قبل القراءه أضغط متابعه ليصلكم كل جديد من هنا 👇👇👇👇👇👇
القاسي والقوية
البارت واحد واربعون واثنين واربعون والاخير
بقلم مريم_هاني✍️✨
في الصباح في منزل فهد استيقظ واخذ حماما دافئا ونزل ليتناول افطاره ومن ثم يذهب ليأخذ اسيل ومالك و منال معه...... نزل فوجد الجميع يجلسون ويتناولون الافطار
فهد:صباح الخير
الجميع:صباح النور
سيف:بقولك يفهد احنا هنرجع القاهرة انهاردة
فهد:لي؟!
فريد:عشان مينفعش احنا التلاتة نغيب عن الشركة شهر بحاله وانت طبعا مينفعش ترجع دلوقتي عشان موضوع اسيل ومالك ف خليك انت واحنا هنرجع
نورسين بغضب:بس احنا ملحقناش نقعد..... لسة متفسحناش ومنزلناش البحر
معاذ بغضب ايضا:ايوة وانا ملحقتش اعاكس المزز اللي بتبقي علي البحر
لمار بشهقة:يا قليل الادب احترم نفسك يولد.....سامع ابنك بيقول اي وانت بتضحك
سيف بضحك:تربيتي دة........حبيب قلبي يا معاذ
فريد:تربية زبالة
فهد:وانت يا استاذ مراد مش عايز تفضل عشان تعمل حاجة انت كمان
مراد بهدوء:لا انا عايز ارجع القاهرة انهاردة..... عن اذنكوا انا طالع
سيف بأستغراب:مراد ماله يفريد
فريد بحيره:مش عارف من ساعة ما جينا وهو متغير
هدي:اصله غيران
لمار:وهيغير لي ومن مين
فهد:انا عارف لي ومن مين بس متخافوش الامور هتبقي تمام...... المهم محدش هيمشي انهاردة انا هروح اجيب اسيل ومالك وماما منال هنا هنقضي اسبوع ونرجع علي طول........وقبل ماحد يسأل ويقول اي حاجة اسيل كلمتني امبارح وقالت اننا لازم نرجع عشان دة لمصلحة مالك
لمار:يعني هي لسة مسامحتكش
فهد بتنهيدة:وشكلها مش هتسامحني ابدا يا لمار وبصراحة انا مش مستغرب اللي عملته فيها مكنش قليل برضه ومافيش واحدة ف الدنيا تقبل بيه
هدي بحزن:ايوة بس انت اتغيرت يفهد عشانها وكلنا شوفنا دة لي هي مش مصدقة
فهد بأبتسامة حزينة:بسببي انا..... انا اللي خليت ثقتها تنعدم فيا لدرجة ان صاحبة عمرها بتحاول تقنعها وهي برضه مش مصدقة..... كنت كل مرة اطلعها لسابع سما وانزلها لسابع ارض
فريد:انشاء الله كل حاجة هتبقي تمام صدقني
ابتسم له فهد وقال:انشاء الله انا هروح بقي عشان اجيبهم....... وقول لمراد ان مالك عاوزه لما يرجع وحاول تخليه يوافق يتكلم معاه
فريد:حاضر
مشي فهد فقالت هدي:فهد صعبان عليا اوووي شوفتوا وهو بيتكلم كان حزين ومكسور ازاي
لمار:معاكي حق......بس بصراحة انا مش عارفة اقف مع مين......لو هنبص من وجهة نظر اسيل فهي معاها حق اللي عمله فهد معاها مكنش قليل برضه...... ولو هنبص من وجهة نظر فهد فهو برضه من حقه فرصة تانية صحيح هو غلط ف حقها كتير بس ندم وفضل يدور عليها سبع سنين واتغير كتير عشانها ف من حقه فرصة تانية.... حقيقي الوضع معقد جداااااا
فريد لسيف:وانت مش عايز تتكلم وتقول حاجة انت كمان
سيف:الكلام مش هيعمل حاجة....... واي محاولة مننا عشان نرجعهم هتفشل لازم هما الاتنين اللي يعملوا كدة بنفسهم وبصراحة انا شايف ان اسيل قدمت فرصة حلوة جدااا لفهد
لمار بأستغراب:ازاي؟!
سيف:يعني دلوقتي اسيل هتكون عايشة معاه ف الڤيلا هي ومالك وقتها هيكون عنده فرصة اكبر انه يثبتلها اد اي هو اتغير ودة هيبان من تصرفاته اللي اكيد هتلاحظها ساعتها ممكن تسامحه وترجعله
هدي:سيف بيتكلم صح علي فكرة
لمار:ربنا يهديهم ويصلح حالهم يارب
الجميع:يارب
•~•~•~•~•~•~•~•~•~•~•
اما عند اسيل فأستيقظت من نومها وذهبت لتحضر الافطار وتوقظ مالك
اسيل:مالك حبيبي اصحي يلا
مالك:ولاهي مارايح المدرسة انهاردة هااااا
اسيل بضحك:ههههههههه......لا ماتخافش انت مفصول اساسا عشان غبت كتير الفترة اللي فاتت
مالك ببرود:قال يعني فصلوني من الجنة.... طب ولاهي المدرسين اللي هناك عايزين مدرسين اساسا
اسيل:ماشي يلمض قوم بقي اغسل وشك والبس لبس حلو كدة عشان باباك هيجي ياخدنا انهاردة نروح نعيش معاه
مالك بأستغراب:انتوا مش اتفقتوا نقعد هنا شهرين الاول وكمان تيتا منال هنسيبها وحدها ازاي مينفعش طبعا الكلام دة
اسيل:اولا تيتا منال هتيجي تعيش معانا عادي انا يستحيل اسيبها يعني...... ثانيا بقي هو كلمني امبارح وقال انه مش هيقدر يقعد بعيد عنك شهرين بحالهم عشان كدة لازم نروح
مالك بسخرية:بعيد عني انا برده..... هعديها يا سوسو المهم ان تيتا هتيجي معانا ومش هنسبها هنا وحدها عن اذنك
وتركها وذهب وقالت اسيل بصدمة:يستحيل دة يكون طفل عنده ست سنين ابدا
منال:انتي بتكلمي نفسك
اسيل:الواد دة هيجنني خلاص يا ماما...... يستحيل يكون عنده ست سنين دة مستحيييييييل
منال بضحك:هههههههه لا ولسة ابوه دة انتي اخرتك العباسية..... عيني عليكي يبنتي
اسيل بضحك هي الاخري:ههههههههه اه ولاهي..... صحيح جهزتي نفسك عشان تيجي معايا
منال:اه خلاص جهزت كل حاجة مش فاضل غير حاجة مالك وحاجتك انا هظبط حاجة مالك وانتي جهزي حاجتك
اسيل:لا انا هجز هدوم مالك وهدومي عادي
منال:تفتكري اللي انتي هتعمليه دة صح يا اسيل
اسيل بتنهيدة:مش قدامي حل تاني غيره دي الطريقة الوحيدة اللي هتأكد بيها اذا كان اتغير فعلا ولا لا
