 |
صغيرتي_البريئه...
من البارت الثامن عشر حتي الواحد وعشرين
بقلم دعاء احمد
عند باسل
قمر قاعده في البلكونه بدون النقاب وشعرها مفرود بتضحك بخفوت ونسمات الهواء رقيقه جدا
باسل واقف ماسك الفوطه بينشف شعره شافها سرحانه ضحك بخفه
وبسرعه كان وراها و لف الكرسي وانحني لمستواها
قمر بتوتر:في اي؟
باسل بخبث:اي؟
قمر بتوتر من طريقته: في ايه بجد
باسل بغمزه :قومي خدي شاور ياله
قمر بتوتر :ح حاضر
بتخرج بعد شويه وهي لابسه فستان ازرق لحد الركبه كت
باسل واقف حاطط ايديه في جيبه بخبث
باسل بابتسامه جانبيه :متجوز قمر يلهوي على الجمال يخربيت جمال امك
قمر بتوتر وارتباك:ممكن تبطل لو سمحت
باسل بخبث وهو يجذبها من خصرها :تؤتؤ مش هبطل
لنترك ذلك الثنائي في عالمهم الخاص
في شركه باسل
السكرتيره :مروان بيه
مروان:نعم
السكرتيره :مدام ساره برا عايزه تدخل لحضرتك
مروان بتنهيده:طبعا خليها تدخل
بتدخل بنت جميله جدا قصيره
مروان للسكرتيره :اخرجي انتي دلوقتي
بتخرج وبتفضل ساره ومروان
ساره بدموع:انت اناني انا بكر"هك
مروان بتاثر وحاول ميبينش: فعلا انا اناني عايزه ايه بقى.... جايه ليه
ساره:ليه طلقتني يا مروان من حقي اعرف.
مروان بجمود: ساره انتي جيتي ليه مش قلتلك في آخر مره مش عايز اشوفك تاني
ساره:عشان بحبك وعايزاك ومش فاهمه ازاي تتخل عني بسهوله كدا يا اخي
مروان:ساره احنا اتطلقنا ياريت تمشي من هنا لأن وجودك مالوش لازمه
ساره:انا روحت للدكتور وعرفت السبب اللي خالك تطلقني
مروان:طب دا كويس عايزه ايه دلوقتي
ساره:انت رخم على فكره مين قالك اني عايزه أطفال؟
مروان بابتسامة ساخره:عيونك يا بنت قلبي لهفتك كل ما تشوفي طفل... ودا طبيعي لازم تكوني ام في يوم من الايام
ساره :لو هكون ام يبقى اكون ام ولادك يا مروان
. مروان:مدام روحتي للدكتور اكيد هو فهمك الموضوع وعرفتي اني مش هخلف
ساره:على فكره دا غباء مين قالك كدا... الدكتور قال ان دا محتاج علاج مش اكتر وانا معاك ومش هسيبك
مروان:ولو محصلش؟؟
ساره:مالكش دعوه دي حاجه تخصني انا وانا بحبك ومتمسكه بيك زي ما انا عارفه ان لو انا اللي عندي مشكله هتفضل معايا وجانبي.... مش انا بنت قلبك؟
مروان بابتسامه جميله :وحشتني لمضتك يا اوزعه
ساره بغيظ:متقولش اوزعه بس
مروان:والله اوزعه وحشتيني يا بنوتي
ساره:يبقى تردني يا مروان.... صدقني لو كنت قالتلي من البدايه مكنش زمانا وصلنا النقطه دي لازم تعرف اني بحبك اوي وانك عمري كله..... وعايزه حفله نعزم فيها صحابنا بقالنا كتير مفرحناش... ايه رايك نعمل حفله على قدنا
مروان وهو يحتضنها :وحشتني اوي
ساره:وانت كمان يا حبيبي
بعد يومين
عند باسل
