البارت العاشر والحادي عشر والثاني عشر
من رواية الخدامه_والبيه
زينب بصدمه: عريس مين؟!
يسريه: حد من البلد اسمه مصطفى محمود خميس
زينب: بس.. بس انا مش موافقه
يسريه: صلى صلاة استخاره الاول متحكميش عليه وانتي لسه مشوفتهوش
زينب بحزن: ياعمتو انا مش عاوزه اتجوز دلوقتي
يسريه: ليه يازينب؟! عاوزه افرح بيكي؟!
زينب: هتفرحي بيا ولكن مش دلوقتي ان شاء الله
يسريه: بس انا موافقه على مصطفى الصراحه
زينب بعصبيه ودموع: ياعمتو انا مش عاوزه اتجوز انا بحب حد تاني وبدعي ربنا بيه من يوم ماشوفته.........
يسريه بإبتسامة: ايوااااااا تعالي بقا قوليلى من الشخص ده
زينب بدموع: انا بحب مستر رامي...
يسريه: منا عارفه
زينب بهدوء واستوعبت اللى قالته: عا.. عارفه أي؟!
يسريه: عارفه انك بتحبيه وهو كمان باين عليه بيحبك....
زينب ببكاء: انا اسفه والله بس غصبن عني انا من يوم ما كان فى المستشفى وانا حاسيت انى معجبه بيه ودعيت ربنا كتير انه يقدم اللى فيه الخير ولو شر يبعده عني ولكن كنت كل يوم بتفاجئ اني بُعجب بيه اكتر.. مكنتش عاوزه كده والله..
يسريه وهى بتطبطب عليها: ياحبيبتي صدقيني الحب ده مش إختيارنا بس أهم حاجه اننا نحفظ نفسنا من شره.. وندعي ربنا يصرفنا عن الشر ويقربنا من الخير ونحفظ قلوبنا من كلامنا المُحرم مع اللى بنحبه لو مكنش لسه حلالنا وانا مبسوطه منك انك من رغم انك بتحبيه الا وإنك كنتى دايما بتتعاملي بحدود معاه..
زينب ببكاء: ربنا يق........
ولسه هتكمل الكلمه الباب خبط
يسريه بهدوء: اتفضل
ولكن فجأه دخل رامي..
رامي بإحراج: اسف جدا كنت مفكرك لوحدك ياماما
زينب مسحت دموعها وقالت: لالا اتفضل يا مستر رامي انا خارجه اصلا
رامي لاحظ صوتها ووشها اللى غرقان دموع وقال: لا ولا أسف ولا حاجه اتفضلوا انتو كملوا كلامكم
زينب بهدوء:لالا اتفضل
_خرجت زينب وقعد رامي مع والدته
رامي بحزن ولكن حاول يخفيه: ماما هى زينب مالها؟!
يسريه بخبث: متقدملها عريس
رامي بصدمه: ايه؟!!
يسريه: ايه مالك؟! بقولك متقدملها عريس؟!
رامي: وهى بتعيط ليه؟!
يسريه: علشان مش عاوزه تتجوز
رامي: احم.. ماشي تصبحي على خير
_تاني يوم...
لبس رامي ووالدته وزينب وإستعدوا للسفر
إيمان بحزن: والله ياجماعه انتو كنتو منورينا..
يسريه بإبتسامة: تسلمي يارب ياحبيبتي.. وسلميلى على العروسه القمر وربنا يسعد أيامها يارب
اتدخل رامي وقال: ماما إسماعيل وصل يلا علشان نمشي
سلمت زينب ويسريه على إيمان ومشيوا
_فى الطريق
يسريه ل إسماعيل: إسماعيل إسماعيل اقف هنا
رامي إستغرب وقال: ليه ياماما؟!
يسريه ل زينب ورامي: تعالوا معايا انزلوا
رامي وزينب بصوا لبعض ومفيهموش ليه بس نزلوا
فضلو ماشيين يجي 5دقايق
رامي: إحنا رايحين فين؟!
يسريه بإبتسامة: هتعرف...
وفجأة وقفت وقالت إيه رأيكم؟!
رامي بعدم فهم: في أي؟!
يسريه: الأرض دى نصها بإسمك يا زينب والنص التاني بإسمك يا رامي..
رامي: الله هي جميله جدا ماشاء الله.. بس هعمل بيها إيه وانا اصلا مش قاعد هنا؟!
زينب بهدوء: بقالى كتير مجتش هنا بس الله بجد حلوه اوى
يسريه بإبتسامة: دى الذكري الوحيده اللى فاضله من أهلى.. دي الذكري اللى فاضلة من اخويا فريد الله يرحمه..
زينب ورامي: الله يرحمه
يسريه: اوعوا تفرطوا فيها..
رامي بإبتسامة: حاضر ياماما
زينب: ان شاء الله ياحبيبتي
رجعوا تاني وركبوا العربيه ووصلوا مصر...
طلبت زينب انها تروحّ شقتها.. فى الاول يسريه مكنتش موافقه ولكن مع إصرار زينب وافقت..
يسريه بإبتسامة اول لما دخلت البيت: هيييي البيت وحشني
رامي بضحك: لحق؟!
