أنجبته بالخطء
البارت السابع والتامن والتاسع
قامت رهف مسكت الفون فتحت الرسالة ..
اللي مبعوته من نفس الرقم اللي بعت الرسالة اللي جاتلها وهي خارجة من معمل التحاليل
" صدمة عصبية 😳 لا لا يارهوف اجمدي كدا دا لسة اللي جاي أحلى 😉
وبعدين التعصب والزعل دا غلط على اللي في بطنك بردو .. خلي صدرك رحب كدا واستقبلي كل اللي جاي بابتسامة
انتي صحيح مبتتكلميش بس أكيد دماغك شغالة وهتفكر دلوقتي وتتسائل ياترى مين دا وازاي يعرف عني كل التفاصيل دي !!
انا مين دي خليها مفاجأة ، بس احب اعرفك إني اقربلك من نفسك اللي بتتتفسيه يارهف .. تقدري تقولي كدا *قرينك* "
مدتش أي رد فعل كالعادة .. سابت الفون من ايديها ورجعت تنام تاني
🔥🔥🔥🔥🔥🔥🔥🔥🔥🔥🔥
خرجت بسمة من الأوضة بشنطة هدومها
كريم : بسمة اللي بتعمليه دا غلللط .. بقولهالك لآخر مرة يابنت الناس ، لو باقية عليا اسمعيني
بسمة بتوقف الشنطة جنبها وبتبصله : دا لو كنت باقية بقا .. لكن انا من النهاردة مش باقية غير على نفسي وبس .. سلام
كريم بخذلان : كدا ؟
ماشي يابسمة .. على راحتك
مفتاح عربيتي متعلق في الصندوق اللي جنب الباب خدي العربية عشان متركبيش مواصلات في الوقت دا
خرجت بسمة على برا ، اخدت مفتاح العربية والشنطة ونزلت على تحت
🔥🔥🔥🔥🔥🔥🔥🔥🔥🔥🔥
*في عربية مروان *
مروان وصل قدام البيت .. وقف العربية ، سند دماغه على الدريكسيون شوية
عدل دماغه تاني .. بدأ يفتكر كل حاجة كانت بينه وبين رهف ، كل موقف حلو ، كل كلمة حلوة اتقالت منه ليها أو العكس ، يفتكر وشها البريئ وضحكتها اللي كانت دايمل تسهل أي صعب .. يفتكر كل موقف جمعهم سوا وقربلهم لبعض
ووسط دا كله ..
🔥فلاش باك 🔥
الدكتور : مراتك حامل يامروان
🔥رجع من الفلاش باك 🔥
دب على الدريكسيون وبصوت عالي : اااااااااااه ياقلبي .. نااااااار ياامي نار
نار بتحرق قلبي ، مش قادر استحمل الإحساس دا ، مش قادر ياامي .. ياريتك كنتي موجودة كنت اترميت في حضنك وشكيتلك همي
بيسند راسه تاني عىى الدريكسيون : ياريتك ياامي
وبعد خمس دقايق فتح باب العربية وخرج .. طلع على فوق
رن جرس باب
فتحله أبوه
جاد : يااه حمدالله على السلامه يابني
دخل مروان اخده بالحضن
مروان : وحشتني اوي يابابا
جاد بيحضنه وبيطبطب عليه : مالك يابني فيك ايه بقالك يومين
مروان : اه لو تعرف اللي حصل لابنك ياحج جاد
جاد : ااايه اللي حصل يابني تعالي ادخل احكيلي
دخل مروان ووراه جاد
مروان : هحكيلك اللي حصل
🔥🔥🔥🔥🔥🔥🔥🔥🔥🔥🔥
رهف ماشية في جنينة بتشم ريحة الورد وشها منور بنور النهار والشمس اللي بتحضن المكان .. وفجأة دخل شخص من وراها حط بلاستر على بوقها
لف على رقابتها حبل وبدأ يخنق فيها .. حاولت تستغيث بكل الطرق وهو يخنق فيها زيادة
وقعت على الأرض وبدأت تطلع في الروح
وفجأة ..
الروح اتردت فيها تاني ، بصت وراها
لا لقت الراجل .. ولا لقت الحبل 💥
صحيت رهف من نوم بتصرخ بعلو صوتها
إيمان بتفتح باب أوضة رهف وداخلة تجري ..
إيمان : ايه ايه مالك يارهف في ايه
دخلت حضنتها جامد : أخيراً صرختي وعملتي رد فعل لأي حاجة
رهف سكتت ورجعت زي ما هي وحتى مش بترفع دراعاتها تحضنها هي كمان .. إيمان استغربت ، بعدت عنها وهي عينيها مدمعة
إيمان : بردو يارهف يارهف؟
معنى كدا إن كلامهم كان صح !
استسلمتي ورفضتي الدنيا باللي فيها .. طب ليه يارهف ؟
دا احنا طول عمرنا زي التؤام مع بعض ع الحلوة وع المرة واخدين عهد إن مهما حصل محدش فينا يقع
ليه محسساني إني دي أقوى ضربة خدتيها على دماغك !!
