 |
أصعب طلاق
الجزء الأول
بقلم تامر صقر
أبطال الرواية
أحمد ازوج
رانيا الزوجة
مروان الابن
نانسي الابنة
ماما هو لية يا ماما انتي وبابا مش عايشين مع بعض
لية بابا معاة ست تانية غيرك وحضرتك معاكي راجل تاني غير بابا
وبعدين يا نانسي في الكلام دة انا مش قولت متتكلميش في الموضوع دة تاني
معلش انا اسفة يا ماما بس انا نفسي اشوف مروان اخويا زي اي بنت بتلعب مع اخوها وبيقعدوا في بيت واحد مع بعض
مروان اخويا وحشني يا ماما وعايزة اروح اشوفة مش معقولة يومين في الأسبوع معاة عند بابا ويومين هنا في البيت
معلش يا نانسي اكيد لما تكبري هتفهمي لية حصل كل دة
فلاش باك عشر سنين
رانيا انا استلمت الوظيفة اللي مستنيها وخلاص أحلامي هتتحقق واجي اتقدملك
أخيرا يا أحمد اخيرا هيبقى لينا بيت ونحقق كل اللي بنحلم بية؟
انشاء الله يا حبيبتي ربنا اكيد حاسس بينا وأد اية احنا بنحب بعض وربنا اكيد هيجمعنا في بيت واحد قريب
ماما.... أحمد الحمد لله أتثبت في شغلة وناوي يجي يتقدم
وعايز ميعاد مع بابا
خلاص يا حبيبتي انا هكلم باباكي واخدلك ميعاد منة
حضنت رانيا مامتها وكانت طايرة من الفرحة
السسلام عليكم عاملين اية على الغدا انهاردة انا جاي من الشغل تعبان وجعان جدا
طب تتغدا وعايزاك في موضوع مهم....
خير يا أم رانيا...
مفيش بس أحمد اللي كنت كلمتك علية زميل رانيا اللي كان معاها في الكلية عايز يتقدملها
امممم طب هو بيشتغل اية؟؟
هو لسة مسلتم شغلة من كان يوم واتثبت الحمد لله
طب عندة شقة؟؟
انت عارف يا ابو رانيا أزمة السكن اليومين دول يعني مين من شباب الايام دي عندة شقة
هو احنا يعني لما اتجوزنا كان عندنا...... محنا قعدنا عند مامتك لحد ما اشتريت الشقة
بس الايام غير الايام يا ام رانيا والجيل غير الجيل
اديك قولت اهو يعني الايام صعبة على كل الشباب
انا مقولتش حاجة بس اللي بيجي سهل بيروح سهل ودي بنتنا الوحيدة
متحبكهاش اوي يا ابو رانيا ياسيدي اهو لو ممكن يتجوزا وبيقعدوا معانا
لالالا انا بنتي عندي بالدنيا وان مشلتهاش الأرض اشيلها في عنيا بس لما تتجوز.. يكون ليها بيت ومكان على الاقل اطمن انة مش داخل يتجوز وخلاص
متقلقش الواد شكلة بيكافح وبتاع شغل واحنا بردو مش هنسيبهم
اقعد معاة واللي فية الخير يقدمة ربنا
تعالي. يارانيا انا اتكلمت مع باباكي وشرحتلة ظروف أحمد
ربنا يخليك يا بابا
عايزة تتجوزي وتسبيني يا رانيا كبرتي خلاص وعايزة تسبيني
لا يا حبيبي دا انا هتجوز عشان أملي البيت أحفاد تلعب معاهم ويسلوك... ههههههه
ماشي قوليلة يجي بكرك يقابلني
حاضر يابابا ربنا يخليك ليا يارب
أحمد.... مش هتصدق بابا وافق على ظروفك ومستنيك بكرة
يااااااااة يا رانيا اخيرا......
انا جاي انا وماما وبابا واخواتي وانا اتكلمت مع بابا وهو كان مستني الميعاد
تاني يوم.....
