رواية العقيمة المحظوظة
الجزء الأول والتاني والتالت والاخير
بقلم تامر صقر
هند فتاة نشأت في منزل متواضع كل ما كانت تحلم بة أن
تتزوج برجل يُخرجها من هذا الفقر الذي تعيش فية وأن
تحقق حلمها كأي فتاة بأن تبقى زوجة وأم
أتى إليها شاب ينتشلها من ما هي فية وطلب أن يتزوج
سريعا وأن لا تطول فترة الخطوبة
وافقت هند بكل فرحة وأملت أن يحقق لها عامر ما تحلم بة
مبروك يا عروسة....
من أنهارة دي مملكتك اللي هتعيشي فيها كل اللي انا
عايزة منك أنك تكوني مطيعة وتسمعي الكلام إحنا هنا مش
عايشين لوحدنا
إحنا في بيت علية وكونك بقيتي جزء من العيلة يبقى
تتعودي على الوضع عشان نعيش مع بعض سعداء
أمي هي اللي ممشيا البيت كلة وكلامها يمشي علينا كلنا
ولو عايزة تعيشي مرتاحة ومبسوطة لازم تريحي أمي
وتسمعي كلامها...........
حاضر يا حبيبي..........
تاني يوم جوازهم الباب بيخبط والحرس بيرن قامت هند
تصحى عامر....... عامر قوم يا عامر شوف مين على الباب
عامر...... أكيد دي أمي جايبة الفطار.....
هند..... فطار؟؟..... فطار إية دي الساعة لسة عشرة
عامر... معلش يا حبيبتي قومي البسي عشان تستقبلي
أمي معايا عشان منسمعلناش كلمتين من أول يوم
سمعت هند الكلام ومكنتش مركزة اوي
فتح عامر الباب وكانت والدتة وأخواتة البنات ومعاهم
فطار العرايس
أهلا يا ماما
مبروك يا عرايس اخدت أبنها بالحضن
الحما.... مبروك يا حبايبي الف الف مبروك
عامر الله يبارك فيكي يا ماما،،،، بس دا أحنا لسة بدري أوي
دا إحنا حتى ملحقناش نجوع!!
معلش يا حبيبي عشان تتعودوا..... النوم بدري والصحيان
بدري وبعدين دي الساعة عشرة ونص إحنا صاحيين من
الساعة سبعة
يلا يا بنات قوموا أدخلوا المطبخ جهزوا الفطار وحطوة على
السفرة وبعدين أدخلوا روقوا أوضة النوم
قامت هند من مكانها مفزوعة
أوضة اية ياطنط دي أوضة نومي وبعدين دي لسة الصباحية
يعني إية يا عنيا أوضة نومك دي البيت دة كلة أنا اللي أقول
مين يعمل أية ومين ميعملش وكل حاجة هنا بتاعتي انا
مش بتاعة حد حتى السرير اللي انتي نايمة علية جوة دة
عامر مسرعا...... إهدي إهدي يا ماما هند ما تقصدش حاجة
دي بس مش فاهمة لسة وانا هفهمها كل حاجة
راح عامر لهند وقالها بصوت واطي في ودنها قوليلها حاضر يا
حبيبتي وخلاص دي ست كبيرة ولازم نسمع كلامها بردو
ايوة ياعامر بس...... يقاطعها عامر.. خلاص بقى يا قلبي
واقترب منها وبغزل قالها....... عشان ينزلوا ونقعد احنا مع
بعض ولا انا موحشتكيش
هزت هند راسها بكسرة وقالت حاضر يا ماما
نزلت حماتها وبناتها بعد ما عملوا اللي هما عايزينة
هند.... انا لما أتجوزتك يا عامر انت مقولتليش إن الوضع هيكون كدة
عامر... أنا يا حبيبتي مش عايزك تدي الموضوع أكبر من
حجمه. أمي ست كبيرة وإحنا كلنا عايشين في طوعها وهي
سندنا في الدنيا بعد وفاة ابويا من وإحنا لسة صغيرين
هند... سندكوا انتوا يا عامر إنما أنا كنت بحلم إن أنت اللي
تكون سندي في الدنيا
عامر... وأنا يا حبيبتي هكون سندك وحبيبك وكل حاجة بس
عشان خاطري قوليلها حاضر مش هتخسري حاجة لما
تقوليلها حاضر........
