 |
اللهم صلِّ وسلم وبارك علي سيدنا محمد وعلى آله وأصحابه وسلم تسليما كثيرا
~~~~~~~~~~~~~
غرام الاسد
البارت السادس عشر حتي البارت العشرون
بقلم شروق محمد
كامله على مدونة النجم المتوهج للروايات
~~~~~~~~
"في منزل ايهاب المنشاوي دق باب المنزل"
منال: شوفي مين علي الباب يامورا
غرام: حاضر ولا اقؤلك، لا ياماما ليكون المغرور وابوه
منال: يوووه كنت نسيت طيب هقول لابوكي يفتح هوه
"قامت منال لتبلغ زوجها بوصول صديقه وابنه"
منال: ايهاب جرس الباب بيرن اكيد صاحبك
ايهاب: طيب هقوم اشوف
ذهب ايهاب وفتح الباب وكان الطارق حسين
ايهاب: اهلا صاحبي وحبيبي وعريسنا الغالي
حسين: عامل ايه ياغالي
ايهاب: الحمد لله اتفضلو
حسام: اذيك يا عمي عامل ايه وازي غرام
ايهاب: بخير ياحبيبي اتفضلو.
"في الغرفة كانت منال تحاول تهدئه غرام حتي وتخرج معها"
منال: يارب عدي الليله دي علي خير، غرام قومي اجهزي وبطلي عِند وخلي الليله تعدي
غرام: مش هاجي علي حساب نفسي وحياتي مش هدمر نفسي مع واحد مغرور وانا اصلا مش طيقاه
منال: وبعدين هنفضل كدا لحد امتي
غرام: مش مشكلتي، ومش انا الي بحطكم في مواقف بايخه انتو الي بتيجو عليا
"دلف ايهاب إلي غرفة غرام وقال: هما مين الي بيجو عليكي فهميني
غرام: حضرتك يابابا بأمارة اللي قاعدين بره دول
ايهاب: والله لو ماطلعتي وخليتك كويسه ماهتعرفي انا هعمل فيكي ايه وانتي بكدا هتكوني جبتيه لنفسك
غرام: ده ظلم وربنا مايرضاش بكدا ورسولك ماقلش كدا
ايهاب: انا طالع ولو مطلعتيش ورايا يبقي انتي الجانيه
علي روحك اللهم بلغت
"ذهب ايهاب ليجلس مع حسين بغرفه الجلوس"
منال: اطلعي ياغرام عشان خاطري
غرام: لا لا مش بعد ماجه اسد هعمل في نفسي كدا، اسد هيحميني وهيقف معايا ومش هيسبني
منال: طيب اطلعي دلوقتي وبعد كدا اتصرفي
غرام: ياربي انت شاهد علي الي بيتعمل فيا
"ذهبت غرام حتي ترتدى ملابسها"
~~~~~~~~~~~~
"في الشركة الخاصة بحاتم وتحديدا في مكتب عاصم"
عاصم: اسد هتفضل كدا لحد امتي ممكن افهم انا من الصبح عايز اخفف عنك وانت مش راضي تتكلم
اسد: كدا ازاي مش فاهم وبعدين انت عارف مش بحب اتكلم وبفضل السكوت
عاصم: يعني تموت نفسك في الشغل ومافيش راحه وكمان مدايق ومش بتتكلم طيب اتكلم ممكن ترتاح
اسد: ماعنديش كلام اقؤله
عاصم: وانا مش هسيبك غير لما تتكلم وتقؤلي مالك
اسد: اقؤلك ايه ياعاصم ان عمي عامل مشاكل مع غرام وضربها قدامي واخدها ومشي اقؤلك اني قلبي بيتقطع عليها وعلي الدموع الي نزلت من عنيها والكل عارف اني مابحبش اشوفها زعلانه او مدايقه ومش عارف هو بيفكر في ايه حتي فونها مقفول
عاصم: وماروحتش تشوفها ليه
اسد: للاسف بابا منعني وقالي سيبه،عشان الحكاية ماتكبرش، وانا مش قادر اسيبها ولا قادر اكسر كلمة ابويا وانت عارف كلمة ابويا بتبقي سيف علي رقبتي
عاصم: طيب في حاجه كدا مش عارف هتفيدك ولا ايه
اسد: اتكلم علطول ياعاصم في ايه
عاصم: وانا بكلم هاجر لقيتها مدايقه بسألها مالك قالتلي ان غرام مراحتش الشغل وفونها مقفول
اسد: فونها مقفول انا عارف بس ليه مراحتش الشغل
عاصم: مش عارف طيب انت هتعمل ايه
اسد: مش هسكت ولا هسيبها كدا، طيب وده منعها من الشغل ليه والشغل ماله، فعلا هو بيدبر لحاجه
"ظل عاصم وأسد يتناقشون في بعض الأمور الخاصة وبعد فترة ذهب كل منهم الي منزله"
~~~~~~~~~~~
"علي جانب اخر في منزل غرام وبتحديد في المطبخ"
ايهاب: فين غرام يامنال
منال: طالعه ورايا اهيه ووطي صوتك شويه الناس هتسمعنا
ايهاب: خليها تلم الدور وتطلع احسنلها فاهمه
منال: قولت خلاص جايه اهيه
غرام: انا جيت يابابا بس مش هتجوز غصب عني
ايهاب: وانا بقول هتتجوزي غضب عنك وابقي وريني هتعملي ايه ياابله غرام مش عارف بتعلمي العيال ايه في المدرسه الي بتشتغلي فيها دي
غرام: وشغلي ماله ومال حياتي الشخصيه يابابا
ايهاب: ماهو لما تبقي بي اسلوبك ده يبقي هتعلمي ازاي
غرام: بابا انا طلعت اهوه احتراما ليك وبرضه مش هتجوزه ومش هاجي علي حساب نفسي وحياتي عشان صاحب حضرتك وابنه
منال: خلاص خلو الليله دي تعدي علي خير وبعد كدا نتفاهم ونشوف ايه اخر العمايل دي
"اخذ ايهاب غرام وخرج بها إلي غرفة الجلوس"
حسين: اهلا ياغرام يابنتي عامله ايه
غرام: الحمد لله اذي حضرتك وفين طنط
حسين: تعبانه شويه وماقدرتش تيجي معانا
غرام: الف سلامة عليها
حسين: الله يسلمك يابنتي ايهاب ماتيجي نتكلم كلمتين علي جمب كدا
ايهاب: تعالا ياخويا اتفضل منال اعملنا كوبايتين شاي
منال: حاضر عن اذنكم
"قام ايهاب باخذ حسين بعيدا حتي يتركوا مساحه لغرام وحسام ليتحدثو سويا"
حسام: عامله ايه ياغرام
غرام: كويسه الحمد لله هو انا مش رفضتك مره
حسام: وترفضيني ليه ومالك مكشره كدا ليه ما انا شوفتك بتضحكي وتهزري مع الناس عادي يعني
غرام: ما اسمحلكش وبعدين انا مش مجبوره اوضحلك وبرضه عشان واحد زيك مايتكلمش معايا ده اسد ابن عمي وصاحبتي وخطيبها
حسام: اها اسد تصدقي بحسبه نمر
غرام: اسد نمر مالكش دعوه وياريت تجيبها من قصيرها وترفض انت عشان كرامتك
حسام: مافيش ياقمر بيني وبينك حاجه اسمها كرامه
غرام: نفسي اعرف انت مستحمل نفسك ازاي
حسام: عادي يعني ماله نفسي امور وحبوب وكل البنات والناس بيحبوني مش فاضل غيرك انتي بس
غرام: للاسف قلبي مليان بحب اسد ومش شايفه غيره
حسام: دا انتي صريحه اوووي ومش هامك
غرام: واكذب ليه واخدع نفسي وغيري ليه
حسام: طيب ماتيجي نتعرف علي بعض حتي نكون اصدقاء ولو عجبتك وشخصيتي عجبتك نتجوز
غرام: هو حضرتك متعلم صح
حسام: بتسألي ليه يعني
غرام: اصلك بتستقبل المعلومه بصعوبه اوووي
حسام: وانا مش زعلان منك ياقمر بكره لما نتجوز هتعرفي انك ظلمتيني وجيتي عليا
غرام: لا انت بتستهبل بقي هو انت ليه مغرور اووي كدا
حسام: عشان عارف وواثق ان عمو ايهاب هيجوزك ليا
غرام: دا بعدك فاهم وعن اذنك بقي اصلي مش فاضيه وانت اخدت من وقتي كتير
حسام: بكره هيبقي كل وقتك ليا ولايهمك ياحبي
غرام: دا انت هتموتني ناقصه عمر هوووف
منال: ايه ده رايحه فين يامورا
غرام: داخله انام داخله انام
حسام: سبيها ياطنط اصلها عاوزه تريح
غرام: والله ما عاوزه ارتاح غير منك
"ذهبت غرام من امامه غاضبة ودلفت إلي غرفتها"
_______________
"دلف عاصم إلي المنزل وجد كلا من والده ووالدته يجلسون أمام التلفاز فقال: السلام عيكم
ردو جميعا: وعليكم السلام ورحمه الله وبركاته
مدحت ابو المجد والد عاصم: اي ياحبيبي لسه جاي مش عوايدك تيجي متأخر كدا
عاصم: كنت قاعد في المكتب مع اسد
مدحت: الواد ده مش جدع من يوم ما جه ماجاش يشوفنا ولا يسأل علينا
عاصم: غصب عنه الله يكون في عونه
مدحت: ليه كل ده حصل اي
عاصم: من يوم ما جه في مشاكل مع عمه وكمان الشركه الي بنفتحها واخده كل وقته
مدحت: لا حول ولاقوة الابالله ربنا يصلح حاله وحالك ياابني،قومي ياكوثر اعملي الأكل لعاصم
كوثر: حاضر، قوم خد شاور ياحبيبي علي ماأجهز الأكل
عاصم: لا ماليش نفس
مدحت: ليه ياابني هو مَنعك عن الاكل هيحل المشاكل انا عارف ان اسد صاحب الطفوله ومابتحبش تشوفه مخنوق
عاصم: صعبان عليا حاله مش قادر يقرب لبيت عمه عشان خاطر كلمة باباه،وفي نفس الوقت مش قادر يسيب غرام، قلبه واجعه ومابيقدرش يشوفها كدا، دا سافر وتعب عشانها يجي في الاخر تضيع منه
كوثر: طيب، ليه باباها يعمل كدا بجد اب غريب ازاي يعمل في ضناه كدا
عاصم: مش عارف هو بيعمل كدا ليه ولا عاوز يوصل لأيه ده هيجننا كلنا
كوثر: للأسف ياابني في ابهات كتير مفكرين بالطريقه دي انهم خايفين علي مستقبل عيالهم وميعرفوش ان الطريقه دي بتدمرهم
مدحت: فعلا عندك حق،الله، طيب ماهو اسد رجع ليه يجامل صاحبه علي حساب بنته، وليه يعمل عداوه مع اخوه ويتعس بنته
عاصم: مااعرفش، الراجل ده هيجننا والله، وماحدش فاهم دماغه فيها اي ولا عارف بيفكر ازاي
كوثر: ربنا يهديه ويصلح الاحوال
عاصم: انا هقوم اخد شاور حاسس اني تعبان
"ذهب عاصم إلي المرحاض لأخذ الشاور وبعد فترة قصيرة خرج وقام بالأتصال علي هاجر"
هاجر: حبيبي عامل ايه
عاصم: الحمد لله انتي فينك
هاجر: موجوده اهوه صوتك ماله
عاصم: هيكون ماله حزين علي صاحبي اللي مش عارف اساعده ازاي
هاجر: انا كمان حزينه علي غرام تفتكر اننا مش قد الصحوبيه دي
عاصم: المشكله اننا مانعرفش نعمل اي وابوها ده راجل غريب وتصرفاته اغرب
هاجر: وبرضه مامتها موقفها سلبي ازاي ماتقافش مع بنتها مش عارفه في لغز في الحكاية
عاصم: ان شاء الله خير، انا قلت خلاص نزل وهيحقق حلمه ونشتغل ونقف علي رجلنا ونتجوز ونعيش حياتنا
هاجر: سيبها علي الله، لو علمتم الغيب لأخترتم الواقع
عاصم: تفتكري اللي جاي خير
هاجر: اتفائلو بالخير تجدوه حبيبي، المهم ارتاح شويه وانا ان شاء الله هروح لغرام بكره
عاصم: ماشي حبيبتي ربنا يخليكي ليا ويفرحنا كلنا قريب
هاجر: يارب سلام حبيبي.
