رواية جريمة عشق ٤ (ميراث العشق) الحلقه الثالثه عشر والرابعة عشرة بقلم مريم نصار

‏قال أنس رضي الله عنه

أكثر دعوة يدعو بها ﷺ:

"اللهم آتنا في الدنيا حسنة، وفي الآخرة حسنة، وقنا عذاب النار" 

#متفق_عليه

 ______________________________________

                       بسم الله نبدأ

رواية جريمة عشق ٤ 

 (ميراث العشق)

الحلقه الثالثه عشر والرابعة عشرة

بقلم مريم نصار

الحلقه ١٣

أسم الكاتبة الحقيقي : شريهان ابراهيم.

الإسم الحركي للكاتبة : مريم نصار.

فيلا العدوي..

تالين : نايمه صاحيه ع رجل مريم .وبتمسد ع شعرها .

فريحه : قاعده وقلبها مشغول .. 

مريم :  لاحظت قلق فريحه . وسألتها . مالك يافريحه ؟

فريحه : بقلق . مش عارفه ياماما . قلقانه اوى ع مراد . من ساعة ما كلمنى الصبح يطمن ع شهادة مريم . متصلش تانى . مع أنه قالى ساعه وهكلمك عشان اطمن عليها..

مريم : حبيبتي انتى عارفه نظام شغله . ممكن يكون جاله شغل مستعجل .. 

فريحه : مش عارفه انا خايفه اوى ..

مريم : إن شاء الله خير . طيب حاولى تتصلى عليه انتى .

فريحه : ماينفعش ياماما .. لما بتصل عليه يقولى خارج الخدمه.  ما انتى عارفه نظام شغله.. ربنا يستر ..

رينو : قلبها دق بقلق .. ايه يا فريحه انتى قلقتينى اكتر ع أبيه مراد وفهد ..

آدم : بقولكو ايه ؟ مراد وفهد كلمونى الصبح وكانو كويسين . شيلو الأفكار دي من دماغك انتى وهي ..

محمد : فعلا يا فريحه انتى ورينو . حاولو تفكروا بإيجابيه . وبعدين مراد وفهد اللهم بارك عليهم يقدور ع مواجهة أسطول حربي كامل . يعنى متقلقوش .. بإذن الله خير .. 

نور : إن شاء الله .. وبلاش بقى الأفكار السلبيه دي . احنا انهردا مبسوطين جدا . بشهادة الولاد . وكمان رجوع آدم قلب عمتو بالسلامه .. 

ريتال : اه والله يانور . بجد انا مبسوطه اوى . ربنا يديم علينا نعمة الفرح والسرور يارب ..

كلهم آمين يارب..

------------------بقلمي مريم نصار.

زين : احم . ع فكره ياحج . يوسف كلمنى وقالى ع ميعادنا بكره إن شاء الله .. انا رديت عليه وقولتله تشرف ف اى وقت ..

آدم : هز راسه .. تمام . وأشرف كلمنى . وهيكونو موجودين بكره إن شاء الله بعد صلاة العشا ..

وانت يادكتور محمد لازم تكون موجود ف الاتفاق ..

محمد : ابتسم تحت امرك ياحج . 

آدم : ضحك . وعايزين ناخد منك ميعاد انت كمان عشان آريان مش ساكت  ..

محمد : بتنهيده . ياخبر احنا كلنا تحت امرك ياحج آدم..

آدم : تسلم يادكتور . بس كلو بالأصول .. اول ما مراد وفهد يرجعو بالسلامه إن شاء الله .  نحدد ميعاد ع طول هتلاقينا كلنا ف بيتك . بنطلب حفيدتى الغاليه تمارا . ل آريان الغالى ابن الغالى .. 

زين : ابتسم بحب كبير ..

محمد : وتمارا .. مش هتلاقى حد أحسن من الدكتور آريان .. وربنا يقدم الل فيه الخير ..

نور : عيونها لمعت بدموع ...

آدم : ايه يانور . دا احنا لسه بنقول يهادى . وبعدين هي تمارا هتروح فين يعنى . دى حفيدة العدوي وعزيز يعنى هتبقى ف آمان ..

نور : بدموع . غصب عني يابابي . السنين جريت بسرعه . وفجاءه بنتى كبرت وتبعد عني. 

رينو : قامت بسرعه واحتوت اختها وضمتها لقلبها بحنان ..

مريم : ضحكت .. وحدي الله يانور ياحبيبتى.  ودي سنة الحياه .. وبصت ل آدم احم لكن انا عندي سؤال يا آدم ..

آدم : ابتسم وفهم هي عايزه ايه . ولكن قال اتفضلى ياحبيبتي خير سؤال عن ايه؟

مريم : يعنى كنت عايزه أسأل . آريان وتمارا هيتجوزو هنا ف الفيلا ؟ ولا......؟

آدم :  بصي يا روحي انا هقولك نفس الكلام الل قولته زمان .

. كل واحد برحته . آريان عايز يعيش معانا هنا هكون مبسوط . ولو عايز يعيش ف شقه ف اى عماره من بتوعنا بردو هكون مبسوط.  اهم حاجه إن احفادي يعيشو مبسوطين ..

مريم : بزعل حقيقي .كنت اتمنى بجد أنهم يكونو حواليا ..

زين : قام وقعد جمب أمه . وباس ع أيدها . وانا مقدرش ازعلك ياست الكل .وطلباتك أوامر ..  وبص ل آدم وقال . احم . انا عندى اقتراح صغير كدا ياحج . ياريت لو توافقنى عليه اكون سعيد جدا .

آدم : وانا سمعك ايه الاقتراح ده ؟

زين : ........

------------------بقلمي مريم نصار

عند الشباب ركنو العربيات.  ووصلو عند الكورنيش 

.وكل أخ مع اخته.. بيتمشو كلهم ورا بعض .  

آرين : ماشيه . وشافت واحد بيبيع دره مشوي.  وقالت بطفوليه .. آركان انا عايزه دره مشوي..

آركان : دره مشوي ؟ يابت اصبرى احنا لسه بنقول يهادى . متبقيش طفسه .. 

آرين : خبطت برجليها ع الأرض مكانها . انت رخم . انت لا يمكن تكون اخويا توأمي  ابدا ..

آركان : ههههه اه يابت بدلوني ف المستشفى واحنا ف اللفه .. انا قولت بردو مش معقول اختى تبقى بالبشاعه دي ..

آرين : صكت ع أسنانها بغيظ . وزعقت انا شكلى بشع يا آركان؟. طيب والله لا اقول ل تيم و آدم وهما هيتصرفو معاك . متتكلمش معايا تاااااانى بقى .. وسابته وراحت عند آدم وتيم .. وزعلانه ..

آدم : كشر عينيه مالك يا آرين ؟ حد ضايقك؟

تيم : انتبه . وجه بسرعه ف ايه يا آرين ؟

آرين : بطفوليه .. آركان بيقول عليا شكلى بشع .. 

تيم : ضحك .. 

آدم : بصوت جهوري. انتى شكلك بشع؟ هو واحد مبيفهمش . وانتى لازم تكوني واثقه ف نفسك يا آرين ..

آرين : بدموع . انا طلبت منه دره مشوي . ومش راضي يجبلى . انا مش هتكلم معاه تانى .. 

آدم : ابتسم ع برأتها . وانتى بتطلبى منه ليه ؟ لما تعوزي اى حاجه قوليلى انا . فاهمه ؟

آرين : ببراه ميرسي جدا يا آدم ..

تيم : ههههه  متزعليش.  وانا هربيلك آركان ده . وزي ما قالك آدم اي طلب اطلبيه منه أو مني يستى . سيبك من الواد الفاشل ده .

آدم : قبض ع ايديه بغيره .وسكت ..

آركان : جه عليهم وبيضحك . والله انا برئ ياجدعان .  

.هي الل بدأت .وخبطت برجليها ع الأرض زي العيال  وقالت انت رخم . انت لا يمكن تكون اخويا توأمي  ابدا .. وانا قصفتلها جبهتها  وبس كده ..

آدم : بجمود . آركان اهدا شويه .. تعالى معايا يا آرين انا هجبلك الل انتى عايزاه ..

آرين : سقفت بفرحه . وحبت تغيظ آركان . وطلعت لسانها ليه . ومشيت بسرعه جمب آدم.   

تيم : خبط  آركان ع قفاه بهزار . مالكش دعوه ب آرين تانى عشان معلمش عليك ..

آركان : تسلم ايدك يادكتور.  يامنصف العداله . انا هروح اجيب حمص الشام . اجبلك معايا ياميرو ؟

تيم : خبطه تانى . ميرو دي قولنا ف البيت مش ف الشارع . واجري بقى من هنا .. 

ليليان : جت عليهم . تمارا.  تعالى اقولك ع حاجه . وانت يا آركان تعالى نجيب حمص الشام . واخدت تمارا ومشيو .. 

تمارا : حاسبى بتشدينى كدا ليه يابت يالي لي 

ليليان : اصل آريان عايز يقولك كلمه ف ودنك هههههههههههه..

تمارا : اتوترت وقلبها بيدق . وبلعت ريقها بتوتر ا.انتى بتقولى ايه؟

ليليان : هههههههههههه بهزر يصلاح . بصي آريان اخويا ضارب بوز وهيتجنن ويكلمك ومش عارف . وانا يعينى عليا وحدانيه . 

.ف انا بقى هاخد الواد آركان ده ونشتري اى حاجه ونقزقز مع بعضينا  . وانتى اتكلمى مع اخويا شويه . اشطا . يلا سلام .. وسابتها وجريت بسرعه مع آركان ..

تيم : واقف وحاطط ايدو ف جيبه . ايه يامريم . عامله ايه دلوقتى؟

ميرو : انا تمام ياتيم .

تيم : تعالى نتمشي شويه . ع ما آدم يشترى ل آرين ..

ميرو : هزت راسها اتفضل ..

تيم : ماشي وهي ماشيه جمبه بتوتر ولخبطه.

تيم : تحبي اجبلك اى حاجه؟

ميرو : لأ ميرسي ياتيم ..

تيم : انتى بخيله بقى ولا ايه؟

ميرو : ابتسمت .. انا ابدا والله ..

تيم : طيب اومال ايه بقى . ميرسي دي ؟ قولى اجبلك ايه ؟ نفسك ف ايه؟

ميرو : وقفت وبصت بعيد . وقالت جواها الل انا نفسي فيه صعب جدا أنه يتحقق ياتيم .. وبشبح ابتسامه قالت . احم قولى انت نفسك ف ايه ؟ وانا هعزمك المرادي علشان تعرف بس انى مش بخيله ..

تيم : ابتسم . لأ خلى عزومتك دى لما تاخدي الدكتوراه اوكي . 

ميرو : إن شاء الله..

تيم : وقف وسألها . مريم انتى مش عايزه تقولي حاجه؟

ميرو : وقفت واتوترت . ح..حاجه؟ حاجه زي ايه؟

تيم : هز كتفه . انا بسألك انتى . لأني حاسس انك متغيره بقالك فتره .. انتى مش عايزه تقولي اي حاجه؟

ميرو : بلعت ريقها بتوتر. ا.ابد انا مش متغيره ولا حاجه . انت بس بتهايألك 

تيم : هز راسه . اممم تمام. ايه رايك ف ياسين جمال يامريم؟

ميرو : باستغراب . من ناحية ايه؟

تيم : من ناحيه كل حاجه . ايه رايك فيه؟

ميرو : ياسين شاب محترم جدا وطموح .  ومثالي ..

تيم : فعلا هو طموح ومثالى . بقولك ايه اعملى حسابك . انى انا هجهزلك اوراق الرساله واقدملك ف الجامعه ..

ميرو : ابتسمت . بصراحه انا مش عارفه اقولك ايه ياتيم . انت مهتم بيا وتعباك معايا . وضحكت بوجع كبير وعارفه هتقولى انتى اختى . لكن ده مايمنعش انى اشكرك .. وبصت ف عينيه وقالت بحب كبير شكرا جدا ياتيم ..

تيم : شكرا دى تقوليها للغريب . مش ل تيم عزيز اوكي .. وتعالى بقى ايه رأيك اجبلك ترمس . ولا عايزه حمص الشام ؟

ميرو : بتنهيده اى حاجه ..

تيم : طيب تعالى انا هاكلك ع زوقي .. واتحركو ..

------------------بقلمي مريم نصار.

آدم مراد : ماشي . وقال ل آرين اقفي هنا .. انا هجبلك الدره وجاي ..

آرين : هزت راسها اوكي .. بس متتاخرش ..

آدم مراد : ابتسم . يابنتى انا هيبقى بينى وبينك ٣ خطوات بس . هتاخر فين ؟ ثوانى وجاى .

آرين : اوكي يا آدم ..

آدم مراد : ابتسم بحب . وعايز يقولها أنه بيحب يسمع اسمه منها جدا.   وراح يشترى ليها .. 

آرين : واقفه . وبصت ع آدم . وقالت جواها . اممم آدم شكله كدا ف هيئة بابي حبيبى . 

.اممم بس بابي عضلاته اكبر . وكمان بابي اطول .  لأ لأ .

. انا حاسه إن آدم نفس طول بابي أو اطول ؟ 

. تؤ تؤ آدم طول بابا آدم؟ اوووف لأ آدم ممكن يكون طول بابي حبيبي .. يوووه موش عارفه بقى..

آدم مراد : جاب ليها الدره اتفضلى يا آرين جبتلك احلا دره مشوي .. 

آرين : انتبهت . وقالت بفرحه واااو . واخدتها .. امممم ريحتها تجنن فعلا يا آدم ميرسي جدا بجد .

آدم مراد :  ابتسم . وبياكل معاها امممم قوليلى بقى . كنتى سرحانه ف ايه من شويه؟

آرين : بتاكل . وبصتله امم لأ لأ مش هقولك ده سر بينى وبين نفسي ..

آدم مراد : ضحك ع براتها . طيب ماينفعش اشاركك السر ده ؟ انا شايفك كنتى محتاره .

آرين : بدهشه ايوه فعلا يا آدم . عرفت ازاى انى كنت محتاره . انت ذكي جدا بجد ..

آدم مراد : ههههه طيب يستى متشكر . ها بقى هتقولى انتى كنتى بتفكرى ف ايه ؟

آرين : بعفويه . اممم ابدا بصراحه كنت بعمل مقارنه بينك وبين بابي ..

آدم مراد : . مقارنه؟ ازاى ؟

آرين : اممم الدره جميله اوى اوى يا آدم .

. احم  ابدا . انا بحب بابي جدا .. وبحب كل تفاصيله . وحافظه كل حاجه ف بابي . ولما شوفتك دلوقتي حسيت انى شايفه بابي قدامي . بس محتاره . طيب انت قولى . عضلات بابي اكبر منك صح؟

آدم مراد : ههههه ايوه صح ..

آرين : يس .. طيب وانت طويل جدا زى بابي ولا جدو آدم ولا خالو مراد؟ دى بقى محيرانى بجد .

آدم مراد : ابتسم بحب . وقال لأ انا اطول من عمي فهد بحجات بسيطه جدا .. 

آرين : واووو . جميل جدا . بس تعرف انا زعلانه جدا يا آدم ..

آدم مراد : للحظه. ونفسه ياخدها ف حضنه من برائتها .لكن بيداري مشاعره. وقال ليه زعلانه يا آرين؟

آرين : عشان أنا قصيره جدا . طالعه ل مامي وماما مريم . 

آدم مراد : بثقه .  دي احلا حاجه فيكي يا آرين . 

