقف بجانبه فيلف اسيف يدة حول خصرها ويقربها منه ويقبلها على خدها ثم يلتفت لهم 

اسيف: سيلو دى صح 

نادين بصدمه: ازاى دة مستحيل 

طارق بغضب: ازاى دا الرجاله لسه مكلمنى وقالو انها معاهم 

اسيف ببرود: هو انت مفكر ان النمر ممكن يسيب مراته مخطوفه كده يابابا اسيل كانت معايا بعد نص ساعه من خطفها واللى كان بيكلمك كل شويه دة من رجالتى عشان ينيمك لحد ما نادين هانم تجيلك وتسمعنا الحقيقه بصوتها الحلو دة 

نادين بغضب: مش معقول بعد دا كله تطلعو مع بعض وبتضحكو علينا 

اسيف بغضب: وانتى مفكرة يا زباله انى ممكن اشك فى اسيل ولو للحظه دا انتى تبقى غبيه اووى ودخلت عليكى اللعبه بالمظبوط 

اسيل ل نادين: طيب طارق وعارفين عداوة الشغل بتاعه مع اسيف انتى تعملى كل دة ليه دا انتى بسببك ولادى عاشو خمس سنين من عمرهم بعيد عن ابوهم وكنت هموت بسببك واتهمتينى بالسرقه كل الغل اللى جواكى دا ليه عملتلك ايه عشان تحاولى توقعى بينى وبين جوزى عملتى كده ليه 

نادين بصراخ وغل يظهر جيدا بعيونها: ليه بتسالى ليه من يوم ما دخلتى حياتنا وامك جابتك هنا مصر وانتى واخده اهتمام الكل حتى ابويا كان بيهتم بيكى انتى اكتر وكل حاجه شوفى اسيل بتعمل ايه واعملى زيها ومع انها اصغر منك بس اشطر منك كل حاجه اسيل عايزاها بتاخدها على طول اما نادين تاخد الحاجه اللى هيا عيزاها يبقا لا ازاى تعمل كده وتاخد حاجه نفسها فيها لما كبرت شويه قولت انا لازم اخلى اسيف يحبنى ويتجوزنى كده هبقا مرات كبير العيله والكل هيحترمنى ويعملولى اللى انا عيزاه غصب عنهم جيتى انتى وبردو خدتى الحاجه اللى كنت عايزاها واتجوزتيه كل حاجه كانت بتبقا عندك حتى حب امك ليكى واهتمامها بيكى وانا امى بتفتكر بالصدفه ان عندها بنت اصلا دا حتى ملك وجنه كانو بيبعدو عنى ومش بيكلمونى اووى ولما انتى جيتى بقو معاكى على طول دا انا شوفتكم مرة بتنامو فى اوضه واحده وانا نسوا اصلا انى عايشه معاكم فى نفس البيت عرفتى بقا بكرهك ليه ولا اقول كمان 

لتنظر لها اسيل بصدمه وتسقط دموعها: ليه ليه كل الغل دا انتى لو كنتى بتتعاملى بطريقه كويسه كنت هتبقى معانا انا اول ما جيت مصر حاولت اتكلم معاكى اكتر من مرة كل مرة كنتى بتتكلمى معايا زى ما اكون حشرة او مرض هيتنقل ليكى طريقتك معانا هى اللى كرهتنا فيكى نصيحه ليكى حاولى تغيرى من نفسك وصفى قلبك بلاش الغل اللى مليكى دة 

اسيف: لولا انك بنت عمى ومن عيله الدمنهورى وانى خايف على سمعه العيله كنتى زمانك مشرفه فى ازبل سجن نسا بس انا مش هعمل كده عشان خاطر عمى الله يرحمه وسمعه العيله من انهاردة اياكى اشوفك فشارع حد من عيله الدمنهورى موجود فيه وملكيش حاجه عندنا هتبقى فى الشارع بالهدوم اللى عليكى يمكن الشارع يغيرك ويشيل السواد اللى جواكى دا 

انتى طالق بالتلاته وكل الفلوس اللى فى البنك اتسحبت ومعدش ليكى حاجه ويكمل لطارق متجاهل تمام نادين التى انهارت باكيه على الارض 

وانت انا مش هسجنك كفايه عليك انك هتشحت بعد ما شركاتك كلها وقعت 

طارق بجنون: انت بتقول ايه ازاى دة حصل مستحيل انت كداب 

اسيف بصوت عالى: اتكلم كويس احسنلك انت فاهم بلاش تزود عقابك اكتر من كده 

نادين تنظر لاسيل : طب تعرفى ان جاسر صاحبك كان مشترك معايا ماهو السواد والغل مش جوايا لوحدى 

اسيف ينظر لها بسخريه: مش بقولك غبيه ويكمل لاسيل يلا ياحبيبتى 

ويذهب كلا من اسيف واسيل ويتركو خلفهم نادين وطارق الذى يصيح بجنون على شركاته وفلوسه الذى خسرها كلها قد اصبح بالمعنى الحرفى ليس لديه جنيه واحد فقط بحسابه والبنك حجز على كل ممتلكاته والفيلا التى كان يسكن بها ونادين التى تضحك بطريقه هستريه على ما انتهى به حالها 

عند اسيل واسيف يعودون الى القصر 

فينظر الجميع لهم باستغراب فهم يدخلون وايديهم بايد بعضهم 

اسيف: اقعدو وانا هحكيلكم كل حاجه فيجلس الجميع بالصالون 

اسيف بهدوء: عايزين تعرفو ايه 

مازن: كل حاجه قول من الاول 

اسيف: بص كل حاجه بدات لما اسيل عملت حادثه 

مروان: ازاى دى كانت فى العنايه ومش واعيه لحاجه 

اسيف: بص 

فلاااااااأاااااش بااااااااااااااااك 

يدخل اسيف غرفه العنايه ليجد اسيل تنام على السرير وجسدها متصل بكثير من الاجهزة الطبيه يدخل ويجلس بجانبها ويمسك يدها ويتحدث معاها