ماشي يا حبيبتي؟؟
هند.... حاضر يا عامر بس مكنتش حابة إن حد يدخل أوضة
نومي من أول يوم جواز
عامر..... معلش يا حبيبتي حقك عليا أنا... يلا بقى نفطر
ونكمل كلامنا اللي لسة مكملنهوش
حاضر يا حبيبي
عدي مدة وهند كل يوم حاسة انها اتجوزت عامر وأمة وإن
من الواضح إن الست دي شخصيتها كدة ومش هتتغير
والكل ميقدرش يكسرها كلمة
بدأت تتأقلم على الوضع لحد ما جة اليوم اللي حماتها
طلعتلها شقتها
فتحت هند الباب أهلا يا ماما إتفضلي
الحما.... أهلا يا حبيبتي.... أمال انتي إية حكايتك لا بتنزلي
تساعدي ولادي في البيت ولا بشوفك برة باب شقتك
أنا قولت دا انتي حامل ومش عايزة تقولي
هند.... لا يا ماما انا لسة مش حامل وأنا بصحي من بدري
بجهز لعامر الفطار ولبسة لحد ما ينزل بفضل اورق وانضف
البيت وأطبخ عشان عامر لما بيرجع بيبقى جعان وتعبان
الحما..... طب عايزين نشوف عوضك بقى.. يلا اتجدعني
وشهلي نفسك كدة عايزة اشيل عيالكوا
هند...... انشاء الله يا ماما ادعيلي
ونزلت حماتها وحست أن الست دي هتبقى سبب أن حياتها
اللي كانت بتحلم بيها متتحققش.....
رجع عامر من شغلة وهند حكيتلوا اللي حصل وبتشتكيلة
إن أمة عايزاها تنزل تساعد اخواتة في بيوتهم
قالها عامر.... طب وإية المشكلة دول اخواتي يعني أخواتك
وبعدين أنتي إنشاء الله لما تحملي أكيد هما هيطلعوا
يساعدوكي في شغل البيت
هند منفعلة.... لا يا عامر انا مبحبش حد يساعدني في شغل
بيتي أنت يوم ما أتجوزنا وانت قولتلي دي مملكتك ياسيدي
انا عايزة اخد راحتي في مملكتي
عامر... بس انا مش عايز أمي تغضب علينا
هند... انا مليش دعوة غير بيك وطلباتك وطلبات بيتي وانت
يا عامر لو معملتش حدود للموضوع دة انا هضايق جدا وهحس أنك مش بتحبني
عامر.... خلاص يا حبيبتي انشاء الله هتكلم مع أمي وخليها
تخف عليكي شوية
هند.... تخف عليا شوية؟؟ ماشي يا عامر شكرا
عدت فترة وحمات هند سألتها أنتي بقالك خمس شهور
متجوزة إية الحكاية أنا عايزة أشيل أبن أبني
أعمل إية يا طنط كل حاجة في إيد ربنا مفيش في إيدنا حاجة
حماتها.... طنط؟؟ طنط مين يا عنيا انا مش طنط لو مش
عاجبك تقولي يا ماما قوليلي يا حاجة.....