آرين : تؤ لأ انا كنت عايزه ابقى زى البنات الفرعه دي .. ووقفت جنبه بعفويه . شوفت يا آدم انت اطول مني بكتير جدا..

آدم مراد : لما آرين قربت ووقفت جنبه . قلبه دق .. 

آرين : حتى تيمو اطول منى بكتير انا مضايقه بجد ..

آدم مراد : نفخ بغضب واضح . وقعد ع الكورنيش .. ومسح وشه بايديه بغيظ كبير. 

آرين : بحيره .. مالك يا آدم انا قولت حاجه غلط؟

------------------بقلمي مريم نصار

آريان : قرب من تمارا . اخيرا . انتى متعرفيش انتى وحشانى قد ايه؟

تمارا : بتوتر . احم لو سمحت يا آريان ......

آريان : بحب كبير . لو سمحتى انتى بقى ياتيما . خلينى اعبر عن مشاعرى . خلاص العيله كلها عرفت انى بحبك وهتقدملك . يعنى مافيهاش حاجه لما اقولك وحشتينى.

تمارا : بلعت ريقها بتوتر . لأ فيها يا آريان .. وانت عارف إن كدا غلط . مش معنى اننا خرجنا مع بعض . نتكلم ف الكلام ده ومفيش اى رابط رسمي بينك وبيني ..

آريان : هز راسه بزعل حقيقي وحط ايدو ف جيبه. تمام انا اسف.

تمارا : بتنهيده . لو سمحت آريان ارجوك متزعلش منى . انت عارف حقيقة مشاعرى انا كمان ناحيتك..

 لكن لازم نحافظ ع الحب ده . 

.وانا مش متعوده انى اقول الكلام ده . وانى اسمعه منك شئ جميل . لكن انا عايزه كل حاجه تكون ف الحلال احسن . مش عايزه اخاف من حاجه لما اسمع منك غزل ليا وانا ارد عليك .. ارجوك ممكن تفهم وجهة نظري ..

آريان : قلبه دق بحب كبير . وابتسم من قلبه . وقال طبعا ودي حاجه تسعدني جدا . متزعليش منى . انا بس حابس عشقك جوايا ٩ سنين ياتمارا ..  وعندى قصايد بوصف فيها جمالك . ونفسي اقولك ع كل حاجه جوايا . لكن وجهة نظرك تحترم جدا . وهصبر لحد كتب الكتاب . ووقتها بقى مش عايز اسمع منك غير كل كلام الغزل اتفقنا ياتيما ؟

تمارا : اتكسفت ووشها احمر جدا . وهزت راسها وسكتت ..

آريان : طيب تعالى نتمشي شويه . واعزمك ع عصير ..

تمارا : ماشيه جمبه وقلبها بيدق بسعاده كبيره.

آرين : بحيره .. مالك يا آدم انا قولت حاجه غلط؟

آدم مراد : بغضب . تعالى اقعدى هنا يا آرين ..

آرين : قعدت جنبه مع حفظ المسافه . وبتاكل ف الدره .

آدم مراد : غمض عينيه وقال جواه . اهدا يا آدم . وحاول تتأكد من مشاعرها .  علشان لو هي بتحب تيم . انت لازم تنسحب من حياتها تماما .. ونفخ بنفاذ صبر .. وبص ل آرين . وقال بطريقه غير مباشره . تعرفي إن كريم جاي بكره يتقدم لليليان؟

آرين : بطفوليه . ايوه عارفه . وكمان الدكتور آريان قرر يخطب تمارا ..

آدم مراد : امم عرفت . مبروك ليهم . عارفه انا عايز افرح ب تيم ..

آرين : بصتله . وقالت بغيظ دى الله يكون ف عونها الل هتكون من نصيبه ..

آدم مراد : كشر عينيه . واتعدل ليها بتركيز . وقال بمكر .  ده انا بفكر اجوزهولك .

آرين : شهقت بصوت عالى . اييييه؟ انا حرام عليك يا آدم .

. ده تيم ده خنقنى بجد ف حياتى . وبتقلدو بطفوليه . اثمعي يا آرين البت دى متعرفيهاش تانى .

 واثمعي كمان السنتر ده انسيه خالث .  

ايه ده يا آرين انتى منزله ع فونك تيك توك يتسمح حالا .

 إيه ده يا آرين ممنوع تروحي الجيم غير مع باباكي وبث.

 ايه ده يارينو لأ مفيش خروج من غير ما اكون موجود معاكم . 

وكملت بغيظ كبير . عارف ببقى عايزه اخنقه بايديا دول واقوله ارحمنااااى شويا يشيخ . والله الل دخله طب ظلمو . وتقولى اجوزهولك . لأ طبعا ..

آدم مراد : ضحك من قلبه .. ودي كانت أول مره ..

آرين : بصت عليه بدهشه  . وقالت ده بيضحك زينا؟ وقالت جواها امم ضحكتك قمر يا آدم .  ايه ده . استغفر الله العظيم يارب . يخربيتك شبه بابي جدا . 

آدم مراد : بتفائل. يعنى افهم من كلامك ده إن تيم اخر حد تفكري فيه ؟

آرين : كشرت عينيها . بص يا آدم . هو تيم قمر جدا . وچان اخر حاجه . واي واحده تتمناه بس انا لأ ليه بقى ؟ 

آدم مراد : صك ع أسنانه بغيره كبيره . اممم ليييه؟

آرين : أولا . لانى لسه صغيره ع الحجات دي . ومبفكرش فيها خالص ..

وكمان لاني كبرت ع أساس إن تيم اخويا . وهو مش اخويا وبس لا ده لازق لحياتى بغرا . وبيعاملنى ع انى أخته . وغير كدا بيغظنى كتير . 

آدم مراد : مخنوق جدا من وصفها ل تيم . لكن بردو مبسوط جدا إن آرين مش مقتنعه ب تيم . 

وقال انا عارف انك لسه صغيره يا آرين انا كنت بهزر معاكى . المهم بقى انتى كنتى عايزه تروحي السينما ؟

آرين : بفرحه كبيره ياااريت . بجد يا آدم ..

آدم : طيب تعالى يلا . انا هوديكي.. 

آرين : شهقت بفرحه . بجد هنروح السينما بجد ؟ 

آدم مراد : قال ايوه بجد . تعالى نروح نشوف الشباب ونطلع ع السينما ع طول .. 

 ------------------بقلمي مريم نصار.

فيلا العدوي ..

آدم : وانا سمعك ايه الاقتراح ده ؟

زين : بصراحه ياحج . انا عرفت إن صاحب الأرض الل جمب الفيلا بتاعتنا دي . عارضها للبيع عشان هيسافر بره مصر .. 

آدم : بتفكير اممم بس الارض دي مساحتها كبيره جدا يازين . بتهايألى اكبر من الفيلا دى مرتين تلاته واكتر كمان ..

زين : ايوه فعلا ياحج .. لكن انا سمعت عوض الجنايني بيتكلم مع الغفير بتاع الأرض دى بالصدفه .. وإن صاحب الأرض دى عارضها كلها للبيع . وبصراحه انا جاتلى فكره يعنى لو......

آدم : هز راسه بابتسامه . امم انت عايز نشتريها ونبني فيها للولاد مش كدا يازين ؟

زين : ابتسم . ايوه ياحج . انا فكرت وقولت ليه آريان وآدم يبعدو عننا . لما ممكن يعيشو جمنا . ومنها يعيشو براحتهم وع حريتهم . ومنها يكونو جمب امي حبيبتى لأنى عارف قد ايه هي متعلقه بااحفادها ...

آدم : ابتسم . وبص ل مريم . ها ايه رايك ياروحي ؟

مريم : بسعاده . ودي عايزه كلام يا آدم . ياريت بجد . اكون فرحانه اوي . إن احفادى جمب منى ..

آدم : خلاص ياحبيبتى . وانا يهمنى سعادتك . 

وانت يازين . امشي ف الإجراءات اللازمه . واتفق مع صاحب الأرض . وخلص فيها . بس قبل كل حاجه . تتأكد إن الأرض مفيش عليها قضايا أو مشاكل . 

زين : بفرحه تمام ياحج . ربنا يخليك لينا..

مريم : طيب إن شاء الله لو اشتريت الأرض دى . هتبنى عليها فيلا ؟ 

آدم : ياحبيبتى دى قطعة أرض كبيره جدا . يعنى يتبنى فيها اكتر من فيلا. لكن انا ف دماغى حاجه تانيه خالص ..

زين : ممكن اعرفها ياحج ؟

آدم : طبعا . إن شاء الله . إن ربنا أراد واشترينا الارض دي .. انا هبنى عليها . فيلا ل آريان . وفيلا ل آدم .وفيلا لوحدها كدا ع جمب . وهبنى عماره كبيره الدور ع شقتين كبار جدا  .ل مراد وزين و لبناتى وأحفادي كلهم ..  وهخصص جزء نتبرع بيه لأى مؤسسه خيريه ..

زين : فكره جميله جدا ياحج ..

رينو : بس يابابي . احنا عندنا بدال الشقه ٢ ده غير خير حضرتك علينا .يعنى مالوش لزوم تتعب نفسك ..

نور : فعلا يابابي . احنا مش عايزين غير حضرتك انت ومامي وبس ..

آدم : ياحبيبتي انا عارف كل ده . وكمان عارف إن محمد وفهد مش حارمينكو من حاجه .. لكن دى هديه منى ليكو ولاحفادى .. يعنى مثلا احنا كلنا قاعدين وسهرانين مع بعض . والوقت أتأخر ..هيكون لكل واحد شقته الخاصه جمب مننا . يطلع يستريح فيها ..وبعدين محدش يرفض هدية آدم العدوي  ابدا ولا ايه؟

مريم : بحب كبير . ربنا يديمك نعمه ف حياتنا ويبارك ف عمرك يا آدم يارب ..

كلهم بتمنى ..  آمين يارب العالمين ..

------------------بقلمي مريم نصار.

بعد شويه .. 

قدام السينما . 

تيم : تمام خليكو كلكو هنا وانا هروح احجز التذاكر .. خلى بالك منهم يا آدم ..

آدم مراد : هز راسه تمام يادكتور .

تيم : دخل يقطع التذاكر .. 

ليليان : آريان ياحبيب اختك ..

آريان : ارغي .

ليليان : بغيظ مكبت . احم ماشي . بقولك ياحبيبى . مش انا اختك حبيبتك وتوأمك ؟

آريان : أسوأ حاجه حصلت . اخلصي عايزه تطلبى ايه؟

ليليان : كشرت عينيها . انا اسؤا حاجه . مااااشي يا آريان .ما علينا.  احم انت عارف انى جايلى عريس بكره وكدا . وكنت عايزه اشترى فستان جديد ..

آريان : من قلة الفساتين عندك يعنى ؟

ليليان : بهمس ابو تقل دمك يشيخ ..

آريان : بتقولى حاجه يالي لي؟

ليليان : بغيظ ابدا ياحبيبى.  بس يعنى انا عارفه انى عندى فساتين كتير.  

.بس مافيهاش حاجه لو تدلع اختك حبيبتك وتجبلها فستان . 

.وكملت بمكر . وتجيب ل تمارا كمان .. ايه رايك لو اخد تمارا.  وانت تيجى معانا وتختار ليها فستان هديه . هتبقى انت ف نظرها جينتل مان اوى اوى .

آريان : بصي هو حوارك فكسان زيك وانا فاهم دماغك يابت. بس فكره حلوه . وبص حواليه . تعالى ف محل فساتين هناك اهو ..

ليليان : ضحكت بسعاده . حبيبى اخويا حبيبى . ثوانى بقى اروح اجيب البت تمارا وكمان مريم عشان زوقها حلو .  

آريان : راح ل آدم . بقولك ايه يا آدم؟

آدم مراد : قول .

آريان : انا هاخد ليليان وتمارا ومريم المحل الل جمب السينما ده عايزه تشترى فستان عشان بكره ..

آدم مراد : هز راسه تمام بس متتاخروش ..

آريان : ههههه يبنى دول حريم . يعنى يدوبك ٣ سعات بس .

آدم مراد : وانت هتقولى . يلا ربنا معاك ..

آريان : اخد ليليان وتمارا وميرو وراحو المحل .. 

آدم مراد : واقف وعينيه ع آرين .وفونه رن ولف ضهرو ليهم  ورد ع أمير صاحبه ف كلية الشرطه. 

آرين : واقفه جمب آركان . وقالت آركان عايزه كاندي ..

آركان : ههههه انتى نفسك مفتوحه اوى انهردا .

آرين : بزعل ع فكره بقى انا ما اكلتش وقت الغدا . وبعدين هو انا كل ما اطلب منك حاجه هتضايقني كدا . مش عايزه منك حاجه خلاص .

آركان : ايه يابت الرقه والجمال ده . يخربيت كدا . وانا عمرى ما اضايقك بره البيت يعم . انتى عايزه الحج فهد لما يرجع يعلم عليا . 

.مش عارف انا محسسنى انه مخلفش غير آرين هانم ..

آرين : طلعت لسانها ليه بتغيظه . بابي حبيبي انا . وانا عارفه انك غيران عشان بيحبني موووت  واسمع كلامي عشان مقولش ليه اول ما يرجع اوكي ..

آركان : امري لله . عندى اخت هبله . تعالى يستى اجبلك احلا كاندى كراش . احم قصدى كاندى ..

آرين : بفرحه . ايوه كدا .. وحطت ايدها ف دراعه . يلا بينا ..

آركان : ماشي كام خطوه ووصل لآخر الشارع  ..وبيضحك مع آرين ..

 وفجاءه جم شابين وقفو قدام آركان . 

& : مساء الجمال ياغزال ..

# : ايه ياكابتن انت مش شايف نفسك صغير ع الموزه الجامده دي ؟

آرين خافت : ووقفت ورا آركان.. 

آركان : بص ل آرين . وقال بجمود متخافيش  ووقف قدامها وضهرو ليها وبص بغيظ للشابين.

& : ههههه ليه متخفش بس ؟ لا هتخاف يانجم . يلا يلا سيبها واتكل الحته الجامده دي تلزمنا ..

آركان : بغضب . ماتحترم نفسك يالا انت وهو . ويلا غورو من هنا عشان متغباش عليكو .

چو : ههههههههه تتغابى ع مين ياض ؟ وبص لصاحبه وقال شكله لسه ف ثانوى ههههه..

آرين : بتعيط بصمت وخايفه ع اخوها ..

آركان : اه ياخفه لسه ف ثانوى بس أعلمك الرجوله اوى ..

چو : عينيه ع آرين بطريقه مقززه . علمهالنا بعدين المهم تعالى ياموزه . صدقينى الواد ده لسه صغير . تعالى معانا ومش هتندمى ..

& : لف ليها وقال دى لو لون عينيكي الحقيقى يبقى  يخربيت عينيكى ..

آرين : برجفه . وعياط وهمست بابي...

آركان : بغيظ وكمان خايف ع أخته. رجع خطوه لورا . انتو لو مامشيتوش من هنا . انا هربيك انت وهو ..

& : تربي مين يالا . وبص ل آرين بتعيطي ليه ياحته؟

چو : هششش بس ماتعيطيش ياقمر . ورفع ايدو علشان يمسك دراعها ..

آرين : اتخضت وشهقت بصوت عالى..

آركان : لسه هيرفع ايدو عشان يضربو ..

لكن  فجاءه . بوكس من آدم مراد طايرو مترين قدام ..

آدم مراد : قفل المكالمه . ولف ضهرو . وبص ع آرين و آركان ومش موجودين . 

