 |
قصة_كامله
_بنت خالي القمر
=ابن عمتي بتاع مصلحته
_انا بتاع مصلحتي يا حنين؟! تصدقي انك متستحقيش الشوكلاته ال انا جايبهالك دي
طلع شوكولاته من جيبه ومدالي ايده بيها
شديتها من ايده=يعني انت جيب الشوكلاته دي ليا من غير متكون عايز مني حاجه
قعد على الكرسي ال قدامي_لا طبعا اكيد عايز منك حاجه
=مش بقولك
عيب يا ابني دا انا حفظاك
ارغي عايز ايه
_ابوس ايدك عرفيني على القمر ال كانت واقفه معاكي في الجامعة النهارده دي
=يبني ما تتهد شويه انت مش مرتبط ب ال اسمها اميره دي
_دا انتي قديمه اوي يا حنين
دا انا سايبها بقالي اسبوع
=مقولتليش يعني
_مهو مجاتش مناسبة بقي يا حنين
ها بقي قولتي ايه
موافقة صح؟!
=سابني افكر
_متخلصي بقي يا حنين
=خلاص يا ابراهيم هحاول معاها
_هي اسمها ايه
=حور
_الله اسمها جميل زيها
=بجد؟
طيب يلا بقي اطلع برا بدل ما اغير رأيي
قام بسرعه_لا والنبي يا حنين تغيري رأيك ايه بس
انا اصلا مروح
تصبحي على خير
ضحكت=وانت من اهله
سابني ومشي
ابراهيم ابن عمتي اكبر مني بسنه متربين سوا واوقتنا كلها بنقضيها سوا دايما بغطي عليه في كل مصايبه ابراهيم بالنسبالي اخويا الكبير ال ربنا بعتهولي ابراهيم اخويا الكبير وعمري ما اتخيلت ابراهيم يكون ليا حاجه تانيه غير اخ
______
غبيه وهتفضل طول عمرها غبيه طول الوقت بحاول اكون مع بنات غيرها علشان تغير عليا وهي ولا هنا
حبي ل حنين كان بيكبر كل يوم عن التاني وحاولت اني اخليها تحبني زي ما بحبها او اخليها تغير عليا بس هي غبيه ومش بتفهم كل ال انا بعمله دا علشان اخليها تحبني
البلكونه هي مكانها المفضل ال بتحب تقعد فيه بليل مع فنجان القهوه الساده بتاعها وهي بتقرا روايه جديده
اسعد اوقاتها وهي بتتفرج على فيلم ابيض واسود بتشوفه ل اول مرة
اعرف عنها كل حاجه بتحبها او بتكرهها كل تفاصيل حنين بحبها ونفسي يجي اليوم ال تحبني فيه
كنت واقف باصص عليها وانا ساند على الحيطه ومربع ايدي ومبتسم
كانت قاعده بتقرا روايه ومحستش بوجودي خالص
_نحن هنا
اتخضيت وبصاتلي
=حرام عليك يا ابراهيم كنت هتوقق قلبي
شديت الكرسي وقعدت عليه_بقالي نص ساعة واقف هنا وانتي ولا هنا
=كنت بقرأ الرواية ماخدتش بالي
_شكل الرواية عجبتك
=جدا يا ابراهيم
عارف يا ابراهيم الروايات دي بتظهر معني الحب الحقيقي
الحب دا اجمل حاجه في الدنيا الحب دا قادر يغير حياتك كلها للاحسن ويعيشك اسعد لحظات حياتك
انا بجد نفسي اني اعيش قصه حب كبيرة زي الروايات والافلام دي
_هو دا عيبك الوحيد يا حنين
=عيب ايه؟!
_دايما عايشه في اوهام الروايات والافلام القديمه دايما مستنيه الشخص ال هتحبيه جايلك على حصانه الابيض و ينزلك على ركبته ويعرض عليكي الجواز وتتجوزوا وتعيشوا اجمل قصه حب من غير اي تعب او حزن مع اني شايف الحب دا من نظرة تانيه غير ال انتي شايفاها خالص
الحب دا اكبر عذاب ممكن تتعذبيه في حياتك يا حنين انتي عمرك ما حبيتي علشان كده عمرك ما هتحسي ب ال انا حاسس بيه عمرك ما هتحسي بالعذاب ال انا بعيشه بسبب حبي ل انسانه عمرها ما حبيتني في يوم
=لا انا بجد مش مصدقه ال انا بسمعه ابراهيم ال كل يوم مع واحده هو ال بيقول الكلام دا
ابتسمت_مش يمكن بحاول ادايقها بالطريقة دي يا حنين
اتعدلت في قعدتها=لا بقي انت شكلك بتتكلم بجد
انت بجد بتحب يا ابراهيم
_للاسف وصلت لمرحلة اكبر من الحب وصلن ل مرحله العشق يا حنين بس مفيش فايده عمرها ما هتحبني
=ليه هو انت قولتلها انك بتحبها
هزيت رأسي ب لا
=تبقي غبي
لازم تقولها يا ابراهيم وتعرفها انك بتحبها وساعتها هتعرف اذا كانت بتحبك هي كمان ولا لا ما يمكن هي كمان بتحبك ومستنياك أنت ال تقولها الاول
اوع تكون فاكر ان في بنت هتروح تعترف للشخص ال بتحبه ب حبها مستحيل دا يحصل يا ابراهيم
ازاي انت بتقول انك عايش في عذاب بسبب حبك وانت في نفس الوقت مش عايز تجرب انك تروحلها وتعرفها انك بتحبها
_انا بحبك يا حنين
______
قطعني بالكلمه دي في وسط كلامي
بصاتله بصدمه ومكنتش عارفه اعمل ايه ولا ارد عليه ب ايه
_مالك ساكته ليه
مش انتي ال قولتيلي اروح واقول لل بحبها اني بحبها يمكن تكون بتحبني هي كمان
وانا بقي عملت ب نصيحتك وبقولك اني بحبك يا حنين
=ابراهيم انا
_انتي ايه؟!
