رواية بنات عيسي الفصل الاول بقلم شيماء الديب حصريه وجديده
رواية بنات عيسي الفصل الاول بقلم شيماء الديب حصريه وجديده
-الست زينب بتولد ياحاج عيسي والدايه بتقول انها بتنزف ولازم الاسعاف تيجي تنقلها المستشفي بسرعه
عيسي بحده/ وانتي مستنيه ايه ياام ابراهيم ماتروحي بسرعه تتصلي بالاسعاف ، مانا قولتلكم م الاول اخدها المستشفي وانتم قولتو لأ
ام ابراهيم/ اديك شايف ياحاج الجو عامل ازاي والعاصفه بتزيد ومحدش عارف يتحرك
عيسي بغضب / طب انجزي ياام ابراهيم روحي اتصلي بيهم ، بالفعل سمعت الكلام وراحت عشان تتصل بالاسعاف وفجأه تتخبط في واحده ست
ام ابراهيم بلهفه/ اوعي من وشي بسرعه ياعزيزه
عزيزه ببرود / مالك متسربعه كده ليه ياوليه ،هي القيامه قامت
ام ابراهيم بحزن / الست زينب ياكبدي بتولد وبتنزف جامد ولازم تيجي الاسعاف
عزيزه ببرود مسكتها من ايديها / طب روحي انتي اتطمني علي ستك وانا هتصل بيهم …رجعت ام ابراهيم علي غرفة زينب ،وعزيزة رفعت السماعه وفضلت شاغله الخط ،وبتكلم نفسها بصوت واطي ( واي يعني لما تنزف ،هي اساسا لازم تموت ،ودي فرصه وجت لحد عندي ومستحيل اضيعها ياعيسي )
مر الوقت علي امل ان الاسعاف توصل وينقذو زينب لكن الظروف والوقت كانت ضدها …بعد معاناه وآلم ولدت زينب ومازال النزيف مستمر
الدايه بفرحه / الحمدلله ياست زينب ولدتي بنت زي القمر
زينب بصوت منخفض ممزوج بآلم / قربيها ليا ،خليني اشم ريحتها وابوسها ،الدايه بالفعل قربتها منها وبعد ماباستها كملا كلامها ،ناديلي عيسي ياام سعد
الدايه / متتعبيش نفسك ف الكلام ياست زينب ،زمان الاسعاف جايه وباذن الله هتخفي وتقومي لبنتك بالسلامه
زينب بتعب وضربات قلب متزايده مسكت ايد الدايه / نادي عيسي بسرعه مفيش وقت،بالفعل خرجت بسرعه وندهت علي عيسي اللي كان رايح جاي في الطرقه وعمال يدعي لمراته
الدايه /الست زينب عوزاك ضروري ياحاج عيسي ،دخل بسرعه عليها
عيسي بلهفه / حمدلله علي سلامتك ياقلب عيسي
زينب مسكت ايده وبحزن ودموع بتجري علي خدها وبصوت متعب/ خلي بالك من زينه ،انا سميتها زينه ياعيسي زي مااتفقنا ،خلي بالك منها
عيسي حس بقبضه في قلبه / لا متقوليش كده ياحبيبة عيسي ،انتي هتقومي بالسلامه ونربيها سوا ولسه هنجيب عيال كتير زي مااتفقنا سوا ،وفجأه دموعه نزلت ،اوعي يازينب تنقضي العهد اللي بينا
زينب ضغطت علي ايده ودموعها نازله / علي عيني ياعيسي مش بايدي ،هتوحشني اوي ياعيسي …وفجأه السر الالهي طلع
عيسي بصريخ / ززززززززززينب ،لا يازينب قومي ونبي متسبنيش لوحدي يازينب انا مليش غيرررررك ،ليه ياااااارب ليييييه
عزيزه سمعت صوت صراخ عيسي ابتسمت بخبث وقالت بصوت واطي / متقلقش ياعيسي ياحبيبي انا هنسيك كل حاجه .....
رأيكم لو عجبتكم نكمل
