الحلقة 5
الحلقة 6
الحلقة 7
الحلقة 8
رواية / الفقيرة والغني
علقوا هنا ب عشر ملصقات
ونكمل بعد شوية
💗💗💗💗💗💗💗💗💗💗💗💗💗💗
الفصل الخامس
.
.
.
بقلم:ملك شريف
بعد مرور شهر اثبتت فيه سيليا نشاطها في العمل واجتهادها الملحوظ بين جميع المهندسين في الشركة واصبح لها زملاء في العمل طيبون وتحسنت علاقتها بعض شئ مع مراد حيث تعودوا علي ان يقضوا فترة الغداء مع بعضهم وكل منهم لا يعرف لما ينجذب للاخر بهذه الطريقة ولكنهم فرحين بذلك وكذلك ادهم وزينب الذي انتهز فرصة وجود سيليا معهم في الشركة واعترف لسيليا بكل مشاعره اتجاه زينب واتفقا علي انها سوف تساعده ولكن عليه اولا ان يظهر حبه لها تدريجيا...
وبالفعل بدأت تلاحظة زينب حبه لها ولكنها كانت تذكر نفسها بانه مديرها في العمل ولا يصح شئ كهذا ورجوع والدة مراد والتي لاحظة تغير مراد حيث انه اصبح فرحا عن الاول وطباعه الحادة والجادة رويدا رويدا لم تكن موجودة واصبح خفيف الظل ولكنها ظنت انه يوجد فتاه ما في حياته هي صاحبة الفضل في ذلك ولكن ما يؤسف انها ظنت انها ثرية لها عائلة......لم يتوقف عم سيليا البحث عنها.
وفي احدي الايام كان ادم اخو زينب ذاهب لها في الشركة كي ياخذ منها المال فاليوم هو يوم قبض المرتب وبالطبع هو من يأخده منها وفي هذا التوقيت كان توقيت الاستراحة ذهبت سيليا لزينب قبل ان تذهب لتناول وجبه الغداء وبالصدفة كان أدهم ومراد ذاهبون من عند المكتب و كان ادم داخل المكتب فدخل ادم وبعده بفترة دخلت سيليا ومن الصدمة الباب كان مفتوحا طبعا ادم اول لما شافها قام من مكانه مصدوم فهو اكيد لم يكن يتخيل ان يجدها هنا
ادم.....انتي بتعملي ايه هنا وقام مسكها من ذراعها.
سيليا.... اي اي سيبي يا ادم لوسمحت سيبني في حالي بقي انت عايز مني ايييه
ادم.... عايز فلوسك يا حلوة وخادها غصبن عنك وفقيها اني هتجوزك
سيليا.... مش هيحصل يا ادم وسيبني بدل ما اطلب لك الامن
زينب..... امشي لو سمحت يا ادم بقي مش خدت اللي انت عايزه
ادم لزينب.... بقولك ايه انا مش عايز اسمع صوتك احسن لك بقي عارفة مكانها ومش عايزة تقولي والله لوريكي وانتي(يقصد سيليا) تعالي معايا بالذوق بدل ما تزعلي
مراد... طب وريني كدة هتزعلها ازاي.
.