منال:طيب يبنتي اللي يريحيك..... ثم قالت بضحك.... دة لو عرف انك انتي وسيف وفريد اتفقتوا عليه هيقوم الدنيا ومش هيقعدها
تخيلت اسيل منظره عندما يعرف فأنفجرت ف الضحك ايضا: ايوة ولاهي معاكي حق دة هيتجنن... بس مش مهم خليه يشرب شوية
منال:علي رأيك انا هروح اشوف الفطار اللي سبتيه علي النار دة يا اخرة صبري
وتركتها ورحلت وظلت هي تتذكر مكالمة سيف وفريد لها ليلة امس
Flash Back
ذهبت اسيل لكي تنام ولكن وجدت هاتفها يرن فنظرت للهاتف وكان المتصل فريد فأستغربت كثيرا ولكنها قامت بالرد
اسيل:الو
فريد بحرج:الو....انا اسف اني بتصل ف الوقت المتأخر دة بس بجد الموضوع ميستحملش وكان لازم اكلمك فيه دلوقتي
اسيل بقلق:ولا يهمك بس في اي حد خصله حاجة انت قلقتني
سيف:يا اخي اخلص وش كسوف حضرتك اوي قلقت البت علي الفاضي اخلص يعم انت
فريد بغيظ:اخرس انت يا حيوان
سيف:خرسنا اهو يكش نخلص بقي
اسيل:في اي انتوا الاتنين ماتقولوا متصلين لي واي الموضوع المهم اللي انتوا عايزيني فيه
فريد:بصراحة انا عايزك ترجعي لفهد
اسيل:طب ما انا هرجع بس لما الشهرين يخلصوا الاول واشوف تغير فهد بعيني
سيف:لا ما احنا عايزينك ترجعيله بكرة
اسيل:سيف انت اكتر واحد عارف انه مينفعش..سيف انت كنت شايف كل حاجة هو عملها وبرضه عايزني ارجعله بالسهولة دي.....حتي لو انا وافقت ماما منال مستحيل انها توافق وانا اكيد مش هزعلها وهسمع كلامها كفاية انها وقفت جمبي
فريد بسرعة:لو علي طنط منال ف أحنا كلمناها وهي وافقت
اسيل بأستغراب:ازاي دة؟! انتوا قولتولها اي بالظبط خلاها توافق بسهولة كدة
سيف بضحك:لا مهي لما عرفت ان هيبقي فيها مرمطة لفهد وافقت علي طول
اسيل:مش فاهمة قصدك اي بالظبط
سيف:لا فريد يفهمك بقي ماليش خلق انا للشرح
فريد:شوفي يا اسيل احنا متأكدين ان فهد هيكلمك دلوقتي ف انتي هتقوليله انك موافقة ترجعيله ومن بكرة كمان بس انتي مش هتقدري تسامحيه وانك هترجعيله بس عشان خاطر مالك مش اكتر وساعتها هترجعي لحبيبك اللي انتي لسة بتحبيه واحنا متأكدين من دة مليون ف المية وكمان هتقدري تربيه زي ما انتي عايزة وهتتأكدي انه اتغير بجد عشانك
اسيل بأبتسامة:دى فكرة سيف صح
فريد:اشمعني يعني
اسيل بضحك:اصل بصراحة الافكار دى مالهاش غير سيف ولمار وكمان انت مستحيل تعمل كدة ف صاحبك حتي لو غلطان انما سيف عادي
سيف بمرح:طب قسما بالله البت دي بتفهم
فريد:انت فرحان انك طلعت واطي يهبل......ها يا اسيل قولتي اي موافقة
اسيل:ايوة موافقة
سيف بضحك:مش قولتلك طالاما فيها ذل ومرمطة لفهد هيوافقوا
اسيل بسرعة:طب اقفلوا يلا عشان هو بيتصل دلوقتي
فريد:تمام واعملي زي ماقولتلك بقي
اسيل:اوكي
سيف:عيني عليك يفهد احنا التلاتة اتفقنا عليك
اسيل بسخرية:طب اقفل يحنين اقفل
Back
اسيل:اما وريتك يفهد مابقاش انا اسيل ولاهي لاطلع عليك القديم والجديد
وقامت لتجهز اغراضها واغراض مالك ايضا وفيما هي تجهزهم سمعت طرق الباب فذهبت كي تفتح وكان فهد هو الطارق
فهد:صباح الخير
اسيل:صباح النور ......اتفضل ادخل
دخل فهد وجلس وقال:لو شنطكوا جهزت هاتيها عشان انزلها احطها ف العربية
اسيل بأستفزاز:بقي معقول فهد السيوفي بنفسه هينزل الشنط لغاية تحت تؤتؤ مش مصدقة
فهد وهو يدرك محاولاتها لاستفزازه فأقترب منها وقال:بس فهد السيوفي مش هينزل اي شنط دي شنط مراته حبيبته وابنه وحماته وهو معندوش اغلي منهم اكيد عشان يشيل شنطهم ولا اي
اسيل بتوهان:هاا
فهد وهو يرجع لمكانه ويقول بضحك:هايين😂
اسيل بغيظ:رخم
فهد ببرود:من بعض ما عندكم يفندم
مالك:ماما تعالي اعم.......ازي حضرتك
فهد وهو يجلسه علي رجله:انا كويس بس هبقي كويس اكتر لما تقولي بابا
مالك:بب با......بقولك اي انا هقولك فهد كدة عادي لغاية ما اتعود علي الكلمة دي
فهد بأبتسامة:ماشي يسيدي زي ماتحب
اسيل:انا هروح اساعد ماما منال عن اذنكم
فهد:شوف يا مالك انا عايز اعرف لي انت ومراد مش طايقين بعض
مالك:هو اللي من ساعة ماشافني وهو مش مستحمل مني كلمة مش عارف لي
فهد:بقي بذمتك مش عارف برضه
مالك ببرود:اة مش عارف
فهد:طب انا عارف ومتأكد انك عارف السبب كويس اوي.....ف انا طالب منك لما نرجع تقعد تتكلم معاه وتحلوا سوء الفهم اللي بينكوا لان من هنا ورايح انتوا هتبقوا اخوات وسند وضهر لبعض مينفعش تفضلوا زعلانين من بعض
مالك:بس انا مش محتاج حد معايا انا قوي وبعرف احل كل مشاكلي لوحدي مش محتاج يكون معايا حد زي مابتقول.....انا قوي زيك وانت دايما بتحل كل المشاكل صح ماما كانت دايما بتقولي كدة
فهد بأبتسامة:ايوة انا بحل كل المشاكل بس كمان مش بحلها وحدي دايما بحتاج مساعدة عمو فريد وعمو سيف.....تعرف مرة زمان كنت ف مشكلة كبيرة ومش عارف احلها ساعتها اللي ساعدني هو عمو فريد وعمو سيف وخرجوني من المشكلة دي...لولاهم انا مكنتش عرفت اخرج من المشكلة دي ولا قابلت مامتك كمان ولا كنت انت جيت برضه انتوا احلي حاجة ف حياتي.....انت متقدرش دايما تحل كل حاجة وحدك ولا تقدر تتحمل كل حاجة وحدك انت مش جبل لازم يكون في حد دايما معاك وجمبك يقويك ويكون سندك فهمتني؟
