 |
سكريبت كامل
عشان بحبك 💛
مريم سمير💛
_هتفضلي قاعده بالفستان كده !!
=أيوه ومتقربش بالله عليك يا احمد ابوس ايدك
_بوسي
=اي؟
ضحك_ متخافيش يبنتي ، انتي خايفه مني بجد !!
=انت أعز أصحابي مستحيل اخاف منك
_وبتترعشي لي لو انتي مش خايفه !!
=عشان .. احمد بالله عليك بقي
_هو انا جيت جمبك ! يبنتي بالشكل د هتجيلك نوبه ضيق التنفس ومش هلحقك الله يهدك
=خلاص ههدي
_ايوه كده
=ايدك لتوحشك يلا انت بتطبطب علي راسي هو انا كلبه!
_ايوه اظهري لكن جو الخوف دا مش لايق عليكي
=تمم انا ماشي
_بت انتي راحه فين !
طلعت جريت علي الحمام وقفلت الباب عليا بسرعه
_مريم ، انتي عبيطه؟ ليكي خال أهبل ؟
=لا لييي؟
_انتي مشوفتيش نفسك وانتي زي النعامه الي أطلقوا سراحها !
=تمم ، انت لو إتقرأ عليك قرآن هتتحرق صح؟
_انا الشيطان بعد كل د ! انا الي طلعت نموذج حقير !!
=نام بقي روح نام يا احمد الفرح كان متعب
_هتفضلي انتي في الحمام مش كده !
=ايوه
_ايوه؟
=مقولت اه حاكم دماغنا
_والله لأندمك يجميل
=ايدا في أي
سمعت صوته بيبعد ف خدت نفس بتنهيده ، احيه لا بجد بيج احيه والله، انا وأحمد ! متجوزين !! انا عمري متمنيت اتجوز ، بس اهلي فرضوا عليا اني لازم اتجوز عشان عمري بقي ٢٨ سنه ! فيها اي يعني ! ٢٨ بس نينجا سيده اعمال وناجحه جدا في شغلي ، مستقله ماديا وبصرف علي نفسي ، اه احمد صاحبي من ايام ثانوي عشره ١٢ سنه ، كان فعلا نعم الصديق والملجأ اللطيف الي كالعاده بصب فيه أحزاني واطلع من تاني ببور جديد وامل متجدد بسببه ، يمكن هو من احلي الحاجات الي في حياتي ، بس مش لدرجه اني اتجوزه لا مش للدرجاتي بجد !
سمعت صوت كركبه ف طلعت بسرعه لقيته واقع
_انت ، انت كويس !
=..
_قوم معايا قوم
لفيت أيده حوالين رقبتي وقعدته علي الركنه
_اي مش بتعرف تمشي ! بتسنن لسه؟
=..
_وقعت ازاي اصلا الصاله مفهاش حاجه تخليك تقع
=..
_يبنيييييي
ضمني عشان أيده كانت لسه علي رقبتي ف زقيته
_تصدق انك غدار يلا
=عشان تعرفي انك بتخافي عليا جامد وبتتخضي لما يحصلي حاجه
_انا يبني؟ لي انت مين انت ابن مين انت !
=بقي كده
ضمني ليه تاني فشهقت _احمد ابعد عنييي
=طب والله حضني حلو
_احمد مش بهزر ابعد عنيي
=يبنتي اهديي يخربيت فستانك
بعدت عنه وهو بيضحك =يلا انثي الغوريلا طلعيها من جواكي واجري علي الحمام
_انا داخله اغير الفستان د
=يريت ، ربنا يكرمك يبنتي والله
_وهلبس عبايه استقبال
=ربنا ينتقم منك حسبي الله ونعم الوكيل
دخلت وانا بضحك وغيرت الفستان ولبست ترينج وقعدت قدام التسريحه ، فكيت شعري وبصيت علي وشي ، هو انا كبرت ! العمر عديي وانا محستش بيه ، دايما بسمع جمله هنفرح بيكي امتي ؟ علي الله تكونوا فرحانين دلوقت ، تعالوا إلبسوني بقي عيشوا مكاني يلا
_د انت الحظ يحظ يحظ بقي
=برا يا الي مش محترم انت
_انا بعاكس وانتي بديي كلام زي الدبش خلي بالك انا صبري لو نفذ ه..
=هتعمل اي ؟
_هشحنه مالك قفوشه ليه
=عاوزة انام
_تمم ماشي
=ولا منمش !
