 |
رواية طليق أختي
من البارت الاول حتي الحادي عشر والاخير
*ازاى يعني اتجوز طليق اختي يا بابا؟! وانت يا داليا عادى بالنسبة ليكي!
داليا ببرود:ايوة عادى..انا عمري لا حبيته ولا هو حبني..وبعدين انا اللى طالبة الطلاق وكمان انا عايزة ابدأ حياتي من جديد وبصراحة كده ابنه ده مش هيخليني اعمل اى حاجة
رقية بصدمة:ابنه! على فكرة ابنك انت كمان..وبعدين اى ذنبي انا اشيل شيلتك! ما تشوفي حياتك انا مالى انا!
الاب بتوسل:عشان خاطري يا بنتي اتجوزيه..مش عايزينه يتجوز واحدة غريبة وتتعب الولد معاها..ده مهما كان ابننا برده
رقية بدموع وصوت عالي:وانا مالى؟! هو انا كنت امه؟ ما امه ترجع لابوه والموضوع ينتهي..بتدخلوني انا ليه؟
الام بحزن:يا بنتي مش انت مكنتيش عايزة تتجوزي! اتجوزي يوسف وهو مش هيزعلك صدقيني..ومش هتندمي يا رقية
رقية بدموع:ولما هو كويس اوى كده وافقتوا داليا انها تطلق منه ليه! وبعدين يا داليا انت كنت بتقوليلي عليه اى!
*يوسف يا رقية قلبه جامد اوى..
*حتى لما بيتعامل معايا بحسه بيأدي واجب عليه وخلاص
*يوسف تاعبني اوى يا رقية مش عارفة هكمل حياتي معاه ازاى..ده انسان لا يطاق
*يوسف معندهوش حاجة اسمها حب..مش عارفة لما أولد ابني هيستحمل ده كله ازاى
عايزاني بعد ده كله وبعد ما سيادتك تزهقي منه اجى انا اتجوزه بعدك!
داليا باستفزاز: أيوة يا رقية هتتجوزيه..عارفة ليه! عشان ده الحل اللى قدامك عشان تهربي من لقب عانس..هتوافقي تتجوزي طليقي وتربيلي ابني وانا هشوف حياتي عادى..واسمهم فى الاخر طليقي وابني انا..انا يا رق...
الاب وهو بيضرب داليا قلم:انت ازاى كده! انا ازاى معرفتش اربيكي كده!
داليا بصوت عالي:اهو ده اللى حصل بقا..وخلوا ست الشيخة دى تتصرف..مش هرجعله يعني مش هرجعله..ومش اخد الواد منه عشان ميعرفش يشوف حياته..ولا هيتجوز واحدة تانية
رقية تسيبهم وتدخل اوضتها"دى اختي الصغيرة..داليا..عندها 24 سنة..مطلقة من يوسف..مشوفتش منه حاجة وحشة..بس كلام داليا عنه خليتني اخاف منه..اخاف من شخصيته..يعلم ربنا انى حاولت اخليها تقرب منه.. بس هيا كانت دايما عايزاه هو اللى يقرب..محمد ابنهم دلوقتي عنده 4 شهور..مستحملتش اكتر من كده وقررت تطلق..ولما يوسف اصر انه ياخد محمد معاه وافقت بكل سهولة عشان شايفة انه هيوقف حياتها..
~~~~~
يوسف:رقية..انا عايز اتكلم معاكي شوية
رقية:انا عارفة يا يوسف انك رافض ال..
يوسف:بس انا موافق اتجوزك يا رقية
رقية بصدمة:نعم! موافق تتجوز اخت طليقتك!
يوسف بتنهيدة:انا موافق اتجوزك انت يا رقية..انا مش هكدب عليكي واقولك مش هتجوز بعد داليا..لا انا محتاج زوجة ومحمد محتاج أم..وانا مش هلاقي أم ليه احسن منك
رقية بدموع: اللى خلاك متكملش مع اختي هتكمل معايا انا يا يوسف!
يوسف:اولا مش عايزك تعيطي..ثانيا ايوة يا ستي هكمل معاكي انت..حاولى تنسي انى طليق اختك..اعتبريني عريس متقدم لك وخلاص
رقية بجمود: وانا مش عايزة اتجوز خالص..لا انت ولا غيرك..واظنك عارف كده من زمان..عن اذنك
يوسف بسرعة:طب لو قولتلك ان انا ومحمد محتاجينك فى حياتنا!
رقية بدموع:مش هقدر يا يوسف..مش هقدر صدقني
يوسف:هنقدر سوا..انا ومحمد معاكي
رقية بتردد:ب..بس داليا
يوسف:مالها داليا!
رقية:هتحنلها فى يوم! هتندم انك اتجوزتني بعدها!
يوسف باستغراب: واندم ليه! انا محتاجك فى حياتي..وبعدين انت عارفة ان اختك التعامل معاها صعب..وانا للاسف ربنا محطش حبها فى قلبي..بس ربنا يعلم انى كنت بعاملها بكل احترام..بس هيا اللى قررت تبعد..
رقية بحيرة:مش عارفة يا يوسف..بس انا خايفة
يوسف:اوعدك اطمنك وهفضل معاكي دايما..
رقية بجدية: انا موافقة يا يوسف..بس مش عايزة فرح.. وكمان..اااا
يوسف:كمان اى يا رقية! قولى اللى انت عايزاه
رقية:داليا..ملهاش علاقة بينا بعد النهاردة..هتفضل اختى مهما عملت..بس انت متحتكش بيها ولا ليك كلام معاها..
~~~~~~
الاب: اللى انت عايزاه كله هيحصل يا رقية..بس يا بنتي تفرحي زى اى عروسة
رقية: لا يا بابا..انا قبلت اتجوز يوسف عشان محمد بس..اى حاجة تانية ملهاش لازمة
الام بدموع: سامحينا يا بنتي..غصب عننا والله
الاب بيحضن رقية: يوسف ابن حلال وطيب يا رقية..وانا متأكد انكو هتبقوا مرتاحين سوا..
رقية بجمود:خليكوا متأكدين انى عمري ما هشتكي منه وده عشان خاطر محمد بس..ولا عمري هطلب الطلاق زى داليا..هستحمل عشان اهرب من لقب عانس على رأي اختى
الام بدموع:لا يا بنتي متقوليش كده..ده انت ست البنات
رقية بجمود:اختي شايفاني عانس يبقا مش هستغرب حاجة من الباقي..بس عرفوها ملهاش دعوة بيوسف ولا محمد من النهاردة
داليا بتدخل وهيا بتصقف ليها:لا براڤو..الاخت المضحية بقا وكده! طب ما كنتي تقولي ان عينك على جوز اخت..
رقية بتضربها بالقلم:متنسيش انى اختك الكبيرة..ومتنسيش يا ست داليا انى كنت رافضة الجواز قبل سيادتك ما تتجوزي..وحتى بعد ما اتجوزتي مفكرتش اتجوز..فالزمي حدودك عشان مش عايزة اعمل حاجة اندم عليها
داليا بصوت عالي: انت بتمدي ايدك عليا ا..
الاب بزعيق:انت تخرسي خالص..وهتروحي تعملي تنازل عن حضانة محمد ليوسف..ورجلك مش هتخطي بيت اختك..وده اخر كلام عندي يا داليا
داليا ببرود:والله احلى حاجة حوار التنازل ده..احسن عشان انا مش طايقاه لا هو ولا ابوه
~~~~~~
"بارك الله لكما وبارك عليكما وجمع بينكما في خير"
رقية لنفسها:متخيلتش ان اليوم ده هيجي..يارب انا عارفة ان ليك حكمة فى كده..يارب انا صابرة يارب وفقني فى حياتي الجاية
يوسف لرقية:يلا يا رقية!
رقية بتشيل محمد:يلا يا يوسف..
بيسلموا على اهلها ويمشوا..
~~~~~~
رقية: انا مش هقولك هنعيش اخوات واصحاب.. على ما اعتقد احنا كبار كفاية عشان نعرف ان الجوازة دى هتكمل ان شاء الله على الاقل عشان خاطر محمد..فانا بستئذنك الفترة دى اقعد مع محمد فى اوضة الاطفال عشان منزعجش لو صحى فى الليل
يوسف بيمسك ايدها: اهدي يا رقية..انت هنا أم محمد ومراتي ..يعني اعملي اللي انت شايفاه فيه صالحنا احنا التلاتة..وانا واثق انك هتاخدي القرار الصح ان شاء الله.. وانا اللى بطلب منك نكون اخوات واصحاب لحد ما تستوعبي الوضع الجديد
~~~~~~
تاني يوم الصبح
رقية:يوسف..اصحي يا يوسف
يوسف:خير يا رقية! انت كويسة! محمد كويس!
رقية:احنا كويسين الحمدلله..قومي يلا عشان تفطر وتلحق تروح شغلك
يوسف:بس انا واخد اجازة من ساعة طل...
رقية:عارفة انك كنت واخد اجازة عشان تقعد مع محمد..لكن انا هنا اهو
يوسف:وانت مش هتروحي شغلك!
رقية:لا يا سيدي..انا خدت اجازة عشان اقعد مع ميدو..على ما يكبر شوية ابقا انزل الشغل تاني
يوسف:بجد يا رقية! عملتي كده فعلا!
رقية وهيا بتمشي:تخيل! يلا بقا بلاش كسل
~~~~~~
رقية:مالك يا يوسف شكلك متضايق ليه!
يوسف:مفيش حاجة..
رقية:على فكرة ممكن تحكيلي عادى بما انى مراتك وك...
يوسف بصوت عالي:قولتلك مفيش يا داليا...انت مبتفهميش!
رقية بصدمة:داليا يا يوسف! انا رقية مش داليا
تفاعل بعد اذنكم عشان اكملها ليكم ونزل اسرع
طليق_أختي
البارت التاني
رقية:مالك يا يوسف شكلك متضايق ليه!
يوسف:مفيش حاجة..
رقية:على فكرة ممكن تحكيلي عادى بما انى مراتك وك...
يوسف بصوت عالي:قولتلك مفيش يا داليا..انت مبتفهميش
رقية بصدمة:داليا يا يوسف! انا رقية مش داليا
يوسف بسرعة وتوتر:اا..انا اسف يا ر..
رقية بجمود ظاهري:متتكلمش يا يوسف..مش محتاج تبرر حاجة..الاكل متسخن على السفرة انا داخلة أأكل محمد
يوسف بيمسك ايدها بسرعة:مش هتاكلي معايا يا رقية! ده احنا متجوزين بقالنا شهرين وعمرك ما عملتيها
رقية بتبعد ايده:عن اذنك محمد بيعيط
~~~~~~
رقية بتدخل الاوضة يقابلها محمد بيلعب
رقية بتحضنه وتعيط:انا زعلانة اوى يا محمد..حاسة انى خدت حاجة مش حقى..هو مش جوزي وانت مش ابني..داليا المفروض هيا اللى تبقا هنا..حتى هو مش قادر ينساها..تبعده عن حضنها وتحضن وشه:وانت كمان لما تكبر وتعرف انك مش ابني اكيد هتختارها هيا..انا اسفة يا حبيبي انا قبلت بالوضع ده..اسفة اوى والله
~~~~~~
يوسف بيكون واقف عند الباب ويسمع كلامها
يوسف بغضب من نفسه:غبي غبي..ده اللى مش هتخليها تندم ابدا؟ بس غصب عني..والله غصب عني يا رقية
~~~~~~
تاني يوم الصبح بيصحى يوسف بدري ويدخل المطبخ يلاقي رقية
يوسف بحزن:اول مرة متصحنيش يا رقية
رقية:بس صحيت اهو..دوري مش مهم ولا حاجة
يوسف بسرعة:انت أهم دور فى حياتي يا رقية..متزعلي...
رقية بدموع:ملهوش لزوم الكلام ده يا يوسف..انا اللى اسفة انى نسيت انى مجرد ام لمحمد وسألتك زعلان ليه..وبعدين انت مغلطتش..دى كانت مراتك برده
يوسف بيمسك ايدها ويشدها ليه:انت مش ام لمحمد بس..انت مراتي يا رقية وليكي الحق فى كل حاجة..ارجوكي اديني فرصة احكيلك اللى حصل
رقية بتبعد عنه:قولتلك انت مش مضطر تعمل كده..وبعدين انا اللى غلطانة..ما ياما داليا كانت بتقول انك مبتحكيش حاجة بس انا قولت يمكن تتغير
يوسف بصوت عالي:متقارنيش نفسك بيها..داليا دى أقل من انها تيجي على لسانك..وبعدين هيا عمرها ما حاولت تعرفني ولا تقرب مني..اللى هيا فشلت فيه فى سنتين انت نجحتي فيه فى شهرين
رقية بسخرية:اه فعلا بأمارة امبارح..انت عمرك ما هتتغير يا يوسف..بس اطمن انا مش هطلب الطلاق..احنا متفقين من الاول اننا لازم نكمل عشان محمد..وده اللى هيحصل
يوسف بيشدها لحضنه:لا يا رقية..انا مش هكمل معاكي عشان محمد بس..انا هكمل معاكي عشان انا عايزك فى حياتي..انا عارف انى غلطان..بس اسمعيني لو سمحتي
رقية بتبعد عنه وتتنهد:ماشي يا يوسف..بس استنى اجهزلك الفطار
يوسف بيشدها لبرة:مش عايز فطار..وبعدين انا مش رايح الشغل
رقية بخضة:ليه! انت كويس؟! فيك حاجة!
يوسف بضحكة:تعالى هحكيلك وهتعرفي كل حاجة..وبعدين انا معرفتش انام غير متأخر
رقية بتسحبه على اوضته:يبقا تدخل تنام ولما تصحى يبقا نتكلم
يوسف:مش هعرف انام صدقيني..تعالى عشان مش عايزك تزعلي مني اكتر من كده
يوسف بيقعد على السرير ويشدها جنبه:هو انا ممكن اعمل حاجة!
رقية:حا..
يوسف فجأة يقعد على الارض ويحط راسه على رجلها:انا دلوقتي هكلم رقية الام ماشي!
رقية بصدمة:يوسف! قوم مينفعش كد..
يوسف:انا كده مرتاح..انت تعرفي فين أهلى يا رقية!
