 |
عشق_الفيروز
الحلقة_الأولي
بقلمي_ولاء_رفعت_علي
عندما تضحك لك الحياه وتفتح لك ذراعيها فاعلم مابعد ذلك ستقع في بحور الظلمات لأن لاشىء يدوم للنهاية ... ولكن مهما طال الظلم وطالت قسوة الدنيا فلابد من مجىء نور الحق بالنهاية ...بقلم : ولاء رفعت (�Loly Cat) ........................................................................ رواية عشق الفيروز تحكي عن فتاة اسمها فيروز ذات ال25 ربيعا يتيمة الاب كما تظن هي .. تعيش مع والدتها السيدة امال 48 سنه ..والدتها اسميتها فيروز لامتلاكها لعيون باللون الفيروزي .. بشرتها بيضاء ناعمه مثل الطفل الرضيع ��..متوسطة الطول ..قوامها رشيق .. وشعرها اخذ من ظلام الليل لونه ... فهذه هي بطلة روايتنا
@ صقر الهواري : شاب ذو ال30 عاما ....حاد العينين التي تتميز باللون العسلي ..ذو بشرة قمحية مائله للاسمرار قليلا ..شعره شديد السواد والكثافة وناعم .. ذو بنية جسدية قوية مثل رجال القوات الخاصة �..فهو ناجح بعمله لانه اصبح رائد في مكافحة المخدرات في زمن قصير .. طبعه حاد كما المعتاد في شخصية معظم رجال الشرطة .�.لايثق في اي احد بسهوله لسبب ما حدث له في الماضي.
@ اياس نور الدين : صديق صقر و في نفس عمره ولديه نفس الرتبة ف عمله لكنه يعمل في مباحث الأداب .. وسيم.. ذو شخصيه بسيطه ومرحة
@ ليلي : صديقة فيروز وفي نفس عمرها .. فتاه مرحة وجميلة
@ سيلين : فتاه في نفس عمر فيروز ...فهي ابنة رجل الاعمال صلاح السويفي صاحب سلسلة شركات هندسية للمعمار وصديق وشريك والد صقر قبل وفاته ..و علي الرغم من جمالها الخارجي لكن بداخلها شر ومكائد فهي فتاة مغرورة ومتعجرفة من الطبقه المخمليه
@ رنيم : اخت صقر الصغري 24 عاما ...تتدرس بالخارخ في فرنسا
# وهناك الكثير من الشخصيات التي ستقابلنا في الرواية ... فبالنسبة انها اول عمل ليا انزله علي النت فيارب تعجبكم الروايه � .........................
# اعلان الرواية : بداخل دار القضاء العالي و في احدي قاعات المحكمه ينادي الحاجب بصوت قوي : محكمة ليدلف القاضي والمستشارون الذين معه فهي تنظر بعينيها التي تحولت من لون البحر الي لون الدم من كثرة البكاء من الظلم والقسوة فتمسك بيديها قضبان القفص الحديدي التي بداخله لتنتظر حكم القاضي وكأنها تنتظر ملاك الموت وهي يأتي اليها ليقبض روحها ليقاطع انتظرها صوت القاضي الرخيم ويدوي في القاعه القاضي : بعد الاطلاع علي اوراق القضيه واستماعنا لتقرير وكيل النيابه وشهادة الشهود قررنا نحن سيادة القاضي والساده المستشرون بالحكم علي كل من شهيره السيد وبدريه حسين وفيروز أحمد سراج الدين بالحبس لمدة عام مع الشغل والنفاذ رفعت الجلسه فيروز : لااااااااااااااااااااااااااااااااااااااااااااااا عاااااااااااااااااااااااااااااااااااااااااااااا�� @ يخرج هو من المحكمه ليقف في بهو الدار ويضع كفيه هلي وجهه وعينياه التي ستنزف دموعا وهو يقول لنفسه : ليه كده؟ !! ليه كده يافيروز عملتي فيا كده ليا بس لا وربي ومااعبد زي ماعملتي فيا كده لأخلي ايامك الجايه عذاب وجحيم وزي ما عيشتك اجمل ايام في حياتك لاعيشك اسود ايام عمرك برضو ..يصمت قليلا ليردف قائلا يااااارب الهمني الصبر ولو كان ده كابوس صحيني منه ليه بخسر اقرب الناس لقلبي وبأيديهم كمان .......... # انتهي الاعلان كفايه كده �� ياتري ليه فيروز اتسجنت؟ وياتري هي مظلومه ولا لأ وصقر هيعرف الحقيقة امتي ؟ وهل كان فيه احداث قبل كده حصلت؟ كل ده هنعرفه ف الحلقات القادمه عموما انتظروني في الحلقه الاولي بكره الساعه 5 مساءا وياريت تتفاعلو مع البوست عشان اعرف ارائكو في اعلان الروايه والبوستر بتاعها�.. القاكم غدا بمشيئة الله اللي اللقاء ��� #عشق_الفيروز #بقلم_ولاء_رفعت (Loly Cat)��
عشق_الفيروز
الحلقة_الأولي
بقلمي_ولاء_رفعت_علي
كيف حبيبي تكون عشقي وعذابي ... كيف تكون لي القاضي وجلادي..... ياليتني كنت قطرة مياه في بحر هادي ... كنت حينها لن اعرفك ولا اعشقك ولن كان عشقك احتل عرش حياتي ..... بقلمي : ولاء رفعت
* بداخل دار القضاء العالي وفي إحدي قاعات المحكمة ينادي الحاجب بصوت قوي : محكمه
ليدلف القاضي والمستشارون الذين معه ..وهي كانت تنظر بعينيها التي تحولت من لون البحر الي لون الدم من كثرة البكاء من الظلم والقسوة فتمسك بيديها قضبان القفص الحديدي التي بداخله داعية ربها ان ينجدها من هذا البلاء كما انجد يوسف عليه السلام من غياهب السجن ؛ تنتظر حكم القاضي وكأنها تنتظر ملاك الموت وهو آتي إليها ليقبض روحها ليقاطع انتظرها صوت القاضي الرخيم وهو يدوي في القاعة
@القاضي : بعد الاطلاع علي اوراق القضية واستماعنا لتقرير وكيل النيابة وشهادة الشهود قررنا نحن سيادة القاضي والسادة المستشرون بالحكم علي كل من شهيره السيد و بدرية حسين وفيروز أحمد سراج الدين بالحبس لمدة عام مع الشغل والنفاذ رفعت الجلسه.
@ فيروز : لاااااااااا... عااااااااااااا😭😭😭
@ بدرية : لا لا لا اجمدي كده ياحلوه ماتخافيش دي كلها سنه
@ شهيره : معلش يا عينيا بكره هتتعودي هيهيهييي
نظرت اليهما وقالت بصوت تخالطه الدموع : حسبي الله ونعم الوكيل فيكو ربنا ينتقم منكو
يخرج هو من المحكمه ليقف في بهو الدار ويضع كفيه علي وجهه وعينيه التي ستنزف دموعا وهو يقول لنفسه : ليه كده !!! ليه يافيروز عملتي فيا كده ليه بس وربي وما اعبد زي ماعملتي فيا كده لأخلي ايامك الجايه كلها عذاب وجحيم وزي ماعيشتك أجمل ايام حياتك لأعيشك اسود ايام عمرك برضو .... صمت قليلا ليردف : ياااااارب الهمني الصبر ولو كان ده كابوس صحيني منه ليه بخسر أقرب الناس لقلبي وبأديهم كمان ...