يسريه: اه والله.. بس كنت مبسوطه اوى فى البلد
رامي: الصراحه وانا
سميه بفرحه: اخيراااااا نورتوا البيت يا يسريه هانم
يسريه وهى بتقعد على الكنبة: حبيبتي يا سميه..
رامي: ماما هو انتى عملتي ايه في موضوع العريس اللى متقدم ل زينب؟!
يسريه بخبث: انت ايه رأيك؟.. اقنعها توافق؟!
رامى بتوتر ملحوظ: ايه ده وانا مالى توافق ولا لا
يسريه: انا برضو بقول كده
رامي بجمود: انا طالع اغير
طلع رامي غير لبسه وقعد مسك التليفون
لقي يارا باعته رسايل كتير
رامي بتأفف: اووووف بقي ورد عليها على قد الكلمه
_يسريه رنت علي مصطفى
يسريه: السلام عليكم يا مصطفى
مصطفى : وعليكم السلام ورحمة الله وبركاته...مين؟!
يسريه: انا يسريه ياحبيبي عمت زينب
مصطفى اتوتر وقال: اه اه اهلا بحضرتك
يسريه: بص يامصطفي يابني.. الصراحه انا قولت ل زينب على الموضوع وكده وهى قالت انها مش بتفكر فى الجواز..
مصطفى بحزن: تمام ياطنط كل شيئ قسمه ونصيب
يسريه: متزعلش ياحبيبي انت زي رامي ابني.. ربنا يسعدك يارب
مصطفى: شكرا جدا لحضرتك
بقلم شيري عصام
__تاني يوم..
لبس رامي ونزل يفطر مع والدته
رامي بإبتسامة: صباح الخير ياست الكل
يسريه: حبيبي تعالي بلا علشان تفطر
رامى قعد فطر وفى نص الكلام يسريه قالت
يسريه: تفتكر ليه يا رامي زينب رفضت العربس ده؟!
رامى وهو بياكل: هى حره
يسريه: ايوا منا عارفه.. بس مش ممكن يكون في حد في حياتها؟!
رامى وقفّ أكل وقال: انا خلصت.. عاوزه حاجه؟!
يسريه بإبتسامة: عاوزاك تفهم كلامي
رامى عمل نفسه دسمعش وقال: يلا سلام
_فى الشركه
رامى وصل الشركه ودخل مكتبه وأحمد جاله
رامي وهو بيحضن أحمد: وحشني والله يا أحمد
أحمد مبادله الحضن: انت اكتر والله
رامي: تعالي أقعد يلا
أحمد: ها ادينى قعدت.. ها قولي بقا مالك؟!
رامي: انت حاسس ان في حاجه متغيره فيا؟!
أحمد بضحك: اه حاسك قمر كده فى نفسك
رامي بضحك متبادل: ةنا بتكلم بجد
أحمد: بص انا أغلب الوقت كنت بشوفك متعصب ولكن بقالك فتره ماشاء الله فى المود وبتضحك كتير... راااااامي؟!!
رامي فهم من كلمة راااااامي دى ان أحمد فهمه وقال: إحم نعم
أحمد: مين البنت؟!
رامي عمل نفسه بيعدل البدله وقال: المفتاح كان هنا راح فين؟
أحمد بضحك مكتوم: إخلص هي مين؟!
رامي قال بتوتر: زينب
أحمد بصدمه: نعم؟!
رامي ايه؟!
أحمد بضحك: ياجامد
(أحمد فهم ان الله عز وجل كان بيبعده عن زينب لأنها مش نصيبه.. لأنها مش من حقه.. والله يعلم ونحن لانعلم أين الخير وأين يوجد.. وقرر يتركها لله فهو يعلم ان الله سيعوضه بِ الأفضل)
وفجأة الباب خبط
رامي وهو مبتسم: اتفضل
وفجأة ظهرت يارا
رامي اول لما شافها الإبتسامة إختفت
أحمد: انا ماشي انا علشان عندي شغل
رامي وهو بيحاول يقعده: لا تعالي اعمله بعدين
أحمد بهروب: لا مينفعش يتأجل
مشي أحمد وكان شبه بيهرب بجلده
يارا بإبتسامة: هااي أخبارك؟!
رامي وهو بيبص فى الاب: تمام وانتي؟!
يارا: اممم تمام كويسه.. اومال مش بترد علي رسايلي ليه؟!
رامي بتحوير: عندي شغل وحورات كتير ومشاكل ادعيلى ربنا ييسرها
_وهنا أحمد راح ل زينب وقالها ان رامي عاوزها..(علشان يخلى رامي يهرب من يارا)
يارا: ايوا ايوا منا عارفه ان عندك شغل.. وشغل مهم اوى كمان
رامي حس ان كلامها فيه لهجة سخريه وقال: اه طيب كويس انك عارفه
وفجأة دخلت زينب بعد م خبطتت وقالت: نعم يا مستر رامي!!
يارا اول لما شافتها قالت: اهلاااااا اهلااا بالشغل
زينب مكنتش فاهمه قصدها وفضلت واقفه
ورامي اتصدم من كلام يارا وقال: انتي ايه اللى بتقوليه ده؟!
