البارت 2/3
7_ اكتشاف المجهول
"يُقاس وفاء المرأة عندما يفقد الرجل كل شئ ويقاس وفاء الرجل عندما يملك كل شي" ✋
اخر جملة قالتها وعد
"ومين فيكم عريس الغفله بقا "
تبادلت انظار الجميع .. فيما بينهم بذهول ودهشه
هم جمال باانفعال
"انت اتهوستي يااااك يــ .."
ولكن قطع كلامه تدخله المفاجئ .. مشيرا إليه بكفه بنظرات آمره بالتوقف عن الحديث
ارتبك جمال وصمت ووطأ رأسه
اقترب حمزه من وعد ووقف امامها متفتنا اياها بعيون لامعه وبنبره هختلطه مابين الهدوء والثقه
"كنتي بتقولي مين فيكم عريس الغفله .. هاا وانا اهو قدامك .. ايه رايك .. انفع عريس غفله"
وعد بذهول وهي تحدق النظر اليه بعيون متسعه .. بنبره سااخره
"وكمان عريس بعمة وجلابيه .. أووول الله ههه!!"
مط حمزه شفته ودار حولها نصف دوره ..
"ومالها العمة والجلابيه يابت الابراهيمي "
وعد بنفاذ صبر
"انا مش هرد عليك .. عشان لو رديت عليك هاابقي بعملك قيمه .. "
اندفع جمال اليها رافعا كفه لكي يصفعها
وفي لمح البصر كانت وعد خلف ظهره تتحامي بتلك صاحب العمه والجلابيه .. شل حركه كفه حمزه بقبضته القويه علي مربط كفه
وبنبره تحذيريه
"انت كمان هتضرب مراتي قدامي ولا ايه ياجمال بيه "
وعد بنفاذ صبر تصرخ في وجهه وهي تلوح بكفها
"مراة مين يامجنون انت!! "
جمال بضجر وهو يدفع حمزه من امامه
" عقولك سيبني عليها دي بت قليلة الحيا .. ولازمن تتربي "
حمزه بهدوء : اششش .. ملكش صالح انت بالموضوع .. اطلع منيها
وبتلقائيه مسك كفها بقووه ..وحكم قبضته عليها .. وسحبها خلفه
"هستاذنكم بس عاوز اتكلم معاها ع انفراد .. زي ماانتو متتحركوش .. الظاهر كده في سوء تفاهم عند العرووسه"
يراقب الجميع الحدث بصمت وذهول
وعد متأوه محاوله افلات قبضته الحديديه : بقولك سيب ايدي.. انت اتجننت
حمزه بهمس حاملا نبره تحذيريه : امشي معاي بسكات احسنلك
مشي حمزه وحسبها خلفه بخطوات ثباته وهي مازالت تتوجع من قبضته لها
انعام واقفه في منتصف السلم تراقب الموقف بارتباك .. صوت صراخ وضجيج وعد لفت انتباه جميع الحضور
نعيمه بفضوول : هو فيه اي هناق (هناك)
نجوي ارتبكت محاوله تلطيف الجو
" دول العرسان بس .. نسبوهم يتفاهمو ع راحتهم .. وعلي راي المثل ماعيقول ياداخل بين البصله وقشترتها متاخدش غير ريحيها .. ولا ايييه ههههاهههاا "
وصل حمزه الجنينه ودفعها بقوه واوقفها امامه رافعا كفيه باستسلام
"هااا .. انا قدامك اهو .. اي اللي مش عاجبك في؟ (فياا) "
وعد بانفعال مشيره اليه بسببابتها بحركه دائريه
" كلك ع بعضك جاي غلطه اصلا "
حمزه ابتسم محاولا مداعبتها : كنت واثق ان دمك خفيف
وعد جزت ع سنانها .. وهي تلوح بكفيها الاثنين
"يابني اددم انت مابتفهمش .. ولا دماغك دي فيها اي .. انا مابحبكش ومش عاوزاك .. هو بالعافيه "
حمزه اؤم راسه بالموافقه وبثقه
" لما تعرفيني زين هتحبيني .. بس انا عاوزك .. وايوه هي عاافيه .. جاوبت كل اسألتك ع اكده .. يلا وافقتي ؟؟ "
وعد اطلقت صرخت غل وغيظ
"انت التفاهم معاك مستحيل ووجع دماغ ع الفاضي "
حمزه بحزم وثقه : عشان تتعودي بعد اكده تقولي حاضر ونعم وبس .. مش عاوز مناهده
وعد جابت اخرها منه
"لا انت فعلا مش طبيعي .. انت دماغك متركبه غلط.. او مش متركبه اصلا "
جز ع اسنااانه محاولا تهدية رووعه واطلق نظرة ناريه ارعبتها
همت بالمغادره م امامه
اصدر حمزه صوتا قوويا أجش
"استني اهنه .. لسه مخلصتش كلامي ..ولا سمحتلك تمشي ..عشان تهمليني اكده وتروحي طوالي "
وعد مشيره اليه بسبابتها
"انا امشي وقت مااحب .. مش وعد الابراهيمي اللي تاخد الاذن من حد "
حمزه بثبات : ومش حمزه الخياط اللي مراه ولا حتي راجل يرفع حسه عليه
عقدت وعد ساعديها
" وحمزه الخياط هيقبل ع نفسه يتجوز واحده مابتحوووبش"
حمزه قرب منها خطوتين
"اقولك ايه .. ماتيجي نتراهن"
وعد اطلقت زفيرا قوويا .. ونظرت له بعيون ضيقه
حمزه مكملا لحديثه
"نتراهن اذا كنتي هتحبيني ولا لا "
وعد بسخريه : مابراهنش حد خسران هاهاه
حمزه رفع حاجبه : متجربي مش هتخسري حاجه..
وعد جن جنونها
"انت متأكد انك طبيعي يابني ادم انت .. يعني لو فتحت دماغك دي دلوقتي هلقي جواها مخ زينا يعني "
حمزه بثبات ادخل كفه ف فتحة جلبابه العليا ووضع كفه ع صدره
"ممكن تسبيني اكمل "
وعد بنفاذ صبر : كمل لما نشوووف اخرتك
حمزه ابتسم : لو كسبتي الرهان هطلقك واديكي اللي يكفيكي باقي عمرك وهبعد عن سكتك
انفجرت وعد ف الضحك وهي تضرب كف ع الاخر
"لا دانت كمان اتجوزتني وطلقتني وانا واقفه .. انا بقول انك مش طبيعي مش مصدقني "
اكمل حمزه كلامه
"ولو خسرتي .."
