 |
قصه قصيره
أخيرا بقينا لبعض
من البارت الاول حتي السابع والأخير
البارت (1)
كنت ماشيه ف الشارع بعيط عشان فلوس المرتب بتاع شغلى وقعت منى ومش لقياها ومش عارفه واقعه فين واكتشفت دا بعد ما ركبت العربيه ومشيت ونزلت علشان اشترى حلويات وشويه حاجات بطلع الفلوس ملقتهمش رجعت تانى للشارع اللى فيه شغلى ادور عليهم مش لقياهم قعدت ع الرصيف وفضلت اعيط لقيت حد جه قعد جمبي وساب مسافه كبيرة
-بتعيطى ليه
=وانت مالك واتفضل امشى من هنا
-مش همشى الا لما اعرف مالك
=خلاص انا اللى همشى
-استنى بس انا كنت عايز اساعدك
=وهتساعدنى ازاي بقا ان شاء الله هترجعلى الفلوس اللى وقعت منى وعيط بزيادة
=ممكن بس تبطلى عياط قلبي وجعنى
-مسحت دموعى بايدى وبصتله ازاي
=مد ايده ف جيبه وطلع فلوس من جيبه
-لا شكرا انت فهمتنى غلط انا مش عايزة منك فلوس
=بس دى مش فلوسي دى فلوسك اللى وقعت منك وانا لقيتها
-ضحكت بجد والله
=ضحك اه بجد والله يلا خديهم بقا
-شكرا اوي بجد يا ...
=احمد اسمى احمد
-شكرا بجد يا احمد ...انت متعرفش انت عملت اي بجد ..اتفضل دول حاجه بسيطه
=كشر ..انتى بتشتمينى رجعى فلوسك واحمدى ربنا انهم رجعولك
-بجد مش عارفه اقولك اي انا فرحانه اويي ربنا يخليك يارب
=دايما يا رب تبقى فرحانه ي ..
-ندى
=فرصه سعيدة عن ازنك
-انا اسعد .اتفضل
كنت فرحانه بشكل ربنا مضيعش تعبى ع الفاضى وروحت اشتريت حلويات ورجعت البيت لقيت ماما قاعدة حكتلها اللى حصل وفضلت تدعى لاحمد وتدعيلى ربنا يرزقنى بواحد زيه
دخلت صليت وقعدت ادعيله ونمت
صحيت تانى يوم كان يوم الجمعه الاجازة بتاعتى من الشغل واليوم اللى بنزل فيه الجيم ..نزلت الجيم اللى موجود جمب الشغل بتاعى وخلصت وخرجت علشان اروح لقيت احمد ماشى ف الشارع كان لابس ومتشيك وكان زى القمر لابس بنطلون جينز اسود وتيشيرت اسود وكوتش ابيض ومسرح شعره لورا وشعره عالى شويه وعضلاته بارزة من التيشيرت وهو طويل وملامحه حلوة ..مشيت ف الشارع لقيت بنتين بيتكلموا عليه
-شوفتى احمد قمر النهاردة اويي
=هو كل يوم بيحلو عن اليوم اللى قبله
-انا اصلا باجى علشان اشوفه
=وانا كمان والله دا بيجى الجيم كل يوم تقريبا
-اهه بس شوفى جسمه حلو ازاي وعضلاته بارزة ازاي وشكله قمر
مستنتش لما ترد عليها مشيت علشان كان نفسي اموتهم واتخنقت وكان نفسي اخبيه من عيونهم ثوانى كدا انا مالى ؟؟دا كل الموضوع انه رجعلى فلوسي ..
مشيت بسرعه اوي وفجاه لقيتنى ع الارض
البارت (2)
مشيت بسرعه اوي وفجاه لقيتنى ع الارض
- اه مش تحاسب ي عم انت
=انا اسف اي دا ندى
-رفعت وشى احمدد
= انتى بتعمل اي هنا
-كنت ف الجيم وانت
=انا ساكن هنا
-تمام عن ازنك
=راحه فين
-مروحه البيت
=انا رايح مشوار ممكن اوصلك
-لا شكرا انا بيتى قريب من هنا هتمشاها
=تعالى بس نتمشى سوا انا اصلا رايح لصاحبي الشارع اللى ورا الجيم
-بجد انا بيتى هناك
اتمشينا ف الشارع
- سمعت انك بتروح الجيم كل يوم تقريبا
=اهاا بحب اروح هناك اوي وانتى بتروحى كتير والا اي
-لا بروح كل تلات ايام ف الاسبوع علشان شغلى
=اهاا ربنا يوفقك
-يارب انا وانت .وصلنا دا بيتى
=بجد دا نفس بيت صاحبى محمد انتى تعرفيه
-اها دا ابن عمى
=بجد بس محمد عمره ما قالى ان عنده بنت عم قمر كده
-اتكسفت ..شكرا
=دى حقيقه فعلا ...