يارا ببصة سخريه من زينب: بقا دى؟! دى الفلاحة اللى شغلاك عني؟! ومخلياك رافض ترتبط بيا؟!
وهنا رامي اتعصب جدا لدرجة ان عروق ايده بانت: ياراااااا
صوته كان عالى لدرجة ان الموظفين اللى برا سمعوه
يارا بإستهزاء: ها؟! عاوز تدافع عن حبيبة القلب؟
زينب كانت واقفه بتعيط من الكلام ومش عارفه تعمل ايه؟!
رامي بعصبيه: اطلعي برا... ولولا انى راجل كنت اتصرفت معاكي تصرف تاني.. يلا مش عاوز اشوف وشك هنا تاني..
يارا: امممم تمام همشي بس حسابك معايا يا زييينب
زينب واقفه مصدومه من الكلام ومشيت من قبل مَ رامي يتكلم
زينب أخدت شنطتها ومشيت من الشركه كلها
فضل رامي قاعد مش عارف يعمل إيه؟! كان حاسس بتوهان من اللى عملته يارا وزعل زينب منه
رامي ضغط الزر بتاع السكرتيره
رحمه دخلت: نعم يا مستر رامي؟!
رامي بحزن ملحوظ: ناديلى زينب..
رحمه: زينب مشيت
رامي بصدمه: نعم؟!!!!
رحمه اتوترت من صوته العالى وقالت: والله مشيت
رامي: تمام..ابعتيلي أحمد وروحي انتي
بعد كام دقيقه أحمد جه
أحمد بتوتر: ها.. حصل ايه؟!
رامي بعصببه: مين اللى جاب زينب ويارا هنا؟!
أحمد بتوتر أكتر: انا.. بس والله العظيم علشان اخاليك تهرب من اللى اسمها يارا دى ومكنتش أعرف ان كل ده هيحصل
رامى وهو حاطط إيده على وشه: أعمل ايه؟!!
أحمد قعد وقال: إثبت ليارا انك مش عاوزها وانك بتحب زينب فعلاً
رامي بحزن: ايوا اعمل ايه
أحمد اتجوزها..!
رامي بصله وفجأة قال: خاليك هنا انا ماشي وجاي كمان شويه
مشي رامي ورجع الڤيلا وطلب من والدته ترن على زينب
يسريه: في ايه يا رامي مالك؟! زينب كويسه صح؟! وبدأ لهجة صوتها تتغير لخوف
رامي بعصببه وحزن: ماما رني علي زينب وافتحي الاسبيكر
رنت يسريه على زينب
زينب بصوت ملحوظ فيه البكاء: السلام عليكم
يسريه بتوتر: حبيبتي انتى كويسه؟!
زينب بصوت حزين: اه الحمدلله..
يسريه: طيب انتي فين؟!
زينب: في البيت.. ليه؟
وفجأة اتدخل رامي وقال: زينب فضلاً تعالي على الڤيلا
زينب سكتت شويه وقالت: ليه يا مستر رامي؟!
رامي: تعالي بالله
زينب رفضت ولكن يسريه اقنعتها
بعد حوالى نص ساعه زينب جات
يسريه كانت قاعده مش عارفه تعمل ايه! ولا فاهمه في أي؟!
يسريه بحزن: ها مالكوا؟! حصل ايه؟!
رامي حكي كل حاجه قدامهم وقال: والله يازينب انا ماكان قصدي خالص انى اخاليها تأذيكي بالكلام ده.. يارا بنت طايشه ومش بتاخد بالها من كلامها
زينب بحزن: تمام ماشي مفيش مشكله
رامي لوالدته: ماما.... انا بطلب ايد زينب منك؟!!
زينب بتوتر بصت ل يسريه وسكتت
يسريه ل رامي بفرحه: انت متأكد؟!!
رامي بتسرع: انا بحب زينب وعاوز اتجوزها وانا بطلب ايدها منك
زينب بصت بصدمه ومتكلمتش
يسريه: طيب اطلب ايدها يلا
رامي بعدم فهم: منا بطلبها اهو
يسريه بإبتسامة غرور مصطنعه: لا.. تعالي تاني وإدخل تاني من الباب واقعد واطلب ايدها تاني
رامي بفرحه: حاضر
قام رامي ورن الجرس تاني وراحت سميه تفتح
سميه: اي ده مش انت لسه جاى يا رامي يابني؟!
قاطعها صوت يسريه وهى بتقول مين يابت ياسميه؟!
سميه: رامي بيه
يسريه: دخليييه
دخل رامي وقعد بعيد عنهم وقال: ماما انا بطلب ايد زينب منك
يسريه بغرور مصطنع: لا ياحبيبي انا مش ماما دلوقتي انا بقيت طنط يسريه مامت زينب
رامي جواه:(ده ايه العذاب ده بس ياربي بس يلا مش مهم): طنط انا بطلب ايد زينب منك؟!
يسريه: عندك شقه ياحبيبي؟!