.واتحرك خطوتين ولمح اركان واقف وآرين وراه وبتعيط . وشاف الشابين . وصك ع اسنانه بغضب كبير . لكن شاف أن الولد هيرفع ايدو يمسك آرين . اتحرك بسرعه كبيره . وضربه بوكس بقوته ..

آرين : شهقت بخوف كبير . وجسمها بيرجف ..

آركان : شاف آدم . وحضن أخته الل واقفه خايفه . اهدى متخافيش . آدم هيربيهم ..

آدم مراد : اتحرك بغضب وقرب من الولاد وضربهم بغباء ..

واحد : انقذ نفسه وجري بسرعه ومرعوب. والتانى هيموت ف ايد آدم ..

آرين : اول مره تخاف من آدم بالشكل ده . وخبت وشها ف حضن اخوها ..

آدم : بيضرب ومش شايف قدامه . وقال بصوت يرعب . انت بقى كنت عايز ايييه؟

چو : بينهج بصوت عالى من الضرب . ا.انا مش....مش عايز حاجه . وبلع ريقه بصعوبه سبنى الله يخليك ..

آدم مراد : شدو من شعرو وقومه من مكانه . وقال بفحيح افعى . لو شوفت وش امك هنا تانى هخليك زى الحريم .. وزقه بقوته . والشاب وقع ع وشه ومناخيرو نزفت .. 

.ورفع راسه وبص ع آدم بخبث كبير . وهز راسه ماااشي انا هربيك . وقام بصعوبه وبيكح . ومشي . ودخل ف شارع جانبي .. 

آدم مراد : قرب من آركان بغضب . وزعق انت ازاى تتحرك وتمشي من غير ما تقولي . 

آركان : حاضن أخته . وقال بخنقه . خلاص يا آدم الل حصل . 

آدم مراد : مسح وشه بايديه ونفخ بديق . آرين خلاص فوقي ومش عايزك تخافى من حاجه ..

آرين : طلعت من حضن آركان وبتعيط بشهقات .. ا.انا عايزه ارجع البيت .. انا عايزه مامي .. وفتحت عينيها بسرعه وصرخت حاااااسب يا آااااادااااااام  . الولد الل ضربته جاي ومعاه.......

آدم مراد : لف وراه .. وشاف الولد الل ضربه . جاي ومعاه اكتر من 5 شباب ومعاهم سلاح أبيض . وطلع مفاتيح العربيه . وحدفها ل آركان ..

آدم مراد : بصوت غضبان . اركااااان . خدها واركبو  العربيه واقفلو ع نفسكو . ولو حصل ايييه متنزلوش من العربيه فاااهمين .. يلااااااا..

آركان : خاف ع أخته .. وخاف ع آدم . وقال بس يا آد.......

آدم مراد : اتحرك للشباب.  وقال بتحذير مش هعيد كلامي تاني يا آركان . اخللللص ..

آرين : عيطت بصوت عالى . وخايفه ع آدم ..

آركان : بخوف . يلا يا آرين . تعالى ..

آرين : بدموع . آدم يا آركان . 

آركان : تعالى بس انا هتصرف .هتصل ع تيم و آريان .تعالى بسرعه .  يلااا. واتحركو ..

آدم مراد :  واقف قدامهم وقبض ع ايديه ..

واحد منهم ماسك سلاح أبيض شبيه للسيف . وقال هو ده الل ضربك ياجو؟

جو : بيكح ايوه. وانا عايزكو تربوه . مش عايز فيه حته سليمه ..

$ : اشطا ياچو . وهنحط  مع جتته كفنه هديه لامه انهردا .

جو : بيتألم ..ااااه . انتو مستنين اييييه . قطعوه يلاااا..

الخمسه قربو ع آدم الل واقف مكانه ومتحركش . وبص ع يمينه .

. شاف واحد بيفك جنزير من كوتش المكنه بتاعته . واتحرك بسرعه . واخد الجنزير من ايد الشاب . وراح ع الخمسه. وهجم عليهم بغيره وغضب كبير ..

آركان : اركبى يا آرين بسرعه . 

آرين : ركبت وجسمها كله بيترعش من الخوف وبتعيط ..

آركان : قفل باب العربيه ع أخته. وهو واقف بره . وطلع فونه واتصل بسرعه ع تيم .. ورد عليه . وقاله .. واتصل ع آريان . 

آريان : هههههه . عارفه يامريم . البت ليليان دي اكبر واحده مصلحجيه . 

مريم : ههههه حرام عليك يا آريان . دي لي لي طيبه جدا ..

آريان : والله انتى الل طيبه . رابع فستان تقيسه . والفيلم هيفوتنا ومش هنحضره . وهتقولى آريان قال .. واتفضلى . آركان بيتصل اهو اكيد بيستعجلنا . ثوانى هرد عليه .الو ..

آركان : بلهفه . ايوه يا آريان انت فين تعالى بسرعه .

آريان : كشر عينيه بقلق . انا ف محل جمب السينما . انت مال صوتك ف ايه ؟

آركان : تعالى بسرعه يا آريان.  ف شباب مسلحين بيضربو آدم . 

آريان : فتح عينيه بصدمه كبيره ايييه؟ مسلحين.  وقفل المكالمه . ولف ل مريم . وقال بلخبطه مريم بصي ا.انا نازل بسرعه وراجع تانى . متخرجوش من المحل ماشي . استنوني هنا . وسابها ومشي بسرعه.

ميرو : كشرت عينيها بعدم فهم . هو آريان ماله انا مش فاهمه حاجه؟

------------------بقلمي مريم نصار.

تيم : خارج من السينما بيجري بسرعه . وراح عند آركان.  فين آدم يا آركان؟

آركان : شارو بايدو .هناك اخر الشارع عند الزحمه دي .

تيم : طلع يجري بسرعه . وآريان وصل بسرعه.

ليليان : خرجت من البروڤا . ولابسه فستان رقيق . وبتلف حوالين نفسها . ها ايه رايك ياميرو . حلو اوي مش كدا ؟

ميرو : بانبهار . واو يجنن عليكى يالي لي . بجد تحفه ..

تمارا : خرجت هي كمان . طيب وانا ايه رايك؟

ليليان وميرو .ف صوت واحد يخربيت الجماااال ..

تمارا : ابتسمت بحرج . احم ميرسي يا بنات . وبصت حواليها اومال فين آريان يامريم؟

ميرو : بحيره . والله آركان اتصل عليه . وخرج بسرعه من المحل ..

ليليان : كشرت عينيها . لاا هو الواد ده هيخلع ولا ايه؟ عتلاق مايحصل ابدا . ولازم ادبسه وهيدفع يعنى هيدفع ..

ميرو : شهقت بصوت مهموس . عليكى ايه؟ الله يخربيتك ياچود . بصي طول ما انتى ماشيه ورا چود الل اصغر منك دى . انتى مش هتنفعي .. 

تمارا : هههههههه بصراحه اتصدمت . بكالوريوس الهندسه مش لايق عليكى يالي لي هههههه صح ياميرو ههههه

ليليان : هيهيهي . خفه يابت انتى وهي . بكره نشوفك يختى وانتى بتترافعي عن ابو دهشان الل عور ام شوقيه عشان خاطر ايجار الشهر .. 

ميرو : هههههههه . 

تمارا : كشرت عينيها بغيظ مكبت . مااااشي ياليليان هانم . كلها بكره واشوفك وانتى شبه الكتكوت المبلول قدام كريم اوكي ..

ليليان : بهيام.  هيييح كيمو . يلهوى ع جمال أمه . 

ميرو : وتمارا بصو لبعض ببلاها .. وخبطو كف ع كف ..

ليليان : انتبهت . بقولك ايه يامعقده منك ليها . انا هدخل البس فستانى . وانا خلاص حجزت ده . واما نشوف سي آريان باشا . يلا تعالى ابت اتموره ورايا ..

تمارا : همست بغباء.  تموره؟ 

ميرو : هههههههه معلش استحمليها ياتيما . هي كدا سعات بتجيلها الحاله . يلا ادخلى غيرى الفستان . وانا هستناكم هنا ونتصل ع آريان قبل ما يشوفك بالجمال ده ويروح يتقدملك حالا ...

تمارا : بحرج اوكي . 

------------------بقلمي مريم نصار.

تيم بيجري بسرعه . وآريان وراه ع طول .. لكن وقفو مره واحده . وفتحو عينيهم ع الآخر بدهشه كبيره..

آريان : بينهج . وقال بزهول . ينهار اسو.... آدم قتلهم ..

تيم : بينهج و ابتسم . مايبقاش ابن العدوي . لو معملش كدا ..

آدم مراد : ضربهم كلهم . واتنين واقعين قدامه ع الأرض . وبيربط  ٣ بالجنزير جمب بعض .. واتعدل بغضب .. وبص ع الشاب الل جاب الشباب دي . 

جو  : واقف مصدوم من قوة آدم . وأنه مخلاش فيهم حته سليمه . وشاف آدم جاي عليه.  وبلع ريقه بصعوبه . وجه يجرى..

آدم مراد : جري وراه بسرعة البرق . وجابه من قفاه . وضربه روسيه . وشدو من التيشرت وجرجره جمب اصحابه .ورماه جمبهم .. 

تيم وآريان .. راحو وقفو جمب آدم..

تيم : بفخر . اي مساعده يا آدم باشا ؟

آريان : تنح . مساعده؟  ده واكل العيال.....

آدم مراد : هز راسه بغضب . ايوه ياتيم .. اتصل ع عمى مالك .. يبعت فريق ياخد الكلاب دول ع الحجز . 

تيم : رفع حاجبه . اممم تمام .  واتصل ع مالك .. 

آريان : قرب من آدم .. هو ايه الل حصل يصحبى يخليك تشلوحهم كدا ؟

آدم مراد : بص قدامه بغيظ. وقال غلطو يا آريان .. غلطو غلط كبير جدا . وسابهم ومشي .. 

الناس كل واحد رجع مكانه . والزحمه خفت .. 

------------------بقلمي مريم نصار.

آدم مراد : راح عند آرين  .. 

آرين : بتعيط . وشافت آدم جاي . وضحكت بدموع . ونزلت بسرعه من العربيه ..

آركان : بخوف ع أخته آرين . اركبي العربيه خلى اليوم ده يعدى ..

آرين : مسحت دموعها وابتسمت . آدم جه هناك اهو يا آركان ..

آركان : بص قدامه . وشافه . وهز راسه واتنهد بأريحيه أنه بخير ..

آدم مراد : قرب منهم . وقال آرين انتى كويسه؟

آرين : قربت منه ووقفت قدامه ورفعت راسها ليه . وابتسمت بدموع ايوه انا كويسه . انت كويس يا آدم ..

آدم مراد : جواه غيظ كبير .. ولكن شاف لون عيونها بتلمع مع الدموع . وعشقه ليها بيزيد ..  انا كويس .وكمل بصوت جهورى وتانى مره متتحركيش خطوه واحده غير لما اكون معاكي ..

آركان : والله يا آدم هي الل زنت عليا وكانت عايزه كاندي . وزعلت منى . وانا عشان مزعلهاش اخدتها ع اول الشارع عند الراجل عشان اجبلها .. طلعو قدامنا الحيوان هو والتاني .. صدقنى انا كنت هربيهم بس بصراحه خوفت ع آرين جدا .. 

آرين : بحرج كبير نزلت وشها ف الارض ببراه . وسكتت ..

آدم مراد : بشبح ابتسامه . كنتى عايزه كاندى؟

آرين : هزت راسها بزعل لأ خلاص مش عايزه حاجه.. 

آدم مراد : ارفعى راسك فوق يا آرين وكلمينى . كنتى عايزه كاندى ؟

آرين : رفعت راسها وعينيها جت ف عينيه وهزت راسها ايوه كنت عايزه..

آدم مراد : بابتسامه جذابه . وانا قولتلك قبل كدا لما تحتاجي لأى حاجه تطلبي مني انا ... انا وبس تمام يا آرين؟ 

آرين : ابتسمت بمرح . وهزت راسها اوكي يا آدم .. وبعدها شهقت بصوت عالى . وقالت آدم انت عملت ايه ف المجرمين ؟ ضربتهم ؟

آدم مراد : ههههه لتانى مره.   . ايوه يستى . ضربت المجرمين . ومش عايزك تخافى من حاجه ..

آرين : بخوف . احم ممكن نروح . انا عايزه مامي ..

آدم مراد : مش عايز اشوف لمحة خوف ف عينيكى طول ما انتى معايا .  ومش هنروح قبل ما تتفرجي ع الفيلم . اوكي. وتعالى معايا يلا ..

آرين : بصت ل آركان ول آدم وقالت ع فين ؟

آدم مراد : اجبلك كاندى .. يلا بينا . تعالى يا آركان ..

آرين : بمرح يس .. آدم هيجبلي كل حاجه .. 

آدم مراد : ضحك بصمت . واخدها ومشي جمبها . ومعاه آركان . وراح اشترى ليها كل حاجه هي عايزاها ..

وبعد شويه . القوه جت . وآدم شرح للظابط كل حاجه  .

.وتيم رفض إن آرين تدخل القسم .

. ومالك اتصل ع الظابط . واتصرف .  واخدو الشباب ع القسم .. 

آريان : راح بسرعه ع المحل . واشترى فستان ليليان وتمارا .. وقال ل مريم تشترى فستان لكن رفضت .

 وبعد كده .. دخلو السينما .  والشباب قاعدين جمب بعض . والبنات جمب بعض . وكان آدم بيسرق النظرات لحبيبته كل شويه . وضحك من قلبه ع شكلها وهي بتاكل الفيشار ومندمجه مع أحداث الفيلم .. 

------------------بقلمي مريم نصار.

بعد شويه . فيلا العدوي ..

محمد : قام وقف طيب ياجماعه تستأذن احنا بقى ..

مريم : ع فين بس يامحمد لسه بدرى يبنى .

محمد : بدرى ايه بس ياست الكل الساعه 11 

مريم : بصت ل آدم . الولاد اتأخرو يا آدم ..

آدم : انا اتصلت ع تيم . وقال جايين ف الطريق . يعنى كلها دقايق ويكونوا هنا ..

محمد : طيب تمام . وتيم هيجيب تمارا . وهيروحو ع البيت.  نسبقهم احنا .. يلا يانورى ..

نور : قامت . يلا يا حبيبي .. وسلمت ع مريم . وآدم ورينو .. وباقى العيله ..

محمد : سلم عليهم . واخد نور ومشيو ..

آدم : لاحظ توتر رينو . ايه يارينو ياحبيبتى مالك ؟

رينو : بصراحه يابابي . خايفه لما فهد يعرف إن آرين خرجت وكمان راجعه بعد 11 ..

آدم : هز راسه.. يابنتى هي آرين لوحدها . أخواتها معاها .. 

مريم : متقلقيش يارينو ياحبيبتى . وبعدين مافيهاش حاجه يعنى لما يخرجو . البنات خارجه من امتحانات . والله يكون ف عونهم . ومدام كل واحده اخوها معاها فين المشكله ؟

رينو : بخنقه .. ربنا يستر إن شاء الله..

بعد شويه .. الشباب وصلو .. 

شاهين : واقف وغصب عنه بص ع مريم . لكن افتكر كلام عوض . وبص بعيد .

آدم مراد : نزل من العربيه . وقرب من كل الشباب وقال . بقولكو ايه؟

كلهم ايه ؟

آدم مراد : مش لازم الل حصل انهردا . حد يعرف بيه ع الاقل دلوقتي .. لأن عمتو لارين قلقانه من غير حاجه . اتفقنا ؟ 

كلهم : تمام . اتفقنا ..