اسيف برجاء: فوقى ياحبيبتي وانا هعملك كل اللى انتى عايزاه وهخليكى تسامحينى ونرجع تانى زى ماكنا 

اسيل بهمس: مسمحاك 

اسيف بذهول: اسيل حبيبتي انتى سمعانى 

اسيل: ايوة 

اسيف: انا سمعت صح انتى قولتى سامحتك صح 

اسيل وهى تبكى: اه صح 

اسيف وهو يمسح دموعها: طيب بتعيطى دلوقتى ليه والله هخليكى تنسى كل حاجه ونبدا من الاول ليكمل بمزاح حتى يخرجها من حزنها ويلهيها عن البكاء 

اسيف بمزاح وغيرة مصطتنعه: مين بقا اللى اول حرف من اسمه Y ويبقا اغلى شخص على قلبك اوعى تكونى فاكرة انى نسيت يلا اعترفى مين دة 

اسيل بدموع: هقولك انا بعد ماحسيت انى ممكن اموت انهاردة واسيبهم لوحدهم يبقا انت لازم تعرف عشان لو حصلى حاجه 

اسيف: اهدى بس وان شاء الله هتبقى بخير ومين هما دول اللى بتتكلمى عليهم 

اسيل بتوتر: ولادنا يامن و يارا 

اسيف بصدمه وعدم استيعاب: ايوة مين هما ما تقولى يا بنتى 

اسيل بخوف: ولادنا يا اسيف فى ايه انت كويس 

اسيف بصدمه: ولادنا ازاى انا مش بخلف اصلا مستحيل يكونو ولادى 

اسيل تمسك يدة ببكاء حاد: لا بالله عليك ماتقول كده والله العظيم دول ولادك انا بعد ما سفرت عرفت انى حامل وهما دلوقتى فى امريكا مع طنط ناديه انكل ياسر 

اسيف: اهدى بس وبطلى عياط انا عايز افهم ولادى ازاى اكيد فى حاجه غلط 

اسيل: طب انت عرفت ازاى انك مش بتخلف 

اسيف: روحت انا ونادين للدكتور من حوالى اربع سنين وقال انى عندى مشكله فى الخلفه ومستحيل اخلف 

اسيل بنهيار: ازاى ازاى والله العظيم ولادك الكلام دة كدب 

اسيف: اهدى اهدى يا اسيل انا واثق فيكى ومصدقك  بصى انا هعمل تحليل تانى ونتاكد اذا كان فى غلط ولا لا بس ارتاحى انتى 

اسيل: طيب روح روح اعمله دلوقتى 

اسيف: حاضر بس ارتاحى شويه هعمله واجى 

ويتجه اسيف الى معمل التحاليل الخاص بالمستشفى ويطلب من الدكتور عمل التحاليل له بسريه من دون علم احد وينفذ الدكتور طلبه وبعد ساعتين تخرج النتيجه وتكون ان اسيف ليس لديه اى مشكله تمنعه من الانجاب ياخذ اسيف التقرير ويصعد لاسيل 

اسيف بصدمه: معاكى حق انا كويس ومفيش حاجه تمنعنى انى اخلف 

اسيل بدموع: الحمد لله الحمد لله 

اسيف: بلاش عياط بقا خلينا نشوف هنعمل ايه 

اسيل: مين لو مصلحه انو يغير النتيجه لكدة 

اسيف: مفيش غير نادين 

اسيل بحسن نيه : ما يمكن مش هى بلاش تظلمها 

اسيف: بلاش طيبتك الزايدة دى انا متاكد انها هيا ليقاطعه صوت هاتفه 

اسيف: ايه وصلت لايه 

الطرف الاخر: الواد اللى قطع فرامل عربيه الهانم اعترف يا باشا 

اسيف: ها وقال مين اللى قاله يعمل كده 

الطرف الاخر: بصراحه يا باشا هو بيقول ان مرات سعتك هى اللى طلبت منه بس اكيد هو بيكدب وهنقرره تانى 

اسيف: مراتى مين

الطرف الاخر باستغراب: نادين هانم يا باشا بس اكيد هو 

ليغلق اسيف الخط بوجه وقد اصبح وجهه يعبر عن كميه الغضب الذى يشعر بها 

اسيف بغضب: اه يا زباله والله لاقتلك بايدى ونهض من مكانه بغضب 

اسيل: اهدى يا اسيف فى ايه 

اسيف بغضب: الحيوانه اللى كنتى بدافعى عنها دلوقتى طلعت هيا السبب فى الحدثه اللى عملتيها هى اللى اجرت ناس عشان يقطعو فرامل عرابيتك 

اسيل بصدمه: وصلت معاها لكده عايزة تقتلنى 

اسيف يذهب اليها ويحتضنها بهدؤء مراعى حالتها الصحيه:صدقينى مش هخليها تلمس شعرايه منك ولا من ولادنا اللى حرمتنى منهم ومنك خمس سنين 

اسيل تبتعد عنه بهدوء: هنعمل ايه؟ 

اسيف بضيق لانها ابتعدت عنه: طب وبتبعدى ليه دلوقتى ويجذبها اليه مرة اخرى و يكمل بتفكير   بصى احنا هنتعامل عادى بس لازم الولاد ينزلو مصر و وقتها هعاملك بطريقه مش كويس على انى مش مصدق انهم ولادى لحد ما نعرف نجيب دليل واضح وقوى عليها 

اسيل: تمام بس احنا ازاى هنعرف هيا هتعمل ايه الفترة الجايه 

اسيف: ماهو دا اللى الحاجه الوحيدة اللى ناقصه عايز حد يبقى تبعى ويمثل عليها انه معاها بس لازم نكون واثقين فيه 

اسيل: جاسر ممكن يعمل كده 

اسيف بغيرة: ومين سى زفت دا كمان مش كفايه الحيوان اللى اسمه ادم والتانى اللى اسمه ادهم 

