قصة : { يشبهك_قلبي }
الحلقة الأولى والتانيه
*( شهر 10 ، سنة 2021 )*
( الساعة ٩ بالليل ، جوة ڤيلا ف كومباوند ، ف الاوضة الي ف الجنينة قاعدين ٣ بنات ومشغلين النت ع tv ع مسلسل Squid Game وبياكلوا ف سناكس وحلويات مندمجين اوي )
فدوى : صحيح هو خالو قالك ع السفر ؟
حياة وهي باصة ل ال tv ب اهتمام : اممم ايه .. سفر ايه ؟!
فدوى : يبقا مقالكيش 😐
حياة ب انتباه : سفر ايه ي بت ؟؟
فدوى : خالو كان قايل ل ماما لو سقطتي السنادي تاني هيسفرك المنصورة عندنا ويجوزك هناك
حياة ب خضة : نعم يختي 😮
دنيا : شت 😐
*( نوقف لحظة .. حياة بنت جميلة ، بشرتها بيضة ، عيونها عسلي ، شعرها بني طويل معدي ضهرها متعرج ، جسمها رفيع وقصيرة ، ملامحها طبيعية اوي وكيوت ، عندها ١٩ سنة ، بتدرس اولى كلية اعلام ، من عيلة مادياً كويسة ، مامتها وباباها مزيعين ف ال tv مشهورين ، بس مامتها متوفية من ٣ سنين ، دنيا تبقا اختها الصغيرة عندها ١٧ سنة ، فدوى بنت عمتهم عندها ٢٠ سنة .. نرجع تاني )*
حياة ب خوف : بجد هو قال كدة ل عمتي ؟؟
فدوى : ايوة والله
حياة : لا اكيد بيهدد !!!!
دنيا : بيهدد مين اذا كان لسة مقالكيش حاجة عشان يهددك فوقي ي ماما 🤷🏻♀️
حياة ب خضة : احيه انا فكرت اما قالي لو سقطي السنادي هزعلك فكرته بيهددني عشان اخاف 🤦🏻♀️
فدوى : لا مبيهددش وحضرتك سقطتي ف اتوقعي بقا اي وقت يقولك لمي هدومك وع هناك 😊
حياة : لا مش هروح طبعاً 🙅🏻♀️
فدوى : مش بمزاجك ي قمر انتي عارفة خالو لما بيقلب وانتى بقالك سنتين ف اولى اعلام ليه يعني !!!!!
حياة : عشان دخلاها غصب عني مش عاوزة ادخل اعلام انا 😕
دنيا : طب لو كان بيتكلم جد حاولي بقا تكلميه انه يديكي فرصة كمان
فدوى : بس متتكلميش معاه ف حاجة الا لو هو الي اتكلم عشان ماما قالتلي مقولش
حياة ب ضيق : طيب 😒
فدوى : والله ي بنتي القاعدة هناك جميلة حتى هنبقا سوا
حياة : انا معرفش حد هناك غيرك ي فدوى انا رحت مرة وانتي بتيجي هنا ف الاجازات تقعدي معايا يبقا اروح هناك اعمل ايه .. وبعدين انتوا ليكوا عادات وتقاليد غير عاداتنا خالص مش هرتاح هناك اكيد !!!
فدوى : ع العموم احنا لسة ف اول الاجازة واحنا ف كورونا يعني ممكن الدراسة تتأجل ف كل دة هيديكي فرصة مع خالوا انه يغير رأيه 😕
حياة : يارب بقا .. بس انا عاوزة افهم حاجة بس
فدوى : ايه ؟
حياة : ايه علاقة جوازي بالموضوع ؟!!!
