سكريبت اغفرلي كامل

 1 = ❤ - أنا نهلة ابقا مرات خطيبك؟! 

-بتقولي ايه انتي مجنونة صح؟! 

بصتلي بشفقة وقالت وهي ماسكة ايد ولد صغير مكملش تلات سنين :(بقلم سولييه نصار )

-وده يبقي علي ابنه. 

-اطلعي برة انتي جاية تبوظي فرحي صح.... ليه بتتبلي عليه حرام عليكي أحمد عمره ما يعمل كده.... عينيها دمعت وهي بتطلع أوراق وقالت:

-خدي دي شهادة ميلاد ابني علي... وده ورقة جوازي بأحمد.... اتجوزنا من أربع سنين... كان مفهمني أنه بيحبني وخلاني في الريف واخد دهبي وجه هنا علي أساس يشتغل ويفتح مشروع بس اكتشفت أن البيه مقرطسني وجاي هنا عشان يتجوز واحدة مرتاحة تقدر تعيشه كويس. 

-وده يثبتلي أنك كدابة أحمد مرتاح ماديا ومعاه شركة .... صحيح مش زينا بس مش محتاج يعمل كده 

ضحكت بتريقة وقالت :

- الشركة اللي بتخسر قصدك...وبسببها اضطر يدور علي ضحية جديدة... أنا بعت دهبي عشان يقدر يفتخ الشركة دي .... طب بلاش دي هو عرفك علي أهله! 

-أهله ميتين 

-كداب أمه بس اللي ميتة لكن أبوه مسجون بتهمة رشوة. 

عيوني دمعت وحسيت الدنيا بتلف بيا وكنت هقع لكن مسكتني وقالت:

-يعلم ربنا أنا اتبهدلت قد ايه عشان اوصلك يا آنسة ناريمان بس كان لازم احذرك من أحمد ده واحد معندوش ضمير وسمعة أهله وحشة بلاش تتورطي زيي

وبعدين مشيت وسابتني. 

قعدت علي السرير وبدأت أبكي... يعني كله كان كدب... طول الوقت كان بيخدعني وأنا زي الهبلة صدقته.... وقفت في وش بابا عشان خاطره..بس هو كسرني 

اتفزعت لما حد خبط علي الباب ولقيت بابا من برة بيقول :

-يالا يا عروسة المأذون وصل. 

حاولت أهدي نفسي وأنا بقول :

-جاية يا بابا

قومت وروحت علي المرايا وضبطت نفسي... مسحت دموعي وعدلت الميكب... وطلعت. 

أصحابي زغرطوا وأنا نازلة من علي السلم... بس أنا مكنتش واخدة بالي منهم.... كنت بس باصة عليه... كان مبتسم الحقير واقف ومبتسم ببراءة كأنه معملش حاجة.... واحد زي كده قدر يضحك عليا أنا وبابا ازاي. 

قعدت جمب بابا واللي لسه هيبدأ في كتب الكتاب. 

حط بابا أيده في ايد أحمد ولسه الشيخ هيتكلم لما أنا قومت فجأة وقولت :

-أنا مش موافقة... مش عايزة اتجوزه. 

-فيه حاجة يا ناريمان! 

-لا يا بابا مفيش بس أنا مش عايزه اتجوزه..

قرب أحمد مني ومسك أيدي وقال :

-مالك يا ناريمان فيه ايه

-فيه أنك كداب وخاين قولتلي أن ابوك مات لكن طلع مسجون في قضية رشوة... افتكرت إني مش هعرف مثلا. 

حط وشه في الأرض وقال:

-أنا كنت هقولك

-أنت كداب.... مكنتش ناوي تقول... كنت ناوي تتجوزني عشان تسرق فلوسي وتبقي حرامي زي ابوك

بصلي بصدمة ومسك أيدي تاني وقال:

-ناريمان لو سمحتي... خلينا نتكلم لوحدنا شوية وانا هفهمك كل حاجة . 

زقيته وقولت :

-وأنا مش عايزة أسمعك... إطلع بره يا نصاب. 

-ناريمان انتي فاهمة الموضوع غلط. 

-فين الأمن يجوا يطلعوا الحرامي ده. 

عيون أحمد دمعت وهو بيبصلي وقال:

-مفيش داعي أنا هطلع لوحدي. 

