🌺🌷 رواية ترويض الشرس🌷🌺
🌺من البارت التامن حتي الاخير🌺
🌺🌺🌺🌺🌺🌺🌺🌺🌺🌺
استيقظت فرح وجدت جاسرنائما بجوارها ظلت تنظر اليه وداعبت شعره باصابعها حتى استيقظ
جاسر:صباح الهنا يا قلبى
فرح:صباح الخير ياحبيبى قوم يلا انا جعانة
جاسر:حااااضر انا هجهز الفطار
فرح:ههههه جاسر بيه بنفسه يجهزلى الفطار
جاسر:وهو انا عندى اغلى من حبيبى
رن هاتفه اعلن عن وصول رسالة
امسك هاتفه وسرعان ما تغيرت ملامح وجهه لاحظتها فرح
فرح:ايه ياحبيبى مالك
جاسر:ها لايا حبيبتى رسالة من اكمل فى حاجات اتسرقت من المخازن
فرح:ياساتر يارب طيب عمل ايه
جاسر شاردا:ها اه هيمسكوه الحرامى
فرح:جاسر مالك
جاسر :لا ولا حاجة يلا قومى عشان نفطر
تناولوا الافطار وجاسر مازال شادرا حتى خرج يقف امام البحر يتحدث فى هاتفه
جاسر:انتى عاوزة ايه
اروى:جاسر باشا ايه نسيت الصور دى ولاايه
جاسر:اروى الصور دى قديمة عايزة منها ايه
اروى:هههه عايزاك انت ياحبيبى
جاسر:انسى الصور دى قديمة قبل حتى ما اعرف فرح
اروى:ايوه بس لو الهانم بتاعتك شافتها الوضع هيختلف
جاسر بنفاذ صبر:والمطلوب
اروى:تجيلى نتفاهم
جاسر:مش هينفع مش عايزمشاكل
اروى:لو مجتش الصور هتوصل للمدام وتشوف حبيب القلب وهو فى حضنى
جاسر :طيب طيب خلاص كمان ساعة وهكون عندك
اروى:فى انتظارك ياحبيبى
فرح:حبيبى انت فين
التف اليها:انا هنا يا فرح
فرح:مالك حبيبى
جاسر:مفيش حبيبتى ..... فرح مش عايزك تزعلى منى ابدا
فرح:خلاص بقى ربنا ما يجيب زعل
جاسر:فرح كل انسان ممكن يغلط وبيندم بعد كده فمش عايزك تزعلى منى على اى حاجة حصلت قبل مااشوفك او اقابلك
فرح:مالك ياجاسرفى ايه
جاسر:ولا حاجة ياحبيبتى عايزك بس تعرفى انى بحبك اوى يافرح بحبك اوى
فرح:وانا بموت فيك ياروح قلبى
جاسر:انا هروح اتابع العمال وهرجع تانى مش هاتاخر خلى بالك من نفسك ريم ورامى هيبقوا فى البحر اقعدى على البحر
فرح:حاضر ياحبيبى تروح وترجع بالسلامة
ظل ينظر اليها وهو يغادر وهى لاتعى شئ من نظراته وكلماته
وصل امام شاليه اروى كان متردد فى الدخول حتى انه رجع كما كان سمع صوت اروى:اهلا اهلا جاسر بيه
جاسر:عايزة ايه
اروى :هنتكلم هنا اتفضل ادخل
دخل جاسر وهو متوترا للغاية:ها فين الصور
اروى:طيب اشرب حاجة اول
جاسر:مش عايز حاجة هاتى الصور وشوفى طلباتك ايه
ذهب رامى مع ريم الى البحر وظلت فرح وحدها تحادث سمر فى الهاتف
فرح:الحمد لله ياسمر متعرفيش انا كنت تعبانة ازاى واحنا زعلانين مع بعض
سمر:ربنا يهنى سعيد بسعيدة ياستى طيب ودلوقتى
فرح:لالا الحمد لله ربنا يخيلوهولى انا بحبه اوى ياسمر بجد بحبه اوى
سمر:ههههه ايه يابت اتهبلتى ولا ايه
فرح:من زمان يااختى
سمر:طيب شريف عمل ايه اما جاسرعامله كده
فرح:هيعمل ايه مشا على طول اصلا مكنتش واخدة حريتى وهو موجود
سمر:بس انتى غلطتى لما حاولتى تخلى جاسر يغير عن طريق شريف
فرح:والله هى جت كده ثم انا اصلا مش عارفة ماله ومالى ورايا فى كل حتة مع انى قولتله انى بحب جاسر بس جاسر مرة سالنى ان ممكن اكون حكيت لحد عن علاقتنا فى الاول
سمر:وانتى حكيتى لحد
فرح:كلهم كانوا عارفين يوم ماتعبت ثم ازاى احكى لشريف ده عن حاجة تخصنى
سمر:طيب قوليلى الفرق بينه وبين جاسر
فرح:ههههه مفيش مقارنة اصلا انا مش بركز مع اى حد كفاية عليا جاسر
جاء صوت من خلفها:انتى تلعبى بيا انا يافرح
صرخت فرح:شريف
سمر:الوو فرح فى ايه
شريف:وانا قلت انك هتعرفى انا بحبك ازاى طلعت انا وسيلة عشان تخلى جاسر باشا يغير عليكى مش كده
فرح:شريف اطلع بره بلاش تعمل مشاكل
اقترب منها بعيون شرسة:المشاكل كده كده هتحصل عارفة حبيب القلب فين دلوقتى عند اروى هانم خطيبته القديمة وبيرجعوا ذكريات الحب القديم