رقية بتوتر:اللى اعرفه انهم متوفيين من زمان
يوسف بتنهيدة:انت صح..كله مفكر انهم ميتين وانا صغير.. بس لا يا رقية..انا أهلى انفصلوا وانا قد محمد كده وكل واحد فيهم قرر انه يبدأ من جديد وانا مش فى حياته..ايوة ايوة متتصدميش كده..ودوني عند عمي واهو اتربى مع عياله..بس للأسف عمي عمره ما اعتبرني ابنه..كان بيضربني على اقل حاجة..كان بيعمل كده عشان متأكد اني مليش مكان تاني اروحه
رقية بتنزل تقعد جنبه وتمسك ايده:خلاص يا يوسف متكملش
يوسف بدموع:لا..ويضرب على قلبه:هنا واجعني اوى..انا عمري ما حسيت بحنان الاهل..عمي عشان يخليني اكمل تعليم كان بيخليني انزل اشتغل من وانا فى الاعدادي..وفعلا كملت تعليم ودخلت هندسة..ومن هنا قررت انى ابعد.. اصل مكنش ينفع اروح الكلية وانا جسمي متعلم بضربات الحزام ..
رقية بتمسح دموعه وهيا بتعيط:خلاص يا يوسف الوقت ده فات..
يوسف بيبعد عنها ويضم نفسه:حسيت كإن كل حاجة بتتعاد لما اهلى اللى رموني رجعوا تاني فى حياتي..ايوة..بس رجعوا لما اشتغلت وعملت مستقبلي عايزيني اساعدهم واساعد اخواتي..وعلى الرغم من كل اللى عملوه معايا عملت كده فعلا..مقدرتش اكمل فى كده بعد ما عرفت ان ابويا عايز يدخلني مصح نفسي عشان ياخد كل فلوسي..وامي معترضتش..طبعا ما هي هينولها من الحب جانب
رقية بتفك ايده عن نفسه وتضمه ليها:بس يا يوسف خلاص..كل ده فات..انت كويس دلوقتي..وانا معاك اهو
يوسف بيضم نفسه ليها اكتر:لا..انت كنتي عايزة تسيبيني..كنتي عايزة تسيبي قلبي وتمشي يا رقية
رقية بقلة حيلة:حتى لو عايزة اسيبك فمش هعر...
يوسف بفزع:لالالا..متعوزيش تسيبيني..خليكي معايا برضاكي مش عشان محمد بس..خليكي معايا عشاني انا يا رقية
رقية بدموع:بس انت مقولتش ده كله لداليا ليه!
يوسف بيبعد عنها:عمرها ادتني فرصة اقرب منها..دايما فى وضع هجوم..عايزة تخرج وتتفسح حتى لو لوحدها او مع اصحابها.. مش مهم انا..انا لما قررت اتجوز كنت عايز احس ببيت العيلة..كنت تعبت من الاكل الجاهز او اني بعمل الاكل لنفسي واكل لوحدي..بس حتى بعد الجواز منها الحال فضل زى ما هو..ده حتى بقا اسوأ عشان بقيت عايش فى مشاكل وبس
رقية:بس هيا بعد سنة من جوازكم بدات تشتكي انك ساكت ومش بتتعامل معاها كويس
يوسف بيمسك ايدها:عشان بعد السنة دى امي وابويا ظهروا تاني..كنت حاسس انى مشتت..قبل ما اعرف مخططهم كنت بديهم فلوس..واختك كانت بتسحب مني كتير اوى.. كنت حاسس اني عبارة عن فلوس وبس..وعلى فكرة بعد ما عرفت الحقيقة امى ماتت بعدها بشهر وابويا قرر يسافر هو ومراته وعياله
رقية:ليه داليا متعرفش كل ده!
يوسف بصوت عالى وعصبية:عشان عمرها ما فكرت انا عايز اى ولا حاسس بإيه..عمرها ما فكرت تيجي تمسك ايدي وانا قلقان عشان تطمني..انا متعودتش احكي لحد حاجة..بس كنت محتاج احكي..كنت محتاج اطمن يا رقية..انت فى الشهرين اللى فاتوا كنتي بتحسي بيا..كنتي بتعرفي امتى تمسكي ايدي.. لكن انا بالنسبة ليها كنت بنك وبس
رقية بدموع وهيا بتقرب منه:طب ممكن تهدى شوية! انا خايفة
يوسف:وانا تعبان يا رقية.. تعبان اوى والله
رقية بتحضنه: طب خلاص..كل ده فات..انا اسفة انى محاولتش افهمك
يوسف بدموع وهو بيشد على حضنها: لما شوفت حنانك على محمد حسيت انى عايز ابقا ابنك..انا مكنش ليا ام طول حياتي..انا محتاجك يا رقية
رقية بتطبطب على ضهره: وانا معاك يا يوسف..اوعدك هعوضك عن كل اللى حصل
يوسف بيبعد عنها ويشدها من ايدها: انت لسو متعرفيش اي اللى حصل امبارح
رقية:مش لازم اعرف..ارتاح انت شوية
يوسف بابتسامة:وانا برتاح وانا بتكلم معاكي..ممكن احكيلك وانا بجهز الفطار!
رقية: تجهز الفطار! لا يا سيدي..انا اللى هجهزه وانت ارتا..
يوسف بيزقها بضحك:يا بت خليني اريحك شوية..وبعدين بعرف اجهز الفطار والله..بس اهم حاجة يكون فيه حد معايا يفتح نفسي"ويغمزلها"
رقية:طب متزقش..وبعدين فى ولد محترم يزق امه كده! شكلى كده دلعتك كتير
يوسف بيقرب منها وبحزن مصطنع:دلعيني..ارجوكي تدلعيني..انا عمري ما حد دلعني يا ماما
رقية بدموع وهيا تحضنه:انت تدلع براحتك..انت ابني الكبير براحتك..متزعلش يا يوسف
يوسف بضحك وهو بيمسح دموعها:انت طيبة اوى يا ماما رقية..بس هو فيه أم اصغر من ابنها بسنتين!
رقية بضحك:يا سيدي انا موافقة ملكش دعوة..يلا بقا هتعمل الفطار ولا هتخلع!
يوسف بيشدها ويجري على المطبخ:اخلع اى بس..ده انا ما صدقت الاقي حد يشاركني المطبخ
~~~~~
رقية:يا يوسف ما تاكل لوحدك..انت لسة صغير!
يوسف بزعل مصطنع:عايز ماما تأكلني..هو انا عشان مل...
رقية بتأكله بسرعة وتضحك:ده انت مشكلة..مش هنخلص بقا من حوارك ده! هأكلك يااخويا هأكلك
يوسف بصدمة:اخوكي اى؟! لا يا ماما فوقى انا جوزك
رقية وهيا بتقوم:يبقا انت جوزي مش ابني كمان..كل لوحدك يلا بقا
يوسف بيقوم وراها:لا يا ستي انا اخوكي وجوزك وابنك وابوكي وكل حاجة..زى ما انت كل عيلتي يا روكا
رقية: روكا؟! ده انت خدت عليا اوي
يوسف بيقرب ليها:لو مش انا اللى هاخد عليكي يبقا مين ها؟!
رقية بتوتر:ط..طب يلا روح يا شاطر لم السفرة على ما اعمل اكل لمحمد
يوسف :لا..روحي انت لمحمد وانا هعمله الاكل والم السفرة واجيلكم
رقية:هاخد على الدلع ده كده
يوسف:اتدلع براحتك يا باشا..ده احنا نعيش عشان ندلعك وبس..
رقية:طب يلا انا هروح لمحمد..متتأخرش
يوسف:طب روحي شوفي مين اللى بيرن عليكي وانا هاجي اهو
رقية من الاوضة:دى ماما يا يوسف
يوسف:طب سلميلي عليها يا روكا
رقية:اي..
*طبعا يوسف نكد عليكي امبارح وعمل حوار !
رقية:داليا!
داليا:ايوة شاطرة..وانا عشان متقعديش تفكري كتير فانا هقولك يوسف كان زهقان امبارح ليه.. عشان تعرفي انى اخت اصيلة بس
رقية: انت مل...
داليا:انت تسكتي وتسمعيني للاخر....
~~~~~
يوسف وهو بيفتح الباب: مالك يا روكا مبترديش ل...
يوسف يدخل يلاقي رقية مغمى عليها
يوسف وهو بيحضنها:لالالا..انا اسف والله بس متعمليش كده..انا اسف والله بس متسيبنيش..
#A_Z
تفاعل حلو عشان اكملها ليكم
علشان يوصلك اشعار باقى الاجزاء علقي ب20 ملصق 🔖
لن يصل الجزء الثاني الا بعد تعليق ب 20ملصق فضلا وليس أمرا ومتابعه لصفحتى
#طليق_أختي
البارت الثالث
يوسف وهو بيفتح الباب: مالك يا روكا مبترديش ل...
يوسف يدخل يلاقي رقية مغمى عليها
يوسف وهو بيحضنها:لالالا..انا اسف والله بس متعمليش كده..انا اسف والله بس متسيبنيش..
يوسف يجري على اوضة محمد ويشيله ويوديه لجيرانه
يوسف:معلش يا ام مؤمن..ممكن تخلي محمد معاكي! مراتي تعبت ولازم واديها المستشفى
ام مؤمن بتاخد محمد منه:ولا يهمك ياابني.. روح انت وسيب محمد معانا..ربنا يطمنك عليها يارب
~~~~
يوسف يطلع يشيل رقية ويروح على المستشفى
يوسف للدكتورة:لو سمحتي طمنيني عليها..
الدكتورة:الضغط واطي جدا..كويس انك لحقت تجيبها..احنا معلقين ليها محاليل دلوقتي وان شاء الله شوية وهتفوق
يوسف:طب ممكن ادخلها؟!
الدكتورة:انا مش عارفة اى السبب فى تعبها..فلو فيه مشاكل بينكم يُستحسن تقول لحد تاني يكون جنبها لما تصحى..
يوسف بسرعة:لا يا دكتورة مفيش مشاكل بينا..انا هخليني جنبها لحد ما تفوق واعرف اى اللى حصل..عن اذنك
~~~~~
يوسف يدخل لرقية
يوسف يجري عليها ويمسك ايدها:روكا..مالك يا رقية! فيكي اى! كده تقلقيني عليكي!..ويكمل بعياط:عايزة تبعدي عني بعد ما لقيتك ليه! عايزة تاخدي مني امي بعد ما لقيتها ليه يا رقية!يا ترى اى اللى حصل خلاكي كده!
يفتكر يوسف ان والدتها اتصلت عليها..
يوسف:اصل يكون حد فى البيت حصله حاجة..انا لازم اكلمهم اعرف فى اى
الاب بنوم؛ايوة يا يوسف! خير ياابني فى اى!
يوسف بسرعة:ايوة يا عمي..انتو كويسين!
الاب باستغراب: أيوة ياابني الحمدلله..متصل بدري كده ليه! حد فيكو تعبان!
يوسف:طنط كلمت رقية من شوية كده وفجأة رقية اغمى عليها وخدتها على المستشفى..فكنت عايز اعرف قالتلها اى!
الاب بفزع:اى اللى حصل لبنتي! طمني ياابني الله يخليك..دى امها لسة نايمة..كلمتها امتى دى!
يوسف بتوتر:هيا متعلق ليها محاليل دلوقتي..بس ازاى طنط مكلمتهاش! هيا قالتلي انها بترن عليها
الاب:طب ياابني احنا هنلبس ونجيلكم..انتو فى مستشفى اى!
يوسف: مستشفى.....اقرب مستشفى لبيتنا يا عمي
الاب وهو بيقوم :ماشي ياابني مسافة الطريق..سلام
الاب بصوت عالى:اصحى يا ام رقية اصحى
الام باستغراب:خير يا حاج فى اى؟
الاب وهو:قومي بنتك رقية فى المستشفى
الام بفزع:يالهوي! بنتي جرالها اى يا حاج! بنتي مالها
الاب:انت كلمتيها النهاردة ؟! اصل يوسف بيقول انك اتصلتي عليها وتعبت بعدها
الام:لا والله يا حاج..ده حتى داليا خدت تليفوني من امبارح
الاب بانتباه:داليا خدت تليفونك تعمل بيه اى؟!
الام:قالت معهاش رصيد وعايزة تكلم واحدة صاحبتها..
الاب:اه يا بنت ال..... قسما بالله لو ليها علاقة باللى حصل لرقية ما هرحمها
الاب بيخرج من الاوضة وبصوت عالى:بت يا داليا! انت يا زفتة!
داليا بتمثيل النوم:خير يا ب....
الاب بزعيق: كلمتي اختك قولتيلها اى يا داليا!
داليا بكدب:مكلمت...
الام :كلمتي اختك قولتيلها اى يا زفتة..اختك فى المستشفى
داليا:ده كله عشان ست رقية تعبانة! بس انا فعلا مكلم...
الام بتمسكها من شعرها:قولتي لاختك اى يا بنت بطني خلاها تتعب كده! انطقى قولتيلها اى!
داليا بتشفى:قولتلها اللى قولته وخلاص..خلوني احس انى احسن منها فى حاجة..والاستاذ يوسف لما يلاقيها تعبانة مش عارفة تخدمه هيجي هنا يرميهالكم..هو عايز وا....
الاب يضربها:بس بقا..انت شيطانة! انا معرفتش اربيكي فعلا..بس بقولك اهو يا داليا..اول واحد يخبط عالباب هخليكي تتجوزيه..عشان تعرفي قيمتنا وقيمة يوسف اللى مش عاجبك ده
داليا باستفزاز:وانا فيه عريس متقدملى..كان عايز يجي من 3 شهور فاتوا بس كويس انها جت منكم انتو..
الام بضعف:لا حول ولا قوة إلا بالله..يلا يا حاج نلحق البت الغلبانة
~~~~~
يوسف قاعد على الارض ماسك ايد رقية وبيعيط:رقية..اصحي بقا كفاية نوم لحد كده..
الباب يخبط فيقوم يوسف للدكتورة:هيا مصحيتش لحد دلوقتي ليه يا دكتورة..
الدكتورة بعد ما كشفت عليها:اطمن يا استاذ يوسف..دقايق وهتفوق ان شاء الله..انا هسيبكم بقا عشان تكونوا على راحتكم..وممكن تخرج النهاردة ان شاء الله
يوسف:روكا..اصحي بقا..انا محتاجك اوى..انا مش عارف اروح اقول لمين واحكيله عشان يطمني..انا صليت ودعيت ربنا انك تقوميلي بخير..
رقية بوجع: ب..بابا..
يوسف بسرعة:رقية..انت كويسة! انادي الدك...