اسيل: اهدى بس وبعدين ادهم اخويا فى الرضاعه وادم الحارس بتاعى وعلى طول معايا من اول ما سافرت 

وبالنسبه لجاسر فهو صاحبى وشريكى فى الشغل 

اسيف بغير: خلينا نشوف ماهو كل يوم بيزيدو واحد 

اسيل بضحك: خلاص بقا 

اسيف وهو يمسك يدها ويقبلها: ربنا يحفظك ليا ياقلبى 

اند فلااااااااااش بااااااااااااك 

اسيف: بس كده ومن وقتها عرفنا ان نادين عايز تئذى اسيل واتفقنا مع جاسر انو ينزل مصر ويمثل قدامنا انه بيحب اسيل واتخانق معاه عشان تروح هى وتتفق معاه وفعلا عملت كل اللى كنت متوقعه

ونفذت كل حاجه انا عايزها لحد ما راحت تتفق مع طارق الدويرى انها تخطف اسيل انهاردة كان لازم اخلص من الموضوع دة بسرعه عشان كل ما بيطول اسيل بتتئذى 

لتصيب الجميع صاعقه مما سمعو 

مازن بصدمه ••••

___________________________________________________________________هاجر النجار ♥

البارت ١٤ والاخير ♥

 

ليدخل الجميع فى صدمه مما سمعو فما حدث كان لايتوقعه احد ابدا 

مازن بصدمه: يا نهار ابيض بقا نادين كانت عايزة تقتل اسيل 

مروان: يا خبر اسود دا احنا كنا عايشين مع قتاله قولته بقا 

اسيل: ومش بس كده لا كمان هى اللى سرقت ورق التصاميم بتاعت اسيف واتهامتنى فيها 

محمود: ازاى يعنى واحنا كلنا احم شوفنا انك انتى اللى خدتيهم 

لتنظر اسيل الى اسيف وتبتسم وتقول هقولكم 

فلااااااااااش بااااااااااااك 

بعد ما خرجت اسيل من غرفه المكتب الخاصه باسيف قامت بحفظ الصور على موبايلها وصعدت مرة اخرى الى غرفتها واتصلت على اسيف من موبايل اخرى للتواصل بينهم 

اسيف: ايه ياحبيبتي حصل حاجه 

اسيل: اه حصل.  وتحكى له ماحدث وما فعلته هى 

اسيف بغضب حاول السيطرة عليه: طب اهدى واستنى لحد مانشوف هى عايزة تعمل ايه وبعد كده نتحرك احنا 

اسيل: ماشى ياحبيبى 

اسيف: حلوة حبيبي دى 

اسيل: اسيف بطل طريقتك دى 

اسيف بضحك: طيب خلاص ويكمل بجديه بس عايزك اى حاجه هعملها انهاردة تمشى معايا فيها وهفهمك بعدين 

اسيل باستغراب: ليه هتعمل ايه 

اسيف بغموض: هتعرفى بعدين يلا اجهزى عشان المنافسه وبلاش حاجه قصيرة احسنلك 

اسيل بضحك: حاضر يلا سلام 

اسيف: سلام ياروحى 

اندد فلااااااااااش بااااااااااااك 

اسيل: وبس كده لما كلمت اسيف قالى اعمل ايه وكنا متفقين سوى 

نرمين: منها لله بنت نيفين ربنا نجاكى من شرها يابنتى 

اسيل: الحمد لله ياماما 

صفيه: الحمد لله انو خلصنا من شرها وبعدت عننا 

حياه: الحمد لله عايزين نفرح بقا 

مازن: ايوة حلوة نفرح دى جوزونى بقا 

اسيف بسخريه: مستعجل اوى حضرتك 

مازن: اووى اوووى يعنى بس لا دا انتو طلعتو جامدين بجد كل دة كنتو متفقين مع بعض دا قولت خلاص هتطلقوا 

اسيل تنظر لاسيف بحده: اه ماهو فعلا كان هيطلقنى فمرة 

ملك: ازاى 

اسيل: كنا فمرة بنتكلم فى اوضه المكتب ونادين كانت ماشيه من قدمها وكانت هتسمعنا بس اسيف اخد باله منها وفضل يزعق ويعلى صوته ويهزقنى وانا واقفه مش فاهمه حاجه وفضل يغمزلى ويشاور على الباب وانا مفهمتش حاجه وفى اخر عصبيته كان هيطلقنى بجد 

جنه: لا بجد دا انتو حوار دماغ متكلفه بجد 

محمود: خلاص الحمد لله ان احنا خلصنا منها وامها محدش يعرف هى فين الله يرحمك يا وائل يا اخويا لو كان عايش كان مات بحسرته عليهم 

خالد: ربنا يهديها ويبعد عننا شرها 

مازن: ها هتجوزونى ايمته بقا؟ 

يضحك عليه جميع العائله 

مروان بضحك: جوزوة دا هيتجوز على نفسه 

مازن: هه هه بطل خفه يلا.   ها ايمته بقا 

محمود: خلاص هكلم ياسر الصبح ونتفق على معاد مناسب 

مازن: هو دة الكلام تسلم يا محمود ياغلى 

محمود: اتكلم كويس ياحيوان

مازن بتزمر: بردو حيوان 

اسيف يمسك يد اسيل ويقول: عن اذنكم بقا هنطلع نرتاح 

مازن: اذنك معاك ياخويا ارتاح ارتاح كويس اووى يعنى 😉😉😉

اسيف: بقا كده طب مفيش فرح غير بعد سنه 

مازن بسرعه: لا لا انا حيوان انى اتكلمت اتفضل ياباشا ارتاح براحتك 

اسيل بسخريه: جبان اووووووى 

مازن: مش مشكله جبان جبان بس اتجوز 

اسيف وهو يصعد الدرج وبجانبه اسيل: ياخويا اتلهى 

بغرفه اسيف واسيل 

اسيل: هروح اطمن على الولاد واجى مش شفتهم من الصبح 

اسيف: تمام روحى على ماخد شور يدخل اسيف الحمام لكى يستحم وتذهب اسيل لغرفه صغارها كى تطمئن عليهم فتجدهم يغطون فى سباق عميق فتدثرهم جيدا بالغطاء وتخرج 

