جميع الروايات كامله

 الراقي والمتوحشه

البارت الثانى 

ف اقل من ساعه لما نشوف التفاعل بقى 😍

 بجد لو ملقتش تفاعل حلو هوقف القصص محدش يزعل بقي        

زين : اه عاوز اتجوزك انتي.

روان بصدمه : انا !!!!.

زين : اه انتي ....بس محدش من أهلك يعرف.

روان : نعم نعم نعم .... اه بقا قول الدخله اللى انت داخلها عليا دى اخرتها زباله عاوز تتجوزنى عرفى ... يفتح الله  مكنش يتعز ... معلش خلص عندنا روح دور عند غيرنا ... معطلكش يا اخويا.

زين  زعق : اخرسي يا بومه بدل ماقطعلك  لسانك المتبري منك ده مين جايب سيرة اني عايز اتجوزك عرفي ها؟! .

روان : انت  بعضمه لسانك ده لسه قايل محدش من اهلك يعرف .... مش عيب على شنبك دة ياخى روح احلقه انا قولت من الاول اصلا مش لايق عليك والله .

زين : عارفه يا بت انتي لو ملمتيش لسانك وحياة امي لاقطعهولك يا ..تاني مره اياك تجيبي سيرة شنبي يا بوز الغراب انتي ...هعمل معاكي اتفاق يا ام دماغ شمال.

روان بتريقه  : انت بتتعصب ليه لما اجيب سيرة شنبك تحسه كدة ابنك ومربيه وصارف عليه دمك قلبك .

زين : شنبي ده اللي مش عاجبك بيخلي اللي زيك  يقفوا بخوف من الصقر اللي قدامهم.

روان ضحكت جامد : هههههههههههههههه صقر...... ههههههههههه ياشبح الحته انت هههههههههههه قال صقر قال هههه.

زين : اخرسي هزعلك اقسم بالله هتسمعي ام الكلمتين ولا ازعلك.

روان : قوووول يا ... الا هو انت قولتلى اسمك ايه ؟.

زين : اسمي زين ......زين يا حلوة.

روان : ايه زنون مش سامعه فى حد يسمى ابنه زين دى امك بتحبك حب يا جدع.

زين : ماانتي جاهله هقول ايه ......زين ده معناه البهاء والكمال.

روان : بهاء ايه ... لا دة اكيد معناة وبااااااااااااااء.

زين : اخرسي بقا....هتسمعي اللي هقوله ولا اطلع عينك واخلص منك ومن وشك العكر ده.

روان : لا بقولك ايه احترمينى اصل انا خلقى ضيق ... ارغى .

زين : هتجوزك لمدة شهرين ....شهرين مش اكتر ..هنمثل ع امي اننا متتجوزين.

روان : مش فاهمه حاجة فهمينى براحه.

زين : امي نفسها تجوزني وتشوفلي حفيد وانا رافض الفكره تماما ومش عايز اتجوز ...ولا عايز اخلف عيل ايتمه بدري بدري أنا راجل روحي علي كفي.

روان : لا حول ولا قوة الا بالله ليه كدة بس يا استاذ ... الاعمار بيد الله وبعدين متكسرش فرحتها بيك.

زين : أنا مش عايز اتجوز ....أنا يوم برجع سليم ويوم زميل ليه بيستشهد ........الكسرة اللي ف عيون أولادهم ..مش عايزها تبقي ف عيون ولادي ..موافقه ولا لا علشان اقولك التفاصيل.

روان :  لا ..مش موافقه .. شكرا انك جبتنى المستشفى وصرفت عليا بس بردوا انت مش بتجبى عليا انت خبطتنى وكسرتنى ... يالا عن اذنك.

زين : اترزعي مكانك ولمي لسانك ده علشان مقطعهوش ليكي بجد واخليكي خارسه ارحم للناس من لسانك الزفت ده ...هديكي اللي تطلبيه ويرحمك من الست اللي انتي شغاله عندها دي....تفتحي مشروع يأمن حياتك انتي.

روان بعند : لا.