قمر كانت قاعده بتهري في نفسها لان دا يوم نيره و باسل معها
قمر:ما هي مراته برده انتي زعلانه كدا ليه يا بت اهدي كفايه أن قلبه ملكك
سمعت موبيلها بيعلن عن وصول رساله
مسكته لقيت باسل بيراسلها ماسنجر
ضحكت ومسكت الموبيل بحماس
في الدردشه
باسل:بنوتي عامله ايه؟
قمر:كويسه اوي انت كويس؟
باسل:اه كويس
قمر:طب ليه بتكلمني ماسنجر على فكره انا في الجناح اللي جانبك
باسل بخبث:اصل نيره تعبانه شويه مينفعش اسيبها لوحدها
قمر بغيره:اه تمام بتكلمني ليه دلوقتي اقفل وخليك معها
باسل بابتسامه وحماس: فعلا تصبحي على خير
قفل موبيله وهو مبسوط على غيرتها بص لنيره كانت نايمه
باسل لنفسه :يارب انا عارف اني مهتم بقمر ونيره مبديهاش نفس الاهتمام وانا ونيره حياتنا مالهاش معنى دلوقتي
عقله:يعني هتعمل ايه؟
باسل:انا بحب قمر ومش هقدر اكون زوج الاتنين والا هبقي بظلم نيره
عقله:نيره هي اللي سابتك واهملتك في البدايه ولحد دلوقتي كل همها الخروجات والمجوهرات والاسم مش اكتر
باسل:يبقى الحل ان كل واحد يروح لحاله لكن هامنلها مستقبلها لان انا مقدرش اكمل معها وانا قلبي مع قمر
عند قمر
بتتمشي في الاوضه رايحه جايه والغيره بتتملكها
قمر بغيره:خايف عليها اوي.... خليها تنفعك يا بت مالك
قلبها:ما هو مستفز اوي
عقلها:دي مراته على فكره
قلبها:بس هو قال انه بيحبني انا
عقلها: ومين قالك انه بيحبك لوحدك ممكن يكون ببحبها
قلبها: بس انا بغير عليه مش ذنبي
عد يومين وقمر بتحاول تتجنب باسل اللي بيعمل نيره بطريقه كويسه عشان ميحسش انه بيظلمها
قمر الغيره بتتملكها ومش بتقدر تسيطر على نفسها
على السفره
باسل : صحيح يا بابا مروان هيرد ساره وعامل حفله صغيره كدا عزمني فيها
نيره:طبعا هنروح بس انا محتاجه كذا حاجه عايزه اشتري فستان يليق بالحفله دي وكمان مجوهرات
باسل بلا مباله:تمام الجوهرجي موجودي تقدري تشتري اللي انتي عايزه....
ثم نظر بخبث لتلك التي تستشيط غضبا:وانتي يا قمر
قمر بضيق:مش عايزه حاجه شكرا... ومش هاجي معاك الحفله
باسل بخبث:تمام هنروح انا و نيره ونقضي الليله دي في الفندق
قمر بصتله بغيظ وقامت من على السفر وهو ابتسم بخبث وهو شايف غيرتها
بليل قمر كانت نايمه قامت بضيق وهي فاكره ان باسل خرج هو و نيره
لكن سمعت موبيلها بيرن
قمر بنوم:الو مين؟
باسل ضحك على طفولتها المجنونه؛ دا انا
قمر بسعاده وبدون ادراك:باسل وحشتني اوي انت فين؟ مش هتيجي انت وحشتني
باسل بخبث:لا مش هاجي انا مع نيره
قمر بغيره قا"تله:خليها تنفعك يا بيه
باسل بحده وصوت غاضب:انتي بتعلي صوتك عليا اتجننتي
قمر بخوف حقيقي ودموع من غيرتها:انا اسفه مش قصدي
باسل:قومي صلي ياله ولما تخلصي كلميني
قمر ببراءه:حاضر بس لما اكلمك ترد على طول