"انهي عاصم المكالمة مع هاجر وخرج ليجلس مع والديه"
----------------
"علي جانب اخر في منزل ايهاب كان يجلس هو وصديقه حسين للتحدث في امور اتمام الزواج"
حسين: ايه رأيك نخلي الشبكه وكتب الكتاب في يوم واحد خلينا نفرحو
ايهاب: والله فكره حلوه وانا موافق
"دلف حسام إلي الغرفة وشارك ايهاب ووالده الحديث"
حسام: الله عليك ياعمي ايهاب ربنا يخليك ليا
ايهاب: ويخليك ياعريس بنتي، اومال غرام فين
حسام: اتكسفت ودخلت الاوضه عروسه وبتدلع بقي
حسين: خلاص احنا كدا اتفقنا ياله بينا ياحسام
ايهاب: لسه بدري ياسحس
حسين: لا بدري ولا حاجه ياله سلام عليكم
ايهاب: وعليكم السلام وسلملي علي الحاجه
"بعد انتهاء الحديث في تفاصيل الزواج نهض حسين وحسام وذهبوا"
____________
"بعد مغادرة حسين وابنه حسام سرد ايهاب لمنال ما قاله حسين له"
منال: وايه كمان
ايهاب: يعني ايه مش فاهم عاوزه ايه
منال: بنتك مش هتتجوزه انت بتضحك علي نفسك ليه
ايهاب: هتتجوزه ورجليها فوق رقبتها
منال: للاسف مافيش فايده في الكلام معاك وانت بتسوء الامور وياعالم ايه الي هيحصل
ايهاب: اطلعي منها انتي بس وهيا تعمر
منال: الله يسامحك وبرضه مش هاطلع منها لأنها بنتي وعلي فكره اي حاجه غرام هتعملها انا معاها فيها
ايهاب: ابقي وريني هتعملي اي
منال: العمل عمل ربنا مش انا، ولغاية كدا كلامنا سوا انتهي نهائي.
"تعبت منال من كثره الحديث مع زوجها في هذا الموضوع وتركته وغادرت إلي غرفتها.
_____________
"استمعت غرام الي حديث والدها واشفقت علي والدتها وظلت تفكر هل تضحي بحياتها في سبيل اسعاد والدها ام تقف في وجه الجميع والصمود امامهم من اجل حبها"
______________
ده الي هنعرفه في الحلقات الجاية
رأيكم يهمني في
غرام الاسد
اللهم صلِّ وسلم وبارك علي سيدنا محمد وعلى آله وأصحابه وسلم تسليما كثيرا
____________
غرام الاسد
البارت17
_________
"مضى اسبوع ولا احد يعلم شيء عن غرام ولا حتي تذهب الي العمل، اما عن هاجر حدثت معها بعد الظروف التي منعتها من الذهاب الي غرام وحاولت كثيرا الاتصال عليها ولكن دون فائدة كان الهاتف مغلق فقررت الذهاب اليها .
اما عن حال بطلنا اسد كان سيجن عليها لانه لا يستطيع الوصول إليها لان والده اكد عليه ان لا يذهب إليها وجاء يوم عقد القران"
"بمنزل حسام كانت والدته تحاول أن تقوم بتغيير رأيه والابتعاد عن غرام وعدم إتمام هذا الزواج"
نجلاء: لاخر مره بقؤلك ياحسام غير رأيك وبلاش الجوازه دي ولا البنت دي
حسام: بحبها ياماما وهتجوزها انا اتغيرت
نجلاء: انت بتضحك عليا عشان اسكت
حسام: لا مش بضحك عليكي انا فعلا اتغيرت والمفروض تبقي مبسوطه ليا مش تقفي في طريقي
نجلاء: الظلم وحش ياحسام انا نفسي اشوفك احسن عريس بس بالاتفاق مش غصب حبيبي
حسين: بطلي بقي كلامك الخايب ده وخلينا نفرح
نجلاء: نفرح علي حساب البنت هو مافيش لا رحمه ولا ضمير خلاص
حسين: والله لو مش عاوزه تيجي خلاص براحتك بس بلاش كلامك ده وسبينا احنا نفرح
حسام: حبيبي انت يااحلي سحس
"ظل حسام يضحك مع والده تحت نظرات والدته الغاضبه"
____________
"في منزل غرام وتحديدا في عرفتها"
منال: بتعملي ايه ياغرام
غرام: زي ما انتي شايفه بلم حجاتي وماشيه من هنا
منال: اعقلي ياغرام وهتروحي فين يابنتي والناس هتقول علينا ايه
غرام: هو كل همكم الناس الناس هو في ايه وانا فين من الناس ارحموني بقي وسبوني في حالي
منال: طيب بس استني وكل حاجه هتتغير
غرام: اه وافضل قاعده لغاية ماالاقي المأذون جاي وابقي كدا ضعت بسببكم وهتكوني مرتاحه بقي علي كدا
منال: عيب ياغرام تتكلمي معايا بالطريقه دي
غرام: والله عيب الي انتو بتعملوه فيا انا
منال: هقوم اشوف مين الي علي الباب الي بقاله ساعه بيخبط وربنا يستر من ابوكي حاضر جايه مين
"ذهبت منال لتفتح باب المنزل وكان الطارق هاجر صديقه غرام"
هاجر: ايه ياقمر مش عاوزه تفتحي ولا ايه
منال: هاجر تعالي حبيبتي جيتي في وقتك
هاجر: في ايه ياطنط قلقتيني وفين غرام
منال: في اوضيتها ادخلي عقليها قبل ما ابوها يجي
هاجر: اعقلها من ايه ماتفهميني
منال: ادخلي ليها وهيا تقؤلك
"دلفت هاجر إلي غرفة غرام"
________________
"في الشركة الجديدة والخاصة باسد"
حاتم: ايه رأيك في الشركه عجبتك
أسد: ايوه موقعها حلو وكبيره ووحده واحده تكبر كمان
حاتم: انا واثق من كدا وبدل ماهو فرع انت هتخليه فروع وهتوسع المجال بذكائك وخبرتك
اسد: تسلم ياصاحبي عاوزين نشد حيلنا شويه والمناقصه الجاية ترسي علينا
حاتم: ماتقلقش احنا هنقدم اعلي سعر وفي حاجات هعملها بأذن الله تجيب نتيجه
عاصم: انا كلمت ياسر المحاسب يظبلنا الحسابات وانت هات الموظفين الي قلت عليهم ونشوف سكرتيره تظبط مواعيدك وانا هكون شويه هنا وشويه عند حاتم
حاتم: لا ماينفعش احنا كدا هنكون بنضحك علي نفسنا الشغل بيكون عاوز اهتمام واستقرار خليك هنا مع اسد ولو انا محتاجك معايا هقؤلك
عاصم: تمام طيب احنا عاملين اجتماع عشان نشوف الي جاي ونعمل كل الاجراءات بتاعتنا
اسد: اوكي وانا جاهز
حاتم: وانا كمان جاهز
عاصم: تمام ياله بينا
"بدأ كل من عاصم وأسد وحاتم الإجتماع وكانوا يناقشون في أمور العمل القادمة"
____________
"في غرفة غرام كانت تجلس مع هاجر صديقتها يتحدثون"
هاجر: مالك ياغرام وايه الي انتي بتعمليه ده
غرام: عوزاني افضل قاعده هنا بعد الي قؤلته
هاجر: تعرفي لو ابوكي شافك ممكن يقتلك فيها
غرام: اهون عليا الف مره احسن مااكون مرات الواد ده
هاجر: طيب خلينا نفكر بالعقل انتي هتمشي تروحي فين دلوقتي
غرام: هروح لعمي او اروح في اي مكان تاني انا بعد مااستني السنين دي كلها واسد يرجع اروح اتجوز غيره
"دلفت منال غرفة غرام واستمعت الي حديثها مع هاجر"
هاجر: وبعدين هنعمل ايه ياطنط في المشكله دي
منال: مش عارفه يابنتي حتي هو حالف عليا ماارن ولا اتكلم مع حد
غرام: ريحو نفسكم انا خلاص قررت
"أثناء حديثهم كان ايهاب يمر بجانب الغرفة واستمع اليهم ثم دلف إلي الغرفة بغضب"
ايهاب: وقررتي ايه بقي ياحيلة امك وابوكي انك تهربي زي الافلام ولا قررتي ايه
هاجر: ماتقصدش كدا ياعمو بالله عليك طول بالك
ايهاب: هاجر انا بعتبرك زي غرام عندي وللأسف مش هخليكي تمشي من هنا غير لما غرام ينكتب كتابها لاني عارف انك صحبتها وبتحبيها وهتروحي تقولي لاسد وانا مش عاوز مشاكل
هاجر: يعني حضرتك هتحبسني هنا
ايهاب: وكمان هاخد فونك لغاية بليل بس، وبعد كدا انتي حره يابنتي
"اخذ ايهاب الهاتف الخاص بهاجر منها"
هاجر: علي اساس اني ماليش اهل يسألو عليا ولا خطيب يرن عليا يشوفني روحت ولا لأ ولو مارديتش عليه هتلاقيه جاي هنا ويعرف بالي حضرتك هتعمله
ايهاب: انتي بتهدديني طيب خديه اهوه وروحي بس بالله لو عرفت انك كلمتي حد وقلتي الي عرفتيه مش هيحصلك طيب فهمتي
اخذت هاجر الهاتف وقالت: ان شاء الله خلي بالك من نفسك كويس ياغرام
__________
"ذهبت هاجر ولكن كان قلبها يؤلمها علي صديقتها وظلت تحدث نفسها طوال الطريق' ليه بيعمل فيها كدا ليه دي حتي غرام طيبه ومؤدبه اعمل ايه دلوقتي اكلم عاصم وهو يقول لأسد وانقظ صحبتي ولا اعمل ايه وبعدين هو يعني هيعملي ايه ايوه لازم اكلم عاصم هرن عليه واقؤله.
