expr:class='data:blog.languageDirection' expr:data-id='1477310355715762718'>

القائمة الرئيسية

الصفحات



 سكريبت حلوه

_يبت متعصبيش ميتين امي

..يعم طاب سيب الجاكيت 

وهو بيشد ف شعره :اللهم طولك يروح 

انا مش عارفه انت متعصب لي بس ي عم الحاج كدب إلي سماك هادي يعم اللاه

هادي:طب انا ههدي اهو قوليلي ي فرح انا قولت اي 

فرح:قولتلي متخرجيش من غير م تقوليلي 

هادي بنفاذ صبر:حلوووووو وانتي عملتي اي بقي

فرح بابتسامه بلهاء:خرجت من غير م اقولك  

هادي بصراخ:يبقي اعمل فيكي اي 

فرح بنفس الابتسامه:جبلي ايس كريم 

.......

فرح:هادي

......

فرح:انت مت ولا اي طب والآيس كريم 

هادي:اللهم إني لا اسئلك رد القضاء ولكني اسالك اللطف فيه

فرح:ها هتجلي ايس كريم ولا لا 

هادي:فرح

فرح:عيون فرح

هادي:لا لا متثبتينيش 

فرح:وربنا بحبك 

هادي بضحك:وربنا بعشقك 

فرح: يلا هاتلي ايس كريم بقي 

هادي:حاضر ي اخره صبري

_______________________________________

راح وجيه لقاها......

فرح:ياض سيب الكوره يلا انا إلي كنت هشوط 

...لا وانا مسميش ولا انا ليا اسم يبت انتي

بت! ياض دانا لو كنت اتجوزت كنت خلفت قدك

هادي وهو يفض الاشتباك :خلاص خلاص حقك عليا انا ي اسمك اي 

محمد اسمي محمد 

حقك عليا ي محمد 

حق اي يعم انا إلي هشوط الكوره 

هادي مسكها من هدومها وقال بغيظ:قدامي قدامي انت مينفعش معاكي غير الحبس 

فرح:لي شايفني جموسه وبعدين قلت مره سيب الجاكت 

هادي وهو ع وشك أن يبكي:يارب صبرني ع الابتلاء يارب يارب انا مليش غيرك 

فرح: مش  عارفه هو متعصب لي..

Shahd Ahmed 💙✨


=انت لي مش باد بوي


سؤال تافهه من واحده تافهه 

-نعم؟يعني اي مش باد بوي

=يعني واحد طول بعرض وعضلات بقا وكده ومحترم ولابس نضاره لا وكمان لبسك كله بدل أو قمصان عارف لو كنت باد بوي كنت اتجوزتك

-هو انا جيت واتقدمتلك مثلا انا اعرفك اصلا


احم اي الاحراج ده

=لا بقولك اي انا واحده محترمه 

-طبعا

=ومؤدبه

-اومااال

=و..

-بقولك اي

=اي

-ماتروحي بيتك علشان ملبسكيش الكلبشات

=وه وه انت ظابط

-شوفتي

=ومحترم

-يالله

=في اي بس ياصبحي الكلام اخد وعطا

-عطا مات ياعينيا يلا يابت من هنا

=انت قفوش اوي ياظبوطه  سلام


-والله بت مجنونه


(يوم مااحب احب واحد مش عارف اني عايشه اصلا جاري بس مش بيشوفني ولا يعرفني بس انا براقبه وعارفه عنه كل حاجه اه مانا مخابرات بس في السر هيهي  ملقتش انسب من الحل ده اني اروح واكلمه)


=عااااا الحقوني 


(وكانت من ضمن الخطه ده)

-في اي انت مين يلا

*انت مالك ياشبح ابعد كده انا هاخد البت دي يعني هاخدها

-اه طب تعالى بقا


(ياعيني ابن خالتي السرسجي اتشلوح منه)

-انتي كويسه

بتمثيل=شكرا ياحظابط

بقرف-حظابط اوعى كده تعالي اروحك يلا

بتوتر=ها لا لا هروح انا

-لي 

=اصل احنا من عيله محافظه وكده 

-اه طبعا ماهو باين

=احم سلام

-سلام


*ااااه ربنا ياخدك يارهف ده هولاكو يابت

ضحكت=معلش بقا تعيش وتاخد غيرها 

*اطلعي بره علشان مشتمش واقول لخالتي عليكي

=في اي يلا الاه

*طب ياخاااالتو


جريت عليه وحطيت ايدي على بوقه 

=يخربيتك اسكت

*هتعملي اي يانيله

=انا بحبه

*ماشي وبعدين

=الصراحه همشي على الخطه بقا

*طب ولو كشفك

=مش عارفه بقا

*وانا معاكي ياست

=حبيب قلبي انت ياواد روح ذاكر يلا علشان الثانويه ياعسل

*بتفكريني ليييه 

=معلش ياعسل يلا سلام


(الخطه التالته)


