 |
زوجتي المصون
الفصل الرابع والعشرون والخامس والعشرون
بقلم ملك ابراهيم
خالد/ انا مستعد اعمل اي حاجه واجيب اي ورق وادفع اي مبلغ بس المهم هنا تكمل انهاء دراستها هنا
تحدثت اليه نادين بأسف
نادين / هيبقى صعب اوي للأسف
خالد / مفيش حاجه صعبه يا نادين احنا هندفع اي مبلغ يطلبوه وجاهزين بأي ورق يحتجوه
نظرت نادين الي هنا وهي تبتسم لها بود
نادين / انا هعمل كل الا اقدر عليه واساعدها
خالد / وانا ممكن اكلم اي حد مسؤل يساعدنا
نادين / هيكون كويس تمام
تحدث خالد وهو يقف من مكانه ويوجه كلامه لي هنا
خالد / انا هكون قريب منكم هحجز غرفه في اوتيل قريب من هنا لحد ما ننهي موضوع الجامعه ده
نظرت له هنا بود وامتنان وهي تبتسم له ثم تحدثت من قلبها
هنا / انا عمري ما هنسى وقفتك معايا ابدا
ابتسم لها خالد بحب ثم ذهب
ابتسمت لها نادين وهي تأكد لها بشئ
نادين / علي فكره شكلك غاليه اوي عند خالد
نظرت لها هنا وتحدثت بحب
هنا / وهو كمان بقى غالي عندي جدا
🌸🌸🌸🌸🌸🌸🌸🌸
وصلا عمر منزله بعد غيابه أسبوع في مكان لوحده يحاول نسيان هنا وما فعلته به
دخل منزله وجد والدته في استقباله
كرولين / عامل ايه حبيبي ياريت تكون احسن دلوقتي
نظر لها بوجع
عمر / انا عمري ماهكون احسن قبل ما انتقم واخد حقي
كرولين / تاني ياعمر هنرجع لنفس الموضوع يا حبيبي بقولك انساها وعيش حياتك زي الاول
نظر لها مطول وتحدث بحزن
عمر / مش سهل يا أمي انساها
نظرت له والدته بحزن ثم تحول لفرح بعد سماعها باقي حديثه
عمر / بس مش مستحيل
نظرت اليه بفرحه وهي تتحدث بسعاده
كرولين / بجد يا عمر يعني انت هتحاول تنساها وتعيش حياتك
نظر لها بحزن
عمر / للأسف مقدميش حل غير ان انساها
فرحت كرولين كثيرا بسماعها هذا
كرولين / ماشي ياحبيبي اطلع خد شور واحلق دقنك دي وفوق نفسك كدا عايزاك ترجع عمر بتاع زمان
اكتفى بهز رأسه بموافقه واتجه الي غرفته
🌸🌸🌸🌸🌸🌸🌸🌸
نظرت كرولين الي ذهابه وبعد تأكدها انه ذهب لغرفته اخرجت هاتفها وتحدثت سريعا الي سرين
كرولين / سرين انتي فين عمر رجع
وقفت سرين من مكانه وتحدثت بحماس
سرين / وايه الاخبار ماقلش ناوي يعمل ايه
كرولين / هو عمل خلاص لما طلق مراته وجه دورك انتي
سرين / يعني اعمل ايه
كرولين / لازم تقربي منه هو دلوقتي محتجالك
نظرت سرين امامها بمكر
سرين / وانا عمري ما أتأخر عنه ابدا
كرولين / اوكي سرين انا هقفل دلوقتي وانتي حاولي تيجي تتعشي معانا النهارده
سرين / حاضر يا كوكي اكيد لازم اجي بااي
كرولين / بااي ياروحي
بعد ان اغلقت سرين الهاتف مع كرولين
نظرت امامها لشخص ينام علي السرير براحه وهو يضع يده تحت رأسه وينظر لها وهو ينتظر انتهاء حديثها بالهاتف
تحدثت اليه سرين بعد اغلاق الهاتف
سرين / دي مراتك الا بتكلمني
نظر لها كريم وهو يتحدث معاها
كريم / كانت عايزه ايه
اقتربت منه سرين وهي تنام بجانبه وهو يضمها اليه وهي تتحدث
سرين / بتقول ان عمر رجع وبيقول انه هيحاول ينسى هنا
شرد كريم وهو يتذكر هنا في خياله وتحدث بدون ان يشعر
كريم / عمر ده غبي اوي انا مش عارف ازاي يبقى متجوز واحده زي هنا ويسيبها ويطلقها بالشكل ده
ابتعدد عنه سرين وهي تنظر له بمكر
سرين / مالك بتتكلم بطريقه غريبه كدا هو في ايه بالظبط هي هنا كلت عقلك انت كمان ولا ايه