طلع أحمد وانهارت أنا في حضن بابا وقولت:

-طلع كمان متجوز ومخلف يا بابا... طول الفترة دي كان بيخدعني!.

وبعدين اغمي عليا.. 

.. ...... 

صحيت ولقيت نفسي في المستشفى وبابا جمبي.... مسك بابا أيدي وقال :

-ألف سلامة عليكي يا ناريمان. 

بكيت وانا بقول:

-بابا! 

-بس يا حبيبتي وفري دموعك ميتسحقش ولا دمعة منهم.... الحمد لله أننا عرفنا حقيقته قبل ما نتورط 

-بابا أنا عايزه أنسي... أنسي كل حاجة.. قلبي بيوجعني اووي. 

-هتنسي يا حبيبتي وعد. 

وعشان بابا يخليني أنسي سافرت أنا وهو برة مصر.... حاول بابا يشغل كل وقتي عشان مفكرش في أحمد ورجعنا مصر وبابا كان معايا خطوة بخطوة وحسيت خلاص إني هبدأ أعيش حياتي بشكل طبيعي لحد ما جه اليوم اللي اتغير فيه كل حاجة وقلب حياتي كلها. 

..... 

كنت قاعدة مع أصحابي في المطعم لما لقيت نهلة دخلت المطعم وماسكة في ايديها رجل غريب. عرفت ان فيه حاجة غلط خبيت وشي بسرعة في المنيو 

-فيه حاجة يا ناريمان! 

-اسكتي دلوقتي يا مريم. 

دخلت نهلة الحمام ودي كانت فرصتي دخلت وراها... لقيتها بتضبط الميكب. 

-نهلة عاش من شافك. 

اتفزعت وهي بتبصلي بصدمة 

-ناريمان! 

مسكت ايديها جامد وقولت:

-أيوة ناريمان... قوليلي مين اللي جاية معاه ده انطقي مش انتي مرات أحمد. 

-أصل... أصل 

-هتنطقي ولا أطلع افضحك فين ابنك وفين أحمد. 

بكت وقالت:

-استري عليا ابوس ايديكي. 

سبتها وقولت :

-خلاص أنا هروح أسأل الراجل اللي برة بنفسي. 

مسكت ايديا وقالت:

-ابوس ايديكي متدمريش حياتي اللي برة يبقي جوزي. 

-وأحمد 

زعقت وأنا مصدومة 

حطت وشها في الأرض وقالت :

-أنا كدبت عليكي أحمد مش جوزي ولا حاجة وكل الورق ده مزور وحتي اللي جبته معايا مش أبني حتي ابن واحدة صاحبتي. 

عينيا دمعت وانا بهزها :

-حرام عليكي عملتي كده ليه.... دمرتي حياتي ليه. 

-هو طلب مني اعمل كده 

-مين اللي طلب منك؟! 

مردتش عليا فأنا بعدت وقولت :

-تمام أنا هقول لجوزك علي كل حاجة 

ولسه هطلع من باب الحمام لما ردت وقالت :

-ابوكي اداني فلوس وزور الورق عشان اعمل كده... ابوكي يا ناريمان هو اللي أتفق معايا أستاذ عادل الطيب!!! 

يتبع 

اغفر_لي 

سولييه_نصار 

لو لقيت تفاعل عالي وكومنتات كتير هنزل كمان بارت. فلو ليا عشان يوصلك الباقي

2 = الجزء التاني شكرا لتفاعلكم السكر❤

-معرفتش وصلت البيت ازاي... كنت عاملة زي الميتة... حسيت أن روحي طلعت... معقول بابا يعمل كده... يجرحني كده... يدمر حياتي بالشكل ده... بابا اللي أنا حبيته أكتر من أي حد اعتبرته الأمان بتاعي يعمل كده... طب ليه.د. دخلت اوضته ولقيت وشه شاحب شوية بس محطتش في بالي كل اللي كنت شايفاه الخيانة كنت مقهورة من بابا أنه عمل فيا كده. 

-ناريمان حبيبتي جيتي بدري (بقلم سولييه نصار )

-ليه عملت كده؟!! 

-مش فاهم! 