-انا هطلع باى
باى خلى بالك من نفسك
مشيت شويه وبعدين رجعت وقولتله بصوت واطى ..
-ممكن تبقا تلبس واسع علشان عضلاتك كلها باينه والبنات عماله تبصلك وكدا مينفعش وبيقولوا عليك قمرر كمان وجريت ع فوق
سمعت ضحكته العاليهه اويي فابتسمت وف فرحه ف قلبي غريبه اويي..
تانى يوم روحت شغلى وقابلت اصحابي هناك انا بشتغل ف كافيه (جرسونه) لبست اليونيفورم وبدات اشوف الطلبات وشويه ولقيت احمد دخل وقعد ع ترابيزة فرحت انى شوفته وروحت اشوفه هيطلب اي
-هتطلب حاجه يا فندم ؟
=ازيك ي ندى ؟
-الحمد لله وانت
=تمام بخير .واحد قهوة زيادة
-اي طلبات تانى
=ابتسم .شكرا
روحت اخد بقيت الطلبات التانيه
-هتطلب اي ي فندم ؟
=هطلب اديكى ان شاء الله بس انتى ترضى عنى
-هتطلب حاجه والا امشى ؟؟
=لا خلاص عايز عصير فراوله زيك ي قمر
-حاضر
(نسيت اقولكوا دا يبقا عمر مبيسبش بنت ف حالها اللى تعجبه لازم يتعرف عليها ويرخم زى ما انتوا شايفين من يوم ما جيت الكافيه وهو مش سايبنى ف حالى وكل يوم يجى يعمل النمرة دى )
نزلت الطلبات ع الترابيزات
-اتفضل العصير
=مسك ايدى وانا بنزل القهوة ع الترابيزة سحبت ايدى وضربته بالقلم
-انتى بتضربينى طب تعالى كان هيضربنى بالقلم لقيت بوكس ف وشه ولقيت ظهر حد قدامى معدتش شايفه حاجه خالص
-ايدك دى لو فكرت ترفعها تانى انا هكسرهالك
=وانت مالك انت انا كلمتك دى واحدة مش متربيه انا عايز المدير
-دى متربيه غصب عنك ومش عايز اشوف وشك ف حته هى فيها انت سامع علشان مادفنكش مكانك
المدير دخل وانا خفت
البارت(3)
المدير دخل وانا خفت
-اي اللى بيحصل هنا اتفضلوا ع مكتبي
دخلت انا وعمر واحمد
-ممكن اعرف اي اللى بيحصل... اي دا احمد ازيك اتفضل اقعد
=تمام والله ..حضرتك اخبارك اي
-انا كويس ..احكيلى حصل اي
=حضرتك انا كنت قاعد وفجاه الانسه بتنزل المشروب للاستاذ ده لقيته بيمسك ايدها قامت ضربته بالقلم قام علشان يردلها القلم ضربته بس
-فعلا ي انسه دا اللى حصل ؟؟
=ايوة حضرتك زى ما احمد قال
-وانت فعلا الكلام دا حصل
=لا محصلش انا كنت باخد العصير هى اللى فضلت حاطه ايدها علشان تعمل الفيلم دا
-اتكلم احمد ..والله طب احنا فيها ف كاميرات هنا
=اهاا طبعا
-عايز اشوفها .
=تمام تعالوا نشوف
فتحوا الكاميرات وفعلا كلام احمد صح
-اتفضلى ي انسه ع شغلك واي حاجه تحصل تبلغينى بيها وبلاش الايد علشان متاذيش نفسك وانت متجيش الكافيه دا تانى علشان المرة الجايه مش هعديها ع خير اتفضلوا ..
شكرا ي احمد مش عارف اقولك اي
=لا شكر ع واجب خلى بالك من صحتك عن ازنك
-ازنك معاك يا ابنى
خرجت لقيتها واقفه بتاخد الطلبات .قعدت ع الترابيزة بتاعتى
-اتفضل القهوة بتاعتك وشكرا اوى مش عارفه من غيرك كنت عملت اي
=العفو .هو انتى تعرفيه ؟
-دا عمر بيجى كل يوم ويرخم عليا كدا علشان مش برضى اكلمه لكن دى اول مرة يطول ايده بس الحمد لله ربنا بعده عنى يارب ميرجعش تانى ابدا
=ابتسم يارب
-عن ازنك
=اتفضلى
بعد شويه
-ممكن الحساب ؟؟
=حاضر
-الحساب ...
