 |
اللهم صلي وسلم وبارك علي سيدنا ونبينا وحبيبنا وشفيعنا وقائدنا وقدوتنا وقرة اعيننا محمد صلى الله عليه وسلم تسليما كثيرا طيباً مباركاً فيه
-----------
غرام الاسد
البارت واحد وثلاثون حتي البارت الثالث والثلاثون
شروق محمد
كامله على مدونة النجم المتوهج للروايات
-----------
"في منزل فاطمه كانت تجلس قلقه وتنتظر سلمي وتدعي من الله ان تكون غرام بخير هى واسد، أمسكت هاتفها وقامت بالإتصال علي سلمي "
فاطمه: حبيبتي مش انتي قولتيلي هتكلميني عشان تطمنيني
سلمي: حقك عليا حبيبتي، انشغلت مع غرام
فاطمه: طيب هيا عامله ايه واسد عامل ايه
سلمي: غرام فاقت بس حزينه عشان خاطر اسد، واسد لسه الدكتور قال ساعات وهيفوق واهو مستنين
فاطمه: ماتعرفيش ايه اللي حصله
سلمي: لا مااعرفش ياماما حاتم وصاحبه اللي راحو عند الدكتور ويعرفو
فاطمه: طيب حبيبتي ماتغبيش قلبي واجعني عليكي
سلمي: حاضر حبيبتي مش هغيب ارتاحي انتي بس
فاطمه: ربنا يريح قلبك يابنتي ويجبر بخاطرك دايما
سلمي: يارب ياامي ويياركلي فيكي
"اغلقت سلمي وذهبت إلي غرام، اما فاطمة غلقت الهاتف وظلت تدعي لإبنتها التي دائما تفعل الخير مع الجميع"
--------------
"في المشفي وتحديدا عند اسد نزل سعد وذهب إلي اسد ووجد غرام تقف حزينه والإنكسار ظاهر باعيونها والدموع تغرق وجهها ووجد هاجر تقف بجوارها، وعاصم يقف بجوار صديقه فذهب إليهم"
سعد: ايه اللي حصل، اسد ابني ماله
حاتم: اسد بخير ياعمي، الدكتور طمنا عليه
سعد: ايوه حصله ايه
عاصم: تعب شويه واغمي عليه مش اكتر ودلوقتي هيفوق ويبقي كويس اقعد حضرتك وارتاح
"وقف سعد بحزن والدموع تتساقط من عيونه وقلبه يؤلمه علي ابنه، اخذه عاصم علي أقرب مقعد، أما سعاد فلم تكف عن البكاء للحظة، رأتها غرام فركضت إليها وقامت بإحتضانها وظلت تبكي هي الأخري"
غرام: اسد ياعمتو اسد
سلمي: غرام حبيبتي قولنا اهدي عشان ماتتعبيش تاني
هاجر: سلمي عندها حق ياغرام حاولي تهدي
"وأثناء حديثهم خرج الطبيب من غرفه اسد وذهب الجميع إليه"
عاصم: اسد كويس يادكتور طمني عليه
الطبيب: الحمد لله فاق وبقي احسن
الجميع في صوتاً واحد: الحمد لله، فركضت غرام ودلفت إلي غرفة اسد"
غرام: اسد حبيبي انت كويس رد عليا، حبيبي اوعي تسبني لوحدي قوم يااسد فوق وقولي انك جمبي
اسد بتعب: بزمتك حد يسمع الكلام الحلو ده ويعوز يقوم
قامت غرام بضربه بخفه علي صدره وقالت: اخس عليك بجد قلقتني عليك اووي
وظل اسد يوهمها بالتعب: اه اه
غرام: حبيبي حاسس بي ايه قول بسرعه هروح انده للدكتور بسرعه
جاءت حتي تنهض فقام اسد بإمساك يديها وقال: اقفي هنا بهزر معاكي، وبعدين تروحي تكلمي راجل غيري دا انا ادبحك
غرام بإبتسامه فرح: الحمد لله انك كويس كنت خايفه عليك اوي، ربنا يخليك ليا
اسد: يااااه، ياريتني كنت تعبت من زمان بقي
غرام: بعد الشر عليك
قام اسد بإمساك يديها وقبلها وقال: بحبك يااغلي من روحي
غرام: تعرف يااسد انت اجمل هديه ربنا بعتها ليا
اسد: الله الله وايه كمان ياغرامي
خجلت غرام كثيرا وقالت: صحيح ايه اللي حصل
"وقبل أن يتحدث اسد دلفوا جميعا الي الغرفه وركض إليه سعد وقام بإحتضانه وكذلك سعاد، اما عاصم فوقف حزين علي صديقه"
اسد: ماكنتش اعرف اني غالي عليك كدا
عاصم بحزن: انت حبيبي يااسد اغلي من نفسي
اسد: ربنا يخليك ياصاحبي
سعد: مالك ياحبيبي
اسد: مش عارف
قاطع حديثهم حاتم وقال: خلاص ياجماعه المهم أنه بقى كويس مش مهم دلوقتي أي حاجه تانيه،
بدأو جميعاً يتحدثون ويضحكون سويا وكانوا سعداء لأن اسد استعادة عافيته "
-------------
"كانت ندي تجلس في مكان مظلم تصرخ وتبكي علي ما وصلت إليه وقالت: الحقووني انا فين حد يطلعني من هنا الحقووني، ظلت تتحدث مع نفسها بصراخ: انا السبب في كل اللي انا فيه، انا اللي وصلت نفسي لكدا الطمع عماني كنت مفكره ان كل حاجه في الدنيا فلوس وبس، وكنت مفكره قربي من هشام منفعه
" نظرت إلي جسدها وجدته مجروح من كل جانب والدم يسيل منها" دا اكبر خساره ليا ضيعني الحيوان ضعيني وظلت ندي علي هذا الوضع تصرخ وتبكي وندمت، وتندم علي ما وصلت إليه"
-------
"وقف حسام في الشرفه وكان غاضباً، وظل يحاول الإتصال علي ندي مرة تلو الأخري ولكن دون فائدة،
بدأ يحدث نفسه قائلاً: يوووه بقي ما تردي يابنتي أول مره ارن عليها ومتردش غريبة، ظل يتحدث مع نفسه وبعد ذلك قام بالإتصال علي هشام"
هشام: ايوه ياحسام في جديد
حسام: لا ابدا، بس برن علي ندي بقالي فتره مش بترد
هشام: وبتسألني انا ليه يعني
حسام: لا ابدا انا قلت يعني تكون كلمت حضرتك ولا حاجه
هشام: لا ماكلمتنيش ياحسام وياريت تاخد بالك من الشغل كويس
حسام: حاضر، طيب هيا ممكن تكون جت لحضرتك
هشام: برضه هقؤلك، هيا مش بتيجي غير معاك ياحسام ياريت تركز في شغلك كويس وسيبك من ندي، مش هقؤلها تاني
حسام: حاضر
هشام: انا عاوز المطلوب بكره فاهم
حسام: فاهم
هشام: مش عاوز غلط، الغبطه برقبتك
حسام: ماتقلقش ياباشا
"أنهي هشام المكالمة وبدأ في شرب السجائر وينفس دخانها بشر وحقد وقال لنفسه: قال ندي قال، دي متخلفه كانت هتضيعنا، اما عن حسام فأغلق الهاتف وبدأ الشك يتسرب إلي قلبه بأن هشام وراء اختفاء ندي وقال لنفسه:لا دا انا لازم اأمن علي نفسي كويس"
-------------
"عند اسد في المشفي كانوا يجلسون جميعاً مع اسد"
اسد: ياله قومو كفاية عليكم كدا
نزل عاصم إلي مستواه وقال: عاوز تستفرد بغرامك ياشقي
اسد بإبتسامه: لا ياخفيف عشان البنات الموجوده تروح الوقت اتأخر
"نظر عاصم في ساعته ووجد أن الوقت تأخر"
عاصم: تصدق عندك حق، بس برضه عاوز تقعد مع غرامك، قول قول مش عيب دا أنا صاحبك برضه
ابتسم حاتم واقترب منهم وقال: بطلو خناق حتي واحنا في المستشفي مش سالكين
اسد: ابعده عني اهي عينه اللي راشقه معانا دي اللي موديانا في داهيه
ضحكوا الثلاثة سويا ونهض حاتم وقال: استأذن انا بقي وياله ياسلمي تعالي اوصلك
سلمي: لا شكرا هروح لوحدي
أقترب حاتم عليها وقال: بطلي نشفان دماغ احنا قدام النااس اهدي
"ابتسمت سلمي علي طريقة حديث حاتم وودعت غرام وهاجر واستأذنت الرحيل"
عاصم: ياله ياجوجو احنا كمان خلي العصافير سوا لوحدهم
اسد: ابقي خد عينيك معاك اوعا تنساها
"ضحكوا جميعا علي مزاح اسد"
عاصم بإبتسامه: لا هسيبها تحرسك
اسد بإبتسامه: لا شكرا متشكرين عن عيونك
"بعد فتره أخذ عاصم هاجر حتي يقوم بتوصيلها إلي المنزل"
اسد: ياله بقي عشان اخدكم ونمشي انا الحمد لله بقيت كويس
سعد: لا خليك ياحبيبي احنا هنفضل عشان عمك ايهاب فاق
اسد: بجد وهو عامل ايه دلوقتي
سعد: الحمد لله بس اتعصب وزعل اووي لما قال انه مش حاسس برجله
اسد: لا حول ولاقوة الابالله