💗💗💗💗💗💗💗💗💗💗💗💗💗💗
الفصل السادس
التفت كل من ادم وسيليا وزينب لمراد الغاضب كالثور فعندما كان ذاهب ورأي ما حدث وشخص يمسك سيليا من دراعها الدم غلي في عروقه ازاي يتجرأ ويعمل كدة محسش بنفسه الا وهو داخل ومستعد للخناق اما بالنسبة لادهم فكان هو كمان علي أهبة الاستعداد للمواجهة فهو كمان سمع الكلام اللي قاله ادم لزينب ومحدش بقي طايقة خالص نيجي علي الجانب التاني سيليا كانت مرعوبة بس متعرفش ليه لما شافت مراد وهو لتاني مرة هينقذها ارتحات واطمأنت ان مفيش حاجة هتحصل لها وحشة وزينب كانت مرعوبة علي اخوها فهي بردو بتحبه بطبعها لانها طيبة وده اخوها وشايفة انه لو اتغير هيكون احسن من كدة وان السبب في اللي هو فيه ده دلع باباها الزايد له وانه مخليه فارض سيطرته علي الكل اما ادم فهو مكنش عارف مين دول وايه دخل مراد ب سيليا علشان يدافع عنهاواخد هو كمان وضعية الهجوم ولااراديا ساب ايد سيليا اللي جريت علي زينب وحضنتها وزينب اللي ضمتها ليها تحاول بث الطمأنينة لها ومراد اللي اول لما شاف دموع سيليا اتجنن اكتر..
ادم...في حاجة يا اساتذة
مراد....يا بجاحتك يا اخي يعني بتتعدي علي اتنين يخصوني وفي مكاني وكمان بتبجح ده انت يظهر متعرفنيش بقي انا مراد الروبي يعني يا بابا اقدر اوديك ورا الشمس ومحدش يعرف لك مكان ابدا
ادم وعلي الرغم من خوفه بس مبينش.....والله انت ملكش دعوة ولا تقدر تعملي حاجة لاني ببساطة بكلم اختي وبنت عمي وخطيبتي وكلها كام يوم وتبقي مراتي يعني ملكش فيه وان كان علي مكانك فانا هاخدهم دلوقتي ومكلش حاجة عندنا كدة.
سيليا..... اخرس يا كداب يا اللي بترمي الناس بالباطل انت بتتكلم عن مين خطيبة مين ومرات مين انا يستحيل اتجوز واحد زيك ولو انت اخر واحد في العالم او لو بموت وجوازي منك هيكون سبب اني اتعافي فانا افضل الموت علي جوازي منك
ادم.... بقي انتي بتفضلي الموت عليا طب والله لاوريكي علشان يظهر كدة ان هروبك مننا خلاكي تنسي نفسك والله اعلم انتي عايشة فين اصلا
ولسة هيحط ايده عليها علشان يمسكها كان في ايد من حديد هي اللي مسكت ايده وبالايد التانية جابت سيليا في ظهره وده طبعا كان مراد اللي مستحملش انه يحط ايده عليها ابدا.
مراد.... ايدك دي لو اتحطت عليها تاني هتوحشك وكلامك ده انا هعاقبك عليه.... وانهال عليه باللكمات وادم غير قادر علي الدفاع عن نفسه ومن سوء حظه ان الكل الموظفين في الكافيتريا بس سيليا مكنتش قادرة تستحمل اكتر من كدة فهتفت قائلة.... خلاص يا مستر مراد ارجوك سيبه قالت هذه الجملة ومن بعد ذلك انفجرت في البكاء بالطبع هي ليست خائفة علي ادم واينما تموت رعبا علي مراد ترك مراد ادم اللي هم بالجري ولكن وقف امامه ادهم.
مراد.....لو شوفتك بس بتقرب منها في اي مكان مش هيحصلك كويس وساعتها محدش هيقدر يوقفني عن اللي هعمله معاك وابقي اسأل عن مين هو مراد الروبي قبل ما تفكر تيجي جنب حاجة تخصه.
ادهم...... بالنسبة للانسة زينب عارف لو بس اتجرأت وحكيت حاجة لاهلك او عملت لها حاجة ومديت ايدك عليها مش مراد اللي هيوقف لك انا اللي هقفلك وساعتها هتشوف اللي عمرك ما شوفته من تعذيب حاجات كدة متخطرش علي بالك ولعلمك احنا بنعمل مش بنهدد بس وابقي اسأل اي حد عن مين هما مراد الروبي وادهم المنياوي وانت تعرف و تركه يرحل..رحل ادم وهو يتألم من كمية اللكمات وهو غير قادر علي الدفاع عن نفسه فكيف الان سيتعجرف علي اخته او سيليا فهم من شاهدوا كل ما حدث والمؤسف ان من افضال سيليا انها من جعلت مراد يتوقف عن ضربه توعد لهم في سره علي جعل سيليا له في النهاية وبتأديب اخته ولكن وهو راحل من الشركة سمع احد الموظفين يتحدث عن كاميليا هانم وعن مدي صرامتها في العمل وعن انها تبحث لابنها عن عروسة ما من الاثرياء...
