الظرف المفقود الحلقه العاشره حصريه وجديده

الظرف المفقود الحلقه العاشره حصريه وجديده 

وخر ضرار و رد عليها درت كل شيء علي خاطري متأكدة ، ترا راجعي روحك مع من ميسا كانت مدايرة علاقة مش خوك اللي إنتي قاعدة تحاميله.. أه من اللي ضحى بي حبه و إستقراره مع مرته ومشي قري فاتحة وحدة مايحبهاش مش اني اللي ضحيت بش ماينضرش ضياء..

_ إنت قريت فاتحتها لما عرفت إن أمي كتبتلها وصية ، و مش بعيد إنت اللي خنبت الوصية 

لأنك تأكدت إنها بتعلن في الوصية إنها بنتها ..

و في اللحظة الصح خش الشخص الغلط ..

وكانت المفاجئة للكل 😯😯 لما 😲😲😲😲

خش و هو يصفق بإيديه الزوز و هو يقول 

_ مؤيد :- 👏👏👏 برافو زيدو هدرزو زيدو طلعوا الأسرار المدفونة. 

_ عليا :- مؤيد كيف خشيت شن جابك ..

_ مؤيد:- كيف خشيت و شن جابني 😏😏

   و أني نهدرزلك و نصارح فيك بأفكاري  و نقولك ضرار عنده سر داسه مش عارفه شن هو.

و إنتِ طلعتي عارفة كل شيء و متفاهمين و مخططين ..

و قدملها وجهاً لوجه و هو يتأمل في ملامحها و يقول ..

و إنتِ ديري في روحك خالية قضية ؛ غر كيف صار يامريتي يا شريكة حياتي ..

_ علياء :- أني قتلك يا مؤيد خوتي أولى من أي حد .. 

_ أولى حتى من صغارك بو صغارك و أولى من صغارك اللي بضيعي حقهم ..

_ شن دخل صغار في الوسط  .

_ الرزق هذا مش ليهم مش يأمنلهم مستقبلهم  

وهني تدخل ضرار و قطع  عليه كلامه وقاله .

_ ضرار:- نبي نفهم إنت شن دخلك إنت شن تبي حني خوت في بعض و هذا رزقنا ..

قدمله مؤيد بتحدي و قاله. 

_ رزق أمهم ..

وبصوت عالي وعصبية رد ضرار..😡😡

_ لااا هذا رزق بوي و لا نسيت نسيت إن بوي كتبلها كل شيء بإسمها هذا في الأصل رزق بوي 

_ بوك كان عنده الفيلا اللي إنتم عايشين فيها و الشركة ؛ و مرت بوك هي اللي كبرتها و شرت العقارات و الأراضي و الخير اللي إنتوا فيه .

أصحى فيق علي روحك بلا وهم إنت ليك الحق في الفيلا و الشركة بس لكن بالحب مش بالقانون ..

قدم ضرار و شد مؤيد من حوايجه و قعد يتلتل فيه و يعيط عليه لين حزت بينهم علياء ..

و ضياء بدي يعيط و هو يقول ..

_ ضياء:- ياسرو بطلوا مشاكل و فكونا من الكلام الزايد ..

و وجه كلامه لي مؤيد. 

_ ضرار خونا و مستحيل ناكلو حقه و لو حاط في راسك بتلهف الرزق و تستمتع بيه فرد بالك حتى علياء مش حانعطوها شيء ..

_ علياء :- شني 😯😯😯😯..

_ مؤيد:- إنتوا اللي قتلتوا ميسا و إنت يا ضياء اللي غلطت معاها .. 

وتلفت لي علياء ..

_ و إنتِ مشاركة معاهم في الجريمة ؛ و اللي قلتوه كله تسجل فيديو صوت 😏 و صورة ؛ تبو نشير عادي نشير و نشوفوا الترند ..

هجم عليه ضرار مرة ثانية و بدي يتلتل فيه من حوايجه ..

_ ضرار:- إنت شن تبي تكلم شن تبي ..

نحاله يديه و بكل هدوء ..

_ مانبيش حصت مرتي ؛ ورتت مرتي هكي هكي بتاخدها ؛ 😏😏 

أني نبي حصتي ..

_ ضرار :- حصتك ..

