صغيره الرعد
البارت الرابع والخامس
رنا احمد عماد ✍️✍️✍️✍️.
في فيلا المنشاوي ..
في غرفه عامر ...
كانت تنظر إليه بدموع متحجرة كان القلب قد توقف في ذلك اللحظه فما حدث لايصدق بالاكيد ذلك كابوس مميت لتنظر إليه باستغراب تحاول أن تتأكد من أنه هو عامر معشوقها زوجها أو بمعنا اصح كان زوجها .
حنين بصدمه مميته /عامر انت بتهزر صح مش كده .
عامر بسخرية وانتقام /لا ي حبيبتي ده مش حلم ولا أنا بهزر دي الحقيقه خلاص جوازنا انتهاء .
وقفت وهي تتحامل علي ذاتها لتقف أمامه بنظره تحدي وكره فكان متوقع أنها تتحدث تصرخ ولكن ردها كان فعلا صادم بالنسبه له أثر صفعه قويه هزته لتتحدث هي بكل كبرياء وقوه اكتسبتها من ذلك الصدمه .
حنين بوجع والم /اي أن كان السبب الي خلاك تعمل كده بس انا دلوقتي بكرهك كره قد الدنيا كلها اوعا تفتكر انك كسرتني متحلمش ي عامر كتير كنت بحس انك مبتحبنيش بس كنت دائما بكدب نفسي بس اديك ضهرت علي حقيقتك مجرد واحد عنده نقص وبيحاول يعوضه بكسره للناس بس انا مش هكون من الناس دي ي عامر .
عامر بسخرية وحده /انا فعلا كسرتك انتي كنتي لسه بين ايديا مستسلمه ده لوحده بيثبتلي اني حققت هدفي صح اوي .
حنين باستفزاز وانتقام /ههههه ده بجد انا الي انتصرت عليك ي عامر انت الي مكنتش قادر تبعد نفسك عني كنت ضعيف في حضني انت الي وقعت ي عامر مش انا .
عامر بغضب /ده حلم بعيد اوي ي حلوه انتي بالنسبه الي مش اكتر من وسيله اقدرت اكسر بيها الهدف الأساسي واشفي غليلي .
حنين بغضب /ابويا مش كده طول عمري شايفه بينك وبينه عداوه دايما نظره تحدي في عنيكم انتوا الاتنين .
عامر بحده /اسالي ابوكي خليه يعرفك حقيقته .
حنين بقوه وتحدي /ميهمنيش اعرف انت مش خلاص عملت الي انت عايزه بس قسما بالله ي عامر لاندمك كل دقيقه جايه في حياتك وحياه الحب الي حبيته ليك لانتقم منك الانتقام الي يشفي غليلي .
لتسرع حنين الي الخارج ليمسك عامر ماامامه ليدفعه أرضا بغضب شديد .
في غرفه حنين ...
واخيرا قد سمحت لحصونها بالانهيار سقطت أرضا بدموع والم وحسره تكفي العالم كله لتصرخ بوجع فلم تكن تتوقع في أسواء أحلامها كابوسا مثل ذلك لكن اياك والمراه المجروحه عذرا ي صديقي ستلقنك درسا لن تنساه ............
في شقه حمزه..
ابراهيم بحده /ها ي حنين مقفلتش الا لما اطمنت علي ست الحسن والجمال أنها رجعت من الكباريه.
حمزه بضيق /ايه الي بتقوله ده بس ي بابا مانت بتشوف الزبائن رايحين جايين .
ابراهيم بسخرية /لا ي شيخ انت هتستعبط عليا يالا مانا عارف انك بتقفل كل يوم متأخر علشان تتطمن علي ست الحسن الي هتوديك في ستين داهيه .
حمزه يزهق/يووه ي بابا فيه ايه احنا عارفين هي عند ربنا ايه مش يمكن الرقاصه دي عنده اطهر مننا .
ابراهيم بحده /نعم ي اخويا ده ربنا اكيد بيلعنها ليل ونهار .
حمزه بياس /انا داخل انام ي بابا تصبح علي خير .
في شقه سمر ..
كانت تجلس بدموع والم وهي تتضع الكمادات علي خدها الوارم كانت تبتسم بدموع وهي تتذكر حديثه فهي تعلم كم يعشقها وهي ايضا قلبها يدوب به عشقا لكن القدر هو من اضاعها في ذلك الطريق طريق حرمنها منه ترا أنها أصبحت لا تستحقه لكن سنرا كيف سيكون القدر ...
في فيلا الشناوي ...