مالك بجدية:فهمتك....وانا اول ما نروح هتكلم مع مراد
فهد بأبتسامة:ماشي
منال:يلا عشان نفطر سوا
فهد:لا شكرا افطروا انتوا انا مش جعان
منال:يعني اي الكلام دة اومال الاكل اللي انا جهزتوا دة هيترمي يعني يلا قوم كل
مالك بهمس:يلا ناكل بدل ما نتاكل الست دى معندهاش يا اما ارحميني ف الاكل قوم بينا احسن
فهد بضحك وهمس ايضا:لا وعلي اي يلا بينا....اتفضلي يطنط يلا ناكل
منال:ناس ماتجيش غير بالعين الحمرا
•~•~•~•~•~•~•~•
اما في قصر فهد وبالتحديد في غرفة مراد كان يجلس يقرأ في كتابه حين دلف معاذ ونورسين
معاذ:مالك يا مراد في اي
مراد:مافيش حاجة
نورسين:اومال عايز تسيبنا وترجع القاهرة لي
مراد:عادي
معاذ:هو اي اللي عادي ومافيش حاجة اومال مالك قالب وشك وشايل طاجن ستك لي وعايز ترجع القاهرة بدرى كدة
نورسين:ايوا دة انت كمان ملحقتش تلعب مع مالك وتتعرف عليه
مراد بغضب:مش عايز اتعرف عليه يستي كفاية انتوا
نورسين بدموع:احسن
وتركتهم وذهبت فنظر معاذ بعتاب لمراد وقال:لي كدة يا مراد هي كانت قالت اي يعنى لكل دة
مراد:انا اسف يا معاذ مكنتش اقصد
معاذ:مراد هو انت غيران من مالك
لم يرد عليه فأكمل بهدوء:شوف يا مراد ايا كان مين هينضم لعيلتنا مستحيل ياخد مكانتك ف قلبنا لان مافيش غير مراد واحد بس....ودلوقتي تعالي يلا عشان تصالح نورسين
مراد:حاضر يلا
نزلوا لاسفل وجدوا ان فهد قد عاد ومعه اسيل ومنال ومالك ايضا الذي كان يجلس مع نورسين ويحاول ان يهدئها فنظر مراد بغضب لمعاذ الذي ابتلع ريقه بصعوبة
معاذ بمرح مصطنع:يجدع متعملش كدة ف نفسك ماهي مش مدياله وش اهو وعمالة تقوق عادي
مراد بغضب:اخرس انت
معاذ:طيب(بصوت اسماعيل يسين😂)
اما علي الناحية الاخري كان مالك يحاول ان يهدئ نورسين فقال:طب قوليلي مالك بس بتعيطي لي
نورسين ببكاء:عشان مراد زعقلي يرضيك يمالك
مراد:دلوقتي بتشتكيني لمالك ماشي يختي اشبعي بيه
فريد:مرااااااد ازاي تكلم بنت عمك كدة اعتزرلها هي ومالك فورا
مالك بهدوء:معلش يعمو مش لازم بس ممكن اتكلم معاه لوحدنا شوية
فريد:ماشي
مالك:فهد هنقعد فمكتبك شوية بعد اذنك.....اسيل متدخليش حد علينا
اسيل بزهول:عينيا يا مالك بيه
فهد بضحك مكتوم:مافيش مشكلة اتفضلوا
معاذ:مالك خدني معاكوا
مالك ببرود:هو انا رايح دريم بارك يلا اترزع هنا وسكت اختك مش دى اختك ولا لاقيها علي باب جامع
معاذ:لا اختي بس محدش بيعرف يسكتها غير مراد ف انا هستناه لما يخرج
نظر له مالك نظرة مرعبة فقال معاذ:تعالي يا نور قلبي تعالي يروحي نلعب ف الجنينة
بالفعل ذهب معاذ ونورسين للحديقة ليلعبون ومراد ومالك ذهبوا لغرفة المكتب ليتحدثوا اما الباقيين كانوا جالسين ف غرفة المعيشة
سيف:اسيل انتي اتوحمتي علي فهد ف الواد
انفجر فهد ضاحكا بينما احمرت اسيل خجلا فقالت لمار:يبني نقي الفاظك .......هي اكيد كانت بتبص لفهد كتير
منال بسخرية:متتخيرش عن جوزها صحيح ماجمع الا ماوفق
اسيل بغيظ:اخرسي انتي وجوزك ومسمعش حسكوا تاني ممكن
لمار:سكتنا اهو
اما في الداخل عند مراد ومالك كان الجو هادئ لفترة الي ان قال مراد:انت عايز تتكلم ف اي
مالك:مش انا اللي عايز اتكلم انت اللي عايز
مراد:انت اللي قولت برة
مالك بمقاطعة:عارف انا قولت اي ومع ذلك انت اللي المفروض تتكلم انت اللي من ساعة ماشوفتني وانت مش طايقني ومش بتحبني مع اني معملتلكش حاجة
مراد:لا عملت من ساعة ماظهرت وانت محط اهتمام الكل محدش بيفكر غير فيك عمو فهد مابقاش يهموا غيرك انت وبس حتي نورسين ومعاذ بقوا يحبوك انت اكتر مني
مالك بأبتسامة:انت اللي مضايقك ف كل دة هو نور صح
مراد:ايوة
مالك:شوف يا مراد انا كان نفسي ف اخت عشان تناكش فيا واناكش فيها واكون امانها وحاميها ولما شوفت نورسين وعرفت انها قريبتي اعتبرتها اختي اللي كان نفسي فيها ولما شوفتك انت ومعاذ فرحت جدا ان اخيرا هيكون عندي اخوات ولاد كمان وفرحت ان هيكون ليا عيلة بس انت محبتنيش ودة زعلني بس مبينتش لغاية انهاردة ما فهد نبهني لحاجة قالي مهما تكون قوي ومحدش قدك هيجيلك وقت تضعف فيه وماتلاقيش غير اخواتك هما اللي ف ضهرك وعشان كدة انا حبيت اكلمك.....مراد انا من يوم ما اتولد وانا لوحدي معنديش اخوات او عيلة غير ماما وتيتا منال ودلوقتي انتوا بقيتوا عيلتي واتمني انه انت كمان تحبني زي ما بحبك
مراد بحزن:انا عمرى ماكرهتك بس غيرت لما شوفت اهتمام الكل بيك انت
مالك بأبتسامة:الاهتمام دة لاني كنت دايما بعيد عنهم واكيد هيبقي ليا معاملة خاصة لفترة مؤقتة مش دايما يعني......محدش يقدر ياخد مكانك ابدا يا مراد كل واحد مننا ليه مكانة خاصة محدش يقدر ياخدها
مراد بأبتسامة:تعرف ان معاذ لسة قايلي الكلام دة.... ثم قال بمرح....تعرف الواد دة بالرغم من انه تافه بس احيانا بيقول حكم
مالك بأبتسامة:فعلا
مراد:مالك انت لي مش بتضحك حتي الابتسام قليل جدا لما تبتسم
مالك:انا شخصيتي كدة يلا بقي نطلع نقعد معاهم
مراد:يلا
بالفعل خرجوا من المكتب وذهبوا ليجلسوا مع العائلة فقال فهد:اي اتكلمتوا خلاص يا مالك باشا