"كانت هاجر تحاول الاتصال بعاصم ولم تكن تنتبه إلى تلك السيارة القادمة بسرعه كبيرة، جاء شاب حاول لفت انتباها ولكن للأسف صدمتها السيارة وذهبت مسرعه والتف حولها الناس وقاموا بطلب الإسعاف لها"
___________
"في منزل بسيط وهو منزل هاجر كانت، والدتها قلقه كثيرا"
عماد: مالك ياناديه رايحه جايه كدا ليه في اي
ناديه: مش عارفه قلبي مقبوض وقلقانه
عماد: ليه بس صلي علي النبي كدا
ناديه: عليه افضل الصلاة والسلام بس حاسه ان في حاجه حصلت رنلي علي هاجر كدا طمني عليها
عماد: ياستي مش هيا قالتلك انها رايحه لغرام تطمن عليها عشان مش بتروح الشغل وكمان عشان وحشتها
ناديه: برضه رن عليها اطمن واقفل
عماد: حاضر ياام قلب ابيض وصافي
"عماد ونادية أشخاص طيبون كثيرا لايمتلكون غير هاجر التي جاءت بعد عناء السنين"
عماد: مابتردش ممكن عامله تلفونها صامت عشان تعرف تقعد مع صحبتها سبيها ولما تاخد بالها من التليفون هتكلمنا بطلي قلق بقي
ناديه: لا بنتي حصلها حاجه انا عارفه
عماد: طيب قومي بس اتوضي وصلي ركعتين وادعي ربنا ان قلقك ده يكون خير
ناديه: حاضر هقوم يارب اجعله خير
"قامت نادية تصلي وتتدعي ربها أن تكون ابنتها بخير"
__________
"في منزل ايهاب"
ايهاب: ياله اجهزو المأذون والعريس في الطريق
منال: تعالا ياايهاب عوزاك في كلمه ممكن
ايهاب: خير قولي
منال: لأ تعالا في اوضيتنا ممكن
"اخذت منال زوجها ودلفوا إلي غرفتهم"
ايهاب: اتفضلي اهو بقينا لوحدنا ممكن تقولي في ايه بسرعه قبل الناس ماتيجي
منال: انت بتعمل كده ليه في غرام عشان مش بنتك
حتي هيا بتسأل ليه بابا بيعمل فيا كدا
ايهاب: ايه الهبل الي انتي بتقؤليه ده ووطي صوتك البت تسمع وتبقي مصيبه
منال: ماهو بالعقل ماحدش يعمل كدا في بنته ضناه
ايهاب: اوعي اسمعك تقولي كدا فاهمه غرام بنتي انا مش بنت حد تاني انا الي ربيتها وكبرتها
منال: ولما انت زعلت كدا من الكلمتين دول بتعمل كدا ليه ارحمها وسيبها تختار ولو لمره واحده في حياتها
ايهاب: انا بختار ليها واحد يصونها ومايعرفش عنها حاجه اما اسد يعرف وهيجي يوم ويقؤلها وتبقي مصيبه والبت تتعب
منال: اسد راجل ويقدر يحافظ علي سر زي ده واظن انت عارف كدا كويس
ايهاب: حرام عليكي قلبتي المواجع ليه ارحمي
منال: عشان تفكر تاني قبل ماتضيعها وتظلمها انت كدا هتبقي ماحفظتش علي الامانه وربنا هيحاسبك
ايهاب: انا عارف ان اسد كويس بس حسام جدع
منال: تفتكر لما حسام يعرف مش هيعيرها ولا يكسرها
ايهاب: وهو هيعرف منين ولا ازاي بطلي هبل
منال: يسلام بسيطه انا خلصت وبرئت زمتي قدام ربنا وانت حر اعمل الي تعمله..
"تركته منال وذهبت لتري غرام "
_______
"علي جانب اخر في منزل حسام"
حسام: ماما بعد اذنك حطي فوني علي الشاحن علي ماالبس واجهزي ياله عشان معادنا
نجلاء: حاضر ياحبيبي بس انت مصمم برضه
حسام: خلاص ياماما ده موضوع مفروغ منه
نجلاء: ربنا يسعدك ياابني
"اخذت نجلاء هاتف حسام وبدأت في البحث علي شيء ما به"
حسين: بتعملي ايه يانجلاء في تليفون ابنك
نجلاء: بحطه علي الشاحن انت ماسمتعش ابنك وهو بيقولي، وبعدين هعمل بيه ايه يعني
حسين: طيب انتي نازله رايحه فين احنا خلاص همنشي اهوه عشان مانتأخرش
نجلاء: يعني هنروح علي العروسه من غير ورد ولا شوكولا دا عيب في حقنا
حسين: عندك حق بس خليها نجبها واحنا ماشين احسن
نجلاء: هنزل انا بسرعه اتفق واحنا ماشين نجبها علي ماحسام يجهز سلام بقي عشان ماتعطلنيش
"هرولت نجلاء سريعا للخارج وكأنها تريد فعل شيء ما"
____________
دمتم بخير
منتظره رأيكم في
غرام الاسد
اللهم صلِّ وسلم وبارك علي سيدنا محمد وعلى آله وأصحابه وسلم تسليما كثيرا
____________
غرام الاسد
البارت18
___________
"في منزل سعد المنشاوي كان يجلس هو وسعاد بغرفه الجلوس يتحدثون إلي أن استمعوا الي صوت قادم من غرفه اسد.