سالم بجديه/ها ي رعد عرفت هتعمل ايه .
رعد بابتسامه /جرا ايه ي بابا هو انا اول مره اسافر اخلص شغل ولا ايه انا مش صغير .
سالم بابتسامه /انا عارف ي حبيبي بس انت عارف الصفقه دي انا قلقان منها ازي .
رعد وهو يربت علي يده /متقلقش ي بابا انشاء الله مش هرجع من المانيا الا وانا مخلص الصفقه دي .
في شقه خاصه ب عائله المنشاوي ..
مالك باستغراب /مالك ي بنتي واقفه كده ليه.
رشا بحده /انت فاكرني ايه واحده رخيصه كده لا ده انا الشرف عندي اغلا من الدنيا كلها .
مالك بصدمه وغيظ /ايه المجاري الي انفتحت علينا دي انا غلطان اني انقذتك .
رشا بقلق /طب خلاص انا اسفه والله بس الي حصلي اكبر بكتير من أن عقلي يستوعبه.
مالك بجديه /اي أن كان الي حصل ده يخصك انتي لوحدك انا ماليش اني ادخل في خصوصياتك أو اعرفها لمجرد اني سعادتك الشقه تحت امرك كل حاجه هنعوزيها هتلاقيها وده رقمي لو عوزتي اي حاجه تقدري تفضلي هنا لحد ماتشوفي ظروفك.
رشا باحراج/انا بجد اسفه مقصدتش اتمنا متزعلش مني كفايه الي انت عملته معايا ده علي راسي من فوق والله .
مالك بجديه/خلاص محصلش حاجه امسكي دي نمرتي لو عوزتي حاجه كلميني .
رشا بابتسامه /شكرا اوي ي استاذ .
مالك بابتسامه/مالك اسمي مالك .
في الموقع الذي يعمل به اياد .
صديقه سامي بضيق /استغفر الله العظيم يارب .
اياد باستغراب /مالك ي سامي فيه ايه .
سامي بقرف /قرف بعيد عنك مش عارف الستات اتهبلت ولا ايه واحده استغفر الله العظيم عرفت واحد عن طريق النت وبقا بيجيلها البيت وجوزها شك فيها وعملهم كمين لحد ما مسكهم متلبسين وقتلهم .
اياد بشك وقلق /وشك فيها ازي .
سامي /ابدا لاقاها قاعده علي النت ليل ونهار الله يحرقه النت ده خرب الدنيا .
اياد بهمس وقلق /اكيد الي انا بفكر فيه ده مستحيل .
في شقه فادي ..
كان يسير فادي الي الداخل كانت تجلس اسماء وصافي .
فادي بابتسامه/مساء الخير .
اسماء بابتسامه /تعال ي حبيبي اعرفك صافي صحبتي حظك انت ترجع من الشغل بدري واعرفك عليها .
صافي بخبث/بالنسبه الي انا فادي بيه مش غريب عليا انا اعرف حضرتك كويس .
فادي بإعجاب وهو ينظر إلي مظهرها فكانت ترتدي لبسا ضيقا للغايه يظهر مفاتنها .
/تشرفنا بحضرتك .
اسماء بطيبه /تمام نقدر نتعشا سواء هروح احضر العشاء .
صافي بمكر /بصراحه حضرتك بجد تستاهل الي بيتحكي عنك .
فادي بإعجاب/اني اكون ملفت بالنسبه لوحده في جمالك ده اكيد يسعدني .
صافي بخبث /انا الي اسعد ..
في فيلا المنشاوي ...
في جناح سعد ...
سعد بصدمه /سفر ايه الي بتتكلمي عنه ي حنين .
حنين بوجع والم وكسره /هسافر ي بابا انت عارف أن كان نفسي اخود دبلومه الديكور دي من زمان واهي جات الفرصه اني اخدها في باريس .
سعد بشك /وعامر عارف .
حنين بضيق /عامر مش هيفرق معاه ي بابا لأن حياتنا خلاص انتهت وخلصت ..
سعد بحده /قصدك ايه ماتتكلمي مالك عماله تتكلمي بالالغاز كده ليه.
حنين بدموع والم /مفيش ي بابا كل الحكايه أن انا وعامر مش هينفع نتكمل مع بعض عادي ايه المشكله .
سعد بشك وقلق /ليه ايه الي حصل .
حنين بقوه وتحدي وشك /هيكون ايه الي حصل ي بابا اظن أن ده الي حضرتك كنت عايزه انا عارفه انك مكنتش موافق علي جوازي من عامر وطلع فعلا عندك حق عامر ميستهلش حبي ليه .
