القصه كامله بجد جميله 💖💖
❤️❤️❤️❤️قصه مني❤️❤️❤️
أنا مني ،بنت مصريه عاديه جدا،سته وعشرين سنه،انسه،ووو كل حاجه عادي زى معظم بنات بلدي،خلصت جامعه ،وقاعده في البيت مستنيه عدلي ههههههه،زى ما بيقولوا .عايشه لحد ما حصل اللي يغير حياتي كلها،
موبايلي بيرن ،ايه ده رقم غريب،أخواتي البنات دايما بيرنوا من عند صاحابتهم، طبعا اما توفير الرصيد او مفيش رصيد
اصلا. رديت عادي ،الو ،السلام عليكم..
رد صوت غريب : وعليكم السلام. انسه مني معايا.
سكت استوعب الصوت وبعدين رديت بحذر:
ايوه حضرتك ،مين معايا.تنهيده طويله كده اه شكله بيرسم
عليا .ده اول احساس وصلني.
اتكلم بصوت تحس معاه بالرعب بصراحه، "اخيرا ،هكلمك
يا مني ،كل شويه احاول اكلمك.وبعدين اضعف تاني بس
خلاص ،قررت انك تكوني ليا،ومش هسيبك تتضيعي
مني تاني،" ماله الاهبل ده" طبعا بقول في نفسي .اكون
ليه واضيع تاني،هو انا حبيت حد قبل كده من ورايا
ولا ايه؟
رديت بعد ما اخشوشنت كده: مين حضرتك؟وعاوز ايه؟
مش مهم اسمي دلوقتي. عاوز ايه ؟
عاوز اقابلك بعد ساعه في ............ اياك تتأخري
عارفك بتلبسي في اكتر من ساعه ،يلا علشان الوقت ،
مفهوم ردت مني. طبعا ،مش مفهوم ،انت مين؟ وازاي تتوقع اني ممكن
انزل واقابلك؟
هتنزلي يا مني. بالتي هي أحسن، وإلا تستاهلي مش تتأخري
ومش تقلقي اول ما تدخلي الكافيه ..هقوم اعرفك علي نفسي علطول. وقفل السكه اوبس،
حصلي حول في دماغي ايه ده،مين ده يعرفني منين .
يكلمني بطريقه التملك دى ليه ،كأنه يعرفني من سنين،
طب انزل اقابله،ولا أكبر دماغي أحسن....
يا تري مني هتعمل ايه، ومين ده وعاوز ايه،،،،،
تابعوني لو عجبتكم .علشان اكملكم
المشهد الثاني
طبعا مش هنزل ولا اقابله،بقول كده كل دقيقه .وانا بلف زى النحله جوا الاوضه بتاعتي،كل ثانيه ابص في التليفون ،اشوف الوقت عدي ولا لسه.
اوووف الوقت بيعدي ببطء ليه؟ بصراحه عاوزه اشوف
رده فعله ،عديت ساعه بالظبط،وقبل ما تخلص الدقيقة الأولي بعدها،رن التليفون بنفس الرقم.
تخيلوا ببص للتليفون كأني مستنيه حد يطلع منها،شكلي
اتجننت من اول معاكسه ولا ايه،اجمدي يا مني .
لسه بدري علي جنانك ،خلصت الرنه الأولي ولميت نفسي
وفتحت في الرنه التانيه،قال يعني بتقل شويه ،وانا يعلم
بحالي الله .
ايوه يا هانم .برضه مشيت اللي في دماغك ومش جيتي.
البني آدم ده هجيبلي جلطه .
صرخت فيه :ازاي تسمح لنفسك تكلمني بالطريقه دي؟
رد بمنتهي البرود:هشششش،بس وداني اتخرمت،
بصي من الاخر،انا واقف تحت البيت ،ومش عاوز فضايح
فاهمه. ايه كميه البرود والتملك اللي انت بتكلميني بيها دى
واصلا امشي من هنا ،يلا مش هنزل ولا عاوزه اعرفك اصلا.....
