الحلقة الثالثة عشر
اميرة في بيتنا
اميرة قلبي
نسمه: ببتسامه ودخلت اكيد مش عليا
يوسف: بتعجب! نسمه
حضنت اخاها وهوةايضا حضنها
نسمه: وحشتنى يا جو
يوسف: ايه جابك من جامعتك
نسمه: الله هو انا مش وحشتك ولا اى
يوسف: لا اصل الترم الاول كنت مخصمانه ومشفنكيش غير لما خلصتى
نسمه : الامتحانات علي الابواب وخلصنا محاضرات وجيت الم المواد
امال اميرة فين؟ وقاعد لوحدك ليه؟ وليه عايز تقعد لوحدك شويه؟ هو انتوا متخاصمين؟
يوسف: بشخط نسمه ملكيش صالح باللى حاصل هنا متخصمين متصالحين
متدخليش في حاجه متخصكش
نسمه : بحزن طيب فى اى يا يوسف انا بسال عادى
يوسف : طيب روحى شوفي مذاكرتك
نسمه : بحزن. ماشي يا جو عن اذنك وهى خارجه من غرفته
يوسف : بجديه نسمه
نسمه : نعم يا جو
يوسف: متزعليش منى انا اعصابى تعبانه اليومين دول
نسمه : ببتسامه ولا يهمك يا جو انا مستحيل ازعل منك هروح اشوف اميرة عشان وحشتنى
لم يرد يوسف واكتفى بهز راسه مع ابتسامه خفيفه التى اختفت عند خروج نسمه من الاوضه
وبعد لحظات
نسمه : جو هى اميرة فين انا دورت عليها مش موجوده
يوسف: تلاقيها فى الحمام
نسمه : دورت في كل الاوض مش موجودة ولا فى الحمام موجوده
يوسف: بلهفه وخوف يعنى اى مش موجودة
نسمه : اه ولله زى ما بقولك اميرة مش موحوده
خرج يوسف من غرفته وكله خوف ولهفه دور عليها فى كل انحاء البيت كالاب الذى يبحث عن ابنته ولكن لم يجدها في اى مكان
يوسف : بخوف روحى شوفيها عند منال ولا امل
نسمه: انا لسه جايه من هناك
يوسف : بصوت عالي بقولك روحي شوفيها عند منال
نسمه : بخوف حاضر حاضر هروح
ظل يوسف يبحث عن اميرة فى شقته كانها تلعب معه استغمايه ويوسف سوف يجدها في اى لحظه
منال : بخوف وقلق
اى يا يوسف اميرة فين؟
يوسف : بشخط هى مش عندك
منال : لا مش عندى
يوسف: امال راحت فين؟
امل : اكيد هنا ولا هنا هتروح فين يعنى
يوسف : هى مجتش عندكم خالص
منال: انا شوفتها لما كان اخوها هنا
امل: اميرة مش بتيجى عندنا غير لما تقولك
تذكر يوسف شئ ما وابتسم
يوسف: عاصم ولا عمر موجودين
منال: بتعجب! عاصم لسه منزلش
يوسف: طيب روحى نديله
امل : واميرة؟
يوسف: بغيظ بقولك روحي اندهى لعاصم
نظرت امل ونسمه الي يوسف بدهشه
منال : روحى نادى علي عاصم
امل: حاضر
(في الدور الاول للعمارة)
يوسف: اتفضل انت
عاصم : هو جدى وحش ولا اى
يوسف : بنرفزة عاصم انا قولت اتفضل
عاصم : ماشي يا جو ابقي سلملى علي جدى
يوسف: ماشي
طرق يوسف الباب على جده
فاروق: ببتسامه تعجب يوسف ادخل
يوسف: اميرة فين؟
فاروق: اميرة فين هو انت بتسالنى عن مراتك فين
يوسف: بقلق وخوف يعنى اميرة مش هنا
فاروق: لا مش هنا
نظر فاروق ليوسف باشفاق على حاله الذى كالاب الحزين الذى يبحث عن طفلته
ادخل عايزك في كلمتين
يوسف : ادخل زاى واميرة مش عارفها فين دى هبله وممكن تطلع بره العمارة لوحدها
فاروق : ادخل طيب الاول وانا اطمنك عليها
يوسف: بفرح يعنى اميرة هنا
دخل يوسف شقه جده بلهفه اميرة اميرة اميره
فاروق : متتعبش نفسك اميرة مش هنا
يوسف : بصدمه مش هنا امال هطمنى عليها ازاى
فاروق: لما تقولي اى الل حصل بينكم
يوسف: بعصبيه محصلش حاجه محصلش حاجه كل اللي حصل انى عايز اديها حريتها واخليها ترجع لحياتها الطبيعيه مش المغصوبه عليها هو انا كدا عملت حاجه
فاروق : اميرة بتحبك وبقيت انت حياتها
يوسف: اميرة بتحب مدرسها
فاروق: ناوى علي ايه يا ابن صالح
يوسف: ناوى ارجع اميرة لحياتها ولحبها
