 |
حكايات سديم
الحلقه التالته
من الغباء كله إنك تضيعي عمرك في حب واحد لا مهتم بيكي ولا معبرك!
=يا ماما أفهمي..
-لا أنتِ اللي أفهمي يا سديم أنا اتسرعت جدًا وخدت واحد لا بيحبني ولا حاسس بيا وأديكي شايفة الحال، آه جبنا عيال وكبرنا بس كل واحد في ملكوت مكنش فيه حب ولا أي إهتمام كان مجرد شعور بالواجب بس!
وأنا مش هوقعك في نفس الغلط..
حضنتها وأنا بفكر بكلامها هي صح، أنا عمري ما شوفت بابا قالها كلمه حلوة بان على ملامحه أنه بيقدرها حتى هو واخدها زوجة تأدى واجبتها وهو كمان!.
وياسين بيشوفني كـأخته أنا اللي قلبي غبي وحبيته، بس أنا بحبه من الطفولة من لما كنا عيال صغيرة وكان بيدافع عني في الحضانة هه
زيه زي زياد بالظبط كلنا قرايب في بعض أنا وهو وزياد وسلمي كنا ولاد خالة في بعض، زياد يعتبر البيست بتاعي صديق الطفولة عارف كل حاجه عني عارف إني بحب ياسين!!
ابتسامته حزينه جدًا لما بتكلم معاه عن ياسين، غمازاته بتختفي كنت بقوله دايمًا
-عارف يا زياد
=نعم؟
-سلفني غمازاتك وخد خدودي مش عايزاهم
=لا
-باليز
=لااا
-زيااااد
=خديهم خديهم
فاكرة لما كنا صغيرين وحد يدايقني أنا وسلمي كان دايم زياد وياسين يدافعوا عنا بس مكنتش بلاحظ أن زياد هو اللي كان بيدافع عني؟!
كنت بحب ياسين لشخصيته وشكله، كنت عامية، لما جبتله في عيد الحب هدية رفضها وقال أنه أخد خلاص من سلمي؟
عيطت وكان أول واحد ألجأ ليه زياد.
زياد مبيحبنيش زعلانه ولا مدايقة، بيقف جنبي بيذاكرة كان هو اللي بيسرح شعري وإحنا صغيرين وصحابي يغيرو من التسريحة دى، كنت بحبها جدًا وأمشي اتفشخر بيها قدام صحابي اه والله..
تعرفوا أن زياد بيكره ياسين!
-عايز أعرف بتحبيه على أي؟
=بحبه وخلاص
-نينينينينينيني بحبه وخلاص غوري من وشي يا سديم
حصل عاركة بين زياد وياسين ودا أن ياسين زعلني ورجعني مكسورة الخاطر لما طلبت منه ينزل معايا.
-هي طلبت أنتَ رفضت طيب متجرحهاش بكلامك اللي زي السم دا فاهم
=وأنتَ محموق ليها قوي كده ليييه، تكونش بتحبها؟!
-ياسييين
=زياااد
صرخت فيهم
-بس خلاص بطلوا بقا
مشيت وسيبتهم وأنا قلبي حارقني، بس كان فيه حاجه بتتجدد جوايا
وإن جيت للحق نظرات زياد كلها حُب ليا أما ياسين فهي نظرات أخوة؟!
زياد كان كل أسبوع يجبلي كتاب،كان دايم ياخدني بليل ونلعب تحت المطر وكنا بنتهزق بس ولو ولو..
كل سنة في عيد ميلادى زياد كان بيجبلي عروسة وكتاب هييح
مكنتش بحس بيه كنت معتبرة زياد أخويا وياسين حبيبي أو كنت مفكرة كده؟!
كان المفروض العكس، كان...
لما فتحت قلبي لحد تاني يدخلو اكتشفت إني كنت عامية معمية عن شوف الحقيقة الحقيقة الظاهرة قدام الكل، إلا أنا..
مكنتش شايفة حب زياد اللي بيسعي أنه يفرحني!
جرحته كذا مرة لما قلت أني بحب ياسين وهو عارف وساكت، كان بيتقبل كلماتي ويبلعها، أنا ازاي كده؟!
سمعته بيكلم بابا في يوم عن قد أي هو بيحبني وأنا مش حاسة بيه والي بحبه مش حاسس بيا وكأننا في مثلث الحب..
يوم ميلاده قررت أنهي موضوع ياسين وأفتح قلبي للي يستحقه...
جبتله كتاب من النوع اللي بيحبه وكان "رصاصة طائشة " للكاتبة علياء شعبان..
بيحب نفس النوع زيي بالظبط، وحطيت جواه مرسال.
كان فاضل يوم على عيد ميلاده
ليلتها حب يفتكس زى كل سنة.
بيوقعني في كوارث سواء عيد ميلاده أو عيد ميلادى!
خرجنا وأتفسحنا وجينا بليل، بليل خالص
-نهااار أسود فكرَك لو أتقفشنا هيحصل أي؟
=سديم تعرفي تسكتي مش هنتقفش ولا حاجة، بعدين أبوكي ولا أخوكي هيعرفوا حاجه.
آه وهو بيقول كده بالظبط النور قاد والعايلة كلها كانت قاعده في الصالة والدنيا ظالمه ومنك لله يـَ زياد يـَ ابن خالتي ع البهدلة دى..
-منورين والله يا جماعة أستأذن أنا بقا على أوضتي وأشوف وشكم بخير
=سديم..
بيحبونا قوي هي وصلة تهزيق ساعة او أكتر على التأخير دا، ياريتني مسمعته لما قالي:
-سديم أنا مخنوق
=روح شم هوا
-تعالي معايا
=دلوقتي أنتَ بتهزر روح كل عيش يلا
لا هتيجي
=زياد بص أنا مكتئبة ومتخلنيش أطلعهم عليك
-طلعيهم يلااا
بيعرف يطلعني من الجو اللي أنا فيه، هو عارف إني زعلانه دلوقتي ومش عايزة أبين لحد.
أنا مبعيطش بسهولة بس هو الوحيد اللي بعيط قدامه، وجوده جمبي مريح جدًا، إحساس إن حد ساندك وبيساعدك تبتسم أحساس يفرح أي حد..
عيطت ومسكت فيه جامد وقولتله أنا آسفة أنا غبية مكنتش شايفة الحب اللي في عينك ليا أنا حمارة أصلا قلبك دا كان المفروض احس بدقاته لقلبي، أنا كان عاميني حب شخص مش مهتم بيا، قلبي اتعلق بيه من الطفولة مع أن أنتَ كنت أقرب ليا منه، أنا مش عارفه أنا بعمل أي ولا رايحة إزاي ولا قلبي دا عايز مني أي يا زياد؟!
بس أنا شيلته من قلبي ولما فتحت عيني ملقتش غيرك جنبي آسفة إني محستش بيك من الأول..
كملت وأنا بعيط
- بابا قالي إنك اتقدمتلي وبقولها وأنا فرحانه وقلبي بيدق بوجودك جنبي أنا موافقة
قالي وهو بيضحك وغمازاته بانت ولمعة عينه ظهرت اهي ياربي هو كان جميل كده من أمتى؟
=بكامل قواكي العقلية
ضحكت-بكامل قوايا العقلية يا زياد
يا من أزدادت نبضات قلبي فقط بإبتسامة منه') 🤎🕊
#هايدي_إبراهيم
#سديم
الحكايه الرابعة من هنا 👇👇
بداية حكايات سديم هنا 👇