_ أي حصتي ؛ حصت أمي ؛ أمي اللي بوك كلها في حقها من 35 سنة ..

_ و حني شن دخلنا ..

_ إنتوا صغاره ؛ مالحقتش ناخد حقي من خالي تعطوهولي إنتوا ..

_ ضياء:- هي تفضلوا ؛ الكل طامع  .

_ أني مش طامع قلتلكم هذا حقي 😡..

وهما يتناقشوا نفس الشخص المجهول اللي في كل مرة يتجسس موجود في المكان لكن المرة هاذي خانه التوازن و عثر في الفازة اللي على الأرض..

و سمعوا الصوت في اللحظة هذي كلهم تفرقوا يجروا يشوفوا شن في " لكن الشخص المجهول أذكى منهم فص ملح وذاب " ..

_ ضياء :- في حد في الفيلا ..

_ ضرار :- من بيخش باب الحوش مسكر و الحوش مافي حد غيرنا .

_ علياء :- مرات عايدة روحت و خشت بالشوية و سمعت ..

_ ضياء:- يا ذكية الصوت جي من داخل مش من جيهة باب الحوش يعني عايدة كيف بتخش من غير مانشبحوها شن شبح هي ..

هما يتناقشوا و حايرين لكن مؤيد كانت نظراته غريبة  و كأنه يفكر في شيء أو شاك في شيء ..

و فجأة ضرب جرس الحوش و طلع ضرار يفتح 

.............. رواياتي بنات أفكاري ...............

و في مكان ثاني فطيمة فتحت باب حوشها لقت المحامي نوح قدامها ..

_ نوح:- السلام عليكم كيف حالك خالتي فطيمة 

_ أهلاً أستاذ نوح كيف حالك تفضل ..

خش نوح و قدامه فطيمة و هي تقوله 

_ شكراً ياولدي إنك جتني بسرعة أني قلت إنك مرات مش فاضي بتعطل عليا قلت نمشي للمركز

_ إن شاءالله خير شن في..

.............. في حوش العيلة .................

_ علياء :- خيرك تشريني وين مفاتيحك ..

_ مفاتيحي راحو معاش لقيتهم كيف بنسألك عليهم ..

_ ضرار :- حني كل واحد بمفتاحه.. وين كنتي

_ مش مهم ..

_ ضرار:- كيف مش مهم ..

_ أشغالي الخاصة يا ضرار خيرك ..

قالت كلمتها هاذي و ركبت و هما الثلاتة قعدو يشبحوا لبعض..

.............في حوش فطيمة................

_ نوح :- خلاص هانت ياخالتي فطيمة إنت خليك ساكتة و صابرة و ماتخليهمش يضغطوا عليك ؛ و أني بإذن الله حانجيب حق ميسا ..

_ صحيت يا ولدي ربي يبارك فيك..

_ شوية و اللي قتل حايبان و ينعرف..

و ناض نوح و ناضت معاه فطيمة من مكانها و سقداته لي فم الباب..

................ في حوش العيلة...............  

_ عايدة :- يا نوح أني جبت التقرير اللي يقول إن فطيمة عمرها ماتقدر تجيب صغار من 28 سنة مدايرة عملية إستئصال رحم كيف بتجيب ميسا و هي عمرها 25 ..

_ تمام به ممكن تحتفظي بمعلوماتك لنفسك أرجوك ..

_ يا نوح أني مستبعدة خواتي لأنهم مايعرفوش المعلومات هاذي و بعدين ماتوصلش بيهم للقتل لكن ممكن كانوا شاكين أو خايفين من حاجة في الوصية هذا علاش خنبوها...

_ خلي تحليلاتك لنفسك ماتفسديش التحقيقات .

_ لازم نعطوا المحقق المعلومة هاذي إن ميسا أكيد أختنا و ماما حاطتها في الوصية ..

و كيف قاعدة تتناقش مع نوح ووهو يقنع فيها إنها تصبر ..

يسمـــع نوح عيطة مكتومة من عايدة ..

و قعد نوح ينادي ..

_ ألو ألو عايدة خيرك ..😯😯😯😯

لكن عايدة طايحة علي الأرض و كان واقف عليها واحد ملتم و كله لابس أسود في أسود..

😱😱😱😱😱😱😱😱😱😱😱😱

يتـــــبـــع ....