توتر كريم كثيرا من ان تعرف سرين بأن كريم حب هنا فعلا
كريم / هنا ايه الا تدخل عقلي وانا قلبي وعقلي مفيش فيهم غيرك
رجعت سرين الي حضنه مره اخرى
سرين / ايوا كدا فوق من احلامك وارجع للواقع واعرف ان الواقع والمستقبل معايا انا وبس
هز رأسه بتأكيد وهو يضمها اليه مره اخرى وينظر لها ب شر بدون ان تشعر
كريم / وانا مش عايز غيرك ياروحي
سرين / عايزه اقوم اجهز مراتك عزماني علي العشا
كريم / لا تقومي تروحي فين دلوقتي دا انتي وحشااااني جدا
🌸🌸🌸🌸🌸🌸🌸🌸
دخل عمر غرفته وهو ينظر الي سريره ويتخيل هنا جالسه بأنتظاره
اقترب من الفراش جلس فوقه وهو يضع يده عليه بحنيه ويتذكر هنا ويتذكر اول مره رأها كيف كانت جميله ورقيقه كيف كان يراى البرأة في عينيها ويفكر فيها كيف تعيش الان وماذا تفعل بدونه
وتذكر احلي واجمل شهر عاشه في حياته كان معها فهي كانت حبيبته و زوجته هل الان اصبحت عدوته لا فهو لن يسمح ان تكون عدوته وعليه البحث عن عدوه الحقيقي ربما قريبا منه ولكنه لا يرى
🌸🌸🌸🌸🌸🌸🌸🌸
رن هاتف عمر وكان المتصل مازن
مازن / الو
رد عليه عمر بتعب
عمر / ايوا يامازن في ايه
مازن / انت الا في ايه ياعمر انت فين وعلي طولك تليفونك مقفول وايه الا والدتك قالتهولي ده انا مش فاهم حاجه
تحدث عمر بأرهاق فهو الان حالته لا تسمح بأن يحكي اي شئ
عمر / بقولك ايه يامازن انا فعلا تعبان دلوقتي ومش قادر اتكلم
مازن / عمر انت فين وانا اجيلك دلوقتي
عمر / هتجيلي ازاي دلوقتي
مازن / علي فكره انا في ايطاليا من وقت ما ولدتك قالتلي الخبر الا لسه لحد دلوقتي مش مصدقه
تحدث عمر بسخريه علي حاله
عمر / هي امي كمان حاكتلك
مازن / وانت كمان ماكنتش عايزها تحكيلي من امتى انت بتخبي عليا حاجه
رد عليه عمر بعصبيه وغضب
عمر / لان الحاجه دي ماينفعش تتحكي يا مازن الا حصل ده مش اي حاجه
صمت مازن قليلا وهو يشعر بأن يوجد مشكله كبيره وعمر لا يريد اخباره بها
مازن / خلاص يا عمر برحتك ووقت ماتحب تتكلم انا موجود مع السلامه
رد عليه عمر سريعا
عمر / استنى يا مازن ماتقفلش وانت زعلان انا عايزك تعذرني انا بجد تعبان ومتلخبط ومش عارف اعمل ايه
مازن / ما انت ياعمر مش عايز تشاركني مشكلتك يمكن اقدر اساعدك قولي ياعمر ايه الا حصل وهنا فين انا بجد مش مصدق انك تطلق هنا انا كتر واحد في الدنيا عارف انت بتحبها اد ايه
رد عمر بحزن
عمر / ما انا عشان بحبها اوي كان لازم اعمل كدا
مازن / ماشي ياعمر ممكن يكون الا انت عملته دا صح من وجهت نظرك ويمكن لما تحكيلي اقدر اساعدك في الا انت فيه دلوقتي
رد عليه عمر باستسلام
عمر / حاضر يا مازن هنتقابل ونتكلم لان اكيد مش هينفع نتكلم في التليفون
مازن / تمام وانا منتظرك في اي وقت تكلمني و نتقابل مع السلامه
عمر / مع السلامه
🌸🌸🌸🌸🌸🌸🌸🌸
قابل خالد الكثير من المسؤلين وتحدث معهم بشأن دراسة هنا ووفاق علي كل طلاباتهم ودفع الكثير من المال مقابل الموافقه علي دخول هنا الجامعه وحصولها علي شهادة الهندسه من اكبر جامعه بالعالم
جلس خالد مع نادين وهنا وهو يخبرهم بأخر التطورات
وتحدث بسعاده حقيقيه من قلبه
خالد / يعني خلاص يا هنا من بكره تقدري تروحي الجامعه وتكملي درستك
تحدثت نادين تدعم حديث خالد
نادين / وان كمان جاهزه اساعدك المهم تلحقي وان شاءالله تنجحي وتتخرجي السنه دي وتكوني اكبر مهندسه في العالم