سعد بفرحه /انت كده صح ي حبيبتي لازم تبعدي عن عامر لازم .
حنين بشك /لدرجه دي ي بابا ايه الي بينك وبين عامر طول الوقت بينكم حاجه مش مفهومه .
سعد بارتباك /هيكون بينا ايه ي حنين مفيش حاجه طبعا بس دايما شايفك تستاهلي احسن منه بكتير هروح احجزلك الطياره ي حبيبيتي .
حنين بشك ووجع وقوه/هيجي يوم واعرف ايه الي بينكم ايه السر الي بسببه دخلتوني بينكم وبقيت لعبه في وسطيكم ودمرتوا حياتي وساعتها انتقامي منكم هيكون كبير .....
في جناح سالم ...
سالم بحده وغضب /انت بتقول ايه ازي ده حصل اتكلم .
عامر ببرود /عادي احنا مش اول ناس نتطلق .
رعد بغضب /ده ايه البرود الا انت فيه ده اتكلم زي الناس .
عامر بحده /انا بتكلم زي الناس مشكله حصلت لقينا خلاص أننا مش هينفع نكمل مع بعض وانتهينا .
سالم بغضب /ده علي اساس ايه انك جايبها من الشارع دي بنت عمك ي غبي .
عامر ببرود /خلصوا كل الي عندكم براحتكم علي الاخر ده مش هيغير حاجه .
سعد بحده /فعلا مش هيغير حاجه وكويس اوي أن ده حصل قبل متلمس منها شعره واحده .
عامر بسخرية /اللعبه منهتش ي عمي .
رعد بجديه /معلش ي عمي ده باين عليه اتجنن ومش عارف بيقول ايه .
سعد بغضب /يتجنن علي نفسه بنتي خلاص خلصت منه وهتسافر بره .
عامر بضيق لم يعلم سببه لكنه أظهر البرود /بالسلامه والقلب دعايلها .
سالم بجديه /جرا ايه ي سعد ي اخويا ده احنا الكبار هنمشي وراء العيال دول لازم نحل الي حصل ده .
حنين بقوه وكبرياء /خلاص ي عمي الي حصل حصل ومش هينفع فيه رجوع ابنك ده انا بقيت بكره كره العما.
عامر باستفزاز /لا انا الي ميت في دباديبك اوي .
سالم بغضب /اخرس يالا انا مش عارف انتوا ايه الي جرالكم .
حنين بالم وجرح /الي جرالنا ابنك يبقا يقولك عليه ي عمي انا جيت علشان اسلم عليكم قبل ماسافر .
فاتن بالم /ي بنتي استهدي بالله الامور مش كده اهدي بس والله الواد ده بيحبك بس هو طباعه كده مانتي عرفاه .
حنين بوجع وكسره/للاسف ي مراه عمي طلعت معرفوش خالص مع السلامه يلا ي بابا كارما اكيد جهزت .
سالم بغضب /ايه خلاص هتسيبها تمشي .
عامر بالم بداخله لكنه يخفيه ببراعه/براحتها هي اختارت وزي ماقولتلك ي بابا كل حاجه انتهت خلاص .
هنيه بدموع وصراخ/الحقنا الحقنا ي سالم بيه.
سالم بحده/مالك ي هنيه في ايه .
هنيه بدموع وصراخ/عم البت فله جه من البلد وعايز يخادها يجوزها لابنه في البلد ده بلطجي ي سعاده البيه ابوس ايدك متخلوهوش ياخدها .
رعد بحده/ياخدها ازي هي سايبه .
في الاسفل ..
فله بدموع وصراخ /مش هاجي معاكم سيبوني بقا في حالي .
عتمان عمها بغضب /يلا ي بت قدامي احسالك .
سالم بغضب /ايه فيه ي راجل انت انت ازي تتهجم علي فيلتي بالشكل ده.
عتمان بحده /لامواخذه ي باشا انا جاي اخد بنت اخويا وماشي علطول .
رعد بغضب /تاخدها ازي هي بقره ولا ايه .
عتمان بغضب /ألزم حدك ي سعاده البيه انا عتمان عين أعيان الصعيد وكل الي عاوزه بنت اخويا الي عنديكم .
مالك بضيق/امشي من هنا ي راجل انت بدل مانطلبلك البوليس .
سالم بحده/مالك استنا انت عايز بنت اخوك ليه ي حاج عتمان وايه الي فكرك بيها دلوقتي فله تعتبر احنا الي مربينها .