فدوى : لا مهي عمتك سوسن الحرباية سخنتوا عليكي وقالتله مدام مش نافعة ف تعليم تتجوز بقا 🤷🏻♀️
حياة ب فهم : امممم .. ماشي 😐
دنيا ب ضحك : البنت ملهاش غير بيت جوزها ي روحي 😂
فدوى : هههههه 😂
حياة ب ضيق : اضحكي يختي انتي وهي اضحكوا م انا الي هلبس الليلة 🤦🏻♀️
فدوى : خير خير 😊
( تاني يوم الصبح ، قدام مستشفى حيوانات ، تركن عربية وينزل منها شاب ، لابس بنطلون كلاسيك اسود وقميص ابيض مدخله جوة البنطلون وحزام اسود وجزمة كلاسيك سودة ونضارة نظر وكمامة سودة وع كتفه شنطة ، يقفل باب العربية ويدخل المستشفى ، تقرب عليه بنت )
فطيمة : ذياد .. ذيااااد 🚶🏻♀️
( يقف الشاب ويلف يبصلها )
فطيمة وهي بتمدله ايدها : ازيك 👋
( يبص ل ايدها )
ذياد وهو بيسلم عليها : الحمدلله 👋
*( نوقف لحظة .. ذياد شاب وسيم ، بشرته بيضة ، عيونه خضرا مايلة للصفار ، شعره اسود وناعم دايماً نازل ع عيونه غصب عنه ، طوله متوسط وجسمه متوسط ورياضي ، مبيقلعش النضارة من وشه ابداً مع ان نظره مش ضعيف بس بيحب يحافظ عليه ، عنده ٢٥ سنة ، بيشتغل دكتور بيطري ، من عيلة مادياً كويسة ، طبعه هادي جداً ومبيحبش الاختلاط ب حد .. نرجع تاني )*
فطيمة : انا بس مجتش امبارح وكان في محاضرة دكتور رؤف ف انا عارفة انك بتنقل المحاضرات دايماً ف كنت عاوزة ...........
ذياد وهو بيرش كحول ع ايده مكان م سلم عليها : حاضر ي فطيمة هجيبلك المحاضرة بكرة ان شاء الله عن اذنك 😷
( يمشي ذياد )
فطيمة : اوكااااي .. مبيتكلمش جمل مفيدة ع بعض 🙄
( يدخل ذياد اوضة اللبس يلبس البالطوا بتاعه ويبدأ شغله وهو بيحاول يتجنب لمس اي حد او اي حاجة خارج حدود شغله بسبب مرض كورونا ، رغم انها السنة التالتة للمرض بس هو مازال متمسك ب مبادئه ف انه يحافظ ع نفسه وع الي حواليه ، ف بيت حياة ، قاعدة حياة مع بنت عمتها واختها ف الاوضة ، بتلم فدوى هدومها عشان ترجع المنصورة )
حياة : م كانت عمتي سابتك يومين كمان طيب 🥺
فدوى : احمدي ربنا انها اقنعت بابا يسيبني اليومين الي فاته اصلاً السنة الي فاتت مرضاش 🤷🏻♀️
حياة : قليل والله بردوا
فدوى : ابقي تعالي انتي بقا انتي مجتيش من ٣ ابتدائي ي بنتي !!!!
حياة : هاجي ب اذن الله
فدوى وهي بتقفل شنطتها : ايوة جملة كل مرة دي ومبشوفش وشك 🙄
حياة : لا والله هاجي بجد .. هو السواق هيجيلك امتى ؟
فدوى : لا خالو قال هيوصلني
حياة ب استغراب : لا والله .. بابا هيسافر معاكي !!!!!
فدوى : اه شكله كدة !
( يخبط باب الاوضة )
حياة : ادخل
( يدخل ابوا حياة )
جلال : جهزتي ي فدوى ؟
فدوى : اه ي خالو باقي البس بس
جلال ل حياة : طب يلا ي هانم خشي البسي انتي كمان
( تتخض حياة وتبص للبنات ، يبصولها ب استغراب )
حياة بهدوء : ليه ؟!!
جلال : انا مش قلتلك لو سقطتي السنادي هزعلك 💁🏻♂️
حياة وهي بتقف : ي بابا مش للدرجة يعني 😕
جلال : لا للدرجة هتسافري مع بنت عمتك المنصورة يلا روحي البسي وجهزي شنطك لانك مش راجعة هنا تاني قبل الدراسة وانتي معاها ☝️
( تتخض دنيا )
دنيا : انا !!!!!!
الاب : ايوة
حياة ب خضة : بابا انت بتهزر صح ؟؟
جلال ب جمود : ابانلك بهزر ؟
حياة : ي بابا بالله عليك دي اخر مرة والله هنتبه ل دراستي اكتر 😧
جلال : قلتي كدة السنة الي فاتت .. قدامك ربع ساعة بالكتير تجهزي فيهم ي حياة
حياة : طب ..........
