 |
رواية عشق الرعد
الفصل التاسع والعاشر
بقلم سماء أحمد
اتفق جد عدي مع محمد علي الخطوبه بعد أسبوعين حتي عوده رعد
ومر الاسبوعين بدون احداث تزكر
*رعد وعشق كما هما احيانا تكون مشاغبه وهو مثل والدها يراوضها واحيانا تبكي واحيانا عاقله وهو سعيد جدا بها وهي لم تكلمه بخصوص سفره ودائما تتألم لتذكرها رفيقتها وطريقه كلامها معاها
*عدي وجودي يرفعها لسابع سما وهي سعيده حتي ولو لن تدوم كما تشعر واحيانا تبكي حين تذكرها لعشق وعادة ما يلاحظ عدي هذا
*ادهم ولارا دائما هو يحاول ان يصالحها ولكن هي لا تستسلم وتطلب منه الطلاق
*مالك وچيلان لم يتحدثوا كثيرا ولكن كلما تحدثوا لا تخلوا من مشاغبه چيلان وعنادها
*يارا تحاول نسيان جاسر الذي لا يعيرها انتباه فهو يحب غيرها ولكنها حتما تعشقه
************************************
دخلت عشق الغرفه
عشق : رعد قوم يا كسلان.... ايه ده انت صاحي وخدت شاور كمان
رعد بتنهيد : عشق اقعدي
عشق وقد شعرت بقلق : حاضر
رعد : انا هرجع القاهرة النهارده لان بعد بكره خطوبه صاحبي
عشق : هترجع..... بدأت الدموع تظهر في اعينها..... فهمت انا كنت سمعتك بتكلم صاحبك وبتقوله انك هتسيبني
رعد : بتعيطي ليه
عشق ببكاء : عشان هتسيبني وهبقي لوحدي
مسك رعد وجهها بأيده ومسح دموعها
رعد : مين قالك هسيبك
عشق : انا سمعتك
رعد : انتي سمعتي ان اللي هتجوزها هسيبها مش عشقي
عشق : يعني ايه
رعد : يعني انتي هتيجي معايا فحابب اقولك اجهزي عشان هنمشي كمان ساعتين
عشق : بجد
اومأ رعد برأسه وقبل جبينها وحضنها
عشق : في حياتك ما تسيبني يا رعد.....حتي لو عايز تتجوز اتجوز بس سبني جنبك ماشي
رعد : هههههه في حد يبقي معاه الشمس دي ويفكر يتجوز
عشق : وجهه نظر بس ليه شمس مش قمر
رعد : لان القمر جسم معتم لكن الشمس مضيئه دايما
عشق : يعني انا شمسك
رعد : انتي شمسي
عشق : وايه كمان
رعد وهو يقترب : وعشقي
عشق : وبس
رعد وقد لمست شفتاه شفتاها : وطفلتي وقبلها بحب وكانوا غائبين عن الواقع بعدها عنه وامرها ان تجهز ملابسها لكي يذهبوا وهي ظلت تفكر فيما حدث وتنظر في المرآه لوجنتها المشتعلتان
وبالفعل ذهبوا ووصلوا للقاهره وخاصة قصرهم ودخلوا سويا وانبهرت بالقصر والحراس في كل مكان ينحنوا باحترام له
عشق : انت شغال مع مافيا
رعد : لا ليه
عشق : اصل ازاي ضابط يبقي عنده القصر ده كله
رعد : هو انا مقولتلكيش
عشق : لا مقولتش
رعد : انا ضابط ورجل اعمال
عشق : ازاي دي
رعد : زي الناس..... داده سميحه
عشق : مين دي
رعد : الداده دي يا ستي ماما نورهان جابتها ليا من القصر عشان اكلي ولبسي كده لاني كنت بجيب خدامه مؤقته
الداده سميحه بابتسامه : اهلا يا رعد بيه
رعد : ازيك يا داده
الداده : الحمدلله
رعد : دي عشق مراتي
عشق : اهلا يا داده
الداده : اهلا يا بنتي
رعد : روحي يا داده جهزي العشا
الداده : حاضر
رعد : عشقي اوضتك جنب اوضتي في الدور التاني وعندك فساتين سهره كتير عشان مناسبتنا هتكتر وانا عارف ان هدومك كلها كاجول