فرح:اخرس خالص متجبش سيرته
شريف:ههههه بتحبيه اوى كده لدرجة انك مش هتصدقى انه بيخونك
فرح:ملكش دعوة احنا احرار مع بعض
هجم عليها:وانا كمان حر
سمر:فرح فرح فى ايه
كانت تسمع فرح تصرخ بشدة
اغلقت الهاتف وطلبت جاسر راى الرقم اغلقه ظل هكذا حتى بعثت له برسالة
الحق فرح امسك الهاتف:سمر فى ايه
سمر :فرح ياجاسر كانت بتكلمنى وفجاة شريف هجم عليها الحقها بالله عليك
اسرع يخرج من شاليه اروى التى وقفت امامه تمنعه من الخروج
مش هتخرج من هنا غير لما نتفق
جاسر:"ابعدى من اودامى
اروى :مستحيل قبل ما نتفق
جذبها من شعرها والقاها على الارض:قلت ابعدى
اسرع يجرى كالبرق سمع صوت صراخ فرح من الداخل حاول كسر الباب لم يستطيع صرخ باعلى صوته:"شررررريف
دخل رامى وريم وجدوا جاسر على نفس الحالة
خرج متجه الى نافذة الغرفة وجد شريف وهو يحاول الاعتداء على فرح كسر زجاج النافذة وهجم على شريف بكل غضب الدنيا يكيل له باللكمات القوية فى وجهه وبطنه وشريف يصرخ من الالم
جاسر:والله فى سماه لااخليك تكره اليوم اللى اتولدت فيه
ظل يضربه بكل قوة وعنف وفرح تبكى بشدة دخل رامى من النافذة ايضا وفتح الباب واخرج فرح وهى تبكى احتضنتها ريم
وجاسر مازال يضرب شريف حتى امسكه رامى
خلاص ياابيه خلاص
جاسر:اطلع بره ياكلب هتقلك ياشريف هقتلك
خرج شريف غاضبا متجها الى شاليه اروى
جاسر:رامى شوفه راح فين
رامى:ليه
جاسربغضب :قلت شوفه راح فين
امسك فرح يحتضنها بقوة:حبيبتى خلاص ربنا ستر
امسكت به وهى تشعر بخوف شديد:جاسر انا خايفة اوى
جاسر:لالا ياحبيبتى متخافيش انا معاكى اهو ..... ريم اعمليها ليمون
ادخلها الى الغرفة واخذ يفرك يدها بكفيه
حبيبتى خلاص والله ما حد هيقرب منك تانى
فرح ببكاء شديد:جاسر متسبنيش عشان خاطرى
ضمها بقوة:طول ماانا جنبك اوعى تخافى
ريم:الليمون اهو اشربى وهدى نفسك الحمد لله ربنا ستر
جاسر:ايوه الحمد لله
دخل رامى اليهم جاسر:ها يارامى راح فين
رامى الشاليه اللى جنبنا
جاسر:كنت متاكد خدوا بالكم من فرح ثوانى وراجع
فرح بجزع:لا ياجاسر خليك معايا
جاسر:حبيبتى انا معاكى ثوانى وراجع
امسك هاتفه وطلب احد الارقام
جاسر:زياد باشا حبيبى فينك ياراجل
زياد:حبيبى ياجسورةموجود يامعلم اخبارك ايه
جاسر:الحمد لله بس عايزك فى خدمة
زياد:امرنى ياباشا
دقات سريعة وكثيرة على باب شاليه اروى التى كانت مع شريف فى سرير واحد
شريف:انتى مستنية حد
اروى:لا طبعا قبل ان تكمل الجملة هجم عليه رجال كثيرة
اروى:انتوا مين
اجاب احدهم:مباحث الاداب يا حلوة
قوم اقف يااض نطقها احد الظباط لشريف فى قسم الشرطة
وجد شريف صديقه سامح قادما اليه:شريف ايه اللى حصل
شريف:مش وقته ياسامح جبت المحامى
اشار لرجل معه:ايوه الاستاذ
استطاع المحامى اخراج شريف بكفالة مالية كبيرة وذهب مع صديقه سامح الى بيته
سامح:ممكن تحكيلى ايه بقى اللى حصل
قص عليه شريف كل شئ من البداية حتى لحظة القبض عليه
سامح:اقل حاجة يعملها معاك انا لو مكانه كنت قتلتك
شريف: ليه
سامح:ليه تصدق انك بجح يعنى تقولى بحبها ووراها فى كل حتة وببقى مبسوط وهى معايا وبتغير عليها منه لاوفى الاخر تسمع كلام واحدة حقيرة زى دى وتحاول تعتدى على واحدة ملهاش ذنب فى حاجة انت اللى غلطان اما تبص لمرات ابن خالتك اللى انت بنفسك كنت بتقولى انه اغلى عليك من شهاب اخوك تبقى ايه ياشريف غير خاين
شريف:كفاية ياسامح كفاية ان تعبان وعايز انام
سامح:اهرب اهرب بس خد بالك لو اذيت جاسر او مراته تانى انا بنفسى هضربك عشان تفوق
ظل شريف ليله يفكر فى الذى فعله كيف استسلم لسم الافعى اروى كيف طاوع الشيطان واحب فرح وهى متزوجة ومن من اقرب الناس اليه جاسر الذى يعتبره شقيقه الاكبرفيارب التوبة يارب اعنى