باسل بابتسامه :حاضر يا بنوتي
قفلت معه ومسحت دموعها ودخلت اتوضت وصلت المغرب
بعد شويه
قمر:ها بقى في اي؟
باسل :روحي اوضه الهدوم وافتحي الدولاب بتاعي
قمر استغربت وعملت. زي ما قالها
باسل:في دريس عندك طلعيه والبسي ومعه النقاب مش عايز شعره واحده تبان فاهمه
ثم تابع بابتسامة :وانا ربع ساعه واكون عندك
قمر:واقفه مش فاهمه في ايه وهي ماسكه شنطه فيها دريس
باسل:قمر انجزي مش وقت ذهول
قمر:حاضر
قفلت معه ومسكت الشنطه فتحتها ووقفت
مبهور دريس اسود طويل شيك جدا والدراع من الشيفون الناعم وتحتيه طبقه تانيه عشان متبينش اي حاجه من دراعها
في خمار ابيض هادي جدا
بعد دقايق
واقفه قدام المرايه بتضحك مش مصدقه اد ايه الدريس لايق عليها..... الألوان متناسقه جدا..... قررت تحط مكياج خفيف بما ان هي كدا كدا لابسه النقاب محدش هيشوفه غير شخص واحد بس
خلصت وكانت ملكه جمال
لقيت موبيلها بيرن
قمر:مجتش ليه؟
باسل:انا تحت انزلي ياله
قمر :حاضر
ولحد هنا ونقف ونكمل بكرا ونشوف الغيره هتعمل في أبطالنا اي
وياتري ايه اللي مستخبي ليهم
والله التأخير دا غصب عني لان بمتحن
صغيرتي_البريئه
البارت١٨
دعاء_احمد
صغيرتي_البريئه
البارت ١٩ و ٢٠
البارت ١٩
قمر:مجتش ليه
باسل:انا تحت انزلي ياله
قمر :حاضر
بتنزل قمر وبيكون باسل واقف تحت بيبفضل يبصلها وهو مبتسم شايف ملكه مش ملكه جمال لكن ملكه قلبه
كان واقف لابس بدله سوداء شيك جدا وقميص ابيض
قمر كان نفسها تجرى عليه وتحضنه وتقوله قد ايه وحشها لكن فضلت انها تسكت
باسل مسك ايديها وباسها
قمر بتسحب ايديها بضيق لكن مبسوطه جدا من جواها و نفسها تدخل لحضنه
باسل بخبث:مالك؟
قمر بضيق: ماليش
باسل:والله
قمر: انت عايز اي؟ وفين ست نيره؟ معقول تسيبها لوحدها... قدرت على بُعدها
باسل وهو يجذبها من خصرها وينظر لها باعجاب:غيرانه؟
قمر بلامباله: لا طبعا وهغير ليه ومن مين؟ انا عارفه نفسي كويس مفيش واحده تستاهل اني اغير منها
باسل بغمزه:يا واد يا جامد... بس موضوع الغيره دا خليه على جنب... نبقى نتكلم في بعدين ياله عشان هنتاخر
قمر :طب مش هتجيب نيره؟
باسل :شيليها من دماغك عشان ترتاحي... نيره مش هتيجي الحفله
ثم تابع بسخريه : الجوهرجي جايب تشكيله جديده حبت تكون أول واحده تشتريها فاعتذرت
باسل وهو يقبل عينيها : ياله بينا عشان منتاخرش
ثم تابع بخبث ولا تحبي نكمل كلامنا بتاع امبارح
قمر بتوتر ووشها احمر :لا لا ت تعالي نروح الحفله
باسل كان كاتم ضحكته وبهمس :بطلي كسوف يا هبله
قمر بتهرب:اه اه ياله بينا
بعد مده
بيدخل باسل ووراه قمر
بيجي مروان ومعه ساره اللي لابسه فستان ابيض بسيط جدا ومكياج مبهج
مروان:اتتَاخرت ليه يا عم....