عشق : اشطاا
واكلوا سويا وذهبوا الي غرفهم
عشق : حاضر تصبح على جنه
رعد : وانتي من اهلها
وتركته وذهبت الي غرفتها اخذت شاور وهو كذلك ونام ولكن سمع صوت بكاء بجانبه
رعد : عشق بتعملي ايه هنا
عشق : انا خايفه
رعد : من ايه
عشق : بحلم بكوابيس بليل وبخاف انام لوحدي
رعد : يعني انتي مكنتيش بتنامي لوحدك
عشق : لا ايمان او زينه او جودي بيناموا معايا واما جيت الصعيد انت
رعد : هشش خلاص تعالي نامي معايا
واخذها في حضنه وقبل جبينها وغطا في نوم عميق
*************************
في اليوم التالي
كانت عائله عدي تجلس سويا بما فيهم جودي وعدي
مالك : الخطوبه بكره رعد جيه
عدي : كلمته امبارح وقال اكيد
همس : يس ابيه رعد هيجي
جاسر : مش عارف متعلقه بيه ليه دا حتي دمه تقيل وعصبي وبااااارد تلاجه
لارا : واللهي انت اللي بارد دا رعد سكر
ادهم : رعد ايه
يارا محاوله تهدئه الجو : ابقي خليه يسمعك او يسمعه
نورهان : هيموتك بكل برود ويرش عليكم سكر...عدي هو جاب مراته
عدي : كان قايلي مش هيجيبها قبل الجواز بس بعد مخصماك معتقدش
ضحك الكل
نورهان : طيب رن عليه
عدي : اكيد بيرتاح هرن عليه كمان شوية.....جودي تعالي عايزك
جودي : حاضر
وذهبوا سويا الي غرفتهم
حضنها عدي : وحشتيني اوي
جودي بخجل : وانت كمان
عدي : لسه بتتكسفي دانا زي جوزك يعني
جودي مبتسمه : خلاص مش هتكسف
عدي : طب غمضي عيناكي
اغمضت جودي اعينها واخرج عدي فستان اوف وايت بكم مطرز باللون الدهبي من اعلي واطرافه يتوسطه حزام اوف وايت وحجاب نفس اللون ففتحت جودي اعينها وفرحت كثيرا
جودي : الله يا عدي جميل اوي
عدي : عجبك يا قلب عدي
جودي : اوي شكرا وقبلته من وجنته
عدي : ايه ده هو حد قالك اني ابن اختك
جودي : ماشيها بقي
عدي : خلاص سماح المره دي.....البسيه بكره اظن مش جبتي حاجه لسه
جودي : اي
عدي : طيب هسيبك واروح اكلم رعد
جودي : مين رعد
عدي : رعد ياستي صاحبي وشريكي انا وهو مكناش نعرف بعض بس هو اتعرف علي مالك من 3سنين في الشغل ومالك عرفني عليه وانا كنت عايز اعمل شركه خاصه منفصله عن شركة العيله وهو بقي شريكي بالنص وبعدين حصل مشكله من سنه وهو بقي اقرب واحد ليا بعدها
جودي : كل العيله بتحبه اوي
عدي : حتي جدي احنا اتعودنا عليه كتير وحتي طلبنا منه يعيش معانا بس كان رافض عشان البنات وكده
جودي : واللهي خلتوني احترمه قبل مااشوفه
عدي : كل اللي يعرفه يحترمه.....المهم همشي انا وهبعتلك حد من البنات يقعد معاكي
جودي : اوكي.....وذهب عدي وبعد وقت جاءت لارا تجلس معاها وكانوا يتحدثون سويا
لارا : ايه هو مفيش بيبي
جودي : لسه بدري اوي
لارا : ولا بدري ولا حاجه.....جودي مالك....
كانت جودي تمسك رأسها بألم ثم تضغط بشده
لارا : جودي مالك......هنادي لعدي
رفضت جودي محركه برأسها
لارا : يعني مش اول مره
كانت جودي تبكي وتتألم فسندتها لارا لسرير
لارا : ممكن تفهميني ايه ده
جودي بصوت تجاهد لاخراجه : من فتره وانا كده
لارا : انا خايفه ليكون.....