_الي انتي عايزاه
=طب أنا جعانه
_في المطبخ اكل و..
=ولا اعمل دايت ؟
_مريم !
=نعم
_ولا مدام
=دا انت جامد بقي
_ولذوذ وحلو وحاجات جامده كده انتي عرفاها كويس
=احمد انا كبرت؟
_اه تقلبات وهرمونات صباح الفل
=مش بهزر
_وشي كبر؟ مبقتش حلوه ؟
قرب مني ولمس وشي =انا شايف انك جميله جامد والله يسطا
_وشي كبر ؟
=لا لسه زيي منتي بنفس روح ثانوي ، روحك الحلوه الي مهما عدي وقت مبتقلش ، روحك الي شايفه كل الناس كويسه ، الي بتاخد علي قفاها ، قفاكي بقي قد كده ما شاء الله
ضحكت وسكتت وبصيت علي أيده الي لسه علي وشي وهو باصصلي ومبتسم
_انا جعانه انا غيرت رأيي
=منك لله والله مش بهزر
مشيت من قدامه ودخلت المطبخ وخدت نفس عميق، انا لي مضربتوش بالقلم ! دا حيالله جوزي يعني احنا هنظيط ولا ايي!!
طلعت وانا ماسكه صنيه أكل فلقيته في وشي
_افضل اطلعلي في كل حته
=يبنتي منا قاعد معاكي في نفس الشقه !
_احلف ! طب تعالي كل
كلنا سوا وخلصنا ودخلت الصنيه المطبخ وطلعت تاني
_ها كنا بنقول اي بقي؟
=انا حاسه اني عاوزة اغسل المواعين
_نعم !
=السجاد ؟
_يبنتي !
=لا انا اقلب السراير وأكنس تحتها
_..
=هخلع السيراميك وامسح مكانه
ضرب جبهته ب أيده وقرب عليا وهو متعصب
_هتمد ايدك علي واحده نسوان ؟
=لا مش بمد أيدي علي نسوان للاسف
_الحمد لله انا نسوانه واحده
=انتي تطلعي عين بلد
_لو مش عاجبك طلقني يا احمد
=ها واي تاني
_ولا ولا انت بتخوني
=..
_انت ملكش امان كلكم مصطفي ابو حجر ، د انت اسمك احمد يلا انت هتنسي نفسك يا الخاين!
=..
_ولا ولا انت بياع
=خلصتي؟
_مش عارفه عاوزة اطلق بجد
مسك راسه وقعد علي الركنه
=خشي نامي خشي نامي يما يلا بس عشان الضغط لو علي مش هيلحقوني
_تعرف يا احمد ، جدي كان راقد نفس رقدتك ديي قبل ميموت
_دي معتتش عيشه
=انت بتشوح!
_ايوه انتي مش بتشوفي ولا اي
=بتأكد بس ، ولو بتشوح من دلوقت هتعمل اي كمان يومين هتزقني من البلكونه!
_ياما كان نفسي
=نعم !
_عاوز اتفرج علي ميسي !
=اه بحسب
_دا ظووولم والله ظووولم
دا انا لبست
=والله بقي كده !!
_في احلي قدر في حياتي ، منتي لو تسبيني اكمل بس انتي ..
=ظالمه انا ست قادره
_لا يمريم انتي مش ظالمه من دلوقت ، انتي طول عمرك ظالمه
=اي؟
_اي!!
=مش هتنام؟
_لا هخرج مع صحابي
=انت بتقول اي!
_مهو اكيد هنام بتسألي أسئله تفتقد المنطق والله
=طب قوم اتخمد مد
_مريم دي مش طريقه حوار بين واحد ومراته ، دي طريقه حوار بين بلطجيه علي قهوه بتخانقوا علي مشاريب
=يا ابو عمو فكك مني
_اه تمم مهو انا الي جبته لنفسي انا الي استاهل والله
=كنت راحم نفسك من وجع القلب
_انا بعشق المعاناه بموت في ضيق التنفس برا عنك انتي
=هنفضل نتكلم كده ! لو فضلت طريقه الحوار كده هسيبك وامشي
_طب متمشي !!