دخل عامر من برة راجع من شغلة...... فية إية يا ماما مالك
في إية يا هند مزعلة ماما لية؟؟
بكت هند وجرت دخلت أوضتها وقفلت على نفسها
أم عامر... بقولك اية يا عامر أنا مش مرتاحة للبت دي
بكرة ما تروحش الشغل وتاخدها للدكتور تكشف عليها
وتشوف التأخير دة منين فاهم
حاضر يا ماما بس انتي أهدى وانا هاخدها بكرة
أة بكرة عشان لو ملهاش في الخلفة هجوزك تاني
تجوزيني تاني ازاي يا ماما دا انا لسة عريس مكملتش سنة
زي ما سمعت تروح للدكتور بكرة
حاضر يا ماما هروح
تاني يوم راحوا للدكتور كشف على هند وطلب منها تحاليل
عملتها وروحوا تاني يوم أخدوا التحاليل وراحوا للدكتور
الدكتور..... للأسف يا مدام إنتي عندك مشكله ولازم تعملي
عملية
هند... مشكلة إية يا دكتور
الدكتور... هي مشكلة بسيطة بس عشان تحملي لازم
تعملي العملية ولازم تتفائلي خير
أخدها عامر ومشوا وهند طول الطريق منهارة وحزينة وأكثر
شئ محزنها مش إنها عندها مشكلة ممكن تمنعها من
الخلفة على أد حزنها إن سندها في الدنيا مش هيقدر يحميها
ولا يدافع عنها أمام أمة.......
هند طلبت من عامر إنها تروح تقعد عند أهلها اليوم دة بس
عامر أصر إنها تروح معاة البيت وبعد محايلات وجدال
روحت هند معاة
دخلوا بيتهم ولسة بيغيروا ملابسهم خبط الباب
ايوة مين........
إفتح يا عامر أنا أمك..............
فتح عامر الباب...........
العقيمة المحظوظة
الجزء الثاني
بقلم تامر صقر
فتح عامر الباب لقى أمة.... واول سؤال سألتة أمة عملت أية عند الدكتور؟؟
عامر.... أتفضلي يا ماما بس خدي نفسك واستريحي من السلم
أنا لاعايزة ارتاح ولا أنا تعبانة من اصلة ريحني وقولي عملتوا
إية والدكتور قالكوا إية؟؟
عامر بكسرة.... مفيش يا ماما نتيجة التحاليل طلعت إن هند
محتاجة تاخد علاج عشان عندها مشاكل
الحما... أممممم طب ولو العلاج مجبش نتيجة
عامر... هنطر نعمل عملية
الحما.... أااااة طيب لما نشوف أخرتها معاها
طبعا هند قاعدة في أوضتها وسامعة كل شئ وكان نفسها
إن عامر يرد أمة حتى بأن هو هيفضل وراها ومش هيسبيب
مراتة لحد ما تتعالج بس للاسف دة محصلش
نزلت أمة ودخل عامر على هند الأوضة لقاها منهارة وبتبكي
طبطب عليها وقالها متزعليش انا مش هسيبك وهفضل
معاكي لحد ما تخفي
بصتلة هند وقالتلة كان نفسي تقول الكلام دة لوالدتك
كان نفسي تكبرني وتشتريني أمام أمك... مش بيني وبينك
في أوضة مقفولة علينا
ياعامر دة قضاء ربنا وابتلاني بية ولو انت اللي كنت مكاني
كنت وقفت أمام الدنيا كلها وقولت ان الشخص اللي معايا
أهم عندي من اي شئ وهفضل معاة لحد ما يخف وحتى
لو لاقدر الله مخلفناش عمري ماكنت هتخلي عنك
عامر أخدها في حضنة وقالها متزعليش مني يمكن أكون أنا
بني أدم سلبي بس بحبك
ردت بعصبية يا عامر الحب مش كلمة بتتقال الحب احتواء
واهتمام وانك تكون سندي وضهري إنما أنا بتهان قدامك
وانت ما بتتنفسش
وانهارت هند من البكاء وطلبت من عامر يسيبها لوحدها
تاني يوم أخدها عامر وراحوا لدكتور تاني طلب منها تحاليل
تانية وفحوصات وللأسف نفس النتيجة
كتبلها علاج وطلب منها إنها تمشي علية لمدة ثلاث شهور
ولو مجبش نتيجة يبقى لازم عملية
فعلا عدا ثلاث شهور من عذاب وتأنيب من حماتها وأخوات
جوزها إنها عقيمة ومش بتخلف وإنها أرض بور وعمرها
قصير في البيت
هند طلبت من عامر الطلاق او يشوف شقة بعيد عن أهلة
يسكنوا فيها لاكن عامر اتمسك بيها ورفض أنة يسكن بعيد
عن بيت العيلة بحجة إنة لا يملك من أمرة شئ وأمة
ممكن تغضب علية وتحرمة من. دخول البيت مرة تانية
وقالها الحل الاخير اللي قدامنا أننا نعمل العملية
فوضت هند أمرها لربنا وقالت خلاص يا عامر انا هعمل
العملية...