جودي : وانا عشان كده ناويه احلل بعد خطوبه چيلان الم صعب بيخليني اخبط دماغي في الحيطه
لارا : مقولتيش لعدي ليه
جودي : لارا انا حساكي اختي وهحكي ليكي بس اوعديني انك متقوليش لحد
لارا : اوعدك
وبدأت تقص لها عن زواجها من عدي
*******************************
كانت عشق تمسك ورقه وترسم ورعد يتدرب فملت كثيرا
اتصل عدي برعد وقاطع تمرينه
رعد : عايز ايه
عدي : يخربيت كلامك اللي زي السم
رعد : اخلص
عدي : انت جيت
رعد : اي انا في القاهرة
عدي : تمام تعالي
رعد : بكره في الخطوبه
عدي : انت بتهزر
رعد : لا معرفش اجي عشان.....
عشق : اوف يا رعد انت نازل هنا دودودودووو وانا هموت من الملل وقاعده لوحدي
رعد : هههههه مجنونه
عشق : وانت غلس بقي هااااه عشان سايبني
رعد : انا غلس
عشق : بهزر يا رعود انت بارد بس واخرجت لسانها وجرت
رعد : هههههه هبله وطفله....عدي انت هنا من امته
عدي : ههههه من دودودودوووو لحد طفله.....انت جبتها معاك
رعد : اي هبقي احكيلك بكره
عدي : تمام هستناك سلام
وقفل معه وذهب لعشق وجده ترسم
رعد : بتعرفي ترسمي
عشق : بيقولوا
رعد : معاكي فون
عشق : كان بس اتاخد
رعد : خلاص تمام وريني رسمتي ايه
وجدها رسمته
رعد : مين ده
عشق : المفروض جوزي
رعد : وجوزك حلو كده
عشق : لا احلي....رعد ممكن طلب
رعد : تؤمري يا عشقي
عشق : عايزه فونك اكلم حد
رعد : باباكي هرن عليه
عشق : لا جودي
رعد : اللي كنت حكتيلي عنها
عشق : ايوه
رعد : انا هنزل الشغل بعد بكره هاتي الاسم وانا هجبلك عنوانها
عشق : لا انا خايفه متسامحنيش ووقتها هتعب
رعد : خدي الفون ونتكلم بعدين
****************************
كانت لارا تفكرا في ان تخبرها ولكنها قالت انه ليس من حقها وفاقت علي كلام جودي
جودي : بس ياستي حاسه انه حابب يكسرني
لارا : بتهيألي تهيأك غلط
جودي : مش عارفة
لارا : المهم بكره هعمل اي حجه واخدك وتحللي انا مش هقدر انتظر لبعد الخطوبه
جودي : ولا انا فهروح واللي فيه الخير يقدمه ربنا
رن فون جودي فردت
جودي : الو....الو.....مين
عشق تبكي :.........
جودي : الو
لارا : مين ده
جودي : مش عارفة يا لارا.....الو....هقفل.......عشق
قفلت عشق الفون مجرد سمعها لاسمها
لارا : معرفتيش مين
جودي : بيتهيألي عشق......بس عشق مش هترن ومتردش
لارا : يمكن
************************************
في اليوم التالي اخذت لارا جودي وفعلوا التحليل واخبرتها الطبيبه ان النتيجه بعد أسبوع
تحدث رعد مع نورهان واخبرها انه سيأتي مع زوجته الي الحفله
ذهبت الفتيات الي البيوتي لكي يتحضروا للحفله واجبر ادهم لارا ان تبقي معه في الحفله
في البيوتي سنتر
لارا : الله ع الجمال يا ولاد
چيلان : ميرسي
يارا : ايه العسل ده
جودي : مش اختي يبقي طبيعي
چيلان : بارده بس مزه
جودي : قمر بس لسانها طويل
رن تليفون چيلان فابتسمت
چيلان : وحشتني قد السما والنجوم والكواكب
احمد : وانتي كمان يابكاشه
لارا : الله الله البت وقعت
چيلان : هستناك النهارده مش تنسي انه كتب كتابي مع الخطوبه
احمد : چي چي سماح المره دي عمار تعب جامد