زين : طيب ومالوا ... قومي بقا روحي لصاحبه المحل وقوليلها ع اللي حصل وهاجي معاكي واقولها أن كان عندك طالعه معايا ...غير الفضيحه اللي هعملهالك عند بيتك.

روان بهدوء : لو سمحت عيب كده انا بنت ناس محترمه .. وانا مش  موافقه اتجوز بالطريقه دى وفى الاخر تتحسب عليا جوازة ...يا استاذ انا بنت انت ليه مش مقدر وسيبنى اروح اعتذر لصاحبه محل علشان ارجع شغلى .

زين : أنا هتجوزك زفت شهرين مش هقرب منك متخافيش ...هأمنلك مستقبلك هخليكي تعيشي عمرك كله من غير بهدله.

روان : قولت لا .

زين : طيب شوفي مين هيرضي يشغلك بعد الرفد من عند الست دي وبعد الفضيحه اللي هتسمع الناس كلها.

روان ببرود  : عادى ...الارزاق على الله معطلكش بقا.

زين : اتفضلي ادفعي حساب المستشفي مش هدفع حاجه 

....ثواني كده  .

(زين نادي للممرضه)

الممرضه : خير يا فندم .

زين : الحساب للانسه لانها زي ماانتي شايفه مش هتقدر تطلع قسم الحسابات فوق.

(روان بصتله وغمضت عينها بألم ووقفت واتحملت على نفسها قلعت سلسله دهب فى رقبتها بأسمها كانت هديه من ابوها وهى اقسمت انها متفرطش فيها ابدا ).

روان : خدى السلسه دى ... دى دهب خديها حق علاجى .

الممرضه : ممنوع ي انسه غير أنها متجيبش حق حاجه 

الحساب معدي ال 6000 جنيه.

روان سككت للحظه حاولت تهدى نفسها : عدى من واحد لعشرة يا روان علشان تهدى ١ ٢ ٣ ٤ ٥ لا لا مش قادرة استحمل .

( وهوووووب روان قلعت جذمتها وحدفتها فى وش زين ).

روان بعصبيه : اه يا معفن وبتقولى شنبك ومعرفش ايه وصقر ....دة انت طلعت عيل كاورك دة عبووووود انضف منك.

زين بص للممرضه اللي معملتش حاجه : اطلعي برا .

(الممرضه طلعت تجري )

زين قرب من روان وضربها بالقلم : انتي متربتيش انتي فعلا زي مقولت ابوكي معرفش يربيكي .

(روان اتصدمت لما ضربها بالقلم اول مرة حد يضربها ولتانى مره بيجيب سيرة ابوها .... قربت منه ومكنتش عارفه هى بتعمل ايه بقت تضرب وتعض  والاتنين اشبه بحلبه مصارعه ).

(زين مسكها من شعرها علشان يتفادي ضربها ليه زقها وقعت ع رجليها اتخبطت ف حرف سرير الكشف ف ضلعها المكسور )

زين بعصبيه : اتلمي يا مجنونه.

روان بتعب صرخت : اااااه  ... مش قادرة .

زين اتخض وراح ناحيتها : مالك في اي انطقي.

روان بتعب: اهو... ضلعى ....مش قادرة... الالم هايموتنى.

زين شالها بالراحه وحطها ع السرير اول مره يمد ايديه ع واحدة وكمان بنت ضعيفه هي اه لسانها عايز القطع بس ضعيفه ملهاش حد تتحامي فيه استحقر نفسه اوي ع الرغم من خنقته منها : طيب ارتاحي أنا آسف متزعليش.

روان انفجرت من العياط : لا .... مش قادرة الالم

رهيب ...خلى حد يجى يشوفنى .

زين بتوتر : طيب حاضر استني 

(زين خرج راح للدكتور اخده لاوضه روان ). 

الدكتور : في اي ايه حصل 

زين : اتفضل شوفها مالها الاول

(الدكتور كشف عليها ضلعها المكسور حوليه لون ازرق وبيزيد )

الدكتور : ضلعها بدأ يتغير اللون حوليه لازرق  ده طبيعي متخافيش ..أنا هديكي حقنه دلوقتي هتخليكي متحسيش باي وجع.