=اتفضلى
-شكرا
عدى اليوم روحت مش قادرة من التعب صليت واتعشيت وفتحت الفون قرات الروايه وفتحت الفيس والواتس رديت ع الرسايل وقفلت ودخلت انام افتكرت اللى حصل الصبح وابتسمت لما افتكرته وفكرت ابحث عن صفحته بس انا معرفش اسمه كله فنمت
عدى شهر كل يوم احمد بياجى الكافيه بحس بفرحه غريبه اوي لما بشوفه بس انا اجازتى يوم الجمعه مش بروح بس بشوفه وانا رايحه الجيم وتقريبا اتعودت ع وجوده ف يومى اليوم مش بيكمل غير بيه اتعلقت بيه مع ان كلامى معاه على قد الطلب اللى بيطلبه ف الكافيه الا انه قدر يخطف قلبي بدخلته الكافيه ولبسه الشيك والقهوة اللى بقيت بدمنها مع انى مش بحب القهوة ولا ريحتها الا انى بقيت بشربها كل يوم زيه
لبست ونزلت ع الشغل ودخلت لبست اليونيفورم بتاعى واستنيته يجى زى كل يوم لكن مجاش بدات اخد الطلبات وانا تفكيرى كله فيه هو بس لحد ما روحت وانا مش مبسوطه ومش مركزة .
البارت (4)
لحد ما روحت وانا مش مبسوطه ومش مركزة وحاسه ان حاجه ناقصه اتعشيت ودخلت نمت
صحيت تانى يوم روحت الشغل استنيته وبردو مجاش وعدى شهر ومجاش وقلبي زعلان ومش طايقه نفسي حاولت انساه مقدرتش ومع ذلك حياتى زى ما هى وكملت شغلى وعادى بس قلبي مشغول بيه عدت الايام ولسه مظهرش معقول يكون جراله حاجه ؟ف سبب لاختفائه ؟يا ترى هو كويس ؟ بيفكر فيا ولا نسانى ؟ بقالى شهر ونص مشوفتوش
روحت الشغل وجالنا خبر ان فى حجز بكرة للكافيه ولازم نجهز المكان قبل الميعاد ومش هنلبس اليونيفورم كله يلبس لبس عادى وف بنت هى اللى هتكون مسئوله عن الحجز دا والمدير هيعرفنا هو اختار مين ..
-انا طبعا قولتلكم ان ف بنت واحده هتكون مسئوله عن الحجز ودا طبعا لان اللى حاجز المكان عايز كدا وكمان هتلبس لبس معين والبنت دى بتكون الانسه ندى
=(اتصدمت اشمعنا انا يخترنى ما اي حد تانى )..تمام يا فندم...لبس معين ازاي حضرتك
-مد ايده بكيسه ..دا اللى هتلبسيه
=تمام ي فندم
جهزنا المكان وخلصناه وكل حاجه تمام و
روحت البيت وانا مش عارفه اعمل اي ف الورطه دى نمت وصحيت تانى يوم بدرى علشان اجهز وانزل علشان اجهز الاكل والمشروبات اللى هيشربوها قبل ما ياجوا واعرف كام شخص وكدا طلعت اللبس من الكيسه كان فستان قمر اوي وزوقه حلو ولبست عليه طرحته وهيلز كان معاه وحطيت برفيوم وبس لانى مش بحب الميكاب ونزلت وبدات احضر المكان واللى عرفته ان الحجز لشخص ومامته حطيت الاكل وكله تمام وجه الميعاد لقيت ست كبيرة بس مش كبيرة اوي ولبسها حلو ووشها بشوش اوي بقلم/ندى تامر
-اتفضلى ي مدام
=شكرا ي بنتى
-العفو
=اقعدى
-ها لا شكرا ي مدام
=اقعدى بس انا مستنيه ابنى بيعمل حاجه وجاي
-قعدت شكرا لحضرتك
=انتى حلوة اوي يا ندى مش اسمك ندى بردو
-اهاا والله حضرتك اللى زى القمر
=انتى بتشتغلى هنا يا ندى من امتى
-من سنتين
=ليه ؟
-بحب المكان دا اوي بيفكرنى بحد بحبه وكنت محتاجه فلوس ولما اشتغلت هنا ربنا رزقنى جامد ومش محتاجه للشغل بس انا بحب المكان دا ومستحيل اسيبه ابدا
=واضح جدا انك بتحبيه اوي والشخص دا بقا كبير والا صغير
-ها لا هو شاب زى القمر ومز والله ي طنط ..احم انا اسفه
=هههه دا انتى واقعه خالص زيه
-هاا هو مين دا
=احم لا مفيش ي حبيبتى اصل ابنى بيحب واحدة زى القمر والله وواقع فيها خالص
-هو الحب كدا يا طنط ..انا ارتحتلك اوي
=وانا كمان ي قلب طنط .