باسل بص لقمر بخبث :انا مكنتش جاي اصلا
مروان بص لساره وبغمزه:انا كمان عايز اخلع
ساره :اااااععاااااا بطل يا اخي بقى رخم
مروان وهو يجذبها من خصرها : ما خالص بقى
كلهم دخلوا و مروان وساره كانوا بيرقصوا ومعهم صحبهم
وباسل وقمر قاعدين سوا
جيت بنت بتقدم العصير وبصت لباسل وابتسمت
قمر بغيظ:في ايه؟
البنت :ام سوري مفيش حاجه استاذ باسل نورت الحفله ومبسوطه بوجودك
قمر بصت لباسل بغيره وهي على وشك تعيط : مبسوطه انها شافتك
باسل حب يشوف غيرتها:واكيد انا مبسوط يا ديما
ديما:ووااوو حضرتك لسه فاكر اسمي
باسل بابتسامه جانبيه :طبعا هو انا ممكن انساكي
قمر :لااا والله بقى كدا طب خدي
ومسكت كاسه العصير ور"ميتها في وش البنت
باسل :عملتي ايه يا مجنونه؟
قمر وهي ماسكه الكاسه التانيه وبتشربها بلا مباله
:عملت ايه.... بشرب عصير لكن مش قد كدا اعتقد لازم تهتموا بالشغل الأول اكتر من الش"قط
ديما:شق"ط
باسل :ديما روحي انتي دلوقتي
ديما بمياعه:حاضر
باسل :ممكن افهم ايه اللي حصل دلوقتي
قمر بزعيق وصوت عالي : في ان البت المسهوكه دي بتعاكسك ادامي وانت عجبك الموضوع اوي
باسل بخبث:طب وانا مالي... وبعدين اتظبطي يا قمر
قمر بدموع :ماشي يا باسل انا عايزه امشي
باسل بزعيق :مفيش ز"فت مشيان وياريت تتعدلي
لان مش حابب اربيكي من اول وجديد
قمر بصتله وسكتت
مروان بهمس :في اي يا باسل؟ ياعم ما تهدي شويه
باسل بابتسامه :سيبك مننا الف مبروك كان أغبي قرار انك تطلقها من الاول
مروان: عندك حق صحيح عايزين نتكلم في موضوع المصانع تقريبا انا عرفت مين اللي وراها بس مش هينفع الكلام هنا
باسل :تمام هنتكلم بعدين
مروان:طب استأذن انا اشوف المجنونه دي
باسل بص لقمر وهي كانت كاتمه دموعها
باسل بهدوء:ممكن اعرف البنوته القمر دي بتعيط ليه دلوقتي
قمر بطفوليه :متكلمنيش انا مش عايزه اتكلم دلوقتي عشان بتخليني اتعصب وبترجع تزعقلي
باسل :خالص يا ستي انا اسف بس انت عصبتيني
قمر:وانت مش مراعي وجودي اصلا
باسل: وانا مش فاهم انتي عايزه ايه؟
قمر بعصبيه وتهور:انا بغير بغير افهم بقى ليه البت دي تكلمك كدا... ليه تبصلك.. ليه انت تكلمها كدا...
باسل حاس ان الدنيا مش سايعه من الفرحه وهو شايف جنانها الطفولي :
باسل بحده مزيفه وهو ينظر لها باعجاب :صوتك ميعلش انتي فاهمه ولا تحبي تشوفي مني الوش اللي عمرك ما شفتيه......
ثم تابع بهمس
:على فكره انتي مجنونه بس بعشقك انا بحبك انتي وبس افهمي بقى يا غبيه
قمر بحزن:انا غبيه
باسل:اه غبيه وهبله كمان اسكتي بقي
قمر:ياريت انت متكلمنيش تاني
باسل:والله دا انتي بتلككي عشان اكلمك اصلا
قمر:طب مش هكلمك تاني
باسل:متكلمنيش
قمر وهي بتربع ايديها بغيظ :مش هكلمك رخم اصلا
باسل ابتسم وسكت هو كمان
فجأه باسل قام ومسك ايد قمر وخرج من المكان
قمر بهدوء:هنروح فين
باسل : اصبري وهتعرفي
مسك قطعه قماش وغطى عنيها
قمر بخوف:باسل انا بخاف
باسل بابتسامه وهو يقبل راسها:متخافيش طول ما انا معاكي
مسك ايديها وبقي يمشي وهي وراه لحد ما وقف
قمر:خالص كدا
باسل وقف وراها وشال الغطا من على عنيها وكان ادامه حمام السباحه
قمر استغربت وبصتله وهو ساند راسه على كتفها مبتسم
قمر:في اي.