آدم مراد : بتحذير . وانتى يا آرين ياريت متقوليش حاجه عشان المصلحه العامه . اوكي؟

آرين : هزت كتافها اوكي ..

تيم : طيب يلا بقى علشان اسلم عليهم . واوصل رينو ع البيت قبل ما اروح ..

آدم مراد : معلش يا دكتور . انا هوصل عمتو ..

تيم :  ليه يبنى . انت راجع تعبان من الكليه . ده غير الل انت عملته مع العيال .  ارتاح انت وانا هوصلهم ..

آدم مراد : انا مش تعبان . لكن انا عايز اوصل عمتو .. وقال بمكر . انا يعم فين وفين لما بشوفهم. 

تيم : ابتسم خلاص زي ما تحب .. 

------------------بقلمي مريم نصار

كلهم دخلو الفيلا ... وسلمو ع بعض .. 

تيم : اخد تمارا ومشيو ..

رينو : قامت . تصبحو ع خير ياجماعه ..

آدم : ماتباتى هنا يارينو ..

رينو : ابتسمت بحب . معلش بقى يابابي عشان سي آركان ميزعلش .

. بكره إن شاء الله . هكون موجوده من بدرى . عشان عروستنا القمر ليليان..

آدم : هز راسه تمام . وبص ل آدم مراد . وصلهم ياحبيب جدك . ومتتاخرش ..

آدم مراد : حاضر يا بابا ..اتفضلى ياعمتو .. 

رينو : تسلملي ياحبيب عمتك . واتحركت.  ومعاها آرين . 

آدم مراد : خرج . وفتح الباب ل رينو وركبت جمبه . وفتح الباب ل آرين وابتسملها .. وركبت جمب آركان ف الخلف .. وآدم ركب وساق .. 

زين : مسح وشه بايديه بتعب .طيب ياحج انا يدوبك اطلع اصلى وانام .. 

آدم : ماشي يازين . ومش عايزك تفكر كتير ماشي ..

زين : هز راسه . وابتسم بخبث متقلقش ياحج . وقال جواه هيكل نهايته محتومه .. وقام واخد ريتال وطلعو ..

فريحه : قامت وقلقانه ع مراد . وطلعت تنيم تالين وتنام . 

ميرو : قامت عايزين منى حاجه قبل ما اطلع 

مريم : ابتسمت . عايزاكي بخير وسعاده ياروحي .

آدم : ابتسم . تصبحي ع اخبار جميله زيك ياميرو .

ميرو : ابتسمت وسلمت عليهم وطلعت .. 

ليليان : وآريان سلمو عليهم وطلعو ..

آدم : بص ل مريم . يلا يا روحي .. 

مريم : مش هنستنى آدم لما يرجع بالسلامه ؟

آدم : قام وقف . وابتسم متقلقيش ع حفيدى . وبعدين احنا لسه هنصلى . هيكون رجع بالسلامه إن شاء الله..

مريم : قامت . إن شاء الله . يلا ياحبيبى .. وطلعو .

------------------بقلمي مريم نصار.

آدم مراد : وصل تحت العماره .. ونزل . وطلع معاهم لحد باب الشقه .. 

رينو : تعالى ادخل يا آدم ..

آدم مراد : ابتسم . معلش ياعمتو . الوقت أتأخر . مره تانيه بقى .. انتى مش عايزه منى اي حاجه..

رينو : ابتسمت . عايزه سلامتك ياقلبي .. وخلي بالك من نفسك ..

آدم مراد : إن شاء الله ياحبيبتى ..

آرين : آدم سوق ع مهلك . انت سواقتك متهوره جدا . زي بابي ..

آدم مراد : ضحك حاضر يا آرين .. يلا تصبحو ع خير .. 

كلهم : وانت بخير .  

رينو : آدم رن عليا اول ما توصل طمنى عليك يا حبيبي..

آدم مراد : حاضر ياحبيبتى . يلا ادخلى واقفلى عشان انزل ..

رينو : قفلت . وآدم نزل وركب العربيه واتحرك . وجواه مشاعر متلخبطه ..

عند رينو .. 

رينو : غيرت هدومها .. وراحت ل آركان تطمن عليه . وخبطت . وقالت آركان؟

آركان : ثوانى ياماما متدخليش انا بلبس .

رينو : بصت ف الساعه . وكانت 1 كل ده بتغير يا آركان ؟

آركان : فتح الباب اتفضلى ياست الكل . معلش كنت باخد شاور سخن . 

رينو : دخلت . ماشي ياحبيب مامي . تحب تاكل او تشرب حاجه اعملهالك قبل ما تنام؟

آركان : بيتاوب . لأ انا ع أخري . آرين بنتك مخلتناش نفسنا ف حاجه . اكلنا كل حاجه ع الكورنيش ..

رينو : ههههه بألف هنا ياحبيبى . طيب انا هروح اطمن عليها . وانت نام ع طول عشان صلاة الفجر اوكي ؟

آركان : هز راسه ماشي . هقعد شويه ع النت وبعدها انام .

رينو : ااه يبقى هتتعبنى وانا بصحيك زي كل يوم ..

آركان : انا ؟ دانا حمل وديع . دانا نسمه . 

رينو : ههههه امم هنشوف حوار نسمه ده وقت الصلاه . وساعتها متزعلش منى بقى اوكي .

آركان : ابوس ايدك يارينو هانم بلاش ميا ف قفايا وانا نايم . آرين علمتك الشقاوه . البت دى مجنونه والله العظيم..

رينو : بتحذير . آركاااان . وبعدين معاك . اختك حبيبتك عيب تقول عليها كدا ..اختك مش مجنونه اوكي ..

آركان : امم انتى هتقوليلي . طيب انا راضي زمتك .  امبارح انا وهي بنتفرج ع فيلم اكشن خيال علمي عادي جدا .

. الاقيها مطالعالى كمية اسئله ف قلب الفيلم . تقولى ليه الريبوت الألمانى خبيث وبيقتل ف البشر . وليه الريبوت الأمريكي بيحمي البشر . وليه الريبوت الطيب لما بيشوف حد اتقتل قدامه مابيعيطش زي ما انا بعيط ؟ 

.وليه الريبوت الشرير مابيضحكش ضحكه شريره بعد ما بيقتل البشر ف نهاية الفيلم؟

رينو : ههههههه . بجد؟ ما انت عارف آرين اختك بتحب تسأل عن حجات كتير وغريبه ف نفس الوقت وسعات انا بتهرب منها ههههه معلش اختك وبتحب تشغل عقلها كتير.  يلا ياحبيبى هسيبك انا وهروح اطمن عليها . تصبح ع خير ..

آركان : وحضرتك بخير..

آرين : خارجه من الاوضه ..

آركان : ماما ...

رينو : لفت ليه . نعم يا حبيبى..؟

آركان : بتنهيده . هو بابا كلمك ؟

رينو : هزت راسها بزعل . لأ ...

آركان : بابا وحشنى اوى ..

رينو : عيونها لمعت بدموع.. ربنا يرجعو لينا بالسلامه..

آركان : يارب ويكون بخير .. 

رينو : مسحت دموعها وابتسمت بحب . هو اكيد بخير ياحبيبى . انت بس ادعيله ف كل صلاه وربنا هيستجيب ..

آركان : إن شاء الله .. تصبحي ع خير..

رينو : وانت بخير . وخرجت .. 

آرين ف اوضتها .. لابسه بيجامه وعليها رسوم كرتونيه مضحكه .

 وعامله شعرها ديل حصان من الناحيتين.. وقاعده ف نص السرير .. وبتكلم نفسها . 

. تؤ آدم لما قرب من المجرم ده . ضربه ف جمبه ولا وشه ؟ تؤ بتهائلي ف وشه عشان عينيه ورمت احسن احسن يستاهل الحقير ده  

. انا بقى عايزه لما اكبر اكون ظابط مخابرات زي بابي فهد حبيبى وخالو مراد القمر وكمان آدم. عشان اى حد يقرب مني اقوم بوووم بوكس ف وشه كدا. وكيم بوكس تانى ف نفس ذات الوش برضو .

. وبعد ما اضربه . اطلع السلاح واحطه ع راسه . وافرح جدا واضحك ضحكه شريره متقطعه  وهو يكون مرعوب منى وبترجانى ارحمه .

. ايوه طبعا وهو انا اى حد؟ دا انا آرين فهد السيوفي .

. امممم . تؤ بس آدم اطول منى بكتير انا هضرب المجرم ده ازاى؟ ايوووه ف بطنه ...  وزززو تانى ف بطنه ع طول .. 

.ايه زو دي كمان ؟ ايه الهبل ده ؟ اوووف انت فين بقى يابابي نفسي احكيلك كل حاجه وعايزه أسألك ع حجات كتير جدا .. اممم كان ف كيس شبسي هنا راح فين؟ لما اقوم اشوفه .. 

وقامت بسرعه بتدور ع الشبسي . وبتغنى كرتون ريبونزل أجنبي . 

Oh my heart, let the strength appear to me. He returned to me. He used to be lost in time, loosen the wounds. I will return to him. He will return to me. He used to return to a lost time.

ياورده المعي  .. خلي القوه تبان ..  يرجع الي كان .. الي ضاع زمان ..  خففي الجروح .. رجعي الي فات .. يرجع الي كان .. يرجع الي ضاع .. ضاع من زمان .

ايه ده . هو الشييبس فين؟ ياورده المعي . خلي الشيبس يبااااااان .

رينو : هههههههههه . يامجنونه ..

آرين : هيييه مامي . حضرتك واقفه ع الباب هنا من امتى؟

رينو : دخلت بابتسامه . من اول كيس الشيبسي . 

آرين : ببراه . اممم . طيب هو راح فين؟ 

رينو : بمكر .اخوكي آركان اكله ..

آرين : بغيظ مكبت . اييييه؟ هو ع طول ياكل حاجتى ليه بقى ؟ ماليش دعوه دي الشيبس بتاعي انا . وتيم الل جايبهولى مع الشوكيلت .اعااااا . اعمل ايه ف ابنك ده بقى ؟ 

رينو : ههههه عارفه لو بابي كان موجود وشافك كدا دلوقتي كان عمل ايه؟

آرين : بزعل طفولي . بابي كان زمانه اخدنى السوبر ماركت وجابلي كل حاجه . اعااااااا بابي وحشنى اوى اوى .. 

رينو : ههههه يابنتى انتى مش هتكبري بقى .  

آرين : بدلع . تؤ اكبر ايه بس . انا كدا حلوه اوي . وانا بنوته ١٦ سنه . لسه بدرى اوى عشان اكبر. 

وكملت بغيظ . انا هروح لابنك ده ينزل يجبلى شيبس دلوقتي.   

رينو : ينزل؟ هههههه بلاش عشان هيطلب قصاد الطلب ده . تكويله القميص وتعملي قهوه وعصير وممكن يخليكى تعملى عشا كمان . وف الاخر يقولك ماليش نفس خلاص ههههه.  

آرين : بتتنفس غيظ . وصكت ع أسنانها . وبعدين بقى هو الواد ده مش هيجيبها لبر معايا ؟ 

رينو : خبطتها ع راسها . عيب تقولى ع اخوكي واد . انا مش عارفه انتو طالعين لمين كدا ؟ ع العموم تعالى انا هديكي شوكلت من عندى . خديها واسمعى الكلام ونامي اوكي ..

آرين : بمرح يس يس . اجمل MoOoOM  ف العالم كله ههههه..

رينو : ههههه تعالى يالمضه يلا .. 

آرين : بمرح اووووووكي يلا بينا .. 

------------------بقلمي مريم نصار.

فيلا العدوي .. 

آدم مراد : نزل من العربيه . وبص ع شاهين ومتكلمش . 

. ودخل الفيلا .. وملقاش حد موجود تحت . وطلع ع السلم ووصل الدور الاول .. 

مريم : ف الطرقه حمدالله ع سلامتك ياحبيبى..

آدم مراد : ابتسم بحب ووقف مكانه. الله يسلمك ياماما.  ايه انتى منمتيش ليه؟

مريم : ومن امتى بنام . وحد من ولادي بره البيت .. 

آدم مراد : باس  جبينها. ياحبيبتي انا مش عايزك تقلقي عليا . 

مريم : ربنا يطمن قلبي عليك ديما ياروحي . وصلت رينو بالسلامه؟

آدم مراد : ايوه يا حبيبتي .واتصلت عليها من شويه طمنتها عليا .. 

مريم : ابتسمت . طيب ياحبيبى . اطلع نام واستريح انت من الصبح مستريحتش ..

آدم مراد : حاضر ياحبيبتى . تصبحي ع خير . 

مريم : وانت بخير وسعاده .. 

آدم مراد : طلع ع السلم . 

ومريم : دخلت الاوضه . وبتقلع الاسدال..

آدم : نايم ومرجع ضهرو لورا . وقفل الكتاب .. وقال ها اطمنتي ع حفيدك ؟

مريم : راحت جمبه . ايوه ياحبيبى . وربنا يطمنى ع مراد وفهد ويريح قلوبنا جميعا..

آدم : ابتسم بحب كبير . آمين ياروحي . يلا بقى ننام احنا سهرنا انهردا . 

مريم : ايوه عندك حق . انت ظبطت المنبه لصلاة الفجر؟

آدم : ايوه ياروحي . تعالى بقى .. حضنك وحشنى اوى . 

مريم : ضحكت ..  وقفلت الاضاءه .. ونامت ف حضنه تصبح ع خير..

آدم : أخدها ف حضنه . وابتسم وانتى بخير . وغمض عينيه ونامو بعمق .. 

------------------بقلمي مريم نصار..

بعد فتره الساعه ٤ الفجر ..

مراد : فتح الاوضه ببطء شديد . وقرب من فريحة قلبه وكانت نايمه .وباسها باشتياق كبير وهمس فريحتى 

عند فهد

رينو نايمه : وفتحت عينيها . وشهقت فاااااهد ..

-------------يتبع

الحلقه ١٤ ج 1

رواية جريمة عشق ٤ 

                                       (ميراث العشق)

صلو ع سيدنا محمد 

______________________________________

                       بسم الله نبدأ   .

أسم الكاتبة الحقيقي : شريهان ابراهيم.

الإسم الحركي للكاتبة : مريم نصار.

فيلا العدوي. 

.ف منزل عوض

زينب : نايمه بعمق . 

عوض : نايم صاحي ومش عارف ينام.  وبيتقلب جمبها كل شويه.  

زينب : حست بيه وفتحت عينيها مره واتنين . واستغربت أنه لسه صاحي . واتعدلت مكانها وبتتاوب . وقالت ايه ياعوض.  انت لسه صاحي ؟ 

عوض : اتعدل بخنقه . ايوه يازينب لسه صاحي.  ومش عارف انام  . النوم طار من عينى . 

زينب : بعدم فهم . ليه جرا ايه؟ . عشان النوم يطير . ما انت متعشي قبل ما تنام .

عوض : نفخ بزهق.  انام ازاى بس يازينب انتى متعرفيش حاجه .. اني حاسس انى عملت مصيبه . ومش عارف اعمل ايه؟

زينب : بقلق . نهارك اسو.....ياعوض انت سرقت ولا نهبت ع حد؟ 

عوض : بغيظ يابت اتهدى وقولى كلمتين حلوين يخربيتك . سرقة ايه وزفت ايه هو احنا بتوع الكلام ده ..

زينب : بقلق اكبر . عملت ايه ياعوض؟

عوض : بصلها بتردد . .........

زينب : اتكلم يامدهول عملت ايه .قلبى واكلنى انطق اخلص .

عوض : بصي اني هقولك . بس متتظرظريش عليا .