تغير صوته في لحظه واتكلم بكل جديه:" الموضوع مش هزار يا مني ،انا اعرفك من خمس سنين ،كل يوم بحاول اجمع شجاعتي علشان اكلمك واتقدملك رسمي ..
بس بخاف ،بخاف من الظلم يا مني ،مش هتفهمي غير
لما تقابليني، اختاري الميعاد اللي يريحك انت ،وكمان المكان
اتصلي عليا قبل ما تروحي بعشر دقايق وهكون عندكبأذن
الله،ارجوكي يا مني ،كفايه بعد لحد كدا.
سكت وسكت انا كمان ،وبعدين ضحكت في سري محسسني
اننا منفصلين وبيحاول يرجعني،،،،
رديت بقرار حاسم:خلاص ،موافقه هنتقابل بكره ان شاء الله............
يا تري ،يا مني الزمن مخبيلك ايه.....
....قصه مني
المشهد الثالث
اتصلت بيه،وحددت ميعاد مناسب.ومش قلتله المكان غير لما نزلت من البيت،ماشيه سرحانه، بفكر ايه الظروف اللي بيقول عليها منعته خمس سنين، وايه الظلم اللي ممكن
يظلمه ليا،يكون شكله مثلا مش كويس،يكون عنده اعاقه
بأي طريقه ،بفكر طول الطريق،بحاول أاقلم نفسي علي
حاجه زي كده،علشان مش اتخض ولا اضايقه.
دخلت الكافيه ورجليا بتخبط في بعض،
إذ فجاءه شخص ما مبتسم يقف،إخرابي ،ايه ده كتله من العضلات والوسامه المتحركه ،هو ده اللي انا مش عارفه
اسمه لحد دلوقتي؟؟؟؟؟
تنحت بصراحه .خرست ووقفت مكاني ،اتحرك هو بهدوء
لحد ما وصل لعندي .حط ايديه الاثنين في جيوبه ،قاصد مش يسلم عليا،"ازيك يا مني، اخبارك؟انا مش هأخرك ،
اتفضلي نتكلم شويه ،والقرار في الاخر ليكي طبعا .
يا توافقي تتجوزيني. يا اما مش هتتجوزي أبدا طول عمرك،
هى دي الاختيارات المتاحة قدامك.
الإنسان ده مستفز وبارد اوي ووسيم وعيونه تخطف القلب،
يخرب بيتك علي بيتي ،طلعت لي منين انت؟
لسه ساكته ،وجوايا اسئله وحيره واضحه في عيوني ،
اتكلم بصوت هادي جدا"اولا اسمي ايمن ،عمري اتنين وثلاثين سنة، فاتح مكتب محاسبه صغير لسه،بس الحمد لله. يعني مقبول ماديا ..دي الأخبار الكويسه، ايه رأيك؟
هه رأيي في ايه بالضبط؟
يا عم ارحمنا اشويه من ابتسامتك دى ،اوبعدين بدأت افرك
في ايديا من شده التوتر.
قالي " اسف علي الطريقه اللي قابلتك بيها ،بس والله مضطر،هتعرفي دلوقتي السبب ،انا اتجوزت........
وقفت صارخه " ايه ؟ انت متجوز ؟ وليك عين تصر تقابلني؟
لاء وتتشرط كمان اني لازم أوافق و..........
بصلي بغيظ،وضغط علي أسنانه وقال" اقعدي ،واخرسي ،واسمعي للأخر مفهوم؟
ايوه ،انا اتهببت اتجوزت من أربع سنين،هي قريبتي، مش هنكر بعد ما شوفتك بسنه ،فكرت اتقدملك،لكن خفت من ظروفي،خفت اظلمك معايا ،هي عالاقل تعرف كل حاجه عني ،يعني قبلت برضاها. عمري ما توقعت انها تذلني بظروف اختي .