البارت (5)
=وانا كمان ي قلب طنط .بس تعرفى الواد ابنى دا طلع زوقه حلو اوي
-هى حلوة اوي كدا ي طنط
=اهاا زى القمر ي قلب طنط .قوليلى انتى بتحبيه اوي كدا
-فوق ما تتخيلى ي طنط.هو دايما بيقف جمبي من غير ما اطلب مساعدته
=طب هو يعرف انك بتحبيه
-لا طبعا
=طب ما تحكيلى اتعرفتوا ع بعض ازاي
-حكتلها من اول موضوع المرتب والجيم وموقف عمر و قد اي بحب القهوة علشانه والمكان اللى بيقعد فيه
=كل دا حب من غير ما تعرفى هو بيحبك والا لا
-اعمل اي مش بايدى والله بس انا زعلانه منه وعيطت
=بتعيطى ليه بس ي حبيبتى
-كام بيجى كل يوم ي طنط واختفى بقاله شهر ونص مش ظاهر خايفه يكون جراله حاجه تفكيرى كله فيه مش عارفه اعيش حياتى من غيره بحبه اوي
=وانا كمان بحبك اوي♥(بقلم/ندى تامر)
الصوت دا اما عارفاه ايوه هو صوته ..قد اي صوته وحشنى لفيت لمصدر الصوت لقيته واقف بورد ولابس اسود وكان زى القمر .قلبي فرحانه بس زعلانه من غيابه
-عن ازنك ي طنط جيت اخرج وقفنى صوته
=ابن طنط بيحبك وبيموت فيكى وندمان ع كل ثانيه عاشها ف بعد بس كانت ظروف ماما تعبت فجاه ودخلت ف غيبوبه لمدة واضطريت اسافر معاها لحد ما فاقت واستردت صحتها اول ما بقت كويسه قولتلها انى هنزل علشان اشوفك بعد ما صدعت من كتر كلامى عنك وعن حبي ليكى وقد اي وحشانى ومش قادر ع بعدك اكتر من كدا وهى قالتلى انها عايزة تقعد تتكلم معاكى وتشوفك وتتاكد انك بتحبينى زى ما انا بحبك♥
كنت مصدومه من كلامه الا انى كان نفسي اخده ف حضنى
-خلاص بقا ي حبيبه طنط سامحيه والله كان هيموت ف بعدك
=انا مسمحاه ي طنط انا عمرى ما أزعل منه ابدا
-تتجوزينى
=سكتت واتفاجئت من الكلمه وقلبي بيدق بسرعه وهزيت راسي بنعم
طنط خدتنى ف حضنها
-يا ريتنى كنت طنط
=اتكسفت وضحكتله
-هنيجى انا وماما بكرة نشربه عندكوا القهوة عايز ادوقها من اديكى
=ضحكت وقعدنا اتعشينا واخدت الورد وروحنى وكنت طايرة من الفرحه وقولت لماما وتانى يوم اجاا
لبست فستان اسود كنت جيباه ملبستوش قبل كدا وهيلز دهبي وطرحه دهبي
الباب خبط عمى كان موجود ومحمد ابن عمى وماما فتحت
-اتفضلى ي حبيبتى .اتفضل يا ابنى .اتفضلى ي قمر مين القمر دى
=دى بنتى ملك اخت احمد
-طنط هى العروسه فين انا عايزة اتعرف عليها واشوفها
=جوا ي حبيبتى ادخليلها
-حاضر
كنت واقفه قدام المرايه متوترة وفرحانه ومشاعرى متلخبطه وقلقانه لقيت حد بيخبط فتحت لقيت
البارت (6)
لقيت حد بيخبط فتحت لقيت بنت شبه احمد اوي حضنتنى استغربت
-ازيك ي مزة انا ملك اخت احمد بس تصدقى الواد احمد دا طلع مش سهل دا انتى طلعتى وتكه
= ضحكت ونسيت التوتر والله انتى اللى جامده اخر حاجه
-الا قوليلى ي بت ي ندى هى دى عنيكى والا لينسز
=عينيا ي بت اي عجباكى
-اهاا اويي
=ضحكت شكلى حلو
-وتكه وتكه يعنى مفيش كلام والله انتى خسارة ف الواد احمد
=دا اخوكى دا قمر اويي
