 |
اللهم صل وسلم وبارك على سيدنا ونبينا محمد صلى الله عليه وسلم تسليما كثيرا
-------------
غرام الاسد
من البارت التاسع حتي الخامس عشر
بقلم شروق محمد
كامله على مدونة النجم المتوهج للروايات
البارت التاسع والعاشر
---------------------
" دلفت منال غرفة غرام وجلست علي فراشها وبدٱت في البكاء وتتحدث مع نفسها" حبيبتي ياغرام مش واخده انك تباتي بره البيت ولا تغيبي عن حضني وحشتيني الشوية دول اومال هعمل ايه لو ابوكي رفض يخليني اروحلك يارب فك الكرب ده، دي بنتي ضي عيوني يارب هدي النفوس، يارب انا الي غلطانه اني مفوقتهاش من الاول، ماهو مش بي ايدي، ارجعي ياغرام لحضني "ظلت منال تبكي وتتٱلم علي فراق غرام"
--------------
"في إحدي الكافيهات الهادئة علي النيل
كانت تجلس غرام برفقه عمها وزوجته"
غرام: قلبي واجعني علي ماما
سعاد: ليه ياحبيبتي كدا في ايه
غرام: بابا اكيد هيتخانق معاها بسببي
سعد: ممكن ماتحمليش نفسك فوق طاقتها بقي
غرام: اكيد هيا دلوقتي عماله تعيط بسببي
سعاد: حبيبتي ارحمي نفسك وبلاش تفضلي تلومي نفسك بالشكل ده تعالي نكلمها ونطمن عليها
غرام: ياريت انا هكلمها
"قامت غرام بالاتصال علي والدتها"
غرام: ماما حبيبتي
منال: الو غرام حبيبتي ايوه ياروح قلب ماما وحشتيني
غرام: انا اسفه ياماما سامحيني غصب عني
منال: ولا يهمك حبيبتي المهم تكوني مرتاحه انا مايهمنيش حاجه في الدنيا غير راحتك
غرام: ماتزعليش مني انا حاولت وماقدرتش
منال: ماتعمليش في نفسك كدا يامورا اهدي حبيبتي انا بخير خدي بالك من نفسك وطمنيني عليكي علطول وان شاء الله هجيلك حبيبتي
غرام: وحشني حضنك ياماما بابا عامل ايه زعلك في حاجه انا عارفه انه هيدايقك بسببي
منال: ولا اي حاجه من الكلام ده اهدي كدا وبعدين ايه الصوت الي جامبك ده
غرام: اصل عمو صمم انه يمشينا شويه ماكنش حابب يروحنا وانا زعلانه ومدايقه
منال: ربنا يكرمه خدي بالك منهم يامورا واهتمي بي اكلك
غرام: حاضر وانتي حقك عليا
منال: خلاص ياقمر والحمد لله سمعت صوتك
'اخذت سعاد الهاتف من غرام لتحدث مع منال'
سعاد: اطمني يامنال غرام بنتي وفي حضني
منال: عارفه ياسعاد ربنا يكرمكم انتي وسعد بس عرفيه اني كنت مغصوبه علي امري
سعاد: حاضر ياحبيبتي خدي بالك من نفسك وابقي تعالي وبلاش تزعلي نفسك
منال: سبيها علي الله
سعاد: ونعمه بالله
اخذ سعد الهاتف من سعاد: انا عارف انك مالكيش ذنب بس بسكوتك كنتي هتبقي مشتركه في تعاسة بنتك
منال: مابليد حيله ياابو اسد وكنت خايفه علي زعلكم سوا واهو برضه زعلتو
سعد: ولا زعل ولا حاجه كلها ايام ونرجع نتكلم انا بس عملت كدا عشان يعرف انه ظلم بنته وكان جاي عليها اوووي ربنا يهديه
منال: ربنا يبارك فيك ويخليك
سعد: لو عوزتي اي حاجه كلميني علطول انا اخوكي
منال: طبعا اخويا ربنا يكرمك
غرام: تصبحي علي خير ياامي
منال: وانتي من اهل الخير يا حبيبة قلب امك...
'بعد انتهاء المكالمة تنهدت منال بأرتياح لسماع صوت غرام والاطمئنان عليها'
-------------
سعد: ياله نروح بقي عاوزين نسهر في البيت مع الشقيه بتاعتنا دي
غرام: ياله بينا عشان انا الي هعملك الفشار بي ايدي
سعاد: اااه كدا كملت ركنتوني علي الرف
سعد: وهو انا اقدر ياقمر انت
غرام: اوووبس هنقطع كدا علي بعض
"استقلوا جميعاً السياره وقاموا بشراء الاغراض جميعها وذهبوا إلي المنزل"
سعد: ايه ده انتي سايبه الانوار كدا ليه ياسعاد
سعاد: بسم الله الرحمن الرحيم لا ابدا انا قفلاها كلها قبل ماانزل انا كدا بدأت اقلق
"بدأ القلق يتسرب إلي قلب سعاد"
غرام: ممكن تكوني نستيها ولاحاجه ياعمتو مش مشكله
" سمع اسد صوتهم قام بإلأختباء وظل يضحك علي خوفهم لانه يعلم جيدا أن والدته تخاف ولكن ماذا غرام معهم هو لا يعلم ردت فعلها عندما تراه هل تسامحني ام لا"
سعد: طيب ياله ادخلو غيرو عشان نجهز للسهر السهرة صباحي انا قلت اهوه ممنوع النقاش
سعاد: يعني ولا حتي ننام نص ساعه
غرام: ولا حتي ربع صح ياعمو
سعد: صوح ياقلب عمو
سعاد: لا بقي انتو كل شويه بتتفقو عليا
"جاء أسد وقال: هو انا ينفع اسهر معاكم"
'التفت الجميع علي أثر صوته تفاجئوا من وجود اسد ونظرو له بحب واشتياق كبير، موقف ملئ بالشوق والعتاب واللهفه'
سعد: اسد لا لا مش معقول ابني حبيبي تعالا في حضني
قام اسد بإحتضان والده:وحشتني ووحشني حضنك مهما اكبر حضنك ليا حياه باخد منه القوة اني اكمل
سعاد: تعالا في حضن امك ياقلب امك وحشت عيني وقلبي ياعيوني انت
اسد: امي حبيبتي وروحي وحشتيني ووحشني هزارك وكلامك ودعاكي ليا
" كانت غرام مصدومة من تلك المفاجئه وكانت تبكي ولا تعلم هل هذه دموع الفرح ام الحزن وفاجئه سقطت مغشى عليها"
سعاد: غرام غرام الحقني ياسعد
سعد: غرام قومي يابنتي هات بسرعه حاجه نفوقها بيها
اسد: وسع كدا يابابا " بدأ أسد في افاقة غرام بإحدي زجاجات العطر الخاصة به اصحي ياغرام اصحي فوقي
سعاد: حبيبتي زي مايكون قلبك حاسس
"اندهش اسد من الكلمة ولكن فضل الصمت"
سعد: حقيقي سبحان الله
اسد: هو في ايه
سعد: بعدين ياابني بس فوقها الاول
" بدأت غرام أن تستعيد وعيها وبدأت تفتح عيونها ورأت امامها اسد وبدأت في البكاء وكان الجميع في حالة اندهاش إلا أسد لأنه يعلم جيدا شعورها"
أسد: ماما بعد اذنك كوبايه لمون لمورا
سعاد: حاضر ياابني
سعد: حبيبتي في ايه
احتضنت غرام عمها وقالت: خليك جامبي
سعد: انا معاكي وجمبك ياغرام اهدي
إنسحب اسد وذهب الي والدته وقال : هو في ايه ياماما غرام مالها شكلها تعبان وحزين ليه
سعاد: بعدين حبيبي نتكلم تعالا
'خرجت سعاد من المطبخ وتبعها اسد وكان مندهشا من ردت فعل غرام'
سعاد: خدي حبيبتي اشربي
غرام: شكرا اسفه اني ضيعت فرحتكم برجوع اسد
سعاد: حبيبتي ولا يهمك
'نظرت غرام لأسد نظرات لوم وعتاب'
اسد: عامله ايه ياغرام
غرام: الحمد لله، حمدالله علي السلامه
اسد: سلامة ايه بقي بعد الخضه الي عملتيها دي
غرام: معلش المفاجئه كانت قوية شويه وحقكم عليا تاني انا عارفه اني غبيه بتصرفاتي
سعد: بس يابت بطلي هبل وياله عشان تعملي الفشار مش هتنازل عن السهرة وكمان اسد حبيبي نورنا وهتكون سهرة فُللي
اسد: استر يارب ومايكنش فشار محروق زي بتاع زمان
سعاد: تعرف لو محروق هنحكم عليك تاكله وتخلصه ياله
اسد: يسلام بس كدا طيب ياله يامورا قومي اعمليه
'قام اسد بأخذهم وخرجو لمشاهدة التلفاز ويجلسو سويا'
--------------------------
'علي جانب اخر كانت هاجر تتحدث مع عاصم'
عاصم: اذيك ياجوجو عامله ايه
هاجر: الحمد لله ياحبيبي فينك كدا ماعتش بتكلمني زي الاول ولا تخرجني
عاصم: معلش ياحبيبتي استحمليني اليومين دول بس
هاجر: ماشي عامل ايه في شغلك
عاصم: تعبان اوووي ياجوجو ادعيلي بس انتي
هاجر: خلصت شقتنا ولا لسه
عاصم: اهو شغال فيها بي ايدي واسناني
هاجر: ياشيخ هيا اسنانك بتشتغل
عاصم: هيييه خفه يابت، بس حلوه
هاجر: طول عمري حلوة
عاصم: ماشي ياعم يالي واثق من نفسك دايما بس ليه حاسس ان صوتك مخنوق مش عوايدك
هاجر: حصلت مشاكل مع غرام وربنا يعديها علي خير
عاصم: يابنتي هيا صحبتك دي علطول كدا في مشاكل
هاجر: ماهو بسبب صاحبك الي لا بيفكر فيها ولا هيا في دماغه اصلاا
عاصم: ياحبيبتي ماحدش عارف ظروف حد
هاجر: ايه يخلي واحد يقعد ٣ سنين من غير مايقؤلها بحبك ولا حتي يخطبها ولا حتي يكلمها ايه الغرض
عاصم: بصي ياجوجو أسد ده طول عمره ماحدش بيعرف هو بيفكر في ايه ولا دماغه دي فيها ايه
وبعدين ايه الي حصل عريس جديد برضه
هاجر: باباها خلاها توافق علي ابن صاحبه بالعافيه واتفقو علي الجواز وهيا ماقدرتش تستحمل وفشكلت الخطوبه والعريس اتخانق وعمها اخدها ومشي واتخانق مع اخوه وليله كبيره
عاصم: ياخبر ايه ده، دا ولا فيلم عربي
هاجر: بجد غرام استحملت كتير
عاصم: ان شاء الله هتتحل من عنده
هاجر: يارب ياله روح نام عشان شغلك بدري
عاصم: ماشي ياقلبي
هاجر: ومش هتنازل عن خروجه قريب ماشي
عاصم: عيوني ليكي تصبحي علي خير ياروحي
هاجر: تسلم عيونك وانت من اهل الخير ياقلبي
'انهي عاصم المكالمة مع هاجر وحاول الاتصال بإسد'
" قام عاصم بالاتصال علي هاتف اسد مره اخري ولكن دون جدوي "رد بقي يااسد استغفر الله العظيم ياخبر لو عرفت الي حصل يا تري هتعمل ايه انت ليك دماغ لوحدك وماحدش يقدر يفهمك خالص ياعم رد بقي البت هتروح منك وكل الي عملته راح هدر انت ماحستش بتعب الغربه عشان دي كانت هدفك ولو هدفك ضاع ولا راح منك هتحس بتعب السنين مافيش فايدة مش بيرد هنام والصبح ارن عليك ربنا يهديك"
-------------------
في منزل سعد المنشاوي كان يجلس سعد مع اسد
اسد: عامل ايه يابابا
سعد: الحمد لله ياحبيبي بس ايه المفاجئه الحلوة دي
اسد: كنت عاوز اشوف فرحتك وانا قدامك
سعد: بجد انا مبسوط اووووي ان ربنا كتبلي عمر وشوفتك تاني واخدتك في حضني
اسد: وانتي ياسوسو مبسوطه ولا
سعاد: قلب سوسو اكيد مبسوطه وطايرة كمان من الفرجه ياقلب ماما
سعد: ولا، مش عشان لسه جاي هسيبك تقؤلها ياسوسو
تعالت صوت ضحكات اسد علي مرح والده وقال: حاضر يا ابو اسد
سعد: ايوه كدا خد جمب
اسد: وانتي يامورا عامله ايه
غرام: انا الحمد لله عن اذنكم هدخل انام
سعد: مش انا قلت مش هتنازل
سعاد: ليه ياغرام كلنا قاعدين سوا
غرام: معلش انتو عارفين انه كان يوم طويل عليا
سعاد: ماشي ياقلبي قومي ربنا يطمنا عليكي
"بعد فترة من الجلوس معهم استأذنت غرام منهم ودلفت إلي الغرفه"
"نهضت غرام وهيا تائهه وحزينه وبدأت تحدث نفسها" هو ليه انا مش حاسه بفرحة رجوعة مع اني أكتر واحده في الدنيا كنت أتمني انه يرجع وأشوفه اظاهر من كتر اشتياقي ليه فاقدت حلاوة رجوعه وفرحتي بيه بس هو واحشني وضحكته وحشتني اااااه ياقلبي يالي واجعني معاك لا عارفة اقؤله الي فيا ولا قادرة أستحمل خليك معايا يارب انا محتجالك اوووي هقوم اصلي ركعتين ممكن قلبي يرتاح وانام.