نظرت لهم هنا بسعاده وهي تحلم بهذا الحلم الجميل
سوف تدرس وتتخرج من اكبر جامعه بالعالم من يصدق بأن هذه البنت البسيطه بعد كل ماحدث لها يتحقق لها اكثر ماكانت تحلم
ثم نظرت ل خالد وهي لا تعلم كيف تشكره
هنا / خالد انا بجد مش عارفه اشكرك ازاي الا انت بتعمله معايا ده مستحيل حد يعمله
نظر لها بحب وتحدث بلطف
خالد / لو عايزه تشكريني بجد تنجحي وتحققي حلمك لان دا مبقاش حلمك لوحدك دا بقى حلمنا كلنا
نظرت له بأبتسامه
هنا / ان شاءالله هنجح ومش هضيع تعبكم ابدا بس بصراحه انا عايزه اشتغل مش انا مش بحب قاعدت البيت
خالد / ممكن تخرجي وتغيري جو
هنا / انا معرفش حاجه هنا وبعدين انا فعلا عايزه اشتغل
ابتسمت له نادين وتحدثت بشئ
نادين / انا عندي فكره ايه انتوا عارفين ان انا بدير شركه هنا جنب شغلي في الجامعه ايه رأيك تشتغلي معايا
نظر خالد الي هنا وتحدث بحماس
خالد / انا شايف ان دي فكره هايله ايه رأيك يا هنا
ردت عليهم هنا بحماس
هنا / طبعا موافقه
نادين / تمام يبقى ان شاءالله تجي معايا الشركه بكره وتبدأى شغل
تحدثت هنا بسعاده
هنا / ان شاءالله
تحدث خالد وهو يقف ويستعد للخروج
خالد / يبقى كدا اتفقنا وانا متأكد ان هنا هتحقق اكبر نجاح في دراستها و شغلها
نظرت له نادين بأعجاب شديد وتحدثت اليه برقه
نادين / خليك معانا شويه احنا مش بنلحق نشوفك
نظر لها بأبتسامه
خالد / معلش عشان الوقت اتأخر تصبحوا علي خير
نادين و هنا / وانت من اهل الخير
بعد ذهاب خالد شردت نادين في طيفه
نظرت لها هنا بستغراب وتحدثت بهدوء
هنا / نادين نادين
ردت عليها وكأنها كانت بعالم اخر
نادين / ايه يا هنا في ايه
هنا / انتي نمتي ولا ايه بكلمك ومش مركزه معايا خالص
توترت نادين كثيرا وتحدثت معاها وهي تود معرفة شئ ما
نادين / قوليلي ياهنا انتي تعرفي خالد بقالك اد ايه
ردت هنا بعفويه وهي لا تعلم لماذا تسألها نادين هذا السؤال
هنا /اعرفه من فتره قريبه بس بصراحه هو وقف جنبي اكتر من الناس الا اعرفهم بكتير
نادين / طب قوليلي انتوا اتعرفتوا علي بعض ازاي
ردت عليها هنا وهي تبتسم وهي تتذكر كيف اتعرفت علي خالد
هنا / مش هتصدقي
خالد خبطني بعربيته وعملي ارتجاج في المخ وفقدان مؤقت في الذاكره
نظرت لها نادين وهي تفتح عينيها من الصدمه وتحدثت بحماس
نادين / لااا دا انتي تحكيلي بقى من الاول
🌸🌸🌸🌸🌸🌸🌸🌸
بعد يومين جلس مازن امام عمر في مكتبه بشركه os بإيطاليا
نظر مازن الي عمر بصدمه كبيره وهو لا يصدق مايسمعه الان
مازن / مستحيل انا مش مصدق معقول كل ده حصل
تحدثت عمر وهو يحاول انهاء الموضوع لا يريد الحديث فيه اكثر من ذالك
عمر / خلاص يا مازن الا حصل حصل سيبك من كل ده وخلينا في الشغل
نظر له مازن بعدم تصديق
مازن / شغل ايه يا عمر انت ليه واخد الموضوع وكأنه عادي
رد عليه عمر بغضب
عمر / لانه فعلا عادي يا مازن وعشان خاطري اقفل الموضوع ده خالص
لأن انا متأكد ان الا انا عملته ده هو الصح ومش هرجع فيه
نظر له مازن بأحباط وهو يعرف صديقه جيدا لن يترك حقه مهما حصل
🌸🌸🌸🌸🌸🌸🌸🌸
بعد خروج مازن من مكتب عمر
اتجهت سرين وهي تتهادى في خطاها واتجهت الي مكتب عمر
سمح لها عمر بالدخول
دخلت سرين وهي تدعي الحزن علي ما حدث مع عمر
سرين / عمر عامل ايه دلوقتي
