النصاب البارت الرابع بقلم جمانه السعيدي حصريه وجديده
بان.....كلام خالي حيل ااثر بنفسية امي
رغم هيه جانت تعرف هو مايريدنا بس عدها امل ولو واحد بالميه يحن كلبه علينا
وخاصه من ماتت بيبي وبقينا وحدنا
امي حزينه من يوم راحت بيت خالي لليوم
اني اشوف الحل الوحيد الهذا الوضع ازوج
لازم ازوج بأسرع وقت ممكن حتى وضعنا يتغير شويه
اني جديات افكر بلزواج محتاجين رجال بحياتنا واني مو زغيره اريد ازوج اريد اطفال
اريد هذا البيت يصير بي حس
اتصلت على ساره اخذ رائيها
بان....ساره اريد اخذ رائيج بموضوع مهم
ساره...خير شكووو كولي
بان...اكو وحده تشتغل خطبه شنو رائيج اطلب منها تشوفلي عريس اني مو زغيره عمري ٢٨ سنه
ولحد هاي اللحظه محد دك بابي ولا واحد اجا يطلب ايدي
ساره...تحجين صدك لو شقى
بان...اي احجي صدك انت ماشايفتها ماكو واحد طلب عروس اذا ما زوجته ماكو وحده تريد تزوج
اذا مالكتلها رجل
افكر جديات اطلب منها عريس
ساره....اذا مقتنعه فعلا مابيها شي احجي وياها وشوفي ردة فعلها
بس مو تقبلين باي شي كون شخص محترم يستاهلج
بان.... لو تعرفين الوحده الي عايشه بيها ما تتخيلين
شلون يخلص يومي همزين عندي دوام
جان اتخبلت
المشكله مااعرف اصادق بعدج مااعرف شلون تصير عندي صديقه
ماكو وحده تاخذ مكانج
ساره...مو اي وحده تصير صديقه ديري بالج
بان...هسه شنو احجي ويا الخطبه
ساره.. اي احجي وياها وشوفي عود دزيلي الاخبار اول بااول
جمانه السعيدي
بان...بقيت اليل كله افكر شلون راح احجي وياها وشلون افتح هيج موضوع
احس بلاحراج ماعندي ثقه بنفسي ابد
ثاني يوم انتظرتها مااجت
ولا اليوم الي بعده اجت
بعدها صادف جمعه امي صممت تروح للنجف وتاخذني وياها تروح أزور جدي وبيبي
رحنا للنجف حملة ويا الجوارين
زرنا بيبي وجدي خطيه امي شكد تبين قويه بس ولله تبجي مثل الطفل الزغير يم كبر امها
امي...يمه اجيتج اليوم مهضومه وكلبي ينزف تعرفين عماد شسوي بيه
يمه يريد ثمن للخوه مايجي ولا يسئل علينا
ماله شغل بينا
يكول تنازلي عن كلشي واكون اخوج
شفت الوكت شلون شفت المحنه صار الها ثمن
بويه كلبي مورم ليش عفتني جنت مهيوبه بجالك
ومحد يقرب عليه
هسه وحدنا اني وبتي
لاتكولون جبيره ولله اني زغيره وخايفه من هذا الوكت
كلام عماد ما يطلع من كلبي شكد مقهوره منه
بس المن احجي وين أفرغ ضيم كلبي
منو يسمعني ليش المحنه تغيرت
بان...متت بجي على امي خطيه تبين قويه بس هيه شكد ضعيفه وخايفه
بان.......يمه كافي كومي راح يصعد ضغطج كومي كافي
امي...خل احجي خل أفرغ ضيم كلبي
بان...الحجي مايفيد ابد بس تقهرين نفسج وبس
بلكوه شلتها من الكبر ما تقبل تكوم
صعدنا بلسياره ووحده من الجيران كالت للسايق أخذنا المكبرتنا
مشا السايق بينا وصل للمكبره نزلن ثنيين نسوان من الجوارين
اول شي امي مانزلت وياهن
بعدين كالت عيب من عدهن خل انزل اقرا الفاتحه وياهن
نزلت وراهن واني عيني عليها رادت تعبر الشارع بسرعه
حتى تلحك بيهن
جان تجي سياره طايره ضربت امي
مااشوف امي غير طارت ونظربت بلرصيف