ما ياما خدتي ضربات أقوى من كدا بكتير يارهف ... انا وانتي عيشنا اللي محدش عاشه وشوفنا اللي محدش شافه وياما اتعذبنا واتألمنا واتبهدلنا وكنتي دايما بعد كل واقعة لينا تقوينا بروحك الحلوة والقوية اللي كانت بترفض الاستسلام .. اشمعنا المرة دي يارهف ؟
اشمعنا وانتي اكتر واحدة واثقة من براءة نفسها
ووقتها اتفاجئت إيمان إن رهف بترفع دماغها وبتبص في عين إيمان
إيمان : رهف انتي بصيتيلي بجد 😳 يعني انتي سمعاني اهو .. سامعاني وحاسة بيا وواعية للي بقوله اهوووو
رههههههف اتكلمي طيب ياحبيبتي ، اتكلمي قوليلي فيكي ايه .. ايه اللي موصلك للحالة دي ، طيب قوليلي كنتي فين ع الأقل طول المدة اللي اختفيتي فيها
اكيد شوفتي او عرفتي حاجة عملت فيكي كدا
رهف نزلت عينيها تاني زي ما كانت .. قامت إيمان وبدأت تدور حواليها على أي حاجة تعرفها رهف كانت فين مش لاقية ، بدأت تدور في جيوبها وفجأة ..
طلعت من جيبها اليمين ورقة ، فتحت الورقة لقيتها ورقة اختبار الحمل
اول ما شافت كلمة *بوزيتيڤ* برقت ، رجعت لورا من صدمتها .. سابت الورقة من ايديها وقعدت على السرير
إيمان : ازاي ؟؟
ازاي ياربي !
بتبص لرهف : ازاي دا انا طول الوقت معاكي يارهف حصل ازاااااي
ماجدة بتفتح الباب وداخلة : مالك ياايمان بتصوتي ليه .. وايه الورقة اللي في ايدك دي
إيمان حاولت تخبيها بسرعة ورا ضهرها راحت ماجدة واخداها منها بالعافية وبصت فيها
ماجدة : معناته ايه الكلام دا يابت انا مش فاهمة حاجة
إيمان : مفيش ياماما انا كمان مفهمتش بردو
ماجدة: انتي هتشتغليني يابت !
اومال علام ايه اللي كنتو بتتعلموه لو مش هتفهمو انجليزي ، وبعدين انتي لو متعرفيش مكانش زمانك واخدة في وشك كدا .. انطقي فيه ايه
إيمان : ياماما خلاص بقا منا قولتلك معرفش مكتوب فيها اااايه
ماجدة : طب قسما عظما لو ماقولتي لادخل اوريها لحازم اخوكي يفهمني اللي فيها وافتح عليكي نار جهنم بقا
إيمان : لا لا لا أبوس ايدك ياامي خلاص .. اللي مكتوب إن رهف حامل فعلاً ياماما
ماجدة بتخبط على صدرها : ياحوستي ..
ياحوستي السودا ياحوستي ، ايه اللي بتقوليه دا يابت ؟!
انتي مش كنتي لسة بتقوليلي في المستشفى مستحييييل يكون الكلام دا صح !!
إيمان : هو فعلاً مستحيل ياامي لكن الكلام اللي انا شايفاه دا غريب اوي
ماجدة بتبص لرهف بحسرة : ياخسارتك يابنتي ، ياخسارتك
إيمان : دخلت عليها وهي بتصرخ بعلو صوتها .. تقريباً كانت في كابوس
ماجدة : وايه المشكلة ؟
عايزاها في وقت زي دا متشوفش كوابيس يعني !!
إيمان : ماما انتي عارفة كويس إن رهف إحساسها عالي في الحاجات دي ، من يوم مااتولدت لحد النهاردة مشافتش كابوس غير في حالتين
يااما حاجة حصلتلها قبل كدا مأثرة عليها ، يا حاجة هتحصل او بتحصل ياماما
ماجدة : أيوة يعني دا معناه ايه ؟
إيمان : معناه إن فيه حاجة بتحصل او هتحصل واحنا مش حاسين ، فيه خطر على رهف
ماجدة : ربنا يسترها يابنتي ، ربنا يسترها
خرجت من الأوضة .. نزلت إيمان قعدت في الأرض وسندت دماغها ع الحيطة
🔥🔥🔥🔥🔥🔥🔥🔥🔥🔥🔥
زياد في المستشفى مع أحلام أمه .. الدكتور خلص كشف عليها واخد زياد برا الأوضة
زياد : ايه يادكتور طمني ، أمي مش عارفة تتحرك كويس ليه من ساعة ما فاقت !!
الدكتور : مبدأيا كدا .. هي والدتك كان عندها مشكلة في القلب أو حاجة ؟
زياد : اه عندها القلب من فترة طويلة
الدكتور : امممم .. طيب انا عاوزك تمسك أعصابك شوية بس
والدتك غالباً اتعرضت لضغط نفسي شديد أو حاجة تشبه كدا ، ودا اتسبب إن جالها جلطة و....
زياد بزعر : يانهار ازرق جلطة !!!!!