تدخل اسيل غرفتها فتجد اسيف قد خرج من الحمام ويقف يصفف شعره فتاخذ ثياب لها وتدخل الحمام كى تستحم وتزيل عناء اليوم عنها تخرج اسيل من الحمام وهى ترتدى 



 فتجد اسيف يجلس على السرير فتذهب له 

اسيف: مالك ياحبيبتي 

اسيل: لو انت مقدرتش توصلى على طول بعد انا اتخطفت كانو هما عملو فيا زى ماكانو بيقولو 

اسيف يقاطعها بجذب جسدها اليه ويحتضنها: اوعى تقولى كده تانى مستحيل كنت اسمح ان حد ياذيكى او يلمس شعرة منك والحمد لله ربنا بعدها عننا وكشفها فى الوقت المناسب وجمعنا تانى 

اسيل بدموع تتجمع فى عيونها فهى لاتستطيع ان تتخيل ماذا كان سيحدث لو لم تخبر اسيف عن الولاد ماكان ليصدقها: الحمد لله 

اسيف بمزاح حتى يغير من مزاجها: قوليلى بقا كنتى خارجه من الاجتماع متعصبه ليه حتى لما كلمتك مش رديتى عليا 

للتحول اسيل بثوانى من الحزن والدموع الى الغضب والشراسه وتدفعه عنها فيقع اسيف على السرير وهى فوقه تضع يديها حول رقبته وتقول بشراسه: ايوة فكرتنى بقا دا انا كنت نسيت كانت عجابك اووى ست زفته دى وهى عماله تتمايص وتدلع عليك 

اسيف بذهول من تحولها: طب اهدى بس هو انا عملتلها حاجه ماهى اللى كانت بتحاول تقرب منى 

اسيل بشراسه: ومش بعدتها عنك ليه ولا كنت مبسوط 

اسيف بحده: مبسوط ايه خودى بالك من كلامك 

اسيل وهى متناسيه وضعهم تماما وانها تقرييا تنام فوقه ترد عليه: تعرف الموقف دة فكرنى باغنيه سمعتها من فترة 

اسيف باستغراب: اغنيه اغنيه ايه دلوقتى 

اسيل بغناء: اسمع وتقول وهى تغنى 

عينك تيجى كده 🧐 ولا تيجى كده 🧐 وقعه مهببه ياحياتى عليك 🎵🎵على الباب طوابير واقفينلى كتيير 🎶🎶🎶 وتروح لفين انت يا مسكين 😏🎶🎶🎶

ليقلب اسيف الوضع فتصبح هى اسفله وهو فوقها 

اسيف: والله بقا انا مسكين و وقفنلك على الباب طوابير مش كده 

اسيل بتوتر وقد انتبهت اخيرا لوضعهم: مقصدش اووى يعنى وبعدين انت بتبصلى كد ليه 

اما اسيف لم يكن معها من الاساس بل كان نظرة معلق على شفتيها وهى تتحدث ويقترب منها وووووو 

"سكتت شهرزاد عن الكلام الغير مباح😘😘😘" 

"يلا السناجل تمشى من هنا ملناش احنا فى الكلام دة يلا من هنا 😂" 

اما عند نادين وطارق 

بعد ان هدئت نادين جلست بجانب طارق 

نادين لطارق: هنسكت ونفضل قاعدين كده مش هنعمل حاجه هنسبهم كده 

طارق بشر: اسكت اسكت ازاى اذا كنت بكرة اسيف قبل كده قراط فدلوقتى بعد ما خسرنى كل فلوسى بكرهو اربعه وعشرين قراط ولازم اخد حقى منه 

نادين: طيب هنعمل ايه دا سحب كل الفلوس اللى كانت فى البنك باسمى 

طارق وهو ينهض: استنى اجيب لنا كاسين نشربهم ونخطط على رواقه

نادين: بس انا مش بشرب 

طارق وهو يضع الكاس امامها: جربى هيعجبك اوى ومش هتخسرى حاجه 

نادين وهى تاخذ الكاس وتشربه: على رايك هخسر ايه يعنى اكتر من كده 

ليظلو اكثر من ساعه يشربون الخمر حتى ذهب عقلهم واصبحو فى حاله الاوعى 

طارق بغير وعى وهو يقترب من نادين: ماتيجى اقولك حاجه جوة 

نادين بترنح: حاجه ايه 

فياخذها طارق من يدها ويذهب بتجاه غرفه النوم: تعالى بس وانا هقولك تدخل نادين معه غرفه النوم فيبدا طارق بالاقتراب منها حتى وقعت نادين على السرير فيقترب منها وووووووو "يفعلو ما حرم الله وهم فى غير وعيهم غافلين عن ربهم الذى يراقبهم" 

___________________________________________________________________هاجر النجار ♥

بالصباح 

يستيقظ اسيف فيجد اسيل تنام بين احضانه فيضمها بقوه اليه يحمد الله بداخله انها معه وان الله حفظها له من كل سوء بعد دقائق تستيقظ اسيل وتجد اسيف يحتضنها بهذة القوة وهو مغمض العينين لتحاول الابتعاد عنه ببط 

اسيف وهو يجذبها اليه مرة اخرى: رايحه فين 

اسيل بخجل: مفيش هلبس واروح اشوف الولاد 

اسيف: هو انا مش قولتلك 

اسيل باستغراب: قولتلى ايه 

اسيف وهو يقبل عنقها: احنا مش هننزل من هنا لمدة اسبوع 

اسيل بصدمه: اسبوع ايه والولاد والشغل مينفعش طبعا 

اسيف: لا ينفع ودا موقت بس لحد ماخلص الشغل اللى عندى وهخدك ونسافر شهر او شهرين كده لوحدنا 