زعقت 

-ليه يا بابا عملت كده ليه.... ليه دمرت حياتي بالشكل ده.... ليه بعدت عني الإنسان اللي بحبه... ليه فيه أب يعمل في بنته كده... أنا اذيتك عشان تعمل كده... أنا شوفت نهلة وقالتلي كل حاجة 

-أنا عملت كده عشان مصلحتك! 

-مصلحة ايه اللي بتتكلم عليها أنت دمرتني يا بابا دمرتني أنا مستحيل اسامحك... مستحيل. 

وبعدين جريت وسيبته ودخلت اوضتي وقعدت اعيط... أنا جرحت أحمد... مستحيل يسامحني علي اللي عملته. 

..... 

بعد ما خلصت دموعي قومت وطلعت موبايلي واتصلت بيه واستنيته يرد.... غمضت عيني ودموعي نزلت لما كنسل عليا.... اتفزعت لما الخدامة دخلت اوضتي من غير إذن لسه هزعق فيها قالت :

-الحقي يا ست ناريمان عادل بيه اغمي عليه. 

-ايه! 

....... 

في المستشفي. 

طلع الدكتور من أوضة بابا فقربت منه وأنا بقول بخوف :

-أخبار بابا ايه يا دكتور 

بصلي الدكتور بحزن وقال :

-هو ابوكي مقالكيش 

-قالي ايه؟! 

-عادل بيه عنده ورم في المخ سرطان يعني وللأسف في المرحلة الأخيرة.... 

دموعي نزلت فكمل الدكتور:

-أنا طلبت منه يتعالج ويحاول يتفائل بس هو رفض

-طيب هو هيعيش صح يا دكتور... قول آه ابوس ايديك. 

بصلي بشفقة وقال :. 

-ده في ايدين ربنا يا بنتي... هو طالب يقابلك روحي شوفيه. 

...... 

دخلت الأوضة ولقيته متسطح علي السرير... وشه شاحب اووي بس بيبتسلمي كالعادة 

-قربي يا ناريمان يا بنتي 

جريت عليه وأنا ببوس أيده وبقول بهزار 

-ايه يا حجوج مشكلة بسيطة زي دي تخليك تتعب كده... كنت طيب تشدني من شعري أو تضربني وتعلمني الأدب لكن متتعبش... عشان لو تعبت أنا كمان بتعب.... وبعدين مين أحمد ده اللي ازعل منك بسببه فيه حد يسيب واحد قمر زيك ويبص لأبو ودان كبيرة ده. 

ضحك ومسك أيدي وقال:

-سامحيني يا بنتي. 

-بس يا بابا متقولش كده مفروض انت اللي تسامحني. 

-صدقيني يا ناريمان أنا عملت كده عشانك.... أبوه مسجون...يرضيكي جد أولادك يكون مسجون.... أنا كنت اناني عشان بحبك... بحبك أكتر من أي حاجة في حياتي. 

حضنته وقلت :

-وأنا كمان بحبك يا بابا بحبك اووي. 

بعدت عنه ولقيته مغمض عينيه... هزيته وقولت:

-متهزرش يا ححوج قوم... قوم يا بابا.... بابا!!! 

........ 

مر أسبوع وأنا كنت منفصلة عن العالم مكنتش بعمل حاجة إلا أبكي....محدش جه عزاني من أصحابي إلا واحدة أو اتنين بس مهتمتش.... الخدامة كانت بتأكلني بالعافية.... وفي يوم جه المحامي بتاع بابا وطلب يكلمني

-ايه!!! يعني ايه خسرنا كل حاجة.. 

-ده اللي حصل يا هانم والد حضرتك اخد قرض بضمان البيت ده ودخل بيهم البورصة وخسر 

-طيب دلوقتي ايه اللي هيحصل؟! 

-البيت هيتباع في المزاد. 

..... 

كنت مصدومة يعني خلاص هتطرد من بيتي.... هبقي من غير بيت... حاولت أكلم اصحابي بس اتهربوا مني. 

........ 

جه يوم المزاد كنت واقفة جمب الخدامة وأنا بشوف الناس بتزايد علي البيت 

-عشرة مليون عند الأستاذ وليد... عشرة مليون مين يزود.... 

-تلاتين مليون

بصيت للصوت لقيت أحمد واقف. 