------------
"نعود مره اخري الي منزل سعد"
اسد: هيا مالها غرام انا ملاحظ انها زعلانه وتعبانه او مخنوقه هو في حاجه حصلت
سعاد: اصل
سعد: مش وقته ياحبيبي قوم ارتاح والصباح رباح نتكلم فيه براحتنا
اسد: لا مش هعرف انام غير لما اعرف
سعد: حبيبي مافيش حاجه ياله قوم نام وياله ياسعاد انا كمان تعبان عاوز انام
سعاد: اسمع كلام ابوك يااسد انت لازم ترتاح
اسد: ربنا يستر ومايكنش في حاجه وانتو مخبين تصبحو علي خير
"سعاد وسعد وانت من اهل الخير ياحبيبي"
'تركهم اسد ودخل إلي الغرفة'
سعد: انتي مجنونه عاوزه تقؤليله
سعاد: يعني انت ناوي ماتعرفهوش
سعد: هسيبها لظروفها ياسعاد مش عاوز مشاكل
سعاد: ربنا يستر والي جاي يكون خير
------------------
يااااله اتفاعلو
--------------------
دمتم بخير يا قمرات
رأيكم يهمني في
غرام الاسد
اللهم صل وسلم وبارك على سيدنا ونبينا محمد صلى الله عليه وسلم تسليما كثيرا
--------------------
غرام الاسد
البارت11
---------------
'في منزل سعد المنشاوي ذهبت هاجر لرؤية غرام'
سعاد: اهلا اهلا جوجو تعالي
هاجر: حشتيني ياسوسو
سعاد: يابكاشه لولا صاحبتك ماكنتش شوفتك ولا جيتي
هاجر: يانهار انتي تعرفي عني كدا برضه
سعاد: ايون طبعاااا
هاجر: دا انا عسوله سامحني يارب
سعاد: ادخلي يامجنونه
هاجر: هيا غرام مش هنا ولا ايه
سعاد: لا في اوضتها تعالي ادخليلها
'ذهبت هاجر لغرفه غرام'
هاجر: مورا حبيبتي حشتيني
غرام: جوجو وحشتيني تعالي جيتي امتي
هاجر: لسه جايه يادوب سلمت علي سوسو
غرام: ماشوفتيش حد تاني
هاجر: لا عمو سعد مش بره
غرام: لا حد تاني
هاجر: مالك يابت حد مين وبعدين ايه سر الابتسامه الجميله دي اعترفي
غرام: اسد
هاجر: نعم ياختي مين
غرام: اسد اسد جه من السفر
هاجر: لووولووولي هيصه عندنا هيصه
غرام: بس بس يامجنونه هتفرجي علينا الناس
هاجر: ماانا عوزاهم يتفرجو تعالا ياحاج تعالي ياحاجه
غرام: تصدقي اني غلطانه اني قؤلتلك
هاجر: هي دي حاجه تستخبي اها عشان كدا عاصم مش عارف يكلمه وبيقول فونه مش بيجمع طيب احكيلي لما شوفتيه ايه حصل كلمك قالك ايه قولتيله ايه قابلتيه ازاي، حسيتي بي ايه هاه هاه هاه قولي
"تعالت صوت ضحكات غرام علي مزح صديقتها"
هاجر: اخلصي يابت كل ده ضحك اه صحيح نسيت انك بقالك ٣ سنين ماشوفتيش الضحك
غرام: قطر في الكلام اهدي يابت
هاجر: اهوه ياله اتكلمي وقولي بسرعه شوف البت ساكته ازاي ومش عاوزه تتكلم يابت قولي
غرام: بزمتك هتكلم ازاي وانتي بتتكلمي اهدي
هاجر: اهوه سكتنا لما نشوف ها ياله اخلصي
غرام: عرفت انه بيحبني وسافر عشاني وانه عمل كل ده عشان كل حاجه في حياتنا تبقي من ملكه مش من ملك حد يعني تفكير غير تفكير حد ده الي سمعته
هاجر: سمعتيه من مين
غرام: اسد كان بيكلم عمو سعد وبيحكيله
هاجر: طيب كويس طيب ايه الخطوه الجايه
غرام: ما اعرفش هو اصلا مااتكلمش معايا ومقابلتنا كانت عاديه خالص وجاي بيقولي ماتزعليش مني
بقوله بالساهل كدا قالي عارف انك زعلانه بس انتي علطول معايا وقدامي
هاجر: يالهوي علي الاسد لما يحب
غرام: هو فين الحب احنا هنضحك علي بعض
هاجر: مالك ياغرام حساكي عادي كدا يعني انتظرتيه كتير وكنتي مشتقاله كل ده فين لما جه
غرام: اظاهر لما نشتاق جامد لحد وننتظر شوفته او مقابلته ويجي بعد غياب بنفقد حلاوة اللحظه ويكون عادي بالنسبالنا
هاجر: بس ازاي وانتي كنتي بتموتي بالبطئ
غرام: مش عارفه ياجوجو ومش عارفه كمان هيكون رد فعل بابا ايه لما يعرف
هاجر: هو ماكلمكيش او حتي جالك هنا
غرام: ابدا ياجوجو مش عارفه بابا قاسي كدا ليه تفتكري هو صح وانا غلط وحقه انه يجوزني غصب عني والمفروض اني اوافق
هاجر: حبيبتي ماتحمليش نفسك فوق طاقتها
غرام: صعبان عليا حالي
هاجر: ارمي حمولك علي ربنا وربنا هيحلها ان شاء الله
'ظلت هاجر وغرام يتحدثون فى أمور عديدة'
-------------------
'علي جانب اخر ذهب اسد لشركة حاتم الخاصة'
اسد: باشا ليك واحشه
حاتم: اخيرا نورت مصر
اسد: منوره بي اهلها
حاتم: ياراجل، اتفضل دا انا لسه قافل مع وليد وزعلان خالص وبيقولي اطردك من مصر كلها عشان تروحله
اسد بإبتسامه: وليد دا حبيبي، وبعدين هو عاصم فين صحيح
حاتم: بيخلص شويه شغل وجاي حالا هو لسه مايعرفش انك هنا
اسد بابتسامة: لا لسه
"دخل عاصم غرفة مكتب حاتم وكان ممسكا بالورق وكان كل تركيزه عليه وقال: حاتم الورق ده مظبوط خلاص يادوب ناقص مراجعتك وامضتك"
اسد: طيب حتي ارمي السلام
"كان عاصم ممسكا بالورق وعقله لم يستوعب انه سمع صوت محبب لقلبه"
اسد: ايه هتفضل سرحان كتير
"اوقع عاصم الورق علي الأرض وذهب الي اسد وقام باحتضانه وقال: وحشتني ياصاحبي ايه المفاجئه الجميله دي طيب ليه ماقؤلتش كنت جيت اجيبك من المطار ليك واحشه ياقلب اخوك
اسد: كنت حابب اعملها مفاجئه واوشوف الفرحه الجميله الي في عينك دي
عاصم: اجمل مفاجئه ياقلب اخوك
حاتم: الله الله بترمي ورق الشغل في الارض مخصوم منك قد ايه ياواد ياحاتم
'ابتسم اسد علي مرح حاتم'
عاصم بابتسامة: بس بس هو المرتب فيه قد ايه عشان يتخصم منه ياعم انت
" كان حاتم صديق مقرب لهم ويحبهم كثيرا لانهم علي خلق وأمانه ويعملون بجديه فى العمل"
حاتم: عشان خاطر اسد بس
عاصم: عاجبك كدا يااسد اه شكله عاجبك مادام بتضحك يبقي عاجبك انت مجيتك بخسارة علينا
اسد: انت حبيبي وقريب هاخدك معايا الشركه بتاعتي
حاتم: انسي ياصاحبي
تعالت صوت ضحكات عاصم وقال: ايوه ايوه اتخانقو عليا وانا احط رجل علي رجل واتشرط
حاتم: شوفت طمعت الواد فينا
"اثناء حديثهم دق باب المكتب"
حاتم: اتفضل
السكرتيره ندي: السلام عليكم
"جميعهم ردو السلام"
حاتم: في حاجه ياندي
'كانت ندي شارده في وسامه اسد ثم انتبهت لصوت حاتم'
ندي: اه اقصد ياحاتم بيه في اجتماع كمان نص ساعه وحضرتك قؤلت ابلغ حضرتك قبلها
حاتم: اوكي تمام جهزي الورق بتاع المناقصه وكوني جاهزه عشان هتحضري معايا
ندي: حاضر عن اذن حضرتك
اسد: هقوم انا امشي واعمل حسابك ياحاتم لينا قاعده سوا عشان الشركه الي هفتحها دي
حاتم: في اي وقت تعالا ياصاحبي
اسد: ماشي ياغالي وانت ياعاصم ابقي تعالا
عاصم: اوكي حبيبي هو انا هرحمك
"تركهم اسد وذهب من المكتب ولكن توقف عندما سمع صوت ينادي عليه"
اسد: نعم
ندي: انا ندي
اسد: اهلا وسهلا خير
ندي: هو حضرتك هتشتغل هنا جديد
اسد: لا ليه بقي
ندي: لا مافيش اصل اول مره اشوفك هنا وسمعت الاستاذ حاتم بيقولك يااسد عشان كدا عرفت اسمك
اسد: اها انتي جديده هنا بقي
ندي: لا انا هنا من سنتين
اسد: اوكي عاوزه حاجه مني يعني حالا
ندي: لا بس مبسوطه اني اتعرفت عليك
اسد: شكرا عن اذنك" ترك اسد ندى وذهب"
ندي: يالهوي هو في كدا عامل زي ابطال الروايات
'جاء صوت عاصم من خلفها'
عاصم: مالك ياندي انتي بتكلمي نفسك ياماما
ندي: هاه لا مافيش عن اذن حضرتك" استأذنت ندي من عاصم وذهبت"
"ضحك عاصم علي ندي لأنه رآها تقف مع اسد وتحاول التعرف عليه ولكن هو يعلم صديقه جيدا.