سعد: وعلي فكره ياغرام كان بيدور بعينه عليكي حوالينا
غرام: والله غصب عني قلقت علي اسد وماكنتش قادره اسيبه
قام اسد بإمساك يديها وقبلها وقال: ربنا يخليكي ليا
سعاد: عامل ايه دلوقتي ياحبيبي
اسد: الحمد لله ياامي كويس بدعاكي ورضاكي عليا
"ظالوا جالسين فتره وبعد ذلك تركوا اسد حتي يرتاح قليلا وصعدو إلي إيهاب حتي يطمئنو عليه هو ومنال"
----------------
"في سيارة حاتم كان يسوق حتي يوصل سلمي إلي المنزل وكل دقيقه ينظر لها ويبتسم، اما هي فكانت تشعر بالسعادة واحمر وجها من شدة الخجل"
حاتم: سلمي ممكن اسألك سؤال
سلمي: اتفضل
حاتم: اخدتي القرار ولا لسه، يعني مردتيش عليا في طلبي منك
سلمي: بص ياحاتم هو كل شئ اسم ونصيب
"ما أن قالت سلمي هذه الكلمات أحس حاتم بالوجع، وتغيرت ملامحه ، اما سلمي فأكملت حديثها"
سلمي: وانا صليت استخاره والحمد لله ارتحت
"أوقف حاتم السيارة فاجئه ونظر إليها نظرة اعجاب وحب"
سلمي: ايه ياحاتم وقفت ليه ومالك بتبصلي كدا ليه
حاتم: انتي قولتي ايه
سلمي: بقؤلك انا موافقه وكنت برن عليك انهارده عشان ابلغك بس لقيتك عند صاحبك في المستشفي
حاتم: دي احلي مستشفي دي ولا ايه
سلمي بإبتسامه: مستشفي ايه اللي حلوه ياحاتم ركز
حاتم: علي فكره انا أسعد واحد في الدنيا الحمد لله، بإذن الله ياسلمي هسعدك واكون الزوج الي تقدري تتسندي عليه واكون سندك وامانك في الدنيا
سلمي: ربنا يخليك، طيب ممكن نمشي بقي عشان الواقفه دي غلط
"عاد حاتم لتشغيل السيارة مرة أخري وأكمل الطريق وهو سعيد من قرار سلمي، وبعد فترة أوصل سلمي إلي منزلها، وقال لها أن تأخذ له موعد مع والدتها، وبعد ذلك ابتسمت له سلمي وشكرته وصعدت إلي المنزل"
-------------
"في صباح يوم جديد بمنزل هاجر، استيقظت وأدت فرضها، وأردت ملابسها، وخرجت من الغرفة وجدت والدتها تحضر الطعام فذهبت إليها وقبلتها وكذلك والدها"
ناديه: صباح الورد
هاجر: صباح كل حاجه حلوه وانتو منورين حياتي
عماد: البت دي بكاشه اووي ياناديه
ناديه: اهي واخده البكش كله منك
عماد: مني برضه
هاجر: باااااااس منكم انتو الاتنين
"ضحكوا جميعاً وجلسوا يفطرون سويا"
ناديه: انتي لابسه كدا وهتروحي علي فين
هاجر: هكون فين حبيبتي علي غرام طبعا
ناديه: قوليلي بقي ايه اللي حصل
هاجر: اسد كان مغمي عليه في مكتبه عاصم جاب عربية اسعاف ودوه المستشفي وغرام مااستحملتش وقعت من طولها
ناديه: هما هيفضلو كدا كل مايفوقو من حاجه يقعو في حاجه جديده
هاجر: لا والجديده ان ابوها عامل حادثه وفي نفس المستشفي
ناديه: يالهوي كمان
عماد: والله بدأت اخاف من العيله دي
هاجر: ليه بس يابابا، دا ابتلاء من ربنا
ناديه: عندك حق حبيبتي ربنا يحفظنا
انهت هاجر الإفطار وودعت والديها وقالت : بحبكم اووي ومش هغيب، وتركتهم وذهبت إلي المشفي عند غرام"
-------------
"في ڨيلا هشام كان يجلس ويتحدث في الهاتف مع احدا ما"
شخص ما: عملت ايه
هشام: كله تمام في واحده موجوده
شخص ما: واحده بس
هشام: واحده بس مش اي واحده
شخص ما: ماينفعش عاوز اكتر
هشام: قريب هتسمع خبر كويس وبدل الواحده اربعه، بس عندي سؤال
شخص ما: سؤال ايه ياهشام وانت عارف في شغلنا ده مافيهوش اسئله في حاضر وأوامرك وبس
هشام: فاهم، بس هيطلعو بره البلد ازاي
شخص ما: دا شغلنا احنا، كل اللي عليك تجهزهم وبس
هشام: حاضر
شخص ما: ولو في اي بينات او صور او اي حاجه تخصهم ياريت تكون موجوده معاهم
ابتسم هشام بشر وقال: في ومن اللي قلبك يحبه
شخص ما بغرور: احبك وانت فاهم الشغل كويس
"اغلق هشام الهاتف وهو يبتسم بشر وقال: فاضل علي الحلو ساعات ويكون قدام عيني واقهر قلبك يااسد، وظل يفكر ويخطط في الإنتقام"
--------------
"في المشفي وتحديدا عند اسد استيقظت غرام وذهبت لتطمئن عليه"
غرام: صباح الهنا
اسد: الهنا كله ان القمر يصبح عليا
غرام: حاسس بإيه دلوقتي
اسد: حاسس اني طاير من الفرحه وانتي جامبي
غرام بإبتسامه: بطل هزار بقي
اسد: بالله عليكي مش كفاية اللي احنا فيه، كمان مش عاواني اهزر
غرام: اصل انت بتكسفني بكلامك وانا مابعرفش ارد
اسد: يكفيني ابسامتك ليا ياحبيبتي، والله مش عارف احنا مالنا، ماكنا خلاص هنتفق علي الفرح
غرام: قول الحمد لله ربنا مش بيجيب حاجه وحشه
اسد: الحمد لله على كل حال، واحمد ربنا ان انتي في حياتي وان ربنا رزقني بيكي وبحبك ليا
غرام: طيب ياله بقي اخرح من الاوضه دي وخلينا نخرج من هنا انا كرهت المستشفيات
اسد: وانا حبيتها عشان حَبتيني فيها
تعالت صوت ضحكات غرام وقالت: انت مجنون
ابتسم اسد لها وقال: مجنون بحُبك ياغرامي
"ظلوا يضحكون ويتحدثون سويا، وبعد ذلك أخذ اسد غرام وذهب عند ايهاب، وبعد دقائق وصلوا إلي الغرفه ودقو الباب، ودلفوا وكان بالغرفه سعد وزوجته ومنال وبمجرد ما أن دلفت غرام ذهبت إليه"
غرام: حمدالله علي السلامة يابابا
ايهاب: ربنا يسلمك حبيبتي
اسد: ربنا يتم شفاك ياعمي
ايهاب: تسلم يااسد
سعد: عامل ايه دلوقتي ياايهاب
ايهاب: الحمد لله انا عاوز اروح بيتي
منال: ليه ياايهاب خليك هنا علي ماتتحسن شويه
ايهاب: لا بيتي اولا بيا
سعد: طيب هنشوف الدكتور الاول
ايهاب: ممكن تسبوني شويه مع غرام واسد
"نهض سعد وأخذ منال وسعاد وخرجوا من الغرفه وتركوا اسد وغرام مع ايهاب"
----------
"في ڤيلا حاتم كان يجلس مع والدته يفطرون سويا ويتحدثون"
مرفت: ايه الاخبار يعني ماقولتليش
حاتم: علي ايه ياماما
مرفت: ياواد انت عارف كويس اقصد ايه
ابتسم حاتم وقال: قصدك علي القمر
مرفت بإبتسامه: ايوع القمر ياحبيب، ماكنتش اعرف انك هتحب بالسرعه دي
حاتم بإبتسامه: لما تشوفيها هتحبيها انتي كمان ياقمري
مرفت: ربنا يسعدك ويفرح قلبك ياحبيبي
حاتم: يارب ياأمي ويخليكيليا، وافقت ومنتظر منها معاد عشان اروح اقابل مامتها
مرفت: علي خير ياحبيبي
"نهض حاتم وقبل يد والدته، وبعد ذلك ذهب إلي الشركة عند عاصم"
---------
"في المشفي وتحديدا في غرفة ايهاب كان يجلس مع اسد وغرام"
ايهاب: سامحيني ياغرام، سامحني يااسد، انا تعبت غرام كتير وماكنتش قد الامانه وكنت بقهر فيها من غير مااهد بالي، بس ربنا كبير وعاقبني، كنت مفكر ان بختار ليها عريس كويس ويحافظ عليها بس تفكيري كان غلط وكنت اب دكتاتوري عاوز كلمته تمشي والسلام، انا شوفت في عيون غرام حب ليك يكفي كون بإكمله، انا كنت غلط واب اناني وللاسف مافؤقتش غير بعد فولت الاوان
"وأثناء حديث ايهاب مع غرام كانت تبكي بشده وحزينه"