چيلان بدموع : يعني مش جاي
احمد : چي چي اسف
چيلان : خلاص ماشي
احمد : وحياه صداقتنا يا عروستي متزعلي
چيلان بابتسامه : عشان الكلمه دي مش زعلانه
احمد : هي دي عروستي.....جودي عامله ايه
چيلان : كويسه الحمد لله
احمد : يارب دايما.......يلا سلام
چيلان : سلام يا عريسي
وقفلت مع احمد ووجدت جودي تنظر اليها كأنها تترجها ان تحدثها عنه
چيلان : هو كويس ومعرفش حاجه عن عشق لاني مسألتوش وهو مقالش ودايما بيسأل عليكي وقالي عمار تعبان ومش هيعرف يجي
جودي بدموع : مش هيجي......اخويا
چيلان : اكيد تعب عادي لو غير كده كان قالي
جودي : اوكي
وجهزت الفتيات وتوجهن الي مكان الحفله
*********************
رعد : عشقي خلصتي
عشق : ايوه نزلت اهوو
رعد : يخربيت جمالك
كانت عشق ترتدي فستان ازرق داكن طويل ضيق حتي الركبه ثم يتسع ذو كم شيفون عاري الاكتاف وتركت شعرها مفرود للخلف وما زادها جمالا سلسله والدتها
عشق : يخربيت جمالك
كان رعد يرتدي بذله سوداء ويصفف شعره ويضع برفانه الخاص الذي يأسر القلوب وما زاده وسامه عيناه الخضراء
رعد : يابنتي اخاف تتخطفي مني
عشق : ايه العسل ده يا بابا
رعد : ههههه.....خدي الفون ده بشريحه جديده
عشق مقبله وجنته : شكرا يا احلي رعود
رعد : يلا قدامي انا اصلا مش مركز
عشق : اففف انت طويل ليه
رعد : ههههه ليه يعني
عشق : اصل اصحابي دايما كانوا يقولولي اني طويله اوي ومش هلاقي عريس وانت جيت اطول مني فبحاول اكون طولك ولبست كعب بس انا لسه قصيره عنك
رعد : بس انتي مش قصيره عني كتير دانتي واصله لانفي
عشق : اففف كنت عايزه ابقي طولك
رعد : امشي يا مجنونه
عشق : اوكي يا عاقل
****************************
نورهان : الله چي چي عسوله اوي
لارا : ومالك كمان
علي : عدي رعد فين
عدي : زمانه جاي
يارا : هو اتأخر ليه
جاسر : اكيد المدام بتاعته
عدي : اي صحيح دا جابها
يارا : اكيد فلاحه ومحجبه ومفلطحه وقصيره
جودي : يمكن تطلع العكس
جاسر : مستحيل هي معاه.......... الكينج رعد وصل
***********************
بقلم / سماء كريم أحمد
الفصل العاشر
دخل رعد الحفله ممسكاً بيداها وتحولت انظار الصحافه لرعد وزوجته عشق
همس : ابيه رعد اتجوز موديل
لارا : بتهزري......ايه ده
نورهان : ايه
لارا : دي شبه الصور اللي عند جودي
حين استمعت جودي لكلامها فزعت من مكانها وتمنت لو تكون هي ولكنها لم تعد تظهر من الصحافه
عدي : جودي تعالي اما اعرفك علي رعد
جودي : طيب
وذهبوا بإتجاههم
رعد : ايه يا عم انت دي كلها صحافه
عدي : الكينج بقي فطبيعي
رعد : واقفه ورايا ليه
عشق : غلاسه.....انا عشق اتشرف..... جودي
جودي : عشق
رعد : انتم تعرفوا بعض
عشق بسرعه : وحياة عيالك ان كان عندك عيال متعيطي احنا في حفله وانا اسفه بس اضطريت اعمل كده عشان عاصم وجلال ميأذوكيش لاني كنت ناويه اهرب بس رجعت في رأيي ورحت اتجوزت وطلع الاخ ده العريس ومكنتش عارفه اكلمك لاني كنت عارفه اكيد انك تعبتي وبعدين جيت القاهره من يومين وكنت عايزه اسأل عليكي بس رجعت في رأيي خفت ورنيت عليكي امبارح من فون نفس الاخ ده بس مش عارفة مقدرتش اتكلم او مكنتش هتكلم اثلا