وكان علي الجانب الاخر وقعت فيروز مغشي عليها لتصرخ احداهما
@ بدرية : الحقونا ياحكومه البت اغمي عليها وهتموت حد يجي يلحقها بسرعه
@ الحارس : ما تسكتي ياوليه منك ليها ... قالها ونادي علي احد العاملين ليتصلو بالاسعاف
فأتت سيارة الإسعاف وحملها الممرضون بداخل السيارة متجهين نحو المشفي فشاهد هو ماحدث فذهب بسيارته ورائهم وصعد معهم للطابق المخصص للطوارئ وادخلها الممرضون الحجرة وانزلوها علي السرير فكان قلبه يخفق بشدة من الخوف والقلق عليها وكاد يدلف إلي حجرتها ليستوقفه الطبيب وقام بالكشف عليها وقياس الضغط وخرج وهو ينادي علي احدي الممرضات
@ الدكتور : مها خدي بالك منها وهاتي العلاج ده وحطهولها ف المحلول ولما تفوق تعالي بلغيني بسرعه ..... وذهب نحو صقر ليطمأنه :
اهدي ياصقر باشا احنا بنعمل اللازم والباقي علي الله هي طبعا شكلها مبتاكلش بقالها مده غير اغمائها ده بسبب السكر كان عالي عندها
@ صقر متفاجاء : سكر !!!!!؟
@ الدكتور : اها ماهو واضح لسه جاي لها من قريب بسبب الظروف النفسيه الي هي فيها
.... كان إياس صديقه يركض ف الممر نحوه
@ إياس : اي ياصقر فيروز حصل لها اي او مابلغوني جيت جري
@ صقر بدموع هاربه من عينيه : جالها غيبوبة صقر ومش عارف اعملها اي خايف لتروح مني وفي نفس الوقت عقلي بيحاربني وبيقولي دي واحدة خاينة ولازم تتعاقب وتاخد جزائها
@ إياس وهو يرتب علي كتف صقر : أنا عارف ياصاحبي ان الي حصل مكنش سهل عليك بس والله انت عارف انا حاولت اوصل لبرائتها لكن للاسف كان كل الشهود والي اتمسكو معاها في الشقه كلهم شهدو ضدها انها بتشتغل معاهم ومن فتره
كان صقر يستمع لكلمات إياس وكان الدم يغلي بعروقه ليصل لذروة غضبه فأحكم قبضة يده وأخذ يحطم بها الجدار المقابل له وهو يصرخ بهيستريا : كفاااااايه كفااااايه مش عايز اسمع حاجه تاني
ركض الطبيب نحوه وامسكه هو وإياس وادخلوه بغرفه جانب غرفة فيروز وأعطي له الطبيب إبرة مهديء
في حجرة فيروز استيقظت لتجد يديها احداهما معلق بها إبره متصله بأنبوب رفيع ليتصل بكيس محلول واليد الاخري مكبلة بالاصفاد الحديديه المعلقه بالسرير فتزكرت ماحدث لها فنهالت عبراتها كالشلال من فيروزتها لتدعو خالقها : يااااارب انت حسبي ووكيلي اللهم انجدني ياااااااااارب
@ فلاش بااااك @
في إحدي الاحياء الشعبية بالقاهرة حيث تقطن فيروز كانت فتاه تطرق الباب بصياح
@ ليلي: افتحوووووووووو بت يافيرو
@ آمال : حاضر يالي بتخبط ... تفتح الباب
@ ليلي : صباح الخير يا احلي آموله
@آمال : صباح النور يا حبيبتي يابكاشه ادخلي صحيها
ركضت لتدلف بحجرتها لتجدها ف سبات عميق
فتقترب من أذنها بصوت مرتفع : فيروووووووووو اصحي يخربيتك كل ده نوم قومي جيبالك خبر بمليون دولار
تستيقظ فيروز وهي متأففه : انتي لازم تاخدي تهزيء وشتيمه مني ع الصبح ؟ حد بيصحي حد كده ؟
@ليلي : تصدقي انا غلطانه ومتستهليش الي جيبهولك
@ فيروز : اوعي تقولي النتيجة ظهرت ؟
@ليلي: اومال انا طلعلكو ع الصبح ابيعلكو لبن!