الدكتور : استني بس هي الحمدللللله جلطة خفيفة وبما إنك جيت بسرعة ولحقتها قدرنا نخففها على قد مانقدر ، طبعاً لولا حالة الطوارئ اللي جت قبلها وسحبت الوقت كنا ممكن نلحق الموقف وميكونش فيه جلطة أصلا بس النصيب جه كدا
زياد : أيوة يعني الجلطة دي فين ولا دا هيعمل ايه بعد كدا
الدكتور : في ايديها ورجليها الشمال والحمدلله مكانتش لسة وصلت للمخ .. ومش عايزك تقلق خالص الفترة دي هنشتغل على العلاج الطبيعي وبإذن الله الجلطة دي تفك وترجع لطبيعتها
زياد : أيوة يعني ممكن ترجع في خلال قد ايه ؟؟
الدكتور : مكدبش عليك الحاجات دي مش بيتحددلها وقت لأن أغلب الحالات بتطول او مش بترجع تاني بس انا بقولك حالة والدتك فيها أمل عشان لحقناها ، فباذن الله هنعمل اللي ربنا يقدرنا عليه .. ألف سلامة
حجة أحلام هتضطر تقعد معانا فترة كدا تحت الملاحظة وبإذن الله اول ما الحالة تستقر تقدر تاخدها وتروح
سابه الدكتور ودخل علي جوا
زياد : ماشي ياحازم الكلب ، لو مبكيتكش بدل الدموع دم مبقاش استاهل أبقى إبن الست اللي جوا دي
فرحان أوي بفرح أختك اللي قرب صح ؟
لو مخلتهوش اسود يوم في حياتك مبقاش استاهل اكون ابن الست اللي جوا دي
🔥🔥🔥🔥🔥🔥🔥🔥🔥🔥🔥
مروان : دا كل اللي حصل من امبارح للنهاردة يابابا
جاد : ياخسارة تربيتي فيك يامروان !
مروان : ليه يابابا انا عملت ايه يعني ، هي اللي خاينة مش انا بتحاسبني ليه
جاد : انا مش بحاسبك عشان هي خاينة
انا بحاسبك عشان كلمة خاينة دي نفسها
مروان : مش فاهمك ؟!
جاد : مروان الراجل اللي انا ربيته يقدر يميز بين الصح والغلط .. ولما يثق في واحدة لدرجة انه يحبها ويخطبها ويتجوززززها كمان يبقى حتى لو سمع بودانه لو حتى شاف بعيننننه ميصدقش غير إن خطيبته اللي هي اصلا مراته شريفة وأشرف من الشرف
مروان : انت عايزني أعمل ايه لما أعرف خبر زي دا من دكتور موثوق يعني ياحج
جاد : إذا كان اناااا اللي حماها مش جوزها ولا أعرفها زيك عمري ماصدق عنها كدا !
مروان : اومال اللي حصل دا هيحصل ازاااااي يعني يابابا !!! عفريت مثلاً
جاد : جايز يابني يكون حد غصبها ، اغتصبها ، هددها ، خدرها
مسميات كتييييير اوي مهمتك دلوقتي تحدد هي أنهي مسمى فيهم
لكن تقف زي الخايب تقولها انتي خاينة وانتي وانتي يبقى انتتتتت اللي خاين يابني ، لما تكون واحدة مآمناك علي حياتها وصايناك وصاينة علاقتكو وتشك فيها يبقى انت اللي خونت علاقتك بيها وعشرتك ليها
مروان بيحط ايده على دماغه : انا هتجنن اقسم بالله .. هتجنن بجد ومش عارف أعمل ايه
جاد : انا اقولك هتعمل ايه .. هتنزل دلوقتي شقتك تحاسب النقاش وتتأكد إن الشقة اتشطبت ، هتتوضى وتصلي فيها ٤ ركعات ، اتنين شكر لله إنك شطبت شقتك على خير ، واتنين استخارة يابني عشان ربنا يخرجك من حيرتك دي على خير ، يلا قوم
مروان : حاضر يابابا .. عن إذنك
قام نزل على شقته
🔥🔥🔥🔥🔥🔥🔥🔥🔥🔥🔥
حاسب مروان النقاش ومشاه .. اتوضى وصلى ، بدأ يتمشي في الشقة يتفرج عليها وعلى كل تفصيلة اختارتها رهف بذوقها
تليفونه رن رقم غريب
مروان : الو سلام عليكم
= عليكم السلام .. مبدأيا كدا ألف مبروك
استغرب مروان لأن بكونه مهندس كمبيوتر قدر يعرف إن اللي بيكلمه مغير صوته ببرنامج صوتيات
مروان : مين معاياااا ؟
= لقيتك رايح جاي في الشقة متأثر اوي فقولت اسألك سؤال .. ياترى جهزت أوضة للضيف اللي هييجي ينور بيتك مع مراتك كل يوم لما تنزل تروح الشغل ؟؟
أول ما البارت دا يكمل 3k هنزل البارت التامن النهاردة زي ماوعدتكم امبارح 😍😍
تفاعلوااااا 🔥🔥🔥🔥❤️❤️❤️
💛🌼 البارت التامن 🌼💛
~ أنجبته بالخطأ ~
= لقيتك رايح جاي في الشقة متأثر اوي فقولت اسألك سؤال .. ياترى جهزت أوضة للضيف اللي هييجي ينور بيتك مع مراتك كل يوم لما تنزل تروح الشغل ؟؟
مروان بيبرق : نعععععم !! انت مين ياد انت ؟؟؟
السكة اتقفلت في وشه .. اتجنن اتصل تاني بنفس الرقم *الهاتف المطلوب مغلق أو غير متاح*
مروان : رد يابن الكلبببب
اتعفرت اكتر واتصل تاني مازال الخط مقفول .. رزع التليفون في الأرض من غيظه
🔥🔥🔥🔥🔥🔥🔥🔥🔥🔥🔥
*تاني يوم الصبح وفي بيت رهف تحديداً *
قامت أسماء من على الكنبة اللي نايمة عليها في الريسبشن .. دخلت اوضتها