دخل سعد وزوجته إلي غرفة اسد وجدوه يقوم بإرتداء ملابسه بسرعه كبيره"
سعد: في اي يااسد
سعاد: مالك يااسد بتلبس بسرعه كدا ليه انت رايح فين
اسد: رايح اشوف الي واخدها عافيه وماحدش هامه
سعد: تقصد مين يااسد في ايه
اسد: اقصد ان انهارده كتب كتاب غرام ومن غير ماحد يعرف ولا يعزمو حد خالص من جيرانهم ولا اصحابها كأنها مش بني ادمه ولا مالهاش حد يقف لها وكمان عشان ماحدش يبلغنا ونروح نهدها وبالسهوله كدا حد تاني ياخدها مني لأ انا لغاية كدا جبت اخري وانتهت خلاص عن اذنكم
سعد: استني بس يااسد انت جبت الكلام ده منين
اسد: الي قالي قالي وخلاص وانا دلوقتي في غرام
"خرج اسد سريعا دون أن يستمع إلي كلمة أخري"
سعاد: روح وراه ياسعد ماتسبهوش خليك معاه يارب جيب العواقب سليمه وعديها علي خير
"خرج سعد مسرعا وراء اسد"
_____________
"في منزل ايهاب وتحديدا في غرفته
خرجت منال من الغرفة وجدت غرام تقف امامها "
منال: غرام انت واقفه كدا ليه ولا واقفه كدا من امتي
ومالك بتعيطي بالطريقه دي كدا ليه حبيبتي اتكلمي
غرام: طيب كنتو قولو اني بقيت حمل عليكو وكنت سحبت نفسي ومشيت بدل الظلم والوجع ده
منال: انتي فاهمه غلط حبيبتي اهدي انتي بتتكلمي عن ايه اصلا فهميني في ايه
غرام: خلصت الحكاية وشكرا ليكم لغاية كدا
منال: غرام غرام تعالي هنا رايحه فين وسيباني غراااااام
"فتحت غرام باب المنزل وركضت بأقصي سرعة ممكنة وقالت في نفسها" كان لازم اعرف من الاول اني مش بنته كان لازم افهم من قساوته معايا يارب يعني انا ماليش اهل طيب يا ترى انا مين ومين ابويا وامي اااه ياقلبي يالي عمرك ماشوفت الفرح ولا شكلي هتشوفه اروح فين وانا ماعتش ليا حد، يارب انا ماليش غيرك دبرلي اموري يارب، انا ابقي مين وبنت مين كانو مستكترين عليا حبك دلوقتي انا لا ليك ولا لغيرك ولا هكون لحد، يارب يارب "ظلت تركض وتبعد وتمشي في طريق هي لا تعرف نهاية كل هذا"
"وقف شاب امامها وبدأ في مدايقتها"
الشاب: الحلوه رايحه فين ممكن اوصلها
غرام: بعد اذنك سبني في حالي وامشي
الشاب: يعني انتي شكلك كيوت وطيبه اووي مين زعلك وانا اجيبلك اجله
غرام: يوووه سبني في حالي بدل ما الم عليك الناس
الشاب: هو انتي مش ملاحظه ان الطريق مافيهوش غيرنا ولا ايه ياقمر هو حبيبك زعلك اكيد مايستهلكيش
غرام: لا انت مش محترم بقي
الشاب: فعلا مش محترم تعالي بقي
"قام الشاب بأمساكها وحاول ادخالها الي السياره بعنف اما هي كانت تصرخ بكل قوه ممكنه واخيرا تمكنت من ضربه والهروب منه"
________
"كان يقود سيارته وكانت والدته تجلس بجواره يتناقشون في أمور العمل"
فاطمه: احمد اسمع كلامي ياابني وفكر كويس
احمد: ياست الكل دي خطوه حلوه ليا
فاطمه: ابني مالكش دعوه بالناس الكبار دول
احمد: انتي محسساني اني برمي نفسي في النار يا امي ده شغل شغل
فاطمه: ماهو الشغل ده معاهم ولو حصلت حاجه هتروح في الرجلين ياحبيبي
احمد: حبيبتي ماتخفيش ادعيلي بس دي فرصه حلوه والفرصه مش بتيجي كتير هيا مره واحده في العمر
"كان احمد يقود سيارته ويتحدث مع والدته وفاجئه ضرب أحدا ما بسيارته"
فاطمه: حاسب حاسب براحه يااحمد خد بالك يالهوي يالهوي خبط البت هنعمل ايه دلوقتي انزل بسرعه شوفها يكون جرالها حاجه انزل بسرعه قبل ماحد يشوفنا وتبقي مصيبه واحنا مش ناقصين
احمد: لا نمشي بسرعه واي حد ينقذها دي هتبقي مشكله وفيها سين وجيم وسجن كمان
فاطمه: انت بتستهبل شيلها بسرعه وهاتها العربيه ناخدها معانا نعالجها
"وقف احمد بسيارته وهرول منها مسرعا يتفقدها وبعد ذلك قام بادخلها إلي السياره وانطلق مسرعا قبل أن يراه أحد"
____________
في منزل ايهاب
ايهاب: عجبك كدا منك لله ياشيخه كان لازم تفتحي الموضوع دلوقتي اعمل ايه ولا ادور عليها فين
منال: انت السبب انت الي عملت فينا كدا
ايهاب: وانا الي قؤلتلك تعالي اتكلمي وخليها تسمع صح
منال: كنت عاوزه انقذها من ظلمك وافوقك بس للاسف خسرت بنتي الله يسامحك
"وصل اسد منزل عمه وجد باب المنزل مفتوح علي مصراعيه وزوجة عمه تتناقش مع عمه بصوت مرتفع"
اسد: هو في ايه انتو سايبين الباب مفتوح وبتتخانقو ليه فين غرام ياعمي وايه الي عرفته ده بقي عملت الحوار دا كله عشان تجوزها من ورانا انت مفكر اني هسكت ولا اضيعها من ايدي طيب انت مش عارف قيمتها وعمال تظلم فيها كنت سيبتها مع عمها يحافظ عليها ويصونها ياشيخ اتقي الله
منال: راحت يااسد، قلبك ضاع مننا يااسد
اسد: انتي بتقولي ايه يعني ايه فين غرام انطقو حد يتكلم ماتسكتوش كدا
"وصل سعد الي منزل ايهاب بعد وصول اسد"
سعد: اتكلم ياايهاب باشا فين الامانه
منال: غرام عرفت كل حاجه ومشيت
اسد: وانتو سبتوها تمشي كدا بالساهل حد يفهمنا
منال: سمعتني وانا بكلم ايهاب وطلعت تجري علي مانزلت اجري وراها ملقيتهاش هتولي بنتي عاوزه بنتي
سعد: حسبنا الله ونعم الوكيل فيك ياايهاب
اسد: وربي لو مالقيتها ماهرحم حد اي حد
" نزل اسد بأقصي سرعة لديه واستقل سيارته بحثا عنها وظل يحدث نفسه بجنون" انتى فين يا قلب اسد يارب الاقيها وترجع ليا وانا مش هخلي حد يقرب منها
"اخذ اسد هاتفه وقام بالاتصال علي عاصم"
عاصم: فينك يا اسد ماجيتش ليه مش اتفقنا نسهر سوا
اسد: اسمعني ياعاصم رن علي هاجر وشوف غرام عندها ولا لأ وكلمني بسرعه علي مااعمل كام تليفون
عاصم: في ايه يااسد قلقتني
اسد: بعدين بس رد عليا علطول
عاصم: حاضر سلام
_________
"علي جانب اخر وصل حسام ووالديه إلي منزل غرام"
حسام: هو في ايه، ايه دا يابابا دا مافيش حتي فرع نور
حسين: مش عارف ياابني تعالا ننزل نشوف
نجلاء: فكرو تاني ياجماعه بدل ماننزل ونتهزق تاني
حسين: يوووه ياستي اسكتي وانزلي وبطلي كلامك ده
نجلاء: طيب انتو احرار بقي
حسام: طيب يبقو يعملوها تاني كدا وانا هعرفهم اصلهم
"صعد حسام ووالديه إلي منزل ايهاب"
__________
"نعود مره اخري لمنزل ايهاب"
سعد: ارتحت ياايهاب انا عاوزك تكون مبسوط علي الاخر وافرح من جواك
منال: هنعمل ايه دلوقتي، سعد هاتلي بنتي بالله عليك
سعد: اجبها انا منين دلوقتي منك لله ياشيخ
ايهاب: سعد كفايه بقي
سعد: لأ مش كفاية لازم تحس بالوجع الي انت عملته فينا انا هقوم ادور عليها في كل مكان ممكن تروحه ولو رجعت كلميني يامنال
منال: ترجع ياريت ترجع
حسين: السلام عليكم ايه ياجماعه في ايه دا حتي مافيش فرع نور هو ده مش كتب كتاب برضه
سعد: الله الله كتب كتاب مره واحده ربنا ينتقم منك ياايهاب ويوريك في منامك انك كنت ظالم ومفتري
ايهاب: خلصنا بقي سبني وارحمني
سعد: اطلب الرحمه من ربنا مش مني
حسام: حد يفهمنا ياجماعه مالك ياعمي ايهاب مش المفروض ان في ليله كبيره هتتعمل
سعد: واد انت مش احنا رفضناك مره، ليك عين تيجي تاني
حسين: اظن الكلام ده مالهوش لازمه ياسعد ولا ايه ياايهاب ماتقول لاخوك
سعد: لايقولي ولايقؤلك ارتاح بقي وامشي لان مافيش جواز وياريت المره دي تفهمو
حسين: يعني ايه الكلام ده ياايهاب اتكلم رد مش انت الي رجعت تتصل عليا وحدت اليوم ده وفضلت تقولي البنت بنتك والجوازه مضمونه رد ساكت ليه فاهمني
سعد: كمان هو الي كلمك واتفق، مني له مني له
نجلاء: في ايه يامنال غرام مالها
منال: مااعرفش روحو اسألو الي اتفق معاكم
نجلاء: حبيبتي طيب طمنينا عليها بس
منال: سبوني في حالي، ماحدش ليه دعوة بيا سيبوني
حسين: كفيانا لحد كدا يانجلاء ياله بينا وياريت تنسي ان ليك صاحب اسمه حسين
منال: يارب يارب رجعلي بنتي يارب
"وضعت منال رأسها بين يديها وظلت تبكي"
______________
"فى سيارة اسد"
اسد: ايه ياعاصم في ايه مارديتش عليا ليه
عاصم: هاجر مابتردش عليا ودي اول مره اكيد في حاجه وانا في الطريق ورايح ليها البيت اهوه
اسد: طيب ابقي رد عليا فاهم ماتغبش
عاصم: طيب فهمني في ايه
اسد: لما تكلمني هبقي اقؤلك سلام
____________
"المشفي"
الممرضه: حمدالله علي سلامتك ياقمر
هاجر: انا فين
الممرضه: انتي هنا في المستشفى
هاجر: ايه حصل مين جابني هنا
الممرضه: في عربيه خبطتك وجرت وناس ولاد حلال جابوكي هنا وانتي كويسه الحمد لله يادوب بس شويه كسور واحنا اطمنا عليكي ياريت تطمني اهلك لان الفون ده من ساعت ماجيتي مابطلش رن
هاجر: حاضر هو انا ممكن امشي دلوقتي
الممرضه: للاسف لأ، لان زي ماقولتلك في كسور
هاجر: شكرا ربنا يجازيكي خير حبيبتي
الممرضه: حبيبتي ده شغلي مافيش شكر وبعدين انتي زي اختي بالظبط ربنا يتم شفاكي ولو عاوزه حاجه رني الجرس بس وانا اجيلك اسيبك بقي ترتاحي شويه
هاجر: حاضر حبيبتي، ياتري ياغرام عامله ايه دلوقتي
"ظلت هاجر علي هذا الحال كثيرا وهي تفكر في حال صديقتها وتحدث نفسها" يا ترى ياغرام كتبو كتابك ولا عملتي ايه
____________
"في منزل هاجر"
ناديه: البت اتاخرت رن عليها شوفها فين
عماد: حاضر هرن بس اهدي انتي عارفه لما بتقعد هيا وغرام بينسو الوقت
ناديه: ماليش دعوه رن اطمن بس لما تجيلي واشوفها
عماد: ياستي اصبري هرن اهوه، اهو جرس الباب بيرن قومي شوفي وبراحه عليها
ناديه: براحه بعد القلق ده كله براحه ايه دا انا هكلها
"نهضت ناديه لتفتح باب المنزل وكان الطارق عاصم"
عاصم: في ايه ياامي مش عاوزاني اجي ولا ايه
ناديه: لا ابدا ماتقؤلش كدا اتفضل هيا البت هاجر معاك
عاصم: معايا فين دا انا جاي اسال عليها لان برن عليها فونها مقفول
عماد: انا كمان برن عليها من بدري اوووي مش بترد
ناديه: انا كان قلبي حاسس شوفولي بنتي فين
عماد: هيا قالت انها رايحه لغرام صحبتها ولسه ماجيتش
عاصم: انا كدا بدأت اقلق دا انا جاي اسأل علي غرام
ناديه: ليه غرام فين هيا كمان مش لقينها العيال جرالهم ايه ياتري انتي فين يابنتي
عاصم: ايه ده دي هاجر بترن ثواني بقي عشان اعرف اتكلم، الو انتي فين ياهاجر
هاجر: براحه بس عشان ماتتخضش
عاصم: يابنتي انطقي
هاجر: انا في المستشفي
عاصم: ليه ياهاجر في المستشفي حصل اي
ناديه: مستشفى يالهوي ياني ليه
هاجر: ايه الصوت ده انت عند بابا
عاصم: ايوه اخلصي مستشفى ايه، وليه
هاجر: عملت حادثه ومش هقدر اخرج
عاصم: العنوان بسرعه
"املت هاجر عنوان المشفي لعاصم وقالت: ماتخليش بابا وماما يقلقو انا بخير
ناديه: بنتي ودوني عند بنتي
عماد: ياله بينا بسرعه
"هرول عاصم ووالدي هاجر إلي المشفي لها
وقام عاصم بالأتصال علي أسد"
عاصم: ايوه يا اسد انا رايح المستشفى لهاجر
انقبض قلب اسد وقال: ليه في ايه
عاصم: بتقول حادثه وانا في الطريق اهوه
اسد: طيب هيا غرام معاها
عاصم: مش عارف هكلمك وانا هناك واقؤلك
اسد: لا اديني العنوان وانا اجيلك
عاصم: حاضر..........