@فيروز : طب انجزي وقولي عملنا اي
@ ليلي: عااااااا نجحنا اااااااا يافيرو انا جيد جدا وانتي امتياز يا ابن المحظوظه يافوزي 👀👀
@ فيروز : هيييييي مبروك عليا وعليكي ياحبي
كانتا سعيدتان بعدما تعانقا وظلو يتراقصون من الفرح والسعاده
@آمال : مبروووووك الف مبروووووك ياحبايب قلبي ربنا ينجحكو ويفرحكو ديما يارب وتتخرجو ع خير ويرزقكو بولاد الحلال
@ ليلي: لا ياطنط انا عن نفسي لاغيه الموضوع ده من دماغي ناويه بعد ما اتخرج ان شاء الله اكمل دراسات عليا وماجيستير ودكتوراه واكون اندبدنت سترونج ومان
@ فيروز : ههههههه ياشيخه روحي
@ ليلي : ماشي يافيرو وانا الي كنت ناوية اعالجك ببلاش انا غلطانه
@ فيروز : تعالجي مين ياجذمه يادكتورة الفراخ والكتاكيت
@ آمال : عيب يابنات تعالو حضرو معايا الفطار قبل ماةالاكل مايبرد
وذهبو لتحضير الافطار وتناولوه في سعاده ومرح .... مرت الايام من احداث يوميه روتينيه وتبقي شهر فقط علي بدء العام الدراسي الجديد
@فيروز : ماما بالله عليكي خدي العلاج في ميعاده مش ناقصين يحصلك زي اخر مرة
@ آمال : خليها ع الله يابنتي دي مجرد مسكنات زادويه ملهاش لازمه انا منتظره قدري ف اي وقت
@ فيروز : بالله هليكي يا ماما متقوليش كده انتي روحي وحياتي مقدرش اعيش من غيرك ومليش حد بعد غير ربنا
@ آمال : هو احن عليكي مني ومن اي مخلوق يابنتي
@ فيروز : طب عشان خاطري اسمعي كلامي
@آمال: حاضر يابنتي .
@ فيروز: وبعدين خدي بالك المفروض هنزل شغل من بكره عشاان اجمع فلوس اشتري لبس للجامعه واشيل فلوس للكتب ومصاريفي
@ آمال بحزن : معاش يابنتي انا عارفة اني مقصره معاكي وان معاش ابوكي الله يرحمه يدوب الي جاي منه ع اد الي رايح كفاية علاجي الي ملهوش اي لازمه
@فيروز : متقوليش كده ياماما أنا عارفه الظروف يا حبيبتي ادعيلي انتي بس ان ربنا يكرمني واتخرج واشتغل بشهادتي وقتها مخلكيش محتاجه اي حاجه خالص
@ آمال : بس يافيروز انا مش عاجبني انك هتشتغلي في الكوافير ده مش مقامك يابنتي
@فيروز : مقام اي ياماما بس اهي طنط حنان صاحبة الكوافير ست طيبه وحنينه جدا بتعتبريني زي بنتها
@ آمال : روحي يابنتي ربنا يرزقك من وسع ويكرمك بابن الحلال الي يغنيكي عن شيل الهم ده
@فيروز : يااارب يا امي ... عقبال لما تخلصي ليا أدعيه هاروح اخد شاور وانزل اجيبلك العلاج الناقص عندك
* جاء اليوم التالي وذهبت فيروز الي عملها الجديد فلديها موهبة في تزيين العرائس فحقا تستحق لقب ميك أب أرتيست ...
