القائمة الرئيسية

الصفحات

الأخبار[LastPost]

ورطة زواج اقتباس والمقدمه


ورطة زواج

 اقتباس والمقدمه

*انت اتجننت ياواد انت عايز تتجوزنى أنا قولتلها بعصبية وبالشنطة على دماغة وهو بيصرخ وبيحاول يهرب من الضرب   

- اه يا بنت المجنونة قالها بعصبية ومسك ايدى إلى بتضربه بصيتله بعصبيه 

*انت المجنون وستين مجنون وسيب ايدى بقولك قولتها بنرفزه وبسحب ايدى منه 

* لاء لو سيبتها هتضربى ثانى انتى باين عليكى مجنونه 

عضيت على شفايفى بغيظ ورسمت البراءه 

* مش هضربك هنتكلم بالعقل ذي  أى اثنين كبار 

ساب ايدى بشك وانا رفعت ايدى بالشنطة وعلى رأسه ثانى 

* تستاهل الضرب هو انت ايه يااخى لازقه وجبله كان مالى انا والمشاكل دى كلها علشان تكمل بيك 

بعد من تحت ايدى وقال بهدوء 

* أي المشاكل فى إلى قولته عرض عليكي عرض لا توافقى او توافقى بردو معنديش رفض قالها بسماجه وعينيه الزرقا بتبصلى بتركيز اووى نفخت بضيق لانى بضعف قدام عينيه وقعدت على الكرسى إلى ورايا لقيته سحب الكرسي الثانى وقعد جنبى 

- انا بهزر معاكي على فكره مبجبركيش على حاجه ياقموصه انتى

بصيتله بطفوليه عايزه اعيط علشان ضربته وهو يعنى مش وحش للدرجة دى ده قمر اووى ووقعت فى هواه للاسف بس تهزيق المدير والتدبيسة فى مهمه مستحيلة جات فيه

بقلمي أسماء الكاشف 

* انت ليه حلو كده

قولتها بسرحان فى عينيه إلى كل مره بتسحبنى ذى الجنية إلى بنسمع عنها فى الحواديت 

فوقت على ضحكته 

- للدرجة دى واقعة فيه 

ابتسمت باحراج هو حس بكسوفى 

- انا حلو علشان عينك هى إلى شيفاني كده وعلى فكره انتى قمر


* انت ق*ليل الأدب على فكره قولتها بسرعة

- ايوه كده ترجعى لطبيعتك اصل اللسان الدبش ماينفعش يبطل شويه ده يتعب لو وقف 

قالها بسخرية وضحكته زادت 

نفخت بغيظ 

*مستفز 

- عارف 

بقلمي أسماء الكاشف 

سكت وهو كمان سكت 

*ليه 

قولتها بهدوء مستنيه رده على عرضه للزواج مستنيه الكلمة إلى بتيجى في الروايات مستنيه كلمة بحبك بس الروايات مش دايما بتتحقق في الواقع وإلى اكدلى كده كلامه إلى قهرني

انا هقولك الصدق من اولها مش هكذب عليكي واقولك انى دبت فيكي من اول ما شوفتك وعنيكى إلى ذى سحر الزيتون دى شدتني فى هواها  بصيتله بغيظ فابتسم 

- انتى حلوه اووى يا مسك المشكلة مش فيكي ولا فيا المشكله فى الظروف بتحطنا فى مواقف ما نتحسدتش عليها انا شايف انك أكثر حد مناسب ليه وشخصيتك الشقية دى هحتاجها 

* مافهمتش بردو انت عايز ايه قول بسرعة من غير لف ودوران 

- محتاجك علشان ده شرط لجدى عايزنى أتجوز علشان الورث اقدر استلمه 

*اشمعنى انا إلى رسيت عليها ما كنت تشوف واحده بتحبها واتجوزها يااخى وايه إلى يخلينى مثلا اوافق على حاجه ذى دي

 - علشانك محتاجاني بردو 

اتسعت عينى من تلميحاته 

*تقصد ايه 

ابتسم بمكر

_ علشان تغظيه مثلا 

ابتسمت بتوتر للحظة افتكرته عرف موضوع الشغل وطلبهم الغريب أن اتجوز بصيت عليه بشك 

ابتسم بهدوء

* انا عارف انى بطلب حاجه صعبه بس انا محتاجك وانتى محتاجانى ليه متساعدش بعض مثلا

سكت وبصيت على البحر قدامي 

- جوازنا هيكون لفترة وهعوضك بمبلغ كبير من ورثى ولو عيزاه صورى ماعنديش مشكلة 

حسيت بوجع فى قلبي وحاجه جوايا اتكسرت يمكن علشان افتكرته هيكون العوض ليه والاقى إلى يعشقتى   

سرحت شويه وهو سكت مستنى ردى افتكرت مصطفى وشغلي انا كمان محتجاه يمكن ما احصلش على الحب بس احصل على الانتقام واغيظهم لفتره 

- ها سرحتى فى ايه يا مسك 

* الجواز هيكون صورى هنمثل الحب قدامهم وان احنا اسعد اثنين وفلوسك خليها لنفسك مش محتاجه منك حاجه ولو حسيت بغدر منك هندمك على اللحظة إلى شوفتنى فيها قولت كده بعصبيه ونبرة تهديد

ابتسم وعينيه الزرقا دى لمعت للحظة سرحت فيها بس بعدت عينى بسرعة

- إلى عيزاه كله هنفذه ها ايه قرارك 

* موافقه قولتها وجوايا اصرار كبير على تنفيذ المهمه بمساعده محمد بس ما عرفش انى اتورطت فى لعبة ليه هو وأنا مجرد دمية بيحركها بإيده 

يتبع

المقدمه

 - عقبالك شكلك لسه مارتبطيش قالها وهو بيبص بشماته غظنى وماحستش غير وانا بشد اول شخص من ذراعه ومن غير تفكير قولت

* اعرفك بمحمد جوزى معلش ابننا فى البيت مع جدته 

كلنا بصينا بصدمة هو مصدوم واتحرج لما شاف الشخص إلى مكلبشة فى ايده كان طويل وعينه زرقه بس ما ركزتش فى شكله قد ما ركزت فى دعواتى انه ما يحرجنيش ويقول ان ما يعرفنيش اصلا لكن الغريب لقيته بيلف ايده حول وسطى وقال بهدوء وببحة رجوليه..  

* مش تعرفينا يا حبيبتى 

بلعت ريقى وقولتله 

*ده استاذ مصطفى قريبى من بعيد

مد ايده لمصطفى وقال.

اتشرفنا يااستاذ مصطفى 

مد مصطفى ايده بغيظ. 

_الشرف ليه انا

انتظرووووووني

تعليقات

CLOSE ADS
CLOSE ADS
close