فتحت الدولاب تجيب هدوم .. فجأة باب الأوضة اتفتح ودخل منه حازم وقفل الباب وراه بالمفتاح
اتلفتت أسماء بخوف : في ايه ياحازم
حازم بيقرب منها : ايه ؟
كنتي فاكرة عشان قاعدين مع أهلي في بيت واحد ومستغلة فرصة محماية أبويا ليكي مش هعرف اوصلك يابت ؟؟
أسماء : انت عايز ايه ياحازم
حازم بيمسكها من شعرها : كنتي بتعملي ايه مع الواد دا يابت انطططقي
أسماء بتصوت : شعرررري حرام عليك أنا مش حمل اللي انت بتعمله فيا دا .. هعمل اااايه انا يا حازم هخونك يعني ؟؟
حازم : تخوني مين يابت دا انتي تدفني قبل ماتفكري فيها ، هسألك لآخر مرة
فيه حاجة بينك وبين اللي إسمه زياد دا ؟
أسماء بتزقه عشان يسيب شعرها : وووسع كدا
عارف انا حبيتك ليه ياحازم ؟؟
حازم ساب شعرها : ليه يااسماء ؟
أسماء : عشان شوفت فيك عرق الرجولة والنخوة شادد زيادة عن بقيت الرجالة قولت بس هو دا السند والضهر اللي هيعوضني عن غياب أهلي .. هيقف في ضهري ضد الدنيا
بعد الجواز بقا اتصدمت .. اتصدمت إنك كل مرة بتيجي مع الدنيا ضدي ياحازم
اتصدمت إن عرق الرجولة الشديد اوي دا مبيشدش عشان تدافع عني ، بيشد عشان تأذيني اكتر واكتر
حازم : اوبااااا بقا .. دا انتي طلعلك صوت و بقيتي تفتحي محاضر اهو
أسماء بتمسك ايده وبتحطها علي بطنها : حاسس بأيه ياحازم ؟
حازم : هحس بأيه ؟ بطن واحدة حامل زي اي بطن
أسماء : بس اللي في بطني دا مش أي طفل ياحازم ، اللي في بطني دا يبقى إبنك
إبنك اللي هيتولد بيكرهك من كتر ما بيسمع صوتك كل يوم بتزعق لأمه وتهينها على اتفهههه الأسباب
فوق لنفسك ياحازم .. فوق قبل ما قطر الحياة يفوتك وتلاقي نفسك خربت حياتك بأيدك
حازم : انتي عارفة كويس إني بحبك ، عارفة إني بموت في التراب اللي بتمشي عليه ..
بيمسكها من رقابتها : بس للأسف الحب مش دايما بييجي بالسلام ، أحيانا بييجي بالخراب والقتل عارفة امتى ؟
يوم ماتفكري تخونيني يا أسماء
أسماء بتزقه : انت مريض ياحازم .. ربنا يهديك
سابته وخرجت من الأوضة
🔥🔥🔥🔥🔥🔥🔥🔥🔥🔥🔥
مروان وصل عند البيت بعربية العفش .. نزل جاد بسرعة ومعاه كام راجل وبدأوا كلهم يطلعوا العفش لشقة مروان
*بعد ساعة *
جاد ومروان واقفين يتفرجوا على الشقة بعد ما العفش اتحط فيها واتنصب
جاد : ربنا يباركلك فيها يابني ويرزقك خيرها ويكفيك شرها .. ويجعلك فيها الذرية الصالحة
مروان بيضحك بسخرية : الذرية الصالحة 😂
جاد : حكم عقلك يابني ، حكم عقلك
انا طالع ألحق صلاة الضهر بقا
مروان : ماشي ربنا معاك
طلع جاد على فوق وساب الباب مفتوح
بدأ مروان يتمشى في الشقة ويشوف ايه اللي ناقص وايه اللي ينفع يكمله بسرعة قبل الفرح
وفجأة جاي بيتلفت ..
بنت واقفة وراه .. لابسة هدوم غالية جداً ، هدوم ضيقة على كعب حالي وميك اب اوڤر
مروان : دينا !! انتي بتعملي ايه هنا
دينا : دا بدل ما تقولي نورتي 😒
دا انا حتي أول ما عرفت منك في الفون إن فرحك كمان ٣ أيام مقدرتش استنى ، قولت لازم اجي اباركلك بنفسي
مروان : دينا .. انا راجل خاطب وفرحي كمان يومين ومش ناقص مصايب
بعد اذنك انزلي من هنا وابقي باركيلي في الشركة براحتك
دينا : انت بتطردني يامارو !
مروان : مبدأيا اسمي مروان .. تاني حاجة انا لا بطردك ولا حاجة بس ميصحش يتوجد راجل وست في شقة فاضية لوحديهم .. فاتفضلي وابقي تعالي الشقة براحتك لما تكون مراتي موجودة
دينا : يااااه على إخلاص الزوج يااخواتي 🥺🥺 بس ياترى بقا هي كمان مخلصة زيك كدا 🤔
مروان باستغراب : انتي قصدك ايه يادينا ؟!
دينا : ولا حاجة ياقلب دينا ، يلا فوتك بعافية
جاية تمشي شدها من دراعها رجعها تاني
مروان : لما اكلمك تردي عليا .. قصدك اااايه
دينا بدلع : اي اي أموت فيك وانت حمش كدا 😍😍
مروان : بتتتت بطلي دلع وجاوبي علي قد السؤال
دينا : ياعم لا قصدي ولا مقصديش بهززززر الله .. وبعدين سيبني بقى لا حبيبة القلب تيجي تقفشك ولا حاجة 😉😂
دينا سابته وخارجة على برا ، ومن الناحية التانية داخله حازم
مروان : حازم ! انت جيت امتي
حازم داخل بيمسكه من رقابته
حازم : يعني مش مكفيك اللي عملته في اختي ، كماااااان بتخونها ياوس....