=طب فكر
_فكرت امشي
=فكر يا ابن الحلال
_فكرت بقولك
=فكرت؟ طب فكر تاني احنا ورانا اي
_يبت يبت بصوت تامر حسني
ضحكت وبصتله وعيني لمعت ، عمري ملقيت حد شبهي كده والله ، كلامه تصرفاته تفاهته كل حاجه حرفيا كل حاجه كأنها فوله واتقسمت نصين بيني وبينه ، بعرف بيفكر ف اي بجاوب علي أسئلته قبل ميسألها ، حاجات كتير حلوه جامد معاه
قرب مني وانا بعدت بسرعه
حاجات كتير سافله معاه انا غلطانه اني بمدح في شخص زي دا ، ايدا طلعت مش محترم؟ طب اني اسف سلامو عليكم انا بقييي
_احمد لو قربتلي هصوت ألم عليك الشارع
=..
_هرقع بالصوت هفرج عليك الناس و..
حط ايده علي بوقي بسرعه وانا برقت
=تعرفي لما تتصدمي وتبقي مكتومه بتبقي احسن
_..
=شوفتي وانتي هاديه جامده ازاي!!
كنت مبرقه ومحمريه وحاجه في منتهي ايدا في أي!!
=بصي خلينا متفقين انك جامده وانتي هاديه وانتي معتوهه، واقولك كلمتين حلوين فـ تتكسفي فـ تحلوي ، فقوم قايل كلام احلى
_..
=يااااه علي المتعه ياااه انك ساكته دي حاجه جامده ، بس هبلك اجمد ، نص هطلك لو تكرمتي والله
_..
شال أيده من علي بوقي وحط شعره ورا ودني وبصالي ، الجرس رن فبصينا علي الباب احنا الاتنين ..
#الباب الثاني والاخير
الجرس رن فبصينا علي الباب احنا الاتنين
_انتي مخاويه؟
=لا لي!
_مش معقول د انتي لو متفقه مع حد مش هيجي يبوظ اللحظه كده ، هروح اشوف مين اجي الاقيكي مكانك زيي منتي كده بالله عليكي يمريم ، متزلنيش اكتر من كده
ضحكت= انت هتعيط ولا اي ، روح شوف مين الي علي الباب اجريي
راح وانا اتسحبت روحت الاوضه وانا ماسكه بطني من كتر الضحك ، احمد فتح الباب لقي شاب قدامه
_ايوه ! فيه حاجه ؟
=البيتزا ، الأوردر يفندم
_فندم ! انت خليت فيها فندم ! انا مطلبتش حاجه
=معلش يفندم اكيد اتلغبطت
_جايي تتلغبط دلوقت ! دلوقت يعني ! د انا مصدقت يا اخي
=نعمم!
_اتفضل حضرتك شوف انت رايح فين
=علي العموم اسف لحضرتك اكيد اتلغبطت في العنوان
مشي وأحمد ضغط علي سنانه وقفل الباب ولف ملقنيش ف جه وقف قدام الباب
_تعرفي مش مصدوم ، متوقع اصلا منك اي حاجه
=مين كان علي الباب
_د واحد بتاع بيتزا
فضلت اضحك وانا متخيله منظره
_والله يبنتي حقك ، دا انا مفكتش الا زراير قميصي، د انا لو بفك مشكله كان زماني خلصت والله
=يلا حصل خير
_ها وبعدين ؟
=اييي! هنام !
_ايوه وبعدين انتي قافله الباب لي ؟ خايف مني يشق؟
=منك انت! د انا اموت نفسي لو خوفت منك
_طب افتحي
=خلاص والله انا عيل صغير
_مش بهزر عاوز اغير البدله
=نام بيها يروش يا اجمد حد في العالم انت
_مريم احنا مش متصاحبين دلوقت احنا متجوزين يعني لازم تسمعي كلامي وكده
=ودا في قانون خالتك ولا اي؟
_طب تمم هنام بهدومي الجو ساقعه اصلا
=طب تمم هوينا يلا
_بطانيه طيب اي حاجه ، دا انتي جاحده
=يعم انا ست قادره يعم انا عارفه
_تعرفي الجو د محتاج ل اي ؟
=احمد اتمسي
_حليب يمريم في أي ، مهو لو حبيب ف أنا اتجوزتك خلاص
=ايي؟
_تصبحي علي خير
هو قصده اي ؟ ابتسمت وافتكرت أنه كل قرن بيرمي كلمه حلوه كده ، علاقه تافهه مينفعش نتجوز ونشيل مسؤوليه والله ابدا !! مريم وأحمد دا هاها بقي مش جد متهزروش ! ، نفس الدماغ واكتر حد بيحس بيا وبيهزر معايا وبيحبني انا متأكدة اني بعنيله حاجه كبيره زي مهو حاجه عظيمه بالنسبالي
نمت من غير محس وسمعت خبط علي الباب كتير هو فيه اي البيت هيقع !!