@ حنان : ماشاء الله ايدك تتلف في حرير يافيروز اومال لو كنتي واخده كورسات كنتي عملتي اي
@ فيروز : هههههه تساميلي ياطنط حنون انتي الي عيونك حلوه
@ حنان : طب بصي خلاص الساعه داخله ع عشرة كفايه كده النهارده وطفي النور والاجهزه وخدي المفاتيح واقفلي كويس ياحبيبتي عايزه حاجه مني قبل ما امشي ؟
@ فيروز : شكرا ياطنط تسلميلي سلام
@ حنان وهي تمد يدها لفيروز ببضع ورقات مالية
@فيروز : اي ده ياطنط هو انا لحقت اشتغل ده لسه اول يوم ليا
@حنان: ده حقك يابنتي وانتي تستاهلي اكتر من كده
@ فيروز : ربنا يخليكي ليا يا اجمل حنون
@ حنان : ويخليكي لينا يا حبيبتي أنا طالعه بقي خدي بالك من نفسك وانتي مروحه ً... يلا سلام
* بعدما انتهت فيروز من اغلاق المحل ذهبت الي منزلها الذي كان يبعد مسافه قليلة عن عملها فاستوقفها في الطريق احدي الشباب يبدو علي ملامح وجهه الشر فهو بلطجي وقف امامها
@فيروز : عايز اي جمال ع المسا ؟
@ جمال : عايز انول رضاكي يافاتنة قلبي وعقلي
@ فيروز : والله لو مابعدت عن وشي الساعه دي لأكون مصوته وهلم الناس عليك
@ جمال وهو يقترب منها : صوتي للصبح انا وقتها هقول للحته كلها ياناس انا بحبها وعشقان وهي مش معبراني ولا حاسه بيا
@ فيروز : حبك برص يابعيد شكلك كده وحشك ضرب الجذمه ع دماغك
@ جمال وكاد يمسك بها : وماله يا حب ضرب الحبيب زي اك..... استوقفته بضربه قويه بقدمها في منطقة اسفل الحزام
@ جمال : اعااااااااا يابنت ال**** وربنا ما انا سايبك وابقي وريني هتعملي اي
* اخذت تركض بكل قوتها حتي وصلت منزلها وصعدت الدرج باقصي سرعة وفتحتوالباب واغلقته سريعا بالمفاتيح من الداخل
**************************
في الناحية الاخري في منزل رجل الاعمال صلاح السويفي المكون من طابقين ذو مساحه كبيره يجاوطه مساحات من الحدائق والاشجار والورود الجميله ... وهي كانت تجلس في احدي الغرف بالطابق الثاني تتحدث في هاتفها
@ سيلين : هاي داد وحشتني يا حبيب قلبي
@ صلاح : هاي ياروح داد عامله ايه ؟
سيلين : انا بخير ياحبيبي بس كنت عايزه منك طلب بليز
@ صلاح : اتفضلي يا سيلي انا عارف اخرة دلعك ليا مصلحه
@ سيلين : لا ابدا يا صلوحه هو بس انا الفيزا بتاعتي خلصت ومحتاجه فلوس عشان عايزه اعمل شوبينج انا وصحباتي الدراسه قربت وحضرتك عارف بقي
@ صلاح : عارف ياحبيبتي عايزه تلبسب كل يوم طقم جديد عشان انتي ستار الجامعه ده غير العربيه الي بتحبي تغيرها كل شويه
@ سيلين : بحبك وانت فاهمني ياحبيبي
@ صلاح : من عيوني ياسيلي انا ليا من غيرك ادلعو واجيبلو كل الي عايزو عموما انا راجع من السفر بكره ان شاء الله فهبعتلك مع شهاب ابن عم الفيزا اي اوامر تانيه يا قلب داد ؟
@ سيلين : يخليك ليا ياقلب سيلي ثانك يو باي باي
@ صلاح : باي يا حبيبتي
* بعدما انتهت المكالمه جاءت اليها احدي الخدمات لتخبرها : سيلي هانم اصحاب حضرتك وصلو تحت ومستنينك
@ سيلين : اوك طيب انت انزلي قدميلهم حاجه وانا هلبس وانزلهم ..... بقولك صح استني عندك
@ الخادمه : أؤمري ياسيلي هانم
@ سيلين : عيزاكي لما تخلصي تدخلي الدريس روم بتاعتي وتشيلي كل اللبس وارميه عشان هجيب غيرو
@ الخادمه : بس ياهانم دول لسه جداد وملبستهمش حرام
@ سيلين : وانتي مالك يا حشريه انتي هي كانت حاجتك يلا روحي شوفي شغلك ... اوووف وناقص الخدامين يعلمونا اي الي ينفع واي الي مينفعش
* كانو اصدقاء سبلين ينتظرونها في غرفة الصالون فقد جاءو اليها ليذهبوا معا الي احدي الانديه الليليه ليحتفلو بنهاية الاجازه الصيفيه قبل بدء العام الدراسي الجديد ..... انتهت من ارتدائها فستان باللون الاحمر الداكن قصير فوق الركبه وعليه جاكيت من الشيفون التي تظهر من اسفله حمالات الفستان الرفيعه والوشم الذي يغطي اعلي ظهرها علي شكل طائر الصقر محاوطه بالانجيلزيه My Hero ..
