جميع الروايات كامله

 رواية💔 جراح القلب ٢💔 الحلقه الخامسه والسادسه حصريه وجديده 

رواية💔 جراح القلب ٢💔 الحلقه الخامسه والسادسه حصريه وجديده 

فلاش باك

ندى في القسم

هشام : انسه ندي، مبروك على الإفراج، انتي متعرفيش انا عملت ايه عشان ابعدك عن القضيه، واخليكي شاهد فيها مش متهم، انا كتبت انك انتي اللي جيتي واعترفتي بكل حاجه، وانك مكنتيش تعرفي حاجه عن اللي حسن هيعمله، وده خلاكي شاهده مش متهمه، اتمنى انك تفوقي ومتكرريش الغلط مره تانيه

ندى، : انا بجد مش عارفه اشكر حضرتك ازاي، لكن متقلقش، الفتره اللي قضتها هنا، من النيابه للمحكمه للسجن، كفيله تخليني اتوب عن أي شر كان جوايا، وبجد انا بشكر حضرتك للمره التانيه

هشام : بصراحه مش المفروض تشكريني انا.،انا عملت كل ده برغبه من أحمد والرائد نادر ،

ندي: بصدمه،، يعني احمد هو اللي قالك تخرجني!!!!!

هشام : اكيييييد، انا المفروض ان انفذ شغلي، واحطك في الحجز، لأنك مشتركه في الجريمه دي، اه هو مش دور مباشر قوي، بس كنتي على درايه بالموضوع، لكن احمد طلب مني اخليكي شاهد ملك في القضيه، وده اللي انا عملته، واتمنى مندمش عليه

ندي:فرحت جدا لأن احمد فكر فيها، والأمل بدأ يتجدد عندها من تاني، وشكرت هشام ومشيت، 

وهي خارجه قابلها مراد

مراد:ندى، بنتي، حبيبتي، (وحضنها) حمدلله على السلامه ياقلب ابوكي

ندي: الله يسلمك يابابا، ياااااه، انا حاسه اني بدأت اتنفس طبيعي،

مراد:الحمدلله يابنتي، شده وراحت لحالها بفضل الله، ايام صعبه ربنا ميعودها تاني يابنتي،

ندي: يااااارب يا بابا، بس انت عارف مين السبب في خروجي؟

مراد: مين ياحبيبتي

ندى بابتسامه: أحمد يابابا، احمد هو اللي طلب من الظابط يخليني شاهد في القضيه، احمد اكيد لسه بيحبني، انا فرحانه قوي يابابا ولا زم اروح اشكره على اللي عمله

مراد بحزن: ندى يابنتي، احمد انسان خلوق جدا، وفي منتهي الأدب والاحترام، يعني موقفه ده مش عشان لسه بيحبك، لا، ده عشان العيش والملح اللي اكله معانا، ودي تربيه ولاد الأصول، فوقي ياندي وشوفي حياتك يابنتي

ندي: لا يابابا متقولش كده، انا واثقه ان احمد اتشد لهنا بسبب بُعدي عنه واهتمامي بحياتي ومزاجي وبس، لكن لو اتأكد أن انا اتغيرت اكيد حبه ليا هيكبر من تاني، انا واثقه من كده، وعارفه احمد اكتر من نفسي

مراد:(بصوت عالي) يابنتي فوقي بقه حرام عليكي، احمد خلاص مش من حقك، احمد اتجوز خلاص

ندى اتصدمت جدا : ايه، انت بتقول ايه يابابا، مش ممكن طبعا (دموعها نزلت)، انت بتقول كده عشان تبعدني عنه، بس انا عمري مهتنازل عنه ابدا، احمد بتاعي انا وبس، احمد ملكي يابابا، انا مقدرش اعيش من غيره، مقدرش اتخيل حياتي وهو مش فيها، (وعيطت في حضن ابوها بصوتها كله)

مراد،:تعالي بس يا حبيبتي، نرجع البيت، ونتكلم هناك براحتنا، اهدي بس يابنتي وتعالي

رجع مراد وندى البيت، وندى دخلت اخدت شاور، وغيرت هدومها ، ودموعها نازله زي المطره ،

خرجت ندى عشان تتغدى مع مراد

ندي: بابا، انت عرفت منين، ان احمد اتجوز

مراد: احمد جالي هنا قبل فرحه وواساني في محنتي، وبلغني بمعاد فرحه، وفعلا رحت سلمت عليه وعلى مراته ومشيت على طول

