رواية بنات عيسي الفصل الخامس بقلم شيماء الديب حصريه وجديده
ومشيت زينه والبيت فضى علي عيسي وحس بالوحده …قاعد بالليل في البلكونه وشافته ام ابراهيم وهي ماشيه فحبت تطمن عليه فقربت منه / انت لسه صاحي يابني
عيسي بنبره حزينه / هنام ازاي بس
ام ابراهيم قعدت قدامه / لا ياحبيبي انت لازم تنام وترتاح عشان تعرف تشتغل وتشوف حياتك انت لسه صغير ،وعشان كمان تأمن مستقبل بنتك …زينب كانت لسه مخلصه شغلها وهتروح وسمعتهم بيتكلمو فقربت من البلكونه ووقفت تتسنط علي كلامهم
عيسي بااستغراب / مستقبلي ?! هو فين مستقبلي دا ياام ابراهيم …دا انا حتي الست اللي اخترتها من وسط الناس دي كلها ربنا اخترها واخدها مني …وبنتي اللي كانت بتفكرني بأمها وبشم فيها ريحتها خالتها اخدتها
ام ابراهيم / بص يابني انتي مؤمن بقضاء الله وقدره وانت زورت بيت ربنا واكيد عارف ان ربنا له حكمة في كل اللي بيحصل دا …اصبر واحتسب وهتشوف كرم ربنا عليك هيبقي ازاي …اديك شوفت جوزي وابني راحو مني في غمضة عين وانا زي ماانت شايف صابره ومحتسبه وماباليد حيله
عزيزه بصوت واطي / ااااه يعني البت خالتها اخدت تربيها …اااه والله والزهر هيلعب معاكي يابت ياعزيزه وأهي الكوره جت ف ملعبي ولازم في اقرب وقت أسجل هدف
عيسي كمل كلامه لام ابراهيم / ونعم بالله العلي العظيم …باذن الله خير ياام ابراهيم …المهم روحي انتي عشان الوقت اتأخر …سمعت عزيزه الكلام فطلعت تجري قبل ماحد يشوفها
ام ابراهيم قامت / طيب ياحاج انا همشي وباذن الله مش هتاخر عليك الصبح …تصبح علي خير يابني
عيسي باابتسامه / وانتي من اهل الخير ياغاليه …مشيت ام ابراهيم وعيسي سند راسه لورا وبص للسماء وكمل كلامه …معقول ياعيسي انت هتقدر تعيش حياتك وتتجوز تاني ويبقي ليك اسره بدل مانت قاعد لوحدك في بيت طويل عريض بالشكل دا ،معقول هقدر اتخطي موت زينب حبيبة عمري ،يارب دبرلي أمري فأني لا أحسن التدبير … وقام دخل اوضته عشان ينام …
مرت الشهور وعدت سنه واكتر واهتمام ام ابراهيم بعيسي بيزيد عشان هي مجربه احساس الوحده بعد موت جوزها وابن ابراهيم في حادثه وبقت وحيده
فارس اللي عنده 7 سنين بقي مهتم اوي بزينه اللي بقي عندها تقريبا سنتين وبيشيلها زي اللعبه
نورا بضحك /وبعدين معاك يافارس هو انا كل ماانيمها ف سريرها تاخدها منه
فارس بطريقه طفوليه / بصراحه ياماما انا بحبها اوي وهي حلوه اوي وانا مش عاوزه تبعد عني ابدا
نورا قربت منه / حلوه اوي وبتحبها اوي كمان …لا لا انا كده اغير علي بنت اختي يااستاذ فارس
فارس /بصي ياماما انا مبقتش عاوز مصروف ولا حاجه حلوه ولا عاوز اروح النادي بس بشرط
نورا / اممممم واي الشرط دا ياسي فارس
فارس / تجوزيني زينه لما اكبر …نورا فضلت تضحك بشكل هيستيري وراحت عليه حضنته وهو شايل زينه
نورا / يعني انتي هتربيها وبعدين تتجوزها
فارس / اه ،ومش هخلي حد يضربها ابدا ولا يزعلها وكمان هذاكرلها
نورا / مش لما ناخد رأي عمو عيسي الاول يمكن يرفض
فارس / لأ عمو عيسي بيحبني وعمره مايرفض
نورا فضلت تضحك بصوت علةالي علي طريقة فارس في الكلام وتفكيره واصراره علي جوازه من زينه / وانا موافقه ياسيدي بس بشرط تكون شاطر وتذاكر وتطلع مهندس قد الدنيا زي مابابا كان عاوزك تطلع ،عشان تمسك الشركات بتاعتنا وتبقي ناجح ومشهور والا كده مش هجوزك بنت اختي …اتفقنا
فارس بضحك / اتفقنا …يلا بقي حضريلنا الكيكه اللي انا بحبها عشان أأكل زينه منها
نورا / من عيوني الاتنين … نص ساعه وتكون جاهزه
وفي يوم من الايام راجع عيسي من شغله وهو داخل من بوابة بيته لقي ام ابراهيم طالعه / رايحه فين ياست الكل
ام ابراهيم / هروح اجيب شوية طلبات للبيت وراجعه ومش هتاخر …عيسي هز راسه وهي مشيت وهو دخل
دخل البيت وطلع علي اوضته وبيفتح الباب وفجأه شاف ست من ضهرها ولابسه قميص احمر وشعرها الطويل نازل علي ضهرها …رجع لورا خطوه ووقف مصدووووم
يتبع