رامي بضحك: لا عندي ڤيلا
وكل ده وزينب قاعده مش قادره تصدق نفسها من الفرحة
يسريه: شوفت بنتي فين؟!
رامي بضحك: مامااا بجد يلا
يسريه بجديه بعد ضحك كتير
يسريه: بص يا حبيبي المفروض الاول هنشوف رأي زينب.. وبعدين نصلى إستخاره علشان نشوف الله عز وجل مقدرلنا الخير في الموضوع ده ولالا..
رامي: حاضر
يسريه ل زينب: رأيك ايه يا زوزه؟!
زينب بإبتسامة: انا مش عارفه هصلى صلاة استخاره
يسريه: ماشي يا حبيبتي
يسريه ل رامي: وانت كمان صلى صلاة استخاره
رامي: حاضر
مشي رامي ورجع الشركه تاني
رامي لأحمد: طلبت ايدها يا احماااااااااد
أحمد بفرحه من رغم انه كان حزين من جواه علشان بيحبها ولكن شارك صاحبه الفرحة وقال: مبررروووك ايوا بقا خالينا نفرح بيك
بدأوا شغل وخلص اليوم اللى كان مليئ بالفرحة
تاني يوم
زينب رنت علي يسريه
يسريه: الووو ياجميل
زينب بفرحه: ايوا ياقلب الجميل.. انا موافقه
يسريه بفرحه: الله اكبر مش بعرف ازغرط والله.. وفجأة ندت على سميه وقالت بفرحه
بت يا سميه زغرطي
سميه بفرحه: ليه
زينب بضحك: زغرطي وخلاص.
سميه: لوووووووووولي
نزل رامي بفرحه من فوق وقال: ايه ياماما وافقت؟!
يسريه بفرحه: ايواااا
وبعد حوالى 3ايام أعلنت الجرايد خطوبة رامي السيوفي
يارا بعصبيه: لاااااااا.. هموتها والله لأخلص منها... خدته مني بنت ال******* مش هسيبه ليها
سعاد بشر وطمع: سيبي الموضوع ده عليا
__يوم الخطوبه واللى كانت حفله كبيره وماليانه رجال اعمال وفيها موظفين الشركه وكانت مليانه بالبهجه
زينب كانت لسه جوه ومعاها ميك أب ارتست وطلبت من يسريه انها هى اللى تلبسها خاتم الشبكه علشان مينفعش رامي يمسك ايدها
وبالفعل المكان كان ماليان بالسعادة والبهجه ويسريه لبست زينب الخاتم واللى كانت حاجه غريبه على الكل ان رامي السيوفي هيخطب واحده مش راضيه تخاليه يمسك ايدها وده اللى أثار إعجاب رامي أكتر ب زينب
(فَ الحشمه تجلب رجلٌ.. اما العُري يجلب ديوث)
وخلصت الحفلة وكان الكل قلبه سعيد
بعد الحفلة
سميه بفرحه: مش قادره اصدق ياناس... الله زينب ورامي بيه.. ربنا يتمم بخير يارب يا يسريه هانم
يسريه بفرحه: يارب ياحبيبتي يارب
تاني يوم راح رامي الشركه
رامي وهو مع أحمد: يبني انا حاسس نفسي طاير
أحمد بفرحه متبادله: والله انا فرحانلك أكتر منك.. يارب تمم بخير يارب... الا قولي يا رامي انت ازاي حبتها
رامي بضحك: من اول لما لما شوفتها وفكرتني بندي.. بس الصراحه اول مره حاسيت انى بحبها بجد يوم ما فوقت من الغيبوبه ولقيتها جامبي
أحمد بغزل: ايوا ياجامد.. ربنا يسعدكم ياصاحبي
أحمد: هي فين صحيح؟!
رامي: الصراحه مش عارف هي فين!
أحمد: طيب رن عليها شوفها فين
رامي: استني
رن رامي ولكن مردتش
رامي: مبتردش
أحمد: رن تاني يبني ممكن مسمعتش الفون.. انا مستغرب انها مجاتش لغاية دلوقتي
رامي: ممكن تكون نايمة؟!
أحمد بضحك: وانا ايش عرفني
رامي رن مره واتنين وتلاته ولكن مردتش خالص
رامي بقلق: لا انا كده قلقت.. هرن على ماما
أحمد بتوتر: رن كده
رامي: الو ايوا ياماما زينب عندك؟!.. لا!!!! مش عارف والله.. لا مجاتش الشغل لغاية دلوقتي
ولكن فجأه رن على رامي رقم غريب وهو بيكلم والدته
رامي: طيب ياماما انا هقفل دلوقتي
رامي: الوووو.. مين.! ايوا... وفجأه قال بصدمه: اييييييه!!!!!!!!
الخدامه_والبيه
البارت الحادي عشر من رواية #الخدامه_والبيه
رامي بقلق: لا انا كده قلقت.. هرن على ماما
أحمد بتوتر: رن كده
رامي: الو ايوا ياماما زينب عندك؟!.. لا!!!! مش عارف والله.. لا مجاتش الشغل لغاية دلوقتي
ولكن فجأه رن على رامي رقم غريب وهو بيكلم والدته
رامي: طيب ياماما انا هقفل دلوقتي
رامي: الوووو.. مين.! ايوا... وفجأه قال بصدمه: اييييييه!!!!!!