---------------------
'في منزل ايهاب المنشاوي'
ايهاب: بطلي بقي يامنال هو في ايه رايحه جايه تعيطي
ارحمي نفسك وارحميني معاكي
منال: ولا حاجه كل الحكايه ان بنتي بعيده عني
ايهاب: مش هيا الي اختارت كدا براحتها بقي
منال: هيا الي اختارت برضه ولا انت الي كنت عاوز تجوزها غصب عنها لواحد استغفر الله العظيم
إيهاب: ماله ياختي راجل ويقدر يعيشها
منال: دا مجرد ماقالت لا مش هتجوزه وقف وقال كلام يحرق الدم وبيقول انه هياخد حقه ويعرفها اومال لو كانو اتجوزو وحصلت بينهم مشاكل كان عمل ايه
ايهاب: يعني تكسفه قدام الناس وعوزاه يسكت
منال: ياراجل انت مع بنتك ولا مع الغريب دا بيقؤلك انا واخويا علي ابن عمي وانا وابن عمي علي الغريب انت مهما عملت بنتك لازم تقف معاها مش ضدها
ايهاب: لا برضه هسيبها كدا لغاية ماتعرف الادب وبرضه هتيجي واجوزها لحسام ياله
منال: مافيش فايده بس انا هروحلها وخليك انت حر عن اذنك بنتي وحشتني
" تركت منال زوجها وذهبت لتري ابنتها"
-----------
"في منزل سعد كان يجلس مع غرام في غرفة الجلوس وأثناء ذلك دق الباب الخاص بالمنزل .
سعد: افتحي الباب يامورا عمتك في المطبخ
غرام: حاضر ياعمو
ذهبت غرام وكان الطارق منال التي ما أن رأت غرام قامت بإحتضانها
منال: وحشتيني ياقلب ماما
ارتمت غرام بين احضان ولدتها وقالت: انتي وحشتيني اكتر ياروحي ووحشني حضنك
سعد: مين يامورا
غرام: دي ماما ياعمو ادخلي ياماما
منال: عامله ايه ياقلبي
اسد: كويسه لازم تكون كويسه
منال: اسد لا لا مش معقوله حبيبي منور الدنيا تعالا في حضني ابني حبيبي انا الي مربياه وانا اقول ايه النور ده
اسد: ايه الناس البكاشه دي اتعلمي يااستاذه غرام
منال: جيت امتي ياحبيبي
اسد بإبتسامه: يعني يومين تلاته اربعه خمسه ست ايام كدا بتعرفي تعدي لغاية كام
منال بإبتسامه: بقي كدا ماشي،المهم حمدالله علي السلامه
اسد: تسلميلي يارب وعمي عامل ايه
"ارتسم الحزن علي وجه منال حين ذكر اسد اسم ايهاب،
فهم اسد أن ايهاب غاضب من غرام"
غرام: لسه زعلان مني صح وكمان ماجاش يشوفني
منال: لا ياحبيبتي هو بس مشغول
غرام: هحاول اصدقك
سعاد: حبيبتي ايه النور ده
منال: دا نورك حبيبتي
سعد: عامله ايه ياام غرام
منال: الحمد لله عايشه
سعد: ايهاب مرضيش يجي برضه صح
"نظرت منال لسعد بحزن وصمت"
سعد: عارف اخويا وتصرفاته وطريقة تفكيره ربنا يهديه
سعاد: ياله انا محضره اكل جنان يستاهل بؤقكم ياله بينا
"ذهب الجميع لتناول الغداء في جو من المرح بوجود اسد وغرام"
-----------------
"يجلس ايهاب بمفرده بالمنزل وقام بالاتصال علي صديقه"
ايهاب: الو اذيك ياحسين
حسين: الحمد لله ياايهاب خير
ايهاب: مالك بس ياصاحبي
حسين: ولا حاجه يعني ينفع الي عملتوه فينا ده جايبنا بيتك عشان تشتمنا انت وبنتك طيب كنت قلت لا من الاول بدل الاهانه دي
إيهاب: ياعم ولا اهانه ولا حاجه دي بنتك وغلطت مش هتسامحها
حسين: مش كدا برضه ياايهاب ماله حسام ابني مش عاجبها في ايه ممكن تقولي
ايهاب: خلاص بقي ياسحس وشويه كدا البت تهدي ونعمل الخطوبه تاني
حسين: واكسر بخاطر ابني تاني لا ياصاحبي شكرا
ايهاب: انت حر انا عمال اصالح فيك وانت مقفل
حسين: يعني ده لو كان حصل ليك كنت هتعديها بسهوله كدا
ايهاب: قلت ده هبل وشغل عيال وانتهينا
حسين: خلاص لما بنتك تهدا وترجع لعقلها كلمني نحدد الخطوبة
ايهاب: ماشي ياصاحبي احنا مالناش غير بعض سلام
حسين: حبيبي ياايهاب سلام ياغالي
"انهي ايهاب مكالمتة مع صديقه وبدأ يحدث نفسه. ماشي ياغرام لما اشوف اخرة نشفان دماغك دي ايه انا عاوز مصلحتك وهفضل وراكي لغاية ماتتجوزي حسام ووريني هتعملي ايه لازم اقنع عمك انك ترجعي معايا وساعتها هجوزك وغصب عنك بكره تعرفي اني صح و اخترتلك صح قال ايه بحب اسد يابابا، وماينفعش اخسر صاحب عمري اللي طلعت بيه من الدنيا لما اشوف اخرتها ايه معاكي.
----------------------
دمتم بخير يا قمرات
رأيكم يهمني في
غرام الاسد
اللهم صل وسلم وبارك على سيدنا ونبينا محمد صلى الله عليه وسلم تسليما كثيرا
----------------
غرام الاسد
البارت12
---------------
'في منزل سعد المنشاوي أخذت منال غرام إلي الغرفة لتتحدث معها'
منال: مالك يامورا حساكي مش مبسوطه في حد زعلك تحبي ترجعي معايا
غرام: لا ابدا ياماما مافيش حاجه بس صعبان عليا ان بابا زعلان مني مش اكتر
منال: ياحبيبتي هو زعلان بس عشان طريقتك والي عملتيه يوم الخطوبه وخلتيه يزعل من اخوه وصاحبه
غرام: ماكنتش قادرة ياماما كنت حاسه اني هموت صعب صعب اوووي والله
منال: ما انا قلت ليكي في الاول وماسمعتيش الكلام
غرام: قلت هجرب عشان خاطر بابا بس ماقدرتش
منال: طيب وبعدين هنفضل كدا وهتفضلي بعيد عني
غرام: معلش ياماما لغاية بس لما بابا يهدي ويروق
منال: اسد كلمك لما رجع من السفر
'شردت غرام في حديث اسد مع والده'
منال: بت سرحتي في ايه
غرام: لا ياحبيبتي ماسرحتش ولا حاجه
منال: بقؤلك اتكلمتو سوا
غرام: لا كلام عادي الي هو اذيك عامله ايه بس كدا
منال: انا عاوزه اخدك معايا ماينفعش تفضلي هنا
غرام: حبيبتي هو اصلا كلم باباه وقاله انه هيمشي يقعد بره في بيت تاني لانه ماينفعش يقعد هنا وانا هنا
منال: اسد ده فعلا محترم وراجل
غرام: خديني في حضنك ياماما محتجاله اوووي
'اخذت منال غرام في احضانها إلي أن نامت بين احضانها'
منال: ياااه زي الاطفال يامورا ربنا يسعدك ياقلبي
-------------------
"بعد مرور شهر"
في منزل سعد وتحديدا في غرفته كان يجلس مع زوجته ويتحدثون سويا"
سعاد: ممكن اعرف السبب
سعد: سبب اي ياسعاد
سعاد: بقالي شهر بسألك وعوزاك تقولي ليه كل مااجي اتكلم في موضوع غرام مع اسد بتمنعني، ومع ذالك انت سألته وهو جاوبك
سعد: ياسعاد ياحبيبتي انا بقول عليكي ذكيه وبتفهميها وهيا طايره، ينفع تقولي لأسد كل حاجه كان عمه بيعملها ويكون في حزازيه بينه وبين عمه اكتر وكمان اوجع قلبه كفاية الي حصل
سعاد: علي اساس ان ايهاب في دماغه وسأل اووي علي بنته وفعلا اسد لازم يعرف مش فاهمه موقفك الصراحه
سعد: موقفي خايف علي ابني، انا اب انحرم من ابنه تلات سنين وكمان سافر عشان يحقق حلمه ويتحوز غرام اجي اقوله كذا وكذا، خلاص انا قدرت احمي غرام ومستعد احميها واخبيها جوايا من اي حد يأذيها،وعرفت شعور اسد ليها وبقيت متأكد ان اسد هيخاف عليها ويحميها كمان
سعاد: فهمت يعني خايف علي الاتنين وفي نفس الوقت مش عاوز اسد يغلط مع عمه، وبرضه فهمت اسد بأسلوب كويس صح كدا
سعد: صح ياقلبي انتي، حبيبتي احنا لازم نحاوطهم كلهم ونكون علطول مع بعض
سعاد: ربنا يخليك لينا وميحرمناش منك
سعد: هقوم اشوف اسد فين واقعد معاه شويه
" قام سعد بتقبيل رأسها وخرج ليرى أسد ويتحدث معه وجده يجلس في غرفه الجلوس ذهب وجلس معه"
سعد: حبيبي قاعد لوحده ليه
اسد: كنت عاوز اتكلم معاك شويه ممكن
سعد: ياخبر ياناس اتفضل طبعا
"بدأ أسد يتحدث مع والده"
اسد: ايه رأيك يابابا
سعد: في ايه
اسد: دي خامس مره اعيد فيها الكلام يابابا
سعد: لانه مش داخل دماغي وغرام مش راجعه لابوها
اسد: لازم ترجع عشان اتقدم ليها رسمي ونتجوز
سعد: ابوها هيعاند انا اخوه واعرفه اكتر منك
اسد: طيب والعمل انا كل ما اجيب حل مايعجبش
سعد: سبها دلوقتي وربنا هيحلها
اسد: خلاص اللي انت شايفه هقوم انا بقي احضر حاجتي
سعد: ليه خير ان شاء الله
اسد بإبتسامه: مالك ياحاج انت بتحب جديد ولا ايه
سعد: انت شكلك عاوز الحكومه تموتني
اسد بابتسامة: انا الحكومه وظل يضحك علي خوف والده
'ظل سعد يضحك علي مزاح ومرح اسد'
اسد: بابا بجد لازم امشي عشان غرام تكون براحتها وانا كمان اكون براحتي
سعد: من إمتي الكلام ده يااسد وبعدين البيت كبير
اسد: سبني بس براحتي وكل يوم هاجي واروح علي النوم ماشي ياغالي