قومت وانا منكوسه فتحت الباب وهو وقف مكانه وأيده لسه مرفوعه عشان كان هيخبط تاني
_يخربيت جمالك دا وقته
=يبني بقي بتصحييييني لي
_اموره بتخبط يما فوقي كده
=ماما ! يفضحتي ! انت لسف بالبدله ! احيه ! استر عليا وغير بالله عليك
_مش هتساعديني طيب
=يا الي مش محترم يقليل الادب، سيب أيدي
_وانا جيت جمبك !
=سيب أيدي !
_انا مش طايقك
ضحكت =احمد سيبها عشان افتح الباب فيه اي !
ساب أيدي وفتحت الباب وسلمت علي ماما وحضنتها
_يبخت يا اموره والله
=يبني يبني بقي
_نورتي والله يقمر ، يلا ادخلي
علاقته مع ماما حلوه اوي عمره مقال يطنط ! يا اموره وحاجه في منتهي الدلع والي هو بابا كان هيقتله مرتين اصلا
_قومي يبت هاتي عصير
=انت خدت عليا اويي! احنا هنتصاحب ولا اي؟
_العصير فين وأجيبه انا ؟
ضحكت انا وماما وهو دخل المطبخ
_مبسوطه؟
=الحمد لله، بتهيقلي مكنتش هلاقي حد كويس
_يعني مش زعلانه انك اتجوزتي؟
قبل مرد كان احمد جاب العصير وحطه وقعد قدامي وحط أيده علي خده
_جاوبي انا كمان عاوز اعرف ، مش زعلانه؟
رفعت حاجبي =لا مش زعلانه ، حد يزعل وانت موجود بردو
_الحمد لله اشكري ربنا عليا كده طول اليوم عشان الحسد
قعدنا اتكلمنا مع ماما ، مشيت بعد شويه
_احمد
=اي يروح احمد
_عاوزة انزل الشغل
=نعم ؟
_هالحين
=لا د انتي عقلك بقي موف اون والله
_انا مش بهزر
=النهارده الصباحيه صباح الفل اهدي وكني بقي ها
_طب انا هنزل الشغل امتي؟
=لا مهو مفيش شغل تاني
_افندم !!
=احنا مش هنبقي محتاجين شغلك! انا مهندس وهصرف علي البيت
_بس انا محتاجاه محتاجه احس اني بني ادمه
=المفروض تقعدي في البيت عشان تتعودي علي شغل البيت
_بس انا مش هقصر في البيت ، احمد اوعي تعمل فيا كده
=بس انا مش بحب مراتي تبقي بتشتغل
_انا صاحبتك وعشره عمرك قبل مراتك ، انت اكتر حد عارف الشغل بالنسبالي اي !
=وجهات النظر بتتغير
_بس انت اكيد مش هتعمل فيا كده ، انت اكيد بتهزر
=بس انا مش بهزر !
_احمد انا وصلت لمكانه كبيره اوي في الشركه ، ولو قعدت مش هبقي مرتاحه ، انا مش عاوزة اعمل كده
=بس انا عاوزك تعملي كده ، والكلام واضح يمريم ارجوكي ..
_عاوزني اقعد من الشغل! انت بتطلب مني المستحيل
=المستحيل يبقي ممكن لو اقتنعتي
سبته وجريت علي الاوضه وقفلت الباب وقعدت وراه وانا بعيط وضامه رجلي ليا ، اكيد د مش احمد ! دا الي كان بيشجعني وبيحتفل معايا ب ترقياتي! اكيد لا
_مريم بطلي شغل عيال وافتحي نتفاهم
=مش عاوزة اتفاهم، مش عاوزة حاجه خلاص الي انت عاوزه اعمله
_..
=انت شايف أن د صح وانا موافقه اكيد مش هوقع كلمتك ، عشان انا بحترمك يا احمد
_مريم انا ..
=خلاص يا احمد
_طب افتحي ثواني
قومت من مكاني ومسحت عياطي الي مغطي وشي
قرب عليا وحضني فعيطت تاني
_حقك عليا والله
=مفيش حاجه حصلت عادي
_لا مش عادي انتي عيطتي ، بالله عليكي سامحيني كده
=..