مالك:اة خلاص
فريد:مراد روح صالح بنت عمك
مراد:حاضر......مالك تعالي عشان نبقي نلعب سوا
مالك:ماشي
اسيل:طب فين اوضة ماما منال عشان تطلع ترتاح
هدي بأبتسامة ودودة:تعالي معايا يا طنط انا هوريكي الاوضة بتاعتك
منال:ماشي يحببتي....ثم وجهت كلامها لاسيل.... وانتي خليكي هنا شوية متشغليش نفسك بيا
اسيل بأبتسامة:حاضر
ذهبت منال مع هدي فقالت لمار وهي تهم بالجلوس بجانب اسيل:وحشتيني اوووووي يا اسيل
اسيل:وانتي كمان وحشتيني اوي وطنط صفاء كمان صحيح هي عاملة اي
لمار بضحك:عاملة مناحة مع عمار
اسيل:لي
لمار:اصل عمار هو كمان اتجوز وكل يوم والتاني يغضب عند صفصف ف البيت ههههههه
اسيل بزهول:هو اللي بيغضب....بس ثواني هو عمار اتجوز امتي اساسا
سيف:اتجوز واحدة زميلته ف الشغل بس مش من زمان دة لسة من كام شهر بس علي فكرة في حاجات كتير فتتك
فريد:مش مهم واحدة واحدة هتعرفها
معاذ:يجدعااااااان عايز اروح البحر واعاااااكس بقيي
اسيل:يستحيل دة يكون طفل خمس سنين مستحيل
معاذ بغمزة:انا ممكن ابقي عشرين سنة لو تحب يجميل بس ترضي عليا
شعر بأحد يمسكه من قفاه ويقول بغضب وماكان غير فهد بالطبع:ولاااااا احترم نفسك فاهم......سيف لم ابنك احسنلك انت وهو فاهم
سيف:بلاش دي بالذات يلا ابعد عنها خالص
اسيل بأستفزاز:سيبه يا سيف براحته دة عيل ولاهي دمه شربات
فهد بغضب:نعم شربات مين يعنيا انتي كمان
اسيل ببرود:ايوة شربات في اي
مالك:فيها دم يماما ولو حصل تاني مش هيحصل كويس مااااشي
اسيل بتوتر:انا كنت بهزر يا مالك يحبيبي
فهد بزهول:يعني بتخافي من العيل دة وتسمعي كلامه وانا لا
فريد:باااااااااااااااس........كله بسببك يا ابن الكلب انت
سيف/معاذ:الله وانا مالي يالمبي
فريد بغيظ:هدييييييييييييييي
هدي بسرعة:في اي ......اي اللي حصل
فريد:خدي اسيل ولمار وروحوا جهزوا نفسكوا انتوا والاولاد عشان هنروح البحر
هدي:حاضر يلا يبنات وانت يا مالك هات اخواتك وتعالوا يلا
مالك:حاضر يطنط
وبالفعل ذهبوا جميعا ولكن منال رفضت وفضلت ان تظل بالمنزل وقضوا اسبوع غاية ف الروعة من بين مشاغبات معاذ وسيف وغيرة فهد ومالك علي اسيل من معاذ وحنق فريد من هذه التصرفات الطفوليه وف النهاية عادوا للقاهرة
ماذا سيحدث بين اسيل وفهد؟وهل ستسامحه؟!
ارأكوا حبايبي😘❤
بقلم مريم_هاني🖊✨
❤️❤️❤️❤️❤️❤️❤️❤️❤️❤️❤️❤️❤️❤️❤️
القاسي والقوية
part 42(الاخير)
بقلم مريم-هاني🖊✨
عاد الجميع الي القاهرة بعدما قضوا اسبوعا جميلا ف مدينة الاسكندرية
فهد:اظن ان انتوا اتفسحتوا وانبسطوا هنرجع بقي عشان نركز ف مذاكرتنا ومن بكرة هتروحوا المدرسة مفهوم
مراد:انا عامل حسابي علي كدة اساسا
معاذ:وانا كمان
سيف بفخر:ابني المجتهد تربيتي
معاذ:لان تمارا هرياني تليفونات الصراحة
سيف:ابن مين دة يجدعان حد يعرفه
فهد بسخرية:تربيتك يا افندي....وانتي يا استاذة نور
نورسين ببراءة:مراد رايح يبقي اكيد هروح
فهد بأبتسامة:ماشي.....واستاذ مالك
مالك:استاذ مالك مرفود من مدرستة اساسا يا استاذ فهد ولسة كمان عايز احول من اسكندرية لهنا يعني اسبوع كدة
فهد ببرود:ورقك اتحول خلاص ومن بكرة مع اخواتك علي المدرسة يلا كله علي بيته
فريد:فهد حابب افكرك ان احنا مش عيال عشان تعاملنا كدة
سيف:بالظبط احنا المفروض نعمل اللي عايزينه مش اللي انت عايزة
فهد:الا قولولي كدة الملفات اللي محتاجة شغل بكرة قد اي
فريد:علي البيت يا سيف
سيف:يلا طبعا
وذهبوا كل واحد الي بيته فقال فهد:دادة انعام...دادة انعام
اتت انعام وانصدمت عندما رأت اسيل:اسيل؟! اذيك يبنتي
اسيل بأبتسامة:اذيك انتي يا دادة وحشتيني اوي
انعام:الحمدلله يبنتي وانتي اكتر ولاهي....دة ابن فهد صح يا اسيل
اسيل:اه هو.....مالك سلم علي تيتا انعام دي مامة بابا
مالك:اذيك يا تيتا
انعام بفرحة:الحمدلله يحبيبي......الحمدلله اني عشت لغاية ماشوفت خلفك يا فهد
فهد بأبتسامة:وانشاء الله تشوفيه بيتجوز....معلش هتعبك توصلي ماما منال ومالك لاوضهم
انعام: من عنيا تعالي يا ست منال وانت كمان يا مالك
وبالفعل ذهبوا معها فقالت اسيل بأستغراب:وانا مين هيوديني اوضتي بقي
فهد بخبث:انا هوديكي اوضتك تعالي
اسيل بشك:اشمعني يعني
فهد:لان اوضتك هي اوضتي يروحي
اسيل:نعععععععععععععععععععم.....اوضة مين طلعت روحك الكلام دة مستحيل
فهد ببراءة مزيفة:عشان مالك يحببتي مش انتي هدفك اساسا هو مالك
اسيل:ولو دة مش معناه اننا ف اوضة لوحدنا برضه
فهد ببرود:اسمعي بقي يا اسيل انا كنت ناوى لما الاقيكي اتصرف معاكي تصرف ميعجبكيش بس لما شوفتك قدامي نسيت كل دة واتغاضيت عنه واتغاضيت عنه اكتر لما شوفت مالك كمان.....حاولت ارجعك ليا وانتي مش راضية تديني فرصة وقولتي انك هترجعي عشان خاطر مالك وسكت.....لكن بقي هتقوليلي انام ف اوضة لوحدي كأننا غراب عن بعض ومش متجوزين ف انا بقولك لاااااا فوقيييييييي يا ماما دة انتي مخلفة مني يا عنيا ......وبعدين انا قولتلك عشان خاطر مالك اللي انتي رجعتيلي عشانه
ختم كلامة بسخرية فقالت هي بأرتباك:بس انا.....
