 |
كبريائى فوق حبى
بقلمى ✍️اسماء الدالى
الفصل الأول والثاني
استعد راضى وزوجته رباب للسفر بعد ان اوكل امور الشركه لاخيه الاكبر عبد الرحمن وكذلك امور ابنته سمر
سافر راضى ورباب واستقر فى امريكا واسس عمل خاص به وكذلك التحقت رباب بعمل هناك ووضعت مولودها الاول الذى اطلقوا عليه اسم عمر ليكون الاخ الاصغر لسمر
تمر الايام وسمر تعيش مع جدتها لابيها ووسط اولاد عمها فاتن وسامح فكانت تعتبرهم بمثابه اخوتها
كانت سمر تشعر بالوحده دائما فقد توفت امها وتركها ابيها سعيا وراء طموحات زوجته الجديده
برغم ماكانت تشعر به دائما من كسره النفس والوحده الا انها كانت تخفى كل ذلك خلف ابتسامتها الرقيقه تستأنس بجدتها وجدتها ترعاها وفى الاجازات الرسميه كانت سمر تسافر لوالدها ليراها وترى اخيها ثم تعود لاستكمال دراستها
انهت سمر دراستها الثانويه والتحقت بالجامعه ولكن مازال والدها مستقر فى حياته بالخارج
دق جرس الهاتف ليعلن عن مكالمه من راضى يطمن بها على ابنته وامه
راضى:الو ..ازيك ياسموره عامله ايه
سمر:الحمد لله يابابا اخباركم ايه
راضى:معلش يابنتى مش هعرف انزل اجازه السنه دى كمان
سمر:ليه يابابا مش حضرتك قولت هتيجوا السنه دى
راضى:عندى شغل والله ياحبيبتى تعالى انتى بقى
سمر:اجى امته يابابا الدراسه قربت خلاص وحضرتك قولت هتيجوا انتوا السنه دى
راضى :معلش بقى الاجازه الجايه هننزل كلنا
سمر:عمر وحشنى اوى يابابا نفسى اشوفه
راضى :باذن الله نشوفك قريب وبخير حبيبتى سلامى لتيته انا مضطر اقفل دلوقتى سلام
ليغلق راضى الخط ويتغير وجه سمر للحزن فقالت لها جدتها :دا المحروس ابوكى
سمر :ايوه ياتيته
جدتها:وطبعا قالك مش جاى صح
سمر:بيقول عنده شغل ياتيته
جدتها:شغل؟!!شغل ايه دا الى يخليه مايشوفش امه بقاله اكتر من ٣سنين هى مراته الحربايه دى الى مخلياه قاعد هناك ؛الله يرحمك ياعفاف ولا يوم من ايامك
سمر:كنتى بتحبى ماما ياتيته اوى كده
جدتها:امك دى كانت ست الستات عمرها مازعلتنى ولا زعلت ابوكى ولا غصبت عليه يعمل حاجه غصب عنه الله يرحمها ويغفرلها يارب
لتنزل دمعه من عين سمر وتلقى بنفسها فى حضن جدتها وتقول لها:ربنا يخليكى ليا ياتيته معدش حد فاضلى غيرك فى الدنيا
بدأت الدراسه وانتظمت سمر فى جامعتها وتعرفت على صديقتها شهد التى كانت دائما تسير بصحبتها ولكن شهد شخصيه مختلفه تماما عن سمر وكانت دائما سمر تلفت انتباهها لبعض من تصرفاتها وتقول لها لابد ان نحافظ على شكلنا العام امام الناس فالناس دائما يأخذون بالظاهر لهم فقط
تمر الايام وتذهب سمر الى الجامعه ومن ثم تعود الى منزلها لتجلس مع ابنه عمها فاتن بعض الوقت ومع جدتها بعض الوقت وكثيرا من الوقت تقضيه فى شقه ابيها وامها مع صور امها وذكرياتها معها
كانت سمر من المتفوقين دائما تحرص على الا تفوتها اى من محاضراتها وفى الموعد المحدد فلا تتاخر ابدا ودائما مكانها فى المقدمه فى قاعده المحاضرات معروف لا يأخذه احد غيرها
فى الجامعه ذات يوم يعتذر الدكتور المحاضر عن اعطاء المحاضره ويوكل هذه المهمه الى دكتور اخر من زملائه
شهد محدثه سمر:بقولك ايه دكتور محمود لغى المحاضره ماتيجى نروح الكافتريا نقعد هناك ولا تيجى نزوغ خالص من الكليه
سمر:لا ياحبيبتى فى دكتور تانى هيديلنا المحاضره مكانه وبعدين ايه نزوغ دى ؟فى بنت محترمه تقول كده قولتلك مليووون مره خلى بالك من كلامك يابنتى
شهد:والله انتى الى مزوداها اوى ياسمر وبعدين دا معيد جديد لسه جاى الكليه السنه دى اصلا محاضره وتعدى ياستى
سمر:لا هحضرها بردو يلا اتفضلى قدامى
شهد:لا يااختى روحى انتى انا هخرج مع جاسر خليكى انتى فى محاضراتك
سمر:بردو جاسر ؟؟! الولد دا انا مش برتاح نفسيا ليه مش بتقبله لله فى لله
شهد تضحك بصوت عالى :والله دا هيموت عليكى
لتغضب منها سمر وتقول لها:وطى صوتك يابنتى انا مايفرقش معايا فى حاجه البنى ادم دا انا ماشيه
ذهبت سمر الى قاعه المحاضرات لتجد ان المعيد الجديد قد بدأ المحاضره فطرقت الباب واستأذنت للدخول
سمر :ممكن ادخل
نظر لها الدكتور وقال لها:اكيد بس المره دى اخر مره بعد كده محدش هيدخل بعدى اتفضلى ياانسه
دخلت سمر لتجلس فى مكانها المعتاد فى اول صف مقابل لمنصه المحاضره فتعجب الدكتور من تصرف زملائها الذين قاموا باخلاء مكانها فور دخولها ثم قال
مساء الخير ؛انا دكتور مازن هكون مكان الدكتور محمود وهكمل معاكم السنه باذن الله اتمنى منكم الالتزام وبالتوفيق ليكم جميعا باذن الله
يلقى الدكتور مازن المحاضره على تلاميذه ولكنه يلفت انتباهه تلك الفتاه التى دخلت خلفه ويشعر انها حقا مميزه بها شئ غريب يجذبه باتجاهها
الى اللقاء فى الجزء القادم
الفصل الثالث والرابع هنا 👇👇
تعليقات
إرسال تعليق