 |
بائعة المناديل
الفصل التالت والرابع
حبيبة في يوم بانت نتيجة الاعداديه و انا جبت مجموع ثانوي اصل كنت يذاكر كتير أوي رغم كل الي كانت بتعمله عشان منفعش و بنتها مجابتش مجموع ثانوي فكانت هتدخل تجاره
يامن و بعدين اي الي حصل
حبيبة الي حصل يا عمو أنها اول ما عرفت كدا اتجننت و راحت جاية مزعقالي و قيالي
فلاش باك
انتي مش هتدخلي ثانوي ..مش هسمح انك تبقي أحسن من بنتي .. انتي ازاي كدا يا بت عرفتي تجيبي محموع ثانوي لا و مجموعك معدي التنسيق و انتي ولا كنتي بتروحي دروس و لا بتمسكي كتاب انا كنت حريصة انك متنفعيش في حاجة ..
دا انا بنتي الي كانت بتروح دروس و مكانتش بتمد اديها في البيت .. و الي عاوزاه بيجلها مكابتش ربع محموعك انطقي و قولي مين غششك في الامتحان
حبيبة محدش غششني صحيح انتي مكنتيش بتخليني اروح دروس بس انا كنت بعتمد علي نفسي .. كنتي ممرمطاني شغل كل حاجة في البيت بس كنت بذاكر و انا بشتغل .. كنت بقعد بليل في المطبخ اذاكر مش اتفرح على التلفزيون و أسمع اغاني زي ناس لحد ما ربنا كرمني و جبت مجموع كبير و هدخل ثانوي غصب عن أي حد
ابقي قابليني يا شاطرة انا هنا صاحبه البيت و الي اقول عليه هو الي هيمشي .. سامعة و صدقيني مش هتقعدي هنا كتير و يلا روحي شوفي شغل المطبخ .. انتي اصلا مقامك المطبخ يلا غوري من وشي
حبيبة لا صاحب البيت دا هو بابا .. و بعدين انا مش هحط ايدي في حاجة تاني .. انا هدخل ثانوي يعني هذاكر .. انتي بقي اعملي بنتك تعمل انتوا احرار
انتي بتتكلمي معايا كدا لي يا بت انتي .. لا دا القطة طلعلها ضوافر بقي ولازم اقصهلها
= ايوه يا ماما اضربيها و عرفيها مقامها .. عرفيها انها هنا عشان خدمتنا بس ..
حبيبة طب و الله لقول لبابا كل حاجة لما يرجع .. مش هسكتلكم تاني .. انا هنا صاحبه البيت .. مش انتم
روحي قوليله بس دلوقتي انتي عصبتيني و انا لازم افش غيلي فيكي تعالي بقي ..
تلقت حبيبة عدة ضربات علي جسدها الهزيل من قله الطعام .. و لكنها لم تتكلم و تصدر حتي صرخه واحده .. كتمت جميع صراخها بداخلها علي عهد أن تفصح لأبيها بكل شئ حين عودته
و بعد أن انتهت من ضربها امرتها بغادرة المكان .. الله يخربيتك يا زفته قطعتي نفسي مبقاش انا سماح أن ممشتكيش من هنا .. و خليت كلاب السكك تنهش في جتتك .. و تسبينا البيت ليا أنا و بنتي
باااك
يامن ضربتك جامد يا حبيبة
حبيبة ايوه قعدت تضرب فيا نص ساعة بس أنا معيطش قدمها ولا حتي صرخت
يامن باستغراب لي يا حبيبة كتمتي في نفسك كدا كنتي اصرخي خلي حد يجي يلحقك منها المفترية دي
حبيية شكلك نسيت يا عمو افكرك مكنش حد هيدخل .. لأنها بتقل ادبها على الكل و بتقولهم محدش يدخل في خصوصيات بيتي زي ما انا مش بدخل في خصوصيات بيتكم
يامن منها لله بت و الا بلاش ربنا يتولانا برحمته
ضحكت حبيبة بصخت هههههههه
يامن بتضحكي علي اي
حبيبة أصل افتكرت الجيران مسمينها اي
ابتسم يامت وقال مسمينها اي
حبيبة مسمينها بنت سلطح ملطح هههههههه