ايهاب: حبيبتي امسحي دموعك انا مااستهلش، كنت بغير لما اشوف منال سعيده وبتضحك وتهزر معاكي وسيباني، كانت بتهتم بيكي اكتر، او انا الي كنت مفكر كدا، غبائي صورلي كدا، كنت مفكر ان لما اجوزك ابن صاحبي، صاحبي هيدوم ليا وبكدا بكون جاملته، ربنا بيحبك ان اسد وصل في الوقت المناسب وربنا مسبب الاسباب ان منال تفتح معايا موضوع ان انتي يعني مش بنتي وكدا، عشان تسمعي وتبعدي عن حسام، وتروحي لاسد غضبي عماني ان اشوف فرحتك بأسد،اي اب بيتمني يشوف بنته سعيده،انا كنت بتعسك، انا جوايا كلام كتير ليكم، اسد بجد انت راجل يعتمد عليه دايما كنت بشوف اصرارك ونجاحك كنت بشوف نفسي فيك مع ان انت اشطر مني في حجات كتير،انا ظلمتك وظلمت غرام
اسد: اللي فات فات المهم انك تقوم لينا بالسلامه وانا وغرام مسامحينك انت اب وكنت عاوز تفرح ببنتك
ايهاب: لا انا عمري ماكنت اب لغرام، انا كنت عباره عن حد بيوجع ويأزي وبس، ولما غرام تفتكر مش هتسامحني علي اللي عملته، دا وهيا كدا كرهتني
غرام: دلوقتي او بعدين انا مسمحاك، ولو سمحت انسي بقي اللي فلت وخلينا في حضرتك دلوقتي
ايهاب: واخده الطيبه من مامتك والحنيه من باباكي والحب منهم الاتنين ربنا يرحمهم
غرام: يارب وصدقني انا مش زعلانه
اسد: عمي انسي زي ماانا هنسي وغرام تنسي
"نهضت غرام وقبلت رأس والدها وقالت: انا بحبك والله دلوقتي ولما افتكر كفايه بقي زعل واضحك كدا هو انت مش بتضحك، قابلت غرام الحديث بمرح حتي لا يتعب ايهاب، أما اسد فنظر إليه بحب وهمس لها في اذنيها وقال: والله بحبك وكل يوم حبي ليكي بيزيد
------------
"في الشركة عند عاصم وتحديدا في مكتبه كان يجلس هو وحاتم ويتحدثون سويا"
عاصم: هنتصرف دلوقتي ازاي
حاتم: مش لما نعرف مين وراهم الاول
عاصم: تفتكر لو اسد عرف هيسكت دا هيطربقها، تفتكر سكوته دا انه مش في دماغه، دا ساكت بس عشان خاطر ابوه واللي حواليه
حاتم: راجعت الكاميرات
عاصم: ايوه وبنت ال.... هيا اللي عملت كدا بس مش عارف ليه ماجيتش لغاية دلوقتي،
حاتم: تلاقي اللي وراها عرفوها انها اتكشفت
عاصم: والله ماهرحمها لا هيا ولا الكلب التاني
حاتم: بس انت عرفت ازاي انهم بيلعبو من ورانا وبيشتغلو مع حد تاني
عاصم: كام مره اشوفهم بيتكلمو سوا وعلطول مع بعض ويوم ماجيت قؤلتلك لما الصافقه راحت مننا وماحدش كان يعرف فضلت وراهم وعرفت انهم خاينين وبيلعبو علينا ومن ورانا ولما جبتها هنا كنت حاطت كاميرات وسمعتها وهيا بتكلم الكلب حسام وبيقؤلها فتحي عينك
حاتم: تفتكر شغالين علي حساب مين
دلف اسد فاجئه إلي المكتب وقال: هشام الألفي
"تفاجئ كلا من عاصم وحاتم بوجود اسد وأنه يعلم الذي حدث وتفاجئو من الاسم"
---------
دمتم بخير ياقمرات
رأيكم في غرام الاسد
شاركوني رأيكم
اللهم صلِّ وسلم وبارك علي سيدنا ونبينا وحبيبنا وشفيعنا وقائدنا وقدوتنا وقرة اعيننا محمد صلى الله عليه وسلم تسليما كثيرا طيباً مباركاً فيه
--------
غرام الاسد
البارت32
-------------
"وقفت سلمي تساعد والدتها في أعمال المطبخ وكانت تتحدث معها"
سلمي: ماما كنت عاوزه اقؤلك علي حاجه
فاطمه: قولي يانور عيني
سلمي: حاتم عاوز يجي يقابلك انتي واحمد
فاطمه: يجي يشرف يابنتي، شوفي هو فاضي امتي ويجي، البيت ينور
سلمي: حبيبتي ياماما
فاطمه: ربنا يتملك علي خير ياقلب ماما
سلمي: هو صحيح احمد فين
فاطمه بحزن: مش عارفه بقي طول النهار بره البيت، ولو جه بيفضل ماسك التلفون
سلمي: تلاقي شغل ولا حاجه
فاطمه: لأ، صدقيني ده مش احمد ابني
سلمي: بكره تعرفي انك ظلماه بتفكيرك
فاطمه: يارب يابنتي اكون ظلماه
"قامت سلمي بتغير الحديث حتي تخرج والدتها من الحزن والتفكير في احمد"
سلمي: اشطا احلي مكرونه دي ولا اي
فاطمه: احلي شيف دي ولا ايه، حظك ياحاتم واخد احلي شيف في الدنيا
سلمي: قلبي ياناس
"ظلت سلمي تضحك وتمزج مع والدتها وتطعمها في فمها ويتحدثون عن حاتم"
-------------
"في مكتب عاصم كان يجلس هو وحاتم فدلف إليه اسد فاجئه"
دلف اسد فاجئه إلي المكتب وقال: هشام الألفي
"تفاجئ كلا من عاصم وحاتم بوجود اسد وأنه يعلم الذي حدث وتفاجئو من الاسم"
عاصم: اسد، انت عرفت ازاي
اسد: مافيش حاجه بتحصل غير وانا عارفها كويس
حاتم: مش مستبعد ده لأنك شاطر في كل حاجه
اسد: لازم تعرف مين عدوك ومين حبيبك، لدم قررت يكون ليك اسم في السوق يبقي لازم تعرف كل اللي حواليك بيفكرو في ايه وبيتصرفو ازاي، لأن الضربه بتيحي من اقرب الناس
عاصم: عندك حق، بس انت ايه اللي فكرك بهشام الألفي
حاتم: مش ده الواد الغيور اللي دايما كان بيعمل معانا مشاكل في الجامعه
اسد: هو ده بالظبط وجاي ينتقم مننا، شوفت الغباء، ومش بس كدا لأ، دا شغال في السلاح وبيع الأعضاء، لا وكمان بيع البنات لأعمال مشبوها
عاصم: الله يحرقه، دا راجع بقرفه ووساخته
اسد: دول حاجه بسيطه من اللي بيعمله دا في بلاوي تانيه كتير
حاتم: ودا هنعمل معاه ايه يااسد
اسد: هنلعب معاه بس علي المكشوف
عاصم: برضه ازاي ممكن تفهمنا وجهة نظرك
اسد: اولا انا ماليش في العب اللي في الظلمه لان كل شغلي نور ومابعملش حاجه غلط، هو كل شغله غلط بيلعب وهو مستخبي
عاصم: فهمتك ياصاحبي
حاتم: تمام، بس برضه عرفت منين ان الكلاب دول معاه وعرفت برضه منين انه الزفت هشام الألفي
اسد: هقؤلكم الحكايه من اولها
"بدأ اسد في سرد ما حدث لهم"
اسد: فاكر ياعاصم لما كنت بتكلمني وانا مسافر وبتبلغني اخبار غرام أول بأول
عاصم: ايوه
اسد: وجيت وقؤلتلي ان في واحد اسمه حسام عاوز يتجوز غرام وكنت بتبلغني أول بأول بزيارته لهم
عاصم: ايوه وبعدين
اسد: ماسكتش إزاي حد يقرب لحاجه تخص الاسد فضلت وراه وعرفت انه بيتردد علي فيلا معينه ومش لوحده مع سكرتيرة حاتم فضلت وراهم خطوه بخطوه واخبارهم كلها عندي، ولما جيت من السفر كنت عارف خطواتهم كويس ومع ذالك عملت نفسي مش فاهم حاجه وعملت نفسي متفاجئ ان غرام كانت هتتجوز وقلت لبابا مين اللي حظه يقف قدامي، وهشام دا قصه لوحده، اهي ندي اللي كانت بتنقل اخبارنا ليه واللي كنت هموت بسببها اهي اول واحده انتقم منها الغبيه
حاتم: انتقم منها
اسد: ايوه، عشان اتكشفت مفكر نفسه ذكي وكل اللي حواليه اغبيه، مفكر اني مااعرفش خط سيره كويس
عاصم: طيب لما انت عارف كدا، ازاي تاخد حاجه منها وتشربها دي كانت ممكن تموتك
اسد: للاسف مش هيا اللي جابته وكمان كنت جاي من عند عمي ايهاب تعبان
حاتم: الحمد لله انك بخير
اسد: عاوزين نفتح عنينا كويس، هشام لغاية دلوقتي مفكر انه كسبان واحنا مانعرفش ايه اللي بيحصلنا
عاصم: طيب هنسيب حسام
اسد: اهو حسام ده حسابه تقل معايا، بس الصبر عليه
حاتم: انا ازاي ماكنتش واخد بالي منهم، انا للدرجادي مش مهتم بشغلي ولا باي حاجه
اسد: مش الحكايه ياحاتم انت كنت اكتر وقتك بتركز في الشغل، وبعدين كويس اننا عرفنا في الوقت الصح
عاصم: كدا لازم نخطط ليه كويس
اسد: اول خطوه لازم تقنع هاجر تقعد من الشغل او تيجي تشتغل معاك هنا