نظر لها بجمود
عمر / خير سرين ايه الا جابك دلوقتي
ردت عليه بدلع وهي تقترب منه وتجلس فوق مكتبه بطريقه مغريه
سرين / ايه يا عمر معقول بعد كل ده وبرضه بتعاملني ببرود كدا
نظر لها بنفاذ صبر وتحدث بملل
عمر / انتي عايزه ايه دلوقتي سرين
اقتربت منه اكتر وهي تتحدث امامه بطريقه مغريه وتحاول تقبيله
سرين / عايزاك انت يا عمر
ابتعد عنها سريعا ووقف من علي مكتبه واعطاها ظهره وهو يتحدث اليها بغضب
عمر / مش هينفع سرين
اقتربت منه وهي تضمه من الخلف نظر الي يدها وسريعا تذكر هنا عندما كانت تفعل نفس الشئ عندما يدعي الزعل منها كانت تضمه هكذا من الخلف
مسك عمر يدها وهو يلف اليها ويتخيل انها هنا وعندما نظر اليها وجدها سرين
نظر لها بصدمه وحاول الحديث معها بهدوء
عمر / انا مش هقدر دلوقتي يا سرين محتاج وقت عشان اقدر احب تاني
نظرت له بسعاده وهي تضمه اليها كثيرا
هنا / برحتك يا عمر خد وقتك وانا معاك هفضل منتظراك العمر كله
ابتسم له وهو يرفع يده يضعها علي خدها برقه
عمر / عارف سرين ومتأكد ان انتي اكتر واحده حبتني بجد ومتأكد اني هكون سعيد معاكي بس اديني شوية وقت
قبلته من خده بسعاده وحماس فهي الان وصلت الي ماتتمناه وسوف تفعل اي شئ للحصول عليه
🌸🌸🌸🌸🌸🌸🌸🌸
وقفت هنا بتعب وهي تضع يدها علي قلبها تشعر بوجع غريب في قلبها لا تعرف سببه
نظرت لها نادين بستغراب
نادين / مالك يا هنا وشك اصفر ليه كدا
هنا / مش عارفه حسه بوجع غريب في قلبي حسه ان في حاجه حصلت
نادين / هيكون ايه الا حصل بس كل حاجه ماشيه صح وتمام ماتقلقيش
ردت هنا بتأكيد
بس انا متأكده ان في حاجه حصلت قلبي مش بيكدب عليا
نادين / حبيبتي ماتقلقيش ممكن يكون ارهاق ومحتاجه ترتاحي
هنا / ممكن برضه خلاص انا هدخل اوضتي ارتاح شويه
نادين / تمام ياروحي ولو احتاجتي اي حاجه نادي عليا
هنا / حاضر
اتجهت هنا الي غرفتها وجلست نادين تفكر في شئ ما
سمعت صوت جرس الباب واتجهت لفتح الباب وجدت خالد يقف امامها
نظرت له نادين بأعجاب شديد وهي ترحب به لدخول
دخل خالد وقبل ان يجلس سأل عن هنا
خالد / هي هنا فين
نادين / دخلت ترتاح شويه
خالد / خلاص انا همشي وابقى اجيلكم وقت تاني
تحدثت اليه نادين وهي تدعي الحزن
نادين / يعني كدا يا خالد هو انت مش بتيجي هنا غير عشان هنا وبس
شعر خالد بالاحراج وتحدث سريعا
خالد / لا طبعا انا بس مش عايز ازعجك ممكن تكوني عايزه ترتاحي انتي كمان
نادين / بس انا بكون مرتاحه جدا وانا معاك
نظر لها خالد بعدم فهم لما تقصده
خالد / مش فاهم
اقتربت اليه وتحدثت برقه
نادين / خالد أنا بحبك
🌸🌸🌸🌸🌸🌸🌸🌸
انتهاء الفصل حبيباتي 😍 اتمنى يعجبكم
وعايزه تفاعل كتييير علي البارت ❤❤
الفصل الخامس والعشرون🌸🌸
جلست نادين تفكر في شئ ما
سمعت صوت جرس الباب واتجهت لفتح الباب وجدت خالد يقف امامها
نظرت له نادين بأعجاب شديد وهي ترحب به لدخول
دخل خالد وقبل ان يجلس سأل عن هنا
خالد / هي هنا فين
نادين / دخلت ترتاح شويه
خالد / خلاص انا همشي وابقى اجيلكم وقت تاني
تحدثت اليه نادين وهي تدعي الحزن
نادين / يعني كدا يا خالد هو انت مش بتيجي هنا غير عشان هنا وبس
شعر خالد بالاحراج وتحدث سريعا
خالد / لا طبعا انا بس مش عايز ازعجك ممكن تكوني عايزه ترتاحي انتي كمان