دخلت هند عملت العملية وخرجت من المستشفى على
بيت مامتها..
هند... ماما انا معتش عايز اروح مع عامر
ام هند... لية يا بنتي انتي مش بتقولي إن عامر طيب وحنين
خلاص أهم حاجة جوزك معاكي عامل ازاي وحماتك دي
ملكيش دعوة بيها ولا تحطي في دماغك
هند..... انا يا ماما مش عايزة حد يتدخل في حياتنا يقولنا
تاكلوا إية ومتكلوش إية وتصحوا امتى وتناموا إمتى
دي عايزة تمشي الدنيا كلها بدماغها هي والكل بيطيع أمرها
أم هند.... يعني إنتي لو اتطلقتي هيبقى دة الحل أديكي
شايفة الحال واحنا ما صدقنا انك اتجوزتي وأتشال حملك
من على أبوكي عشان يفوق لبقيت اخواتك
انتي لازم تكملي عشان جوزك وعشان أبوكي وعشان
اخواتك يا هند
هند... طب وأنا يا ماما....... دا أنا خايفة في يوم أصحي من
النوم الاق حماتي بتقولي روحي بيت أهلك احنا مش عايزينك
ام هند... لا حبيبتي إنشاء الله مش هتوصل لكدة وبعدين
دي ست كبيرة يعني أيامها معدودة في الدنيا
هند... بيتهيألك يا ماما...... اللي زي الست دي معمرة ومش
هتموت دلوقتي دا يمكن إحنا نموت وهي لسة عايشة
عدت فترة بعد العملية وعامر أخد هند وروح على بيتة وهنا كانت صدمة هند لما لقت حماتها وأخوات عامر في انتظارها
دخلت هند وهي تكاد ان تقع مغمي عليها من الخوف
والرعب
ولكن حدث مالم يمكن توقعة.....
ترحيب غريب وأحضان من حماتها.........
حمدالله على السلامة يا حبيبتي تعالي ارتاحي
هند.... خير يا طنط في إية
حماتها... خير إية ياهند هو إنتي فاكرة إني وحشة للدرجادي
لا يا حبيبتي أنا عندي بنات وانتي زي بناتي وأوعي تفكري
إني مكنتش زعلانة إنك تعبانة وعندك مشكلة
وانا كنت عايزة أجيلك المستشفى ولا عند أمك بس كنت
تعبانة شوية.....
عدي اليوم وهند نفسيتها ارتاحت وحست إن الدنيا
ضحكتلها
وحماتها كل يوم تطلع تطمن عليها وتنصحها وتسيبها وتنزل
عاشت هند أجمل فترات حياتها وللأسف الفرحة مكملتش
في يوم نزلت لحماتها وكانت عاملة حاجة حلوة ونزلالها
ولسة هتخبط على الباب سمعت حماتها بتقول لجوزها
أنا عصرت على نفسي ليمونة وبعاملها زي ما الدكتور قالك
نفسيتها وتبعد عن أي توتر او اي حاجة تزعلها إنما أعمل
حسابك ان لو الموضوع طول عن كدة أنا هجوزك تاني
وهي لازم تعرف كدة إحنا مش جايبين واحدة نصرف عليها
وننضفها وكمان نعالجها من علتها
وقع الطبق من إيد هند وجرت على شقتها وارتمت على
السرير وإنهارت في البكاء
دخل عليها عامر سألها....
