البارت 5
رواية المتمرد علي قوانين الحب الفصل الخامس بقلم الكاتبه منة الله الجزار حصريه وجديده على مدونة النجم المتوهج
رواية المتمرد علي قوانين الحب البارت الخامس بقلم الكاتبه منة الله الجزار
رواية المتمرد علي قوانين الحب الحلقه الخامسه بقلم الكاتبه منة الله الجزار
رواية المتمرد علي قوانين الحب الجزء الخامس بقلم الكاتبه منة الله الجزار
رواية المتمرد علي قوانين الحب الفصل الخامس بقلم الكاتبه منة الله الجزار حصريه وجديده على مدونة النجم المتوهج
نبدا بسم الله الرحمن الرحيم
❤❤❤
عند جميلة كانت بسمه فاتحه بؤقها ومش مستوعبه اي اللى بتسمعه ده؟
جميلة.. وبس ياستي دي كل الحكايه.
بسمه بصدمه.. طيب هتعملي ايه يا منيله في المصيبه اللى وقعتي نفسك فيها دي؟
جميلة بحزن.. معرفش.
بسمه.. ده لو حد عرف هيطيروا رقبتك وانتي عارفه المشاكل اللى بين زياد وجمال عامله ازاي و لو عرف اكيد انتي مدبسه في العريس اللى متقدم ليكي ده وبعدين انا قولتلك شعللي غيرته مش توقعي نفسك في مصيبه.
جميلة بدموع.. كنتي عاوزني اعمل ايه زياد مش حاسس بيا خلاص و انتي شايفه بيتعامل معايا ازاي مش بيطقني معرفش عملت ليه ايه عشان يتعامل معايا كدا انا بحبه يا بسمه وهو ولا انا في دماغه اصلا وبعدين هو عاوز واحده بتعرف تلبس محزق وملزق وبشعرها انا كمان سمعت انه اتعرف علي وحده اسمه ليلي عن طريق الزفت اللى اسمه معتز ده ربنا ياخده من يوم ما دخل حياتنا وهو شقلبها بجد هو شيطان علي هيئة انسان نفسي يرجع زياد زي زمان زياد اللى حبيته بجد وبعدين انا اخدت قراري بجد يا بسمه انا موافقه علي احمد هو باين عليه ابن ناس وكويس وهدي نفسي فرصه تاني انا مش هجبره عليا ولا هرمي نفسي عليه.. انا هقول لبابا بليل بعد ما احمد يمشي اني موافقه ويمكن ده نصيبي.
بسمه بحزن.. متاكده من القرار ده؟
جميلة.. انا معنتش حاسه باي شعور خلاص زياد صفحه واتقفلت بالنسبه ليا يا بسمه ويمكن مفيش بينا نصيب عشان كدا بيحصل كل ده وبعدين مفيش حد بياخد مرات حد تاني كلها نصيب.
بسمه.. طيب قومي اغسلي وشك كدا و انا هروح استنكح علي بابا واخد منه فلوس وننزل الكوافير نظبطتك للعتريس بتاع بليل هههه.
جميلة بحزن.. اوك.
قامت جميلة وراحت الحمام عشان تغسل وشها وبسمه راحت لابوها.
❤❤❤❤❤
بسمه.. بابا باااابا باباتي قلبي وروحي حياتشي بااابا.
محمد بضحك.. اكيد عاوزه فلوس ادام فيها محن كدا 😂.
بسمه بدلع.. طبعاً يسطا.
محمد بضحك.. يسطا كنت بربي في ايه انا ده الواد محترم اللى المفروض العكس بس يلا عاوزه فلوس ليه؟
بسمه بتصنع الزعل.. اخس عليك يا حمودي وانا اقول بابا اللى ليا والعين الجونيه تقولي كدا؟
المهم عاوزه فلوس عشان نعدل الاخت للعريس اللى جاي بليل ده هات فلوس يلا عاوزه 5000حته واحده.
محمد بصدمه.. يخراب بيتك يا محمد 5000بحالهم هتعملي بيهم ايه دول كلهم.. دول مزانيه شهر بحاله يابنتي.. امك هتطلقنا لو عرفت.
بسمه.. هتشوف بليل يلا هات الفلوس.. وبعدين هي كدا كدا مطلقنا يلا هات الفلوووووووووس.
ومدت ايدها ليه محمد بعد محايله كتير اداها الفلوس واخدت جميلة ونزلو وهما نازلين قابلو عبد المحسن كان طالع.. سلمو عليه.
عبد المحسن.. عاملين ايه يابنات؟
بسمه وجميله.. الحمدلله حضرتك عامل ايه ياعمو؟
عبد المحسن.. الحمدلله فضل ونعمه من عند ربنا.
بسمه.. بضحك.. شوفت ياعمو حضر نفسك كدا في يوم عشان انت اللى هتكتب كتاب جميلة علي صهري المستقبلي.
عبد المحسن.. بصلها.. ربنا يتمم علي خير يابنتي عنيا ليها.
جميلة.. تسلم عيونك ياعمو.
عبد المحسن.. نازلين ولا ايه انزل معاكم لحد يضايقكم.
بسمه.. احنا نضايق بلد لوحدنا.
عبد المحسن.. هههه طيب جمال فين كان نزل معاكم؟
جميلة.. جمال في الشغل ربنا يعينه.
عبد المحسن.. خلاص استنو اصحي ليكم زياد ينزل معاكم انا ما امنش عليكم الشوارع مبقتش امان يابنتي.
وطلع فتح الباب ونادي... ام زياد صحي زياد عاوزه.