نادين / بس انا بكون مرتاحه جدا وانا معاك
نظر لها خالد بعدم فهم لما تقصده
خالد / مش فاهم
اقتربت اليه وتحدثت برقه
نادين / خالد أنا بحبك
🌸🌸🌸🌸🌸🌸🌸🌸
نظر لها خالد بصدمه وهو لا يصدق بأنها قالت هذه الكلمه هكذا بدون اي مقدمات
نظرت له نادين وهي تنتظر منه رد
ولكنه طال صمته وهو ينظر لها بصدمه
نادين/ ايه يا خالد ساكت ليه انا عارفه ان انت اكيد مستغرب من الا انا قولته بس صدقني دي الحقيقه
نظر لها وهو حقاً لا يعرف ماذا يقول لها
ثم أخيرا تحدث
خالد / احم انا بصراحه مستغرب شويه
نادين / ليه يا خالد عشان يعني انا بنت وماينفعش انا الا ابدء واقول الكلمه دي
هز كتفيه بحيره
خالد / بصراحه انتي فاجئتيني
نادين / خالد انا قولتلك بحبك عشان فعلا أنا بحبك وحبيت اعبر لك عن مشاعري
ابتسم لها بمجامله واحراج لا يعلم ماذا يقول
خالد / وانا بحترم مشاعرك جدا بس ممكن بلاش نتكلم في الموضوع ده حاليا
نظرت له بأبتسامه
نادين / تمام
🌸🌸🌸🌸🌸🌸🌸🌸
بعد يومين
انتهى عمر من عمله واتجه مباشرة الي منزله وتفاجئ بوجود سرين تجلس مع والدته وكريم
عمر / مساء الخير
وقفت سرين لأستقباله وهي تضمه وتقبله من خده
ابتسم لها بمجامله
نظرت لهم كرولين بسعاده وتحدثت بحماس
كرولين / انا بجد اسعد انسانه في الدنيا ونفسي افرح بيكم قريب اوي
ثم اكملت حديثها وهي توجه كلامها الي زوجها الجالس بجانبها
كرولين / ايه رأيك ياكريم
تفاجئ كريم منها وهي تحدثه فهو كان بعالم اخر وهو ينظر الي سرين وهي تعانق عمر ولا يصدق بأن عمر ممكن يفكر في الزواج من سرين
كريم / ااه طبعا دي هتبقى حاجه كويسه اوي
نظر له عمر وهو يتحدث بهدوء
عمر/ هي ايه الا هتبقى حاجه كويسه
توتر كريم كثيرا من نظرات عمر
كريم / الا كوكي قالته
هز عمر رأسه وهو يبتسم له
عمر / تمام
تحدثت سرين وهي تضم ذراع عمر اليها
سرين / ايه رأيك يا حبيبي نخرج ونسهر النهارده
نظر لها عمر طويلا وهو يفكر هل يوافق ام لا
عمر / تمام هطلع اخد شور واجهز وانزل علي طول
سرين / اوكي ياروحي منتظراك
ابتسم لها واتجه الي غرفته
🌸🌸🌸🌸🌸🌸🌸🌸
بعد طلوع عمر غرفته تحدثت كرولين وهي تطلب من زوجها
كرولين / وانا كمان ياحبيبي عايزه اخرج ونسهر في مكان حلو نحتفل بعمر وسرين ايه رأيك
رد عليها كريم وهو ينظر ل سرين بغضب
كريم / اه طبعا ياروحي لازم نحتفل ب سرين و عمر بس طبعا مش هينفع نروح معاهم نفس المكان عشان اكيد هما محتاجين يكونوا لوحدهم ولا ايه
توترت سرين كثيرا من نظراته
كرولين / اه طبعا ياحبيبي احنا لازم نسيبهم لوحدهم
ثم وجهت كلامها الي سرين
كرولين / سرين انا مش محتاجه اقولك لازم تقنعي عمر بجوازكم في اقرب وقت انا عايزه اتأكد انه مش هيفكر في البنت دي تاني
ردت عليها سرين بثقه
سرين / اكيد ياروحي ماتقلقيش
وقفت كرولين لتستعد للخروج
كرولين / انا واثقه فيكي سرين
هطلع انا اجهز
سرين / اوكي وانا اول ماعمر ينزل هنخرج علي طول واتمنلكم انتوا كمان سهره سعيده
بعد ذهاب كرولين
وقف كريم بغضب وقام بمسك سرين من ذراعها بقوة وتحدث اليها بغضب
كريم / ايه حكاية الخروج ده انتي ليه ماقولتليش انك هتخرجي معاه
تحدثت اليه سرين بسخريه وهي تبعد يده عن ذراعها
سرين / ايه يا روحي انت بتغير عليا ولا ايه
نظر لها بستهزاء
كريم / اغير عليكي ليه ما انا باخد الا انا عايزه في الوقت الا انا عايزه