النسوان بلسياره كامن يعيطن واني مثل الي ما مصدكه
عيوني امي وكعت على الرصيف والدم جوها
صار بقعه جبيره
النسوان نزلن واني نزلت وراهن واني أصيح يمه يمه
اسم الله يمه
كعدت وخليتها بحظتي عبالك نايمه
الضربه براسها احجي وياها مااترد عليه
اديه وملابسي صارن كلهن دم
السايق اتصل على الاسعاف والنسوان شالنها صعدنها
على الرصيف
كل هذا واني ما مصدكه عيوني شلون امي هيج بلمح البصر تروح مني
شلون تعبر الشارع وتضربها السياره
اجت الاسعاف وصعدنا اني وياها
كعدت اباوع عليها منتظرتها تفتح عينها
وصلنا للمستشفى دخلوها على الدكتور
جمانه السعيدي
بس فحصها كال ميته
اني سمعته كال ميته وهنا يله استوعبت امي راحت مني
كمت اصرخ بصوت عالي
شنو ماتت ماعندي احد غيرها منو اليه
دكتور تعال افحصها مره ثانيه اذا محتاجه دم اني اتبرعلها
دكتور فدوه العينك لاتكول ماتت مستحيل
شلون ماتت بقيت حاضنتها وابجي
الدكتور أأكد الضربه اجت على راسها راسها انضرب
بلرصيف وفارقت الحياة
مجاي استوعب كلشي صار وياي
اني بقيت وحدي وحدي يعني وحدي
لا اهل ولا ام ولا احد يذكرني ويسئل عني
بقيت وحدي بهاي الدنيا
اخذناها اني والجوارين غسلناها ودفناها يم بيبي وجدي
خليها ترتاح من ضلم الناس
عاشت مظلومه وماتت مقهوره
كلشي ماشافت من حياتها
ايام الفاتحه كلها اصرخ واللطم عليها شلون بيه
امي علفتني وراحت
ساره بس سمعت بخبر وفاة امي
حجزت طيران للعراق ورجعت علمودي
بقت وياي اسبوع كامل
عايشه وياي بيتي حتى بليل تنام بصفي
تحاول تخفف عني مصيبتي
بعد هذا الأسبوع ما خلص اخوانها عرضو بيت اهلها للبيع
استغلو وجودها بلعراق لان هيه كل سنتين تجي مره زياره الاهلها
بقت حتى توقعلهم على البيع
بقت وياي بيتي ماتروح البيت اهلها اله ساعه وحده بليوم وترجع عليه
ياخوفي ينباع البيت وساره ترجع اسافر وتعوفني وحدي
من جدبد
اخوانها يردون حصتهم اما امها عايشه ويا اخوها الزغير
وزوجته زوجت اخوها تصير بت خالتها
ساره تنازلت عن حصتها لاخوانها التلاثه
تكول خير من الله عندي ما محتاجه هاي الفلوس
بعد شهر بلضبط البيت انباع وساره ودعتني وسافرت مره ثانيه
وهلمره مااكدر تعبت شلون راح ادخل للبيت
وامي ماكووو شلون راح اكمل حياتي وحدي
هو اني ماعندي حظ بهاي الدنيا
انولدت بدون اب وعشت منبوذه والناس كلها تتنمر على شكلي وحتى أقرب صديقه اليه عافتني وسافرت
وهسه امي كملت على الموضوع
حتى تكمل سلسلة الخسارات بحياتي
اول ما وصلت ساره اتصلت تطمن عليه
ساره...بان ارجعي للشغل لا تبقين كاعده بلبيت وحدج
اخاف عليج
بان..مااكدر مااكدر اشتغل
ساره...ماكو غير الشغل هو الي راح يحسن نفسيتج
كعدت البيت والحزن يجيبن الكئابه
ارجعي للشغل وحاولي تلتهين
بهاي الفتره ماعافتني ساره ابد كل يوم تاصل مرتين وتلاثه واربعه
بس حتى تطمن عليه
رجعت للدوام بس ماعندي واتس ابد
مكسوره وحزينه
ارجع من الشغل الساعه ثنتين ونص اتغدى وانام
مرات اجره نومه للصبح لان اخاف ابقى وحدي بلبيت بليل
ومرات اكعد شويه وارجع انام