أحمد بقلق: ايه يابني؟!
ولكن فجأه رامي جري وأحمد جري وراه
رامي ركب العربيه بسرعه وأحمد مكنش فاهم حاجه
أحمد بخوف: في.. في إيه يابني؟!!
رامي بعصبيه ودموع: زينب حد ضربها بالعربية وودوها المستشفى
أحمد بصدمه: لا حول ولاقوة الابالله ده ازاي؟!
رامي بعصبيه أكتر: انا معررررررفش
أحمد لاحظ ان رامي ببسوق بسرعه كبيره جدا فقال بخوف: را... رامي سوق براحه هتموتنا
رامي بصوت عالي: أحمددددد اسكت..
أحمد كان قاعد مرعوب من سرعة العربيه
_عند يسريه
يسريه بتوتر: سميه.. سميه تعالي
سميه بسرعه: نعم يا يسريه هانم في إيه؟!
يسريه: زينب كلمتك النهارده؟!
سميه بعفويه: لا مكلمتنيش من اول امبارح
يسريه بتسرع: لا كده انا هرن على رامي
فى العربيه....
رامي بخوف: يارب... يارب
أحمد: طيب اهدى قربنا نوصل
رامي: اه المستشفى هناك اهي
أحمد بخوف: ربنا يستر ويسعدكم ياصاحبي..
رامي سمع التلفون ولكن مردش..
رامي ل أحمد: إنزل...
أحمد: رد يابني تليفونك بيرن
رامي بعصبيه ودموع أكتر: انزل يا أحمد إحنا فى ايه ولا ايه!!
رامي طلع يجري راح يسأل على إسم زينب
الممرضة: هى حالياً فى العمليات يافندم
رامى بخوف: طيب..
أحمد لحق رامي وقال: ها يا رامي هى فين؟!
رامي بحزن: فى العمليات
ولكن يسريه رنت تاني..
رامى: الوو
يسريه بخوف: رامي انت فين؟!
رامى بتعب: زينب عملت حادثه....
يسريه بصوت عالي ورعب: اييييييييه؟!! انت فين؟!!!
رامي: فى المستشفى
يسريه بصوت مرعوب متقطع: ها... هات الع.. العنوان
رامي:***********
قعد رامي فى الاستقبال ومعاه أحمد
رامي حاطط إيده على وشه وساكت..
أحمد: لا حول ولاقوة الابالله.. اهدى يا رامي وثق فى ربنا..
رامي بتنهد: حاسس نفسي شالل يا أحمد.. مش عارف اعمل ايه.!
أحمد بحزن: ادعيلها.. والله ربنا مش هيسيبك.. ربنا بيكون عارف اللى جواك قبل الناس وحاسس بيك وحاسس بتعبك وهيجبرك إدعيه انت بس وان شاء الله مش هيحصلها حاجه.. انت انسان بتحب ربنا وربنا بيحبك وانا واثق انه ان شاء الله مش هيخزلك))
رامي بتعب وعيونه ماليانه دموع: ااااااه... اول مره اكون خايف كده واول مره احس انى بحب حد بجد..
أحمد: خير ده ابتلاء من ربنا..
وفجأة يسريه دخلت بلهفه
يسريه برعب: را.. رامي زينب مالها؟! في ايه؟! هى كويسه!؟
أحمد بتهديه ليها: اهدى يا طنط هى ان شاء الله هتكون كويسه واحنا ان شاء الله هنعرف حصل كده ازاي؟!
وفجأة خرج الدكتور
يسريه ورامي بجري:..
يسريه ببكاء: زينب عامله ايه يا دكتور؟!
الدكتور: والله يافندم انا مش عارف اقول ايه بس هى نزفت دم كتير ومحتاجين فصيلة دم O_ ومحتاجينه ضروري...
ساعتها الكل بص لوحده ومكنش أي حد فيهم نفس الفصيله
رامي بعصبيه: طيب اييييييييه؟!!
الدكتور بجمود: والله يا فندم مش عارف.. بس هي مش نادره هى عادية يعني بس للاسف مش موجود منها حالياً..
احمد بتوتر: رامي..
رامي بصله وقال: نعم...!
احمد: رحمه السكرتيرة نفس فصيلة الدم لان انا من كام يوم كان في إيدى ملفات الموظفين واخدت بالي من فصيلة الدم... فإحنا ممكن نكلمها تيجي تتبرع
رامي بفرحه: بجد.. طيب يلا رن عليها
يسريه بحزن: ابعتولها عربيه ياولاد علشان متتأخرش
الدكتور رجع تاني:
_لو سمحت يافندم ياريت بسرعه
رن أحمد على رحمه وبسرعة وصلت رحمه وكانت زعلانه جدا وبابن عليها الحزن
رامي اول لما شافها: انسه رحمه... تعالي بسرعه
رحمه بجري: فى ابه ياجماعه طمنونى عليها؟!