سعد: لا لو نشفت دماغك هنشفها انا كمان
اسد بابتسامة: استسلمت انا ياباشا
سعد بإبتسامه: ايوه كدا اذا كنت انت اسد فا انا ابو الاسد تعالا بقي نتمشي شويه وحشني المشي معاك
'اخذ سعد اسد وذهبوا علي النيل'
------------------
"علي جانب اخر في شركة حاتم وبالتحديد في مكتب حسام"
ندي: مالك ياعم مكشر كدا ليه هو في عريس بيبقي كدا
حسام: عريس ايه وزفت ايه بس
تعالت صوت ضحكات ندي وقالت: لي يافقري مالك
حسام: البت زي مايكون قرصها عقرب فضلت تصرخ وتقول لا مش عاوزه اتجوز، لا دا بابا غاصب عليا
ابتسمت ندي علي طريقة حسام وقالت: مين الهبله دي الي ترفض عريس ذيك دي اظاهر مجنونه
حسام: قؤلتلها انا اي حد يتمني بس يكلمني او يقرب مني والبنات بتجري ورايا
ندي: دي غريبه اوووي وعملت ايه
حسام: بتقول عليا مغرور بس وربي لأعلمها الادب واعرفها انا مين وازاي تتجرأ وتعمل معايا كدا
ندي: ياعم كبر دماغك بكرة تلاقي الاحسن منها
حسام: مش قبل ما انتقم منها
ندي: اوكي، هروح مكتبي زمان حاتم بيه بيسال عليا هبقي اشوفك تاني سلام
حسام: سلام ياقمر انت
"خرجت ندي وذهبت لمكتبها"
--------------------
"يجلس عاصم في منزله وشارد في معشوقته هاجر وامسك بهاتفه وقام بالاتصال عليها"
عاصم: قلبي وحشتيني
هاجر: انت اكتر ياقلبي، حبيبي فينك
عاصم: موجود ياروحي
هاجر: عندي ليك خبر عسل
عاصم: دا انا الي ليا خبر عسل
هاجر: خبر ايه ده
عاصم: لا قولي انتي الاول
هاجر: الهبل بتاعنا هيشتغل اهوه
عاصم: يابت والعاقلين عملو ايه بعقلهم
هاجر بضحك: تصدق طيب تعالا نقول سوا
عاصم: اوكي هقول واحد اتنين تلاته ونقول سوا
هاجر: هموت بسببك بحس اننا اطفال اوكي
'هاجر وعاصم بنفس الوقت: اسد رجع'
هاجر: ايه ده انت عرفت
عاصم: مين قالك
هاجر: مش انا كنت عند غرام بطمن عليها وهيا قالتلي
عاصم: اسد جه الشركه وشوفته دا كان واحشني بشكل
هاجر: انا مبسوطه اوووي
عاصم رافع حاجبيه: نعم ياروح خالتك وانتي تنبسطي ليه
هاجر: ايه ده دا الحلو بيغير ياناس ياخلاثي
عاصم: وما اغيرش ليه ياقطه مش راجل ولا ايه
هاجر: راجل وسيد الرجاله ياروحي
عاصم: اومال ايه مبسوطه دي ماتظبطي كلامك
هاجر: ما براحه ياروحي اقصد مبسوطه عشان غرام وكدا وان اسد رجعلها وهيتجوزو
عاصم: اه قولي كدا مش تقطعي في الكلام
هاجر: عيوني مش هقطع تاني بس انت حلو وانت بتغير اهوه ياخلاثي ياناس
عاصم: بس يابت بقي المهم
هاجر: عيوني
عاصم: تسلم عيونك يا قلبي حشتيني
هاجر: انت اكتر ياملك قلبي
عاصم: ياروقانك ياقمر الليالي
هاجر: لازم اروق وانا بكلمك مش بكلم حبيبي
عاصم بابتسامة: ياواد ياجامد انت
" ظالوا يتحدثون مع بعض ويضحكون ويرتبو إلي حياتهم القادمه"
------------------
في منزل ايهاب المنشاوي عادت منال من منزل سعد بعد زيارة غرام والاطمئنان عليها هيا كانت تقوم بزيارتها الفتره الماضيه كثيرا ولم تخبر زوجها بوصول اسد لعدم المشاكل ،وجدت ايهاب في انتظارها.
ايهاب: اهلا وسهلا شوفتي ست الحسن والجمال
منال: مالك ياايهاب ممكن تفهمني بقي هيا غرام دي مش بنتك ليه بتعاملها كدا، ليه جاي عليها اوووي كدا واحده مغصوبه علي حاجه ومش مرتاحه هيا حره احنا مش في حرب ولا البت كبيره اوووي عشان تحسسها انها فاتها قطر الجواز
ايهاب: هاه خلصتي
منال: علي فكره انت مش طبيعي
ايهاب: خلتيني كمان مجنون
منال: انا ماقؤلتش كدا بس فهمني وجهة نظرك ممكن تكون انت صح واحنا غلط
ايهاب: بنتي وانا حر فيها اجوزها للي عاوزه والي هختاره لاني اكبر منها واعرف اكتر منها
منال: اتغيرت اوووي ياايهاب ماكنتش كدا خالص
ايهاب: وانتي ماجبتيهاش معاكي ليه
منال: وانت مفكر ان سعد هيسيبها بسهوله كدا عشان تعمل فيها كدا تاني
ايهاب: ماشي بكره نشوف
منال: علي فكرة اسد رجع
ايهاب: بتقولي ايه
منال: اسد رجع من السفر من فتره
"ايهاب حدث نفسه قائلا: لأ ماعتش ينفع البت تفضل هناك لازم اجبها انا كلمت حسين وماصدقت صالحته
منال: انت بتكلم نفسك بتقول ايه
ايهاب: لا مافيش بكره هروح اجبها دي بنتي حبيبتي
منال: الله غريبه دي، قلقانه منك مش عارفه ليه
ايهاب: يوووه بقي كدا مش عاجب وكدا مش عاجب
منال: اعمل الي يريحك انا هقوم اشوف شغلي
ايهاب: احسن برضه قومي واعمليلي كوباية شاي معاكي
( حتي في الروايات بيطلبو شاي 😂😂😂😂😂 الشاي ورانا ورانا ياله نكمل وماتنسوش تقولو رايكم)
-----------------
"في منزل سعد المنشاوي كان اسد وغرام يتحدثون"
اسد: مالك يامورا حاسك متغيره ماعتيش زي زمان
غرام: ليه يعني ماانا عادي اهوه
اسد: لا ياغرام في ايه ماعتيش بتحبي تقعدي معايا ولا تتكلمي ومن ساعت ماجيت وانتي واخده جمب كدا
غرام: مافيش يااسد انا كويسه
اسد: انا عرفت الي حصل مع باباكي وليا رأي تاني
غرام: عرفت ايه بالظبط ورأي ايه الي بتقول عليه
اسد: عرفت العرسان الي كانت بتتقدم ورفضك ليهم لأخر عريس اتقدم ورأي انك ترجعي لباباكي
غرام: بقي وجودي هنا كمان مدايقك حاضر بكره همشي واريحك من وجودي عن اذنك
اسد: استني بس ياغرام ياحبيبتي اصبري واسمعي
"ركضت غرام من امامه وكانت تبكي بشده واحست ان قلبها سوف يتوقف من الحزن ولكن استمعت الي حديث اذب كل الحزن ووجع السنين التي مضت وابتسمت"
غرام: انت قلت ايه يااسد
ابتسم اسد لها بحب وقال: اصبري استني اسمعيني
غرام: قامت بضرب الأرض بقدميها وهمت في الذهاب
اسد: يابت اصبري انتي بقيتي خلقك ديق كدا ليه
غرام: انت بتهزر معايا صح
اسد: ايوه بهزر لو ماهزرتش مع قلبي اهزر مع مين
غرام: قلبك انا قلبك انت قلت كدا صح صح رد قول ها قول اي حاجه اخيرا الاسد اتكلم وبدأت تفعل حركات مضحكه من كتر سعادتها..
تعالت صوت ضحكات اسد وقال: ايوه ولو ماكنتيش واخده بالك من زمان يبقي مش مورا تربية قلبي وحبيبتي، وحشني جنانك يامورا
غرام: طيب ليه مااتكلمتش ليه ماقولتليش وجعت قلبي بفراقك وبعدك عني
اسد: انا بحبك يامورا وحبيت اكون الراجل الي تقدري تتسندي عليه ممكن اكون رأي مختلف بس دلوقتي انا مستعد لأي حاجه بس انك تكوني لغيري دي مستحيل وهعوضك عن البعد والفراق والوجع الي شوفتيه بسببي
غرام: كان نفسي اسمعها منك اووي يااسد كان نفسي اسمع صوتك وتطمني عليك كان نفسي احس انك دايما معايا انت جوايا ومعايا بس برضه كنت محتجاك تطمن قلبي بوجودك انت ماتعرفش بابا عمل فيا ايه ولا التلات سنين عدو عليا ازاي
اسد: ومين قالك اني مش عارف كل حاجه عنك النفس الي بتتنفسيه بكون عارفه، وانا كنت معاكي دايما وعيني عليكي يامورا انتي قبل ماتكوني حبيبتي انتي بنتي
غرام: وليه عاوز تخليني ارجع لبابا من غير حتي مايعرف انه ظالمني بتصرفاته
اسد: عشان اتقدم ليكي واتجوزك ياغرام ماعتش ينفع تكوني بعيد عني بعدك تعبني وتاعب قلبي
غرام: ومين قالك بقي اني هوافق عليك
اسد: نعم بتقولي حاجه اصلي ماسمعتش
'ابتسمت غرام برقه وكان وقلبها يرقص من السعادة وقالت: مين قالك اني موافقه
اسد: غصب عنك وعن الي يتشددلك ياغرام الاسد
غرام: الله حلو اوووي يااسد
اسد: انتي غرامي فعلا يامورا انتي كل حياتي ماتعرفيش انا كنت كل يوم وانا بعيد عنك كان بيحصلي ايه كان بيجيلي اوقات كنت هموت فيها عشان اشوف ضحكتك ولا اشوف نظرة عيونك الي مليانه شوق ليا تعرفي كنت بعمل ايه، كنت بخلي عاصم يروح لهاجر وانتو سوا بره ويفتح الفون واشوفك واسمع صوتك وانتي بتكلمي صحبتك واشوفك وانتي سيباهم وتروحي بعيد عشان خاطر تسبيهم لوحدهم كنت بتعب اووي لما بشوف نظرة الوجع الي في عنيكي ولما تعبتي وروحتي المستشفي كنت معاكي وشايفك انا عملت كدا عشان اكون سند ليكي من كل الاتجهات ما انا معايا فلوس وكل حاجه متوفره بس مش ملكي ماتعبتش فيهم ومش هقبل اي حاجه تدخل بيتنا ماتعبتش فيها انا حبيتك وبحبك وهحبك ياغرام الاسد تعرفي لما الاسد يحب بيحب ازاي "وبدأ اسد يضحك بمكر.