ندي: وطبعا مراته دي هنا، مش كده

مراد نزل راسه في الأرض وقال باسف: اه هي يا بنتي

ندى بوجع: آآآآآآه ياقلبي اللي موجوع، انا مش قادره اتخيل ان احمد ضاع مني خلاص، وعيطت جامد،، انا تعبانه قوي يابابا، تعبانه قوي

مراد قام من على السفره ومسح على شعر ندى وقال: حبيبتي يابنتي، كل شيئ في الدنيا دي قسمه ونصيب ياقلب ابوكي، وانتي احمد مش من نصيبك، فوقي لنفسك ياندي، وخليكي قويه، عشان خاطر ابوكي يابنتي

ندى، مسحت دموعها، : حاضر يابابا، ان شاء الله هتعدي، بس هو أحمد لسه شغال في شركة مصطفى بيه برده

مراد: اه يابنتي لسه، ده حتى بقه رئيس مجلس إدارة الشركه

ندي: باسف، هه، الله يسامحك ياماما، انتي السبب، اهو احمد بقي

رئيس الشركه، مش ده اللي كنتي عايزاه، هه، خلاص اهو ضاع مني

مراد : انسى ياندي وعيشي حياتك يابنتي، واوعى تسمعي كلام امك تاني، امك الغل والحقد مالي قلبها، عيشي في سلام يابنتي

ندي: حاضر يابابا، بعد اذنك هقوم ارتاح شويه،

مراد: مش هتاكلي ياندي، طب يابنتي كلي اي حاجه، تلاقيكي مكلتيش خالص، بقالك كام يوم

ندي: انا نفسي اتسدت عن العالم كله يابابا، انا محتاجه ارتاح، بعد اذنك

مراد بقلة حيله بص لبنته ودعا ربنا يسعدها ويعوضها خير

*********

ندى في اوضتها قررت انها لازم تقابل احمد وتروحله الشركه، تعرف منه ليه طلب من الظابط انها تبقى شاهد، وهل ده معناه انه باقي عليها، ولو ده فعلا صح، ليه سابها واتجوز هنا، وفضلت تفكر كتير لحد مغلبها النوم،

شيمو الخطيب

، *************

عوده للوقت الحالي

فارس بيكلم احمد في التليفون، وفجأه ندى دخلت عليه، وده طبعا لأن مفيش لسه سكرتيره بعد رشا

احمد: ايه يابني، سكت ليه كده،

فارس: ايه ده!!! ندى!!!

احمد : باستغراب، انت بتقول، ندى، تقصد ندى مراد ياض

فارس، طيب يا احمد اقفل انت دلوقتي وهكلمك بعد شويه، وفعلا قفل معاه

فارس، : اهلا ياندي، ازيك، اتفضلي اقعدي

ندي:شكرا يافارس، انا تمام الحمد لله، كنت جايه لأحمد ورحت مكتبه وقالولي (وكملت بدموع) انه في شهر العسل،

فارس: اه هو فعلا اجازه بمناسبه جوازه، عقبالك ياندي

ندى : شكرا يافارس، عقبالك

فارس: انا خطبت الحمدلله، وأن شاء الله هنفرح قريب

ندي: بجد!! فارس الجندي اخيرا خطب

وياتري مين اللي وقعتك دي

فارس: سلمي صاحبة هنا مرات احمد

ندى بغيظ:سلمي!! اممممم، مبروك

فارس، :ومالك بتقوليها من غير نفس كده

ندي: لا ابدا، بس مستغربه، ان هنا وصحابها كلهم بيعرفوا يوقعوا رجاله بسهوله كده، انت وأحمد، وأعتقد أن ولاء مخطوبه لرائد مش كده ولا ايه

فارس اتغاظ من كلامها : لا هما مش بيوقعوا يا ندى، اخلاقهم واحترامهم وتدينهم هو اللي بيخلينا نقع فيهم من دون قصد لا منهم ولا مننا، بيجبرونا نحبهم باسلوبهم البسيط اللي من غير تكليف، كلهم بصراحه يستاهلوا يتحبوا