قال فهد بمقاطعة:انتي ايييييي سمعيني
اسيل بخوف:انا طالعة معاك اتفضل حضرتك قدامي عشان نسيت مكان الاوضة
التفت فهد وهو يبتسم عليها وصعد للغرفة وهي صعدت خلفه وهي تتعود له بداخلها انها سترد له الصاع صاعين واليوم ايضا
•~•~•~•~•~•~•~•~•
اما عند سيف ولمار فعندما وصلوا الي بيتهم قالت لمار:معاذ خد اختك واطلعوا يلا غيروا وتعالوا كلوا وبعدها علي النوم علي طول عشان المدرسة بكرة
معاذ/نورسين:حاضر يا ماما
التفتت لمار لسيف وجدته ينظر لها بحب فقالت بأستغراب:في اي مالك بتبصلي كدة لي
سيف بحب:تعرفي انك احلي حاجة حصلتلي ف حياتي.........كل يوم بشكر ربنا انه هداني بيكي وكل يوم حبك بيزيد جوة قلبي اكتر من اليوم اللي قبله.... حتي الولاد حبهم ومعزتهم الكبيرة عندي عشان هما منك انتي مش اكتر بالرغم من عمايلهم ومقالبهم بس مش مهم كله فداكوا....ربنا يخليكوا ليا ولا يحرمني منكوا ابدا انتوا اللي مليتوا حياتي بهجة واديتوها طعم تاني لذيذ
لمار بحب ايضا:ويخليك لينا يحبيبي ومنتحرمش منك ابدا.......تعرف يا سيف انا عمرى ماقولتهالك بس حقيقي انت اجمل عوض ليا من ربنا........ماما دايما كانت تقولي خليكي واثقة ان ربنا عوضه كبير وجميل بس مكنتش متخيلة انه كبير وجميل بالشكل دة حقيقي........انت اجمل صدفة ف حياتي وبشكر الظروف اللي خلتني اشوفك واحبك وابقي مراتك
نظر لها بعشق كبير وعجز لسانه عن الكلام امام كل هذه المشاعر وكل هذا الكلام الذي سمعه منها لاول مرة بالرغم من انهم متزوجون من ست سنوات ولكن تلك هي المرة الاولي التي تنطق فيها لمار بتلك الكلمات وتعبر عن مشاعرها بتلك الحرارة......كان يقترب منها اكثر فأكثر وكاد ان يقلبها ولكن سمع صوت جعله يتوقف عما كاد ان يفعله
نورسين بشهقة:عيييييب يا بابي كدة
معاذ بغمزة:ف الصالون ياولدي طب استني لغاية ماتطلعوا اوضتكوا طيب ينفع التلبس دة بالذمة
سيف بغيظ:في اي يا ابن الكلب انت وهي هو انا شاقطها دي مراتي يا كلاب
لمار:سيف اي الالفاظ دى عيب كدة
سيف:يسلام ياختي هو دة اللي لفت نظرك ف الموضوع كله وملفتش نظرك لعيالك اللي عايزين يتربوا من الاول وجديد
لمار:اطلع غير لغاية ما احضر الاكل
سيف:وانتي مش هتغيرى؟!
معاذ بخبث:ماما بتغير لما تاكل يا والدي عايزها ف حاجة ولا اي
سيف لغيظ:لا يا خويا اشبع بيها
وصعد للاعلي وتركهم يضحكون عليه فهو ومعاذ دائما هكذا ف مشاكسات ومع ذلك فمعاذ يحترم والده كثيرا فسيف قد عودهم علي ان يتشاكسون معهم ولكن ف المنزل وامام العائلة اما ف الخارج فهو والدهم الذي يجب عليهم احتراهم وعمرهم ما تخطوا حدود الادب معه.......نزل سيف لكي يتناول العشاء مع عائلته وبالفعل تناولوا العشاء معا وذهبوا لكي يناموا ليستعدوا ليوم جديد ملئ بالمرح والمشاكل بالطبع فهذا سيف وعائلته
•~•~•~•~•~•~•~•~•~•
اما في منزل فريد هذا المنزل الهادئ المسالم الي اقصي درجة صعد كل واحد الي غرفته لإبدال ملابسه ثم نزلوا ليتناولوا العشاء سويا ف هدوء كالمعتاد علي عكس منزل سيف
فريد:قولي يا مراد انت لي كنت مضايق من مالك اوي كدة
مراد:مافيش يا بابا دة سوء تفاهم كان بيني وبين اخويا واتحل خلاص مش دايما تقولي المشاكل بينك وبين اخواتك لازم تتحل بينكوا وبس(اللي هو اطلع منها انت يحج😂😂)
ابتسم فريد علي ذكاء ابنه للتهرب من الحديث فقال: ماشي يا استاذ مراد......بس حابب اقولك علي حاجة كل واحد منكوا انتوا الاربعة ليه مكانة خاصة ف قولبنا وانت يا مراد ليك مكانة محدش يقدر ياخدها مهما كان مين وخصوصا عندي انا يحبيبي...... ايوة انا بحب اخواتك كلهم بس بحبك انت زيادة لانك ابني وحتة مني.....واذا كنا بنهتم شوية بمالك لانه كان بعيد عننا لفترة كبيرة ف عايزين نعوضه وخصوصا عمو فهد لان دة ابنه واكيد حبه زايد عنكوا زي ما حبي ليك زايد عن باقي اخواتك فهمت
مراد بأبتسامة:فهمت يا بابا ......يلا تصبح علي خير
وصعد للاعلي فقالت هدي بأبتسامة:براڤو عليك عرفت تمتص غيرته من مالك وتفهمه دة بطريقة غير مباشرة
مراد:كان لازم اعمل كدة عشان مايفتكرش اني مبحبوش واني بفضل مالك عنه.....كان لازم افهمه انه اغلي واجمل حاجة ف حياتي بعدك طبعا
هدي:ربنا يخليك لينا وميحرمناش منك ابدا......انا عايزة اسألك علي حاجة
مراد بأبنتباه:اسألي؟!