_انا موافق والله خلاص
طلعت من حضنه =لا يا احمد دا قرارك
_يستي انا عيل ملكيش فيه
ضحكت وبصتله ومسحت عياطي =بجد موافق؟
_ايوه
=واشمعنا بقي؟
_بصراحه؟
=ايوه سمعاك
_قلبي بيغضب عليا لما ازعلك والله، من ايام ثانوي مش عارف اي بيحصل كده
=سحرالك
_ايدا في أي
=متجيب حضن تاني كده؟
_ايدا في أي تاني
حضنته وانا بضحك وخرجت بوسته من خدته بدون استيعاب ، طب والله متربيت وتلقائيتي هتوديني ورا الشمس اعمل اي دلوقت؟
بعد عني= انتي معندكيش اخوات ولاد ولا اي؟
ضحكت_غضب عني والله
=يستي انا اشتكتلك؟ خليكي مش قاصده علي طول هبقي مبسوط علي فكره
احمريت_انا عاوز أكل احنا لي مفطرناش؟
=ورايا علي المطبخ يمبتدأه في المطبخ ورايا
مسكت ايده_احمد بجد شكرا من قلبي انك وافقت
=اقل حاجه عشان اخليكي مبسوطه بجد زي مقولتي قدام مامتك
ابتسمت وروحنا المطبخ ، الشيف الي جواه طلع هه بهزر معاكم ولع في المطبخ
_انت خليت الطاسه التيفال الي مش بيلزق فيها الاكل يلزق فيها الاكل !!!
=انا مبهور بيا والله
_انت بوظت الدنيا
=بكره تتعدل وبعدين شايله هم بكره ليي مش جايز ربنا ياخدنا !
_معاك حق والله بس مين هينضف الكلام د !!
=ورايا شغل قد كده يمريم والله يلا ربنا معاكي
_ولا ولا
طلع وسابني وعشان انا ست محترمه نضفت انا ، والله يبخته بيا بجد
_احمد ، سيب الي في ايدك كده
=ها ! شو بدك مني يصعلوقه
_يبني بقي
=عاوزة اي يحبييي
_انت اتجوزتني لي؟
=هرمونات انا شامم ريحه هرمونات اقسم بالله
_انا مش بهزر
=انتي مش عارفه؟
_لاء
=قدر نصيبي كده
_يا احمد بقي يووه اتكلم بجد و..
=انا بحبك
_كل كلامك هزار طول الوقت و.. ايي؟ قولت اي!!
=بحبك يمريم
تنحت ومعرفتش ارد هو بيقول اي!
=دايما واقفه جمبي ، عمري محتاجتك وملقتكيش ، انا مكنتش اتحب ولا كنت عارف احب نفسي حتي ، لغايه مبقينا صحاب في ثانوي ، بروحك وطيبتك خلتيني اتقبلني ، غيرتيني ولخبطيني بس للاحسن ، بقي عندي صحاب كتير بس انتي فضلتي أفضلهم الي لما يحصل معايا مشكله مش بقولها لحد غيرك برمي عليكي حزني وانتي راضيه وموافقه ب دا ، بصحيكي تلاته الفجر عشان متوتر من مقابله الشغل ، وانتي تقرأيلي قرآن وتريحيني ، عزومه كل خميس علي باب العماره ، الايس كريم وحلويات الترقيه والتعيين وكل مناسبه بنحتفل سوا ، مفيش غيرك في حياتي وانا مكتفي ب دا والله، طول السنين دي واي مشكله تحصل بينا كنت بدعي ربنا مخسركيش ، مش هقدر اتكيف مع عدم وجودك وعاوزك دايما عاوزك ، لما عملتي العمليه كنت اول مره اعيط بحرقه كده ، لما طلع فصيله دمي o شكرت ربنا اني هعرف اتبرعلك بالدم ساعتها مشوفتش اهم منك انتي ، لما كان بيتقدملك عريس كنت بخاف بترعب توافقي ، كنت عارف انك مش متقبله فكره الجواز عشان كده مكنتش بفاتحك في الموضوع عشان عارف اني ممكن اخسرك ود شئ مش حلو ، مش حلو خالص ، كان انتصاري انتي ويوم جوازنا ، انا خلاص معتش عاوز اي حاجه والله
كنت بدمع من الكلام ، كل دا جواه! وانا مش حاسه! احيه
_بس ..
=انا مش عاوزك تحبيني ، عاوزك مبسوطه بقربي بس
_مبسوطه جامد مبسوطه بحبك وحنينك وبكلك والله
=منا جامد اوي اصلا ف ليكي حق
_اي؟
=ايي!!