حياة ممله ومابيها اي طعم امي جانت ماليه الدنيا عليه
شلون عافتني وماتت مااعرف
جمانه السعيدي
بعد ست اشهر
اتصلت عليه ساره طبعا هيه تتصل كل يوم تطمن عليه
بس هذا الاتصال غير
ساره... وين راحت الخطبه الي حجيتي عنها
بان...موجوده ليش
ساره...ليش ما تحجين وياها
بان....صدك
ساره...اي طبعا صدك ابمكان ماعايشه وحدج على الاقل واحد يسليج
بان....ماصار ست اشهر من امي ماتت
ساره...قابل اني كتلج ازوجي هسه
ايجوز تبقى شهر شهرين سنه يله تلكه الانسان المناسب
انتي احجي وياها وشوفي
بان...تردين الصدك استحي احجي وياها
ساره...شكو بيها ليش تستحين زواج على سنة الله ورسوله
بان...خاف تكول امها ماتت توها وتريد رجل
ساره...خليها تكول تشتغل بفلوسها قابل بلاش
هيه ما عايشه الحياة الي انتي عايشتها وما تعرف ضروفج شنوو
بان...يعني افتح وياها الموضوع
ساره....جيبي رقم تليفونها من الموظفات واحجي وياها بلتليفون اذا تستحين
تردين احجي وياها اني
بان...لا اني اجيب تليفونها واحجي وياها
اكلج ساره تعتقدين اكو واحد يقبل بيه
ساره....اصلا امه داعيتله الي ياخذج ووين يلكه وحده
كلبها ابيض وطيبه وحنينه مثلج
بان...خايفه محد ياخذني اخلص عمري وحيده
ساره...لا لاتكولين هيج هسه تجيج قسمه حلوه وتزوجين
بان...ادعيلي ازوج واستقر وتصير عندي عائله
ساره...يارب
بان.. ما كتلج نازله خمس كيلوات لان اكل بس وجبتين بليوم عشى ماكووو
حلويات ماكوووو
مشروبات غازيه ماكووو
ساره.. انتي بكل حالاتج حلوه بس عفيه عليج اضعفي
حتى تصيرين احلى
بان...تعرفين انتي لو باقيه وياي مجان فكرت ازوج
انتي بلنسبه اليه العالم كله
ساره....انتي حبيبتي وصديقتي
ديري بالج على نفسج
بان.. انشاء الله
بان..ثاني يوم من رحت للدوام جبت رقم ام زيدون
دزيتلها رساله على الواتساب
بان...السلام عليكم شلونج ام زيدون
ام زيدون...منو وياي
بان...اني بان موظفه بلدائره الفلانيه هسه اذكرج
بيه
ام زيدون....منو بان مااعرفج
بان...اني موظفة حسابات ويا ام علي وأم مرام
اني شويه سمينه وسمره
ام زيدون....خل اذكر هااا عرفتج انتي امج ماتت قبل فتره بحادث
بان.. الله يرحمها
ام زيدون....الله يرحمها تفضلي حبيبتي بيش اخدمج
بان...اني موظفه مثل ما تعرفين وبعد وفاة امي
عايشه وحدي واذا اكو قسمه او اي احد يريد عروسه
اني مواليد ٩١ وانتي شايفتني
ام زيدون....اي شايفتج ميخالف اني راح احجي عنج
للخطاب واشوف
والي بي الخير يقدمه رب العالمين
بان...اني مراح انسى تعبج
ام زيدون....انت عايشه وحدج ماعندج اهل
بان...اي كلهم ماتو و
ام زيدون...الله يرحمهم الله يساعدج عيوني
بان....شكرا حبيبتي
ام زيدون.....اريد معلومات عنج كامله وين بيتكم
حتى إذا أحد سئلني انطي مواصفاتج كامله
بان...حجيت كلشي عن حياتي الام زيدون حتى
المحلات الي ورثتها من جدي وشلون فقدت امي
وشلون اني عايشه وحدي ومالي احد بهاي الدنيا
وهاي كانت اول و اكبر غلطه غلطتها بحياتي
انتظرونا.....راح نتعرف على العريس بلبارت القادم