روان صوتها مبحوح من كتر العياط : لا لا حقن لا.

زين : بطلي دلع امال السبع رجاله ف بعض اللي كانوا من شويه راحوا فين.

(روان عيطت وفجأه  اتحولت من بنت شرسه لطفله صغيرة ) 

روان بدموع : لا لا حقن لا بخاف منها والله بخاف.

زين صعبت عليه عياطها وخوفها بص للدكتور وقاله : شوف حاجه تانيه غير الحقنه .

الدكتور : احنا هنهزر يافندم مينفعش .

زين بص لروان : متخافيش مش هتوجعك أنا هقعد جنبك وهمسك ايديك اللي هتاخديها فيها وغمضي عينك.

روان عيطت اكتر : مش عاوزة حاجة خلاص هاستحمل الالم ... انا بخاف منها.

(زين ملقاش حل إلا أنه يقعد ويممسكها... قعد جنبها بالراحه وقال الدكتور : خلاص مفيش حقنه 

وروان لسه هتتكلم بارتياح كان زين مسك ايديها وحكمها كويس وقال للدكتور : اتفضل ي دكتور اديها الحقنه.

(الدكتور عطى لروان الحقنه اللى من كتر خوفها حست بالمها وضغطت على ايد زين بتعب وفجأه ميلت راسها ناحيه كتفه بتعب وغمضت عينها باألم ونامت ).

‏الدكتور : شوفت ف ثانيه ازاي نامت .

زين : هي هتفوق أمتي .

الدكتور : ساعتين بالكتير متقلقش .

(خرج الدكتور و زين كان هيعدل رأسها ويقوم بس حب يفضل زي مهو يشوف رد فعلها ايه ..مسك تليفونه وقعدت يقلب فيه باهمال وبعدين حس ب بهمهمات من روان).

روان  : باب.... متسب....لا...مدام انا....اتأخر.

زين : هو يوم مش باين من أوله أنا عارف انتي بتدعي عليا يا امي قبل ماانزل .

(شويه شويه روان بدأت تفوق تاني.).

روان بتوهان : انت مين ياجدع.

زين : اه هي ناقصه كمان يجيلك زهايمر فوقي كده ي حلوة خليني اخلص من ام اليوم الفقر ده.

روان بتعب : لا هاكمل نوم ..باى.

زين بحنق : اصحي بقا بدل ماخلي يومك اسود قومي.

( روان نامت تانى  و زين طلع طلب من الممرضه ان دكتور يجى يشوفها ودكتور جه و زين سأله مالها والدكتور قاله ان الساعتين لسه معدوش ودة كله امر طبيعى ...زبن اتخنق وطلب يزيد يتكلم معاه ).

*************

زين هيكلم يزيد لقي امه بترن عليه : أيوة يا ماما .

نازلي : ايه يا زين جاي ع الغدا ولا لا .

زين : لا مش جاي اتغدي انتي .

نازلي : ليه.

زين : عندي شغل يا ماما .

نازلي : طيب طيب باي .

زين : باى . 

(قفل مع أمه وطلب رقم يزيد ).

يزيد : خيغ اؤمغني ( خير اؤمرني ).

زين : عملت حادثه .

يزيد : الله يخغبيتك (يخربيتك) ...ايه اللي حصل انت كويس. 

زين : اه كويس بس اللي خبطتها اتكسر ليها ضلع ورجل .

يزيد : نهاغك (نهارك )  اسود يا زين .

زين : أنا خبطت واحده مجنونه .....وعرضت عليها الجواز .

يزيد : لا مش فاهم ازاي يعني .

زين : عرضت عليها اتجوزها شهرين نمثل قدام امي اننا اتجوزنا ....واخليها هي بطريقتها تكره نازلي هانم فيها انت عارف امي كويس بتحب الاتيكيت والرقي قد عينها 

لما تشوف البت دي وطريقتها هتكره الجواز وسنينه ومش هتكلمني تاني ف الجواز ....واهو البنت اللي خبطتها دي من ساعه مشوفت خلقتها وهي مبهدلاني هطلعه ع عينها .