.
💗💗💗💗💗💗💗💗💗💗💗💗💗💗
الفصل السابع
.
.
.
نرجع لسيليا ومراد وزينب وادهم بعد ان اطمأنوا علي بعض وكان وقت البريك خلص طبعا بنظرات الخوف اللي فى عنين ادهم علي زينب وبعد كل ده مستحملش سكوت اكتر من كدة وفجر قنبلة محدش كان يتوقع انه يقولها في وقت زي ده.
ادهم....انسة زينب
زينب....نعم يا مستر ادهم
ادهم وهو يركع علي ركبة ونص.. زينب انا عايز اتجوزك انا بحبك من زمان بس كنت خايف اتكلم اخسرك بس مش هقدر استحمل اكتر من كدة الصراحة
زينة.....ودلوقتي مش خايف لتخسرني بردو
أدهم بثقة....مش خايف من اي حاجة وواثق انك هتقبلي طلبي
زينة بزهول....ايه كل الثقة دي ده غرور بقي ولا ايه
ادهم...لا مش غرور بس ثقة ها ايه رأيك.
زينة بخجل....احم تقدر تطلبني من بابا وهو يقولك رايي يا مستر ادهم
ادهم بفرحة.....طب ممكن بقي معاد في اسرع وقت مع باباكي علشان اقابله
زينب...حاضر عن اذنكوا
ادهم....انتي راحة فين ده المكتب بتاعك اصلا
زينب بخجل شديد...انا اسفة مخدتش بالي
مراد بغمزة....اللي واخد عقلك.
زينب بخجل....احم ولا حاجة يا افندم
سيليا.....حرام عليكو يا جماعة اعصاب البنت
زينب....تسلميلي يا قلبي
سيليا بغمزة....بس بردو ايه اللي واخد عقلك.
ضحك كل من في الغرفة وكانت الحياة بالنبسة لهم في منتهي السعادة وفي اليوم التالي اخبرت زينب ادهم ان والدها حدد ميعاد معه بعد يومين الساعة الثامنة مر ذلك اليومين بدون اي جديد الي حد ماولكن كان مراد قد عرف انه وقع في حب سيليا وكان يريد ان يعترف لها وفي يوم المقابلة...
.
💗💗💗💗💗💗💗💗💗💗💗💗💗💗
الفصل الثامن
.
.
.
.
ذهب كلا من ادهم ومراد الي منزل زينب لطلب يدها..لم يتردد والدها في الموافقة حين قالت له زينب انه مديرها وايضا الجميع يعلم من هو ادهم المنياوي ومكانته ولكن اراد ان يعزز من نفسه لا من اجل ابنته بعد مرور بعض الوقت للتعارف
والد زينب بتعجرف....امال والدك ووالدتك مجوش معاك ليه ولا احنا بقي مش قد المقام
ادهم وهو يسيطر علي غضبه من عجرفته ......انا اهلي متوفين وماليش غير عم عايش في باريس وبعدين انا جبت معايا صاحبي واخويا وشريكي مراد الروبي واظن ان حضرتك عارفه.
والد زينب بطمع....اه اه اه طبعا مراد الروبي اشهر من النار علي العلم
مراد برسميه...اتشرف بحضرتك يا استاذ ماهر وياريت نخش في الموضوع علي طول
ادهم.... في الحقيقة انا كنت جاي وطالب ايد بنت حضرتك الانسة زينب وكل اللي هي عايزاه هعمله من قبل ما تطلبه حتي واظن ان الانسة زينب بلغت حضرتك بكل حاجة.
