طلاق إجباري كامله
بقلم غاده رجب
من الفصل الاول حتي التالت والاخير
انتي طالق
=سمعت الكلمه دي وقعت عليا كالساعقه وانا كنت داخله المطبخ اجهز الغدا كنت عملاله احلي مفاجأة وغدا رغم كل الخلاف اللى بينا
_نعم بتقول اي هو دا كمان ف هزار
=انتي طالق يامريم
_طالق طالق ازاي يامحمد فين حبك ليا فين وعودك ليا ازاي طاوعك قلبك تقولهالي انت بتقول اي والنبي قولي انك بتهزر والنبي بلاش تكسر قلبي انا بحبك يامحمد بحبك ومش هقدر اعيش من غيرك
_انا مش ناقص مشاكل يامريم كفايه لحد كدا يلا جهزي حاجاتك اخوكي جاي ف السقه ياخدك
=انت كمان عرفت اخويا يامحمد مفيش حاجه حصلت تستاهل كل دا انا والله معملتش حاجة
_مريم يلا مفيش وقت
_ دخلت اوضتي وانا منهاره كنت بلم هدومي وحاجاتي وانا بعيط بهستريه كل ركن ف الوضه دي شاف احلي ذكريات معاه كل زاويه ف بيتنا ليها ذكره حلوه طب انا عملت اي لكل دا دا انا مش بلاقي نفسي غير وانا ف حضنه انا معرفتش معني اني عايشه غير اما حبيته كلها مشاكل عاديه متوصلش لكدا دا حب 5سنين قبل الجواز وسنه ونص جواز و سرحت بخيالي شويه افتكرت اول يوم اتعرفنا
_يانسه يانسه اقفي دي وقعت منك
_ماخدتش بالي انه عليا لاني كنت بعيط
_اي القمر والموزه دي اي دا انتي بتعيطي اقدر اساعدك بحاجه ياقمر انا احلي منه ع فكره
_وانت مالك انت اعيط ولا اتزفت مين حضرتك وعايز اي واحلي من مين يامتخلف انت
_مش عايز هعوز منك انتي اي ياستر يارب خدي دي وقعت منك
_ماشي شكرا
_سبته ومشيت وانا مش مهتمه مين الحيوان دا نزلت اتمشي تاني يوم دخلت كافيه اصفي دماغي من وش امبارح
_ مش تفتحي ياعميه كدا دلقتي عليا القهوه انتي غبيه
_بصتله ومعرفتش ارد اقول اي
_اي دا انتي تاني هو مفيش غيرك ف وشي
_بصتله وطلعت بسرعه من الكافيه كنت بتمشي ع الكورنيش حاطه الهاند بسمع اغاني لقيت واحد ماشي ورايا بيعاكسني وبيمسكني من ايدي هو لقيت حد اداله بالقلم
_انتي تاني يابنتي انتي طلعتيلي ف البخت
_شكرا ليك معلش تعبتك معايا
_لا ولا تعب ولاحاجه خلي بالك من نفسك بس
_حاضر وانا عيوني هتعيط
_ماقولتيش كنتي بتعيط ليه او كل ماشوفك بلاقيكي بتعيط
_بصتله وانا نفسي احكي لحد قد اي انا مهزومه من كل الناس ان قلبي يكاد يكون هينفجر من الزعل قولتله لا مفيش
_قالي صوتك بيقول غير كدا احكي يمكن ترتاحي
_قولتله انا ماما وحشتني اوي انا محتاجه حضن ماما ليه سابتني لوحدي هي ماما مش عارفه اني مش هعرف اعيش من غيرها طب هي مش عارفه اني بكون تايهه من غيرها انا مكنش ليا غيرها ف الدنيا وبدأت اعيط اوي وسكت
_هي امك فين يعني
_المرض استكترها عليا ف اخدها خدها وسابني لوحدي
اداني منديل وقلي بت انتي حلوه كدا ليه وانتي بتعيطي اسكتي دا اخر منديل كدا هخلع التيشرت ال محلتيش غيره
_ابتسمت كدا وقولتله كفايه التيشرت ال فات وجبلي عصير قصب وفضلنا نتكلم كتير
ودي كانت بدايه معرفتي ب محمد بقينا بنتكلم كل يوم عدا سنتين ع معرفتنا ببعض
_بت يامريم