يزيد : يالهوي عليك لا انت تجيلي .

زين : هجيلك بعد ماشوف هعمل ايه ...اقفل دلوقتي اشوف المصيبه دي .

يزيد بضحك : سلام.

************

(روان  كانت نايمه وفاقت على مكالمه زين لامه بس حبت تمثل انها لسه نايمه تشوف هايقولها حاجة ولا لاه بس اتفاجئت لما شتمها مع اللى بيكلمه وانه عاوز يربها و ويخلى امه تنسى فكرة  جوازو بيها علشان طريقتها وحشه ... روان الدم ضرب فى نفوخها و اقسمت انها تربى ابو شنب ).

روان بتمثيل انها لسه فايقه : انا فين ؟.

زين : ف المستفشي ي حظي ....قومي فوقي بقا فرهدتيني.

روان بتكمل تمثيلها باتقان : هو ايه حصل ....انا اخر حاجة فااكراها الحقنه ... يالهوى هو انت عملت فيا ايه ؟.

زين : هعمل فيكي اي يا  بومه... ها؟...هعمل ف واحده زيك ايه .......اخلصي بقا وقومي خنقتيني خلينا نتكلم.

روان قامت نص قومه : ادينى قومت .. هو احنا مش كنا خلصنا من موضوعننا وقولنا لا.

زين : مش بمزاجك احسبيها صح ...حساب مستشفي مش هدفع ....شغلك مش هتروحيه محدش يقدر يشغلك لو أنا قولت لا ....لكن لو اتهديتي وقولتي اه ...الحساب هيدفع هأمنلك مستقبلك وكل ده ف شهرين.

روان : سيبنى افكر واظبط امورى وارد عليك.

زين : مفيش وقت اخلصي.

روان : لا سيبنى افكر  بليل هارد عليك.

زين : اممممم ...طيب قومي بس لو فكرتي تغدري هتلاقيني  بطربق الدنيا علي دماغك.

روان : لا اغدر ايه بس يا استاذ زين ... هارد عليك بليل انشاء الله .

زين :  طيب هاتي رقمك... وخدى رقمى اهو ...

روان حست انها بتتدبس : اه اهو ٠١٠.......

زين : قومي يالا خليني ادفع الحساب واوصلك 

عايزه تروحي فين.

روان : لا كتر خيرك لغايه هنا ... سيبنى اروح لوحدى وافكر وانا فى الطريق .

زين : بطلي عند أنا مش فايق.

روان : يا استاذ هو انا هاقعد اقولك كتير انا بنت مش ينفع اركب معاك تانى ... الله يخليك سيبنى اروح بقا..

‏زين :  طيب ماشي.. براحتك .

‏************

‏(روان مشيت من المستشفى بعد ما اخدت مسكن  تانى علشان يقدر يخليها تكمل ومتحس بالوجع .. افتكرت تليفونها لقته مقفول ...فتحته لقت اتصالات كتير من امها ..اتصلت عليها ).

روان بتعب : ايوا يا ياماما .

ام روان : انتى فين يا مقصوفه الرقبه ...تليفونك مقفول ليه ؟.

روان : الشغل كتير ياماما والتليفون فصل شحن ... فيه حاجة اتصلتى كتير ليه ؟.

ام روان اتنهدت : دوا الضغط والسكر خلص .

روان اتنهدت : اه منا اخدت بالى هاجبهملك انهاردة وانا جايه. .. هاتعوزى حاجة تانى .

ام روان : بت يا روان مالك هاديه كدة ليه .. لتكونشى دعوة انهاردة ربنا استجاب لها .

روان : هو انتى دعيتى بايه انهاردة ؟.

ام روان : ربنا يهديكى .

روان بصوت واطى جدا : اه ماهو هادنى اجمل هديه كائن الشنب .

ام روان : بتقولى ايه مش سامعه .. شنب ايه ؟.

روان : شمع ...المدام عاوزة شمع بتسمعى غلط... اقفلى بقا خلينى اشوف شغلى .