غرام: ياااااه كل ده وانا الي كنت بقول انت نسيتني واختارت تبعد عشان مااتعلقش بيك وبعدين مش عارفه الاسد لما يحب بيعمل ايه.
اسد بإبتسامه: مورا استهدي بالله كدا وقومي احسن
'خجلت غرام كثيرا واحمرت وجنتيها'
تحولت ابتسامت اسد لضحكات عاليه علي خجل غرام. اسد: هتعرفي يامورا بس قومي نامي وريحي دماغك من التفكير وبكره هتعرفي
غرام: شوف بقي الرخامه
اسد: بت انتي لسه لسانك طويل حد يقول للاسد رخم
غرام: انا اقول الي عوزاه للاسد بتاعي
اسد بضحكات مليئه بالحب: لا حلوة الاسد بتاعي محسساني اننا في الغابه طيب قومي بقي بدل ما الاسد ياكلك " قام اسد بعمل صوت الاسد وتعالت صوت ضحكاته"
تعالت صوت ضحكات غرام بفرح وقالت: لا لا وعلي ايه الطيب احسن سلام يا ملك الغابه ولا اقؤلك ملك قلبي يااسد
"تركته غرام وذهبت إلي غرفتها وقلبها يرقص من السعاده من الحديث الذي استمعت له لم تكن تعلم ان اسد يحبها لتلك الدرجه انه تحمل الفراق والبعد عنها وقالت لنفسها : بحبك يا قلب غرام"
"ظل اسد شاردا في ملامح غرام وضحكها وبرائتها" وقال: كلك وحشني ياغرام الاسد مفكرين اني ممكن اسيبك او اي حد يقدر ياخدك مني دا انتي روحي ولو خدوكي يبقو يموتوني الأول، انتي الحياه ياحياة قلبي"
--------------------
تفتكرو الحكاية هتنتهي علي كدا ولا اللي الجاي هيغير مصيرهم وكل واحد يكون في طريق وليه حياه تانيه
دمتم بخير يا قمرات.
رأيكم يهمني في
غرام الاسد
"فين تعليقاتكم وريفيوهاتكم علي الروايه"
اللهم صل وسلم وبارك على سيدنا ونبينا محمد صلى الله عليه وسلم تسليما كثيرا
---------------------
غرام الاسد
البارت13
--------------------
"في صباح اليوم التالي بمنزل سعد المنشاوي"
سعاد: صباح الورد
سعد: صباح الخير
سعاد: مالك يا سعد في ايه شكلك زعلان كدا ليه
سعد: اسد مصمم يرجع غرام لأبوها وانا خايف عليها اوووي ابوها عنيد ودماغه ناشفه
سعاد: يعني انت هتكون احن عليها من ابوها
سعد: ايوه احن عليها منه واعرف مصلحتها عنه دا عاوز يجوزها ابن صاحبه لمجرد ان مش عاوزه يزعل صاحبه
سعاد: طيب وبعدين هنعمل ايه وكدا غرام هتقول اننا مدايقين من وجودها وهتفهم غلط
سعد: مش عارف اعمل ايه مع ايهاب وقرار اسد ده
سعاد: طيب واسد ناوي علي ايه
سعد: بيقول عاوز يرجعها عشان يتقدم ليها علطول ويتجوزو بس انا عارف اخويا هيتصرف ازاي
سعاد: سيبها علي الله وان شاء الله هتتحل
سعد: يارب ياسعاد يارب انا هقوم اصلي ركعتين
سعاد: قومي ياحبيبي ربنا يتقبل ويحلها من عنده
"تركها سعد وقام ليصلي ويدعوا الله أن تنحل تلك الاموار.
-------------------
"في المدرسة التي تعمل بها غرام"
وصلت هاجر المدرسه وذهبت للمكتب التي تجلس فيه سويا مع غرام وجددت غرام بداخله'
هاجر: غريبه يعني يامورا
غرام: ايه يابت الي غريب في ايه
هاجر: اول مره ادخل المكتب الاقيكي مبتسمه والفرحه هتنط من عنيكي خير يارب فرحيني معاكي
غرام: ياساتر طيب قولي حتي ماشاء الله
هاجر: يسلام طيب ماشاء الله ها قولي ايه السر بقي
غرام: الاسد نطق ياااابوووي هقلب صعيدي حالا
تعالت صوت ضحكات هاجر علي مزاح غرام وقالت: ياااااه، اخير ابو الهول نطق وقال ايه بقي
غرام: بت احترمي نفسك اسمه الاسد ملك قلبي
هاجر: الله الله وايه كمان بقينا حبيبه
غرام: قالي ياامه قالي اااه"وبدأت غرام تتراقص بسعاده'
هاجر بابتسامة: انتي هتغني وترقصي اخلصي هموت واعرف حب الاستطلاع هيموتني
غرام: قال اني غرام الاسد وانه كان طول ماهو مسافر موجود معايا وشايفني وبيطمن عليا واني كل حاجه ليه وانه سافر عشاني انا، الله عليك يااسد قلبي وروحي
هاجر: بت فوقي يالهوي انتي اتجننتي خالص
غرام: ياخرابي علي وسامته وجماله وهو بيتكلم او وهو بيضحك ياخرابي اسد اسد مافيش كلام
هاجر: هموت من كتر الضحك يابت اهدي هيجرالك حاجه سبحان مغير الاحوال بس انا فرحانه اووي عشان شيفاكي فرحانه ومبسوطه
غرام: مش عارفه اسيطر علي قلبي بس مش عارفه قلقانه ليه وخايفه
هاجر: هو احنا كدا يابنات كل مايحصلنا حاجه حلوة نخاف ونقلق وندور علي حاجه تبوظ فرحتنا
غرام: ربنا يستر انا هقوم ورايا حصه وبنات هتتعلق
هاجر: مجنونه يامجنونه اسد
غرام: بتقولي اسد هيييح يبقي هقعد معاكي
هاجر: قومي يابت بدل ما احنا الي هنتعلق
"وظلو يضحكو سويا وبعد فتره قصيره قامت غرام وذهبت لعملها.
------------------
"يجلس عاصم في مكتبه وقام بالاتصال علي اسد"
عاصم: فينك يااسد برن عليك من بدري
اسد: جاي في الطريق خمسه وهتلاقيني في الشركه
عاصم: اوكي ماتغيبش احنا منتظرينك
اسد: تمام سلام
"اغلق اسد الهاتف وذهب لشركة حاتم"
------------
في منزل ايهاب المنشاوي.
ايهاب: منال يامنال
منال: نعم
إيهاب: انتي فين بنده عليكي من ساعتها
منال: في المطبخ نعم
ايهاب: انا هروح انهارده لسعد اسلم علي اسد وكمان عشان اجيب غرام معايا
منال: بجد هتصالحها وتجيبها
ايهاب: ايوه طبعا مش بنتي ولو عاوزه تيجي معايا تعالي
منال: ربنا يخليك لينا ايوه طبعا هاجي معاك دي غرام هتفرح اوووي وحشتني اوووي بنت الايه دي
ايهاب: وحشتني انا كمان البيت وحش من غيرها فعلا
منال: ربنا يخليكم ليا.
تركها ايهاب ودلف علي غرفته ليقوم بالأتصال علي صديقه ويبلغه برجوع غرام.
_____________
في الشركه وتحديدا مكتب حاتم
عاصم: كل ده تأخير ومن اولها كمان
اسد بإبتسامه: واد انت اهدا شويه
حاتم: فظيع انت ياعاصم
عاصم بإبتسامه: دا انا غلبان
اسد: دلوقتي لازم نتفق ونقرر
عاصم: نقرر ايه بالظبط
حاتم: عاصم انت مالك علي الصبح، علي الشركه الجديده
اسد: مش عارف، ركز ياعاصم شوية ولا انت مش ناوي تدخل معانا
عاصم: لا طبعا بس بحب اهزر انتو ايه
حاتم: مافيش هزار في الشغل ياباشا ونركز شويه بقي
اثناء حديثهم سويا رن هاتف اسد، وكان المتصل وليد ابتسم اسد وقال: ابن حلال والله واحشني
حاتم رافع حاجبيه: مين يااسد ومالك بتضحك ليه
اسد: وليد وزمانه زعلان مني لاني ماكلمتهوش
لم يستطع حاتم التحكم في ضحكته وقال: استلم بقي يااسد هتتحاسب حساب الملكين دلوقتي
اسد: ربنا يستر'وقام اسد بالرد علي الهاتف
اسد: الووو عامل ايه ياغالي
وليد: لسه فاكر ماشي يااسد براحتك بس انت واحشتني قلت اتصل اطمن عليك
اسد: ياغالي انت واحشني اكتر، طمني عليك
وليد: ياراجل ماشي هعديها المرادي انا الحمد لله وانت
اسد: الحمد لله ياصاحبي
وليد: وبعدين هتيجي امتي
اسد: لسه شوية هو انا لحقت دا يادوب يومين بس
وليد: يومين مين، دا شهر يااسد بطل هزار
اسد: شهر ياخبر
وليد: ماتغبش ياصاحبي وابقي طمني عليك علطول سلام يا غالي
اسد: حاضر سلام
حاتم: هموت مش قادر
اسد: ينفع كدا كان لازم الكدب من الاول
حاتم: خلاص ياعم هبقي اكلمه وتعالا نشوف شغلنا
" بدأو جميعا لتحضير الأجتماع من أجل الشركة الجديدة"
------------------------------------
"في شركة حاتم وتحديدا مكتب ندي كانت تتحدث في الهاتف مع حسام"
ندي: زي مابقؤلك
حسام: طيب سمعتي حاجه، وكمان لازم تعرفي كل كبيره وصغيره بتحصل
ندي: ايوه عرفت بيتكلمو في اي، وبعدين ماكنتش اعرف ان صاحبك مستني الاخبار دي علي نار كدا، وبعدين هو يفرق معاه الي لسه جاي من سفره في اي
حسام: مااعرفش المهم اعملي المطلوب منك
ندي: بقي انت ماتعرفش برضه
حسام: كل اللي اعرفه ان بينهم تار قديم وعاوز الضربه تيجي قبل مايعرفو جت منين
ندي: دا تفكيره سم
حسام: اقفلي بقي وركزي لان لو اي معلومه راحت منك انتي عارفه اي اللي هيحصلك
ندي: طيب وربنا يستر وماحدش ياخد باله من الجهاز المحطوط ومااروحش في داهيه
حسام: اهو خوفك ده اللي هيضيعنا
ندي: خلاص ياعم سلام