رقية بضعف:اهدى..اهدى يا يوسف انا كويسة
يوسف بدموع: اى اللى حصل يا حبيبتي مالك بس!
رقية: انا اسفة يا يوسف..انا اسفة انى دخلت حياتك من ال...
يوسف بيحضنها:اششششش..مش عايز اسمع صوتك..وجودك فى حياتي احلى حاجة حصلت فى حياتي عايزة تحرميني من امى تاني ليه!
رقية:اترفدت من شغلك بسببي يا يوسف..
يوسف بيبعد عنها ويقعد جنبها: كل حاجة هتهون لو انت معاي...بس ثواني! انت عرفتي منين ؟!
رقية بدموع:داليا..داليا كلمتني وقالت كل اللى حصل فى الشغل.. ليه مقولتليش من الاول يا يوسف!
يوسف بيطبطب عليها :داليا قالتلك اى! قوليلي وانا اقولك انا مقولتلكيش ليه
رقية بنتهيدة:هحكيلك..بس بالله ما تتعصب
فلاش باك
*طبعا يوسف نكد عليكي امبارح وعمل حوار !
رقية:داليا!
داليا:ايوة شاطرة..وانا عشان متقعديش تفكري كتير فانا هقولك يوسف كان زهقان امبارح ليه.. عشان تعرفي انى اخت اصيلة بس
رقية: انت مل...
داليا:انت تسكتي وتسمعيني للاخر..وتكمل ببرود:يا ستي جوزك اترفد من شغله...وده ليه يا ترى!!! بسببي انا..اه يا ستي متستغربيش كده..جوزك اترفد عشان انا قولت لكام حد هناك كده انه طلقني عشان كان بيحب اختي وهيا بتحبه..وانتو اثبتوا ده لما اتجوزتوا فعلا..فيا حرام كل الشركة بقت بتتكلم على اد اى هو ندل ومش بيتقي ربنا فى بنات الناس.. فالمدير اخر ما زهق قال يرتاح من الوَش ده كله ويرفده..وريني بقا هتتصرفوا ازاى دلوقتي..تؤ تؤ..بتعيطي ليه دلوقتي! بس احسن..عشان سي يوسف يعرف الفرق بينا ويعرف اد اى انت نكدية..سلام يا...يااختي
#باك
يوسف بعصبية:شوفتي يا رقية! شوفتي عمل...
رقية بدموع:ممكن متتعصبش! انا بخاف منك كده..
يوسف بسرعة:تخافي مني انا يا رقية! وبعدين يا رقية كنت هقولك اى! كنت هقولك انى خسرت شغلي بسبب طليقتي اللى هيا اختك! يا ستي متقلقيش..وبالنسبة للمصا...
رقية بسرعة:انا مجاش فى بالي الفلوس يا يوسف .انا خوفت ابقا عقبة فى مستقبلك
يوسف بيمسك وشها:انت مستقبلي يا رقية..وبعدين انت عايزة افتح شركتي انا..وعايزك معايا..هتشتغلى سكرتيرتي..اى رأيك؟! "بغمزة"
رقية بدموع:اكيد موافقة..بس اخاف تندم فى الاخ..
يوسف بيقعد جنبها ويضمها ليه:انا هندم فعلا لو ضيعتك من ايدي..من بكرة هندور سوا على مكان للشركة ونبدأ من جديد انا وانت ومحمد..موافقة!
رقية بحب:بكل ممنونية يا يوسف..
يوسف بتنهيدة ويضمها ليه اكتر:انا مش عارف اللى فيه ده اسمه حب ولا لا..بس انى اكون شايفك امي واختي وبنتي وكل حاجة..ده كفاية عندي والله.."اكتفيت بكِ عن الناس أجمع وكلي يقين انكِ ستكفيني يا ضي يا عيني" بحبك يا روكا
رقية بكسوف:مجربتش الحب قبل كده بس شكلي حبيتك يا چو
يوسف: يا قلب چو ان...
*بنتي حبيب....احنا اسفين اوى..
يوسف بتوتر:اهلا يا عمي..اتفضلي يا طنط
الاب بإحراج:معلش ياابني كنا قلقانين على رقية
رقية:ولا يهمك يا بابا..وبعدين اطمنوا يا جماعة انا بخير الحمدلله
الام: متزعليش من اخت....
رقية: ماما لو سمحتي خلاص..مش عايزة اتكلم فى الموضوع ده دلوقتي
الاب:طب يلا يا بنتي عشان هتيجي معانا على البيت
يوسف بسرعة:لا معلش يا عمي..رقية مش هتروح غير على بيت جوزها
الام:ياابني رقية عايزة رعاية وكمان محمد..هيبقى حمل تقيل عليك لوحدك..
يوسف:لا معلش يا طنط..رقية هتروح على بيتها وانا هخدمها بنفسي..
الاب:بس ياابن...
يوسف:مع احترامي لحضرتك يا عمي بس رقية مكانها مع جوزها وابنها..
رقية:معلش يا بابا..كده هبقا مرتاحة اكتر..
~~~~~
داليا باستهزاء:خير! رجعتوا من غير المحروسة ليه!
الاب:انت ملكيش دعوة باختك وجوزها من النهاردة..سامعة ولا لا!
داليا:احسن برده..المهم هتقابل العريس اللى جاى ده ولا اي!
الاب بسخرية:والاستاذ عرفتيه منين ان شاء الله!
داليا:احمد اخو نور صاحبتي
الام:نووور! قولتيلي اهو دول اللى حلال فيكي..انت موافقة عليه يعني!
داليا:اه..ومتنسوش انى ممكن اجوز نفسي عادي بس اهو عشان كلام الناس يعني
الاب: كتر خيرك..خليه يجي الخميس الجاي ومعاه المأذون عشان اخلص منك..عشان متخليش سيرتنا على كل لسان
~~~~~
رقية: يا يوسف خليني اقوم اشوف محمد
يوسف بزعل:هو كله محمد محمد! ما هو واكل ونايم..فكري فيا انا بقا شوية
رقية:ياابني افكر فيك اى! انت لازق فيا من ساعة ما رجعنا..واكلتني وكلت معايا..بس محمد اللى لسة صغير
يوسف:طب ما تعتبريني محمد وتنيميني فى حضنك النهاردة! هبقا مؤدب والله
رقية: اتلم وقوم هات محمد جنبي هنا..
يوسف:وانا كمان يا ماما وانا كمان
رقية بضحك:وانت كمان يا اخرة صبري..روح هات الواد يلاا
~~~~~
داليا بغل:وعزة جلالة الله ما هخليك تتهني فى حياتك يا يوسف..لا انت ولا رقية..وتكمل بخبث:خليني اعرف بقا احمد هيتعامل ازاى مع طليق مراته وهينتقملي منه ازاى
#A_Z
علشان يوصلك اشعار باقى الاجزاء علقي ب20 ملصق 🔖
ومتابعه لصفحتى
#طليق_أختي
البارت الرابع
يوسف:روكااا.. أنا رايح اشوف مكان عشان نفتح الشركة بقا
رقية: انت هتسيبني انا ومحمد لوحدنا؟! لا يا باشا رجلنا على رجلك..ده هيبقا بيتنا التاني يا عم
يوسف:بت! انا كنت مخدوع فيكي..انا متجوزك عاقلة والله اى اللى جرالك!
رقية بدلع:ما كان فيه شوية هبل كده مخبياهم للحبايب..ارجع زى الاول ولا اى!
يوسف بيقرب منها بسرعة:لا اول اى..ده احنا ما صدقنا ناخد شوط يا ست.. وبعدين ده انت تشليلي اى حاجة وانا قابلها منها وعلى قلبي زى العسل
رقية بحب:هتستحملني دايما يا يوسف!
يوسف بيضمها ليه:انت كل عيلتي..لو مستحملتش أمي واختي وحبيبتي ومراتي هستحمل مين انا ها! وبعدين انا اللى المفروض اسألك السؤال ده..ده انا بقيت لازق فيكي زى العيل الصغير
رقية بتمسك وشه: احلى عيل صغير واخد قلبي والله..تعرف ان طريقتك دى اللى بتحسسني انى عايشة! طول ما انت جنبي بحس انك ابني فعلا..وانا فخورة انك ابني يا چو
يوسف بحب:وانا بحبك يا احلى ماما فى الدنيا
رقية بكسوف:طب اى بقا! كده هنتأخر على الشغل ومش هنلاقي ناكل
يوسف:طب يلا يا ست البسي على ما البس محمد ونروح نشوف المكان سوا
~~~~~
بعد مرور شهر
رقية قاعدة ويوسف حاطط راسه على رجلها وشايل محمد
يوسف بزعل:انا مش عارف محدش راضي انى اشتري منه ولا أاجر عنده ليه! انا تعبت يا رقية
رقية بتلعب فى شعره:بس انا عارفة..ممكن اتكلم ومتتعصبش!
يوسف:انا بقلق من دخلتك دى
رقية بتوتر: م..ما هو بصراحة الموضوع ممكن يعصبك وانا بخاف منك
يوسف بيبوس ايدها: طب ممكن تحكيلي فى اى وانا مش هتعصب!
رقية: طب انا دلوقتي هحكي ليوسف ابني..ها ابني..اللى مينفعش يعلى صوته على مامته صح! "بتقرص خدوده"
يوسف:يا ست احكي يلا قلقتيني والله
رقية:الجواب ده جالي النهاردة
يوسف بهزار:يالهلي! بتديني ورقتي!
رقية بدموع:قبل ما تقرأ اللى مكتوب انا اسفة وانا راضية بقرارك..حتى لو هتطلقني
يوسف يقوم ويشيل محمد بفزع:طلاق اى! على جثتي..رقية..انا عندي اموت ولا انى اعيش من غيرك
رقية بتحضن وشه:بعد الشر عنك يا عيوني..القرار فى ايدك انت..حتى لو عايزني مجرد ام لمحمد وانت تتجوز غيري انا موافقة
يوسف بيحط محمد على الارض ويرد بصوت عالي:وانا مش موافق..للدرجة دى انا مش فارق معاكي! عادى تقوليلي كده! قلبك طاوعك على كلامك ده!
رقية بدموع:لا..قلبي واجعني..بس لو وجودي هيضرك يبقا ابعد عنك احسن..القرار فى ايدك يا يوسف
تجري رقية على الاوضة وتقفل على نفسها
يوسف برجاء: روكا..طب افتحيلي طيب ومش هزعلك..انا اسف انى عليت صوتي عليكي..اى اللى حصل لكل ده! انا اسف والله حقك عليا..
يوسف بدموع:الجواب..فين الجواب..
يفتح يوسف الجواب
"رقية..انا عارف انكو اكيد هتبدأو تفكروا انتو ليه مش عارفين تلاقوا شقة زى ما انتو عايزين..انا هقولك ليه..انا احمد جوز داليا اختك..هيا اللى كانت عايزة تنتقم منكم..شايفة نفسها مظلومة وهيا الظالمة الوحيدة..كانت بتاخد فلوس من حساب يوسف وتحطها فى حسابها على اساس انها بتجيب هدوم وبتخرج..كانت بتاخد الضعف على طول..رصيدها وصل يجي 100 ألف..اه ما مرتب جوزك كان عالي برده..بس عارفة! مع إن يوسف عرف ده كله وكان عايز يطلقها بس اختك خبثها كان اكبر..كانت حامل فى الوقت ده فى محمد..ساومت يوسف انه ميطلقهاش وإلا هتنزل البيبي..وطبعا يوسف خاف تنزله فعلا فمرضاش يطلقها..لكن بعد ولادتها وإهمالها لابنها يوسف مستحملش اكتر من كده..بس اختك برده استغلت طيبة يوسف وقالتله لو مطلقهاش هترفع قضية خلع على اساس انه بيخونها معاكي..ايوة دخلتك فى الموضوع وانت ملكيش ذنب..فى النهاية اختك اتطلقت وخدت اكتر من حقها..وبصراحة انا ونور كنا معاها خطوة بخطوة..بس انا مقدرتش اسكت لما عرفت انها دخلتك بينهم وحاولت والله اخرجك عشان كده اتقدمتلك..وفعلا انا بحبك وكنت بتمناكي تكملي معايا حياتي..بس انت اختارتي تتخلي عني وتبيعي حبي ليكي..فلو فعلا بتحبي اختك اتطلقي من يوسف وانا هطلق اختك وهتجوزك..عشان لو ده محصلش فانا هنتقم من يوسف وداليا عشان هما اللى بعدوكي عني..وفى الاخر هتبقي ليا برده"
يوسف بعصبية:ااااه يا ابن ال...... وربنا ما انا ساي...
وفجأة يسكت وهو سامع صوت عياط محمد..
يوسف بتوتر:خلاص يا حبيبي خلاص..متعيطيش..طب اعمل اى..رقييييية..يا رقيييية
رقية بخضة:فى اى يا يوسف! ماله محمد!
يوسف:شكله كان بيحاول يقف ووق...
محمد ببطء:م..اما
رقية بتحضنه وتبوس فيه:حبيب ماما والله..اخيرا قولتها يا روحي! انا احلى ما...
يوسف بغيرة:ما خلاص بقا كفاية فى اى! ما انا بقولك ماما مبتعمليش معايا كده ليه!
رقية باستغراب وهيا بتطبطب على محمد:بس هو اول مرة يتكلم يا يوسف..ده انا من ساعة ما اتجوزتك وانا عايزة اسمعها منه
يوسف بيشيل منها محمد:ولا..انت تقولها يا رقية بس..ولا اقولك! متقولهاش حاجة خال..
رقية بتلاحظ ان محمد بيعيط:يوسف! هتعمل عقلك بعقل عيل عنده سنة! ده ابنك على فكرة فى اى!
يوسف بزهق:اووووف..ماشي ماشي يا رقية خليكي عارفاها
رقية :ماشي هخليني عارفاها ولسة هتمشي
يوسف يمسك ايدها:ده انا حبيت الواد ده عشان بس خلاكي تطلعي من الاوضة
رقية:طلقني يا يوسف
يوسف:لما تقوليلي انك بتكرهيني ومش عايزاني هطلقك يا رقية
رقية بدموع:بكرهك ومش عايزاك يا يوس..
يوسف بيدخل محمد اوضته ويشدها لحضنه:ده مكانك يا رقية..مجتش ولا هتيجي اللى هتاخد مكانك..عايزة تحرميني منك بعد ما لقيتك ليه!
رقية: انا هتعبك يا يوسف..