ام روان : ماشى ياروان يابنت فوزيه روحى الهى ربنا يجبر بخا.....

روان قطعت كلامها بسرعه : متكمليش ابوس ايدكى ... بتيجى معايا بالعكس .

ام روان : شوف البت وقله ادبها مش عاوزنى ادعيلها .. يالا فى داهيه ..سلام .

( روان قفلت مع امها وقررت تروح لصاحبه المحل تستمحها يمكن تسامحها على تأخيرها ... لعل وعسى تطلع كيوت وتسامحها وتخلص روان من كائن الشنب .... وصلت المحل ودخلت ولقت وش مدام سهى مبيشرش بالخير ابدا  ).

روان : ازيك يا مدام سهى .

مدام سهى : اطلعى برا .

روان : اهدى بس واعرفى ظروفى مش شايفنى مش قادرة امشى ...اصل عملت حادثه .

مدام سهى : ومش موتى ليه ... اهو كنت خلصنا من قرفك .

روان اتعصبت : الله الله ليه غلط دة بس يا مدام سهى .

مدام سهى : انتى مرفودة ... علشان تبقى تتاخرى على معاد شغلك حلو .

روان بضيق : ياست انتى بقولك اتزفت وعملت حادثه .

مدام سهى : ميخصنيش .

روان : طيب انا موافقه اترفد ... هاتى بقيه حقى الشهر دة .

مدام سهى : مفيش مخصومين منك علشان التأخير .

روان زعقت : لا بقولك ايه ... دة انا اكلك بلساااانى .. انا عاوزة حق تعبى وشغلى .

مدام سهى : امشى ولا اطلبلك البوليس والبسك تهمه سرقه.

روان : هو كله انهاردة عاوز يلبسنى تهمه انا ماشيه من وشك حار ونار فى جتتك وليه قرشانه بصحيح .

(روان مشيت تكلم فى نفسها )

روان  : انا قولتها متدعيش تلاقيها اصرت ودعت فى سرها .... الدعوة بيتجى بالمشقلب ... هاتعملى  ايه ياروان هاتجيبى فلوس الدوا منين ...اه يانا هاموت من التعب ...يالا اهو مفيش غيرة .

(روان فكرت فى زين وفكرت توافق وطلعت تليفونها واتصلت عليه ).

***************

(زين بعد ماروان مشيت هو ركب عربيته وراح ليزيد بيته يومه خلاص ضاع ف المستشفي بسبب الست روان وصل عند بيت يزيد خبط ع الباب خبطه معينه ).

الباب اتفتح بلهفه : زيزو وحثتني  .

زين وهو بيشيله : يزن ...وحشتني اكتر ي حبيب زيزو 

يزن : فين لعبتي .

زين : فين بوسه زيزو الاول 

يزن باسه من خده بطفوليه أسرت قلبي 

زين : يا وعدي أنا ع الحلاوة دي ..اتفضل يا سيدي  

يزن : الله حلوة اوي يا زيزو بتطير ف الهوا .

يزيد : بتطيغ(بتطير ) يا ابن العبيطه ضحك عليك بلعبه .

ليالي مرات يزيد وزين بيعتبرها أخته : مين العبيطه دي يا استاذ يزيد .

يزيد بهلع : زين يا حبيبتي زين عبيط .

زين : يا عيني ع الرجاله   ..تربيتي ي ليلو 

ليالي : عامل ايه ي استاذ واطي كل ده متسالش عليا ولا علي يزوو.

زين : معلش ي قمر انتي عارفه أوضاع البلد .

يزيد : وايه كمان ..هتفضل تتكلم كده من ع الباب ادخل يا اخويا .

(زين دخل ويزن قعد ع رجله ويزيد قعد ع الكرسي اللي قصاده وليالي راحت تحضر ليهم غدا ).

يزيد : ممكن تفهمني بقا ايه اللي حصل .

(زين حكي ليه كل حاجه حصلت )

يزيد : حغام (حرام) عليك يا زين امك ذنبها ايه أنها عايزه تفرح بيك وكمان البنت الغلبانه دي ايه ذنبها .