هدي بأرتباك:انا عمرى ما سألتك انت حبتني لي وعلي اي.....يعني انا بشرتي عادية مش بيضة عيوني مش ملونة شعرى اسود عادي حتي جسمي مش رشيق.... دة غير طبعا اني خجولة جداااا وزيادة عن اللزوم كمان بصراحة انا مش عارفة انت حبتني لي
فريد بأبتسامة:بس انا محبتش شكلك اساسا.....انا اللي خلاني احبك هو روحك يا هدي.....حبيت فيكي بساطتك وطيبة قلبك اللي بقت نادرة جداااا الايام دي......حبيت اخلاصك وامانتك ف شغلك....حبيت اخلاقك العالية واحترامك لنفسك اعتزازك بنفسك وكرامتك وبعدين ممكن تكوني زي ماقولتي ف نظر ناس كتير انتي عادية جداااااا......بس بالنسبالي انا انتي اجمل ست ف الدنيا كلها كفاية عيونك اللي بلون القهوة واول ما الشمس تيجي عليها بتكون بتلمع وشعرك اللي زى سواد الليل......انتي اجمل ست ف الدنيا كلها يا هدي
هدي بخجل:انا ولا مرة قولتلك بحبك بس انهاردة بالذات حابة اقولك اني بعشقك مش بحبك بس من اول يوم جيت فيه الشركة وانا معجبة بيك وكنت بدعي ربنا ليل نهار انك تكون من نصيبي وربنا حققلي امنيتي دى......انا بجد بشكر ربنا عليك انت اجمل هدية من ربنا ليا يا فريد
فريد بمرح:الله دة انتي واقعة من زمان بقي وانا معرفش😂😂
هدي بخجل اكبر:بس بقي يا فريد الله
فريد بضحك:صلاة النبي احسنننننن....لا دة احنا لازم نطلع بقي عشان نشوف الموضوع دة برااااااحة خااالص وعلي مهلنا
وبالفعل اخذها وصعدوا لغرفتهم سويا ليريها مدي حبه وعشقه لها.....فهذا هو الحب الحقيقي عزيزتي من يحبك يحبك لذاتك وروحك لا يحب مظهرك لان المظهر فاني لا يبقي وايضا انتي جميلة مثلما انتي يجب ان تعرفي ذلك......لا يجب ان تغيرى من نفسك فقط لاجل شخص او هدف معين فأنتي من خلق الله وما اجمل خلق الله
•~•~•~•~•~•~•~•~•
نعود مرة اخرى لمنزل فهد وتحديدا في غرفته.... لحظة ماهذا من الواضح هناك حرب تقوم هنا بين اسيل وفهد
فهد:اسيل اقصرى الشر ويلا ننام
اسيل:ما احنا هنام بس انت علي الكنبة وانا علي السرير انا يستحيل انام معاك علي نفس السرير
فهد:اللهم طولك يروووووووووح.....انتي اي مشكلتك انك تنامي معايا علي نفس السرير يعني مش فاهم هو انا هاكلك يست انتي وبعدين قولنا عشان خاطر مالك الله
اسيل:ولاهي مش بعيد انا مستغربش اي حاجة منك.. وبعدين انا وافقت انام معاك هنا عشان خاطر مالك لكن علي نفس السرير لا هو مش هينام معانا
فهد بغيظ:خلاص براحتك بس انا هنام علي السرير وانتي علي الكنبة
اسيل بخبث:بقي كدة هي دى الرجولة تسيب واحدة ست تنام علي الكنبة وضهرها يتكسر وانت تنام علي السرير براحتك.....تؤتؤتؤ الرجالة ماتت ف الحرب فعلا
فهد بخبث وهو يقترب منها:لا ماتقوليش كدة انا يستحيل اسيب واحدة تنام علي الكنبة وانا علي السرير ف مابالك بقي بمراتي حببتي وام ابني يستحيل طبعا انيمها علي الكنبة نامي انتي علي السرير وانا هنام علي الكنبة وضهرى يتكسر عادي
اسيل ببرود ظاهرى فقط عكس نبضات قلبها التي تقرع بقوة كالطبول:طبعا عادي واوعي بقي عشان عايزة انام
فهد بسخرية:نوم الهنا يختي
وبالفعل ذهبوا للنوم واليوم التالي استيقظ فهد وهو يأن من وجع ظهره فهذه الاريكة غير مريحة علي الاطلاق ولكن نظر ناحية السرير وجد اسيل تنام بهدوء شديد وملامحها تشبه الاطفال تماما كانت تضع يدها اسفل وجهها وفمها مفتوح بسيط مثل الاطفال فذهب ليجلس بجانبها و ظل ينظر لها لوقت لايعلم كم هو الي ان شعر بها بدأت تستيقظ
اسيل بخضة:بسم الله الرحمن الرحيم في اي بتبصلي كدة لي
فهد بأبتسامة وغمزة:معجب عندك مانع
اسيل بخجل وارتباك:ططب اوعي عشان اخد دش واصحي مالك للمدرسة
فهد بضحك:طب ما تقومي هو انا ماسكك السرير مفتوح من الناحيتين ولا انتي بتتلككي
قامت اسيل بأحراج وخجل ودخلت للحمام لتأخذ حماما دافئا وتستعد بينما كان هو في مكانه يضحك عليها وعلي خجلها هذا الي ان استمع لصوت دق علي الباب فقام ليفتح وجده مالك
مالك بأرتباك:صباح الخير يا بابا
فهد بأبتسامة:دة اي الصباح القمر دة صباح الخير يقلب بابا
مالك:هي ماما فين
فهد:بتسأل علي ماما لي انا شايف انك جاهز اهو ولابس لبسك لوحدك شاطر
مالك بهدوء:لا انا عايز ماما عشان تعملي فطار لاني بحب افطر من ايديها قبل ما اروح المدرسة
اسيل من وراهم:وانا تحت امر مالك باشا انزل يلا وانا هسرح شعرى ووراك علي طول
مالك:حاضر
نزل مالك فقالت اسيل:يلا انت كمان خد دش وانزل ورانا عشان تفطر
فهد بمشاكسة:مهتمة بيا
اسيل ببرود:اطلاقاااااا دة عشان مالك مش اكتر
فهد بسخرية:فعلا معاكي حق