بسمع وجوايا براكين واعاصير، متجوز ايا ما كانت الظروف متجوز ،فاهمين ،حاسه اني طلعت فوق فوق اوي واتخبطت علي سابع ارض بمنتهي القسوه فقت علي كلمه واحده منه.......
هي دلوقتي رافعه عليا قضيه طلاق........
ايه بتقول ايه، رافعه ايه ؟ قضيه طلاق، وليه طلقها من غير
قضيه ؟ بصلي بنظره قاتله " ما هو لو انت سامعاني حضرتك، ومش سرحانه تتملي في جمال اهلي ،كنت
فهمتي كل حاجه؟
بزمتكم دا انسان ممكن الواحده تتجوزه وتتعامل مع برود أعصابه ازاي ،ما علينا نسمع من الاول ونحاول نفهم بس لازم اردله البرود" اتفضل ،اشجيني،غني يا وحيد "
قصه مني
المشهد الرابع
كان بيحكي وعينه امتلئت دموع،انا عندي أخ واختين ،أخ متزوج من فتره ،واختي مروه متزوجه هي كمان ،لكن معايا هدى اختي الصغيره،بدر جميله جدا، ولسه بشوفها جميله ،قلبها طيب ،لكن فجاءه وهي في الكليه تعبت حمي جامده ،وأثرت علي حركتها تماما ،مش بتعرف تتحرك غير بصعوبه،والمرض إثر علي وجهها كمان .
احنا الاثنين عايشين في شقه بابا الله يرحمه،قبل ما امي تتوفي، طلبت مني اتجوز اللي يقدر يستحمل ظروف
اختي ،ويكون انسان في التعامل معاها وسابت دهبها
كله لأختي، ودى كانت وصيتها الدهب والفلوس من حق
هدي،علشان العلاج كل شويه . امي ورثت مبلغ كبير،لكن علاج هدي غالي جدا،انا مش اقدر اتكفل بيه لوحدي.
اتجوزت قريبه لامي من اختيارها،كانت عامله ملاك .
تيجي تساعد امي وتضحك مع هدى وتطلعها من حاله الحزن
اللي هي فيه، وافقت ،علي الرغم من اني كنت بفكر
فيكي لكن خفت حاله اختي الصحيه تخليكي ترفضي
انت او والدك، اتجوزت رحمه ،تخيلي اسمها رحمه....
اوووف مش لازم تقول اسمها يعني ؟ ايه ده هو انا مالي
في ايه؟اول مره اشوفه. وحاسه اني بغير ومن مراته!
لاء لازم اروح اكشف علي دماغي علطول ،يا جماعه
انا مش طبيعيه خالص.
مني، منى،انت معايا؟ احم ايوه معاك يا استاذ ايمن
اتفضل حضرتك كمل .
بعد ما اتجوزت بشهرين توفت امي ،وبدأت رحمه تظهر
علي حقيقتها .انسانه معدومه الرحمه حقيقي.
الأول كانت بتغافل هدي وتاخد من ذهب امي؟
وترمي هدى بأبشع الكلمات من انها مستحمله واحده
زيها معاها في البيت ،وهي اللي بتساعدها تغير هدومهاوتجهيز الاكل لوحدها،وأنها مش واخده حريتها في الشقه
الكلام دا كله طبعا من ورايا ،اروح الشغل الصبح ،وعلي وشها احلي ابتسامه،وتقول أفضل كلام ليا .
لحد ما في يوم تعبت نفسيه هدى جدا ،رجعت لقتها بتعيط
بانهيار ،ورحمه وجهها بارد ،كأنها تمثال ،حاولت اتكلم مع هدي ،لكن مش قدرت .
رحمه قالتلي سيبها ترتاح شويه ،وبعدين نرجع نتكلم معاها،
رفضت في الأول واصريت اهديها،واعرف سبب العياط
الرهيب ده ،لكن مش قدرت بس سكتت ورفضت تتكلم
معايا ،سبتها تنام ودخلت غرفتي.