ندى فهمت قصد فارس وقالت : فارس

ممكن أسألك سؤال

فارس:اتفضلي طبعا

ندي: هو انت ايه اللي غيرك، انت كانت كل تصرفاتك تثبت انك بتكره احمد، شخصيتك وسلوكك كان غير كده تماما، كنت بحس انك نفسك تشوف احمد حزين وبتحاول دايما انك تعمل اي حاجه تدايقه، كل ده اتغير ازاي، وبقه النقيض،

فارس بزعل حقيقي على ماضيه وتصرفاته مع صاحبه، : كل اللي حصل اني حبيت، حالات كتير ياندي الحب فيها بيبقى سبب تغير البني آدم للأحسن، وده لحسن حظي حصل معايا، سلمي غيرتني، واحمد بنبل أخلاقه وحبه ليا، كان ليه دور كبير في كده، ازاي اشوف كل كمية الحب سواء منه او من سلمي وابقى انسان مش كويس، احمد صدّق اني ممكن اكون بلغت عنه وكنت السبب في كل اللي حصله، لكن انا عذرته، لاني انا اللي خليته يعمل كده، تصرفاتي معاه قبلها تثبت ده، ومزعلتش منه ولا زعلت من الكلام اللي قالهولي، بالعكس، انا حاولت اوصل للحقيقة، عشان اثبتله اني اتغيرت، واني فعلا بحبه، ومش عايز اخسره، والحمدلله رجعنا احسن من الاول، 

بس صحيح، انتي كنتي جايه لأحمد ليه، هو فيه حاجه،

ندي:ها، لا، لا ابدا، انا كنت جايه اشكره على طلبه من الظابط انه يخليني شاهد، لكن متعوضه إن شاء الله، هبقي اجيله في وقت تاني

فارس، : اممممممم، تشكررييييه، (وقام وقف) ماشي ياندي، نورتي مكتبي الشويه الصغيرين دول،

ندي: شكرا يافارس، وسلمت عليه وسابته ومشيت

شيمو الخطيب 

*************

عند احمد وهنا

احمد مستغرب من وجود ندى في الشركه ونفسه يكلم فارس يعرف هي خرجت امتى وازاي، وجايه الشركه ليه 

لكن خايف هنا تدايق لاهتمامه، أو لوجودها من الأساس، ومحبش يعمل مشكله، واستني لما فارس يكلمه،

هنا : احمد

احمد: عيون وقلب احمد،

هنا: مالك يا حبيبي سرحان كده ومش طبيعي، حتى فطارك مكملتوش

احمد: لا ابدا، وهسرح في ايه ياهنا

هنا: بجد؟ ، يعني مفيش حاجه شغلاك ، (ومسكت ايده وبصت في عينيه)، هو انا يعني مش عارفاك، ده انا بفهمك اكتر من نفسك، مالك يا احمد

احمد ابتسم وباس راسها: حبيبتي، خايف اقولك تدايقي، وانا مبحبش ادايقك ابدا،

هنا: انا عمري مدايق منك، صدقني زعلي وديقتي هتبقى انك سرحان، ومخبي عليا ، احمد، انا عيزاك تبقى صريح معايا في اي حاجه تحسها، حتى لو متأكد اني هدايق منها، صراحتك هتخليني اسمعك واتفهم كلامك كويس

احمد اتعدل في القعده وقال : حيث كده بقه ياقمري، اقولك اللي حصل، بصراحه كده انا كنت بكلم فارس زي مقولتلك وفجأه لقيته بيقول ندى، وفهمت ان ندى راحت الشركه،

هنا: ندى!!! طب ازاي، وخرجت امتى، ورايحه الشركه ليه

احمد: اهو هو ده بالظبط اللي انا بفكر فيه، ومحبتش اقولك عشان متدايقيش،

هنا : تفتكر تكون جايالك عشان تحاول معاك ترجعلها ،

احمد: هنا،، اعقلي كده وقولي كلام معقول، عمي مراد اكيد قالها اني اتجوزت، يعني هي مليون في الميه فقدت الأمل في رجوعنا ، اكيد فيه سبب تاني، وبعدين ياقلب احمد متشغليش بالك، ياخبر النهارده بفلوس، بكره يبقى ببلاش

وبص في موبايله لقى فارس بيتصل

احمد ضحك قوي وقال: هههههه، ده ملحقش يبقى بكره، دي قناة الجزيره بتتصل، 

ايوه يافارس خير

فارس: انا قولت زمانك قاعد وفضولك هيقتلك زي اخوك بالظبط، ونفسك تعرف ندى كانت هنا ليه