زينب : شهقت هي وصلت للظرظره ياعوض . الله يجيبك ياطولة البال . ياراجل انطق انا بصحي من النجمه . 

عوض : نفخ بديق حقيقي استغفر الله العظيم يارب . ماشي هنطق اهو . اسمعى يستى . اني عملت القهوه وروحت اوديها للحرس . حصل................................... وقالها ع حوار شاهين وهو مع بعض . وخلص . وقال هو ده الل حصل . واني من ساعتها حاسس اني عملت مصيبه و مخنوق ..

زينب : بزهول . خبطت ايدها ع قلبها . وقالت ينهار عيلتك واهلك كلهم مطين؟

. انت ايه الل انت هببته ده ياعوض ؟ انت عارف انت عملت ايه؟

. ده سيدى آدم بيه لو شم بس خبر . ممكن يخلص عليك . ولا يدفنك حي. ولا يحطك ف دماغه . ياسوادك يازينب ياحظك المهبب ياززززيييييينب . 

عوض : بنرفزه . اكتمى جاك خابط ف نفوخك انتى كمان . هو انى ناقص خوف لما هترعبينى الله يخربيتك ..

زينب : بغيظ . مرعوب ؟ انت لسه شوفت رعب ؟

بقي يهبل واحد لسه ماتمش شغل يوم واحد.. ويسالك عن العيله . تقر و تعترف بكل حاجه من غير ماتاخد قلم حتى ؟ 

يامرارك يازينب . ياوقعتنا المنيله بنيله ..

عوض : بخنقه . يابت وطي صوتك العيال هتصحى . واني فهمتك قصدى .

. اني والله العظيم . قولتله بحسن نيه . وكمان انى قولت اخوفه من هيبة العيله . وأعرفه هو شغال عند مين . وكمان انى مجبتش سيرة الحريم ..و.......

زينب : بخوف .. قاطعته بسرعه . بسسسس الله يخربيتك اسمهم حريم؟

. اكتم انت مش عارف دماغ سيدى آدم بيه؟ ده ممكن يكون مركب مكرفونات ف كل مكان . ويسمعنا . 

عوض : بص للسقف ببلاها . وقال ينهار مدوحس . 

طب والعمل يازينب . انى خايف  وكمان ضميري واجعنى وخايف ..

زينب : رايحه جايه ف الاوضه بحيره كبيره .

وقالت مش عارفه . ماهو ممكن يكون بيسأل بحسن نيه . وممكن يكون حد زاقو ع العيله .الله ينتقم من الظالم يشيخ . قلبت دماغي ... اوووف . 

عوض : يابت منا قولتلك انى حكيتله ع الل يخوفه . مقولتش حاجه اكتر من كدا ..

زينب : صكت ع أسنانها بغيظ كبير . يخوفه؟ 

انت قولت ع كل حاجه ياخويا . دانت قولتله ع كل حركه بيصحو امتى؟ وينامو امتى ؟

.وكمان بيت المزرعه وسهيل الحصان وخصوصيات سي آدم بيه الصغير .وشهقت ولطمت ع وشها ينهار مش فايت لو سي آدم بيه الصغير شم خبر . هتبقى ارمله بدرررررى ياززززيييينب 

عوض : بقلق وغضب .الله يخربيت ال يفكر يحكى للحريم حاجه .  انى غلطان انى قولتلك ع حاجه.

. انى اه منكرش انى غلطت . بس انى قصدت انى اخليه يخاف من العيله .

. وكدا كدا يختى هو حرس ورديات . يعنى هيعرف سيدى آدم بيه بيصحى امتى . 

.والبسين مش ف تانى بلد . وبيت المزرعه بيرحوه ف الصيف .

. انى نيتى كانت خير.  وفزى اتخمدى قلقتينى اكتر مانى قلقان ومرعوب منك لله نسوان هم .

زينب : عوجت بوقها . مني لله ..  اه تبوظ الدنيا وتعكها ع دماغنا ونيتك خير.  ونسوان هم.

  يلا الله يرحمك ياعوض  . ورايحه اتخمد . واتخمد انت كمان . وزي ما ربك رايد هيكون  . وراحت ع السرير وشدت الغطا بزهق . 

عوض : مسح وشه بايديه بقلق  ونفخ بنفاذ صبر . وراح ع السرير . وشد الغطا . ونام وهو مخنوق ..

------------------بقلمي مريم نصار

جوه الفيلا . 

آدم مراد : قبل ما يطلع ع اوضته .. اطمن ع تالين .  ودخل اوضته وراح الحمام واخد شاور وخرج.  ولبس بنطلون وتيشرت . واتصل ع زميل ليه . وطلب منه طلب مهم .. ورايح ينام ع السرير .

الباب خبط . 

آدم مراد : اتعدل ووقف باستغراب . ادخل ..

فريحه : دخلت وابتسمت حمدالله ع سلامتك ياحبيبى.

آدم مراد : ابتسم . الله يسلمك ياماما . ايه مش جايلك نوم ولا ايه ؟

فريحه : بابتسامه . طبعا مش هنام غير بعد ما اطمن عليك . انت متعرفش انت كنت وحشنى اوى قد ايه؟

آدم مراد : حبيبتى يا امي ربنا يباركلى فيكى..

فريحه : ويباركلى فيكو ياولادي . المهم ياحبيبى جعان انزل اجهزلك عشا ؟

آدم مراد : افتكر آرين . وابتسم لا ياحبيبتي انا شبعان جدا . انا بس محتاج انام ..

فريحه : حطت ايدها ع خدو . وماله يانور عيني نوم الهنا إن شاء الله .. تصبح ع خير .. 

آدم مراد : وانتى بخير ياحبيبتى .  

فريحه : خرجت . وراحت تطمن ع ميرو ...

ميرو : لابسه بيجامه رقيقه . وفرده شعرها .. وقاعده ع طرف السرير ومرجعه ضهرها لورا . وسرحانه .. 

فريحه : خبطت . مره واتنين . وقالت معقول نامت؟ وفتحت الباب بشويش . 

ميرو : انتبهت . وشافت فريحه .احم . وابتسمت اهلا مامي ..

فريحه : دخلت . حبيبتي انا خبطت عليكى . وفكرتك نمتى لما مردتيش . انتى كويسه؟

ميرو : الحمدلله انا كويسه جدا . بس كنت سرحانه بفكر ف بابي وأنه متصلش تانى عشان يطمن .

فريحه : مسدت ع شعرها . اكيد غصب عنه ياحبيبتى .انتى عارفه مراد روحه فيكى انتى وآدم وتالين..

ميرو : بمرح . اممم ولما انا وآدم وتوتا روحه بقى . انتى يافريحه تبقى ايه ؟

فريحه : ضحكت . انا ايه يابت انا مراته عادي يعنى ..

ميرو : لفت حواليها بمرح . ووقفت قدامها . ومسكت أيد فريحه وبتقلد مراد وبنفس الطريقه .

.  فريحتى وحشتينى اوى اوى يابت يافريحه يخربيت كدا ... كل ده جمدان. هههههههه..

فريحه : ههههههههه . يابت حرام عليكى للحظه تخيلت ابوكي قدامي  ههههه ..

ميرو : هههههههه مسيطر اوى مراد ..

فريحه : بتنهيدة حب . مراد ؟ ربنا وحده الل عالم هو عندى ايه ؟ ربنا يحميه ويرجعهولى بالسلامه ..

ميرو : يارب يامامي . انا بجد مبسوطه اوى ع عشق بابي ليكي .

. بجد حبه نادر جدا . قليل جدا الل تقابليه ف حياتك ويجاهد نفسه عشان بس يشوف ابتسامتك وانك ع طول مبسوطه وسعيده ..

فريحه : حست ببنتها . وضمتها لقلبها بحنان كبير. ومسدت ع ضهرها .

وقالت تعرفي ياحبيبتى إن ماما مريم قالت نفس كلامك ده زمان .

. وانا شايفه إنك نسخه مصغره منها .. وإن شاء الله انا واثقه من إن ربنا هيكرمك ويريح قلبك يامريم يابنتى .. 

ميرو : عيونها لمعت بدموع . واتنهدت . ومسحت دموعها بسرعه وابتسمت .. وخرجت من حضنها . حبيبتى يامامي ربنا يخليكي ليا يارب..

فريحه : بابتسامه. ويخليكى لقلبى يانبض قلبى . يلا ارتاحي شويه . انتى صاحيه من بدرى .. تصبحي ع خير..

ميرو : وحضرتك بخير وسعاده.. 

فريحه : خرجت . وراحت ع اوضتها . وقلعت الاسدال. وراحت ع السرير . وبتدعي بقلبها لجوزها واولادها .. ونامت بعد تفكير ف عشق المراد ..

آدم مراد : نايم ع السرير . وغمض عينيه . وشاف صورة آرين وهي ف السينما وبتاكل الفيشار ومندمجه وفاتحه بوقها بزهول من أحداث الفيلم. والفيشار بيقع منها .. وابتسم تلقائي ع برأتها وعفويتها .

.  ونام ع ضهرو . وحط ايدو ورا راسه . وفتح عينيه . واستغرب نفسه . هي الوحيده الل بيضحك من قلبه معاها . هي وبس ...

وافتكر اسألتها عن الفيلم .. ازاى البطل بيطير ف الجو . وبينزل ع الأرض من غير بارشوت ؟.

. وازاى البطل بعد ما يموت . البطله تزعق ليه يقوم يرجع من الموت تانى؟ .

. وازاى البطله تحب واحد زميلها وبعدها تحب كمان البطل ؟.

وضحك بصمت لأن ده طبع عندها تسأل كتير .. واتنهد بحب . وقال بحبك يا آرين وكمل بثقه وقريباً هتكونى ملك ال آدم ..وغمض عينيه ونام ..

عند ميرو . 

نايمه ع السرير . وبتفكر ف تيم . وغمضت عينيها . وبتحاول تنام . لكن مش عارفه .. وفتحت عينيها واتنهدت . 

.وقامت . وراحت عند الدولاب.  وجابت المفكره . وقعدت ع كرسي المكتب وشغلت إضاءة المكتب . وفتحت ع صفحه . ومسكت القلم . وكتبت . 

انهردا كان يوم رغم صعوبته إلا أنه من اجمل الايام .

حسيت فيه للحظه عن غيرة تيم . ايوه هي كانت لحظه صغيره لكن احساسها حلو اوى .

انا شوفت عيون تيم انهردا وانا ف الجامعه بوضوح . 

.عيونه جميله اوى . لأ مش جميله وبس . عيون فيها  جمال بلوره نادرة الوجود . ايوه انا شوفتها كدا .

حسيتها ايكونه جميله جدا جديره انى اقول تشبه الكره الارضيه .. 

ورجعنا مع بعض . هو وصلنى وجابلى علبة شوكليت كامله.  رغم أنه مابيحبهاش .

. لكن ياترى ممكن اكون عند تيم زي الشوكليت ده ومبيحبنيش ؟ مش عارفه .. 

المهم .

تالين : توتا الجميله . بنوتى واختى وقلبى وكل حاجه رقيقه. 

.  انهراده قالت إنها حلمت بيا.  وقالت الحلم. هو غريب شويه. 

. لأ هو فيه جزء غامض.  لكن نهايته مبهجه.  واحلام توتا بتتحقق.  بصراحه انا قلقت ومنكرش إن قلبى اتقبض .  لكن فكرت بإيجابيه. وإن كل مايصيبنا إلا ما كتبه الله لنا ..  وإن شاء الله خير.  

آدم .. اخويا. ده كدا ف حته تانيه . بموت فيه . جه انهردا .   واتعلقت ف رقبته باحتياج كبير . ايوه ما هو حمايتى برضو . 

حسيت بالفرحه الكبيره . وكانت هتبقى فرحة العمر لو بابي كان موجود جمبى . هو بيسافر كتير اوى . وبابا آدم بيعوضني شويه  .

. لأ لأ مش شويه.  بابا آدم بيعوضني كتير جدا . انا بحبه اووي . او بعشقه . بحس انى بنته واغلى . ايوه ماهو بابا آدم وبس  ههههه . 

انا اول مره اشوف ضحكة اخويا آدم ف وجود آرين . ايوه هي الوحيده الل اخترقت حصن ال آدم .

آرين .... آرين دي جميله اوى . بوبنايه . زعلها الطفولي بحبه اوي . رغم..... احم . رغم انى بحسدها ع كلمة حبيبتى.  والله اعلم ايه درجة الحب ده. 

ليليان : اللمضه اتجننت خلاص بسبب چود  . طلعت مجنونه بكريم . ايوه هي قالتلى .. ونفسها تتجوز ههههه.  اتمنى ليها حياه جميله.  

تمارا : انهردا كانت محرجه جدا من آريان. 

عارفاه انا الاحساس ده.

  تمارا شخصيتها بتتغير.  ف وجود آريان.  اكيد.  لانى انا كمان كدا . وبتمنالها حياه اجمل.  

ع فكره .انا مش ضعيفه.  ممكن ليليان أو چود يشوفو انى ضعيفه. 

. لأ انا مش كدا . انا اقوى بعيلتى . ايوه تيم نقطة ضعفي.  وبعشقه حد الانهيار .

.لكن انا عمرى ما هفكر اهين نفسي. وابقى مجرد إحتمال ف حياة حد .

. يا اكون آكيد يا يااكون بعيد ..لكن مش ضعيفه.  انا عمرى ما هقول ل تيم انى بحبه لأ.  هو الل يقولى . انا لازم احس واعيش الاعتراف ده . هههههههه ده لو يعنى بيحبنى . 

تيم : انهردا كان جميل جدا معايا.  حسيته مختلف . وفجاءه يقولى انتى اختى.  كلمه سخيفه محبتهاش منه.  بس عادي .

. هو سالنى انا مخبيه عنه حاجه؟ طيب ياترى السؤال ده مقصود فعلا ؟ 

.ولا  لمجرد شايف انى متغيره.  اااه ياترى جواك ايه ياتيم ؟ 

فريحة مراد ... عن قلق مامي ع بابي . بتمنى ترجع بقى يابابى.  وجودك جنه و بيفرق .

ف حاجه عايزه اقولهالك ياتيم . 

‏"لا نحتاج سوى الرأفه ببعضنا البعض، الرأفه ف الحديث، ف الفعل، ف التمسّك، وحتى ف التّخلي .

قبل ما انسى ف حاجه مهمه . قررت انى قولها كل يوم.  

"اللهم وإن إستحالَت.. بأمرك تكون."

المهم اليوم انهردا كان حلو لقلبى . M/T

وقفلت المفكره.  وقامت. خبتها ف هدومها.  ورجعت تانى ع السرير . وحاولت تنام .

. وقالت بابتسامة اشتياق ..  تصبح ع خير ياتيم .  وغمضت عينيها. 

------------------بقلمي مريم نصار

بعد فتره الساعه ٤ الفجر ..

مراد : وصل الفيلا . ودخل بطريقتة المعتاده من غير ماحد يشوفه. وطلع ع السلم بشويش . 

.وطلع الجناح بتاعه وفتح الاوضه ببطء شديد وقلع الشنطه . وشاف حبيبته نايمه . وقلبه دق . 

وقرب من فريحة قلبه .وباسها باشتياق كبير وهمس فريحتى .

فريحه : فتحت عينيها. وابتسمت وغمضت تانى ونامت ..

مراد : ضحك بصمت . وقرب منها تانى وهمس ف ودنها بت يافريحه .

فريحه : بدءت تفوق .وسمعت صوت وحست بوجود مرادها جمبها . وفتحت عينيها بسرعه.. 