فاروق: فكر يا يوسف في قرارك ده عشان متندمش ومتظلمهاش ولا تظلم نفسك
يوسف: انا هظلمها لو فضلت معايا اكتر من كدا
فاروق: بتنهيدة الم روح دور علي مراتك ولما تلاقيها ربك يعدلها
يوسف: بحزن ادعيلى الاقيها
واتصل يوسف بعاصم كى يساعده فى الصعود الي شقته والبحث عن اميرة قلبه
بعد رحيل يوسف دخل فاروق الى غرفته وهو حزين وجد اميرة تجلس على الارض وهى ضامه قدميها الى صدرها وتبكى بحرقه
اميرة: ببكاء هو ليه بيعمل معايا كدا انا عملته اى
فاروق: يوسف بيحبك وخايف يكون ظلمك
اميرة: يوسف مش بيحبنى واتغصبت عليه حاول يتاقلم معايا لكن معرفش وخلاص زهق منى يوسف انانى مش بيفكر غير فى نفسه وبس وزى ماهو مش عايزنى انا كمان مش عيزاه واعتدلت في وقفتها انا هروح اقوله انا مش بحبه ولازم نسيب بعض
فاروق: ببتسامه طيب عينى في عينك كدا
اميرة: لا بحبه بس هو مش بيحبنى
فاروق: لا بيحبك وانا هعرفه قيمتك وهدوخه وهخليه يندم على كل كلمه قالها
اميرة: وهى تمسح دموعها المتساقطه ازاى؟
فاروق: انا كنت هقوله انك هنا بس بعد اللى قاله مش هعدى الموضوع كدا وخلاص
هخليه يدور عليكى هيندم علي كل اللى قاله وكمان هخليه يعترف بحبك مش كلام افعال كمان
اميرة: بس هو زمانه قلقان عليا
فاروق: هو صعب عليكى من دلوقتى خلاص يا ستى روحيله بس متجيش تقوليلى يوسف مغصوبه عليه يوسف مش واثق فى حبى
اميرة : بندم لا لاء خلاص
فاروق: هتسمعى اللي هقولك عليه
اميرة : بيأس حاضر اى حاجه تقولى عليها هنفذها اهم حاجه يوسف ميسبنيش
(داخل شقه يوسف)
يوسف: بعصبيه يعنى مش موجودة في العمارة كلها
منال : يا يوسف بقولك دورت عليها فى كل مكان والله مالقتها
يوسف : يمكن تكون راحت مع امل
نسمه : راحت ازاى مع امل وامل قبل ما تروح درسها اطمنت لما قولت عرفت مكانها فين
منال: احنا اطمنا لما انت قولت عرفت مكانها قولى انت حصل اى
يوسف: هو دا وقت حصل اى
نسمه : المكان الوحيد ال مدورناش فيه شقه مرات عمك جليله وبرضو عند داليا
يوسف: بصوته العالي ومدورتيش هناك ليه غورى روحي شوفيها
نسمه : بخوف بس اميرة مش بتروح هناك
يوسف: بقولك روحي شوفيها دى هبله ممكن تروح اى حته
نسمه: حاضر حاضر واسرعت نسمه الى شقه جليله وداليا
منال: اهدى يا يوسف هتروح فين يعنى هى متعرفش حاجه هنا
يوسف : بعصبيه هو دا اللي مخوفنى متعرفش حد هنا غيرنا
(بجوار سنتر المحمدى للدروس الخصوصيه)
ليلى زميله: امل بصوا يا بنات هناك يالهوى علي الحلاوة يا لهوى علي الطعامه اول مرة اشوفه
نظروا البنات الى ما تشير اليه ليلى
امل : بصدمه اى جابوا هنا ده
رحاب زميله: امل هو انتى تعرفي المز دا
امل: بسرحان دا ..... وبعصبيه انتى مالك اعرفه ولا معرفهوش احترمى نفسك انتى وهي
ليلى: الله في اى خليكى ساكته وخليكى في احترامك انا هموت واعرف مين دا
امل : وقد شاطت من الغضب انا هعرفك مين دا دا خطيبى ولو سمعت اى واحدة فيكم بتقول عليه كلمه
تانى انا هقطعلها لسانها
واسرعت امل الى جلال وهى غاضبه
امل: اى جابك هنا؟
جلال : بت اتكلمى عدل بدل ما اهفك قلمك علي وشك اوقعلك طقم اسنانك
امل : بتحدي يا سلام ولا تقدر تعملها اصلا
جلال: لا اقدر ولو عيزانى اوريكى
امل : بتحدى ووضعت يدها علي وسطها ورينى هتعملها ازاى
جلال: طيب فى الشارع كدا وببتسامه في بيتنا بقا دا انا هوريكى اللي عمرك ما شوفته
امل: اللي هو اى بقا وتذكرت قوله بيتنا احم تقصد بيت مين
