 |
عشق الاسد
حب بعد الاستئناف
الحلقة الثالثة والرابعة
بقلم أسماء إيهاب
كامله على مدونة النجم المتوهج للروايات
مرام : هنبعهم ازاي بس يا ابلة دي اخر ذكري من بابا الله يرحمه
عشق : لازم نعمل كدا يا قلب ابلة عشان منحتاجش لحد
مرام : بس يا ابلة لو ماما عرفت هتزعل اوي
عشق : عشان كدا يا مرام دا سر بينا يا قلبي تمام
مرام : حاضر يا ابلة اللي حضرتك عايزاه
عشق : طيب يلا روحي انتي اوضتك و بليل ننزل انا و انتي نبعهم
مرام و هي تقبل وجنتها : حاضر يا ابلة
عشق بعد خروج مرام لتقول بتنهيدة : يااارب خليك معانا يارب
**************************
دلف الي مكتبه و جلس علي مقعده لينظر امامه ليجد ورقة ملونه ملتصقه حافتها علي سطح المكتب ليمسكها و يتفحصها و يكون محتواها عنوان منزل عشق
اسد بابتسامة : كدا حلو اوي يا عشقي
و بعد ساعتان اكتفي هو بذلك ليخرج و يستقل سيارته و يتوجهه الي منزل عشق
***************************
مرام و هي تدلف الي غرفة اختها دون استأذان : ابلة
عشق : اية يا قلب ابلة داخله كدا لية مالك
مرام : هو احنا لية مقولناش ل مهاب ان بابا توفي يمكن لما يجي يتصرف و متبعيش دهبك
عشق باستنكار : مهاب!!! عايزاني اقول لابن خالتي للي مسألش علينا بقاله شهرين ابويا مات و تعالي من سفرك عشان صاحبه البيت هتطردنا تعالي اعطف علينا
مرام بحزن : صح يا ابلة مينفعش
عشق : طبعا مينفعش انا مش هخلي حد يصرف علينا او يشفق علينا
مرام : خلاص يا ابلة انا اسفة
عشق : خلاص يا مرام روحي البسي عشان نمشي
مرام : حاضر
استعدا الاختان النزول إلي الصائغ ليكون هو مراقب للمنزل منذ ساعة
عشق : احنا رايحين نتمشي شوية يا ماما اصل انا و مرام عايزين نتمشي شوية
خيرية : طيب ما تأخدوا بتول معاكوا
عشق بتوتر : بتول لا انا و بتول هنخرج مع بعض بكرا
خيرية : طيب يا حبيبتي بس متتأخروش
ذهبت الاختان في اتجاه اخر شارع سكنهم عند الصائغ و هو خلفهم بالسيارة
عشق : السلام عليكم
الصائغ : و عليكم السلام اهلا و سهلا يا انسة اؤمريني
عشق : لله الامر من قبل و من بعد
ثم اخرجت من حقيبتها تلك العلبة المخملية الحمراء و هي تقول : كنت عايزة ابيع دول
اخذ منها الصائغ العلبة و اخذ يتفحص ما بداخلها و يوزنه حتي انتهي به القول : دول يجيبوا 10 تلاف جنية
عشق : ماشي
فتح الصائغ خزانته و ظل يعد الاموال حتي اكتملت 10 الآلف من الجنيهات و اعطي المال الي عشق الذي اخذته و دثته في حقيبتها
الصائغ : اي خدمة تانية
عشق و هي تأخذ شقيقتها : لا شكرا السلام عليكم
بعد خروجها بدقائق دلف هو الي الصائغ
الصائغ : اهلا و سهلا اتفضل
اسد : اهلا بيك اقدر اعرف الانسة اللي خرجت دي كانت بتعمل اية هنا
الصائغ : دي كانت بتبيع حاجات
اسد : بتبيع طيب اشترتهم انت بكام
الصائغ : 10 تلاف
اسد و قد اخرج من جيب جاكته دفتر شيكات و قلمه الفضي الجميل و دون بعد الاشياء
اسد : اسمك اية
الصائغ : حسن الامام