مراد : حط ايدو ع خدها وبيمسد عليه بحنان . وابتسم ليها . وحشتيني اوي يابنت المستخبى..

فريحه : فتحت عينيها بدهشه اكبر . وقلبها دق بسرعه كبيره جدا واتعدلت. وقالت بصوت عالى شويه مرااااد .. مراااد . ا.انت . اا.انت هنا ؟

مراد : حط ايدو بين خصلات شعرها ايوه ياقلب مراد . انا رجعتلك ..

فريحه : ضحكت بدموع واتعدلت اكتر . واتشعلقت ف رقبته باشتياق كبير . وعيطت بفرحه . وكلبشت فيه بكل قوتها ..

مراد : حضنها وضمها لقلبه اوي . وحشتينى يافريحه ..

فريحه : مردتش عليه وبتعيط وبتضحك وقلبها مبسوط وعندها مشاعر عشق مختلطه..

مراد : همس ف ودنها بقولك وحشتينى اوى يافريحتى ..

فريحه : طلعت من حضنه وباست كل مكان ف وشه . وحشتنى اوى اوى يامراد . حمدالله ع سلامتك ياحبيبى. بجد انا قلبى طاير من الفرحه . مراد انت رجعتلى صح . انا مش بحلم  مش كدا ؟

مراد : رجع خصلة شعر ورا ودنها . تؤ مش بتحلمي ياحبيبتى . انا رجعتلك انا جمبك ومعاكي .. 

فريحه : ضحكت بدموع اكتر . وهمست مراد..انا.....

مراد : قاطع كلامها . وباسها برقه انتى ايه ياروح المراد .

فريحه : تاهت ف عشقه . وغمضت وفتحت عينيها بتوهان ..وهمست ا.انا......

مراد : ابتسم ع عشقها . وقرب منها وباسها باشتياق كبير . يعبر ليها عند مدى عشقه ليها . وقرب منها وعاشوا ف بحر العشق . 

وفريحه : بتحاول تستوعب إن مرادها رجع ليها وف حضنها اخيرا .... 

------------------بقلمي مريم نصار.

عند فهد ..

فهد : طالع ع السلم . وفتح باب الشقه بشويش . ودخل ببطء شديد .. 

.وقرب من اوضة معشوقته . وفتح الباب بشويش . ودخل وحط الشنطه ع الكنبه .

.  وشاف رينو نايمه . وابتسم وقلبه جواه اشتياق كبير ليها . وقرب منها وقعد جنبها ع طرف السرير . بيتأمل فيها . ورجع شعرها الل متناثر ع وشها . وهمس نجمتى .. 

رينو : .......

فهد : رينو حبيبتى اصحي ...

رينو : .......... وحركت راسها وعملت صوت انين بسيط 

فهد : قلبه دق ليها . ورفع راسها وهي نايمه . واخدها كلها ف حضنه وهمس وحشتينى اوى يارينو..

رينو : نايمه وحست بحضن وريحة فهد  وفتحت عينيها مره واتنين بنوم .

. وبعدها فاقت وفتحت عينيها ع الاخر بزهول .. وحركت راسها وشافته ... شافت عشق الفهد اخيرا . وشهقت بصوت مسموع فاااااهد ..

فهد : مغمض عينيه وزاد من حضنها . قلب الفهد يارينو . 

رينو : سمعت صوته اخيرا . وقلبها بيدق وضحكت بدموع وسعاده . ورفعت ايديها وكلبشت فيه بكل قوتها . فهد حبيبى .. ا.انت معايا يافهد انت رجعتلى  انت ف حضنى ..

فهد : حبيبتى وحشتينى اوى ..

رينو : بسعاده كبيره. زادت من حضنه . وعيطت . انت الل وحشتنى اوى يا فهد . بجد انا قلبى هيوقف من الفرحه . معقول فهد انت جيت بجد .. 

فهد : زاد من حضنها.. هششش بس ماتعيطيش انا جمبك وف حضن نجمتى .. 

رينو : حاولت تخرج من حضنه ..

فهد : مكلبش فيها.  هششش بس عايز اغذي روحي . ريحتك وكل حاجه فيكى وحشانى اوى يارينو ..

رينو : ابتسمت بحب وقلبها دق . ورفعت ايديها وحضنته اكتر . وغمضت عينيها بسعاده كبيره..

وفضلو ف حضن بعض شويه . ف صمت تام . كل واحد بياخد احتياجه من عشقه .  

فهد : دفن وشه ف شعرها . واخد نفس عميق واتنهد باشتياق كبير . 

رينو : قلبها بيدق بسرعه كبيره . وهمست وحشتنى اوي يا...... .

فهد : قاطع كلامها بالبوسه المعهوده وقرب منها . وبيحاول يثبت لنفسه أنه اخيرا وصل بخير لمعشوقته.. 

-------------------بقلمي مريم نصار

بعد فتره .  عند مراد ..

مراد : نايم واخد فريحه كلها ف حضنه . وباسها من انفها بمرح . وحشتيني اوي يابنت الوارمه..

فريحه : ههههه . وحطت راسها ع صدره وغمضت بسعاده . وانت كمان وحشتنى اوى يا مرادي . ورفعت عينيها ليه . حبيبى انت قلقتنى اوى عليك لما متصلتش تانى..

مراد : شبك ايدها ف ايدو وباس ع أيدها . غصب عني والله يافريحتى . انا فعلا كنت هتصل عليكى . لكن انا يدوبك قفلت معاكى.

. فهد بعتلى اشاره اننا لازم نتحرك حالا  ونقبض ع العصابه لأن جاتلنا اشاره من فوق .

. وجهزنا نفسنا ف ثوانى . وخرجنا ورا الهدف .. والحمد لله وبتوفيق من ربنا . اننا قبضنا عليهم من غير اى خساير . واترحلو ع مصر بالطياره..

واحنا ف طياره تانيه وكل واحد اخد شاور وغيرنا هدومنا. وانا والواد فهد قولنا مش هنستنى لبكره . احنا نروح الجهاز دلوقتي ونسلم الادله . وكل واحد فينا يطلع ع بيته . وابتسم ليها . كنت وحشانى مووت يابت مقتدرتش اصبر للصبح يعم ..

فريحه : رفعت ايدها ع خدو . حمدالله ع سلامتك ياحبيبى.. بجد انا مبسوطه اوى . رجعوك انت وآدم ونجاح مريم بجد يوم من اجمل ايام حياتي ..

مراد : تعرفي انتى لما قولتى آدم رجع . انا كنت عايز اروح اشوفه دلوقتي . 

.وكمان اشوف ميرو وابارك ليها البت دى وحشانى مووت .

. وكمان تالين يااااه بعشق امها وعايز اصحيها . لكن كلها كام ساعه والنهار يطلع .. واشوفها واشوف ابن الكئيبه ده ..

فريحه : كشرت عينيها ليه .......نعم ابن الايه؟

مراد : بغمزه . ابن الكئيبه يابت . 

فريحه : بغيظ . موراااد انا كئيبه؟

مراد : باسها .. اجمل واحلى كئيبه ف الدنيا . 

فريحه : بحرج . يلهوى بقى ...

مراد : انا قولت هبله محدش صدقنى ههههههههه..

فريحه : خبطته ف كتفه بهزار . انا زعلانه منك..

مراد : ضمها لقلبه . اوعي . اوعي ف يوم تزعلى من مرادك . انتى ضحكتى يابت ..

فريحه : بتنهيده .وانت الدنيا ومافيها .. ربنا يخليك ليا يامرادى ..

وسمعو آذان الفجر .. 

مراد : قام اخد شاور . وخرج  . وبعدها فريحه وصلو الفجر مع بعض . 

فريحه : تقبل الله ياحبيبى..

مراد : منا ومنك ياروحي..

فريحه : هتسلم ع ماما وبابا آدم . هما اكيد صاحيين للصلاه دلوقتي..

مراد : بيتاوب . لأ عشان مريوم لو عرفت مش هتعرف تنام بعدها .. انا بس اخطفلى ساعتين ف حضنك . وإنزلهم ع الفطار ..

فريحه : قلعت الاسدال . وابتسمت وماله ياحبيبى . تعالى ارتاح شويه ..

مراد : راح ع السرير بارهاق . واخد فريحته ف حضنه . ونام ع طول..

أما فريحه : نايمه صاحيه ف حضنه بتقول الأذكار . ورفعت عينيها ل مراد وابتسمت بسعاده كبيره . وباسته من خدو . ودقنه . وغمضت عينيها بحب كبير ونامت بعمق وف امان ...

 .. -------------يتبع

 الباقى من تكملة الحلقه ١٤ ف ج 2 من الحلقه . وده رابط باقى الحلقه

تكملة الحلقه ١٤ ج 2

رواية جريمة عشق ٤ 

                                       (ميراث العشق)

*عَن سَعَد بِن أبِي وَقّاص رَضِي اللهُ عَنهُ قَالَ* : 

*قَالَ رَسُولُ اللهِ ﷺ* :

*أيَعجَز أحَدكُم أن يَكسب كُلّ يَومٍ ألفَ حَسَنَة* ؟

*فَسَأَلهُ سَائِلٌ مِن جُلسَائِه كَيفَ يَكسب أحَدُنا ألفَ حَسَنَة* ؟ ..

*قَالَ : يُسَبِّحُ مائة تَسبِيحَة ، فَيُكتَب لهُ ألفَ حَسَنَة* ،

*أو يُحَطّ عَنهُ ألفَ خَطِيئَة* .

________________________________________________

                     بسم الله نبدأ   .

أسم الكاتبة الحقيقي : شريهان ابراهيم.

الإسم الحركي للكاتبة : مريم نصار.

عند فهد ..

فهد : واخد معشوقته ف حضنه . وبيلاعب خصلات شعرها . 

.وبيحكيلها وكمل وقال . بس ياروحي وبعدها .انا ومراد قولنا مش هنستنى لبكره . وطلعنا ع الجهاز وسلمنا الادله . وخرجنا وجينا بعربيه تبع الشغل .

وبصلها بحب .. ودفن وشه ف شعرها وقال وطلعت اجري ع السلم زي المجنون ..عشان اشوف نجمتى جرعة ادماني وحياتى ..

رينو : غمضت عينيها. ورفعت ايديها وحضنته اكتر وحطت راسها ع صدره.  عارف يافهد . لما فريحه قالت إن مراد المفروض يتصل ومتصلش انا كنت مرعوبه وقلبى كان مشغول عليكو جدا . لكن دعيت ربنا كتير . واستودعتكم عند الله . وع يقين إن ربنا هيحفظكم لينا ..

فهد : ابتسم .. طبعا ربنا هو الحافظ . الحمد لله .

. واتعدل . وعدل رينو معاه . وبيتأمل فيها . قوليلى بقى آريني عامله ايه؟ و آركان؟ بجد وحشونى بغباء.

رينو : ههههه آرين مجنونه رسمي يافهد . وهتجنني معاها قريب  .

. و آركان الحمدلله تمام ولسه بيعاند فيها بطريقه مجنونه.

. لكن الاتنين مطلعين عينى . تعرف آركان اكل الشيبسي بتاعها عشان يرخم عليها وقولتلها تعالى خدي شوكليت بدالها . 

.وراحت ع التلاجه تجيب الكانز بتاعها شافت آركان خارج من اوضته وهو بيشرب فيها هههه اتطنتط ف الارض وصرخت وعيطت وجريت وراه وآركان يغيظها .

.ومتغاظه إن الحاجه خلصت من عندها لكن هديت بأعجوبه  . بصراحه يافهد عندهم قوة رخامه ع بعض رهيبه . 

فهد : بابتسامه .. آرين دي روحي وتعمل الل هي عايزاه .. انا بموت ف جنانها . وع أتم الاستعداد انى اجاوبها ع الاسئله التافهه ههههه..

رينو : ههههه . سبحان الله.  الل يشوفك وآرين صغيره وانك مصمم تلبسها النقاب مايشوفش العلاقه بينكم دلوقتي .

. سعات بحس انها الل مراتك . وصكت ع أسنانها بتمثيل .. وانا ضرتها الل جايه عليها ..ست ريبونزل بتاعتك دي .. 

فهد : ههههههه. اعمل ايه بس ياروحي . بنتك خطفتنى . وكفايه انها منك . 

.وطريقة زعلها وطفوليتها بحس اني عايز اكلها بنت اللذين دي ..

رينو : بتمثيل الغيره . وكشرت عينيها وسكتت....

فهد : ههههه . وبيرتب شعرها زي ما عودها . قلبى وروحي وعمري انتى يارينو . 

.اوعي تحطى نفسك ف مقارنه بينك وبين اي حد .. اايييي حد فاهمه؟ . 

.لانك عايشه وساكنه ف صميم قلبي . عشقك محتل عقلي وروحي . و آرين دي بجد نور عيني وكفايه انها تشبه نجمتى القمر . 

رينو : قلبها دق.. تعرف يافهد . غيابك عني بيقتلنى . اااه لو تعرف قد ايه مشتاقه لعشق الفهد ..

فهد : باس كف أيدها.. وفهد وعشقه وروحه بين ايديكي ومعاكي ياروحي .. 

رينو : حبيبى ربنا مايحرمنيش منك ابدا . ها قولى بقى . هتسلم ع آرين و آركان دلوقتي؟

فهد : سمع صوت آذان الفجر . وابتسم . نصلي الفجر بس وربك يحلها .. 

رينو : قامت وضحكتها ع وشها ومبسوطه . واخدت شاور . وخرجت . وجهزت ل فهد هدومه . وفهد دخل اخد شاور وخرج .

رينو : بابتسمامه نصلى جماعه؟

فهد : ابتسم . طبعا . وفرش السجاده . وصلى بيها ..

وبعد شويه ..

رينو : تقبل الله ياحبيبى..

فهد : منا ومنك ياحبيبتي .. وقام . وساعدها انها تقوم ..

رينو : مسكت راسها ااه لسه دور آركان . ساعه ع ما اصحيه ..

فهد : لأ ياروحي . انا هتولى المهمه دي ..

رينو : نفخت اووف ريحتنى والله . وازازة الميا جمب سريره..

فهد : هههههههه . ماشي.  لكن انا هصحيه وهنزل . وانتى صحى آرين اوكي.  

رينو : بعدم فهم.. تنزل؟ رايح فين دلوقتي يافهد؟

فهد : بابتسامه .. هتعرفي بعدين . دول ربع ساعه يعنى مش هتاخر . لكن مش عايز آرين تعرف انى جيت اوكي ..

رينو : اممم عرفت انت رايح فين.. عموما حاضر ياحبيبى زي ما تحب ..

فهد : بغمزه . متناميش اوكي ..

رينو : بمرح وانا عبيطه . وانام واسيبك . انت تصحي آركان وتنزل وارجعلى بسرعه علشان تاخدنى ف حضنك ..

فهد : حاضر ياروحي .. وخرج من الاوضه بشويش ..

رينو : ضحكت بسعاده كبيره .. ع شكل فهد وهو بيتسحب . وخايف ل آرين تشوفه . لأنها لو شافته استحاله تخليه ينام ... 

فهد : دخل ع آركان . وكان نايم والفون جمبه .. وابتسم بحب كبير . 

.وشال الفون وحطه ع الكمود . وبدأ يصحي فيه .. آركان..

آركان : .............

فهد : هز كتف آركان بايدو . ولا يا آركان..؟

آركان : ...........

فهد : بنفاذ صبر . ياض قوم نومك تقيل جدا . قوووم.

آركان : هرش ف قفاه . وهلوس ف الكلام . اعمليلى شاى بلبن..