وعد مقاطعه وهي تعقد ساعديها وتنظر له بااهتمام
"هاا بقي قول لو خسرت هتعمل ايه "
حمزه بغمز : لا دي سيبهالي انا اوريهالك فعليا
وعد لصقت ابهامها في سبابتها وبنبره ساخره
" انت عارف في كام راجل ع الكوكب .. هسيب كل دا .. واحبك انت .. انت جري لدماغك حاجه ياجدع انت "
حمزه بحزم وثقه : هنشوووف 😎
وعد اطلقت صرخه غل ف وجهه وهمت ع الذهاب
حمزه منادينا بحده
"انتي معتسمعيش الكلام ليه .. انا قولتلك امشي !"
وعد ابتسمت ابتسامه سخريه :ليه عند حاجه تاني عاوز تقولها
حمزه ابتسم : اه كتب كتابنا ودخلتنا الخميس الجاي .. عاوزكي بدر منور .. انتي هتكوني مراة حمزه الخياط ع سن ورمح
وعد مسكت دماغها من بروده واستفزازه مع زفيرا قويا
"حااجه تاني ؟"
فجاه مسك كفها برفق وسحبها خلفه متحدثا وهو يجز ع اسنانه ويظهر ابتسامته
"تدخلي دلوق تقعدي مع الحريم .. وتتعرفي عليهم .. وتفردي بووزك دا احسن مفردهولك "
ثم ضغط ع كفها بقوة
"فااهمه قولت ايه "
وعد في حالة ذهول تام .. صدمه .. ضعف .. استغراب .. عجز لسانها ع الكلام
وصلو عند مجلس السيدات
حمزه وهو ممسك بيدها وبيقرب من والدته
"ايه رايك ف مراتي يااما "
الهام بفرحه : زين ماخترت ياولدي .. جمرة .. تقول للبدر قووم وانا اقعد مكانك
حمزه ابتسم : طيب ههملكم انا اقعد مع الرجاله
ثم وجه حديثه لها بصوت اشبه بالهمس
"نبقي حلوووين .. ومش عاوز دلع مرك"
ثم غادر وتركها وترك بداخلها مليون سؤال
"هو دا ماله ؟؟ انا ازاي سيباه يبيع ويشتري فيا كده .. حصلك اي ياوعد
دا واحد جاهل .. هو ازاي كده ..وبأي حق يكلمني بالطريقه دي .. وازاي يفرض نفسه عليا كده .. وانا ازاي سمحت لنفسي اني اسمع لكائن رجعي ومتخلف زي دا"
قطع شرودها صوت نجوي
"ماتيجي ي وعد تقعدي .. واقفه عندك ليه "
سمر ممازحه : ممممممم تلاقيها سرحانه ف العريس .. مشي من هنا ع فكرة
الهام : تعالي يابتي اقعدي جاري اهنه
تقدمت ببطء وجلست بجوارها
لم تنج من تصرفات الهام .. وهي تتحسس معالم جسدها وتتاكد من شعرها اذا كان حقيقيا ام لا
وعد بتأفف : هو ف حاجه ياطنط !
الهام ربتت ع كتفها بشده :لا حلوة جسمك جابس ونعمان .. ورقبتك طويله ومناخيرك مسمسمه .. يعني اول خلفتك هتجيبيلي الواد
وعد بذهول واستغراب وهي بتحاول تستوعب كلامها
"مش فاهمه ياطنط .. تقصدي ايه "
الهام ربتت بقوه ع كتفها : مش مهم ياحبيبتي .. مش مهم يامراة الغالي
واخيرا تنهدت وعد بجملة انعام التي انقذتها من تصرفات الهام
"الاكل جااهز اتفضلوو "
هم الجميع بالنهوض وف طريقهم للطاوله
تفاجئت بجمال عمها وحمزه قادمين اليهم
جمال متحمحما
" العريس لازمن ياكل مع عروسته .. بدل قعدته مع الرجاله برا "
الهام تحرك ذراعيها قاصده اصدر صوت بذهبها
" عين العقل .. تعالي ياحمزه يابني اقعد جمبي وانتي كمان ياوعد اقعد جمب جوزك"
جلسو جميعا ع الطاوله وباقية الرجال فالخارج يناولون طعامهم
استسلمت وعد لرغبه الهام وجلست بجواره تلك المجهول
شرع الجميع ف تناول طعامهم الا وعد
تراقب حمزه وطريقة اكله بصمت
اتفاجئت به يهمس اذنها
"خبر ايه اومال .. متسمميش علينا اللقمه وكلي "
ابتلعت ريقها بصعوبه ع الطريقه التي يتناول بها الفراخ
جزت ع سنانها و بهمس ودنت من اذنه باستغراب
"انت اي اللي بتعمله دا .. ف حد طبيعي ياكل كده"
حمزه بلا مبالاة : ماهو لو كل واحد يركز ف وكله هيرتاح ويريحني ..
مسكت معدتها وركضت ع المرحاض
حمزه لم يبال للامر بشئ وكمل طعامه دون ان يرمش له جفن
في سره
" بدانا في دلع البنات هههه "
انتهي اليوم وحدد حمزه معاد كتب الكتاب والفرح
وانصرف الجميع الي منازلهم ..
8_ حيره ؟؟
جالسه ف غرفتها كالقرفصاء منهاره من البكاء .. معاوده الاتصال بطارق مرارا وتكرارا .. ولكنه ف عالم اخر عنها
دخلت عليها انعام
"بقي في عروسه فرحها الاسبوع الجاي تبكي اكده"
القت بجسدها في حضنها :مش قادره يادادا .. ومش طايقاه .. ومش طايقه نفسي
انعام بنصح : لو لفيتي الدنيا كلها .. مش هتلاقي زي حمزه ياوعد .. مش انتي بتثقي ف كلامي
وعد : دا شخص جاهل .. عارفه يعني اي جاهل .. مايفهمش اي حاجه ف اي حاجه غير اني الجاريه اللي جابتهالوو امه
انعام رتبت ع كتفها بحب
"اهدي بس وخليكي واعيه ... واتجوزيه .. لحد ماتوصلي لنصيبك وحقك .. جمال لو وقف قصاد الدنيا كلها عمره ماهيقدر يقف قصاد ولِد الخياط"
ووعد بضيق : اتجوز ازاي انا الكائن دا ... دا حيوان وهمجي
انعام ابتسمت : انا قاعده وانتي قاعده لو ماجيتي وقولتيلي بعد جوازك منه انك حبتيه لا وكمان عشقتيه .. انا واثقه من اكده
وعد بسخريه : دا يعرف اي عن الحب دا .. دا توب تفكيره ع الحب .. هو الوقت اللي بيقضيه عشان يوصل للسرير .. والنبي يادااداا اسكتي متعرفيش حاجه انتي
ضحكت انعام بصوت مرتفع وبخبث : اه منكم يابنات اليومين دول
وعد بغيظ : بتضحكي يادادا
انعام بغمز : كله وشطارتك
اثناء حديثهم قطعهم صوت رنين الهاتف
نظرت لشاشه هاتفها باستغراب : الله .. مين دا
انعام : طيب ماتردي وتشووفي
وعد بتردد : الوو
اتاها صوت خشن وغليظ ارعبها
"انت كيف ع تردي ع ارقام غريبه .. ولا قلبك حس انه انا اللي عتكلم!! "
وعد شعرت برعشه خفيفه وغمضت عينيها بعد ما علمت ب صاحب الصوت المرعب
حمزه بنفس نبرته القويه
" هو انا مش عتحدث .. مش تردي"
وعد بنفاذ صبر : تقدر تقولي انت اصلا عاوز مني اي .. ولا جبت رقمي منين؟؟!!