عتمان بحده /احنا صعايده ي بيه ومنرضاش أن بتنا تشتغل في بيت فيه شباب أكده وابني عايز يتزوجها وابن عمها اولا بيها .
فله بدموع وصراخ/عاوزني دلوقتي بعد ما كبرت ي سالم بيه عايزني يجوزني لابنه البلطجي الي مفيش واحده في الصعيد ترضا بيه .
عتمان بغضب /اخرسي ي بنت الكلب .
رعد وهو يمسك يده بغضب /متخلقش لسه الي يرفع أيده علي الي هتكتب علي اسم رعد الشناوي .
يتتتتتتتبع .
❤️❤️❤️❤️طبعا انا مهما حكيت أو قولت اي كلام مش هيوفي حقكم بجد تسلمولي ي يارب علي دعوتكم الحلوه دي ربنا ما يحرمني منكم ابدا بجد عيطت من كتر الحب الي قادر زي السحر يخليني اتخطا اي حاجه ❤️❤️❤️الدكتور سمحلي بساعه واحده بس وملقتش احسن من اني اكمل واشوافكم لانكم وحشتوني كده انا حليت اللغز وعرفتوا مين صغيره الرعد ❤️❤️ هستنا رايكم وتعليقاتكم وتوقعاتكم للي جاي دمتم بخير وعافية ❤️❤️❤️❤️.
حاجه كمان انا متعوده في روياتي ميكنش فيه بطل محدد ي عني كل الشخصيات بكل حكايتهم ابطال .
رعد /فله .
عامر /حنين.
مالك /رشا .
اياد /اميره .
حمزه /سمر .
فادي /واسماء ..
كل كابلز منهم هنعيش معاه حكايه....
صغيره الرعد ❤️❤️❤️.
رنا احمد عماد ✍️✍️✍️✍️✍️✍️.
البارت الخامس ...
في فيلا الشناوي .
كانت الصدمه سيد الموقف كان الجميع ينظر إلى بعضه من ذلك الاعتراف المفاجاه أما هي فكانت الصدمه مملوه بالسعاده فهل ماسمعته حقيقي هل بالفعل ستصبح زوجه الرعد هل سيتحقق ذلك الحلم فهو لن يعاملها ذات يوم علي انها خادمه بل يعاملها كفرد من أفراد العائلة قد اصر علي تعليمها فاهي أصبحت في الجامعه لم تشعر ذات يوم انها خادمه بفضله هو مالك قلبها عشقها ❤️❤️لتفيق من شرودها علي ذلك الصوت الغاضب من قبل عمها.
(السرد ده كله علشان اشرح لكم لأن ناس كتير كان ردها انها مش متعلمه وانها تكون صغيره الرعد ده مش منطقي بس انا دائما بحب اعمل حاجه دايما خارجه عن المألوف وعن التوقع .....
عتمان بغضب /كلام ايه ده ي سعات الباشا .
رعد بحده /الي سمعته فله هتكون مراتي .
عثمان بغضب وغيظ /ده علي أساس ايه أنها ملهاش اهل من الي وافق علي كده .
رعد بغضب /انا مشفتش ليها أهل اصلا علشان اطلبها منهم طول عمرها وسطنا واحنا أهلها .
عتمان بحده /انا مش موافق ي سعات الباشا البت هتتجوز ابن عمها وخلص الكلام .
رعد بغضب شديد /الكلام لسه مخلصش وانا الي اقول يخلص امتا اسمع ي حاج عتمان انا الي عندي قولته وفرحنا الخميس الي جاي وحضرتك وكل قرايبها معزومين طبعا..
عتمان بغضب وتوعد/كده ماشي ي رعد باشا ماشي ..
فاتن بغضب /ايه الي انت عملته ده ي رعد انت اتجننت .
رعد بجديه/فله ادخلي جوه .
فله وقلبها يدق كالطبول بسعاده /امرك ي رعد بيه .
سالم بغضب /ممكن بقا نعرف ايه التخاريف دي .
رعد بجديه/دي مش تخاريف ي بابا فله طول عمرها واحده مننا مكنش ينفع اسيبها تتبهدل وتتهان وتتجوز واحد زي ده .
فاتن باستفسار /ي عني انت قولت كده علشان تنقذها وبس صح .
رعد بجديه/لا ي امي انا خدت قرار ومش هرجع فيه انا هتجوز فله فعلا وهنعيش هنا في البيت ده براحتها ووقت ماتحب تخرج هطلقها واديها حريتها جوازي منها هيكون حمايه ليها .