@ هايدي : اوه نوه اي القمر ده ياسيلي
@ سيلين : ميرسي حلو الفستان ؟
مايا : ده هياكل منك حته ده لو باسل شافك في النايت كده هيخطفك ويطير بيكي
@ سيلين : يخطف مين الحيوان ده انا مش عايزه حد يخطفني غير واحد بس
@ هايدي : لسه برضو معلقه نفسك في اوهام
@ سيلين : انتو ناسيين انا ابقي مين ولا ايه !
@ مايا : بس ياسيلي هو مش كيميتك خالص وبعدين يامامي ده ظابط مرعب اي نعم مز وجامد بس عليه نظره تخلي الواحد يعترف ع نفسه بجريمه معملهاش
@ سيلين : هههههههه you so funny
@هايدي : يلا بينا عشان نلحق السهره منواولها
* ذهبوا جميعا الي احدي النوادي الليليه المليئه بالفتيات والشباب والاضواء الكثيره المزعجه يصاحبها موسيقي صاخبة وكانو يجلسون علي احدي الطاولات
@ سلين : مين نيجي معايا ترقص انا مودي عالي النهارده وعايزه اتجنن واطلع الباور الي عندي كلها في الدانص
@ مايا : خدي هايدي عندك اهي كريزي زيك
ذهبت وتركتهم الي ساحة الرقص لتتمايل بجسدها علي نغمات الموسيقي لياتي من خلفها وهو يحاوط خصراها بذراعيه ويضع راسه فوق كتفها
@ سيلين : اي ده ! مش قولتلك الف مره تبطل حركاتك دي ياباسل اي مبتفهمش ؟!
@ باسل وهو ثملا : خليها المرة الالف وواحد ... وكاد ان يقترب من شفتيها ليقبلها فصفعته علي وجهه فامسك بذراعها بقوة واثناه خلف ظهرها قائلا : اي يا ماي كات انتي فاكره باسل الي يتضرب من واحده زيك واسكت لا فوقي ياحلوه
@ سيلين وهي تتاوه من الالم : ابعد عني ياباسل شكلك سكران ومش فايق لنفسك ابعد عني احسنلك ....... ليضغط علي ذراعها اكثر وبيده الاخري يداعب خصلات شعرها وهو يقول :
ولو مبعدتش هتعمل فيا اي يا ماي لاف
وهو غير مدرك جاءته ضربه قوية من الخلف علي راسه
@ صقر : انا الي هعمل مش هي ياروح ماما .... فأخذ يضربه بالركلات وبيده في وجهه حتي وقع باسل من كثرة الضرب غير قادر علي النهوض فيتركه صقر وهو يعدل من مظهره وهو يقول له : روح العب بعيد ياشاطر وياريت متمدش ايدك ع اي بنت بعد كده لقطعهالك
@ باسل : وانت مين ياعم فندام عشان تمد ايدك عليا
@ صقر : بص انا من مبدءي يوم ماضرب حد يكون راجل زيو زيي مش عيل توتو ابن امه زيك ... تركه وبصق عليه وامسك سيلين من يدها بقوه وذهبو خارج الملهي
@ صقر : مش حذرتك ياسيلين كذا مره انك متجيش الاماكن القذره دي تاني
@ سيلين بدلع : اعمل اي كنت قاعده لوحدي ودادي مسافر فزهقت قولت اخرج اتفسح مع صحباتي شويه
@ صقر : وهو فيه بنت متربية وبنت ناس زيك تخرج وتسهر بالليل وفي نايت كمان ؟!