=احم صباح الخير 


بصلي وتنح ايوه بقا

-الفستان ده حلو اوي

(كنت لابسه فستان بيبي بلو وكوتش ابيض وحاطه ميكب خفيف واول مره اعمل كده يعتبر كل لبسي ولادي اصلا)


مثلت الخجل لا ياجماعه انا اتكسفت جدا

=احم  أنا كنت جايه اشكرك علشان ساعدتني امبارح

انتبه-ها اه مفيش شكر ولا حاجه ده واجبي

=تمام عن اذنك

-لا استني

=في حاجه 

-لا مفيش احم مع السلامه

ابتسمت=باي


(الخطه الرابعه)


-ازيك

=الحمدلله عامل اي

-الحمدلله الا قوليلي صحيح اسمك اي 

ابتسمت بثقه=رهف

مد أيده وابتسم-وانا زين


ومن هنا انتهت الخطط وبدأت صداقتنا وبصوا الصدفه طلع ساكن في قدام شقتنا يلاهوي على الصدفه يلاهوي


=زينو

-نعم

=في عريس متقدملي

-نعااااام


(في اي الخطه الخامسه ودي بقا الاخيره)

=في اي مالك

-يعني اي يعني 

=معرفش صحيت لقيت ماما بتقولي في واحد متقدملك وانا الصراحه قولت اشوفه يعني مش هخسر حاجه

-هتخسري كرامتك لو وافقتي يارهف انتي فاهمه

=الاه في اي 

-بقولك اي خديلي معاد مع أبوكي

=والعريس

مسح وشه-يارب هضربك يارهف


واتخطبنا ياجماعه وشبكني بدبلته فعلا


كنت في كافيه ومعايا صحابي وطبعا عارفين كل حاجه وكان عيد ميلاده النهارده فاظبط الكافيه وحضرت كل حاجه وكنت قاعده معاهم مستنياه


"عرفتي توقعيه يابت بخططك

=مش كده انا خليته يحبني مش اكتر واهو خططي نفعت واتخطبنا


سمعت تصقيف ورايا لفيت وشوفت زين!


-براڤو يارهف براڤو 

بصدمه=زين اسمعني 

صرخ-اسمعك اسمع اي هااا ضحكتي عليا ومثلتي عليا الدور علشان ابقى ليكي مش كده كنتي كل ده بتضحكي عليا ومخططه وياترى بقا بتحبيني ولا عملتي كده كرهان ها

=والله لا انا فعلا بحبك ولما تعبت من اني افضل احبك في السر كنت لازم اعمل كده علشان تحبني 

-بس الحب مش بالعافيه يارهف وانتي عارفه اني بكره الكدب 

قلع الخاتم وحطه على الترابيزه اللي قصاده

-مش عايز ألمح طيفك يارهف


مشي وانا واقفه مصدومه يعني كده خلاص بعد كل ده هيسيبني هو حتى مسمعنيش افتكرت في مره سألته


Flash back

=زين 

-عيونه

=هو انت ممكن تسامح شخص كذب عليك

-لا يارهف اللي كذب مره هيكذب الف مره

=طب ماممكن يكون عرف غلطه ومش هيكذب تاني

-معتقدتش بس انا بكره الكدب

Back

عدى شهرين نفسيتي فيهم اتدمرت بمعنى الكلمه عارفه اني غلطت وندمانه بس انا بحبه وعمري ماحبيت غيره 


=ماما انا مسافره سلام عليكم


القرار ده واخداه من يومين وقولت لاهلي ووافقوا لما شافوا حالتي سافرت الصعيد عند جدو


=جدو وحشت بنت ابنك اوي 

ضحك$وانتي وحشتيني جوي جوي يابكاشه 


دخلت في حضنه 

$وه مالها ست الحسن والچمال

=مخنوقه أوي ياجدو

$سلامتك ياروح چدك مالك عاد

=زين

$ااه يابتي انتي غلطتي جوي بس محدش معصوم عن الغلط اهم حاچه عرفتي غلطك ولو زين ليكي هيبقى ليكي ولو حصل اي عاد

=هدخل استريح شويه 

$ماشي يابتي ربنا يريح بالك يارب


دخلت الاوضه ونمت لاني كنت مرهقه جدا صحيت الصبح وكنت نشيطه قومت لبست فستان بينك في ابيض وكوتش ابيض وخرجت لجدو