اسد : اتفضل يا حاج حسن دا شيك بعشر تلاف جنية و اديني حاجتها
الصائغ : بس هي بعتهم يا بية
اسد بشر : و انا عايزهم
الصائغ بخوف من نظراته : آآآآ اتفضل العلبة اهي
****************************
طرقت عشق باب صاحبه المنزل لتفتح لها و هي تعبس بوجهه كعادتها
عشق : مساء الخير يا خالتي
سعاد بتهكم : مساء النور يا عيون خالتك
اخرجت عشق من حقيبتها 200 جنية و قدمتها الي سعاد : اتفضلي يا خالتي دول ايجار الشهرين
سعاد و هي تلوح بورقتي المال المكون كل منهم من مائة جنية : 200 جنية قاعدين شهرين عشان 200 جنية
عشق : ما هو عقد قديم يا خالتي دول كانوا بيبقوا 45 جنية بس و حضرتك بدأتي تزودي لحد ما بقوا 100 جنية و دا حقك يا خالتي
ثم صعدت هي و اختها الي الاعلي و دلفوا لتقف بتول امامهم و هي تضع يدها بخصرها
بتول : كنتي فين يا هانم منك ليها من غيري
عشق و هي تدلف غرفتها : كنا بنتمشي شوية
بتول و هي تدلف خلفها : كنتي بتتكلمي مع سعاد الارشانة دي لية
عشق : كنت بديلها الايجار و شكلها عايزة تزوده او هطلعنا من البيت
بتول : انتي هبلة يا عشق دا ايجار قديم يا حبيبتي يعني لو عايزة تطلعنا من هنا تدفعلنا مبلغ و قدره كأنه بيتنا و بتشتريه مننا هو دا نظام الايجار القديم
عشق : بجد يا بتول
بتول : ايوة يعني مخافيش من حاجة ولا من الست دي كمان متقدرش تطلعنا من هنا الا لما تدفع يا حبيبتي
عشق : طيب متكلمهاش انتي دي ست معندهاش ضمير و ممكن تعمل اي حاجة ولا يهمها
بتول : ماشي بس زي ما اخدتي مرام و خرجتي خديني معاك نتمشي بكرا
عشق : ماشي ي....
قاطعها رن جرس الباب لتخرج عشق لتفتح الباب
عشق بشهقة : انت
........: اتخضيتي لية
عشق و قد ثقل تنفسها : اسد!!!
اسد بابتسامة و هو يقلدها : ايوة اسد
عشق و يزداد ضربات قلبها بعنف : انت بتعمل اية هنا و عرفت عنواني منين امشي يا اسد
اسد : انا بعمل اية جاي عشانك اما عرفت عنوانك منين فانا ظابط يا بطة
عشق و هي تغلق الباب : طيب امشي بقي
اسد و هو يدفع الباب حتي لا يغلق : استني بس
عشق : عايز اية و جاي لية اصلا انا معرفكش ولا انت تعرفني يا حضرت الظابط اتفضل من غير مطرود
اسد : عشق انا جاي افهم منك معني كلامك ليا في النيابة
خيرية : مين يا عشق
عشق بتوتر : دا دا دا واحد عايز الشقة اللي فوق يا ماما..... الشقة اللي فوق يا استاذ مع السلامة
ثم اغلقت الباب و تنفست الصعداء
اسد : دي قفلت الباب في وشي ماشي يا عشق ماشي
ذهب و هو يستشيط غضباً منها فاخرج هاتفه و
اسد : الو
مروان : الو يا اسد انت فين يا بني انا عندكوا في البيت و قاعد مع طنط شهيرة (والدت اسد)
اسد : طيب انا جاي دلوقتي
مروان : تمام مستنيك
اغلق اسد و صعد الي سيارته و قادها نحو فيلاته
***************************
دلفت الي غرفتها و هي تضع يدها علي قلبها الذي يطرق بعنف فحبيبها كان امامها لا يفصلهما الا خطوتان خطوتان فقط
عشق : لو كان بايدي كنت حضنتك حضن هيييييييح يخربيتك قمر
بتول : و اية كمان