"اخذ اسد العنوان واتجه إلى المشفي"
_______________
"في الطريق قام سعد بالأتصال علي أسد"
سعد: ايوه يا حبيبي وصلت لحاجه
اسد: للاسف لأ
سعد: اسأل في المستشفيات والاقسام
اسد: هو عاصم كلمني دلوقتي وبيقؤلي ان خطييته عملت حادثه وانا رايح عنده اهوه وربنا يستر وتكون غرام كويسه وموجوده معاها
سعد: طيب انا جايلك في الطريق
اسد: لا ياحبيبي روح انت وطمن ماما وانا لما اوصل لحاجه هكلمك اطمنك
سعد: يارب تلاقيها بخير خد بالك من نفسك
اسد: حاضر سلام
__________
" وصل عاصم وولدي هاجر الي المشفي"
عاصم: لو سمحتي في حاله جت هنا بسبب حادثه
الشخص: بإسم ايه
عاصم: هاجر عماد بس ماكنش حد معاها
الشخص: الدور تاني اول غرفه علي اليمين
عاصم: شكرا
"ذهب عاصم ووالدي هاجر الي الغرفه التي تجلس بها هاجر"
ناديه: بنتي حبيبتي ايه الي حصلك
هاجر: حبيبتي اهدي مافيش حاجه انا بخير اهوه
عماد: حبيبتي الحمد لله انك بخير
عاصم: ايه الي حصل ياهاجر
هاجر: مافيش كنت نازله من عند غرام وماشيه سرحانه وعربيه ماشيه بسرعه مااختش بالي منها خبطتني ماحستش بنفسي غير وانا هنا
عاصم: يعني غرام مش معاكي هنا
هاجر: لأ انا نزلت لوحدي ليه بتسأل علي غرام هيا فين
"وصل اسد إلي المشفي وصعد إلي غرفة هاجر"
اسد: السلام عليكم اذيك ياهاجر الف سلامة عليكي فين غرام
عاصم: بتقؤلك نزلت لوحدها ومش معاها هنا
اسد: يعني ايه ماتعرفيش حاجه عنها خالص
هاجر: لأ هيا غرام جرالها ايه هيا اه كانت بتلم هدومها بس ابوها وقفلها
اسد: لو سمحتي ممكن تقولي كل الي تعرفيه
"قصت هاجر لهم منذ وصولها منزل غرام وحديث والدها معها لوقتهم هذا"
عاصم: في ايه يااسد
اسد: حمدالله على السلامه ياهاجر عن اذنكم
"خرج اسد من الغرفة"
عاصم: استني بس يااسد في ايه فهمني
اسد: غرام سابت البيت وماحدش يعرف طريقها
عاصم: هيا وصلت لكدا طيب ياله ياصاحبي ندور عليها سوا وان شاء الله نلاقيها
اسد: لا خليك هنا جمب خطيبتك ولما اعرف مكانها هكلمك واقولك
عاصم: ياله يااسد من غير كلام
"دلف عاصم إلي غرفة هاجر وأستاذن أن يغادر مع اسد للبحث عن غرام"
عاصم: ابقي طمنيني عليكي ياقلبي
هاجر: حاضر، عاصم ابقي طمني لو عرفتو حاجه
عاصم: حاضر وخدي بالك من نفسك.
"خرج عاصم وأسد للبحث عن غرام"
______________
دمتم بخير
منتظرة رأيكم في
غرام الاسد
اللهم صلِّ وسلم وبارك علي سيدنا ونبينا وحبيبنا وشفيعنا وقائدنا وقدوتنا وقرة اعيننا محمد صلى الله عليه وسلم تسليما كثيرا
-------------
غرام الاسد
البارت19
-------------
في سيارة احمد
احمد: وبعدين ياماما
فاطمه: وبعدين في ايه يالي دايما جايبي المصايب
احمد: اعمل اي يعني ماهيا الي جرت علي العربيه هو انا الي روحت خبطها بمزاجي
فاطمه: خلاص اسكت وربنا يستر
احمد: تفتكري هتموت، دي تبقي مصيبه انا مش ناقص
فاطمه: ياابني بلاش كلامك الوحش ده وادعي ان ربنا يسترها وتعدي علي خير
احمد: يارب طيب هنروح فين دلوقتي
فاطمه: يعني ايه هنروح علي فين
احمد: يعني لو روحنا مستشفي كبيره او خاصه، اولا فيها سين وجيم وثانيا معناش فلوس تكفي المستشفيات الكبيره دي
فاطمه: هنوديها في المستشفي اللي اختك شغاله فيها اهي صغيره والدكتور اللي هناك بيعز اختك وربنا يستر ومش هيسأل واختك هتقوله دي قريبتنا
احمد: تصدقي انا نسيت خالص، طيب كلميها وعرفيها
"قامت فاطمه بالأتصال علي ابنتها وسردت لها ما حدث وابلغتها انها ستأتي إلي المشفي مع احمد ، وبعد فترة وصلوا إلي المشفي وكانت سلمي بأنتظارهم واخذوها إلي غرفة الطوارئ لمعالجتها"
___________
"علي ناحيه اخري وتحديدا في سيارة حسام"
نجلاء: انا قؤلتلكم بلاها الجوازه دي ماسمعتوش كلامي وفضلتو مصممين عجبكم كدا
حسين: خلاص يانجلاء كفيانا كلامك ده وارحمينا
حسام: ممكن افهم الي حصل ده، مش انت قلت انك متأكد من صاحبك
حسين: ايوه وهو الي كلمني وقالي تعالا حسام لغرام، ده الي خلاني صالحته وجيت وعرفتك بالمكالمه
حسام: اومال اي الي عملوه ده والست غرام مشيت راحت فين ولا كلام امها ولا عمها اللي واقفلنا في الزور
نجلاء: قلت من الاول بلاش عِند، البت شكلها مغصوبه علي الجوازه
حسين بغضب: بس بقي فهمينا انتي مع مين فينا
نجلاء: مع الحق والاصول والدين مش عشان سعادة ابني هدمر انسانه، الرحمه
حسام: بقي كدا يعني من الأخر انتي معاها تمام اوي، انا عارف ازاي أخليها تندم انها عملت كدا معايا لتاني مره
نجلاء: ربنا يهديك وترجع لعقلك قبل ماتندم ويحصل حاجه تفوقك ياابني
"وصلوا إلي المنزل وصعدو جميعاً ودلف حسام إلي غرفته وقام بالأتصال علي شخص ما"
-----------------
"وصل سعد الي منزله ووجد زوجته تجلس في غرفه الجلوس بإنتظاره"
سعاد: الله فين اسد وغرام انت ماجبتهاش ليه
سعد بحزن: اجيب مين بس ياسعاد
سعاد: مالك ياسعد اتكلم علطول في ايه ومالك زعلان كدا
جلس سعد بحزن وقال: غرام عرفت كل حاجه
فزعت سعاد وتكلمت بحزن: عرفت، عرفت ايه بالظبط
سعد: عرفت انها مش بنتهم
سعاد: ياسعد اتكلم علطول هو انا كل شويه هسألك
سعد: منال كانت عاوزه تفوق ايهاب علي اخر لحظه وتنقذ غرام من الجوازه دي وبتقؤله انت بتعمل فيها كدا عشان هيا مش بنتك والمناشقه بينهم زادت وغرام سمعت كلامهم وسابتلهم البيت ومشيت
سعاد: حبيبة قلبي يابنتي ياتري انتي فين، طيب واسد
سعد: اسد اتجنن ونزل جري يدور عليها وانا عارف انه زمانه بيأنب نفسه انه سابها عندهم
سعاد: يارب يلاقيها البت دي ماشفتش يوم حلو
سعد: اسد قالها زمان بلاش يابابا تسيبها عندهم وانا اللي قلت لا نسيبها، انا كمان ظلمتها
سعاد بحزن: ادعيلها ياسعد ان ربنا يحفظها ونلاقيها
"ظل سعد جالس حزيناً علي حال غرام أما سعاد كانت بجواره تواسيه وتبكي علي ما وصلت إليه غرام"
--------------