ضحك عدي ورعد بشده مما الفت نظر الجميع
جودي : اثلا
عشق : اصلا
جودي : هههههه وحشتيني كتير كتير من هنا لفلسطين
عشق : وحشتيني قد العشق اللي بعشقهولك
وحضنا بعضهما وحاولا منع دموعهم
رعد : نسلم بقي.......ازيك يا ندل
عدي : احسن منك يا غلس
عشق : شوفت يا رعود باشا مش انا لوحدي اللي بقولك غلس
رعد : بالله عليكي بطلي الفاظ الاطفال دي هنا احنا مع ناس عاقله
عشق : يعني انا مجنونه يا رعد
رعد : لا يا عشقي انتي اعقل واحده في الكون
عشق : منا عارفه......دي جودي اممم اختي وصديقتي وامي وبنتي وتوأمي
جودي : عدي دي عشق عشقي يعني كل حاجه ودا عدي جوزي
رعد : دا دودي صاحبي وشريكي
عدي : دا رعد الكينج واظن غني عن التعريف
جودي : اي يا استاذ رعد كلهم كانوا بيشكروا فيك
رعد : استاذ ايه انتي زي اختي فقولي رعد
همس : ابيه رعد وجرت عليه وحضنته
رعد : احلي همس في الدنيا وحشتيني
همس : وانت اكتر سيبتنا ليه
عشق لنفسها : هو في حد يغير من طفله بس انا غيرت......ليه عايزاها تبعد عنه
رعد : عشان اتجوز الحلوه دي
همس : دي شبه ماما ياابيه......اهلا يا.....
عشق : عشق اسمي عشق
همس : اهلا وسهلا
عشق : اهلا بيكي
رعد : تعالي اعرفك علي بقيت العيله
جودي : ثانيه واحد يا رعد...... عشق انتي هتشوفي واحده اسمها طنط نورهان
رعد : ماما
جودي : ايوه هي نفسها ماما نور في الشكل الشكل وبس فهمتي
عشق : مش فاهمه حاجه دي خطوبه مين اصلا ونورهان شبه ماما ازاي
جودي : اهدي بس وتعالي معايا اولا دي خطوبه چيلان
وذهبوا سويا الي المكان الذي يجلس به الجميع سلم الكل علي رعد وزوجته ولكنها نظرت لنورهان نظره غريبه وكذلك نورهان وجلست بجانب رعد وامسكت يده بقوه
نورهان : اهلا يا بنتي
عشق وهي تبتلع ريقها : اهلا يا...........طنط
جودي : دي عشق اختي في الرضاعه
جاسر : عارفها دا حتي اما شوفت صورها عندكم كانت صغيره عن كده بس حلوه واتقدمتلها
رعد : اتقدمت لمين ياخويا
جاسر : اسفين يا كينج مكناش نعرف انها تخصك
رعد : ايوه كدا اتعدل.......ازيك يا جدي
علي : الحمد لله ازيك يابني..... ماشاء الله مراتك حلوه
رعد : عشق..... عشق مالك فيكي ايه
عشق : مفيش ممكن اشوف خالتو وانكل وچيلان
رعد : اكيد روحي بس چيلان استني نبارك سوا
عشق : حاضر.......جودي تعالي معايا
جودي : يلا يا عشقي
وذهبوا الي ثناء ومحمد الذين بكوا فور رؤيتها وچيلان التي لاحظتها من بعيد فاستغربت وظنت انها ليست هي وحكت لهم عشق عما حدث معها
علي : سبحان الله يخلق من الشبه اربعين
نورهان : انا مش مصدقه يبقي في مني نسختين كده
رعد : انا اتمنيت ان اتجوز واحده شبهك تقوم تطلع في الشكل اوي كده
لارا : كان باين عليها متوتره اما شافت ماما
يارا : اكيد لازم كده في واحده تشوف نسخه منها ومن مامتها وتبقي طبيعيه
رعد : تعالي يا عدي ناخد البنات ونبارك لمالك
عدي : يلا
وذهبوا وباركوا الي چيلان التي ذهلت من رؤية عشق وحاولت عشق عدم جعلها تبكي وجعلتها تضحك ثم ذهبوا الاربعه وجلسوا سويا وحدهم