أحنا جايين يا حاج نطلب ايد بنتكم رانيا لابننا آحمد
دة شئ يشرفني ان شاب محترم ومكافح زي أحمد اديلة
بنتي..... اللي هيا أغلى هدية ربنا وهبها ليا
بنتي دي يا ابو احمد حتة من كبدي ولو كنت بتمنى حاجة من الدنيا.......
فأنا بتمنى ربنا بس يديني العمر واشوف عيالها واطنَمن عليها مع راجل يراعي ربنا فيها
والله يا حاج انا كمان كنت بحلم باليوم اللي أحمد ابني يختار ويناسب ناس اوصلي زيكم
نقرأ الفاتحة؟؟
بس في شوية تفاصيل لازم نتفق ونتكلم فيها
ومالوا يا حاج مش عيب اتفضل
اختلفوا شوية واتفقوا شوية وتمت الخطبة على خير
وبعدين يا رانيا اقل شقة في بورسعيد بألف وخمسمائة جنية
معلش يا حبيبي انشاء الله هنشتغل ومرتبي على مرتبك وهنمشي الدنيا
انا خايف يا رانيا اكون بظلمك معايا ومقدرش اوفي بالوعد اللي وعدتهولك واني اسعدك
ياحبيبي انا كل اللي بتمناة من الدنيا اني اكمل حياتي مع الراجل اللي اعتبرتة سندي في الدنيا.... رغم ان بابا سمعني وانا بقولك الكلمة دي واداني محاضرة يومها بسبب كلمة سندي دي
اهو شوفتي؟؟ انا لو معرفتش اكون سندك في الدنيا يبقى ما استحقش اكون ليكي
عدت فترة عصيبة عليهم ووقفوا في ضهر بعض
واستأجروا شقة وفرشوها مع بعض كل قطعة اختاروها بحب وعناية وكل شئ تمام
أحمد.. مبروك عليا أجمل وارق رانيا في الدنيا
رانيا... مبروك عليا انا أحن وأطيب أحمد في الدنيا
أحمد قوم يا أحمد صحي النوم كل دة نوم قوم بقى متكسلنيش... قوم عملالك فطار
صباح الخير على اجمل انسانة شافتها عنيا وباس ايديها
وقالها......
عارفة يا رانيا انتي الدعوة اللي أمي دعيتهالي
طب انت عارف بقى انت إية............ انت كل حاجة حلوة حصلتلي وممكن تحصلي في حياتي
ربنا يقدرني واقدر اسعدك
وانا كمان ياحبيبي ربنا يقدرني وأقدر اسعدك
بعد أيام
رانيا... رانيا.............
اصحى يا رانيا
اية دة يا حبيبي اية اللى رجعك من الشغل بدري كدة
مفيش اتحولت للتحقيق بسبب مشكلة في الشغل
وبعدين... مفيش مخنوق ومش عارف اعمل اية
خلاص يا حبيبي ربنا انشاء الله هيعديها على خير وترجع شغلك وتبقى احسن من الاول
مش باين يا رانيا.... الظاهر انهم هيخفظوا العمالة في الشركة
ويصفوا ناس كتير
خلاص يا حبيبي انا خلاص كام يوم هرجع الشغل وأسعدك في المصاريف وانت كمان لازم تدور على شغل بعد الضهر
انا فعلا بدأت ادور بس الشغل قليل والمرتب يادوب
مش مهم يا حبيبي المهم اننا كويسين ومستورين
انا خايف يا رانيا انزل من نظرك لو مقدرتش اوفرلك العيشة اللي تستحقيها
نامت رانيا في حضنة وقالتلة...... متقولش كدة يا حبيبي انت عندي بالدنيا
بعد فترة خرج أحمد من شغلة بسبب خفض الموظفين واسبب المشكلة اللي حصلتلة في الشغل
خبي على رانيا خبر الفصل من الشغل خصوصا انهم عرفوا من كام يوم بس انها حامل ومش عايز يبوظ فرحتها بالحمل
يتبع
الجزء الثاني والتالت هنا 👇👇