جلال ب زعيق : سمعتي 😡
( يتخضوا البنات )
جلال ب انفعال : ربع ساعة ي حياة لو ملقتكيش جاهزة والله ل امشيكي باللبس الي عليكي 😡
دنيا ب خوف : طب وانا اروح ليه ؟!
الاب : رجلك ع رجل اختك
دنيا ب ضيق : ماشي 😒
( يمشي الاب )
حياة ب عصبية : هو بيعمل معايا كدة ليييه 😠
فدوى : قلتلك اتوقعي انه اي وقت يعمل كدة 😐
حياة : مش عاوزة اروح انا 🤷🏻♀️
فدوى : هو باين مكانش بيهدد
حياة : مش عاوزة امشيييي 😟
فدوى : حياة انا اول مرة اشوف خالو متعصب كدة بالله عليكي روحي البسي ل ييجي يزعق تاني ولمي الليلة دي دلوقتي عشان هو باين ع اخره 😕
دنيا ب زعل : طب وانا ايه زنبي طيب اروح ليه انا 😟
فدوى : ي جماعة هو انتوا داخلين النار دة بيتنا جميل والله وهيعجبكم متخافوش 😄
حياة : ايه لازمة مرواحي انا مش فاهمة هو اي عقاب وخلاص 🤷🏻♀️
فدوى : اعملي الي قالك عليه بقا وبعدين نتصرف
حياة ب تنهيدة : طيب 🙄
( تروح حياة اوضتها تلبس وتجهز شنطها ، تخلص لم هدومها ، يعدي الوقت ، ف المنصورة ، جوة بيت كبير شبه ڤيلا بس ع ريفي شوية ، جوة المطبخ )
سماح : شدوا حيلكم شوية ي بنات
الشغالة : حاضر ي حجة
( تقرب عليهم ست )
سوسن : هو اخوكي جاي انهاردة ؟
سماح : ايوة زمانه ف الطريق هو والبنات
سوسن : هيجيب بنته ؟
سماح : قصدك بناته
الحلقة الثانية { ٢ } 👩❤️👨
سوسن : ويجيبهم ليه هنا انا قلتله جوزها مقلتلهوش هاتها نربيهالك 🤷🏻♀️
سماح : الله بيت عمتها ي سوسن براحته هو شايف ان وجودها هنا عقاب ليها عشان تنتبه ل دراستها بعد كدة
سوسن : موت امها دلعها بنت اميرة 😒
سماح : وانتي عارفة بقا ان هنا مفيش دلع ولا ترفيه زي هناك
سوسن ب ابتسامة خبيثة : لا ميقلقش هعرف اربيهاله كويس .. دي امها كانت حبيبتي 🙂
سماح ب تريقة : حبيبتك اوي يختي 😏
سوسن : هههههه 😄
( تقرب بنت )
حنان : هو خالو لسة مجاش ؟
*( ملحوظة .. حنان بنت جميلة ، بشرتها بيضة ، عيونها بني ، طويلة وجسمها كيرڤي ، محجبة ، عندها ٢٤ سنة ، تبقا بنت سوسن )*
سماح : لا لسة ف الطريق
حنان : هو هيسيب حياة هنا فعلاً ولا ايه ؟!
سوسن : اه يختي هتقعد معانا هي واختها لحد الاجازة م تخلص
حنان ب استغراب : اجازة ايه الي تخلص اصلاً الدراسة ممكن تتأجل عشان كورونا هيفضلوا هنا كل الفترة دي !!!!!
سماح : هنقوله لأ يعني م تقعد اد م تقعد فيها ايه اهي تونسكوا هي واختها 🤷🏻♀️
سوسن : تونس ايه دة انا اخاف ع بنتي منها 😏
سماح : لا كله الا تربية بنات جلال انتي فاهمة اخوكي
سوسن : لو تربيته عدلة ميسيبهاش ب شعرها لحد دلوقتي وباللبس الي بتلبسه دة
سماح ب استغراب : وانتي بتشوفيها فين عشان تعرفي شعرها ولبسها دة احنا مشفنهاش من لما كانت ف ٣ ابتدائي !!!!!