ليسمع مالك ذلك الكلام بانتباه ليتذكر سريعا ذلك الفتاه البرئيه الذي لجأت إليه يتذكر دموعها ابتسامتها ليبتسم مالك تلقائيا علي ذلك الفتاه الذي ستكون محور صعوبات ستلاحقه .
عامر بابتسامه وفخر /طول عمرنا بنتعلم منك ي رعد طول عمرك بتفكر في الناس قبل ماتفكر فنفسك .
فاتن بغيظ وغضب /اللهم صلي على النبي شوفوا مين بيتكلم وبينصح افشل واحد في الدنيا الي مصمم يضيع حياته بايده بغبائه ي حسرتك ي فاتن علي ولادك .
عامر ببرود /تسلميلي ي ست الكل ربنا ما يحرمني من مدحك ليا .
سالم بحده /رعد انا مش موافق علي الكلام ده .
رعد بابتسامه /ليه بس ي بابا ارجوك انك توافق ارجوك ثق في قرارت ابنك لو سمحت .
في جناح سعد ..
كارما بصدمه /معقول الي بيحصل ده رعد يتجوز فله الخدامه .
حنين بحده /ايه المشكله مش فاهمه مش بنادمه زينا ولا ايه .
كارما بغرور /ايه بنادمه انتي بتهرجي مهما طلعت ولا نزلت خدامه ومش فاهمه رعد اتجنن ولا ايه علشان يعمل كده طب مش هيتكسف من الناس الي هتعرف .
حنين بقرف/تصدقي بالله مكنش المفروض انا الي اتجوز عامر كان المفروض انتي الي تتجوزيه لايقين علي بعض اوي نفس الانانيه والغرور بالظبط .
سعد بحده /ايه ي حنين مسافرتيش ليه يلا علشان الطياره .
حنين بجديه /بابا انت عارف أن رعد زي اخويا وانا مينفعش اسيب البيت دلوقتي كده انا هاجل سفري شويه وبعدين حازم زميلي كلمني علشان نفتح شركه الديكور الي كان نفسي فيها .
سعد بعصبية وخوف /ي عني ايه ي عني مش هتستافري .
حنين بشك /بابا انت عيازني اسافر ليه ماخلاص موضوعي انا وعامر خلاص انتهاء مفيش داعي لخوف حضرتك بالشكل ده وبعدين اطمن حضرتك انا مبقتش حنين الهبله الي انت عارفها انا خلاص بقيت واحده هتعيش لنفسها وبس هحقق احلامي هكبر واعيش لنفس وبس .
في شقه عارف ..
سحر بدموع وصراخ /انت ايه ي راجل انت هتفضل قاعد كده قوم شوف البت راحت فين .
عارف بغضب /غوري ي وليه من وشي الله يحرقك انتي وبنتك في ساعه واحده كفايه بسببها الراجل بيهددني بوصل الامانه وهتحبس بسبب بنتك الي قسما بالله لو شوفتها لولع فيها بجاز وس*خ الي جابتلي الع*ار وطفشت يوم فرحها .
سحر بغضب وغيظ ودموع /تستاهل لانك راجل ناقص بعت بنتك بالفلوس حسبي الله ونعم الوكيل فيك بنتي الي راحت ومش عارفه هي فين ي ترا انتي فين ي بنتي .
في شقه مالك ..
كانت تسير في الشقه وهي تتفقدها تنظر إلي يمينها ويسارها ب قلق فماذا سيكون مصيرها مهما حدث لن تعود إلي ذلك الاب مره اخري فقد تجرد من جميع مشاعر الأبوة لتغفا رشا مكانها علي الكنبه لتذهب في ثبات عميق ...
في فيلا المنشاوي ....
في جنينه الفيلا ....
كانت تقف كارما في داخل الكوخ وهي تخ*لع ملابس*ها وترتدي ملابس علي الموضه ملابس للاسف تعري اكتر مما تستر لكن غرورها يجعلها من وجه نظرها أنها يجب أن تكون متحرره لتتضع ملابسها في شنطتها لرجوع بها مره اخري ليراها احمد لينظر إليها بحزن وقرف .
احمد بضيق /ايه القرف الي انتي لابساه ده .
كارما بغيظ وهمس /وانت مالك ومش هقولك تأني متنساش نفسك انت مجرد واحد شغال هنا .