زين : هي مش عايزاني اتجوز تستحمل بقا قولتلها مش عايز وهي مصممة ...أما الزفته التانيه دي ...اربيها واقصلها لسانها اللي عايز قطعه ده .

يزيد : يا زين بطل مينفعش كده ....انت صاحب طفولتي وليك عليا النصيحه .؟.اللي انت بتعمله ده غلط غلط غلط 

انت تستغل حياة واحده علشان تزهق امك اللي نفسها تشوفك اب وليك زوجه غلط وانك كمان تضغط علي البنت وتهددها ده غلط .

زين : هو انت مفهمتش هي عملت فيه ايه دي بهدلتني وديني منا سايبها هما شهرين يعدوا بالطول ولا بالعرض اطلع غيظي من قله أدبها فيها واطلع غيظي من امي بيها 

يزيد : لا حول ولا قوة الا بالله ....الله يهديك يا زين 

قوم يالا علشان نتغدا .

زين : عامله غدا ايه يا ليلو .

ليالي : ملوخيه م اللي بتحبها وحمام بالفريك ورز بالخلطه حظك يا محظوظ .

زين : الله عليكي. 

(اتغدوا كلهم وزين افترس الحمام وكان مستمتع بيه جدا بيحب اكل ليالي لأنها شاطره ....فضل يلعب مع يزن شويه وبعدين لعب بلايستيشن مع يزيد ...وزين غلبه بكل سهوله .....خلصوا لعب). 

زين : همشي أنا بقا .

يزيد : اقعد يا ابني شويه. 

زين : لا هروح يالا سلام  .....سلام يا يزو سلام يا ليلو

(زين روح ع بيته بارهاق وتعب ...طلع ع اوضته علي طول من غير ميتكلم مع أمه  اخد شاور ومصدق شاف السرير اترمي عليه يريح نفسه شويه .….بس النوم ضحك عليه ومجاش ... وفضل يفكر ف احداث اليوم كله).

زين فاق ع تليفونه وهو بيرن : الو .. مين .

روان : احم انا روان يا استاذ زين.

زين قام اتعدل : أيوة ي روان خير فكرتي.

روان : اه فكرت ... انا موافقه.

زين : طيب تمام.....  تحبي نتقابل دلوقتي ولا تحبي ايه بالظبط.

روان : اه ياريت انا عاوزة فلوس ضرورى  ... ماهو بسببك الست صاحبه الشغل طردتنى ومرضيتش تدينى حق شغلى الشهر االى فات كله.

زين : انتي فين بالظبط وانا هجيلك.

(روان ملت زين العنوان  ‏.....و كنان قام لبس هدومه وراح ليها عند المكان اللي قالتله عليه لقاها واقفه ف جنب وشكلها تعبانه) .

زين : روان اركبي.

(روان ركبت ).

روان : معلش بقا نزلتك متأخر من بيتك بس محتاجه فلوس علشان دوا ماما ضرورى ..بص انا اصلا لولا دوا امى وربنا ماكنت عبرتك بس اعمل ايه ... مرض امى مش هايتأخر شويه لغايه ما اجيب فلوس واجبلها علاج.

(زين صعبت عليه واستجدعها ف نفس الوقت علشان خايفه ع امها بس ياه ياه لو تلم لسانها المبرد ده اخدها وراح عند صيدليه من غير ميتكلم)

زين  : عايزه دوا ايه اسمه ايه؟ .

روان : لا هات ١٥٠ ادخل اجيب الدوا انا .

زين طلع من جيبه الفيزا بتاعته  وعطهالها : خدي هاتي اللي انتي عايزاه وادفعي بيها.

روان : وافرض صيدليه مرضيوش... يا عم بطولك دة ممعكش ١٥٠ جنيه فى جيبك.

زين : لمي لسانك وانزلي هاتي بيها أنا جايبك صيدليه  كبيرة هتلاقي فيها فيزا متخافش.

روان  اخدتها منه : طيب استنى ثوانى .

(روان دخلت جوا وجابت دوا وخرجت تانى ومركبتش ادته الفيزا ).