عاصم: وهاجر مالها بشغلنا يااسد
اسد: لازم تحطها تحت عينك زي ماانا هجيب غرام هنا، لان ده هدفه الايام الجايه انه عاوز ينتقم مننا فيهم، وانا قولتلك هو ايه وبيعمل ايه
عاصم: وانت عرفت ازاي
اسد: قؤلتلك النفس اللي بيتنفسه انا عارفه كويس
عاصم: ابن ال.... دا يبقي يومه اسود لو قرب منها
"شرد حاتم في سلمي وماذا يمكن أن يحدث لها"
اسد: مالك ياحاتم سرحت في ايه
حاتم: طيب ماهو ممكن ينتقم من سلمي
"غمز عاصم إلي اسد وتحولت ابتسامته لضحكات عاليه"
حاتم: بتضحك علي ايه يازفت انت
عاصم: اصل الغمازه غمزت والقلب دق
اسد: بطل رخامه ياعاصم، قول ليا انا ياحاتم هيا ايه الحكايه
تعالت صوت ضحكات عاصم وقال: ياحونين انت يااسد، قوله ياحاتم قول للحنين
حاتم: تصدقو انتو الاتنين رخمين،ومع ذالك هقؤلكم، شوفتها حبيتها بس كدا
عاصم: شوفت يااسد الناس اللي بتجيب من النهايه
اسد بإبتسامه: ابعد عينك عنهم وهما مايحصلهمش زينا
حاتم بإبتسامه: ايوه ابعد عني
اسد: يبقي تقنعها تيجي هنا مع البنات او تروح عندك
"ظل اسد وعاصم وحاتم ويتحدثون ويفكرون سويا في مخططات هشام وماذا سيفعلون في الأيام القادمة"
-------------
"في المشفي وتحديدا عند ايهاب
دلف الطبيب حتي يطمئن علي حالته الصحيه"
ايهاب: انا عاوز امشي من هنا
الطبيب: انت زهقت مننا ولا ايه
ايهاب: انا بقالي كتير هنا عاوز اروح بيتي
سعد: ينفع يادكتور
الطبيب: ينفع بس العلاج لازم يكون في معاده
سعد: حاضر يادكتور
الطبيب: عن اذنكم
"ذهب الطبيب حتي يكمل باقي عمله"
سعد: ماتخليك شويه هنا ياايهاب افضل ليك
ايهاب بحزن: لأ مالهوش لازمه، بيتي افضل
سعد: اللي تشوفه ياخويا، بس بشرط
ايهاب: شرط ايه ياسعد
سعد: نروح كلنا علي بيتي، اهو واسع ونقعد فيه كلنا
ايهاب: لا، عاوز اروح بيتي
سعد: لأ، نروح البيت عندي ونبقي كلنا سوا
ايهاب: انت خايف اقعد لوحدي واتعب، ده قضاء ربتا ياسعد وانا راضي بيه
سعد: مافيش منافشه خلاص، احنا هنروح البيت ومنال وغرام يبقو يروحو يجيبو حجاتكم من البيت بتاعك
"ومع إلحاح سعد الشديد وافق ايهاب علي الذهاب معه إلي المنزل"
سعاد: طيب كلم اسد خليه يجي يوصلنا
سعد: حاضر هكلمه
---------------
"في منزل فاطمه وتحديدا في غرفة سلمي كانت تجلس تفكر في قرارها من الزواج من حاتم ودقائق وقامت بالاتصال عليه"
حاتم: القمر بنفسه بيرن عليا
سلمي: شكرا
حاتم: ايه الرخامه دي في حد يقول لجوزه شكرا
سلمي بإبتسامه: جوزه
حاتم: ايوه طبعا عندك مانع ياام دماغ ناشفه
سلمي: لا ولا مانع ولا حاجه
حاتم: حبيبي مطيع ياناس
سلمي: علي فكره ياحاتم انا مااعرفش حاجه عنك
حاتم: خديلي معاد مع والدتك بس وكل حاجه عاوزه تعرفيها هقولهالك
سلمي: ماانا برن عليك عشان اقؤلك كدا
حاتم: هو ايه اللي كدا
سلمي: شوف عاوز تيجي امتي
حاتم: دلوقتي علطول
سلمي بإبتسامه: بطل هزار بقي واتكلم جد
حاتم: لو ينفع انهارده ماشي
سلمي: خلاص هبلغ ماما واحنا في انتظارك
حاتم: ماشي ياقمر القمرات انتي
"ابتسمت سلمي وانهت المكالمه وذهبت حتي تبلغ والدتها، اما حاتم فذهب إلي والدته هو الاخر"
حاتم: القمر مش عاوز يشرب شربات
مرفت بإبتسامه: ياااه شربات مره واحده
حاتم: ليه مش عاوزه تفرحي بيا
مرفت: ايه دا بجد انا كنت مفكراك بتهزر معايا زي عوايدك
حاتم: لا ياقمر سلمي لسه مكلماني وبتبلغني انها وافقت ومنظرينا
مرفت: الف مبروك يانور عيني
حاتم: الله يبارك فيكي حبيبتي
مرفت: هتروح امتي
حاتم: هنروح امتي مش هتروح ياامي ياقمر انتي
مرفت: مش لازم روح انت
حاتم: انتي قبلي ياست الكل وبعدين مش عاوزه تشوفي القمر اللي وقعت ابنك، وبعدين مش هتعملي زي ماري منيب
تعالت صوت ضحكات مرفت وقالت: لا كدا كتير ياحاتم انت بقيت قديم اووي، مره شربات، ومره ماري منيب
حاتم: احسن حاجه في الموضوع اني سمعت الضحكه الحلوه دي، ربنا يديمك ليا ياامي
مرفت: بقيت بكاش اووي، ويخليك ليا
"ظلت ميرفت تتحدث مع حاتم وكانوا سعداء من الخطوه القادمه"
------------
"في منزل سعد كانوا يجلسون جميعاً ويتحدثون حتي يحاولوا التخفيف عن إيهاب قليلاً"
اسد: ايه رأيكم نعمل الفرح اخر الشهر ده
سعد: ياريت والله عاوزين نفرح، ولا ايه رأيك ياايهاب
ايهاب بص لغرام بحب وقال: اللي غرام عوزاه انا موافق عليه
قامت غرام وذهبت بجوار إيهاب وقبلته وقالت: ربنا يخليك لينا
سعاد: يبقي نبدأ نجهز من دلوقتي
غرام: بس انا
قاطعها اسد وقال: بس ايه يامورا
غرام: بقؤل يعني تبقي خطوبه بس علي ماافتكر وكدا
اسد: يعني لو ذاكرتك راجعت هتقولي مش عاوزه اتجوز
غرام بإبتسامه: لا، مااقصدش كدا
اسد: طيب ممكن اتكلم معاكي شويه
"اخذ اسد غرام ودلفوا إلي الشرفه حتي يتحدثوا سويا"
اسد: مورا هو سؤال وجاوبيني بصراحه
غرام: حاضر انا اصلا صريحه معاك
اسد: عارف حبيبتي بس معلش، انتي مش بتحبيني او شايفه اننا بنتسرع، فهميني انتي رافضه ليه
غرام: لا ابدا، ازاي تقول كدا
اسد: طيب ليه مش موافقه انا عاوزك جمبي ومراتي، وكمان عاوزك تيجي معايا الشركه تشتغلي معايا
غرام: كمان، طيب ليه وانا مااعرفش حاجه في شغلك
اسد: هعرفك كل حاجه عاوز نكبر سوا مش عاوزك تكوني بعيد عني
غرام: اسد كلمني بصراحه انت مخبي عني حاجه
اسد: انا هخليني صريح معاكي، ايوه ياغرام كان مغانا واحد في الجامعه دايما غيور ودايما بتاع مشاكل راجع عاوز ينتقم مننا علي حاجه احنا ماعملنهاش
غرام: حاجة ايه، وايه دخلني
اسد: احنا دايما كنا متفوقين وهو لأ وبيعاكس وبيدايق بنات كتير وكان بيعمل مشاكل كتير معانا وكان عميد الكليه بيحظره مره واتنين وتلاته لغياة في يوم اداله فصل نهائي وباباه جه وكانت مشكله كبيره
غرام: طيب انتو مالكم
اسد: اننا ماكناش اصحابه وكنا متفوقين هو دماغه كدا
غرام: طيب يأذيني انا ليه
اسد: عشان يوجع قلبي فهمتي، بلاش تعب بقي ووافقي عاوزك دايما جامبي ومعايا
غرام: اللي انت شايفه ياحبيبي
اسد: ياااابوووي، بجد بتحبيني
غرام: انت اي حد يشوفك او يتعامل معاك لازم يحبك يااسد كفاية خوفك وحنيتك وحبك انت الامان والسند
اسد: الله الله وايه كمان، هاتي يامورا كمان هاتي
تعالت صوت ضحكات غرام وقالت: لا انا هقوم انا
اسد: خدي تعالي هنا ماعدش في خروج غير معايا
غرام: اوامرك ايد باشا
اسد: ربنا يباركلي فيكي
"اخذها اسد وخرج بها إلخى غرفة الجلوس وقال لهم أن الزفاف سيكون في نهاية هذا الشهر ، سعد الجميع بهذا الخبر وبدأو يتحدثون ويخططون له، اما عن اسد فكان ينظر إلي غرام بحب وههى تبادله النظرات"
----------
"في منزل عاصم كان يجلس مع والدته ووالده"
عاصم: قولت ايه ياحاج
مدحت: انا عن نفسي موافق ياحبيبي
عاصم: ايه رأيك ياست الكل