عمرك ما شوفتيني غير اخ وبس في نظرك عمرك ما شوفتيني حبيب ليكي صح ؟!
مانا عارف يا حنين علشان كده ساكت وعمري ما اعترفتلك ب حبي طول عمري ساكت ومستحمل عذاب حبي ليكي وعمري ما قولتلك على حبي دا علشان عارف ردك هيكون ايه وعلشان خايف على علاقتنا كمان انها تدمر فضلت ساكت
مسح دموعه ال بدات تنزل منه وابتسم
_بقولك ايه انسي كل دا انسي ولا كأنك سمعتي حاجه انتي بنت خالي وانا ابن عمتك ومينفعش علاقتنا تكون غير كده
بص في ساعته_يااه دا انا اتاخرت اوي ولازم اروح يلا تصبحي على خير بقي اشوفك بكرة
قام ومشي وانا فضلت باصه عليه وساكته لحد ما مشي
مكنتش متخيله انه هيجي يوم و ابراهيم يحبني فيه واننا نقعد القعده دي في يوم طول عمري كنت شايفه ابراهيم اخ ليا سندي في الدنيا ال بيحمني من اي حد بيحاول يدايقني
عمري ما كنت اتوقع انه يحبني في يوم
عدا شهر على اليوم دا وإبراهيم كان كل يوم بيجيلي كالعادة وكان بيقعد معايا يضحك ويهزر و كأن مفيش اي حاجه حصلت
كنا قاعدين احنا الاتنين ساكتين
بصاتله وبدأت اتكلم=لحد امتي هنفضل كده يا ابراهيم
بصالي_هنفضل إزاي يعني يا حنين مش فاهم
=انت فاهمني كويس يا ابراهيم
انت بقالك شهر بتتعامل معايا عادي ولا كأن حصل حاجه
انت ازاي قادر تيجي وتقعد معايا وتضحك وتهزر ولا كأني رفضت حبك ليا دا ومكلمتنيش عن حبك دا ولا مرة
_علشان بحبك يا حنين
علشان انا بحبك ولا انا قادر ابعد عنك ولا قادر اتكلم معاكي في الموضوع دا واخليكي انتي ال تبعدي عني ودي حاجه مش هقدر استحملها
حاولت كذا مرة اني ابعد عنك ومحاولش اكلمك لاني عارف انك مستحيل تحبيني لكن مقدرتش في كل مرة كنت برجعلك وبحبك اكتر من الاول انا ااه بحبك اكتر من اي حاجه في الدنيا بس انا ممكن ادوس على قلبي واخليه يتعذب علشان افضل جمبك حتي ولو اخ يا حنين اني اشوفك فرحانه قدامي وسعيدة حتي لو مع غيري كأني انا ال فرحان وسعيد يا حنين
=للدرجه دي بتحبني يا ابراهيم
=وحياتك واكتر من الدرجه دي يا حنين
بس مبقاش مهم انتي عمرك ما هتحبيني ولا هيفرق معاكي الكلام دا
=انا بحبك يا ابراهيم
بصالي بصدمه
=ايوه بحبك يا ابراهيم
بس للاسف اكتشفت دا متأخر اكتشفت انك اكتر واحد بحبه واكتر شخص يستحق حبي دا في الدنيا دي كلها طول الوقت ال فات دا وانا مفكره حبي ليك دا كان حب اخوة وبس لكن طلعت غلطانه عمر حبي ليك دا ما كان حب اخوة يا ابراهيم طول الوقت ال فات كنت بحاول اتجنب الاحساس ب الضيق ال كنت بحاسه تجاهك لما بشوفك مع كل بنت غيري وبقول اني عمري ما هغير عليك لانك اخويا بس اكتشفت دلوقتي اني كنت بغير عليك بجد يا ابراهيم لاني بحبك
ابتسم_ياااه يا حنين اخيرا قولتيها اخيرا قولتي الكلمه ال كان نفسي اسمعها من زمان اخيرا قولتي انك بتحبيني كنت واثق انك في يوم هتقوليها وكنت مستني اليوم دا وكان عندي استعداد استني العمر كله علشان اسمع الكلمه دي
بحبك يا حنين
بحبك يا اغلي حاجه في حياتي
بحبك يا ال نورتي حياتي بحبك
وٌکْلَمًآ نِظُرتٌ آلَيَکْ تٌوٌقُفُ آلَعٌآلَمً مًنِ حًوٌلَيَ❤
للقصص الجديده تابعني