اسيل: شهر شهرين ايه انت بتتكلم بجد 

اسيف: طبعا عايز اعوض الوقت اللى كنتى فيه بعيدة عنى ويقترب منها ويقضوا اسعد اوقاتهم معا فرحين بعودتهم مرة اخرى لبعض 

___________________________________________________________________هاجر النجار ♥

عند نادين وطارق 

تستيقظ نادين وهى تشعر بالم يفتك براسها فتجد نفسها عاريه لايسترها سوى مفرش السرير وبجانبها طارق ينام وهو ايضا عارى لايستره شى غير المفرش 

نادين بصراخ وهى تضربه على ظهره بيدها: اصحىىىىى ايييههه الللللى حصللللللل اناااااا مششششش فااااكرة حااااجه رد عليااااا

طارق بخضه وهو يدلك راسه من شدة الصداع: 

فى ايه؟  ايه اللى حصل؟  لينصدم عندما يجد نفسه عارى وبجانبه نادين تصرخ به وتضربه على ظهره 

طارق يمسك يدها ويثبتها: اهدى اهدى انا مش فاكر حاجه 

نادين ببكاء: مش فاكر مش فاكر ايه احنا عملنا ايه انت السبب انت اللى خليتنا نشرب 

طارق: اهدى وبعدين هتفرق معاكى اوى يعنى 

نادين وهى تسحب الغطاء وتغطى جسدها وتردف ببكاء: انا يمكن اذيت ناس كتير وحاولت اقتل بس دا بسبب احساسى بالنقص وعدم الاهتمام لاكن عمرى ماكنت افكر انى اكون زنيا وتجشع فى بكاء حاد ليشعر طارق بالغضب من نفسه 

ويقول: طيب اهدى احنا بعد ما العدة بتاعتك ما تخلص هنتجوز ونسافر ونبعد عن هنا خالص ونبدا حياه جديده مفيش فيها اى غلط ولاشر لاى حد 

نادين: بجد هنبعد ونسافر من هنا 

طارق وهو يمسح دموعها: اه وهنبعد عن هنا خالص وننسى اى حاجه حصلت هنا 

ليشعر طارق بداخله ان نادين من داخلها انسانه جيدة لاكن للاسف البيئه السيئه اللى تربت فيها وعدم الاهتمام من الاهل هو اللى وصلها لكده ويقسم بداخله على ان يغيرها ويجعلها انسانه طبيعيه تحب الحياه ولاتحمل اى حقد لاحد 

بالمساء 

ينزل اسيف واسيل وايديهم متشابكه ببعضها 

مازن: كفارة ياعم دا انا قولت مش هتنزلو غير بعد شهر 

اسيف وهو يجلس ويجذب اسيل كى تجلس بجانبه: وانت مالك وبعدين انا فعلا كنت هقعد اسبوع بس اسيل اللى صممت تنزل عشان تشوف الولاد 

مروان: ايوة بقا زمانك هايص ياعم 

لتخجل اسيل من حديثهم وتحاول ان تغير مجرى الحديث وتقول: الولاد فين 

ملك: يارا من وقت ما استاذ اسر شرف وهى مش بتفارقه على طول مع بعض و يامن فى اوضه منزلش من امبارح 

اسيل بقلق: ليه منزلش هو كويس 

جنه: كويس وانا و الله طلعت له وقت الغدا مش وافق ينزل وقال مش عايز 

اسيل بقلق على صغيرها: طيب انا هطلع اشوفه 

اسيف: استنى انا جاى معاكى ويصعد اسيف واسيل الى غرفه يامن تطرق اسيل الباب وتدخل تجد يامن يجلس على السرير وبيدة الايباد بتاعه تدخل و

تجلس اسيل بجانبه وتقبله من راسه 

اسيل بحنان وهى تضمه اليها: مالك ياحبيبي منزلتش طول اليوم ليه تلعب مع اسر ويارا انت كويس فى حاجه بتوجعك 

يامن ينظر بتجاه اسيف بغضب ويقول بقتضاب: لا مفيش انا كويس 

لتنظر اسيل الى اسيف بمعنى ماذا افعل ليطمئنها اسيف بنظراته ويقول: ممكن تسبينا لوحدنا شويه 

اسيل: حاضر 

تخرج اسيل وتغلق الباب خلفها ويذهب اسيف ويجلس بجانب يامن 

اسيف بهدؤء: ممكن اعرف زعلان ليه ومش عايز تنزل ولا تاكل 

يامن: كده مش عايز 

اسيف: مفيش حاجه اسمها مش عايز فى عشان كذا ويضمه اليه بحنان خالص واشتياق لابنه الذى لم يراة منذ خمس سنوات 

اسيف: ها زعلان ليه 

يامن بعد ان شعر بكم الحنان والامان التى يغدقه اسيف بهم: زعلان عشان انت وماما اتصالحتو 

اسيف بذهول: هو فى حد بيزعل بردو لما مامته و باباه بيتصلحو 

يامن: اه انا زعلان عشان مامى هتنسانا وتهتم بيك وتحبك انت بس 

اسيف بحنان: لا ياحبيبي مامى عمرها ما تقدر تنساكم ولا تحبنى اكتر منكم طيب هو انت بتكرهنى 

يامن: لا مش بكرهك انا بس بزعل منك لما تزعق لمامى 

اسيف: وخلاص من انهاردة مش هزعق ليها تانى وانت مش هتزعل منى صح 

يامن: صح يا بابى 

ليدق قلب اسيف بشدة فور سماعه لتلك الكلمه التى حرم منها 

اسيف بحنان: شاطر ياروح بابى يلا بقا عشان نصالح مامى 

يامن: يلا تطرق اسيل الباب وتدخل راسها فقط تقول بطريقه مضحكه: خلصتو 

يضحكو عليها ويقول اسيف بضحك: اه تعالى فتدخل اسيل وتجلس بجانبهم وتقول وهى تلعب بشعر يامن: ها يامن حبيبى لسه زعلان 