_قوم من قدامي قوووم
مر شهر ، شهر من اللطف من عوض ربنا ، حقيقي اختيار ربنا بيقي عظيم جدا والله، بتهيقلي لو كنت وفقت علي حد من العرسان الي كانوا بيتقدموا عمري مكنت هلاقي حد عمري والله
نزلت الشغل وهو كمان ، كان بيعدي عليا وبيوصلني ، كان زي مبيقولوا نعم الزوج ، ومكنش فيه نكد خالص ، خالص بجد !
_وانت ازاي تبصلها من غير متقصد !
=عشان مقصدش !
_ايوه منا مش عجباك منا معتش اعجب البيه الي بيبص عليها
=وربنا من غير مقصد هو انا عندي عين ف بصت في الاتجاه الي هي قاعده فيه ف طبيعي هشوفها !
=عندك عين ؟
_اه
=هفقهالك
_ايي!!
مهو اكيد هنكد يجماعه هو اي احس اني انا متجوزة ازاي لو مكرهتوش في صنف الستات وفيا بالمره!
وقعت فيه وكسب في الاخر
_غمضي عينك
=احمد متهزرش
_والله مهتدخلي البيت الا لما تغمضي عينك
=مش هتكبر ابدا ؟
_لا يلا انجزي الجيران هيقولوا علينا عبط
=هما لسه مقالوش؟ طب اهو غمضت !
_طب دول كام ؟
=صبرني يرب والله يبني مغمضه ربنا يعوض عليا عوض الصابرين
_طب تعالي
دخلت وانا مغمضه هو هيجتلني ولا ايي؟
_فتحيي
فتحت وبرقت ايدا في اي؟
_كل سنه وانتي طيبه يمريوم
حضنته وانا بتنطط= وانت طيب وانت طيب والله
_اهدي هنقع علي الي تحتنا كده
=مهو محدش يموت حد من الخضه كده
مسك أيدي ووفقنا قدام السفره الي عليها تورته عليها صورتي، أبوسه؟ هبوسه محدش يمسكني اوعوا عني
_عقبال ميت سنه واحنا سوا
=لي ربطت الدعوه معاك ؟ متقول عقبال ميت سنه بس!
_منك لله في عيد ميلادك يلا بقي
=خلاص والله، كل سنه وانتي معايا يصاحبي
ضحكنا ومسك السكينه =والله كنت عارفه انك هتجتلني
_اهو اجتلك وانتي مبسوطه
=اي!
_ايي؟
مسك السكينه ورشقها في وش التورته أو اقول في وشي !
_د انت جاحد ملقتش الا وشي وتقوم حاطط السكينه فيه!
=نفسي اعمل فيكي كده
_مش بقولك جاحد
=انا اه جاحد بس لا عمري مهبقي جاحد عليكي
_اخويا شقي كده شقي والله
=اطفحي بالهنا والشفا
_لا حول ولا جوه الا بالله
كنا بناكل وإذ بفجأه
_انا بحبك
كان بياكل ف كح، والله متربيت انا مشوفتش ب ج احترام بالله
=منك لله عاوزة تموتيني يوم متقوليها
ضحكت وبصتله وفضلت ساكته
=متبصليش كده معلش عشان بتكسف
_يغتي يغتي
=كنتي بتقولي اي بقي
_التورته دي طعمها تحفه
=اخلصي بدل ملبس الطبق في خلقتك اخلصي
_قولت اني بحبك اي عملت اي هو حرام ولا اي!
=اخيرا ، دا انا لو بعرف ازغرط كنت رقعتها
ضحكت _طول عمري نفسي اشوف نظره الفرح الي في عيونك دي لما اقول لحد اني بحبه وكويس أن الحد د انت
=يبنتي قلبي لا يحتمل والله
ضحكت _بجد والله انا بحبك اويي وعاوزك دايما معايا بقلبك وبحنيته ودماغك الي فهماني وبتشجيعك ليا ، انا حبيت نفسي وحبيت الدنيا معاك والله
=لا دي بقت عال اوي والله، متجيبي حضن بالمناسبه دي
_اي؟
=اييي! حاكم انا جايب هديه جوا بالشيء الفلاني والله
_خساره فيا !
=لا لا فلوس الدنيا كلها مش خساره فيكي عارفه لي؟
_لي!
=عشان بحبك 💛
مريم سمير💛
تعليقات
إرسال تعليق