رعد : فين ادهم
عدي : مش عارف مجاش ليه
رعد : نفس الموضوع
عدي : اي
رعد : فاكر الرهان
ادهم : انا فاكر
قام رعد من مكانه وسلم عليه
رعد : فينك يابني
ادهم : في الدنيا
عدي : مالك يا ابني
ادهم : قلبي بيوجعني اوي ياصاحبي
رعد : الوجع للبنات بس
عشق : اسفه ع التدخل بس لو الموضوع بيخص القلب اقدر اقول ان البنات بيتعلقوا بسرعه وبيتوجعوا بس وجعهم مش بيدوم زي الشباب لانهم بياخدوا وقت كبير علي اما يتعلقوا بالبنت بس اما بيتوجعوا وجعهم بيدوم لوقت كبير او يمكن للابد وانا شوفت بابا علي سبيل المثال
ادهم : حكيمه بمعني الكلمة مين الموديل
رعد : عشق مراتي يا ادهم
ادهم : اتشرفت يامدام عشق
عشق : الشرف ليا
ادهم : المأذون وصل خايف لتيجي وتقولي يلا نطلق مكنتش عايز اجي عشان كدا
رعد : يخربيت كده يابني بتعشقك فهمت
عدي : يلا عشان نشهد علي كتب الكتاب انا وانت يا رعد
وبعد كتب الكتاب جاء معاد رقصه السلو
رعد : بتعرفي ترقصي ولا اجيب واحده من اللي هنا
عشق : لا هات مش بعرف
جودي : ملكه الرقص مش بتعرف ترقص مجرد سلو
رعد : ملكه الله الله
عدي : هنادي لادهم ومنه خطه
رعد : جدع......هستناك انا وعشق وجودي في الحديقه الخلفيه
عدي : تمام
وبعد محاوله اقناع جاء ادهم ولارا سويا ومحاوله اخري وافقت عشق ان ترقص
وبدأوا ثلاثتهم الرقص
عند عدي
جودي : عدي
عدي : نعم
جودي : اعرف حاجة واحده انا بعشقك ومش منتظره تقولها
عدي : وانا كمان بعشقك يا جودي
جودي : نفسي اصدقك
عدي : الافضل متصدقيش لان ده هيألمك
عند رعد
عشق : رهان ايه
رعد : اني مستحيل اتجوز ولو حصل هرقص سلو مع مراتي مع اني بكره الرقص
عشق : لارا مرات ادهم
رعد : مكتوب كتابهم بس وبيحبوا بعض بس مشكله حصلت
عشق : تخليه متضايق كده
رعد : ايوه....سافر من وراها لانه عارف لو قالها هتعند وتروح معاه وكان في خطر في السفريه دي فاضطر يروح من وراها وحد ضرب عليه نار من اعداءه وجات رصاصه فيه بالغلط وهي سافرت ليه وقعدت معاه لحد ما بقي كويس وبعدين طلبت الطلاق وهو رافض وهي مصره
عشق : بس هي كده فعلا هتخسره
رعد : مش عارف اصدها ايه
عشق : ربنا يهديهم
عند ادهم
ادهم : مش هتسامحيني بقي
لارا : وانا اهمك في حاجة
ادهم : لارا انتي كل حياتي
لارا : لو انا كده فعلا فطلقني
ادهم : انتي مصره
لارا : ايوه
فانتهت الاغنيه فحضنها ادهم ورفعها لتصل لطوله وانسحب عدي ورعد وجودي وعشق وتركهم سويا
ظل ادهم يحملها بعد الوقت وهو يحضنها ثم انزلها
ادهم : لارا انتي عمري وحياتي وقلبي وكل حاجة ولو طلبك الوحيد الطلاق ف.......اقترب منها وقبلها كأنه يودعها وبعد عنها......انتي طالق
وتركها وذهب ونزلت دموعه وهي سقطت ودموعها نزلت بغزاره تمنت لو لم يفعل ذلك فهي تعشقه
بعد وقت ذهب كلا منهما لمنزله ولم تري لارا ادهم ووعدت عشق جودي بزيارتها وذهبت مع رعد
*******************
في اليوم التالي
استيقظت عشق من النوم ولم تجد رعد ولكنها وجدت رساله منه انه في عمله ولكي لا تمل امر بعض الناس بعمل مرسم لها بجانب غرفه الرياضه وان تذهب اليه ففرحت كثيرا وبدأت ترسم