نظرت له بغضب
سرين / خلاص انتهى ومش هيحصل تاني انا هبقى مرات عمر المنياوي عارف يعني ايه عمر المنياوي
ابتسم لها بسخريه
كريم / اظاهر انتي الا مش عارفه يعني ايه عمر المنياوي ونسيتي الا عمله في مراته وهي مظلومه تخيلي بقى انتي هيعمل ايه فيكي لو عرف بكل المصايب بتاعك
نظرت له بقلق
سرين / ومين الا هيقوله علي المصايب بتاعي ومحدش يعرفها غيرك لان شريك فيها
كريم / تمام انا عايزك تفضلي فاكره اني شريكك ومش عايز مفاجأت تاني ولازم اكون عارف كل حاجه قبل ماتحصل تمام
نظرت له بغضب
سرين / تمام
🌸🌸🌸🌸🌸🌸🌸🌸
جلست هنا وهي تتحدث الي نادين الجالسه امامها شارده
هنا / نادين انتي فيكي ايه مالك بقالك يومين حزينه كدا
نادين / مفيش يا هنا ماتشغليش بالك ركزي اهم حاجه في مستقبلك وبس
هنا / لا طبعا انتي بقيتي اختي ومقدرش اسيبك حزينه كدا احكيلي يا نادين يمكن اقدر اساعدك
نظرت لها نادين طويلا ثم تحدثت بدون اي مقدمات
نادين / أنا بحب خالد
🌸🌸🌸🌸🌸🌸🌸🌸
خرج عمر وسرين الي احدى الاماكن المخصصه للسهر
وجلسوا سويا يتحدثون في اشياء عديده ثم بدء عمر فتح حوار ما
عمر / قوليلي سرين لو انا ماكنتش طلقت هنا وفضلت معاها لحد دلوقتي كنتي هتعملي ايه
نظرت له بتوتر وشعرت بجفاف حلقها اسرعت وشربت بعض الماء
استغرب عمر من حالتها
عمر / سرين انتي كويسه
سرين/ اه كويسه انت كنت بتقول ايه
كرر عمر سأله مره اخرى
عمر / كنتي هتعملي ايه لو انا ماكنتش طلقت هنا
حاولت سرين المحافظه علي هدوئها وهي ترد عليه بثقه
سرين / كنت طبعا مش هفكر غير في ساعدتك ولو اتأكدت انك هتكون سعيد معاها اكيد كنت هشجعك تكمل بس للأسف هي طلعت زي ما انا كنت متوقعه وانت الا كنت مخدوع فيها
هز عمر رأسه بتأكيد علي كلامها
ثم حاول التحدث معها بشئ اخر
🌸🌸🌸🌸🌸🌸🌸🌸
اتصدمت هنا كثيرا بعد ان سمعت اعتراف نادين بحبها ل خالد
هنا / وهو قالك ايه
ردت نادين بأحباط
نادين / قالي نأجل كلام في الموضوغ ده دلوقتي
هنا / يعني ايه عايز يفكر مثلا
نادين / مش عارفه بقى هو قالي كدا
نظرت لها هنا بحيره وهي لا تعرف ماذا تفعل في مثل هذا الموقف
هنا / عادي اكيد هو اتفاجئ بس واول مايستوعب الفكره هتلاقيه جايلك بنفسه
نظرت لها نادين بأمل
نادين / تفتكري
هنا بتأكيد / اه طبعا خالد لو لف الدنيا مش هيلاقي احسن منك
ضمتها نادين بحب
نادين / ربنا يخليكي ليا يا روحي
🌸🌸🌸🌸🌸🌸🌸🌸
دخلت هنا غرفتها وهي تبكي كثيرا حقاً اشتاقت الي عمر ولا تستطيع العيش بدونه فهو اول حب في حياتها وتعلم جيدا انه الاخير تذكرت كيف كان حنون معها ورقيقاً تخيلته يقف امامها بوسامته خاطفة القلوب ويحدثها بصوته المميز وضحكته الرائعه وهو ينظر لها وكيف كان يشتاق لها ويتمنى البقاء معها هل كل شئ انتهى بكل هذه البساطه هل تستطيع احتمال فكرة وجود اخرى في حياته يقترب منها ويضمها كما كان يفعل معها هل تستطيع رؤيته وهو يعيش حياته بدونها مع اخرى هل تتحمل فكرة ان يكون عنده طفل من أمرأه غيرها😥
وهي الان تجلس بمفردها تشعر باليتم بدونه ولكنها لن تستسلم لضعفها مره اخرى وسوف تحقق كل احلامها بيدها وسوف يندم الجميع علي ما فعلوه بحقها
🌸🌸🌸🌸🌸🌸🌸🌸
بعد حوالي اسبوع
كان مازن يتحدث بالهاتف مع دينا
دينا / انت لسه هتفضل عندك كتير
مازن/ وحشتك صح