عشق بخضة : الله يحرقك يا شيخة خضتني
بتول : لية يا بطة ههههههه مش كان بيقولك كدا
عشق : بايخة و رخمة كمان عرفتي منين. انه هو
بتول و هي تقلدها : هااااا اسد ... يا بطة هههههههههه
عشق : بطلي يا بتول دي ماما خضتني حتة خضة لما قالتلي مين هههههههه خلتني اقفل الباب في وشه
مرام : ابلة ابلة كلمي ماما
عشق بتوتر : ماما.. ربنا يستر
خرجت من الغرفة و دلفت الغرفة والدتها
عشق : ايوة يا ماما خير
خيرية : تعالي يا عشق مهاب ابن خالتك بيتصل فيديو و مش عارفة افتح
عشق و هي تتنفس الصعداء : حاضر يا ماما
خيرية و هي تري ابن اختها المرحومة امامها : حبيبي يا بني عامل اية يا مهاب
مهاب بابتسامة باهتة : الحمد لله يا خالتو انا كويس
خيرية : اخيرا افتكرتني يا مهاب دا كله غيبة عني
مهاب بدموع : معلش يا خالتو غصب عني انا من ساعة ما سافرت بعد موت ماما و انا مليش نفس لاي حاجة انا مخنوق اوي يا خالتي المهم سيبك مني انتي و البنات عاملين اية و عمو دياب عامل اية
خيرية بحزن علي حال ابن اختها العزيز ولا تريد ان تزيد حزنه : كلنا كويسين يا حبيبي ...انزل اجازة يا مهاب متفضلش مكتئاب عندك لوحدك كدا
مهاب : شهرين كدا يا خالتي هصفي كل حاجة هنا و هنزل و مش راجع تاني
خيرية : ياريت يا بني تنزل و تبقي وسطنا
مهاب : ان شاء الله يا خالتو انا هقفل بقي و هكلمك تاني سلميلي علي البنات و علي عمو دياب
خيرية : حاضر يا حبيبي سلام
عشق بعد ان اغلقت امها : مقولتلوش لية ان بابا توفي يا ماما
خيرية : انتي مشوفتيش شكله يا حبة عين امه باهت و دقنه طولت و حاله يصعب علي الكافر و كان بيعز ابوك الله يرحمه و هيزعل عليه
عشق بتآئر : الله يرحمه يا ماما
خيرية : مين بقي اللي كان علي الباب
عشق بتوتر : ......
***************************
دلف اسد الي داخل فيلا عمرو البغدادي والده لواء في الجيش حازم و صارم خارج المنزل اما بداخله فهو رب اسرة حنون عطوف و محب
اسد : مساء الخير يا ماما
شهيرة بابتسامة رائعة : مساء الفل يا قلبي
مروان : هوا انا صح
اسد و هو يطرقع اصبعه و يصعد : ورايا
مروان : بعد اذنك يا طنط اشوف ابن حضرتك الواد الغتت دا و جايلك يا قمر
اسد مناديٱ : مروان
شهيرة : اطلع قبل ما ينزل يروقك هههههه
مروان و هو يصعد الي الاعلي : اسد باشا افندم انا موجود
مروان و هو يجلس علي فراش اسد : في اية يا باشا كنت فين
اسد ببرود : كنت عند عشق
مروان : ايييية عند عشق عندها فين
اسد : في البيت
مروان : في البيت ازاي يا اسد، مش فاهم
اسد : روحت البيت و خبطت فتحت بس ملحقتش افهم منها الكلام اللي قالتله في النيابة قفلت الباب في وشي عشان امها متعرفش مين علي الباب
مروان بهدوء : و بعدين
اسد : مش عارف انا براقبها و انت هتبقي معايا بكرا و انا براقبها عشان لوحد معاها الهيه علي ما اعرف قالتلي كدا لية و هقولها علي كل حاجة
مروان : ماشي يا عم دايس معاك
اسد بتوتر :.............
انتهت الحلقة الثالثة
يتبع......