سوسن : لا حنان بتوريهالي ع الفيس وع الي اسمووو اسموا ايه ي بت دة ؟؟
حنان : الانستجرام
سوسن : ايوة هو دة وبتبقا يختي ب شعرها وب قصير وعريان 💁🏻♀️
سماح : والله كل واحد بقا حر ف عياله المهم اخلاقها 😒
حنان : لا مهي تيجي هنا تحترم نفسها ي خالتو احنا عندنا شباب ف البيت كتير
سوسن : ايوة الكلام دة ف بيت ابوها هنا في حدود وادب ☝️
سماح ب زهق : لما تبقا تيجي بقا 🙄
سوسن : صحيح هو ابنك اتأخر كدة ليه ؟؟
سماح : قالي هييجي بالليل عنده شغل كتير انهاردة
سوسن : ربنا يعينه
سماح : يارب
( يقرب شاب )
كرم : صباحووو ي نساء البيت 🚶🏻♂️
الكل : صباح الخير
كرم : عم قاسم وابويا مجوش لسة ؟
سماح : لأ لسة .. انت مرحتش معاهم الارض ليه ؟!
كرم : م هما قالوا اخليني هنا عشان لو خالي جلال جه عبال م هما يشوفوا المشكلة الي هناك وييجوا بسرعة ومعاهم غيث
سماح ب فهم : اااه طيب
( يدخلوا اتنين رجالة كبار ومعاهم شاب )
الرجالة : سلاموا عليكم
الكل : عليكم السلام
سماح ب اهتمام : ايه عملته ايه ؟؟
حساب وهو بيقعد : بردوا مصممين ان ال ١٠ فدادين دول جزء من ارضهم 🤷🏻♂️
سوسن : بردوا !!!!
قاسم : عاوزين يعملوا بلاغ
سماح : يوه للدرجة الموضوع كبر !!!!
غيث : هما الي عاوزين يكبروه براحتهم بقا يفصل بينا القانون 💁🏻♂️
*( ملحوظة .. غيث شاب وسيم ، بشرته قمحية ، طويل وعريض جسمه ضخم ، عنده ٣٣ سنة ، عشان متتلغبطوش قاسم يبقا ابوا غيث وحنان وسوسن امهم وتبقا عمة حياة الصغيرة عندها ٤٨ سنة ، سماح عمة حياة الكبيرة ، عندها ٥٤ سنة وحساب يبقا جوزها وعندها ولدين وبنت كرم عنده ١٨ سنة وذياد وفدوى .. نرجع تاني )*
سوسن : مدام انتوا ف السليم خلاص 🤷🏻♀️
قاسم : بالظبط ف متشغلوش بالكم .. جلال لسة مجاش ؟
سوسن : لا لسة ف ...........
( يرن جرس الباب )
سماح : شكله جه
( تجري الشغالة تفتح )
الشغالة : اتفضلوا
( يدخل جلال والبنات ، يقفوا الكل )
حساب ب ترحيب : ي اهلاً ي اهلاً بالحبايب 🤷🏻♂️
جلال : واحشني والله ي حساب 😄
( يحضنوا بعض والستات يسلموا ع البنات )
كرم ل فدوى : انتي ايه الي جابك م كنت خلصت منك 🙄
فدوى : ي معفن انت قاعدة ع قلبك انا 😮
حياة : هههههه 🤭
( ينتبهلها غيث )
سوسن : منورين ي بنات 😊
حياة ودنيا : الله يخليكي شكراً
كرم ل دنيا : ااا انا كرم 😐👋
دنيا وهي بتمدله ايدها : دنيا 👋
كرم : منورانا 🧡
دنيا ب كسوف : تسلم 😅
( يدخل الكل يقعدوا )
قاسم : اخبارك يخويا ؟
جلال : ماشي الحال والله بخير
حساب : دايماً بخير يارب
جلال : الله يخليك .. كبرت ي غيث مشاء الله !!