@ سيلين : وانت عرفت مكاني ازاي ؟
@ صقر : كنت معدي ع الفيلا بتاعتكو وكنت بسلم ع عم عيد السكيورتي وكنت بسالو عليكو لو محتاجين حاجه قالي حضرتك لسه خارجه مع صحباتك زسمع انكو رايحين تسهرو
@ سيلين وهي تحدث نفسها : اي الحظ الزفت ده ياريتني قعدت ف البيت كان زماني قعده معاه لوحدي
@ صقر : سيلين سيلين ؟
@ سيلين : ايوه معاك كنتةبتقول اي معلش
@ صقر : مش بكلمك ؟ يلا خدي شنطتك وتعالي اركبي معايا عشان اوصلك
@سيلين : صقر ممكن اطلب منك طلب بليز ؟
@صقر : اتفضلي
@سيلين : ياريت بعد اذنك داد ميعرفش بالي حصل ولا شهاب ابن عمي
@صقر : اوعديني الاول انك مش هتعملي كده تاني وانا مش هقول لحد خالص
@ سيلين وهي تبتسم له : ميرسي اوعدك .... فصمتت قليلا ثم اردفت قائله : وبعدين هتفضل كده ع طول ؟
@ صقر : هفضل اي مش فاهم ؟
@سيلين : لا انت فاهم كل حاجه بس انت ديما بتتتهرب مني ومش حاسس بيا ولا بحبي ليك
@ صقر : تاني ياسيلين الي هنعيدو هنزيد فيه قولتلك انتي زي رنيم اختي بالظبط وبخاف عليكي عشان اونكل صلاح موصيني عليكيىطول ماهو مش موجود اي اكرر تاني ولا سمعتي ؟
@ سيلين بتأفف : طيب خلاص فهمت يلا عشان عايزه اروح انام
* نظر اليها رافعا حاجبيه متعجبا من تصرفاتها المتهوره فعاد ناظريه للامام وحرك السياره وذهب ليصلها الي منزلها
*************************************************
$ بااااااااك $
@ الدكتور : كويس جدا ماشاء الله اتحسنا اهو بسرعه حمدالله ع السلامه يا مدام اصدي احم يا انسه فيروز
@فيروز وعيونها يملؤها الاحساس بالانكسار : الله يسلمك يادكتور هو انا ككه خلاص هخرج ؟
@الدكتور : اها ع الضهر كده ان شاء الله
@فيروز : هياخدني فين كده ... قالتها وهي ترتجف
@إياس وهو يدلف قائلا : هياخدوكي ع عربية الترحيلات ع سجن النسا بالقناطر . سمعت هجملته حتي احست كانه ألقي بها بداخل بئر عميق مظلم
@ فيروز : إياس انا مظلومه والله العظيم مظلومه انت تعرف عني كده ؟!