"في المشفي خرج الطبيب من غرفه الطوارئ وركض إليه احمد ووالدته حتي يطمئنو عليها"
احمد: خير يا دكتور
الطبيب: للأسف عندها ارتاج في المخ وكسر في ايديها اليمين هو ايه اللي حصل بالظبط
بدء الارتباك يظهر علي وجه احمد عند سماع هذا ونظر إلي والدته بخوف
فاطمة بخوف وقلق: ولا حاجه يادكتور هيا كانت نازله جري ووقعت علي دماغها مش اكتر
احمد: ممكن تطمنا عليها
الطبيب: احنا نقلنها الأوضه ولما تفوق هنعرف نقيم الوضع ، بعد اذنكم
"ذهب الطبيب وجلس احمد وولدته علي اقرب مقعد"
احمد: وبعدين ياماما هنعمل ايه
فاطمه: مش عارفه هو احنا كنا ناقصين احنا فينا الي مكفينا يارب استر
احمد: خلاص ياماما وطي صوتك تعالي نوديها مستشفى كبيره ونسيبها ونمشي وهما يقدرو يوصلو لأهلها، وماحدش هيعرفنا
فاطمه: حرام ياابني لازم ناخد بالنا منها ونعالجها وبعد ماتفوق نوصلها المكان الي هيا عوزاه وبعدين ما احنا في مستشفى اهوه هو لازم كبيره يعني
احمد: وبعدين، اهلها هيسبونا في حالنا بعد كدا
فاطمه: بس تفوق الاول وتبقي كويسه واحنا نتأسف ليهم واللي هما عاوزينه نعملوه دا لولا ستر ربنا وحبه لينا، والدكتور الي ساعدنا وطمنا كان زمنا في السجن، وسين وجيم، وكل ده بسبب تهورك وجريك بالعربيه
احمد: خلاص ياماما ابوس ايدك انا ضميري واجعني ومش عارف افكر
فاطمه: بس ادعي ربنا انها تفوق وتكون كويسه ونطمن عليها، والدكتور مايسألش اختك تاني
احمد: ان شاء الله هتفوق وتبقي كويسه، واختي هفهمها تقوله ايه
"ظل احمد ووالدته يتحدثون وظلت والدته تدعي أن تمر الايام القادمه علي خير"
-----------------
"في صباح يوم جديد وتحديدا في سياره اسد"
عاصم: اسد كفايه كدا تعالا رَوح ارتاح شويه، انت من إمبارح بتلف وشكلك تعبت
اسد بحزن: ارتاح وغرام بعيد عني، ارتاح وانا مش عارف غرام فيها ايه، ارتاح وانا مش عارف غرام مرتاحه ولا لأ، لو تعبت روح انت، ولا اقؤلك روح لخطيبتك ماتسبهاش لوحدها
عاصم: اخص عليك يااسد، دا انت قبل ماتكون صاحبي انت اخويا ولازم اقف معاك
اسد: تعبان اوي كان نفسي افرحها، كان نفسي اشوف الفرحه في عنيها كلنا ظلمناها وهيا ماتستاهلش كدا
عاصم: بلاش الكلام دا يااسد ان شاء الله هتلاقيها وتفرحو أهدأ حبيبي
اسد: صعب اوي حاسس اني متكتف، مش عارف اخد نَفسي، فينك ياغرام، انا كنت سلبي زيهم المفروض كنت حميتك، انا مااستهلش حبك ياغراااااااااااام
" ظل اسد حزين وتائه وكان عاصم بجواره لمواسته وتهدئته وبعد فترة قام اسد بتشغيل السيارة والبحث عن غرام من جديد"
----------------
في المستشفي عند هاجر
ناديه: صباح الخير حبيبتي
هاجر بحزن: صباح الخير ياماما
ناديه: عامله ايه انهارده
هاجر: الحمدلله اهو عايشه
ناديه: يابنتي ليه بس كدا
هاجر بدموع: غرام ياماما، يعني انتي ماسمعتيش اسد يقول سابت البيت ومشيت، ياتري ياقلبي انتي فين
ناديه: حبيبتي اهدي انتي تعبانه وان شاء الله ترجع
هاجر: يارب، يارب ياماما
عماد: ايوه كده حبيبتي قولي يارب
هاجر: صعبانه عليا اوي يابابا ماحدش كان حنين عليها، الكل كان قاصد يوجعها
عماد: مهما كان دول اهلها ياهاجر وهما عارفين مصلحتها
هاجر: يعني مصلحتي مع حد بكرهه تفتكر ان ده تفكير سليم ترمي بنتك لاي حد وغصب عنها
ناديه: طيب اهدي وادعيلها
"دقائق ودق الباب ودلفت الممرضة للاطمئنان علي هاجر"
الممرضه: صباح الخير عامله ايه انهارده
هاجر: الحمد لله
الممرضه: ياله ياقمر افطري عشان تاخدي العلاج
هاجر: لا انا هروح
الممرضه: ازاي يعني
هاجر: زي الناس هروح واخد العلاج في البيت
ناديه: بس يابنتي كدا غلط
هاجر: خلاص ياماما مش هقعد هنا
"ظلت الممرضة ووالدته هاجر يحاولون إقناعها بالبقاء ولكن أصرت علي الذهاب وبالفعل غادرت إلي المنزل واكملت باقى العلاج هناك"
-----------------
"في منزل إيهاب وتحديدا في غرفه غرام"
استيقظت منال ووجدت نفسها نائمة في فراش غرام وبدأت في تذكر ماحدث ليلة امس كانت حزينه وأنهمرت دموعها بشده لانها كانت سبب من اسباب ذهاب غرام من المنزل، بدأ صوت بكاءها وشهقاتها يعلو وسمعها ايهاب وذهب إليها"
ايهاب: منال اهدي هتتعبي كدا
منال بغضب: اطلع بره سبني لوحدي
ايهاب: طيب بس اهدي وانا همشي
منال: مش عاوزه اسمع صوتك انت السبب، انت سبب كل حاجه وحشه كل دمعه كانت بتنزل منها كل قهر هيا كانت فيه
ايهاب: كنت عاوز حد يصونها
منال: كداب انت طول عمرك بتحب مصلحتك وبس، اناني دكتاتوري
ايهاب: ياااه كل دا فيه
منال: انت فيك جبروت مش في حد منك لله لا هسامحك ولا اي حد مسامحك غير غضب ربنا
ايهاب: انا اسف، اسف
"تركها إيهاب وغادر وهو حزين وذهب إلي المعرض الخاص به وبعد فترة وصل ودلف إلي مكتبه وجلس ووضع يديه علي رأسه وبدأ يفكر في كل ما حدث"
-------------------
في المشفي وتحديدا عند سلمي
"جاءت إليها زميلتها لتبلغها بأن الطبيب يريدها بالمكتب وبالفعل ذهبت إليه"
الطبيب: تعالي ياسلمي اتفضلي
سلمي: حضرتك بعتلي
الطبيب: ايوه عاوزه اسألك علي حاجه بس خليكي صريحه معايا
سلمي: اتفضل يادكتور حضرتك عارف اني مش بحب الكدب
الطبيب: الحاله الي جت امبارح قريبتك فعلا
سلمي: ايوه يادكتور حضرتك مش مصدقني
الطبيب: طيب ليه حاسس ان فيه مشكله وان اخزوكي قلقان ووالدتك برضه
سلمي: عشان بس هيا كانت عندنا وكدا وخايفين من رد فعل خالي مش اكتر
الطبيب: ماشي ياسلمي ويارب ماتكونيش بتكدبي
"ارتبكت سلمي وقالت: حضرتك عاوز حاجه مني ولا اروح اشوف الحاله واتابعها
الطبيب: لا اتفضلي انتي
" ذهبت سلمى وكان قلبها علي وشك التوقف من معرفة الطبيب بما حدث ، وكانت ستكون مشكله إليها"
-------------
سلمي بنوته رقيقه ملامحها هادئه تعمل ممرضه في مشفي صغيره والكل يحبها ويحترمها تملك من العمر ٢٦سنه.