( تبص حياة ل غيث )
غيث : الله يكرمك ي خالي 😌
جلال : اومال فين الواد ذياد ؟
سماح : ف المستشفى عنده شغل كتير انهارده بس قال هيحاول ييجي بدري ويلحقك
جلال : ربنا يقويه يارب
سماح : امين يارب
جلال : كنت عاوزك كدة ف موضوع ي سماح 😐
سماح وهي بتقوم : وانا كمان عوزاك .. تعالى 🚶🏻♀️
( تمشي سماح )
جلال وهو بيقوم : عن اذنكم ي جماعة
الكل : اتفضل
( يروح ورا سماح ، تبصلهم حياة ب توتر وترجع تبص ل فدوى )
غيث ب صوت رجولي : منورانا ي بت خالي 🙂
حياة ب كسوف : ميرسي ي غيث 😊
فدوى ب صوت عالي : ي خديجااااا
الشغالة وهي بتجري عليهم : ايوة ي ستي ؟
فدوى : جهزتي اوضة حياة ودنيا ؟
الشغالة : اه الاوضة الي جنب اوضتك طوالي
فدوى وهي بتقوم : طب تعالوا بقا عشان تفضوا شنطكم 🚶🏻♀️
( يقوموا البنات يطلعوا الاوضة مع فدوى ، عند جلال ، قاعد مع سماح ف اوضة المكتب )
سماح : يعني انت هتسمع كلام اختك بجد وتجوزها ؟
جلال : ايوة
سماح : بس دي لسة صغيرة ي جلال !!!!!
جلال : ولا صغيرة ولا حاجة اختك سوسن متجوزة وهي عندها ١٦ سنة وانا متجوز امها ف سنها .. ١٩ سنة مش صغيرة ي سماح 🤷🏻♂️
سماح : طب هو في عريس اتقدملها وانت موافق يعني ؟
جلال : في عرسان كتير بس انا عاوز اجوزها من هنا .. انا عاوز اجوزها مننا .. الي من عندنا دول هيبوظوا مستقبلها اكتر ي سماح وهي دماغها خربانة لوحدها 😕
سماح : لا يخويا مدام من عندنا ف معلش يعني انا مش هفرط ف بنت اخويا انا هاخدها ل ذياد 🤷🏻♀️
جلال : مهو انا بصراحة كنت عاوز افاتحك ف كدة لان غيث كبير عليها وكمان طبعه صعب مش هيعمر مع حياة يومين بس خفت انتي متكونيش حابة ولا حساب كمان 😅
سماح : مكنش حابة ايه ي جلال دة ربنا يعلم انت وبناتك غاليين عندي اد ايه وانا اتمنى انه يكون بيني وبينك نسب وحاجة تقربنا اكتر بدل م احنا بعاد كدة يخويا وحساب يتمنى يناسبك والله 😟
جلال : الله يخليكي ي سماح ويخليلكم عيالكم 🧡
سماح : تسلم يارب ♥️
جلال : طب وذياد مش ممكن ميكونش حابب يتجوز ؟
سماح : هو في شاب مش حابب يتجوز دة الي عنده ١٨ سنة كل شوية يعرفني ع بنت ويقولي اخطبيهالي المفعوص دة 🤷🏻♀️
جلال : هههههه ربنا يفرحك بيهم وب فدوى يارب 😄
سماح : امين يارب .. انا اما ييجي ذياد هفاتحه ف الموضوع هو وابوه
جلال : تمام ماشي وانا لازم ارجع القاهرة انهاردة عشان شغلي
سماح : ماشي يخويا متشغلش بالك انت انا هتكلم معاهم وهتصل بيك اقولك عملت ايه بس مفيش مشيان الا اما تتغدى معانا الاول 🤷🏻♀️
جلال : ماشي يختي تسلم ايدك 🧡
( عند البنات ، ف الاوضة فوق ومعاهم حنان وفدوى )
حياة وهي بتقعد ع السرير : لا انا حبيت موضوع الجواز دة اوي ي جماعة ياريت بابا ميكونش غير رأيه 😊
فدوى : ههههه عجبك غيث ولا ايه ؟
حياة وهي بتزحف ناحية فدوى : عاجبني دة هيطلع من عينيييي 🥺
حنان ب تكبر : ايوة اخويا يعجب الجن 😌
( متنسوش اللايك ورأيكم .. 💛✨ )
#قصة_يشبهك_قلبي_ل_سهيلة_سعيد
sohila_sa3ed
تعليقات
إرسال تعليق