وذهب من امامها ليدخل يأخذ حماما ايضا اما هي نزلت لتعد الفطور لابنها وللجميع وبينما هي تحضر الافطار نزلت منال ومالك وفهد......تناولوا الافطار وكان مالك علي وشك الذهاب ولكن اوقفه فهد
فهد:استني يا مالك خد مصروفك وانت هناك تاخد بالك من اخواتك متخليش حد يقرب منهم وخد بالك من نفسك كمان
مالك:حاضر......وذهب
فهد:انا كمان رايح الشغل لو عوزتي حاجة كلميني وخلي الكريدت دى معاكي.....سلام
منال:شكلك منكدة عليه من اولها
اسيل بضحك:من بليل وحياتك يا ماما
منال:بصي ربيه براحتك بس بلاش تتقلي العيار اوي الشئ اللي زاد عن حده اتقلب ضده
اسيل:ماتخافيش المهم انا هتصل بالبنات دلوقتي عشان نقعد مع بعض شوية
منال:ماشي وانا هطلع اقعد ف الجنينة شوية
اسيل:ماتخليكي قاعدة معايا
منال:لا انتوا شباب مع بعض انا هقعد مع انعام ندردش سوا
اسيل:خلاص اللي يريحك حببتي
وبالفعل اتصلت اسيل بلمار لتخبرها ان تأتي وايضا تخبر هدي لتأتي معها ولم يفت سوي ربع ساعة وكانوا معها ويجلسون سويا يضحكون ويمرحون الي ان اتي فهد
فهد:الله الثلاثي المرح مجتمع ربنا يستر
اسيل بخبث:معلش يفهد اتفضل روح عند سيف لان انا والبنات هنبات سوا وانت والشباب والعيال هتباتوا عند سيف
فهد بغضب:نعععععععععععععععم مستحيييل يحصل اللي بتقولي عليه ده.....كملوا قعدتكوا وبعدها كل واحد علي بيته
لمار:كدة يفهد تطردنا مكنش العشم
هدى:متوقعتش دة منك دة احنا بنعتبرك اخونا الكبير
فهد:ولاهي لو قولتي اي انتي وهي مش هوافق برضه
اسيل:خلاص يبنات بما ان فهد مش حابب انه يبات عند سيف احنا نروح عندك يا لمار او هدي ونجيب سيف ومراد هنا بالعيال برضه
فهد بغضب:بتتحديني يا اسيل
اسيل بتحدي:ايوة ها هتفضل هنا ونروح احنا هناك ولا تروح انت هناك اختار
فهد بغيظ:هروح انا وامرى لله......اوعي من وشي
وبالفعل ذهب فهد فأنفجروا الفتيات ضاحكين فقالت هدي:حرام عليكي يا اسيل انتي مطلعة عينه يشيخة
اسيل:احسن يستاهل خليني اطلع عليه من اللي عمله فيا شوية
لمار:انا معاكي يا اسيل بس حابة اقولك بلاش تقسي عليه جامد فهد فعلا اتغير عشانك.....وبعدين زي مابيقولوا الشئ ان زاد عن حده اتقلب ضده
اسيل بضحك:ماما منال لسة مسمعاني البوقين دول... علي العموم اطمني انا عارفة ان فهد اتغير فعلا وانا لاحظت دة بس برضه لازم اعذبه شوية عشان انتقم لكرامتي اللي بعترها هو
هدي بضحك:فيمينست اوووي البت دي
لمار بضحك ايضا:اتفق جدااا
اسيل:طب خلاص يختي انتي وهي ويلا بقي احكولي كل اللي حصل من وقت ما مشيت من هنا
نتركهم لكي يقصون كل شئ لبعضهم مثل عادت جميع الفتيات ونذهب للشباب الذين يجلسون بغيظ وغضب من زوجاتهم وافعالهم
سيف بغيظ:لو مافيهاش مضايقة ممكن اتكلم يا استاذ فهد
فهد ببرود:اتفضل
سيف:دلوقتي لما حد مننا بيزعج حضرتك انت والمدام بتشيله شهر شغل مكثف دلوقتي بقي المفروض تاخد شهرين مكثف لان مراتك اخدت مراتي ومراتي الراجل الغلبان دة ودة ظلم
فريد:بص دي اول مرة اتفق معاه ف حاجة....فهد انت مراتك خلتنا زي الستات الغضبانة اللي جاية بيت اهلها بعيالها مش معقول يجدع انا اول مرة من يوم جوازى ابات بعيد عن هدي
فهد:خلاص اهدي انت وهو بقي مكنتش ليلة دي هنقضيها بالطول والعرض وخلاص....وبعدين ما انا زيي زيكم اهو متنيل علي عيني وساكت
معاذ:سيف انا عايز اكل
نورسين:ايوة كلنا جوعنا يا بابي
سيف لفهد:بما انها مراتك اللي عملت كدة اطلبلنا الاكل بقي علي حسابك
فهد بسخرية:لا ولاهي مستنيك انا تقولي انا طلبته من بدرى وزمانه جاي اساسا......اومال مالك فين يا مراد منزلش معاكوا لي
مراد:قاعد فوق بيذاكر
فريد:وانتوا مش بتذاكروا لي
معاذ:احنا خلصنا مذاكرة ولاهي يعمو
مراد:ومالك كمان خلص بس هو قالي انه بيعمل سيرش عن حاجة تبع دراسته
فهد:انا طالع اشوفه
صعد فهد للاعلي وجد مالك يجلس امام الاب توب وينظر له بأهتمام فجلس بجانبه ليرى ماذا يشاهد بهذا الاهتمام والشغف
فهد:بتتفرج علي اي يمالك
مالك بأرتباك:ااا...وولا حاجة
فهد بهدوء:مالك انا مش عايزك تخاف مني وتقولي علي كل حاجة مش احنا اصحاب والاصحاب مش بيخبوا علي بعض حاجة صح ولا لا
مالك:صح.....ثم قال بحزن.....انا كنت بتفرج علي ڤيديوهات للتصويب وفك السلاح وتركيبه
فهد بأندهاش:دة سلاح حقيقي........وانت لي بتتفرج علي الحاجات دي اساسا
مالك:عشان بحبها اوي بس ماما مش بتخليني اتفرج عليهم وبتقولي الحاجات دي غلط عليك لان انا لسة صغير