لو لقيت تفاعل حلوة علي الحلقة دي هنزل حلقتين بكرا ورا بعض
البارت الرابع
اسد بتوتر : افرض كانت بتحب واحد تاني
مروان بلا اهتمام : يبقي يا دار ما دخلك شر و تخرج من حياتها من قبل من ما تدخلها
اسد بغضب : اقسم بالله ما هسيبها
مروان : طب هتعمل اية لو طلع كدا
اسد : ان شاءالله مش هيحصل انا مش هسمح بكدا انت هتيجي معايا بكرا و انا براقبها
مروان و هو يهم بالخروج : طيب ابقي كلمني بقي يلا سلام
اسد و هو يقف امام الخزانه و يأخذ ملابس : سلام
*************************
خيرية : ها يا عشق مين كان علي الباب
عشق بتوتر : دا واحد تقريبا في الاربعينات كدا كان بيسأل علي عم متولي جارنا اللي فوق
خيرية : طيب روحي نامي بقي ورانا شغل كتير اوي بكرا
عشق و هي تقبل وجنتي امها : ماشي يا ماما تصبحي علي خير
خيرية : و انتي من اهله يا ضنايا
عشق و هي تلتفت اليها مرة اخري : اه صحيح انا و بتول خارجين بكرا معايا عشان خرجت مع مرام النهاردة
خيرية : ماشي يا عشق
***********-***-**************
في اليوم التالي
بتول : مايلا بقي يا اخت عشق و لا اية يعني
عشق و هي تخرج من الغرفة و تضع هاتفها في الحقيبة يلا يا حبيبتي
ثم هاتفت بصوت عالي : ماما احنا ماشيين سلام
خرجت مرام من الغرفة و هي تقول : خديني معاكوا يا ابلة
بتول : ما انتي كنتي معاها امبارح اية الرخامة دي
اقتربت عشق من مرام التي ظهر الحزن علي قسمات وجهها
عشق بهمس : حبيبتي بتول متعرفش حاجة و اننا مخرجناش و كنا بنبيع الدهب متزعليش منها يا حبيبتي ماشي
مرام : حاضر يا ابلة
عشق و هي تزج بتول الي الخارج : يلا ياختي يلااا
نزلت هي و اختها يتمشيان و يدخلون محل و يخرجون من الاخر و يضحكون و يثرثرون و هو خلفهم بسيارته هو و صديقة
مروان : ايوة يعني الموزة دا اختها
اسد : متسكت بقي شوية .. مش عارف اوقفها في حته
مروان : لا الشارع الجاي ضيق وقف العربية و انزلها
اسد : ما انت هتنزل معايا عشان اختها و اعرف اكلمها
مروان : يااااه احب ما عليا
اسد بتحذير : اي تجاوز هعلقك انا بقولك اهو
عشق : تيجي نطلع المطعم دا
بتول : منين يا فالحة انا مش معايا و لا مليم
عشق : ملكيش دعوة انا معايا
بتول : معاكي منين مانا عارفة البير و غطاه
عشق : يلا يا بتول يا فصيلة دي مرام بلسم بالنسبالك
بتول : كدا يا عشق ماشي طب يلا بقي نطلع المطعم و هغرمك قد كدا هااااه
عشق : ههههههههههه يلا ياختي
صعدا معا الي احد المطاعم ليزفر اسد و هو يقول : طلعه المطعم يلا انزل هنطلع
صعدا الاثنان الي الاعلي ليرونهم يجلسون علي احد الطاولات ليتقدم اليهم اسد واثق الخطي
بتول بشهقة : عشق الحقي
عشق و هي منشغله في قرأت لوحة الطعام : اية
رفعت رأسها لتتجمد مكانها عندما وجدته
اسد و هو يجلس بثقة : اية مالك معرفش اجيبك يعني
عشق : انت جيت ورايا ازاي
اسد : لازم نتكلم
عشق : لا لا مفيش كلام بينا انا و انت ملناش صلة ببعض اساسٱ