حمزه بقوه : انا حمزه الخياط .. اعمل كيف مااحب وقت ماحب
وعد بتأفف : اووووووف .. يادي حمزه الخياط اللي طلعلي ف حظي المنيل ... وحمزه الخياط عاوز مني ايه الساعه دي
حمزه ابتسم : عاوز اطمن عليكي .. واشوفك اتعشيتي ولا لا .. عارفك مكلتيش زين
وعد وضعت كفها ع رأسها وشدت شعرها وبتنهيده
" طيب ياسيدي شكرا .. حاجه تاني ؟"
حمزه وهو صاعد لغرفته : اه استني
وعد : ف ايه تاني
اغمض عينه لبرهه وبحنيه : اتغطي زين انتي ونايمه .. يلا اهي فتره مؤقته وبعدها مش هتدفي غير ف حضني
وعد ارتفع صوت شهقتها وبرقت من جراءته .. جزت ع سنانها حاااضر.. ف حاجه تاني ؟
حمزه بتفكير : ممم دلوق مافيش بس لو فيه اكيد هتصل واقولك
وعد بغيظ : ومش هرد
انهت المكالمه بدون سابق انذار
حمزه لنفسه : براحتك ياوعد .. لو مدلعتيش عليا هتدلعي ع مين يعني
انعام: في ايه .. حمزه بيه اللي كان بيكلمك
وعد بغيظ: ايوه ي ستي هو حمزه زفت
انعام : وعاوز ايه؟
وعد بسخريه وتريقه وهي تقلده سااخره
" قال ايه .. متصل يقولي اتعشيتي ولا لا .. واتغطي كويس .. ومعرفش ايه .. كائن متطفل بغباء .. مش طيقاااه مابرتحلووووش ياناس"
ضحكت انعام ع اسلوبها
"بصي يابنتي انا اللي ربيتك بعد وفاه امك .. وانا عارفاكي كويس وفهماكي ... ادي قلبك فرصه واشتري اللي باع الدنيا كلها عشانك .. انا هقوم انام وانتي كمان نامي وريحي واللي فيه الخير ربنا يقدمه "
وعد باستسلام وبدون اي رد اؤمت بالموافقه واخدت وضعية النوم
انعام غطتها قبل ما ترحل
فجاه تردد ف بالها صوت حمزه وهو بيقولها
" واتغطي زين انتي ونايمه .. يلا اهدي فتره مؤقته وبعدها مش هتدفي غير ف حضني"
وعد بعند زاحت الغطي بعيدا بساقيها
" طب اهوو مش متغطيه .. مين هو علشان يتأمر عليا "
حمزه ف غرفته .. انحني لاسفل ليرفع مرفش الارضيه
وامسك بلوح خشبي ثقيل وازاحه جنبا .. ونزل داخل سرداب مظلم ومعتم
بدايته درجات سلالام منحدر لاسفل .. تسلل حمزه رويدا رويدا بداخله .. بعد ما تأكد من غلقه لباب غرفته بالمفتاح
■■■
9 _مؤامره
جمال متكئا علي وسادته
بتنهيده ارتيااح
" اخيررا الحوار دا هيخلص .. وارتاح من بت اخوويا وحمزه يجيبلي الورق اللي معاه "
نجوي تفرد ذراعه وتريح رأسها
" وكده تبقي خطتنا ظبطت "
جمال بفرحه : ومش اي ظبطه .. ضربنا 10 عصافير بحجر واحد
جلست ع ركبتها مشيره اليه بسبابتها بنبره تحذيره
"عاوزاك تاخد بالك من حمزه دا .. مش برتاحه .. واللي اعرفه عنه انه مش سهل وواصل"
اعتدل جمال في جلسته متوعدا
"لو فكر يلعب بديله يبقي هو اللي فتح ع نفسه بيبان جهنم "
ربتت نجوي ع كفته
"ايوه ياخوي عاوزاك كده مفتح وعينيك وسط راسك "
جمال قرب منها و احتضنها مداعبا
"اقولك اي ماتسيبك م الحديت دهون وتيجي اقولك حاجه اهم "
اطلقت ضحكه وصل صداها لاذان وعد التي نهضت من فراشها
ووقفت ف البلكونه تستنشق الهواء
ابتسمت ابتسامة حسره
"وانتو وراكم اي غير تضحكو .. هو انتو بتحسو اصلا"
جلست ع مقعدها الي انها خلدت في نوم عميق
وبمجرد شروق الشمس
■■■
10_ العرسان
تسللت الاشعه لعيونها .. نهضت بانتفاضة جسد
" اوووووف انا ايه اللي نيمني هنا بس "
اخدت شاور ودلفت لاسفل
استغربت بهدوء القصر
"الله !! معقوله هما لسه نايمين .. مممممممم هي دي فرصتك الوحيده ياوعد "
ركضت لغرفتها مجددا واحضرت شنتطها وجمعت هدوومها وتسللت بببطء الي الجراج وركبت سيارتها التي احضرهاا لها جدها في عيد ميلادها .. وغادرت ف طريقها للمطار وهي ع حرص تام ان لا احد يراها
وصلت المطار ونزلت بسرعه وقفلت الباب خلفها
وقربت من شنطه العربيه ل تاخذ شنطتها
فوجئت بنفس القبضه الحديديه اللعينه التي تربكها
وعد بصدمه : هو انت ؟؟
حمزه رفع حاجبه مستفهما
"ع فين العزم "
وعد ارتبكت : مالكش دعوه
حمزه مسكها بقووه من معصمها وقربها منه
" عنادك وغرورك دا لو مبطلتهوش مش هيحصل خير"
وعد سال الدمع من عينيها
" طيب ممكن تسيب دراعي عشان بيوجعني "
بعد كفه ع الفور
"فيكي ايه .. مالك !! "
وعد بتوسل : حمزه .. ابعد عن طريقي وسيبني امشي .. ممكن!!