مالك يا هند بتعيطي لية في أية ردي عليا
أنا سمعت كل حاجة يا عامر.... أنتو مش بس بتتصنعوا
الطيبة أنتوا كمان بتعايروا الناس بمرضها
حسبي الله ونعم الوكيل
إنتي بتتحسبني علينا إنتي فايقة للي إنتي بتقولية إنتي
عشان أنا أتجوزتك ولميتك من المستنقع اللي انتي فية
صدقتي نفسك
هند.... أيوة يمكن انا كنت عايشة في بيت أهلي اللي هو
مستنقع بالنسبالكم..... بس كنت عايشة مع بني أدمين
بتحس
عامر تقصدي أية إحنا بقالنا مدة عاملين العملية وبردوا
مفيش حمل وكل يوم الكل بيزن على وداني إني أتجوز
وللأسف كنت شاريكي
الباب خبط فتح عامر لقى أمة
مالك يابت انتي بتعلي صوتك لية انتي نسيتي نفسك ولا
إية لااااااا دا أنا ارجعك الزريبة اللي كنتي فيها لو رفعتي
صوتك
هند.... انا عايزك ارجع الزريبة انا عايزة اروح بيت أهلي ولا
إني اقعد مع ناس زيكم
حماتها.... ارمي عليها يمين الطلاق يا عامر
عامر...... إهدي يا ما.............
أمة....... أرمي بقولك ارمي عليها الأرض البور دي
عامر...... إنتي طالق
خرجت هند بشنطة هدومها في نص الليل مطلقة مهانة
رجعت بيت أهلك عشان تزود هموم الدنيا وتصعبها عليهم
أكتر واكتر
بعدها بأيام بسيطة
تعالي يا عامر أنا جيبالك عروسة إنما إية بنت ناس وجميلة
وأهلها مغلينها مش مرخصينها زي الارض البور اللي كنت
جايبهالنا
عامر.... اللي تشوفية يا ماما
وفعلا راحوا اتقدموا لواحدة تانية من عيلة كبيرة وأصحاب نفوز
ولأن عامر مطلق كان في شروط للجوازة زي مؤخر كبير
وشبكة كبيرة وقايمة منقولات
طبعا الوضع دة بالنسبة لوالدة عامر إنها غالية وأهلها
معززينها ........
وفعلا أتجوز عامر بعد ما غير كل شئ في الشقة وأكل حق
هند من كل شئ عشان يكفي مصاريف الجوازة الجديدة
عملوا الفرح وطلعوا شقتهم ودخلوا........
