 |
حور_الزين
بقلمي
رقية_حمدى
البارت الثامن عشر والتاسع عشر والعشرون والاخيره
زين: حضرتك كنت عايزنى
الظابط: ايوة بالظبط ، حضرتك والدك اسمه عماد العربى وولدتك نورا البهنسى
زين: ايوة هو فى حاجه
الظابط: ياريت حضرتك تتفضل معانا علشان تستلم الج*ثث
زين بصدمه: اى!!! ج*ثث مين حضرتك؟؟
الظابط: للأسف احنا لقيتا عربية عامله حادثه على الطريق ولما كشفنا على الجثث دى البيانات الى ظهرت لينا ياريت تتفضل معانا علشان تتعرف عليهم فى المشرحه
زين بصدمه: تمام انا هاجى ورا حضرتك
قفل زين الباب وبيلف لقا حور واقفة وراه
حور ببكاء: الى قاله ده بجد؟!
زين وعيونه اتملت دموع: مش عارف
راح سيليا وادهم نحيتهم لما اتأخروا
سيليا بأستغراب: فى اى يا جماعه انتوا بتعيطوا ليه
زين مقدرش يفضل واقف نزل قعد على ركبته على الأرض
جريت عليه حور واخدته فى حضنها وفضلت تعيط
ادهم: اى يا جماعه فى اى متخضوناش كده
زين بصوت مبحوح من العياط: ماما وبابا
سيليا بصدمه: لا لا متقولش يا زين اوعى تكون قصدك انهم م*اتوا او حاجه بعد الشر عنهم
زين بدموع: اه م*اتوا
سيليا انفجرت من البكاء: لا ازاى يموتوا ازاى انا لسة مكلماهم امبارح ازاااى قولى انك بتهزر يا زين ونبى علشان خاطرى
اخدها ادهم فى حضنه: اهدى يا حبيبتى
سيليا بانهيار: اهدى اى بيقولك ماتوااااا
زين بتوهان: اجهز يا ادهم علشان نروح نستلم جثمانهم
جريت سيليا على زين
سيليا: لا ونبى يا زين متقولش كده
اخدها زين فى حضنه
زين بدموع: ربنا يرحمهم
بعد مده من محاولتهم لتهدئه سيليا راحت فى النوم من كتر العياط فى حضن زين
زين بهدوء: خلى بالك منها يا حور هنحاول منتأخرش
راح زين هو وادهم على المستشفى
*فى المستشفى
الممرض: بشمهندس زين اتفضل معايا
دخل زين وادهم المشرحه وكانت من أصعب اللحضات الى مرت عليهم فى حياتهم
زين بصوت مخنوق وبيحاول يمسك دموعه: ه...هما
وراح حضن مامته
زين ببكاء زى الأطفال: هتوحشينى اوى يا ماما سبتينى ليه ده انا كنت لسة بكلمك امبارح
زين بدموع: ليه يا بابا كده قلتلوا خلى بالكوا من نفسكوا سبتونى ليييه
ادهم بدموع: لا حول ولا قوة الا بالله...ده انتوا كنتوا لسة معانا
الممرض: معلش يا باشا انا مقدر حالتك بس مينفعش كده ممكن تتفضل
سنت ادهم زين وقاله: يلا يا زين
تمت مراسم الدفن على أكمل وجه
*فى شركه المغربى
طارق بشملته: اى رأيك نضرب ضربتنا فيهم دلوقتى وهما مشغولين بم*وت ابوهم وامهم
ياسر: ضربتنا هتكون ادهم بدل ما يم*وتلهم اتنين يبقوا تلاته
طارق: دماغ بردو
ياسر: هوصى الرجاله يضربوا عليه وهما راجعين الفيلا
*فى عربية زين
ادهم وزين وهما راجعين البيت بليل
لقا زين نورهان بترن عليه
زين بتعب: لا يا نورهان مش وقتك خالص
ادهم: رد يا زين اكيد عرفت
زين بحزن: الو
نورهان بانهيار: اى يا زين الأخبار الى نزلت دى بابا وماما.... مم...ماتوا
زين بحزن: حقيقة يا نورهان مش مصدق الى حصل والله
نورهان ببكاء: احنا هنحجز ونيجى يا زين