كوثر: رأي نفسي افرح بيك ياحبيبي
عاصم: يعني اخد معاد ونروح ليهم نحدد كتب الكتاب والفرح
مدحت: علي بركة الله، ايه اللي هيخلينا نستني، كفايه التاخير اللي فات
عاصم: الظروف اللي فاتت لأسد هيا اللي خلتنا نتأخر بس الحمد لله كل حاجه بقت تمام
كوثر: هيا الذاكره رجعت لغرام
عاصم: للاسف لا
كوثر: ربنا معاهم وهيعملو ايه
عاصم: في ايه
مدحت: مامتك قصدها هيتجوزو ولا اي
عاصم: ايوه مااحنا بتتفق عشلن نعمل الفرح كلنا سوا
مدحت: كلكم مين
عاصم بإبتسامه: انا وعاصم وحاتم
مدحت بإبتسامه: بجد وحاام انضم ليكم
عاصم: ايوه، حاتم اللي ماكنش بيكلم حد وعلطول مركز في شغله حب وهيتجوز
كوثر: ربنا يسعدكم ياابني
عاصم: يارب هقوم اكلم هاجر بقي ونشوف هنروحلهم امتي
"نهض عاصم ودلف غرفته حتي يتحدث مع هاجر ، اما والدته ووالده كانوا سعداء من تلك الخطوه"
----------
"في منزل سعد وتحديدا في غرفة اسد ارتدي بدله في غايه الروعه عليه من يراه يقول إنه عريس وقام بتصفيف شعره ووضع عطره المميز وخرج إليهم في غرفه الجلوس ورائته غرام وأنبهرت به"
سعد: واو ايه الشياكه دي ياعريس
اسد بإبتسامه: لا عريس دي اخر الشهر دلوقتي حاتم اللي عريس
سعد: اوعي تقولي البنوته القمر اللي كانت في المستشفي معاه
اسد: ايون هيا دي بالظبط
غرام: دي ياعمو سعد اللي كنت قاعده عندهم
سعاد: بس بنت شكلها جدعه
غرام: جداا ياعمتو
ايهاب: ربنا يسعدكم ياابني عقبال فرحكم
اسد: ربنا يخليكم ليا، كان لازن اكون مع حاتم في يوم زي ده، لانه اكتر من اخ ليا
غرام: اسد هو انا ممكن اجي معاك عشان سلمي
"وقف اسد يفكر في أن يأخذ غرام ام لا، لأنه يعلم نوايا أحمد تجاه غرام وهو يغير عليها كثيرا"
غرام: ايه يااسد كل ده تفكير
سعد: خدها معاك عشان صحبتها
اسد بإبتسامه: وهو انا اقدر اقؤل لأ، ياله ياقمري اجهزي
"دلفت غرام حتي تستعد، وبعد فتره قصيره خرجت له وكانت ترتدي فستان في غايه الروعه والجمال عليها"
سعاد: ماشاء الله ايه القمر ده
غرام بخجل: ربنا يخليكي ياعمتو
اسد: لا انا غيرت رأي اظخلي غيري مش تيجي معايا
غرام بإبتسامه: كدا برضه يرضيك بعد ماحهزت تقؤلي لأ
اسد: امري لله، اتفضلي قدامي
"قبلت غرام والديها وذهبت مع اسد"
------------
"في فيلا حاتم وتحديدا في غرفته دلف وأخذ شاور وخرج وادي ركعتين إلي الله حتي يكتب له الخير وبعد ذلك قام بإرتداء بدله في غايه الروعه وقام بتصفيف شعره وذهب إلي والدته ووجدها مستعدة"
مرفت: ماشاء الله ربنا يحفظك ياابني
حاتم: كويس كدا
مرفت: كويس اووي اووي
حاتم: ياله بينا، عشان زمان اسد وعاصم وصلو
مرفت: ربنا يخليكم لبعض، دايما سندين بعض في كل حاجه
حاتم: الحمد لله ربنا عوضني بيهم لان ماعنديش اخوات
"أخذ حاتم والدته وذهبوا إلي منزل فاطمه"
----------
"وصل اسد هو وغرام في نفس الوقت الذي وصل بها حاتم ووالدته وبعض ذلك صعدوا إلي المنزل"
فاطمه: اهلا اهلا اتفضلو
حاتم: شكرا لحضرتك
صافحت فاطمة حاتم ووالدته واسد وأخذت غرام بين احضانها وقالت: وحشتني ياقلبي
غرام: انتي اكتر حبيبتي ممكن ادخل لسلمي
فاطمه: طبعا حبيبتي البيت بيتك وانا مبسوطه اووي انك جيتي وخلتيني اشوفك
"دلفت غرام إلي غرفه سلمي، اما فاطمة فجلست مع حاتم ووالدته واسد"
مرفت: اتشرفت بحضرتك
فاطمه: الشرف ليا حبيبتي نورتيني والله
مرفت: سلمي بلغتك احنا جاين ليه
فاطمه: بلغتني ان حاتم عاوز يقابلنا
حاتم: انا جاي اطلب ايد الأنسه سلمي، انا حاتم منصور والدي اتوفي وانا في الجامعه وعندي شركتي والفيلا والحمد لله
فاطمه: يشرفني طبعا ياابني كفاية ادبك واحترامك
"وأثناء حديثهم دلف احمد وبعد ذلك عاصم"
حاتم: اسد وعاصم اصحاب طفولتي ودايما معايا
فاطمه: الشرف ليا اني اتعرفت علي ناس محترمه، ودا احمد ابني
"صافح حاتم احمد وجلسوا يتحدثون سويا ولكن ظل احمد واسد ينظرون إلي بعضهم بنظرات نارية"
مرفت: احنا مش هنشوف القمر
فاطمه: اه طبعا ثواني
"نهضت فاطمة وذهبت إلي غرفة سلمي وأخذتها وخرجت إليهم وقامت سلمي بمصافحه والدة حاتم وهيا في قمة الخجل"
مرفت: ماشاء الله عروسه زي القمر
سلمي: شكرا ياطنط
حاتم: ممكن نتفق علي الفرح والخطوبه واللي سلمي تطلبه كله تحت امرها
"ظالوا يتحدثون وفي الأخير اتفقوا وقاموا بقراءة الفاتحه"
اسد: ايه رأيك نخلي الفرح اخر الشهر
فاطمه: ليه كدا دا بدري اووي
مرفت: لا بدري ولا حاجه وبعدين كل حاجه جاهزه
اسد: ها ياست الكل، خلينا نفرح كلنا
فاطمه: ايوه صحيح هنفرح بيك انت وغرام امتي
اسد: اخر الشهر ان شاء الله انا وغرام وعاصم وهاجر وعشان كدا بقؤلك خلي حاتم وسلمي
نزلت الكلمة كالصاعقة علي أحمد وقال: هتتجوزي يا غرام خلاص
"اندهشت غرام من سؤاله ولكن اسد قام برد عليه "
اسد: ان شاء الله عقبالك يااحمد لما تلاقي بنت الحلال
"ظل احمد ينظر إلي اسد بحقد وغل شديد لأنه أخذ منه فتاة أحلامه، واتفق حاتم معهم أنهم سيذهبون لشراء الشبكة في اليوم المقبل، وفي آخر الشهر الحالي سيكون الزفاف ،وبعد فترة ذهبوا جميعاً"
----------------
في صباح يوم جديد وتحديدا في غرفة احمد استيقظ وجلس علي فراشه وامسك بهاتفه وقام بالإتصال علي حسام"
حسام: يافتاح ياعليم علي الصبح، في ايه
احمد: انت بتكلمي كدا ليه
حسام: اصل مش طايق نفسي
احمد: علي نفسك، المهم عرفت الاخبار الجديده
حسام: اخبار جديده ومنك انت
احمد: اظبط نفسك في الكلام معايا، بقؤلك اسد هيتجوز غرام واخر الشهر
"اعتدل حسام في جلسته واهتم بحديث احمد"
حسام: انت جبت الكلام ده منين
احمد: كان هنا امبارح لأن صاحبه كان جاي بيتقدم لاختي وعرفت منه ان الفرح اخر الشهر هو واصحابه الاتنين
حسام: لا دا كدا احلوت اووي
احمد: طيب والعمل دلوقتي لازم نتحرك بسرعه
حسام: ماتعملش حاجه غير لما اكلم الباشا
احمد: يبقي بسرعه لأني مش هسبهاله
"أنهي احمد المكالمة وهو يشعر بالغضب من اسد، اما حسام فقام بالإتصال علي هشام"
حسام: زي مابقؤلك كدا ياباشا انا لسه عارف الخبر دلوقتي، انا مش هسبهاله
هشام بغضب: يتجوز، دا علي جثتي
حسام: طيب والعمل ياباشا
هشام: هقؤلك هنعمل ايه بس اللي اقؤله لازم يتعمل بالحرف مش عاوز غلط انت فاهم
حسام: تحت امرك ياباشا المهم مايتجوزهاش
هشام: مش هيتجوزها وهخليك تعمل مابدالك معاها
حسام: تسلملي ياباشا
"ظل حسام وهشام يتحدثون، وهشام بدأ يخطط لفعل شىء ما"
---------------
دمتم بخير ياقمرات
انا هنزل الروايه يوم ويوم عشان انا بتعب نفسي وبضيع من وقتي وفي الاخر تعبي بيضيع هدر، وياريت يكون في تفاعل بلاش إحباط، ياريت بلاش تم وايموجي، لان ده بيحسسني بالملل ومش بعوز اكمل شاركوني رأيكم ولو مش حابين اكملها قولو عادي، وانا اوقفها.