تاني يوم الباب بيخبط.... عامر عامر قوم يا عامر شوف مين
قليل الزوق اللي بيخط بدري كدة
صحي عامر وقالها دي أكيد أمي قومي بسرعة عشان
تستقبلي أمي بدل ما نسمعلنا كلمتين من أول يوم
نسمع أية؟؟؟؟
كلمتين من أمي
من مين من أمك؟؟ لااااااا كلام أمك يبقى عليك أو على
أخواتك إنما أنا لا وأتفضل اطلع قول للست والدتك تنزل
ومتجيش إلا لما نبقى نصحى
عامر..... انتي بتقولي إية يا حبيبتي دي بردو أمي وزي أمك
قوم يا عامر استقبل امك وقولها صاحبة البيت لسة نايمة
ولما تصحي براحتها تبقى تطلع
خرج عامر لأمة وفتحلها اهلا يا ماما
مبروك يا عريس..... أمال فين العروسة.؟
عامر.... معلش يا ماما هاجر تعبانة شوية سامحيها
لا اسامحها دة إية دا أنا الست الكبيرة أطلع يوم صباحيتها
ومتجيش تستقبلني لا ادخل صحيها ولا ادخلي انتي يا ريهام صحيها
خرجت هاجر لما سمعت الحوار..... أهلا يا طنط إتفضلي
أنا خرجت قبل ما ريهام تغلط وتدخل عليا أوضة نومي كان هيبقى رد فعلي مش هيعجبكوا أبدا
حماتها..... مش هيعجبنا إزاي يعني كنتي هتعملي إية يا هاجر
بصي يا طنط البيت دة بيتي وانا وجوزي بس اللي نقول
مين يعمل إية ومين ميعملش ومفيش حد لية الحق إنك
يدخل أوضة نومي
حماتها...... طيب يا هاجر مش إنتي شايفة كدة
ونزلت حماتها وبناتها شبة مطرودين
عامر.... إنتي ازاي بتكلمي أمي كدة
هاجر..... وانت ازاي تسمح إن حد حتى لو امك او أختك تدخل أوضة نوم مراتك يوم صباحيتها
إسمع يا عامر لو إنت سلبي أنا مش كدة ولا بحب كدة
عدت فترة وعامر بيدفع تمن سلبيتة وأمة مش عارفة تطلع بيتة لان هاجر سيطرت على الموقف من أول يوم
وفي يوم عامر راجع من شغلة وقفتة أمة
ام عامر..... أمال بقالك كام شهر متجوز وبردوا مفيش حاجة إية الحكاية
عامر.... كلة بأوانة يا أمي دي حتى هاجر مستعجلة أكتر مني
ام عامر..... لا لازم تروح لدكتور تكشف عليها ويارب تطلع ما بتخلف هي كمان
عامر.... لية يا أمي حرام عليكي هو أنا ناقص
وفعلا طلع عامر ولسة هيتكلم في موضوع الدكتور إتفاجئ إن هاجر هي اللي بتكلمة إنهم لازم يروحوا للدكتور
وفعلا راحوا لنفس الدكتور اللي راح لية مع هند
أهلا استاذ عامر اتفضل خير انشاد الله
والله يا دكتور احنا متجوزين من ست شهور ولسة محصلش حمل
طب خير خير ان شاء الله هتعملوا التحاليل دي في المعمل اللي جمبي والنتيجه هتطلع كمان نص ساعة
وعامر وهاجر خارجين الدكتور ندة علي عامر
الدكتور.... هي مدام هند عملت إية
عامر... إحنا إتطلقنا بعد ما إتأكدنا إن هند مش هتخلف
الدكتور..... بس مدام هند مشكلتها كانت بسيطة
طب على العموم أعملي انت كمان التحليل دة
عامر...... أنا؟؟ تحليل ليا أنا؟؟؟
الدكتور.... أيوة عشان نطمن عليك اَأنت كمان خصوصا إنك معملتش تحليل قبل كدة.....
وفعلا عامر وهاجر عملوا التحليل....
ودخلوا للدكتور....
الدكتور بالنسبه للمدام مفيش أي مشاكل تمنعها من الحمل
بالنسبة ليك يا أستاذ عامر فرصة الخصوبة عندك معدومه
العقيمة المحظوظة
الجزء الثالث والاخيرررررررر
بقلم تامر صقر.........