يوسف:ياريت كل التعب انت والله..ده انا اتعب عمري كله عشانك ولا اشتكي
رقية بتضم نفسها ليه:عايز يحرمني منك بعد ما لقيتك يا يوسف..عايز يإذي داليا..والله انا مسامحاها بس مش عايزاها تعاني..انا قولت لماما تحذرها منه امبارح قالتلها انى غيرانة منها
يوسف بيطبطب عليها:متقلقيش عليا..طول ما ربنا معايا وانت ومحمد بعد كده انا مش عايز حد والله..وداليا دلوقتي مراته.. هيا اللى اختارت كده..دى وصلت لدرجة انها تقول انها هتتجوزه من غير موافقة أهلك
رقية بتبعد بدموع:انا خايفة عليك اوى..وخايفة عليها..انا وجودى دايما بيضر اللى حواليا
يوسف بيقرب منها:وجودك أحياني يا روحي..هنبدأ سوا من جديد وهنأسس حياتنا سوا..مش لازم نيأس
رقية:بس ااا
يوسف بيضمها:متقوليش حاجة..ويكمل بعصبية:وانت ازاى يا استاذة مقولتليش على احمد ده! ازاى تخبي عليا ان حد غيري حبك!
رقية بكسوف:ما انا مكنتش اعرف انه بيحبني
يوسف بيشدد على ضمته:متقوليش كده تاني..انا بس اللى بحبك..عمر ما حد حبك ولا هيحبك غيري انا بس..
رقية بتحضن وشه:انت عيوني اللى بشوف بيها..ممكن متزعلش مني عشان انا السبب فى مشاكلك!
يوسف بحنية:انا هزعل منك فعلا لو قولتي انك هتبعدي عني..انا مكتفي بيكي انت بس.."لا أريد من الدنيا سوى ضمك فلا تحرميني ما أريد"
رقية بتضمه ليها:يديم وجودك ليا يا عيوني
~~~~~~
احمد :وسيادتك لابسة ورايحة لفين كده ان شاء الله!
داليا:هخرج شوية اتخنقت من البيت
احمد:لا مفيش خروج..ادخلى اعملي اى حاجة بدل ما انت فاشلة فى كل حاجة كده..
داليا:طب البس وتعالى معايا نخرج سوا شوية
احمد:انا قولت مفيش خروج..انت مبتفهميش!
داليا:ما انا زهقت يااحمد..احنا لسة متجوزين جديد مش عايزة اتحبس كده
احمد بيضربها:انا هعرفك بقا الحبس على اصوله عشان تعرفي تتكلمي حلو بعد كده
داليا بعياط:كفاية يااحمد كفاية خلاص
احمد:جتك البلا عليكي وعاليوم اللى اتجوزتك فيه..حطيلي أكل يااختي اهو استفاد منك فى حاجة
داليا تقوم تفير هدومها وتعيط وتفتكر يوسف
فلاش باك
يوسف:فى اى داليا انت خارجة ولا اى!
داليا بزهق:ايوة يا خارجة شوية..زهقت اى! اموت يعني!
يوسف:لا متموتيش ولا حاجة..بس هو انت رايحة لأهلك يعني! لو كده اجى معاكي بدل ما تروحي لوحدك
داليا:لا هخرج لوحدي..وخليك انت هنا..عايزة افك عن نفسي شوية..زهقت من البيت وعايزة الف شوية..اى ممنوع!
يوسف:لا يا ست مش ممنوع ولا حاجة..بس طالما هتخرجي لوحدك يبقا اجي معاكي..او تروحي عند اهلك عشان اطمن عليكي
داليا:يوووووه..خلاص هروح عند بابا بس مش عايزاك معايا..ده انت ممل
باك
~~~~~
*انت يا زفتة ياللي اسمك داليا
داليا:فى اى يااحمد! صوتك عالي ليه!
احمد بعصبية:انا صوتي يعلى زى ما انا عايز..وبعدين فين الاكل!
داليا:بس انا معلمتش اكل النهاردة..قولت هنطلب من برة
احمد:نعم يا عنيا؟! ليه هو انا لاقي فلوسي فى الشارع ولا اى! ما الاكل جوا هو..مشغولة بإيه سيادتك ان شاء الله!
داليا بخوف:هبقا اعمل ب..بكرة يا احمد خلاص..اطلب اى حاجة دلوقتي
احمد بيزقها على المطبخ:نص ساعة لو ملقيتش الاكل جاهز مش عايز اقولك هعمل فيكي اى..جتك داهية
داليا تبدأ تعمل الاكل وهيا بتفتكر حياتها مع يوسف
فلاش باك
يوسف:اى داليا! انت معملتيش غدا النهاردة ولا اى!
داليا:لا معملتش.. وبعدين ما احنا بنطلب من برة دايما..او انت بتعملك اكل عادى يعني مش اول مرة
يوسف:بس انا عايز احس انى اتجوزت وفيه روح بتشاركني الشقة..طب انت تعبانة!
داليا:خلاص بقا يا يوسف بلاش أڤورة المفروض تتعود على كده انا مش خدامة هنا..ولا بتستخسر فيا؟!
يوسف:لا طبعا..بس عايز اح...
داليا:يبقا قوم اطلب لنا اكل يلا
باك
داليا بدموع:يا ريتني ما اتطلقت منك يا يوسف.. بس لا..مش هشمت حد فيا..طالما مشكلة احمد الفلوس هبقا اديله من اللى معايا فى البنك.. واهو جوزي برده..يوسف مكنش احلى حاجة برده..وبعدين احمد بيحبني واكيد مش ههون عليه وهيصالحني
احمد بصوت عالي:انت يا غبية ياللي جوة..فين الاكل والا هاجي اكمل عليكي عشان تعيطي لسبب صحيح
#A_Z
#يُتبَع التفاعل هو الي بيشجعني وبيخلني انزل بسرعه
علشان يوصلك اشعار باقى الاجزاء علقي ب20 ملصق ومتابعه
#طليق_أختي
البارت الخامس
بعد مرور 6 شهور
المشهد كالآتي..رقية فى النص ومحمد ويوسف محاوطنها من الجنبين
رقية:طب يا يوسف خليني انا اقوم عشان اعمل الاكل يا بابا
يوسف:خليه هو اللى يقوم..عيل غتت
رقية بتضربه على ايده:عيب متقولش كده..وبعدين والله ما عارفة مين فيكم اللى ابني..طب قوم انت يا محمد عشان ماما جعانة
محمد بطفولة:محمد مع ماما..يوسف لا
يوسف: شايفة الواد ابن ال...
رقية بتحط ايدها على بوقه:اسكت..اسكت يا يوسف عشان مزعلش منك..وانت يا محمد قولتلك كذا مرة اسمه بابا
محمد بيطلع لسانه:no no..يوووسف
يوسف:طب والله اضربه
رقية وهيا بتقوم:عيب كده..انا زعلانة منكم انتو الاتنين..عدوني كده..ملكوش دعوة بيا انتو الاتنين
محمد بدموع:انت وحش
يوسف بيمسكه من هدومه:ولااا..متعصبنيش..قوم فز نصالحها..
محمد:يا يوسف بقا..
يوسف بيحضنه:يلا يا حبيبي نصالح ماما عشان شكلنا كده زودناها المرة دى
محمد:طب يلا بسرعة يلا
~~~~~~
يوسف ومحمد بيروحوا يدوروا على رقية يلاقوها فى اوضة محمد
محمد بدموع:اسف يا ماما
رقية بتمسح دموعه:متعيطش يا حبيبي خلاص..انا اللى اسفة عشان اتعصبت عليك..روح جهز الالعاب برة على ما اجي انا وبابا
محمد وهو بيجري:هنلعب هييييييه
يوسف بيقعد جنب رقية ويسحبها لحضنه:بنتي حبيبتي زعلانة ليه!
رقية بتمسك فى هدومه:مفيش يا يوسف..مش زعلانة ولا حاجة..
يوسف:احكي ليوسف صاحبك وهيشوفلك حل..ولا نجيب بابا يوسف!
رقية بتبص في عينه:اهم حاجة انى احكي ليوسف..عشان انا متأكدة ان يوسف هيسمعني ومش هيضايق من رقية..بنته وصاحبته وامه..صح!
يوسف بيقرص خدودها:لا مش صح..نسيتي اهم حاجة..رقية حبيبته
رقية بدموع:ماما كلمتني امبارح ولما سألتها على داليا قالت ان حياتها مع احمد صعبة اوى.. داليا مشتكتش..لكن الجيران هناك بيسمعوا صوت صواتها من ضرب احمد ليها..انا قلبي واجعني عليها اوى
يوسف بيمسح دموعها:انا مش هقولك متزعليش عشانها..مهما حصل دى اختك..لكن هيا اللى اختارت كده..وحتى لو حاولنا نساعدها مش هتقبل كده..اختك هتحس اننا شمتانين
رقية بتضم نفسها ليه:انا عارفة اني ظلمتك انى مكملة معاك لحد دلوقتي..بس صدقني غصب عني
يوسف بيطبطب عليها:انت ضي عيني..من غيرك مكنتش هعرف اكمل انا ولا القرد اللى برة ده
رقية بتضربه:متقولش على ابني قرد
يوسف:بقا كده يا ماما؟! بتحبي محمد اكتر مني! انا ابنك الكبير على فكرة..
رقية بتحضن وشه: انا مش عارفة اعبرلك عن مكانتك في قلبي..بس كفاية اقولك انك عندي بالدنيا..
يوسف بحب:وانا كفاية عليا انى افضل ضامك ليا كده
رقية بتنهيدة:بس هنعمل اى فى موضوع الشغل ده يا چو؟! لولا ان اصحابك بيطلبوا منك تصاميم وبتعملها فى البيت هنا ومشغول بيها كان زمانك زهقت
يوسف بمغازلة:وهو فيه حد يبقا معاك يا باشا ويزهق! ده انا على عيني انك تبعدي عن عيني لحظة..وبعدين هنلاقي حل ان شاء الله..لولا انى وعدتك انى مش هدخل فى مشاكل مع احمد ده كان زماننا خلصنا من الحوار ده من زمان
رقية:انا عايزاك سالم معانا يا حبيبي..ميهمنيش اى حاجة غير سلامتك والله..بس انا عندى فكرة مش عارف انت هتوافق عليها ولا اى..
يوسف: قولي يا بت ونشوف سوا..اتحفيني
رقية: انا كان نفسي اوى من وانا صغيرة اني اعيش فى اسكندرية..فإيه رأيك نبيع الشقة دى ونشوفلنا أرض فى اسكندرية نبنيها..جزء يبقا لشركة وجزء بيت لينا..اى رأيك!
يوسف بيبوس جبينها:يسلملي حبيبي اللى بيفكر فى حياتنا..انت حابة تعيشي فى اسكندرية يعني؟
رقية بسرعة: جدا يا يوسف..جدااا
يوسف:طب اى الطعامة دى كلها..اهدي عليا كده..خلاص يا ست.. طب اى رأيك نشوف على النت الأماكن اللى ممكن نشتري أرض فيها وبكرة نهرب انا وانت والواد محمد ونروح اسكندرية نتفسح ونشوف الارض!
رقية: بجد يا يوسف!
يوسف: بجد يا عيون يا يوسف..هنقوم نتغدى وبعد كده نبدأ نشوف الاراضي.. يلا يا ماما..طلباتك اوامر اصلا
~~~~~~
احمد:انا مش قولت مية مرة ارجع من برة الاقي الاكل جاهز! ولا انت مبتفهميش!
داليا بتعب: كنت تعبانة يااحمد والله..يعني افضل طول النهار مع امك تحت اخدمها واعملهم الأكل واطلع اروق شقتي واعمل اكل تاني! انا تعبت
احمد:اهو ده اللى عندي..وبعدين انا خسرت فلوس كتير على حوار يوسف ده..عايز فلوس
داليا:مبقاش معايا غير 15 ألف..هتاخدهم هما كمان!
احمد بخبث:اه..مش انت اللى عايزة تنتقمي من يوسف ورقية! وبعدين لسة فيه دهبك كمان
داليا بغل:اه عايزة انتقم منهم..مش عايزاهم يتهنوا فى حياتهم..عايزاهم يتلهوا بمشاكلهم عن ابنهم ده.. تخيل انه بقا بيقول لرقية يا ماما!
احمد بسرعة:هو انت بتكلمي رقية!
داليا:لا طبعا..دى ماما كانت بتكلمني وهيا عندها وسمعته بيقولها يا ماما..بس بتسأل ليه!
احمد:عادى..بس هو انت مدايقة ليه! اى عايزة ابنك تاني! بس اعرفي انى مش هستحمل اربي ابن غيري..اه
داليا:لا طبعا..لو ده هيخليني اخسرك خليه معاهم..اهو يشيلوا همه على الأقل
~~~~~~
بعد اسبوع
يوسف:طبعا انا اللى هصمم البيت..تعالى هنا بقا قوليلي اللى انت عايزاه عشان ارسمه
رقية: ما تعمل اللى انت عايزه يا يوسف..مش مهم
يوسف بيشدها جنبه:لا مهم..اللى انت عايزاه هيتعمل..
رقية بهزار:طيب..بس معاك فلوس يعني ولا هنشحت فى الاخر!
يوسف بضحك:لا يااختي متخفيش..الفلوس اللى فى البنك وفلوس البيت ده ده لما نبيعه هيبقا كله تمام..تعالى بقا عرفيني انت عايزة اى
~~~~~~
يوسف:خدي امضي هنا يا روكا يلا..
رقية:يا خراشي! هتطلقني يا يوسف!
يوسف يضربها على دماغها:متقوليش كده تاني..امضي بس
رقية:لا يا عم لازم اعرف همضي عل....ناااعم ازاى تعمل كده يا يوسف!
يوسف ببرود:وانا عملت اى يا قلب يوسف!
رقية:بتكتبلي نص الشركة ليه! هو انا كنت قولت عايزة حاجة!
يوسف بيمسك ايدها:لا..وعمرك ما كنتي هتطلبي..بس انا عايز اعمل كده.. انا مجبتلكيش شبكة ولا اديتك مهر..
رقية:بس ماضي على قايمة اد كده يا باشا اه..احنا مش سهلين برده..
يوسف:طب امضي يلا..
رقية:بس اااا
يوسف:يا ستي انا اللى بقولك اهو..يلا يلا عشان المحامي يخلص كل الإجراءات
~~~~~~
داليا:احمد..احنا اتأخرنا اوى فى موضوع الحمل ده..ما تيجي نكشف كده ونشوف المشكلة فى اى
احمد:يا ستي ولا اتأخرنا ولا حاجة..ده احنا بقالنا سنة واحدة بس متجوزين..عادي يعني
داليا:لا معلش..تعالى نشوف المشكلة فى اى
~~~~~
احمد:بقا انت يا بنت ال....تعلى صوتك على امي انا!