انتهت القرية السياحية وعاد الجميع الى القاهرة
ناهد:حبايبى حمد لله على السلامة
سلم عليها جاسر وقبل يدها:حبيبتى وحشتينى اوى
ناهد:وانتوا كمان وحشتونى اوى ازيك يافرحتى وحشتينى
فرح:وانتى كمان ياماما وحشتينى اوى
ناهد:طيب يلا يلا بسرعة غيرم هدومكم وتعالوا نتغدى
اليوم هو موعد خطوبة تامرعلى رضوى حبيبته الذى طالما تاجل موعد خطوبتهم بسبب عدم زواج جاسر اقيم الحفل فى احد الفنادق الكبيرة جاءت ندا واقتربت من جاسر:جاسرحبيبى وحشتنى ونظرت لفرح فى تحدى
جاسر:اظن عيب تقولى كده لراجل غريب
ندا:ايه ده هو انت غريب ده انت ابن خالتى عادى يعنى
فرح:لا مش عادى واتفضلى بقى عند مامتك اصل تلاقيها قلقت عليكى يلا ياقطة
ندا :ايه ده وانتى مالك ابن خالتى وانا حرة معاها
فرح:وجوزى محبش اى واحدة زيك تقرب منه
ندا:ههههه جوزك جوزك ازاى على ورق مش كده ههههه بااى
فرح:ايه ده هو الكل عارف ان جوازنا كان على ورق مخدتش بالى انها نزلت فى الجرايد
قبل جاسريدها:حبيبتى احنا احرار سيبى اللى يقول يقول محدش له عندنا حاجة
شعرت بدوخة خفيفة فامسكت راسها
جاسر:ايه ياحبيبتى مالك فى ايه
فرح:مش عارفة ياجاسر دايخة شوية
جاسر:انتى بقالك كام يوم اكلك مش مظبوط اكيد ده السبب
فرح:اه اكيد
مريومان وكان موعد عزومة اهل رضوى خطيبة تامر فى البيت كانت رضوى وريم يجلسان مع فرح فى غرفتها يضحكون ويتسامرون فى اشياء كثيرة
ريم:بصراحة يارضوى كلنا قلنا مفيش واحدة هتستحمل جاسر بس فرح عملت المستحيل
رضوى:طب قوليلى يافرح عملتى ايه مع جاسر
فرح:ايه يابنات عملت ايه كل الحكاية انه كان محتاج حب محتاج حنان جاسر طيب اوى صدقونى بس ممكن حاجات تحصل تخليكى تشك فى كل اللى حواليكى
رضوى:امممم ياعينى على الحب ياولاد
غمزت فرح لريم:ايه رايك نقيم عليها الحد
ريم:موافقة كده
فجاة هجموا على رضوى بضرب خفيف
شعرت فرح بدوار يسيطر عليها وفجاة سقطت
ريم:فرح فرح قومى
رضوى:ايه اللى حصل
ريم:مش عارفة رضوى معلش اندهى لماما وانا هطلب جاسر
رضوى:حاضر
ريم:الوو جاسر
جاسر:ايوه ياريم عارف معاد الغداء والضيوف جاى اهوو
ريم:لا ياجاسر فرح تعبانة
جاسر:تعبانة مالها فى ايه
ريم:مش عارفة كانت قاعدة معانا وفجاة اغمى عليها
جاسربقلق:طيب طيب انا جاى اهو مش هتاخر اطلبى الدكتور ياريم
ريم:حاضر حاضر
بعد وقت ليس بكثير حضر الطبيب وكشف على فرح وخرج للجميع:مبروك ياعاصم بيه جايلك اول حفيد فى عيلة البحيرى
صدمة لحقت بالجميع فكيف تكون حامل ومازال زواجهم على ورق
الطبيب:خير ياعاصم بيه فى حاجة
عاصم:ها لالا يادكتور متشكرين اوى..... مع الدكتور ياتامر
كانت ندا ووالدتها حنان حاضرين فى الفيلا وقت الكشف على فرح
حنان:معقول كده لالاجاسر ميستهلش كده ابدا حتة عيلة تضحك عليه
عاصم:كفاية ياحنان احنا مش لوحدنا اهل رضوى بره مش عاوزين مشاكل وكلام وسلام
ناهد وهى تبكى:ليه يافرح ليه طيب ازاى دول مسافرين محصلش حاجة
حنان:اه وشريف كمان كان مستغرب ان كل واحد نايم فى اوضة لوحده
ندا :معلش بقى ياطنط هى اصلا مش من مستواكم الله اعلم اللى فى بطنها ابن مين
فى نفس اللحظة حضر جاسر وجد الحزن يخيم عليهم ظن ان فرح اصيبت بمكروه
جاسر:فى ايه فرح مالها
لم يتحدث احد وظلوا صامتين حتى تكلمت ندا
الست فرح المحترمة حطيت راسك فى الوحل ياجاسر الست فرح طلعت حامل ياجاسر قولى بقى حامل منين
جاسر:ايه حامل
ناهد:ايوه ياجاسر احنااتاكدنا لازم نعرف ابن مين ياجاسر
نظر اليهم جميعا بغضب وتركهم وصعد لغرفة فرح
جاسر:حبيبتى انتى حامل
فرح:ايوه ياحبيبى مش كان نفسك فى نونو
جاسر:انا فرحان اوى يافرح ربنا مايحرمنى منك ابدا