الدكتور.... بالنسبة للمدام.. تحاليلها كويسة
بالنسبه لحضرتك يا أستاذ عامر عندك مشكلة في الخصوبة
عامر.... مشكلة عندي أنا؟؟؟
عامر بوجة شاحب يملئة الحزن والمشكلة دي عندي من
زمان يادكتور ولا لسة جديدة
الدكتور.... والله يا أستاذ عامر مشكلتك دي من النادر إنها
تكون بسبب دي بتكون مشكله منذ الصغر
وقدر الله وماشاء فعل
هاجر..... يعني إية الكلام ده يا دكتور؟؟
يعني أنا مش هخلف؟؟؟ حياتي كلها هتكون مع واحد كل
حياتة مقضيها مشاوير عند الدكاترة
الدكتور..... إهدي يا مدام الموضوع مش محتاج مشاوير
لدكاترة ولا حاجة الموضوع كلة في إيد ربنا
عامر.... يعني إية يعني أنا اللي مبخلفش يعني المشكله
عندي من الاول
هاجر..... طب انا هدخل الحمام على ماتخلص مع الدكتور
عامر...... يعني يادكتور مراتي الأولى كانت سليمة وانأ اللي
إفتريت عليها وكانوا أهلي بيعيروها ومكنش حد يعرف إن
العيب مني؟؟
الدكتور..... شوف يا أستاذ عامر مبدأيا كويس إن المدام
خرجت وسابتنا لوحدنا
أنا عايز أقولك إن مدام هند جاتلي من رواك أكتر من مرة
وكان كل أمنيتها إنها تبقى كويسة وكانت ماشيه على قرص
العلاج بالظبط لأنها كانت بتعاني من عدم إنجابها وعملت
تحاليل تانية وأثبتت إنها بقت كويسة جدا ومعندهاش أي
مشاكل في الحمل
وأنا طلبت منها إنك تيجي تعمل تحليل طالما. هي كويسة
والحمل إتأخر
بس أنا إتتفاجئت إن حضرتك طلقتها بسبب إنها مخلفتش
وإن حضرتك دلوقتي في مأزق كبير قدام مدام هاجر
اللي من الواضح من نظرتها دلوقتي وإنها سابتنا ومشت إن
الموضوع بالنسبالها صعب جدا
عامر..... بس هاجر في الحمام ما مشيتش
الدكتور.... لا هو من الواضح دلوقتي من الكاميرات اللي
قدامي إنها خرجت برة وركبت تاكسي ومشت
عامر...... إية يعني إية تسيبني وتمشي ( وفي داخل نفسة)
دة ذنب هند اللي المفروض إني كنت أتمسك بيها وأقف
معاها مش أسيب أهلي يعايروها بمرضها
ياترى هتقولي عليا إية يا هند لما تعرفي ربنا هيعمل فيا إية
أكتر من كدة فعلا داين تدان
وخرج عامر وروح بيتة وكان عايز بس يسأل هاجر... إنتي
لية سبتيني ومشيتي؟ هو انتي مش هتقفي جمبي في
محنتي؟؟
فتح باب شقتة ودخل أوضتة ملقاش هاجر
بحث عنها في كل مكان ولكن هاجر مش موجودة
أتصل على تليفونها مرة وانتي مبتردش
نزل لوالدتة اترمي في حضنها وقالها كلمة هزت البيت باللي فية
قال عامر لأمة ربنا أخد حق هند مننا كلنا يا أمي
إحنا استقوينا على هند بعزوتنا ومالنا بس هي أستقوت
بربنا يا أمي
إحنا عايرنا هند بمرضها وهي أتحسبنت علينا يا أمي
وانهار عامر بالبكاء في حضن أمة
والدة عامر.... مالك يا عامر إية اللي فيك يا بني
رد عليها عامر ودموعة تنهمر على وجهة....... أنا اللي عقيم
يا أمي أنا اللي مبخلفش يا أمي
والدة عامر سمعت كلام أبنها وقعت مغمي عليها
حاولوا يفوقوها مش بتفوق..... طلبوا الإسعاف واخذوها
المستشفى
وهناك عرفوا إنها أصيبت بالشلل النصفي وظلت فترة
بالمستشفى إلى أن أستقرت حالتها وأول طلب منها
طلبت تشوف هند
عامر.... عايزة إية من هند يا ماما