داليا:ما هيا اللى غلطت فيا الا....
احمد بيضربها:امى تعمل اللى هيا عايزاه..ولو مكنوش اهلك ربوكي انا بقا هربيكي
امه:يا مصيبتي..البت بتنزف يا احمد..اجري وقفلنا تاكسي نلحقها قبل ما تموت وتجيبلنا مصيبة
الدكتورة:للأسف يا جماعة حصل نزيف شديد نتيجة الضرب وهنضطر نشيل الرحم..محتاجين امضة الزوج..وكمان لازم نبلغ البوليس
احمد بجمود:انا جوزها..والبوليس مش هيدخل بينا..وهمضي على الإقرار اكيد
الدكتورة:بس يااستاذ ااا
احمد:هو ده اللى هيحصل وخلاص..واتفضلي انا مش عايز اخسر مراتي
الدكتورة بضيق:ماشي
الام: يالهوي! مراتك مش هتعرف تجيبلك حتة عيل!
احمد ببرود: كده كده مكنتش هخلف..انا لما لقيتها اتأخرت فى الحمل روحت عملت تحاليل وعرفت انى مش هخلف خالص
الام:يا حبيبي ياابني! وتكمل بخبث:يبقا داليا دلوقتي لازم متعرفش انك مبتخلفش عشان تحس انك انت اللى صابر عليها..فاهمني طبعا..
احمد بخبث:اكيد فاهمك
#يُتبَع
#A_Z
علشان يوصلك اشعار باقى الاجزاء علقي ب20 ملصق 🔖
لن يصل الجزء 6 الا بعد تعليق ب 20ملصق فضلا وليس أمرا
#طليق_أختي لو مشوفتش تفاعل 🔪🔪
البارت السادس
داليا بوجع:اااه..انا فين! اى اللى حصل!
الممرضة بشفقة:معلش يا حبيبتي..جوزك جابك هنا سايحة فى دمك والحمدلله اننا لحقناكي..
داليا بوجع وتحاول تقوم:ااه..انا جسمي واجعني اوى..فى اى! وبطني واجعاني ليه..اااه..
الممرضة:احمدي ربنا انها جت على اد كده..دى مجرد كدمات بس..بس طبيعي ان بطنك توجعك يا بنتي..انت لسة طالعة من عملية
داليا بصدمة:عملية! عملية اى! عملتوا فيا اى..ااااااه
الممرضة:اهدي علشان الجرح بس..انتي جيتي عندك نزيف فى الرحم وللأسف اضطرينا نستأصله..
~~~~~~
ام احمد:انت مالك يااختي بتعملي كده ليه! احمدي ربنا اننا هنرضى بيكي على عيبك..
احمد بخبث:يا ماما داليا مهما كانت مراتي حبيبتي برده
داليا:وهو انا لو مراتك حبيبتك كنت عملت فيا كده! انت حرمتني انى ابقا ام..انت فاهم انت عملت فيا اى!
ام احمد بقسوة:يااختي انت محسساني انك مخلفتيش قبل كده..اللى يشوفك ميقولش انك رميتي ابنك ولا حاجة يعني
داليا:انا معتبرة نفسي مخلفتش قبل كده..ابن يوسف مش ابني ولا عمره هيكون ابني..وانا هخليهم يحسوا بحرقة قلبي اللى حساها دلوقتي..متحرمش انا مش الخلفة وهما يعيشوا حياتهم عادى..انا عايزاك تعرفلي يا احمد وصلوا لإيه..وياانا يا هما..
~~~~~~
بعد شهر
رقية:مالك يا يوسف فى اى!
يوسف:مفيش يا حبيبتي..متشغليش بالك
رقية بملل:اتكلم يا حبيبي عشان هتحكيلي فى الاخر..قولي مالك!
يوسف:صاحب الأرض عايز فلوس الارض كلها كاش..وانا كنت متفق معاه اننا نكمله تقسيط.. على الاقل على ما نلحق نبيع الشقة دى..وكمان احنا بدأنا الشركة على النت وفجأة لقيت كل العملاء بيشتكوا من سوء التعامل..انا مش عارف هو فيه اى بالظبط..
رقية بتشده ليها:طب واللى يلاقيلك حل لمشاكلك دى..هتعمله اى!
يوسف بحب:ده انا اديله عيوني يا عيوني..قوليلي..
رقية:انت عارف انى كنت بدأت شغل وانا فى الكلية..يعني انا بقالي اكتر من 12 سنة بشتغل ووفرتلي قرشين حلو...
يوسف بمقاطعة:طب اسكتي بقا عشان بدأتي تغلطي اهو..مستحيل اخد منك حاجة..فاسكتي خالص
رقية:ياابني اسمعني..انت كتبتلي نص الشركة بإسمي..فياسيدي خد بقية المبلغ مني على اللى معاك وسدد صاحب الأرض والباقي كمل بنا فى الشركة والشقة
يوسف:يا رقية مينفعش والله
رقية:لا هينفع..وحياة رقية عندك لتوافق..انا عايزة نبدأ سوا من جديد..وبعدين انا وانت عارفين ان احمد وداليا هما اللى ورا المشاكل دى كلها..فخليني اساعدك عشان نعدى الفترة دى سوا
يوسف:بس يا حبيبتي انا حتى لو خدت كده فالفلوس مش هتكفي تكميل بنا الشقة والشركة..
رقية:امممم ودى تفوت عليا برده! انت يا روحي هتصحى بكرة تبيع عربيتك الجميلة اللى واقفة تحت دى ونكمل بعربيتي..انا عارفة انها اصغر من عربيتك بس اهى على ادنا انا وانت ومحمد..
يوسف بيبوس ايدها:يسلملي اللى بيفكر فينا..
~~~~~~~
احمد:يا ستي احمد نزل يبيع عربيته النهاردة..شكله مزنوق فى الفلوس اوى اوى يعني
داليا:احسن..والست رقية طلباتها مبتخلصش..اما نشوف هيصمدوا كده لحد امتى..واه صح..خليك ورا صاحب الارض ده انه يصر على انه ياخد حق الارض كله كاش..مش عايزينه يتساهل معاهم..وراضيه يا سيدي من فلوسي..واهو كله من خير يوسف برده..
احمد:طب اى! مش كفاية راحة كده وتنزلي الشغل بقا!
داليا بزهق:يوووووه..هنزل هنزل..متعرفش تشيل مسؤلية البيت لوحدك يعني!
احمد ببرود:والله انت اللى طلباتك كتير..فكفي نفسك وبعدين عشان تعرفي تدفعى كويس عشان تخلصي من يوسف
~~~~~~~
رقية:لا كده كتير اوى والله..وصلت لدرجة انهم ينزلوا فى سعر الشقة! بس تمام يا يوسف..متقلقش.. اكيد هنشوف حل..
يوسف بتعب:انا تعبت يا رقية..انا تعبت والله..هما ليه بيعملوا فينا ده كله؟! ما احنا قولنا هنسيبلهم البلد كلها ونمشي اهو..نعمل اى اكتر من كده؟
رقية: ولا هنعمل حاجة..احنا نقوم دلوقتي نسافر اسكندرية..
يوسف:هنعمل اى فى اسكندرية دلوقتي! وبعدين هنقعد فين هناك!
رقية:متقلقش..هنروح نقعد فى اوتيل نرتاح فيه شوية وانا قدمت على شغل فى مستشفى هناك..وبعدين انت اصحابك لسة بيبعتولك شغل تشتغله من البيت..فممكن تعمله واحنا هناك..كده احمد وداليا هيفكروا اننا يأسنا..بس لا..احنا هنبدأ لسة..
يوسف: أنا عارف انى ضاغط عليكي كتير الايام دى يا رقية..لا بتخرجي ولا بتشتري هدوم زى العادى بتاعك..حتى الاكل بقيتي بتوفري على اد ما تقدري..انا اسف يا رقية..اسف..اسف انى هخليكي تشتغلي عشان نعرف نعيش
رقية بحب:ما انت ياما خرجتني وجيبتلي هدوم..ولو على الأكل فماله الأكل بيتي بدل بتاع المطاعم والمصاريف! اهم حاجة اننا منقصرش فى حق محمد يا يوسف..وبعدين متنساش انى كده كده كنت هشتغل عشان انا بحب الشغل..فمتزعلش.. كله هيهون طالما احنا سوا
يوسف بتوهان:انا اسف على كل حاجة والله..بس هنجيب منين فلوس الاوتيل ده! الفلوس الباقية يا دوب تكفي اننا نكمل الشركة والشقة..
رقية: دهبي موجود..انت عارف انى مليش في الدهب اصلا..وبابا لما اتجوزتك جابلي دهب عشان انت اللى اتكفلت بالشقة كلها..وقبل ما تقول حاجة..فانا شريكتك فى الشركة ومراتك..وطبيعي اساعدك فى كل حاجة..وقوم يلا بقا عشان نجهز الشنط قبل محمد ما يصحى وتتخانقوا سوا
يوسف بغيرة: ما هو اللى لازق فيكي على طول..عيل رخم
رقية بتفكير مصطنع: يمكن عشان صغير وعايز أمه معاه دايما!
يوسف بيقرب منها:ما أنا كمان صغير وعايز امي معايا دايما..هتبقي معايا دايما يا ماما!
رقية بتقرص خدوده:دايما يا روح ماما والله
~~~~~
داليا:بس قولي يا احمد صحيح..انت ليه بتساعدني فى كل ده؟؟
احمد بخبث:مش مراتي حبيبتي! طبعا لازم اساعدك..وبعدين مش يوسف ورقية ظالمينك برده!
داليا بتوتر:اا..ااه طبعا ظالمني..متنساش انه طلقني عشان يعرف يتجوزها
احمد باستهزاء:وانا بساعدك تجيبي حقك اهو..
داليا بخبث:طب كويس اوى.. كده ننقل على الخطوة التانية..معايا يااحمد!
احمد بخبث:طبعا يا حبيبتي معاكي
ويكلم نفسه"قال ظالمينك قال..لولا ان نور اختي مفهماني كل حاجة كنت اتخدعت فيكي والله..بساحلى حاجة فيكي انك بتبعدي رقية عن يوسف وتقربيني انا منها..نفسي يجي اليوم اللى يطلقوا فيه واخلص منك واتجوز انا رقية بقا"
#يُتبَع
#A_Z
علشان يوصلك اشعار باقى الاجزاء علقي ب20 ملصق 🔖
لن يصل الجزء 7 الا بعد تعليق ب 20ملصق فضلا وليس أمرا
ومتابعه لصفحتي
#طليق_أختي تفاعل عشان انزلكم الحلقه هديه انهارده
البارت السابع
ام رقية:اخص عليكي يا بنتي..بقا تسيبينا وتروحي اسكندرية وكمان من غير ما تقوليلنا!
رقية وهيا بتطبطب على محمد:يا ماما حضرتك عارفة اني كنت عايزة اسكن فى اسكندرية من زمان..فقررنا نبيع الشقة ونيجي نستقر هنا..
ام رقية:ده كله من غير ما تقولي لامك! اخص عليكي يا رقية..
رقية:ما حضرتك عرفتي اهو يا ماما..
ام رقية:طب انتو بعتوا الشقة ولا لسة!
رقية: لا والله يا ماما..احنا عارضينها للبيع بس الاسعار اللى بتيجي فيها قليلة اوى..
ام رقية:طب يا بنتي ما لو محتاجين فلوس تاخدي من ابوكي بدل ما تبيعوا شقتكم..
رقية:لا يا ماما معلش..يوسف مش هيوافق وانا مش عايزة اضغط عليه الفترة دى..
ام رقية: طب اى رأيك نشتري احنا منكم الشقة ونبقا نبيعها احنا ولا حتى نأجرها!
رقية:لا يا ماما..مش عايزاكوا تشيل همن....
ام رقية: يا بنتي ما احنا هنشتريها منكم اهو..قولي لجوزك بس وابقوا تعالوا نشوف السعر المناسب وننهي الموضوع
رقية:طب قولي لبابا بس..
ام رقية: يا ستي ابوكي مش هيقول حاجة..عرفي انت جوزك بس..
رقية بهمس لمحمد:تعالى نغتت على بابا شوية..اجري
~~~~~~
يوسف:يارقية انا مش عايز اهلك هتضايقوا من مشاكلنا..مش كفاية انك بتشتغلى ورديتين فى المستشفى! وكمان مفيش شغل بيجيلي اد كده
رقية بتحط راسها على رجله:ما هما هيشتروها مننا يا بابا..وبعدين هما هيعرفوا يبيعوها بعدين..لكن احنا احمد مقفل الدنيا علينا خالص..ده مدي فلوس للسماسرة عشان تنزل السعر..نعمل اى يعني!
يوسف بتنهيدة:طب انا موافق بس بشرط
رقية بتمسك ايده:عيوني..
يوسف:تسيبي الشغل..او تشتغلى وردية واحدة على الاقل..بدأتي تتعبي يا عيوني..مش عايز اتوجع فيكي ارجوكي..
رقية بتبوس ايده:يا حبيبي متخافش عليا..بس اهي فلوس تتحط على الفلوس اللى بتيجي من شغلك تساعدنا شوية..
يوسف:يا رقي...
رقية بنوم:بس بقا يا چو خليني اعرف انام..ابقا كلم بابا بكرة واتفق معاه على ميعاد ننزل نقابله..واهو بالمرة يشوفوا محمد
~~~~~
ابو رقية:مش كنا اتصلنا بداليا نعرفها اننا جايين!
ام رقية:هنستأذن عشان نيجي لبنت....اى الصوت العالى ده!
داليا:يعني اى بابا اشترى منه الشقة..هما ليه مصممين يدمروا خططي..ليييييه
احمد ببرود:اعمل اى يعني! رشينا السماسرة وبوظناله شغله لحد ما هج مننا خالص..قصرت فى حاجة انا!
ابو رقية بصوت عالي:لا مقصرتش الصراحة..شاطرين اوى..ها! ناويين تعملوا اى تاني!
داليا:بابا؟!