**************
مر يوم واليوم التالي التقت جودي بعشق ولارا ويارا لتسوق وفرحوا كثيرا وقرروا الذهاب لشركه رعد وعدي لان اليوم يعملان سويا هناك وقررت يارا اخذ لارا لشركه جدها حيث يوجد ادهم ومالك وجاسر ولكن لسوء حظ لارا لم تجده فبكي قلبها قبل عينها
في شركه رعد وعدي
ذهبت جودي لعدي ودخلت وجلسوا يتحدثوا كثيرا
عند رعد
ذهبت عشق للسكرتيره ووجدتها تلبس ملابس ضيقه وقصيره كأنها في ملهي ليلي
عشق : قول لرعد عشق جات
سها : انتي مجنونه اسمه رعد بيه
عشق : ملكيش فيه اقوله رعد اقوله بيه ده ميشغلكيش
سها : لا يشغلني ومنتش داخله
عشق : هو بمزاجك
سها : امال بمزاجك
عشق : هدخل وحسابك بعدين
ودخلت وحاولت سها منعها ولكنها فتحت الباب فقالت سها
سها : انتي واحده حيوانه
رعد بعصبيه : مين دي الحيوانه
سها : قصدي عليها هي
ذهب رعد لعشق وشدها لحضنه
رعد بعصبيه : انتي عارفه بتشتمي مين دي مراتي
سها : اسفه يا رعد بيه
رعد : اعتزري للهانم
سها : اسفه يا هانم
عشق : امممم ماشي بس بعد كده هدخل بدون اذن
رعد : اكيد يا عشقي
وقفت سها مزهوله اهذا نفسه رعد الشركه
عشق : بطل عصبيه لان انفك بيحمر وبتبقي حلو والبنات هتعاكسك وانا هتضايق من رعودي
ضحك رعد بصوت مما ظهرت وسامته فسرحت سها في ضحكته مما اغضب عشق
عشق : انتي يا بتاعه علي شغلك ولبسك يتغير انتي في شركه محترمه فهمتي
سها : حاضر وذهبت وتركت رعد يرحب بعشقه
عشق : اوف بتضحك ليه
رعد : مانتي اللي بتضحكيني
عشق : مكتوب علي وشي نكته
رعد : هههههه مجنونه......ايه سر الزياره
عشق : بصراحه وحشتني
رعد : تصدقي وانتي كمان........وحضنها ودفن رأسه في عنقها وهي فعلت المثل وظلوا هكذا وقتا
عشق لنفسها : اااااه لو افضل كده علي طول حاسه بأمان وراحه في حياتي محستهم
رعد لنفسه : اااااه كان نفسي تبقي بحبك بدل وحشتني ياتري عشق هتعشق رعد زي ما رعد عشقها
وتركا بعضهما وتوجه رعد لكرسيه وجلست امامه علي المكتب عشق
رعد : اتغديتي
عشق : لسه مفطرتش
رعد : ليه بقي
عشق : منتا كنت بتخليني افطر وانا كنت كده كده مش متعوده فرجعت ريما لعادتها القديمه
رعد : هههههه هطلبلك بيتزا
عشق : من السئيله اللي برا
رعد : اي
فنزلت عشق وجلست علي رجل رعد ووضعت يداها حول عنقه
رعد : عشان يبان كل حاجه حقيقي..... وقبلها بجانب شفايفها مما جعلها تخجل وتتلون ودخلت سها ورعد وضع يده حول خصر عشق فتضايقت
رعد : هاتي بيتزا للمدام و2بيبسي
سها : حاضر يافندم وتركته وذهبت
عشق : جودي هنا هاتهم ياكلوا معانا
رعد : امرك سنيوريتا
قامت عشق من مكانها ورن رعد علي عدي وتجمعوا واكلوا سويا وذهبوا للتنزه وفرحوا كثيرا ثم عاد كل منهما لمنزله
************************************
بعد يومين
كانت عشق تجلس في ملل لان رعد اليوم ذهب للمبني المخابرات وتركها
عشق : اوف يوم يبقي في الشركه ويوم في مقر المخابرات وانا اقعد لوحدي ما يخدني معاه ابقي سكرتيرته بس لا ممنوع مرات رعد الشافعي تشتغل عاااا انا زهقت
الداده سميحه من ورأها : عشق يا بنتي انتي بتكلمي نفسك