مروان زقه بعزم ما فيه رزعه في الحيطة
مروان : لحد كدا وكفاية اوووووي ياحازم ، واضح إني عشان اليومين اللي فاتوا كنت ساكتلك افتكرتني مقدرش أرد
لا ياحبيبي انا اقدر عليك وعلى ١٠٠٠ زيك بس انا اللي كنت ساكت عشان انت كنت واحد مصدوم
واللي كنت شايفها دي واحدة جيالي في شغل ، هااا اتفضل
حازم بيعدل هدومه : ماشي ياسيدي .. ابويا بعتني اجيبك معايا
مروان : ليه ؟
حازم : معرفش يامروان ، قالي هاته جيت اجيبك وخلصنا هناك هتعرف كل حاجة
مروان : طيب يلا
حازم : مبروك ع العفش ، لولا قلة ادبكو كان زمان أختي بتنقي معاك ، بس يلا هنعمل ايه
مروان : الله يبارك فيك ياحازم
وبالنسبة للعفش انا جبت العفش اللي انا واختك اختارناه سوا
حازم : امممم .. طيب يلا
🔥🔥🔥🔥🔥🔥🔥🔥🔥🔥🔥
كريم بيفتح عينه علي صوت الفون بيرن *حمايا*
كريم : الو ..
حماه : ازيك يابني عامل ايه
كريم : الحمدلله يابا انت عامل ايه طمني على صحتك
حماه : الحمدلله يابني بخير ، ماتيجلنا النهاردة كدا شوية عايزك
كريم : امممم
حماه : انا عرفت اللي بسمة عملته يابني وغلطتها ، تعالي بقا راضيها بكلمتين وخلصوا الموضوع دا
كريم : ماشي يابا هخلص حاجة كدا بس تبع الشغل واجيلكم
حماه : ماشي ياكريم هنستناك
🔥🔥🔥🔥🔥🔥🔥🔥🔥🔥🔥
إيمان وماجدة وأسماء قاعدين في الريسبشن
إيمان قاعدة متدايقة وعينيها مدمعة ، أسماء حاطة ايديها على بطنها ووشها شكله تعبان
ماجدة : مالك يااسماء انتي كويسة ؟
أسماء : اه ياامي كويسة .. شوية مغص بس وهيروحوا لحالهم
ماجدة : ربنا يقومك بالسلامه يابنتي
إيمان : هو احنا هنفضل سايبين اللي جوا دي كدا كتير !!
ماجدة : اومال نعملها ايه
إيمان بصوت واطي : احنا لازم نتصرف ياامي
الباب خبط .. قامت إيمان تفتح
مروان على الباب وجنبه حازم
حازم : ادخل يامروان
ماجدة : مروان ! تعالي ياحبيبي اتفضل
مروان : الحج صالح كان عاي...
صالح خارج من اوضته : اه عايزاك يامروان تعالي ادخل
دخل قعد معاهم
ماجدة : روحي ياايمان اعمليلهم كوبايتين شاي يابنتي
إيمان : حاضر
صالح : لا استني ياايمان ، انا عايز الكل يحضر الكلمتين دول
مروان : تمام يا عمي ، اتفضل
صالح : احنا حجزنا القاعة بإذن الله يوم الجمعة يعني كمان يومين بالظبط ، وانت بحمد الله جبت العفش النهاردة واتحط في الشقة ، التنجيد راح الشقة من فترة يعني فاضل ع الفرش .. بكرا بمشيئة الرحمن هي امها واختها هيروحوا يفرشوا الشقة كلها في يوم واحد يبقى كدا ناقص كروت الدعوة
ماجدة : استني بس ياحج ، كل اللي بتقوله دا هيتعمل ازاي والبت لسة زي ماهي قاطعة الكلام والحركة !
صالح : لو حكمت تحضر الفرح كدا تحضره كدا معنديش مانع
إيمان : ازاي يعني يابابا !
مش هينفع طبعاً وهيتحس إنها مغصوبة على الجوازة دي
مروان : طيب تعالوا ياجماعة كدا ندخل نحاول نقول اي حاجة أو نستفز وعيها حتى يمكن تنطق
صالح : طيب ادخل انت الأول كدا اعمل اي حاجة يمكن تستجيب معاك وتتكلم في عدم وجودنا
ماجدة : ادخل ياحبيبي يلا والنبي
فتح مروان الباب ودخل ..
أول ماشافها الروح اتردت في جسمه وعينه لمعت .. وفجأة افتكر كل حاجة
عينه اتكسرت من تاني .. قعد جنبها
مروان : وبعدين ؟
ناوية تودينا لفين تاني يارهف .. عملتي عملتك ودمرتي بيها مستقبلك ، ومستقبلي انا كمان
وجاية دلوقتي تستسلمي وتسيبيني أنا في وش المدفع !!!
ما كفاية بقا ياشيخة كفااااية ..
فجأة باب الأوضة اتفتح ودخل صالح
صالح مبرق : يعني اللي في بطنها مطلعش عيلك !!