-----------------
"في شركة حاتم وتحديدا مكتبه كان حاتم يقوم بمراجعة بعض الأوراق الهامة بالعمل دقائق ورن هاتفه "
حاتم: الو فينك ياعاصم انت ماجيتش الشركه ولا ايه
عاصم: لا ياحاتم ومش هقدر اجي اسف في مشكله
حاتم: ولا يهمك بس في ايه وانت فين وانا اجيلك
عاصم: لا ياحبيبي شكرا بس المشكله مع اسد
حاتم: طمني في ايه انتو كويسين
عاصم: الحمد لله بس مشاكل عائليه عند اسد وان شاء الله هاجي الشركه واتكلم معاك
حاتم: ماشي ياعاصم ولو في اي حاجه او عاوزين اي حاجه كلموني علطول
عاصم: حاضر ياغالي سلام
"اغلق حاتم الهاتف واستكمل عمله وهو حزين علي ما وصل إليه اسد"
-------------
"في مكتب حسام كان يتحدث مع ندي علي الهاتف"
ندي: اي دا العريس بيكلمني
حسام: بلا عريس بلا زفت
ندي: لا اله الا الله مالك ياابني ايه ام الجوازه الفقر دي
حسام: هيا فقر بعقل دي فقر ونحس
ندي: ليه ياكئيب حصل ايه
حسام: ولا حاجه غير انها سابت البيت ومشيت
ندي: بتهزر صح
حسام: هيا دي فيها هزار ياشيخه عروسه فقر
ندي: قولتلك وماصدقتنيش
حسام: وتفتكري اني هسيبها والله ابدا انا هعرفها انها جت علي الانسان الغلط
ندي: طيب اهدي بس وبعد الشغل نتقابل ونتكلم سلام
حسام: سلام
"اغلق حسام الهاتف وظل غاضباً من تصرفات غرام معه وبدأ غضبه يزداد كلما تذكر انها تحب اسد"
--------------------
"بعد مرور ثلاث ايام"
في المشفي وتحديدا عند فاطمة
قامت فاطمة وتوضئت لتصلي وتدعي ربها بأن يكون القادم خير وأن تفيق الفتاه وتكون بخير بعد فترة أنهت صلاتها ودلفت إلي غرفة الفتاة
وجدتها تقوم بفتح عيونها وبدأت في إصدار أصوات متوجعه ذهبت فاطمة الي سلمي سريعاً حتي تبلغها بإفاقة الفتاه وأن تذهب لتجلب الطبيب وبالفعل ذهبت سلمي لجلب الطبيب وبعد ذلك دلفوا الي الغرفة"
الطبيب: صباح الخير عامله ايه
غرام: انت مين اه اه انا مالي واي جابني هنا
الطبيب: حضرتك وقعتي من علي السلم وقرايبك جبوكي هنا
غرام: ومين قرايبي اه "وبدأت الفتاه تتوجع من رأسها"
الطبيب: حاسه بي ايه
غرام: دماغي وجعاني اووي ومش فاكره حد، مين دول
"علم الطبيب انها تعاني من فقدان الذاكرة ، بدأ أن يسألها عن بعض الأشياء ولكن هي لا تتذكر شيئا، بعد ذلك اخبرها الطبيب بالوضع"
فاطمه: يعني ايه يادكتور والذاكره دي هترجع امتي
الدكتور: دي في علم الغيب شهر اتنين سنه لازم الاهتمام والمراعاه
"استأذن الطبيب وذهب"
احمد: ماما احنا ناخدها البيت وناخد بالنا منها هناك واهي سلمي هتكون معانا
فاطمه: هسأل الدكتور ولو نفع ناخدها ياابني واهتم بيها عندنا من اكل لعلاج الفتره اللي اختك هتكون فيها هنا، وربك يسترها
------------
"في منزل هاجر كانت تجلس علي فراشها حزينه وتبكي وبعد دقائق رن هاتفها"
عاصم: حبيبتي عامله ايه
هاجر: الحمد لله
عاصم: حاسه براحه شويه ولا لأ
هاجر: راحه ازاي وغرام ماحدش عارف هيا فين
عاصم: حبيبة قلبي ان شاء الله هتكون كويسه
هاجر بحزن: ان شاء الله
عاصم: حبيبتي خدي بالك من نفسك وخدي علاجك وسامحيني اني ماجيتش روحتك
هاجر: لا ياعاصم خليك جمب اسد ودور علي غرام
عاصم: حاضر حبيبتي ولو عاوزه اي حاجه كلميني
هاجر: حاضر
""اغلقت هاجر الهاتف وظلت حزينه وتبكي علي بعد غرام"
--------------
بلاش تم ياجماعه قدرو تعبي
منتظره تعليقاتكم وقولولي رأيكم في الروايه
دمتم بخير
غرام الاسد
اللهم صلِّ وسلم وبارك علي سيدنا ونبينا وحبيبنا وشفيعنا وقائدنا وقدوتنا محمد رسول الله
______________
غرام الاسد
البارت20
_______________
"بعد مرور فتره "
في أحدي المناطق الهاديه والمتوسطه
يوجد منزل متوسط الحال"
كانت تجلس غرام في غرفه صغيره في منزل فاطمه شارده، وبعد دقائق دق الباب ودلفت سلمي لتعطيها الدواء"
سلمي: ممكن ادخل
غرام: اتفضلي حبيبتي
سلمي: حبيبتي عامله اي انهارده
غرام: الحمد لله
سلمي: بقؤلك ايه رأيك اختارلك اسم انا من امبارح بفكر نسميكي اي فكرت ولقيت اسم حلو اووي
غرام: شكرا حبيبتي
سلمي: حبيبتي انتي اختي الي ربنا مارزقنيش بيها مش عاوزه تعرفي الاسم ولا ايه
غرام: لا طبعا حابه اعرف
سلمي: ملاك لان انتي شبه الملايكه
ملاك: الله حلو اوى ربنا يخليكي ليا
سلمي: حبيبتي انتي ياملاك ياله بقي عشان تاخدي الدوا
ملاك: هو انا هفضل اخد دوا كتير كدا
سلمي: معلش حبيبتي عشان تخفي
ملاك: طيب انا هفتكر امتي انا بقالي فتره كبيره هنا من ساعت ماجبتوني من المستشفي
سلمي: حبيبتي بلاش استعجال ولازم نفسيتك تكون حلوه الدكتور كان خايف من كدا برضه وماكنش عاوزك تخرجي، واصلا كتبلك خروج معانا بالعافيه وسابك لما قؤلتله اني هاخد بالي منك، لازم بقي تاخدي الدوا
ملاك: يعني في امل اني افتكر
سلمي: اكيد حبيبتي بس المهم ماتحوليش تجهدي نفسك في التفكير وسيبي كل حاجه علي ربنا اتوكلي عليه
ملاك: ونعمه بالله
اعطت سلمي الدواء لملاك وأستاذنت للرحيل حتي لا تتأخر علي عملها"
________________
"علي جانب اخر في إتصال هاتفي بين هاجر وعاصم"
هاجر: عاصم طمني لقيت غرام
عاصم: لأ ياجوجو مالهاش اي اثر
هاجر: دورو كويس ونبي ياعاصم انا هموت
عاصم: بعد الشر عليكي حبيبتي والله احنا مش سايبين مكان الا مابندور فيه كويس
هاجر: يارب تلاقوها وترجع لينا
عاصم: يارب، انتي عامله ايه دلوقتي
هاجر: الحمد لله ياحبيبي
عاصم: بتاكلي كويس وتاخدي دواكي في معاده
هاجر: ايوه الحمد لله
عاصم: ماشي حبيبتي خدي بالك من نفسك وانا هروح لاسد
هاجر: حاضر حبيبي سلام
"اغلقت هاجر الهاتف مع عاصم وظلت حزينه وتبكي علي فراق صديقتها"
--------------
"في منزل ايهاب كانت منال تفكر في الاتصال علي أسد ولكن كانت متردده كثيرا من ردت فعله ولكن حسمت امرها وقامت بالأتصال عليه"
منال: الو اذيك يااسد عامل ايه
اسد بحزن: اللي اقدر اقؤله الحمد لله
منال: عرفت حاجه عن غرام ياأسد
اسد: للأسف لأ مالهاش اي اثر
منال: انا اسفه يااسد ماكنتش قد الامانه ولا عرفت احافظ عليها ولا ادافع عنها
اسد بحزن: مالهوش لازمه الكلام
منال: رجعهالي يااسد عشان خاطري قلبي بيتقطع
اسد: ان شاء الله هلاقيها، وحاجات كتير هتتغير وانا اللي غلطان من الاول اني سبتها كنت واثق فيكم
منال: خلاص يااسد اتعلمت الدرس
اسد بحزن: انا لازم اقفل سلام
منال: سامحني واتمني انها لما ترجع تسامحني
اسد: ان شاء الله
"انهي اسد المكالمة وظل بسيارته حزين وكان قلبه يألمه كثيرا وانهمرت دموعه"
_____________
"مضي شهر اخر علي اختفاء غرام ولا أحد يعلم مكانها أما أسد فأتعب كثيرا من البحث عنها حتي انه نسي عائلته وشركته وأهتم بالبحث عنها"
________
"في صباح يوم جديد "
في منزل سعد المنشاوي، كان سعد وزوجته يجلسون في الشرفه للتحدث عن ما حدث مع اسد وغرام"
سعاد: وبعدين ياسعد هنعمل ايه
سعد: احنا ماسبناش مكان الا مادورنا فيه وكل الاقسام والمستشفيات وكل حته مافيش ليها اثر
سعاد: منال بتموت وعاوزه بنتها واسد الي ماعدش بيجي ولا بنشوفه ولا بقي مهتم بحاله ولا بشركته
سعد: مش عارف هيا هتكون راحت فين وليه ماجيتش هنا وانا حميتها
سعاد: ماهيا جت ياسعد وهو اخدها بكل سهوله وسبتهاله ومدافعتش عنها
سعد: عندك حق انا اللي غلطان، انا تعبان اووي نفسي اخدها في حضني ياريتني ماسبتها
سعاد: ربنا يسامحهم ماحفظوش علي الامانه ولا السر
سعد: منهم لله منهم لله
"وظلو علي هذا المنوال يجلسون في حزن علي فراق غرام"
__________
في المشفي وتحديدا عند سلمي
"ذهبت سلمي إلي المشفي ولكن وصلت متأخره علي عملها رأها الطبيب وقام بالنداء عليها"
الطبيب: اذيك ياسلمي جايه متاخره انهارده ليه
سلمي: اسفه يادكتور مش هتتكرر
الطبيب: قريبتك عامله ايه
سلمي: قريبتي مين
الطبيب: قريبتك اللي كانت هنا، مالك ياسلمي هيا عديتك ولا ايه، انتي فقدتي الذاكره زيها
سلمي: لا ابدا الحمد لله كويسه
الطبيب: اهم حاجه الراحه النفسيه ليها
سلمي: قولتلها كدا بس هيا تاعبه نفسها وعاوزه تفتكر بي اي طريقه
الطبيب: لا طبعا دا غلط عرفيها ان دي حاجه بتاعت ربنا
سلمي: عرفتها والله يادكتور، ربنا يشفيها
الطبيب: يارب، ابقي هتيها عشان اكشف عليها
سلمي: حاضر هبلغها
الطبيب: تمام اتفضلي انتي علي شغلك
"استاذنت سلمي وذهبت لأستكمال عملها"
__________
"في احدي المناطق كان اسد يقف بسيارته ومعه عاصم"
عاصم: هتفضل كدا لغاية امتي يااسد ارحم نفسك
اسد: عاصم تعبت سبني اصلي مش هبطل ادور عليها
عاصم: اهتم بنفسك شويه انت هتقع من طولك وهتتعب
اسد: وهو انا لسه ماتعتبش انا تعبت خلاص بُعدها عني تعب حاسس اني روحي سابنتي نفسي ألاقيها وأضمها لحضني ومش هخلي حد يقربلها وهحميها منهم" وفاجئه
قام بفتح باب السيارة ونزل منها ووقف وكان الدموع تسيل منه ثم صرخ بصوت عالي وقال: انتي فين ياغرااااااام انا محتاجك غراااااااااااام، قلبي واجعني من غيرك ارجعيلي.