فرح:بس فين ماما محدش جه ولا حاجة
جاسر:دلوقتى كلهم هيطلعوا ياحبيبتى بس انا هنزل واجى على طول
فرح:خليك جنبى
جاسر:متخافيش ياقلبى راجعلك تانى
نزل جاسرالى الاسفل وجدهم جميعا يجلسون بعدما غادر اهل رضوى
ندا:جاسر لازم تتطلقها دى جابتلك العار
حنان:ايوه ياحبيبى لازم تتطلقها
ندا:طبعا دى واحدة استغفر الله محدش عارف العيل ده ابن مين
عاصم:كفاية كفاية جاسرهتعمل ايه
وقف جاسر امامهم خلع سترته وشمر ذراعيه ووقف امام ندا
وفجاة صفعها على وجهها
صرخ به الجميع:جاسر
عاصم:انت اتجننت ازاى تعمل كده
جاسر:عشان محدش فى الدنيادى يجيب سيرة مراتى على لسانه بربع كلمة
ندا وهى تبكى:مراتك شوف مراتك اللى جبتلك العار
جاسر:شكلك محتاجة قلم تانى
حنان:هى حصلت ياجاسر روح لم مراتك الاول
جاسر:انا مراتى مفيش زيها بنتك دى متجيش فيها حاجة
واحب اقول للجميع والكل سامعنى فرح حامل فى ابنى
دهشة اصابت الجميع
عاصم:انت بتقول ايه
جاسر:بقول الحقيقة فرح حامل منى ابنى من صلبى يعنى فرح مراتى اودام ربنا واودام الناس واى حد يتكلم فى شرفى هقطع لسانه
ناهد:يعنى دخلتم
جاسر :ايوه ياماما من يوم خطوبةاكمل
ناهد تبكى بفرحة :طيب مقولتش ليه ياحبيبى
جاسر:عشان دى حاجة تخصنى انا وفرح مش لازم الناس تعرف وانتى يااللى اسمك ندا لو جبتى سيرة فرح تانى هقطعهولك فاهمة
عاصم بفرح:خلاص خلاص ياجاسر اطلع لمراتك وخد بالك منها انا عايز حفيدى يطلع شديد لجده
جاسر:حاضر ياحاج
احتضنه عاصم:الف مبروك ياجاسر ايوه كده بيتنا يبقى فيه عيال
جاسر:اوعدك ياحاج كل سنة اسلمك عيل خرجت ندا وحنان من البيت بعصبية
جاسر بسخرية :ابقوه تعالوا .
part(9)
صعد جاسر لفرح وجدها امامه تبكى بعد ان سمعت كل شئ
جاسر:فرح انتى هنا من امتى
فرح:من زمان اوى
جاسر:حبيبتى دول اغبي.......
وضعت اصبعها على شفتيه:كفاية اللى انت قلته مش هعوز حاجة تانية
قبل اصابعها بابتسامة:طيب يلا يلا على السرير
ضمها بذراعيه:شوفى ياستى انا نفسى فى بنوتة حلوة كده زيك واسميها فرح
فرح:ههههه كل اللى يجيبه ربنا كويس ياحبيبى
بدات تظهر علامات الحمل على فرح كانت تنظر لنفسها فى المرآة باستنكرار:ايه ده شكلى بقى صعب اوى
اتاها جاسر من خلفهايضمها بذراعيه:اومال يعنى هتخلفى ازاى مالازم بطنك تكبر يلا بقى هنتاخر عايزين نلبس عشان الناس اللى جاية
فرح:بس تصدق حلوة فكرة رضوى انها تعمل الفرح فى الجنينة
جاسر:بس انتى بصراحة عاملة شغل تحفة اضاءة وورد وزينة جميل اوى
فرح:اعمل ايه مش حبيبى منعنى من الشغل اعمل ايه بقى
جاسر:انتى اتجنتنى ازاى تروحى الشغل بمنظر بطنك دى افرضى اتخبطى ولاحاجة ولا العمال يمشوا يتفرجوا عليكى وانتى عاملة كده اهوو...... وقلد مشية الحوامل
فرح:تصدق شكلك حلو ولاانت بتعمل كده...... بس انا مش بعمل كده
جاسر:طيب يلا بقى هنتاخر
اقيم فرح تامر فى حديقة الفيلا وكانت حفلة جميلة فرغم بساطتها الا انها كانت مميزة بالعروسين المتحابين
سافر تامر ورضوى لقضاء شهر العسل وترك جاسر وحده فى الشركة بصبحة اكمل
كانت ندا تجلس مع صديقتها روزى فى النادى وهى فى منتهى العصبية
روزى:ممكن تهدى بقى يعنى هتعملى ايه خلاص اتجوزوا وخلاص
ندا:ابدا ياانا ياهى بقى دى تاخد جاسر منى انا لازم اعمل اى حاجة واتجوزوا حتى لوبقيت زوجة تانية
روزى:امممم واللى يخليه يتجوزك تعملى ايه
ندا بلهفة:اعمل اى حاجة بس ازاى
روزى:هقولك
دخلت ندا لمريم فى غرفتها وهى تبكى
مريم:ندا فى ايه
ندا :مريم انا فى مصيبة يامريم
مريم:ياساتر يارب مصيبة ايه
ندا:انا كنت بحب واحد اتعرفت عليه فى النادى وفضلنا مدة مع بعض قالى انه بيحبى وهنتجوز لحد ما.......