-تلاتين مليون للأستاذ أحمد مين يزود.. مين يزود إلا اونا ألا دو ألا تري... ألف مبروك للأستاذ أحمد البيت بقا ملكه. 

صح البيت بقا ملك أحمد واكيد هو جاي ينتقم مني 

يتبع 

أغفر_لي

سولييه_نصار 

تفاعل كتير بقا وهنزل كمان بارت ❤

3 = والآخيــــــــــــــــــــــــــر

الجزء التالت❤شكرا لتفاعلكم السكر ده ❤

بعد ما انتهي المزاد وبقا البيت ملك أحمد... 

قرب أحمد مني وسلم عليا وهو بيقول بحزن:

-البقاء لله يا ناريمان. 

عينيا دمعت وانا بشد أيدي بسرعة وبقول :

-حياتك الباقية يا أحمد شكرا ليك... ومبروك عليك البيت. 

بصلي وسكت... مسحت دموعي بسرعة وقولت:

-لو تسمحلي أحضر شنطتي بس وهسيب البيت (بقلم سولييه نصار)

-ممكن تقعدي هنا لو حابه. 

اتعصبت وقولت:

-ايه شفقان عليا مثلا.... قولت يا عيني المسكينة خسرت أبوها وبيتها فتعطف عليها وتخليها في بيتك ويبقي ده في ميزان حسناتك صح!! 

حسيته وتوتر وقال :

-لا طبعا يا ناريمان... أنا والله ما قصدي كده... أنا بس بقول لو حابة تقعدي هنا لحد ما تلاقي بيت تاني براحتك واقعدي زي ما انتي عايزة. 

-ليه ناوي تتبناني 

-أنا بس بحاول اساعدك!

-وايه المقابل إن شاء الله؟ 

-مفيش أي مقابل والله... 

ضحكت بتريقة وقولت :

-عايز تفهمني إني بعد ما اهانتك وطردتك هتساعدني من غير مقابل لا قلبك كبير والله. 

قرب مني فبعد شوية وقولت:

-أنت عايز مني ايه يا أحمد.... عشان اللي في بالك مش هيحصل 

-ايه اللي في بالي بالضبط مش فاهم 

-أنا مش هبيع نفسي عشان اقعد هنا. 

حاول يخبي ضحكته وقال :

-الأفلام والروايات بوظت عقلك!... أنا مش كده يا ناريمان وانتي عارفة في اليوم اللي تقدري تعتمدي فيه علي نفسك وتلاقي شغل وبيت تقدري تمشي وأنا أوعدك مش هضايقك اتفقنا... 

....... 

وفعلا وافقت اقعد في البيت بس قعدت ادور علي شغل ومرت الأيام وأنا بدور علي شغل مناسب ليا أما أحمد فنفذ وعده كنت نادرا ما بشوفه في البيت.... عمره ما فكر يضايقني بالعكس عرض عليا أنه يشوفلي شغل في المكان اللي أنا عايزاه بس أنا رفضت.... في يوم قدرت ألاقي شغل روحت لأحمد عشان اقوله.... لقيته بيتكلم في التليفون :

-بجد يعني قدرت تثبت براءته.... الحمدلله يارب شكرا يا استاذ محفوظ... أنا هاجي دلوقتي فورا!. 

-أحمد 

بصلي وهو مبتسم وعينيه مدمعة وقال :

-قدر يثبتوا براءة بابا يا ناريمان بابا مطلعش مرتشي الحمد لله يا رب.. 

قربت منه وقعدت جمبه وأنا بقول:

-أنا اسفه علي اللي قولته عن باباك 

-متعتذريش.... أنا ذات نفسي ظلمته وبعدت عنه وقولت أنه مات... كنت برضه مصدق أنه مرتشي... 

مسكت ايده فجأة وقولت:

-أحمد قبل كتب الكتاب واحدة جات وقالت أنها مراتك وورتني ورق... اقنعتني أنك كذبت عليا عشان كده أنا اتصرفت بالطريقة ودي واكتشفت للأسف أن... 

-ابوكي الله يرحمه هو اللي بعتها 

بصتله بصدمة فقال :

-هي جات واعترفت بالحقيقة عشان كده أنا مقدر موقفك. 