احمد بحده /علي فكره اصحابك الي مستنينك بره دول بيضحكوا عليكي عايزينك تكوني زيهم ماشين عريانين زي مانتي شايفه وانتي كده بتخسري نفسك وعائلتك الي وثقت فيكي وصديقني انا شاب وعارف الشباب بيفكروا في الي زي دول ازي اوعي تفتكري أن البس العر*يان ده بيخليكي الناس تشوفك مميزه ابدا مش صح انتي صعبانه عليا وانا قولت افوقك قبل ماتتضيعي عن اذنك ..
قال الحقيقه بالفعل فللأسف ذلك أصبح حال كثيرا من الفتيات لم يعلموا أن العفه والطهارة تجعلك ملكه متوجه علي عرش من يستحق فقط .
ولكن للاسف غرورها كان أكبر من فهمها لذلك الحديث لتذهب في طريقها لكن سنرا ماذا سيصل بها ذلك الطريق ...
(احمد وكارما كابل مهم جدا معانا زيهم زي الباقي ❤️❤️❤️❤️❤️❤️)...
في شقه اياد ..
كان يتقلب يمينا ويسارا علي الفراش لا يستطيع النوم فكان ذلك الحديث الذي دار بينه وبين صديقه لا يذهب من باله هل ذلك صحيح هل من الممكن أن تكون زوجته تفعل ذلك الجر*م الشنيع اسئله كثيره تتدور برأسه وافكار لا ترحمه ولكن لا يستطيع التحمل ليذهب الي ذلك الجهاز ليتأكد لكنه اكتشف أن الجهاز مغلق ببس ورد جرب كل شي يخصهم كل التواريخ الذي بينهم لكن لم يستطيع فتحه ليحاوره الشك باليقين ليذهب بغضب الي اميره في غرفه النوم ...
اياد بغضب /اميره اميره اصحي .
اميره بنعاس وضيق /فيه ايه ي اياد ي سيدي انت مش جيلك نوم انا عايزه انام .
اياد بحده /البس ورد بتاع الكمبيوتر ايه .
اميره بخوف ورعب ظهروا بشده /عايزه ليه .
اياد بغضب شديد /ده ميخصكيش عايز اعمل عليه شغل اخلصي .
اميره برعب /2/15.
اياد بغضب وشك /احنا مفيش اي حاجه بينا بالتاريخ ده .
اميره بارتباك فكانت تتمنا أن ينتهي بهم الزمن عند هذه اللحظه .
/ده ده رقم قولت ابقا عرفاه وخلاص .
اياد بحده وتوعد /ماشي ي اميره .
ليذهب سريعا الي الكمبيوتر .
اميره بدموع وهي تلطم علي خديها/ي مصيبتك ي اميره ي مصيبتك ي مصيبتك .
كان اياد يجلس أمام الكمبيوتر بدموع متحجرة صدمه قويه زلزلت كل مشاعره عندما رأ ذلك الرسائل الغراميه ذلك المحادثات الجريئه ذلك الفيديوهات التي تظهر فيها زوجته بشكل مثير ل عشي*قها فبالفعل قد تأكدت من خيانتها ليذهب إليها بغضب شديد وكره وجرحا عميقا ...
اياد بغضب جحيمي /بقا هو ده الي انتي بتقعدي بالساعات ي فاج*ره تعمليه علي الكمبيوتر بتخو*نيني .
اميره بدموع ورعب /ابوس ايدك ي اياد ارحمني ارحمني .
اياد وهو يمسكها من شعرها بغضب /ارحمك انتي متستهليش الرحمه قسما بالله لولا ابننا لكنت لبستك قضيه ووديتك في ستين داهيه .
اميره بدموع وانهيار /ارحمني ي اياد انا عارفه اني مجر*مه بس ابوس ايدك سبني علشان ابني .
اياد بغضب جحيمي وكره/هسيبك متخافيش بس بعد ماوديكي عند ابوكي زي مانتي كده علشان يعرف حقيقه بنته الوس*خه .
اميره برعب وتوسل /لا ابوس ايدك ي اياد طب سبني لحد الصبح وانا همشي لوحدي .
اياد بغضب وانهيار /مش هيحصل قسما بالله لا وديكي لابوكي كده بقمي*ص النوم .
اميره بدموع وتوسل /لا لا ي اياد ابوس يدك .
لكن لا حياه لمن تنادي فهو معذور فعندما تجرح رجوله الرجل خصوصا وان كان لا يقصر في شي لا يستحق ذلك الخيانه القاسيه فمعه الحق في كل شي .
في شقه اسماعيل والد اميره .