زين: هتيجوا فين بس ملهاش لزمه خلاص احنا دفناهم الله يرحمهم
نورهان مقدرتش تتكلم وادت الموبيل لاحمد
احمد بحزن: لا حول ولا قوة الا بالله الله يرحمهم ويصبرنا على فراقهم يارب
زين: ياارب ، خلى بالك من نورهان يا احمد
احمد: فى عنيا طبعا
قفل زين مع احمد وكانوا وصلوا عند الفيلا
ادهم: يلا وصلنا هخلى اى حد يركن العربية
زين: ماشى
نزل زين هو وادهم من العربية وفجأه يسمعوا صوت ضرب نار
بيبص زين على مصدر الصوت لقا ادهم اخد رص*اصة فى ضهره وايده وهدومه كلها دم
زين بصدمه: ادهاااام
*فى الفيلا
سيليا:فى صوت ضرب نار بره
طلعت حور وسيليا جرى يشوفوا فى اى لقوا ادهم واقع على الأرض وكله دم وزين قاعد جمبه على الأرض
جرى عليهم الحراسة
زين بعصبية: اطلبوا الأسعاف بسرعه
حور بانهار: يالهوى يالهوى اى الى حصل
جريت سيليا على ادهم
سيليا ببكاء: لا لا علشان خاطرى يا ادهم مش هتبقى انت كمان
حور بدموع: لا يا ادهم انا مليش غيرك
ادهم بانفاس متقطعه والدم بيخرج من بقه: اا..انا بحبكوا ا...اوى
زين بخوف: اجمد يا ادهم علشان خاطرى حاول متغمضش ونبى
حور بدموع: وديه المستشفى بسرعه يا زين الأسعاف هتتأخر
شال زين ادهم لحد العربية وركبه فى الكنبه
سيليا: انا جاية معاكوا
حور: وانا كمان
ركبوا هما الأتنين مع زين وطلعوا المستشفى
*فى المستشفى
زين بعصبية: دكتور بسرعه
اخدو الممرضين ادهم على أوضة العمليات
وفضل زين وسيليا وحور بره
سيليا بانهيار: ابويا وامي مات*وا يا زين وجوزى بيم*وت هو كمااان ياااارب..يااارب
قرب زين من سيليا واخدها فى حضنه
سيليا كانت بتترعش وبتقول بانهيار: ليييه يارب ليييه وفجأه اغمى عليها
جريت حور على سيليا حاولت تفوقها مش بتفوق
زين بصوت عالى: يا جماعه دكتور
الممرضة: اتفضل فى الأوضة دى وثوانى والدكتور هيبقى عندك
حط زين سيليا على السرير
بعد دقيقتين جه الدكتور
بعد ما كشف على سيليا
الدكتور: انهيار عصبى نتيجه لضغط نفسى كبير بس ده خطر على الجنين يا جماعه
زين بصدمه: اى!!
حور بعدم استيعاب: جنين!
الدكتور: اه يا جماعه المدام حامل فى اسبوعين تقريبا
زين: هى هتفوق امتى؟
الدكتور: ساعه كده
حور: تمام
خرج زين وحور راحوا عند أوضة العمليات
حور من اول الى حصل وهى معيطتش خالص هى ساكته مش بتتكلم
قرب منها زين
زين بحنية: عيطى يا حور...سكوتك ده هيموتنى
اترمت حور فى حضن زين وانهارت من البكاء
حور بدموع: ااااه يا زين عمو وطنط الى كانوا باقينلى سابونى هما كمان لييييه يارب لييه انا عملت اى....وادهم كمان بيروح منى وسيليا وتعبانه...ااااه قلبى بيوجعنى عليك اوى..انا عارفة انك عايز تنهار بس مينفعش...معلش يا حبيبى
زين بدموع: الله يرحمهم يا حور مش قادر استوعب اصلا الى حصل...وادهم ان شاء الله هيبقى كويس متخافيش وسيليا بس تعبانه من الى حصل كله هيتصلح يا عمرى
بعد مده خرج الدكتور من أوضة العمليات
زين بقلق: اى يا دكتور ادهم عامل اى
الدكتور بملامح حزينه: للأسف...
يتبع.....
صدمه كبيره!!!