باسل :تلاته.. اتنين.. واحد
قمر بصت ادامها وكان في انعكاس لضوء على المايه بترفع راسها شافت الاضواء ماليه السما
بحبك يا ملاكي
قمر عيطت من الفرحه وحاسه انها مش قادره تستوعب كل دا مره واحده
باسل :هههشش كفايه دموع لو سمحتي
قمر :وانا بعشقك ربنا وحده يعلم
بعد مده
كانت قاعده في العربيه جانبه وهو بيسوق لكن في طريق غير طريق البيت
قمر:هو احنا رايحين فين
باسل :عند المأذون
قمر :ليه كتب كتاب حد تاني من صحابك
باسل :لا عشانا انا وانتي
قمر بابتسامه :ليه هنتجوز من تاني
باسل بجديه:لا هنتطلق
قمر بانهيار ....... نتطلق!!
صغيرتي_البريئه
البارت ٢٠
باسل:لا دا عشانا
قمر:احنا ليه هنتجوز تاني
باسل:لا هنطلق
قمر بصدمه ودموع صادقه:نطلق انت بتهز مش كدا... ااه قول ان دا هراز
باسل بجمود:وانا من أمتي بهزر يا قمر
قمر بدموع:باسل لا ارجوك انت سامع نفسك بتقول ايه... فاهم معنى كلامك ايه... انا بحبك
باسل فجأه وقف العربيه وضحك على شكلها وهو بيرفع النقاب
باسل:صدقتي انك هبله... يعني من شويه كنت بقولك اني بعشقك ودلوقتي هتطلقك انا بس حبيت اكد ليكي انك مجنونه
قمر بعياط وصوت شهقاتها عالي:انت ايه يا اخي حرام عليك انا بكر"هك يا باسل
باسل بابتسامه :كدابه ودموعك دي شاهده على حبك ليا يا بنوتي
قمر فتحت باب العربيه وخرجت وبقيت واقفه بتعيط وفجأه صر"خت بكل قوتها بهستريه
باسل اتخض عليها ونزل وراها بسرعه وهي بتصر"خ بأعلى صوتها
قمر بزعيق :انت ايه حرااااام عليك انت بتلعب بمشاعري ليه..... انا ببحححبببكك دي اسمها انانيه ازاي تعمل كدا.... ليه كلكم بتستمتعوا بدموعي للييييههه..... زمان كنت بستحمل عشان عارفه ان محدش بيحبني غير ماما.... لكن انا دلوقتي بحبك افهم لو سمحت انا مش طفله عشان تلعب بيها وتتسلي انت ايه يا اخي حرام عليك
باسل :اهدي يا حببتي انا اسف
قمر بتعب:دا ظلم انت فاهم دا ظلم ليا انا بني ادمه من لحم ود"م
باسل بسرعه حضنها بقوه وهي بتحاول تزقه وتبعد لكنه كان بيقرب اكتر حاولت تقاومه لكن معرفتش واستسلمت
باسل:انا اسف والله العظيم اسف اهدي اهدي
قمر :متسبنيش انت الوحيد اللي بسببه حبيت الحياه انت الوحيد اللي ادتني امل اني اعيش.. بلاش تظلمني لو سمحت
باسل :خالص يا قمر انا مكنتش اقصد صدقيني انتي اكتر حد في حياتي كلها بحبه
قمر ببراءه طفله :وانا كمان بحبك اوي يا باسل عندي استعداد اضحي بحياتي بس انت تكون كويس... انا معرفتش معنى الأمان غير معاك
باسل:اوعدك هتفضلي طول عمرك تحسي بالأمان دا ودايما هكون في ضهرك
فضلوا واقفين دقايق محسوش بيها وهي بتحاول تهدأ وهو اتأكد انه متجوز بنت بس بعقليه طفله صغيره بريئه
باسل :كويسه دلوقتي
قمربتوتر وهي بتبعد:اه
باسل:طب ياله بينا عشان مينفعش وقفتنا في الشارع دي
قمر:حاضر
في مكان مجهول
نواره:انتم مين وعايزين مني ايه؟
مجهول:مش عايزين حاجه متخافيش كدا احنا بينا مصالح مشتركه
نواره:مصالح ايه؟انتم مين اصلا.