يعني كلللللل اللي عملته تمثيلية يامرواااااان
مروان قام اتنطر واتصدم : استني بس ياحج هفهمك
صالح : تفهمني اااايه ، البت دي لازم تتخنق وتموت دلووووقتي
ماجدة : ياحوستي تخنق مييييين 😱😱
جري صالح على رهف ولسة هيمسكها مروان وقف قدامه عشان يبعده عنها ومن الناحية التانية ماجدة وحازم وأسماء بيشدوه وهو مصمم يزقهم ويقتلها
جت من وراهم إيمان
إيمان : بردو مش هتتكلمي يارهف ، هتفضلي ساااااكتة لحد ما تضيعي نفسك 😱
ماشي يارهف .. انا عارفة ازاي هخليكي تنطقي
وفجأة طلعت من كمها موس كانت مخبياه قبل ما تدخل .. وقطعت شرايين ايديها
قولوا رأيكم في البارت ووصلوه ل 4k عشان أطول في البارت اللي جاي 😍😍
🔥🔥البارت التاسع 🔥🔥
وفجأة إيمان طلعت من كمها موس كانت مخبياه قبل ما تدخل .. وقطعت شرايين ايديها وقعت على الأرض قاعدة
كلهم وقفوا برقوا واتسمروا مكانهم ، الهدوء سيطر على المكان لمدة ثواني من الصدمة
واللي فاجئهم كلهم اكتر .. حركت رهف دماغها بصت على إيمان
وبعلو صوتها : إيماااااااااان
قامت من على السرير نزلت نطت على إيمان في ثانية واحدة ومسكتها
رهف : ليييييه كدا ، ليه عملتي كدا حرام علييييييكي
لطشتها بالقلم بعزم ما فيها ومن غير ما تفكر قطعت قماشة من التيشرت اللي لبساه لفتها على ايد ايمان اللي غرقت دم في ثواني
ماجدة فجأة : فاقت واستوعبت الموقف ، بنتتتتتتتي
رهف : انتو واقفين تتفرجوا على اااااااايه اختي هتموووووت
قامت شالت ازاز الكومودينو رزعته في الأرض كسرته حتت "اتقوا اللللله "
وقعت كل اللي على التسريحة "حرام عليكو بقا حراااام"
بدأت تكسر في كل حاجة حواليها وكلهم مصدومين مش عارفين يلحقوا دي ولا دي
وقفت رهف تصوت وتصرخ وتدب وترزع لحد ما وقعت في الأرض اغم عليها
جري حازم ومروان شالوا ايمان بسرعة وجريوا بيها على أقرب مستشفي ومعاهم صالح وماجدة
حازم وهو شايل إيمان بيجري بيها : اسماااااء خليكي انتي هنا مع اللي واقعة في الأرض دي على ما نودي المجنونة دي المستشفي بسرررعة
أسماء : حاضر حاضررر
دخلت أسماء جري تفوق في رهف
أسماء : رههههف رهف قومي والنبي مش ناقصين مصايب أبوس ايدك قوووومي
رهف غايبة عن الوعي تماماً .. جريت اسماء جابت ماية وبدأت ترش عليها بسرعة مفيش فايدة
أسماء : يالهوووي عليا البت هتروح .. انا لازم اتصرف لازم اتصرف
زياااد .. هو زياد وطنط احلام
فتحت باب الشقة وطلعت تجري على فوق
🔥🔥🔥🔥🔥🔥🔥🔥🔥🔥🔥
وصلوا بإيمان المستشفى دخلوا بيها على الطوارئ
على ما استلمها الدكتور كانت غابت عن الوعي هي كمان بسبب الدم اللي فقدته
بدأ الدكتور يوقف النزيف بسرعة ويخيط في الجرح وكلهم واقفين مرعوبين
مروان واقف باله معاهم وفي نفس الوقت باله مع رهف اللي آخر مشهد ليها واقعة في الأرض
🔥🔥🔥🔥🔥🔥🔥🔥🔥🔥🔥
أسماء واقفة بتدب على الباب .. فتح زياد
زياد : أسماء ؟ عايزين ايه تاني
أسماء : زياد أبوس ايدك الحقني بسرعة ، اخت جوزي واقعة تحت مغم عليها وقاطعة النفس الحقها معايا أبوس ايددددك
خرج زياد جرررري على برا من غير ما يفكر وقفل الباب وراه .. نزل جري على تحت ووراه أسماء
دخلوا من باب الشقة
أسماء داخلة بتجري : تعالي ورايا هي واقعة هنا اهي
بتبص ع الأرض ملقتش حد !!
زياد : هي فين يااسماء ؟؟
أسماء : ايه دا ! هي راحت فين ؟؟؟
دي كانت لسة هنا واقعة من طولها وقاطعة النفس
راحت فيييييين دي ياربي 😱😱
زياد : تاني يااسماء ؟؟؟
بتحطيني في نفففففس الموقف تاني
ياترى عندك علم المرة اللي فاتت حصل ايه بسبب جوزك الأعمى الأطرش
أسماء : حصل ايه ؟؟
زياد : حصل ان ام..
لا ولا حاجة .. هتعرفي كل حاجة في وقتها
عن إذنك يااسماء
سابها وطلع على فوق .. بدأت تدور في باقي الشقة على رهف
وبردو ملقتهاش ...!!