{19}
قاطعهم خروج الدكتور
زين: اى يا دكتور ادهم عامل اى
الدكتور بملامح حزينه: للأسف
ضغطت حور على ادين زين جامد
بلع زين ريقة بصعوبه: للأسف اى يا دكتور
الدكتور: الرص*اصه اخترقت القفص الصدرى وكانت هتدخل على القلب بس ربنا ستر بس للأسف دخل فى غيبوبه ادعوله
مشى الدكتور وسابهم
حور بدموع: هه..هيبقى كويس صح
زين بحزن: اه ان شاء الله...قضاء اخف من قضاء
قاطعهم صوت صراخ سيليا
جرى زين وحور عليها
حور: اهدى...اهدى يا سيليا علشان خاطرى
سيليا بانهيار: قلبى واجعنى اوى...ادهم مش كويس صح قوليلى حاجه ريحى قلبى ونبى
راح زين جمبها واخدها فى حضنه
زين: اهدى يا سيليا شوية ادهم خرج من العمليات الحمد لله بس...
سيليا بدموع: بس اى يا زين
زين: دخل فى غيبوبه لأن الرص*اصه كانت فى مكان خطر
سيليا بدموع: الحمد لله احسن ما ربنا كان يحرمنى منه خالص الحمد لله...يا حبيبى كان حاسس انه هيحصله حاجه
زين: طيب ممكن تهدى بقا علشان الدكتور قال ان ده غلط على الجنين
سيليا بصدمه: جنين مين
حور بابتسامه حزن: انتى حامل يا حبيبتى
سيليا بدموع: ادهم هيفرح اوى لما يقوم بالسلامه
*فى مكان اخر
ياسر بعصبية: م*مااااااتش ازاااااى م*ماتش
طارق بعصبية: هى العيله دى بسبع ترواح
ياسر بشر وحقد كان شيطانه هو الى متحكم فيه: لازم ادهم يم**وت فى المستشفى
طارق بحقد: هبعت حد بحقنه هوا والموضوع هيخلص
ياسر وهو مايك كأس الخم*ره: يعمل دكتور ويدخل من غير ما حد ياخد باله
كلم طارق الراجل الى هيقوم بالمهمة دى واتفقوا انه هيروح بعد يومين
فى اليومين دول كانت سيليا وحور دايما بيروحوا لأدهم ويفضلوا قاعدين معاه لحد ما زين يعدى عليهم
*فى المستشفى
ادهم نايم ومتوصل بأجهزه كتير اوى
وسيليا وحور قاعدين على كراسى جمب السرير
حور بدموع: وحشتنى اوى يا ادهم اوى وحشني واحنا بنرخم على بعض وحشنى خنقاتك مع زين...قوم بقا
سيليا بدموع: انا مش هروح ولا مره للدكتور من غيرك يا حبيبى...قوم وصدقني هسيبك تعمل الى انت عايزه
حور بتحاول تبطل عياط: تعالى نروح الحمام يا سيليا زين زمانه جاى...هزعل اننا كنا بنعيط
اول ما خرجوا كان بيراقبهم واحد عامل نفسه دكتور واول ما خرجوا جهز انه يدخل
قامت سيليا بالعافيه وراحت مع حور وبعد ما خلصوا لقوا زين جه
دخل الراجل الى طارق باعته لأوضة ادهم
*بره الأوضة
سيليا بملامح حزينه: هدخل لأدهم اخر مره قبل ما نمشى
اول ما دخلت سيليا لقت واحد بيرفع كم التيشيرت بتاع ادهم
سيليا بصوت عالى: انت مين؟
الراجل بارتباك: معاد الدوا حضرتك
سيليا بتحاول تعلى صوتها علشان زين يسمع
سيليا: ممكن اعرف اى الدوا ده
وقربت منه سيليا وشافت حقنة الهوا فى ايده
*برا الأوضة
حور: فى صوت عند سيليا جوه يا زين
زين: هدخل اشوف فى اى
اول ما دخل زين شافت الراجل الى عامل دكتور
جريت عليه سيليا
سيليا بصوت واطى من غير ما يسمعها الراجل: كان هيدى لأدهم حقنه هوا يازين
سابها زين وقرب من الراجل بهدوء
زين: ممكن اعرف اى الدوا يا دكتور
لسة الراجل هيتكلم بحركه سريعه من زين بقا هو على الأرض ومسدس زين على راسه
زين بعصبية: كلمى على بسرعه يا سيليا...انت مين يلااا مين الى باعتك
الراجل بخوف: ااا..انا محدش باعتنى
زين بتهديد: اقسم بالله لو متكلمت لهفضى الخزنه دى كلها فيك انطق
قاطعهم دخول الحراسة بتاعت زين
زين: خد الحيوان ده على المخزن وروقوه لحد ما ينطق