روان: خد الفيزا اهى وانا ماشيه بقا .

زين : هو لعب عيال اركبي نتفق ع التفاصيل.

روان نفخت وركبت : طيب يالا انجز بسرعه اصل امى هاتولع فيا وفى الشارع لو اتأخرت.

زين : بما انك موافقه .......أنا عايز الجواز يتم بكره 

وشوفي عايزه كام ولا عايزه اي بالظبط.

روان : يالهوى بكرة بالسرعه دى.

زين : أيوة بكره ....ها قولتي ايه ....وعايزه اي مقابل الجواز ده.

روان بتفكير  : بكرة .. طيب... بص انا مش عاوزة حاجة انا عاوزاك بس تهتم بامى وحد كل شويه يجى يشوفها ويشوف طلباتها ... وكمان انا هاخد مرتب اللى كنت باخدة من مدام سهى 2000 جنيه فى شهر  هاخدهم فى شهرين ياعنى 4000 جنيه انا هاعتبر كانى دورت على شغل ولقيت الشغلانه دى وبس لو فى مكافأه انت وذوقك بقا .

(زين استغرب فكرها هتستغل الموقف وتطلب فلوس كتير وقال ف نفسه أنه هيعطيها اكتر من اللي بتطلبه ده )

زين : طيب عايزه تروحي فين بقا ونتقابل أمتي بكره.

روان : وصلنى لغايه بيتى وبكرة العصر كدة هاكون جاهزة انشاء الله .

زين : طيب تمام .

*********

( زين وصلها وروح بيته علشان ينام ويرتاح من تعب اليوم ... وروان طلعت وامها فتحت الباب وصوتت فى وشها ).

ام روان : يالهووووووى .. مالك ايه حصلك .

روان بفزع : خضيتنى يا ماما .

ام روان : يابت مالك انتى كنتى بتنخانقى ولا ايه ؟.... تلاقيكى كنتى بتتخانقى مانتى شوارعيه ولسانك مترين قدام.

روان قعدت بتعب : وقعت فى المحل  ... المهم انا اتخانقت فعلا مع صاحبه الشغل ورفدتنى وكدة مبقاش فيه شغل

ام روان : يابت ياروان هو انتى كدة مبتعمريش فى حته ابدا ... والنبى انا خايفه اجوزك ... تيجلى من تانى يوم .

روان : لا هاعمر متخافيش ..بس بطلى قرك عليا دة ...وادعيلى صح ... ركزى فى الدعوة ... المهم انا كلمت واحدة صاحبتى تشوفى شغل وهى شافتلى بس فى مشكله.

ام روان : قولى يا نحس .

روان : الشغل فى اسكندريه لمدة شهرين بس هاخد مبلغ حلو كدة ويعيشنا مرتاحين .

ام روان : لا طبعا بلاها الشغل دة دورى على حاجة تانيه .. اقولك مفيش شغل خالص .

روان : يا ماما اسمعينى ... ازاى مفيش شغل خالص ومعاش بابا مش بيكفينا اكل لغايه اخر الشهر وبعدين ادور فين انتى ناسيه تعبت قد ايه لغايه ما لقيت الشغل فى محل الورد يا ماما احنا محتاجين فلوس لدوا بتاعك و فلوس ليا انا كمان وفلوس البيت الى احنا فاتحينه دة .

ام روان : بردوا يا روان مش أأمان عليكى يا بنتى تسافرى لوحدك .

روان : بنتك بمليون راجل ... متخافيش دة  هما شهرين عمى وهارجعلك تانى ...بس اكون عملن مبلغ حل نعيش منه .

ام روان : طيب هاقعد لوحدى .

روان : عندك ام سيد الحشريه...والوليه عنايات قاعدة لوحدها...

ضع 10 تعليقات دعم للجروب واعمل متابعه لصفحتي عشان يوصلك باقى الاجزاء👈👈👈 نيمو محمد 👉👉👉

الانضمام لجروب القصص الكامله 👈  قصص وحكايات وروايات 👉

تعديل المقال