فهد : ضحك عليه . قوم ياض شكلك هتخليها تصحي وهنشرب كلنا شاي بلبن.  قوم ياحبيبى قوم ياض انت وحشنى...

آركان : بيضحك وهو. نايم. هههههه انا اخدت منك الملزمه وخبتها ..  احسن عشان تغسلى القميص وتسمعي كلام اخوكي ..  

فهد : هز راسه بنفاذ صبر . مفيش قدامي غير كدا.. ومسك ازازة الميا وفتح الغطا نص فتحا ودلق ميا ف قفا آركان ..

آركان : شهق . واتعدل بسرعه ايه ايه انا فين . انا فين ..  وليه . ايه الل حصل .. 

فهد : ههههه الل يصبحك بالخير ياحج طارق .  

آركان : فتح عينيه وغمضها . وفرك ف عينيه جامد . ومش مصدق . وقال بتعجب بابا؟

فهد : تخيل ايوه بابا يا آركان باشا ..

آركان : فتح عينيه بدهشه . وضحك بااااابا واتعدل بسرعه واترمي ف حضنه ..

فهد : ابتسم بحب وضم ابنه لقلبه . ومسد ع ضهرو . وحشتنى اوى ياحبيبي..

آركان : بسعاده . بابا انت وحشتنى جدا اقسم بالله وحشنى . وطلع من حضنه . حضرتك رجعت امتى ؟ ا.انا والله مش مصدق ...

فهد : ربت ع كتفه.. رجعت من شويه يابطل . قولى عامل ايه ياحبيبى .

آركان : بسعاده.  انا كويس جدا جدا حضرتك . حمدالله ع سلامة حضرتك ..

فهد : الله يسلمك .. المهم الفجر أذن قوم صلى وكمل نومك تانى . ونتقابل لما اصحى إن شاء الله .

.بس بحذرك تقول ل آرين انى رجعت . انا عايز انام إن شاله ساعتين قبل ما تصحي تمام ؟

آركان : بسعاده حاضر يابابا . وحمدلله ع سلامة حضرتك تانى ..

فهد : بابتسامه الله يسلمك ياحبيبى .. وقام واتحرك وفتح باب الاوضه . 

.ولف ضهرو وبص ع آركان . وشافه شد الغطا ونام تانى . وصك ع اسنانه بغيظ مكبت آركاااان؟

آركان : نط من مكانه . حاضر انا رايح اتوضى اهو . وجري ع الحمام .

. وخبط ف باب الحمام . وحط ايدو ع جبهته ولف ل فهد وضحك ببلاها . عنيف اوي الباب ده.  مش شايف انى جاي عليه ههههه اتفضل حضرتك ياحج ..

فهد : ضحك بصمت ع حركات ابنه . وهز راسه ليه ماشي . ولو رجعت ولقيتك نمت .انا......

آركان : لا لا ياحج اطمن . انا قومت خلاص والله.

فهد : تمام . يلا أنجز ..صلى ونام . وخرج ومشي بشويش..

رينو : شاورت ل فهد .. 

فهد : همس ليها .انا نازل . روحي صحيها ..

رينو : هزت راسها اوكي خلى بالك من نفسك

فهد : ههههه هششش اسكتى يابت . يلا باى . ونزل .

رينو. : حضنت المخده بسعاده وكأنها فراشه. وقالت بعشقك يافهد . وراحت تصحي آرين  . وخبطت ودخلت . 

آرين : نايمه . ورجل فوق البطانيه وفرده ايديها وراسها ع جمب . وشعرها ع وشها . 

رينو : ههههه مجنونه حتى ف نومها . وقعدت جنبها ومبسوطه . رينو ياصغيره قوومي ..

آرين : نفخت بديق ونامت ع جنبها .....

رينو : كشرت عينيها... قومي يا آرين عشان تصلى الفجر..

آرين : ببراه .وبتتاوب صليته امبارح . 

رينو : ههههه صليته امبارح ؟ قومي يا آرين ياحبيبتى عشان عايزه انام..

آرين : بتمثيل العياط . اعااااااا سبينى انام يامامي بلييييز ..

رينو : بنفاذ صبر هو كل يوم هتتعبونى وانا بصحكيو كدا .طييييب فين ازازة الميا؟

آرين : فتحت عينيها بدهشه واتعدلت.  لااااااااااااااء الميااااااا ف قفايااااا لااااااااااااااء . ارجووووكو كفايه عذاب قفايا داااااااب .. 

رينو : فتحت عينيها بدهشه. وانفجرت ف الضحك.. هههههههههههه مجنونه . انا مخلفه مجنونه رسمي. 

آرين : بمرح . صباح الخير يانجمتى .. هههههههه.

رينو : بابتسامه صباح الورد ياحبيبتى. قومي صلى يلا وكملى نوم ..

آرين : مامي عندى سؤال صغير..

رينو : برفض . لااااااء . مش وقت اسئله يا آرين حرام عليكى يابنتى انتى مبتزهقيش؟

آرين : بمرح ربعت رجليها . نو يارينو ياحبيبتى نو . ده اسمه ذكاء .

.انا واحده نابغه وبابي الوحيد الل بيقدر الموهبه دي . وحضرتك لو مسمعتيش سؤالى هفضل اعاااااااااا لحد الصبح . 

.وغمضت وفتحت بسرعه وطفوليه .. وف الآخر هتسمعى سؤالي.

رينو : بسسس افصلى يا آخرة صبري . قولى ايه سؤالك يانابغه؟

آرين : بصتلها بمكر.ونزلت من ع السرير . واتحركت كام خطوه وقالت . هي الزقازيق فيها كام زقزوقه؟ وجريت ع الحمام بسرعه. هههههههه..

رينو : فتحت عينيها بدهشه.. وقالت بهمس زقزوقه؟ هو انا الل غبيه ولا البت دي هتجننى معاها .؟

------------------بقلمي مريم نصار.

بعد شويه ..

رينو : ف اوضتها . ومبسوطه جدااا وواقفه قدام المرايا بتسرح شعرها . وحطت برفان . وبتغنى بصوت مهموس جدا ..

فهد : دخل عليها بشويش.  وقفل الباب. وحط كيسه كبيره ع التربيزه . 

.وقرب منها ولفها ليه وحاوطها من وسطها وقال بابتسامه.  ها كل حاجه تمام؟

رينو : بضحكه رقيقه. امم صحيت وصلت الفجر ونامت تانى .. ورفعت أيدها حوالين رقبته . امم قولى بقى جبتلها ايه؟

فهد : رجع خصلة شعر ورا ودنها وباسها برقه وقال . جبتلها كل انواع الشيبسي والشوكيلت وكل حاجه هي بتحبها . وفاضل بس اخر خطوه.  هتاخدي الكيس ده وتحطيه جمبها ع السرير . وبشويش مش عايزها تصحى اوكي ياروحي . 

رينو : بتنهيدة حب .اوكي ياحبيبى . طيب و آركان؟

فهد : ههههه لا ده ليه هديه مني بس لما يفوق كدا . 

رينو : بابتسامه اوكي . ثوانى ورجعالك ..

فهد : ماشي متتاخريش لانى فاصل بجد .

رينو : اتحركت بسرعه ثوانى واكون عندك . 

.واخدت الكيس . وخرجت بشويش . ودخلت ع آرين وحطت الكيس ع المكتب . وبصت عليها وضحكت بصمت ع شكلها وهي نايمه وغطتها . وخرجت بحظر . 

فهد : قلع التيشرت . وراح نام بارهاق .. 

رينو : دخلت . وراحت عند فهد . واخدها ف حضنه ونام بعمق . ورينو نامت وابتسامتها ع وشها . لأنها اخيرا حست ب الآمان ..

ف نفس اليوم الساعه ١٠ صباحا ..

عند زياد .

كلهم قاعدين بيفطرو .

ياسين : بيفطر وسرحان ومخنوق .. 

حياة : زعلانه بطفوليه لان الدكتور آريان ماطلعش بيحبها . وهي شايفاه البطل الخارق ليها من آخر موقف وزعق ليها عشان متقفش مع شباب بره المدرسه حتى لو بيسألوها عن حاجه بحسن نيه .

طبعا آريان اتصرف كدا لأنهم اتربو كلهم ع مبدأ أنهم عيله واحده وكلهم اخوات . 

.وحياة بالنسباله طفله صغيره . رايحه تانيه ثانوي .و لكن حياة ف مرحلة المراهقه .

. ومن وقتها اقنعت نفسها انها بتحب آريان . و آريان بيحبها لانه خايف عليها .. 

ماليكه : لزياد . حبيبى كل مربى الفراوله انت بتحبها..

زياد : عينيه ع ياسين . وابتسم ليها . انا شبعت جدا ياماكي .. انا يدوبك انزل ع الشركه ..

ماليكه : ربنا معاك ويوفقك يارب..

زياد : قام .. حبيبتي متحرمش منك . وبص ل ياسين . فطرت ياحضرة الظابط؟

ياسين : ها..؟

زياد : تعالى معايا عايزك ف الشركه ..

ياسين : هز راسه . حاضر يا بابا . وقام انا هسبق حضرتك ع العربيه . وسلم ع ماليكه وخرج..

زياد : باس ع راس ماليكه . وابتسم . هتعوزي مني حاجه ياماكي؟

ماليكه : ابتسمت بحب . عايزه سلامتك ياحبيبى..

زياد : الله يسلمك ..  وانتى ياحياة قلبى عايزه من بابي حبيبك حاجه؟

حياة : قامت وراحت وقفت قدامه . ورفعت راسها ليه ببراه . بصراحه يابابي . كنت عايزه نروح انا ومامي عند ناناه ملك .. عايزه العب مع كارما ..

زياد : هههه تلعبى ؟ عموما ياروحي انا معنديش مانع . لكن شوفي مامي رأيها ايه؟

ماليكه : قامت وبتشيل الاكل . خلاص ياحبيبى نروح واطمن ع بابي ومامي واقضي معاهم وقت ايه رايك انت عارف إن بابي تعبان؟

زياد : تمام . السواق يوصلك لحد البيت وطمنينى عليكي . ولعب ف شعر حياه . مبسوطه ياحبيبتي؟

حياة : بفرحه . حضنت ابوها . اوي اوي ميرسي جدا يابابي .

زياد : ضحك بسعاده . انتى تؤمري يقلبي . وباسها . وخرج ..

ياسين . ركب العربيه . 

زياد : ركب جمبه واتحرك بالعربيه . ها مالك بقي؟

ياسين : مثل عدم الفهم . وقال مالى انا زى الفل يابابا ..

زياد : ياولا.  ع ابوك برضو . طيب ده انا صحبك وعمرك ماخبيت عليا حاجه وكمان حفظك اكتر من نفسك.. وشكلك مانمتش من امبارح ..

ياسين : بتنهيده . ابدا يابابا متشغلش نفسك..

زياد : ركن ع جمب .. وقال ولو مشغلش بالي بيك ..  وانت اهم حاجه عندى . هشغل بالي بمين؟ وحط ايدو ع كتف ياسين . وقال مريم بردو؟

ياسين : بص بعيد . وقال بتعب ايوه يا بابا . للأسف شكلي كدا مش ف دماغها اساسا ..

زياد : بعدم فهم .. ازاى يعنى؟ . انت مش قولتلي قبل كده وانت عندنا ف الشركه الأم  انك بتحبها . وهي شكلها معجبه بيك انت كمان . ومعاملتها معاك مختلفه غير اى حد؟

ياسين : بصله . شكلى كنت غلطان يابابا .واحساسي كان غلط. وإحساسك انت كان الصح ..

. مريم بتعبرنى اخوها الصغير .. هي امبارح قالتلى كدا .

.انا كنت بابارك ليها . وكنت خلاص ع وشك انى اقولها قد ايه انى بحبها .

. لكن هي قالت .. احنا اخوات ولازم نفرح لفرح بعض . وخصوصاً افرح لاخويا الصغير .

. حسيت انى مشكوف قدامها وهي بتفوقنى وبتقولى ف رساله انى اخوها الصغير مش اكتر .. واتنهد بتعب بجد مش عارف اعمل ايه؟

زياد : بتفهم . اسمع يا ياسين انت لازم تفوق لنفسك وتركز ف دراستك . انت خلاص فاضلك اخر سنه يبنى . 

.وبعدين انا قولتلك ع فرق السن . هو مش عائق اوي فرق السن بينك وبينها.

. لكن مش عايزك تبنى جواك وهم كبير انك بتحبها وهي كمان بتحبك .

. لأ انا عايزك تحاول تقنع نفسك إن الل جواك ده إعجاب بشخصية مريم ..

وعايزك تتأكد لو ليك نصيب فيها هتاخدها . 

انا طبعا اتمنى مريم تكون من نصيبك .

بس ي ياسين انت غلطان . انت بنيت ف مخيلتك انها بتعاملك معامله خاصه . وانا قولتلك قبل كدا ف الشركه ياياسين إن مريم بنت رقيقه جدا ومعاملتها كويسه مع الكل مش انت بس .

. لكن انت عشان بتحبها شايف إن أي كلمه منها ليك بتكون مميزه . وياريت تحاول تفوق انا مش عايزك تتعلق وتتعذب ع وهم .

. انا لو شايف إن مريم نظرتها ليك مختلفه انا كنت طلبتها ليك ع طول .

. لكن انا مش عايز اعمل حاجه واندم عليها . انا عايزك ع طول راسك مرفوع .

. وعايزك كمان تركز ف شغلك . انت هتبقى الظابط ياسين جمال . يعنى انت حلمي يبنى . 

وكمل بهزار. ووالله العظيم لو ليك نصيب فيها لاتاخدها غصب عن ال خلفك نفسه . ها ايه رايك بقى؟

ياسين : ابتسم . وهز راسه فعلا يابابا . لو ربنا رايد هتكون من نصيبي .

زياد : ابتسم ولعب ف شعرو ايوه كدا . عايز اشوف ضحكتك منوره وشك كدا . ماشي ياحبيب ابوك؟

ياسين : ضحك . حاضر ياحج ربنا يخليك لينا..

زياد : شغل العربيه واتحرك . ولا يحرمنى منك انت واختك ياحبيب ابوك .

------------------بقلمي مريم نصار

فيلا السيوفي . كلهم بيفطرو .

رودي : بتاكل بسرعه ومستعجله..

فارس : براحه يارودي هتظوري .

رودي : والأكل ف بوقها . معلشيحبيبىاصلمتاخرهعالعيادهوعندىكشفكتيرانهردا

الكل تنح .. 

رنا : هزت راسها بنفاذ صبر . ورزعت الطبق قدام طارق بغيظ .

طارق : اتخض . الله مالك حاسبى متحطي الطبق براحه ..

فارس : بدهشه وغيظ.  اقسم بالله مافهمت غير كلمة معلش وانهردا . وميت مره اقولك متتكلميش والأكل ف بوقك ..

چود : هههههههههههه . 

چواد : بتضحكي ع ايييه يابت.  انتى اصلا فهمتى ماما قالت ايه؟

چود : بتاكل ومين يفهم امك يبنى . بقولك ايه اخلع من نفوخي انا جعانه وعايزه اكل ..

رودي : بلعت الاكل . وشربت ميا بسرعه.  واخدت نفسها.  وقالت . 

.ماتهدا عليا يافارس ايه باكل وانت بتكلمنى .ومش فاهمه ايه الصعب جدا الل قولته ف كلامى ... دلوقتي انا بقولك .

.معلش يحبيبى اصل انا متأخره ع العياده وعندي كشف كتير انهردا . 

فارس : صك ع أسنانه بغيظ مكبت . وهمس طيب يارودي مافيش عياده انهردا ..