ليدلف هو الاخر مقاطعا حديثها لصديقه : لو سمحت يا إياس خد الدكتور بره عايز ها شويه
@ إياس :هامسا لصقر : اوعي تتهور ياصاحبي قعد معاها وكلمها بالعقل متنساش انها قايمه من غيبوبة ...... نظر له صقر بنظره غاضبه : روح انت بس وسبيني وملكش دعوه
إياس وهو يخرج من الغرفه : ربنا يستر عليها
أخذ صقر احدي المقاعد ووضعه امام السرير مباشرة وجلس عليه وهو يضع قدم فوق الاخري وينظر لها بنظرات ثاقبه لو كانت رصاص لجعلتها صريعه للتو
@فيروز وهي تنظر له بخوف وذعر : أأأنا أنا والله
@ صقر :وهو يضع احدي اصبعه امام فمه ليسكتها : هششششش متجبيش سيرة ربنا ع لسانك لانك واحده كدابه وخاينه وان كان عليا لو كنت مكان القاضي كنت حكمت عليكي بالاعدام واقتلتك انا بايديا .... قالها وهو ينظر اليها باحتقار
@ فيروز وانفجر ما بداخلها صارخه : مش عايز تسمعني ليه حكمت عليا بالقسوه وكنت القاضي والجلاد ... فكانت تبكي بغزاره لتردف حديثها : عارف أنا موجعنيش حكم القاضي عليا وظلم الناس ليا اد ما وجعني وكسرني حكمك وكلامك ليا ازاي ازاي تظن فيا ان اكون كده !!! وانت كنت اقرب الناس ليا وعارفني وعارف اخلاقي وتربيتي
@*ينظر اليها ببرود وقساوهوهو يصفق ساخرا من حديثها : برافوووو حلو اوي دورالمظلومه والضحيه الي انتي عايشه فيه ده
@فيروز بذهول فامسكت نفسها عنوالبكاء وتظاهرت بالقوه امامه حتي لايزيد ف ازلاله لها : انت اي قاسي وظالم ومعندكش قلب انا بلعن اليوم الي عرفتك فيه وحبيتك .. أنا بكرهك بكرهك ياصقر
سمع كلماتهاةالاخيره ليقف فجاءه ويتقرب اليها في وضع هجوم ممسك بيدها المعلق بها ابرة المحلول ضاغطا عليها بكل قوه لتتجرح يدها من الابره وتنزف دما مما سبب لها الام لم تقدر علي احتمالها ... فهو غير مدرك لما يفعله بها وكان ف قمة غضبه ويمسك بوجهها بقوه قائلا : اي البجاحه الي بقيتي فيها دي اومال لو مكنوش مسكوكي متلبسه ومجرجرينك وانتي ملفوفه بالملايه كنتي عملتي اي فيا تاني ؟!
لم تتحمل قبضه يديه ع يدها ولا ع وجهها فصرختةمتألمه : صقر صقر اااااه سبيني
كانوغير مهتم لآلامها وعينيه يملؤها نيران الغضب والانتقام لكرامته وكبرياءه تكاد تعصف بها ويلقيها بنار الجحيم لولا ان دلف إياس مسرعا نحوه ممسك بيديه ويبعدها عنها بقوه
@إياس : اهدي ياصقر مش كده هتموت ف ايدك حرام عليك
تركها تحت نظراتهةالمتوعده إياهاةبالقسوه والانتقام وكاد يخرج فتوقف فجاءه : مااااشي مااااشي يا مدام أنا راجعلكزتاني بس لماةتشرفي مكانك الي تستحقيه ...... قالها وغادر الغرفه موصدا الباب وراءه بكل قوه تاركا فيروز وهي ف حالة بكاء هيستري علي مايفعله بها من عشقته واحبته من كل اعماق قلبها فكان لها عشق الفيروز ...
حلقتنا النهاردة كده خلصت ولسه الاحداث الجايه اكثر تشويقا هنعرف فيها كل الاحداث المبهمه لينا فيارب تكون حلقة النهاردة عجبتكم وانتظروني الحلقه الجايه في
#رواية-عشق-الفيروز
بقلمي : ولاء رفعت
وياريت تكتبولي ارائكم فىالحلقه ان كان بالنقد او التشجيع 😍✋✋✋😘
اترككم في حفظ الله
اللي اللقاء
تعليقات
إرسال تعليق