حمزه : تقدري تطلبي نجمه من السما اجيبهالك .. بس انسي موضوع اسيبك دا
وعد بعياط ونفاذ صبر : ليييه انا لييييه
حمزه بنرفزه : عشان محدش هيقدر يحميكي غيري ياوعد
وعد بعناد: ملكش فيه .. انا هعرف احمي نفسي كويس اووي
حمزه بدون اي كلام مسكها من معصمها وسحبها بقوه .. ودخلها عربيته وجلس بجوارها
وعد : انت رايح فين .. وعربيتي ؟؟
حمزه بصوت اجش :هبعت حد ياخدها .. ورايح فين ؟؟ رايح نفطرو انا متاكد مكلتيش حاجه من امبارح وبعدها هنروح مشوار اكده
بلعت ريقها واستسلمت واكتفت بدموعها تسيل ع خديها وهي لاصقه بنافذه السياره
وقف بسيارته امام مطعم ما ثم دلف من سيارته وفتح لها الباب
"يلا انزلي مش هفضل مستني كتير "
قال حمزه جملته بعصبيه وحزم
نزلت بنفاذ صبر وسبقت خطاه
جلست ع اقرب ترابيزه
" هتحبي تاكلي ايه "
قال حمزه جملته وهو يجلس بجوارها
دفنت وجهها بين كفيها وشعرها الذي ينسدل عليهم .. بدون رد
حمزه ابتسم : هتطلبلك حاجه ع ذوقي
لم تبال للامر اي اهميه
اشار للجرسون
"بص عاوزك تجيبلي فطار ملووكي .. احنا اتنين عرسان ومحتاجين نتغذي زين"
قبضت كفها بنفااذ صبر وحنقه والقت نظرها جنبا
الجرسون : اي اوامر تاني حضرتك ؟
حمزه : اه متنساااش هاتلي كوباية لبن وبيضين لوحدهم
قضب الجرسون حاجبيه مندهشا
"حاضر يافندم "
انصرف الجرسون
وجه حمزه كلامه لوعد
"حتفضلي بااصه بعيد كده كتير "
وعد بضيق : ممكن اعرف حضرتك عرفت مكاني منين؟!
حمزه بثقه : انا بعرف اي حاجه ف اي وقت .. وعاوزك تحطي ف اعتبارك اني هكون زي ضلك ف كل مكان هتروحيه اتوقعي انك هتلاقيني
وعد تنهدت وبضيقه : هو انت مش وراك غيري ولا ايه
حمزه ابتسم : لا كيف .. عندي حاجات كتير غيرك ..
وعد باهتمام وهي تلوح بكفها : يبقي اتفقنا .. انت خليك ف حاجاتك الكتير .. وانا سيبني ف حالي
حمزه : بس انتي اهمهم يااوعد
زفرت وعد بنفاذ صبر
"متجننيش .. وبطل اسلوبك دا .. انتي تعرفني منين اصلا عشان تقولي كده "
كاد ان يجيبها ولكن قطع حديثهم قدوم الجرسون
حمزه بفرحه للجرسوون : زين زين .. شكل الوكل يفتح النفس
نظرت اليه وعد باشمئزاز
وبعد ماانهي الجرسون عمله غادر
مسك كوباية اللبن وكسر فيهم البيضين وشربهم
وعد تنظر له بذهول وصدمه
حمزه بغمز : تدووقي ؟
لم تجيبه وعد .. وامسكت بهاتفها
حمزه رفع حاجبه : ع راحتك .. انتي الخسرانه
شرع ف تناول الافطار حتي اكتسحه تماما
حدقت النظر اليه بحنقه واشمئزاز
تنهد بقوة
"الحمد لله .. ايوة اكده الواحد كان ع لحم بطنه .. هو انتي مكلتيش ليه "
وعد بذهول وصدمه : وهو انت سبت حاجه اصلا
حمزه : تحبي اطلبلك حاجه تاني
وعد بنفاذ صبر : انا عاوزه اروح
وضع الحساب ع الطاوله .. وامسك بكفهاا وغادر
"هتروحي بس بعد مانخلصوا اللي وراانا"
{هو انا ممكن اعرف رايحين فين }
"قولت مش عاوز اسئله كتير .. اركبي بسكااات "
دخلت ييارته ثم قفل الباب بقوه ارعبتها
ركب بجوارها داخل عربيته الجيب وشغل اغنية حجازي متقالي افرحي ياعروسه
كان مندمج اوووي مع الاغنية
وعد تنظر اليه بحنقه ونفاذ صبر لنفسها : طيب اقتله وارتاح منه ولا اعمله اييه دا بس ياربي .. مجنون والله .. طلعلي منين دا بس
بعد مرور سااعه
وقفت العربيه قصاد محل جواهرجي
"احنا جاايين هنا ليه "
{هنجيبو دهبك ياعرووسه .. يلا انزلي .. ولا اقولك انتظري هفتحلك الباب عشان متتعبيش }
جن جنونها وذهولها
"يااارب صبرني ع الكائن دا .. قبل ماارتكب فيه جنااايه "
استسلمت لطالباته ودخلت معاه المحل
حمزه بصوت عفووي
"احسن جواهرجي في الدنيا .. اخبارك ايه"
الجواهرجي : حمزه بيه منورنا بنفسه .. والله لو كنت اعرف كنت ملت الارض ورد
حمزه يشير نظرله لوعد تقعد
"ملهوش لزوم الحديت المزوق ده ياجرجس ياخوي .. عاوز افخم شبكه عروسه عندك"
جرجس ابتسم : ف حاجه لسه جايه هتعجبك اووي
حمزه يضع رجل فوق الاخري
"المهم تعجب العروووسه "
قدم جرجس افخم ماعنده ما اطقم الماس والسوليتير
لم ترفع نظرها ولم يهمها الامر مطلقا
حمزه : خبر ايه عاااد ياعروسه .. مش عاجبينك؟
وعد بعناد : مش عاوزه حاجه
حمزه مط شفته : يبقي هنقيلك انا ... شوووفي دا هياكل من رقبتك حته .. عجبك!!
وعد بنفاذ صبر : قولت لا انت مابتفهمش
حمزه ابتسم : خلاص عنه ماعجبك .. بس انا حابب اشوفه عليكي .. شوفلنا تمنه كام ياجرجس خلينا ننجزوا
نظرت له بذهول وغل واطلقت زفيرا قوويا
وبعد ما انهي اجراءات الدفع وغيره عاد الي منزلها هو ووعد
نزلت من سيارته ودفعت الباب بكل قوتها
اوقفها حديثه بنبرته الحاده والحازمه محذرا
" يارب نتلم ونركز .. واسمع تاني انك خرجتي بره عتبة البيت ده .. تبقي انتي الجانيه ع اللي هيجرالك .. مفهووووووم !!"