يامن وهو يقبلها على خدها: لا يامامى مش زعلان انا بحبك اووى 

اسيل وهى تقبله على شفتيه: وانا بحبك اكتر ياقلب مامى 

اسيف بغير: ما خلاص بقا ويلا ننزل 

اسيل بضحك عليه: طيب يلا يا يمونى 

يامن: يلا يا مامى وينزل اسيل ويامن وخلفهم اسيف ينظر على اسيل بغيظ 

عند الجميع 

محمود: انا كلمت ياسر وحددنا الفرح بعد شهر 

مازن: ايوة كده هو ده الكلام 

وتمر الايام بين مشاغبه يامن وغيظه لاسيف وغيرة اسيف منه وضحك اسيل عليهم فمر هذا الشهر عليهم بسعادة ومع تحضي جميع العائله للفرح الاسطورى لجميع احفاد الدمنهورى و اولاد الحسينى  اما عن طارق ونادين فهم قد سافرو لاحد الدول الاوربيه واستقرو بها 

👑انتهى الفصل 

___________________________________________________________________هاجر النجار ♥

الخاتمه♥

 مرت الايام بسلام وسعاده على البعض وعلى البعض الاخر بحزن لاكن يخفيه لاسعاد غيره 

قبل الفرح باسبوع 

تجلس اسيل مع اسيف بالشركه يعملون على صفقه مهمه تحت مشاكسه اسيف لاسيل وخجل اسيل منه ويدخل عليهم ادم 

اسيل: ايه ياعم طب قول حتى السلام عليكم 

ادم بضيق: اسيل انا عايز اطلق اميرة 

اسيف وقد تحسنت علاقته به: انت اتجننت يا ادم 

اسيل بصدمه: عايز تتطلق اميرة مش هى دى اميرة اللى جريت وراها اربع سنين فى الكليه عشان تتجوزها 

ادم: مبقتش هى يا اسيل اميرة دلوقتى كل همها اسر واذا كل ولا لا عمل الهوم ورك بتاعه ولا لسه دا انا ببقا بكلمها وتقولى استنى الاول اشوف اسر 

اسيل: انت عبيط يا ادم عايز تطلق مراتك عشان بتهتم بابنك انت اهبل 

ادم: اسيل انا وقلت اللى عندى وهعرفعا انهاردة انا مش قادر اكمل 

اسيف: فكر كويس اميرة طيبه ومش هتلاقى زيها وانت ممكن تلفت نظرها انها تنتبه ليك شويه بطريقه متجرحاش بيها 

ادم: طيب انا ماشى. بعد خروج ادم 

اسيل بذهول: بقا فى واحد عايز يطلق مراته عشان بتهتم بابنه طب لو كانت بتأهمله نقول ماشى لاكن انا اول مرة اشوف كده 

اسيف: هو اللى غبى ممكن يلفت نظرها ليه بطريقه كويسه دا مش سبب ابدا للطلاق

اسيل تنظر بعيونه: هو انت لو انا اهتميت بيامن ويارا اكتر منك ممكن تطلقن. لم تكمل جملتها حيث شهقت بخضه عندما سحب اسيف الكرسى الذى تجلس عليه الى جانبه وقبلها بقوة كانه يعاقبها على ما كانت ستقول 

ابتعد عنها اسيف وهو يلتقط انفاسه: اوعى اسمعك تانى بتقولى الكلمه دى تانى مش كفايه الخمس سنين اللى بعدتيهم ولو قولتيها تاتى عقابك هيبقا كده ويغمز لها 😉

اسيل تحتضنه: ربنا يديمك ليا يارب وميحرمنيش منك ابداً يارب 

بالمساء يجلس الجميع بالجنينه ويدخل عليهم اسيف واسيل 

اسيل: فى ايه صوتكم عالى 

مراد: الهانم مفكرانى مركب قرون 

مازن: ولا انا دى مفكرانى سوسن 

اسيف بضحك: مالك بس ياخروف انت وسوسن قصدى مالك يامراد انت ومازن 

مراد: وحياه ابوك ماهى نقصاك انت كمان الهانم عايزة فستان الفرح قصير خالص ومفتوح من كل حته 

مازن: ولا اللى هى اختارته مفهوش قماش اصلا 

مكه: هو ايه اللى مفهوش قماش دا والله رقيق خالص وسيمبل

حور: وانا بتاعى مش قصير اوى كده 

مراد: والله بقا دة مش قصير امال لو كان قصير كان هيبقا ايه بالظبط قميص نوم 

حور: احترم نفسك يا مراد ايه قميص نوم دى 

اسيل كى تنهى الخناق بينهم: خلاص خلاص فساتين الفرح انا اللى هصممها وهديه ليكم 

يجرى بتجاهها حور ومكه ويحتضنوها وهم يصيحون بفرح 

مراد: بالله عليكى يا اسيل حاجه محترمه 

اسيل تغمز له بعينيها: عيب عليك متخفش 

يقرصها اسيف بخصرها ويهمس لها بحده: اتلمى 

اسيل: الاه هو انا عملت حاجه 

اسيف: بتقولى حاجه يا حبيبتي 

اسيل: لا ابدا ليتفاجاء الجميع بدخول جاسر 

مازن: ايه ده مش دا الواد اللى انت ضربته هنا يا اسيف 

جاسر: واد طب تحب اوريك الواد دا ممكن يعمل فيك ايه 

حور: حمد الله على السلامه جسور 

مكه: يا اهلا ب ابو الجواسير كلهم 

جاسر: الله يسلمك يا رورو وانتى ياجذمه يا اللى اسمك مكه مش قولت ميه مرة متقوليش الاسم دة 