رحمه استقبلتني ولا عروسه ليله فرحها معرفش ليه
قلبي انقبض يومها،رحمه فضلت تدلع وتضحك ،،،،،
يا أخ ايمن الله يكرمك مش لازم تفاصيل يعني ! قلت
الكلام ده بحده ،
بصلي بنظره مش مفهومه ،هى حنان ولا حب ولا تعاطف
ولا استياء لغبائي الواضح ما علينا كمل ،كمل ،،،،،،،
الهانم طلبت من اختي الفلوس اللي في البنك علشان اعمل
مشروع وأكبر نشاطي، خايفه عليا كتر خيرها،
والمصيبة انها كمان بتحاول تقنعني ،كنت بسمعها وانا مذهول،مش برد عليها ،،،،،
قمت من الغرفه جري علي غرفه هدى وصحتها "قومي يا هدي ،كلميني ،احكيلي بالضبط كل اللي بيحصل من ورايا .
هي اخدت منك ايه ،وقالت لك ايه؟
عمري ما أطمع في مالك يا اختي ،اياكي تصدقي ده فيا!
وخلص المشهد الرابع اتمني ينال رضاكم 😍😍😍😍😍
قصه مني..
المشهد الخامس
بيتكلم وعيونه جوا فنجان القهوه،طلبها ساده زى الحياه
لما فجاءه تفقد كل الألوان بسمعه وانا مستغربه في ناس
كده ،تظلم ماشى،لكن تتجبر وتظلم مريض،حقيقي مش مصدقه...............
اتكلم بصوت يقطر مراره، اختي لما صحتها من النوم واتكلمت معاها،عرفت اد ايه انا انسان ظالم لاني مش واخد
بالي منها ،ولا من تصرفات رحمه .
كانت بتدعي علي نفسها انها تموت علشان تريحني،الهانم
بتفهمها انها عبء تقيل عليا ،واني بفكر اوديها مكان تتعالج
فيه ويكون مستشفي خاصه ،وأنها كتر خيرها رفضت
وقالت هدي لازم تفضل في البيت بس ده له مقابل انها تديني الفلوس اللي في البنك كلها والدهب كمان.
وحلفتها انها مش تحكيلي علشان مش ازعل من رحمه .
طبعا هي مش توقعت انهيار هدي لما سمعت الكلام ده
وده لخبطلها كل تخطيطها.
رجعت الغرفه وانا مش شايف قدامي ،،،،،
رحمه ،الكلام ده حصل منك،اللي سمعته ده صحيح ،اخدتي
منها قبل كده فلوس،،،
نظرت بكل برود وبجاحه:انا معملتش حاجه غلط،بحاول
ارفع من مستوانا المادي،حرام يبقي معاها كل الدهب والفلوس دى ،وانت حته مكتب صغير ،لو كبرته وعملت
دعايه كويسه تخيل هيبقي معانا فلوس كتيره .
هنعيش في مستوي تاني ،فسح ولبس غالي ،ونجيب أطفال نعرف نربيهم،بدل ما احنا بنخلص الشهر بالعافيه من مطالب
البيت ........
اخرسي، انت ايه ؟،مفكرتيش في العلاج بتاعها ،لو المكتب
مش اشتغل وانصرفت الفلوس علي مكتب أكبر والدعايه.
اجيب فلوس للعلاج بتاعها منين .......
نظرت له واجابت ببساطه ،عادي بيحصل ،وانت قاصد خير
فلنفترض مش جابت العلاج ايه هيحصل ؟ ولا حاجه
بتاخد العلاج وجلسات العلاج الطبيعي ليها سنين ،ايه اللي فرق،،،،،،،،،،،
ضربتها بالقلم واتعصبت جدا خفت من نفسي ،ممكن اموتها
في اللحظه دي من غير ما اشعر،،،،،
تاني يوم صحيت اعتذرت ليا وقالت كلام مختلف،عن انها خايفه عليا ،وعمرها ما كرهت هدي ....