ام رقية:ايوة ابوكي يا بنت بطني..انا نفسي اعرف اى الغل اللى جواكي ده كله..مش ده يوسف اللى طلبتي تطلقي منه! مش دي رقية اللى عايرتيها انها اتأخرت فى الجواز! عايزة منهم اى! سيبيهم يعيشوا حياتهم بقا
داليا بغل:لا..لازم اخليهم يعيشوا اسود ايام فى حياتهم على ايدي..عشان هما بس يوسف ورقية
ابو رقية بصوت عالي:ليييه! عملولك اى لكل ده! ليه خلتيهم يتجوزوا من الاول طالما انت مش عايزاهم مع بعض!
داليا:ايوة..انا اللى خليتهم يتجوزوا بس مكنتش عاملة حساب انهم يحبوا بعض ويعيشوا فرحانين..انا عارفة ان انا اللى طلبت الطلاق من يوسف.. وعمري ما ندمت ولا هندم على كده..بس هو ميستحقش كل العز اللى هو فيه ده.. ولا يستحق حبكم ليه..ده احسن حال ليه يبقا انه يعيش لوحده زى ما كان دايما عايش..اشمعنا هو يبقا غني كده وأحمد لا! واشمعنا بتحبوه هو واحمد لا!
ابو رقية:يوسف ابن اصول ومتربي..مش ذنبه ان اهله اتخلوا عنه من صغره.. زى ما هو مش ذنب محمد انك امه واتخليتي عنه..
رقية بجنون: متقولش عليه ابني..انا مش عايزة حاجة تربطني بالانسان اللى اسمه يوسف ده طول عمري..واحلى قرار خدته انى رميته لي...اااااه
ام رقية بتضربها:بس بقا..انت اى! مش بني أدمة يا شيخة! حرام عليكي اتقي الله..طب غلك ليوسف الغير مبرر ده وماشي..لكن رقية اختك.. اختك اللى من دمك..ليه ضغطتي عليها انها تتجوز يوسف! ليه زقتيها فى جنة ومصممة تقلبيها نار..ليه حرام عليكي..
داليا:كنت عايزاها تعيش مع انسان معندوش لا قلب ولا مشاعر..بس للأسف كالعادة الست رقية بتخلى الكل يحبها..وقدرت انها تحرك قلب يوسف..ده بقا خاتم فى صباعها..كل يوم خروج وفسح..لما تتعب يقعد جنبها..لييييه! ليه دايما هيا محبوبة! حتى من صغرنا..خلييكي شاطرة زى رقية..البسي زى رقية..كلي زى يا رقية..حتى العيلة كلها..رقية رقية رقية..زهقتوني فى رقية..خلتوني انى اقبل بأول عريس يجيلي عشان ابقا أحسن من رقية فى حاجة..عشان ابقا انا اتجوزت وهيا لا..بس كالعادة..رقية شاطرة..رقية عاقلة..كنت عايزاها تكره نفسها..بس للاسف قدرت تبني حياة انا معرفتش ابنيها..بس لا..انا مش ههنيهم فى حياتهم..ويا انا يا ه...
ابو رقية بيضربها:خلاص بقا! انت اى! مبتحسيش! يشهد ربنا اننا عمرنا ما فرقنا بينك وبين اختك..بس احنا اللى غلطانين..احنا اللى معرفناش نربيكي..وانا بحذرك يا داليا..اياكي تقربي من رقية سواء انت ولا النطع ده..واظن انك بعد جوازك من احمد عرفتي الفرق بين يوسف وبينه كويس اوى..وسيبي رقية وجوزها فى حالهم..عشان صدقيني ردي مش هيعجبكم لو عرفت انكم قربتوا منهم بس..يلا يا ام رقية البيت ده ميشرفناش..
داليا بغل: مش هسيبهم حالهم..مش هخليهم يعيشوا حياة انا بس اللى استحقها
~~~~~~
يوسف بحنان: يا حبيبي كده ضغط كبير عليكي..احنا دلوقتي معانا اللى يكمل الشركة والشقة.. يعني شغلك ملهوش داعي دلوقتي..
رقية بإرهاق:يا حبيبي اهم حاجة اننا منحتاجش لحد..بس انا فعلا اسفة..عارفة انى مقصرة فى حقك انت ومحمد الفترة دى..
يوسف: لا يا روحي متقوليش كده..انت دايما بتعملي اللى عليكي وزيادة..وبعدين انا بشتغل من البيت اهو ومع محمد طول النهار..بس انا خايف عليكي انت..
رقية:لا يا حبيبي متخافش عليا..انا هقوم بقا اصحى محمد عشان ناكل سوا تكون انت خلصت الشغل اللى فى ايدك
يوسف:لا روحي انت صحي ابنك على ما اسخن الاكل..اهو نرخم عليكي شوية..
~~~~~
محمد بدموع:بابا.. ماما مش بترد عليا
يوسف بيغرف الاكل:عملتلها اى يزعلها تاني يا محمد!
محمد:لا محمد معملش حاجة..كنا بنلعب سوا وفجأة ماما وقعت ومبقتش ترد عليا
يوسف بيرمي اللى فى أيده:وقعت..رقييييية
يوسف بيجري على اوضة محمد يلاقي المنظر كالآتي.. رقية واقعة على الارض وشها اصفر وشفايفها زرقة..
يوسف:رقية..ردي عليا على ماما..مالك يا حبيبتي!
يوسف يلاحظ ان نفسها ضعيف يتكلم بدموع:لا يا رقية..لا..مش هتسيبيني اكيد
محمد بدموع:هيا ماما مش بترد ليه يا يوسف!
يوسف بدموع وهو بيدعك ايدها:هتقوم..قومي يلا رقية عشان محمد خايف وانا كمان والله خايف.. احنا ملناش غيرك
~~~~~~
بعد نص ساعة فى المستشفى
يوسف شايل محمد:طمنيني يا دكتورة لو سمحتي..
الدكتورة: المدام جاية عندها هبوط فى الدورة الدموية..وباين عليها الإرهاق العام..واضح انها مش مهتمة بصحتها الفترة دى..
يوسف:طب هيا عاملة اى دلوقتي!
الدكتورة:احنا حاليا اديناها منوم ومعلقين ليها محاليل..لازم تقعد فترة فى العناية وبعد ما تفوق نبقا هنبقا نطمن ان شاء الله
~~~~~~
داليا:يعني ست داليا فى المستشفى كويس اوى كده..قدامنا حلين دلوقتي عشان نخلص من الموضوع ده..
احمد:ناوية على اى تاني! وبعدين مش قولتلك بطلي تراقبيهم! ما خلاص بقا سيبيهم فى حالهم..كفاية سمعتينا كلمتين من أهلك ملهمش لازمة..
داليا:لا..مش هسكت غير ما اخلص اشوف يوسف مزلول..وانا عرفت انا هعمل اي..
احمد:اعملي اللى تعمليه..انا زهقت منك..مش عايز نصرف فلوس عالفاضي عشان نريح حضرتك..
داليا بكره:طالما مش هعرف اكره الناس فيكي يبقا الحل انى اخلص منك خالص يا رقية..وتكمل بخبث:هيا حقنة هوا تنهى الموضوع..اممممم ولو معرفوش يعملوا كده فحادثة بسيطة يروح ضحياها يوسف ورقية ومحمد الاسرة السعيدة..بوووووم
#A_Z
#يُتبَع
علشان يوصلك اشعار باقى الاجزاء علقي ب20 ملصق 🔖
لن يصل الجزء ٨ الا بعد تعليق ب 20ملصق فضلا وليس أمرا
#طليق_أختي
البارت الثامن
يوسف: طمنيني عليها يا دكتورة..
الدكتورة:مدام رقية جسمها مرهق وكمان واضح ان نفسيتها مكنتش مرتاحة..فانا بفضل تبقا هنا فترة تحت الملاحظة عشان نطمن عليها.. وان شاء الله تقوم بالسلامة..
يوسف:ماشي يا دكتورة..ممكن ابقي مرافق معاها هنا صح!
الدكتورة:اكيد..ربنا يطمنك عليها
~~~~~~
فى اخر اليوم
يوسف:تعالى يا ميدو يلا عشان تنام..
محمد:لا يا يوسف..انا عايز افضل مع ماما..هيا مش بترد علينا ليه! هيا زعلانة مننا!
يوسف: لا يا حبيبي مش زعلانة مننا..هيا تعبانة شوية فنايمة..يلا نام انت كمان عشان لما تصحى تعرف انك بتسمع كلام يوسف وشاطر..
محمد:ماشي يا يوسف..بس لما تصحى صحيني عشان العب معاها..
يوسف:ماشي يا بطل..يلا بقا تصبح على خير..
يوسف بتنهيدة وهو بيقعد جنب رقية:وادى قاعدة يا ست رقية..شوية وهتصحى وارتاح انا..تعرفي اني بحبك اوى! مش عارف اعبر عن مكانتك عندي غير زى نزار قباني ما قال:
أشهدُ أن لا امرأة ً
أتقنت اللعبة إلا أنت
واحتملت حماقتي عشرة أعوام
كما احتملت واصطبرت على جنوني
مثلما صبرت وقلّمت أظافري ورتبّت دفاتري
وأدخلتني روضة الأطفال إلا أنتِ ..
رقية بضحك: انا عملت فيك ده كله!
يوسف بفرحة:صحيتي اخيرا يا روكا؟! ده انت عملتي فيا اكتر من كده والله
رقية بحب:يعني انا عملت فيك كل ده بجد يا چو؟!
يوسف بهمس:واكتر من كده يا عيون چو..وبعدين خفي يلا يا ست..ده انا كنت لسة عايزة افرحك اننا هننقل فى البيت الجديد من الاسبوع الجاي
رقية بفرحة:بجد يا يوسف! هيييه
يوسف بضحك:بجد يا حبيبتى..بنتي اوى مفيش هزار يعني..فى ام تقول هيييه!
رقية بدلع:بتدلع عليك..متدلعش يعني!
يوسف:ده انت الوحيدة اللى من حقك تتدلعي عليا.. اهم حاجة تكوني بخير بس..انت متعرفيش كان احساسي اى وانا شايفك واقعة على الارض كده..ربنا ما يكتبه عليا تاني..
رقية:انا اسفة انى خضيتك عليا..
يوسف:انا اللى اسف انى تعبتك معايا..انت من حقك تقعدي فى البيت زى البرنسيسة كده وكل حاجة تجيلك لحد عندك..انا خايف اصل تندم....
رقية:يا عم اسكت يا عم..هتلبخ فى الكلام اهو وهنزعل سوا..يرضيك تزعلني وانا راجعة من الموت كده!
يوسف بيبوس ايدها:بعد الشر عليكي يا روحي..ربنا يديمك ليا انا والقرد اللى هناك ده وميحرمناش منك ابدا..
رقية:تعبتك معايا معلش..روح يلا نام جنب محمد وارتاح شوية..شكلك مرهق اوى..
يوسف بغمزة:يعني مش عايزاني انام جنبك!
رقية بضحك:امشي يا يوسف من هنا امشي..قال تنام جنبي قال..ولو حد دخل علينا يقول اى والنبي!
يوسف:يقول اللى يقوله..انا بس مش هعمل كده عشان انت تعبانة ومش عايزك تزعلي مني
رقية:لا كتر خيرك..روح يلا نام..
يوسف:لا..انا هقعد جنبك هنا..
رقية: عشان تعرف تنام بس..قوم يلا يا بابا نام
يوسف: يابنتي مش هقوم.. اسكتي بقا..خليني اتأكد انك بخير الحمدلله
رقية:حضرتك مين
*بتوتر:ااا...انا الدكتورة اللى متابعة حالتك..وده وقت الدوا..
رقية:طب ممكن اعرف حالتي بالظبط! اقدر اخرج امتى يعني!
*اااا
يوسف:انت مين! مش انت الدكتورة اللى متابعة رقية
*بتجري وحقنة تقع منها
يوسف لسة هيجري وراها
رقية:هات كده الحقنة دى يا يوسف!
رقية بصدمة: دى حقنة فاضية يا يوسف...كانت جاية مفكراني نايمة وعايزة تموتني..
يوسف بيحضن رقية:لا..لا اكيد ربنا مش هيحرمني منك..
رقية: الحمدلله انك كنت صاحي يا يوسف.. الحمدلله
~~~~~~
داليا بصوت عالى:أغبية أغبية..طب اسمعني..انتو دلوقتي تروحوا تفكوا فرامل عربية رقية..وعايزة كمان عربية تراقبهم وتجيبلي خبر انهم ماتوا..سمعت! يا سيدي هحولك الفلوس بس انجز..عايزة اسمع خبرهم..
احمد بغضب لنفسه:لا..لحد كده ومش هسكتلك يا داليا..ده انا عايش على أمل انى اتجوز رقية فى يوم..عايزة تيجي تحرميني منها دلوقتي! مش هسمحلك بكده"
~~~~~~
تاني يوم الصبح
يوسف:أل..
*فيه حد عايز يقتلكم..لو خايف على مراتك وابنك ابقوا اخرجوا من الباب الخلفي للمستشفى..واوعوا تركبوا العربية عشان الفرامل مقطوعة..
يوسف بغضب:الووو..انت مييين!
رقية بخضة:فى اى يا يوسف!
يوسف:ده واحد بيقول ان فيه حد قاطع فرامل العربية..
رقية بخوف :معقول هو اللى بعت البنت دى امبارح! انا خايفة اوى يا يوسف..
يوسف بيمسك ايدها:متخافيش يا حبيبتي..انا هنزل اتأكد من الع...
رقية بتمسك فيه:لا..لا يا يوسف مش هتخرج من هنا غير معايا..بص..انت تاخد تاكسي وتروح تجيب هدومنا وكل الحاجات اللى فى الاوتيل وتحجزلنا اوتيل تاني..واتصل بالونش هو اللى يجي ياخد العربية يودوها تتصلح..اهم حاجة تخلى بالك من نفسك يا يوسف بالله عليك
~~~~~
احمد بغضب:ايوة انا اللى حذرت يوسف يا داليا..كفاية لحد كده يا داليا..انا كنت معاكي فى انك تنتقمي منهم..بس مش لدرجة انك تقتليهم..ده انت حتى معملتيش اعتبار لابنك اللى ممكن يموت معاهم
داليا بصوت عالي:خايف عليهم لييييه! ليه دايما رقية احلى مني! ليه محبوبة اكتر مني! ليه دايما الكل بيحبها وانا لا..ليييه يا احمد لييه! لو مش هعرف اثبتلهم انى احلى منها واستاهل الحب اكتر منها يبقا اخلص منها احسن..ويوسف فهو يستاهل اكتر من كده..عمره ما حبني وراح حب الست رقية..اشمعنا هيا وانا لاا؟!