مكه: الاه بدلعك مش عاجبك يعنى 

جاسر: اه مش عاجبنى 

مكه: مش معهم المهم عاجبنى انا 

مازن بهمس لها: ليلتك سودة اصبرى على رزقك 

جاسر لاسيل: عملتى ايه يا اسيل فى الموضوع اللى كلمتك فيه 

اسيل: كل حاجه تمام وكويس انك جبتها معاك هنا هروح لها بكرة واشوفها 

جاسر-:تمام همشى انا بقا سلام 

اسيل: يلا يا شباب هطلع اشوف الولاد 

تصعد اسيل الى الاعلى حيث غرفه اولادها ويصعد اسيف خلفها الى غرفته 

يالاسفل 

مازن: انتى ازاى تكلميه كده 

مكه: عادى يا مازن احنا نعرف جاسر من زمان ومتعودة اهزر معاه كده 

مازن بحده: لا ياحبيبتي الكلام ده قبل كده دلوقتى تاخدى بالك من كلامك مع اى ذكر كان 

مكه بمرح: بتغيرى يا بيضه 

مازن: اتكلمى كويس واه بغير فيها حاجه دى 

مكه: ابدا غير براحتك 

بالاعلى بغرفه اسيل واسيف تدخل اسيل تجد اسيف يجلس على الاريكه و وجه غاضب 

اسيل: مالك يا حبيبي مضايق ليه 

اسيف: موضوع ايه اللى جاسر الزفت عايزك فيه ومقولتليش ليه 

اسيل بهدؤء: مش حاجه مهمه اووى يعنى انى اقولك او اشغلك بيها كل الموضوع ان اسيف بيحب السكرتيرة بتاعته وهى مش معبراه خالص ومخطوبه لواحد تانى فكان عايزنى اساعده مش اكتر 

اسيف: ماشى بس بعد كده تقوليلى على كل حاجه 

اسيل: حاضر ياروحى فك بقا يا سيفو 

اسيف يذهب اليها ويداعبها وهى تضحك بشدة: هو انا مش قولت متقوليش الاسم المايع دة تانى 

اسيل وهى تلتقط انفاسها من الضحك: مش عارفه مش عجبك ليه بس هفضل اقوله بردو 

ويقضو وقتهم فى المزاح بينهم والاستمتاع بوقتهم 

بمنزل ادم واميرة فبعد ان نقلت اسيل كل شركاتها الى مصر استقر ادم ايضا فى مصر واشترى منزل له ولعائلته 

يدخل ادم غرفه اسر ليجده نائم فيقبل راسه ويذهب الى غرفته وهو يفكر كيف سخبر اميرة عن قرارة 

يدخل ادم الغرفه فيجدها مظلمه فيفتح النور لينصدم مما راى اميرة تقف بنصف الغرفه ترتدى قميص نوم قصير والغرفه مزينه بالورود والبوالين ويوجد قلب معلق على الحائط مكتوب بداخله عيد زواج سعيد ليصدم ادم فكيف نسى هذة المناسبه المهمه لاى زوجين 

تقترب منه اميرة وهى تقول: كل سنه وانت طيب ياحبيبي 

ادم بتوهان: وانتى طيبه 

اميرة: اتفضل وتعطيه علبه مغلفه بشكل انيق فيفتحها ليجد بها ساعه كانت اعجبته منذ فترة وذهب لشرائها لاكنه لم يجد منها باى مكان 

ادم: انتى جبتيها ازاى 

اميرة بضحك: بطريقتى الخاصه خليك هنا على ما اجيب العشاء وتتجه اميرة الى المطبخ 

ويجلس ادم ينظر الى الغرفه المزينه من حوله وهو يراجع نفسه بقرار فهى تذكرت يوم ذكرى  زواجهم الذى هو بالفعل قد نساه عاد بزاكرته للماضى فوجد انه هو دائما مشغول عنها بالسفر مع اسيل الى اى مكان تذهب اليه وانشغاله بعمله اهملها لاكن اميرة كانت تضع له اعزار وتحتمل فترة غيابه عنها وعدم اهتمامه بها وجاء هو بالنهايه يلومها هى ويرد الطلاق منها فيغضب من نفسه بشده بسبب تفكيرة ويقرر تعويضها عن اهماله لها وسوء تفكيرة بها 

تدخل اميرة وهى تحمل صنيه العشاء فيذهب اليها وياخذها منها ويضعها جانبا ويمسك باميرة ويجلسها على السرير ويجلس هو على ركبته ارضا 

اميرة بذهول: فى ايه وانت قاعد على. الارض كده ليه؟ 

ادم يمسك يدها ويقبلها: انا اسف 

اميرة: اسف على ايه 

ادم: عشان نسيت عيد جوازنا وعشان بسيبك انتى واسر لوحدكم كتير وعشان مش بهتم بيكم وبعرف ايه اللى بيحصل معاكم 

اميرة تمسك يدة وتجله يجلس على السرير بحوارها: انا عارفه انك دايما مشغول بسبب شغلك وانا عزراك ومش بلومك على حاجه انت بتتعب عشانا 

ادم يحتضنها ويحمد الله بداخله انه افاق من غفلته والا كان سوف يخسر زوجته وحبيبته اميرة 

مر الاسبوع على خير وجاء يوم الفرح المنتظر الذى سيقام بقاعه فندق من اكبر الفنادق فى مصر بجناح البنات يجهزون معا والشباب بجناح اخر يجهزون معا 

عند البنات تجلس معهم ليلى خطيبه جاسر الذى بعد ان تحدثت معها اسيل واقنعتها ان تعطى فرصه لجاسر وافقت فهى لم تكن مخطوبه بل الفعل بل كان كتعارف بينها وبين خطيبها السابق لذلك فكان من السهل عليها انهاء العلاقه لعدم تواجد مشاعر وتوافق بين الطرافين 

اسيل ل ليلى: ها يا لولو مرتاحه مع جاسر 

ليلى براحه: الصراحه اه انا مكنتش متخيله ان جاسر بيحبنى كده والصراحه انا بدات احس بمشاعر ناحيته 