يسريه بتسرع: بسرعه ياحبيبتي اتبرعي علشان الدكتور كل شويه يستعجلنا..
رحمه بتوتر: حاضر والله يايسريه هانم.. بس اعمل ايه دلوقتي؟!
وفجأة ظهرت ممرضه..
رحمه بتسرع لو سمحتي لو سمحتي..
الممرضه بإبتسامة بسيطه: اتفضلي يافندم
رحمه: عاوزه اتبرع للمريضه زينب..
الممرضه: زينب ايه يافندم؟!
رامي بتدخل: زينب فريد اسماعيل
الممرضه: اه تمام.. اتفضلي معايا على بنك الدم
راحت رحمه مع الممرضه
وبالفعل أخدت الممرضه عينه منها وبدات تحللها ولاقيتها صالحه للإستخدام وبعدين اخدت منها بقيت العينه
خرجت رحمه من بنك الدم وقعدت معاهم برا
يسريه بشكر: بجد مش عارفه اشكرك ازاي؟! وحضنتها وشكرتها جدا
رامي بإبتسامة: شكرا جدا ليكي يا رحمه
الدكتور وهو داخل اوضة العمليات
رامي بصوت عالى نسبيا: لو سمحت يادكتور
الدكتور لف وبص: ايوا يافندم؟!
رامي بإبتسامة بسيطه: احم لو مفيش هنا امكانيات عاليه ودكاتره خبره.. انا هنقلها لأكبر مستشفى فى مصر.. بس أهم حاجه تقوم بالسلامه
البارت الثاني عشر من رواية #الخدامه_والبيه
بصتلها زينب بإبتسامة وقالت بصوت واطي: تمام ياحبيبتي
وبعد خروج مريم مباشرةً رامي بص ل زينب وقال: انتى فاكره اللى ضربك بالعربية؟!
زينب بصتله بتذكر وقالت: لا
رامي بنظرة شر من اللى عمل كده: حاولى تفتكري يا زينب..
زينب بتحاول ولكن مش فاكره
وفجأة دخل حد وقال: انا عارفه مين اللى عمل كده...
بص رامي لقاها يارا
رامي بصدمه: يارا؟؟؟
زينب حاولت تقوم ولكن معرفتش
رامي بإبتسامة ل زينب: براحه.. مش هتعرفي تقومي.. ارتاحي
يارا وهي بتضغط على سنانها وقالت بغل: الف سلامه عليكي يا زينب
رامي بهدوء عكس اللى جواه: الله يسلمك.. مين بقا اللى عمل كده؟!
يارا بتكبر: عاوز تعرف؟!
رامي بغضب: اخلصي مين؟؟؟
يارا: إممممم اوك احمد. صاحبك..
رامي بصدمه وعصبيه: نعم!!!!!!!
يارا ببرود: خد اسمع
زينب كانت مصدومه من اللى بتسمعه
رامي بعصبيه أكتر: تعالى معايا براا
يارا ببرود: اوكي
طلعوا برا..
رامي بغضب جحيمي: بقولك ايه.! انا عارف انك انتى اللى عملتي كده.. ومش هسيبك
يارا بضحكة إستفزاز: ههههههههههه قولتلك أحمد صاحبك.. والدليل اهوو
رامي بعصبيه أخد منها التسجيل:
_فى التسجيل
صوت أحمد: هديك 50الف جنيه.. بس عايز زينب تنضرب بالعربيه
المجرم: حاضر يباشا..
أحمد بحذر: هتضربها ضاربه بسيطه وتاخدها على المستشفي ومن المستشفى هتخطفها.. انا مش هسيبها ليه..
المجرم بشر: اوعدك هنفذ اللى حضرتك عاوزه ياباشا.. بس بشرط فلوسي توصلنى النهارده
أحمد ببرود: نصهم النهارده ونصهم بعد العمليه..
_رامي كان واقف دموعه بتنزل ومش بيتكم..
يارا بضحك: ههههههههههه شوفت.. علشان متظلمنيش..
رامى قعد على الكرسي من الصدمه..
يارا ببرود: خد ده كمان
فتح رامي التسجيل لقي صوت أحمد ويارا
يارا: شوفتك وانت بتبص على زينب فى خطوبتها وكأنك هتموتها بعنيك
أحمد بضحكة: ههههههههههه ايوا ايه برضو.!
يارا: انت بتحب زينب.!!!
أحمد ببرود: ايوا..
رامي كان واقف وبيتمني يكون ده كابوس وميكونش صاحبه عمل كده فعلاً...
يارا بشفقه مصطنعه: تؤتؤتؤ.. متزعلش..
رامي إستعاد قوته من جديد عكس اللى جواه وقال: اممم بس ده مش دليل برضو.!
يارا ببرود: امممممم اوكي تمام إمسك كده الڤيديو ده.!
رامي فتح الفيديو.. لقي أحمد قاعد مع يارا
أحمد ل يارا: عاوزك تكوني فى صفي علشان انتقم من صاحب عمري علشان انا بحب حبيببته...
يارا: ههههههههههه معنديش مانع
رامي بغضب: بس بقااااا
يارا بضحكة مستفزه: ههههههه ماشي.. يلا باااي
رامي بغضب مسك ايدها
يارا ببرود: سيب إيدي..