زي العبيط صدقتها ورحت علي شغلي عادي ،،،،،
رجعت لقيت في انتظاري مفاجئه من رحمه اللي كلها رحمه................
يا تري ايه المفاجئة دى وايه رأيكم في رحمه وفي تسلسل
القصه ،علي فكره ليها جانب من الواقع.......
يارب القصه تعجبكم ،مستنيه آرائكم علي القصهقصه مني
المشهد السادس
فجاءه وهو بيحكي خطر لي خاطر،ازاي نسيت ! رفعت عنيا ليه وسألته" صحيح، انت تعرفني ازاي؟
بتقول تعرفني من خمس سنين،وانا اول مره في حياتي
اشوفك النهارده؟
بصلي وفضل يضحك قوي ،،،،مسكين شكله اتعبط ولا ايه،،،،
يا بختك يا مني!!!!
ضحك لحد ما عنيه دمعت ،،وبعدين قالي"بزمتك ،احنا في ايه ولا ايه دلوقتي، بقولك رجعت لقيت رحمه عامله كارثه
في البيت ،ولا هامك .عاوزه تعرفي بس اعرفك ازاي وامتي؟
حاضر يا مني، اعرفك لما كنت في الكليه ،انت كنتى في الليسانس آخر سنه،وكنتى عامله فيها شجيع السيما،
واقفه تتخانقي مع اتنين زمايلك، فاكره الموقف ده؟
فتحت بقي وعيوني برقت وقلت له......هه الخناقه !!!!!
انت شفت الخناقه، في حياتي مش اتخانقت غيرها ،
وهو ده الموقف اللي تعرفني بيه؟
يا نهاري ،يا نهاري دا انا أبدعت يومها ،طلعت كل المخزون
الاستراتيجي اللي اعرفه ،خلاص يا جماعه كده اتطمنت
عليه ،أكيد مراته ضيعت اللي باقي من عقله........
بصلي بكل فخر وقالي" كنت ماشي في الجامعه ،بخلص
ورق لهدي، فجاءه لقيت ملاك بيطلع قنابل من كل ناحيه
كنت بتدافعي عن زميله ليكي ،حصل؟
اتنهدت بحرقه" بكره الظلم اوي ،زميلتي دى كانت طيبه
جدا ،والأولاد دول اخدوها تريقه عليها ومش بس كده ،
كمان طلعوا عليها اسم سخيف ،خلوها تعيط وتكره تيجي
الكليه وكنا قربنا عالامتحانات، وأهم محاضرات بتكون الوقت ده،لسه هندخل المدرج ،وقفوا قدامها واشتغلوا
قله ادب ،فقلت في نفسي لاء ،لازم حد يوقفهم عند حدهم
،،،،،اوبس ومش حسيت بنفسي إلا وانا بشتمهم....
عارف يا مني ،عارف كل حاجه عن الموقف،وضحتلي وقتها
انك مش ظالمه ،وبتكرهي الظلم،ويمكن هو ده اللي وقفني
اتقدملك ،اني اظلمك او اظلم اختي!!!
ابتسمت بمرارة وقلت ، ،وهو بجوازتك من رحمه وقفت الظلم،،،،ولا الظلم انك مش تقولي وتسيبلي حريه الاختيار.
بس دا كله ماضي نرجع نكمل لو سمحت ،علشان مش اتأخر
اكتر من كده، ،،،،
حزين لما سمع مني كده عارفه،لكن ما باليد حيله ....
بدأ يكمل بصوت خافت """
لما رجعت البيت، كان هادئ جدا، مفيش صوت خالص،
ندهت علي رحمه مش ردت ،هدي كمان ندهت كتير ،
اتخضيت وجريت علي غرفه هدي .