=صباح الخير ياجدو

$صباح الفل ياعيون جدك

=هنزل اتمشى شويه في الزرع

$ماشي خدي بالك من نفسك 

=حاضر سلام


هدوء وراحه صوت الزرع اللي مالي المكان اتجمع مع خطوات شخص انا عارفاه وريحه برفان كنت بعشقها ومازلت والله صوت العشب اتجمع مع صوته صوته اللي وحشني


-(الهواء قتلني عندما افتقدتكِ وكان أكبر خطأ عندما تركتكِ تصارعِ هذا العالم بمُفردكِ )

بدموع=زين 

-وحشتي زين وقلبه والله

=اي اللي جابك

-جاي اشوف خطيبتي 

=بس انت قولت انك مش عايزني

-كانت وقت غضب كنت كداب

ابتسمت بحزن=بتكره الكدب

-بس احيانا بنكدب علشان نكون مع الناس اللي بنحبهم وانا بحبك

=محبتش غيرك انا اسفه

-مش عايزك تعتزري عايزك توافقي نكتب الكتاب علشان احضنك

ضحكت بكسوف=عايزه اتجوز باد بوي

-انا جود بوي مع الكل وباد بوي معاكي انتي بس بحبك..♥️

«انت عالمي»

#Basma🖤


خلصت ياولا 🐣♥️ متنسوش الفولو لاڤيو 🤍🍃


- بتعمل إيه؟ 

بحمي نفسي وبيتي من الأذى! 

- بالأكل؟ 😳

ايوه 

- إزاي؟


إمبارح واحدة جارتنا شافت منام ليا مؤذي جدًا وكان عبارة عن حيَّة كبيرة لدعتني بالسَّم بتاعها، وقتها كنت بتلوى لحد ما الموت حضرني فخوفت جدًا وسألتها أعمل إيه؟ 

قالتلي حديث كدا للنبي مكنتش أعرفه بس كل اللي عملته إني ناديت لولادي ودبحنا خروف وعملنا اطعام لفقراء القرية.


مكنتش عارف أنام من الخوف لإن جارتنا اللي شافت المنام دي صالحة جدًا وتقريبًا مبتشوفش حاجة عبث أو تخاريف!

خلصنا العزومة وفضل حتة لحمة في الآخر فحطيتها في رغيف عيش لإني مكنتش كلت من الصبح وكان بالي مشغول بالمنام وقلبي كان بيرتجف من القلق، ولسه هاكل افتكرت إن في ست عجوزة محضرتش العزومة لإنها مريضة.


روحت شايل حتة اللحمة من على بوقي وجريت لحد بيتها وفضلت قاعد جنبها لحد ما شبعت تمامًا فقومت جبتلها عصير ومشيت، واحنا نايمين بليل ولادي سمعوا حاجة بتخبط جامد على السلم!

فصحينا نشوف في إيه لاقيت حيَّة كبيرة بتتلوى من الوجع وبتخبط رأسها في الأرض وكان في جوا بوقها حتة عضمة من الخروف اللي دبحته وتحديدًا كانت العضمة اللي شيلتها من لحمة الست العجوزة، كانت واقفة في زور الحيَّة لحد ما ماتت؟

وقتها افتكرت حديث النبي صلى الله عليه وسلم اللي جارتي قالتهولي لما قالتلي أخرج صدقة بنية نجاتك من الأذى والشر وكان الحديث بيقول:

« إن في الجنة غرفًا يرى ظاهرها من باطنها وباطنها من ظاهرها أعدها الله لمن أطعم الطعام وأفشى السلام وصلى بالليل والناس نيام » .


وكلمة يرى ظاهرها من باطنها تُعني:

" شدة نقاء وشفافية الغُرفة لدرجة إن أهل الجنة هيشوفوا اللي جواها وصاحب الغرفة هيشوف اللي بره برضو وقيل أنها من لؤلؤ "


ومن هنا ياسيدي عرفت إن طول ما أنا بطعم الفقراء وبنشر بين الناس السلام وبقيم الليل وقت السحر والكل نايمين يبقى أكيد ربنا هيحميني ويحمي ولادي من أي أذى أو ضرر يدخل على بيتي وده جزاء الدنيا كمان ده غير جزاء الجنة.


- إيه ده بتجري رايح فين؟ 😂♥

هخلي مراتي تعمل أكل بزيادة وأطلع وجبة منهم لحد محتاج.


- طيب متنساش تبعتلي وجبة معاك 😂♥

سيبني دلوقتي بقى، سلام.


وعليكم السلام ورحمة الله وبركاته 😂♥♥

ككل المعلومات اللي زي دي على صفحتي ♥



تعليقات

close