احمد: خلاص يا داليا..هما اتجوزوا وعاشوا حياتهم..فتعالي نعيش حياتنا احنا كمان..
داليا:لا..هما حياتهم احلى..يوسف غني ومعاه فلوس تكفي ان رقية متشتغلش..وكمان ممكن يخلفوا..لكن احنا مرتبك بيكفي مصاريف البيت بالعافية..ولازم انا اتمرمط فى الشغل وحتى فلوسه مش ليا..ده ليك..وكمان انا مبقتش اعرف اخلف..بس لا..لازم اخلص منهم
احمد:فوووقي بقا..دى مهما كان اختك.. ازاى يجيلك قلب تقولي كده!
داليا: ايوة..اختى اللى حتى انت حبيتها..ايوة متتصدمش كده..انا عارفة من الاول انك حبيت رقية..بس قبلت اتجوزك عشان بحبك..وكمان عشان تنتقم ليا وليك..اشمعنا قبلت بيوسف ورفضتك! حتى هيا شايفة ان يوسف احلى منك..
احمد: ب..بس..تعالى نبدأ من الاول يا داليا..تعالى نتبني طفل ونعتبره ابننا ونربيه..
داليا:وانت موافق على كده!
احمد بتوتر:اااه طبعا..اهم حاجة متحسيش انك اقل من اختك..
داليا بخبث:تصدق فكرة!بس ليه نتبنى طفل وانا اصلا عندى ابن!
احمد:يعني اى! انت عايزة ابن يوسف تاني!
داليا ببراءة مصطنعة:تؤتؤ..ازاى تقول عليه كده..ده ابني حبيبي وطبعا لازم اخده يعيش معايا..وصدقني هسيبهم وابعد عنهم لما اخده
~~~~~~
بعد شهر..
رقية:ياابني انا عايزة افضل هنا
يوسف:لا معلش..مش هسيبك لوحدك واروح الشغل انا
رقية:على فكرة وانت فى مكتبك ممكن تشوفني من الجنينة عادى
يوسف:يا رقية بقا بالله لتيجي معايا..عايزك قصادي طول اليوم
رقية:يا حبيبي كده هتزهق مني
يوسف:متزعلنيش بقا..ولو على الراحة فانت هتقعدي فى الاوضة اللى فى المكتب انت ومحمد..اومال احنا عاملين فيها سرير وجايبين تلفزيون والعاب ليه! يلا بقا قومي البسي انت وانا هلبس محمد..وحياة يوسف عندك يلا
لسة هيخرجوا من البيت يقابلوا احمد وداليا
يوسف:محمد..خد ماما واسبقوني انتو على المكتب يلا
داليا:محمد حبيبي..تعالى لماما
محمد: ماما رقية بس..
داليا بسرعة:انا ماما يا حبيبي مش طنط..انا جاية اخدك معايا
محمد بيحضن رقية:لا ماما روكا بس..
يوسف بيهمس لرقية:خدي الواد وامشي بدل ما اقتل اللى بيبصلك ده..
رقية:تعالى يا حبيبي يلا عشان نوصل قبل بابا
محمد:يلا يلا بسرعة عشان نكسب
رقية بتمشي هيا ومحمد
يوسف ببرود:ها يا جماعة..خير ان شاء الله!
احمد:جايين ناخد محمد يعيش معانا
يوسف:وده بصفته اى ان شاء الله!
داليا:بصفته انه ابني..كفاية عليكم كده سنتين ونص
يوسف:وهو سيادتك ناسية انك ماضيالنا على تنازل عن الحضانة ولا اى!
داليا:يعني اى! انا عايزة اخد ابني
يوسف:ابنك اللى رمتيه وهو لسة مولود! ابنك اللى شوفتي انه هيعطلك عن مستقبلك! لا معلش..لما يبقا عنده 16 سنة يبقا هو يقرر عايز مين فينا..
داليا:نعم! انت عايزني اسيبلك ابني الوقت ده كله عشان تكرهه فيا؟!
يوسف:ابنك ميعرفش ان رقية مش امه..مش عايز ازعله من دلوقتي..لما يكبر ويقدر يفهم الموقف هنبقا نقوله اكيد..لكن مش هدمر نفسية الولد عشانك..بس طبعا تقدري تشوفيه فى الوقت اللى انت عايزاه
داليا:وانا مش هسيبهولكم..ابني هاخده يعني هاخده يا يوسف..لو مش بالذوق يبقا بالعافية يا يوسف..
ليصلك الأجزاء القادمه 20ملصق ولايك
#طليق_أختي
البارت التاسع
رقية بدموع:لا يا يوسف..داليا مش هتاخد ابني مني..مش كان معاها! ليه قالتلي اعتبره ابني وعايزة تحرمني منه دلوقتي..مش هتخليها تاخده من حضني صح! مقدرش اعيش من غيره والله..
يوسف بحب:مش هتاخده..مينفعش تاخده يا رقية والله..دى ماضية تنازل عن الحضانة..القانون معانا يا حبيبتي اهدي..
رقية بهستيرية: لا..هيا مينفعش تاخده عشان هو ابني..اه..هو ابني انا مش هيا يا يوسف..انا اللى بهتم بيه..انا اللى كنت بسهر جنبه فى تعبه..انا اللى سندته فى اول خطوة..انا اللى قالي ماما..انا يا يوسف انا
يوسف بيضمها ليه:اهدي يا رقية..اهدي..مش هتقدر تاخده صدقيني..محمد ابننا احنا ومحدش يقدر ياخده مننا..
~~~~~~
احمد:هنعمل اى دلوقتي! تعالى نتبنى اى عيل تاني وخلاص..
داليا: لا..ده ابني انا..وهاخده غصب عنهم..سيبهم فرحانين كده شوية عشان لما اخده منهم يكونوا شبعوا منه..
~~~~~~
محمد:روكا..يوسف مش راضي يصحى
رقية بزعل: قولت 100 اسمه بابا مش يوسف.. وبعدين من امتى بتقولي روكا!
محمد بطفولة:يوسف صاحبي مش بابا..وبعدين هو بيقولك يا ماما و روكا..يبقا انا كمان هقولك زيه..ولا انتى بتحبي يوسف اكتر من محمد!
رقية بتحضنه بسرعة: لا يا ميدو..ده انت عيوني والله..ربنا يعلم بحبك ازاى
محمد :وانا كمان بحبك يا روكا
يوسف بغيرة:الله الله..واى كمان يا ست رقية! فرحوني فرحوني
محمد بيغيظ يوسف:دى ماما انا وبتحب محمد
يوسف بغيظ: اوعى كدع والله اضرب الواد ده..ده بيغيظني
رقية بتضم محمد بضحك: اى يا يوسف يا حبيبي هتعمل عقلك بعقل محمد! بس بقا
يوسف بزعل:ما انت بتحبيه اكتر مني
رقية بصدمة:يوسف! ده ابني وطبيعي احبه..بس برده بحبك يا حبيبي والله
يوسف بسرعة:ما انا كمان ابنك..حبيني زى ابنك وحبيني عشان انا جوزك
رقية بتشيل محمد وتضم نفسها ليوسف:انتو اغلى حاجة فى حياتي..ربنا. يديمكم ليا وميحرمنيش منكم ابدا
محمد بيحضن رقية:بحبك يا روكا
يوسف:ابعد عنها يالا
رقية:يوووووه..لما تخلصوا اللى انتو فيه ده ابقوا اعملوا الفطار..كنت هريحكم عشان تعبتوا فى توضيب الشقة امبارح..بس تستاهلوا..
محمد: انت وحش..اعمل الفطار ومحمد هيصالح روكا
يوسف:ملكش دعوة انت..ومتقربش منها
محمد بيغيظه:دى مامتي وانا حر..
يوسف بتنهيدة:والله لولا انك ابننا ما كنت خليتك تقربلها..بس ربنا يحفظك لينا ويبعد عنك شر داليا
~~~~
يوسف:خلاص بقا يا روكا متزعليش مني انا اسف..
رقية:يا حبيبي انا فرحانة بحبك ليا..بس خايفة ده يأثر على الولد..لازم اهتم بيه وابينله حبي..مش ابني يا ابني؟
يوسف بضحك:اديكي قولتي انى ابنك انا كمان اهو..يا ستى محمد مش هيزعل..متزعليش مني انت بس وانا وهو بنعرف نتعامل سوا..
رقية بحب:خلاص يا سيدي انا هطلع انا من بينكم اهم حاجة تكونوا فرحانين..
يوسف بيمسك ايدها:انت بالذات اللى مينفعش تتطلع من بينا..انت اللى بتجمعينا يا عيوني
~~~~~
داليا بخبث:النهاردة هجيب محمد وهنسافر الصعيد..مش هيجي فى بالهم احنا فين اصلا..واهو نربي ولد من دمي احسن..ولا اى!
احمد بكدب:انا بعمل كده عشان عايزك مبسوطة بس..اهم حاجة متزعليش
~~~~~
يوسف:مفيش عملاء جايين النهاردة فنقضي اليوم فى البيت اى رأيك!
رقية بفرحة:موافقة جدااا..ادخل خد محمد واطلعوا على التربيزة اللى فى الجنينة وانا هعمل عصير واكل محمد واجيلكم
يوسف:هوااا يا روكا..
يوسف لمحمد:خليك هنا يا ميدو على ما ادخل اجيب الحاجة من ماما..متخرجش برة يا حبيبي اتفقنا!
محمد:اتفقنا يا چو
رقية ليوسف:اخص عليك مش قولتلك خليك مع محمد!
يوسف:يا بنتي ما هو فى الجنينة والباب مقفول..ميبقاش قلبك ضعيف كده اومال
رقية: ماشي يا يو...
محمد بعياط:مامااااااا
رقية بخضة:ابني يا يوسف
يجروا يلاقوا واحد شايل محمد مغمي عليه ويركب عربية ويمشي
رقية بصراخ:ابني..ابني يا يوسف..انت وعدتني ان ابني مش هيبعد عني..انا عايزة ابنااااااي
يوسف وهو بيتصل على البوليس:هيرجع..صدقيني هيرجع..
~~~~~~
داليا داخلة شقة حماتها بفرحة وهيا شايلة محمد:احم...
احمد بزهق:يا ماما عامليها كويس..انا مش عايز مشاكل..
ام احمد:ليه يا اخويا! مش كفاية مستحملينها على عيبها! واحد غيرك كان اتج...
احمد:اتجوز عشان يتعرف انى مبخلفش صح! دلوقتي اللى باين ان العيب منها هيا..وانا تمام صح كد...
داليا بغل:صح يا احمد..بس خلاص..انا هموتك النهاردة واخلص منك..
داليا بتحط محمد على الكنبة وتدخل المطبخ تجيب سكينة
داليا بجنون:مش انا اللى يتضحك عليا يا احمد..انا هخلص منك وابدأ حياتي مع ابني من جديد
ام احمد:سيبي السكينة من ايدك يا مجنونة..اوعى تقربي من ابني
داليا بتروح لاحمد:انا هقتلك ابنك ده عشان اخد بتار انه حرمني من اني اخلف تاني..
احمد بيمسك ايدها:لا..ما انا مش يوسف هستحمل منك كل حاجة..
ام احمد بتزق ايد داليا:قولتلك ابعدي عن ابن...
داليا:اااااه..
ام احمد :اهو ده جزاة اللى يفكر يقرب من ابني
احمد بغل:هو ده جزاتك انك تموتي هنا لوحدك..بس اطمني انا هاخد ابنك ونروح الصعيد فعلا..بس هكتبه باسمى انا..سلام يا...يا قطة
داليا بوجع:اب..ابني..
بيخرج احمد وامه وياخدوا محمد معاهم..
داليا بتحاول تقوم وتجيب موبايلها:ر..رقية
رقية بخضة:خدتي ابني في....
داليا بوجع:مح..مد اح..مد خده ..الحقو..ابن..
رقية بدموع:مالك يا داليا..داليااااا
#A_Z
#يُتبَع
علشان يوصلك اشعار باقى الاجزاء علقي ب20 ملصق 🔖
لن يصل الجزء 10 الا بعد تعليق ب 20ملصق فضلا وليس أمرا
ياجماعه صفحتي التانيه اتحظرت ممكن تفاعل عشان دي متحظرش كمان
#طليق_أختي
البارت العاشر
رقية بدموع:يو..يوسف..الحقني يا يوسف..
يوسف بخضة:رقية..مالك يا عيوني فى اى! اهدي..
رقية بدموع:دا..داليا يا يوسف..الحق داليا
يوسف بغضب:ملنا...
رقية بتوهان:بابا..اتصل ب بابا يلحقها يا يوسف انا معرفش اختي مالها..الحق داليا يا يوسف
يوسف بعدم فهم:اى اللى حص...
رقية وهيا بتتصل بأبوها:مش وقته يا يوسف مش وقته.. بابا..اخرج حالا روح لداليا بالله عليك
الاب:فى اى يا رقي...
رقية بدموع:يا بابا والنبي اسمع مني..لو تعرف حد من جيرانها خليهم يروحوا يطمنوا عليها وانا ويوسف هنجيلكم..بس متتأخرش بالله..مش عايزة اخسر اختي
الاب:يا بنتي طيب فهميني..
رقية بتلم هدومها وهدوم يوسف:انا نفسي مش فاهمة غير ان اختي فى مشكلة..فالحقها يا بابا بالله عليك
~~~~~~
الاب بخوف: يعني ايه سايحة فى دمها!!اتصلتوا على الاسعاف! ماشي أنا دقايق وهكون عندكم
الام بدموع:بنتي جرالها اى يا حاج!
الاب بخوف:ادعيلها..ادعيلها عشان لو ربنا انتقم من اللى عملته فى أختها مش هترجعلنا تاني..
الام:لا..لا متقولش كده..ربنا يردها بالسلامة واحنا مسامحين والله..والله مسامحينها
~~~~~~
محمد بنوم:ماما..يوسف
ام احمد:اسكت يالا..
احمد:بس يا ماما متزعليش حفيدك
محمد:انت واخدني ورايح فين يا اونكل!
احمد بخبث:بابا قال هنلعب سوا ولما يلاقينا يكسب هو..
محمد:لا لا..احنا اللى هنكسب..بس احنا رايحين فين؟
احمد:دى مفاجأة بقا..
~~~~~~
رقية بدموع: انا عايزة ابني يا يوسف..داليا قالت احمد خده..انا خايفة على محمد اوى..