يامن بنت سلطح ملطح هههههههه طب لي الاسم دا
تنهدت حبيبة و قالت أصلها كانت مش لاقية تاكل هي و بنتها و لما ماما ماتت باب اتجوزها و قال يكسب فيها ثواب و لما ضمنت عيشه كويسة ليها و لبنتها افترت عليا انا
يامن معلش يا حبيبة يمكن ربنا له حكمه في كدا
حبيبة و نعم بالله يا عمو
يامن يلا كملي الحكاية
حبيبة لا انا اتكلمت كتير دورك انت بقي
نظر لها يامن باستغراب دوري في أي
حبيبة تحكيلي حكايتك
يامن بس انا معنديش حكايه احكيها
حبيبة امممم بس انت قولتلي أن الدنيا جاية عليك ممكن اعرف حصل اي
يامن ماشي يا ستي هحكيلك مع أن مش من عادتي أن احكي حاجة تخصني لحد
حبيبة ماشي يلا احكي
يامن بصي يا حبيبة انا كنت خاطب .. ثم نظر بشرود بعيدا و بدا بالسرد من حديد كنت خاطب واحده مفيش غيري انا الي كنت شايفها محترمة .. تنقية امي بقي هههههههه
الصفحه الرسميه عالم زهرة Zahra's World
حبيبة ازاي يعني
يامن بصي هحكيلك الحكاية من الاول عشان تفهمي
حبيبة ماشي
يامن بصي يا قمر انا كنت بشتغل و انا في الكلية خلصت كلية و مسكت شركت بابا بس انا كان ليا شغلي الخاص بيا دا الي محدش يعرف بيه .. انا كنت عاوز اعتمد على نفسي مش اكتر عاوز اوصل و ابني مستقبلي بنفسي و بتعبي المهم
امي كانت بتنزن عليا اخطب علشان تفرح بيا ما انا الواد الوحيد بقي و كدا ... انا كنت رافض الموضوع دا دلوقتي بس هي مسكتتش اتفقت مع واحد صحبتها و جابت بنتها البيت و عرفتنا علي بعض .. انا في الأول مكنتش فاهم حاجه بعد ما مشيت البنت لقيت امي بتسالني عن رأي فيها
قولتلها كويسة و محترمه دا قالتلي خلاص هخطبهالك حاولت امنعها لكن هي دبستني .. اطريت أوافق علشان منظر العيلة طبعا .. كل صحابي حذروني منها و انا كنت بدافع عنها و اقول مشوفتش منها حاجة وحشة ..
بعد فتره من الخطوبة بدأت تبان على حقيقتها بس الغبي الي هو أنا مكنش فاهم حاجة
حبيبة ازاي
يامن لقيتها كل فترة بتطلب حاجات كتير و غالية جدا .. وقتها انا كنت لسة ببني نفسي يعني محتاج لكل مليم و هي مقدرتش دا
حبيبة و لي مش قولتلها انك عاوز تعتمد على نفسك ساعتها كانت هتقدر و هتقف جمبك
يامن انتي طيبه اوي يا حبيبة .. انا قولتلها انا معيش فلوس و لسه هبني نفسي بنفسي و مش عاوز اعتمد على فلوس ابويا عارفة اي كان ردها
حبيبة اي
يامن قالتلي يعني هو بعد عمرا طويل لـ باباك مين الي هيورث كل دا مش انت فليه مش تاخد منه دلوقتي و خلاص ... انا اتصدمت بجد فيها كانها بتقولي اورث ابوك بالحيا .. فكرت اسيبها و افركش الخطوبة بس كان الضغط الاكبر عليا من امي كانت بدافع عنها دايما .. و انا كنت ساكت عشانها بس و كنت بطر انفذلها طلبتها علشان مطهرنا الاجتماعي لحد ما فاض بيا الكيل و ****
يا ترى سماح هتعمل اي مع حبيبة
ابو حبيبه خيصدقها وألا هيصدق حبيبة الاختيار له بين حبيبة و سماح
يامن مخبي اي لخطيبته .. والدته هتسكت و الا هتقف في صف خطيبته