احمد : ابن حلال، قول بقه، لأن تقريبا مؤمن مُعدي جدا في موضوع الفضول، ونسبه انتشار العدوى سريعه، هههههه

فارس :دي كانت جايالك ياسيدي، اصلك وحشتها، هههههههههه

احمد : جايالي انا!!!! فارس انت هتهزر، الموضوع ده في خراب بيوت الله يخربيتك، هههه،

فارس : ياعم والله كانت جايالك، بس بصراحه مش عشان وحشتها، لا، عشان تشكرك انك طلبت انها تبقى شاهد في القضيه.

احمد اتنهد : الله يخربيتك يافارس، هنا كانت شويه وتدفني مكاني، ههههه

(هنا بصتله الأول بضيق واول مفارس قال إنها جايه تشكره هديت شويه، لكن برده لسه متغاظه وقلقانه منها)

فارس: ههههه يانهار ابيض، مش تقول ان هنا جنبك، كنت احترمت نفسي، وظبطت الدنيا

احمد : وانت هتجيب الاحترام منين، مهما قولتلك، مش هتلاقي عندك احترام ، يلا خير، المهم اوعي تكون قولتلها على معاد رجوعي الشركه،

فارس : لا متقلقش ده انت اخويا برده، انا بس قولتلها على عنوان الشقه، ههههههههههههه

احمد : الله يخربيتك يافارس، انت بتتكلم بجد يا زفت انت

فارس : هههههه تصدق انا هموت من الضحك بجد، نفسي اشوف شكلك وندى داخله عليك، وانت واقف بين هنا وندى، هتبقى مسخره يا حضرة المدير

احمد : فارس متهزرش، الموضوع ده ميستحملش هزار، انت قولتلها بجد على العنوان

فارس ضحك بصوته كله، وقال، : يابني هو انا اهبل، عشان اقولها.،وبعدين هي مسألتش اصلا، بس هي اكيد هتيجي تاني ده اللي فهمته من كلامها،

احمد :ماشي يا فارس، عادي حتى لو جت، وارد جدا اني اتعامل معاها، واكيد معاملتنا هتقوم على الاحترام وبس

فارس : اكيييد يا كبير، المهم اسيبك انا بقه، عشان عندي شغل كتييييير، وانت حاطط ايدك في الميه البارده

احمد : ماشي يا حضرة المهم، ده انا فرحان فيك فرح، هههههه 

وقفلوا مع بعض

هنا : هو انت هتقابلها عادي يا احمد

احمد حضن هنا : هنون حبيبتي، انتي واثقه في حبي ليكي ولا لأ،

هنا لسه هتقوم من حضنه، هو رجعها تاني وقال : ردي وانتي في حضني

هنا بادلته الحضن : طبعا واثقه يا احمد،

احمد : يبقى خلاص ياحبيبتي متشغليش بالك باي حاجه، وسيبيني انا اتصرف، وصدقيني ياهنا، انا لا حبيت ولا بحب ولا ههحب غيرك، انتي ساكنه في قلبي ومالكه لروحي،

هنا: وانت كل كياني، ومصدر اماني، وسندي في الدنيا، ربنا ميحرمني منك ابدا يا حبيبي

احمد: ولا منك يا حبيبتي، المهم، يلا بقه نقوم نحضر شنطنا عشان نسافر على اسكندريه، نقضي احلى اسبوع عسل، ومش عايزك تزعلي انه مش شهر، بس صدقيني يا هنا، الشغل هو اللي حاكمني

هنا : متقولش كده يا احمد، انا ايامي كلها معاك عسل، وجودك جنبي في اي مكان، هو مصدر سعادتي

احمد : والله منا عارف هعشقك ايه اكتر من كده، (وضمها ليه جامد، وقامو بعدها يحضروا شنطهم)

شيمو الخطيب 

************

عند مي 

مي صحيت من نومها وكانت عايده خارجه من المطبخ ومحضرة الفطار

مي: صباح الفل على احلى عايده في الدنيا، ايوه كده، خلي لحياتي معنى، وحسيسيني بالأمان بوجودك جنبي،

عايده: ربنا، يباركلي فيكي يابنتي ويسعد قلبك يارب، ادخلي بقه اتوضي وصلي وتعالي نفطر مع بعض