كان يجلس وهو يستحي كوب القهوه ليغتابه القلق ممن سيأتي في ذلك الوقت المتاخر ليذهب سريعا ليصعق من هيئه ابنته .
اسماعيل بفزع /فيه ايه ي اياد جايبها كده ليه .
ليدفعها اياد بغضب جحيمي الي الأرض ليتحدث بكل كره وغضب .
/بنتك طالق ي عمي اسماعيل طالق خليها تحكيلك عملتها الوس*خه وبقولك اهو قدام ابوكي أن فكرتي بس تقربي من شقتي أو من ابني هوديكي في ستين داهيه فاهمه ...
في الصعيد ..
في منزل أهل فله .
حمدان بغضب /ي عني ايه الحديد ده ي ابوي كيف ي عني واحد تاني هيتجوزها وانت كيف مجيبتهاش معاك .
عتمان بغضب /هجيبها كيف ي روح امك بقولك رعد الشناوي بنفسه مصممه علي جوازه منها وهي البت مش ممانعه .
حمدان بغضب /ي عني ايه ي ابوي خلاص كده انا مش هسيبها ي ابوي وهروح لناس دول وهقلب عليهم بيتهم وهخودها غصبن عن عين اي حد .
عتمان بتحزير وحده /اتوكس اوعاك تقرب منهم واصل ده كلمه أقل واحد منيهم نودينا وراء الشمس احنا مش قادهم .
حمدان ببلط*جه /احنا قداهم وقد الي خلفو*هم ي ابوي وانا مش هسيب فله تروح لغيري وهجيبها غصبن عن أي حد حتي لو اضطريت أن اقت*ل رعد الشناوي ذات نفسه بس مش هسيبها تروح مني واصل .
في فيلا الشناوي ..
في المطبخ .
هنيه بابتسامه حنونه /ها ي ضنايا ربنا حقلقك حلمك الي عيشتي طول عمرك تتمنيه .
فله بحزن /مانتي عارفه ي خالتي هنيه أن رعد بيه عمل كده علشان يحميني وينقذني مش علشان حاجه تانيه .
هنيه بابتسامه /ي بت رعد بيه مفيش حد في حياته وانتي طول عمرك بتعشقيه ي عني بشطرتك تخليه يحبك .
فله بابتسامه وتمني /يارب ي خالتي هنيه يارب ده انا اعيش خدامه تحت رجليه العمر كله ده حب عمري .
هنيه بطيبه /ربنا يسعدك ي ضنايا وينولك الي فبالك .
رعد بابتسامه /مساء الخير .
هنيه وفله /مساء النور ي رعد بيه .
رعد بابتسامه /معلش ي داده ممكن تسيبني مع فله شويه.
هنيه بابتسامه/حاضر ي ضنايا .
رعد بابتسامه تتطيح بكل حصونها /انا عارف اني غلطت لما عملت كده حتي من غير اذنك بس انا كان لازم اعمل كده علشان محدش يتجرأ يتكلم عليكي كلمه واحده وانتي عايشه في وسطينا هنا انتي عارفه أنا أقدر احميكي من الجن الازرق من غير جواز بس ده رد اعتبار ليكي علشان تفضلي عايشه في وسطنا وانتي رافعه راسك .
فله بابتسامه عشق /وهو كل خدامه بتشتغل سيدها بيتجوزها علشان يحميها من كلام الناس ي رعد بيه .
رعد بابتسامه /اولا انتي مش خدامه ولا أنا سيدك احنا كلنا عبيد ربنا وطبعا مش دايما بيحصل كده بس ده لانك مش خدامه ي فله انتي واحده من البيت بالنسبه الي زيك زي كارما و حنين واظن انتي شايفه فرق السن بينا اكيد تتمني ترتبطي بواحد قريب من سنك ولو مش عايزه الموضوع انا .
فله سريعا /لا لا ده حلم حياتي احممم قصدي اني كده هكون في امان وانا مراتك ي رعد بيه يارب بس انت مستعرش مني .
رعد بابتسامه ساحره /اظن انك عرفاني كويس انا عمري مكنت كده ابدا وعلي العموم كل حاجه هتحتاجيها هتكون موجوده وتاني مره جوازنا ده حمايه ليكي سلام .
فله بعشق وسعاده لا توصف /اوعدك ي نور عيني اني هخليك اسعد راجل في الدنيا فرق سن ايه ده انت اصبا من اصبا شاب في عيني اوعدك انك تعيش ملك طول العمر ي حبيبي ❤️❤️❤️❤️❤️
في شقه فادي ...