-اوبا دا انتى واقعه زيي بقاا خش ف حضن اخوك ي فواز =ليه انتى بتحبي والا اي ؟؟
-اهاا بحب صاحب احمد وهو بيحبنى اوي وهو خطيبى حاليا .(بقلم/ندى تامر)
=بجد ..ربنا يخليكوا لبعض ....تعرفى ي ملك كان نفسى حد يكون معايا ف اليوم دا بس ربنا رزقنى بيكى انتى
-يحبيبتى يلا علشان احمد هيعمل منى كفته
خرجت بالصنيه وسلمت ع طنط وحضنتنى وقعدت وسابونا لوحدنا
-ازيك ي ندى ؟
=الحمد لله كويسه وانت
-كويس لما شوفتك
=ابتسمت بكسوف وبصيت ف الارض
-انا احمد عندى 25سنه بشتغل ف شركه انا وصاحبي ويبقا خطيب ملك اختى شركاء فيها بالنص وعندى شقتى والحمد لله رينا رزقنى
=اهاا ربنا يزيدك يارب
-حايه تعرفى حاجه تانيه
=بتصلى
-اهاا الحمد لله ومش بشرب
=تمام . انا ندى عندى 20 سنه وبشتغل ف الكافيه وف كليه فنون جميله بس ف الاجازة بشتغل بدل الملل وكمان لانى بحب المكان دا
-تمام
خرجنا برا واتفقوا مع عمى الخطوبه بعد اسبوعين وكتب الكتاب بعد شهرين مع الفرح لانه مستعجل وهو جاهز (وانا كمان معنديش مشكله لانى هجيب حاجتى ف الشهرين دول بالفلوس بتاعتى اللى ف البنك ميراثى من بابا الله يرحمه ومن فلوس شغلى )
اتخطبنا فعلا وجبت حاجتى كلها وخلصنا الشقه
يوم كتب الكتاب
(بارك الله لكما وبارك عليكما وجمع بينكما ف خير)
قام احمد حضنى ولف بياا اجمل يوم ف حياتى بجد أخيراً
-مبروك علياا ي روح قلبي
=الله يبارك فيك
-بحبك
= وانا كمان بحبك اويي
-اخيراا بقينا لبعض
عملنا الفرح وكان قمر
البارت (7) والأخير
بعد سنتين
انا حاليا حامل ف الشهر الخامس ف مليكه وفرحانه اوي
-حطيت ايدى ع بطنى يلا بقا ي قلب مامى تعالى علشان تشوفى بابي تعرفى بابي دا حاجه كدا قمر وطيب وحلو حلاوته وطويل وعنده عضلات ويتاكل اكل ومز اوي
=اي دا انا كل دا دا انا جامد بقاا
-علفكرا انا مش بقول عليك
=اومال بتتكلمى ع مين بقاا
-انا زعلانه منك
=انا ليه
-علشان مخلتنيش اعضك امبارح
=ضحك يعنى انتى زعلانه علشان معضتنيش
-اهاا طبعا
=طب وكده
= ايدا انت جيت يا حبيبى وحشتنى اوي علفكرا الكلام اللى من شويه كان عليك والله والله
-كل دا علشان علبه شوكولاته من اللى بتحبيها
=اهاا ..لا علشانك انت
-بجد
=بجد
-طب هروح ارجع الشوكولاته واجيلك
=هعيط والله
-خلاص خدى اهى
=ربنا يخليك ليا ي حبيبي وميحرمنيش منك ابدا
-ويخليكى ليا ياروح قلبى
ولدت مليكه والنهاردة عيد ميلادها تتم سنه
-كل سنه وانتى طيبه ي قلب عمتو
=ونتى طيبه ي ملوكه
(بقلم/ندى تامر)
-كل سنه وانتى طيبه ي قلب بابي
=وانت طيب ي حبيبي .
-دى هديه ملوكتى عقبال مليون سنه واحنا مع بعض يا حبيبتى
=الله دى صورنا (احمد كان مصورهم نفس الصورة كل شهر من يوم الولادة لحد السنه وحاطتهم ف البوم وكاتب تحت كل صورة الشهر)يحبيبى ربنا يخليك لياا وحضنته
واتصورنا صورة جماعيه مع بعض والحمد لله قد اي احنا عيله قمرر وانا محظوظه باحمد ♥♥
تمت
رايكم ♥♥
اقرأو أيضا من هنا
تعليقات
إرسال تعليق