اشار اسد الي مروان ليقول مروان لبتول : اتفضلي معايا يا انسة هنقعد هناك عشان يعرفوا يتكلموا
نظرت بتول لعشق لكن لم تلحق عندما جذبها مروان معه بخفة
عشق : نعم ادي قعدنا لوحدنا و ادي بعدت اختي تقعد مع حد غريب عايز اية
اسد بحدة : صوتك و اسلوبك يتظبطوا معايا
عشق بعنف : معاك انت مين اصلا انت يا دوب ابن عم صحبتي و خلاص اية بقي عايز اية
اسد بهدوء مخيف : عايز اعرف كل حاجة و خصوصا معني كلامك في النيابة
عشق بتسأول :متأكد انك عايز تعرف
اسد بثقة : ايوة متأكد
عشق : متأكد طيب اسمع بقي
***************************
مروان بمرح : علي فكرة انا مش خطفك حتي بصي اختك هناك اهي
بتول بخجل : مقصدش حاجة بس مش عارفة اقعد مع حد غريب
مروان : يعني اقوم
بتول : احم لا عادي خلي حضرتك
مروان بابتسامة ملفته للانظار : مروان علم الدين ظابط
بتول بابتسامة ودودة : بتول كلية تربية
مروان : اوووه قاعد مع مربية اجيال يعني
بتول بضحك : تقدر تقول كدا
تأملها مروان هذه الفاتنة فهي تمتلك عيون عسلية فاتحة واسعة شعر بني مموج بشرة بيضاء تتخللها بعض الحمرا و يوجد لديها طبعه حسن اسفل ذقنها
اما مروان فعيونه تتميز بالسواد الجذاب و البشرة الحنطبة و الشعر الغزير الاسود و الجثة الضخمة
مروان : احم تشربي اية
بتول : لا ملوش لزوم
مروان : لا لازم تشربي
بتول : اوك يبقي عصير فراولة
مروان بابتسامة : حاضر
***************************
اسد : اية هنفضل ساكتين قولي
عشق : انت لعنة حياتي لانك ..
اسد : ها لاني اييية
عشق بنفاذ صبر : لانك سبتني و سافرت في اكتر وقت كنت محتاجك فيه ارتحت
اسد : و اشمعني محتاجاني انا بقي
عشق بتوتر و ارتباك : لاني لاني بعتبرك اخويا
اسد بسخرية : اخوكي
عشق بارتباك زايد و عيونها تدور بالمكان كله مما جعله يقرأ توترها بحكم عمله : ايوة اخويا الكبير
اسد : انا مسافرتش يا عشق انا كنت ببعد عنك
عشق بقهر : تبعد عني
اسد بحب : عشان بحبك يا عشق
انتفضت عشق حتي انها اوقعت كأس الماء المتواجد علي الطاولة ليأتي النادل ليلم فتات الزجاج
عشق بتوتر و ارتعاد : انا اسفة مكنش قصدي
النادل : عادي يا فندم ولا يهمك
اشار اسد الي النادل فانصرف علي الفور
اسد : اقعدي يا عشق
عشق : انا انا هروح
اسد بحزم : اقعدي يا عشق
اقتربت بتول منها بقلق : انتي كويسة يا عشق ايدك كويسة
عشق : اااا ايوة كويسة يلا ن نمشي
اسد : اقعدي يا عشق لسة مخلصتش كلامي
مروان : انسة بتول لو سمحتي تعالي نقعد لحد ما يخلصوا
ذهبت بتول مع مروان لتجلس عشق ليعود اسد الي حديثه : انا بحبك يا عشق بجد
عشق : انا مش بحب الكدب يا اسد باشا و مش حمله
اسد بغضب : انا مش بكدب و مش مضطر اكدب عليكي علي فكرة
عشق بغضب : امال بعدت لية انا كنت ببصلك كأني بتوسل ليك يا اخي انت اية لما انت بتحبني قدرت تبعد كل دا و اشوف صدفة في النيابة تسألني فكراني
اكملت ببكاء : انا مش فاكرة حد قدك انا محبتش حد قدك ولا هحب حد زيك
اسد بسعادة : بتحبيني بتحبيني يا عشق