على: اوامرك يا زين بيه
مشى على ومعاه مجموعه من الحراسة والراجل الى باعته طارق
اول ما خرجوا الحراسة من المستشفى كان فى ناس بتراقبهم
واحد من رجاله طارق اتصل بطارق علشان يقوله الى حصل
طارق: الو
سراج(واحد من رجاله طارق): مدحت اتمسك يا باشا
طارق بعصبية: ازاى ده يحصل ازاااى
ابعت حد يخلص عليه قبل ما يقول حاجه يلااااا
*فى المستشفى
اول ما خرجوا دخلت حور ليهم
بسرعه
حور بقلق: فى اى يا زين
زين: فى حد بعت الراجل ده علشان يق*تل ادهم...يلا نمشى وانا هحط حراسة على الأوضة وعلى المستشفي كلها
مشيوا هما التلاته وراحوا الفيلا
اول ما وصلوا لقوا نورهان واحمد جم من امريكا
بعد مرور ست شهور مكنش بيحصل فيهم حاجه غير انهم كل يوم يروحوا لأدهم يطمنوا عليه وهو نايم مش حاسس بيهم وحور بقت حامل فى 5 شهور ونص
زين قاعد فى الشركه مع احمد لقا موبيله بيرن
زين بقلق: اى ده الدكتور بتاع ادهم يارب استر
احمد: رد ان شاء الله خير
زين: الو يا دكتور
الدكتور: الو يا زين بيه..ادهم بيه فاق
زين بفرحه: بجد انا جاى حالا
قفل زين مع الدكتور
احمد: اى الى حصل
زين بفرحه: ادهم فاق الحمد لله...روح هات نورهان وحور وسيليا وانا هروحله
احمد بفرحه: الحمد لله يارب...ماشى
نزلوا هنا الأثنين زين على المستشفى واحمد على الفيلا
*فى الفيلا
نورهان بتعب: انا حاسه انى تعبانه اوى انهرده مش قادره
حور بقلق: ما يمكن ولاده يا نورهان
يتبع....
سورى بجد يا جماعة انى نكدت عليكوا 🥺🥺🥺
{20} والأخير
*فى الفيلا
نورهان بتعب: انا حاسه انى تعبانه اوى انهرده مش قادره
حور: ما يمكن ولاده يا نورهان
نورهان: انا لسة فى التامن
سيليا كانت قاعده ساكته مش بتتكلم خالص وهى على الحال ده من يوم الى حصل لادهم
حور بحنيه: سيليا انتى كويسة
سيليا: احسن بكتير من الأيام الى فاتت مش عارف حاسه قلبى مرتاح كده وفرحان وده الى مزعلني انى فرحانه وادهم تعبان
حور بحزن: ربنا يقومه بالسلامة
قاطعهم موبيل نورهان
نورهان: الو يا احمد
احمد بسعاده: اجهزوا يا نورهان بسرعه انا جاى ليكوا ادهم فاق
نورهان بفرحه: بجد...ثوانى وهنبقى جاهزين
قفلت نورهان مع احمد
حور: فى اى
نورهان بفرحه: ادهم فاق
سيليا بدموع الفرحه: احلفى كده
نورهان بسعاده: اه والله احمد لسة قايلى
سيليا بدموع الفرحه: الحمد لله الحمد لله
لبسوا كلهم بسرعه ونزلوا لأحمد بس نورهان كانت تعبانه جامد
احمد بقلق: مالك يا نورى
نورهان بتعب: تعبانه شوية بس
احمد: واحنا فى المستشفى نبقى نطمن عليكى...يلا بينا
*فى المستشفى
زين: حمد لله على السلامه يا ادهم
ادهم: الله يسلمك يا زين امال الباقى فين
زين: زمانهم جايين..ومعاهم كذا مفاجأه
ادهم: مفاجأة اى؟؟
زين: هتعرف لما ييجوا
قاطعهم موبيل زين
زين: الو
المتصل: زين باشا عندى خبر بمليون جنيه
زين باستغراب: قول يا معتز
معتز(واحد من الى شغالين فى شركة زين): طارق المغربى وياسر المغربى اتقبض عليهم متلبسين فى تسليم شحنه مخدرات
زين بسعاده: يلا فى ستين داهيه...اهو الواحد يعرف يشتغل من غير وجع دماغ
قفل زين مع معتز وحكى لأدهم الى حصل
وصل احمد ونورهان وحور وسيليا المستشفى وطلعوا على أوضة ادهم
فتحت سيليا باب الأوضة من غير ما تخبط وجريت على ادهم
مسكت سيليا وش ادهم مابين اديها
سيليا بدموع: انت حقيقى صح...يعنى انا مش بحلم
ادهم بسعاده: لا حقيقة...اى ده انتى...