مريم بترقب:لحد ايه ...... حصل بينكم حاجة انطقى
ندا بخوف:ايوه يامريم قوليلى اعمل ايه
مريم:انتى اتجنتى وازاى تعملى كده .... هو مين وبيته فين
ندا:طلع نصاب ضحك عليا اسمه مغيره واتقابلنا كذا مرة فى شقة وطلعت مفروشة وعرفت انه كان ماجرها
مريم:يادى المصيبة يادى المصيبة وهتعملى ايه دلوقتى
ندا ببكاء:مش عارفة يامريم مش عارفة
مريم:شهاب لازم يعرف
ندا:لالا مينفعش هيقتلنى
مريم:اومال هتسكتى روحى انتى اوضتك واما يرجع ربنا يحلها
عاد شهاب من عمله وجد مريم متوترة :مالك يامريم فى ايه
مريم:شهاب عايزة اقولك على حاجة بس عشان خاطرى امسك اعصابك
شهاب:فى ايه يامريم اتكلمى انا كده قلقت فى ايه
قصت عليه حديث نداما ان انتهت حتى خرج سريعا الى غرفة ندا التى اغلقتها خوفا منه
شهاب:افتحى ياندا افتحى يافاجرة ليه كده حرام عليكى ليه
حنان:ايه ده فى ايه
شهاب:فى ان بنتك جابتلنا العار يامى بنتك المحترمة تربيتك غلطت مع واحد من غير جواز
حنان:اخرس بنتى مستحيل تعمل كده
شهاب:لا عملت واساليها
حنان:لالا ندا افتحى ردى علينا
ندا:من خلف الباب :لا مش هفتح عايزين تموتونى
شهاب:ده انا هشرب من دمك هقتلك
مريم:خلاص ياشهاب اهدى بس
شهاب:اهدا..... اهد ازاى لازم نشوف حل فى المصيبة دى
بعد عدة ايام من فعلتها هذه جلست مع امها
حنان ببكاء:كده كده يانداتعملى كده طيب نعمل ايه دلوقتى مش حرام عليكى
ندا:غصب عنى ياماما اصله..... اه ادانى منوم وانا معاه فى العربية وحصل اللى حصل
حنان:طيب اسمه ايه
ندا بتوتر:وهيفيد بايه اسمه
حنان:يعنى مش نسال عنه يمكن يكون موجود
ندا:اسمه .... عزت .... عزت احمد هو ده كل اللى اعرفه
حنان:وده هيفيد بايه ..... طيب عنوانه
ندا معرفش انا قابلته فى النادى وبعد كده عرفت انه مش عضو يعنى محدش يعرفه
حنان:طيب هنتصرف ازاى فى المصيبة دى
ندا:مش عارفة ياماما ماانا لو الاقى حد يتجوزنى شهرين تلاتة وبعدين نتطلق هيبقى عادى
حنان:ايه البجاحة بتاعتك دى ومين ان شاء الله اللى هيرضى يتجوزك بعد مصيبتك دى
ندا:ايه رايك فى...... جاسر
حنان بصرخة:مين جاسر انتى اتجننتى
ندا:ليه بس ابن خالتى وهنتجوز شهرين تلاتة وبعد كده نتطلق
حنان:بعد اللى عملتيه فى مراته هيرضى ازاى
ندا:يا ماما دول شهرين تلاتة عشان لو حد اتقدملى يبقى عارف انى كنت متجوزة
حنان بشك:ندا لتكونى بتعملى كده عشان تتجوزى جاسر
ندا:لالا ابدا يعنى اضحى بسمعتى عشان اتجوزه مستحيل ..... بس انتى خدى راى شهاب
حنان:اشوف وربنا يستر
شهاب:لالالا ياامى ازاى انتى عايزانا نتفضح
حنان:واحنا كده مش هنتفضح اهو يتجوزها شهرين تلاتة وبعد كده يطلقها لو جالها عريس يبقى عارف انها مطلقة
شهاب بتفكير:وافرضى رفض يبقى ايه الحل
حنان:انا هكلم خالتك وهى هتقنعه انا عارفة
شهاب:انتى حرة اعملى اللى انتى عاوزاه
ذهبت حنان الى ناهد فى الفيلا وجلست معها وتحدثوا كثيرا وتركتها وذهبت وناهد ظلت فى حيرة شديدة كيف تواجه جاسر بذلك
اخبرت عاصم بكل شئ
عاصم:انتى بتقولى ايه مستحيل يحصل جاسر مش هيتجوزها مش ابنى اللى يشيل مصيبة غيره
ناهد:طيب هنعمل ايه كام شهر بس ياعاصم ويطلقها وتبقى اودام الناس كانت متجوزة
عاصم:عندك ابنك قوليله وهو حر
اتى جاسر فى المساء وجد امه فى انتظاره
جاسر:ست الكل ازيك ياحبيبتى
ناهد:الحمد لله ياجاسر..... جاسر كنت عايزاك فى حاجة
جاسر:خير ياست الكل
ناهد بتوتر:طيب غير هدومك اول وتعالى
جاسر:ماشى هشوف فرح واجيلك على طول
ناهد:طيب ياحبيبى
دخل جاسر غرفته وجد فرح تشاهد التلفاز
جاسر:السلام عليكم ورحمة الله وبركاته
فرح:وعليكم السلام ورحمة الله حمد لله على السلامة حبيبى
جاسر:حبيبتى عاملةايه ..... وضع يده على بطنها..... وحبيب بابا عامل ايه
فرح:زعلان من بابا مشغول عننا الايام دى
جاسر:انتى عارفةياقلبى الشغل والله اقوم اغير بقى عايز اتعشى واشوف ناهد عايزانى ليه
فرح:خير
جاسر:مش عارف يافرح بس شكلها ميطمنش
فرح:طيب يلا غير هدومك عشان ننزل نتعشى
انتهوا من العشاء ومازالت ناهد متوترة تنقل نظرها ما بين جاسر وعاصم .....وعاصم ينظر اليها والى جاسر وفرح ويراقب حبهم لبعض وتعلقهم ببعض