"اغلقت ندي الهاتف مع حسام وعادت مره اخري تستمع إلي حديث حاتم مع اسد وعاصم"
--------------------
'عند غرام وهاجر في المدرسه'
هاجر: يارايق انت يارايق
غرام: بت انتي مالك انتي هتشتغليني ولا ايه
هاجر: مبسوطه بيكي اوووي يامورا
غرام: بس انا قلقانه اووي مش عارفه ليه
هاجر: بت فكك بقي بقؤلك انا هعمل مفاجئه لعاصم وهروحله الشركه تحبي تيجي معايا واهو بالمرة تشوفي حبيب القلب والعين
غرام: لا ماينفعش طبعا اروح انتي رايحه لخطييك انا هروح ليه
هاجر: فكري دي فكره حلوة واهو ننزل نتمشى شويه
غرام: لا يمكن ابدااااا روحي انتي وسبيني
هاجر: براحتك خليكي انا ماشيه بقي
'جهزت هاجر اغراضها وهَمت للمغادره'
_______________
"بعد انتهاء الأجتماع جلسوا سويا للمناقشة في بعض النقاط البسيطة"
عاصم: كدا تمام كل حاجه جاهزه فاضل بس العقود
حاتم: بجد حاجه خرافه انت شاطر جدا يااسد
اسد: ربنا يخليك ياحبيبي، المهم الجاي ولازم ننجز في المشروع والمناقصه الجاية هتفرق معانا اووي وترفع اسمنا في السوق والي هنقوله ده ماينفعش حد يعرفه غيرنا
عاصم: تمام وننزل اعلان عشان محتاجين موظفين
اسد: عامل حسابي لكل حاجه بس دلوقتي لازم السريه
حاتم: اوكي وانا معاك وموجود في اي وقت
عاصم: طيب ياله بينا يااسد نمشي احنا بقي
اسد: تمام ياله بينا
"قام اسد وعاصم وأستعدو للذهاب"
_____________
"كانت غرام وهاجر بالتاكسي وكانت غرام مُحرجه من النزول"
هاجر: يابنتي انزلي هتفضلي قاعدة كدا
غرام: بقؤلك ايه كفاية اني جيت معاكي
هاجر: هموت من كتر الضحك عليكي بجد، لا لا مش جايه معاكي ومجرد ماجيت امشي لقيتك ماشيه معايا
ابتسمت غرام علي مزح هاجر وقالت: وبعدين بقي انا اصلا جيت معاكي عشان انتي صاحبتي وماينفعش اسيبك لوحدك يعني الحق عليا
هاجر بابتسامة: ياشيخه، بجد اخص عليا ظلماكي معايا
غرام بابتسامة: شوفتي بقي ياوحشه
هاجر: بس بس اهم نازلين تعالي
غرام: بت انا مكسوفه وبعدين اقؤله انا جايه الشغل ليه
هاجر: قوليله اتوحشتك جووي جوووي ياولد العم
غرام: موتي هيكون علي ايدك بسبب هزارك
هاجر: طيب ياختي ياله بدل مايمشو ويسيبونا
"شاهد عاصم هاجر ومعها غرام وبلغ اسد"
عاصم: ايه ده هما جاين هنا ليه
اسد: هما مين يامجنون
عاصم: بص هناك كدا
اسد: ايه دا غريبه فعلا تعالا نشوف في ايه
غرام: الحقي الحقي جاين علينا
هاجر بإبتسامه: اثبت ياكبير
"ذهب عاصم ومعه اسد لغرام وهاجر"
اسد: ياخبر القمر بيطلع بالنهار
غرام بخجل: اذيك يااسد
اسد: ايه الرخامه دي اسمها اذيك يااسد
عاصم: وايه كمان مش مكسوف وانت اسمك الاسد وبتتكلم كدا
هاجر: اتعلم ياقلبي شايف الكلام
اسد: وايه ياعني اتعلم علي رأي خطيبتك تعالو نتمشي شوية ونعزمكم علي الغدا
هاجر: ادعيلي بقي يامورا ماكنتيش عاوزه تيجي
اسد: ليه مش عاوزه تيجي مش وحشتك ياقمر انت
"خجلت غرام كثيرا من كلام اسد معها واكتفت بالابتسامه فقط له"
"اخذ اسد وعاصم الفتيات للغداء معهم"
"خرج حسام من الشركه ورائهم يقفون مع بعضهم ويضحكون وتحدث مع نفسه قائلا: الله الله وايه كمان ما انتي بتعرفي تضحكي وتهزري اهوه اومال كنتي عامله فيها الست الكئيبه ليه وبتقولي عليا مغرور دا ماحدش مغرور غيرك انتي، وانا هعرفكم مين حسام"
ندي: مالك ياابني واقف سرحان وبتكلم نفسك ليه كدا
حسام: لا لا مافيش
ندي: لا لا مافيش دا انت حكايتك حكايه ماتيجي تعزمني علي الغدا يابخيل
حسام: بخيل ايه بس يامجنونه تعالي وانا اعزمك
ندي: ايون كدا ياله قدامي
"اخذ حسام ندي وذهبوا ليتغدو سويا"
__________________
دمتم بخير ياقمرات
رأيكم يهمني في
غرام الاسد
اللهم صلِّ وسلم وبارك علي سيدنا ونبينا وحبيبنا وشفيعنا محمد صل الله عليه وسلم تسليما كثيراً
______________
غرام الاسد
البارت14
___________
"في منزل سعد المنشاوي كان يجلس بالشرفة شاردا في أمر غرام فجائت اليه سعاد"
سعاد: مالك ياحبيبي في ايه دايما سرحان وساكت كدا ليه، في ايه اتكلم وفضفض معايا
سعد: زعلان اووي من ايهاب وموقفه مع غرام
سعاد: معلش انت الكبير ماتزعلش منه ربنا يهديه
سعد: لو عليا مش زعلان غير من طريقته مع غرام وانه سايبها كدا من غير مايصالحها ولا يفكر في زعلها تفتكري مش هيجي يصالحها خايف علي نفسيتها اووي
سعاد: هيروق ويجي انت عارف انه قاسي وطبعه جامد شويه واكيد منال مش هتسيبه واكيد بتتكلم معاه ربنا يعينها بتقول اتغير اوووي عن الاول
سعد: فعلا اتغير خالص مش عارف ايه الي حصل خلاه كدا، الاول كان حنين بس مش اوووي برضه
سعاد: طيب تعالا نتغدا سوا العيال اتاخرت في الشغل ولما يجو يتغدو سوا
سعد: ماليش نفس سبيني دلوقتي
سعاد: لا مش هسيبك قوم قوم ياله وسيبها لله
نهضت سعاد واخذت زوجها لتناول الطعام.
________________
"في مكان آخر بمطعم علي النيل"
ندي: انتي سرحان في ايه ياابني انت بقيت غريب
حسام: لا مش غريب بس هموت من الغيظ
ندي: ليه كل ده مش فاهمه
حسام: البت الي كنت هخطبها وكنت بقؤلك انها نكديه
ندي: مالها وايه خلاك تفتكرها دلوقتي
حسام: لانها قاعده قدامك اهيه وكمان بتضحك وتهزر
"نظرت ندي إلي ما ينظر له حسام"
ندي: هيا دي يعني مش حلوه اوووي عشان تدايق نفسك كدا انت زؤقك وحش اووي
حسام: بقي دي وحشه اه عليكم لما تنفسنو علي بعض
ندي: انا هنفسن علي دي، ليه مش شايفني قمر ازاي دا انا القمر يقولي هقوم وانتي تعالي اقعدي مكاني
حسام بابتسامه صفراء: ماشي ياقمر هحاول اعديها بس عاوز انتقم منهم
ندي: وهو زمبه ايه سيبه ياعم في حاله
حسام: مش هخليه يتهني بيها ولا هيا تتهني وبعدين هو القمر شبك ولاايه
ندي: لا ابدا بس
حسام: معايا ولا ايه
ندي: معاك بس اتعابي هاخدها اول بي اول
حسام: انتي ايه يابنتي ماشبعتيش ما كل مصلحه بتاخدي علي قلبك قد كدا
ندي: ماشي، بس ماحدش عارف الايام فيها اي ولا حاتم باشا ممكن يمشيني في اي وقت، لا دا ممكن يحبسني كمان
حسام: اعوزو بالله بطلي بس قرك ده وخلينا نفكر في مصيبه لدول دلوقتي
"ظل حسام وندي يفكرون في إقاع غرام واسد"
__________________
" بنفس المكان ولكن في جانب اخر"
كانوا يجلسون جميعاً بلمطعم وهمست هاجر إلي غرام"
هاجر: بت ياغرام بصي بصي
غرام: ابص علي ايه هو انا شايفه غيره
هاجر: لا بقؤلك ايه سيبك من الهبل ده وشوفي مين هناك ده ومن ساعتها بيبص علينا وعنيه مليانه شر
"نظرت غرام الي المكان التي تشير إليه هاجر"
غرام: ايه ده، دا حسام هو عمال يبص كدا ليه
هاجر: مش عارفه ومين دي كمان الي معاه
غرام: ربنا يستر
عاصم: انتو بتتكلمو بصوت واطي كدا ليه
اسد: انت مالك سيبهم براحتهم ايه الرخامه دي
عاصم: ياابني انت ازاي اسمك اسد وانت حنين كدا
هاجر: ما انت اسمك عاصم وقاسي عادي يعني
تعالت صوت ضحكات اسد علي مزح هاجر وقال: لا حلوه ياهاجر
غرام بابتسامه: هموت بسببك ياجوجو
عاصم: يسلام قالت نكته مالكم فتحتو في الضحك كدا ليه وانتي كمان حسابك معايا بعدين وياله عشان نروح عيال كئيبه
اسد: هما الي عيال كئيبه برضه اعوزو بالله ياله فعلا نمشي عشان ورايا شغل كتير
"اخذ اسد وعاصم الفتيات وذهبوا"
__________________
بمنزل سعد المنشاوي
سعاد: احلي كوباية شاي لأحلي ابو اسد في الدنيا
سعد: تسلم ايدك حبيبتى ربنا يخليكى ليا
سعاد: ويخليك ليا، هتنزل الشركه مع اسد ولاهتعمل ايه
سعد: ماينفعش اسيبه لازم اكون جامبه في الاول وبعد كدا ابقي اروح كل فين وفين
سعاد: دايما بتسندنا وتقف معانا وفي ظهرنا انت بجد سند لينا ربنا يباركلنا فيك ياحبيبي
سعد: حبيبتي انتو الحياه الي انا عايشها، من غيركم ولا حاجه عايش بيكم وليكم
"دقائق ودق جرس الباب"
سعد: هقوم اشوف مين.