يوسف: هنلاقيه يا حبيبتي متقلقيش..ان شاء الله هنلاقيه ويرجع لحضننا ونخلص من كل ده بقا
~~~~~~
ام احمد بخبث: بس الحمدلله اننا خلصنا من داليا دى..اهى زمانها ماتت وارتاحنا منها..
احمد بيبص على محمد:هشششش..الواد هيسمعك..
ام احمد:يااخويا ده عيل 3 سنين..هيفهم اى يعني! وبعدين انت كنت عايز تخلص منها..ادينا خلصنا منها خالص اهو..
احمد بتنهيدة:فعلا يا ماما..دى غمة وراحت من حياتي..
محمد بخوف لنفسه:ماما كانت بتقول اننا مينفعش نتكلم وحش على حد..عمو ده شكله شرير..انا عايز يوسف ورقية..اعمل اى..ااااه انا عرفت هعمل اى..شكلنا هنلعب فعلا..بس يارب يوسف يجي يارب
محمد بدموع:ااااااه..انا تعبان اوى يا عمو
احمد بخضة:مالك! فى اى!
محمد:محمد ببتعب من العربيات..وقف العربية..
احمد:شوية وهنقف فى استراحة وهننزل
محمد بزهق:ماشي..
~~~~~
الاب للدكتور:طمني ياابني الله يخليك
الدكتور:للأسف نزفت دم كتير ودخلت فى غيبوبة.. الحمدلله ان الضربة مجتش فى منطقة حيوية..هيا دلوقتي هتبقا فى العناية فترة لحد حالتها ما تستقر.. ومعلش الزيارات ممنوعة
الام بلهفة: اهم حاجة تكون بخير ياابني الله لا يسيئك..
الدكتور:ان شاء الله خير يا حاجة..دعواتكم ليها الفترة الجاية..
~~~~~
محمد بهدوء:ممكن اروح الحمام!
احمد: يلا يا حبيبي وانا هاجى معاك
محمد بسرعة: لا..انا كبير..هروح واجى
احمد: ماشي يا بطل بس متتأخرش..احنا هنستناك هنا اهو
محمد بيمشي شوية وفجأة يخرج من الاستراحة ويجري
محمد بدموع:يارب..يارب خلى يوسف يلاقيني وانا مش هزعله تاني ابدا..يارب متخليش عمو الشرير يشوفني يارب
ام احمد باستغراب: هو الواد ده اتأخر ليه!
احمد:والله ما عارف..انا هروح اشوفه كده واجيلك..اسبقيني انت على العربية
بعد ربع ساعة
ام احمد:فى اى يا احمد! ومحمد فين اومال!
احمد: روحت الحمامات ملقتش حد هناك..ولما سألت الناس قالولي انهم شافوه طالع بيجري من الاستراحة
ام احمد: ياابن ال...الواد ده لازم يجي..وانا هربيه من اول وجديد
احمد بغل: كنت مستهون بيه..بس شكله كده عايز يحصل أمه
ام احمد: سوق بسرعة اكيد مش هيكون ب....حاااااسب
*لا حول ولا قوة الا بالله..العربية دخلت فى عمود الكهربا..تعالوا نحاول نخرج الناس دى
"لا لا استنوا..ده البنزين بيتصفى..ابعدوا عشان العربية ممكن تنفجر فى اى لحظ...ااااااه
~~~~~~
ابو رقية:انا مش فاهم حاجة..
*......
ابو رقية بصدمة:ازاى ده! امتى حصل!
*......
ابو رقية:لا حول ولا قوة إلا بالله..انا هاجي دلوقتي واشوف الموضوع ده..شكرا لحضرتك..سلام
ام رقية:خير يا حاج فى اى!
ابو رقية:ده جار داليا بنتك بيقول ان البوليس جه البيت وبيقول ان احمد وامه عملوا حادثة وماتوا هما الاتنين
ام رقية: يا مصيبتي!
~~~~~~
يوسف:طب هنروح دلوقتي لداليا المستشفى يمكن تعرفنا محمد فين!
رقية بتعب:يلا يا يوسف الله يخليك انا قلبي واجعني لوحدي
يوسف بدعم:اتفائلي خير يا حبيبتي وان شاء الله محمد هيرجع لحضننا..متقلقيش
~~~~~
الدكتور:مين رقية يا جماعة! المريضة فاقت وعمالة تنادي عليها
ام رقية:اختها ياابني..هيا شوية وجا...
رقية بلهفة: داليا عاملة اى يا ماما طمنيني
ام رقية:كويس انك جيتي يا بنتي..اختك فاقت وعايزاكي
رقية:ممكن ادخلها يا دكتور!
الدكتور:بس يا ريت متغيبيش عندها..عايزين لسة نطمن عليها
~~~~
داليا بدموع:رقية! انا اسفة
رقية بسرعة:متتأسفيش يا هبلة ده احنا اخوات..بس بالله عليكي قوليلي محمد فين!
داليا بدموع:احمد خده وهيروح بيه الصعيد..كنا واخدين شقة هناك عشان متعرفوش مكاننا..انقذي محمد منه يا رقية..انقذي محمد
~~~~
يوسف بهلفة:ها.. قالتلك احمد ومحمد فين!
ابو رقية باستغراب:واى اللى خلى محمد مع احمد ياابني
يوسف بغضب:داليا كانت خاطفاه ودلوقتي محمد خطفه..قالتلك هما فين ولا اى!
ام رقية بدموع:يا مصيبتي يا مصيبتي..احمد وامه لسة عاملين حادثة دلوقتي والعربية ولعت بيهم
الدكتور:للأسف يا جماعة..مدام داليا اثر الوقعة العمود الفقري اتأثر..وده هيسبب لها شلل..ارجو انكم تراعوا الموقف
يوسف بلهفة:رقياااااااا..لااااااا
#A_Z
#يُتبَع
تفاعل بلايك و 30 ملصق وانزل بارت كمان انهارده💙💨
لن يصل الجزء 11 الا بعد تعليق ب 30ملصق فضلا وليس أمرا
#طليق_أختي
البارت الحادي عشر والأخير
يوسف بتنهيدة:طمني عليها يا دكتور..بقالها شهر على الحال ده..فى تحسن ولا لا!
الدكتور:اللى هيا فيه ده حالة نفسية..هيا رافضة الامر الواقع فعقلها اختار الهروب ودخلت فى غيبوبة..بس دعواتكم ليها..
~~~~~~~
يوسف بفرحة:روكااا..اخيرا صحيتي يا عيوني!
رقية باستغراب:فى ايه! هو اى اللى حص...
وفجأة تفتكر ان محمد عمل حادثة وهو خاطف ابنها وكمان اختها اتشلت
رقية بدموع:ابني يا يوسف..ابني راح مني يا يوسف..
يوسف بيضمها ليه:لا يا عيوني..محمد عايش والله صدقيني..
رقية بتضم نفسها ليه:متكدبش عليا..انت مقدرتش تنقذ أبني يا يوسف..انا زعلانة منك
يوسف بضحك:طب ابعدي عني بقا طالما انت زعلانة مني
رقية بدموع:لا..انا عايزة افضل كده..بس برده زعلانة منك
يوسف:طب يا روحي هنادي للدكتور بس عشان اطمن عليكي
الدكتور:لا عال عال..كده تقدري تتحولى على اوضة عادية وتخرجي اخر النهار..
وفعلا رقية اتنقلت اوضة تانية
محمد فجأة:مامااااا..اخيرا صحيتي
رقية بدموع:ميدو..حبيب ماما..انت لسة عايش!
يوسف:فى ام تقول لابنها كده!
رقية بسرعة:من فرحتي..لما سمعت امبارح ان احمد عمل حادثة وهو معاه مقدرتش استحمل
يوسف بضحك:امبارح! امبارح اى يا بنتي! انت فى غيبوبة بقالك شهر
رقية:نعم! وده ازاى ان شاء الله!
يوسف بتنهيدة:هحكيلك يا ستي
فلاش باك
يوسف بهلفة:ها.. قالتلك احمد ومحمد فين!
ابو رقية باستغراب:واى اللى خلى محمد مع احمد ياابني
يوسف بغضب:داليا كانت خاطفاه ودلوقتي محمد خطفه..قالتلك هما فين ولا اى!
ام رقية بدموع:يا مصيبتي يا مصيبتي..احمد وامه لسة عاملين حادثة دلوقتي والعربية ولعت بيهم
الدكتور:للأسف يا جماعة..مدام داليا اثر الوقعة العمود الفقري اتأثر..وده هيسبب لها شلل..ارجو انكم تراعوا الموقف
يوسف بلهفة:رقياااااااا
ابو رقية بدموع:دكتور..دكتور بسرعة الحقوا بنتي
يجي الممرضات ويدخلوا رقية اوضة الكشف
الدكتور:للأسف يا جماعة واضح ان المدام اتعرضت لصدمة عصبية وواضح انها مقدرتش تستحملها..فاحنا اديناها مهدأ وهندخلها العناية عشان نطمن عليها..وكمان ساعتين هنشوف النتيجة وان شاء الله خير..عن اذنكم
ام رقية بدموع:يااارب..مش بناتي الاتنين يارب..يارب دول هما اللى طلعت بيهم من الدنيا
ابو رقية:اللهم أخرجنا من حولنا إلى حولك..اللهم إنا لا حول ولا قوة لنا إلا بك..يارب رجعها لابنها وجوزها يارب
يوسف بدموع:يارب..يارب رجعهالي..مش هتبقا هيا وابني يارب..انت أرحم من كده والله
ام رقية بدموع:ياابني محمد مكنش معاهم فى العربية..البلويس قال انهم لاقوا جثتين بس فى العربية..اكيد لو محمد بعد الشر كان معاهم كان البوليس قال
يوسف بفرحة:بجد! طب فى انهو قسم ده يا عمي
ابو رقية بيديله رقم جار داليا:خد ياابني كلم الرقم ده..ده جار داليا اللى كلمني لما البوليس راح هناك..كلمه واعرف منه التفاصيل
يوسف بفرحة:خليكم انتو هنا وانا هجيب محمد واجي ان شاء الله..
يوسف:لو سمحتوا..انا قريب احمد ووالدتوا اللى عملوا حادثة النهاردة..
الظابط: كويس ان حضرتك جيت..احنا لقينا العربية فى حالة صعبة جدا وللأسف ان الاتنين كانوا متوفيين..
يوسف:لا حول ولا قوة الا بالله..بس لو سمحت انا ابني كان المفروض معاهم فى العربية فممكن اعرف الحادثة حصلت فين بالظبط! والدته فكرته معاهم وتعبت فأرجوك تساعدني
الظابط:بس هو فعلا مكانش معاهم فى العربية..بس هو حضرتك تقربلهم اى! وكمان ابنك كان معاهم ليه!
يوسف بكذب:هو زوج اخت زوجتي..وكان واخد ابني وهو مسافر عشان انا ووالدته مشغولين..فعرفني المكان لو سمحت
الظابط وهو بيقوم معاه:اتفضل معانا يا استاذ يوسف انا هروح مع حضرتك هناك
بعد نص ساعة
الظابط:هو ده مكان الحادثة بالظبط..وانا وزعت العساكر يدوروا فى اقرب مكان..وان شاء الله خير
يوسف بتوتر:تمام..شكرا لحضرتك..بس استأذنك اروح ادور عليه انا كمان..
يوسف بحزن:يارب الاقيك يا محمد ونرجع لرقية بقا..كده كتير عليا والله
بعد ساعتين
*لقيناه يا افندم
يوسف بفرحة: محمد حبيبي..
محمد بدموع:يوسف! عمو الشرير كان عايز اخد محمد
يوسف بيضمه ليه:لا يا حبيبي محدش هيبعد محمد عن يوسف..بس اى جابك هنا!
محمد:سمعت عمو ده بيتكلم انه هياخدني بعيد عنك وعن ماما..فاستنيت لما نزل من العربية وقولتله عايز اروح الحمام وجريت منه..بس قعدت اجري جتير اوى لحد ما لقيت شجرة كبيرة استنيتك وراها..وعمو ده لاقاني وقالي انك بتدور عليا
يوسف بدموع:شاطر يا حبيبي شاطر..يلا بقا نروح لماما؟! شكرا لحضرتك جدا يا حضرتك الظابط وشكرا لكل العساكر بجد..
الظابط :ده واجبنا يا استاذ يوسف..بس حضرتك مقولتش ان الاستاذ احمد كان خاطف محمد..
يوسف بتنهيدة:ياافندم احمد دلوقتي بين ايدين ربنا..كلامي من عدمه مش هيفرق كتير..وبعدين اهم حاجة اننا لقينا محمد
~~~~~~~
تاني يوم الصبح
يوسف شايل محمد وقاعد قدام العناية
ام رقية:ياابني ما كنت تروح عشان ابنك
يوسف:ما حضرتك شوفتي يا طنط امبارح لما رفض أنه يروح من غير رقية..المهم داليا عاملة اى دلوقتي!
ابو رقية: الحمدلله على كل حال ياابني.. الحمدلله انها جت على اد كده.. لولا ان حماتها زقتها على الارض كانت هتبقا بخير..بس اهو الحمدلله..
يوسف:ربنا يطمنكم عليها يا عمي..
محمد بنوم:يوسف! ماما صحت ولا لسة!
يوسف:لا يا حبيبي لسة..تيجي اروحك تنام فى البيت!
محمد بيحضن يوسف:لا..محمد هيفضل مع ماما ويوسف
يوسف بلهفة للدكتور:طمني يا دكتور ارجوك..
الدكتور:للأسف المدام دخلت فى غيبوبة..هيا عضويا مفيش سبب..لكن واضح ان السبب نفسي..ادعولها الفترة دى
باك
~~~~~
يوسف بيقرص خدود رقية:بس يا ستي..فضلنا على كده الشهر ده..نروح انا ويوسف ناخد دش ونغير هدومنا ونجيب اكل واحنا جايين ونقعد قدام العناية..لحد الدكتور ما صعبنا عليه وقال ادخلوا معاها يمكن تفوق..واديكي فوقتي الحمدلله
رقية بتضم ايده ومحمد:معلش انا تعبتكم معايا..انا اسفة
محمد:يلا يا ماما عشان نخرج من هنا..انا مرضتش العب طول ما انت نايمة
رقية بتحضنه: واحنا هنلعب ونعمل كل حاجة ان شاء الله..بس من غير خناق مع يوسف صح!
تعليقات
إرسال تعليق