المجهول:اللي بينا باسل المنصوري ومراته
نواره بكره:ودول عايز منهم ايه وانا ليه هنا
المجهول:الشقه اللي انتي وامك قاعدين فيها دي باسم باسل يعني في اي وقت ممكن يرميكم في الشارع.... لكن لو اتعاون هتكوني صاحبت أملاك
نواره:افهم عايزين ايه الاول
المجهول:............ والمقابل فيلا ورصيد في البنك وشغل محترم
نواره بصدمه:قت"ل؟؟
المجهول:متخافيش كدا انتي مش هيبقى ليكي دخل في الموضوع انتي بس هتعملي اللي هقولك عليه
نواره بابتسامه غل:موافقه
المجهول :كدا تقدري تقومي تمشي وفي الوقت المناسب هقولك المطلوب
صغيرتي_البريئه
دعاء_احمد
انا بنزل بارتين اهم عايزه تفاعل جامد يا جدعان
صغيرتي_البريئه..٢١ و ٢٢
دعاء_احمد
ال٢١
قمر بغيظ:ممكن متقولش كده تاني لو سمحت.... باسل انا بخاف وبغير وبحب لكن لو سبتني هعيش لكن روحي هتكون معاك
باسل :انا اسف يا قمر متزعليش مني اوعدك عمري ما هكسرك او اسيبك
قمر:احنا رايحين فين بقى دا مش طريق البيت
باسل :ما هو احنا مش هنروح البيت
قمر بطريقه طفوليه:اومال هنروح فين؟
باسل بابتسامه :شقتي
قمر ببراءه :ليه دا هو انت عندك شقه غير الفيلا
باسل:انا عندي حاجات كتير لكن الشقه دي مميزه اوي ليا
قمر:ليه
باسل :عشان انا صممت الشقه دي بنفسي كنت واخد قرار اني لما اتجوز اعيش فيها مع مراتي لكن بقى.....
قمر بابتسامه وسعاده طفوليه :يعني انا اول واحده ادخل الشقه دي
باسل وهو يقبل يديها بحنان: انتي اول واحده واغلى واحده
قمر اكتفت بابتسامه وسكتت وهي فرحانه جدا
بعد نص ساعه تقريبا
الاتنين وصلوا الشقه وكانت شقه عاديه مش كبيره اوي لكن مميزه بتصميمها والوانها دورين
باسل مسك ايديها ودخل وبدأ يشرحلها خطته ايه لكل ركن في البيت
ووقف أدام اوضه وفتحها
باسل:دي بقي معنديش اي خطط ليها كنت مستني شريكتي عشان تختارها سوا
فتح الباب وكانت فاضيه
قمر:اشمعني الاوضه دي
باسل:لانها اوضه اول طفل لينا بس عايز اعيش تفاصيلها
ثم تابع بلهفه وسعاده:
يعني مثالا لو ولد هيبقى لون الدهان ارزق
لو بنت هيبقى وردي
عايز ادهن الجدران دي بنفسي ههههه عارفه انا نفسي في بنت
في الركن دا هحط سرير صغير للبيبي وهنا دولاب لهدومه
و هنا هحط القطار والسكه
السقف هتبقى لونها ازرق وهتبقي بتلمع زي النجوم
لو بنت هيبقى كل الاوضه دي العاب و تسريحه عليها كل حاجه تحتاجها شيك ومنظمه
لو توأم بقى هتفتح الاوضه دي على التانيه
مسك ايديها وراح الاوضه التانيه كل دا و قمر بتعيط ببراءه من كتر الفرحه
باسل بانتباه لقمر:ايه رايك؟ انتي بتعيطي... انا اسف خالص انتي اللي هتختار كل حاجه انا اسف
مسك وشها ومسح دموعها: كفايه دموع يا قمري.. القمر مالوش حق انه يبكي
قمر:ا ن نا مكنتش متخيله اني هحبك كدا بجدا انتي احسن انسان اعرفه في حياتي كلها خليك معايا
باسل ابتسم و حضنها بتملك وهي بتمسك في بدلته وبتعيط وبتضحك
حاربتُ العالم من أجلك.. فلم تخذلني.... موفق يا قلبي
تاني يوم
قمر صحيت وهي مبتسمه وبتفكر في يومها كله مع باسل لكنها استغربت لما ملقتوش
قامت اخدت شاور وطلعت لابسه فستان ابيض قصير... رفعت شعرها كحكحه منظمه وحطت مكياج خفيف
نزلت بهدوء وهي بتدور عليه فتحت باب المكتب ولسه هتدخل وقفت مصدومه لان كان في شخص مع باسل وباين عليه انه شخص له مكانه
واقفه مش قادره تستوعب شكلها ولا المفروض تعمل ايه متخشبه في مكانها وفتحه بوقها وتتنفس ببط