رامي بغضب: ليه بتعملوا كده.!!!!!!
يارا: هو اللى بيعمل كده ليه.! وانا مالي.. إسأل صاحبك
رامي بإبتسامة: تمام شكرا جدا ليكِ يا يارا.. انك كشفتيلى صاحب عمري اللى عاوز يدمرني
يارا بإبتسامة وعدم فهم من طريقة: ميرسي انت عارف انا خايفه عليك وكده
رامى: تسلمي.. يلا هروحّ أنا.. تحبي اروحك معايا؟!
يارا بعدم فهم من التصرفات: معايا عربيه برا.. بس اوكي مفيش مشكله هروحّ معاك..
رامي بإبتسامة: طيب هروح اطمن علي زينب واقولها انى همشي
يارا بحقد: اممم تمام
راح رامي ووقفت يارا تراقب اللى بيحصل
رامي ل زينب: انا ماشي يا زينب والدكتوره هتاخد بالها منك لحد لما ماما تيجي..
زينب بدموع: وأحمد.!
رامي بغضب: مبقاش فى حد فى حياتنا اسمه احمد خلاص
زينب بدموع أكتر: الله المستعان.. مع السلامه
مشي رامي وروحت معاه يارا
_فى الطريق
يارا بهدوء: هتعمل ايه مع أحمد؟!
رامي وهو سايق: لسه هشوف
يارا: زينب من ساعت ما دخلت حياتك وانت المشاكل ملت حياتك
رامي بجمود: معاكي حق
يارا ببرود: تيجي نتقابل بكره فى ************
رامي بضحك: من رغم انى زعلان منك بس ماشي نتقابل
يارا بضحكة: ماشي يا رامي
روحّ رامي وإتصل على أحمد
أحمد مش بيرد
رامي رن تاني وبرضو أحمد مش بيرد
رامي بعصبيه: انا هوريك يا إبن ال******
يسريه بتسرع: مالك..! في إيه يا رامي؟!
رامي بعصبيه: مش مصدق نفسي.. دا أنا مآمنك على كل حاجه..
يسريه بصدمه: في اييه يابني!!! اتكلم
رامي بغضب مسك الڤازه وكسرها
يسريه ضربته بالقلم...
رامي بصدمه: ايه ده!!
يسريه بحزن على اللى عملته ولكن بينت عكسه: ده لأنك مش محترم والدتك واقفه بتسألك مالك.! تروح مزعق وكاسر الڤازه!!!!
رامي أخد الجاكيت ونزل جري..
يسريه بحزن: اااااه ياربي هو انا هلاحقها منين ولا منين
ولبست وراحت ل زينب هى وسميه
_فى العربيه
رامي بغضب: لييييه كده!!! لييييه!
ورن تاني على أحمد..
أحمد: الوووو.!
رامي: انت فين يا*****
أحمد: اهدى ومتشتمش في ايه.!
رامي بغضب أكتر: بقا انت تعمل فيا كده؟!!!
أحمد: اهدى يعم مكنتش بنت هتوقع ما بينا جرا ايه؟!
وقفل أحمد في وش رامي
رامي بعصبيه وحزن: يا إبن ال****
وبعد حوالى أربع ساعات رجع رامي البيت
رامي بتعب اول ما دخل اوضته: اااه يارب
ورمي نفسه على السرير وغرق فى النوم...
_فى المستشفى
زينب ويسريه قاعدين ساكتين والحزن فى عنيهم
يسريه بحزن: "قد ايه الخزلان بيجي من أقرب الناس لينا"
سميه قعدت والدموع فى عنيها: لا حول ولاقوة الابالله
قعدت زينب ومش بتتكلم
وفجأة دخلت والدة أحمد وحنان..
يسريه بإبتسامة مصطنعه: ازيك ياحبيبتي عامله ايه؟؛
والدة أحمد حضنتها وقالت: الف سلامه على زينب يا حبيبة قلبي.. ربنا يشفيها ويعافيها
يسريه بإبتسامة ليهم: اتفضلو اتفضلوا
يسريه: اومال أحمد فين يا جماعه.. خرج الصبح ومراجعش
والده أحمد بتوتر: أحمد؟! أحمد مسافر
يسريه بخبث: مسافر فين؟!
حنان اتدخلت وقالت: مش عارفين ياطنط هو قال انه مسافر وملحقناش نسأله فين.!
يسريه بخبث: اممممم تمام ياحبيبتي يرجع بالسلامه يارب
والدة أحمد بحزن جواها: ايه اللى بيحصل ده بس يارب
وبعد حوالى ساعتين..
مريم دخلت ل زينب: السلام عليكم ياجميل؟!
زينب بإبتسامة بسيطه: وعليكم السلام ورحمة الله وبركاته اتفضلي
يسريه بحب: اتفضلي يا دكتور
قعدت مريم وبدأت تطمن على زينب وتشوف نسبة التحسن..
مريم بقلق: ها شيفاكى زعلانه.. مالك؟!