ماهر...اه اه فعلا في الحقيقة انا ارتحت لك وموافق وزينب موافقة طول ما انا موافق لان الرأي هنا رأيي انا
ادهم.... وانا بردو يهمني اني اسمع رأيها منها
ماهر وهو ينادى علي زينب....يا زينب تعالي يلا
دخلت اولا الحاجة فاطمة ومن بعدها زينب وهي تحمل صينية المشوربات وقدمت لجميع من في الغرفة وبعدها ذهبت لتجلس بجانب امها التي ربتت علي ظهرها وهي تري خجل بنتها.
ماهر وهي يحدث زينب وبعينيه يخبرها علي تنفيذ ما امرها به...زينب الاستاذ ادهم عايز يعرف رأيك ايه وانا قولت له اني موافق وانك مش هترفضي لي طلب بس هو عايز يسمع منك
زينب...اللي تشوفه يا بابا
ماهر....يبقي نتفق بقي.
ادهم....بعد اذنك يا عمي انا كنت عايز اعمل كتب كتاب وفرح علي طول ملوش لزوم الخطوبة دي تضيع وقت واظن ان زينب تعرفني وانا اعرفها وبقيت التعارف يبقي بعد الجواز واحنا هنعيش في الفيلا بتاعتي.
ماهر.... وانا موافق.
وبعد فترة من طلبات ماهر وموافقة ادهم علي كل مطالبه بينما حرج زينب من والدها وهو يظهر طمعه كانه يبيعها وليس خائف عليها انتهي كل ذلك بتحديد موعد العرس بعد اسبوعين حتي تتمكن زينب من استعادها بجميع مطلباتها
وفي اليوم التالي سردت زينب لسيليا كل ما حدث
سيليا.....طب مبروك يا زوزو ايه اللي مضايقك بس مش انتي بتحبيه.
زينب...اه بحبه بس اللي مزعلني ابويا وهو كأنه بيبعني للي معاه فلوس مش علشاني
سيليا....مضايقيش نفسك بكره لما تبقي مع ادهم هيعرف يحميكي منه ومش هيخلي حد يزعلك هو بيحبك.
علي الجهة الاخري في قصر الروبي كان يجلس مراد مع والدته يتحدثون عن امور زواج ادهم
كاميليا....وياتري ادهم هيتجوز مين وبنت مين.
مراد....هيتجوز بنت بتشتغل معانا في الشركة في المحاسبة هما ناس علي قدهم اه بس هو بيحبها وهي كمان وكمان البنت محترمة وعندها ضمير انا نفسي بحترمها ولا كأنها اختي
كاميليا.....ازاي يا بني كدة المفروض يتجوز بنت من مستواه دي تلاقيها طمعانة في فلوسه لازم تعقله ويرجع عن قراره
مراد...فلوس ايه يا ماما بقولك بيحبوا بعض وكمان هي محترمة انا اضمنها بنفسي
كاميليا....يلا ربنا يهنيه هو حر عقبال ما افرح بيك مع اللي تناسبك وتناسب عيلة الروبي.
مراد...ماما انا مش هتجوز غير اللي بحبها
كاميليا...الحب بيجي بعد الجواز بس انت لازم تختار اللي تصونك وتصون عائلة الروبي وتحافظ علي اسمها مش تروح تتجوز اي واحدة والسلام وتقول اصلي بحبها لازم تفكر بعقلك اكتر من قلبك
مراد بانجاز.....ان شاء الله يا ماما يلا انا رايح الشركة
كاميليا....مع السلامة يا حبيبي
وبعد ذهاب مراد جاءت الخدامة تخبر كاميليا بوجود شخص ما يريد مقابلتها.
.
💗💗💗💗💗💗💗💗💗💗💗💗💗💗