_اي يانجم ارغي
_ياناس مصاحب سواق توك توك اي نجم دي
_قولي عايز اي وانجز
_انا مسافر بكره راجع البلد
_نعم ودا ليه
_امي وحشتني يابت وعايز اشوفها والعيال اخواتي
_امممممم طب متأخرش طب خلي بالك من نفسك
_حاضر هخلي بالي منك بت كلميني كل يوم وكل دقيقة
_اه انا زعلانه لانه هو كان من المنيا وانا من القاهره هو شغال ف القاهره شغال مهندس ديكور
_عد اسبوع ع سفره وانا كنت ف الكليه طالع من باب الكليه لقيته ف وشي جايبلي شكولاه كتير اوي عاملي بوكس كله شكولاه وبيتزا لانه عارف اني بعشقهم وورد ولقيته بيقولي انا بحبك
_من الفرحه والصدمه وقفت مكاني من غير كلام
_قولت اي
_قولت بحبك
_دا اي انت حد بدلك ف البلد ولا اي اصلك راجع قمر
_لا محدش بدلني ولا حاجه انا اصلا بحبك من زمان
_احم إحم انا اتحب اصلا
_انتي قلبي اصلا
_قعدنا بنحب بعض سنه كمان كانت احلي سنين عمري وكأنه العوض عن وجود كل الناس ايوه انا اول مره احس نفسي عايشه
_محمد مالك ياحبيبي جاي من البلد رخم كدا ليه وشكلك زعلان
_ابويا وامي ياست عايزيني اتجوز اسماء بنت خالتي
_مش هما عارفين اننا بنحب بعض
_اه بس بيقولوا دي مصراويه مالهاش ف عشتنا مش موافقين
_اي مش قولت بقنعهم
_بحاول يامريم
_ ماشي
_٠بت انتي افردي وشك كدا مش بحب اشوفك زعلانه جاتك داهيه وانا بحبك كدا
_شوف طريقه وحاول تقنع اهلك
_عندي فكره
طلاق_اجباري
للكاتبة_غاده_رجب
البارت التاني
_عندي فكره
_اي هي
_احنا نتخطب ونحطهم قدام الامر الواقع
_اممم اهلك كدا هيكرهوني
_ياست انتي مالك انا هحلها
_مريم اهلي وافقوا ع خطوبتنا واخيرآ هتبقي معايا
_ياااااه ياقلب مريم دا انا اسعد واحده انهارده انت تعرف اني بحبك ولا لا
_وانا بعشقك مش بحبك بس ف شرط رخم شويه
_اي هو
_هنعيش ف البلد مش ف القاهره
_ليه ياحبيبي وانت شغلك ف القاهر وانا دراستي ف القاهره
_معلش ياقلبي نعيش ف البلد اول الجواز وبعدها ننقل القاهره
_طب ودراستي هحلها ازاي دي كلها فاضل سنه
_افردي وشك كدا هحلها المهم قومي جهزي نفسك هنيجي عندك بالليل
_وفعلا اتخطبنا وكانت احلي فتره عدت عليا اصل الحب بيغير ملامح الواحده بيخلينا شبهه الملايكه وانا حب محمد كان كفيل.يعيشني عمري كله فرحانه
_اي القمر دا ياناس هتجوز قمر واخيرأ شوفتك بالابيض واخيرا بقيتي حلالي خمس سنين دايرين ع الكافيهات لحد مارجلينا وجعتنا دا انا كنت هريها بوس اشهدي يامنطقه المزه دي بقت ملكي من انهارده
_ع فكره بتكسف الله
_ع فكره بحبك
_ع فكره اتأخرنا ع الناس
_ع فكره انتي الناس بالنسبالي
_مالك هتعيطي ليه
_كان نفسي ماما تبقي معايا ف يوم زي دا وحشتني اوي يامحمد
_ياحبيبي انا معاكي واعتبري امي امك يعني هي هتعاملك زي بنتها وبلاش زعل ف يوم زي دا خربيتك وانتي قمر كدا
_وفعلا عدا اليوم وكنت اسعد عروسه واجمل عروسه ف العالم فرحتي مالهاش مثيل اصل الفرحه بتخلي وشنا ينور
_مريومتي احنا اديلنا شهر متجوزين اهو انا مسافر الصبح بقي ياقلبي.