جلال: ببتسامه ثقه وهمس ليها بيتى وبيتك
امل : احم وبتلعثم انا قولتلك كل واحد في طريق
جلال: انتى اللي قولتى انا مقولتش حاجه
امل : بحزن بس انت مش بتحبنى
جلال: بتعجب! ومين قال انى مش بحبك انا قولتلك
امل: ببراءة مرات عمي قالتلى انك مش بتحبنى وخطبتنى عشان خاطر اختك
جلال: بتعجب! مرات عمك قالتلك خاطبك عشان اختى ومش بحبك وهى قالت كدا ليه
امل : عشان قولتلها انت مش بتتصل ولا بتسال غير لما انا بسال
جلال : بعصبيه وهو انتى اى حد يقولك حاجه تصدقيه وتسمعى كلامه ليه ملكيش شخصيه ولا ليكى عقل تفكرى بيه بصى بقا يا بنت الناس انا لو مش شاريكى مكنتش جيت لحد هنا انا مش الشخص اللي ارتبط بواحده عشان خاطر اختى لو مش عجبانى وبتمنى تكونى ليا مكنتش فكرت اخطبك واميرة لو عارفها مش مبسوطه مع يوسف ومش بتحبه مكنتش خلتها ولا دقيقه في بيتكم مش اروح اخطبك عشان خاطرها وموضوع انى مش بسال عليكى عشان انتى مش مديانى فرصه انى اسال
وحابب موضوع لهفتك عليا وسؤالك عليا ولما بطولى في السؤال والرنات برن عليكى وكمان مش عايز اشغلك عن المذاكرة عشان بكرة متقوليش انت السبب في فشلى لكن طالما راميه ودانك لاى حد يقولك كلمه وتسمعيله يبقا حياتنا مع بعض هتبقى زفت وستين نيله فعلا كل واحد فينا فى طريق
وقفت امل صامته من كلام جلال لا تدرى علي تفرح لاعترافه بحبه لها وانه شاريها ويتمنى يكون لها طول حياته وانه خطبها لانه يحبها لا خاطر اخته ام تحزن لاخر جمله قالها فعلا كل واحد فينا فى طريق
واسرع جلال بالخطى
امل: جلال استنى استنى عشان خاطرى طيب هقولك حاجه وبعدين امشى
تخطى جلال الشارع بسرعه وهى خلفه ولكن لم تلاحظ امل السيارة الاتيه امامها لم يوقف جلال عن السير سوى سماعه فرمله السيارة التى خلفه نظر خلفه وجد امل مسطحه علي الارض دهشه خوف رعب قلق انتابت جلال اسرع الى امل
جلال: امل امل فوقي مالك فوقي بقا
امل: بصعوبه والله بحبك ومش حبيت حد قدك
جلال: بخوف مش وقته الكلام دا ونظر الى الذين حوله وبشخط حد يتصل بالاسعاف اي معندكمش رحمه
امل : وهى تتحدث بصعوبه جلال انت صحيح بتحبنى وخايف عليا
جلال : بخوف وقلق وامتلات عيناه بالدموع والله بحبك وعمرى ما هحب حد قدك
امل : يعنى لما ابقي كويسه هتسامحنى علي اللي عملته واالى هعمله فيك بعدين
جلال: هتبقى كويسه وهسمحك وهسمحلك تطلعى عينى بس اسكتى متتكلميش عشان متتعبيش اكتر
امل : يعنى هتسمحنى
جلال : بتاثر والله مسمحك اهم حاجه تقومى بالسلامه
اعتدلت امل من نومتها وقامت من علي الارض
امل : ببتسامه وانا اهو بقيت كوبسه
تفاجا كل الحضور من تصرف امل الغريب
جلال : بذهول طاب ازاى مش العربيه
امل: العربيه وقفت قبل ما تلمسنى من الخضه وقعت علي الارض وكملت التمثيليه عشان شوفتك خايف عليا
جلال: بعصبيه يعنى كل ده كان تمثيل انتى واحدة مجنونه واحدة هبله وانا خلاص جبت اخرى منك واسرع في الخطى مرة اخرى
امل: ببكاء وتاثر وواحدة بتحبك ولو مصلحتنيش هرمى نفسي قدام اى عربيه عشان تستريح منى
التفت اليها جلال هتبطلى اللى بتعمليه
امل: مدعيه البراءة حاضر
جلال : وتسمعي كلامى انا وبس
امل : حاضر
جلال: وتنتبهى لدروسك
امل: حاضر
جلال:بتنهيدة لما اشوف اخرتها معاكى اى فوتى قدامى اوصلك البيت لحسن الشارع كله بيتفرج علينا
امل: بفرح يلا وصلنى وياريت كل يوم توصلنى
جلال: بتريقه حاصر هسيب شغلي واشتغل موصلاتي للهانم
زهرة الجبل
تعليقات
إرسال تعليق