تركته وهمت بالذهاب .. ثم عاد مناديا عليها مرة اخري
"استني اهنه .. خدي شبكتك ياعروسه "
خطفتها من كفه وتركته وغادرت .. وعند وصولها للباب
القت اخر انظارها عليه .. التي استقبلهم بابتسامه
و بدون تردد قفلت الباب بقوه
حمزه ضرب كف ع الاخر متعجبا
"والله مجنووونه "
دخلت غرفتها وبداخلها بركان غضب .. تكسر كل مايقابلها
"انا عملت اي ياربي عشان ربنا يبتليني بكائن زي دا .. دا بقي عاملي زي عفريت العلبه .. عملي الاسود ف حياتي .. ناقص يطلعلي ف الحلم .. هيجنني "
اتاها ف نفس التوقيت اتصالا منه
ردت وعد بنرفزه : عاااوز ايه تاني يابني ادم انت!!
حمزه بقهقهه : بقولك اهدي وبطلي تكسير في الاوضه عندك .. احسن عمك جمال يطب فيها ساكت
احمر وجهها .. وغلي الدم ف عروقها .. وبدون تردد اغلقت انهت المكالمه
دخلت انعام مندهشه : مالك يابنتي ورحتي فين ع الصبح اكده .. ومالك بتكسري ف الاوضه ليييه اكده
وعد بتشد في شعرها
"بني ادم غبي غبي .. عارفه لو بتكلم مع بهيمه هتفهمني وتحس بيا .. انسان غريبه .. حد يفطر ببيض ع لبن ع الصبح .. يعععععع اي الارف اللي هو عايش فيه دا .. هيجنني يادادا .. خلي برج من دماغي هيطير "
ضحكت انعام : طيب الراجل يعملك اي تاني عشان يثبتلك حبه
وعد بتلقائيه وعفويه
"حبه برص .. يغور هو وحبه .. مش بطيقه يااناس "
لفت انتباها الشبكه الملقااه ع الاريكه
اقتربت منها وافتتحتها
"هو اللي جابها .. طب والله ذوقه حلو .. وعيحبك قوي "
وعد بضيقه : بس يادادا متنرفزنيش
انعامم : طب اهدي ومتعمليش ف نفسك كده .. هنزل اعملك حاجه تشربيها
دلفت لاسفل وتركتها في حيرتها وعذابها
عاودت الاتصال بطارق ولكن لم تلق اي رد
"مااشي ياطارق .. بعت رخيص اوي .. طيب انا هتجوز حمزه..وو هتشوف .. والبادي اظلم وعند بعند "
■■■
وبكده انتهي البارت
ياتري ورق اي اللي جمال ونجوي بيتكلمو عليه
وياتري اي السر اللي مخبيه حمزه .. واي حكاية السرداب دا
وياتري وعد هتعمل فيه اي ولا ناوياله ع ايه
واي هيحصل ف الفرح
هنشووووف
البارت ٣
12_اليوم المشئوم
مر اسبوع ع ذلك الحال
جالسه في غرفتها .. اعتزلت الجميع ..
مازال حمزه في اليوم مما لا يقل عن ١٠٠ مره مع تجاهلها التام له
اتي اليوم الموعود نهضت من نومها عصرا ع صوت طرق الباب
انعاام : يلا ي عروسه قومي كفاياكي دلع عاااد .. فرحك النهارده
وعد انتفضت : قصدك ميتمي النهارده
انعام : تقوليش اكده ..وخليكي عاقله .. حطي حمزه زي الخاتم ف صبااعك وهو اللي هيرجعك حقك .. صدقيني .. والراجل باين عليه بيحبك ياستي
وعد بنبره توعديه : بحبني ..! طيب .. هو اللي جابو لنفسه .. هكرهه ف اليوم اللي فكر يتجوزني فيه
وهتشوف يانا ياانت ياحمزه بيه الخيااط
غادرت انعام وتركتها في حجرتها
اتفاجئت بمكالمه تليفونيه طال انتظارها
وعد محدثه نفسها وبنبره سااخره بعد ماامسكت بهاتفها
"مممممممم لسه فاكره يادكتور طارق .. عموما هرد عشان تعرف بس نتيجه تطنيشك"
*الووو .. فين اراضيك امال ؟؟
_انا اسف ياوعد .. تليفوني اتسرق مني .. وكان وقت مناقشه الرساله بتاعتي .. واول مارجعت الخط كلمتك .. طمنيني عليكي
*لا ابدا .. انا كويسه .. وفرحي النهارده كمان .. كنت حابه اعزمك
وقع كلام وعد ع قلب طارق كجمرات من نار
"انتي بتقولي اي.. اي الجنان دا .. انتي جري لعقلك حاجه "
اطلقت ضحكه وجع
" اه معلش .. اصلي اتجننت "
طارق بنرفزه : انطقي واتكلمي عدل .. وفهميني
وعد مطت شفتها لاسفل : وانت فارق معاك ف حاجه ؟
طارق بنفاذ صبر : وعد .. متجننيش
ابتسمت بسخريه : متتحمقش اوي كده .. اعتبرها جوازه مصلحه
طارق بانفعال : مصلحة اي ونيله ايه .. ازاي هتتجوزي غيري اصلا
اغمضت عينيها واخذت نفس عميق
"بص ياطارق امر واقع واتفرض عليا .. وانا مقداميش غير اوافق عشان ارجع حقي .. واول ما اوصله .. هطلق وهرجع امريكا "
طارق بعدم تصديق : اي الجنان دا .. انتي ازاي بتتكلمي بسهوله وببساطه كده .. وعد انا بحبك
امتلات عيون وعد بالدموع
"وانا كمان بحبك .. طار ق مش عاوزاك تسيبني لحد مااخلص منهم "
ساد الصمت لبرهه
*سكتت ليه؟! .. متعذبنيش اكتر م كده
_ماشي ياوعد خلي بالك من نفسك .. وانا قريب نازل مصر
*متقلقش هيكون جواز ع ورق وبس .. مش عاوزاك تزعل
*لا وهزعل ليه انتي غلطتي .. دانتي يادوب هتتجوزي .. مبرووك ياعروسه
واغلق هاتفه قبل ان تجيبه
وسط صوت الاغاني والزغاريد الصاخبه
جالسه في حجرتها بالفستان الابيض
ووتتأمل وجهها ف المرآه والكحل سايح ع وجنتيها
و
تدخل مراة عمها ""نجوي""
لولولوولولولولوولولولوولولولوولولوييييييييييييييييييي
مبروووووووووووووووووووووووووووووك ياوعد
صبرتي ونولتي ياحبيبتي عريسك بدر منور تحت
وعد بدموع ونفاذ صبر :ممكن تسكتي مش عاوزه اسمع كلمه
نجوي قربت منها ومسكت ذراعها بعنف
"بت انتي هتتعدلي ولا لا .. والا اقسم بالله اخلي عمك يدفنك مكانك هنا..وافرديها شويه بلاش البوز ده
شبه بوز امك ..جاكي الفقر"
وعد بصراخ:حرررررررررام عليكي بقا حراااااااااااااااااااام...انا عملتلك ايه لكل ده ..ليه بتعملي فيا كده
نجوي بسخريه:ماتعيشش جو المظلومه دهون .. متحلميش انك بالشويتين دووول هتتضحكي ع حد وهتلغي الجوازه .. عريس لو عشتي عمرك تدوري عليه مهتلاقي زيه نقول اي وش فقر ..