🔥🔥🔥🔥🔥🔥🔥🔥🔥🔥🔥
الدكتور : متقلقوش ياجماعة احنا سيطرنا على الموقف ووقفنا النزيف وهي بتبدأ تفوق اهي
بإذن الله ساعة بالكتير وهتبقى زي الفل ، مش هيتبقى بس غير الجرح هيبقى واجعها شوية مكان الخياطة
ماجدة : يعني هي بقت كويسة بجد يادكتور 🥺
الدكتور : اه ياحجة متقلقيش
فجأة بيتلفتوا .. رهف واقفة قدام سرير إيمان ، وبتبوس دماغها
وقفوا كلهم مبرقين للمرة التالتة .. منين كانت مغم عليها هناك
ومنين هي واقفة هنا !!
رهف : حمدالله على سلامتك ياروحي
إيمان : الله يسلمك يارهف ، حمدالله على سلامتك انتي .. انا عارفة إن زمانك زعلانة مني
بس انا أول مرة أحس اني عملت حاجة صح اوي كدا
رهف بغضب : تصرفك دا هحاسبك عليه بعدين .. قوميلي انتي بالسلامة بس والباقي كله مقدور عليه
مروان بيمسك دراعها : انتي فوقتي امتى وازاي ؟؟ وبعدين مانتي بتتكلمي أهو
نزلت ايده من على دراعها .. اتلفتت بصت لايمان تاني
رهف : يلا ياحبيبتي تعالي اقومك بقا عشان نروح بيتنا
جه حازم يسندها معاه لحسن تدوخ وتقع
خرجوا كلهم ركبوا العربية .. في طريقهم للبيت
🔥🔥🔥🔥🔥🔥🔥🔥🔥🔥🔥
وصل كريم بيت أهل بسمة .. خبط على الباب
فتحتله أم بسمة
أمها : تعالى ياحبيبي أدخل
دخل قعد في الصالون .. بعد دقايق دخله أبو بسمة
أبو بسمة : ازيك ياكريم عامل ايه
كريم : بخير يابا الحمدلله .. انت أخبارك ايه طمني على صحتك
أبو بسمة : الحمدلله يابني في فضل
دلوقتي انا اتكلمت مع بسمة شوية انا وامها بس هي مقفلة دماغها ع الآخر ، قولت أنسب حل تيجي انت بنفسك تقعد تتكلم معاها وتحلوا مشاكلكم يابني
كريم : وانا جيت لحد هنا احتراماً ليك ولوالدتها ياحج وعلى دماغي أي حاجة تقولوها
أبو بسمة: طول عمرك إبن أصول يابني
استني هناديلك بسمة
🔥🔥🔥🔥🔥🔥🔥🔥🔥🔥🔥
وصلوا البيت .. دخلوا نيموا إيمان على السرير وخرجوا يقعدوا في الصالون
رهف اتطمنت على إيمان ودخلت الحمام تاخد دوش
فكت شعرها .. وقفت قدام المرايا تبص لملامحها ، تلمس بشرتها
لفت وشها وراحت قعدت على البانيو .. حطت ايديها على بطنها ومسكتها جامد
دماغها مش مفهوم بيدور فيها ايه .. فكت هدومها ودخلت وقفت تحت الدوش
🔥🔥🔥🔥🔥🔥🔥🔥🔥🔥🔥
*في الصالون *
حازم بيبص لمروان بغِل من تحت لتحت .. صالح قاعد الشر بيطلع من عينيه
مروان : عمي انا عايزك تكون فاهم إن اللي من شوية واللي سمعته بودنك دا مكانش حقيقي
صالح : نعم ؟ ازاي يعني مكنش حقيقي كنت بحلم
مروان : مش قصدي ياحج ، اقصد اللي انا قولته لرهف مكانش حقيقي .. انا قبل ماادخل الأوضة كنت بقولكم ايه
أسماء : كنت بتقول إحنا لازم نستفزها بأي شكل
مروان : ودا بالظبط اللي انا عملته لما دخلت .. كنت بقول كدا عشان هي تحس بالغدر
تحس إني مش معترف بالطفل اللي في بطنها رغم إنه من ضهري فتثور وتغضب وترد عليا وللأسف دا بردو محصلش
صالح : أفهم من كدا إن كل دا كان حوار يعني ؟!
مروان : والله العظيم كان مجرد حيلة ياعمي .. انا مبكدبش عليك وعندي إستعداد أعمل أي حاجة عشان اثبتلك
صالح : ماشي يامروان .. هصدقك رغم إني مش مرتاح للموضوع
قومي ياماجدة شوفي عيالك الاتنين اللي هيموتوني ناقص عمر فين وبيعملوا ايه
ماجدة : واحدة نايمة والتانية في الحمام بتاخد دوش شوية وهتخرج
صالح : اول ماتخرج خليها تجيلي هنا عشان اعرفها ان فرحها بعد بكرا .. وانت استنى يامروان لحد ماتخرج ونقولها
🔥🔥🔥🔥🔥🔥🔥🔥🔥🔥🔥
دخلت بسمة لكريم .. قعدت على الكرسي بعيد عنه ، قرب كريم وقعد على الكرسي اللي قدامها
بسمة : جاي ليه ياكريم ؟!