رواية
غرام الاسد
شروق محمد
اللهم صلِّ وسلم وبارك علي سيدنا ونبينا وحبيبنا وشفيعنا وقائدنا وقدوتنا وقرة اعيننا محمد صلى الله عليه وسلم تسليما كثيرا طيباً مباركاً فيه
------------
غرام الاسد
البارت33
---------
"في منزل سعد وتحديدا غرفة الجلوس، كان يجلس اسد وغرام يتحدثون سويا"
اسد: غرام ايه رأيك نجيب ڤيلا صغيره علي قدنا ونقعد فيها ولا انتي حابه ايه
غرام: اي مكان انت قاعد فيه وهكون معاك هيبقي جنه
اسد: تعرفي يامورا كلامك والنظره في عيونك جنه، انتي الحياه يامورا
غرام: ربنا يخليك لقلبي
اسد: حبيبتي ربنا يقدرني واسعدك
غرام: السعاده الحقيقيه جمبك ومعاك يااسد
اسد: ها ايه رأيك
غرام: وهنسيب بابا وعمو وماما وعمتو
اسد: لأ طبعا هيجو معانا عشان نبقي كلنا سوا
غرام: انا واثقه في اي قرار تاخده، انا معاك حبيبي
اسد: خلاص ابقي حضري نفسك عشان ننزل سوا نتفرج علي الڤيلا وكمان عشان ننزل نتفرج علي الشبكه عشان لما ننزل كلنا تكوني مختراها، وكل اللي عاوزاه نجيبه
غرام: مش عاوزه من الدنيا غيرك
امسك اسد يديها وقبلها وقال: نفسي اقدملك الدنيا كلها وبرضه هتكون شويه عليكي
غرام بإبتسامه رقيقه: صدقني انت الدنيا بالنسبالي
"ظل اسد وغرام جالسين سويا ويتحدثون في امر الزواج"
-------------
"في منزل عاصم وتحديدا غرفته كان يقوم بعمل التمارين الرياضيه، وبعد دقائق جلس علي فراشه وامسك بهاتفه وقام بالإتصال علي هاجر "
هاجر: روح قلبي اللي ناسيني
عاصم: هو حد يقدر ينسي روحه يامجنونه
هاجر: هو انت هيجرالك حاجه لو كملت حب
عاصم: بتعلم منك ياحياتي
هاجر: بقي كدا، لا وانت شاطر اووي بتتعلم بسرعه
عاصم: تلميذك ياقلبي
هاجر: دا انت رايق بقي
عاصم: لازم اروق وانا بكلم روح قلبي
هاجر: عملتو ايه مع حاتم وسلمي
عاصم: قرينا الفاتحه واتفقنا ان الفرح هيبقي اخر الشهر
هاجر: الله هنبقي احنا التلاته
عاصم: لا انا بفكر اكون لوحدي
هاجر: بطل رخامه دا هيبقي فرح جنان
عاصم: يابت بهزر، دا انا اللي اقترحت الفكره دي
هاجر: انت هتقؤلي
عاصم: المهم عاوز اخد رأيك في حاجه قبل مااكلم اسد
هاجر: قول ياحبيبي في ايه
عاصم: كنت بفكر نقعد كلنا سوا في ڤيلا واحده
هاجر: الله بجد
عاصم: ايوه في ڤيلا قدامي كدا وحلوه عاوز اقول لاسد عليها ونبقي سوا انتي ايه رأيك
هاجر: موافقه طبعا
عاصم: موافقه ياكلبة البحر عشان صاحبتك
هاجر: ياقلبي لأ، اي مكان انت فيه هيكون جنان
عاصم: وانا اللي فكرت هتقولي جنه، انتي كلبة بحر فعلا
هاجر: بس حلوه الفكره عجبتني
عاصم: خلاص هشوف اسد، ونعمل لكل واحد جناح خاص بيه او اشوف واحده صغيره علي قدنا عشان كل واحد يكون براحته فيها
هاجر: عندك حق، شوف هتعمل ايه وكلمني
عاصم: هتيجي الشركه معايا ولا اي
هاجر: اللي يريحك ياعصوم انت أدري ياحبيبي
عاصم: ربنا يباركلي فيكي
"انهي عاصم المكالمه ودلف الي المرحاض لأخذ الشاور وبعد ذلك ارتدي ملابسه وقام بتصفيف شعره وذهب الي عمله، اما عن هاجر ظلت تقفز من الفرحه بإنها ستظل بجانب غرام"
------------
في سياره اسد
اسد: ايه رأيك يامورا
غرام: جميله اوي يااسد
اسد: عجبتك
غرام: جدا ماشاء الله عليها
اسد: عقبال ياقلبي مانقعد فيها سوا ونملاها عيال
غرام بخجل: يارب حبيبي
اسد: اجمل حبيبي دي ولا ايه
"واثناء حديثهم رن هاتف اسد وكان المتصل عاصم"
اسد: مش بقؤلك شيل عينك عننا
عاصم بضحكات عاليه: فينك يالئيم
اسد: مالكش دعوه يارخم عاوز ايه
عاصم: ماجيتش الشركه ليه
اسد: عارف مش هتحل عني غير لما تعرف، كنت بشوف الفيلا انا وغرام وخلاص دقايق وهكون عندك
عاصم: ابن حلال كنت برن عليك عشان كدا
اسد: لا اوعا يكون اللي في بالي
عاصم: وهو ايه اللي في بالك ياخلبوص
اسد: اقفل ولما اجي الشركه نتكلم
عاثم: خلاص ماشي مستنيك
"انهي عاصم المكالمه وعاد يكمل باقي عمله، اما اسد اوصل غرام الي المنزل وذهب الي الشركة"
-----------
في شركة حاتم وتحديدا مكتبه كان يتحدث مع سلمي علي الهاتف"
حاتم: ايه رأيك ياسمسمه
سلمي: مش عارفه هسأل ماما
حاتم: يعني موافقه
سلمي: هيا فكره حلوه اننا كلنا نتجمع في مكان واحد ونكتب كتابنا كلنا
حاتم: وغير كدا هتبقي فرحه لينا كلنا، فرحه كبيره كمان
سلمي: يارب دايما الفرحه موجوده لينا كلنا
حاتم: الفرحه هيا انتي ياسمسمه
سلمي: بس برضه ماكملتش كلام عن نفسك
حاتم: عاوزه تعرفي ايه بالظبط
سلمي: كل حاجه
حاتم: حاضر حبيبي من عيوني، انا ياستي عندي ٣٢سنه قد اسد وعاصم وكنا اصحاب في جامعه واحده وطفولتنا كانت سوا، وبابا مات وانا في الجامعه وسابلي الشركه والفيلا
"وبدأ حاتم في سرد حكايته لسلمي"
-----------
في شركة اسد وتحديدا مكتب عاصم كان يجلس هو واسد ويتحدثو سويا"
اسد: كنت بتقول ايه بقي ياباشا
عاصم: كنت بقؤلك ايه رأيك نقعد كلنا في فيلا واحده، او نشوف فيلا تانيه صغيره جمبك ونكون جمب بعض احنا التلاته
اسد بإبتسامه: زي ماتوقعت بالظبط
عاصم: ها ايه رأيك
اسد: ده اللي حصل بالفعل ياصاحبي
عاصم: اللي هو ايه
اسد: كنت مكلم سمسار يشوفلنا فيلا كبيره وكدا، بس قال في فيلتين صغيرين جمب بعض ونفس المكان اللي فيه حاتم يعني جمب بعض
عاصم: ياابن اللذينه، انت بتشتغل من ورايا
اسد: ياحبيبي انا عارف انت بتفكر في ايه وقبل ماافكر في نفسي لازم افكر فيك
عاصم: ربنا يخليك ليا ويباركلي فيك يااسد، انت بجد اخ وصاحب جدع بشكر الايام اللي عرفتني عليك
اسد: ربنا يدوم صحبتنا ياعصوم
عاصم: طيب في فكره في دماغي كدا وعاوز اعملها
اسد: ايه تاني يامجنون
عاصم: مش حاتم هيجيب الشبكه بتاعته وانت كمان
اسد: ايوه
عاصم: ايه رأيك نظبط الجنينه بتاعت حاتم وبعد ماتيجبو الشبكه نعمل حفله صغيره لينا ونكتب الكتاب كلنا مره واحده، انا قولت الفكره لحاتم واعجب بيها جدا وقالي خلاص هيقول لخطيبته ويبلغ مامتها ومامته
اسد: حلو اووي وانا موافق ولا اقؤلك نخليها في مكان تاني يعني قاعه صغيره او في مكان تاني
عاصم: بطل حساسيه، حاتم موافق
اسد: خلاص تمام خلينا نخلص شغلنا ونكلم حاتم نتفق
"ظل عاصم واسد يتحدثون عن عقد القران، وبعد فتره قام اسد الي مكتبه، وعاد عاصم يكمل باقي عمله"
"وانتهي اليوم ولم يحدث احداث تذكر"
----------
"في صباح يوم جديد في غرفة غرام استيقظت وادت فرضها وقامت بالإتصال علي هاجر "
هاجر: ياصباح الياسمين
غرام: انتي بكاشه ليه مابتكلمنيش
هاجر: قلت عروسه بقي وكدا
غرام: علي اساس اني عروسه لوحدي
هاجر: انا مبسوطه اووي يامورا، اننا هنكون عرايس مع بعض ونعمل فرح واحد، لا وكمان هنعيش جمب بعض
غرام: وانا كمان فرحانه اووي ياجوجو، بس زعلانه اووي في نفس الوقت
هاجر: ليه حبيبتي
غرام: كان نفسي ابقي فاكره عشان ابقي مبسوطه
هاجر: حبيبتي انتي مع حبيبك اللي اتمنتيه من الدنيا هتعوزي ايه تاني، حكاية ذاكرتك بإذن الله هتفتكري
غرام: الحمد لله
هاجر: ايوه كدا المهم قوليلي هنجيب الفساتين امتي
غرام: مش عارفه احنا لازم ننزل نجيب فساتين كتب الكتاب وبتوع الفرح نجيبهم بعدين
هاجر: بتوع الفرح مش دلوقتي المهم كتب الكتاب
غرام: عاوزين نكلم سلمي بدل ماهيا تكون لوحدها
هاجر: طول عمرك بتفكري في غيرك وعلي سعادته
غرام: احنا كلنا اخوات وزي مابنفكر في نفسنا نفكر فيها
هاجر: عندك حق، خلاص نكلمها وننزل نتقابل ايه رأيك
غرام: خلاص وانا موافقه، تعالي نعمل مكالمه جماعيه ونشوف هنعمل ايه
هاجر: اوكي ياله