عشق : للاسف حبيت واحد حمار زيك
اسد : هنغلط بقي هجيب شعرك في ايدي اسمعيني بعدت لية
**************************
مروان و هو يناول بتول كارت : دا الكارت بتاعي لو عوزتيني في اي حاجة انا في الخدمة
بتول و هي تتناول الكارت : اي حاجة اي حاجة
مروان : جربي
بتول بتفكير : طب هقولك علي حاجة و لو مش عايز تساعدني قول عادي
مروان : قولي
بتول : احم في واحد زميلي عايز يجي يتقدم بالعافية و انا مش بطيقه و احم بعدين قولتله انا مرتبطة و انا مش مرتبطة مش دي المشكلة المشكلة انه عايز يشوف اللي مرتبطة بيه و انا مش عارفة اعمل اية و محدش غيرك دلوقتي يعرف حاجة
مروان : امممم يعني عايزاني الشاب اللي مرتبطة بيه
بتول : دا لو مش هيضايق حضرتك
مروان : بما اننا شركاء جريمة دي فبلاش حضرتك دي و نخطط لمقابلة اللزج دا
بتول بسعادة : بجد هتساعدني
مروان : ايوة هساعدك كلميني بس يومها و هكون عندك
اؤامت له بسعادة ليتأمل هو سعادتها بابتسامة واسعة
*************************
اسد بنفاذ صبر : يا بنتي انتي كنتي في تانية ثانوي و انا خلصت و اشتغلت يعني انتي كنت صغيرة بالنسبة لنظرة بابا و قالي بالحرف الواحد انك ممكن لما ارتبط بيكي كنت هحجر عليكي و اخليكي محدودة عليا بس قالي سيبها تعيش حياتها سيبها تكبر يمكن تحب غيرك
عشق ببكاء : كنت اسألني كنت قولي
جلس بجوارها : طب خلاص بقي متعيطيش عشان خطري
عشق ببكاء ازيد : لا هعيط كمان اهو عااااااا
اسد : هشششش الله يخربيتك فضحتيني
عشق : اسد انا مش بحلم صح
اسد : لا يا حبيبتي مش بتحلم انا معاكي و هفضل معاكي لاخر نفس ليا هاجي اخطبك من مامتك
عشق بسرعة : لااا
اسد بشك : لا لية
عشق : لما اخواتي يخلصه تعليم حتي لو بتول بس
اسد : و لو اتخطبنا بس فيها اية
عشق : افهمن...
بتول : يلا يا عشق ماما اتصلت احنا اتأخرنا
عشق و هي تقوم و تنظر الي اسد : يلا
اسد : يلا هنوصلكوا
عشق : لا طبعا مش هينفع احنا سكنين في منطقة شعبية مينفعش
بتول : احنا هنركب تاكس
مروان : خلاص نمشي وراكوا بالعربية
اسد : فكرة حلوة يلا انا مش هأمن للتاكس
دفع مروان حساب طاولته هو و بتول اما اسد و عشق فلم يطلبوا شئ كان كل همه الحديث معها و معرفة ما تخبئ
وصل الي المنزل و صعدا و ابدله ملابسهم و ركضت بتول الي عشق تهرول
بتول و هي تغلق الباب : بسرعة ادلي باقولك
عشق : اية دا يعني عشان قعدتي مع الواد الظابط خلاص بقيتي وكيل نيابة
عندما ذكرت عشق مروان سرحت بتول بتلك الابتسامة الساحرة لتبتسم بعفوية
عشق : الله الله دا شكلك انتي اللي هتدلي باقولك
بتول و هي تجلس : اقوال اية ب...
قاطعها وقوع حقيبة عشق و خروج رزمة من المال منها لتنحني بتول و تأخذها و تقول بصدمة : اية دا يا عشق
ابتلعت عشق ريقها بصعوبة لانها تعلم ما سوف يحدث بينها شقيقتها بتول
انتهي الفصل الرابع
بقلمي اسماء ايهاب
يتبع ....
تكملة الرواية من هنا 👇👇👇
ياريت بقية الحلقات الروايه جميله وممتعه
ردحذف