رودي : بغمزه . وهمست وقالت .. ليه وحشتك يشقى ف وضح النهار كدا هههههههههههه.

طارق : هههههههههههه هههههههههههه.

رنا : بغيظ انت بتضحك ع ايه؟ انت سمعتها قالت ايه؟

طارق : والله ابدا . بس بطري القاعده ياموزه ياجامده انتي هههههههههههه وبص ل رودي مرات ابنى منوره يابت يارودي ..

رودي : حبيبى ياطاروق تسلم ياغالي ..

فارس : مش عارف يقفل عينيه من الدهشه.  وقام وقف . قومي معايا ع فوق. 

رودي : بصت ف الارض بتمثل الزعل . اوكي ياسيادة السفير . بعد اذنكم . ومشيت بسرعه من قدامهم .

طارق : بنرفزه . لازم تنكد عليها . طبعا وانت هتجيبه من بره . 

رنا : بتحذير قصدك ايه ياطارق؟

طارق : تاكلي خيار . بيقولوا مفيد للنظر اهاهاهااااهههههههه . كح كح . مفيش سيجاره ولا حاجه الواحد يسلك بيها صدره ..

فارس : بعد اذنكم . احم وراح ورا رودي الل وحشاه من امبارح . 

چواد : تفتكري ماما وبابا هيتخانقو ؟

چود : هههههههههههه يتخانقو مين يبنى . دي امك دلوقتي داخله ع جروب ستات روشه وعامله دوشه . 

رنا : بدهشه كبيره . وقالت انت بتقول ايه ياطارق ؟ سجاير؟ ومن امتى إن شاء الله؟

طارق : جرا ايه يا رانوش انتى وقفالى ع الكلمه ليه؟ وغمزلها وهمس ماتيجي نطلع فوق نرجع امجاد الماضي ..

رنا : فتحت عينيها بصدمه . وصكت ع أسنانها بغيظ كبير.  اعمل فيكوووو اييييييه . عوض عليا عوض الصابرين يااااارب ..

چود : بمرح . ماتسبيه يمسكها يافوزيه هههههههههههه.

طارق : هههههههههههه . وبص ل رنا احم . وقال چود بنت عيب فوزيه مين دي ؟وبص ل رنا ماتبيسه يافوزيه ههههههههه

رودي : واقفه ف نص الأوضه ومربعه أيديها وبتمثل النرفزه ..

فارس : وقف قدامها . وقال بصوت جهوري.  ممكن اعرف انتى ازاى عايزه تروحي العياده . وانا راجع امبارح الصبح من السفر .؟

رودي : رفعت صوباعها ف وشه وبتتحرك لقدام وفارس بيرجع لورا . وقالت بتحذير . اسمع بقى ياجدع انت .

. انت مش كل شويه هتعلق ع كلامى . واظن انت مش متجوزنى امبارح. 

فارس : بيمثل الخوف . طيب اهدى يادكتوره مش كدا . الكلام اخذ وعطا . 

.اهو شوفتى بتكلم بطريقتك ازاى ؟مش كفايه بقول لزميل ليا.  اشطا استبينا. حرام عليكى والله ..

رودي : هههههههههههه . ينهار بنى  قولت لزميلك كدا ههههههههخخخههه . عتلاق انت مشكله ياض يافارس ..

فارس : شدها من وسطها عليه . وبعدين معاكي بقى انتى مش هتعقلي . جننتينى معاكي .

رودي : بغمزه . ورفعت أيدها حوالين رقبته . بعد الشر عليا من العقل يافروسه . 

فارس : وحشتينى جدا يامجنونه..

رودي : مش اكتر منى ياقلب المجنونه.

فارس : باسها برقه . ولما انا وحشك اوى كدا.  كنتى رايحه العياده ازاى؟

رودي : بدلع . عيادة ايه بس دى حركه كدا منى .. انا من ساعة ما عرفت انك وصلت المطار .

. اخدت اجازه اسبوع . ولازم تاخدنى ونسافر اي مكان . انشاله بلطيم .

فارس : هتبقى احلى اجازه ع اجمل يخت مع مجنونتى .  

رودي : شهقت بفرحه كبيره بجد يافارس . بجد هنطلع باليخت ؟

فارس : بجد ياقلب فارس . وتعالى بقى عشان انتى مجننانى معاكى من امبارح . وقرب منها بحب كبير . وردي تاهت ف حب الفارس ..

------------------بقلمي مريم نصار.

فيلا العدوي ..

ميرو : راحت ع المطبخ . ها ياداده عملتى القهوه الخضرا ؟

زينب : من جواها مرعوب . لكن ابتسمت .  ايوه يادكتورتنا . كنت لسه هطلعها لسي آدم بيه حالا .

ميرو : تسلم ايدك. هاتيها انا هطلعها . وانتى كملى الفطار ..

زينب : من عينيا . اتفضلى . 

ميرو : اخدت الصينيه . وطلعت بيها . وخبطت ع الباب . 

آدم : سلم من صلاة الضحى . وقال ادخلى ياميرو .

ميرو : فتحت الباب وسابته مفتوح  ودخلت بابتسامه . صباح الورد ع عيونك ياحبيبى . 

آدم : قام وشال السجاده .  وابتسم . صباح الخير ياحبيبتى .  

ميرو : حطت الصينيه . وسلمت عليه . نفسي اعرف عرفت انى انا الل بخبط ازاى ؟

آدم : قعد ع الكنبه . وقال أنا بعرف اميز كويس قوي مين الل ع الباب  من طريقة الخبط ع باب اوضتى ومكتبي تحديدا ... وفوق كل ده انتى مميزه ف كل حاجه .. تعالى اقعدى جمبى هنا . 

ميرو : قعدت . ومسكت الفنجال .. اتفضل اجمل فنجال قهوه خضرا لحبيب قلبي . وبصت حواليها . اومال ماما فين؟. 

آدم : بتصلى الضحى جوه. وشرب القهوه . قوليلى عامله ايه دلوقتى؟

ميرو : بمرح .  عندى اجمل بابا آدم ف الدنيا . فمن الطبيعى طبعا انى اكون اسعد وحده ف الدنيا ..

مراد : من بره .اسعد مين يابت اميرووو . احجووووج . صباحو عسل نحل ..

ميرو : قلبها دق بقوه .. وقامت بسرعه البرق  وشهقت بصوت عالى . باااابي؟ وجريت عليه بلهفه واتشعلقت ف رقبته. بااابي . حبيبى ..

آدم : ضحك بسعاده وراحه كبيره . إن عيلته اكتملت بوجود مراده اخيرا . 

مريم : سمعت صوت مراد من جوه . وسلمت الصلاه وقامت برجفه وفرحه كبيره.  وهمست الف حمد وشكر ليك يارب ..

مراد : رفع ميرو من ع الأرض . ولف بيها . حبيبتي ياميرو وحشتينى اوى اوى يابنت اللذين.  

ميرو : بعياط . بابي انت متعرفش انت وحشنى جدا قد ايه .بجد انا فرحانه اوي انك رجعت لينا بالسلامه . 

مراد : نزلها . وطلعها من حضنه . ومسح دموعها . وباس جبينها بحب كبير .

. بس ياميرو مش عايز اشوف دموعك دي يابنتى . استنى هنا لما اسلم ع الحج وراجعلك نكمل وصلة العياط اشطا.  

ميرو : مسحت دموعها وابتسمت بسعاده حاضر..

مراد : داعبها من انفها بمرح . وقرب من آدم . اذيك ياحج ..

آدم : بابتسامه . انا دلوقتي كويس ياحبيب ابوك . وفتح ايديه . 

.واخد مراد ف حضنه بحب كبير. وربت ع ضهرو حمدلله ع سلامتك يبنى .

مراد : مغمض عينيه ف حضن صديقه وأبوه وسنده وكل حاجه حلوه ف حياته . الله يسلمك ياحج . وخرج من حضنه . وباس ع ايديه ..

مريم : خرجت برجفه ودموع . ابنى . حبيبى حمدالله ع سلامتك يانور عيني..

مراد : قرب منها بسرعه واخدها كلها ف حضنه. مريوم .. مريوم قلبى .عامله ايه ياحبيبتى..

مريم : بدموع . انا دلوقتي كويسه ياروحي . وحسست ع صدره ودراعاته انت كويس ياحبيبى . حصلك اى مكروه .؟

مراد : ابتسم . تعرفي خوفك انتى يامريوم يختلف عنهم كلهم .  وباس ع ايديها الاتنين. انا كويس وزي الفل ياست الكل. 

.وأبوس ايدك تانى وتالت متعيطيش الله يكرمك ..

مريم : مسحت دموعها وابتسمت بفرحه . حاضر ياحبيبى . قولى جيت امتى . فريحه عرفت انك جيت؟

.دي قلبها كان مشغول عليك اوى . وفهد ؟ فهد كويس وبخير . طمنى عليكو يانور عيني..

مراد : ههههه والله العظيم انا وفهد كويسين.  وجيت قبل الفجر .

.والبت فريحه نزلت دلوقتي تعملى قهوتى . وصحيت تالين وقعدت معاها يجي نص ساعه نلعب مع بعض ههههه .

. وسلمت ع زين وآريان والبت اللمضه ليليان وروتى مرات زينو هههههههه.

انا مش عايزك تقلقي علينا . احنا تمام جدا . طول ما انتى والحج بخير. 

مريم : بأريحيه . الف حمد وشكر ليك يارب .. 

آدم : ربت ع كتفه حمدالله ع سلامتك يبنى .

مراد : الله يسلمك ياحج ..

ميرو : قربت منهم ومسكت دراع مراد بفرحه كبيره. 

مراد : حاوطها من كتفها . وباس جبينها . مبروك ياميرو . الف مبروك ياروحي..

ميرو : حطت راسها ع كتفه بسعاده كبيره . الله يبارك ف حضرتك يابابي وغمضت عينيها بسعاده كبيره . 

زينب : جت عليهم وبلعت ريقها بتوتر  . صباح الخير .وسلمت ع مراد .حمدلله ع سلامتك ياسي  العقيد المقدم الرائد مراد بيه .. نورت بلدك ونورت بيتك ..

مراد : هههههههه الله يخليكى يازينب .. انتى الوحيده الل بتلخبطينى ف رتبتي ههههه.

زينب : هييه لازمن احترمك ياسي  العقيد المقدم الرائد مراد بيه .

ده انت والى زيك بيحمونا . بنام وانتو ياكبدي سهرانين عشان تحمونا . الهي يسترك دنيا واخره . الهي يحميك لشبابك الهي.......

مراد : بااااس كفايه يازينب لسه واصلة عوض . عموما يستى الله يخليكي . احمد ودعاء بنتك عاملين ايه؟

زينب : نحمد الله الواد احمد نجح ف تالته إعداى . والبت دعاء كيداني ف مصاريني عايزه تطلع من أولى اعدادي . ومش عايزه تكمل علام ..

آدم : باستغراب . ليه يازينب؟ ومقولتليش ليه؟

زينب : بزعل حقيقي . هقولك ايه بس يسي آدم بيه ؟ كفايه خيرك علينا وسيادتك متكفل بمصاريفهم ..

آدم : رجعنا لكلامك الخايب يازينب . والل اعرفه إن دعاء بتحب التعليم.  ليه عايزه متكلمش تانى علامها؟

زينب : بلعت ريقها بتوتر وحرج . احم اصل بصراحه زمايلها ف المدرسه عايروها ف الامتحانات . إن امها خدامه وأبوها جناينى . 

مريم : زعلت علشان دعاء ..

آدم : كشر عينيه. وهز راسه . اممم تمام ماشي يازينب . انا هتصرف . وليا كلام مع دعاء . 

زينب : هزت راسها . الهي يديمك فوق راسنا قادر ياكريم . ويخليك ويخليلك ست الكل.  وبصت ل مريم . احم .الفطار جهز ياست مريم . وسي المهندس زين بيه والكل موجود تحت ..

مريم : شكرا يازينب . آدم صحي؟ 

زينب : البت مياده . راحت تخبط عليه تصحيه . 

مريم : نبهتى عليها انها متدخلش اوضته ابدا .  ؟

زينب : بتأكيد . ايوه طبعا . انا فهمتها ع كل حاجه تخص سي آدم بيه الصغير بالذات ..

مريم : تمام ياحبيبتى  ماشي . كلنا نازلين وراكي .

زينب : هزت راسها بالاذن . اجهز اللبن ل تالين . وخرجت . 

آدم : نورت بيتك يامراد . نفطر كدا .وتحصلنى ع المكتب .

مراد : تحت امرك ياحج . اتفضل انت ومريومه اسبقونى . وانا هروح اسلم ع آدم ..

آدم : تمام . وبص ع ميرو . وشافها واقفه ومتعلقه ف دراع ابوها وسندها  زي الاطفال .وابتسم .  وقال ل اميرته . يلا ياروحي . 

مريم : هزت راسها بسعاده . يلا ياحبيبى .  ونزلو .

مراد : بص ل ميرو ..  عامله ايه يامريم ؟

ميرو : بدموع احتياج .ورمت نفسها ف حضنه.. انا دلوقتي كويسه جدا يابابي .انت متعرفش انا كنت محتجالك اوى قد ايه؟

مراد : بقلق . وضمها لقلبه بحب كبير . مالك يامريم . قوليلى يابنتى حاسه بايه؟ 

.صوتك امبارح ف الفون مكنش عجبنى .قوليلى ياروحي . مش انتى بتعتبرينى اخوكي الكبير . قوليلى مالك ؟

ميرو : حست انها هتضعف وهتقوله انها . تورثت منهم العشق.  

.وانتبهت ومسحت دموعها بسرعه وابتسمت بتمثيل . طبعا لازم صوتى يتغير وازعل جدا كمان . عشان بابي حبيبي واخويا كمان ف نفس الوقت .واخويا الصغير . بيسافرو بعيد عني . وبكون قلقانه وكمان وحشنى جدا ..

مراد : مسد ع حجابها . مبتعرفيش تكدبي . لكن بتعرفي تدراي. 

انا مش هجبرك ع حاجه . لكن عايزك تتأكدي من حاجه مهمه جدا .

. انى انا ابوكي . يعنى سندك وحمايتك . ضهرك . انا الوحيد الل اعافر عشانك حتى لو روحي ع كفي .

محدش هيحبك قدي .

.محدش هيخاف عليكى قدي . ويوم ما تحسي انك جاهزه تفتحيلى قلبك . انا هكون امانك . سمعانى وفهمانى ياميرو ..؟

ميرو : عارفه إن ابوها ذكي. وقالت بمرح . اممم طيب وطي صوتك عشان بابا آدم ممكن يزعل اوكي . لانه كمان بيقولى نفس الكلام ده . وانا مقدرش ع زعله هههههههه

مراد : بتفهم . وابتسم . طبعا آدم العدوي مش جدك وبس .. لأ ده ابوكي وكلمته تمشي عليا وعليكي . وخوفه عليكى ده بيفرحنى . وده الل مطمنى عليكو ف غيابي .. 

ميرو : بفخر اكيد .. . ا..انت . قصدي حضرتك هتسلم ع آدم؟

مراد : اممم طبعا . ايه رأيك تيجى معايا نروح نرخم عليه ..؟

ميرو : بسعاده  وهو كذلك يلا بينا. وحطت أيدها ف دراعه وماشيه جمبه وقلبها بيدق بفرحه.

آدم مراد : نايم بعمق . لكن فتح عينيه مره واحده  وشافها مقربه ع وشه. وقال بغضب وبحده انتى ميييين؟ وبتعملى ايه هناااااا ؟ -------------يتبع