عشق : اي يا داده اصلي بعيد عنك اتهبلت
انفجرت الدادة ضاحكه علي هذه المجنونه
الداده سميحه : طيب قولي مالك
عشق : ذهقانه اوي يا داده ورعد باشا في شغله في حد يشتغل شغلتين اوف حتي يوم الجمعه بيقولي بيشتغل الله وسايبني اقوله شغلني معاك يقولي لا طبعا مرات رعد الشافعي متشتغلش عااااا مستفز
الداده بضحك : معلش يا بنتي طيب اقولك ارسمي
عشق بحزن : مش عايزه.....انا هطلع اقعد في الجنينه عن اذنك
الداده : طيب خدي فونك
عشق : لا مش عايزه اكلم حد وذهبت وجلست علي كرسي ضمت ارجلها لصدرها وظلت تنظر للورود وشارده
في الداخل
رن فون عشق فأخذته الداده لها
الداده : عشق يا بنتي فونك بيرن
عشق : مين
الداده : رعود.....دا رعد
عشق : مش عايزه اكلم حد لو سمحتي يا داده طلعيه اوضتي ولو رن علي البيت قوليله نايمه او اي حاجة اوكي
الداده : حاضر يا بنتي
دخلت الداده وجدت فون المنزل يرن فعلمت انه رعد فاجابت
الداده : الو
رعد بقلق : داده فين عشق انا رنيت مش بترد هي كويسه
ابتسمت الداده علي نبره صوته وعلمت بحبه لتلك الفتاه : هي كويسه بس.....
رعد : بس ايه يا داده
حكت له ما بها
رعد : هي فين
الداده : قاعده في الحديقه
رعد : طيب سلام
وقفل معها واخذ فونه ومفتاح سيارته وذهب وفي الطريق رن علي عدي
عدي : ايه يابني لحقت اوحشك
رعد : عدي هات جودي وتعال القصر عندي
عدي بقلق : في ايه
رعد : عشق ذعلانه ومتضايقه انها قاعده لوحدها فجودي هتفرحها
عدي بابتسامه : يعني عشان عشقك ذعلانه تعمل كده
رعد : انا اهد الدنيا عشانها المهم تعالي بسرعه تمام
عدي : تمام سلام
وقفل معه وقال ههههه رعد الشافعي وقع وعشق
وصل رعد ودخل خلع جاكته وسأل الداده عن عشق فاخبرته انها كما هي فدخل واشار للحرس بالذهاب وحزن لحزنها ومشي ورأها بهدوء وانحني قبل وجنتها فرفعت اعينها له ثم انزلتها مره اخري ولم تتكلم
رعد : عشقي.....عشق......ثم تكلم بعصبيه وشد يداها لتقف امامه ....اما اكلمك تردي انا مش بكلم نفسي فاهمه قالها بصراخ
عشق بدموع تهدد بالنزول وحزن : حاضر
اغمض عينه ليهدأ ولعنه نفسه لصراخه بوجهها ثم فتحها ومسح دمعه نزلت منها وحضنها وقبل جبينها
رعد : انا اسف يا عشقي
عشق : انا اللي اسفه لاني مردتش عليك بس كنت متضايقة انك سبتني لوحدي
رعد : بحكم الشغل اسف
ثم بعدها وقرص وجنتها وقال الوقتي هخلي عشقي تضحك والقصر كله يسمع ضحكتها
عشق موضعه يداها في خصرها : ازاي بقي يا رعود باشا
ابتعد عنها ومسك خرطوم الماء الذي يسقي به الورود ووجهه ناحيتها
عشق : رعد لا واللهي لوريك وجرت ورأه وهو جري فنطت علي ظهره وحملها وهم يضحكوا بشده
عشق : ههههههه مسكتك
رعد : يابنتي بطلي لعب الاطفال ده وانزلي من علي ظهري افرضي حد شافنا
عشق بعند : لا واللي يشوف يشوف انت جوزي وانا حره هاااه وقبلته من وجنته
رعد : اذا كان كده عادي خليكي
فضحكت ونزلت ومسكت الخرطوم ووجهته اليه فغرقت ملابسه بالماء فاتجهه اليها وحملها وظل يدور بها
***************
بقلم / سماء أحمد
تكمله الروايه من هنا 👇👇👇
بداية الروايه من هنا 👇👇👇