مي: باستها من خدها،، من عيوني ياقمر

الباب خبط وعايده فتحت وكان مؤمن

مؤمن : عيوووود حبيبتي، حمدلله على السلامه يا خالتي، ايوه كده منوره الدنيا كلها،

عايده : قلب عيود ياواد والله، تعالي ادخل افطر معايا، وافتح نفسي

مؤمن : وهو انا أطول افطر معاكي، هو اه انا لسه فاطر، بس ده ميمنعش اني افطر تاني عشان خاطر عيون القمر

عايده : تسلم من كل شر ياحبيبي،

مؤمن : هي البت مي فين، اكيد لسه نايمه، انا عارفها بتعشق النوم قد عنيها

عايده : لا ياحبيبي والله دي بتتوضي عشان تصلي، وهتيجي تفطر معانا، انا هدخل اجيب عيش زياده واجيلك على طول، اوعي تمشي، ههههههههه

مؤمن : لاااا متقلقيش، انا بايت هنا النهارده، بس عايز، غدا على أعلى مستوى، هههههه

عايده : انت بتفكر في الغدا، واحنا لسه بنفطر، عموما من عيوني، هعملك احلى غدا

مؤمن : احنا في عصر السرعه ياعيود، ساعتين كده واطلب منك العشا، عادي يعني، ههههههه

عايده : ربنا يسعدك يابني يارب

مي خارجه وكانت لأول مره بشعرها ولبس البيت،

مؤمن انبهر بشكلها الطفولي اللي هو بيعشقه، خصوصا انها رابطه شعرها ديل حصان، وشكلها طفله فعلا

مؤمن صفر : ايه ده، يخربيت جمالك، بت يامي، انتي حلوه قوي،

مي اتكسفت ووشها احمر، ولسه هتدخل مؤمن مسكها من دراعها 

مؤمن : رايحه فين وسيباني، انا ماصدقت، انتي كنتي منشفاها عليا، على الآخر، كأني واحد من الشارع مش جوزك

مي اتنهدت، اول ما مؤمن قال كلمة جوزك : ياااه تصدق كلمة جوزك دي حلوه قوي، بحب اسمعها جدا

مؤمن : طبعا جوزك، وانتي مراتي وحبيبتي وبنتي واختي وكل حاجه ليا في الدنيا، بس انتي عارفه، انا بعشقك بجد، نفسي دلوقتي انقض عليكي زي الأسد اللي بينقض على فريسته، ههههههه

مي اتكسفت قوي : يعني انت عايز تفترسني يا مؤمن (وقالتها بدلع)

مؤمن : اااااه ياقلبي اللي مش متحمل، بصراحه عايز افترسك فعلا،

مي بدلع ولع في قلب مؤمن، : ههون عليك يا مؤمن

مؤمن : يخربيت كده، انا بجد مش قادر، ، وقرب منها وبص في عنيها كتيييير، ووطي عليها ولسه هيبوسها مي دورت وشها ومؤمن باسها من خدها،وبعد عنها بسرعه ومشي، وبعدها قال،، مي ادخلي يامي، عايزك قدامي حنفي

مي وقفت تضحك وسابته ودخلت اتوضت عشان تصلي 

وعايده كانت في المطبخ، وفرحت جدا لما سمعت صوت ضحك بنتها، ودعتلها ان ربنا يسعدها ويفرحها دايما،

مؤمن : ايه ياعايده، فين العيش، انتي ناويه تدمجي الفطار في الغدا وتضحكي علينا ولا ايه

عايده : هههههههه الله يجازيك يا مؤمن، العيش اهو يا حبيبي، بالهنا والشفا يارب

وجت مي وبدأوا يفطروا، ومؤمن مش بيحاول يبص لمى خالص، وهي بتضحك على شكله وبتحاول تلفت انتباهه باي طريقه، 

موبايل مؤمن رن وكان نادر

مؤمن : اهلا بحضرة الظابط المحترم، فينك ياعم، وحشتني من امبارح، هههههه

نادر: انت بتتريق ياض انت، متقلقش يا حبيبي، شكلنا الفتره الجايه هنبقى مع بعض كتير

مؤمن : ليه خير هتتجوز يا معلم

نادر : مش بالظبط، وبعدين انا لو هتجوز، هبقي معاك انت ليه، متفتح كده ياهندسه، هههههه