اسيل: جاسر طيب وجدع جدا وعمرك ماهتندمى انك ارتبطى بيه 

تعالو نتعرف على ليلى اسمها ليلى سعد عندها ٢٣ سنه انهت دراستها الجامعيه بكليه ادارة اعمال وتعمل سركرتيرة لدى جاسر والان خطيبته هادئه ورقيقه جدا 



 

وظل الفتيات يتجهزون معا 

قبل الفرح بساعه اسيل كانت على وشك البكاء فجميع البنات ارتدو فساتينهم ماعدا هى 

اسيل تتحدث مع اسيف على الهاتف: مش لاقياه يا اسيف مش عارفه راح فين انا هتجنن 

اسيف: اهدى بس ياحبيبتي متضيقيش نفسك 

اسيل: مضايقش نفسى ازاى بقولك الفستان بتاعى مش موجود اختفى وكل البنات جهزو وانا لسه مش عارفه اعمل ايه 

اسيف: تعالى الجناح رقم ٦٥٠ بسرعه ويغلق معها الخط

اسيل: جناح ايه دا كمان ياربى اعمل ايه وتذهب للجناح المذكور تجد الباب نصف مفتوح فتدخل وتجد امامها شى جعلها تبكى من الفرحه فا اسيف يقف ويرتدى بدله كالعريس وبجانبه فستان زفاف فائق الجمال يمسك اسيف يدها ويقبلها 

اسيف بحب: ايه رايك 

اسيل بدموع فى عينيها: جميل اووى ياحبيبي لمين؟ 

اسيف: ليكى ياحبى هو انتى اقل من اى بنت عشان مش تلبسى فستان ويتعملك احلى فرح 

نحتضنه اسيل وتبكى من الفرحه

اسيل: انت احسن حاجه حصلت فى حياتى 

اسيف: وانتى حياتى كلها يلا اجهزى البنات هيجو يسعدوكى 

لتؤمى له اسيل بفرحه وسعادة 

بعد ساعه ينزل كل عريس ومعه عروسته التى تبدو كل منهم كاميرة بجمالها وسحرها الخاص ادهم جنه حور مراد مازن مكه اسيف واسيل

وانتهى الفرح بسلام تحت سعاده الجميع وذهب كل شاب مع معشوقته ليقضو وقت من اجمل اوقات عمرهم وسافرو لشهر العسل 

بعد خمس سنوات 

انجب ملك ومروان  فتاه واسمها قمر كما اختار يامن واجبر الجميع عليه وعمرها ٤ سنوات ونصف 

انجب حور ومراد توائم وهم نور وياسين وعمرهم ٣ سنوات 

وانجب جنه وادهم ولد عمرة ٥ سنوات واسمه ياسر 

وانجب اسيل واسيف ولد  واسمه عدى لديه ٤ سنوات 

وقد اجل مازن ومكه قرار الانجاب حتى تنهى مكه دراستها وهى الان حامل بشهرها الثامن 

وقد اصبح عمر يامن ويارا ١٠ سنوات واسر ١١ سنه 

بيوم التجمع العائلى بقصر الدمنهورى 

يجلس جميع الاباء معا والاطفال يلهون مع بعضهم 

مروان بضيق: انا مش عارف سى زفت دا هيسيب بنتى ايمته 

اسيف: براحته يعمل اللى هو عايزة 

يامن: بتقول حاجه يا حمايا 

مروان: لا ياروح حماك 

ادم: لا بس الواد اسر ابنى مسيطر خد البت وخلع 

اسيف:لما اشوفه الحيوان ده بس 

مروان بتريقه: براحته يعمل اللى هو عايزة 

اسيف: اتلم يالا وانت ياعم ادم لم ابنك شويه عن بنتى 

اسيل: خلاص بقا هو انتو كل مرة نفس الخناقه قولنا دول اطفال اطفال 

حور: ايوة بالله عليكى حد يفهمهم كده 

مكه: هو جاسر من ساعه ما سافر هو و ليلى متصلش 

اسيل: لا كلمنى وقال انها الحمد لله كويسه مش عارفه مصمم يخلى ليلى تولد فى باريس ليه 

حور: مش مهم المهم انها بخير 

مكه تصرخ فجاءة بوجع 

مازن: ايه مالك 

مكه: ولا حاجه ياحبيبى بعمل بروفا على صريخ الولادة وتكمل بصريخ ياغبى بولد 

مازن: بتولدى بتولدى ايه بتولدى ازاى 

مكه بصراخ: حد يبعد الغبى دا عنى 

اسيل: حاولى تهدى يامكه يلا على المستشفى بسرعه 

بعد عده ساعات قضتهم مكه بالصراخ اخيرا انجبت مكه بنت جميله جدا واسمها وعد 

بغرفه مكه يبارك لهم الجميع 

ويحمل مازن وعد بين يديه ليجد من يسحبه من بنطاله 

مازن: ايه فى ايه 

ياسين بصوت طفولى: عايز النونو 

مازن: طيب تعالى اقعد هنا وانا اديهالك براحه 

يجلس ياسين على الكرسى ومازن يضع وعد على قدمه بهدوء وحرص

فيقبل مازن وعد من وجنتها ويقول 

ياسين: عايز اتجوزها 

فيضحك جميع العائله على شكل مازن 

فيقول مازن بحسرة : شكل العيله دى محدش فيهم هيتجوز من برة خالص 

فيضحك عليه الجميع 

"تمت بحمد الله" 

بقلمى /هاجر النجار 

وفى اخر الروايه احب اعرف رايكم فيها وفى الاحداث والنهايه بتاعتها 

وبحب اشكر كل الناس اللى تبعت الروايه ودعمتها بجد شكرا من قلبى ♥ 

وشكر خاص لكل اصحابى اللى شجعونى اكملها 🥰

وان شاء الله اشوفكم قريب فى روايتى الجديدة وباذن الله هتعجبكم 

باى 😘😘😘😘😘♥♥♥♥♥

تعديل المقال