"قامت هاجر بعمل مكالمة جامعيه مع سلمي لتتحدث سويا في تحضيرات عقد القران والزفاف"
--------------
في منزل فاطمه كان احمد يجلس في غرفته ويتحدث مع حسام علي الهاتف بصوت منخفض"
احمد: هنعمل ايه يعني ماكلمتنيش
حسام: خلاص عرفت هنعمل ايه، وكنت هكلمك دلوقتي
احمد: ايوه اللي هو ايه بقي
حسام: هقؤلك واعمل المطلوب منك
احمد: بس لازم يكون في سرع وقت
حسام: ليه يعني في اسرع وقت
احمد: نفسي اعرف انت مش عايش معانا انت شغلك ايه بالظبط
حسام: انجز وبطل كلام كتير
احمد: لان كتب الكتاب خلاص بكره وهتكون في ڤيلت حاتم
حسام: يبقي بكره، اسمع بقي
"بدأ حسام أن يقول لأحمد علي ماخططوا له وماذا سيفعلون"
----------------
"في منزل سعد وتحديدا غرفة الجلوس كانو يجلسون سويا ويتحدثون في تحضيرات الزفاف"
سعد: طيب تحبو نعمل الفرح فين
اسد: في ڤيلتنا الجديده
سعاد: خلينا نعملها في قاعه كبيره احسن
سعد: ايوه ماما عندها حق
اسد: انت رأيك ايه ياعمي
ايهاب: اللي يريحك انت وغرام ياحبيبي اعمله
اسد: وانتي ياعمتو
منال: اهم حاجه تكونو مع بعض ياحبيبي
اسد: خلاص هشوف الشباب ونقرر
سعد: والله انا الفرحه مش سيعاني
غرام: اسد هو انا ممكن انزل مع سلمي وهاجر
اسد: تنزلي فين حبيبتي
غرام: كنا عاوزين ننزل نشوف الفساتين لكتب الكتاب
اسد: انا هجيبه ليكي انتي شاوري بس
غرام: لأ خليني انزل معاهم واهو تغير جو
سعاد: خليها تروح يااسد
اسد: بشرط اننا نكون معاكم
غرام: اللي يريحك
اسد: خلاص اتفقو شوفو هتنزلو امتي وانا هكلم الشباب
"نهضت غرام ودلفت إلي غرفتها لتتحدث مع هاجر وسلمي حتي يقومو بتحديد موعد لشراء المستلزمات لعقد القران، اما عن اسد فقام بالإتصال علي عاصم وحاتم لإتفاق علي الذهاب مع الفتيات"
----------
في مكالمه جماعيه بين حاتم وعاصم واسد
اسد: ياله عشان ننزل مع البنات
عاصم: خلاص انا جاهز
حاتم: مش المفروض احنا جبنالهم الفساتين دي هديه
اسد: تاهت عني دي، بس فساتينهم بتاعت الفرح هتيجي من بره
عاصم: ياواد ياجامد
حاتم: دايما بتخليني مبهور بيك يااسد
اسد: المهم انا اتفقت مع الناس اللي هتيجي تظبط الفيلا عندك ياحاتم بكره عشان الحفله
حاتم: لا يااسد انا اللي هجيب الناس واقف معاهم
اسد: مالك ياحاتم احنا واحد ياصاحبي، وبعدين بكره هنكون مش فاضين مش عاوزين نسيب البنات لاحظه واحده خلي اليومين دول يعدو علي خير
عاصم: تفتكر هشام ده ممكن يعمل حاجه
اسد: واثق انه هيعمل، دماغه الشر دي زمانها شغاله، بس احنا هنكون دايما مع بعض والبنات معانا مش هيقدر يقرب ولا يأذي حد
حاتم: ربك يسترها
اسد: طيب ياله البنات زمانهم جهزو خلونا نتقابل ياله
"اغلق كل منهم الهاتف وقاموا وذهبوا ليرتدو ملابسهم ليتقابلون سويا لشراء الفساتين مع الفتيات"
--------
"في منزل فاطمه كانت سلمي ترتدي ملابسها للذهاب مع هاجر وغرام لإختيار وشراء الفساتين وبعد دقائق انتهت من ارتداء الملابس وخرجت من الغرفه وجدت والدتها تجلس في غرفة الجلوس"
فاطمه: عروستي رايحه فين
سلمي: هروح انا وهاجر وغرام نختار الفساتين بتاعت بكره يامامتي ياقمر
فاطمه: ربنا يسعدكم ويحفظكم يابنتي
سلمي: يارب ياماما، تحبي تيجي معايا
فاطمه: لا حبيبتي اخواتك معاكي، ربنا بعتهم ليكي
سلمي: الحمد لله انتي عندي بالدنيا
فاطمه: هتتقابلو ازاي، اخلي اخوكي يوصلك
سلمي: حاتم كلمني وقالي انه هيقابلني يوصلني ليهم
فاطمه: ماشي حبيبتي خدي الفلوس دي معاكي
سلمي: حاتم اداني ياحبيبتي وكمان قالي اي حاجه تخصني هو ملزوم بيها
فاطمه: ربنا يباركله يابنتي ويكتبلك السعاده
سلمي: يارب حبيبتي، عاوزه حاجه ياامي
فاطمه: ربنا يريح قلبك ويسعدك
"قبلت سلمي والدتها وهمت للمغادرة ونزلت لإسفل وكان حاتم بإنتظارها"
----------
"في منزل سعد"
منال: حبيبتي عاوزه مساعده
غرام: مامتي القمر شكرا حبيبتي
سعاد: العروسه مستعجله كدا ليه
غرام بإبتسامه: عشان سلمي وهاجر زمانهم نزلو ومستنيني، وانا اتاخرت عليهم
اسد: ياله يامورا، اتاخرنا
غرام: ياله انا جهزت
"أخذ اسد غرام وذهبو سويا لمقابلة باقي اصدقائهم"
----------
"في ڤيلا هشام كان يجلس في الحديقه يحدث نفسه بغل وكره"
مش هسيبك تفرح يااسد انت ولا اللي معاك، مش هشام الألفي اللي يخسر ابدا، كفايه زمان واللي حصلي بسببكم لازم اموتك بقهرتك
"واثناء حديثه مع نفسه رن هاتفه"
هشام: باشا
شخص ما: انت فينك ياهشام
هشام: موجود ياباشا
شخص ما: لا مش موجود ولا بتاخد بالك من الشغل
هشام: ليه بس كدا ياباشا
شخص ما: فين المطلوب
هشام: كلها يوم ويكون موجود اللي بتأمر بيه
شخص ما: الصفقه قربت تدخل البلد شوف هتعمل ايه
هشام: مرتب نفسي ياباشا كل حاجه هتبقي تمام
شخص ما: اوكي ابقي كلمني وبلغني اول بأول
"انهي هشام المكالمه وظل يفكر بشر"
---------
"أمام إحدي الأتيلهات كانت غرام وهاجر وسلمي ينظرون الي الفساتين ويقومون بإختيار الفساتين التي انبهرو من روعتها وبعد ذلك دلفو الي الداخل، وكانو الشباب يقفون بعيدا وانظارهم عليهم"
عاصم: مش عارف يااسد انا قلقان ليه
حاتم: ليه ياعاصم ماكل حاجه ماشيه الحمد لله زي مااحنا عاوزين واكتر
عاصم: حاسس ان في حاجه هتحصل وتتقلب علينا
اسد: سبها لله ياصاحبي وان شاء الله خير
عاصم: مش مستعد حاجه تحصل لهاجر صدقني هموت
اسد: ياابني استهدي بالله وبلاش كلامك ده ما البنات كويسين اهم واحنا علطول معاهم
عاصم: طيب هسألك سؤال وجاوب بصراحه
اسد: اتفضل قول
عاصم: انت مش قلقان
اسد: الصراحه قلقان، بس متوكل علي ربنا وعامل حساب كل حاجه
حاتم: انا فعلا من كلامكم ده بدأت اقلق
اسد: مايقدرش يقرب لهم لانه عارف هيكون مصيره ايه
"عند هاجر وغرام وسلمي "
هاجر: الله الفستان ده جميل اووي
سلمي: فعلا ماشاء الله عليكي حلو اووي
غرام: مبروك عليكي ياجوجو
سلمي: طيب ايه رأيكم في ده
غرام: حلو اووي ياسلمي بس ادخلي البسيه الاول ونشوفه عليكي
هاجر: وانتي يامورا مااخترتيش ليه
غرام: ده عاجبني اووي وشكله كيوت ورقيق
سلمي: فعلا رقيق جدا
هاجر: طيب ياله ادخلو البسو كدا ونشوف
"دلفت سلمي وغرام حتي يقوموا بقياس الفساتين ووقفت هاجر أمام المرءاه وهي منبهبره من شكلها بالفستان وبعد ان قاموا بإختيار الفساتين قامو بشراء باقي الأغراض وذهبت كل منهم الي منزلها
وانتهي اليوم ولم يحدث احداث تذكر"
----------
"فى صباح جديد ملئ بالسعادة التي غابت عنهم في منزل سعد استيقظوا جميعاً وجلسوا يتحدثون ويمرحون سويا ويستعدون ليوم ملئ بالسعادة والفرح"
ايهاب: مبروك ياقلبي
غرام: حبيبي ربنا يباركلي فيك
سعد: حبيبة عمها هتبقي اجمل عروسه
غرام: اجمل عروسه في عيون عمها
سعاد: انتي الجمال كله ياعمري
غرام: ربنا يباركلي فيكم
اسد: ابقي كلمي اصحابك يامورا انا اتفقت مع ميكب ارتست تيجي ليكم هنا
غرام: انت مش بتنسا حاجه ابدا
اسد: مااقدرش ياقمر
ايهاب: اسد طول عمره راجل يعتمد عليه
منال: ياله ياسعاد خلينا نشوف هنعمل ايه
امسكت غرام بهاتفها وقامت بالإتصال علي هاجر وسلمي وابلغتهم بأن يحضرو الي منزلها لأن الميكب ارتست ستأتي لهم، أما اسد فقام بالإتصال علي الشباب وابلغهم بوجود الفتيات في منزل غرام "
----------
في منزل هاجر
ناديه: ياعروسه ياعروسه
عماد: انا العريس
ناديه: لا ياخويا دا عاصم هو العريس
هاجر بضحكات عاليه: ربنا يخليكم ليا
ناديه بإبتسامه: اخيرا يابت هتمشي من هنا، قصدي هتوحشيني يابت