مؤمن ضحك بصوته كله، : ههههههههه، عندك حق، انا قصدي هتحتاجني في تجهيزات في مرمطه، حاجات من هذا القبيل،

نادر : لا يا هندسه، انا هحتاجك في مهمه، رسميه، مكلفني بيها الجهاز

الحلقه ٦

من رواية 💔جراح القلب٢💔

ندى خرجت من الشركه وكان نفسها انها تلاقي احمد، لأنه فعلا وحشها جدا، وللأسف مكنش موجود ، لكن هي صبرت نفسها بأنها هترجع تاني، وتشوفه، وتشكره على اللي عمله معاها

رجعت ندي البيت وكان مراد قلقان عليها جدا، وتوقع انها ممكن تكون راحت لفايزه

مراد بلهفه: ندى يابنتي، انتي رحتي فين قلقتيني عليكي

ندي: بابا حبيبى، انت ليه قلقان كده، هو انا صغيره ولا ايه،

مراد: لا يا حبيبتي مش صغيره ولا حاجه، بس مهما كبرتي لازم هقلق عليكي، انتي نور عيني ياندي

ندي: وانت قلبي وكل حياتي يا بابا (وباسته من خده وقالت) وانا هريحك يا حبيبي، انا كنت عند احمد في الشركه

مراد باستغراب وضيق: احمد!!! (واتنهد)

احمد تاني يا ندى، خلاص بقه يابنتي متقفلي الصفحه دي بقه

ندي: بابا، عشان خاطري بلاش كلامك ده، انا كنت هناك عايزه اشكره على اللي عمله معايا مش اكتر، بابا، انا عايزاك تثق فيا اكتر من كده

مراد : يا حبيبتي انا واثق فيكي اكتر متتصوري، بس خايف من مشاعرك، ممكن تضيعك لو محكمتيش عقلك يا بنتي،

ندى،: متقلقش يابابا، ان شاء الله كله خير، بس صحيح، هي ماما قاعده فين الفتره دي، اخر مره جاتلي كانت بتقول انها عند خالي بس مش مرتاحه هناك

وللأسف نسيت اخد رقم تليفونها

مراد : انا عرفت من خالك انها اجرت شقه وقعدت فيها لوحدها، لأن كان في مشاكل بينها وبين مرات خالك، انتي عارفه والدتك، مبتريحش نفسها ولازم تتعب اللي حواليها معاها،

ندى : طب متعرفش عنوان الشقه ايه، يابابا

مراد :لا والله يابنتي مسألتش، لأنه شيئ ميهمنيش،

ندى : للدرجادي يا بابا ماما متفرقش معاك

مراد : هي اصلا مش فارق معاها نفسها، والدتك يا ندى خلاص، الحقد عاميها، وللأسف الكره ملي قلبها من ناحية الناس الأحسن منها، يعني من الاخر، هي اللي عملت كده في نفسها ودمرت حياتنا كلنا

ندى باسف : ماشي يابابا انا هحاول اتصل بخالي واعرف مكانها، واروح اطمن عليها

مراد : ماشي يابنتي، انا مقدرش امنعك، دي مهما كان والدتك، بس مش عايزك تنساقي لكلامها ياندي، وفكري كتيييير قبل أي قرار تاخديه، وربنا يسعدك يابنتي، المهم انا همشي انا عشان انتي اخرتيني، مش عايزه مني حاجه يا حبيبتي

ندي: ربنا ميحرمني منك ابدا يا بابا، عايزه سلامتك 

وسابها ومشي، وندي كلمت خالها وخدت عنوان والدتها

شيمو الخطيب 

*************

عند مؤمن 

نادر كلم مؤمن وقاله ان في مهمه وممكن يطلبوه معاهم

نادر،: شكلنا هنبقى مع بعض الفتره الجايه كتير يا هندسه

مؤمن : ايه نويت تتجوز، ولا ايه،

نادر : لا وحياتك ده انا هحتاجك في مهمه رسميه مكلفني بيها الجهاز

مؤمن بفرحه : ايوه بقه، خلينا نشتغل، امتى هنروح

نادر : اصبر بس لان في حاجات لسه معرفهاش من رئيس الجهاز، وبعدين هعرض عليه وجودك معايا في المهمه، لاني انا اللي محتاجك، فهشوف و ارد عليك