_خدني معاك انا مش هعرف اعيش من غيرك انا مش عارفه اتأقلم ع هنا
_ياقلبي مينفعش هكلمك كل يوم كل ساعه كل دقيقه فيديو كول
_لا لا مش كفايه
_طب متعيطيش وانا بحبك وانتي بتعيطي بتبقي قمر كدا
_وفعلا سافر محمد وانا كنت حاسه اني هموت اصلي مش عارفه اتأقلم ع اهله هما غيري خالص هما مش بيحبوني وباين اوي ف معملتهم
_صباح الخير ياماما
_متقوليش ياماما انا مش ام حد صبحيتك سودا انتي لسه صاحيه دلوقتي
_لا ياماما انا صاحيه من بدري بس كنت بذاكر اخر سنه بقي
_بلا مذاكر بلا زفت يعنى هما اللى اتعلموا خدوا اي انتي تنزلي بدري زي الناس
_عيوني حاضر ياماما انتي تأمري
_بلا تأمري انتي متعمليش فيها مودبه انا حفظاكي يامصرويه انتي ومفيش طلوع شقتك غير ع النوم ويلا جهزي الغدا وروقي البيت
_حاضر ياماما هعمل كل حاجه بس متزعليش
_انا كنت مستغربه طريقه كلامها هي بتتعامل معايا كدا ليه دا انا بحبها ودايما بقول حاضر
_اي يامريم ماله صوتك ياحبيبتي
_لا يامحمد ابدأ مفيش طمني عليك ياحبيبي عامل.اي
_انا كويس الحمدلله.طمنيني انتي عليك وليه مزعله امي يامريم انا ماليش غير امي واخواتي.وزي مابحبك بحبهم
_انا والله مش مزعله ماما ف حاجه
_اما بتشتكي منك ليه وانك بتنزلي العصر وبتلاقي الاكل جاهز لا يامريم حاولي تنزلي بدري اعملي معاهم حاجه
_بعمل والله وبنزل من بدري
_انتي يالي اسمك مريم انتي لسه نايمه لحد دلوقتي
_لا ياماما صاحيه بغسل
_واي ياختي اللبس اللى بتغسلي بيه دا احنا معندناش حد بيقعد كدا عوايدك دي تنسيها انتي مش ف مصر
_بس دي بجامه عاديه وانا ف شقتي يعني منزلتش بيها ولا طلعت بيها البلاكونه حتي
_انتي كمان عايزه تطلعي بيها البلاكونه دا انتي ليلتك مش معديه
_اي يامحمد عامل اية
_اي ياقلبي ماله صوتك اتتي بتعيطي
_لا ياحبيبي مفيش حاجه بس انت وحشتني انزل بقي
_مريم انتي طلعتي البلاكونه ببجامه نص كم ليه انتي عبيطه انتي متخلفه يعني
_والله ماحصل انا كنت ف الشقه
_امي هتكذب يعني قولي ان امي كذابه
_لا يامحمد انا اللى بكذب
_طب ماتتكررش تاني
_هي ماحصلتش اولاني
_طيب انا جاي بكره
_اي ياحلي خبر ف حياتي وحشتني واخيرأ
_كنت واقفه ف المطبخ بجهز الغدا لان محمد جاي كنت بعمل كل الاكل اللى بيحبه دا غياب شهر كامل وفجأه لقيت حد بيحضني
_حبيبي أخيراً رجعت وحشتني اوووي
_وانتي اكتر ياقلبي اي دا واقفه بتعملي الاكل لوحدك
_هو انا عندي غيرك اعمله اكل
_بحبك اصلا
_وانا بحبك
_لقيت ماما واخواته واقفين ع باب المطبخ ماما بتزعق انت ازاي تحضنها قدام الكل كدا دا مبقاش بيت عندك الشقه اعمل ال يريحكم فيها دا مسخره
_اي ياامي محصلش حاجه وبعدين دي مراتي ودا حضن عادي
_فعلا كنت عايشه حياه رخمه مفيهاش حاجه حلوه غير محمد يعني امه كانت بتخلق المشاكل بطريقه غبيه
_خلصتي لبس يامريومي هنتأخر ع الفرح كدا
_اه ياحبيبي خلصت اهو
_اي القمر دا اخاف عليكي تتحسدي مني