عجبا لكِ ايها الدنيا .. وضعطينا في اختبارات مع من نحب .. كل منا ينتظر اختيار الآخر له فهل ستكون النهاية عادلة
يتبع
رأيكم و توقعاتكم و تفاعل عالي بالله عليكم .. متنسوش متابعة لصفحتي الشخصية جوه الجروب
بائعة_المناديل
بقلم زهرة عصام
الفصل 4
يامن قالتلي يعني هو بعد عمرا طويل لـ باباك مين الي هيورث كل دا مش انت فليه مش تاخد منه دلوقتي و خلاص ... انا اتصدمت بجد فيها كانها بتقولي اورث ابوك بالحيا .. فكرت اسيبها و افركش الخطوبة بس كان الضغط الاكبر عليا من امي كانت بدافع عنها دايما .. و انا كنت ساكت عشانها بس و كنت بطر انفذلها طلبتها علشان مطهرنا الاجتماعي لحد ما فاض بيا الكيل و قولتلها أن كل واحد يروح لحالة
حبيبة و انفصلتوا
يامن مش بقولك طيبة اوي .. لا منفصلناش لأن الهانم راحت لولدتي تشتكيلها مني
حبيبة و مامتك عملت اي
يامن لا معملتش الا الواجب و زيادة حبتين
فلاش باك
- يا طنط بقولك عاوز ينفصل عني ..هو لسه قايلي كدا حالا .. انا مش عارفة اعمل ايه
= عملتية اي يا نهي علشان يقولك انفصال .. يامن ابني و انا عارفاه مش هيقول كدا غير بعد تفكير عميق و حاجة كبيرة اوي
نهي معملتلوش حاجة غير اني بطلب منه حاجاات غاليه شوية
= هو أنا مش قولتلك تهدي اللعب شوية من ناحية يامن.. انتي عارفة أنه متواضع جدا و مش بيحب التباهي و الحاجات الغالية.. انتي وصلتيله احساس انك مادية يا نهي
نهي طب انا هعمل اي دلوقتى خلاص كدا يامن هيسبني وألا اي انتي مش قولتيلي هيبقي ليا
= خلاص روحي انتي دلوقتي و انا هتصرف
نهي خلاص ماشي يا طنط انا همشي بقي و الموضوع عندك
غادرت نهي المكان و تركت خلفها من يخطط لكي تتم هذه الزيجة المشرفة العائلة
باااك
يامن انا وقتها كنت في الشركة مع واحد صحبي و عرفت منه حاجات مش حلوه خالص
حبيبة زي اي بقي
يامن متاكدة انك عاوزه تعرفي
حبيبة بحماش و كانها تستمع الي فيلم بالتلفاذ ايوة عاوزه اعرف كل حاجة
يامن اسمعي يا اختي الله يخربيت الفضول الي مودينا في داهية دا
ضحكت حبيبة بصخب و لم تتحدث بينما استكمل يامن حديثه
فلاش باك
يامن زي ما بقولك كدا قررت اني انفصل عن نهي و مش هكمل معاها
- لي يا ابني اي السبب .. ما كلنا كنا بنقولك مش منسباك و انت الي كنت متمسك بيها زيادة عن اللزوم
يامن اكتشفت انها مش منسباني نهائي هي إنسانة محترمة و ليها كل التقدير بس كل شيء قسمة ونصيب
- انت عرف حاجة والا اي
يامن عرفت اي انت مخبي اي عني يا مؤيد
مؤيد مش مخبي حاجة انسي الموضوع
يامن هات من الاخر يا صاحبي انا عارفك كويس انك مخبي عني حاجة.. و انت عارفني كويس اني مش هسكت غير لما اعرفها
مؤيد بص يا يامن انا مش هخبي عليك الي وصلني من كل الي حولينا انها بنت مش تمام بس محدش عاوز يتكلم عليها عشان خاطر ابوها و نفوزه
يامن مش تمام ازاي يعني
مؤيد يعني كل يوم في نايت كلاب شكل سهر و شرب و رقص لحد الصبح
يامن انت متأكد يا مؤيد من الكلام دا .. دي ناس
مؤيد أيوة متاكد
يامن و مقولتليش لي من الأول