ويلااا انجزي المأذووووووووووووووووووووووون جيه تحت
لوولولولوولولوولولولولوييييييييييي
وتركتها وهي بتزغرد وتتضحك بصوت عالي ونزلت
وعد قربت من صوره مامتها
"شوفتي بيعملو فيا ايه
يعني انتي دلوقتي لو كنت موجوده .. مكنش هيحصل فيا كده
يااماما حرام عليكي ارجعي بقااا انا اتكسرت من غيرك
الدنيا كلها بقيت ضدي ومحدش معايا "
وفي لحظه جنان وعد مسكت الفاظه والقتهاا بقوووه ع المرآه
وهي بتصرخ
"لييييييييييييييييييييييييييييييييييييييييييه كده لييييييييييييييييييييييييه"
دخلت سمر بنت عمها
سمر بشماته: يلا بقااا ياعروسه العريس مستني تحت .. مش عاوزين نطول ع ابن الخياط .. دا كان يطير رقابينا
شعرت بسكاكين بتضرب في قلبها
مسحت دمووعها وقوت نفسها ودلفت الي اسفل بخطوات متزعزعه
وجلست ع الاريكه في غرفة الصالون
نجوي بتتمشي ف الجنينه
"انت ي زفت بتعمل ايه هنا"
رامي وهو يفرك كفيه :ايه يانوجا .. بس ماانا زي الفل اهوو والدنيا نسوان واخر دلع هيصي وخلي الشعب يهيص ي نووجاااااااااا .. انا مش عارفه ابن الخياط يعرف الحلويات دي منين الفرح كله نسوان
نجوي بنفاذ صبر :غبي وهتفضل طول عمرك غبي ..انت مش هتتحمل المسئوليه ابدا ياابني روح اقعد مع ابوك واعرف ايه الشغل
كل ده بشطارتك هيكون ليك في يوم وليله
رامي بسخريه:انتي بتهزري ياما..كل العز اللي احنا فيه ده بتاع جدي وعمي سامي وكله مكتووووب بااسم وعد يعني احنا كلنا كده بربطة المعلم شغالين عندها
نجوي وضعت اناملها ع فمه :اشششششششششششششششششش انت اتجننت اووعي حد يعرف كلمه من الموضوع ده اخرس خالص
مش عاوزه اسمعك تقووول كده..كل ده هيبقي ليك انت وبس
رامي :ازاي بقاااا
نجوي:ازاي دي .. سيبها عليا
رامي :طيب ي نوجا خططي انتي وسبيني انا بقاا وسط البنات الحلووه دي
وقبل ان تجيبه كان اختفي م امامها
وعد وهي قاضبة الحاجبين .. دامعه العيون ذات شفاه مزمزمه
وبعد ما تم عقد القرآن وانت الان زوجان ع سنة الله ورسوله
الجمله اعتصرت قلبها .. رجعت بضهرها للخلف وغمضت عيووونها وتنهدت بوجع
جمال بفرح : زغردي يااابت
قرب منها حمزه
"مش يلا ع بيتنا ياعروسه"
جملته كانت كالرصاصه اصابت قلبها
"استني انت رايح فين .. واتفاقنا "
اوقفته جمله جمال التي كانت بنبره اشبه بالهمس
ابتسم حمزه وهمس ف اذانه : كل الورق في شنطه العربيه تقدر تروح تاخده
ابتسم جمال بانتصار وركض تجاه سياره حمزه وفتحها .. وجده شنطه بها مجموعه اوراق .. بعدما ما قرأهم بتمعن .. ابتسم بفخر
"عفارم عليك ياولد الخياااط .. كده اللعب احلو"
قرب حمزه منها وجلس بجانبها .. ومسك كفها بحنيه وقبله وبنبره اشبه بالهمس
"مش هتقوومي نروحو ع بيتنا ولا ايه "
وسحبت ذراعها بقوه .. واستلمت لطلباته قامت بدون اي اعتراض
ودخلت سيارته ثم جلس هو الاخر بجانبها بعدما القي نظرة غريبه علي عمها
صار خلفهم سيارات كثيره وهذا ما اصاب وعد بالفضول والاستغراب
بعد مرور الوقت وصلوا امام فلتهم الفخمه
من اثاثها وطرازها وشكلها وفخامتهم
دلف حمزه المرتدتي جلابيته السوده والعمه وفتح لها الباب
نزلت من العربيه واسرعت الخطي .. ووقفت عند باب الفيلا
حمزه قرب منها وهو بيفتح الباب مداعباا
" متحسسنيش انك مغصوبه ع الجوازه .. افردي وشك اكده "
وعد مصدره الوش الخشب
13_في عرين الاسد
"افتح انت وساكت "
فتح الباب .. تردد ساقييها في الدخول .. لتدتور براسها للخلف تجد حاشية تراقبهم .. اتسعت عيونها محدقه ف جميع ارجاء المكان
خفق قلبها هلعا ورعبا
لتفاجئ به وهو يحملها بين ذراعيه برفق
وعد بذهول : انت يامجنون انت .. نزلني "
حمزه بهمس: اشششش الناس شيفانا .. اهدي !
دلف بها وركل الباب بقدمه .. وع اقرب اريكه اراح جسدها برفق
تبادلا النظرات لبعضهم لبضعة من الوقت
اخفق نظهره قليلا .. ثم شبك كفيه .. واخذ نفسا عميقا ورفع رأسه قليلا مبتسما
وعد بحنقه : انت مالك فرحان كده ليه ؟!
حمزه بصوت اجش : خبر ايه اوومال .. مش عريس ياااك ودي ليلة عمره .. ميفرحش ليه!!