ابتسمت بأمل وقولت :

-يعني أنت مسامحني يا أحمد 

-أنا عمري ما أزعل منك أو احقد عليكي. 

ضحكت وبصتله بحب وقولت :

-أحمد أنا بح... 

بس قاطعنا دخول واحدة غريبة لقيت أحمد بيقوم وبيسلم عليها مسك ايديها وقال :

-أعرفك يا ناريمان... منال خطيبتي وهنتجوز الأسبوع ده!!! 

محسيتش بنفسي وأغمي عليا 

.... 

فتحت عيني ولقيت أحمد قاعد جمبي وهو قلقان.... دموعي نزلت وقولت :

-أطلع برة لو سمحت 

-ناريمان! 

-قولتلك أطلع بره... إطلع برة 

-حاضر حاضر أهدي... (بقلم سولييه نصار )

طلع برة فقمت بسرعة ومن غير تفكير جهزت شنطتي واستنيت لما مشي هو ومنال وبعدين طلعت من البيت.... مكنتش عارفة أنا هروح فين ولا عند مين.... كنت ماشية بدنيتي من غير هدف معين وفجأة عرفت هروح فين.... 

........ 

جه أحمد ومنال... اتصدم أحمد لما لقي ناريمان اختفت.... قعد علي الكرسي بإنهيار... 

-ايه ندمت اكتشفت أنك بتحبها.... وأن العناد مش هيفيدك. 

-أنا مكدبتش عليها انتي خطيبتي 

-بس انت مبتحبنيش ولا أنا بحبك... أنت خطبتني عشان تنسي ناريمان ولحد دلوقتي مش قادر تنساها ولا تسامحها حتي 

-أنا سامحتها علي فكرة 

-كدب لو سامحتها كنت هتقبل ترجعلها 

-صعب ارجعلها 

-اللي بيحب بيسامح يا أحمد اوعي تنسي... أنت اتخليت عن ابوك وصدقت أنه مجرم وموته بالحيا ورغم كده سامحك... ازاي مش قادر تسامح... 

سكت أحمد فقعدت منال جمبه وقالت :

-يا أحمد أنت بتحبها وهي بتحبك ليه العند.... دور عليها ورجعها 

-منال! 

ابتسمت منال وخلعت الدبلة وقالت:

-يالا متنحش روح رجعها! 

أبتسم أحمد وجري... قعد ايام يدور عليها لحد ما لقاها في الحديقة مع طفل صغير.. 

-ناريمان. 

بصيت ورايا ولقيت أحمد... بصتله بقرف وقولت :

-خير يا أخ جاي تعزمني علي فرحك

ضحك وقال :

-انتي بتعملي ايه هنا. 

-أنا بشتغل في حضانة وجيت افسح الولاد 

-جميل.... شغلانة حلوة بصراحة بس مش هتشتغليها تاني 

-وده بأمارة ايه إن شاء الله. 

-بأمارة إني هبقي جوزك ومش هسمحلك تشتغلي تاني 

-ده عند أم ترتر عارفها 

مسك أيدي وقال:

-هتيجي ولا اشيلك قدام العيال وتبقي فضيحتك بجلاجل 

-مش جاية 

شالني قدام العيال وانا بصرخ وبقول :

-نزلني يا مجنون.. 

-وافقي تتجوزيني الأول 

-موافقة.. موافقة. 

واتجوزنا أنا وأحمد وقضيت معاه أحلي ايام عمري... في يوم اخدني عشان ازور بابا... 

كنا واقفين جمب بعض وبنقرأ الفاتحة لبابا... خلصت وبصيت لأحمد وقولت:

-مسامح بابا يا أحمد. 

-أنا عمري ما أزعل منه ربنا يرحمه يارب ويجازيه لأنه كبر وربي أغلي واحدة في حياتي. 

مسكت ايده وقولت :

-أنت أجمل راجل في الدنيا 

-وأنت أجمل ست في الدنيا ❤

تمت 

أغفر_لي

سولييه_نصار 

وبكده انتهي الاسكريبت نلتقي في سكريبت جديد بإسم منتهي❤❤

ليصلكم جديد موقعنا فور نشره اشترك معنا من هنا 👇👇👇👇👇👇👇👇👇👇👇👇

اشتراك