مؤيد خفت احسن متصدقنيش يا يأمن
يامن و احنا من امتي بينا الكلام دا
مؤيد خلاص بقي عديها المره دي و اديك عرفت كل حاجة اهو
نظر يامن بشرود يفكر ماذا سيفعل في القادم
باااك
حبيبة ها و عملت اي بعد كدا قول بسرعة
يامن لا مش هقول الدور عليكي يا شاطر قولي انتي شوية بقي
طيب احنا كنا وقفنا لغاية فين
يامن اممم وصلنا لحد ما بنت سلطح ملطح طربتك جامد و انتي متصرختيش ولا عملتي حاجة
حبيبة خلاص افتكرت بعد اما ضربتني انا دخلت الاوضة و قفلت عليا بالمفتاح
فلاش باك
بعد أن أخذت من الضرب ما يكفيها و يفيض عنها اتجهت الي الغرفة و اغلقتها عليها جيدا ... جلست على السرير و كان أنظار ما اعطاها الإشارة لإطلاق السراح الي دموعها للهبوط
جلست تبكي و تنجاجي ربها بحالها و تشكي همها
حبيبة يا رب انا تعبت اوي .. يا رب انت شايف بتعمل فيا اي .. يا رب نفسي ارجع تاني زي زمان زي ما ماما كانت عايشة انا مش معارضة قضائك .. بس اجبر بخاطري و خليك دايما معايا
أما بقي بالنسبة للثانوي فأنا هدخلة يعني هدخله .. بابا اصلا كان عاوزني ابقي مهندسة كبيرة اوي و امسك المصنع بتاعة و اكبرة .. يعني سماح مش هتقدر تعمل حاجه .. انا هستني لما يجي و اقوله علي كل حاجة
باااك
يامن و باباكي جه امتي
حبيبة جه بليل و رحت قعدت معاه و اتكلمت معاه و اشتكيتلة بس يا ريتني ما عملت
يامن لي
حبيبة لانه مصدقش كلمة من الي قولتلها
يامن ازاي
حبيبة اسمع يا عمو
يامن سامع يلا احكي
حبيبة لما دخلت لبابا بعد ما رجع من الشغل و قعت معاه
فلاش باك
دلف والد حبيبة الي المنزل فأسرعت إليه حبيبة قائلة بابا عاوزة حضرتك ثواني ممكن
- حاضر يا حبيبتي تعالي معايا اوضك يلا
دلفا الي غرفتها و جلس والدها بجوارها علي الفراش
- ها يا قمري كنتي عاوزه اي
حبيبة بابا انا عاوزه احكيلك على حاجة
- احكي يا حبيبتي و متخافيش
تشجعت حبيبة و اخذت تسرد علي والدها فغضب والدها بشدة و استدعي سماح
سماح أيوة يا موسي في حاجة
موسي الكلام الي قالته حبيبه دا صح
سماح قالت اي حبيبة
موسي انتي ضربتيها مديتي ايدك عليها
سماح أيوة ضربتها بس لسبب هي زي بنتي و بربيها .. بص يا سيد قعدت تقول ليمني بنتي انتي فاشلة و مش هتدخلي ثانوي و هتبقي خادمة هنا في البيت هتبقي خدامتي انتي و امك اصلا جايبين عشان تخدموني
نظر سامح الي حبيبة التي كانت ملامح الصدمة علي وجهها
باااك
عند هذة النقطة انفجرت حبيبة بالبكاء الشديد عندما تذكرت ما حدث
يامن اهدي يا حبيبة اهي مش مستاهلة
حبيبة انا صعبان عليا نفسي اوي يا عمو دي حتي مكتفتش بالكذب دا
يامن لي عملت اي تاني بنت سلطح ملطح دي
ضحكت حبيبة و قالت عملت حاجات كتير أوي
يامن طب يلا احكي
حبيبة ماشي بعد ما كذبت على بابا .. بابا بصلي اوي و
نظر والد حبيبة اليها بشدة و غضب و قال انتي عملتي كدا
حبيبة لا معملتش
سماح بدموع و ******
يتبع
همسات ليلية
حكايات آخر الليل
بائعة المناديل
بقلم زهرة عصام
الخامس والسادس هنا 👇👇👇👇