"قام سعد بفتح الباب وكان الطارق إيهاب"
ايهاب: مش عاوز تفتح ولا ايه
سعد: ومش هفتح ليه بس تعالا اتفضل
ايهاب: ايه المقابله دي مافيش حضن لاخوك ولا ايه
قام سعد بإحتضان اخيه وقال: لسه فاكر انك مزعلني
ايهاب: مافيش زعل ولا حاجه
"جاءت سعاد واستقبلت منال"
سعاد: اهلا اهلا حبيبتي وحشتيني
منال: انتي اكتر ياغاليه
ايهاب: اومال فين غرام مش شايفها يعني
سعاد: زمانها جايه
ايهاب: جايه منين مش المفروض كانت تيجي من بدري من شغلها ولا ايه الحكايه بالظبط
سعد: لا حكاية ولا حاجه تلاقيها بتتمشي شويه مع هاجر
ايهاب: بتتمشي اه قولتلي
_________
في السيارة الخاصة بأسد
غرام: شكرا علي العزومه الجميله دي
اسد: بتشكريني علي ايه يامورا دي حتي مش عزومه تليق بيكي ياقلب الاسد
غرام: ربنا يخليك ليا
اسد: ويخليكي ليا ياغرامي
"ظل اسد وغرام يتحدثون وبعد مرور بعض الوقت وصلوا إلي المنزل"
اسد: ايه ده انا سامع صوت عمي جوا يااه دا واحشني اوووي بس كان نفسي اروحله انا
غرام: ربنا يستر مش عارفه قلبي مقبوض ليه
اسد: اتفائلو بالخير تجدوه يامورا ياله ندخل
اسد: السلام عليكم اذيك ياعمي والله ليك واحشه
ايهاب: حبيبي تعالا في حضن عمك
غرام: ماما وحشتيني عامله ايه
منال: الحمد لله يا قلبي طمنيني عليكي
غرام: الحمد لله
اسد: وانا مافيش سلام
منال: حبيبي السلام كله ليك
ايهاب: عامله ايه ياغرام مافيش اذيك يابابا
غرام: اذيك يابابا عامل ايه وحشتني
ايهاب: انتي جايه دلوقتي ليه كنتي فين دا كله
غرام: كنت مع اسد بره
ايهاب: الله الله ودا بقي كل يوم تخرجي وتيجي بمزاجك صح، طيب اتفضلي قدامي علي البيت
سعد: انت بتتكلم كدا ليه ياايهاب هو أسد ده غريب وبعدين مش هتيجي معاك غير لما انت تعرف انك كنت غلط من الاول
ايهاب: اه عشان تفضل رايحه جايه مع ابنك صح لا مش عندي الكلام ده ودي بنتي وانا حر فيها اجوزها اعذبها دي بنتي ماحدش يدخل فاهم
سعد: انت ازاي بتتكلم معايا كدا انت اتجننت
منال: ماينفعش كدا ياايهاب اهدا الموضوع مايتحلش كدا ابدا صلو علي النبي ياجماعه
ايهاب: انتي بذات تسكتي دي اخرة تربيتك فيها
اسد: هو حضرتك بتتكلم كدا ليه من امتي غرام غريبه عننا وانا اكتر واحد في الدنيا اخاف واحافظ عليها
ايهاب: لا بجد مصدق نفسك خلص الكلام عندي بنتي هتيجي معايا وماحدش يدخل بينا اتفضلي قومي اخلصي خلينا نروح بيتنا الغلط غلطي من الاول
غرام: بس يابابا
قام ايهاب بضرب غرام بالقلم وقال: اخرصي انتي لسه هتتكلمي
سعد: لا انت مش مظبوط خالص انت ماعندكش رحمه كل دا ليه انت ليك غرض من مرواحها وواخد الموضوع ده طريق لهدفك صح بس والله لو جيت عليها او عملت ليها حاجه او غصبتها علي حاجه ماهرحمك والي عملته دلوقتي ده ماهيعدي بالساهل والقلم الي غرام خدته ده هتحاسب عليه وانا مش مسامحك
ايهاب: سعد دي بنتي وانا حر فيها انا لاغلطت فيك ولا جيت عليك واظن ده حقي في تربية بنتي
سعاد: ومين قال ان بنتك مش محترمه
ايهاب: لما تيجي كل يوم في الميعاد ده تبقي محترمه
اسد: علي فكره بنتك دي اشرف واحده في الدنيا ادب واخلاق واحترام وانا فعلا زي بابا مابيقول مش عارف انت مكبر الموضوع كدا ليه مع انه مايستهلش كل ده وقريب جدا غرام هتكون مراتي فا العمايل دي مالهاش اي لازمه ومااسمحش ليك تضربها كدا
ايهاب: ماعنديش كلام اقوله ياله بينا
"اخذ ايهاب ابنته وزوجته وذهبوا
ولكن لماذا فعل ذلك ولكنها كانت فرصة وجائت اليه"
~~~~~~~~~~~~
بعد مغادرة ايهاب وغرام من المنزل
سعاد: لا حول ولاقوة الابالله هو في ايه لكل ده
سعد: ايهاب بيخطط لحاجه انا متأكد وأخد الموضوع ده فرصه ليه ربنا يستر عليكي ياغرام
اسد: والعمل يابابا هنسيبها كدا هيا فعلا بقالها فتره بتقولي انها خايفه وقلقانه
سعد: لا طبعا مش هسيبها وبرضه مش هقدر اقرب دلوقتي عشان عمك
اسد: وانا مش هسيبها مش هسيبها هروحله واتقدم ليها مش هسيبها معاه يوم واحد انت عارف هو ممكن يعمل ايه فيها مش عارف هو بقي قاسي كدا ليه، انا مااقدرش ابعد عنها ثواني كفايه عليا3سنين وانا محترم حضرتك بس مااقدرش امسك نفسي اكتر من كدا
سعد: سبهولي يااسد وانا هتصرف
سعاد: ربنا يهديه ويرجع لعقله قبل فوات الاوان
" دلف اسد غرفته وجلس علي فراشه وظل حزين علي غرام"
~~~~~~~~~~~~
"امسك ايهاب بذراع غرام بقسوه وغضب وقام بفتح باب المنزل وقام برميها بقوه وقال: اتفضلي ادخلى دايما جيبالى الغم والمشاكل مع اخويا انتى اي فهميني"
منال: براحه هو في ايه ممكن تفهنا بقي
ايهاب: مالكيش دعوه انتي حسابك معايا
منال: كل حاجه حسابك معايا حسابك معايا حساب ايه فهمني انا اكتفيت من مشاكلك وظلمك لينا
ايهاب: عجبك بنتك وتربية بنتك
منال: بنتي متربيه احسن تربيه وانت مسألتش نفسك امتي طبطبت عليها ولا اخدتها في حضنك ولا قاعدت تتكلم معانا زي بقيت الناس
غرام: ممكن اعرف حضرتك بتقول عليا مش محترمه ليه
ايهاب: لما كل يوم تخرجي وتتاخري وترجعي براحتك ده اسمه ايه المفروض لما اسد رجع من سفره كنتي جيتي علي بيتك ولا عجبتك القاعده هناك
غرام: هو اصلا كان واخد شقه وهيقعد فيها عشان انا موجوده ودي اول مره اخرج واغيب وده اسد الي طول عمرنا معاه في بيت واحد ومهما كان انا محترمه ومش بعمل حاجه غلط خوف من ربنا واحتراما لنفسي
ايهاب: من هنا ورايح مش عاوز اسمع اسمه فاهمه واعملي حسابك خطوبتك علي حسام كمان يومين وماتفكريش تعملي حاجه من عمايلك لانك مش هتروحي الشغل وفونك ده هاخده هاتي
"اخذ ايهاب الهاتف من غرام"
غرام: ومين قال لحضرتك اني هوافق وشغلي ماله انا ماعتش صغيره للكلام ده ولا المعامله دي وبعدين حضرتك عملت دا كله عشان خاطر صاحبك وابنه
ايهاب: ما اعرفش افهميها زي ماتفهميها وهتوافقي غصب عنك والمعامله دي انتي تستاهليها من الاول
غرام: هو مش انت كنت عاوزني اتجوز طيب اسد رجع اهوه وهيجي يتقدم واتجوز ايه المشكله دلوقتي
ايهاب: اه وهتروحي تقؤليله بقي تعالا اتجوزني صح
غرام: لا طبعا هو الي هيجي لوحده بس حسام لا
ايهاب: اهو حسام ده الي هتتجوزيه وده اخر كلام
منال: انت مسامح نفسك علي كدا
ايهاب: ايوه مسامح نفسي لاني صح وياريت تعقلي بنتك وتخليها تغير رأيها بمزاجها بدل مايكون غصب عنها
منال: ربنا كبير
~~~~~~~~~~
"دلفت غرام غرفتها والقت نفسها علي الفراش وظلت تبكي.. ااااه ياقلبي، عمري مااتهنيت بحاجه كل حاجه عمرها قصير، ليه يارب انا ماغلطتش ولا عملت حاجه ودي اول مره اخرج فيها ولا حسام ده كمان هو انا نقصاه يارب خليك معايا ساعدني يارب ماتسبنيش لوحدي، ليه بابا بيعمل معايا كدا ياارب"
"دلفت منال غرفة غرام وجدتها تبكي"
منال: غرام حبيبتي انتي بتعيطي
غرام: ليه كل دا ياماما انا عملت ايه بابا بيعمل معايا كدا ليه فهميني هو انا قليلة الادب عملت ايه غلط وليه هو مصمم انه يجوزني واحد مش مرتحاله لمجرد انه عاوز مايخسرش صاحبه، وانا فين من دا كله مافكرش فيا
منال: معلش يامورا ربنا يهديه وان شاء الله الامور هتهدا
"اخذت منال غرام بين احضانها لتهدئتها وبعد ان هدئت غرام قالت: ان شاء الله انا هقوم اتوضي واصلي واشتكي لربنا همومي هو قادر يريح قلبي ويغيرلي حياتي
منال: ربنا يريح قلبك يابنتي
"قامت منال وذهبت إلي غرفتها وهيا حزينه علي ابنتها"
_____________
دمتم بخير ياقمرات
رأيكم يهمني في
غرام الاسد
اللهم صلِّ وسلم وبارك علي سيدنا ونبينا وحبيبنا وشفيعنا محمد صلى الله عليه وسلم تسليما كثيراً
__________
غرام الاسد
البارت15
__________
في صباح يوم جديد بمنزل سعد المنشاوي استيقظ اسد وادى فرضه وارتدى ملابسه وخرج للافطار مع عائلته
اسد: صباح الخير
سعد: صباح النور ياابني رايح فين بدري كدا
اسد: هروح لعمي ماينفعش اسيب غرام كدا
سعد: بلاش يااسد سيبه شويه يكون راق لما اشوف هو بيفكر في ايه او في دماغه ايه
اسد: لا مش هسيبه ولو حد تاني كان اتجرأ وضرب غرام كدا كنت محيته من علي وش الارض بس للأسف مش هقدر اتكلم لانه ابوها ويوم ماتكون مراتي مش هسمح لاي مخلوق يدايقها بكلمه
سعد: طيب معلش روح شوف شركتك دلوقتي وسيبلي الموضوع ده انا هتصرف
اسد: مش هسكت كتير انتو عارفين من زمان وانا مابحبش اشوفها زعلانه او مدايقه ومابحبش اشوف في عيونها دموع مابقدرش اتحكم في اعصابي
سعد: ماشي ياله بقي روح شوف شغلك
سعاد: طيب افطر الاول
اسد: لا ماليش نفس عن اذنكم
"خرج اسد من المنزل وهو حزين من افعال عمه وذهب الي الشركه"
سعاد: ربنا يوفقك ياابني ويسعدك هتعمل ايه ياسعد