دينا / اه طبعا وحشتيني انا مش فاهمه اصلا انت ليه سافرت فجأة
توتر مازن كتير وهو لا يرد احزنها لو عرفت ماحدث مع هنا
مازن / مشاكل في الشغل ياروحي وكان لازم اجي عشان احلها وانتي عارفه ان عمر مشغول مع والدته بسبب تعبها
دينا / طب وهنا فين انا بكلمها علي طول تليفونها مقفول
مازن/ ماهى ماهي كمان مشغوله مع والدت عمر
استغربت دينا كثيرا من حديثه
دينا / وتعب والدت عمر هيمنع هنا تفتح تليفونها ليه
رد مازن عليها وهو لا يعلم ماذا يقول
مازن / اصل ااه اصل والدت عمر عندها حالة نفسيه اتجاه التليفونات اول ماتشوف تليفون تبقى عايزه تكسره
ردت عليه دينا بستغراب
دينا / تكسره
مازن / اه يعني المهم هما لازم يقفلوا تليفوناتهم عشان ماتتعبش اكتر
ثم بعد الهاتف عنه قليلاً وهو يحدث نفسه بصوت منخفض حتي لا تسمعه دينا
مازن / هو ايه الجنان الا انا بقوله ده
تحدثت اليه دينا بعصبيه
دينا / هو فعلاً جنان يا مازن وهتجن عليك اكتر لو ماقولتليش الحقيقه
مازن / بصي بقى الحقيقه ان هنا تليفونها ضاع وعمر مش راضي يشتريلها واحد جديد ارتاحتي
دينا / يا حرااااام
مازن / شوفتي بقى
دينا / دا علي اساس انه مش معاه يشتريلها تليفون ولا مستنى يحوش حقه
مازن / ممكن برضه اصل شركاته بتمر بأزمه ماليه اليومين دول
ردت عليه بغضب وعصبيه
دينا /انت عارف يامازن انت لو ماقولتش الحقيقه دلوقتي حالا انت الا هتمر بأزمه صحيه من الا انا هعمله فيك
مازن / خلاص خلاص بصي انا بصراحه ماكنتش عايز اقولك عشان ماتزعليش بس الحقيقه بقى ان عمر و هنا اطلقوا
وقفت دينا من مكانها بصدمه
دينا / ايه
🌸🌸🌸🌸🌸🌸🌸🌸
انتظمت هنا في الجامعه والعمل كانت تعمل ليلا نهارا حتي لا تعطي لنفسها وقت لراحه اردت ان تنسي كل ما حدث معها بالعمل تريد النجاح النجاح فقط واثبات نفسها للجميع تريد ان تفاجئ الجميع بقوتها ونجاحها بالعلم والعمل
🌸🌸🌸🌸🌸🌸🌸🌸
لم تفقد نادين الامل وهي تنتظر خالد يأتي اليها ليعلن عن موافقته بان يعطي لها ولنفسه فرصه بان يكون بينهم علاقة حب وتعهدت نادين بانها سوف تفعل كل شئ حتي يبادلها خالد نفس الشعور
🌸🌸🌸🌸🌸🌸🌸🌸
انفرد خالد بنفسه وهو يفكر ماذا يفعل الان هل يعطي لنفسه فرصه ان يحب نادين لقد اعجب بها كثيرا عندما اخبرته بكل صدق وبدون اي خجل انها تحبه واعجب بجرأتها فهي لم تكن ضعيفه وتدفن حبها بداخلها كما فعل هو
وظل يسأل نفسه
هل بأمكانه ان يحب مره اخرى بعد حبه لهنا هل هنا بأمكانها ان تشعر به يوم
عليه اتخاذ القرار الصحيح فهو لن يقضي حياته في قصة حب من طرف واحد
🌸🌸🌸🌸🌸🌸🌸🌸
حاولت سرين بكل الطرق التقرب من عمر حتي يضعف امامها ويعلن موافقته علي زواجهم ولكنها تخطط ل شئ اخر عقب موافقة عمر علي زواجهم وهو التخلص من كريم حتى لا يخرب عليها حياتها مع عمر بتهديده الدائم لها بأنه سوف يخبر عمر كل شئ ان حاولت تجاهله او حاولت عدم تنفيذ اوامره فهي تريد ان تكون هي الوحيده المستفاده من اموال عمر وسوف تتخلص من اي احد يقف في طريقها
🌸🌸🌸🌸🌸🌸🌸🌸
جلس عمر علي مكتبه وهو ينظر ل مازن بغضب وتحدث معه بعصبيه
عمر / انا مش مصدق انت ازاي تقول ل دينا حاجه زي دي
مازن/ معرفش بقى يا عمر هي لما سالتني اتلخبط
عمر / اتلخبط انت عارف يا مازن انا عايز اعمل فيك ايه دلوقتي
مازن / يا عمر والله انا......