ناهد:جاسر خلص وتعالى عايزاك
نظر اليها عاصم بغضب وترك طعامه وذهب لغرفته
جاسر:ايه ياماما بابا ماله
ناهد:ابدا مفيش خلص وحصلنى
رضوى .فى ايه ماما شكلها زعلانة من حاجة
تامر :مش عارف فى ايه ياجاسر
جاسر:علمى علمك هقوم اشوف عايزة ايه
فرح:طيب كمل اكلك
جاسر:الحمد لله حبيبتى كده تمام
اتجه جاسر الى ناهد:ست الكل مالك
ناهد:ادخل ياجاسر
جلست متوترة الى جاءتها الجراة وتحدثت وقصت عليه كل شئ
جاسر:طيب وبعدين والمطلوب
ناهد:جاسر لازم تتجوز ندا
جاسر:انتى بتقولى مستحيل ده يحصل
ناهد:ليه بس ياجاسر ياابنى انت هتستر عليها شهرين ولا حاجة وبعد كده تطلقها
جاسر:لا قلت لا
ناهد:ياابنى حط نفسك مكانهم
جاسر:لا ياامى حرام عليكى خليهم يشوفوا الواد اللى ضحك عليها ويتجوزها انا لا...... دى فرح ممكن يجرالها حاجة
ناهد:ومين بس اللى هيقولها دول كام شهر ومش هتدخل عليها ولا حاجة
جاسر:بصوت عالى:قلت لالا سمعتينى لاياماما لا
تركها وغادر بعصبية شديدة راته فرح وهو يخرج
فرح:ايه ياجاسر مالك فى ايه
نظر اليها للحظات ونظر الى ناهد التى خرجت وراءه والى عاصم الذى خرج على صوتهم هو الاخر
جاسر:مفيش حاجة انا خارج
فرح:طيب اجى معاك
صرخ فيها :لالا مش عايز حد
اقتربت منها رضوى وريم:حبيبتى متزعليش يمكن حاجة مضايقه
فرح ببكاء:لا والله كان كويس من شوية
تامر:طيب خلاص يافرح اطلعى اوضتك وانا هروح اشوفه
ذهب جاسر الى مرسمه الخاص ليبتعد عن الجميع اخذ يفكر ويفكر ماذا يفعل يتزوجها ويستر عليها ام يوافق ولكنه سيخسر فرح...... فرح حبيبته وزوجته وام ابنه ايخسرها من اجل انسانة باعت شرفها
قاطع تفكيره صوت دقات على الباب فتح ليجد تامر امامه
جاسر:فى ايه ياتامر
تامر:فى ايه انت ايه اللى حصل فى ايه
جاسر:وحياة ابوك تسيبنى ياتامر
تامر:اسيبك ايه انت مشفتش نفسك ولا فرح اللى مبطلش عياط من عصبيتك عليها
جاسر:بتعيط
تامر:اه بتعيط ياحنين ماترد ياجدع فى ايه
جاسر:هقولك
قص عليه حديث ناهد كاملا
تامر:يخرب بيتها البت دى ايه معقول تعمل كده دى لفة ودايرة يعنى مش من السهل حد يضحك عليها..... ليكون شريف هو اللى مسطلها تعمل كده
جاسر: لالا شريف ما ساعة ماسافرمحدش يعرف عنه حاجةثم ازاى يضحى بشرف اخته عشان اتجوزها لالا مش معقول
تامر:طيب هتعمل ايه
جاسر:لو انت مكانى تعمل ايه
تامر:مش عارف والله انت فى موقف لاتحسد عليه
تنهد جاسر وارجع راسه للخلف :طيب فرح فرح هتعمل ايه لو عرفت مش بعيد تطلب الطلاق
تامر:لالا فرح عاقلة
جاسر:عقل ايه انت متعرفش فرح مفيش واحدة ممكن تقبل ان جوزها يتجوز عليها فما بالك بفرح
تامر:مش عارف اقولك ياجاسر فكر كويس وربك يدبرها
جاسر:يارب
عادا الى الفيلا وجدوا الكل موجود ماعدا فرح صعد الى غرفتها وجدهانائمة ولكنه كان يعرف انها لاتنام بدونه نظر اليها وجد رموشها تتحرك ودموعها على خدها اقترب منها:طيب انا عارف انك صاحية هتسيبنى انام زعلان
قامت من مكانها:لا انت تزعلنى واودام الكل وتسيبنى وانا مش فاهمة ليه
احتضنها بقوة:فرح متزعليش منى غصب عنى والله
ثم نظر الى عينيها :فرح مش عايزك تزعلى منى مهما حصل وعايزك تعرفى انى بحبك اوى ومستحيل ابعد عنك
فرح :ايه مالك ياحبيبى
جاسر:لا ياحبيبتى مفيش بس مضايق شوية
فرح:مين زعلك
جاسر:ولا حاجة ياقلبى ممكن ننام بقى ان تعبان طول النهار وعايزاستريح
نامت فى حضنه وهو يضمها اليه بشدة كانه سيفقدها
مرت مدة وهم مازالوا يحاولون اقناع جاسر بالزواج ما بين توسلات من حنان وشهاب ورجاء من ناهد
وافق جاسر بشرط ان لايراها طول الفترة التى سوف تظل فيها على ذمته واتفقوا ان يقام كتب الكتاب فى بيتها يوم الخميس بحضوراهلها فقط فلا احد يعرف من بيت جاسر الا ناهد وعاصم وتامر الذين رفضوا حضور كتب الكتاب
كانت فرح تشعر بشئ غريب فى البيت وخصوصا الذى كثيرا ما يكون شاردا صامتا
يوم الخميس كانت جاسر يقف امام المرآة يرتدى ملابسه وهويقف حزينا شاردا
فرح:حبيبى مالك
جاسر:ها لاياحبيبتى ولا حاجة مفيش