سعد: مش عارف البت صعبانه عليا وايهاب بقي غريب
سعاد: ربنا يستر ومايكنش الي في بالي
سعد: وايه الي في بالك ياسعاد
سعاد: انه بيعمل كدا ويبعدنا عنهم الفتره دي عشان يتمم خطوبتها علي ابن صاحبه
سعد: دا انا هكسر الدنيا علي دماغه ولا اسد مش عارف ساعتها ممكن يعمل ايه دي هيولع في الدنيا كلها
سعاد: ربنا يستر ويعدي الفتره دي علي خير
~~~~~~~~~~
"علي جانب اخر ذهب اسد إلي شركة حاتم لاتمام بعض الاوراق الخاصة بشركتة وهناك قابل عاصم"
عاصم: في ايه يااسد مالك مدايق علي الصبح كدا
اسد: مافيش ياله نشوف شغلنا
عاصم: ماانا مش هسيبك كدا فهمني
اسد: مش هتكلم ياعاصم وانت عارف لما اكون مدايق مااحبش اتكلم
عاصم: خلاص ياعم انت حر بس برضه مش هسيبك كدا
اسد: جهزت العهود وورق الصفقه
عاصم: ايوه ومستني حاتم يجي عشان قال ان في بنود عاوز يغيرها
اسد: تمام انا هروح اشوف المحامي وانت شوف شغلك
عاصم: اوكي ولو في حاجه كلمني
~~~~~~~~~
في منزل ايهاب وبتحديد في غرفتة غرام كانت تجلس معها ولدتها "
غرام: وبعدين ياماما هو كدا هيخليني اتصرف تصرف يدايقه ويرجع يقولي تربيتك واني مش محترمه
منال: انا تعبت ياغرام ماعتش عارفه اتكلم معاه خالص حتي امبارح كنا جاين نصالحك انتي وعمك مش عارفه اتقلب كدا ليه وبيفكر في ايه
غرام: ما هو مستحيل اني اتجوز المغرور ده دا انا قعدت ٣سنين مستنيه اسد يرجع وبعد كدا لما يرجع اتجوز غيره ليه بيعمل فيا كدا ليه فهميني
منال: انا نَفسي مش فاهمه ياغرام دا حتي ماعتش بيتكلم معايا زي الاول اتغير اووي
غرام: خلاص ياماما بلاش تعيطي عشان خاطري
منال: تعبت اوووي بسأل نفسي هو ليه بقي كدا هو ليه مش زي اخوه بيفكر في اهل بيته وحنين عليهم ليه بيعمل كدا
غرام: معلش ياماما ممكن دا كله يكون بسببي
منال: لا ياغرام مش انتي، كل الي اقدر اقوله ربنا يهديه
~~~~~~~
"في غرفة الجلوس كان يجلس ايهاب ويتحدث مع محسن علي الهاتف"
محسن: بجد الي بتقوله ده
ايهاب: ايوه طبعا بجد وحضر نفسك وبلغ حسام خليه يظبط نفسه
محسن: والله وطلعت قد كلمتك طيب وغرام
ايهاب: مالها غرام
محسن: موافقه ولا هتعمل فينا زي المرة الي فاتت
ايهاب: لا طبعا موافقه وخدها مني كلمه
محسن: تمام هبلغ الجماعه عندي وبليل هكون عندك
ايهاب: ماشي ياصاحبي هستناك سلام
" اغلق ايهاب الهاتف بعد انهاء المكالمه ودلف غرفة غرام"
ايهاب: حضرو نفسكم في ضيوف جيالنا انهارده
منال: مين ان شاءالله
ايهاب: حسام وابوه جاين عشان نتفق علي يوم الخطوبه وكتب الكتاب
غرام: لا حضرتك انا مش لعبه انا بني ادمه ومن حقي ارفض الجواز مش غصب ولو عاوزني اتجوز فا اسد هيجي يتقدمي واتجوز
ايهاب: وبعدين وانا مش هصغر نفسي واديت كلمه ومش هرجع فيها مهما كان
غرام: يابابا ياحبيبي انت بتعمل فيا كدا ليه مش انت يهمك مصلحتي واني اكون سعيده ومرتاحه
ايهاب: الله ينور عليكي والراحه مع الي اختاره ليكي
غرام: واسد ماله دا انت نفسك كنت بتتمني انه يتجوزني
ايهاب: كنت ولو كان رجع قبل ما حسام يتقدم كنت وافقت عليه دلوقتي خلاص
منال: وكل ده عشان اديت كلمه طيب وسعادة بنتك
ايهاب: اه اه قلبي اه
"جلس ايهاب فاجئه ووضع يده علي قلبه"
غرام: بابا بابا مالك في ايه بابا
منال: ايهاب مالك في ايه
ايهاب: قلبي مش قادر حاسس اني هموت
غرام: بعد الشر عليك ياحبيبي اهدا اجبلك دكتور
ايهاب: لا لا هبقي كويس بس نفسي افرح بيكي
غرام: طيب بلاش كلام في الموضوع ده دلوقتي
ايهاب: لا ده وقته عشان خاطري وافقي
غرام: بس كدا انتي بتدفني بالحياه
ايهاب: انتي مش عارفه حاجه اسمعي كلامي اه
غرام: مش قادره ارجوك
منال: معلش ياغرام اسمعي كلامه لو علي الاقل دلوقتي عشان مايتعبش مننا بسبب الزعل
غرام: بس ياماما
ايهاب: مافيش بس انا هقوم ارتاح شويه
"تركهم ايهاب وذهب لغرفته وبدأ يحدث نفسه" يووووه ماكنتش هتوافق غير لما اعمل كدا بس ممكن تغير رأيها يسلام هعمل نفسي تعبت تاني حتي لو هتفق مع دكتور يقول اني تعبان بسيطه المهم انها تتجوزه وخلاص. "وظل يحدث نفسه كثيرا ويحاول بإقناع نفسه انه صح وانها لا تعرف مصلحتها"
"في غرفة غرام"
غرام: ليه كدا ياماما تيجي عليا
منال: يعني انتي مش شيفاه تعب ازاي عوزاه يروح مننا
غرام: وانتو مش حرام عليكم والله انا تعبت
منال: انا الي تعبت منكم وواخدني علطول في النص انا قايمه من قدامك خليكم كدا كل واحد ماسك في رأيه
"قامت منال بضيق وخرجت من غرفة غرام وهيا حائره بين زوجها وابنتها"
~~~~~~~~~~
"علي جانب اخر في شركة حاتم وبتحديد في مكتب عاصم كان يقوم بمراجعة بعض الاوراق ثم قام بالاتصال علي هاجر"
عاصم: الو اذيك يا حبيبتي عامله ايه
هاجر: الحمد لله
عاصم: مال صوتك في ايه، هو ايه اليوم الغريب ده
هاجر: غريب ليه يعني
عاصم: اصل برضه اسد جاي مش طايق نفسه وزعلان
هاجر: ليه في ايه ماقالش ماله
عاصم: لا ماقلش انتي بقي مالك
هاجر: اصل غرام ماجيتش الشغل وبرن عليها فونها مقفول وانا قلقانه عليها اوووي
عاصم: ممكن تكون تعبانه ولا حاجه
هاجر: كانت كلمتني وقالتلي انها تعبانه او قالت اخدلها اجازه بس اكيد في حاجه حصلت معاها امبارح هيا بقالها يومين قلقانه والي مأكدلي ان في حاجه انك بتقول اسد كمان مدايق حاول تعرف منه اي حاجه ياعاصم طمني عشان خاطري وانا بعد الشغل هحاول اروح اشوفها
عاصم: حاضر هحاول مع اني سألته ورفض يقولي وبعدين اسد مابيبحش يتكلم مع حد وهو مدايق
هاجر: ربنا يستر
عاصم: ان شاءالله خير بس انتي خدي بالك من نفسك
هاجر: اوكي حبيبي علي فكره
عاصم: عيوني
هاجر: انت وحشتني اووي
عاصم: ياشيخه دا بجد انتي نسياني خالص
هاجر: معلش حبيبي بس انت عارف غرام غاليه عندي
عاصم: ولا يهمك ياقلبي اسيبك انا بقي عشان الشغل
هاجر: سلام ياروحي ربنا يخليك ليا
عاصم: قلبي يا ناس ويخليكي ليا
"انهت هاجر المكالمه مع عاصم وذهب كل منهم الي عمله
~~~~~~~~~~~~~
"في منزل حسين رشاد والد حسام"
حسام: انت بتتكلم جد يابابا
حسين: ايوه بجد عمك ايهاب لسه مكلمني حالا
حسام: حبيبي يابابا بس ممكن تعمل الي عملته المره الي فاتت وتكسفنا تاني
حسين: عمك ايهاب قالي لا وانها مواقفه المرادي
نجلاء: مش عارفه انت مصمم عليها ليه ماتشوفلك واحده تانيه ياابني
حسام: لا دي بزاد الي هتجوزها
نجلاء: ماهيش لعبه ياحسام هتشبط فيها يومين وتسيبها دي بني ادمه وده جواز
حسام: لا لازم اكسر مناخيرها واجيبها الارض عشان ماتتجرأش عليا تاني وتعرف انا مين
نجلاء: وانا ما اسمحلكش انك تأزي بنات الناس
حسام: شايف يابابا عجبك كلام ماما
حسين: مالكيش دعوة يانجلاء دا ابوها وافق هتيجي انتي توقفي الجوازه
حسام: انتي طول عمرك واقفه في طريقي كدا ليه
نجلاء: لا مش في طريقك ابوك دايما مدلعك المفروض انت راجل تعتمد علي نفسك وتعرف الصح من الغلط بس ازاي لا دا عودك من صغرك ان الي تعوزه يجي ولو ايه حتي شغلك في الشركه بالواسطه مش مجهودك
حسين: سبيه يانجلاء واخر مره هقؤلك مالكيش دعوه
نجلاء: لا مش هسكت دي بنت ناس حرام اتفق معاكم واضيع مستقبلها عشان واحد مستهتر ومدلع انت ابني حبيبي ومش ضدك زي ما انت فاهم بس دي ياحبيبي حرام تظلمها وتضيع مستقبلها
حسام: عن اذنكم انا طالع وبرضه هتجوزها
"خرج حسام وهو غاضب من موقف ولدته"
نجلاء: خلاص انت حر ماتزعلش مني بقي بعد كدا
حسين: ليه يعني هتعملي ايه
نجلاء: ولا اي حاجه سيبها لله
"ظلت نجلاء تفكر في شي ما"
~~~~~~~~~~~
"في إحدى الكافيهات يجلس حسام ومعه ندي سويا"
ندي: اش اش اش ايه الروقان ده انا مصدقتش نفسي لما رنيت عليا وقؤلتلي تعالي نخرج
حسام: ليه يعني هو انا كئيب للدرجادي
ندي: لا بس بقالك فترة مدايق وغضبان علطول
حسام: لا في خبر حلو مخليني طاير من الفرحه
ندي: خير فرحني معاك
حسام: رايح بليل اخطب غرام ماتعرفيش انا قد ايه فرحان ومبسوط وهاخد حقي
ندي: انت مبسوط انك هتخطبها ولا مبسوط انك هتاخد حقك منها
حسام: الاتنين وهكسر مناخيرها واعرفها اني مش زي اي حد والكل بيجري ورايا
ندي: المهم خلينا في الشغل عندي ليك خبر هيأكلنا الشهد لو صاحبك عرف
حسام: عرفتي حاجه جديده
ندي: يوووه حاجات وكلام مهم
حسام: تمام هناخد منه معاد ونروح سوا
ندى: تمام بس انا اتعابي اكتر لاني انا الي قؤلتلك
حسام: منشار في الفلوس ماشي
ظلوا علي هذا المنوال يضحكون ويفكرون في هذه المقابلة"
~~~~~~~~~~~~~
دمتم بخير ياقمرات
رأيكم يمهني في
غرام الاسد
تكملة الرواية من هنا 👇👇👇
تعليقات
إرسال تعليق