قاطعه عمر وهو يشارو له ان يصمت ويمسك هاتفه ليرد علي هذا الاتصال المهم
عمر / الو
نظر عمر ل مازن بعدم تصديق وهو يسمع من يتحدث بالهاتف
ثم تحول عمر فجأة لأسعد أنسان بالعالم
واغلق هاتفه بدون اي تعليق وهو يبتسم بطريقه رائعه من شدة الفرحه
استغرب مازن كثيرا وابتسم هو الاخر وهو يرى عمر امامه بكل هذه السعاده
مازن / هو ايه الا حصل ماتفرحني معاك
نظر له عمر طويلاً ولم تفارق هذه الضحكه الرائعه وجهه ورد عليه بسعاده
عمر / احنا خدنا اكبر مناقصه في تاريخ الشركه
مازن انا عايزك تصرف لكل الموظفين في كل الفروع شهر مكافأه
نظر له مازن بفرحه هو الاخر
مازن / مناقصة ايه
نظر له عمر وتحدث معه بسخريه
عمر / عشان تروح تحكي ل دينا
ادعي مازن الحزن
مازن / والله قولتلك غصب عني هعمل ايه يعني وبعدين ما الكل لازم هيعرفوا
عمر / وانا ماكنتش عايز حد يعرف ماتنساش ان دي حاجه تخص أسم وشرفي يا مازن وكان المفروض محدش يعرف حاجه عن الا حصل
مازن / خلاص ياعمر ماتزعلش وبعدين اصلا دينا مش مصدقاني وفكراني بكذب عليها
عمر / حظك يا مازن ان الخبر الا جالي ده انقذك من ايدي
🌸🌸🌸🌸🌸🌸🌸🌸
جلست كرولين مع زوجها تتحدث معه عن الاستعداد لجواز سرين و عمر
كرولين / ايه رأيك ياحبيبي انا عايزه نعمل فرح يبهر العالم كله
نظر لها بسخريه
كريم / مش الاول تشوفي ابنك هيوافق ولا لاء بدل مايحصل نفس الا حصل قبل كدا في حفلة الخطوبه
ردت عليه بثقه
كرولين / لاء طبعا انا متأكده ان عمر هيوافق لأنه فعلا عايز ينسى البنت الا كان متجوزها دي
رد بسخريه
كريم / وسرين انسب واحده تنسيه وتستحق فعلا انها تكون مراته
كرولين / عندك حق يا حبيبي فعلا سرين ممتازه وانا بحبها جدا
ابتسم بسخريه
كريم / طبعا ياروحي وانا متأكد انها بتحبك أكتر
ثم تحدث بداخله
كريم / واول حاجه هتعملها بعد ماتتجوز ابنك انها تخلص منك
رن هاتف كريم في هذه الاثناء وكان المتصل شخصاً ما يعرفه كريم جيدا توتر كثيرا وهو ينظر لزوجته
كريم / انا عندي ميعاد مهم ولازم اخرج وانتي ممكن تكلمي سرين تيجي ترتب معاكي التجهزات
كرولين / اوكي حبيبي هكلمها
🌸🌸🌸🌸🌸🌸🌸🌸
خرج كريم من المنزل وقام بالاتصال بالرقم المتصل بيه منذ قليل
كريم / الو
شخصاً ما / ايوا ياباشا انت فين وحشتنا
كريم / وحشتك ايه يا حيوان انت هتصاحبني
شخصاً ما / براحه علينا يا باشا دا انا عايزك في موضوع مهم
كريم / موضوع ايه
شخصاً ما / لامؤخذه محتاج فلوس
كريم / وانا مالي حد قالك اني عندي بنك
شخصاً ما / لاء انت ماعندكش بس الباشا ابن المدام عنده واكيد هيدفع كتير اوي عشان يعرف مين الا اتفق معايا علي قتل والدته
🌸🌸🌸🌸🌸🌸🌸🌸
انتهاء الفصل حبيباتي ❤ وصلوا التفاعل علي البارت ل 1000 كومنت عشان انزل البارت الجديد⚘⚘⚘⚘
🌸🌸🌸🌸🌸🌸🌸🌸
تعليقات
إرسال تعليق