فرح:لالا شكلك زعلان لو المشوار ده مزعلك بلاش منه
ظل ينظر اليها:ياريت يافرح ياريت غصب عنى والله
فرح باندهاش :واما هو غصب عنك تروح ليه مش لازم
جاسر:للاسف ممكن مصايب تحصل لو مرحتش
فرح:ياساتر يارب مصايب ايه
ارتدى سترته:بعدين يافرح بعدين انا كده ممكن اتاخر
تركها وذهب وحيدا فناهد تنتظره هناك وعاصم وتامر رفضوا وجودهم هناك
كانت فرح جالسة فى الحديقة مغمضة العيون حتى رن هاتفها
:الوو مين
ندا:هاى فرح ازيك
فرح بكراهية:نعم خير ياندا فى حاجة
ندا:ايه مش حقى اطمئن على ضرتى ولا ايه
فرح:انتى فاكرة دمك خفيف ولا حاجة
ندا:ههههه دمى خفيف فعلا بس احب اقولك ان النهاردة كتب كتابى انا وجاسر حبيبى ودلوقتى كمان مش كنتى تيجى
فرح بصرخة:انتى بتقولى ايه انتى مجنونة
ندا:ههههه دلوقتى حالا هبعتلك صورتنا مع بعض سلام ياقطة
لحظات وجاءت اليها رسالة فتحتها وجدتها صورة لجاسر وندا تجلس بجواره وماذون يجلس معهم
صرخت صرخة مكتومة وجرت على حجرة تامر
تامر:خير يافرح فى ايه
اعطته الهاتف ليرى الصورة
فرح:الصورة دى غلط صح ياتامر
صمت تامر فلم يستطيع الكلام
فرح بصراخ:تامر قولى انها غلط صح جاسر مش هيتجوزها صح جاسر بيحبى انا صح
تامر:فرح اهدى غصب عنه والله
فرح ببكاء شديد:غصب عنه غصب عنه ايه ولا ايه اتجوزنى غصب عنه واتجوزها غصب عنه لاياتامر لا
جرت على غرفتها ورضوى خلفها:فرح اهدى يمكن صحيح فى حاجة خليته يعمل كده
فرح ببكاء شديد:ليه ليه يارضوى ده انا مليش غيره يعمل فيا كده ليه حرام والله حرام
جلس جاسرامام شهاب وبجانبهم الماذون يكتب الكتاب وجاسر شاردا فى عالم اخر يتذكر فرح كيف يفعل ذلك كيف يخونها كيف نظر وجد ندا تنظر اليه بنظرة فرح و انتصار افاق من شروده على صوت الماذون :قول يااستاذ جاسر:قبلت زواجها
ظل ينظر الى الجميع والى ندا وفرحتها التى المفروض ان تكون الان حزينةعلى فعلتها ولكنه يرى العكس
استاذ جاسر قول قبلت زواجها
نظر الى الماذون ثم سحب يده مرة اخرى من يد شهاب ووقف سريعا:لالالا مش هتجوزها مش هقدر
صدمة سيطرت على الجميع صرخت به ندا:جاسر انت بتقول ايه ازاى لازم تتجوزنى
جاسر:لالامش هقدر ارحمونى فرح هيجرالها حاجة مش هقدر مستحيل يحصل
عندك حق مينفعش تكسر قلب فرح
اتاهم صوت من خلفهم دهشة عارمة اجتاحت الجميع انه شريف لقد عاد مرة اخرى
ندا:شريف ايه اللى جابك
شريف:لالامش عيب محضرش كتب كتاب اختى جاسر فرح متستهلش انك تعمل فيها كده فرح بتحبك اوعى تكسر قلبها
حنان:انت اتجننت
شريف:لا ياامى دى الحقيقة بنتك المصونة عملت عليكم كلكم لعبة عشان تخلى جاسر يتجوزها وتحرق قلب فرح
ندا :اسكت خالص اسكت
شريف:لا مش هسكت سامحنى ياجاسر انا غلطت فى حقك و حق فرح غلطتى انى مشيت وراء كلام ندا اللى كان عامل زى السم بينهش فى عقلى لحد ماسيطر عليا روح روح ياجاسر لمراتك دى متستهلش انك تكسر قلبها
قاطعهم هاتف جاسر:الوو تامر خلاص ياتامر مفيش جواز انا راجع لفرح
تامر:جاسر..... فرح هربت.
البارت الأخير ♥
بحثوا عنها فى كل مكان لم يجدوها اكثر من عشرة ايام ولم يصلوا الى شئ مفيد
كان جاسر يجلس فى غرفته حزينا شاردا بعيون دامعة وذقنه التى المهملة ينظر الى صورهم معا ويتذكر كل شئ ضحكتها شقاوتها فرحته دموعها وفى لحظة بكت عيونه
دخلت عليه ناهد:جاسر حبيبى مينفعش كده بكره ربنا يدلك على مكانها ياحبيبى قوم ياابنى احلق دقنك دى وغير هدومك
جاسر:مش عامل حاجة سيبونى لوحدى مش عايز حد
ناهد:كده مش هينفع
جاسر:وايه هو اللى ينفع مراتى وابنى اللى معرفش مكانهم ياترى عاملة ايه كويسة ولا جرى لها ايه ده شريف كان عارف انى موجود واتهجم عليها اومال لو كانت لوحدها هيجرالها ايه وظل يبكى بحرقة احتضنته ناهد وهو تبكى هى الاخرى
حبيبى ربنا يحفظها ان شاء الله هنلاقيها والله
فى مكان اخر كانت تجلس امام البحر الغاضب ففى هذا التوقيت من السنة يقل الناس فى الغردقة وضعت يدها على بطنها تبكى بحرقة على حبيبها الذى تركها وذهب لاخرى
كانت عيون تراقبها من بعيد لايعرفون من هى كل يوم تجلس فى نفس المكان ولاتعود الى منزلها الا وقت النوم فقط