_اي اللى انتي لابساه دا انت هتسيبها تروح الفرح كدا ببدله الرقص دي
_مالها ياامي ماهو فستان عادي خالص اهو
_اه م انت مش راجل تسيبها تنزل كدا
_كانت بتتدخل ف كل حاجه ف حياتنا انا مكنتش عارفه انا متجوزه مين فيهم محمد ولا امه واخواته حياتي كانت تعب اوي حتي بيت اهلي مكنتش بتخليني اروح زي الناس كان تحكمات بشعه
_محمد انا عايزه اسافر معاك انا تعبت من هنا
_والله يامريم انا اللى تعبت من كتير المشاكل اللى بتعمليها مع اهلي انا فعلا تعبت انا مش بلاقي راحتي ف بيتي انا بقيت تعبان اكتر منك بقيت بكرهه الكام يوم اللى بنزل فيهم البلد كرهتوني ف عيشتي والله مش عارف الاقيها منك ولا منهم ولا الشغل انا لو اعرف اننا هنرتاح لما نمشي همشي واريح دماغي
_هنرتاح يامحمد والله انت هنا كلهم بيكرهوني وانا مش عارفه اعيش هنا
_امي انا ومريم هنعيش ف القاهره انا تعبان مابين هنا وهناك عايز استقر شويه
_هي كمان عايزه تاخدك مننا ايوه ماهما دول المصرويه قدرت تضحك عليك
_مش كدا ياامي والله انا هيبقي عندي ضغط شغل ومش هعرف انزل ومحتاجها معايا
_وانا قولت مفيش عيشه هناك يامحمد
_اي يامحمد اللى انا سامعه دا انت عايز تعيش ف القاهره وتسيبني يابني
_والله ياحج انا مش مرتاح من كتر المشاكل دي
_وفعلا محدش وافق اني اعيش مع محمد ف القاهره لكن الفتره دي قربت من اخو محمد هو اصغر مني بس بقي بيشوف معامله اهله ليا وبيهون عليا يعني اخويا الصغير لقيت حماتي بدأت تعمل حوار
_مريم انتي بتقعدي مع احمد كتير ليه
_عادي ياحبيبي والله دا اخوك يعني اخويا الصغير وهو الوحيد ال بيحبني هنا
_لا ياهنام بلاش تقعدي كتير معاه او بلاش تكلميه خالص
_ف اي يامحمد لكل دا
_مفيش فيه اللى سمعتيه
_حاضر
_تاني كنت بغسل ومكركبه كل الشقه لقيت الجرس بيرن بفتح لقيت محمد ف وشي
_حبيبي انت رجعت امتي وحشتني اوي
_اول مره محمد يرجع من غير مايقولي حتي دا مسلمش عليا
_اي دا بقول وحشتني يعني حضن بقي
_اول مره محمد يبعدتي عن حضنه ف اي انت كويس ياقلبي
_سابني ودخل كنت هتجن واعرف ف اي
طلاق_اجباري
البارت التالت والاخيرطلاق اجباري
_محمد هو ف ايه مالك
_مفيش يامريم
_طب راجع من السفر قالب وشك عليا ليه دا انت حتي مافكرتش تسلم عليا
_نعسان وعايز انام
_سابني ودخل وانا لحد دلوقتي مش فاهمه هو ماله سبته ونزلت اعمل الغدا
_مريم معلش ممكن تكويلي التيشرت دا
_حاضر يااحمد من عيوني هخلص الغدا بس
_معلش يامريم استعجلي اصلي رايح اقابل الموزه يابت
_اه يافاشل ربنا يجمعكم ع خير واخلص منك بقي
_قعدنا نضحك عادي واخدت التيشرت اكويه
_مريم كنت بتضحكي مع مين تحت بصوت عالي كدا
_مع احمد اخوك
_طب ماتتكلميش مع احمد تاني
_ليه اي اللى حصل منه
-من غير ليه قولت كلمه تتنفذ
_حاضر
_مكنتش فاهمه ف اي ولا ايه اللى واصل لمحمد من كلامي مع اخوه دا زي اخويا واكتر وفعلا مابقتش بكلم احمد