كانت نايمه ،بس حسيت نومها مش طبيعي حاولت اصحيها
مش قدرت ،مكنتش عارف هي متخدره ولا مغمي عليها.
اتصلت علي دكتور بيتابع هدي وحاولت اتصل برحمه،
لكن تليفونها مغلق ،الغرفه كمان حاسس انها مترتبه
زياده عن اللزوم، ،،،،،،
وصل الدكتور وكشف علي هدي وقالي" مش تقلق يا استاذ
ايمن ،علي ما يبدو انها اخدت جرعه زياده شويه من العلاج
بتاعها هو فيه مخدر،بس انا نبهت قبل كده علي جرعه
محدده مش تزود عنها،،،
فهمت لعبه رحمه ،اديتها جرعه زياده علشان تنام لفتره طويله ،ليه طيب؟
اتصلت علي اهلها ،غريبه كلهم اما مش بيرودا، أو تليفوناتهم
مغلقه........
فضلت جنب هدي لحد ما فاقت ،اول ما فاقت سألتها،،،
إيه اللي حصل؟ فاكره حاجه يا هدي؟
مش فاكره غير رحمه طلبت مفتاح الدولاب تجيبلي هدوم
نظيفه وبعدين أكلت واخدت الدوا زى ما بتقول هي،
الدكتور غير الجرعه،،،،،،،
دهبك فين ياهدي؟بسأل وأيدي علي قلبي متوقع، لاء متأكد؟
في الدولاب ،ليه بتسأل؟ وفين رحمه؟
رحمه،،،سكتت وقلبي مليان بالهم ،اقولها ايه المسكينه،
خدرتك وسرقت دهبك ......
تاني يوم قبل ما افكر اعمل اي حاجة، كان بعتتلي
إعلان انها رافعه قضيه طلاق، خلاص اخدت دهب هدي،والدهب بتاعها ومبلغ كانت هدي هتشتري بيه
علاج،،،،،،،،،،
عيوني دمعت،،،،انخرست، دى دى مستحيل تكون بشر
شيطانه،همها الفلوس وبس،طبعا حتي لو عمل محضر مفيش اي اثبات حتي هدي اتخدرت من الدوا بتاعها
تفكير بعقل مليان اجرام،،،،،،،
انا مندمجه في الحزن بأه، وحالتي صعبه ،والاقي الأستاذ
بيقولي" اعملي حسابك انا ليا شروط ،علشان نتجوز ،فاهمه؟
نعم ،هو مين اللي هيتشرط ،انت ماشي بمبدأ مخلوف خلف خليف خلف خلاف المحامي ولا ايه؟
رجع تاني يضحك بهستريه شديده،ايه بس الضحكه دى .
والله حرام يسيبوا الأشكال دى تمشي وتضحك في الشوارع،
يلا ما علينا ،قول يا استاذ شروطك علشان تتجوزيني؟
ما هو انا البايره اللي حضرتك هتنعم عليها وتتجوزها،،،،،،
بصلي بكل حنان وحب اكيد دى نظره حب ،طمنوني يا جماعه الله يكرمكم،،،،وقال اول كارثه"
هنسكن في شقه لوحدنا ،في نفس العماره ،مستحيل أعرض
هدي لنفس التجربه تاني،انا هبقي مسئول عن خدمه اختي!!!!!!!!!!
قصه منى الجزء الاخير
حقيقي مصدومه من اللي بسمعه هو خائف مني لا اكون زي رحمه الثقه اول طريق النجاح لاي حياه زوجيه،،،،
اتنهدت وقلت له مش ملاحظ انك بتتكلم بكل ثقه
ضمنت موافقتي و موافقه اهلي مثلا؟
رد بكل برود :"ايوه ضامن!.
برود اهله هيجنني والله؛ متغاظه لو قتلته حالا يستاهل حقيقي الموت....."بعد الشر عليه"
سكت لفتره طويله . وبعدين وقفت استاذنت منه اروح وقلت له الموضوع كله في يد والدي . موافقه والدي من موافقتي...