سيليا بابتسامه: اه حامل فى 6 شهور وكام اسبوع
حضنها ادهم وعيط فى حضنها
ادهم بدموع الفرحه: الحمد لله...الف مبروك يا عمرى
حور بتزمر طفولى: وانا مليش فى الحب جانب ياسى ادهم
بعد ادهم عن سيليا
ادهم بحب: ده انتى الحب كله يا حورتى...اى ده انتى كمان حامل
راحت حور وحضنت ادهم وقالت: اه شوفت فى 5 شهور ونص
ادهم: انا دخلت الغيبوبه وانتى مكنتيش حامل واضح ان استاذ زين مكنش همه تعبى وكان بيلعب
راح زين ناحيه حور وحضنها من ضهرها وقبل عنقها
زين بحب: كانت بتوحشنى اعمل اى
حور بكسوف: زيييين..عيب كده
زين: هو اى ال عيب يا بت انتى..انتى مراتى وهما عارفين على فكره
ضحكت حور بكسوف وسكتت
احمد: حمد الله على السلامة يا ادهم
ادهم: الله يسلمك يا ابو حميد
نورهان بتعب: حمد الله على....اااه مش قادره بولد يا احمد
احمد بخضه: يالهوى بتولدى اى انتى لسة فى التامن
نورهان بوجع: يعنى انا بولد بمزاجى...ااااه
شال احمد نورهان وطلع من الأوضة
احمد للمرضة بتوتر: مراتى بتولد اعمل اى اعمل اى
الممرضة: حطها على الترولى بسرعه ودخلتها أوضة العمليات
اتجمعوا كلهم عند أوضة العمليات
لقا احمد الدكتور داخل
احمد بقلق: خلى بالكوا منها ونبى هى أهم عندى من البيبى
الدكتور: ان شاء الله خير
احمد بتهديد: لو حصلها حاجه هطربق المستشفى دى كلها على دماغكوا والله
راح زين ناحيه احمد وقال: اهدى يا احمد مينفعش كده...احنا اسفين يا دكتور اتفضل
دخل الدكتور أوضة العمليات
بعد مرور ساعه و ربع
احمد بخوف: يارب قومها بالسلامه...هى اتأخرت كده ليه
سيليا: طبيعى يا احمد دى ولاده يعنى وكمان دى اول مره لازم بتتأخر
ادهم بخوف على سيليا: مش متخيل انك تبقى مكان نورهان كده هموت لو حصلك حاجه
سيليا بحب: ادعيلها وادعيلى اقوم انا والبيبي بالسلامه يا حبيبى
ادهم: يارب يا روحى...المهم مقلتيش ولد ولا بنت
سيليا: معرفش...مكنش ليا نفس اعرف حاجه وانت تعبان خليها مفاجأه بقا
عند زين وحور
زين وهو يقبل يد حور: ربنا يقومكوا ليا بالسلامه يا حورى
حور بخوف: يارب يا حبيبى
زين: انتى خايفة كده ليه
حور: خايفة على نورهان..وخايفة ابقى مكانها فى يوم
زين: هتبقى كويسة ان شاء الله وانتى هتقوميلى بالف سلامه انتى وبنوتتنا ان شاء الله
حور: بلاش الوثوق ده ممكن يكون ولد مش بنت
زين: الدكتوره قالت بت
حور: بس احنا عملنا صونار فى الأول وبقالنا فتره معملناش وهى مش متأكده اصلا
زين: نعمل صونار تانى ونتأكد
حور: لا خليها مفاجأه يوم الولاده بقا
قاطعهم خروج الممرضة
الممرضة لاحمد: الف مبروك ولد زى القمر
اخد احمد ابنه من الممرضة
احمد بقلق: ونورهان عامله اى
الممرضة: الحمد لله كويسة هننقلها أوضه عادية علشان تطمنوا عليها
شال احمد ابنه واذن فى ودانه
ادهم: الف مبروك يا احمد
زين: يتربى فى عزك ان شاء الله
احمد: الله يبارك فيكوا عقبالكوا يارب
خرجت نورهان من العمليات واطمنوا عليها
*فى الأوضة
احمد: هنسميه اى بقا
نورهان: عمرو