زينب بدموع: مفيش شوية مشاكل بس
يسريه بحزن: مش راضيه تاكل حاجه يادكتور خالص
مريم: لا يا حبيبي لازم تاكلى.. بصي هتلاقيني بعاملك زي الاطفال بس دى حاجه فيا ومش بعرف اغيرها
زينب بدموع: ربنا يسعدك
مريم إبتسمت وقالت: كُلى يا حبيبي علشان لسه مفيش تحسن فى حالتك وضغطك عالي
يسريه بحذر: شوفتي مش انا قولتلك.. كلامي مش بيتسمع
مريم بضحك: ههههههههههه والله ماما دايما تقول كده
يسريه: نعملكم ايه انتو متعبين مش بتسمعوا الكلام
مريم بضحك وهى قايمه: ههههههههههه ياطنط والله الكل كده
يسريه بضحك بسيط: ربنا معاكم ياحبيبتي
مريم بإبتسامة: تسلمي ياحبيبتي.. يلا عن إذنكم
الكل: اتفضلي
خلص اليوم اللى كان كله حزن وصدمه على الكل
وطلع النهار جديد «الصباح ولادة للأمل، ومبعث للتفاؤل ومشرق للعمل، لا تدري به إلّا إذا استيقظت فيه، ولا تحس به إلّا إذا شاهدت بياضه وشممت هواءه، وملأت أجواء روحك بصوت عصافيره ونقاء أساريره وصمت هدوئه.»
الساعه 10 الصبح فى بيت مريم
والدة مريم (مني): بت يامريم أصحى
مريم بنوم: حرام ياماما انا لسه نايمه دلوقتي
والدة مريم: يابت اصحي يابت بصي اللى حصل
مريم بتركيز: نعم.. ها ادينى قعدت
والدة مريم: بيقولك واحده قتلت صاحبتها
مريم بنوم تاني: وانا اعمل ايه يامامااا
والدة مريم: شوف البت..
مريم بضحك: يستى اهو.. قوليلى اعمل ايه؟!
والدة مريم: بصي يابت انتي.. اوعي تأمنى لحد وحتى لو صاحبتك دى روحك كده.. لا يختي اهُم عِشرة سنين اهُم وقتلتها.. يبنتي القيامة هتقوم القتل كتر اوى.. مره واحده تقتل جوزها ومره واحد يقتل مراته وبعدين واحده ترمي بنتها من البلكونة وبعدين واحده تقتل صاحبتها.. ياويلنا ربنا يستر من اللى جاي..
مريم بقلق: غريب اوى ازاي الناس تعمل كده فى بعضهم؟! ازاي البشر اللى مخلوقين لعبادة ربنا وتعمير الارض هما اللى بيخربوها وبيقتلوا فى بعض؟! والله يا أمي الواحد بيتعجب
والدة مريم: متأمنيش يا مريم لحد اوعى ياحبيبتي.. وحاولى دايما تكوني واخده حذرك.. الغدر بيجي من اقرب الناس.. اه اضحكي وامبسطى وافرحي واخرجي وعيشي ولكن خدى حذرك واتوقعي دايما الخيانه من أي حد
مريم بإبتسامة: حاضر ياماما..(وكملت بمشاكسه وقالت): انتى ضيعتي النوم من عيني ناديلى البت اسماء خالينا نفطر
اسماء بضحك: هاهاهاو انا جيت..
مريم: يختي عليكي
(بيت مريم) : هى عيله مكونه من أم (مني) والأب (نبيل) والاخت الصغيره (أسماء) والاخ الاوسط (محمد) و(مريم) عيله سعيده بتحب الخير للكل.. والد مريم شغال دكتور كبير وصاحب المستشفى اللى فيها زينب.. ووالدة مريم ربة منزل
أسماء: بتجيبو سيرتي ليه؟!
مريم: يختي اتنيلى يعني هنجيب سيرتك ليه
منى بضحك: يختاااي هتمسكوا فى بعض.. يلا يابت انتى وهى بابا مستنيكم يلا علشان نفطر
اسماء ومريم بضحك: يلا
ــــــــــــــــــــــــــــــــــــــــــــ
عند يارا
سعاد: مالك يا يويو؟!
يارا: مستغربه رامي يامامى من ساعت لما عرف ان احمد اللى عمل كده وهو بيعاملني كويس
سعاد بخبث: امممم طيب هتعملي ايه؟!
يارا: عادي هاخد بالى واشوف هي التصرفات دى وراها ايه؟!
سعاد: اوكي.. تعالي علشان سعاد حضرت الفطار.. تعالي نفطر.
ولكن فجأه رن رقم غريب على يارا
يارا: ألو
المجهول: اهلا اهلا بيكي يا يارا
يارا ببرود: مين؟!
المجهول: انا احمد..
يارا: ــــــــــــــــــــــــــــــــــ
#الخدامه_والبيه
#علق_ب_10_ملصقات_ليصلك_كل_جديد
#البارت_الثالث_عشر_قريب_ان_شاء_الله
#فولو_للصفحه_الرئيسية_علشان_تتابع_مواعيد_كل_جديد
رأيكم_يهمني