كان يجلس وهو يحدثها علي الواتساب بابتسامه واسعه بعدما اتفقوا علي التحدث كاصدقاء كانت تنظر إليه باستغراب فتلك الابتسامه كانت لا تظهر في ذلك المنزل لتشك أنها أخري قد دخلت حياته ولكن لم تشك بصديقاتها الذي فتحت لها بيتها فذلك هو الذي يحدث الان الخي*انه تاتيك من اقرب الناس اليك لتزعم علي مراقبته ومعرفه مايدور من خلفها ........
من شقه حمزه ..
كانت تخرج سمر باخواتها لذهبهم الي المدرسه ليخرج حمزه في نفس الوقت .
حمزه بجديه /صباح الخير .
سمر وهي تحاول أن تتدراي ذلك الكدمه الذي في خدها /صباح النور عن اذنك يلا ي ولاد .
حمزه بقلق عليها /سيبيهم انا هوديهم المدرسه ارتاحي انتي .
سمر باعتراض /لا معلش انا هوديهم شكرا جدا جدا .
محمد أخيها وهو يمسك بحمزه /لا ي سمر خلينا نروح كلنا خلي أبيه حمزه يوصلنا زي زمان .
سمر بوجع والم /مفيش حاجه بترجع زي زمان ي محمد .
حمزه بابتسامه /كل حاجه ممكن ترجع لو احنا فكرنا وحبينا نرجع كل حاجه هترجع ي الا ي ولاد يالا .
اخواتها بفرحه عارمه /هييييي أبيه حمزه هيوصلنا .
سمر بابتسامه وهمس /بحبك بحبك اوي ي حمزه بس خايفه خايفه من الي انا فيه هيفضل مرار ملازمنا طول حياتنا ومش هنعرف نخلص منه ابدا يارب الستر من عندك يارب ...
من أمام أحدا العمارات ..
كانت تقف كارما مع اصدقائها ..
ماريا بش*ر/بقولك ي كارما خودي المفتاح واطلعي لحد مانجيب الحجات ونتطلع .
كارما بجديه /ي بنتي طب مانروح سواء .
ساندي بخبث /لا ي كارما مش مستاهله ده خطوتين استنينا انتي فوق .
كارما بسذاجه /ماشي .
ساندي بانتصار/اطلعي بقا ي حلوه استلقي وعدك .
ماريا بكره /ي ساتر تستاهل الي عمللنا فيها شري*فه ودايما رافعه مناخيرها في السماء وانت من عائله المنشاوي وانا بنت مين وعائلتي مين ورينا بقا ي حلوه عائلتك دي هتعمل ايه بعد الفضي*حه دي .
من داخل الشقه ..
كانت تسير كارما وهي تخلع ذلك الحذاء ذو الكعب العالي لتستريح علي الكرسي لتصرخ بفزع انت مين .
الشخص بوقا*حه /انا القدر ي حبيبتي هنقضي انا وانتي ليله عجب هنا هب*سطك علي الاخر .
كارما بدموع وصراخ /ابعد عن لحسن اقت*لك .
الشخص بوقا*حه /اموت انا في العن*ف .
ليقتحم عدد من القوات الشقه .
الظابط بقرف /عالم وس*خه استغفر الله العظيم اقبضوا عليهم .
كارما بدموع وصراخ /حضرتك انا ماليش دعوه انا كنت جايه شقه لاصحابي قالولي أننا هنسهر فيها وأنها بتاعه واحده معرفه انا معرفش حاجه ولقيت الحيوان ده عايز يتهجم عليا .
الظابط بسخرية /ومقالولكيش كمان أنها شقه دع*اره .
كارما بصدمه وصراخ /اييييه ......
تفتكروا ايه الي هيحصل ل كارما ومين هينقذها ..
يتتتبع .
بارت طويل اهو ومليان أحداث علشان تاخيري ❤️❤️❤️❤️❤️تسلمولي ي حبايب قلبي علي دعواتكم انشاء الله هطمنكم عليا اول باول هو انا ليا غيركم ❤️❤️❤️❤️هستنا رايكم في البارت بفارغ الصبر وعايزه تفاعل جامد كده دمتم في حفظ الله ورعايته ❤️❤️❤️❤️❤️.طبعا الاقتباس الي نزلته انبارح هيبقا من بارت بكره لانه كان لازم اكتب الأحداث دي الاول ..
صغيره الرعد ❤️❤️❤️❤️❤️.
رنا احمد عماد ✍️✍️✍️✍️✍️✍️