مثلا كنت ها عجزوا بالشرط ده ... مش توقعت انه ياكل بعقل والدي حلاوه زي ما بيقولوا ومن اول مره كمان .
اتصل على والدي اخذ ميعاد منه ووصل البيت تصدقوا فضل مع بابا ساعتين ..😥
وبعدين خرج االابتسامه من هنا لهنا ..ركزوا معي شويه ما حدش بعث لي .ليه ؟فين جو ادخلي يا عروسه شوف العريس...😍
وسلمى عليه واتكسف والعصير يقع كله عليه!!!!!!!!!😜
نفسي والله في الجو الحلو ده ،ما حصلش منه حاجه اوف. 🤷♀️ عرسان اخر زمن و الله.
بعد ما خرج بابا بعتلي ..بعد ايه يا حاج ما خلاص!!
خلصت اللحظه المهمه ..
اقعدي يا منى يا بنتي تعالي هنا حاضر يا بابا مكسوفه يا جماعه!🤗🤩
انا موافق على ايمن يا منى... ايه رايك ؟؟
بصيت له بانزعاج ::رديت على طول كده يا بابا!!
انت سالت عليه؟ تعرفه قبل كده ؟تعرف انه متجوز لحد دلوقتي ؟ولسه في مشاكل مع امراته؟
على الاقل لما ينفصل.....هشششش..
استنى شويه يا بنتي ايوه اعرف عنك كل حاجه. واهم حاجه اعرف اني هناسب راجل👨
يحمي بنتي ويحافظ عليها اللي يراعي اخته ويخاف عليها بالطريقه دي لا يمكن يظلمك ابدا،
"وانت عرفت منين المعلومات دي كلها صحيح عنه ؟"
ها ......ابدا اصلي ....اصلي ........
ضحك ولدي بصوت عالي وقال "منى كل اللي يهمني كاب اني اطمئن عليكم مع اولاد حلال" اضمنهم فعلا مع بناتي فاهمه؟
ايوه فاهمه يا بابا.
بس حاليا انا حاسه ازمه ثقه ما بيننا ..
هو قال لك انه هيعمل سكن منفصل عن اخته؟
ايوه سيبيه براحته .همتك انت بعد الزواج تثبتي له ان كل الناس مش زي بعضها-- في الطيب والشرير في الانسان وفي الجشع الطماع.. تمام يا منى ....
بابا ده اعظم اب في الدنيا ٠😘😘رديت صحيح يا بابا عندك حق...👍
------------------------------------------------
ودي كانت حكايتي مع ماما --
مكالمه واحده بس قدرت اوقعها في حبي واتجوزها على طول،،،؛؛
ايمن ***صرخت بصوت عالي -
كفايه! كل شويه تحكي للولد الحكايه!!!
وبعدين بطل كذب يا اخي. كان مكالمتين مش مكالمه واحده، حصل ؟رفضت انزل اقابلك اول مكالمه ولا نسيت .
ضحك قوي و خدني في حضنه ايوه حصل يا اغلى حاجه حصلتلي في حياتي..🥰🥰
الحمد لله ربنا رزقني بيكى وكان اجمل واطيب رزق..
قلبي بيخبط جامد لما اسمع منه كلمه حلوه زي كده.
سعيده قوي قوي معه...
معي عبد الله ابني ربنا يحميهم كلهم.
اما هدى اخيرا عاشت معانا بتحب عبد الله قوي قوي وبدات تتحرك افضل من الاول،، الصبر والعلاج بداو يجيبوا نتيجه.
" اما رحمه راحت لحالها" لكن الرحمه ما بيننا الحمد لله دائما موجوده.....
يا رب.. يا رب اشفي عن كل مريض...... و اسعد كل حزين........ واكرم كل البنات ........
تمت بحمد الله
تعليقات
إرسال تعليق