وضعت خدها فوق كفها واطلقت زفيرا قويا بنفاذ صبر
حمزه بهدوء وبلهجه مصراويه
" بصي ياوعد .. عارف انك مجبوره ع الجوازه دي .. وعارف انك مش طايقاني .. بس صدقيني كل دا لمصلحتك .. وهتعرفي دا بعدين"
وعد قضبت حاجبيها وضاقت عيونها ولم تبال لحديثه اي اهتمام .. ع قدر ما جذب انتباها لهجته التي تحولت من صعيدي اجش .. اي قاهراوي وجنتل مان
حمزه ابتسم : بتبصيلي كده ليه .. متستغربيش .. انا مش هخوفك مني .. ولو كنتي مستغربه من كلامي .. فده هيكون معاكي وبس عارفك مش بتحبي اللهجه الصعيديه"
وعد بذهول : انت اتجوزتني ليه طيب ؟
حمزه بصرم : بلاش تسالي اسئله .. مش وقته عشان تعرفي اجابتها
وعد بسخريه : وانت شايف مش وقته ؟؟ انا بقيت مراتك
حمزه بلهجه صعيديه : عيقولو النور الكتير عيعمي بلاش تدوري ع حاجات تعميكي
وعد استغربت ع لهجته : مانا كده كده عميه هيفرق اي يعني!!
حمزه قرب منها وجلس بجوارها وابتسم
"ايه هتقعدي بفستانك ده كتير"
نظرت لها بعيون خائفه
وطأه شفته لاسفل
"الظاهر عليا كده بكلم نفسي..طيب تحبي تاكلي حاجه"
وعد بنفاذ صبر
"يووووووووووووووووه بقا ممكن مالكش دعوه بيا خالص "
وطأه راسه ارضا ثم عاود النظر اليها مجددا
"ينفع انك تعلي صوتك عليا كده ..هو انا مش المفروض جوزك"
وعد بنفاذ صبر
"اقولك ايه متعشش دور سي ريميو ده ..انا ولا بطيقك ولا عاوزاك افهم بقاا يااخي .. وانت بنفسك لسه قايل دا .. اطلع من دماغك وارحمني"
حمزه باستسلام
"براحتك عموما انا فوق وقت ماتحبي تيجي تعالي"
وعد بحده وحزم :ماهحبش ولا هاجي اصلا
قطع حديثهم صوت ضجيج في الخارج
وعد بانتباه:ايه الدووشه دي!!
حمزه قرب م النافذه ثم عاد اليها
وعد باستغراب :فيه ايه
حمزه بهدوء :دوول اهلك
وعد بلا مبالاه
"اهلي !!! وعاوزين ايه يعني وهما جاايين ليه ورايا .. ولا جايين يتاكدو انهم دفنو الجثه "
حمزه بهدوء وثبات :مش عارف هنزل اشوووفهم
ذهب اليهم وبعد مرور دقائق اخر عاد اليها
وعد باهتمام :هااا فيه ايه!!
حمزه القي بنظره ارضا
وعد بنفاذ صبر : هااااااااااا ماتنطق .. اكلت سد الحنك يعني
حمزه بخجل وهدوء
" وعد انتي اهلك واهلي صعايده .. ومن الصعيد الجواني كمان ..يعني مش عارفه هما تحت ليه"
وعد بنفاذ صبر وضيق
"وانا هعرف منين ؟؟.. هو في ايه ماتتكلم دغري كده "
بلع ريقه وتنهد ونظرلها بخجل
"عاوزين يطمنو عليكي"
وعد انفجرت في الضحك :هههههههههههههههه والله فيهم الخير خايفين عليا اووي كده..ليه هو انا هتخطف
هما مش جوزوني عاوزين ايه تاني يعني مايسبووني في حالي بقا
حمزه تحمحم وبخجل :مافهمتيش قصدي ع فكرة
وعد ضربت كف فوق الاخر :طب فهمني بدل ماناا غبيه اووي كده
حمزه بهدوء
"وعد .. اهلك عشان يمشو من تحت لازم يطمنو اننا ..........."
وعد ضربت فخذها بكفها وبحيره ونفاذ صبر
"هو انت مابتكملش جمله ابدا.. وبتقطع في النص .. اننا ايه بقا؟"
حمزه سكت شويه : مممممم انك بقيتي مراتي فعلياً
وعد بانفعال ونبره سخريه
"ماانا اتنيلت وبقيت زفت مراتك عاوزين ايه بقا"
فكرت قليلا
"ااااااااااااااااااااااااااااه قصدك انو هههههههههههههههههههههههههههه
والله عال ..عال اوووي كمان"
حمزه استغرب:مالك مش فاهم .. وبتضحكي ليه كده
وعد مدت ايدها ومسكت سكينه ورفعتها ع قلبها مهدده
"شووف ي حمزه قبل اللي في بالك ده مايحصل هقتل نفسي فااهم
ويلا بقا اخرج مشي الناس اللي تحت دي باي طريقه عشان اللي عاوزو مستحيل يحصل ع جثتي "
فرك كفيه بتفكير في تلك الورطه
" وعد..اهدي بس وسيبي السكينه دي"
وعد بصوت عالي:سمعت قولت ايه انا يلاااا نفذووو
حدق النظر بها قليلا ثم تركها وصعد لاعلي
مسكت تليفونها فتحت الواتس اب
وبعتت رساله لطارق
"انت وحشتني اوووي ..رد عليا بقا متسبنيش كده"
((قلبي واجعني عليكي اووي ياوعد))
"متخافش عليا انا كويسه ومتخاافش الزفت حمزه ده مستحيل يقربلي"
((خلي بالك ع نفسك ياوعد مش هوصيكي...اوعي في يوم تنسي حبنا))
"انت حبي الاول والاخير ياطارق ..انساك ازاي"
ف ذلك الوقت دلف حمزه مرتديا بيجامته
وعد قفلت فونها بسرعه وارتبكت
حمزه رفع حاجبه : هتفضلي قاعده عندك كتير كده
وعد بحده :مالكش دعوه بيا
في الخارج
الهام وهي تجلس ع درج السلم .. وبجانبها بناتها الثلاثه
"مش متزحزحه من اهنه غير لما اطمن ع ولدي"
قالت الهام جملتها وهي تعقد ساقيها وتضع خدها فوق يدها
تجلس نجوي بجانبها
" واحنا عااد مامتحركيين من اهنه غير لما نتطمن ع بنتنا .. اومال ايه "
سمر همست ل والدتها
"يانوجا مش يلا بينا .. متعشيش قوي ف الدوور .."