ماما ياماما
ايوه ياهالة فى ايه
مين اللى فاتح شاليه طنط ناهد
الام كوثر:ايه مفتوح
هالة:ايوه بصى شايفة البنت اللى قاعدة هناك دى خرجت من الشاليه وقاعدة مكانها من بدرى
كوثر:طيب تطلع مين
هالة:مش عارفة ليكونوا باعوه
كوثر:باعوه لالا ده انا قلتلها لو بعتيه هشتريه لحازم اخوكى كده ياناهد ماشى
هالة:ايه هتعملى ايه
كوثر:هطلبه اشوف الكلام ده بجد ولا ايه
رن هاتف ناهد فوجدت اسم كوثر على الهاتف
ريم:مين ياماما
ناهد:كوثر مش عارفة عايزة ايه
ريم:طيب ردى عليها دى مصممة ترن
ناهد:الوو ازيك ياكوثر
كوثر:ازيك ياناهد اخبارك ايه وبعد المزيد من الاحاديث المعروفة
كوثر:انا زعلانة منك اوى ياناهد كده تبيعى الشاليه من غيرمااعرف
ناهد:ابيع شاليه شاليه ايه
كوثر:الشاليه بتاعكم مش انتوا بعتوه
ناهد:لا طبعا مبعناش حاجة مين قالك كده
كوثر:محدش قالى اصل فى واحدة قاعدة هنا احنا جينا امبارح وهى قاعدة فى الشاليه
ناهد:واحدة مين دى
كوثر:مش عارفة هى مش طويلة اوى وشكلها كده حامل
ناهد:ايه لتكون فرح
كوثر:فرح مين
ناهد:بصى ياكوثر خلى بالك منها بالله عليكى اوعى تغيب عنك
كوثر:فى ايه ياناهد مين دى
ناهد:بعدين ياكوثر بعدين
ذهبت ريم الى مرسم جاسر فهو يجلس به ولايتركه ابدا
جاسر جاسر فتح لها الباب:نعم عاوزة ايه قلت مش عايز حد
ريم بفرحة:لقينا فرح
امسك ذراعيها:ايه بتقولى ايه
ريم:بقولك لقينا فرح فى الشاليه بتاع الغردقة
جاسر:ايه معقول ياريم ازاى مفكرتش فيه ..... مين قالك
قصت عليه مكالمة كوثر اسرع الى الفيلا دخل غرفته ابدل ملابسه بعدما رجع لجاسر مرة اخرى بزينته ووسامته
كانت تقف امام البحر وتتذكره بكل شئ عصبيته حنانه حبه كانت تبكى بحرقة
مش خايفة من البحر
التفت ببطء فهى تعرف الصوت جيدا انه هوانه جاسر
جاسر:دوختينى عليكى يافرح
القت بنفسها بين احضانه تبكى بشدة
ادمعت عينه :حبيبتى حقك عليا سامحينى يافرح سامحينى
ابتعدت عنه فجاة:اه نسيت اقولك مبروك ياجاسر بيه
جاسر:ههههه يامجنونة هو انا اقدر اتجوز غيرك ابقى اتجننت
فرح:لا والله الصور عندك اهى
قص عليها كل شئ من البداية حتى لحظة كتب الكتاب وما فعله معها
فرح:يعنى متجوزتش ياجاسر
جاسر:مقدرتش يافرح والله ماقدرت كنت مخنوق كنت حاسس انى هموت
ضمها بذراعيه بقوة وحشتينى اوى كده تعملى فيا كده كده تحرمينى منك
فرح:غصب عنى كنت بموت ساعة ماشوفت الصورة غصب عنى
رفع وجهها بيده
ان شاء الله هيا بعد الشر عنك ياعمرى بس ايه رايك احنا لوحدنا هنا اهوو نقضى شهر العسل هنا
فرح:ههههه بعد ايه
جاسر:احنا فيها اهو نقفل الموبيلات وناخد اجازة من العالم واللى فيه موافقة
فرح:طبعا احتضنتها وذهب بها الى الشالية وبدوا شهر عسل جديد وحدهم بعيد عن الناس
بعد اربع سنوات
عاصم ياعاصم تعالى هنا
جرى طفل صغير وراء جاسر
لا ياماما لا
جاسر هات عاصم مش راضى ياكل
جاسر:عاصم تعالى يلا عشان ناكل
عاصم الصغير:لايابابا مس جعان
فرح:تعالى هنا
عاصم:لالا
ناهد:اسمع الكلام شوف حل فى ابنك ياجاسر صعب اوى
جاسر:ابنى طالع لابوه ولا ايه ياعاصم باشا
فرح:اه طبعا هيطلع لحد غريب
اقترب منها:انتى اد الكلام ده
وضعت يده فى خصرها:اه طبعا
حملها فجاة وااركبها الجاسر
ناهد:جاسر مينفعش كده انت ناسى انها حامل
جاسر:لالا متخافيش اعتلى الجاسروامامه فرح
فرح:انت هتودينى فين
جاسر:مكان حلو اوى بس اصبرى
فرح:ههههه ماشى بس بالراحة عشان جاسر الصغير
جاسر:عينى يانور عينى
تامر:ايه ياجماعة ازيكم
الجميع:الحمد لله
ناهد:ايه ياتامر متعرفش ندا عملت ايه
تامر:اطلقت بعد مااتنازلت عن كل حاجة تستاهل ماهى راحت اتجوزت نصاب ضحك عليها وخد كل حاجة
رضوى:ذنب فرح
ناهد:يلا ربنا يهديها ويعوضها
جاسر:وصلنا ياقطة
امسك خصرها ودخلا سويا الى المرسم واغلقه بالمفتاح
فرح:ايه بتقفل ليه
جاسر:اعمل ايه عايز اقولك كلمة سر وابنك طابق على نفسى
فرح:ههههه هو ابنى لوحدى
اقترب منها:احلى حاجة انه ابننا احنا الاتنين وغابا معا فى قبلة انستهم العالم وما يدور به.
تمــــت بحمـــد الله