فهد بأبتسامة:شوف يمالك يحبيبي ماما معاها حق مينفعش تتفرج علي الحاجات دي لانك لسة صغير بس طالاما انت بتحب الحاجات دى اوووي ممكن تجرب تعملها ف العابك يعني مثلا تفك مسدس وتركبه او تجيب لوحة وتفضل تنشن عليها دى كلها حاجات من سنك وتقدر تعملها عادي لكن الڤيديوهات اللي بتشوفها دى غلط ومتنفعش ليك....اتفقنا يبطل
مالك بأبتسامة واسعة:اتفقنا يا بابا
فهد:ودلوقتي يلا بقي ننزل ناكل لانهم غالبا خلصوا علي الاكل وانا وانت مش هنطول حاجة يبني
مالك بأبتسامة بسيطة:يلا بينا
بالفعل نزلوا لاسفل وتناولوا الطعام سويا وسط جو من المرح ونفس الشئ عند البنات فقد قضوا وقت ممتع سويا عرفت اسيل خلالها كيف تم زواجهما هما الاثنتين وايضا علمت ما حدث خلال الفترة التي لم تكن موجودة بها معهم.....اتي الصباح عليهم وذهب الجميع لعمله والاولاد لمدارسهم وبينما اسيل كانت تجلس مع منال وانعام جاء اليها هدية
انعام:خدي يا اسيل دى ليكي
اسيل بأستغراب:من مين
منال:ولاهي انا قولت انك هبلة محدش صدقني هيكون مين يعني يا اخرة صبرى اكيد فهد
انعام بأبتسامة:اطلعي يا اسيل شوفي جابلك اي يلا
اسيل بأبتسامة:ماشي
وبالفعل صعدت لاعلي وفتحت العلبة وزهلت مما رأت فقد رأت فستان اقل مايقال عنه خيال فقد كان فستان من الحرير ذو اللون الوردي به تطريز من الاعلي الي الخصر ثم ينسدل علي طبيعته بدون اي تطريز ويربطه من الوسط حزام من نفس اللون ومعه طرحة من نفس اللون ايضا وحقيبة وحذاء من اللون الذهبي ومعهم رساله كان محتواها"اتمني ان الفستان يكون عجبك وهكون اسعد انسان ف الدنيا لو قبلتي دعوتي علي العشا انهاردة يا سمو الاميرة الساعة تمانية انزلي هتلاقي عربية مستنياكي اركبيها وهي هتجيبك عندي"

ابتسمت بأتساع وارتدت الفستان وتجهزت وانتظرت الي ان اتت الساعة الثامنة فنزلت لاسفل وجدت حقا سيارة تنتظرها ركبت بها واوصلتها الي مطعم فخم للغاية فنزلت من السيارة ودلفت للداخل فصدمت مما رأته فقد رأت ان المطعم بالكامل مزين بالورد الچورى وخالي من الناس تماما فمن الواضح ان فهد حجز المكان بأكمله لهم هما الاثنين فقط وفجأة انطفأت الانوار وسلطت بقعة كبيرة من الضوء علي مكان معين وفجأة ظهر فهد في هذه البقعة
فهد:كل سنة وانتي طيبة يا اجمل واحلي صدفة حصلت ف حياتي
اسيل بصدمة:عرفت منين انه انهاردة
فهد بأبتسامة:عيب تسأليني انا السؤال دة....اسيل انا حقيقي اتغيرت عشانك وعشان بحبك.....عارف اني اذيتك كتير وانك اتحملتي كتير عشاني.....بس انتي برضه اخدتي حقك وادبتيني من الاول لما بعدتي عني سبع سنين بحالهم ولما خلفتي مالك من غير ما اعرف اي حاجة عنه.......عارفة لما اختفيتي حسيت اني خلاص انتهيت حسيت حياتي ضلمت انتي كنتي الشمس اللي دخلت علي ضلمة حياتي ونورتها لكن لما مشيتي رجعت حياتي ضلمة تاني.....ارجوكي تسامحيني وترجعيلي لاني حرفيا مقدرش اتخيل مجرد خيال انك تبعدي عني
اسيل بأبتسامة:تعرف اني دايما كنت شايفة ان احنا مننفعش لبعض زي ما قولت انا شمس وانت بالنسبة ليا القمر اللي لما بييجي الدنيا بتضلم وبيحل الكأبة والحزن عشان كدة كنت دايما شايفة اننا مننفعش لبعض بسبب الاختلاف دة.....بس بعدين اكتشفت ان الاتنين بيكملوا بعض ومينفعش واحد منهم يمشي.... الشمس لو اختفت الدنيا هتفضل ضلمة وكئيبة وملهاش طعم....ولو القمر اختفي هتفضل الشمس تحرقنا بحرارتها ومش هيبقي في وقت للراحة ابدا وعشان كدة انا مستحيل ابعد عنك ابدا يا فهد انت قمرى وركني الهادي اللي بهرب منه من دوشة الدنيا ومصدر اماني اللي بتحامي فيه وبالرغم من كل اللي حصل انا مقدرتش اكرهك ولو لثانية واحدة.... انا بحبك يفهد
فهد بفرحة عارمة:وانا بعشقكككككك مش بحبك بس وصدقيني عمرى ف حياتي ماهزعلك تاني وهعوضك عن كل اللي حصل
اسيل ببسمة ساحرة:وانا متأكدة من دة.....وانت عوضتني اساسا لما اتغيرت وقولتلي الكلام الحلو دة
ابتسم فهد بسعادة كبيرة وقام بأحتضانها بقوة لدرجة انها شعرت بأن عظاماها ستنكسر ولكنها بادلته العناق بأخر مثله وبعد فترة ابتعدوا عن بعضهم وتقدم منها للرقص سويا وهي وافقت رقصوا سويا وهما يتطلعون لبعضهم بعشق طغي عليهم وعلي جميع حواسهم......نعم عشقوا بعضهم بالرغم من اختلافهم الرهيب.....عشقهم تولد من قسوة وعناد.... ولكن كما قالت هي ليس دائما الاختلاف عائق ف اي علاقة وليس دائما التشابه طريق لنجاح اي علاقة ف الاختلاف ف بعض العلاقات يشكل مذاقا جميلا وهكذا انتهت قصة عشقهم....قصة عشق تولدت نتيجة عناد وقسوة ولكن نجحت ف النهاية وانتهي بهم المطاف سويا لان الله اراد لهم هذا
ارأكم حبايبي😘❤
بقلم مريم_هانى🖊✨
تعليقات
إرسال تعليق