باسل بص لمدير شركه التأمين لقه بيبص لقمر بنظرات كلها إعجاب بدايه من عيونها الخضر لشكل الفستان عليها
اتعصب وقام بسرعه مسك قمر من دراعها بعنف وخرج من المكتب وطلع لاوضتهم
اول ما دخل زقها بعنف
باسل بجنون وغيره وجحيم عصبيته متملك منه:ايه اللي انتي لابسه دا يا هانم.. ااانننطططققيييي
قمر بانفاس متسرعه وتلعثم:
م ك تنش ا عر ف ان في حد معا ك انا ا س سفه
فضلت تترعش وبتعيط بخوف ومش قادره تتنفس
باسل :قمر اهدي اهدي خدي نفسك
قمر فضلت تعيط ومش بتتنفس لحد ما فقدت الوعي
باسل :قمر قومي يا حببتي
شالها وحطها في السرير وكلم الدكتوره
بعد شويه
باسل : هي كويسه يا دكتور
الدكتوره:ايوه متقلقش بس واضح انها كانت متوتره عشان كدا مقدرتش تتنفس المهم دلوقتي ترتاحي وبلاش تتعرض لأى ضغط عصبي
وخصوصاً لأنها في بدايه الحمل
باسل:حمل؟؟
صغيرتي_البريئه..
ال22.
باسل:حمل؟؟؟!!!
الدكتوره:واضح ان حضرتك متعرفش المدام حامل ودا بدايه الحمل وطبعا هنبه على حضرتك تاني.. المدام جسمها ضعيف جدا ودا مينفعش ليها هي والبيبي لازم تتغدا كويس وتبعد عن أي ضغط عصبي لحد ما الحمل يثبت الف مبروك
باسل بسرعه :طب قمر ليه مفقتش لحد دلوقتي
بقلم. دعاء احمد
الدكتوره:متقلقش دي حاجه عاديه لان اديتها منوم عشان ترتاحي وهتفضل كدا لحد بليل ياريت يكون في حد جانبها
باسل بسعاده:تمام يا دكتور شكرا
الدكتوره:الف مبروك ويتربى في عزك
باسل :الله يبارك فيكي
الدكتوره استأذنت و مشيت
باسل بابتسامه جانبيه وسعاده عارمه :يارب قدرني واقدر أسعدها واخليها اسعد انسانه على وش الأرض
طبع قبله على رأسها ثم انسحب
اتوضي و وقف يصلي ركعتين شكر لله و يدعيه ان ربنا يحفظهم له
بقلم. دعاء احمد
بعد مده
باسل كان واقف في المطبخ وبيحضر لها حاجه خفيفه عشان لما تصحى
لكن موبيله رن
نيره:باسل انت فين؟ وليه مرجعتش من امبارح انت والهانم؟
باسل :عايزه ايه يا نيره؟
نيره بزعيق:عايزه أعرف انت فين وليه تاخد البني ادمه دي معاك
باسل بجمود وحده: لو كنتي قدامي دلوقتي كنت د"فنتك حيه يا نيره... وبقولهالك للمره المليون اوعي تعلي صوتك عليا عشان انتي عارفه غضبي عامل ازاي
ثانيا قمر مراتي زيها زيك ومش من حقك تتكلمي عنها بالطريقه دي...... وانتي اللي اختارتي انك تفضلي عند الجواهرجي
اتعصب وقفل في وشها
عند نيره
نيره:ماشي يا باسل صدقني نهايه البت دي على أيدي ولو فيها موتي
عند باسل
قمر صحيت وكانت حاسه بدوخه بقيت تسند على اي شي يقابلها
لحد ما نزلت الدور الأولى دخلت المطبخ وهي بتعيط
قمر بهزلان:ان ا ا سفه مك نت ش اعرف ا ن في حد معاك
ووقعت على الأرض باسل بسرعه قعد جانبها وهو بيرفع راسها بيسندها على صدره
باسل:هههههششش انا اسف اني اتعصبت عليكي بس مستحملتش نظراته ليكي
قمر : انا حاسه بدوخه
وبسرعه قامت وجريت على الحمام وقفلته وراها
باسل:قمر في اي ؟ افتحي لو سمحتي
قمر وهي تتقيا:معليش خليك عندك
باسل بخوف:لو سمحتي افتحي انتي كويسه
قمر بدموع:اه باسل تعبانه شوي
باسل بعصبيه:طب افتحي الباب بدل ما اكسره
قمر: بلاش لو سمحت هتنقر"ف
باسل بزعيق :افتحي الباب بقولك متعصبنيش
قمر غسلت وشها وخرجت.... باسل شاف الذبول باين علي ملامحها شالها وطلع اوضتهم
قمر:على فكره انا كويسه ممكن تسيبني
باسل بعصبيه :لا واسكتي بقى عشان متعصبنيش وتخليني افتح نفوخك.