زينب.. صحت زياد وزياد قام.. نعم.
عبد المحسن.. جهز نفسك يلا والبس.
جميلة.. ملوش لزوم ياعمو تتعبه معانا احنا شويه و جاين اصلا.
زياد.. جاين فين انتم نازلين لوحدكم ليه؟
بسمه.. عادي جمال مهوش هنا ومشوار علي السريع وجاين.
ام جميلة.. ونبي يابني روح معاهم دول شويه معتيه لو حد كلمهم هيعيطو.
زياد.. خمس دقايق واكون جاهز متتحركوش من هنا.
بعد خمس دقايق كان لبس ونزل معاهم تحت العماره.
زياد.. رايحين فين؟
بسمه وجميله بصو لبعض بتوتر كانو مكسوفين يقولو ليه اصلا.
زياد برفع حاجب وشك فيهم.. مسمعتش رايحين فين يابت انتي وهي؟
بسمه.. بتوتر.. رايحين الكوافير وبعدين هنشتري شويه حاجات.
زياد.. بسخريه.. هتشيلي شنبك يا بسمه ههه.
بسمه بغيظ.. معنيش شنب ياض وبعدين مش انا اللى رايحه وكملت بخبث.. دي جميلة عشان حمودي بتاعها.
زياد بصلها بضيق.. وبعدين رجع بص لبسمه اللى بتبصله بخبث.. مين حمودي ده هتتجوزي ابوكي يابت؟
جميلة بغيظ.. حمودي ده اسم خطيبي احمد حماده ميدو.
زياد بقرف.. خلاص هترجعي علينا ابو شكلك اتنيلو استنو هنا لحد ما اجيب اوبر وجاي.
مشي وهو مضايق وكان عاوز يضربها بس ليه هو مش عارف.
جميلة بغيظ.. ليه قولتليو كدا اهو اتعصب علينا.
بسمه بخبث.. اتنيلي اصبري ادينا هنشوف.
جميلة بصتلها بشك وفي سرها.. ربنا يسترها.
شويه وزياد جه فتح الشباك.. يلا انتي وهي.
ركبو معاه ومشيو.
في الاوبر.
بسمه.. اركبي جانب زياد عشان انا هركب جانب الشباك.
جميلة فتحت عيونها علي الاخر.. نعم!
بسمه.. هو ايه اللى نعم انجزي بدل ما هيضربنا.
جميلة ركبت جانبه وبسمه جانب الشباك وهي بتبسم بخبث.
زياد.. بضيق.. عارفين العنوان ولا هنلف كتير.
بسمه.. طبعاً عارفين العنوان هو ***
زياد قال العنوان لسواق وراحو هناك
الطريق كان فيه مطباط كتيره كانت جميلة بتخبط في زياد غصب عنها وكانت محروجه اوي وكانت بتحاول تلزق في بسمه عشان زياد لقته واخد جانب بعيد عنهم ومش عارف ياخد راحته.
زياد.. لو سمحت اقف.
السواق وقف وزياد نزل وركب جانبه من قدام.. كمل يسطا.
جميلة قعدت مرتاحه هي وبسمه وكل شويه تبص علي المرايا وهو سند راسه علي الازاز بتاع العربيه وبيبص لطريق.
جميلة كانت بتبص عليه بحسره وحزن.
وصلو الكوافير ودخلو وهو فضل واقف بره اكتر من ساعه وهما دخلو جوه بعد ساعه ونص وهو بينفخ بره.
خرجو اخيرا..
جميلة بتوتر.. اسفين عطلناك معانا.
زياد كان بيشرب سجاير ومديهم ضهره.
لف ليهم واتصدم اول مره يشوفها كدا فضل متنح شويه وهي اتكسفت وبصت في الاخر وهو حمحم وبص في الارض كل ده وبسمه واقفه بتضحك من تحت لتحت.
بسمه راحت حطت ايدها علي كتف جميلة واتكلم بهزار.. حلوه صح يا زوز وكملت بخبث.. يابختك يا احمد امك داعيه ليك 😂.
زياد.. بتوتر.. وحاول يخفيه.. حلوه فين بس ما هي زي ما كانت وبعدين مال امه هو يعني.
زياد.. مايتوتر بيعك الدنيا اكتر 😂
وكمل.. وبعدين دي بس شالت شنبها يعني ايه الفرق ماهي لسه راجل زي ما هي اهي .
جميلة بغيظ..وكملت بدلع.. هو في راجل قمر كدا زيي.
زياد بسخريه.. قمر بستر ياختي يلا، هتروحو ولا هتروحو فين تاني.؟
بسمه.. هنروح نجيب فستان.
زياد بضيق.. ده كله ليه؟
جميلة بستفزاز... يمكن عشان حماده.
زياد... حماده كان بيتريق عليها وبيقلدها.. يلا ياخرت صبري انتي وهي.
راحو يشوفو المحلات عشان يشتروا فستان دخلو محل وكان فيه فساتين كتير حلوة بس البنت اللى كانت هناك كانت عينها من زياد وعماله تدلع عليه وزياد كان بيكلم معاها وبيهزر عادي جميلة من الغيره معتش شايفه قدام ومره واحده وويتبع.
رايكم هتعمل فيها ايه؟
عاوزه تفاعل لو لقيت تفاعل هنزل بارت كمان مني هديه بمناسبه عيد ميلادي ❤
رواية المتمرد علي قوانين الحب
للكاتبه منة الله الجزار.
اشوفكم بخير
باي
إرسال تعليق