هاجر بإبتسامه: اه ماانا واخده بالي اني هوحشك يادودو
عماد: هتوحشيني انا ياقلب ابوكي
هاجر: بجد حضنك هيوحشني يابابا
ناديه: بطلو دلع ايه الافوره دي
هاجر: الله الله وعرفتي الافوره يادودو
ناديه: ياختي التلفون الي جبتيه ليا بيعملني كتير ولا الطبخ يالهوي
هاجر: لا انتي بوظتي خالص بقؤلك ايه قومي قومي خلينا نروح لغرام عشان البنات زمانهم وصلو
ناديه: ياله بينا يااختي وانتي ياعماد ماتغيبش علينا
عماد: حاضر ربنا يتمها علي خير
"نهضت هاجر ووالدتها ليرتدو ملابسهم ويذهبو لمنزل غرام"
----------
في منزل فاطمه
سلمي: جهزتي حبيبتي
فاطمه: ايوه ياقلب ماما جهزت
سلمي: والله مش عارفه اشكر اسد وغرام ازاي
فاطمه: ولاد حلال اووي ربنا يذيدهم
سلمي: جدعين اووي، ومش سايبني في حاجه خالص
فاطمه: انتي طيبه وجدعه ياقلبي وتستاهلي كل خير
سلمي: هو احمد فين عشان نقؤله هيقابلنا فين
فاطمه: طلع من بدري وماشفتهوش
سلمي: راح فين ده واشمعنا انهارده، دا مش بيصحي بدري خالص
فاطمه: ربك يسترها، ياله بينا احنا عشان مانتأخرش ونبقي نكلمه علي التلفون ونعرفه
سلمي: اوكي ياله بينا
"اخذت سلمي والدتها وذهبت لمنزل غرام"
--------
"في منزل سعد كانو جميعا يجلسون ويمرحون وقاموا بتشغيل بعض الموسيقي، وكانوا يصفقون ويتمايلون علي انغامها، وأما الفتيات فذهبوا إلي الغرفة حتي يستعدو"
منال: الف مبروك لسلمي يافاطمه
فاطمه: ربنا يبارك فيكي ويتملهم علي خير
منال: مبسوطه اني اتعرفت عليكي، وبشكرك انك اخدتي بالك من غرام
فاطمه: غرام بنتي زي سلمي بالظبط
سعاد: منورانا ياناديه والله
ناديه: دا نوركم الحمد لله علي الفرحه دي وربنا يتمها علي خير ويفرحنا كلنا
سعاد: ياله قبل الوقت مايخدنا عاوزين نجهز احنا كمان
منال: طيب لما نشوف البنات الأول
ناديه: زمانهم مجننين البنات جوه
سعاد: انتي هتقوليلي دي هاجر لوحدها تجنن بدل
"ظلو يتحدثون ويمرحو سويا"
--------
"في ڤيلا حاتم وتحديدا في غرفته قام بإرتداء بدلته حتي يذهب الي سلمي حتي يأخذها لإختيار الشبكه وبعد فتره إنتهي من إرتداء الملابس وبعد ذلك أخذ والدته وذهب لمنزل اسد"
"علي جانب اخر"
في منزل عاصم قام بإرتداء بدله في قمة الروعه وقام بتصفيف شعره وخرج من الغرفه وجد والدته ووالده مستعيد للذهاب وبعد ذلك ذهبوا إلي منزل اسد"
-----------
"في منزل سعد
استعدت الفتيات وكانوا في قمة الروعه والجمال دلفت إليها ولادتهم وبدأو في الغناء والرقص سويا، أما اسد فكان في غرفته يستعد وقام بإرتداء بدله بلون الأسود التي زادته وسامه وجاذبية، وقام بتصفيف شعره وبعد ذلك دلف سعد إلي الغرفة"
سعد: الله اكبر عليك ياابني ربنا يسعدك ويحفظك ويفرحني بيك
اسد: ويخليك ليا ويطولي في عمرك ياابو اسد
سعد: عشت وشوفتك اجمل عريس
اسد: ربنا يخليك وعقبال ماتشيل احفادك وتربيهم تربيه افتخر بيها زي تربيتك ليا
"احتضن سعد اسد وفرت دمعه من اعيونه وقام اسد بمسحها"
سعد: ياله ياحبيبي زمانهم مستنين بره
اسد: ياله يانور عيني
"اخذ اسد والده وخرجوا من الغرفة رأى اسد غرام فذهب إليها"
اسد: انتي ازاي حلوه كدا ياقلب الاسد
غرام: حلوه في عيونك حبيبي
اسد: ربنا يحفظك ياغرامي
"وبعد دقائق وصل حاتم ووالدته وعاصم ووالديه"
حاتم: الله اكبر علي قمري
سلمي بخجل: بجد حلوه
حاتم: ولو مش حلوه مين الحلو ياقلبي انتي
سلمي: بحب اشوف نفسي في عينيك
حاتم: ربنا يقدرني واسعدك ياروحي...
عاصم: مجنونة عاصم ايه القمر ده
هاجر: يارب اكون حلوه في عينك ياعصوم
عاصم: حلوه في عيني وقلبي
هاجر: انا مبسوطه اووي
عاصم: انا اكتر ياحرم عاصم بيه
هاجر بإبتسامه: حبيبي عصوم
أخذ اسد الجميع ونزلوا إلي الأسفل وكانت السيارات تقف امام المنزل في إنتظارهم لذهاب شراء الشبكة
وبعد فترة وصلوا إلي المحلات الخاصة بالذهب وقاموا بشراء الذهب، وبعد فترة كبيرة انتهوا وذهبوا إلي ڤيلا حاتم"
حاتم: ايه رأيك ياعروسه
سلمي: بجد المنظر تحفه
عاصم: دا اختياري
اسد: بطل كدب هتدخل النار
هاجر: يادي الكسوف دايما كسفني كدا
عاصم: بس ابت بدل مااقول مش متجوز
اسد: ابقي اعملها كدا وانا هجبلها عريس اجدع منك
غرام: بس يااسد هو بيهزر
عاصم: ياعيني حنينه زي الاسد
اسد: لم نفسك ومالكش دعوه بيها
هاجر: عصوم حبيبي مش عاوز تتجوز
عاصم: مين الاهبل اللي قال كدا
هاجر: انت
"تحولت ابتسامتهم لضحكات عاليه"
عاصم: عجبك كدا لينا بيت يلمنا
حاتم: لسه اخر الشهر مش دلوقتي
اسد: سيبه اهو بيحلم
حاتم: طيب ياله المأذون وصل، خليونا نكتب الكتاب ونحتفل مع بعضينا
غرام بهمس لاسد: اسد
اسد: عيون الاسد
غرام: انا عاوزه اقؤلك حاجه
اسد: قولي علطول حبيبتي
غرام: انا بحبك اوووي يااجمل حاجه حصلتلي في الدنيا
اسد: وانا بعشق التراب اللي بتمشي عليه ياغرامي
عاصم: ياله بينا بقي وبطلو وشوشه
اسد بإبتسامه: ياابني ابعد عيونك عننا
"ذهبوا وجلسوا بجوار المأذون وكل واحد منهم بجوار حبيبته، وبعد دقائق بدأ المأذون في عقد القران وكان الجميع سعداء للغاية، ولكن لم يلاحظو تلك العيون التي تراقبهم"
سعد: الف مبروك ياايهاب
ايهاب: ربنا يفرحهم ويفرحنا ياخويا
سعاد: ربنا يكتبلنا الفرح دايما
منال: يارب حبيبتي ويدمها علينا
"بعد إنتهاء عقد القران بدأت الحفلة وأخذ كل واحدا منهم حبيبته وبدأو يرقصون سويا علي أنغام الموسيقي"
اسد: حبيبي بقي من نصيبي ياناس
غرام: اسمي بقي علي اسمك يااسد
اسد: دي اجمل حاجه حصلتلي، ياعشق الاسد
غرام: حبك ساكن قلبي وكل يوم بيزيد
اسد: نبضي انتي ونفسي وعقلي
"وظل اسد وغرام يرقصون ويتحدثون بحب سويا "
عاصم: يابوي اخيرا البت اللي بعشقها بجت حلالي
هاجر بإبتسامه: بوي بوي بوي، احنا هنقلب صعايده ولا اي ياعريس
عاصم: تعرفي انا بحب الصعايده اووي وبفكر ناخد بيت هناك من حبي فيهم
هاجر: حياتهم حلوه، حب وامان وغيره وعادات وتقاليد
عاصم: مجنون بيكي وبعشق حياتي بوجودك فيها
"ظل عاصم وهاجر يتحدثون بجنون"
حاتم: من اول يوم شوفتك فيه قلبتي حالي وكياني ودنيتي كلها
سلمي: تعرف ياحاتم حبيت فيك رجولتك وحبك ليا
حاتم: حبيتك واتمنيتك ليا، والحمد لله ربنا كتبهالي
سلمي: حبيتك وحبيت حبك وبحب اشوف حبك ليا واحب النظره اللي في عيونك ليا
حاتم: وايه كمان ياحياة حاتم
سلمي بخجل: عوض ربنا دايما حلو، وانت عوضي
"ظل حاتم وسلمي يتهامسون بحب ويعترفو لبعضم عن عشقهم"
واثناء رقصهم وفرحتهم وفرحت الجميع رن هاتف اسد مرارا وتكرارا وفي الأخر قام بالرد عليه
اسد: الو مين
مجهول: حضرتك اسد سعد المنشاوي
اسد: ايوه مين حضرتك
مجهول: شركتك بتولع والنار ماسكه فيها
اسد بغضب: انت بتقول ايه يابني ادم انت
مجهول: الحق شركتك يااسد
"قال جملته واغلق الهاتف"
اسد: الو الو الو
حاتم: في ايه يااسد
عاصم: مالك يااسد رايح فين
اسد: الشركه بتولع والنار ماسكه فيها وماحدش عارف يطفيها
"ترك اسد الحفله وذهب مسرعا ركض إليه عاصم وحاتم فتوقف بمكانه وقال: خد بالك من البنات يابابا ماحدش لايخرج ولا يدخل
" ركض اسد وذهب إلي الشركه، وجد النار مشتعلة بها من كل جانب وسيارات الإطفاء وصلت إلي المكان وبدأت في إخماد الحريق"
"في ڤيلا حاتم توقف كل شىء الغناء والرقص والموسيقي وجلست الفتيات بحزن شديد لما حدث وحزن الجميع علي تلك السعادة التي لم تكتمل وفاجئه"
-------------
دمتم بخير ياقمرات
رأيكم يهمني في
غرام الاسد
تكملة الرواية من هنا 👇👇👇