_وفجأه لقيت محمد بيتحول بقي بيشك ف احمد انه بيحبني وانا بحبه كانت سهل اوي يصدق وخاصه امه مسهلالوا دا هي ال بتخليه يشك ف اخوه
_مريم هاتي الطبق اللى قدامك دا
_اتفضلي ياماما
_كانت بتاخد الطبق وهي مش باصه عليا فطبيعي يندلق عليها
_انتي حيوانه ازاي تدلقي الاكل ع ماما وفجأه لقيت الفاظ زفت وكمان قلم نزل ع وشي ودي كانت اول مره محمد يمد ايده عليا فضلت مصدومه شويه من ال حصل وطلعت بسرعه ع شقتي بلم حاجاتي علشان انزل القاهره ازاي يمد ايده عليا كنت بعيط بهستريه هو دا محمد ال حبيته
_مريم اهدي انا اسف محصلش حاجه لكل دا اهدي ونتفاهم
_بس يامحمد لو سمحت سيبني اسافر
_اي دا انت مش راجل هتسيبها تسافر وفيها ايه انك تضربها ما كله بيضرب مراته انت لو سبتها تنزل هيقولوا مشت عليه
_ومين بس ي امي قالك انها هتنزل ولا هتتحرك
_مريم لو طلعتي برا باب البيت انتي طالق ومش هترجعي تاني
_كنت بسمع كلامه وطريقته وكأني اول مره اعرفه هو دا حب عمري يعني انا ضيعت كل السنين دي عليه فضلت اعيط وكأن شلال وقت فيضان ودموع قلبي وتنهيدته حسستني بالكسره
_ مريم كفايه عياط انا عارف ان محمد غلطان بس محمد مكنش كدا
_والله ياحمد انا نفسي اعرف ماله
_فجأه لقيت محمد داخل عليا ضرب لكن المرادي بجد عنده شك رهيب ف اخوه اهو حبيب القلب طبطب وحاجات شبهه كدا
_محمد هو ف اي انت بقيت مجنون شيل ام التفكير دا من دماغك انا مبقتش طايقه العيشه دي انا تعبت تعبت بجد مفيش حد بيتعامل كدا انا زهقت من شكك الدايم دا انا تعبت من كتر النكد زهقت من كتر الخناق ع الفاضي انت اي مش بتزهق فين حبك ليا فين محمد حبيبي فين الشخص ال سبت اهلي وبلدي وحياتي علشانه علشان بس بحبه
_انت اللى وصلتيني لكدا خلتيني اكرهه اجي من شغلي كل فتره خناق خناق انتي وامي اي مش بتفصلوا تعبتوني
_عادي اليوم عدا كنا مش بنتكلم فتره كنت بسمع امه بتشتم عليا واني مش مريحه وانه يطلقني وانه قالتله من الاول بلاش مصراويه وكلام كتير كدا لكن انا رغم كل الوش دا عرفت احلي خبر ف حياتي انا هبقي ماما ايوه انا كنت حامل قولت ان البيبي دا هيغير كل حاجه بينا يعني فرحه قلبي كنت طايره نسيت كل الزعل كنت مجهزه غدا ومستنيه محمد يرجع رجع محمد وقالي كدا رجعت من شرودي وانا لسه بفكر ازاي قدر يطلقني ازاي خلي اكتر يوم كنت مستنياه واسعد يوم ف حياتي قلبه اوسخ يوم عدا ليه انا لسه مش مش متخيله الكلمه كنت حاسه اني ف عالم تاني مافوقتش غير ع صوت اخويا
_يلا يا مريم انا موقف العربيه تحت هاخدك وبعدها هاجي اخد عزالك من هنا
_بقيت ببص لمحمد و اقوله والنبي قول انك بتهزر والنبي انا مش هقدر اعيش من غيرك والله انا معملتش حاجه لكل دا انا مسامحه ع وجع قلبي مسامحه ع معملتك ومعامله اهلك ال زي الزفت انا بحبك محمد متعملش كدا فيا سابني ونزل تحت نزل من غير ماصعب عليه هو فين حبه ليا معقول كان وهم