والدة عامر..... عايزة استسمحها يابني عشان كل اللي إحنا
فية دة بسبب ظلمنا ليها وياريتها تبقى على أد كدة وبس
عامر..... طب إهدي إنتي ياماما ولما تخرجي من هنا
بالسلامة نبقى نشوف الموضوع دة
والدة عامر.... هاجر ماجتش زارتني يا عامر
عامر.... هاجر طالبة الطلاق يا ماما
والدة عامر.... دة انتقام ربنا من اللي عملناة في بنت الناس
الطيبين اللي إستقوينا عليها وعايرناها بمرضها ومكناش
نعرف إن العِلة من عندنا
أنا عايزة أشوف هند...... أبعت أخواتك البنات يروحوا
يقولولها إني عايزة أشوفها وأستسمحها
راحوا أخوات عامر عند بيت هند وهما على الباب سمعوا
زغاريط وأغاني ولما سألوا الجيران في إية قالو دي خطوبة
بنت الحاج سعيد
دخلوا البيت وسألوا على هند قابلتهم والدة هند وبكل طيبة
وترحاب إتفضلوا يا بنات أهلا وسهلا شرفتونا وأنستونا والله
فيكوا الخير وعارفة إنكوا ولاد ناس وتعرفوا في الاصول
تعالوا دي هند هتفرح أوي لما تشوفكوا لا يا حاجة إحنا
عايزين هند في كلمتين وماشيين
عايزين هند في كلمتين طب إزاي هتسيب عريسها وتيجي
عريسها؟؟؟
هي دي خطوبة هند مش خطوبة أختها؟؟؟
لا يا حبيبتي دة كتب كتاب هند على إبن عمها..... كان
مسافر برة وربنا أراد إن زوحتة تتوفي عشان هند هي اللي
تربى ولادة..... وأهي تعوض الامومة اللي إفتقدتها
البنات بصوا لبعض وأستأذنوا ومشيوا راحوا البيت بلغوا
والدتهم باللي حصل......
ساءت حالة أمهم بسبب اللي حصل وكأن الدنيا قررت تاخد
حق هند منهم......
في نفس اليوم جاء والد هاجر وأخواتة والكثير من عائلتها
والد هاجر..... أنا بنتي عاشت في البيت دة وشافت كتير
وأتحملت أكتر.... إتحملت راجل شخصيتة ضعيفة وأمة اللي
ممشية الدنيا وقولنا ماشي أمة بتتدخل في كل شئ قولنا
ست كبيرة نتحملها.. إنما بنتي تعيش مع راجل عقيم ممكن
نتحمل لو في امل في العلاج إنما بعد اللي سمعناة لا
دة عقاب ربنا ليكوا وبنتنا ملهاش إنها تعيش في وضع زي
دة... أنا بنتي لسة صغيرة وعايزين نفرح بيها ونشوف عيالها
(... سبحان الله شربوا من نفس الكأس...)
وفعلا عامر طلق هاجر وأخدت كل حقوقها اللي كانت بمثابة
كل مايملك عامر وكأن ربنا أراد أن يكون الرد في نفس
الأشياء اللي عامر ظلم هند فيها
مرت فترة وهند حست بإعياء شديد وبعد الكشف عليها
أكتشف أنها حامل مكنتش مصدقة كرم وعطف ربنا عليها
عوضها ربنا بالزوج المحب بالطفل اللي بتتمناة وبعد أن
وضعت طفلها وأثناء تواجدها في أحد المطاعم مع زوجها
وأبنائة وطفلها الرضيع
وجدت أمامها عامر يعمل في تقديم المأكولات لهم في
الطعم وعندما رأي هند وزوجها وقع على الأرض مغمي
علية........
تمت
ملخص الحكاية...
لما تدخل بيوت الناس عشان تاخد أغلى ما يملكون لابد أن تكون رجل بمعنى الكلمة أن تكون الاب والأخ والصديق والزوج والحبيب أن تكون سند لها لا عِبئ عليها
وإن لا قدر الله مرضت أن تكون لها الطبيب والمداوي
حط بنتك أو أختك في نفس الظروف وأحسنوا التصرف
أستوصوا بالنساء خيرا
تمت
بقلم تامر صقر
تعليقات
إرسال تعليق