كريم : هي دي ازيك اللي بتقوليها لضيف جاي شقة ابوكي وامك ؟
بسمة : جاوب على سؤالي ، جاي ليه ؟
كريم : السبب الأول إن ابوكي طلب مني اجي
تاني سبب والأهم .. عشان انتي لازم تعرفي الحقيقة
بسمة : حقيقة ؟ حقيقة إنك خاين مش كدا
كريم : حقيقة إنك دايما حطاني في موضع الشك يابسمة ، حتى المرة دي
بس المرة دي انتي لازم هتسمعيني عشان تعرفي اللي حصل واللي اتسبب في الروج اللي شوفتيه
بسمة : انا مش هسمع حاجة ياكريم لأنك كالعااادة هتبرر ، انت اللي هتسمعني وللاخر في كلام هقوله ليك لأول مرة من يوم جوازنا
كريم : امممم .. اتفضلي
بسمة : انت كل ما تتكلم تقولي بحبك بحبك بس للأسف .. الحب عمره ما كان كفاية ياكريم !
وانا استحملت منك كتير اوي حاجات انا مش عايزة استحملها ، استحملت ظروفك اللي طول الوقت وحشة استحملت اني في ابويا كان مصروفي الشهري لوحدي مش أقل من ٥٠٠٠ جنيه ، انت بقا من ساعة مااتجوزنا مصروفي لوحدي مبيكملش ال٣ وبقيت المصاريف بتكفي البيت بالعافية وساكتة ، استحملت شغلك اللي بترجع منه ١٠ بالليل مهدود تدخل تنام بعد ما سيبتني اليوم كله وشي في وش الحيطان ،استحملت ان مروان صاحبك يبقي هو الكل في الكل في الشركة وانت بتاخد اللي يتبقي منه ، و فوق كللل دا ياكريم .. استحملت إنك مبتخلفش وسكتت
بس لما بعد كللللل دا اكتشفت إنك بتخوني كمان !!
يبقي حتي الحب مبقاش موجود .. والصراحة انا مش عايزة أكمل في العيشة دي
كريم : اممممم
بسمة : مش هترد !!
كريم : طيب .. بصي بقا يابنت الناس
مبدأيا بالنسبة لظروفي الضيقة انا اول كل شهر بسلمك في ايدك ٨٠٠٠ جنيه وبقولك قسميهم زي ماتحبي جزء ليكي وجزء للبيت
وبقيت الشهر لما بتخلصيهم بكملك من جيبي
وطول فترة جوازنا .. بتلبسي براندات ، بتخرجي أحسن خروجات مع صحابك ، بتعملي شوبينج بالالاف كل أسبوع ، كل اللي تحبيه بيتوجد ولما تكوني بتطلبي اكتر من المعتاد انا للأسف مش هقدر أساعدك في دا .. خصوصاً وإني بقول الحمدلله على كل حال وانا في نعمة كبيرة من ربنا
بالنسبة لمروان دا صاحبي واخويا وكل الخير اللي انا فيه دا من فضله هو بعد ربنا
بالنسبة لاني مبخلفش قولتلك من أول يوم جواز لو مش حابة تكملي متكمليش وانا موافق وانتي اللي رفضتي على أمل ان فيه حل وكنت كل يوم بعرض عليكي الإنفصال ، فأنا مكنتش ظالمك ولا جابرك
أما بقا بالنسبة لخيانتي ليكي اللي وهمتي نفسك بيها .. بعد كل اللي قولتيه ، وبعد ما توصل للمعايرة
معتقدش فيه داعي ابررلك موقفي يابسمة
فرصة سعيدة لحد كدا وبإذن الله ربنا يرزقك بحد أحسن مني وظروفي أفضل مني وتعيشي معاه سعيدة .. حاجتك كلها في البيت وقت ما تحبي تيجي تاخديها تنوري في أي وقت
حددي مع والدك المعاد المناسب اللي اجي فيه انا والمأذون
قام وقف وبصلها : ربنا يشهد عليا إني لحد آخر لحظة كنت بعاملك بما يرضي الله ، كنت بحبك حب لو قعدتي تتخيليه عمرك هيخلص .. بس للأسف الحب دا كله وقف عاجز قدام كرامتي
أشوف وشك بخير ..
سابها ونزل على تحت
🔥🔥🔥🔥🔥🔥🔥🔥🔥🔥🔥
خرجت رهف من الحمام .. دخلت الصالون ، قعدت على الكرسي
رهف : نعم يابابا كنت عايزني في ايه
صالح : حمدالله على سلامتك مبدأيا
رهف : الله يسلمك
مروان قاعد باصصلها وهي عينيها مش بتيجي ناحيته نهائي
صالح : طيب .. عندك علم إن الفرح هيكون بعد بكرا ؟
رهف : فرح مين ؟؟
صالح : فرح مين 🤔 فرحك يارهف
رهف بتبصله بصدمة
صالح بسخرية : اه صحيح ، نسيت إن كان عندك صدمة عصبية ومكنتيش دريانة بينا ... عموماً اديني قولتلك
رهف باستغراب : مش فاهمة دا ازاي حصل !!
صالح : زي الناس .. مروان اعترف ان اللي في بطنك يبقى إبنه وقرر إن جوازكم يكون يوم الجمعة واحنا حجزنا القاعة وظبطنا كل حاجة واديني ببلغك
رهف بتبصله بصدمة اكتر وكأنها بتحلم *ازاي دا حصل وازاي يعترف بطفل هو عارف إنه مش إبنه ؟ طب ياترى اللي عمله دا معناه إنه هيعمل فيا ايه بعد الجواز ؟؟*
صالح : مش متعودين ناخد رأي الحريم في حاجة ، بس انا عندي فضول أعرف ايه رأيك ؟؟
يلا قولوا توقعاتكم في الكومنتات ووصلوا البوست ل 4k عشان البارت الجاي هيكون مهم جداااا 😍😍🔥🔥