قمر بدموع :على فكره انا مكنتش اعرف ان في حد معاك انا اسفه والله
باسل اتنهد بضيق وسابها ونزل جهز الاكل وطلع ليها تاني
باسل بجديه:ياله عشان تاكلي
قمر بضيق:مش عايزه وامشي بقى مش عايزه اكلمك
باسل بابتسامه جميله :والله
قمر بجديه وبتربع ايديها ادامها :اه وياله بقى هوينا عشان عايزه انام
باسل :لا يا اختي انا مش همشي وياله الاكل هيبرد
قمر:باسل انا بجد ماليش نفس
باسل :معليش لازم الدكتوره قالت كذا مره ان جسمك ضعيف ومحتاج تغذيه وبعدين عشان بنوتي الصغيره تكون بخير
قمر:اصدك ايه؟
باسل : يلهوي نسيت من فرحتي اني اقولك
قمر:اي؟
باسل بابتسامه :بعد تسع شهور انا وانتي هيبقى عندنا نونو صغير
قمر :ايه؟؟!! انا حامل؟؟؟
باسل وهو يقبل يديها: الف مبروك يا حببتي
قمر بدموع:انا انا حامل معقول ههههه بجد
باسل :بعشقك بموت فيكي انتي وهي هتكونوا كل عالمي بحبك يا قمري
قمر:انا فرحانه اوي انا هكون ماما... باسل انت هتاخده مني وتسبيني
باسل :عمري ما هسيبك بنتنا او ابننا انا وانتي اللي هنربيه متخافيش يا قمر عمري ما هتخلي عنك
قمر حضنته وهي مش مصدقه ان العوض جميل كدا
بعد اسبوع
قمر ركبه جانب باسل في عربيته
باسل:كويسه دلوقتي؟
قمر:اه الحمد لله انا كنت تعبانه اوي الدكتوره انقذتني بجد
باسل : قمر ممكن توعديني بحاجه
قمر:اي
باسل:لو حصل اي حاجه ليا وبعدت عنك او سيبتك انتي وابننا لازم تخلي بالك عليه وعلى نفسك ارجوكي
قمر:ليه بتقول كدا؟ انت كويس طمني
باسل بابتسامه :انا كويس والله بس عايزك تهتمي بنفسك اكتر من كدا لو سمحت
قمر:اوعدك هخلي بالي عليه واحميه من اي حد يحاول ياذيه بس وانت جانبي لان مش هقدر اكمل لو انت جوالك حاجه
باسل :وصلنا البيت ياله ادخلي انا لازم اروح الشغل
قمر:هتتاخر
باسل : مش عارف متقلقيش بابا في الشركه مفيش الا انتي ونيره بلاش يحصل بينكم اختلاط ولو حصل اي حاجه كلميني
قمر:حاضر ربنا معاك
نزلت من العربيه ودخلت الفيلا وباسل خرج من الفيلا بسرعه
قمر دخلت وبتقفل الباب وطلعت اوضتها لكن استغربت الهدوء الموجود على غير عاده نيره وخصوصا بعد الحمل
فجأه صر"خت بكل قوتها بهستريه وهي شايفه الد"م في كل مكان
تكملة الرواية من هنا 👇👇👇
صغيرتي_البريئه
دعاء_احمد