مؤمن : لسه هستني، عموما ماشي، ظبط امورك وانا معاك مكان متروح

نادر : مؤمن،، هو انت ليه فرحان كده، الموضوع مش زي ما انت فاكر، الموضوع خطير وصعب

مؤمن : هو انا يعني غبي يا نادر، منا عارف مخاطر العمليات دي كويس، وبعدين انت سبق وفهمتني كل حاجه، وانا وافقت ورحبت باي حاجه، ياجدع ده انا أجلت شغلي مع مصطفى بيه، بسبب اني حابب اشتغل معاك، وفي مجالك ده

نادر : تمام يابطل، حيث كده بقه، في شوية تدريبات لازم تعرفها، ولازم تشتغل على نفسك الفتره الجايه كويس جدا، ولازم كمان تركز، و رد فعلك يبقى سريع، عشان تقدر تواجه اي خطر لوحدك، مؤمن، انا مش بخوفك والله، بالعكس، انا خايف عليك

مؤمن : مش عارف ليه حاسس ان انا بكلم ابويا، هههههه، مخلاص يانادر فهمنا والله، بص بقه انا عايز يبقى رد فعلي سريع زيك بالظبط، فاكر حسن اللي ثبته في ٣ ثواني الا ربع، اهو انا بقه عايز ابقى كده، هتقدر ولا اشوف ظابط تاني غيرك يمرني، هههههه

نادر : ههههههه، تصدق يالا انا خايف منك، يابني بطل هزار شويه واتكلم بجد، بص يا مؤمن، سيبلي نفسك وانا هظبطك

مؤمن : هنشوف يا حضرة الظابط، عموما يا نادر، انا معاك يا صاحبي ووقت متحتاجني، هتلاقيني في ضهرك، وده كلام بجد والله مش هزار

نادر : يااااااه بتبقى بني آدم تاني خالص وانت بتتكلم بجد، هههههه

مؤمن : اه منا عارف، بس هل الجد احلى ولا الهزار

نادر : انت بكل حالاتك احلى يا مؤمن،

مؤمن : افهم من كده انك حبتني، هههههه

نادر : مؤمن، اعتقني لوجه الله، سلام يا صاحبيييي، هههههه 

وقفلوا مع بعض

مي: مؤمن، هو انت هتطلع مهمه مع نادر ولا ايه

مؤمن بزعل على شكل مي، : امممم، ايوه يا مي، وقبل متقولي اي حاجه، انا مفيش اي خطر عليا، وبعدين هو لسه هيعرفني اذا وافق المدير اكون موجود ولا لأ، فاهدي كده، وعشان خاطري بلاش دموعك دي

عايده : مؤمن يابني، انت مجالك الهندسه و الكمبيوتر، ليه يا حبيبي تدخل نفسك في شغل الجيش والمخابرات،

مؤمن :يا خالتي المجال ده انا بحلم بيه من زمان، واكيد بعد مخلص، اكيد هدخل الجيش، ساعتها هبقي عملت لنفسي وضع هناك ومش بعيد مقضيش مدة جيشي بحكم ان انا معاهم في اي وقت واي مهمه، غير طبعا اني بعيد عن أي خطر، انا ممكن اهكر موقع، ممكن اعرفهم معلومات من على لاب توب او موبايل، ممكن اعرف مكان الشخص عن طريق برامج على الكمبيوتر، يعني التعامل كله تكنولوجي، مفيش احتكاك مباشر مع أي حد، يعني انا بعيييد، اطمنوا بقه عشان خاطري

مي بعياط، : طي، طيب لما هو كده، انا سامعه نادر بيقولك انه لازم يدربك عشان تقدر تدافع عن نفسك

مؤمن : تمام، هو قال كده فعلا، وده مش هيضرني بالعكس هينفعني جدا في حياتي الشخصيه قبل الحياه العمليه، يعني بذمتك لو ماشي ومعايا القمر ده (وشاور على مي) وحد عاكسك، مش لازم ادافع عنك، وابين فيها السبع رجاله، ههههه، (قرب من مي ومسك ايديها) مي حبيبتي، صدقيني كل حاجه خير ان شاء الله، بس انتي ادعيلي ربنا يسترها معايا، ومعانا جميعا، وبلاش دموعك دي يا مي عشان خاطري 