نكزت ابنتها ف جنبها
"اخرسي .. اش فهمك انتي انتي عاوزاهم ياكلوا وشنا "
اصدرت سمر صوت ضحك مكتووب .. وعاودت النظر في شاشه هاتفها اللعين "المخروب " كما تسميه نجوي
الهام بصووت قووي
"ما يلاه ياولدي.. شد حيلك .. عاوزين فرحتنا تكمل"
وعد سمعت صوت الهام دخلت في نوبه ضحك .. ضاربه كف ع الاخر
"لالا مش معقول هو ف كده بجد .. هو انا دخلت العبااسيه وانا مش واخده بالي !! "
حمزه ناظرا اليها بعيون لامعه
"ضحكتك حلوة قوي ع فكره .. متحرمنيش منيها "
وعد في حالة ذهول تاام وابتسامه سااخره
" لا انا اتاكد اني دخلت العبااسيه خلاص "
حمزه رفع حاجبه
"طب قومي يلاه كلي لقمه معايا "
وعد باهتمام : والناس اللي بره دوول اي وضعهم ؟؟
حمزه قرب منها وجلس بجانبها .. وازاح خصله م شعرها خلف اذنها
"الناس دول مستعدين يصبح عليهم صبح ولا هيمشو غير اما يوصلوا للي عاوزينه.. للاسف اصلها عادات وتقاليد "
وعد تزيح كفه بعيدا و بسخريه : دول ع كده قعدتهم مطوله اوووي
حمزه بحنيه : طب والعمل!! .. شوفي انتي عاوزاني اعملهم ايه وانا اعمله .. تحبي اجيب الالي وافجره فيهم حالا
وعد ضاقت حدقة عينيها
"انت بتتكلم جد !!"
حمزه تحمحم : طب قومي كلي .. عارف انك مكلتيش حاجه من امبارح
استسلمت لطلبه بدون جدل .. واقتربت من المقعد تفاجئت بيد حمزه تلامس يديها .. سحبت كفهاا بسرعه
قهقهه بصوت منخفض .. وسحب لها المقعد لتجلس عليه وانحني هامسأ في اذانها
" طول مانتي ف البيت ده هتكوني ملكه .. حتي الورقه م ع الارض ماهترفعيها "
وعد مستفهمه : ليه كده .. انت بتعمل معايا كده ليه وانت عارف ومتاكد انا مابحبكش
جلس بمقدمه الطاوله بجوارها .. متأملا اياها بعيون لامعه .. ونبره دافئه مع هزه خفيفه لكتفيه
"عااشقك ياوعد .. ومتسأليش ليه.. "
وعد بذهول : لازم اسال .. مين دا اللي عاشقني وانا معرفهووش ولا عمري شافني ولا شوفته ولييييه
اغمض عينيه وتنهد تنهيده وجع ثم عاود النظر اليها متبسما
"لا اتقابلنا وشوفنا بعض واتكلمنا كمان"
وعد باستغراب : انت متاكد!! .. اوماال انا مش فاكره ليه
قطع حديثهم طرق الهام ع الباب بقبضة يديها الحديديه .. التي فزعت منها وعد
"اتصرف مع الناس اللي برا دول احسن اولعهم في نفسي دلوقتي"
حمزه بنبره خوف ولهفه واضعا انامله ع فمها
"بعد الشر عنك ياوعد .. اوعي اسمعك تقولي اكده مره تانيه .. دانا اموت وراكي "
وعد اطلقت صرخه غل وقهر وغيط ميشره اليه بكفيها
"هتشلني .. اوووووف .. القاها منك ولا من المرضي النفسيين اللي برا دول"
وضع ابهامه وسبابته بزاوايه قائمه ع ذقنه وبتفكيررر
"مممممممممممممممممممممممم "
ثم تبسم ونظر اليها ..
"اطلعي غيري فستانك طيب "
وعد بشك : انت بتفكر ف ايه مش مرتحالك
حمزه ابتسم مجددا وتنهد
"ثقي فيا بقي .. عموما عشان تطمني مافيش اي حاجه ف البيت دا هتحصل من غير موافقتك .. ارتحتي "
ضاقت حدقة عينيها وبنظره عدائيه
"طيب اما نشوف اخرتك ايه "
تركته وهي تركض ع درجات السلم كالفراشه ذات الاجنحه .. ثم توقفت لبرهه واشارت اليه بسبابتها بنبره توعديه
"عارف لو كنت بتضحك عليا هعمل فيك ايه "
رفع حمزه رأسه مبتسما لها
"قطتي المجونه هتعمل ايه .. "
وعد بتحدي : انا بحذرك بس .. ومش عاوزه غلط
حمزه ممازحا. .. وبنفاذ صبر وصوت مرتفع بعض الشئ
"وهو فين الغلط دا بس .. هتركبينا الغلط ليييهه دلوق "
القت عليه نظراتها الاخيره وتركته وغادرت
ع المقابل ابتسم حمزه ابتسامه خبيثه ورفع حاجبه محدثا لفسه وهو يمسك بتفاحته
"ياااااارب تظبط بس .. خلينا نرتاح من العالم اللي بره دوول "
وصلت للطابق العلوي وفتحت باب الغرفه التي خرج منها حمزه
مدندنه مع نفسها وهي تفتح الباب
"ياربي عملت اي انا ف حياتي بس .. القاها من المجنون الي تحت .. ولا المجانين اللي برا ولا .."
وفجاة تسمرت وعد ف مكانها واضعه كفيها ع فمها
واطلقت صرخه دوي صداها في جميع انحاء المنزل
ع الجهه الاخري
هتفت الهام فارحه موجهه كلامها للغفر
"اضربوو النار ياولد منك له .. اخيرا ريحت قلبي ياحمزه ياولدي"
وانفجرت ف الزغاريد بالاضافه الي الحرب التي نشبت بسبب صوت طلقات الرصاص
التي اطلقوها الغفر
وع الجهه الاخري اطلق حمزه ضحكة انتصار هو
جالس ع مقعد طاولته
"كانت فين الفكره دي غايبه عني من الصبح هههه"
■■■
وبكده انتهي البارت
ياتري ورق اي اللي جمال اخدو من حمزه
واصلا ايه علاقه حمزه بجمال مخليه تحت ضرس حمزه
وياتري نجوي تقصد اي بكلمتها لما قالت لابنها كل ده هيكون ملكك انت .. بس سيبها عليا
وياتري حمزه فعلا بيحب وعد ولااا؟
وياتري اي اللي شافتو وعد لكي تطلق صرختها التي انقذتها من الحاح الهام
وجعلت حمزه ينفجر ضحكا .. هنشووووف ..
عشقتك وحسم الامر
نهال مصطفي✍
تعليقات
إرسال تعليق