احمد بفرحه: عمرو احمد...ربنا يخليهولنا
بعد مرور شهر ونص
حور بتولد وكلهم متجمعين قدام أوضة العمليات
زين بقلق: بتولد فى اول السابع يا رب استر...والدكتور الزفت ده لسة مدخلهاش
ادهم بقلق: اهدى يا زين خير ان شاء الله
الدكتور جه ولسة جاى يدخل الأوضة مسكه زين من هدومه وحط مسدسه على راسه
زين بتهديد وعصبية: اقسم بالله لو حصلها حاجه لهموتكوا واحد واحد انت فااااهم
جرى عليه ادهم وشد منه المسدس
ادهم: معلش يا دكتور ادخل شوف شغلك...انت بعمل اى يا زين انت مجنون
زين بدموع: سامع صوتها وهى بتصوت بيقطع فى قلبى مش قادر..وبتولد فى السابع كمان وهى ضعيفة اوى وصغيره لسة 19 سنه...انا السبب انا السبب
ادهم كان قلبه بيتقطع على أخته بس مش عايز يبين علشان زين
ادهم بخوف على حور: هتقوم بالف سلامه ان شاء الله
بعد مرور ساعه ونص
خرجت الممرضة
الممرضة لزين: مبروك ولدين زى القمر لمامتهم
اخد منها زين الولدين وقال: حور عامله اى
الممرضة: الحمد لله زى الفل
ادهم بفرحه: ازن فى ودانهم يا زين
ازن زين فى ودن أولاده وبركوله كلهم وخرجت حور من العمليات
*فى أوضة حور
زين: هنسميهم اى يا حورى
حور بسعاده: يوسف وسيف
زين: حبايب بابا دول
بعد مرور شهر ونص ولدت سيليا وجابت ولد سموه مروان
*بعد مرور سنتين
حور نايمه على الترولى وبتولد
حور بصويت: منك لله يا زييييين...انت السبب...حور كانت بتقلد زين وهو بيتكلم: لازم نخاوى العيال نجبلهم اخت
زين بخوف على حور: خلاص انا اسف والله اخر مره
بعد خروج حور من أوضه العمليات
زين وهو شايل البيبى
حور بتعب: بنت ولا ولد يا زين
زين: بنوته زى القمر شبهك اوى..هسميها وعد
حور بهزار: علشان يبقى وعد اننا منخلفش تانى
زين بضحك: اتفقنا
*بعد مرور 6 سنوات
سيف: مامى ممكن اقولك سل (سر)
حور: قول يا عيون مامى
سيف ببراءة: انا بحب كارما بنت خالوا ادهم وعمتوا سيليا
حور بضحك: بتحبها
سيف: اه بحبها اوى ونفسى اتجوزها زى حضرتك وبابا
حور بضحك: الحق يا يا زين ابنك بيحب
شال زين سيف وقال: بتحب مين يا ولا
سيف: بحب كارما يا بابى ويوسف بيحب مكه بنت عمتو نورهان وعمو احمد وعمرو بيحب كاميليا
نورهان بضحك: يالهوى عليكوا
سيليا: ومروان بيحب مين بقا
مروان: بحب وعد يا مامى
شال زين وعد وقال بهزار: لم ابنك يا ادهم انا معنديش بنات للجواز
ادهم: ابنى راجل يعمل إلى هو عاوزه...وانا كمان معنديش بنات للجواز
كارما بزعل طفولى: لا يا بابى انا بحب سيف
كاميليا: وانا بحب عمرو يا بابى
احمد بضحك: يا خرابى عليكوا...بدأينها من بدرى اوووى
حور بتريقة: لا وفيت بوعدك فعلا يا بشمهندس زين بأمارة دى
شاورت حور على بطنها وكانت حامل
ضحكوا كلهم عليها
زين بتريقة: سووووورى
The End
تمت بحمد الله
------------------------------
يت....لا مفيش يتبع علشان خلصت خلاص🥺
اتمنى تكونوا حبيتوا الرواية واستمتعتوا بيها♥️♥️
ان شاء الله هبدأ فى تنزيل رواية ليا تانية يوم السبت بأذن الله ♥️♥️