وقام واخدها في حضنه وباس جبينها، ممكن بقه تهدي، ومتوجعيش قلبي معاكي 

مي لأول مره تحضنه وتمسك فيه بكل قوتها، كأنها مش عايزاه يبعد عنها ولو للحظه واحده، ومؤمن ضمها كلها ليه ومسح على شعرها.، وحاول يهدي فيها لكن هي دموعها موقفتش

عايده، : ايه يا مي ياحبيبتي، ان شاء الله خير، اهدي ياقلب امك، ومؤمن ان شاء الله ربنا هيحفظه هو واللي زيه

مي خرجت من حضن مؤمن، ومسحت دموعها، وصوت شهاقاتها بس اللي مسموع

مؤمن : انا عارف هي بتعمل كده ليه يا خالتي، بنتك بتتلكك عشان تتحرش بيا، وانا بصراحه مصدقت، انا مش مرتاحلك من ساعة مدخلت هِنا النهارده، وبصلها وغمز بعينيه

مي ضحكت بكسوف، وخبطته في كتفه، وسكتت 

وعايده ضحكت على كلام مؤمن، وقالتله، بنتي طول عمرها متربيه، هههههه

مؤمن : ايوه بقه اضحكي خلي الشمس تنور، انتي نور حياتي كلها يامي، اوعي دموعك تنزل طول منا عايش، صدقيني، دي بتوجع قلبي قوي،

مي:بحب،، بعد الشر عليك من الوجع ياحبيبي.،ربنا يحفظك ليا يا مؤمن يارب

مؤمن : (بص لعايده) شوفتي تربيتك، ههههه، اهي بتقول يا حبيبي،

عايده : يعني انت عايز بعد كل كلامك ده، ومتقولش ياحبيبي، يابني والله انا استغربت انها قالت حبيبي بس، انا لو مكانها، مقدرش اقولكوا كنت عملت ايه، يلا ان الله حليم ستار، هههههه

مي ومؤمن ضحكوا بصوتهم كله 

مؤمن : وربنا انتي زي العسل، واحلى حاجه ان بنتك طالعالك، ربنا ميحرمني منكو ابدا، بس ممكن طلب، انا مش عايز امي ولا اي حد يعرف بكلام نادر ليا، انا اكيد هقولهم، بس بطريقتي،

عايده، : طبعا يا حبيبي، ده حقك، صدقني مش هنتكلم مع أي حد في الموضوع ده

مؤمن، ربنا يخليكوا ليا يارب، واخدهم الاتنين في حضنه، وكان هو بالنسبالهم العيله والأمان اللي افتقدوه من زمان

 

شيمو الخطيب 

******، *****

عند أحمد وهنا

احمد :هنا بجد انتي محسساني اننا هنقعد هناك العمر كله، كل دي هدوم ياهنا، ليه ياحبيبتي كده، هو احنا هنهاجر،

هنا: ده انا حاسه ان انا ناسيه حاجات كتير كمان، سيبني بس اركز يا احمد، عشان افتكر

احمد قام من مكانه بسرعه، ومسك هنا، :

لاااا كده كفايه قوي، احنا بقالنا ساعتين بنحضر الشنط وخلاص قفلناهم، ومعنديش استعداد احط حاجه تانيه فيهم، كده كويس قوي،

هنا : ماشي انا هقوم احضر اكل للغدا، واعملي كوباية شاي الأول، وافكر بقه ايه اللي ناقص

احمد : هههههه برده، مصممه ان في حاجه ناقصه، (قرب منها ومسك اديها)، هنا، انتي وحشتيني بجد، وحاسس انك مشغوله عني واني بعيد عنك بقالي كتير قوي

هنا: احمد!!! انا معاك وقدامك، ازاي بقه مشغوله عنك

احمد : اه مشغوله، تفكيرك كله في هاخد ايه، نسيت ايه، هناكل ايه، طب وانا فين، لو كل ده هيشغلك عني، يبقى مش عايز اي حاجه منه، انا عايزك انتي وبس (وزقها في حضنه)

هنا بكسوف : احمد، متهزرش، انا جعانه وعايزه احضر الاكل

احمد. :بس انا مشتاق ليكي انتي، وحضن هنا وضمها ليه بقوه، وهنا بادلته الاحساس، ودخلوا جنة حبهم مع بعض

بعد الوقت الجميل اللي قضيناه

يتبع