_نزلت وانا نازله شوفت نظره الشماته ف عيون امه واخواته البنات اخواته ال مكنوش بييجوا غير علشان ينكدوا عليا سمعت امه بتقولي والنبي هجوزه احسن منك كان نفسي يدافع عنها ويقول انا مش هلاقي احسن منها ي امي لكن محصلش
_ مشيت وعدا ع الطلاق شهرين وانا مش قايله ل محمد اني حامل او عرف وهتمش بالحمل ولا فرح عدا شهرين وانا قلبي لسه مكسور وانا مش عارفه انساه ولا اخف منه انا لسه بشتاق لكل كلمه منه لسه بحن لحضنه ال كان بيخفف اي وجع انا اول مره احس اني يتيمه الام
_كنت بتابعه ليل نهار لقيته كاتب بيقول انه اخيرأ حس انه مش مضغوط ولا محكوم اخيرا المشاكل خفت ازاي هو مش حاسس ان ف حاجه ناقصه هو انا كنت هامش ف حياته
_عدا تسع شهور وخلاص هولد انا وقتها كنت خفيت منه كانت ساعات افتكره وساعات لا كنت مشغوله ف شغلي وحملي وحاليا هبقي مشغوله ب ابني ولدت وكان اسعد خبر ف حياتي مسألش او معرفش اني ولدت لكن بعد كام شهر من الولاده وحياتي بدأت تبقي كويسه مع ابني لقيت نفسي ال تاهت مني ف مشاكل محمد وامه وعيلته كلهت لقيت فوني بيرن
_الو مين
_انا محمد نسيتي صوتي
_محمد عامل اية
_وحشتيني،انا وحش من غير يامريم
_اه والمطلوب اي
_انتي ولدتي صح طلع شبههي ولا شبهك
_اه ولدت انت لسه فاكر تسأل عن ابنك دلوقتي
_مريم انا اسف انا عايز اشوف ابني انتي سمتيه ايه
_وانا مقدرش امنعك انك تشوف كيان
_ياه سمتيه كيان دا الاسم اللى كنت انا مختاره
_وفعلا جه محمد يشوف كيان شافه وقضي معاه طول اليوم كان فرحان كنت اول مره من فتره اشوف الفرحه ف عيون محمد
_مريم انا اسف انا كنت غلطان انا كنت معمي بكلام امي انا مكنتش بصدق اي كلمه بتقوليها انا مكنش ينفع انساق ورا امي اوي كدا انا كنت فاكر نفسي هرتاح من المشاكل لكن مشاكلي كتر من يوم مامشيتي انا كنت فاكر ان اخواتي ال كانوا مقضيين اليوم كله معايا علشان يشتكوا منك وانك مصراويه انا مبقاش حد معايا انا بقيت لوحدي انا اتأكدت انهم فضلوا معايا لحد ماخربت بيتي وكل واحده منهم رجعت تعيش حياه طبيعيه مع جوزها وولادها وانا ال خسرت خسرت حب عمري انا هعوضك انتي وكيان عن كل حاجه وحشه حصلت بسببي
_ياااه يامحمد اتأخرت اوي ف كلامك دا اتأخرت جامد كنت فين وانا بتألم من وجع الحمل كنت فين وانا تعبانه وهموت واترمي ف حضنك كنت فين وانا بتابع مع الدكتور واشوف كل واحده رايحه مع جوزها وانا بكون لوحدي كنت فين وانا بولد وكان نفسي تكون معايا كنت فين اما كيان بدا يفهم دا كله انا مش مسامحه فيه انا لو سامحت ع اهانتك ليا مش هسامحك ع انك حرمتني انا وابنك منك وانت عايش
_انا هعوضك عن كل يوم خليتك تنامي زعلانه بسببي انا بحبك والله كنت معمي بكلامهم
_انا اسفه يامحمد انا مش هقدر اأمن ع نفسي معاك تاني ارجع ع اي ولمين ارجع اتبهدله امك ليا اسفه بجد انا شوفت ال محدش شافه معاكم
_نرجع وانا هصلح كل حاجه
_لو اخر راجل ف العالم مش هرجعك
طلاق_اجباري
للكاتبه_غاده_رجب