"وقع اسد مكانه علي الأرض بحزن وكانت دموعه تنهمر بشده ، ذهب إليه عاصم وجلس بجانبه لمواسته"
_________
"في منزل فاطمه وتحديدا في المطبخ"
كانت ملاك تقف مع فاطمه تساعدها في تحضير الطعام وفاجئه وقع منها الاناء وتحطم"
فاطمه: مالك ياملاك في ايه براحه ياحبيبتي علي مهلك
ملاك : مش عارفه فاجئه لقيت قلبي واجعني اسفه
فاطمه: ماتتأسفيش يا حبيبتي فداكي
ملاك: انا مش عارفه حاسه بوجع ليه
فاطمه: ليه حبيبتي دماغك لسه بتوجعك
ملاك: لا بس مش عارفه اقؤلك ايه عن اذنك هدخل انام شويه ولما احس اني كويسه هاجي اقعد معاكي
فاطمه: ماشي حبيبتي ربنا يشفيكي يارب
"دلفت ملاك الي غرفتها الصغيره وجلست علي الفراش ووضعة يدها علي قلبها" انت بتدق كدا ليه في ايه،ليه حاسه اني تايهه من حد عزيز عليا، ليه قلبي وجعني كدا
"وظلت غرام علي هذا الوضع تتوجع وتتحدث مع نفسها"
________________
"في منزل ايهاب المنشاوي كان يحاول مصالحه منال والحديث معها"
ايهاب: لسه زعلانه مني، منال عشان خاطري سامحيني رد عليا بقي منال ارجوكي
منال: ماعتش بينا كلام كل شيء انتهي
ايهاب: ماتبقيش قاسيه عليا كدا ارحميني كفايه بُعد غرام عني انا بموت
منال: ومااختش بالك انك كنت بتموتها بالبطيء
ايهاب: كنت عاوز مصلحتها والله انا برضه ابوها
منال: لا انت مش ابوها ولا يمكن تكون اب
ايهاب: كفاية كلام يوجع كفايه انا بتقطع من جوايا ارحموني ياناس
منال: للاسف ماعتش فيه فايده
ايهاب: ان شاء الله ترجع واجوزها لاسد وكل حاجه هيا عوزاها اعملها بس ترجع لحضني
منال: بعد ايه، كان من الاول وانت بتزل نفسها
ايهاب: بس يامنال ارحميني انا مش عارف انام وضميري هيموتني سامحيني حاسس اني هموت
منال: خلاص ياايهاب ربنا يسامحك لو سمحت سبني لغاية مااصفي ليك وادعي كتير اننا نلاقي غرام وتكون كويسه وبخير
"ظل إيهاب يجلس حزين علي أفعاله وما وصل إليه "
______________
"في شركة حاتم كان يجلس هو وعاصم يتحدثون في أمر اسد"
حاتم: وبعدين ياعاصم هنعمل ايه
عاصم: دي مصييه واسد مش ناقص كفايه الي هو فيه
حاتم: لازم يعرف ويفوق كدا هيضيع من كله
عاصم: انا حاولت معاه اكتر من خمسين مره اعمل ايه تاني دا مابينامش وساب بيت ابوه دا لا بياكل ولا بيشرب وناسي نفسه علي الاخر
حاتم: كان نِفسه المناقصه دي ياخدها وترسي عليه
عاصم: وايه الي حصل ماحدش يعرف غيرنا احنا كدا مش قد الامانه
حاتم: مش عارف ودي مش اول مره حاسس ان في حاجه غلط وفي خاين ولازم اعرفه
عاصم: يبقي لازم ننجح الشركه دي ونوقفها علي رجليها عشان لما اسد يفوق يعرف اننا كنا في ظهره
حاتم: خلاص انا هحاول علي قد مااقدر انتبه للشركتين وانت خليك معاه وكلِمه تاني ربنا يهديه
عاصم: حاضر والله ربنا يهديه
"ظل حاتم وعاصم يتناقشون في بعض الأمور وبعد فترة ذهب كل منهم الي منزله"
_____________
"في منزل هاجر كانت تجلس شارده وحزينه علي فراق صديقتها"
"دلفت نادية غرفة هاجر"
ناديه: هاجر هتفضلي حابسه نفسك كدا لحد امتي
هاجر: لغاية ماألاقكي غرام انشاله حتي اموت
ناديه: حبيبتي بلاش الكلام ده حرام عليكي ادعيلها احسن انها تكون بخير ونقدر نوصل ليها
هاجر: يارب ياماما انا تعبانه اوووي غرام ماكنتش بس صاحبتي دي اختي وبنتي وحبيبتى وكل حاجه ليا
ناديه: حبيبتي انتي كدا هتتعبي اومال مامتها وباباها يعملو ايه الله يكون في عونهم
هاجر: ما باباها ده السبب ربنا يسامحه
ناديه: جوجو ده باباها يعني اكيد كان خايف علي مصلحتها وعارف اكتر منها
هاجر: عارف اكتر منها يقوم يجوزها غصب عنها
ناديه: هاجر كل الي نقدر عليه اننا ندعلها ترجع بالسلامة
هاجر: يارب يارب
"احتضنت ناديه ابنتها وظلت توسيها وتدعو أن تعود غرام"
_____________
"مضي اسبوعين لم يحدث اي جديد"
'"في صباح يوم جديد"
ملاك: صباح الخير والسعادة
فاطمه: صباح الياسمين علي القمر بتاعنا، تصدقي بقي البت سلمي عندها حق لما اختارلك اسم ملاك انتي ملاك فعلا ربنا يحفظك ويسعدك حبيبتي
ملاك: تسلمي ليا يارب
أحمد: ينهار علي الرقه هو الصباح بيكون حلو كدا
فاطمه: واد انت عيب قول ياصبح
احمد: ماانا بصبح علي الصبح اهوه صح ياقمر
فاطمه: مافيش فايده فيك مهما اتكلم مابتتغيرش ابدا صليتي ياقمري
ملاك: الحمد لله اومال فين سلمي
فاطمه: صحيت بدري وراحت علي شغلها
ملاك: ربنا يصلح حالها
فاطمه: يارب يابنتي
ملاك: هقوم اجهز الفطار
فاطمه: لا ياقلبي انا جهزته هجيبه بس من المطبخ
احمد: اجي اساعد
فاطمه: متشكرين عن خدماتك ياخويا
"اجتمعت ملاك وفاطمة ومعهم احمد علي طاوله الطعام للافطار بدأ أحمد الحديث وقال"
احمد: ملاك كنت عاوز اسالك سؤال بس من غير زعل
ملاك: اسال علطول يااحمد
احمد: ماافتكرتيش اي حاجه
فاطمه: واد انت قوم مافيش فطار ليك وانت سؤالك غبي ذيك كدا
احمد: ليه بس والله عاوز اطمن عليها بس مش اكتر ياعالم اهلها دلوقتي عاملين ايه من غيرها
ملاك: مش عارفه يااحمد مش فاكره اي حاجه نفسي افتكر عشان ارتاح مش عارفه ليه كل شويه بحس ان قلبي واجعني واني سايبه حاجه غاليه ومهمه ليا
فاطمه: ملاك حبيبتي الدكتور قال بلاش تجهدي نفسك وفقدان الذاكره دي مسأله وقت وهترجع
ملاك: بس انا حمل عليكم ومش عارفه اتصرف ولا المفروض اعمل ايه دماغي مش مسعداني خالص
فاطمه: عاجبك كدا يعني هيا ناقصه تفكير
احمد: مااقصدش والله انا بس كنت بطمن مش اكتر
ملاك: ولا يهمك يااحمد انت اخويا مافيش حاجه
احمد: اخوكي، طيب بقؤلك ايه ماتفكري في حكاية اخوكي دي
فاطمه: لم الدور بقي وياله روح شوف شغلك
احمد: طيب افطر الاول
فاطمه: مافيش فطار ليك ياله امشي
"تركهم احمد وذهب الي عمله وكان عقله مشغول كل تفكيره كيف يصارح ملاك بحقيقة مشاعره تجاهها ولكن كان داخله مخاوف ان تكون مرتبطة بأخر وبدأ يحدث نفسه، يارب ياملاك تكوني مش متجوزه انا حبيتك ومش هقدر ابعد عنك مش عارف انا ممكن اعمل ايه لو طلعتي متجوزه، انا هعمل ايه، دا انا ممكن اولع الدنيا كلها بس ماتبعديش عني ""
فاطمه: ماتزعليش من احمد ياملاك يابنتي
ملاك: لا طبعا ازعل ايه بس دا اخويا، انا بقالي فتره قاعده في البيت وزهقانه ممكن انزل اتمشي شويه
فاطمه: طيب اصبري ولما احمد يجي يبقي نتمشي كلنا
ملاك: معلش حابه اتمشي لوحدي ممكن
فاطمه: الي انتي شيفاه ياقلبي ربنا يسترها معاكي
"قامت ملاك وأرتدت ملابسها وخرجت لتتمشي قليلا"
_____________
"تقابل حسام وندي عند مطلع الشركة وصعدو سويا علي عملهم"
ندي: ماتيجي تعزمني علي غدوه حلوه وانت رخم كدا
حسام: نفسي اعرف بتودي فلوسك دي كلها فين انتي علي قلبك قد كدا ولسه واخده
ندي: الله اكبر انت ايه هتقر ولا ايه ما انت كمان قابض
حسام: طيب وطي صوتك انتي بتقولي للي مايعرفش يعرف ولا ايه شكلك عوزانا نشرف في السجن سوا
ندي: كل ده عشان بقؤلك اعزمني
حسام: نفسي اعرف هيا فين ولا تكون دي خطه عملاها مع الواد الي اسمه اسد عشان يتجوزو دا انا هطربقها عاي دماغهم لو كان ده تفكيرهم
ندي: شوف انا بتكلم في ايه وانت بتتكلم في ايه
حسام: هتجنن ياندي عمر ماحد عمل معايا كدا
ندي: كبر ياعم دي ولا اول واحده ولاخر واحد
حسام: اكمل عليها الاول وبعد كدا اسيبها مش هرحمها
جاء عاصم من ورائهم وقال: ترحم مين ياحسام
حسام: لا ابدا مافيش حضرتك عاوز حاجه
عاصم: سايبين شغلكم وواقفين تتكلمو في اي، وانتي ياندي مش واخده بالك من الشغل ليه، الي مش هيشتغل كويس يقول واحنا نجيب غيره
ندي: اسفه هروح علي الشغل حالا
عاصم: اتفضل يااستاذ حسام وياريت ماتتكررش تاني
جاء حاتم من ورائهم وقال: في اي ياعاصم
عاصم: في ان الانسه ندي والاستاذ حسام سايبين شغلهم وقاعدين يتكلمو ويخطتو ودي مش اول مره
حاتم: لو الموضوع ده اتكرر مالكمش مكان هنا فاهمين ياله كل واحد يتفضل علي شغله تعالا ياعاصم عاوزك
"ذهب كل منهم إلي مكتبه"
اما حاتم اخذ عاصم ودلفوا إلي المكتب ليتناقشو في بعض أمور العمل"
______________
دمتم بخير
منتظرة رأيكم في
غرام الاسد
تكملة الرواية من هنا 👇👇👇
